1. Бекiтiлсiн:
1) Тауарларды жою кеден режимiнде кедендiк ресiмдеу тәртiбi туралы Нұсқаулық (N 1 қосымша).
2) Жою туралы актiнiң нысаны (N 2 қосымша).
2. "Жою кеден режимi туралы ереженi бекiту туралы" Қазақстан Республикасы Министрлер кабинетiнiң жанындағы Кеден комитетiнiң 1995 жылғы 17 қазандағы N 148-П V950130_ бұйрығы күшi жойылған деп танылсын.
3. Құқықтық қамсыздандыру басқармасы (Г. Мұхамедиева) осы бұйрықтың мемлекеттiк тiркелуiн қамтамасыз етсiн.
4. Кеден режимдерi мен кедендiк ресiмдеудi бақылауды ұйымдастыру Бас басқармасы (М. Байбұлов) осы бұйрықтың жүзеге асуын қамтамасыз етсiн.
5. Баспасөз қызметi (Г. Исахан) осы бұйрықтың жариялануын қамтамасыз етсiн.
6. Осы бұйрықтың орындалуын бақылау Төрағаның орынбасары Б. Жұмабаевқа жүктелсiн.
7. Бұйрық мемлекеттiк тiркелген күнiнен бастап күшiне енеді.
Төраға
N 1 қосымша
Қазақстан Республикасы
Мемлекеттік кіріс министрлігі
Кеден комитетінің
1999 жылғы 2 желтоқсан N 596-Б
бұйрығымен бекітілді
Жою кеден режимiнде тауарларды
ресiмдеу тәртiбi туралы
Нұсқаулық
1. Жалпы ережелер
1. "Қазақстан Республикасындағы кеден iсi туралы" Қазақстан Республикасы Заңының (бұдан әрi - Заң) 100-бабына сәйкес тауарларды жою кеден режимi оларды пайдалануға жарамсыз жағдайға келтiрудi қоса кеден бақылауында, кеден баждарын алусыз және бейтарифтiк реттеу шараларын қолданусыз тауарларды жоюға арналған.
2. Тауарларды жоюға мұндай жоюдың мүмкiндiгi туралы Қазақстан Республикасының денсаулық сақтау жөнiндегi Агенттiгiнiң және Қазақстан Республикасы Табиғи ресурстары және қоршаған ортаны қорғау министрлiгiнiң аумақтық органдары беретiн қорытынды болған кезде жол берiледi.
3. Тауарларды жою мүдделi адаммен өз есебiнен жүргiзiледi және Қазақстан Республикасының кеден органдарына қандай да болсын шығындар келтiрмеуге тиiс.
4. Жою кеден режимi өтiнiшiнiң заңдылығы үшiн, сондай-ақ осы режим шарттарының сақталуы үшiн кеден органдарының алдындағы жауапкершiлiк мағлұмдаушыға жүктеледi.
2. Жою кеден режимiн қолданудың шарттары
5. Жою кеден режимiне Қазақстан Республикасының кеден шекарасы арқылы нақты тасымалданған, әкелiнетiн шетел тауарлары орналастырылады.
6. Жою кеден режимiне:
1) бұйымдар мен материалдар ретiнде пайдаланылуы мүмкiн тауарлар, Қазақстан Республикасы Үкiметiнiң шешiмiне сәйкес жекелеген тауарлардан басқа;
2) Қазақстан Республикасы және шетел мемлекеттерi халықтарының көркем, тарихи және археологиялық игiлiгiнiң заттары;
3) жоғалу қаупiндегi жануарлардың және өсiмдiктердiң түрлерi, олардың бөлшектерi мен дериваттары, эпидемия мен эпизотиялардың жолын кесу мақсатында кешiктiрмей жою талап етiлетiн жағдайлардан басқа;
4) кеден органдарымен кепiлдеме заттары ретiнде қабылданған тауарлар мен көлiк құралдары - кепiлдеме қатынастары тоқтағанға дейiн;
5) қылмыстар мен кеден ережелерiнiң бұзушылықтары туралы iстер бойынша айырылған тауарлар мен көлiк құралдары;
6) тыйым салынған тауарлар мен көлiк құралдары;
7) сотпен тәркiлеу туралы шешiм қабылданған тауарлар мен көлiк құралдары орналастырылмайды.
7. Кеден органы тауарлар мен көлiк құралдарын жою кеден режимiне орналастыруға:
1) егер тауарлар мен көлiк құралдарын жою қоршаған табиғи ортаға айтулы зиян келтiретiн болса;
2) егер тауарлар мен көлiк құралдарын жою Қазақстан Республикасының кеден органдары үшiн шығындар келтiрсе немесе келтiруi мүмкiн болса;
3) егер кеден органында тауарлар мен көлiк құралдарын нақты жоюды бақылауды жүзеге асыру мүмкiндiгi болмаса рұқсат бермейдi.
8. Жою:
1) нәтижесiнде тауарлар мен көлiк құралдары толығымен жойылатын жылу, химиялық, механикалық немесе өзге жолдармен (өртеу, қирату, көму және т.б.);
2) тесiктер жасау, жарықшақтау, мұндай зақым келтiрулер тауарлар мен көлiк құралдарын қайта қалпына келтiру және оны бастапқы түрiнде пайдалану мүмкiндiгiн болдырмайтын жағдайлар кезiнде өзге тәсiлдермен зақым келтiрудi қоса, демонтаж, бөлшектеу, механикалық бұзу жолымен жүргiзiледi.
9. Тауарлар мен көлiк құралдарын жою "Қоршаған ортаны қорғау туралы" Қазақстан Республикасының Заңын сақтаумен жүргiзiледi.
10. Заңның 102-бабына сәйкес тауарларды жою нәтижесiнде пайда болған қалдықтар оларды одан әрi пайдалану мүмкiндiгi болған жағдайда, жою режимiн мәлiмдеген тұлға арқылы олар кеден бақылауындағы шетел тауарлары ретiнде тиiстi кеден режимiнде немесе кеден iсi жөнiндегi нормативтiк құқықтық актiлермен көзделген жағдайларда отандық тауарлар ретiнде орналастырылуға тиiс.
11. Кеден органы қалдықтарды кедендiк ресiмдеу орнын анықтайды.
Кеден органы қалдықтарды уақытша сақтау орындарына орналастыруға жататындығын анықтайды.
12. Қалдықтар болып табылатын тауарларды шығару немесе таңдап алынған кеден режимiне сәйкес тұлғаның өкiмiне беру Қазақстан Республикасының кеден заңдарына сәйкес жүзеге асырылады.
3. Жою кеден режимiне орналастырылатын
тауарларды кедендiк ресiмдеу
13. Жою кеден режимiне орналастырылатын тауарлар көлiк құралдарын кедендiк ресiмдеудi қызмет аймағында осындай тауарлар мен көлiк құралдары орналасқан кеден органы жүргiзедi.
14. Жою кеден режимiне орналастырылған тауарлар кедендiк жүк мағлұмдамасын толтыру тәртiбi туралы Нұсқаулыққа сәйкес толтырылған кедендiк жүк мағлұмдамасын кеден органына тапсыру жолымен белгiленген тәртiпте мағлұмдалады.
15. Кеден мағлұмдамасымен бiр уақытта кеден органына жүк және тауарға iлеспе құжаттары (жөнелтпе құжаттар, коносаменттер, шот-фактуралар және т.б.), сондай-ақ кедендiк ресiмдеу өндiрiсi мен кеден бақылауын жүргiзу үшiн қажеттi өзге құжаттар тапсырылады.
16. Тауарларды тасымалдаушы тұлға немесе тасымалдаушы көлiк құралдары қатысында кеден органына жою актiн осы кеден органының белгiлеген мерзiмдерiнде тапсыруға мiндеттi.
4. Қорытынды ережелер
17. Тауарлар мен көлiк құралдарын жою кеден бақылауында жүргiзiледi.
18. Тауарлар мен көлiк құралдарын нақты жою туралы N 2 Қосымшада келтiрiлген нысан бойынша акт жасалады. Аталған актiге тауарды тасымалдаушы тұлғаның уәкiлеттi өкiлi немесе тасымалдаушы, тауарлар мен көлiк құралдарын нақты жою кезiнде қатысқан өзге тұлғалар қол қояды.
Жою кеден режимiнде
кедендiк ресiмдеу тәртiбi
туралы Нұсқаулыққа
N 2 қосымша
________________________________________________________________
(кеден органының атауы)
Тауарларды жою туралы
Акт
Осы акт 199__ж. "____"___________________________жасалды,
төменде аталған тұлғалардың қатысуымен жою жүргiзiлдi
________________________________________________________________
(тауарлар мен көлiк құралдарының атауы, жеке белгiлерi,
________________________________________________________________
саны (мөлшерi, салмағы және т.б.), сондай-ақ оларды жою
тәсiлдерi мен орны.
Жою нәтижесiнде алынғандар:_____________________________________
(қалдықтардың атауы, жеке белгiлерi,
________________________________________________________________
саны (мөлшерi, салмағы және т.б.)
Жою кезiнде қатысқандар:
________________________________________________________________
(жою кезiнде қатысқан тұлғалардың қызметi, жұмыс орны, аты-жөнi)
________________________________________________________________
қолы
________________________________________________________________
(тауарлар мен көлiк құралдарын жою кеден режимiне орналастырған
тұлғаның уәкiлеттi өкiлiнiң қызметi және аты-жөнi) қолы
________________________________________________________________
(кеден органы лауазымды тұлғасының қызметi мен аты-жөнi қолы)
М.О.
Оқығандар:
Багарова Ж.А.
Икебаева А.Ж.