Ескерту. Күші жойылды - ҚР Үкіметінің 10.08.2015 № 622 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

      Қазақстан Республикасының Үкіметі ҚАУЛЫ ЕТЕДІ:
      1. «Ішкі су көлігіндегі кеме құжаттарының нысандарын, оларды беру және жүргізу қағидасын бекіту туралы» Қазақстан Республикасы Үкіметінің 2011 жылғы 8 шілдедегі № 781 қаулысына (Қазақстан Республикасының ПҮАЖ-ы, 2011 ж., № 46, 620-құжат) мынадай өзгерістер енгізілсін:
      тақырыбы мынадай редакцияда жазылсын:
      «Ішкі су көлігіндегі кеме құжаттарын беру және жүргізу қағидаларын бекіту туралы»;
      1-тармақ мынадай редакцияда жазылсын:
      «1. Қоса беріліп отырған Ішкі су көлігіндегі кеме құжаттарын беру және жүргізу қағидалары бекітілсін.»;
      көрсетілген қаулымен бекітілген Ішкі су көлігіндегі кеме құжаттарын беру және жүргізу қағидасында:
      2-тармақ мынадай редакцияда жазылсын:
      «2. Кеме журналы Қазақстан Республикасының Мемлекеттік кеме тізілімінде немесе Жалға алынған шетелдік кемелер тізілімінде тіркелген өздігінен жүретін әрбір кемеде жүргізіледі.»;
      21, 22 және 23-тармақтар мынадай редакцияда жазылсын:
      «21. Екінші жолда кеме тұрағының орны (рейд, порт, жағалау атауы), ал жүзіп жүрген кемеде – жүзу ауданы (өзен, канал, су қоймасының, көл, теңіз, олардың шығанағының немесе бөлігінің атауы) көрсетіледі. Бұдан әрі жолда сол бойынша жүзу жүргізілетін немесе кеме тұрағының орны көрсетілген карта нөмірі көрсетілуі мүмкін.
      22. Кеме журналында кеменің тәулік бойғы жұмысы; гидрометеорологиялық деректер; жүзіп өткен қашықтық; навигациялық ахуалдың жай-күйі, оқиғалар мен іс-қимылдар; бас қозғалтқыштардың жұмысы; көмекші қозғалтқыштардың жұмысы туралы мәліметтер қамтылуы тиіс.
      23. Кеменің тәулік бойғы жұмысы туралы мәліметтерді толтыру кезінде:
      1) рейс нөмірі (ол өзгерген кезде жазылып отырады);
      2) іс жүзіндегі дәйектілікпен кеме аялдамаларының пункттері;
      3) кеменің осы аялдама пунктіне жүзіп келген уақыты;
      4) осы пункттен жүзіп кеткен уақыты;
      5) жолаушылар саны (экипажды есепке алу немесе жағалау деректері бойынша), осы аялдама пунктінен жөнелтiлген сәттегi кемедегi жүктiң саны мен атауы;
      6) осы жөнелту пунктінен жөнелтілген сәттегi кеменiң (құрамның) ең үлкен шөгуі көрсетіледі.»;
      24, 25 және 26-тармақтар алынып тасталсын;
      27-тармақ мынадай редакцияда жазылсын:
      «27. Гидрометеорологиялық деректер туралы мәліметтерді толтыру кезінде мыналар көрсетіледі:
      1) ауа райы мен теңіз (су тоғаны) жай-күйі туралы деректер;
      2) желдің нақты бағыты (10⁰ аралықпен градуспен) және оның секундына метр жылдамдығы;
      3) толқындану бағыты (толқындану келетiн бағыт) 10⁰ аралықпен және баллмен көрсетiлген теңiз бетiнiң (көл, су қоймасы) жай-күйі. Өзенде және порт суларында тиiсiнше «өзен», «порт» деп жазылады;
      4) егер су бетiнде мұз болса, онда «М» белгiсi және мұздың тығыздығы баллмен жазылады;
      5) ауа райының жағдайы шартты белгiмен (А-ашық, Б-бұлтты, Тү-түтiн, Тк-түнек, Т-тұман, Ж-жаңбыр, Қ-қар, Бұ-бұршақ, Н-найзағай) және көрiну ұзақтығы километрмен жазылады;
      6) миллиметрмен атмосфералық қысым және сыртқы ауаның температурасы.»;
      28, 29, 30 және 31-тармақтар алынып тасталсын;
      32 және 33-тармақтар мынадай редакцияда жазылсын:
      «32. Өткен қашықтықтар туралы мәліметтерді толтыру кезінде кеменің тұтастай тәулік iшiнде өткен арақашықтығы (километрмен) көрсетіледі.
      33. Навигациялық ахуалдың жай-күйі, оқиғалар мен іс-қимылдар туралы мәліметтерді толтыру кезінде навигациялық ахуалдың жалпы тәулік ішіндегі жай-күйі туралы деректер жазылады.»;
      34-тармақ алынып тасталсын;
      35-тармақтың бірінші бөлігі алынып тасталсын;
      36-тармақ мынадай редакцияда жазылсын:
      «36. Бас қозғалтқыштардың жұмысы туралы мәліметтерді толтыру кезінде бас қозғалтқыштар іске қосылған және тоқтататылған сәттер, сондай-ақ олардың жұмысының ұзақтығы тіркеледі. Қозғалтқыштардың қысқа уақытқа тоқтатылуы тіркелмейді.»;
      37 және 38-тармақтар алынып тасталсын;
      39-тармақ мынадай редакцияда жазылсын:
      «39. Бас қозғалтқыштардың жұмыс тәртібі туралы мәліметтерді толтыру кезінде:
      1) кеменің бас қозғалтқыштарының бақылау аспаптарының көрсетулері, бүтін сағатқа еселенген жазбалар төрт сағаттан сиретпей орындалады;
      2) қозғалтқыштардың айналу жиiлiгi (айн./мин);
      3) майдың сүзгіге дейiнгi қысымы (аспаптарды бөлiктеу бiрлiктерінде);
      4) майдың сүзгіден кейiнгi қысымы (аспаптарды бөлiктеу бiрлiктерінде);
      5) майдың қозғалтқыштан кейінгі температурасы (^оС-та);
      6) судың шығудағы температурасы (^оС-та);
      7) шығатын газдардың температурасы (жалпы) (^оС-та) жазылады.»;
      40 және 41-тармақтар алынып тасталсын;
      42-тармақ мынадай редакцияда жазылсын:
      «42. Көмекші қозғалтқыштардың жұмысы туралы мәліметтерді толтыру кезінде көмекші қозғалтқыштар іске қосылған және тоқтатылған жағдайлар, сондай-ақ олардың жұмысының ұзақтығы тіркеледі.»;
      43, 44 және 45-тармақтар алынып тасталсын;
      46-тармақ мынадай редакцияда жазылсын:
      «46. Кеме рөлі (өздiгiнен жүзетiн кемелер үшiн) – кеме капитаны жасайтын кеме экипажы мүшелерiнiң тiзiмi»;
      47-тармақ алынып тасталсын;
      55-тармақ мынадай редакцияда жазылсын:
      «55. Кеме рөлі былайша толтырылатын мәліметтерді қамтиды:
      1) «тегі, аты және әкесінің аты», «туған күні мен жері», «азаматтығы» – теңізшінің жеке куәлігінде немесе жеке басын куәландыратын өзге де құжатта келтірілген деректер бойынша;
      2) «лауазымы» – халықаралық тасымалдарды жүзеге асыратын кемелерде – кемедегі қызметтік жағдайы туралы теңізшінің жеке куәлігіндегі жазбаға сәйкес.
      Басқа кемелерде – кеме иесінің тұлғаны кеме экипажының мүшесі етіп тағайындау туралы бұйрығына (өкіміне) сәйкес;
      3) «атағы және диплом нөмірі» – біліктілігін растайтын дипломда көрсетілген деректер бойынша;
      4) «теңізшінің жеке куәлігінің немесе жеке басын куәландыратын өзге де құжаттың сериясы мен нөмірі» – теңізшінің жеке куәлігінде немесе жеке басын куәландыратын тиісті құжатта көрсетілген деректер бойынша толтырылады.»;
      57-тармақ мынадай редакцияда жазылсын:
      «57. Радиожурнал ҚТ диапазонындағы радиобайланысқа қатысты мәліметтер тіркелетін құжат болып табылады.»;
      66-тармақ мынадай редакцияда жазылсын:
      «66. Машина журналы, машиналық үй-жайда вахта атқарусыз пайдаланылатын кемелерді қоспағанда, механикалық қозғалтқышы бар кемелерде жүргізіледі.»;
      75-тармақ мынадай редакцияда жазылсын:
      «75. Машина журналында қалыпты параметрлерден ауытқу кезіндегі мәліметтер тіркеледі.»;
      76, 77, 78, 79 және 80-тармақтар алынып тасталсын;
      81-тармақ мынадай редакцияда жазылсын:
      «81. Мәліметтер екіұдай түсінік бермейтін мағынада қысқа әрі түсінікті етіп жазылады.»;
      91-тармақ мынадай редакцияда жазылсын:
      «91. Кемені қарап шығудың бірыңғай кітабын кеме иесі кеме капитанына қол қойғызып береді.»;
      95-тармақ мынадай редакцияда жазылсын:
      «95. Кемені қарап тексеру нәтижелері бойынша аумақтық бөлiмшенiң қызметкері кеменің атауын (нөмірін) және тіркеу нөмiрiн, кеме иесін, қарап тексеру күнін көрсете отырып, кемені қарап тексеру актісін жасайды. Қазақстан Республикасының ішкі су көлігі туралы заңнамасын бұзушылықтар анықталған жағдайда, аумақтық бөлімшенің қызметкері анықталған бұзушылықтардың тiзбесiн және оларды жою мерзiмдерiн көрсете отырып, нұсқама шығарады. Кеме құжаттары болмаған кезде және жүзу қауіпсіздігіне қатер төнген жағдайларда, аумақтық бөлімшенің қызметкері кеменің (құрамның) қозғалысына тыйым салу туралы шешім қабылдайды, бұл жөнінде кеме капитаны кеме иесіне хабарлайды.
      Кемені қарап тексеру актісі мен нұсқама екі данада жасалады және оларға аумақтық бөлімшенің қызметкері мен капитан (бірінші штурман немесе капитанның аға көмекшісі) қол қояды. Капитан (бірінші штурман немесе капитанның аға көмекшісі) кемені қарап тексеру актісіне немесе нұсқамаға қол қоюдан бас тартқан жағдайда, бас тартудың мәлімделген себептері көрсетіле отырып жазба жасалады.
      Кемені қарап тексеру актісінің және нұсқаманың бірінші данасы кемеде, екіншісі аумақтық бөлімшеде кеме ісінде сақталады.»;
      100-тармақ мынадай редакцияда жазылсын:
      «100. Кеме экипажы құрамының Кемелер экипаждарының ең аз құрамына қойылатын талаптарға сәйкестігі кеме экипажының ең аз құрамы туралы куәлікпен куәландырылады.».
      2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

      Қазақстан Республикасының
      Премьер-Министрі                                     С. Ахметов