Қорғау міндеттемелерін беру қағидаларын бекіту туралы

      "Тарихи-мәдени мұра объектілерін қорғау және пайдалану туралы" 2019 жылғы 26 желтоқсандағы Қазақстан Республикасы Заңының 10-бабының 16) тармақшасына сәйкес БҰЙЫРАМЫН:

      1. Қоса беріліп отырған Қорғау міндеттемелерін беру қағидалары бекітілсін.

      2. "Тарих және мәдениет ескерткіштерін қорғау міндеттемелерін беру қағидаларын бекіту туралы" Қазақстан Республикасы Мәдениет және спорт министрінің 2015 жылғы 27 ақпандағы № 74 бұйрығының (Нормативтік құқықтық актілерді мемлекеттік тіркеу тізілімінде № 10677 болып тіркелген, 2015 жылғы 17 сәуірде "Әділет" ақпараттық-құқықтық жүйесінде жарияланған) күші жойылды деп танылсын.

      3. Қазақстан Республикасы Мәдениет және спорт министрлігінің Мәдениет және өнер істері департаменті заңнамада белгіленген тәртіппен:

      1) осы бұйрықтың Қазақстан Республикасы Әдiлет министрлiгiнде мемлекеттiк тiркелуін;

      2) осы бұйрық қолданысқа енгізілгеннен кейін күнтізбелік екі күн ішінде Қазақстан Республикасы Мәдениет және спорт министрлігінің интернет-ресурсында орналастыруды;

      3) осы тармақпен көзделген іс-шара орындалғаннан кейін екі жұмыс күні ішінде Қазақстан Республикасы Мәдениет және спорт министрлігінің Заң қызметі департаментіне іс-шараның орындалуы туралы мәлімет ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Мәдениет және спорт вице-министріне жүктелсін.

      5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қорғау міндеттемелерін беру қағидалары

1-тарау. Жалпы ережелер

      1. Осы Қорғау міндеттемелерін беру қағидалары "Тарихи-мәдени мұра объектілерін қорғау және пайдалану туралы" 2019 жылғы 26 желтоқсандағы Қазақстан Республикасы Заңының (бұдан әрі – Заң) 22-бабына сәйкес әзірленді және тарих және мәдениет ескерткіштерінің меншік иелеріне немесе пайдаланушыларына тарих және мәдениет ескерткіштеріне қорғау міндеттемелерін (бұдан әрі – қорғау міндеттемелері) беру тәртібін айқындайды.

      2. Осы Қағидаларда мынадай негізгі ұғымдар пайдаланылады:

      1) қорғау міндеттемесі – тарих және мәдениет ескерткішінің құжатын ресімдеу кезіндегі жай-күйі мен тарих және мәдениет ескерткіші меншік иесінің немесе оны пайдаланушының тарих және мәдениет ескерткішін күтіп-ұстау шарттарын тіркейтін құжат;

      2) меншік иесі – өз бетімен құрту құқығын қоспағанда, ескерткішке қатысты иелену, пайдалану және оларға билік ету құқығын жүзеге асыратын жеке немесе заңды тұлға;

      3) пайдаланушы – Заңға сәйкес тарих және мәдениет ескерткішін пайдалану құқығы оның меншік иесімен жасалатын шарт негізінде берілген жеке немесе заңды тұлға.

2-тарау. Қорғау міндеттемелерін ресімдеу тәртібі

      3. Қорғау міндеттемелерін облыстардың, республикалық маңызы бар қалалардың, астананың жергілікті атқарушы органдармен (бұдан әрі – жергілікті атқарушы органдар) тарих және мәдениет ескерткішінің меншік иесі мен пайдаланушысына тарих және мәдениет ескерткішіне тиісті мәртебе беру туралы шешімді алған немесе уәкілетті органның келісімін алған күннен бастап бір ай ішінде осы Қағидалардың қосымшасына сәйкес нысан бойынша ресімделеді және беріледі.

      4. Тарих және мәдениет ескерткіштерінің меншік иелері мен пайдаланушылары тарих және мәдениет ескерткіштерінің сақталуын және оларды күтіп-ұстау шарттарын қамтамасыз ету жөніндегі қызметті жүзеге асырады

      5. Егер тарих және мәдениет ескерткіші бірнеше адамға меншік құқығымен тиесілі болса, қорғау міндеттемелерін меншік иелерінің әрқайсысы өз міндеттемелерін орындауға тиіс.

      6.Тарих және мәдениет ескерткіштерінің меншік иелері жергілікті атқарушы органдарын меншік құқықтарындағы болжанып отырған немесе болған өзгерістер туралы хабардар етуге міндетті.

      7. Қажет болған жағдайда жергілікті атқарушы органдар меншік иелерімен және пайдаланушылармен келісім бойынша қорғау міндеттемелеріне хаттама нысанында ресімделетін өзгерістер және/немесе толықтырулар енгізе алады.

ҚОРҒАУ МІНДЕТТЕМЕСІ № ____

      _________________________________________________________ негізінде әрекет ететін (ресімдеуге өкілеттігін растайтын құжаттың № __ және күні) ________________________________________________________________________________ (ұйымның толық атауы) бұдан әрі "______________________________________________________" деп аталатын (ұйымның атауы) атынан ________________________________________________________________________ (қорғау міндеттемесін ресімдейтін жауапты тұлғаның тегі, аты, әкесінің аты (болған жағдайда), лауазымы) __________________________________________________________________ бір тараптан,

      және __________________________________________________________________________ (жеке тұлға үшін – тегі, аты, әкесінің аты (болған жағдайда), ________________________________________________________________________ атынан (заңды тұлға үшін – ұйымның толық атауы) ________________________________________________________________________________ (ұйым басшысының тегі, аты, әкесінің аты (болған жағдайда) ________________________________________________________________________________ (тарих және мәдениет ескерткішін иелену/пайдалану құқығын растайтын құжаттың № _ және күні ) ____________________________________________________________ негізінде әрекет ететін (растайтын құжаттың № және күні)__________________________________________________________________ екінші тараптан

      бұдан әрі "меншік иесі/пайдаланушы" деп аталатын, бірлесісіп "Тараптар" деп аталатын "Тарихи-мәдени мұра объектілерін қорғау және пайдалану туралы" 2019 жылғы 26 желтоқсандағы Қазақстан Республикасы Заңының (бұдан әрі – Заң) 11-бабының 7) тармақшасына сәйкес осы құжатты ресімдеу кезінде тарих және мәдениет ескерткішінің жағдайын және меншік иесінің немесе пайдаланушының тарих және мәдениет ескерткішін ұстау шарттарын белгілейтін осы қорғау міндеттемесін ресімдеді.

Тарих және мәдениет ескерткішінің жағдайы туралы деректер

      Тарих және мәдениет ескерткішінің атауы ________________________________________

      _____________________________________________________________________________

      _____________________________________________________________________________

      қорғау міндеттемесін беру кезіндегі ескерткіштің жай-күйі туралы ақпарат (тарих және

      мәдениет ескерткішінің жалпы келбеті, ішкі және сыртқы сәулет бөлшектері, оның

      техникалық жай-күйі және оған іргелес аумақтың жай-күйі, фото) _____________________

      ______________________________________________________________________________

      ______________________________________________________________________________

      ______________________________________________________________________________

      ______________________________________________________________________________

      ______________________________________________________________________________

      ______________________________________________________________________________

      ______________________________________________________________________________

      ______________________________________________________________________________

Меншік иесінің немесе пайдаланушының тарих және мәдениет ескерткішін ұстау шарттары

      Қолданыстағы заңнама шеңберінде меншік иелері мен пайдаланушылары тарих және мәдениет ескерткішін ұстаудың мынадай шарттарын қамтамасыз етеді:

      1) тарих және мәдениет ескерткішінің сақталуын қамтамасыз ету бойынша шаралар қабылдайды;

      2) Заңның 16-бабының екінші бөлігінде көзделген жағдайларды қоспағанда, тарих және мәдениет ескерткішіне жергілікті атқарушы органдарымен жасалатын шарттарда белгіленетін тәртіппен және шектерде ғылыми, білім беру, туристік, ақпараттық және тәрбиелік мақсаттарда қол жеткізуді қамтамасыз ету арқылы оларды сақтау жөніндегі қызметті жүзеге асырады және тарих және мәдениет ескерткішін күтіп-ұстау шарттарын сақтауға міндетті;

      3) өрт қауіпсіздігі талаптарын сақтайды.

      Меншік иелері үшін күтіп- ұстаудың қосымша шарттары:

      1) тарих және мәдениет ескерткішіндегі ғылыми-реставрациялау жұмыстарының жобаларын тарих және мәдениет ескерткішінің санатына сәйкес уәкілетті мемлекеттік органмен алдын ала келіседі;

      2) тарих және мәдениет ескерткішінің орнын ауыстыру мен өзгертуді келіседі.

      Тарих және мәдениет ескерткішінің және оның орналасқан жерінің ерекшеліктерін ескере отырып, тараптардың келісімі бойынша қосымша енгізілген өзге де шарттарды сақтайды.

      Тараптардың келісімі бойынша қорғау міндеттемесінде тарих және мәдениет ескерткішін оның түрі мен ол орналасқан жердің климаттық ерекшеліктеріне байланысты күтіп-ұстаудың өзге де шарттары көзделуі мүмкін.

      Тарих және мәдениет ескерткішін өз бетінше жоюға тыйым салынады.

Қорғау міндеттемесінің қолданылу мерзімі

      Қорғау міндеттемесі оған жергілікті атқарушы органдар мен Тараптар қол қойған күнінен бастап күшіне енеді.

      Қорғау міндеттемесінің қолданылуы тарих және мәдениет ескерткіші Тарих және мәдениет ескерткіштерінің мемлекеттік тізімдерінен шығарылған жағдайда тоқтатылады.

      Қорғау міндеттемесін ресімдеу күні: 20 жылғы "___" ________

      Құрастырушы: _____________________________________________ қолы (тегі, аты-жөні, әкесінің аты (болған жағдайда), лауазымы)

Тараптардың деректемелері