Қазақстан Республикасы Үкіметінің 2013 жылғы 31 желтоқсандағы № 1500 қаулысымен бекітілген Әскери қызметшілерге, арнаулы мемлекеттік және құқық қорғау органдарының, мемлекеттік фельдъегерлік қызмет қызметкерлеріне, сондай-ақ арнаулы атақтар, сыныптық шендер алу және нысанды киім киіп жүру құқықтары 2012 жылғы 1 қаңтардан бастап жойылған адамдарға зейнетақы төлемдерін тағайындау және жүзеге асыру қағидаларының 6-тармағына сәйкес, БҰЙЫРАМЫН:

      1. Қоса беріліп отырған Сыбайлас жемқорлыққа қарсы қызметте қызмет өткерген қызметкерлерге еңбек сіңірген жылдары үшін зейнетақы төлемдерін тағайындау және жүзеге асыру жөніндегі нұсқаулық бекітілсін.

      2. Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметтің) Кадр жұмысы департаменті заңнамада бейнеленген тәртіппен:

      1) осы бұйрықты Қазақстан Республикасының Әділет министрлігінде мемлекеттік тіркелуін;

      2) осы бұйрықтың оны ресми жариялағаннан кейін Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметтің) интернет-ресурсында орналастырылуын қамтамасыз етсін.

      3. Осы бұйрықтың орындалуын бақылау Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметтің) аппарат басшысына жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Цифрлық даму, инновациялар

      және аэроғарыш өнеркәсібі

      министрлігі

Сыбайлас жемқорлыққа қарсы қызметте қызмет өткерген қызметкерлерге еңбек сіңірген жылдары үшін зейнетақы төлемдерін тағайындау және жүзеге асыру жөніндегі нұсқаулық

1-тарау. Жалпы ережелер

      1. Осы Сыбайлас жемқорлыққа қарсы қызметте қызмет өткерген қызметкерлерге еңбек сіңірген жылдары үшін зейнетақы төлемдерін тағайындау және жүзеге асыру жөніндегі нұсқаулық (бұдан әрі – Нұсқаулық) сыбайлас жемқорлыққа қарсы қызметтен шығарылған күні еңбек сіңірген жылдары үшін зейнетақы төлемдерін тағайындау үшін шарттары болған сыбайлас жемқорлыққа қарсы қызметтің қызметкерлеріне (бұдан әрі – сыбайлас жемқорлыққа қарсы қызметтің қызметкерлері), сондай-ақ арнаулы атақтар, сыныптық шендер алу және нысанды киім киіп жүру құқықтары 2012 жылғы 1 қаңтардан бастап жойылған адамдарға еңбек сіңірген жылдары үшін зейнетақы төлемдерін тағайындау және жүзеге асырудың тәртібін нақтылайды.

      2. Осы Нұсқаулықта мынадай негізгі ұғымдар пайдаланылады:

      1) еңбек сіңірген жылдары үшін зейнетақы төлемдері – сыбайлас жемқорлыққа қарсы қызмет қызметкерлеріне "Қазақстан Республикасында зейнетақымен қамсыздандыру туралы" 2013 жылғы 21 маусымдағы Қазақстан Республикасының Заңына (бұдан әрі – Заң) сәйкес берілетін ақшалай төлем;

      2) "Азаматтарға арналған үкімет" мемлекеттік корпорациясы (бұдан әрі – Мемлекеттік корпорация) – Қазақстан Республикасының заңнамасына сәйкес мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді және квазимемлекеттік сектор субъектілерінің қызметтерін көрсету, "бір терезе" қағидаты бойынша мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді, квазимемлекеттік сектор субъектілерінің қызметтерін көрсетуге өтініштер қабылдау және көрсетілетін қызметті алушыға олардың нәтижелерін беру жөніндегі жұмысты ұйымдастыру, сондай-ақ электрондық нысанда мемлекеттік қызметтер көрсетуді қамтамасыз ету үшін Қазақстан Республикасы Үкіметінің шешімі бойынша құрылған, орналасқан жері бойынша жылжымайтын мүлікке құқықтарды мемлекеттік тіркеуді жүзеге асыратын заңды тұлға;

      3) Мемлекеттік корпорацияның филиалдары – облыстардың, республикалық маңызы бар қалалардың және астанының Мемлекеттік корпорацияның филиалдары.

      3. Еңбек сіңірген жылдары үшін зейнетақы төлемдерін тағайындау және төлеу, сондай-ақ зейнетақы төлемдерін қайта есептеу және еңбек сіңірген жылдары үшін зейнетақы төлемдерін тағайындау үшін еңбек сіңірген жылдарын есептеу Заңға, "Әскери қызметшілердің, арнаулы мемлекеттік және құқық қорғау органдары, мемлекеттік фельдъегерлік қызмет қызметкерлерінің, сондай-ақ арнайы атақтарға, сыныптық шендерге ие болу және нысанды киім киіп жүру құқықтары 2012 жылғы 1 қаңтардан бастап жойылған адамдарға еңбек сіңірген жылдарын есептеу қағидаларын бекіту туралы" Қазақстан Республикасы Үкіметінің 2014 жылғы 24 ақпандағы № 129 қаулысына, "Әскери қызметшілерге, арнаулы мемлекеттік және құқық қорғау органдарының, мемлекеттік фельдъегерлік қызмет қызметкерлеріне, сондай-ақ арнаулы атақтар, сыныптық шендер алу және нысанды киім киіп жүру құқықтары 2012 жылғы 1 қаңтардан бастап жойылған адамдарға зейнетақы төлемдерін тағайындау және жүзеге асыру қағидаларын бекіту туралы" (бұдан әрі – Қағидалар) Қазақстан Республикасы Үкіметінің 2013 жылғы 31 желтоқсандағы № 1500 қаулысына, сондай-ақ Қазақстан Республикасының өзге де нормативтік құқықтық актілеріне және Қазақстан Республикасы басқа мемлекеттермен жасаған зейнетақымен (әлеуметтік) қамсыздандыру туралы келісімдерге сәйкес жүзеге асырылады.

      4. Сыбайлас жемқорлыққа қарсы қызметтің қызметкерлерін зейнетақымен қамсыздандыру жұмыстарын ұйымдастыруды Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) (бұдан әрі – Агенттік) және оның аумақтық органдарының (бұдан әрі – аумақтық органдар) кадр қызметтері жүзеге асырады.

      5. Сыбайлас жемқорлыққа қарсы қызметтің қызметкерлерін зейнетақымен қамсыздандыру жұмысына:

      1) сыбайлас жемқорлыққа қарсы қызметтің қызметкерлеріне еңбек сіңірген жылдары үшін зейнетақы төлемдерін тағайындау және бұрын сыбайлас жемқорлыққа қарсы қызметте қызмет өткерген зейнеткерлерге (бұдан әрі – зейнеткерлер) еңбек сіңірген жылдары үшін зейнетақы төлемдерін қайта есептеу, олардың отбасы мүшелеріне жәрдемақы мен өтемақы тағайындау;

      2) зейнеткерлер мен зейнетақы істерінің дербес есебін жүргізу;

      3) заңнамаға сәйкес еңбек сіңірген жылдары үшін зейнетақы төлемдерін алушы мәртебесін растайтын құжаттар беру;

      4) заңнамаға сәйкес зейнетақымен қамсыздандыру мәселелері бойынша зейнеткерлерді қабылдау, ұсыныстарды, өтініштер мен шағымдарды қарау;

      5) Мемлекеттік корпорацияның филиалдарымен өзара іс-қимыл жасасу кіреді.

2-тарау. Сыбайлас жемқорлыққа қарсы қызметтің қызметкерлеріне еңбек сіңірген жылдары үшін зейнетақы төлемдерін тағайындау және жүзеге асыру, оларды төлеуді тоқтату, жәрдемақылар мен өтемақылар тағайындау және төлеу

      6. Сыбайлас жемқорлыққа қарсы қызметтің қызметкерлері зейнетақы төлемдерін рәсімдеу үшін соңғы қызмет орны бойынша кадр қызметіне мынадай құжаттарды және олардың көшірмелерін қоса бере отырып, Қағидаларға 1-қосымшаға сәйкес нысан бойынша өтініш ұсынады:

      1) жеке басты куәландыратын құжат;

      2) зейнетақы беру жөніндегі уәкілетті ұйымдардағы банк шотының нөмірі не қылмыстық-атқару жүйесі мемемесі қолма қол ақшаны бақылау шоты туралы мәлімет;

      3) 3,5х4,5 см өлшемдегі фотосурет (2 дана);

      4) 2016 жылғы 1 қаңтарға дейін міндетті зейнетақы жарналары бюджет қаражатының есебінен аударылған адамдар үшін – Қазақстан Республикасының зейнетақы заңнамасында белгіленген нысан бойынша әскери қызметшілердің (мерзімді қызметтегі әскери қызметшілерден басқа), арнаулы мемлекеттік және құқық қорғау органдары, мемлекеттік фельдъегерлік қызмет қызметкерлерінің, сондай-ақ арнаулы атақтарға, сыныптық шендерге ие болу және нысанды киім киіп жүру құқықтары 2012 жылғы 1 қаңтардан бастап жойылған адамдардың пайдасына 2016 жылғы 1 қаңтарға дейін бюджет қаражаты есебінен аударылған міндетті зейнетақы жарналарының сомасынан 50 пайызын жеке зейнеткерлік шоттан есептен шығару туралы анықтама-растау.

      7. 1998 жылғы 1 қаңтардағы жағдай бойынша әскери қызметте, арнаулы мемлекеттік және құқық қорғау органдарында, мемлекеттік фельдъегерлік қызметте он жылдан астам еңбек өтілі бар қызметкерлер соңғы қызмет орны бойынша кадр қызметіне 2016 жылғы 1 қаңтардағы жағдай бойынша жеке зейнетақы шотынан үзінді ұсынады.

      8. Қызметтен шығарылудан және зейнетақы тағайындаудан бұрын қызметке жарамдылық деңгейін анықтау үшін қызметкерлер кадр қызметінің жолдамасымен өз қалауы бойынша әскери-дәрігерлік комиссиялардан (бұдан әрі – ӘДК) медициналық куәландырудан өтеді. ӘДК қорытындылары (түпнұсқалары) зейнетақы істерінде сақталады.

      9. Кадр қызметі осы Нұсқаулықтың 6 және 7-тармақтарында көрсетілген кұжаттардың толық емес пакетін ұсынған немесе толық емес не дұрыс емес мәліметтерді қамтитын құжаттарды ұсынған жағдайда еңбек сіңірген жылдары үшін зейнетақы төлемдерін тағайындау туралы өтінішті қабылдамайды.

      10. Агенттіктің және оның аумақтық органдарының кадр қызметінің қызметкері құжаттардың көшірмелері "Нотариат туралы" Қазақстан Республикасының 1997 жылғы 14 шілдедегі Заңымен белгіленген тәртіппен куәландырылған жағдайдан басқа, құжаттардың көшірмелерін олардың ұсынылған түпнұсқаларымен салыстырғаннан кейін қол қойып, кадр қызметінің мөрімен куәландырады.

      11. Агенттіктің және оның аумақтық органдарының кадр қызметі осы Нұсқаулықтың 6 және 7-тармақтарында көрсетілген кұжаттарды қабылдап, еңбек сіңірген жылдары үшін зейнетақы төлемін тағайындау үшін құжаттар келіп түскен күннен бастап бес жұмыс күнінің ішінде есеп жасайды.

      12. Агенттіктің және оның аумақтық органдарының кадр қызметі еңбек сіңірген жылдарды есептеуді мынадай тәртіпте жүргізеді:

      1) жеке істің, еңбек сіңірген жылдарын растайтын әскери билеттің, сондай-ақ еңбек өтілін растайтын құжаттардың (еңбек кітапшасы, жұмыс берушінің тоқтату күні мен негіздері туралы белгісі бар еңбек шарты, еңбек шартын жасасу және тоқтатудың негізінде еңбек қатынастарының туындауын және тоқталуын растайтын жұмыс берушінің актілерінен үзінділер, қызметкерлерге еңбекақы беру ведомосынан үзінділер, жұмыс берушінің қолы қойылған, ұйымның мөрі (бар болған жағдайда) қойылған қызметтік тізім (қызметкердің жұмысы, еңбек қызметі туралы мәліметтер тізбесі), бірыңғай жинақтаушы зейнетақы қорынан аударылған міндетті зейнетақы жарналары туралы үзінділер, Мемлекеттік әлеуметтік сақтандыру қорынан жасалған әлеуметтік аударымдар туралы мәліметтер, қызметкердің еңбек қызметі туралы мәліметтері бар мұрағаттық анықтама, не еңбек қатынастарының бар болуын растайтын заң фактілерін белгілеу туралы заңды күшіне еген сот шешімі) негізінде қызмет өткеру туралы деректерді тексереді, заңнамаға сәйкес күнтізбелік және жеңілдікпен есептеуге жататын қызмет кезеңдері мен еңбек өтілін нақтылайды және растайды;

      2) осы Нұсқаулыққа 1-қосымшаға сәйкес нысан бойынша еңбек сіңірген жылдары үшін зейнетақы төлемдерін тағайындау үшін еңбек сіңірген жылдарының есебін жасайды, зейнетақы рәсімдеп жатқан адамға қол қойғызып, оған жариялайды.

      Зейнеткерлікке шығарылған қызметкердің жеке мәліметтері (тегі, аты, әкесінің аты (болған жағдайда), еңбек сіңірген жылдарының есебінде оның жеке басын куәландыратын құжат бойынша толтырылады.

      Еңбек сіңірген жылдарына зейнетақы төлемдерін тағайындау үшін еңбек сіңірген жылдары есебінің соңғы парағы есепті жасаған кадр қызметі қызметкерінің, кадр қызметінің басшысымен және кадр қызметінің мөрімен расталады.

      13. Агенттіктің, аумақтық органдардың қаржы қызметтері кадр қызметіне осы Нұсқаулықтың 11-тармағында көрсетілген мерзімі ішінде соңғы қызмет орны бойынша қызметкердің шығарылатын күніне ақшалай қамтылымының мөлшерін растайтын ақшалай аттестатты ұсынады.

      14. Агенттіктің кадр қызметі осы Нұсқаулықтың 6, 7, 12 және 13-тармақтарында көрсетілген кұжаттарды алған күннен бастап он жұмыс күнінің ішінде еңбек сіңірген жылдары үшін зейнетақы төлемдерін тағайындауды мынадай тәртіппен жүзеге асырады:

      1) осы Нұсқаулыққа 2 және 3-қосымшаларға сәйкес нысан бойынша еңбек сіңірген жылдары үшін зейнетақы төлемдерін тағайындау туралы қорытындыны рәсімдейді, оны еңбек сіңірген жылдары үшін зейнетақы төлемдерін тағайындауды жүзеге асыратын кадр қызметінің басшысы бекітеді;

      2) осы Нұсқаулыққа 4-қосымшаға сәйкес нысан бойынша зейнетақы ісін рәсімдейді, оған еңбек сіңірген жылдары үшін зейнетақы төлемдерін тағайындау туралы қорытынды және еңбек сіңірген жылдары үшін зейнетақы төлемдерін тағайындауға негіз болған материалдар қоса тігіледі;

      3) осы Нұсқаулыққа 5-қосымшаға сәйкес нысан бойынша зейнетақы ісін зейнеткерлерді және зейнетақы істерін есепке алу кітабында тіркейді;

      4) осы Нұсқаулыққа 6-қосымшаға сәйкес нысан бойынша сыбайлас жемқорлыққа қарсы қызметтің зейнеткерлік куәлігін рәсімдейді, ол еңбек сіңірген жылдары үшін зейнетақы төлемдерін алушының мәртебесін растайтын ресми құжат болып табылады.

      5) осы Нұсқаулыққа 7-қосымшаға сәйкес нысан бойынша сыбайлас жемқорлыққа қарсы қызметтің зейнеткерлік куәліктерді есепке алу кітабына еңбек сіңірген жылдары үшін зейнетақы төлемдерін алушының зейнеткерлік куәлігін тіркейді және еңбек сіңірген жылдары үшін зейнетақы төлемдерін алушыға қол қойғыза отырып, береді.

      15. Еңбек сіңірген жылдары үшін зейнетақы төлемдерін тағайындағаннан кейін Агенттіктің кадр қызметі Қағидаларға 3-қосымшаға сәйкес 1-ВС нысаны бойынша зейнетақы ісінен үзінді толтырылады және Қағидаларға 6-қосымшаға сәйкес 1-В/Л нысаны бойынша хабарламамен қоса отырып, бір данада Мемлекеттік корпорацияның филиалына жолданады. Үзінділердің көшірмелері істер номенклатурасына қоса тігіледі.

      16. Зейнетақы төлемдерін алушының тегі, аты, әкесінің аты (болған жағдайда), банк шотының нөмірі, туған күні, тұрғылықты жері өзгерген жағдайда алушы Агенттіктің кадр қызметіне тиісті өзгерістерді растайтын құжаттармен осы өзгерістер туралы өтініш береді.

      17. Аумақтық органдардың кадр қызметтерінен Агенттіктің кадр қызметіне толық емес, дұрыс емес немесе қайшы келетін мәліметтерді қамтитын құжаттар келіп түскен жағдайда, сондай-ақ еңбек сіңірген жылдары үшін зейнетақы төлемдерін тағайындаудан бас тартылған жағдайда Агенттіктің кадр қызметі он жұмыс күні ішінде аумақтық органдардың кадр қызметтеріне бас тарту себебін көрсете отырып, құжаттарды қайтарады

      Аумақтық органдардың кадр қызметтері өтініш иесін үш жұмыс күні ішінде хабарландырады.

      18. Еңбек сіңірген жылдары үшін зейнетақы төлемдерін алушы біліктілік сыныбын белгілеумен сыбайлас жемқорлыққа қарсы қызметке қабылданған кезде аумақтық органдардың кадр қызметі қызметке тағайындалған күннен бастап қызмет өткеру кезеңінде еңбек сіңірген жылдары үшін зейнетақы төлемдерін тоқтату үшін Агенттіктің кадр қызметіне тиісті ақпаратты жолдайды.

      19. Зейнетақы төлемдерін алушы қайтыс болған, Қазақстан Республикасының басқа аймағына немесе одан тыс жерлерге кеткен, не Агенттіктің кадр қызметтерінің сұрау салуы бойынша зейнетақы төлемдері тоқтатылған жағдайларда Мемлекеттік корпорацияның филиалдары айлар бойынша өткен жылы жүргізілген төлемдер туралы анықтама ұсынады.

      20. Қызметкерге зейнетақы төлемдерін тағайындау үшін еңбек сіңірген жылдары және еңбек өтілі жеткіліксіз болған жағдайда Агенттіктің кадр қызметі оны осы Нұсқаулыққа 8-қосымшаға сәйкес нысан бойынша ол туралы таныстырады.

      21. Жерлеуге біржолғы төлемдерді (өтемақыны) және біржолғы жәрдемақыны тағайындау үшін қайтыс болған еңбек сіңірген жылдары үшін зейнетақы төлемдерін алушының отбасы мүшелері қайтыс болған адамның бұрынғы тұрғылықты жері бойынша кадр қызметіне өтініш береді.

      Қайтыс болған адамның отбасы мүшелеріне жерлеуге біржолғы төлемдерді (өтемақыны) және біржолғы жәрдемақыны тағайындау, төлеу Қағидаларға сәйкес жүзеге асырылады.

      22. Интернаттық және мемлекеттік медициналық-әлеуметтік мекемелеріндегі сыбайлас жемқорлыққа қарсы қызметтің қызметкерлеріне еңбек сіңірген жылдары үшін зейнетақы төлемдерін жүзеге асыру Қағидаларға сәйкес жүзеге асырылады.

      23. Қылмыстық-атқару жүйесі мекемелеріндегі сыбайлас жемқорлыққа қарсы қызметтің қызметкерлеріне еңбек сіңірген жылдары үшін зейнетақы төлемдерін жүзеге асыру Қағидаларға сәйкес жүзеге асырылады.

3-тарау. Зейнетақы төлемдерін қайта есептеу

      24. Олардың мөлшеріне әсер ететін жағдайлардың өзгеруіне байланысты зейнетақы төлемдерінің артуы, қайта есептелуі, сондай-ақ тоқтатылған зейнетақы істері бойынша бұрын тағайындалған зейнетақы төлемдерін төлеуді қайта бастау кезінде жаңа қорытынды жасалмайды.

      25. Зейнетақы төлемдерінің мөлшерін өзгерту егер заңнамамен өзге көзделмесе, зейнетақы төлемдерінің мөлшерін өзгертуге әкеп соққан мән-жайларды растайтын құжаттармен бірге зейнеткер жазбаша жүгінген күннен бастап жүргізіледі.

      Зейнетақы төлемдері мөлшерінің өзгерісі осы Нұсқаулыққа 9-қосымшаға сәйкес зейнетақы төлемін қайта есептеу кестесіне жазбамен рәсімделеді, оған кадр қызметінің қызметкері қол қояды және кадр қызметінің басшысымен бекітіледі.

      Зейнетақы төлемін қайта есептеу кестесі зейнетақы ісіне қоса тігіледі.

      26. Зейнетақы төлемдерін қайта есептеу үшін негіз болған растайтын құжаттар зейнетақы ісінде болған жағдайда лауазымды адамның кінәсі бойынша зейнетақы төлемдерін уақтылы қайта есептемеген жағдайда қосымша ақы зейнетақы төлемдерінің арттырылған мөлшеріне құқық белгіленген күннен бастап жүзеге асырылады.

      27. Заңда көзделген жыл сайынғы арттыруға, айлық есептік көрсеткіштің, ең төменгі күнкөріс деңгейінің өзгеруіне байланысты зейнетақы төлемдерінің мөлшері өзгерген жағдайда Агенттіктің кадр қызметі Қағидаларға 4-қосымшаға сәйкес 1-BC-арттыру нысаны бойынша зейнетақы төлемдерінің жаңа мөлшері туралы алушылардың зейнетақы істерінен үзінділер дайындайды және Қағидаларға 6-қосымшаға сәйкес 1-В/Л нысаны бойынша хабарламаны қоса бере отырып, Мемлекеттік корпорацияның филиалдарына бір данада жолдайды.

      28. Қызмет өтілінің не ақшалай қамтылым мөлшерінің өзгеруіне байланысты еңбек сіңірген жылдары үшін зейнетақы төлемдерінің мөлшері өзгерген жағдайда Агенттіктің кадр қызметі Қағидалардың 2-қосымшасына сәйкес 1-ИУ нысаны бойынша, не 3-қосымшаға сәйкес 1-BC нысаны бойынша зейнетақы ісінен үзінділер дайындайды және Қағидаларға 6-қосымшаға сәйкес 1-В/Л нысаны бойынша ұсынылатын құжаттар туралы хабарламаны қоса бере отырып, Мемлекеттік корпорацияның филиалдарына бір данада жолдайды.

      29. Зейнетақы төлемдерін заңсыз тағайындауды анықтаған кезде Агенттіктің кадр қызметі зейнетақы төлемдерін тоқтату туралы қорытынды жасайды, оны Агенттіктің аппарат басшысы бекітеді.

      Агенттіктің кадр қызметі еңбек сіңірген жылдары үшін зейнетақы төлемдерін тоқтату туралы шешім қабылдаған күннен бастап Қағидаларға 9-қосымшаға сәйкес 1-Б/ВС нысаны бойынша төлемді тоқтатуға хабарлама дайындап, Мемлекеттік корпорацияның филиалдарына жолдайды және шешім қабылдаған күннен бастап бес жұмыс күні ішінде зейнетақы төлемдерін алушыны жазбаша хабардар етеді.

4-тарау. Тұрғылықты жері өзгерген кезде азаматтарға зейнетақы төлемдерін жүзеге асыру

      30. Зейнетақы төлемін алушының Қазақстанның басқа аймағына немесе Қазақстан Республикасынан тыс жерлерге тұрақты тұруға кеткен кезде зейнетақы төлемдері алушының тұрғылықты жері бойынша тіркеуден шығарылған айы аралығында жүзеге асырылады.

      31. Қазақстанның басқа аймағына тұрақты тұруға кеткен кезде зейнетақы төлемдерін алушы Агенттіктің кадр қызметіне:

      1) Агенттіктің кадр қызметі басшысының атына зейнетақы төлемдерін алушының тұрғылықты жерін ауыстыруы туралы өтініш;

      2) жеке басты куәландыратын құжаттың (жеке куәлік, азаматтығы жоқ адамның куәлігі, шетелдіктің тұруға ықтиярхаты) көшірмесін;

      3) зейнетақы беру жөніндегі уәкілетті ұйымдардағы банк шотының нөмірі туралы мәлімет ұсынады.

      32. Зейнеткер Қазақстан Республикасынан тыс жерлерге тұрақты тұруға кеткен кезде Агенттіктің кадр қызметі басқа елдердің уәкілетті органдарының сұрау салуы бойынша не зейнеткердің өтініші бойынша зейнетақы ісін зейнеткер тұрып жатқан елдің уәкілетті органына мекенжай бойынша шығу парағын қоса бере отырып жолдайды.

      Төлемдерді тоқтату үшін Агенттіктің кадр қызметі Қағидаларға 9-қосымшаға сәйкес 1-Б/ВС нысаны бойынша Мемлекеттік корпорацияға төлемдерді тоқтату туралы хабарлама жолдайды.

5-тарау. Зейнетақы ісіні рәсімдеу

      33. Зейнетақы ісі зейнетақы төлемдерін тағайындау, арттыру (қайта есептеу) және төлеу үшін қажетті тиісті құжаттармен жинақталады. Одан әрі зейнеткерге қатысты барлық хат алмасулар оның зейнетақы ісінде сақталады және хронологиялық тәртіппен тігіледі.

      34. Зейнетақы ісіне реті бойынша істің нөмірі және аймақтың литері беріледі.

      Зейнетақы ісінің мұқабасының алдыңғы бетінде аймақтың литері, істің нөмірі, зейнеткердің тегі, аты, әкесінің аты (болған жағдайда), біліктілік сыныбы, қызметтен шығарылған күніне атқарған лауазымы мен қызмет орны көрсетіледі.

      Мұқабаның ішкі бетінде зейнеткердің тіркелген мекенжайы және нақты тұратын мекенжайы, байланыс телефондары, зейнеткерлік куәліктің нөмірі мен берілген күні, төлемдерді жүзеге асыратын Мемлекеттік корпорация филиалының атауы көрсетіледі.

      35. Істе құжаттар мынадай тәртіппен қойылады:

      1) осы Нұсқаулықтың 6 және 7-тармақтарында көрсетілген еңбек сіңірген жылдары үшін зейнетақы төлемдерін тағайындау үшін негіз болған құжаттар;

      2) медициналық құжаттар – қызметке жарамдылық дәрежесі туралы әскери-дәрігерлік комиссияның қорытындысы, медициналық әлеуметтік сараптаманың мүгедектік туралы анықтамаларынан үзінді;

      3) әртүрлі хат алмасулар – зейнеткердің өтініші және хаттары, оларға жауаптардың көшірмелері, басқа бөлімшелермен, ұйымдармен хат алмасулар;

      4) зейнетақы төлемдерін төлеуге құжаттар – Мемлекеттік корпорацияның филиалдарына жіберілген үзінділердің және хабарламалардың көшірмелері, жүргізілген төлемдер туралы Мемлекеттік корпорация филиалдарының анықтамалары.

                  _____________________

Еңбек сіңірген жылдары үшін зейнетақы төлемдерін тағайындау үшін еңбек сіңірген жылдарының есебі

      Бұрынғы __________________________________________________________________

                  (біліктілік сыныбы, тегі, аты, әкесінің аты (болған жағдайда)

      __________________________________________________________________________

      лауазымы, сыбайлас жемқорлыққа қарсы қызметтің бөлімшесі атауы)

      _____________________________________________________________________ туған

                  (туған күні, айы, жылы және орны)

      Бірінші әскери (арнаулы) атағы, сынып шені, біліктілік сыныбы ____________________

      __________________________________________________________________________

      ________________________ 20__ жылғы "__" _________ № ___ бұйрығымен берілді

      (мемлекеттік органның (мекеменің) атауы)

      Соңғы біліктілік сыныбы ____________________________________________________

      ___________________ 20__ жылғы "___" _______________ № ___ бұйрығымен берілді

      (мемлекеттік органның (мекеменің) атауы)

      Еңбек сіңірген жылдарына зейнетақы төлемдерін тағайындау үшін еңбек сіңірген жылдарына

      (күнтізбелік және жеңілдікпен есептегенде) _________ мынадай қызметтері есептеледі:

                        (қызметтен шығарылғанның тегі, инициалдары)

      20__ жылғы "___"______ еңбек сіңірген жылдары үшін зейнетақы төлемдерін тағайындау үшін еңбек сіңірген жылдары: күнтізбелік есеппен ___ жыл___ ай___ күнді, жеңілдікпен есептегенде ___ жыл___ ай___ күнді құрады. Қызметке дейінгі еңбек өтілі күнтізбелік есеппен ___ жыл___ ай___ күн, жеңілдікпен есептегенде ___ жыл___ ай___ күнді құрайды. Күнтізбелік есеппен жалпы еңбек өтілі ___ жыл___ ай___ күнді, жеңілдікпен есептегенде ___ жыл___ ай___ күнді құрайды.

      Еңбек сіңірген жылдарының есебі № ___ жеке ісінің негізінде жасалған, ол

      _____________________________________________________ сақтауға берілген.

                        (мұрағаттың атауы)

      Есепті жасаған ____________________________________________________

      (кадр қызметі қызметкерінің лауазымы, тегі, инициалдары және қолы, күні)

      Есепті тексерген __________________________________________________

      (кадр қызметі қызметкерінің лауазымы, тегі, инициалдары және қолы, күні)

      Еңбек сіңірген жылдары үшін зейнетақы төлемдерін тағайындау үшін еңбек

      сіңірген жылдарының есебімен таныстым:

      _____________________________________________________________________

      (қызметтен шығарылған қызметкердің біліктілік сыныбы, тегі, аты, әкесінің аты

      (болған жағдайда) және қолы, күні)

      _________________________________________________ Заңының (Кодексінің)

      (Заңды, Кодексті қабылдау күні, нөмірі және атауы)

      ____________________________________________________________________

      (қызметтен шығарылу бабының нөмірі, тұжырымының атауы)

      __-бабы __-тармағының __тармақшасы бойынша 20__ жылғы "__" _________

                                                      (қызметтен шығарылу күні)

      бастап ____________________________________ 20__ жылғы "__" __________

      (мемлекеттік органның (мекеменің) атауы)

      №___ бұйрығымен қызметтен шығарылды.

      Кадр қызметінің М.О. _______________________________________

                        (кадр қызметі басшысының лауазымы,

      _______________________________________

      біліктілік сыныбы, тегі, аты-жөні, қолы)

      20__ жылғы "__" __________

      Ескертпе: жеңілдікпен есептелген еңбек сіңірген жылдары есебінің әрбір тармағында нормативтік құқықтық актінің тиісті нормасына сілтеме болуы тиіс.

Еңбек сіңірген жылдары үшін зейнетақы төлемдерін тағайындау туралы Қ О Р Ы Т Ы Н Д Ы

      __________________________________________________________________________

      (еңбек сіңірген жылдары үшін зейнетақы төлемдерін тағайындауға негіз болып табылатын "Қазақстан Республикасында зейнетақымен қамсыздандыру туралы" Қазақстан Республикасы Заңының нормасына сілтеме көрсетілсін*)

      сәйкес ____________________________________________________________________

      (лауазымы, сыбайлас жемқорлыққа қарсы қызметтің бөлімшесі,

      __________________________________________________________________________

      ___________________ біліктілік сыныбы, тегі, аты, әкесінің аты (болған жағдайда)

      еңбек сіңірген жылдары үшін зейнетақы төлемдері тағайындалсын.

      Туған жылы, айы, күні _____ жылғы "___" __________.

      _____________ 20___ жылғы "___" ________ № ____ бұйрығымен 20 ___ жылғы "___"

      ______ бастап __-бабы __-тармағының __тармақшасы бойынша қызметтен шығарылды

      _________________________________________________

      (қызметтен шығарылу тұжырымының атауы)

      20___ жылғы "___" ______________ № ____ "_____________________________"

                                                      (заңнамалық актінің атауы)

      Еңбек сіңірген жылдары: күнтізбелік есеппен ___ жыл ___ай ___ күн

                              жеңілдікпен есептегенде ___ жыл ___ай ___ күн

      Еңбек өтілі: күнтізбелік есеппен ___ жыл ___ай ___ күн

                              жеңілдікпен есептегенде ___ жыл ___ай ___ күн

      Жалпы еңбек өтілі: күнтізбелік есеппен ___ жыл ___ай ___ күн

                              жеңілдікпен есептегенде ___ жыл ___ай ___ күн.

      Еңбек сіңірген жылдары зейнетақы төлемдерін тағайындау үшін ескерілетін ақшалай ұстау мөлшері:

      лауазымдық жалақысы _________теңге ____ тиын

      әскери (арнаулы) атақ біліктілік сыныбы бойынша жалақы (қосымша ақы), _________теңге ____ тиын;

      Барлығы: _________теңге ____ тиын.

      "Қазақстан Республикасында зейнетақымен қамсыздандыру туралы"

      2013 жылғы 21 маусымдағы Қазақстан Республикасының Заңының 65-бабының және

      68-бабы ___- тармағының негізінде

      _________________________________________

      (тегі, инициалдар)

      ақшалай ұстаудан _____% мөлшерінде сомасы _________ теңге зейнетақы төлемдері белгіленсін,

      ол 20__ жылғы "___"______ бастап төленуі тиіс.

      Кадр қызметінің басшысы _________________________

                                    (қолы, тегі, инициалдары)

      Кадр қызметінің қызметкері ________________________

                                    (қолы, тегі, инициалдары)

      Ескертпе:

      *Толтыру кезінде "Қазақстан Республикасында зейнетақымен қамсыздандыру туралы" 2013 жылғы 21 маусымдағы Қазақстан Республикасы Заңының нормаларына сілтеме көрсетіледі (Қазақстан Республикасында зейнетақымен қамсыздандыру туралы" 2013 жылғы 21 маусымдағы Қазақстан Республикасы Заңының 64-бабының ___-тармағы __ тармақшасы).

      Жинақтаушы зейнетақы жүйесінің қатысушылары үшін еңбек сіңірген жылдары үшін зейнетақы төлемдерін тағайындау негіздемесінде қосымша "Қазақстан Республикасында зейнетақымен қамсыздандыру туралы" 2013 жылғы 21 маусымдағы Қазақстан Республикасы Заңының 64-бабының 8-тармағы көрсетіледі.

      1998 жылғы 1 қаңтардан кейін қызметке алғаш рет кірген және 2016 жылғы 1 қаңтарға дейін қызметтен шығарылған, қызметтен босатылған күнге 2016 жылғы 1 қаңтарға дейін қолданыста болған Қазақстан Республикасының заңнамасына сәйкес еңбек сіңірген жылдары үшін зейнетақы төлемдерінің тағайындалу шарттары болған әскери қызметшілер, құқық қорғау органдарының, мемлекеттік фельдъегерлік қызмет қызметкерлері үшін еңбек сіңірген жылдары үшін зейнетақы төлемдерін тағайындау негіздемесінде қызметтен шығарылған күнде қолданыста болған "Қазақстан Республикасында зейнетақымен қамсыздандыру туралы" Заңның нормаларына қосымша сілтеме көрсетіледі ("Қазақстан Республикасында зейнетақымен қамсыздандыру туралы" _____ жылғы "___" _________ Қазақстан Республикасы № ____ Заңының __-бабының __-тармағының __тармақшасы).

Еңбек сіңірген жылдары үшін зейнетақы төлемдерін тағайындау туралы Қ О Р Ы Т Ы Н Д Ы

      (сыбайлас жемқорлыққа қарсы қызмет қызметкерлерінің қатарындағы арнаулы атақтар, сыныптық шендер алу және нысанды киім киіп жүру құқықтары 2012 жылғы 1 қаңтардан бастап жойылған адамдар үшін)

      __________________________________________________________________________

      (еңбек сіңірген жылдары үшін зейнетақы төлемдерін тағайындауға негіз болып табылатын "Қазақстан Республикасында зейнетақымен қамсыздандыру туралы" Қазақстан Республикасы Заңының нормасына сілтеме*)

      сәйкес ____________________________________________________________________

      (лауазымы, сыбайлас жемқорлыққа қарсы қызметтің бөлімшесі)

      __________________________________________________________________________

                        тегі, аты, әкесінің аты (болған жағдайда)

      еңбек сіңірген жылдары үшін зейнетақы төлемдері тағайындалсын

      Туған жылы, айы, күні _____ жылғы "___" __________.

      ____________ 20___ жылғы "___" _________ № ____ бұйрығымен 20___ жылғы "___"

      ___ бастап ___-бабы ___-тармағының ____тармақшасы бойынша қызметтен шығарылды

      ____________________________________________________

      (қызметтен шығарылу тұжырымы)

      20___ жылғы "____" ____________________ № ____ "__________________________"

                                                            (заңнамалық актінің атауы)

      Құқық қорғау қызметінде болудың шекті жасына сай келетін жасқа жеткендігі туралы

      мәліметтер**______________________________________________________________

      __________________________________________________________________________

      Еңбек сіңірген жылдары: күнтізбелік есеппен ___ жыл ___ай ___ күн

                              жеңілдікпен есептегенде ___ жыл ___ай ___ күн

      Еңбек өтілі: күнтізбелік есеппен ___ жыл ___ай ___ күн

                              жеңілдікпен есептегенде ___ жыл ___ай ___ күн

      Жалпы еңбек өтілі: күнтізбелік есеппен ___ жыл ___ай ___ күн

                              күн жеңілдікпен есептегенде ___ жыл ___ай ___ күн

      "Қазақстан Республикасында зейнетақымен қамсыздандыру туралы" 2013 жылғы 21 маусымдағы Қазақстан Республикасы Заңының 65-бабы 4-тармағына және Қазақстан Республикасы Үкіметінің 2012 жылғы 14 желтоқсандағы № 1597 қаулысымен бекітілген Арнаулы атақтарды және сыныптық шендерді иелену, сондай-ақ нысанды киім киіп жүру құқықтары жойылған адамдарға зейнеткерлікке шыққан кезде әлеуметтік қамсыздандыруды, барлық жеңілдіктер мен артықшылықтарды сақтау қағидаларының 8-тармағының 4) тармақшасына сәйкес еңбек сіңірген жылдары үшін зейнетақы төлемдерін тағайындау үшін ескерілетін ақшалай ұстау мөлшері:***

      _____________________________________________________

      "Қазақстан Республикасында зейнетақымен қамсыздандыру туралы" 2013 жылғы 21 маусымдағы Қазақстан Республикасы Заңының 65-бабының және 68-бабының ___- тармағының негізінде

      _______________________________________

      (тегі, инициалдары)

      ақшалай ұстаудан _____% мөлшерінде сомасы _________ теңге зейнетақы төлемдері белгіленсін,

      ол 20__ жылғы "___"______ бастап төленуі тиіс.

      Кадр қызметінің басшысы _________________________________

                                    (қолы, тегі, инициалдары)

      Кадр қызметінің қызметкері _________________________________

                                    (қолы, тегі, инициалдары)

      Ескертпе:

      * Толтыру кезінде "Қазақстан Республикасында зейнетақымен қамсыздандыру туралы" 2013 жылғы 21 маусымдағы Қазақстан Республикасы Заңының нормаларына сілтеме көрсетіледі ("Қазақстан Республикасында зейнетақымен қамсыздандыру туралы" 2013 жылғы 21 маусымдағы Қазақстан Республикасы Заңының 64-бабының ___-тармағы ___тармақшасы).

      Жинақтаушы зейнетақы жүйесінің қатысушылары үшін еңбек сіңірген жылдары үшін зейнетақы төлемдерін тағайындау негізіне "Қазақстан Республикасында зейнетақымен қамсыздандыру туралы" 2013 жылғы 21 маусымдағы Қазақстан Республикасы Заңының 64-бабының 8-тармағы қосымша көрсетіледі.

      2016 жылғы 1 қаңтарға дейін қолданыстағы заңнама нормаларына сәйкес қызметтен шығарылу күніне еңбек сіңірген жылдары үшін зейнетақы төлемдерін тағайындау үшін шарттар болған 1998 жылғы 1 қаңтардан кейін бірінші рет қызметке келген және 2016 жылғы 1 қаңтарға дейін шығарылған, ішкі істер органдары, азаматтық қорғау, мемлекеттік фельдъегерлік қызмет, сыбайлас жемқорлыққа қарсы қызмет қызметкерлерінің қатарындағы арнаулы атақтар алу және нысанды киім киіп жүру құқықтары 2012 жылғы 1 қаңтардан бастап жойылған адамдар үшін еңбек сіңірген жылдары үшін зейнетақы төлемдерін тағайындау негізіне қызметтен шығарылу күніне қолданыста болған "Қазақстан Республикасында зейнетақымен қамсыздандыру туралы" Заңның нормаларына сілтеме қосымша көрсетіледі ("Қазақстан Республикасында зейнетақымен қамсыздандыру туралы" ___ жылғы "___" __________ Қазақстан Республикасы №____ Заңының___-бабының __-тармағы ___тармақшасы).

      ** Қызметтен шығарылған күні арнаулы атақ және сыныптық шендер алу, сондай-ақ нысанды киім киіп жүру құқығы жойылған сәтте тіркелген арнаулы атағы бойынша құқық қорғау қызметінде болудың шекті жасына сәйкес келетін жасқа жеткен адамдар үшін толтырылады ("__________" тіркелген арнаулы атағы бойынша құқық қорғау қызметінде болудың шекті жасына сәйкес келетін жасқа жетті" деп көрсетіледі).

      *** Ақшалай ұстаудың тіркелген мөлшерінен еңбек сіңірген жылдары үшін зейнетақы төлемдерін тағайындаған жағдайда толтыру кезінде мынадай мәліметтер көрсетіледі: "тіркелген ақшалай ұстау":

      лауазымды жалақы ______ теңге ______тиын

      арнаулы атақ бойынша қосымша ақы _____ теңге _____ тиын.

      Барлығы: _____ теңге _____ тиын".

      Мемлекеттік әкімшілік немесе азаматтық қызметшіге лауазымдық жалақыдан еңбек сіңірген жылдары үшін зейнетақы төлемдерін тағайындаған жағдайда толтыру кезінде "лауазымды жалақы ______ теңге ______тиын" деп көрсетіледі.

ҚАЗАҚСТАН РЕСПУБЛИКАСЫНЫҢ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІ (СЫБАЙЛАС ЖЕМҚОРЛЫҚҚА ҚАРСЫ ҚЫЗМЕТ) АГЕНТСТВО РЕСПУБЛИКИ КАЗАХСТАН ПО ПРОТИВОДЕЙСТВИЮ КОРРУПЦИИ (АНТИКОРРУПЦИОННАЯ СЛУЖБА)

ЗЕЙНЕТКЕРЛІК ІС ПЕНСИОННОЕ ДЕЛО

      Тегі _______________________________________________________________

      Фамилия Аты, әкесінің аты (болған жағдайда)___________________________________

      Имя и отчество (при его наличии)

      Біліктілік сыныбы _________________________________________________

      Квалификационный класс

      Лауазымы ________________________________________________________

      Должность

      Қызмет орны ______________________________________________________

      Место службы

      __________________________________________________________________

      __________________________________________________________________

Зейнеткерлер мен зейнетақы істерін есепке алу кітабы

Сыбайлас жемқорлыққа қарсы қызметтің зейнеткерлік куәлігі

      Ескертпе:

      1. Агенттіктің орталық аппаратының және оның аумақтық органдары қызметкерінің зейнеткерлік куәлігі (бұдан әрі – зейнеткерлік куәлік) көлемі 85,6х53,98 мм ақ түсті, жылтыр, пластик материалдан әзірленеді және екі жағы болады: беткі және келесі.

      2. Зейнеткерлік куәліктің беткі жағында мемлекеттік тілде латын графикасымен келесі мәліметтер жазылады:

      1) жоғарғы бөлігінде жоғары көмкермеден 3 мм аралықта қою көк түсті жолақта ақшыл түспен "QAZAQSTAN RESPÝBLІKASYNYŃ SYBAІLAS JEMQORLYQQA QARSY ІS-QІMYL AGENTTІGІ (SYBAІLAS JEMQORLYQQA QARSY QYZMET)" деген жазу, одан төменірек үзіліссіз жолақта "QAZAQSTAN RESPÝBLІKASY" деген көк түсті, үзіліссіз жазылған шағын мәтін орналасқан;

      2) шағын мәтіннен 3 мм аралықта сол жақ бөлікте көк түспен "KÝÁLІK №__" деген жазу орналастырылған және оның астында қызметкердің біліктілік сыныбы көрсетіледі;

      3) Агенттіктің аумақтық органдары қызметкерлерінің зейнеткерлік куәліктерінде тиісті аумақтық органның "_______ oblysy boıynsha departamentі" атауы "KÝÁLІK №__" деген жазудың астына көк түсте орналастырылады;

      4) оң жақ бөлігінде 25х33,5 мм көлемінде қызметкердің түрлі-түсті фотосуреті (анфас) орналастырылады. Қызметкер іскерлік киім стилінде ақ түсті фонда бас киімсіз суретке түседі;

      5) фотосуреттен солға қарай қызметкердің аты, әкесінің аты (бар болған жағдайда), тегі қызыл түспен және "ZEІNETKER" деген жазу көк түспен көрсетіледі;

      6) фотосуреттің астында Агенттік Төрағасының қолы орналастырылады;

      7) оң жақ бөлігінің төменгі жағында күн астында қалықтап бара жатқан қыранның бейнесі орындалған;

      8) сол жақ бұрышының төменгі жағында, көк түсте қызметтік куәлік бланкісінің нөмірі көрсетілген;

      3. Қызметтік куәліктің келесі жағы көгілдір түсте және Агенттіктің эмблемасы бейнеленіп орындалған.

Зейнеткерлік куәліктерді есепке алу кітабы

ТАНЫСУ ПАРАҒЫ

      __________________________________________________________________________

      (қызметтен шығарылған қызметкердің біліктілік сыныбы, тегі, аты, әкесінің аты (болған жағдайда)

      __________________________________________________________________________

      (заңнамаға сілтеме)

      ___________________________________________________________________ сәйкес

      2020 жылы "___"________ (қызметтен шығу сәтінде) "Қазақстан Республикасында зейнетақымен қамсыздандыру туралы" Қазақстан Республикасы Заңының ____-бабы ____-тармағының негізінде еңбек сіңірген жылдары және еңбек өтілі бойынша зейнеткерлік төлемдердің тиесілі еместігі туралы таныстырылдым.

      __________________________________________________________________________

      (қызметтен шығарылған адамның қолы, тегі, инициалдары, күні)

      Кадр қызметінің қызметкері ______________________________

                                    (қолы, тегі, инициалдары)

      М.О.

Зейнетақы төлемдерін қайта есептеу кестесі

      1. ________________________________________________________ зейнетақы төлемі

      (зейнеткердің тегі, аты, әкесінің аты (болған жағдайда)

      ______________________________________________________ сәйкес қайта есептелді.

                  (заңнамаға сілтеме)

      және 20___ жылғы "___"________ бастап ____________ теңге мөлшерінде белгіленді.

      Кадр қызметінің қызметкері ______________________________

                                    (қолы, тегі, инициалдары)