1. Оңтүстiк Қазақстан облысы әкiмдiгiнiң облыстық табиғи ресурстар және табиғатты пайдалануды реттеу басқармасының Өгем, Төле би, Түлкiбас ормандарды және жануарлар дүниесiн қорғау мемлекеттiк мекемелерi Оңтүстiк Қазақстан облысы әкiмдiгiнiң коммуналдық меншiгiндегi мүлiктiк кешендер ретiнде республикалық меншiкке қабылдансын.
2. Оңтүстiк Қазақстан облысының әкiмi Қазақстан Республикасы Қаржы министрлiгiнiң Мемлекеттiк мүлiк және жекешелендiру комитетiмен және Қазақстан Республикасы Ауыл шаруашылығы министрлiгiнiң Орман және аңшылық шаруашылығы комитетiмен бiрлесiп, заңнамада белгiленген тәртiппен осы қаулының 1-тармағын iске асыру жөнiндегi қажеттi iс-шараларды жүзеге асырсын.
3. Оңтүстiк Қазақстан облысы әкiмдiгiнiң облыстық табиғи ресурстар және табиғатты пайдалануды реттеу басқармасының Өгем, Төле би, Түлкiбас ормандарды және жануарлар дүниесiн қорғау мемлекеттiк мекемелерi Қазақстан Республикасы Ауыл шаруашылығы министрлiгi Орман және аңшылық шаруашылығы комитетiнiң "Сайрам-Өгем" мемлекеттiк ұлттық табиғи паркi" мемлекеттiк мекемесiне (бұдан әрi - мекеме) қосылу жолымен қайта ұйымдастырылсын.
4. Осы қаулыға қосымшаға сәйкес Оңтүстiк Қазақстан облысы Қазығұрт және Төле би аудандарының аумағындағы босалқы жер санатынан жалпы алаңы 11100 гектар жер учаскесi алынып қойылсын және олар тұрақты жер пайдалану құқығымен мекемеге берiлсiн.
5. Осы қаулыға қосымшада көрсетiлген мекеменiң жер учаскелерi ерекше қорғалатын табиғи аумақтар жерiнiң санатына жатқызылсын, ал осы аумақтағы ормандар "мемлекеттiк ұлттық табиғи парктер ормандары" мемлекеттiк орман қорының санатына жатқызылсын.
6. Оңтүстiк Қазақстан облысының әкiмдiгi осы аймақ шегiнде экологиялық жүйелердiң жай-күйiне терiс әсер ететiн кез келген қызметке тыйым сала отырып, мекеме жерiнiң айналасында күзет аймағын белгiлесiн.
7. Қазақстан Республикасы Жер ресурстарын басқару агенттiгi Қазақстан Республикасы Ауыл шаруашылығы министрлiгiнiң Орман және аңшылық шаруашылығы комитетiмен бiрлесiп, белгiленген тәртiппен жергiлiктi жерде мекеме жерiнiң шекарасын белгiлесiн.
8. Қазақстан Республикасы Ауыл шаруашылығы министрлiгiнiң Орман және аңшылық шаруашылығы комитетi белгiленген тәртiппен:
1) мекеме туралы Ереженi бекiтсiн және оның әдiлет органдарында мемлекеттiк тiркелуiн қамтамасыз етсiн;
2) осы қаулыдан туындайтын өзге де шараларды қабылдасын.
9. Мекеменi қаржыландыру республикалық бюджетте тиiстi жылға арналған ерекше қорғалатын табиғи аумақтарды ұстауға көзделетiн қаражат есебiнен және шегiнде республикалық бюджеттен жүзеге асырылады деп белгiленсiн.
10. Қазақстан Республикасы Үкiметiнiң кейбiр шешiмдерiне мынадай толықтырулар мен өзгерiстер енгiзiлсiн:
1)
(күші жойылды - Қазақстан Республикасы Үкіметінің 2008.04.15
N 339
Қаулысымен)
2) "Қазақстан Республикасы Ауыл шаруашылығы министрлiгiнiң кейбiр мәселелерi" туралы Қазақстан Республикасы Yкiметiнiң 2005 жылғы 6 сәуiрдегi N 310
қаулысында
(Қазақстан Республикасының ПҮКЖ-ы, 2005 ж., N 14, 168-құжат):
көрсетiлген қаулымен бекiтiлген Қазақстан Республикасы Ауыл шаруашылығы министрлiгi Орман және аңшылық шаруашылығы комитетiнiң қарамағындағы ұйымдардың тiзбесi мынадай мазмұндағы реттiк нөмiрi 21-1-жолмен толықтырылсын:
"21-1. "Сайрам-Өгем мемлекеттiк ұлттық табиғи паркi мемлекеттiк мекемесi";
3)
күші жойылды
Ескерту. 3) тармақшаның күші жойылды - ҚР Үкіметінің 2006.11.10. N
1074
(алғаш рет ресми жарияланған күнiнен бастап қолданысқа енгiзiледi) қаулысымен.
11. Осы қаулы қол қойылған күнiнен бастап қолданысқа енгiзiледi.
Қазақстан Республикасының
Премьер-Министрi
Қазақстан Республикасы
Үкiметiнiң
2006 жылғы 26 қаңтардағы
N 52 қаулысына
қосымша
"Қазақстан Республикасы Ауыл шаруашылығы министрлiгi
Орман және аңшылық шаруашылығы комитетiнiң
"Сайрам-Өгем мемлекеттiк ұлттық табиғи паркi"
мемлекеттiк мекемесiне тұрақты жер пайдалануға
берiлетiн Оңтүстік Қазақстан облысының
аумағындағы жер учаскелерiнiң экспликациясы
|
Р/с
|
Жер санаты және ауыл шаруашылығы
|
Алаңы, га |
|
1 |
Қазығұрт ауданы
-
|
|
|
2 |
Төле би ауданы
-
|
|
|
3 |
Түлкiбас ауданы
-
|
|
|
|
Барлығы: |
149053 |
