Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінен медициналық қызметтерді сатып алу шарты талаптарының орындалу мониторингін жүргізу қағидаларын бекіту туралы

      "Халық денсаулығы және денсаулық сақтау жүйесі туралы" Қазақстан Республикасының 2020 жылғы 7 шілдедегі Кодексі 7-бабының 99) тармақшасына сәйкес БҰЙЫРАМЫН:

      1. Қоса беріліп отырған Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінен медициналық қызметтерді сатып алу шарты талаптарының орындалу мониторингін жүргізу қағидалары бекітілсін.

      2. Қазақстан Республикасы Денсаулық сақтау министрлігінің Міндетті әлеуметтік медициналық сақтандыруды үйлестіру департаменті Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты ресми жарияланғаннан кейін Қазақстан Республикасы Денсаулық сақтау министрлігінің интернет-ресурсында орналастыруды;

      3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1), 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау Қазақстан Республикасының Денсаулық сақтау бірінші вице-министрі М.Е. Шорановқа жүктелсін.

      4. Осы бұйрық алғашқы ресми жарияланған күнінен бастап қолданысқа енгізіледі.

Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінен медициналық қызметтерді сатып алу шарты талаптарының орындалу мониторингін жүргізу қағидалары

1-тарау. Жалпы ережелер

      1. Осы Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінен медициналық қызметтерді сатып алу шарты талаптарының орындалу мониторингін жүргізу қағидалары (бұдан әрі – Қағидалар) "Халық денсаулығы және денсаулық сақтау жүйесі туралы" Қазақстан Республикасының 2020 жылғы 7 шілдедегі Кодексі (бұдан әрі - Кодекс) 7-бабының 99) тармақшасына сәйкес әзірленді және тегін медициналық көмектің кепілдік берілген көлемі (бұдан әрі – ТМККК) шеңберінде және (немесе) міндетті әлеуметтік медициналық сақтандыру (бұдан әрі – МӘМС) жүйесінде денсаулық сақтау субъектілерінен медициналық қызметтерді сатып алу шарты талаптарының орындалуына мониторинг жүргізу тәртібін айқындайды.

      2. Осы Қағидаларда пайдаланылатын негізгі ұғымдар:

      1) ағымдағы (жоспарлы) мониторинг - денсаулық сақтау саласындағы ақпараттық жүйелерде және (немесе) денсаулық сақтау субъектісіне бару арқылы тұрақты негізде жүргізілетін, ағымдағы есепті кезеңде медициналық қызметтерді бағалауды білдіретін медициналық қызметтердің (көмектің) сапасы мен көлеміне мониторинг (бұдан әрі – медициналық көрсетілетін қызметтердің сапасы мен көлемінің мониторингі) жүргізу түрі;

      2) әлеуметтік медициналық сақтандыру қоры (бұдан әрі – қор) – аударымдар мен жарналарды шоғырландыруды жүргізетін, сондай-ақ медициналық көмек көрсететін денсаулық сақтау субъектілерінің көрсетілетін қызметтерін медициналық көрсетілетін қызметтерді сатып алу шартында көзделген көлемдерде және талаптарда сатып алуды және оларға ақы төлеуді және Қазақстан Республикасының заңдарында айқындалған өзге де функцияларды жүзеге асыратын коммерциялық емес ұйым;

      3) бейінді маман - жоғары медициналық білімі бар, белгілі бір мамандық бойынша сертификаты бар медицина қызметкері;

      4) бірлесіп орындаушы - ТМККК шеңберінде және (немесе) МӘМС жүйесінде медициналық көмек көрсетуге үміткер денсаулық сақтау субъектілерінің дерекқорына енгізілген, қызметтер беруші ТМККК шеңберінде немесе МӘМС жүйесінде медициналық қызметтерді сатып алудың жасалған шарты бойынша қызметтер берушінің міндеттемелерінің бір бөлігін орындау үшін бірлесіп орындау шартын жасасқан денсаулық сақтау субъектісі;

      5) бюджеттік бағдарламалардың әкімшісі - бюджеттік бағдарламаларды жоспарлауға, негіздеуге, іске асыруға және нәтижелерге қол жеткізуге жауапты мемлекеттік орган;

      6) денсаулық сақтау саласындағы уәкілетті орган (бұдан әрі – уәкілетті орган) - Қазақстан Республикасы азаматтарының денсаулығын сақтау, медицина және фармацевтика ғылымы, медициналық және фармацевтикалық білім беру, халықтың санитариялық-эпидемиологиялық саламаттылығы, дәрілік заттар мен медициналық бұйымдардың айналысы, медициналық қызметтер (көмек) көрсету сапасы саласындағы басшылықты және салааралық үйлестіруді жүзеге асыратын орталық атқарушы орган;

      7) денсаулық сақтау субъектілері - денсаулық сақтау ұйымдары, сондай-ақ жекеше медициналық практикамен және фармацевтикалық қызметпен айналысатын жеке тұлғалар;

      8) жоспардан тыс мониторинг - медициналық қызметтер (көмек) көрсету тәртібін бұзудың нақты фактілері мен мән-жайлары бойынша медициналық көрсетілетін қызметтердің сапасы мен көлемі мониторингінің түрі;

      9) қордың филиалы - қордың орналасқан жерінен тыс орналасқан және оның функцияларының бәрін немесе бір бөлігін, оның ішінде өкілдік функцияларын жүзеге асыратын оқшауланған бөлімшесі;

      10) қызметтер беруші - қор немесе бюджеттік бағдарламалардың әкімшісі Кодекстің 7-бабының 62) тармақшасына сәйкес уәкілетті орган бекітетін қағидаларға сәйкес көрсетілетін қызметтерді сатып алу шартын жасасқан денсаулық сақтау субъектісі;

      11) медициналық қызметтер - денсаулық сақтау субъектілерінің нақты адамға қатысты профилактикалық, диагностикалық, емдік, оңалту және паллиативтік бағыты бар іс-әрекеттері;

      12) медициналық көмек - дәрілік қамтамасыз етуді қоса алғанда, халықтың денсаулығын сақтауға және қалпына келтіруге бағытталған медициналық қызметтер кешені;

      13) медициналық көмек көрсету ақауы (бұдан әрі – ақау) - медициналық көмек көрсетуді ұйымдастыру стандарттарын сақтамаудан және клиникалық хаттамалардан негізсіз ауытқудан көрінетін медициналық қызметтер (көмек) көрсету тәртібінің бұзылуы, сондай-ақ медициналық қызмет (көмек) көрсетудің расталмаған жағдайының фактісі;

      14) медициналық көрсетілетін қызметтерді тұтынушы - Қазақстан Республикасының заңнамасына сәйкес ТМККК шеңберінде және (немесе) МӘМС жүйесінде медициналық көмек алуға құқығы бар жеке тұлға;

      15) медициналық қызметтер (көмек) көрсету саласындағы мемлекеттік орган - медициналық қызметтер (көмек) көрсету саласындағы басшылықты, медициналық қызметтер (көмек) сапасын бақылауды жүзеге асыратын мемлекеттік орган;

      16) медициналық ақпарат - медициналық көмек көрсету процесінде туындайтын және медициналық құжаттар мен медициналық ақпараттық жүйелерде көрсетілген пациенттер мен аурулар туралы ақпарат, сондай-ақ денсаулық сақтау мәселелері жөніндегі ақпарат.

      17) нысаналы мониторинг - медициналық қызметтің белгілі бір түрлері, медициналық көмектің түрлері бойынша жүргізілетін медициналық көрсетілетін қызметтердің (көмектің) сапасы мен көлемі мониторингінің түрі;

      18) проактивті мониторинг - медициналық қызметтер (көмек) көрсету тәртібін бұзуға ықпал ететін жағдайлар мен себептерді анықтауға және алдын алуға бағытталған медициналық қызметтердің сапасы мен көлемі мониторингінің түрі;

      19) пациенттерге медициналық қызметтер көрсетуді басқару және оның сапасын арттыру жөніндегі сараптамалық кеңес (бұдан әрі – сараптамалық кеңес) - пациенттерге медициналық қызметтер көрсету (көмек) сапасын арттыру жөніндегі мәселелерді шешу және медициналық қызметтер көрсету сапасын арттыру жөнінде ұсынымдар тұжырымдау үшін қор Басқармасының ережесімен бекітілген қордың және оның филиалдарының қалыптастырылған кеңесі;

      20) тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінен медициналық көрсетілетін қызметтерді сатып алу шарты талаптарының орындалуын мониторингтеу – көрсетілетін қызметтерді сатып алу шартын және медициналық көрсетілетін қызметтердің сапасы мен көлемі жөніндегі шарттық міндеттемелерді тиісінше орындау бойынша жүйелі бағалау;

      21) тәуелсіз сарапшы - уәкілетті орган айқындайтын талаптарға сәйкес келетін және тәуелсіз сарапшылар тізілімінде тұрған жеке тұлға;

      22) ТМККК шеңберінде немесе МӘМС жүйесінде медициналық қызметтерді сатып алу шарты (бұдан әрі – қызметтерді сатып алу шарты) – ТМККК шеңберінде немесе МӘМС жүйесінде медициналық көмек көрсетуді көздейтін қор мен денсаулық сақтау субъектісі арасындағы жазбаша нысандағы келісім;

      23) ТМККК-ді қосымша қамтамасыз ету жөніндегі көрсетілетін қызметтерді сатып алу шарты (бұдан әрі – қызметтерді сатып алу шарты) – жергілікті бюджет есебінен ТМККК шеңберінде медициналық көмек көрсетуді көздейтін, бюджеттік бағдарламалар әкімшісі мен денсаулық сақтау субъектісі арасындағы жазбаша нысандағы келісім;

      3. Қызметтерді сатып алу шарты талаптарының орындалуына мониторингті қор және бюджеттік бағдарламалар әкімшілері жүргізеді.

2-тарау. ТМККК шеңберінде және МӘМС жүйесінде көрсетілетін қызметтерді сатып алу шартының орындалуына монитринг жүргізу тәртібі

1-параграф. Бюджеттік бағдарламалар әкімшілерінің көрсетілетін қызметтерді сатып алу шарты талаптарының орындалуына мониторинг жүргізу тәртібі

      4. Бюджеттік бағдарламалардың әкімшілері ТМККК шеңберінде денсаулық сақтау субъектілерінен медициналық көрсетілетін қызметтерді сатып алу шарты талаптарының орындалуына мониторингті жүзеге асырады.

      5. ТМККК шеңберінде денсаулық сақтау субъектілерінен медициналық көрсетілетін қызметтерді сатып алу шарты талаптарының орындалуын мониторингтеу медициналық көмек көрсетуді ұйымдастыру тәртібін, қызмет берушінің кадр және материалдық ресурстарын, медициналық ақпаратты зерделеу арқылы жүргізіледі.

      6. ТМККК шеңберінде денсаулық сақтау субъектілерінен медициналық көрсетілетін қызметтерді сатып алу шарты талаптарының орындалуына мониторинг денсаулық сақтаудың ақпараттық жүйелерінде және (немесе) қызмет берушіге бару арқылы, сондай-ақ қызмет берушіден медициналық құжаттарды сұрату арқылы жүргізіледі.

      7. ТМККК шеңберінде медициналық көрсетілетін қызметтерді сатып алу шартының тиісінше орындалуын бағалау бойынша денсаулық сақтау субъектілерінен медициналық көрсетілетін қызметтерді сатып алу шарты талаптарының орындалуына мониторинг жылына 1 реттен жиі жүргізілмейді.

      8. Медициналық көрсетілетін қызметтердің сапасы мен көлемі бойынша шарттық міндеттемелерге мониторинг жүргізу үшін бюджеттік бағдарламалардың әкімшілері "Медициналық қызметтердің (көмектің) сапасына сараптама жүргізу кезінде тәуелсіз сарапшыларды тарту қағидаларын бекіту туралы" Қазақстан Республикасы Денсаулық сақтау министрінің 2020 жылғы 16 қыркүйектегі № ҚР ДСМ-103/2020 бұйрығының (Нормативтік құқықтық актілерді мемлекеттік тіркеу тізілімінде № 21218 болып тіркелген) (бұдан әрі – Тәуелсіз сарапшыларды тарту қағидалары) 10-тармағына сәйкес тәуелсіз сарапшыларды тартуға құқылы.

      9. Тәуелсіз сарапшыларды тарту кезінде бюджеттік бағдарламалар әкімшісі мен тәуелсіз сарапшы арасында мониторинг жүргізу кезінде өздеріне мәлім болған ақпаратты үшінші тұлғаларға жария етпеу туралы келісімге қол қойылады.

      10. Медициналық көрсетілетін қызметтердің сапасы мен көлемінің мониторингі шарттық міндеттемелерге сәйкес тұрақты негізде жүргізіледі, оның нәтижелері бойынша Кодекстің 69-бабының 2-тармағына сәйкес уәкілетті орган айқындаған тәртіппен қызмет берушілерге көрсетілетін қызметтерге ақы төлеу жүргізіледі.

      11. Ағымдағы (жоспарлы) мониторинг жүргізу үшін бюджеттік бағдарламалардың әкімшісі денсаулық сақтаудың медициналық ақпараттық жүйелерінде автоматтандырылған тәсілмен белгіленген ақауларды растай немесе қабылдамай, сондай – ақ осы Қағидаларға 1-қосымшаға сәйкес ақаулардың бірыңғай жіктеуішінен (бұдан әрі - ақаулардың Бірыңғай жіктеуіші) басқа да ақауларды бере отырып, өнім беруші көрсеткен медициналық қызметтердің (көмектің) сапасы мен көлеміне бағалау жүргізеді.

      12. Медициналық қызметтердің сапасы мен көлемі мониторингінің нәтижелері бойынша медициналық қызмет түрлері және медициналық көмек түрлері бойынша ақаулардың Бірыңғай жіктеуішіне сәйкес қызметтер берушіге төлеуге жататын соманы азайту үшін негіз болып табылатын медициналық көмек көрсету ақаулары айқындалады.

      13. Медициналық қызметтердің сапасы мен көлемін мониторингтеу нәтижелері бойынша мыналар қалыптастырылады:

      1) осы Қағидаларға 2-қосымшаға сәйкес нысан бойынша екі данада медициналық көрсетілетін қызметтердің сапасы мен көлемінің мониторингі бойынша қорытынды, олардың біреуі қол қойылған күнінен бастап екі жұмыс күні ішінде қызмет берушіге жіберіледі;

      2) осы Қағидаларға 3-қосымшаға сәйкес нысан бойынша екі данада қызметтерді сатып алу шартын тиісінше орындау бойынша қорытынды, олардың біреуі қол қойылған күнінен бастап екі жұмыс күні ішінде қызмет берушіге жіберіледі. Қызметтер берушіге бару арқылы ТМККК шеңберінде денсаулық сақтау субъектілерінен медициналық көрсетілетін қызметтерді сатып алу шарты талаптарының орындалуына мониторинг он жұмыс күнінен аспайды.

      14. Көрсетілетін қызметтерді сатып алу шарты талаптарының тиісінше орындалмағаны анықталған кезде бюджеттік бағдарламалардың әкімшілері көрсетілетін қызметті берушіге медициналық көрсетілетін қызметтерді сатып алу шартының талаптарына сәйкес тұрақсыздық айыбын қолданады.

2-параграф. Қордың көрсетілетін қызметтерді сатып алу шарты талаптарының орындалуына мониторинг жүргізу тәртібі

      15. Қор ТМККК шеңберінде және МӘМС жүйесінде денсаулық сақтау субъектілерінен медициналық қызметтерді сатып алу шарты талаптарының орындалуына мониторингті жүзеге асырады.

      16. ТМККК шеңберінде және МӘМС жүйесінде денсаулық сақтау субъектілерінен медициналық қызметтерді сатып алу шарты талаптарының орындалуына мониторинг медициналық көмек көрсетуді ұйымдастыру тәртібін, қызмет берушінің кадрлық және материалдық ресурстарын, денсаулық сақтаудың ақпараттық жүйелерінен алынған деректерді зерделеу жолымен жүргізіледі.

      17. ТМККК шеңберінде және МӘМС жүйесінде денсаулық сақтау субъектілерінен медициналық көрсетілетін қызметтерді сатып алу шарты талаптарының орындалуына мониторинг денсаулық сақтаудың медициналық ақпараттық жүйелерінде және (немесе) қызмет берушіге бару арқылы, сондай-ақ қызмет берушіден медициналық құжаттарды сұрату арқылы жүргізіледі.

      18. Медициналық қызметтердің сапасы мен көлемінің мониторингі мынадай түрлермен қамтамасыз етіледі:

      1) ағымдағы (жоспарлы) мониторинг;

      2) жоспардан тыс мониторинг;

      3) проактивті мониторинг;

      4) нысаналы мониторинг;

      5) өлім жағдайларының мониторингі.

      19. Қызмет берушіге барған кезде бастапқы медициналық құжаттаманы денсаулық сақтаудың ақпараттық жүйелеріне енгізілген деректермен деректердің дұрыстығына, толықтығына және толтырылу сапасына салыстырып тексеру жүргізіледі.

      20. Медициналық қызметтердің сапасы мен көлемінің мониторингі қызмет берушінің медициналық көмек көрсетуді ұйымдастыру стандарттарының және медициналық көмек көрсету жөніндегі басқа да нормативтік құқықтық актілердің талаптарын сақтауы, сондай-ақ клиникалық хаттамалардан негізсіз ауытқулары тұрғысынан жүргізіледі.

      21. Қызмет берушінің рұқсат беру және басқа да құқық белгілейтін құжаттарының болуы бойынша ақпарат алу үшін қор мемлекеттік ақпараттық жүйелерде деректерді іздеуді жүзеге асырады және (немесе) қызмет берушіден құжаттарға сұрау салуды жүргізеді.

      22. Медициналық қызметтердің сапасы мен көлеміне мониторинг жүргізу үшін қор тәуелсіз сарапшыларды, сондай-ақ бейінді мамандарды тарту қағидаларының 9-тармағына сәйкес мынадай жағдайларда тәуелсіз сарапшыларды тартады:

      1) Кодекстің 7-бабының 60) тармақшасына сәйкес шетелдік клиникаларға жіберілген шетелдік клиникаларда Қазақстан Республикасы азаматтарының өлім жағдайларын, сирек кездесетін аурулармен емделген жағдайларын, аз мамандандырылған емделген жағдайларын (клиникалық жоспарда), асқынулармен емделген жағдайларын, өлім жағдайларын қарау кезінде, сондай-ақ іс жүзінде шеккен шығыстары үшін көрсетілетін қызметтерге ақы төлеу кезінде медициналық көмектің сапасын растау қажеттілігі;

      2) көрсетілген медициналық қызметтерге жоспарлы, жоспардан тыс, нысаналы, ағымдағы мониторингтер жүргізу арқылы;

      3) азаматтық процестің тарабы ретінде қатысу арқылы жүзеге асырылады.

      23. Тәуелсіз сарапшылар мен бейінді мамандарды тарту кезінде қор, тәуелсіз сарапшы және (немесе) бейінді маман арасында мониторинг жүргізу кезінде өздеріне мәлім болған ақпаратты үшінші тұлғаларға жария етпеу туралы келісімге қол қойылады.

      24. Қызметтерді сатып алу шарты талаптарының орындалуына мониторинг жүргізу кезінде қор қызметтерді сатып алу шартының талаптарын қызмет берушілердің орындауы бойынша мынадай ұйымдастыру іс-шараларын қамтамасыз етеді:

      1) бірыңғай ақаулар жіктеуішіне сәйкес медициналық көмек көрсету ақауларын анықтайды;

      2) көрсетілетін қызметтерді сатып алу шарты міндеттемелерінің тиісінше орындалуын анықтайды.

      25. Медициналық көрсетілетін қызметтерді сатып алу шарты талаптарының орындалуына мониторинг жүргізу кезінде қор қызмет берушілердің көрсетілетін қызметтерді сатып алу шарты талаптарын орындауы бойынша профилактикалық іс-шаралар жүргізеді:

      1) проактивті мониторинг нәтижелері бойынша санкциялардың басқа түрлерін қолданбай анықталған бұзушылықтарды жою қажеттілігі туралы ескерту;

      2) қателіктерді жою басқару органының және (немесе) құрылтайшының құзыретіне жататын кезде, медициналық көмектің сапасы мен қолжетімділігін арттыру бойынша хабарламалар мен ұсыныстарды басқару органдарына және (немесе) құрылтайшыларға жіберуді қамтиды;

      3) медициналық қызметтерді сатып алуға қатысу құқығынан айыра отырып, ТМККК шеңберінде және (немесе) МӘМС жүйесінде медициналық қызметтер көрсетуге үміткер денсаулық сақтау субъектілерін дерекқордан алып тастау;

      4) денсаулық сақтау саласында аккредиттеуден өткен денсаулық сақтау субъектісіне медициналық көмек көрсету бойынша көрсетілетін қызметтерді сатып алу кезінде басым құқық беру болып табылады;

      5) Кодекстің 35-бабының 5-тармағына сәйкес уәкілетті орган айқындайтын тәртіппен медициналық көрсетілетін қызметтер (көмек) сапасына сыртқы сараптама жүргізу кезінде индикаторларды қолдана отырып, тоқсан сайынғы және жыл сайынғы негізде қызмет берушілер рейтингін айқындау жатады.

      26. Медициналық көрсетілетін қызметтердің сапасы мен көлемінің мониторингі шарттық міндеттемелерге сәйкес тұрақты негізде жүргізіледі, оның нәтижелері бойынша Кодекстің 69-бабының 2-тармағына сәйкес уәкілетті орган айқындаған тәртіппен қызмет берушілерге көрсетілетін қызметтерге ақы төлеу жүргізіледі.

      27. Қызмет берушіге бару арқылы медициналық көрсетілетін қызметтердің сапасы мен көлеміне мониторинг жүргізу он жұмыс күнінен аспайды.

      28. Медициналық қызметтердің сапасы мен көлемі мониторингінің нәтижелері бойынша осы Қағидаларға 1–қосымшаға сәйкес медициналық қызмет түрлері және медициналық көмек түрлері бойынша ақаулардың Бірыңғай жіктеуішіне сәйкес қызметтер берушіге төлеуге жататын соманы азайту үшін негіз болып табылатын медициналық көмек көрсету ақаулары анықталады.

      29. Көрсетілетін қызметтерді сатып алу шарты талаптарының орындалуын мониторингтеу нәтижелері бойынша мыналар қалыптастырылады:

      1) осы Қағидаларға 2-қосымшаға сәйкес нысан бойынша екі данада медициналық көрсетілетін қызметтердің сапасы мен көлемінің мониторингі бойынша қорытынды, олардың біреуі қол қойылған күнінен бастап екі жұмыс күні ішінде қызмет берушіге жіберіледі;

      2) осы Қағидаларға 3-қосымшаға сәйкес нысан бойынша екі данада қызметтерді сатып алу шартын тиісінше орындау бойынша қорытынды, олардың біреуі қол қойылған күнінен бастап екі жұмыс күні ішінде қызмет берушіге жіберіледі.

      30. Медициналық қызметтердің сапасы мен көлемінің мониторингі бойынша қорытынды осы Қағидалардың қосымшаларына сәйкес медициналық қызметтің белгілі бір түрлері немесе медициналық көмек түрлері бойынша 4, 5, 7, 8, 10, 11, 13, 14, 16, 17, 19 және 20 тізілімдерде көрсетіледі.

      31. Қор медициналық қызметтердің сапасы мен көлемі мониторингінің нәтижелері бойынша медициналық қызметтердің сапасы мен көлемі мониторингінің актісін осы Қағидаларға 6, 9, 12, 15, 18, және 21-қосымшаларға сәйкес есепті кезең аяқталған күннен кейінгі он жұмыс күнінен кешіктірмей қалыптастырады.

      32. ТМККК шеңберінде және (немесе) МӘМС жүйесінде денсаулық сақтау субъектілерінен медициналық көрсетілетін қызметтерді сатып алу шарты талаптарының орындалуын мониторингтеу нәтижелері бойынша қор осы Қағидаларға 22 және 23-қосымшаларға сәйкес ай, тоқсан, жартыжылдық және жыл кезеңділігімен есеп қалыптастырады.

      33. Қызмет берушілердің қызметін бағалау нәтижелері медициналық көмектің сапасын, қызмет берушілер қызметінің тиімділігін жақсарту және пациенттердің қауіпсіздігін арттыру үшін ақпаратты тоқсан сайын жаңарта отырып, қордың сайтында орналастырылады.

      34. Мониторинг жүргізу кезінде медициналық қызметтер (көмек) көрсетудің анықталған ақаулары ағымдағы кезеңде ақы төлеу кезінде ескеріледі.

      35. Көрсетілетін қызметтерді сатып алу шартының тиісінше орындалмағаны анықталған кезде қор медициналық көрсетілетін қызметтерді сатып алу шартының талаптарына сәйкес өнім берушіге тұрақсыздық айыбын қолданады.

      36. Қызмет беруші медициналық көрсетілетін қызметтердің сапасы мен көлемі бойынша шарттық міндеттемелер мониторингінің нәтижелерімен келіспеген жағдайда, мониторинг нәтижелеріне медициналық қызметтер (көмек) көрсету саласындағы мемлекеттік органға шағым жасалуы мүмкін.

      37. Медициналық қызметтердің сапасы мен көлемі мониторингінің нәтижелері медициналық көмек көрсету кезінде қызмет берушілердің бұзушылықтардың профилактикасына бағытталған іс-шараларды орындау бойынша ұйымдастырушылық және басқарушылық шешімдер қабылдау үшін облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдарына жіберіледі.

      38. Медициналық көмек көрсету кезінде қызмет берушілердің бұзушылықтардың профилактикасына бағытталған іс-шараларды орындау жөніндегі ақпаратты облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдары қорға орындалуына қарай ұсынады.

      39. Қор медициналық қызметтер көрсету (көмек) саласындағы мемлекеттік органға медициналық қызметтердің сапасы мен көлемі мониторингінің нәтижелерін жібереді, оның барысында қызметтер берушіге әкімшілік ықпал ету шараларын талап ететін немесе медициналық көмектің сапасын жақсарту жөнінде жүйелі шаралар қабылдауды талап ететін бұзушылықтар, сондай-ақ органдар мен тіндердің реципиенттерінде, мамандандырылған, оның ішінде жоғары технологиялық медициналық көмек көрсетілгеннен кейін пациенттерде, гемодиализ жүргізілгеннен кейін пациенттерде дамыған қолайсыз нәтижелер және босанатын әйелдердің өмірі мен денсаулығына қауіп, босанған әйелдер, жүкті әйелдер және балалар.

      40. Қордың филиалдары медициналық қызметтердің сапасы мен көлемінің мониторингі жөніндегі ақпаратты денсаулық сақтау ұйымдарында пациенттің медициналық қызметтерді алуына байланысты ересектер мен балалардың инфекциялық аурулары анықталған жағдайларда халықтың санитариялық-эпидемиологиялық саламаттылығы саласындағы мемлекеттік органның аумақтық бөлімшесіне жібереді:

      1) көбінесе босанғаннан кейінгі кезеңмен байланысты асқынулар;

      2) перинаталдық кезеңге тән инфекциялық аурулар;

      3) хирургиялық және терапиялық араласулардан кейінгі асқынулар.

3-параграф. Ағымдағы (жоспарлы) мониторинг

      41. Медициналық қызметтердің (көмектің) сапасы мен көлемінің ағымдағы (жоспарлы) мониторингі жүзеге асырылады:

      1) көрсетілген медициналық қызметтер (көмек) ақауларының Бірыңғай жіктеуішінен ақаулар бере отырып, денсаулық сақтаудың медициналық ақпараттық жүйелерінде;

      2) қағаз жеткізгіштердегі бастапқы медициналық құжаттаманы зерделеу, ақпараттық жүйелерге енгізілген деректерді бастапқы медициналық құжаттамамен салыстырып тексеруді және шарттық міндеттемелерді орындау жөніндегі шараларды қамтамасыз ету мақсатында өзге де іс-шараларды жүзеге асыру үшін қызмет берушіге бару арқылы жүргізіледі.

      42. Қор ағымдағы (палналық) мониторинг кезінде медициналық ақпараттық Денсаулық сақтау жүйелерінде автоматтандырылған тәсілмен белгіленген ақауларды растай отырып немесе қабылдамай, сондай-ақ осы Қағидаларға 1-қосымшаға сәйкес бірыңғай ақаулар сыныптауышынан басқа да ақауларды бере отырып, өнім беруші көрсеткен медициналық қызметтердің (көмектің) сапасы мен көлеміне бағалау жүргізеді.

      43. Ағымдағы (жоспарлы) мониторинг кезінде қор жүргізілген проактивті мониторингтен кейін күнтізбелік 45 күн өткен соң көрсетілетін қызметтерді сатып алу шарты бойынша анықталған ақаулар мен міндеттемелер жойылмаған жағдайда, осы Қағидаларға 1-қосымшаға сәйкес ақаулардың Бірыңғай сыныптауышына сәйкес өнім берушіге төлеуге жататын соманы азайтуды жүргізеді.

      44. Медициналық қызметтердің (көмектің) сапасы мен көлемінің ағымдағы (жоспарлы) мониторингі тұрақты негізде жүргізіледі.

4-параграф. Жоспардан тыс мониторинг

      45. Жоспардан тыс мониторинг мынадай жағдайларда жүргізіледі:

      1) медициналық көмек (қызмет көрсету) көрсетудің расталмаған жағдайлары фактілерін анықтау);

      2) медициналық қызметтерді (көмекті) тұтынушылардан және (немесе) заңды тұлғалардан өтініштердің түсуі;

      3) басқа қызмет берушінің сапасы мен көлемінің ағымдағы немесе нысаналы мониторингін жүргізу нәтижелері бойынша қызмет берушінің денсаулық сақтау саласындағы нормативтік құқықтық актілер талаптарын бұзу жағдайлары анықталған жағдайларда жүргізіледі.

      46. Қызмет берушіге алдағы жоспардан тыс мониторинг жүргізу туралы хабарлама кемінде 24 сағат бұрын беріледі. Хабарлама қызмет берушіде электрондық құжат айналымы болған кезде электрондық түрде немесе жеткізілгені туралы хабарламасы бар тапсырысты хат-хабармен жіберіледі.

      47. Қызмет берушіге барған кезде Кодекстің 7-бабының 31) тармақшасына сәйкес уәкілетті орган айқындайтын есептік медициналық нысандар мен деректерді толтырудың дұрыстығына, толықтығына және сапасына бастапқы медициналық құжаттаманы салыстырып тексеру жүргізіледі, көрсетілген медициналық қызметтердің (көмектің) сипатын, көлемі мен сапасын көрсететін жүйелік немесе кездейсоқ қатені болдырмау үшін көлемде емделген жағдайларды кездейсоқ таңдау жүзеге асырылады.

      48. Медициналық көрсетілетін қызметтерді (көмекті) тұтынушылардан және (немесе) заңды тұлғалардан өтініштер себебі бойынша жоспардан тыс мониторинг өтініш шеңберінде және өтініште көрсетілген фактілер бойынша ғана жүргізіледі.

5-параграф. Проактивті мониторинг

      49. Проактивті мониторинг жүргізу кезінде қосалқы ақаулары бар 3.0 (көрсетілген медициналық көмектің/қызметтердің көлемін негізсіз арттыру), қосалқы ақаулары бар 5.0 (медициналық көмек (қызмет көрсету) көрсетудің расталмаған жағдайы), қосалқы ақаулары бар 8.0 (негізделген шағымдар), 9.0 (стационарлық деңгейде төлеуге жатпайтын өлім нәтижесі /АЕК/жедел жәрдем деңгейінде өлім) және 11.0 (шартқа енгізілмеген ЖТМҚ қызметтері және медициналық қызметтер тізбесі бойынша) анықталған жағдайларды қоспағанда, осы Қағидаларға 1-қосымшаға сәйкес ақаулардың Бірыңғай жіктеуішінің қызметтер берушіге төлеуге жататын соманы азайту бойынша іс-шаралар жүргізілмейді.

      50. Проактивті мониторинг мынадай жағдайларда жүргізіледі:

      1) ағымдағы қаржы жылында қызмет берушімен көрсетілетін қызметтерді сатып алу шартын жасасу кезінде;

      2) медициналық қызметтің жаңа белгілі бір түрлеріне, медициналық көмек түрлеріне қызмет берушімен шарт жасасу кезінде;

      51. Проактивті мониторинг мыналарға қатысты көрсетілетін қызметтерді сатып алу шартының талаптарына қолданылады:

      1) дәлелді медицина қағидаттарын, медициналық көмек көрсету тәртібін және денсаулық сақтау ұйымдарының қызметін регламенттейтін денсаулық сақтау саласындағы нормативтік құқықтық актілерді басшылыққа ала отырып, сапалы медициналық көмек көрсету қағидаттарына негізделеді;

      2) тұтынушыға медициналық қызметтерді Шарттың бүкіл қолданылу мерзімі ішінде медициналық қызметтерді (көмекті) көрсетудің қолжетімділігін, уақтылығын, іркіліссіздігін қамтамасыз ету қағидаттарына негізделеді. Көрсетілген міндеттемелерді орындауға кедергі келтіретін жағдайлар туындаған кезде Қызмет беруші қызмет берушілердің дерекқорына қосылған бірлесіп орындаушыларды тарту арқылы қызметтер көрсетуді қамтамасыз етуі не қызметтерді сатып алу шартының сомасын болжанатын орындалмау сомасына азайтуы қажет;

      3) пациенттерге медициналық көмек көрсету сапасы мен тиімділігін үздіксіз жақсартуды қамтамасыз ету;

      4) Пациентті қолдау және ішкі сараптама қызметінің жұмысын қамтамасыз ету;

      5) халықты бекітуді қамтамасыз ету;

      6) ауруларды басқару бағдарламасын және (немесе) патронаждық қызметтің әмбебап–прогрессивті моделін енгізуді және орындауды қамтамасыз ету (медициналық – санитариялық алғашқы көмек көрсететін қызметтер берушілер үшін);

      7) Отбасылық қызмет көрсету қағидатын енгізуді қамтамасыз ету (медициналық – санитариялық алғашқы көмек көрсететін қызметтер берушілер үшін);

      8) халықты ұйымға бекітуден негізсіз бас тартуға жол бермеу (медициналық-санитариялық алғашқы көмек көрсететін қызметтер берушілер үшін);

      9) нақты тұратын жеріне қарамастан, тіркелген халықты үйге шақыртуға қызмет көрсетуді қамтамасыз ету (Алғашқы медициналық-санитариялық көмек көрсететін қызметтер берушілер үшін);

      10) зертханалық-диагностикалық қызметтерді бірлесіп орындауға шарт жасасу және оны кейіннен бірлесіп орындаушыға жеткізу кезінде өзінің өндірістік базасының базасында (медициналық-санитариялық алғашқы көмек көрсететін қызметтер берушілер үшін) қажетті зертханалық материалды алуды қамтамасыз ету;

      11) жіті аурудан немесе созылмалы аурудың асқынуынан туындаған пациенттің жай-күйі кезінде, ағзалар мен жүйелердің кенеттен және айқын бұзылуларынсыз, пациенттің өмірі мен денсаулығына тікелей қатер төнбеген кезде (медициналық-санитариялық алғашқы көмек көрсететін қызметтер берушілер үшін) тіркелген халыққа жедел шақырудың 4 (төртінші) санатына қызмет көрсету үшін тәулік бойы шұғыл медициналық көмек көрсетуді қамтамасыз ету);

      12) ТМККК шеңберінде және (немесе) МӘМС жүйесінде дәрілік заттар мен медициналық бұйымдар тізбесіне сәйкес дәрілік заттармен, оның ішінде белгілі бір аурулары (жай-күйлері) бар азаматтардың жекелеген санаттарын Кодекстің 77-бабы 1-тармағының 2) тармақшасына сәйкес уәкілетті орган айқындайтын алғашқы медициналық-санитариялық көмек деңгейінде тегін және (немесе) жеңілдікті дәрілік заттармен, медициналық бұйымдармен және арнайы емдік қызметдермен қамтамасыз ету арқылы жүзеге асырылады.

      13) Қазақстан Республикасының қолданыстағы заңнамасында белгіленген талаптарға сәйкес келетін дәрілік заттарды (иммундық-биологиялық, диагностикалық, дезинфекциялық) және медициналық бұйымдарды пайдалану арқылы жүзеге асырылады;

      14) айлық қажеттіліктен кем емес көлемде қызметтерді сатып алу шартының талаптарын орындау үшін дәрілік заттардың, медициналық бұйымдардың, вакциналардың және басқа да иммундық-биологиялық препараттардың, тамақ қызметтерінің азаймайтын қорының болуы (стационарлық және (немесе) стационарды алмастыратын жағдайларда мамандандырылған медициналық көмек көрсететін қызметтер берушілер үшін);

      52. Қызмет берушіге бару арқылы проактивті мониторинг медициналық көмек көрсетудің әрбір түрі және шарттары бойынша жылына 1 рет жүргізіледі.

      53. Көрсетілетін қызметтерді сатып алу шарты бойынша анықталған ақаулар мен орындалмаған міндеттемелерді жоюды қызмет беруші проактивті мониторинг нәтижелері бойынша қорытындыға қол қойылған күннен бастап күнтізбелік 45 күн ішінде жүргізеді.

      54. 45 күнтізбелік күн өткен соң көрсетілетін қызметтерді сатып алу шарты бойынша анықталған ақаулар мен міндеттемелер жойылмаған кезде, қор ағымдағы (жоспарлы) мониторинг жүргізу кезінде осы Қағидаларға 1-қосымшаға сәйкес бірыңғай Ақаулар жіктеуішіне сәйкес қызмет берушіге төлеуге жататын соманы азайтуды жүргізеді.

      55. Проактивті мониторинг жүргізу жоспары Қордың сайтында әр тоқсан сайын орналастырылады.

6-параграф. Нысаналы мониторинг

      56. Нысаналы мониторинг қор айқындайтын нысаналы мониторингтерді жүргізу жоспары бойынша медициналық қызметтің белгілі бір түрлері және медициналық көмек түрлері бойынша жүргізіледі.

      57. Нысаналы мониторинг жүргізу мақсатында қызмет берушілердің тізімін қалыптастыру үшін мынадай ақпарат көздері пайдаланылады:

      1) ағымдағы (жоспарлы) және жоспардан тыс мониторингтердің нәтижелері;

      2) денсаулық сақтаудың медициналық ақпараттық жүйелерінен алынатын мәліметтер;

      3) медициналық қызметтер (көмек) көрсету саласындағы мемлекеттік орган жүргізген медициналық қызметтер сапасына сыртқы сараптаманың нәтижелері;

      4) денсаулық сақтау саласындағы уәкілетті органның тапсырмасы, медициналық қызметтер (көмек) көрсету саласындағы мемлекеттік органның талдамалық ақпараты қоса беріледі.

      58. Алдағы нысаналы мониторинг жүргізу туралы хабарлама қызмет берушіге кемінде бес жұмыс күні бұрын беріледі. Хабарлама жеткізушіде электрондық құжат айналымы болған кезде электрондық түрде немесе жеткізілгені туралы хабарламасы бар тапсырысты хат-хабармен жіберіледі.

      59. Нысаналы мониторинг жүргізу үшін қызметтер берушіге бару жоспары Қордың сайтында тоқұсан сайын орналастырылады.

7-параграф. Өлім мен қайтыс болу жағдайларының мониторингі

      60. Өлім мен қайтыс болу жағдайларының мониторингі тұрақты негізде жүргізіледі.

      61. Өлім мен қайтыс болу жағдайларының мониторингі денсаулық сақтаудың ақпараттық жүйелерін пайдалана отырып, қажет болған кезде қосымша медициналық құжаттаманы сұрау арқылы жүзеге асырылады. Сараптама медициналық қызметтер (көмек) көрсету саласындағы мемлекеттік орган жүргізетін ана өлімі жағдайларынан басқа, стационарларда және стационарды алмастыратын жағдайларда өліммен аяқталған барлық жағдайлар және 5 жасқа дейінгі балалар пациенттерінің өлімі жағдайларының мониторингіне жатады.

      62. Медициналық қызметтер (көмек) көрсету саласындағы мемлекеттік орган ана өлімі жағдайларының сараптамасы жөніндегі қорытындыны қайтыс болған күннен бастап екі айдан аспайтын мерзімде Қорға жібереді. Ана өлімі жағдайларын сараптау жөніндегі қорытындылар сапа мен көлем мониторингі кезінде ескеріледі.

      63. Өлім мен қайтыс болу жағдайларына мониторинг жүргізу үшін қор ана өлім-жітімінен басқа, денсаулық сақтаудың медициналық жүйелерінен өлім жағдайларын түсіруді пайдаланады.

      64. Өлім жағдайы мониторингінің нәтижелері денсаулық сақтаудың медициналық ақпараттық жүйелеріне енгізіледі және төлем жүргізу кезінде ескеріледі.

      65. Сот-медициналық сараптаманың нәтижелері өлім жағдайларының мониторингін жүргізу кезінде ескеріледі.

      66. Өлім мен қайтыс болу жағдайлары мониторингінің нәтижелері бойынша қор осы Қағидаларға 24-қосымшаға сәйкес нысан бойынша ана өлімі жағдайларын қоспағанда, өлім мен қайтыс болудың әрбір жағдайына өлім жағдайы мониторингінің нәтижелері бойынша екі данада қорытынды қалыптастырады, оның біреуі өнім берушіге жіберіледі.

      67. Тәуелсіз сарапшы Кодекстің 35-бабының 5-тармағына сәйкес уәкілетті орган айқындайтын тәртіппен әрбір емделіп шығу жағдайына екі данада сараптама қорытындысын қалыптастырады, оның біреуі қызмет берушінің басшысына тапсырылады.

      68. Өлім жағдайының мониторингі бойынша қорытындымен келіспеген жағдайда, қызмет беруші қорытынды ұсынылған күннен бастап бес жұмыс күні ішінде қордың филиалына ескертулер және (немесе) қарсылықтар жібереді.

      69. Қордың филиалы ұсынылған ескертулерді және (немесе) қарсылықтарды үш жұмыс күні ішінде қарайды және барлық жағдайларды шешім қабылдау үшін сараптамалық кеңеске шығарады. Жағдай сараптама кеңесінде қаралғаннан кейін өтініш берушіге дәлелді жауап беріледі. Даулы жағдайларда өлім жағдайына сыртқы сараптама жүргізіледі.

Ақаулардың бірыңғай жіктеуіші

      Ескертпе :

      "+"белгісі - ақаулардың осы кіші кодтары медициналық көмектің осы нысаны/түрі үшін қолданылады;" - " белгісі-ақаулардың осы кодтары мен кіші кодтары медициналық көмектің осы нысаны/түрі үшін қолданылмайды;

Медициналық қызметтердің сапасы мен көлемінің мониторингі бойынша қорытынды №____/____"______"_______________202_ жыл

      1. Қор филиалының немесе бюджеттік бағдарламалар әкімшісінің атауы:

      ___________________________________________________________

      2. Қызмет берушінің атауы: __________________________________________________

      (Қызмет берушінің толық атауы)

      3. Медициналық көмектің нысаны/түрі/қызмет түрі:

      ___________________________________________________________

      4. Мониторинг үшін негіздеме:

      ___________________________________________________________

      5. "ӘлМСҚ" ҚеАҚ маманының, бюджеттік бағдарламалар әкімшісінің тегі, аты, әкесінің аты (болған жағдайда) мамандығы: ____________________

      6. Мониторинг өткізу мерзімі: 202___ жылдың "_____"_______ - "___" ________ дейін.

      7. Мониторинг нәтижесі: 202_ жылғы "_____"_______ бастап №____/____

      Ескертпе:

      * - Қызмет түріне байланысты ақаулардың кодтары (кіші кодтары) саналады.

      8. Ұсыныстар, ұсынымдар:

      ________________________________________________________________

      ________________________________________________________________

      ________________________________________________________________

      ________________________________________________________________

      9. Проактивті мониторинг жүргізу кезінде шарт тармақтарының анықталған бұзушылықтарын жою мерзімдері.

      10. Проактивті мониторингтің екінші кезеңінің нәтижесі.

Көрсетілетін қызметтерді сатып алу шартын тиісінше орындау бойынша қорытынды №____/____ "______"______________202_ жылдан бастап

      1. Қор филиалының немесе бюджеттік бағдарламалар әкімшісінің атауы:

      ___________________________________________________________

      2. Қызмет берушінің атауы: __________________________________________________

      (Қызмет берушінің толық атауы)

      3. Медициналық көмектің нысаны/түрі /қызмет түрі:

      ___________________________________________________________

      4. Мониторинг үшін негіздеме:

      ___________________________________________________________

      5. Қордың филиалы маманының немесе бюджеттік бағдарламалар әкімшісінің тегі, аты, әкесінің аты (болған жағдайда)/лауазымы:

      ___________________________________________________________

      6. Мониторинг жүргізу мерзімі: 202___жылдың "___" _______ - "___" ________ дейін.

      7. Мониторинг нәтижелері:

      8. Өткізілген проактивті мониторингтен 45 күн өткен соң ағымдағы мониторинг нәтижесі.

Ағымдағы мониторингтен өткен медициналық-санитариялық алғашқы көмек қызметтерінің тізілімі* "___" _____202___ -нан "___" _____202___жылға дейінгі кезең ________________________________________________________________________________ (Қызмет берушінің атауы)

      Кестенің жалғасы

      Ескертпе: * - расталған ақаулары бар қызметтер бойынша "1" қойылады, егер ақау болмаса немесе ақпарат болмаса "х" белгісімен таңбаланады.

Нысаналы мониторингтен өткен медициналық-санитариялық алғашқы көмек қызметтерінің тізілімі "___" _____202___ -нан "___" _____202___жылға дейінгі кезең ________________________________________________________________________________ (Қызмет берушінің атауы)

      Кестенің жалғасы

      Ескертпе: * - расталған ақаулары бар қызметтер бойынша "1" қойылады, егер ақау болмаса немесе ақпарат болмаса "х" белгісімен таңбаланады.

Алғашқы медициналық-санитариялық көмектің медициналық көрсетілетін қызметтерінің сапасы мен көлемінің мониторингі актісі №_____ "____" ________________202____ жыл "___" _____202___ -нан "___" _____202___жылға дейінгі кезең _________________________________________________________________ (Қызмет берушінің атауы)

      Тариф: клиникалық-шығынды топтар бойынша, нақты шығындар бойынша, бір емделіп шығу жағдайы үшін, төсек-күндер бойынша, кешенді тариф бойынша, айына 1 адамға арналған базалық кешенді жан басына шаққандағы норматив және айына 1 ауыл тұрғынына арналған базалық кешенді жан басына шаққандағы норматив бойынша

Ағымдағы мониторингтен өткен алғашқы медициналық-санитариялық көмек көрсетуге арналған кешенді жан басына шаққандағы нормативке енгізілмеген, көрсетілген консультациялық-диагностикалық қызметтер тізілімі * №_____ "____" ________________202____ жыл "___" _____202___ -нан "___" _____202___жылға дейінгі кезең _________________________________________________________________ (Қызмет берушініңатауы)

      Кестенің жалғасы

      Ескертпе: * - расталған ақаулары бар қызметтер бойынша "1" қойылады, егер ақау болмаса немесе ақпарат болмаса "х" белгісімен таңбаланады.

Нысаналы мониторингтен өткен алғашқы медициналық-санитарлық көмек көрсетуге арналған кешенді жан басына шаққандағы нормативке енгізілмеген, көрсетілген консультациялық-диагностикалық қызметтер тізілімі * "___" _____202___ -нан "___" _____202___жылға дейінгі кезең __________________________________________________________________ (Қызмет берушінің атауы)

      Кестенің жалғасы

      Ескертпе: * - расталған ақаулары бар қызметтер бойынша "1" қойылады, егер ақау болмаса немесе ақпарат болмаса "х" белгісімен таңбаланады.

Алғашқы медициналық-санитариялық көмек көрсетуге арналған кешенді жан басына шаққандағы нормативке енгізілмеген консультациялық-диагностикалық қызметтердің сапасы мен көлемінің мониторингі актісі

      №_____ "____" ________________202____ жыл

      "___" _____202___ -нан "___" _____202___жылға дейінгі кезең

      _________________________________________________________________

      (Тапсырыс берушінің атауы)

      ________________________________________________________________

      (Қызмет берушінің атауы)