Қазақстан Республикасының азаматтары болып табылатын ұл (қыз) балаларды асырауға тілек білдірген шетелдік азаматтарды есепке алу жөніндегі Ережені бекіту туралы

      Қазақстан Республикасы консулдық қызметінің жұмысын жетілдіру мақсатында және Қазақстан Республикасының "Неке және отбасы туралы"  Заңның  78-бабына сәйкес бұйрық етемін: 
      1. Қазақстан Республикасының азаматтары болып табылатын ұл (қыз) балаларды асырауға тілек білдірген шетелдік азаматтарды есепке алу жөніндегі қоса беріліп отырған Ереже бекітілсін. 

      Министр 

Қазақстан Республикасы    
Сыртқы істер министрінің  
1999 жылғы 17 маусымдағы  
N 655 бұйрығымен бекітілген

  Қазақстан Республикасының азаматтары
болып табылатын ұл (қыз) баланы асырап
алғылары келетін шетелдік азаматтарды
есепке алу туралы
Ереже

       Ескерту: Мәтіндегі "дипломатиялық өкілдіктері, консулдық мекемелері", "дипломатиялық өкілдіктер, консулдық мекемелер", "дипломатиялық өкілдіктері мен консулдық мекемелері" деген сөздер "шет елдердегі мекемелері", "шет елдердегі мекемелер", "шет елдердегі мекемелері", "шет елдердегі мекемелер" деген сөздермен ауыстырылды - ҚР Сыртқы істер министрінің 2005 жылғы 30 қарашадағы N 08-1/363   бұйрығымен .

      1. Бұл ережелер Қазақстан Республикасының "Неке және отбасы туралы" Заңының  78-бабына  сәйкес әзірленген және Қазақстан Республикасының азаматтары болып табылатын ұл (қыз) баланы асырап алғылары келетін шетелдік азаматтарды есепке алу тәртібін анықтайды. 

      2. Қазақстан Республикасының азаматтары болып табылатын ұл (қыз) баланы асырап алғылары келетін шетелдік азаматтар Қазақстан Республикасының шет елдердегі мекемелері арқылы Қазақстан Республикасының өкілетті органдарына (қорғаншылық және қамқорлық көрсету органдары) өтініш жасайды және ұл (қыз) бала асырап алғылары келетіндігі туралы жазбаша өтінішті; өздері тұратын елдің жергілікті органдарынан әлеуетті ата-ананың жеке мінез-құлықтары туралы, ұл (қыз) бала асырап алуларына рұқсат беретін және болашақ отбасындағы баланың қалыпты дамуына, тәрбиеленуіне және білім алуына қажетті жағдайлардың бар екендігін растайтын анықтаманы, қаржылай дербестігі туралы; отбасы жағдайы туралы анықтаманы; денсаулығы туралы дәрігерлік анықтаманы; сотталғаны туралы анықтама болуы не болмауы тапсырады. 
      Қажет болған жағдайда, жоғарыда аталған барлық құжаттар Қазақстан Республикасының шет елдердегі мекемелерінде немесе Қазақстан Республикасы Сыртқы істер министрлігінің Консулдық қызмет департаментінде ресмилендіріліп, мемлекеттік тілдегі немесе орыс тіліндегі куәландырылған аудармасымен бірге тапсырылуға тиіс.
       Ескерту: 2-тармаққа өзгерту енгізілді - ҚР Сыртқы істер министрінің 2005 жылғы 30 қарашадағы N 08-1/363   бұйрығымен . 

      3. Шетелдік азаматтардан құжаттар қабылдау кезінде консулдық лауазым иесі өтініш жасаушылардың Қазақстан Республикасының "Неке және отбасы туралы"  Заңының  76,  79,  80 және  81-баптарында  көрсетілген талаптарға сәйкес келетіндігін міндетті түрде тексереді. Көрсетілген талаптарға сәйкес келмеген жағдайда құжаттар қабылданбайды және оның себептері түсіндіріледі. 

      4. Шет елдердегі мекемелері бала асырап алу жөніндегі материалдарды одан әрі қорғаншылық және қамқорлық көрсету органдарына жеткізу үшін екі дана етіп Консулдық қызмет департаментіне жібереді. Ұл (қыз) баланы асырап алу жөніндегі құжаттардың бір данасы Қазақстан Республикасының шет елдердегі мекемелерінде сақталады. 

      5. Қорғаншылық және қамқорлық көрсету органдарынан ұл (қыз) баланы асырап алу мүмкіндігі туралы жауап алынған кезде, шет елдердегі мекемелер өтініш жасаушыларға Қазақстан Республикасына келіп, Қазақстан Республикасының "Неке және отбасы туралы" Заңының  76-бабындағы  3-тармаққа сәйкес ұл (қыз) баланы асырап алуды ресімдеулері үшін виза береді. 

      6. Қазақстан Республикасының азаматтары болып табылатын ұл (қыз) баланы асырап алғылары келетін адамдардың, шетелдік азаматтардың есебі жеке журналда жүргізіледі, онда ұл (қыз) баланы асырап алушылар туралы, олардың материалдық және қаржылық жағдайлары туралы мәліметтер, тұратын мекен-жайлары, ұл (қыз) бала асырап алу жөніндегі материалдардың келіп түскен, одан қорғаншылық және қамқорлық көрсету органдарына жіберілген күндері жазылады. 

      7. Ұл (қыз) бала асырап алынған соң журналға ұл (қыз) баланың асырап алынғандығы туралы жазылады. 

      8. Консулдық лауазым иесі кәмелеттік жасқа жеткенше Қазақстан Республикасының "Неке және отбасы туралы" Заңының  91-бабындағы  талаптарды сақтай отырып, баланың тұрмыс жағдайы мен тәрбиесінің талапқа сәйкестігін тексеру мақсатында ұл (қыз) бала асырап алушыға келіп тұруға құқығы бар.
       Ескерту: 8-тармаққа өзгертулер енгізілді - ҚР Сыртқы істер министрінің 2005 жылғы 30 қарашадағы N 08-1/363   бұйрығымен . 

      9. Қазақстан Республикасы азаматы болып табылатын ұл (қыз) балаларды асырап алғылары келетін шетелдік азаматтар туралы ақпараттар жарты жылда бір рет Консулдық қызмет департаментіне жіберіліп тұрады.