"Жоғары және жоғары оқу орнынан кейінгі білімнің білім беру бағдарламаларын iске асыратын бiлiм беру ұйымдарына оқуға қабылдаудың үлгілік қағидаларын бекіту туралы" Қазақстан Республикасы Білім және ғылым министрінің 2018 жылғы 31 қазандағы № 600 бұйрығына өзгерістер мен толықтырулар енгізу туралы

      БҰЙЫРАМЫН:

      1."Жоғары және жоғары оқу орнынан кейінгі білімнің білім беру бағдарламаларын iске асыратын бiлiм беру ұйымдарына оқуға қабылдаудың үлгілік қағидаларын бекіту туралы" Қазақстан Республикасы Білім және ғылым министрінің 2018 жылғы 31 қазандағы № 600 бұйрығына (Нормативтік құқықтық актілерді мемлекеттік тіркеу тізілімінде № 17650 болып тіркелген) мынадай өзгерістер мен толықтырулар енгізілсін:

      Жоғары білімнің білім беру бағдарламаларын іске асыратын білім беру ұйымдарына оқуға қабылдаудың үлгілік қағидаларында:

      4 және 4-1-тармақтар жаңа редакцияда жазылсын:

      "4. Республикалық бюджет немесе жергілікті бюджет қаражаты есебінен жоғары білімнің білім беру грантын беру конкурсына қатысу және (немесе) ақылы оқуға қабылдау үшін қысқартылған оқыту мерзімдерін көздейтін жоғары білімі бар кадрларды даярлаудың ұқсас бағыттары бойынша түсушілерді қоспағанда, орта, техникалық және кәсіптік немесе орта білімнен кейінгі білімі бар, ҰБТ-дан өткен және оның нәтижесі бойынша:

      ұлттық ЖЖОКБҰ-ға – кемінде 65 балл, ал "Педагогикалық ғылымдар" білім беру саласы бойынша – кемінде 75 балл, "Денсаулық сақтау" білім беру саласы бойынша – кемінде 70 балл, "Ауыл шаруашылығы және биоресурстар", "Ветеринария" білім беру салалары бойынша – кемінде 60 балл және "Құқық" даярлау бағыты бойынша – кемінде 75 балл;

      басқа ЖЖОКБҰ-ға – кемінде 50 балл, ал "Педагогикалық ғылымдар" білім беру саласы бойынша – кемінде 75 балл, "Денсаулық сақтау" білім беру саласы бойынша – кемінде 70 балл және "Құқық" даярлау бағыты бойынша – кемінде 75 балл жинаған адамдар жіберіледі.

      Бұл ретте ҰБТ-ның әр пәні бойынша және (немесе) шығармашылық емтиханнан кемінде 5 балл алу қажет.

      Республикалық бюджет немесе жергілікті бюджет қаражаты есебінен қысқартылған оқу мерзімін көздейтін жоғары білімі бар кадрларды даярлаудың ұқсас бағыттары бойынша оқуға арналған жоғары білімнің беру грантын беру конкурсына қатысу үшін техникалық және кәсіптік, орта білімнен кейінгі білімі бар, ҰБТ-дан өткен және оның нәтижелері бойынша – кемінде 25 балл және "Педагогикалық ғылымдар" білім беру саласы бойынша – кемінде 35 балл, оның ішінде ҰБТ-ның әрбір пәні және (немесе) шығармашылық емтихан бойынша кемінде 5 балл жинаған адамдар жіберіледі.

      ҰБТ-ны электрондық форматта өту кезінде республикалық бюджет немесе жергілікті бюджет қаражаты есебінен жоғары білімнің білім беру грантын беру конкурсына оқуға түсуші осы тармақта көрсетілген қажетті балл саны бар ҰБТ-ның нәтижесімен қатыса алады.

      4-1. SAT (ЭсЭйТи – САТ), ACT (ЭйСиТи), IB (АйБи) халықаралық стандартталған тест сертификаттары бар тұлғалар білім беру грантын тағайындау конкурсына қатысады және (немесе) осы Үлгілік қағидаларға 2-1-қосымшаға сәйкес балдарды ауыстыру шкаласына сәйкес жоғары оқу орындарына ақылы бөлімге қабылданады. Бұл ретте SAT subject (САТ сабджект) нәтижелерін ҰБТ балына ауыстыру бейінді пәндер сәйкес келген жағдайда ғана жүргізіледі.";

      Жоғары оқу орнынан кейінгі білімнің білім беру бағдарламаларын іске асыратын білім беру ұйымдарына оқуға қабылдаудың үлгілік қағидалары.

      7-тармақ жаңа редакцияда жазылсын:

      "7. ЖЖОКБҰ магистратурасына түсушілердің өтініштерін қабылдау ЖЖОКБҰ-ның қабылдау комиссиялары және (немесе) ҰТО-ның ақпараттық жүйесі арқылы келесі мерзімдерде жүзеге асырылады:

      1) күнтізбелік жылғы 1 маусымнан 15 шілдеге дейін;

      2) күнтізбелік жылғы 1 қарашадан 18 қарашаға дейін.

      Магистратураға түсушілерге арналған араб тілінен түсу емтиханы және шығармашылық емтихандар ЖЖОКБҰ-да келесі мерзімдерде жүзеге асырылады:

      1) күнтізбелік жылғы 16 шілдеден 25 шілдеге дейін;

      2) күнтізбелік жылғы 7 желтоқсаннан 10 желтоқсанға дейін.

      Денсаулық сақтау саласындағы білім беру ұйымдарының, сондай-ақ ЖЖОКБҰ резидентурасына түсушілердің өтініштерін қабылдауды ЖЖОКБҰ қабылдау комиссиялары күнтізбелік жылдың 3-25 шілдесі аралығында жүргізеді. Қабылдау емтихандары күнтізбелік жылдың 8-16 тамызы аралығында өткізіледі.

      ЖЖОКБҰ докторантурасына өтініштерді қабылдау ЖЖОКБҰ қабылдау комиссиялары және (немесе) ҰТО-ның ақпараттық жүйесі арқылы келесі мерзімдерде жүзеге асырылады:

      1) күнтізбелік жылғы 3 шілдеден 3 тамызға дейін;

      2) күнтізбелік жылғы 1 қарашадан 18 қарашаға дейін.

      Докторантураға білім беру бағдарламаларының тобы бойынша түсу емтихандары келесі мерзімдерде жүзеге асырылады:

      1) күнтізбелік жылғы 4 тамыздан 20 тамызға дейін;

      2) күнтізбелік жылғы 19 қарашадан 11 желтоқсанға дейін.

      Түсуші өтініш беру кезінде бір ЖЖОКБҰ мен бір білім беру бағдарламасының тобын көрсетеді.

      Докторантураға түсуші тұлғалар мынадай құжаттар топтамасын тапсырады:

      1) еркін нысандағы өтініш;

      2) білім туралы құжат (құжаттарды қабылдау комиссиясына тапсырған кезде түпнұсқасы);

      3) жеке басын куәландыратын құжат (жеке басын сәйкестендіру үшін қажет);

      4) ҰТО берген мемлекеттік тіл бойынша емтихан тапсырғаны туралы ресми сертификат (ҚАЗТЕСТ);

      5) шетел тілі бойынша тест тапсырғаны туралы сертификат:

      ағылшын тілін меңгеру бойынша:

      International English Language Tests System Academic (Интернашнал Инглиш Лангудж Тестс Систем Академик) (IELTS Academic) (АЙЛТС Академик), шекті балл кемінде – 5.5;

      Test of English as a Foreign Language Institutional Testing Programm Internet-based Test (Тест ов Инглиш аз а Форин Лангудж Инститьюшнал Тестинг програм Интернет бейзид тест) (TOEFL IBT) (ТОЙФЛ АЙБИТИ), шекті балл кемінде – 46;

      Test of English as a Foreign Language Paper-based testing (Тест ов Инглиш аз а Форин Лангудж пэйпер бэйсед тэстинг) (TOEFL PBT) (ТОЙФЛ ПЙБИТИ), шекті балл кемінде – 453;

      Test of English as a Foreign Language Institutional Testing Programm (Тест ов Инглиш аз а Форин Лангудж институшинал тестинг програм) (TOEFL ITP) (ТОЙФЛ АЙТИПИ), шекті балл – кемінде 460;

      неміс тілін меңгеру бойынша:

      Deutsche Sprachpruеfung fuеr den Hochschulzugang Niveau В2 (дойче щпрахпрюфун фюр дейн хохшулцуган ниво В2) (DSH, Niveau В2) (ДЙСИЭИЧ, ниво В2) – В2 деңгейі;

      TestDaF-Prufung Niveau В2 (тестдаф-прюфун ниво В2) (TDF Niveau В2) (ТЙДИЭФ, ниво В2) - В2 деңгейі;

      француз тілін меңгеру бойынша:

      Test de Français International (Тест де франсэ Интернасиональ) (TFI) (ТФИ) - оқу және тыңдау секциялары бойынша В2 деңгейінен төмен емес;

      Diplome d’Etudes en Langue français (Диплом дэтюд ан Ланг франсэз) (DELF) (ДЭЛФ) – В2 деңгейі;

      Test de connaissance du français (Тест де коннэссанс дю франсэ) (TCF) (ТСФ), шекті балл кемінде – 50;

      6) № ҚР ДСМ-175/2020 бұйрықпен бекітілген 075/у нысаны бойынша электрондық форматтағы медициналық анықтама;

      Белгілі бір аумақта шектеу іс-шаралары жүзеге асырылған, төтенше жағдай енгізілген, әлеуметтік, табиғи және техногендік сипаттағы төтенше жағдайлар туындаған жағдайларда осы іс-шаралардың алынуына қарай тікелей білім беру ұйымдарына медициналық анықтама ұсынады.

      7) 3x4 сантиметр көлеміндегі алты фотосурет;

      8) жұмыс орны бойынша кадр қызметімен расталған кадрларды есепке алу жөніндегі жеке іс парағы немесе еңбек қызметін растайтын өзге құжат;

      9) соңғы 3 күнтізбелік жылдағы ғылыми жарияланымдар тізімі (болған жағдайда), зерттеулер жүргізу жоспары және эссе;

      10) алдын ала іріктеу нәтижелері ("Денсаулық сақтау" білім саласы бойынша).

      4), 5) және 7) тармақшаларда көрсетілген құжаттар тұпнұсқада және көшірмелерде ұсынылады, салыстыру жүргізілгеннен кейін түпнұсқалары өтініш берушіге қайтарылады.

      Test of English as a Foreign Language Institutional Testing Programm (Тест ов Инглиш аз а Форин Лангудж институшинал тестинг програм) (TOEFL ITP) (ТОЙФЛ АЙТИПИ) сертификаты бар тұлғалар докторантураға түсу емтиханы басталғанға дейін ағылшын тілін білуге арналған қосымша тестілеуді тапсырады.

      Ағылшын тілін білуге арналған қосымша тестілеудің тест тапсырмаларының саны 100 сұрақты құрайды. Ең жоғарғы балл саны 100 балды құрайды.

      Ағылшын тілін білуге арналған қосымша тестілеу "өтті" немесе "өтпеді" деген нысанда бағаланады. "Өтті" деген бағаны алу үшін кемінде 75 балл жинау керек.

      Ағылшын тілін білуге арналған қосымша тестілеуді ҰТО білім беру саласындағы уәкілетті орган айқындаған ұйымдарда өткізеді.

      Ағылшын тілін білуге арналған қосымша тестілеудің өткізілу күні, уақыты және орны түсушіге оның "жеке кабинеті" арқылы жолданады.

      Осы тармақта көрсетілген құжаттар тізбесін толық ұсынбаған жағдайда қабылдау комиссиясы түсушілерден құжаттарды қабылдамайды.

      Магистратура мен докторантураға қабылдау келесі мерзімдерде жүзеге асырылады:

      1) күнтізбелік жылғы 15 тамыздан 28 тамызға дейін;

      2) күнтізбелік жылғы 26 желтоқсаннан 10 қаңтарға дейін.";

      20-1-тармақ жаңа редакцияда жазылсын:

      "20-1. Компьютерлік форматта докторантураға түсу емтиханы мынадай блоктардан тұрады:

      1) оқуға түсушімен ЖЖОКБҰ-ның емтихан комиссиясы өткізетін әңгімелесу;

      2) эссе жазудан;

      3) докторантурада оқуға дайындығын анықтауға арналған тестілеуден (бұдан әрі-ОДТ);

      4) білім беру бағдарламасы тобының бейіні бойынша емтихан сұрақтарына жауаптардан тұрады.

      9-қосымшаға сәйкес қорытынды баға эссені бағалау, ОДТ, білім беру бағдарламасы тобының бейіні бойынша емтихан сұрақтарына берілген жауаптар мен әңгімелесу нәтижелеріні қосу арқылы қосындысынан алынған балдар жиынтығынан тұрады.

      Докторантураға түсу емтиханына 4 сағат 20 минут (260 минут) беріледі, оның ішінде:

      әңгімелесуге – 20 минут;

      ОДТ-ға – 50 минут;

      эссе және білім беру бағдарламасы тобының бейіні бойынша емтихан сұрақтарына жауаптар жазуға – 190 минут (3 сағат 10 минут).

      Бұл ретте, көру, есту, тірек-қимыл аппаратының функциялары бұзылған мүгедектерге "Медициналық-әлеуметтік сараптама жүргізу қағидаларын бекіту туралы" Қазақстан Республикасы Денсаулық сақтау және әлеуметтік даму министрінің 2015 жылғы 30 қаңтардағы № 44 бұйрығымен (Нормативтік құқықтық актілерді мемлекеттік тіркеу тізілімінде № 10589 болып тіркелген) бекітілген мүгедектікті белгілеу туралы құжатты ұсынған жағдайда 60 минутқа дейін қосымша уақыт беріледі.

      Компьютерлік форматтағы түсу емтиханын бастау үшін түсушіге:

      1) логин көрсету;

      2) паролін көрсету;

      3) адам бетінің көлемдік-кеңістіктік формасының сканері арқылы авторизациялау;

      4) докторантураға компьютерлік форматтағы түсу емтиханын өткізу қағидаларымен танысу;

      5) түсу емтиханы туралы деректердің дұрыстығын растау;

      6) "Кіру" батырмасын басқаннан кейін түсу емтиханын тапсыруға кірісу қажет.

      Түсу емтиханы аяқталған соң түсушінің эссе және білім беру бағдарламасы тобының бейіні бойынша емтихан сұрақтарының бөлімдері бойынша жауаптары өзі таңдаған ЖЖКОБҰ-ға өңдеу және бағалау үшін жіберіледі. Докторантурада оқуға дайындығын анықтауға арналған тест бөлімі бойынша түсушінің жауаптарын ҰТО өңдейді.

      Компьютерлік форматтағы түсу емтиханының нәтижесі түсу емтиханы өткізілгеннен кейін келесі күні жарияланады.

      Түсу емтиханының және (немесе) апелляцияға өтінішті қарау (апелляцияға өтініш берген жағдайда) нәтижелері бойынша түсушіге ҰТО-ның сайтында жарияланатын және түсушінің жеке кабинетіне жолданатын электрондық сертификат беріледі.

      Докторантураға компьютерлік форматтағы түсу емтиханының электрондық сертификаты ҰТО-ның сайтында расталады.

      4 мен 20 тамыз аралығында өткізілетін түсу емтиханының сертификаты ағымдағы күнтізбелік жылғы 1 желтоқсанға дейін жарамды болады.

      18 қараша мен 11 желтоқсан аралығында өткізілетін түсу емтиханының сертификаты келесі күнтізбелік жылғы 1 наурызға дейін жарамды болады.";

      20-3, 20-4, және 20-5-тармақтар жаңа редакцияда жазылсын:

      "20-3. Компьютерлік форматтағы түсу емтиханының өткізу қағидаларының сақталуын бақылауды жүзеге асыру үшін уәкілетті орган айқындаған ұйымдарға түсу емтихандарының әкімшілері және білім беру саласындағы уәкілетті органның, басқа да мүдделі мемлекеттік органдар мен ведомстволар қызметкерлерінің, азаматтық қоғам институттары, үкіметтік емес ұйымдар өкілдерінің қатарынан бақылаушылар жіберіледі. Түсу емтихандарының әкімшілері аудитория мен дәліз бойынша кезекші қызметін атқарады.

      Түсушілер компьютерлік форматтағы түсу емтиханына бір-бірден кіргізіледі және жеке басын куәландыратын құжаты немесе төлқұжаты негізінде түсушілердің жеке басы бетінің көлемдік-кеңістіктік формасының сканерленуі арқылы сәйкестендіріледі.

      Компьютерлік форматтағы түсу емтиханына кіргізу кезінде қол және рамалық металл іздегіштер пайдаланылады.

      Компьютерлік форматтағы түсу емтиханына кіргізу барысында металл іздегішпен тексеру кезінде тыйым салынған заттар (деректермен қамтылған шпаргалкалар, оқу-әдістемелік әдебиеттер, Менделеев кестесі және тұздардың ерігіштігі кестесі, калькулятор, фотоаппарат, ұялы байланыс құралдары (пейджер, ұялы телефондар, планшеттер, iPad (Айпад), iPod (Айпод), SmartPhone (Смартфон), рациялар, ноутбуктер, плейерлер, модемдер (мобильді роутерлер), смарт сағаттар, сымды және сымсыз құлаққаптар, сымсыз бейнекамералар, GPS (ДжиПиЭс) навигаторлар, GPS (ДжиПиЭс) трекерлер, қашықтан басқару құрылғылары, сондай-ақ келесі стандарттарда жұмыс істейтін басқа да ақпарат алмасу құрылғылары: GSM (ДжиСиМ), 3G (3 Джи), 4G (4 Джи), 5G (5 Джи), VHF (ВиЭйчЭф), UHF (ЮЭйчЭф), Wi-Fi (Вай-фай), GPS (ДжиПиЭс), Bluetooth (Блютуз), Dect (Дект) табылған жағдайда түсу емтиханының әкімшісі осы Қағидаларға 10-қосымшаға сәйкес нысан бойынша докторантураға компьютерлік форматтағы түсу емтиханына кіргізу барысында тыйым салынған заттарды табылғаны туралы акт жасайды және түсуші ағымдағы жылы түсу емтиханына жіберілмейді.

      Түсу емтиханына кіргізу барысында бөгде адам анықталған жағдайда түсу емтиханының әкімшісі осы Қағидаларға 11-қосымшаға сәйкес нысан бойынша Докторантураға компьютерлік форматтағы түсу емтиханына кіргізу барысында бөгде тұлғаның анықталуы туралы акт жасайды, түсуші осы түсу емтиханына кіргізілмейді.

      Өз орнына "бөтен тұлғаны" кіргізуге талпынған түсушілерге ағымдағы жылы докторантураға түсу емтиханына кіруге рұқсат етілмейді.

      20-4. Докторантураға компьютерлік форматтағы түсу емтиханын өткізу барысында түсушіге:

      1) аудиториядан дәліз кезекшісінің функциясын атқаратын түсу емтиханы әкімшісінің рұқсатынсыз және алып жүруінсіз шығуға;

      2) аудиториядан 2 рет және ұзақтығы 10 минуттан артық шығуға;

      3) сөйлесуге, орын ауыстыруға;

      4) құжаттармен және бейінді білім беру бағдарламаларының тобы бойынша емтихан сұрақтарының жауаптарына арналған түсушіге берілетін А4 форматындағы парағымен алмасуға;

      5) құжаттарды және бейінді білім беру бағдарламаларының тобы бойынша емтихан сұрақтарының жауаптарына арналған түсушіге берілетін А4 форматындағы парақты аудиториядан шығаруға;

      6) аудиторияға деректермен қамтылған шпаргалкаларды, оқу-әдістемелік әдебиеттерін, Менделеев кестесі және тұздардың ерігіштігі кестесін, калькуляторды, фотоаппаратты, ұялы байланыс құралдарын (пейджер, ұялы телефондар, планшеттер, iPad (Айпад), iPod (Айпод), SmartPhone (Смартфон), рацияларды, ноутбуктерді, плейерлерді, модемдерді (мобильді роутерлер), смарт сағаттарды, сымды және сымсыз құлаққаптарды, сымсыз бейнекамераларын, GPS (ДжиПиЭс) навигаторларын, GPS (ДжиПиЭс) трекерлерін, қашықтан басқару құрылғыларын, сондай-ақ мынадай стандарттарда жұмыс істейтін басқа да ақпарат алмасу құрылғыларын: GSM (ДжиСиМ), 3G (3 Джи), 4G (4 Джи), 5G (5 Джи), VHF (ВиЭйчЭф), UHF (ЮЭйчЭф), Wi-Fi (Вай-фай), GPS (ДжиПиЭс), Bluetooth (Блютуз), Dect (Дект) алып кіруіне және қолдануына;

      7) түсу емтиханына пайдаланылатын техникаға және қауіпсіздік жүйесіне қасақана зиян келтіруге;

      8) түсу емтиханы басталар алдында немесе түсу емтиханы кезінде шулауға;

      9) тестілеу тапсырмалары мен емтихан сұрақтарының мазмұнын талқылауға және жария етуге;

      10) түсу емтиханының жүйесіне араласу әрекетіне және түсу емтиханын өтуге байланысты өзге де бұзушылықтарға рұқсат етілмейді.

      Бұл ретте түсу емтиханы өткізілетін компьютердің интерфейсіндегі калькуляторларды, Менделеев кестесін және тұздардың ерігіштігі кестесін пайдалануға рұқсат етіледі.

      Түсу емтиханында осы тармақта көрсетілген тыйым салынған заттар түсушіден табылған кезде, сондай-ақ, түсуші осы тармақты бұзған жағдайда түсу емтиханының әкімшісі бақылаушылармен бірге осы Қағидаларға 12-қосымшаға сәйкес нысан бойынша Докторантураға компьютерлік форматтағы түсу емтиханын өткізу барысында тыйым салынған заттардың тәркіленуі және тәртіп сақтау ережесін бұзған және (немесе) әрекеттері немесе түсу емтиханы жүйесіне араласу әрекеті және түсу емтиханынан өту кезіндегі өзге де бұзушылықтар жасаған түсушіні аудиториядан шығару туралы акт жасайды. Түсуші аудиториядан шығарылады. Түсу емтиханының нәтижелері өңделмейді және жойылады.

      Түсу емтиханын өткізу барысында бөгде адам анықталған жағдайда, түсу емтиханының әкімшісі бақылаушылармен бірлесіп осы Қағидаларға 13-қосымшаға сәйкес нысан бойынша докторантураға компьютерлік форматтағы түсу емтиханы барысында бөгде адамның анықталғаны туралы акт жасайды.

      Бөгде адам аудиториядан шығарылады. Түсу емтиханының нәтижелері өңделмейді және жойылады.

      Түсу емтиханы барысында өз орнына "бөгде адамды" кіргізген түсушілерге ағымдағы жылы докторантураға түсу емтиханын тапсыруға рұқсат етілмейді.

      Түсу емтиханы кезінде техниканың техникалық ақауы болған жағдайда түсуші түсу емтиханының әкімшісіне хабарлау қажет. Түсу емтиханының әкімшісі бақылаушылармен бірлесіп, осы Қағидаларға 14-қосымшаға сәйкес нысан бойынша Түсу емтиханы кезінде техниканың техникалық ақаудың анықталғаны туралы акті жасайды.

      Түсу емтиханын өткізу пунктінде электр қуаты ажыратылған жағдайда немесе түсу емтиханының жазбасы жүргізілмейтін басқа да форс-мажорлық жағдайларда, Ұлттық тестілеу орталығының келісі түсу емтиханының әкімшісі мен өңірлік мемлекеттік комиссия осы Қағидаларға 15-қосымшаға сәйкес нысан бойынша Түсу емтиханы процесін тоқтату және басқа күнге ауыстыру туралы акт жасай отырып, түсу емтиханы процесін тоқтатады (күшін жояды) және басқа күнге ауыстырады.

      Түсу емтиханы процесін тоқтата тұру және ауыстыру туралы акт түсу емтиханы әкімшісі және өңірлік мемлекеттік комиссиямен бірлесіп жасалады.

      Электр қуаты ажыратылған жағдайда, түсушінің жұмыс орнында түсу емтиханының процесі туралы деректер (тест тапсырмалары мен емтихан сұрақтарына бұрын белгіленген жауаптар, түсу емтиханының пайдаланылған уақытының саны) сақталады.

      Түсу емтиханын одан әрі жалғастырған кезде түсуші түсу емтиханы процесі тоқтатылған жерден бастап түсу емтиханы процесін жалғастырады.

      Түсу емтиханын басқа күнге ауыстырған жағдайда түсушінің түсу емтиханы тоқтатылғанға дейін тест тапсырмалары мен емтихан сұрақтарына бұрын белгіленген жауаптары сақталмайды.

      20-5. Күнтізбелік жылғы 4 тамыз бен 20 тамыз аралығында өткізілген докторантураға компьютерлік форматтағы түсу емтиханы аяқталғаннан кейін, 3 (үш) ай бойы ҰТО түсу емтиханы кезіндегі бейнебақылау жазбаларын қарауды жүзеге асырады.

      Күнтізбелік жылғы 18 қарашадан 11 желтоқсанға дейінгі кезеңде өткізілген докторантураға компьютерлік форматтағы түсу емтиханы аяқталғаннан кейін, 3 (үш) ай бойы ҰТО түсу емтиханы кезіндегі бейнебақылау жазбаларын қарауды жүзеге асырады.

      Түсу емтиханында және тестілеу жүйесіндегі түсушінің тіркеу файлдарын (логтарын) тексеру нәтижесі бойынша түсушілердің осы Қағидалардың 20-3 және 20-4-тармақтарында көрсетілген тыйым салынған заттарды пайдаланғандығы анықталған жағдайда ҰТО Докторантураға компьютерлік форматтағы түсу емтиханын өткізу барысында тыйым салынған заттардың тәркіленуі және тәртіп сақтау ережесін бұзған және (немесе) әрекеттері немесе түсу емтиханы жүйесіне араласу әрекеті және түсу емтиханынан өту кезіндегі өзге де бұзушылықтар жасаған түсушіні аудиториядан шығару туралы акт жасайды және растайтын материалдарымен бірге білім беру саласындағы уәкілетті органға ұсынады.

      Аудиторияда өткізу қағидаларын бұзған және немесе түсу емтиханының бағдарламасына араласуға әрекет жасаған және түсу емтиханынан өту кезінде өзге де бұзушылықтар жасаған оқуға түсушіні тыйым салынған заттарды жою және аудиториядан шығару актісі растайтын материалдар білім беру саласындағы уәкілетті орган құратын комиссяның қарауына ұсынылады.

      Комиссияның шешімімен түсу емтихандарының сертификаттары білім беру саласындағы уәкілетті органның бұйрығымен жойылады.

      Түсу емтиханының сертификаты жойылғаннан кейін ЖЖОКБҰ түсушіге хабарлама жібереді.";

      мынадай мазмұндағы 20-6-тармақпен толықтырылсын:

      "20-6. Докторантураға түсетін адамдар үшін әңгімелесуді ЖЖОКБҰ "Эссе жазу", "ОДТ" және "Білім беру бағдарламалары тобының бейіні бойынша емтихан сұрақтарына жауаптар" блоктары бойынша түсу емтихандарын тапсырғанға дейін дербес жүргізеді.

      Әңгімелесу оқуға түсушінің кәсіби және жеке қасиеттерін, ғылыми - зерттеу немесе эксперименттік-зерттеу жұмыстарын жүргізу әлеуетін бағалауға бағытталған.

      Әңгімелесу міндетті түрде бейне байланысты пайдалана отырып, қашықтықтан жүргізіледі. Бейнежазба архивте кемінде үш жыл сақталады.

      Әңгімелесу емтихан комиссиясының төрағасы, мүшелері және хатшысы қол қоятын хаттамамен ресімделеді.

      Оқуға түсуші әңгімелесуге келмеген жағдайда 0 балл қойылады, хаттамамен ресімделеді, оған емтихан комиссиясының төрағасы, мүшелері және хатшысы қол қояды.";

      26-тармақ жаңа редакцияда жазылсын:

      "26. Докторантураға, резидентураға, магистратураға түсуші тұлғалардан апелляцияға өтініш апелляциялық комиссия төрағасының атына жеке немесе ҰТО-ның ақпараттық жүйесі арқылы беріледі.

      Өтініштер докторантураға түсу емтихандары, шығармашылық емтихандар және КТ нәтижелері жарияланғаннан кейінгі келесі күні сағат 13:00-ге дейін қабылданады және ЖЖОКБҰ-ның апелляциялық комиссиясы өтініш берілген күннен бастап бір күн ішінде қарайды.

      Докторантураға компьютерлік форматтағы түсу емтиханы бойынша апелляцияға өтініш нәтижелері жарияланғаннан кейін келесі күні сағат 13:00-ден 13:40-ға дейін білім беру саласындағы уәкілетті орган айқындаған ұйымдардың базасында қабылданады.

      Апелляцияға кіру барысында осы Қағидаларға 20-3 және 20-4-тармақтарда көрсетілген тыйым салынған заттарды қолдануға рұқсат берілмейді.

      Докторантураға түсуші тұлғалардан докторантурада оқуға дайындығын анықтауға арналған тест бөлімінде тест тапсырмаларының мазмұны және техникалық себеп бойынша апелляцияны Республикалық апелляциялық комиссия қарастырады.

      Докторантурада оқуға дайындығын анықтауға арналған тест бөлімінде техникалық себептер бойынша апелляцияға өтінішті түсуші түсу емтиханы өткізу барысында береді.

      Техникалық себеп бойынша апелляция тест тапсырмасы шартының фрагменті (мәтін, сызба, суреттер, кестелер) болмаса, соның нәтижесінде дұрыс жауапты анықтау мүмкін болмағанда қабылданады.

      Апелляцияға арналған өтініште көрсетілген нақты фактілер қарастырылуға жатады.

      Докторантураға компьютерлік форматтағы түсу емтиханы нәтижесі бойынша апелляцияға 40 минут беріледі, оның ішінде:

      докторантурада оқуға дайындығын анықтауға арналған тест бөлімі бойынша – 10 минут;

      эссе және білім беру бағдарламасы тобының бейіні бойынша емтихан сұрақтарына жауаптар жазу бөлімі бойынша – 30 минут.

      Тест тапсырмаларының мазмұны бойынша апелляция мынадай жағдайларда қаралады:

      1) дұрыс жауап дұрыс жауаптар кодымен сәйкес келмейді (дұрыс жауаптың нұсқасы көрсетіледі);

      2) дұрыс жауап жоқ;

      3) барлық ұсынылған жауаптардың ішінен бір дұрыс жауапты таңдау арқылы тест тапсырмаларында бір бірден артық дұрыс жауап бар (дұрыс жауаптардың барлық нұсқалары көрсетіледі);

      4) тест тапсырмасы дұрыс құрастырылмаған.

      Тест тапсырмаларын қайта қарау үшін мазмұны бойынша өтініш берген кезде түсуші дәлелді негіздемені (толық түсініктеме) көрсетеді.

      Барлық тест тапсырмаларын қайта қарастыру бойынша апелляцияға арналған өтініште әрбір тест тапсырмасы бойынша дәлелді негіздемені көрсетпей (толық түсіндірме, тапсырманың толық шешімі) берілсе, қарастыруға жатпайды.

      Эссе жазудан, білім беру бағдарламасы тобының бейіні және әңгімелесу бойынша емтихан сұрақтарына жауаптар нәтижесі бойынша апелляцияны ЖЖОКБҰ-ның апелляциялық комиссиясы өткізеді.";

      Үлгілік қағидаларға 1-қосымша осы бұйрыққа 1-қосымшаға сәйкес редакцияда жазылсын;

      Үлгілік қағидаларға 1-1-қосымша осы бұйрыққа 2-қосымшаға сәйкес редакцияда жазылсын;

      Үлгілік қағидаларға 2-қосымша осы бұйрыққа 3-қосымшаға сәйкес редакцияда жазылсын;

      Үлгілік қағидаларға 2-1-қосымша осы бұйрыққа 4-қосымшаға сәйкес редакцияда жазылсын;

      Үлгілік қағидаларға 9-қосымша осы бұйрыққа 5-қосымшаға сәйкес редакцияда жазылсын;

      Үлгілік қағидаларға 12-қосымша осы бұйрыққа 6-қосымшаға сәйкес редакцияда жазылсын;

      осы бұйрыққа 14-қосымшаға сәйкес Үлгілік қағидаларға 7-қосымшамен толықтырылсын;

      осы бұйрыққа 15-қосымшаға сәйкес Үлгілік қағидаларға 8-қосымшамен толықтырылсын;

      2. Қазақстан Республикасы Ғылым және жоғары білім министрлігінің Жоғары және жоғары оқу орнынан кейінгі білім департаменті Қазақстан Республикасының заңнамасында белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық ресми жарияланғаннан кейін оны Қазақстан Республикасы Ғылым және жоғары білім министрлігінің интернет-ресурсында орналастыруды;

      3) осы бұйрық мемлекеттік тіркеуден өткеннен кейін он жұмыс күні ішінде Қазақстан Республикасы Ғылым және жоғары білім министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау жетекші ететін Қазақстан Республикасының Ғылым және жоғары білім вице-министріне жүктелсін.

      4. Осы бұйрық алғашқы ресми жарияланған күнінен кейін қолданысқа енгізіледі.

Арнаулы және (немесе) шығармашылық емтихан өткізілетін білім беру бағдарламалары топтарының тізбесі

Арнаулы және (немесе) шығармашылық емтиханның өткізу формасы

            * қысқартылған оқыту мерзімдерін көздейтін жоғары білімі бар кадрларды даярлаудың ұқсас бағыттары бойынша "В029 - Аудиовизуалды құрылғылар және медиа өндіріс" білім беру бағдарламалары тобын қоспағанда

SAT (ЭсЭйТи), АСТ (ЭйСиТи), IВ (АйБи) балдарын ҰБТ балдарына ауыстыру шкаласы Халықаралық стандартталған SAT (ЭсЭйТи) тест сертификатының балдарын ҰБТ балдарына ауыстыру шкаласы 1 таңдау – Қолданыстағы SAT Reasoning (ЭсЭйТи Сабджект) және SAT (ЭсЭйТи) Subject сертификаттары бар оқушылар үшін

      Ескерту: SAT (ЭсЭйТи) балдарын ҰБТ балдарына ауыстыру SAT reasoning (ЭсЭйТи ризонинг) және SAT subject (ЭсЭйТи сабджект) сертификатары болған жағдайда жүзеге асырылады. Бұл ретте, түсуші Қазақстан тарихы пәні бойынша ҰБТ тапсырады және SAT subject (ЭсЭйТи сабджект) балдары бейіндік пәндері сәйкес келген жағдайда ғана ҰБТ балдарына ауыстырылады.

      2 таңдау – Қолданыстағы SAT Reasoning (ЭсЭйТи ризонинг) сертификаты бар оқушылар үшін

      Ескерту: SAT (ЭсЭйТи) балдарын ҰБТ балдарына ауыстыру SAT reasoning (ЭсЭйТи ризонинг) сертификатары болған жағдайда жүзеге асырылады. Бұл ретте түсуші Қазақстан тарихы және екі бейіндік пәндер бойынша ҰБТ тапсырады.

Халықаралық стандартталған ACT (ЭйСйТи) тест сертификатының балдарын ҰБТ балдарына ауыстыру шкаласы

      Ескерту: ACT (ЭйСйТи) балдары ҰБТ балдарына Қазақстан тарихы пәні бойынша ҰБТ тапсырған жағдайда және бейіндік пәндері сәйкес келген жағдайда ғана ауыстырылады.

SAT reasoning (ЭсЭйТи ризонинг) мен ACT (ЭйЭсТи) нәтижелерін салыстыру кестесі

IB (АйБи) Халықаралық бакалавриат бағдарламасының балдарын ҰБТ балдарына ауыстыру шкаласы

      Ескерту: IB (АйБи) балдары ҰБТ балдарына Қазақстан тарихы және оқу сауаттылығы пәндері бойынша ҰБТ тапсырған жағдайда, және бейіндік пәндері сәйкес келген жағдайда ғана ауыстырылады.

Докторантураға түсуге арналған бағалау жүйесінің 100-балдық шкаласы

Докторантураға компьютерлік форматтағы түсу емтиханын өткізу барысында тыйым салынған заттардың тәркіленуі және тәртіп сақтау ережесін бұзған және (немесе) әрекеттері немесе түсу емтиханы жүйесіне араласу әрекеті және түсу емтиханынан өту кезіндегі өзге де бұзушылықтар жасаған түсушіні аудиториядан шығару туралы акт

      ______________________________________________________

            (ұйымының атауы)

      "______"_______________202____жыл "______" сағат "______" минут
Түсу емтиханының әкімшісі _______________________________________________
(тегі, аты, әкесінің аты (болған жағдайда)
Бақылаушы _______________________________________________
(тегі, аты, әкесінің аты (болған жағдайда)
түсу емтиханын өткізу барысында түсушіден: ______________________ тегі, аты, әкесінің
аты (болған жағдайда), жеке сәйкестендіру номері ________________ №___ аудитория,
№___ орын, Жоғары оқу орнынан кейінгі білімнің білім беру бағдарламаларын іске
асыратын білім беру ұйымдарына оқуға қабылдаудың үлгілік қағидаларының 20-4
тармағының бұзылғандығын дәлелдейтін төмендегі заттар табылды:
________________________________________________________________
(табылған заттың атауы, маркасы, саны.)
Аталған деректі ескере отырып шешім қабылдады:
түсуші _____________________________________________
(тегі, аты, әкесінің аты (болған жағдайда)
№_____ аудиториядан шығару және түсу емтиханының нәтижелерін жою.
Актімен таныстым:
_______________________________________________________________
(Түсушінің тегі, аты, әкесінің аты (болған жағдайда) қолы)
________________________________________________________________
(Түсу емтиханы әкімшісінің тегі, аты, әкесінің аты (болған жағдайда) қолы)
________________________________________________________________
(Бақылаушының тегі, аты, әкесінің аты (болған жағдайда) қолы)

Мөр орны
Күні:_________

Түсу емтиханы уақытында техниканың техникалық ақауын анықтау актісі

      ______________________________________________

      (Түсу емтиханын өткізу пунктінің атауы)

      Күні "_____" _____________ 20 ____ жыл

      уақыты "______" сағат " ____" минут

      Түсу емтиханының әкімшісі

      ______________________________________________

      (тегі, аты, әкесінің аты (болған жағдайда)

      Бақылаушы

      ______________________________________________

      (тегі, аты, әкесінің аты (болған жағдайда)

      түсу емтиханы уақытында техниканың техникалық ақауын анықтады:

      Актімен танысты: ______________________________________________
(Түсу емтиханының әкімшісінің тегі, аты, әкесінің аты (болған жағдайда) және қолы)
______________________________________________
(Бақылаушының тегі, аты, әкесінің аты (болған жағдайда) және қолы)
______________________________________________
(Түсушінің тегі, аты, әкесінің аты (болған жағдайда) және қолы)
Мөр орны
Күні:_________

Түсу емтиханы процесін тоқтату және басқа күнге ауыстыру туралы акт

      _______________________________________________

      (түсу емтиханын өткізу пунктінің атауы)

      Күні "____"___________ 20_____ жыл
Уақыты "_______" сағат " ____" минут
Өңірлік мемлекеттік комиссияның төрағасы
_______________________________________,
(тегі, аты, әкесінің аты (болған жағдайда)
Түсу емтиханының әкімшісі
_______________________________________,
(тегі, аты, әкесінің аты (болған жағдайда)
Бақылаушы
________________________________________
(тегі, аты, әкесінің аты (болған жағдайда)
түсу емтиханы кезінде тестілеу процесін тоқтату және басқа күнге ауыстыру туралы акт жасады:

      Актімен танысты:
_______________________________________________
(Өңірлік мемлекеттік комиссияның төрағасының тегі, аты, әкесінің аты (болған жағдайда)
және қолы)
_______________________________________________
(Түсу емтиханының әкімшісінің тегі, аты, әкесінің аты (болған жағдайда) және қолы)
_______________________________________________
(Бақылаушының тегі, аты, әкесінің аты (болған жағдайда) және қолы)
_______________________________________________
(Түсушінің тегі, аты, әкесінің аты (болған жағдайда) және қолы)
Мөр орны
Күні: _________