Облыстық кеден басқармалары
мен кедендердiң бастықтарына
Уақытша әкелудiң (әкетудiң) режимiндегi тауарларды кедендiк бақылау мен ресiмдеудi ұйымдастыру және Қазақстан Республикасы Президентiнiң Заң күшi бар "Қазақстан Республикасындағы кеден iсi туралы" Z952368_ Жарлығының 64-70 баптарын орындау мақсатында бұйырамын:
1. Қазақстан Республикасы Сауда-Өнеркәсiп палатасымен
келiсiлген, Қазақстан Республикасының аумағында уақытша
әкелудiң (әкетудiң) режимiндегi тауарларды кедендiк
бақылау мен ресiмдеудiң ережелерi бекiтiлсiн және 1997
жылдың _____________бастап күшiне енгiзiлсiн.
2. Мемлекеттiк Кеден комитетiнiң баспасөз қызметi осы
Ережелердiң бұқаралық ақпарат құралдарында жариялауын
қамтамасыз етсiн.
3. Облыстық кеден басқармалары мен кедендердiң бастықтарына
кедендiк ресiмдеу залдарын көрнекi ақпарат материалдарымен
қамтамасыз етсiн.
4. Бұйрықтың орындалуына бақылау жасау Кеден басқармалары
мен кедендердiң бастықтарына жүктелсiн.
Қазақстан Республикасы
Мемлекеттiк Кеден комитетiнiң
бұйрығымен
Бекiтiлген
Қазақстан Республикасы
Сауда-Өнеркәсiп палатасының
Төрағасы
__________________
1997 ж. 23 наурызда
Келiсiлген
Қазақстан Республикасының аумағында уақытша
әкелудiң (әкетудiң) режимiндегi тауарларды
кедендiк бақылау мен ресiмдеудiң
ЕРЕЖЕЛЕРI
1. Жалпы ережелер
Осы Ережелер Қазақстан Республикасы Президентiнiң Заң күшi бар "Қазақстан Республикасындағы кеден iсi туралы" Z952368_ Жарлығының 64-70 баптарының, Қазақстан Республикасы Үкiметiнiң 1996 жылғы 25 наурыздағы N 342 P960342_ "Тауарларды уақытша әкелудiң (әкетудiң) кеден режимiн қолданудың кейбiр мәселелерi туралы" қаулысының негiзiнде кеден баждары мен салықтарын төлеуден толық немесе iшiнара босату арқылы және экономикалық саясат қолданылмай-ақ уақытша әкелудiң (әкетудiң) режимiндегi тауарларды және Қазақстан Республикасының кеден аумағында және одан тысқары жерлерде пайдалануға арналған тауарларды кедендiк бақылау мен ресiмдеудi ұйымдастыру мақсатында жасалып отыр.
Осы Ережелер айырым белгiлерi көрсетiлiп, сипатталған жағдайда адамдардың Қазақстан Республикасы кеден шекарасы арқылы уақытша әкелудiң (әкетудiң) режимiнде өткiзетiн тауарлары мен көлiк құралдарын мемлекеттiк кедендiк бақылаудан өткiзудiң тәртiбiн реттейдi.
Осы Ережелерде Қазақстан Республикасы Президентiнiң Заң күшi бар "Қазақстан Республикасындағы кеден iсi туралы" Жарлығының 18-бабына сәйкес ұғымдар пайдаланылады.
2. Кедендiк ресiмдеу
Адамдардың уақытша әкелудiң (әкетудiң) режимiнде өткiзетiн әкелетiн (әкететiн) тауарлары Кедендiк жүк декларациясын толтыру туралы нұсқауға сәйкес Қазақстан Республикасы кеден органының декларациялауына (айырым белгiлерi көрсетiлiп) жатады. Бұл ретте кедендiк декларация Қазақстан Республикасына уақытша әкелiнген тауарды қайта әкету немесе Қазақстан Республикасынан уақытша әкетiлген тауарды қайта әкелу жөнiндегi бiр мезгiлдегi мiндеттемесi болып табылады.
Тауарларды уақытша әкелудiң (әкетудiң) мерзiмдерiн жергiлiктi жерлердегi кеден органдары екi жылдан асырмай белгiлейдi. Осы Ережелердiң 1-қосымшасында келтiрiлген жағдайларда тауарларды уақытша әкелудiң (әкетудiң) шектi мерзiмi бiр жылды құрайды.
Осы Ережелердiң 2-қосымшасында аталған тауарлар уақытша әкелудiң (әкетудiң) кедендiк режимiмен орналастыруға жатпайды. Мұндай тауарларды Өзге кедендiк режиммен ресiмдеуге жатады.
Қалыпты тасымалдау мен сақтау шарттарымен табиғи тозудың немесе кемудiң салдарынан болған өзгерiстердi қоспағанда тауарлар өзгермеген күйде қайта әкелуге (әкетуге) жатады.
Шетелдiк қатысушылардың Халықаралық және ұлттық (әмбебап, мамандандырылған) көрмелерге және сауда-саттық көрмелерiне, жәрмеңкелерге уақытша әкелудiң (әкетудiң) режимiнде әкелетiн немесе әкететiн тауарларын кедендiк ресiмдеудi Қазақстан Республикасының қолданылып жүрген заңдарына сәйкес Қазақстан Республикасының Сауда-Өнеркәсiп палатасымен көрме өткiзу жөнiнде келiскен ұйымдастырушылар <*> жүзеге асырады.
<*> Ескерту: Көрменi ұйымдастырушылар - кеден заңдарында
көзделген тауарлармен әрекет жасау үшiн Қазақстан
Республикасының заңдарына сәйкес жеткiлiктi
дәрежеде өздерiнiң атынан жұмыс iстейтiндер.
Көрме экспонаттарын әкелу (әкету) кезiнде КЖД-ның 37-бағанында негiзгi кеден режимi, оның алдындағы кеден режимi мен Қазақстан Республикасы Кеден шекарасы арқылы тауарларды өткiзу процедурасын жiктеу бойынша (мәселен, код 20- көрме)
- тауарларды өткiзу ерекшелiгi (код - 31) көрсетiледi. Өз тауарларын сатуды жүзеге асыратын, халықаралық сауда-саттық көрмелерiне қатысушылар не көрме экспонаттарын сатуды жүзеге асыратын көрмеге қатысушылар тауарларды белгiленген тәртiпке сәйкес еркiн айналымға шығарудың режимiмен ресiмдейдi.
Шектi мерзiмдер өткенге дейiн уақытша әкелiнген (әкетiлген) тауарлар өзге кеден режимiне (экспорт режимiне, еркiн айналымға шығару режимiне ж.т.б.) мәлiмденуi тиiс не уақытша сақтау қоймаларына орналастырылуы тиiс. Қазақстан Республикасының кеден шекарасына тауарларды уақытша әкелуге (әкетуге) рұқсат берген кеден органы оның Қазақстан Республикасынан тысқары нақты әкетiлуiне (әкелiнуiне) бақылау жасайды. Бұл ретте Қазақстан Республикасының кеден шекарасына уақытша әкелудiң режимiмен әкелiнген тауарларды нақты әкету экспорт режимiндегi тауарларды кедендiк бақылаудың белгiленген тәртiбiне сәйкес жүзеге асырылады.
Уақытша әкелiнген (әкетiлген) тауарды иемдену құқығын бiр адамнан басқа берген жағдайда кеден органдарына оны беруге рұқсат ететiн жазбаша хабарлауға сәйкес оны әкелусiз-ақ (әкетусiз-ақ) қайта ресiмдеуге рұқсат етiледi. Бұл ретте кеден органдарында тауарды қайта ресiмдеу уақытша әкелудiң (әкетудiң) мерзiмiнiң өтуiн үзбейдi және кiдiртпейдi.
Қазақстан Республикасының кеден шекарасы арқылы уақытша әкелудiң (әкетудiң) кедендiк режимiне сәйкес өткiзiлетiн тауарларды уақытша әкелудiң (әкетудiң) шектi мерзiмдерiнiң кез келген күйде ұзартылуы Қазақстан Республикасының Мемлекеттiк Кеден комитетi жүзеге асырады. Көрсетiлген мерзiмдердi ұзарту (құжаттармен расталған өндiрiстiк, инвестициялық) және уақытша әкелудiң (әкетудiң) мақсаттары мен жағдаяттары ескерiлiп, белгiленген тәртiппен алынған, Қазақстан Республикасындағы қызметiнiң мерзiмiн ұзартуға рұқсаттың қолданылу мерзiмi назарға алынып, ықтиярлы нысанда жасалынған адамның жазбаша өтiнiшiнiң негiзiнде жүзеге асырылады.
Шет ел өкiлдiгiнiң Қазақстан Республикасы кеден шекарасында тiркеу туралы куәлiкте көзделмеген қызметпен (мәселен, коммерциялық) айналысатындығы жөнiндегi фактi анықталған кезде уақытша әкелудiң мерзiмi ұзартылмайды және тауарлар өзге кеден режимiне мәлiмденуi не уақытша сақтау қоймаларына орналастырылуы тиiс.
Тауарларды уақытша әкелген (әкеткен) адам ҚР Мемлекеттiк Кеден комитетiне тауарларды уақытша әкелудiң (әкетудiң) шектi мерзiмi өткенге дейiнгi 30 күннен кешiктiрмей мерзiмдi ұзарту жөнiнде ықтиярлы нысанда өтiнiш беруi керек.
Өтiнiшпен бiр мезгiлде тұлға:
а) белгiленген нысандағы бастапқы әкелудi ресiмдеген кеден органының қалыпты тасымалдау мен сақтау шарттарымен табиғи тозудың немесе кемудiң салдарынан болған өзгерiстердi қоспағанда тауардың өзгермеген күйi туралы қорытындысын (осы Ережелердiң 4-қосымшасы) ұсынуы қажет. Тауардың өзгермеген күйiнде өтiнiште осы өзгерiске әсер еткен себеп көрсетiлуi керек. Қорытынды кеден органының орындалған күн көрсетiлiп, шығатын нөмiрi бар жағдайда жарамды болып саналады;
б) кеден органы куәлендiрген кедендiк жүк декларацияларының көшiрмелерiн және мәлiмделiнген уақытша әкелудiң (әкетудiң) кеден режимiмен бiрге оған қосылатын құжаттарды, оның iшiнде, КЖД 33-бағанында тауардың коды анықталмаса, спецификацияларды, инвойстарды ж.т.б; жеке тұлғалардың автомотоқұралдарына - АС/6 декларациясының және кеден органының Қазақстан Республикасы IIМ МАИ органдарында тiркеуге - жеке тұлғаға рұқсатының көшiрмелерiн;
в) Қазақстан Республикасының Әдiлет министрлiгiнде нотариальды түрде тiркеу (қайта тiркеу) туралы куәлiктiң көшiрмесiн ұсынуы қажет.
Қажет кезiнде РҚ Мемлекеттiк Кеден комитетi қосымша құжаттар мен мәлiметтердi (келiсiм-шарттарды, ж.т.б.) сұратып ала алады.
Республиканың кеден шекарасы арқылы өткiзiлетiн тауарларды уақытша әкелудiң (әкетудiң) шектi мерзiмiн ұзарту кезiнде кеден органына 40-топта бұрынғы кедендiк жүк декраларациясының нөмiрлерi мiндеттi түрде көрсетiлiп, жаңа кедендiк жүк декларациясы берiледi.
Кеден ережелерiн бұзғаны туралы iс қозғалған жағдайда уақытша әкелудiң (әкетудiң) шектi мерзiмiн ұзарту туралы өтiнiш ҚР Мемлекеттiк кеден комитетiне кеден ережелерiн бұзғаны туралы хаттама көшiрмесiн бере отырып, кеден ережелерiн бұзғаны туралы iс қаралған соң ғана қаралады.
3. Кеден төлемдерiн есептеу мен алудың тәртiбi
Осы Ережелердiң 1-қосымшасында келтiрiлген тiзбе бойынша тауарларды уақытша әкелу (әкету) кезiнде кеден баждары мен салықтарын төлеуден толық босату қолданылады. Бұл ретте көрсетiлген тауарларды уақытша әкелудiң (әкетудiң) шектi мерзiмi бiр жылды құрайды.
Қазақстан Республикасы Президентiнiң Заң күшi бар "Қазақстан Республикасындағы кеден iсi туралы" Z952368_ Жарлығының 68-бабына сәйкес өзге тауарларға (о.i. жеке тұлғалардың автомотоқұралдарына) қатысты, сондай-ақ осы Ережелердiң 1-қосымшасында көрсетiлген тауарларды уақытша әкелудiң (әкетудiң) шектi мерзiмiн ұзарту жағдайларында салықтардан толық босату және кеден баждарын төлеуден iшiнара босату қолданылады.
Кеден баждарын төлеуден iшiнара босату кезiнде әр күнтiзбелiк толық және толық емес айға тауарлардың еркiн айналымға шығарылғандығындай (бұдан әрi - жүйелi кеден баждары) төленуге тиiстi боларлық жағдайдағы кеден баждарының сомаларының 3 (үш) процент төленедi.
Көрсетiлген сомаларды есептеу кезiнде уақытша әкелудiң (әкетудiң) мәлiмделiнген режимiндегi кедендiк декларация қабылданған күнге қолданылған кеден баждарының ставкалары пайдаланылады.
Жүйелi кеден баждарының есептелiнген ставкалары алдын ала төленедi. Осы баждарды төлеудiң нақты мерзiмдерiн уақытша әкелуге (әкетуге) рұқсат берген кеден органы белгiлейдi.
Жүйелi кеден баждарының сомалары кеден баждарын төлеу үшiн белгiленген тәртiпке қатысты төленедi. Жүйелi кеден баждарының есебiн жүргiзу мен республикалық бюджетке аудару баждардың түрлерi бойынша - импорттық кеден бажы - 106101 кодымен, экспорттық кеден бажы - 106102 кодымен жүргiзiледi.
Уақытша әкелуге (әкетуге) рұқсат берген кеден органы жүйелi кеден баждарының сомаларының нақты түсуiне бақылау жасайды.
Жүйелi кеден баждарының төленген сомалары тауарларды қайта әкету кезiнде не оларды өзге кеден режимiне, оның iшiнде экспорттық кеден режимiне (уақытша әкелiнген тауарлар) мәлiмдегенде уақытша әкелiнген тауарларды еркiн айналымға шығарудың кеден режимiне одан әрi мәлiмдеген жағдайды қоспағанда қайтарылмайды. Бұл ретте жүйелi кеден баждарының төленген сомалары тауарларды көрсетiлген кеден режимiмен орналастыруға байланысты төленуге жататын кеден баждарының сомаларына есептеледi және уақытша әкелудiң (әкетудiң) мәлiмделiнген режимiндегi кедендiк декларация қабылданған күнге дейiн қолданылған кеден баждарының ставкалары мен шет ел валютасының бағамы қолданылады, ал кедендiк құн тауарларды уақытша әкелудiң (әкетудiң) кеден режимiмен орналастырған күнге дейiн қолданылған ставкалар бойынша айқындалады.
Тауарлардың уақытша әкелудiң (әкетудiң) кеден режимiнде болған кезiндегi кеден баждарын төлеудi кейiнге қалдыру не бөлiп төлеудi нақты пайдалану үшiн Қазақстан Республикасы Ұлттық Банкi белгiлеген қайта қаржыландырудың ресми проценттiк ставкасы бойынша проценттер алынады.
Проценттердi есептеу мен алу кеден баждарын төлеу жөнiнде төлеудi кейiнге қалдыруды (бөлiп төлеудi) ұсыну бойынша қалыпты құжаттарда белгiленген тәртiпке сәйкес жүргiзiледi.
Төленуге жататын жүйелi кеден баждарының сомаларын есептеу кедендiк жүк декларациясының бақылау данасының сыртқы бетiнде жүргiзiледi. Бұл ретте осы сомалардың төленгенiн растайтын құжат (N мен күнi) мiндеттi түрде көрсетiледi, жазуды кеден органының кеден төлемдерi бөлiмiнiң лауазымды адамы куәлендiредi. Кедендiк жүк декларациясының сыртқы бетi толтырып, жүйелi кеден баждарын есептеудiң үлгiлерi осы Ережелердiң 3-қосымшасында келтiрiлген.
Жүйелi кеден баждарын төлеу үшiн тауарларды өткiзетiн тұлға жауап бередi.
Кеден төлемдерiн төлеуден босату түрiнде тарифтiк жеңiлдiктердi пайдаланатын тұлғалардың тауарларды уақытша әкелуi (әкетуi) жағдайында осындай жеңiлдiктердiң қолданылу мерзiмi кезеңiне кеден төлемдерiн төлеуден iшiнара босату тарифтiк жеңiлдiктер қолданылғандықтан пайдаланылмайды.
4. Кеден ережелерiн бұзғаны үшiн жауапкершiлiк
Қазақстан Республикасы Президентiнiң Заң күшi бар "Қазақстан Республикасындағы кеден iсi туралы" Жарлығының 282-бабында көзделген кеден ережелерiнiң бұзылғаны анықталған жағдайда кеден ережелерiнiң бұзылғаны туралы хаттама уақытша әкелудiң (әкетудiң) шектi мерзiмiнiң сақталуына жауапты экспорт-импорт операцияларына бақылау жасайтын бөлiм бастығы рапортының негiзiнде кеден органының бастығының атына тауарлар мен көлiк құралдарын уақытша әкелудiң (әкетудiң) мерзiмдерi өткеннен кейiнгi келесi күнi жасалынады.
Кеден ережелерiн бұзғаны туралы iс төмендегiдей белгiленген ережелер орындалмаған кезде қозғалады:
а) бұрын әкетiлген (әкелiнген) тауарлар мен көлiк құралдарын әкету мiндеттi болса, қылмыс белгiлерi жоқ болса, оларды Қазақстан Республикасы кеден аумағынан тысқары әкетпеу не бұрын әкетiлген тауарлар мен көлiк құралдарын қайтару мiндеттi болса, оларды Қазақстан Республикасы кеден аумағына белгiленген мерзiмде қайтармау;
б) Қазақстан Республикасы кеден органына қылмыс белгiлерi жоқ болса, қайта әкетудi немесе әкелудi не тауарлар мен көлiк құралдарының аварияның не тежеусiз күш әрекеттерiнiң, табиғи тозудың немесе кемудiң не шет ел мемлекетi лауазымды адамдарының заңға қайшы әрекеттерiне байланысты иелiктен шығудың салдарынан жойылу немесе жоғалу себептерi бойынша мүмкiн болмайтындығын растау ретiнде жарамсыз құжаттарды, заңсыз жолмен алынған құжаттарды не басқа тауарлар мен көлiк құралдарына қатысты құжаттарды ұсыну.
Кеден ережелерiн бұзғаны туралы iстi қозғаған не қылмыстық iс қозғалған жағдайда уақытша әкелудiң (әкетудiң) мерзiмiн ұзарту жөнiнде шешiм ҚР МКК-не қылмыстық iстi қозғау туралы хаттаманың көшiрмесi не қаулысы ұсынылып, анықтама жүргiзу (алдын ала тергеу) нәтижелерiнен соң қаралады.
Тауарларды уақытша әкеткен немесе әкелген және оларды белгiленген мерзiмде қайтармаған тұлға аварияның не тежеусiз күш әрекеттерiнiң салдарынан тауарлардың жойылуының немесе мүлде жоғалып кетуiнiң немесе табиғи тозудың салдарынан жетiспеуiнiң немесе қалыпты тасымалдау мен сақтау кезiнде кемуiнiң не Қазақстан Республикасы заңдарына сәйкес шет ел мемлекетi органдарының немесе лауазымды адамдарының заңға қайшы әрекеттерiне байланысты иелiктен шығуының фактiсiн Қазақстан Республикасының шет елдегi консулдық мекемелерi растаған, ал Қазақстан Республикасының кеден аумағына уақытша әкелiнген тауарлар Қазақстан Республикасының сауда-Өнеркәсiп палатасының актiсiмен (куәлiгiмен) растаған Қазақстан Республикасының шет елдегi консулдық мекемелерi растаған жағдайда ғана Қазақстан Республикасы кеден органдары алдында жауап бермейдi.
ҚР аумағында уақытша
әкелудiң (әкетудiң)
режимiндегi тауарларды
кедендiк ресiмдеудiң
ережелерiне
N 1 қосымша
Уақытша әкелiнетiн (әкетiлетiн), кеден баждары
мен салықтарын төлеуден босатылатын тауарлар
мен көлiк құралдарының
ТIЗБЕСI
1. Көлiк құралдарымен бiрге әкелiнетiн (әкетiлетiн) немесе уақытша әкелiнген (әкетiлген) көлiк құралдарын жөндеуге арналған контейнерлердi, қосалқы бөлшектер мен басқа да көлiк құралдарын қоса халықаралық жүк пен жолаушыларды тасымалдау үшiн қолданылатын құралдарын уақытша әкелу (әкету).
2. Тауарларды өнеркәсiптiк өндiру, тауарларды тасымалдау, табиғат қорларын пайдалану, ғимараттарды, құрылыстар мен құрылғыларды салу, жөндеу мен ұстау, тауарларды орау, жер қазу жұмыстары үшiн қолданылатын жабдықтар және осыған ұқсас басқа да жабдықтарды қоспағанда кәсiби жабдықтармен шетелдiк (әкету кезiнде - қазақстандық) тұлғалардың әкелетiн (әкететiн) және олардың Қазақстан Республикасы аумағында нақты жұмысты орындауына қажеттi аспаптарын (қосалқы құралдарды, керек-жарақтар мен материалдарды қоса) уақытша әкелу (әкету).
3. Көрмелерде, байқауларда, съездерде, симпозиумдарда, семинарларда, халықаралық кездесулерде және осыған ұқсас басқа да шараларда (әкелiнген (әкетiлген) тауарларды сату мақсатында өткiзiлетiн, өндiрiстiк немесе өзге де коммерциялық қызметтi жүзеге асыратын жерлердегi көрмелердi қоспағанда) көрсету үшiн тауарларды уақытша әкелу (әкету).
Тауарларды көрсету кезiнде не халықаралық кездесулердiң, конференциялар мен конгрестердiң барысында пайдалануға арналған қосалқы құралдар мен материалдарды уақытша әкелу (әкету).
4. Ғылыми-зерттеу мен оқыту мақсатында қосалқы құралдар мен материалдарды, сондай-ақ шетелдiк (әкету кезiнде - қазақстандық) тұлғаның меншiгiнде қалатын және оларды қолдану табыс табуға арналмаған жағдайда құрал-жабдықтар, материалдар, қосалқы бөлшектер мен аспаптарды жөндеуге, баптауға және бақылауға арналған осындай жоғарыда аталғандарды уақытша әкелу (әкету).
5. Шетелдiк (әкету кезiнде - қазақстандық) теңiз кемелерi экипаждарының әлеуметтiк-тұрмыстық жағдайларын (яғни мәдениет, бiлiм, тынығу, дiн мен спорт саласында) жақсарту үшiн материалдар шетелдiк (әкету кезiнде - қазақстандық) тұлғаның меншiгiнде қалатын және оларды қолдану табыс табуға арналмаған жағдайда оларды уақытша әкелу (әкету).
6. Табиғи апаттардың, аварияның және катастрофалардың салдарын жою үшiн мемлекеттiк органдар мен мекемелердiң уақытша пайдалануына тегiн берiлетiн тауарларды уақытша әкелу (әкету).
7. Контейнерлердi (контейнермен бiрге әкелiнетiн (әкетiлетiн) және онымен бiрге, жеке немесе басқа контейнермен бiрге қайтарылатын не жеке әкелiнетiн (әкетiлетiн) және контейнермен бiрге қайтарылатын осы контейнер үшiн қажеттi керек-жарақтар мен жабдықтарды қоса), сондай-ақ уақытша әкелiнген (әкетiлген) контейнерлердi жөндеуге арналған қосалқы бөлшектердi уақытша әкелу (әкету).
8. Поддондарды уақытша әкелу (әкету).
9. Өзге де көп айналымды ыдыс пен орау заттарын уақытша әкелу (әкету).
10. Егер үлгiлер шетелдiк (әкету кезiнде - қазақстандық) тұлғаның меншiгiнде қалатын және тек қана осындай түрдегi тауарларға тапсырыстар алуға арналған жағдайда оларды уақытша әкелу (әкету). Оларды қолдану табыс табуға арналмаған, ал ұқсас үлгiлердiң саны екi данадан аспайды.
11. Жарнамалық материалдар (катологтар, прейскуранттар мен коммерциялық проспектiлер) бiр данада бiр ғана алушыға әкелiнетiн (әкетiлетiн) болса, не олардың жалпы салмағы бiр килограмнан аспаса, шетелдiк (әкету кезiнде - қазақстандық) тұлғаның осындай материалдарды уақытша әкелуi (әкетуi).
12. Жарнамалық фильмдер шетелдiк (әкету кезiнде - қазақстандық) тұлғаның меншiгiнде қалатын болса, шетелдiк (әкету кезiнде қазақстандық) тұлғаның ұсынатындары шетелдiк (әкету кезiнде қазақстандық) тұлғаларға жататын болса, аталған жарнамалық фильмдер бiр данада әкелiнетiн (әкетiлетiн) және табыс табуға арналмаған жағдайда мүмкiн боларлық сатып алушыларға көрсету үшiн ғана жарамды болса, тауарлардың қасиеттерi мен жұмсалу бағыттарын ашып көрсететiн осындай фильмдердi уақытша әкелу (әкету).
13. Сынауларды, тексерулердi, тәжiрибелердi жүргiзу мен қасиеттерi мен сипаттамаларын көрсету үшiн тауарлар табыс табуға арналмаған болса, оларды уақытша әкелу (әкету).
14. Деректердi автоматикалық өңдеу кезiнде пайдалану үшiн тегiн берiлетiн цифрлық ақпарат тасығыштарды уақытша әкелу (әкету).
15. Емдеу және басқа да медициналық ұйымдар мен мекемелердiң диагностикалық, хирургиялық немесе терапевтикалық мақсаттарда пайдалануына арналған және шетелдiк (әкету кезiнде - қазақстандық) тұлғаның меншiгiнде қалатын медициналық, хирургиялық немесе лабораториялық құрал-жабдықтарды уақытша әкелу (әкету).
16. Қазақстан Республикасы аумағындағы (әкету кезiнде - одан тысқары жерлерде) спорт жарыстарына, жұрт алдында көрсетiлетiн спорт шараларына немесе жаттығуларға арналған тауарлар шетелдiк (әкету кезiнде - қазақстандық) тұлғаның меншiгiнде қалатын жағдайда осындай тауарларды уақытша әкелу (әкету).
17. Жаттықтыруға, оқытуға, өсiруге, ветеринарлық емдеуге, туризм, азықтандыруға, сынақтарды, құтқару операцияларын жүргiзуге, арнайы функцияларды жүзеге асыруға, көрмелерге, байқауларға, жарыстарға, шерулерге, спектакльдерге, қойылымдарға және оларға ұқсас басқа да шараларға қатысуға, сондай-ақ медициналық мақсаттарда және жұмыс малы ретiнде (тиiстi құрал-жабдықтармен бiрге) Қазақстан Республикасының кеден шекарасына жақын жердегi жолақта пайдалануға арналған жануарлар шетелдiк (әкету - қазақстандық) тұлғаның меншiгiнде қалатын жағдайда осындай жануарларды уақытша әкелу (әкету).
18. Қойылымдарды, спектакльдер мен оларға ұқсас басқа да шараларды
жүргiзуге арналған театр (цирк) костюмдерiн, сахна құрал-жабдықтары мен
басқа да театр (цирк) керек-жарақтарын уақытша әкелу (әкету).
19. Кино және бейнефильмдер, диапозитивтер, фотосуреттер мен басқа да
материалдарды қолдану табыс табуға арналмаған жағдайда фото және
кинобайқауларда және оларға ұқсас басқа да шараларда оларды көрсету үшiн
бейнелеу тiркеле отырып, оларды уақытша әкелу (әкету).
ҚР аумағында уақытша
әкелудiң (әкетудiң)
режимiндегi тауарларды
кедендi ресiмдеудiң
ережелерiне
N 2 қосымша
Қозғалтқышының көлемi 2000 текше см, кедендiк құны 20000 АҚШ доллары,
2 жыл мерзiмiне әкелiнген (кеден бажы ставкасы - 2% бiрақ қозғалтқышының
көлемiнiң әр 1 текше см-iнен кемiнде 0,1 ЭКЮ) автомобильдi (СЭҚ ТН коды
бойынша - 870323110) уақытша әкелу кезiндегi КЖД-ның сыртқы бетiн
толтырудың үлгiсi, декларация ресiмдеуге 1996 жылдың 02.12-де қабылданды:
* Шартты түрде есептелiнген кеден баждарының сомасы - АҚШ-тың 400$;
* Жүйелi кеден баждарының сомасы - АҚШ-тың 12$ ________
Ақы төлеу 1996 ж. 02,12-ден 1997 ж. 01,06-ға дейiнгi кезең үшiн
12$ х 7 - 84$ х 75 теңге - 6300 теңге сомасында жүргiзiлдi.
Қолы _________________________
жеке нөмiрлiк мөр
ҚР аумағында уақытша
әкелудiң (әкетудiң)
режимiндегi тауарларды
кедендi ресiмдеудiң
ережелерiне
N 3 қосымша
Уақытша әкелудiң (әкетудiң) кеден режимiмен
орналастыруына жол берiлмейтiн тауарлардың санаттарының
ТIЗБЕСI
1. Жұмсалатын материалдар мен үлгiлер.
2. Жарнамалық немесе көрсету мақсатында аздаған данада уақытша
әкелiнетiн (әкетiлетiн) жағдайларды қоспағанда алкоголь, темекi бұйымдарын
қоса, азық-түлiк өнiмдерi, сусындар.
3. Әкетуге арналған квоталанатын тауарлар.
4. Өнеркәсiптiк қалдықтар.
ҚР аумағында уақытша
әкелудiң (әкетудiң)
режимiндегi тауарларды
кедендi ресiмдеудiң
ережелерiне
N 4 қосымша
Кеден органының тауардың нақты күйi туралы
ҚОРЫТЫНДЫСЫ
-------------------------------------------------------------------
өтiнiш берушiнiң атауы
N/N _______________________________________________КЖД бойынша
-------------------------------------------------------------------
1. Кеден ережелерiн бұзғаны туралы iс бойынша шығарылған
қаулының мазмұны : ________________________________________________
-------------------------------------------------------------------
шығарылған жағдайда көрсетiледi
2. Ұзартуды ҚР Орталық кеден органы жүзеге асырады:
--------------------------------------------------------------------
--------------------------------------------------------------------
--------------------------------------------------------------------
құжаттың күнi мен жөнелтiлген нөмiрi
3. Кеден органының қорытындысы: _______________________________
--------------------------------------------------------------------
Жеке нөмiрлiк жай мөртаңбамен куәлендiрiлген инспектордың
қолы:________
Кеден органының мөрiмен куәлендiрiлген кеден органы лауазымды
адамының қолы:
-------------------------------------------------------------------