Қазақстан Республикасы мәслихаттарының депутаттарын, әкімдерін сайлауға әзірлік және өткізуге байланысты құжаттарды сақтаудың, мұрағатқа тапсырудың және жоюдың Ережесі туралы

Қазақстан Республикасы Орталық сайлау комиссиясы 1999 жылғы 2 қазандағы N 33/251 қаулысы. Қазақстан Республикасының Әділет министрлігінде 1999 жылғы 08 қазанда тіркелді. Тіркеу N 932

Жаңартылған

       Ескерту: Қаулының атауына өзгерту енгізілді - ҚР Орталық Сайлау комиссиясы төрағасының 2006 жылғы 22 тамыздағы 2006 жылғы 22 тамыздағы  N 71/139   (қолданысқа енгізілу тәртібін    3-тармақтан   қараңыз)  қаулысымен .

      Қазақстан Республикасының "Қазақстан Республикасындағы сайлау туралы" Конституциялық  заңының  12 бабының 6) тармақшасына, Қазақстан Республикасы Министрлер Кабинетінің 1992 жылғы 30 маусымдағы N 562  қаулысымен  бекітілген бірлестіктерде, кәсіпорындарда, мекемелер мен ұжымдарда Қазақстан Республикасының барлық ұйымдық-құқықтық нысандарында құжаттамалармен құжаттаудың және басқарудың Негізгі ережелеріне сәйкес Қазақстан Республикасының Орталық сайлау комиссиясы қаулы етеді: 
      1. Қазақстан Республикасы мәслихаттарының депутаттарын, әкімдерін сайлауға әзірлік пен өткізуге байланысты құжаттарды сақтаудың, мұрағаттарға тапсырудың және жоюдың ұсынылған Ережесі бекітілсін.
       Ескерту: 1-тармаққа өзгерту енгізілді - ҚР Орталық Сайлау комиссиясы төрағасының 2006 жылғы 22 тамыздағы 2006 жылғы 22 тамыздағы  N 71/139   (қолданысқа енгізілу тәртібін    3-тармақтан   қараңыз)  қаулысымен .
      2. Қазақстан Республикасы Орталық сайлау комиссиясының "Қазақстан Республикасы мәслихаттарының депутаттарын сайлау жөніндегі құжаттарды сақтаудың тәртібі туралы" 1996 жылғы 19 наурыздағы  N 51 , Қазақстан Республикасының Әділет министрлігінде 1997 жылғы 6 мамырда тіркелген, тіркелу N 298 қаулысының күші жойылды деп танылсын. 
      3. Мәслихаттар депутаттарын сайлау жөніндегі аумақтық, округтік, учаскелік сайлау комиссиялары олардың қызмет процестерінде құралған құжаттарды сақтауға, есеп жүргізуге, өңдеу сапасына және пайдалануға, сондай-ақ Қазақстан Республикасының тиісті сайлау комиссиясына, мемлекеттік мұрағаттарға тапсыруға және белгіленген мерзімде жоюға жауапты болады. 
      4. Осы қаулы әкімдерге және мәслихаттар депутаттарын сайлау жөніндегі округтік, облыстық, қалалық, республикалық маңызы бар қала, Республика астанасы сайлау комиссияларына, Қазақстан Республикасының Орталық мемлекеттік мұрағатына, Қазақстан Республикасы мәдениет, ақпарат және қоғамдық келісім министрлігіне жіберілсін.
      5. Осы қаулы Қазақстан Республикасының Әділет министрлігі оны тіркеген сәттен бастап күшіне енеді.     

      Қазақстан Республикасы 
      Орталық сайлау комиссиясының 
      төрайымы     

      Қазақстан Республикасы 
      Орталық сайлау комиссиясының 
      хатшысы 

Қазақстан Республикасы   
Орталық сайлау комиссиясының
1999 жылғы 2 қазандағы   
N 33/251 Қаулысымен    
Бекітілген         

  Қазақстан Республикасы мәслихаттарының депутаттарын,
әкімдерін сайлауға әзірлік және өткізуге
байланысты құжаттарды сақтаудың, мұрағаттарға
тапсырудың және жоюдың
Ережесі  

       Ескерту: Ереженің атауына өзгерту енгізілді - ҚР Орталық Сайлау комиссиясы төрағасының 2006 жылғы 22 тамыздағы 2006 жылғы 22 тамыздағы  N 71/139   (қолданысқа енгізілу тәртібін    3-тармақтан   қараңыз)  қаулысымен .

      1. Қазақстан Республикасының Орталық сайлау комиссиясында сақтауға, кейіннен Қазақстан Республикасының Орталық мемлекеттік мұрағатына тапсыруға мынадай құжаттар: 
      Қазақстан Республикасының Орталық сайлау комиссиясы істерінің номенклатурасына сәйкес бекітілген қаулылары, мәжілістерінің хаттамалары, оған қоса қосымшалары және басқа да құжаттар; 
      Қазақстан Республикасы мәслихаттарының депутаттарын, әкімдерін сайлауға әзірлікке және өткізуге бөлінген республикалық бюджеттің қаржысын жұмсау туралы қаржылық есеп беру (N 2 нысан "Мекемелердің сметалық шығынының орындалуы туралы есеп"); 
      Қазақстан Республикасы мәслихаттарының депутаттарын, әкімдерін сайлауға әзірлік және өткізу кезеңінде Қазақстан Республикасының "Қазақстан Республикасындағы сайлау туралы"  Конституциялық заңының , "Қазақстан Республикасы Президентінің Жарлығымен бекітілген әкімдердің сайлауын өткізу  ережесінің  бұзылғаны жөнінде азаматтардың Қазақстан Республикасының Орталық сайлау комиссиясына келіп түскен өтініштері; 
      Қазақстан Республикасы мәслихаттарының депутаттарын, әкімдерін сайлау жөніндегі сақтауға жатқызылмайтын құжаттарды жоюға шығару туралы акті жатқызылады (N 1 қосымша).
      Ескерту. 1-тармаққа өзгерістер енгізілді - ҚР Орталық сайлау комиссиясы Төрайымының 2005 жылғы 8 сәуірдегі  N 155/221 , 2006 жылғы 22 тамыздағы  N 71/139   (қолданысқа енгізілу тәртібін    3-тармақтан   қараңыз)  қаулыларымен .

      2. Аумақтық сайлау комиссиялары сайлаудың қорытындылары туралы хабарды бұқаралық ақпарат құралдарында жариялағаннан кейін тиісті облыстардың, қалалардың (республикалық маңызы бар қала, Республика астанасы), аудандардың мемлекеттік мұрағаттарына акті бойынша сақтауға мынадай құжаттарды: 
      аумақтық сайлау комиссиялары мәжілістерінің хаттамалары, оған қоса қосымшасы және басқа да құжаттарды; 
      мәслихаттар депутаттарын сайлау жөніндегі округтік сайлау комиссияларының тұрған орны мен олардың шекаралары көрсетілген сайлау округтерінің тізімдерін; 
      мәслихаттар депутаттарын, әкімдерін сайлаудың қорытындылары туралы аумақтық сайлау комиссияларының хаттамаларын және оған қоса қосымшасын;
      Қазақстан Республикасы мәслихаттарының депутаттарын, әкімдерін сайлау жөніндегі сақтауға жатқызылмайтын құжаттарды жоюға шығару туралы акті (N 1 қосымша);
      азаматты әкім лауазымына кандидат ретінде ұсыну туралы әкім ұсынымы;
      азаматтың әкімдікке кандидат ретінде дауысқа түсуге келісімі туралы өтініші;
      әкімдікке кандидаттың өмірбаяндық деректері;
      әкімдікке кандидат пен оның жұбайының (зайыбының) табысы туралы және мүлкі туралы декларацияларды тапсырғанын растайтын құжаттар;
      әкімдікке кандидаттардың оларға Қазақстан Республикасы Президентінің Жарлығымен бекітілген әкімдердің сайлауын өткізу ережесінде қойылатын талаптарға сәйкестігін анықтау туралы аумақтық сайлау комиссияларының хаттамалары;
      әкімдікке кандидаттарды тіркеу туралы аумақтық сайлау комиссияларының хаттамалары;
      әкімдікке кандидаттың аумақтық сайлау комиссиясына сенім білдірілген адамдарды тіркеу туралы өтініштері;
      әкімдікке кандидаттардың сенім білдірілген адамдарын тіркеу туралы аумақтық сайлау комиссияларының хаттамалары;
      әкімді сайлау бойынша сайлаушылардың (таңдаушылардың) тізімі;
      әкімді сайлау бойынша дауыс беруге арналған пункттің ашылғаны туралы аумақтық сайлау комиссиясының хаттамалары;
      әкімді сайлау бойынша таңдаушылар отырысының хаттамалары;
      әкімді сайлау нәтижелері туралы аумақтық сайлау комиссияларының хаттамалары;
      сайланған әкімді тіркеу туралы аумақтық сайлау комиссиясының шешімдері
      Ескерту. 2-тармаққа өзгерістер енгізілді - ҚР Орталық сайлау комиссиясы Төрайымының 2005 жылғы 8 сәуірдегі  N 155/221 , 2006 жылғы 22 тамыздағы  N 71/139   (қолданысқа енгізілу тәртібін    3-тармақтан   қараңыз)  қаулыларымен .

      3. Қазақстан Республикасының тиісті аумақтық сайлау комиссиялары сайлаудың қорытындылары туралы хабарды бұқаралық ақпарат құралдарында жарияланғаннан кейін округтік сайлау комиссиялары тиісті облыстардың, қалалардың (республикалық маңызы бар қала, Республика астанасы), аудандардың мемлекеттік мұрағаттарына акті бойынша сақтауға мынадай құжаттарды: 
      округтік сайлау комиссиялары мәжілістерінің хаттамалары, оған қоса қосымшасы және басқа да құжаттарды; 
      тиісті сайлау округі бойынша мәслихат депутаттығына кандидатты ұсыну жөніндегі қоғамдық бірлестіктің жоғарғы органы мәжілісінің хаттамасынан үзіндіні, соған сәйкес сол қоғамдық бірлестікті тіркеу туралы Республика Әділет министрлігінде, облыстық, қалалық (республикалық маңызы бар қала және Республика астанасы) әділет басқармасында қосымшасымен құжат көшірмесін; 
      мәслихаттар депутаттығына кандидаттардың оған Қазақстан Республикасы Конституциясымен және Қазақстан Республикасының "Қазақстан Республикасындағы сайлау туралы" Конституциялық заңымен қойылатын талаптарға сәйкестігін анықтау туралы округтік сайлау комиссиялары мәжілістерінің хаттамаларын; 
      Қазақстан Республикасы азаматының белгілі сайлау округі бойынша мәслихат депутаттығына кандидат ретінде дауысқа түсуге келісімі туралы өтінішін; 
      Қазақстан Республикасы азаматының белгілі сайлау округі бойынша мәслихат депутаттығына кандидат ретінде дауысқа түсуге ниеті туралы өтінішін; 
      мәслихат депутаттығына кандидаттардың сенім білдірген адамдарын және тіркеу туралы өтінішін; 
      мәслихат депутаттығына кандидаттардың өмірбаян деректерін; 
      мәслихат депутаттығына кандидаттардың сенім білдірген адамдарын және тіркеу туралы округтік сайлау комиссияларының хаттамаларын; 
      тиісті сайлау округі бойынша мәслихаттар депутаттарын сайлаудың нәтижелері жөнінде округтік сайлау комиссияларының хаттамаларын; 
      Қазақстан Республикасы мәслихаттарының депутаттығына кандидаттардың сайлау алдындағы бағдарламалары, плакаттар, парақшалар, ұрандар мен өзге де үгіттік баспа материалдарын; 
      Қазақстан Республикасы мәслихаттарының депутаттарын сайлауға әзірлік және өткізу кезеңінде азаматтардың Қазақстан Республикасының "Қазақстан Республикасындағы сайлау туралы" Конституциялық заңының бұзылғаны туралы округтік сайлау комиссияларына келіп түскен өтініштерін; 
      сайлау алдындағы үгіт қамтылған теле және радиобағдарламаларының бейне және дыбысжазбалары (хабар) тиісті бұқаралық ақпарат құралдарының редакцияларында және мәслихаттар депутаттарын сайлаудың қорытындыларын Қазақстан Республикасының тиісті аумақтық сайлау комиссиялары бұқаралық ақпарат құралдарында жариялағаннан кейін құпия ақпарат негізінде сақталады, тиісті облыстардың, қалалардың (республикалық маңызы бар қала, Республика астанасы), аудандардың мемлекеттік мұрағаттарына құнсыз негізде сақтауға тапсырады; 
      Қазақстан Республикасы мәслихаттарының депутаттарын сайлауға әзірлік және өткізу кезеңінде Қазақстан Республикасының "Қазақстан Республикасындағы сайлау туралы" Конституциялық заңының бұзылғаны туралы азаматтардың Қазақстан Республикасының округтік сайлау комиссиясына келіп түскен өтініштерін тапсырады; 
      сақтауға жатқызылмайтын құжаттарды жоюға шығару туралы акті (N 1 қосымша).
      Ескерту. 3-тармаққа өзгерістер енгізілді - ҚР Орталық сайлау комиссиясы Төрайымының 2005 жылғы 8 сәуірдегі  N 155/221  Қаулысымен.

      4. Учаскелік сайлау комиссиялары дауыстарды санаудың қорытындылары туралы хаттамаларды тапсырғаннан кейін тиісті округтік сайлау комиссияларына акті бойынша мынадай құжаттарды: 
      учаскелік сайлау комиссиялары мәжілістерінің хаттамалары, оған қоса қосымшасы және басқа да құжаттарды; 
      мәслихат депутаттарын сайлау жөніндегі дауыс санаудың нәтижелері туралы учаскелік сайлау комиссияларының хаттамалары; 
      Қазақстан Республикасы мәслихаттарының депутаттарын сайлауға әзірлік және өткізу кезеңінде Қазақстан Республикасының "Қазақстан Республикасындағы сайлау туралы" Конституциялық заңының бұзылғаны туралы азаматтардың өтініштерін береді. 

      5. Мәслихаттар депутаттарын, әкімдерін сайлау жөнінде қайта дауыс беруді өткізген жағдайда барлық деңгейдегі сайлау комиссияларында сайлау құжаттарын сақтаудың мерзімі Қазақстан Республикасының тиісті аумақтық сайлау комиссиялары сайлау нәтижелерін жарияланған уақыттан бастап есептеледі.
      Ескерту. 5-тармаққа өзгерістер енгізілді - ҚР Орталық сайлау комиссиясы Төрайымының 2005 жылғы 8 сәуірдегі  N 155/221 , 2006 жылғы 22 тамыздағы  N 71/139   (қолданысқа енгізілу тәртібін    3-тармақтан   қараңыз)  қаулыларымен .

      6. Практикалық маңызын жойған құжаттар оларға алдын-ала сараптауды жүзеге асырған адамның растауымен және тиісті сайлау комиссиясы төрағасының бекітуімен акті бойынша жойылады (актінің нысаны қоса беріледі). 
      Мәслихаттар депутаттарын сайлау жөніндегі жасырын дауыс беруге арналған бюллетеньдер мөрленген күйінде, соның ішінде өшірілген жекелеген бюллетеньдер, сондай-ақ сайлаушылардың тізімдері және оған сайлаудың қорытындылары анықталғаннан және жарияланғаннан кейінгі құжаттары акті бойынша: 
      учаскелік сайлау комиссиялары тиісті округтік сайлау комиссияларына; 
      округтік сайлау комиссиялары аудандық және қалалық аумақтық сайлау комиссияларына; 
      аудандық, қалалық аумақтық комиссиялары сайлау қорытындылары жарияланғаннан кейін бір алты ай кезеңінде құпия ақпарат негізінде сақталатын аумақтық сайлау комиссиясының тұрған жері бойынша атқарушы өкімет органдарына тапсырады, содан кейін акті бойынша жойылады.
      Әкімдерді сайлау жөніндегі жасырын дауыс беруге арналған бюллетеньдерді мөрленген күйінде, соның ішінде жекелеген жойылған бюллетеньдерді, сондай-ақ сайлаушылардың (таңдаушылардың) тізімдері мен оларға қосымша құжаттарды тиісті аумақтық сайлау комиссиялары сайлаудың қорытындылары жарияланғаннан кейінгі алты ай бойы құпия ақпарат ретінде сақтайды, содан кейін акті бойынша жояды.
      Жою, жағу, балқыту, мөлшері 2,5 шаршы сантиметр бөлшектерге майдалау, ұнтақтау, еріту немесе химиялық жайып салу, белгісіз жиынтыққа немесе ұнтаққа айналдыру жолымен жүргізіледі.
      Жойылған, толық жойылмаған, олардың мазмұнын қалпына келтіруге болатын құжаттармен бөгде адамдарды таныстыруға болмайды.
       Ескерту. 6-тармаққа өзгерту енгізілді - ҚР Орталық сайлау комиссиясының 2004 жылғы 17 ақпандағы  N 97/118 , 2005 жылғы 8 сәуірдегі  N 155/221 , 2006 жылғы 22 тамыздағы  N 71/139   (қолданысқа енгізілу тәртібін    3-тармақтан   қараңыз)  қаулыларымен .

                         Қазақстан Республикасы мәслихаттарының
                          депутаттарын сайлауға әзірлікке және 
                            өткізуге байланысты құжаттарды    
                          сақтаудың, мұрағаттарға тапсырудың  
                                       ережесіне               
                                      N 1 қосымша             

                                                Бекітемін 
          АКТ                          _______________________ сайлау 
        атауы                                   (атауы) 
     _____ N ______                     комиссияның төрағасы 
     ___________________________        Қолы        Анық жазылған 
         (толтырылған орыны)                        қолы 

      Сақтауға жатқызылмайтын  
      құжаттарды жоюға шығару             Уақыты 
              туралы  

_______________________________________________________________
          (құжаттардың атаулары және олардың сақталу мерзімі
_____________________________________________________ негізінде 
          көрсетілген шығыс мәліметтерінің тізбесі)
______________________________________________________________ N 
                      (қордың атауы) 
     қор құжаттарының ғылыми-тарихи құндылығы болмауынан және
практикалық маңызының жоғалуынан жойылуға іріктелініп алынды.  _________________________________________________________________
|Р|Істің  |Істің |Тізбелер |Номенклатура |Істің|Істі сақтаудың|Ес.
|е|тақыры.|уақыты|дің жыл. |бойынша істің|саны |мерзімі (том. |кер.
|т|бы неме|немесе|дық нөмі.|индексі (том.|(том.|дар, бөлімдер)|ту 
|т|се іс. |істің |рі (но.  |дар, бөлім.  |дар, |және тізбе    |
|і|тің топ|соңғы |менклату.|дер) немесе  |бөлік|бойынша мақа. |
|к|тық та.|уақыты|расы)    |тізбе бойынша|тер) |лалар нөмірі  |
|N|қырыбы |      |         |істің N      |     |              |    
|_|_______|______|_________|_____________|_____|______________|_____
|1|  2    |  3   |    4    |      5      |  6  |      7       | 8  
|_|_______|______|_________|_____________|_____|______________|_____     

Істің ___________________ жылғы _____________________ қорытындысы 
                                (санмен және жазбаша)

Құжаттардың құндылығын сараптан өткізген 
адамның лауазымының атауы 

Уақыты                    Қолы                 Анық жазылған   қолы 

Істегі __________ құжаттар саны, салмағы _____ кг, ________
қабылдау-өткізу талап қағазы бойынша қайта өңдеуге _____ ден N _____

Құжатты тапсырған ұжым қызметкері
лауазымының атауы 

Уақыты                Қолы                    Анық жазылған қолы    

Құпия негізде сақтаулы, алуға шектеу қойылған құжаттарды жағу
кезінде __ _______________ қатысты.     

Сайлау комиссиясы
өкілінің лауазымы         Қолы                Анық жазылған қолы