Қазақстан Республикасы Қаржы министрінің кейбір бұйрықтарына өзгерістер мен толықтырулар енгізу туралы

      БҰЙЫРАМЫН:

      1. "Мемлекеттiк мүлiк тiзiлiмiне есепке алу объектiлерi деректерiн енгiзудің, сондай-ақ мемлекеттiк мүлiкке түгендеу, паспорттау және қайта бағалау жүргiзудің бірыңғай әдістемесін бекіту туралы" Қазақстан Республикасы Қаржы министрінің 2011 жылғы 15 желтоқсандағы № 636 бұйрығына (Нормативтік құқықтық актілерді мемлекеттік тіркеу тізілімінде № 7375 болып тіркелген) мынадай өзгерістер енгізілсін:

      кіріспе мынадай редакцияда жазылсын:

      ""Мемлекеттік мүлік туралы" Қазақстан Республикасы Заңының 200-бабының 6-тармағын және "Мемлекеттік статистика туралы" Қазақстан Республикасы Заңының 16-бабының 3-тармағының 2) тармақшасын іске асыру үшін БҰЙЫРАМЫН:";

      Көрсетілген бұйрықпен бекітілген Мемлекеттiк мүлiк тiзiлiмiне есепке алу объектiлерi деректерiн енгiзудің, сондай-ақ мемлекеттiк мүлiкке түгендеу, паспорттау және қайта бағалау жүргiзудің бірыңғай әдістемесінде:

      1-тармақ мынадай редакцияда жазылсын:

      "1. Осы Мемлекеттiк мүлiк тiзiлiмiне есепке алу объектiлерi деректерiн енгiзудің, сондай-ақ мемлекеттiк мүлiкке түгендеу, паспорттау және қайта бағалау жүргiзудің бірыңғай әдістемесі (бұдан әрі - Әдістеме) Мемлекеттік мүлік тізіліміне (бұдан әрі - Тізілім) қосу үшін есепке алу объектiлерi деректерiн және мемлекеттiк мүлiкке түгендеу, паспорттау және қайта бағалау жүргiзу мерзімдерін енгiзу тәртібін анықтайтын "Мемлекеттік мүлік туралы" Қазақстан Республикасы Заңының 200-бабының 6-тармағын және "Мемлекеттік статистика туралы" Қазақстан Республикасы Заңының 16-бабының 3-тармағының 2) тармақшасын іске асыру мақсатында әзірленді.";

      5-тармақтың 1) тармақшасы мынадай редакцияда жазылсын:

      "1) электрондық есеп Сервис арқылы жасалады. Сервиспен жұмыс істеу нәтижесінде оған ұлттық куәландыру орталығы берген мемлекеттік заңды тұлғаның электрондық сандық қолтаңбасы қойылатын осы Әдістеменің 1, 2, 3 және 4-қосымшаларына сәйкес нысандар бойынша мүлікке түгендеу, паспорттау және қайта бағалау жүргізу нәтижелері жөніндегі ақпараты және № 468 бұйрықтың 1, 2, 3, 4, 5 және 6-қосымшаларына сәйкес нысандар бойынша мемлекеттік мекемелердің жылдық қаржылық есептілігі бар файлдар қалыптастырылады;";

      9-тармақ мынадай редакцияда жазылсын:

      "9. Жылжымайтын мүлікті мемлекеттік тіркеу және мемлекеттік техникалық тексеру саласында мемлекеттік саясат пен қызметті мемлекеттік реттеуді жүргізуді жүзеге асыратын мемлекеттік органның деректерімен жылжымайтын мүлікке қатысты мемлекеттік заңды тұлғаның электрондық есебінің деректерін салыстыру нәтижелері бойынша жылжымайтын мүлік анықталады:

      "Жылжымайтын мүлікке құқықтарды мемлекеттік тіркеу туралы" Қазақстан Республикасы Заңының (бұдан әрі – Заң) 4-тарауымен белгіленген тәртіпте мемлекеттік тіркеуден өтпеген, соның ішінде жаңадан құрылған;

      Заңның 4-тарауымен белгіленген тәртіпте тіркелген, оған қатысты реконструкциялау, жаңадан жоспарлау, объектінің құрамының өзгерісі немесе мақсаты жүзеге асырылған және кейіннен мемлекеттік техникалық тексеруден өтпеген;

      балансында тұрған және мемлекеттік заңды тұлғаларға одан әрі бекітіп беру үшін құқық орнатушы құжаттары жоқ (қаржылық жалдауға алынғанды қоспағанда) жылжымайтын мүлік айқындалады.";

      11-тармақтың төртінші бөлігі мынадай редакцияда жазылсын:

      "Мемлекеттік кәсіпорындар құнның қайта бағалау бойынша есептеу моделін есеп саясатында таңдаған жағдайда "Бухгалтерлiк есеп пен қаржылық есептiлiк туралы" Қазақстан Республикасының Заңымен анықталған қаржылық есептілік стандарттарына сәйкес мүлікті қайта бағалауды жүргізеді.";

      көрсетілген Мемлекеттiк мүлiк тiзiлiмiне есепке алу объектiлерi деректерiн енгiзудің, сондай-ақ мемлекеттiк мүлiкке түгендеу, паспорттау және қайта бағалау жүргiзудің бірыңғай әдістемесіне 1-қосымша осы бұйрыққа 1-қосымшаға сәйкес жаңа редакцияда жазылсын.

      2. "Мемлекеттік мүлік тізіліміне деректерді беру нысанын, көлемін және кезеңділігін бекіту туралы" Қазақстан Республикасы Қаржы министрінің 2015 жылғы 10 сәуірдегі № 267 бұйрығына (Нормативтік құқықтық актілерді мемлекеттік тіркеу тізілімінде № 11054 болып тіркелген) мынадай өзгерістер мен толықтырулар енгізілсін:

      кіріспе мынадай редакцияда жазылсын:

      ""Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына және "Мемлекеттік мүлік туралы" Қазақстан Республикасы Заңының 200-бабының 3-тармағына сәйкес БҰЙЫРАМЫН:";

      1-тармақ мынадай мазмұндағы 12-1) тармақшамен толықтырылсын:

      "12-1) осы бұйрыққа 12-1-қосымшаға сәйкес электрондық ақпараттық ресурстар түрінде мемлекетке тиесілі ақпараттандыру объектілерінің мемлекеттік мүлік тізіліміне деректерді беру нысаны мен көлемі;";

      2-тармақтың бірінші абзацы мынадай редакцияда жазылсын:

      "2. Қазақстан Республикасы Қаржы министрлігінің Мемлекеттік мүлік және жекешелендіру комитеті заңнамада белгіленген тәртіппен:";

      осы бұйрықтың 2-қосымшасына сәйкес 12-1-қосымшамен толықтырылсын;

      көрсетілген бұйрыққа 13-қосымша осы бұйрыққа 3-қосымшаға сәйкес жаңа редакцияда жазылсын.

      2. Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасының заңнамасында белгіленген тәртіппен:

      1) осы бұйрықтың Қазақстан Республикасының Әділет министрлігінде мемлекеттік тіркелуін;

      2) осы бұйрықтың Қазақстан Республикасы Қаржы министрлігінің интернет-ресурсында орналастырылуын;

      3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Қаржы министрлігінің Заң қызметі департаментіне ұсынуды қамтамасыз етсін.

      3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Әділет министрлігі

      "КЕЛІСІЛДІ"

      Қазақстан Республикасының

      Мәдениет және ақпарат министрлігі

      "КЕЛІСІЛДІ"

      Қазақстан Республикасының

      Өнеркәсіп және құрылыс министрлігі

      "КЕЛІСІЛДІ"

      Қазақстан Республикасының

      Стратегиялық жоспарлау және реформалар агенттігі

      "КЕЛІСІЛДІ"

      Қазақстан Республикасының

      Ұлттық экономика министрлігі

      "КЕЛІСІЛДІ"

      Қазақстан Республикасының

      Цифрлық даму, инновациялар

      және аэроғарыш өнеркәсібі министрлігі

      "КЕЛІСІЛДІ"

      Қазақстан Республикасының

      Ішкі істер министрлігі

Әкімшілік деректерді жинауға арналған нысан "20 ___ жылғы 31 желтоқсандағы жағдай бойынша мүлікті түгендеу, паспорттау және қайта бағалау нәтижелері бойынша жиынтық ақпарат"

      20___ жылғы есепті кезең

      Индекс: 1-ЖА

      Кезеңділігі: жыл сайын

      Тапсырады: мемлекеттік заңды тұлғалар

      Алушы: мемлекеттік мүлік тізілімі

      Тапсыру мерзімі: жыл сайын, есепті кезеңнен кейінгі жылдың 1 мамырынан кешіктірмей

      Нысан

      Мемлекеттік заңды тұлғаның атауы:______________________________

      Ұйымның бизнес-сәйкестендіру нөмірі:___________________________

      Ұйымның заңды мекенжайы:____________________________________

      Ескертпе:

      1 осы тармақты мемлекеттік кәсіпорындардың толтыруы міндетті емес;

      2 * жүргізілген паспорттау бойынша ақпаратты көрсете отырып;

      3 ** "Азаматтарға арналған үкімет" Мемлекеттік корпорациясы (бұдан әрі - ААҮ) анықтаған немесе мемлекеттік мүлік тізілімінде ААҮ белгіленген тәртіппен автоматты түрде есептелген жер учаскесінің кадастрлық (бағалау) құны көрсетіледі;

      x бұл жайғасым толтыруға жатпайды.

      Бірінші басшы___________________________ ____________

      тегі, аты, әкесінің аты (бар болған кезде) (қолы)

      Бас бухгалтер__________________________ ______________

      тегі, аты, әкесінің аты (бар болған кезде) (қолы)

      Мөр орны

"20 ___ жылғы 31 желтоқсандағы жағдай бойынша мүлікті түгендеу, паспорттау және қайта бағалау нәтижелері бойынша жиынтық ақпарат" Әкімшілік деректерді жинауға арналған нысанды толтыру бойынша түсіндірме

1-тарау. Жалпы ережелер

      1. Осы түсіндірме 20 ___ жылғы 31 желтоқсандағы жағдай бойынша мүлікті түгендеу, паспорттау және қайта бағалау нәтижелері бойынша жиынтық ақпараттың нысанын (бұдан әрі - Нысан) толтыру бойынша бірыңғай талаптарды анықтайды.

      2. Нысанға мемлекеттік заңды тұлғаның бірінші басшысы, ал оның жоқ болған жағдайында оның қызметін атқаратын тұлға қол қояды.

2-тарау. Нысанды толтыру бойынша түсіндірме

      3. Нысанның 1-бағанында мүлік түрі көрсетілген.

      4. Нысанның 2-бағанында мүліктің саны көрсетіледі.

      5. Нысанның 3-бағанында мүліктің алғашқы құны, теңгерімге қойған кездегі алғашқы қабылданғаны көрсетіледі.

      6. Нысанның 4-бағанында қолдану кезеңінде жинақталған мүліктің тозуы көрсетіледі.

      7. Нысанның 5-бағанында мүліктің баланстық құны оның қайтару құнынан артық болған құны көрсетіледі.

      8. Нысанның 6-бағанында жинақталған амортизация мен құнсызданудың шығындарын алғаннан кейін мүлік есепке алынатын құны көрсетіледі (3-баған - 4- баған - 5-баған).

      9. Нысанның 7-бағанында қайта бағалау сомасы көрсетіледі.

      10. Нысанның 8-бағанында қайта бағалаудан кейінгі теңгерімдік құны көрсетіледі (6-баған + 7-баған).

      11. Нысанның 9-бағанында техникалық паспорттары бар объектілер саны көрсетіледі.

      12. Нысанның 10-бағанында есепті жылда паспорттау жүргізілген объектілер саны көрсетіледі.

      13. Нысанның 11-бағанында паспорттау жүргізілуі қажет объектілер саны көрсетіледі.

Әкімшілік деректерді жинауға арналған нысан "Электрондық ақпараттық ресурстар түрінде мемлекетке тиесілі ақпараттандыру объектілері бойынша мемлекеттік мүлік тізіліміне деректерді беру нысаны мен көлемі бойынша мәліметтер"

      20___ жылғы есепті кезең

      Индекс: 1-ЭАР

      Кезеңдлігі: сұрау салу бойынша

      Ақпаратты ұсынатын адамдар аясы: барлық мемлекеттік органдар (және олардың ведомстволық бағынысты ұйымдары)

      Нысан қайда ұсынылады: Қазақстан Республикасы Қаржы министрлігінің Мемлекеттік мүлік және жекешелендіру комитеті

      Ұсыну мерзімі: сұрау салу келіп түскеннен кейін 1 (бір) жұмыс күні ішінде

      1. Мемлекетке тиесілі ақпараттандыру объектісі бойынша мәліметтерді электрондық ақпараттық ресурстар түрінде көрсетіңіз (бұдан әрі – мемлекеттік деректер базасы):

      1.1. Бастапқы код бойынша бастапқы деректер, пайдаланылатын кітапханалар және бағдарламалық платформа(лар):

      1.2. Деректер базасының толық резервтік көшірмесі бар алынбалы тасығышқа төлқұжат деректері

      1.3. Интеграция деректері

      Қысқартылған сөздерді таратып жазу:

      АЖ – ақпараттық жүйелер;

      БСН – бизнес-сәйкестендіру нөмірі.

"Электрондық ақпараттық ресурстар түрінде мемлекетке тиесілі ақпараттандыру объектілері бойынша мемлекеттік мүлік тізіліміне деректерді беру нысаны мен көлемі бойынша мәліметтер" Әкімшілік деректерді жинауға арналған нысанды толтыру бойынша түсіндірме (Индекс: 1-ЭАР)

1-тарау. Жалпы ережелер

      1. "Мемлекеттік мүлік тізілімі" ақпараттық жүйесі (бұдан әрі – МемТізілім) мен мемлекеттік органдардың ақпараттық жүйелері арасындағы ақпараттық алмасу мынадай тәртіппен жүзеге асырылады:

      Мемлекеттік деректер базасының бастапқы резервтік көшірмесі алынбалы тасығыштарда ұсынылады.

      Мемлекеттік дерекқордың резервтік көшірмесін жаңарту тіркеу куәлігі бар жүйе иесінің электрондық цифрлық қолтаңбасын пайдалана отырып, "сұрау-жауап" режимінде электрондық хабарламалар арқылы мемлекеттік орган пайдаланатын тиісті ақпараттық жүйемен МемТізілімнің тікелей интеграциясы арқылы жүзеге асырылады.

      Мемлекеттік құпияларды құрайтын және құпия мәліметтерді қамтитын электрондық ақпараттық ресурстар МемТізілімге ұсынылмайды.

2-тарау. Нысанды толтыру бойынша түсіндірме

      Бастапқы код бойынша бастапқы деректерге, пайдаланылатын кітапханаларға және бағдарламалық платформаға(ларға) қатысты:

      1) 1-бағанда меншік құқығында мемлекеттік деректер базасын иеленетін меншік иесінің атауы көрсетіледі;

      2) 2-бағанда меншік иесінің бизнес-сәйкестендіру нөмірі мемлекеттік деректер базасымен көрсетіледі;

      3) 3-бағанда меншік иесі мемлекеттік дерекқорды иелену және пайдалану құқығын берген иесінің атауы көрсетіледі;

      4) 4-бағанда мемлекеттік деректер базасы иесінің бизнес-сәйкестендіру нөмірі көрсетіледі;

      5) 5-бағанда ақпараттық жүйенің атауы көрсетіледі;

      6) 6-бағанда ақпараттық жүйенің қысқаша сипаттамасы мақсаты көрсетіледі;

      7) 7-бағанда дискінің таңбалануы көрсетіледі;

      8) 8-бағанда дискідегі каталогтың атауы көрсетіледі;

      9) 9-бағанда кітапханалардың/бағдарламалық платформаның/файлдың атауы көрсетіледі;

      10) 10-бағанда мөлшері, Мегабайт көрсетіледі;

      11) 11-бағанда бағдарламалау тілі көрсетіледі;

      12) 12-бағанда кітапхананың нұсқасы көрсетіледі;

      13) 13-бағанда хэш-сома көрсетіледі.

      Деректер базасының толық резервтік көшірмесі бар алынбалы тасығышқа паспорттық деректерге қатысты:

      1) 1-бағанда меншік құқығында мемлекеттік деректер базасын иеленетін меншік иесінің атауы көрсетіледі;

      2) 2-бағанда меншік иесінің бизнес-сәйкестендіру нөмірі мемлекеттік деректер базасымен көрсетіледі;

      3) 3-бағанда меншік иесі мемлекеттік дерекқорды иелену және пайдалану құқығын берген иесінің атауы көрсетіледі;

      4) 4-бағанда мемлекеттік деректер базасы иесінің бизнес-сәйкестендіру нөмірі көрсетіледі;

      5) 5-бағанда дискінің таңбалануы көрсетіледі;

      6) 6-бағанда дискідегі каталогтың атауы көрсетіледі;

      7) 7-бағанда файлдың атауы көрсетіледі;

      8) 8-бағанда мөлшері, Мегабайт көрсетіледі;

      9) 9-бағанда деректер базасын басқару жүйесі көрсетіледі;

      10) 10-бағанда деректер базасын басқару нұсқасы көрсетіледі;

      11) 11-бағанда резервтік көшірменің жасалған күні көрсетіледі;

      12) 12-бағанда хэш-сома көрсетіледі.

      Интеграция деректеріне қатысты:

      1) 1-бағанда интеграциялық байланыстың атауы көрсетіледі;

      2) 2-бағанда интеграцияланатын объектінің меншік иесі немесе иесі көрсетіледі;

      3) 3-бағанда қолданыстағы не жоспарланатын интеграция көрсетіледі;

      4) 4-бағанда интеграция модулінің болуы көрсетіледі;

      5) 5-бағанда қосылу нүктесінің мекенжайы көрсетіледі;

      6) 6-бағанда қосылу хаттамасы көрсетіледі;

      7) 7-бағанда секундына сұраулардың (пакеттердің) ең көп саны көрсетіледі;

      8) 8-бағанда сұраулар арасындағы күтудің ең ұзақ уақыты көрсетіледі.

Мемлекеттік мүлік тізіліміне деректерді беру кезеңділігі