Қазақстан Республикасының Үкiметi, Қазақстан Республикасының Премьер-Министрі тағайындайтын, онымен келiсу бойынша немесе оның ұсынуымен тағайындалатын лауазымды адамдар бойынша кадр мәселелерiн шешу тәртібі туралы

      Ескерту. Қаулының тақырыбы жаңа редакцияда - ҚР Үкіметінің 18.03.2021 № 145 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

      Кадр мәселелерiн шешу тетiгiн жетiлдiру мақсатында Қазақстан Республикасының Үкiметi қаулы етеді:

      1. Қоса беріліп отырған:

      1) Қазақстан Республикасының Үкіметі, Қазақстан Республикасының Премьер-Министрі тағайындайтын, онымен келiсу бойынша немесе оның ұсынуымен тағайындалатын саяси мемлекеттік қызметшілер мен өзге де лауазымды тұлғалар лауазымдарының тізбесі;

      2) Қазақстан Республикасының Үкіметі, Қазақстан Республикасының Премьер-Министрі тағайындайтын, онымен келiсу бойынша немесе оның ұсынуымен тағайындалатын мемлекеттік саяси қызметшілер мен өзге де лауазымды адамдарды лауазымға келісу, лауазымға тағайындау және лауазымнан босату тәртібі туралы қағидалар;

      3) бірінші басшылары Қазақстан Республикасы Премьер-Министрінің ұсынуы бойынша немесе онымен келісу бойынша лауазымға тағайындалатын немесе лауазымнан босатылатын, сондай-ақ Қазақстан Республикасы Үкіметінің шешімі бойынша лауазымға тағайындалатын немесе лауазымнан босатылатын ұлттық басқарушы холдингтердің, ұлттық холдингтердің, ұлттық компаниялардың, коммерциялық емес акционерлік қоғамдардың, даму институттарының, мемлекеттік жоғары және (немесе) жоғары оқу орнынан кейінгі білім беру ұйымдарының және өзге де ұйымдардың тізімі бекітілсін.

      2. Мыналардың күшi жойылды деп танылсын:

      1) "Қазақстан Республикасының Үкiметi тағайындайтын және бекiтетiн немесе олармен келiсiм бойынша тағайындалатын және бекiтілетiн мемлекеттiк органдар басшы қызметкерлерінің лауазымдар тiзбесi туралы" Қазақстан Республикасы Үкiметiнiң 1996 жылғы 29 наурыздағы N 373 қаулысы;

      2) Қазақстан Республикасы Премьер-Министрінің 1998 жылғы 4 маусымдағы N 101 өкімі.

      3. Осы қаулы қол қойылған күнінен бастап күшіне енеді.

      Қазақстан Республикасының

      Премьер-Министрі

      Қазақстан Республикасы
Үкіметінің
2002 жылғы 16 шілдедегі
№ 784 қаулысымен
бекітілген

      Қазақстан Республикасының Үкіметі, Қазақстан Республикасының Премьер-Министрі тағайындайтын, онымен келiсу бойынша немесе оның ұсынуымен тағайындалатын саяси мемлекеттік қызметшілер мен өзге де лауазымды тұлғалар лауазымдарының тізбесі

      Ескерту. Тізбенің тақырыбы жаңа редакцияда - ҚР Үкіметінің 18.03.2021 № 145 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

      Ескертпе:

      * "Мемлекеттік билік органдары жүйесіндегі кадр саясатының кейбір мәселелері туралы" Қазақстан Республикасы Президентінің 2002 жылғы 29 наурыздағы № 828 Жарлығына сәйкес осы кадрлар бірінші басшылары Премьер-Министрдің ұсынуы немесе онымен келісу бойынша лауазымға тағайындалатын немесе лауазымнан босатылатын, сондай-ақ Қазақстан Республикасы Үкіметінің шешімі бойынша лауазымға тағайындалатын және лауазымнан босатылатын ұлттық басқарушы холдингтердің, ұлттық холдингтердің, ұлттық компаниялардың, коммерциялық емес акционерлік қоғамдардың, даму институттарының, мемлекеттік жоғары және (немесе) жоғары оқу орнынан кейінгі білім беру ұйымдарының және өзге де ұйымдарының тізіміне сәйкес Қазақстан Республикасы Президентімен немесе оның тапсырмасы бойынша оның Әкімшілігі Басшысымен міндетті түрде келісуден өтеді.

      ** кандидатураларды талқылау "Қазақстан Республикасының Қауіпсіздік Кеңесі туралы" Қазақстан Республикасының Заңы 3-бабы 8) тармақшасына сәйкес жүзеге асырылады.

Қазақстан Республикасының Үкіметі, Қазақстан Республикасының Премьер-Министрі тағайындайтын, онымен келiсу бойынша немесе оның ұсынуымен тағайындалатын мемлекеттік саяси қызметшілер мен өзге де лауазымды адамдарды лауазымға келісу, лауазымға тағайындау және лауазымнан босату тәртібі туралы қағидалар

      Ескерту. Қағидалар жаңа редакцияда - ҚР Үкіметінің 17.03.2023 № 236 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

      1. Қазақстан Республикасының Үкіметі, Қазақстан Республикасының Премьер-Министрі (бұдан әрі – Премьер-Министр) тағайындайтын, онымен келiсу бойынша немесе оның ұсынуымен тағайындалатын мемлекеттік саяси қызметшілер мен өзге де лауазымды адамдарды лауазымға тағайындау немесе лауазымнан босату туралы ұсыныстарды – тиісті мемлекеттік органның басшысы, Қазақстан Республикасы Үкімет Аппаратының мемлекеттік қызметшілерін – Үкімет Аппаратының Басшысы, өзге де лауазымды адамдарды тиісті ұйымдардың басшылары ұсынылып отырған тағайындау немесе босату себептері мен дәлелдерін, сондай-ақ тиісті лауазымға қойылатын біліктілік талаптарына кандидаттың өзінің сәйкес келуін көрсете отырып, қағаз жеткізгіште және (немесе) электронды түрде Премьер-Министрдің қарауына енгізеді.

      Үкімет, Премьер-Министр тағайындайтын, онымен келiсу бойынша немесе оның ұсынуымен тағайындалатын мемлекеттік саяси қызметшілер мен өзге де лауазымды адамдарды лауазымға тағайындау және (немесе) тағайындауды келісу үшін Қазақстан Республикасы Үкіметінің Аппаратына (бұдан әрі – Үкімет Аппараты):

      1) кандидаттың іскерлік және жеке қабілеттері көрсетілген ұсыным;

      2) кандидаттың суретімен бірге қызметтік тізімі;

      3) міндетті арнайы тексерістен өткендігі туралы мәліметтері жіберіледі.

      Үкімет, Премьер-Министр тағайындайтын, онымен келiсу бойынша немесе оның ұсынуымен тағайындалатын мемлекеттік саяси қызметшілер мен өзге де лауазымды адамдарды лауазымнан босату және (немесе) босатуды келісу үшін Үкімет Аппаратына:

      1) қызметтен болжамды босатудың нақты себептері мен дәлелдері көрсетілген ұсыныс;

      2) кандидаттың суретімен бірге қызметтік тізімі;

      3) өтініші (қызметтен өз тілегі бойынша босатылған жағдайда) жіберіледі.

      Ұсынылған материалдарды Үкімет Аппаратының Бақылау және құжаттамалық қамтамасыз ету бөлімі тіркейді және осы Қағидаларды белгіленген талаптарға сәйкес келуіне тексеру жүргізу үшін Үкімет Аппаратының Кадр жұмысы бөліміне (бұдан әрі – Бөлім) дереу жібереді.

      Ұсынылған құжаттар топтамасы толық болмаса, кандидаттар біліктілік талаптарына сәйкес келмесе, қызметтік тізімі дұрыс болмаса Бөлім құжаттарды қараусыз қалдыруға және материалдарды мемлекеттік органға қайтаруға құқылы.

      2. Премьер-Министрдің немесе Үкімет Аппараты Басшысының тапсырмасы бойынша лауазымға тағайындауға не атқаратын лауазымынан босатуға ұсынылатын кандидаттарды Премьер-Министрдің тиісті орынбасарлары алдын ала зерделей алады.

      Ұсынылған материалдарды талдау барысында тағайындалатын немесе босатылатын лауазымды тұлғаның іскерлік және жеке қабілеттері оны Үкімет Аппаратына әңгімелесуге шақыру арқылы зерделенеді, қосымша құжаттар сұратылуы мүмкін. Келісілетін кандидатураларды зерделеу мақсатында Үкімет Аппараты Басшысының тапсырмасы бойынша мемлекеттік органдарға сұрау салулар жіберілуі мүмкін.

      Бөлімде материалдарды қарау мерзімі жеті жұмыс күнінен аспайды.

      Тексеру жүргізілгеннен кейін ұсынылған құжаттар Үкімет Аппараты Басшысының қарауына беріледі, ол өз кезегінде тағайындауға немесе босатуға кандидаттар туралы Премьер-Министрге жеке баяндайды.

      Мұндай құжаттарды қабылдау бөлмелерінің мамандары және Үкімет пен Үкімет Аппараты Басшылығының көмекшілері арқылы беруге жол берілмейді.

      Қабылданған шешім туралы мемлекеттік органдарға хабарламаны Бөлім бір күн ішінде жібереді.

      3. Премьер-Министрдің келісімін алғаннан кейін Бөлім лауазымды тұлғаларды тағайындау немесе босату бойынша Үкімет қаулылары мен Премьер-Министрдің өкімдерін дайындайды.

      Премьер-Министрдің тиісті келісімін алғанға дейін кандидаттарды лауазымға тағайындау немесе лауазымнан босату туралы шешім қабылдауға жол берілмейді.

      4. Үкімет тағайындайтын не Премьер-Министрмен немесе оның тапсырмасы бойынша Үкімет аппаратының Басшысымен келісу бойынша тағайындалатын кадрлар бойынша келісу нәтижесі ұсынысқа Үкімет Аппараты Басшысының қарары түрінде ресімделеді және тиісті орталық атқарушы органға жіберіледі.

      5. "Мемлекеттік билік органдары жүйесіндегі кадр саясатының кейбір мәселелері туралы" Қазақстан Республикасы Президентінің 2002 жылғы 29 наурыздағы № 828 Жарлығына сәйкес Қазақстан Республикасының Президентімен немесе оның тапсырмасы бойынша Қазақстан Республикасы Президентінің Әкімшілігі (бұдан әрі — Президент Әкімшілігі) Басшысымен, Қауіпсіздік Кеңесінің Хатшысымен келісу бойынша тағайындалуы немесе босатылуы тиіс мемлекеттік қызметшілер мен өзге де лауазымды адамдар жөніндегі тиісті орталық атқарушы органның басшысы қол қойған және Бөлімге енгізілген ұсыныстар Үкімет Аппараты Басшысында және Премьер-Министрде алдын ала келісілгеннен кейін лауазымға тағайындауға немесе лауазымнан босатуға келісім беру туралы ұсыныс хатпен Президент Әкімшілігінің Мемлекеттік қызмет және кадр саясаты бөліміне жолданады. Ол Президент Әкімшілігінде келісуді ұйымдастырады, содан кейін Бөлімге ұсынылатын не босатылатын кандидатура жөнінде жауапты хабарлайды.

      Келісу рәсімі аяқталған соң лауазымға тағайындау не лауазымнан босату туралы дайындалған құжаттарды Үкімет Аппаратының Басшысы Премьер-Министрге қол қоюға енгізеді.

      6. Ротация шеңберінде саяси мемлекеттік қызметшілерге және "А" корпусының мемлекеттік әкімшілік қызметшілеріне жатқызылған лауазымдарға тағайындау Қазақстан Республикасының Президенті бекітетін Ротация жүргізу қағидаларында көзделген тәртіппен жүзеге асырылады.

      Қазақстан Республикасы
Үкіметінің
2002 жылғы 16 шілдедегі
№ 784 қаулысымен
бекітілген

Бірінші басшылары Премьер-Министрдің ұсынуы немесе онымен келісу бойынша лауазымға тағайындалатын немесе лауазымнан босатылатын, сондай-ақ Қазақстан Республикасы Үкіметінің шешімі бойынша лауазымға тағайындалатын және лауазымнан босатылатын ұлттық басқарушы холдингтердің, ұлттық холдингтердің, ұлттық компаниялардың, коммерциялық емес акционерлік қоғамдардың, даму институттарының, мемлекеттік жоғары және (немесе) жоғары оқу орнынан кейінгі білім беру ұйымдарының және өзге де ұйымдарының тізімі

      Ескерту. Тізімнің тақырыбы жаңа редакцияда - ҚР Үкіметінің 22.09.2021 № 656 қаулысымен.
      Ескерту. Қаулы тізіммен толықтырылды - ҚР Үкіметінің 2009.09.11. N 1348; жаңа редакцияда - ҚР Үкіметінің 20.03.2015 N 153; өзгерістер енгізілді - ҚР Үкіметінің 11.11.2016 № 696 ; 01.03.2017 № 100; 10.03.2017 № 112; 05.10.2017 № 622; 19.04.2019 № 215; 20.12.2019 № 955; 26.12.2019 № 979 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 08.09.2020 № 557; 31.12.2020 № 952; 18.03.2021 № 145 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) ; 22.09.2021 № 656; 06.12.2021 № 865; 05.08.2022 № 540 қаулыларымен.

      Ескертпе: аббревиатуралардың толық жазылуы:

      АҚ - акционерлік қоғам

      ҰК - ұлттық компания

      ЖШС - жауапкершілігі шектеулі серіктестік

      КеАҚ – коммерциялық емес акционерлік қоғам