Цифрлық майнингке арналған аппараттық-бағдарламалық кешенді есепке алу және тізілімін жүргізу қағидаларын бекіту туралы

      ЗҚАИ-ның ескертпесі!
      Осы бұйрықтың қолданысқа енгізілу тәртібін 4 т. қараңыз

      "Қазақстан Республикасындағы цифрлық активтер туралы" Қазақстан Республикасы Заңының 4-бабы 1-тармағының 12) тармақшасына сәйкес БҰЙЫРАМЫН:

      1. Қоса беріліп отырған Цифрлық майнингке арналған аппараттық-бағдарламалық кешенді есепке алу және тізілімін жүргізу қағидалары бекітілсін.

      2. Қазақстан Республикасы Цифрлық даму, инновациялар және аэроғарыш өнеркәсібі министрлігінің Электрондық өнеркәсіпті және цифрлық активтер индустриясын дамыту департаменті:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрық ресми жарияланғаннан кейін оны Қазақстан Республикасы Цифрлық даму, инновациялар және аэроғарыш өнеркәсібі министрлігінің интернет-ресурсында орналастыруды;

      3) осы бұйрық мемлекеттік тіркелгеннен кейін күнтізбелік он күн ішінде Қазақстан Республикасы Цифрлық даму, инновациялар және аэроғарыш өнеркәсібі министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Цифрлық даму, инновациялар және аэроғарыш өнеркәсібі вице-министріне жүктелсін.

      4. Осы бұйрық алғашқы ресми жарияланған күнінен бастап күнтізбелік алпыс күн өткен соң қолданысқа енгізіледі және ресми жариялануға тиіс.

      "КЕЛІСІЛДІ"

      Қазақстан Республикасының

      Қаржы министрлігі

Цифрлық майнингке арналған аппараттық-бағдарламалық кешенді есепке алу және тізілімін жүргізу қағидалары

1-тарау. Жалпы ережелер

      1. Осы Цифрлық майнингке арналған аппараттық-бағдарламалық кешенді есепке алу және тізілімін жүргізу қағидалары (бұдан әрі – Қағидалар) "Қазақстан Республикасындағы цифрлық активтер туралы" Қазақстан Республикасы Заңының (бұдан әрі – Заң) 4-бабы 1-тармағының 12) тармақшасына сәйкес әзірленді және цифрлық майнингке арналған аппараттық-бағдарламалық кешенді есепке алу және тізілімін жүргізу тәртібін айқындайды.

      2. Осы Қағидаларда мынадай негізгі ұғымдар пайдаланылады:

      1) ақпараттық жүйе – ақпараттық өзара іс-қимыл арқылы белгілі бір технологиялық әрекеттерді іске асыратын және нақты функционалдық міндеттерді шешуге арналған ақпараттық-коммуникациялық технологиялардың, қызмет көрсетуші персоналдың және техникалық құжаттаманың ұйымдастырылып ретке келтірілген жиынтығы;

      2) өтініш беруші – меншігінде цифрлық майнингке арналған аппараттық-бағдарламалық кешені бар жеке немесе заңды тұлға;

      3) цифрлық майнер – цифрлық майнинг жөніндегі қызметті жүзеге асыратын Қазақстан Республикасының дара кәсіпкері немесе заңды тұлғасы.

      4) цифрлық активтер саласындағы уәкілетті орган (бұдан әрі – уәкілетті орган) – цифрлық активтер саласындағы басшылықты және салааралық үйлестіруді жүзеге асыратын орталық атқарушы орган;

      5) цифрлық майнингке арналған аппараттық-бағдарламалық кешен (бұдан әрі – АБК) – белгілі бір үлгідегі міндеттерді шешу үшін бірлесіп қолданылатын бағдарламалық қамтылым мен техникалық құралдардың жиынтығы;

      6) электрондық цифрлық қолтаңба – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілігін және мазмұнының өзгермейтіндігін растайтын электрондық цифрлық нышандар жиынтығы (бұдан әрі – ЭЦҚ).

      3. Цифрлық майнингке арналған аппараттық-бағдарламалық кешеннің тізілімін (бұдан әрі – тізілім) есепке алуды және жүргізуді уәкілетті орган цифрлық майнинг бойынша цифрлық майнерлерді заңсыз жүзеге асыратын қызметті бақылау және анықтау, сондай-ақ елдің энергетикалық қауіпсіздігін қамтамасыз ету мақсатында жүзеге асырады.

2-тарау. Цифрлық майнингке арналған аппараттық-бағдарламалық кешенді есепке алу және тізілімін жүргізу тәртібі

      4. Тізілімді есепке алу және жүргізу деп мыналар түсініледі:

      1) АБК туралы мәліметтерді тізілімге енгізу;

      2) өтініш берушілер ұсынған мәліметтер өзгерген (толықтырылған) кезде, сондай-ақ АБК тізілімнен шығарылған кезде тізілімді өзектендіру.

      5. Тізілімді жүргізу осы Қағидаларға 1-қосымшаға сәйкес нысан бойынша жүзеге асырылады.

      6. Тізілімді есепке алу және жүргізу тізілімге енгізу (алып тастау) немесе өзгерістер (толықтырулар) енгізу үшін берілген өтініштердің (бұдан әрі – өтініш) негізінде жүзеге асырылады.

      7. Осы Қағидаларға 2 және 3-қосымшаларға сәйкес нысан бойынша цифрлық майнингке арналған АБК-ні тізілімге енгізу және мәліметтері туралы өтініштерді уәкілетті органға ақпараттық жүйе арқылы өтініш берушілер қызметті жүзеге асыру басталғанға дейін күнтізбелік 5 (бес) күн бұрын береді.

      8. Уәкілетті орган құжаттарды тіркеген сәттен бастап 10 (он) жұмыс күні ішінде осы Қағидалардың 7-тармағына сәйкес ұсынылған құжаттарды қарайды.

      9. Ұсынылған құжаттардың толық дұрыстығы және дұрыс еместігі фактісі анықталған кезде уәкілетті орган анықталған сәйкессіздіктерді көрсете отырып, осы Қағидаларға 4-қосымшаға сәйкес нысан бойынша анықталған сәйкессіздіктер туралы не осы Қағидаларға 5-қосымшаға сәйкес нысан бойынша АБК-ні тізілімге енгізуге қатысты шешім қабылдау туралы өтініш берушіге құрылымдық бөлімше басшысының не оны алмастырушы тұлғаның ЭЦҚ-сымен қол қойылған хабарлама жібереді.

      10. Өтініш беруші ақпараттық жүйе арқылы құжаттардың анықталған сәйкессіздіктерін жоя отырып, өтінішті қайта жібереді және осы Қағидалардың 8 және 9-тармақтарында белгіленген тәртіппен уәкілетті орган қарайды.

      11. Тізілімді өзектендіру үшін өтініш беруші уәкілетті органға осы Қағидаларға 6-қосымшаға сәйкес нысан бойынша АБК тізіліміне өзгерістер және (немесе) толықтырулар енгізу туралы ақпараттық жүйе арқылы мынадай мәліметтер өзгерген (толықтырылған) күннен бастап күнтізбелік 10 (он) күн ішінде:

      1) заңды тұлғаның (дара кәсіпкердің) атауы;

      2) тіркеудің заңды мекенжайы;

      3) цифрлық майнингті жүзеге асыру үшін деректерді өңдеу орталығының орналасқан жері туралы ақпаратты;

      4) байланыс деректерін жібереді.

      12. АБК-ні тізілімнен шығару үшін өтініш беруші ақпараттық жүйе арқылы осы Қағидаларға 7-қосымшаға сәйкес нысан бойынша мынадай:

      1) АБК-ні жою;

      2) нормативтік-техникалық құжаттамада айқындалған АБК-нің пайдалану мерзімдерінің өтуі;

      3) АБК-нің физикалық тозуы (пайдалану мерзімдері өткенге дейін);

      4) АБК-ні сату немесе жоғалту жағдайларында өтініш жібереді.

Цифрлық майнинг үшін аппараттық-бағдарламалық кешенінің тізілімі

Аппараттық-бағдарламалық кешенді тізілімге енгізу туралы цифрлық майнинг үшін өтініш

      1.____________________________________________________________

      (заңды тұлғаның (дара кәсіпкердің) атауы)

      2.___________________________________________________________

      (бизнес сәйкестендіру нөмірі/жеке сәйкестендіру нөмірі)

      3.____________________________________________________________

      (заңды тіркелген мекенжайы)

      4.____________________________________________________________

      (цифрлық майнингті жүзеге асыру үшін деректер орталығының орналасқан жері)

      5.____________________________________________________________

      (байланыс деректері: ұялы телефон, электрондық пошта)

      6.____________________________________________________________

      (аппараттық-бағдарламалық кешеннің толық атауы маркасы, моделі, саны)

      7.____________________________________________________________

      (ЕАЭО СЭҚ ТН коды)

      8.____________________________________________________________

      (меншік құқығында немесе басқа заңды негізде цифрлық майнинг

      саласында аппараттық-бағдарламалық кешеннің бар екендігін растайтын

      құжаттың көшірмесі (заңды тұлғаның (дара кәсіпкердің) атауы және

      меншік иесінің байланыс деректері көрсетіледі)

      ЭЦҚ өтініш берушінің қолы ____________________________________

      (тегі, аты, әкесінің аты (бар болса))

      Толтыру күні:             "__" ____________ 20__ жыл

Цифрлық майнингке арналған аппараттық-бағдарламалық кешеннің мәліметтері

[Мемлекеттік тілдегі УО атауы] мемлекеттік тілдегі УО деректемелері   [УО атауы (орыс тілінде)] орыс тіліндегі УО деректемелері   Анықталған сәйкессіздіктер туралы хабарлама
Нөмір №: [Нөмір]
Берілген күні: [берілген күні] [Өтініш берушінің атауы]
[[УО атауы] Сіздің [өтініш күні] жылғы № [Өтініш нөмірі] өтінішіңізді қарағаннан кейін мынаны хабарлайды.
Тізілімге енгізу туралы өтініш және оған қоса берілетін құжаттар бұйрықпен бекітілген цифрлық майнингке арналған аппараттық-бағдарламалық кешеннің тізілімін есепке алу және жүргізу қағидаларына сәйкес беріледі және қаралады__________________________________________________).
[Анықталған сәйкессіздіктер].
Осыған байланысты Сіздің компанияңыз мәлімдеген [цифрлық майнингке арналған аппараттық-бағдарламалық кешендер] тізілімге енгізілуге жатпайды.
[Қол қоюшының лауазымы] [Қол қоюшының тегі, аты, әкесінің аты (болған жағдайда)

Өтініш Цифрлық майнингке арналған аппараттық-бағдарламалық кешеннің тізіліміне өзгерістер және (немесе) толықтырулар енгізу туралы

      _____________________________________________________________

      Цифрлық майнердің атауы (Тегі, Аты, Әкесінің аты (бар болса)

      _____________________________________________________________

      (Жаңа редакциядағы тізілім жазбасының атауы және мазмұны:

      мәлімделген өзгерістердің және (немесе) толықтырулардың себебі)

      Байланыс деректері____________________________________________

      (телефон, электрондық пошта)

      ЭЦҚ өтініш берушінің қолы ____________________________________

      (тегі, аты, әкесінің аты (бар болса))

      Толтыру күні:             "__" ____________ 20__ жыл

Өтініш цифрлық майнингке арналған аппараттық-бағдарламалық кешенді цифрлық майнингке арналған аппараттық-бағдарламалық кешен тізілімінен шығару туралы

      _____________________________________________________________

      Цифрлық майнердің атауы (тегі, аты, әкесінің аты (бар болса)

      ___________________________________________________________

      (Тізілімнен алынып тасталатын тізілім жазбасының атауы және мазмұны)

      ___________________________________________________________

      (цифрлық майнинг үшін аппараттық-бағдарламалық кешенді кәдеге жарату/пайдалану/

      сату немесе жоғалту мерзімдерінің аяқталғанын растайтын құжат)

      Байланыс деректері____________________________________________

      (телефон, электрондық пошта)

      ЭЦҚ өтініш берушінің қолы ____________________________________

      (тегі, аты, әкесінің аты (бар болса))

      Толтыру күні:             "__" ____________ 20__ жыл