"Медициналық және фармацевтикалық мамандықтар бойынша мемлекеттік жалпыға бірдей міндетті стандарттар мен үлгілік кәсіптік оқу бағдарламаларын бекіту туралы" Қазақстан Республикасы Денсаулық сақтау және әлеуметтік даму министрінің міндетін атқарушының 2015 жылғы 31 шілдедегі № 647 бұйрығына өзгерістер енгізу туралы

      Ескерту. Күші жойылды – ҚР Денсаулық сақтау министрінің 04.07.2022 № ҚР ДСМ-63 (алғашқы ресми жарияланған күнінен бастап қолданысқа енгізіледі) бұйрығымен.

      "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына сәйкес БҰЙЫРАМЫН:

      1. "Медициналық және фармацевтикалық мамандықтар бойынша мемлекеттік жалпыға бірдей міндетті стандарттар мен үлгілік кәсіптік оқу бағдарламаларын бекіту туралы" Қазақстан Республикасы Денсаулық сақтау және әлеуметтік даму министрінің міндетін атқарушының 2015 жылғы 31 шілдедегі № 647 бұйрығына (Нормативтік құқықтық актілерді мемлекеттік тіркеу тізілімінде № 12007 болып тіркелген, 2015 жылғы 09 қыркүйекте "Әділет" ақпараттық-құқықтық жүйесінде жарияланған) мынадай өзгерістер енгізілсін:

      1-тармақ мынадай редакцияда жазылсын:

      "1. Мыналар:

      1) осы бұйрыққа 1-қосымшаға сәйкес Техникалық және кәсіптік білім берудің мемлекеттік жалпыға бірдей міндетті стандарты;

      2) осы бұйрыққа 2-қосымшаға сәйкес Орта білімнен кейінгі білім берудің мемлекеттік жалпыға бірдей міндетті стандарты;

      3) осы бұйрыққа 3-қосымшаға сәйкес Жоғары білім берудің мемлекеттік жалпыға бірдей міндетті стандарты;

      4) осы бұйрыққа 4-қосымшаға сәйкес Жоғары оқу орнынан кейінгі білім берудің мемлекеттік жалпыға бірдей міндетті стандарты;

      5) осы бұйрыққа 5-қосымшаға сәйкес Медициналық және фармацевтикалық мамандықтар бойынша техникалық және кәсіптік білім берудің үлгілік кәсіптік оқу бағдарламасы;

      6) осы бұйрыққа 6-қосымшаға сәйкес Медициналық мамандықтар бойынша орта білімнен кейінгі білім берудің үлгілік кәсіптік оқу бағдарламасы;

      7) осы бұйрыққа 7-қосымшаға сәйкес Медициналық және фармацевтикалық мамандықтар бойынша жоғары білім берудің үлгілік кәсіптік оқу бағдарламасы;

      8) осы бұйрыққа 8-қосымшаға сәйкес Медициналық және фармацевтикалық мамандықтар бойынша жоғары оқу орнынан кейінгі білім берудің үлгілік кәсіптік оқу бағдарламасы бекітілсін".

      Техникалық және кәсіптік білім берудің мемлекеттік жалпыға бірдей міндетті стандарты осы бұйрыққа 1-қосымшаға сәйкес редакцияда жазылсын;

      Орта білімнен кейінгі білім берудің мемлекеттік жалпыға бірдей міндетті стандарты осы бұйрыққа 2-қосымшаға сәйкес редакцияда жасылсын;

      Жоғары білім берудің мемлекеттік жалпыға бірдей міндетті стандарты осы бұйрыққа 3-қосымшаға сәйкес редакцияда жазылсын;

      Жоғары оқу орнынан кейінгі білім берудің мемлекеттік жалпыға бірдей міндетті стандарты осы бұйрыққа 4-қосымшаға сәйкес редакцияда жазылсын;

      Медициналық және фармацевтикалық мамандықтар бойынша техникалық және кәсіптік білім берудің үлгілік кәсіптік оқу бағдарламасы осы бұйрыққа 5-қосымшаға сәйкес редакцияда жазылсын;

      Медициналық мамандықтар бойынша орта білімнен кейінгі білім берудің үлгілік кәсіптік оқу бағдарламасы осы бұйрыққа 6-қосымшаға сәйкес редакцияда жазылсын;

      Медициналық және фармацевтикалық мамандықтар бойынша жоғары білім берудің үлгілік кәсіптік оқу бағдарламасы осы бұйрыққа 7-қосымшаға сәйкес редакцияда жазылсын;

      Медициналық және фармацевтикалық мамандықтар бойынша жоғары оқу орнынан кейінгі білім берудің үлгілік кәсіптік оқу бағдарламасы осы бұйрыққа 8-қосымшаға сәйкес редакцияда жазылсын.

      2. Қазақстан Республикасы Денсаулық сақтау министрлігінің Ғылым және адами ресурстар департаменті Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты ресми жариялағаннан кейін оны Қазақстан Республикасы Денсаулық сақтау министрлігінің интернет-ресурсына орналастыруды;

      3) осы бұйрықты мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау Қазақстан Республикасының Денсаулық сақтау вице-министрі О.А. Әбішевке жүктелсін.

      4. Осы бұйрық алғашқы ресми жарияланған күнінен кейін қолданысқа енгізіледі.

Техникалық және кәсіптік білім берудің мемлекеттік жалпыға бірдей міндетті стандарты

1-бөлім. Жалпы ережелер

      1. Осы техникалық және кәсіптік білім берудің мемлекеттік жалпыға бірдей міндетті стандарты (бұдан әрі – стандарт) "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына және "Білім туралы" 2007 жылғы 27 шілдедегі Қазақстан Республикасы Заңының 56-бабына сәйкес әзірленді және техникалық және кәсіптік білім берудің оқыту бағдарламалары (бұдан әрі – ТжКБ білім беру бағдарламалары) бойынша білім беру мазмұнына, оқу жүктемесінің максималды көлеміне, білім алушыларды даярлау деңгейіне және білім алу мерзіміне қойылатын талаптарды белгілейді.

      Осы стандартты меншік нысаны мен ведомстволық бағыныстылығына қарамастан ТжКБ білім беру бағдарламаларын іске асыратын білім беру ұйымдары (бұдан әрі – ТжКБ ұйымдары) және ТжКБ білім беру бағдарламаларын әзірлеушілер қолданады.

      2. Осы стандартта мынадай терминдер мен анықтамалар пайдаланылады:

      1) академиялық кезең – семестр нысанның бірінде өз бетінше белгілейтін кредиттік оқыту технологиясы кезіндегі теориялық оқыту кезеңі;

      2) академиялық сағат – кесте бойынша оқыту сабақтарының барлық түрінде оқытушы мен білім алушының арасындағы байланыс жұмыс уақыты;

      3) бағалау критерийлері – құзыреттілікке қойылатын талаптарға сәйкес оқытудың нәтижелерін бағалау жөнінде шешім қабылдауға арналған көрсеткіштер;

      4) базалық құзыреттілік – өзін-өзі және жеке қызметін басқару қабілеттілігі, өзін-өзі ынталандыруға және өзін-өзі ұйымдастыруға бейімділігі;

      5) базалық модуль – білім алушылардың өзін-өзі және өз қызметін басқаруға, өзін-өзі ынталандыру және өзін-өзі ұйымдастыру қабілеттілігін игеруге бағытталған білім беру бағдарламасының немесе оқу кезеңінің тәуелсіз, өзіне-өзі жеткілікті және толық тарауы;

      6) біліктілік – алынған кәсіп пен мамандық бойынша қызметтің белгілі бір түрін құзыретті орындауға білім, даярлық деңгейі;

      7) біліктілік сипаттамасы – маманның жеке тұлғасына және кәсіби құзыреттілігіне жалпы талаптарды айқындайтын құжат; белгілі бір жұмыс істеуде кәсіби даярлықты талап ететін қызметкердің моделі;

      8) бітіруші – медициналық және фармацевтикалық білімнің білім беру бағдарламаларын іске асыратын ұйымда білім алған адам;

      9) жеке оқу жоспары – меңгерілетін ТжКБ білім беру бағдарламасы шегінде оқу траекториясын таңдауға жеке білім беру қажеттіліктерін іске асыруға ықпал ететін білім алушының оқу жоспары;

      10) кәсіби модуль – білім алушылардың құзыреттілік негізінде кәсіби міндеттердің жиынтығын шешу қабілеттілігін игеруге бағытталған ТжКБ білім беру бағдарламасының немесе оқу кезеңінің тәуелсіз, өзіне-өзі жеткілікті және толық тарауы.

      11) кәсіби құзыреттілік – білім, іскерлік пен дағдылар, сондай-ақ кәсіптік қызметті тиімді жүзеге асыруға мүмкіндік беретін жеке қасиеттер негізінде маманның кәсіптік міндеттер жиынтығын шешу қабілеттілігі;

      12) кредит – білім алушының (оқытушының) оқу жұмыстары көлемінің біріздендірілген өлшем бірлігі;

      13) медициналық білім беру бағдарламалары бойынша білім алушылардың білімі мен дағдыларын бағалау – білім алушылардың білім беру бағдарламаларын меңгеру сапасын және оқыту кезеңіне сәйкес білімнің, іскерліктің және дағдының қалыптасуын бағалау;

      14) модуль – білім беру бағдарламасының тәуелсіз, өзіне-өзі жеткілікті және толық бөлімі немесе оқыту кезеңі;

      15) модульдік оқыту – ТжКБ модульдік білім беру бағдарламаларын меңгеру негізінде оқу процесін ұйымдастыру тәсілі;

      16) міндетті компонент – үлгілік оқу жоспарында белгіленген және білім алушы оқу бағдарламасы бойынша міндетті түрде оқитын кредиттердің ең аз көлеміне сәйкес келетін оқу пәндері мен модульдер тізімі;

      17) оқу жоспарының моделі – техникалық және кәсіптік білім беру мазмұнында көрсетілген негізгі инварианттық құрылымдық компоненттерін сипаттайтын оқу жоспарын ұсынудың нысаны;

      18) оқу жұмыс бағдарламасы (силлабус) – оқу жұмыс жоспарының нақты модулі (пәні) үшін техникалық және кәсіптік білім беру ұйымдары әзірлейтін құжат;

      19) оқу жұмыс жоспары – ТжКБ ұйымы әзірлейтін, оқу пәндерінің және (немесе) модульдерінің тізбесін, бірізділігін және көлемін, бақылау нысанын регламенттейтін құжат;

      20) оқу мерзімі – нақты оқыту нысаны (күндізгі) бойынша білім беру бағдарламасын меңгеру мерзімі;

      21) таңдау бойынша компонент – пререквизиттер мен постреквизиттерді ескере отырып, кез келген академиялық кезеңде білім алушылар өз бетінше таңдайтын кредиттік оқыту технологиясы кезінде ТжКБ ұйымы ұсынатын кредиттердің ең аз көлеміне (немесе академиялық сағаттардың) сәйкес келетін, оқу пәндерінің және (немесе) модульдерінің тізімі;

      22) тәлімгер – клиникалық және кәсіптік/ дипломалды практикадан өту кезеңінде клиникалық базада білім алушыларға теориялық білім мен практикалық дағдыларды бекітуге ықпал ететін білікті мейіргер;

      23) тьютор – білім алушылардың дайындық деңгейін қамтамасыз ететін, оқыту процесін дараландыру үшін жағдай жасайтын (жеке оқу жоспарларын құру және жеке білім беру-кәсіби траекторияларды жоспарлау) ерекше білім беру қажеттіліктері бар тұлғалардың тәлімгері қызметін орындайтын маман;

      24) үлгілік оқу жоспары – осы стандарт негізінде әзірленген, модульдер және (немесе) циклдер (оқу пәндерінің тізбесі) бойынша оқу уақытының көлемін (еңбексыйымдылығын), кәсіби практиканы, білім алушының оқудағы іс-әрекеттерінің басқа да түрлерін, бақылау нысандарын, мамандықтар мен біліктіліктерге байланысты оқыту мерзімін регламенттейтін құжат;

      25) үлгілік оқу бағдарламасы – үлгілік оқу жоспарының нақты пәні және (немесе) модулі бойынша меңгерілуге тиіс білім, дағды, іскерлік және құзыреттілік мазмұны мен көлемін айқындайтын құжат;

      26) цикл – білім берудің бір бағытындағы оқу пәндерінің жиынтығы;

      27) эдвайзер – оқу кезеңінде оқу траекториясын таңдауға және кредиттік оқыту технологиясы бойынша білім беру бағдарламасын игеруге ықпал ететін, тиісті мамандық бойынша білім алушының академиялық тәлімгері функциясын орындайтын оқытушы;

      28) элективті пәндер және (немесе) модульдер каталогы – таңдау бойынша компонент пәндерінің және (немесе) модульдерінің қысқаша сипаттамасы қамтылған тізбесі.

      3. Техникалық және кәсіптік білімі бар (бұдан әрі – ТжКБ) кадрларды даярлау бойынша оқу процесін ұйымдастыру:

      1) мамандық бойынша ТжКБ білім беру бағдарламалары;

      2) оқу-бағдарламалық құжаттамалар – үлгілік және оқу жұмыс бағдарламалары мен жоспарларына, жеке оқу жоспарларына, сондай-ақ осы стандарт талаптарына сәйкес әзірленген оқу процесін оқу-әдістемелік қамтамасыз ету кешені негізінде жүзеге асырылады.

2-тарау. Техникалық және кәсіптік білім берудің мазмұнына оқыту нәтижелеріне бағдар жасай отырып қойылатын талаптар

      4. ТжКБ деңгейінде оқыту мазмұны ТжКБ білім беру бағдарламаларымен айқындалады және оқыту нәтижелеріне бағдарланады.

      ТжКБ білім беру бағдарламаларының мазмұны:

      білікті кадрларды даярлау кезінде:

      1) жалпы білім беретін, жалпы гуманитарлық, жалпы кәсіптік, арнайы пәндерді зерделеуді немесе жалпы білім беретін және базалық және кәсіби модульдерге интеграцияланған жалпы гуманитарлық, жалпы кәсіптік, арнайы пәндерді зерделеуді;

      2) зертханалық-практикалық сабақтарды орындауды;

      3) өндірістік оқытудан және кәсіби практикадан өтуді;

      4) аралық және қорытынды аттестаттаудан өтуді.

      орта буын мамандарының даярлау кезінде:

      1) жалпы білім беретін, жалпы гуманитарлық, әлеуметтік-экономикалық, жалпы кәсіптік, арнайы пәндер немесе жалпы білім беретін және базалық кәсіби модульдерге интеграцияланған жалпы гуманитарлық, әлеуметтік-экономикалық, жалпы кәсіптік, арнайы пәндерді зерделеуді;

      2) зертханалық-практикалық сабақтарды орындауды;

      3) кәсіптік практикадан өтуді;

      4) аралық және қорытынды аттестаттаудан өтуді көздейді.

      5. ТжКБ білім беру бағдарламаларының тәрбиелік компоненттері білім алушылардың бойында ұлттық құндылықтарды дарытуға, патриотизм мен азаматтылықты қалыптастыруға, жан-жақты қызығушылықтары мен қабілеттерін дамытуға бағытталған.

      6. ТжКБ білім беру бағдарламаларын іске асыру:

      1) оқу әдебиеттері мен оқу-әдістемелік құралдардың кітапханалық қорының, оның ішінде: электрондық білім беру контентінің (электрондық оқу құралдары, аудио және бейне материалдар, әдістемелік көрнекі құралдардың және модульдер (пәндер), кәсіптік практикалар, жазбаша-біліктілік жұмыстары, білім алушының өзіндік жұмысы;

      2) базалық жоғары, техникалық және кәсіптік, орта білімнен кейінгі білімі бар, оқытылатын пән бейініне сәйкес келетін және жүйелі түрде педагогикалық, ғылыми-әдістемелік қызметпен айналысатын ғылыми-педагогикалық кадрлармен қамтамасыз етіледі. Практикалық денсаулық сақтаудан мамандық бейініне сәйкес келетін жоғары, техникалық және кәсіптік, орта білімнен кейінгі базалық білімі бар білікті мамандарды тартуға рұқсат етіледі.

      7. Білім беру қызметін жоспарлау және ұйымдастыру оқу бағдарламалары мен жоспарлары негізінде жүзеге асырылады.

      Оқу бағдарламалары мен жоспарлары үлгілік, жұмыс және жеке болып бөлінеді.

      8. ТжКБ ұйымдарының үлгілік оқу бағдарламалары мен жоспарлары нақты мамандықтар бойынша әзірленеді.

      Оқу процесін жоспарлау кезінде үлгілік оқу жоспарлары ТжКБ-ның оқу жоспарының моделі, кредиттік оқыту технологиясы бойынша оқу жаспары негізінде әзірленеді.

      Кредиттік оқыту технологиясы бойынша үлгілік оқу жоспарларында міндетті компоненттің және оқу қызметінің әрбір түрінің еңбек сыйымдылығы кредит бойынша анықталады (теориялық оқыту, өндірістік оқыту, кәсіптік практика, аралық және қорытынды аттестаттау), ал таңдау бойынша компонент кредиттер мен сағаттардың жалпы санымен көрсетіледі.

      9. Білім беру ұйымы оқу жұмыс жоспарларын белгілі бір бейін, мамандықтар мен біліктіліктер бойынша оқыту нысаны мен мерзімін көрсете отырып, ол болмаған жағдайда ТжКБ оқу жоспарының модельдері негізінде, модульдік оқыту технологиясы кезінде оқу жоспарының немесе кредиттік оқыту технологиясы кезінде оқу жоспарларының моделі негізінде әзірлейді.

      Оқу жұмыс жоспары барлық оқыту кезеңіне әзірленеді және ТжКБ ұйымының басшысы бекітеді.

      ТжКБ ұйымдарының оқу жұмыс жоспарлары мен оқу бағдарламалары үлгілік оқу жоспарлары мен бағдарламаларынан мынадай:

      1) эксперименттік режимдегі жұмыс;

      2) кәсіптік білім беру базасында біліктілігі жоғары деңгейдегі орта буын мамандарын даярлау;

      3) мамандарды өңірдің және ТжКБ ұйымдарының ерекшелігін ескере отырып, жұмыс берушілердің қажеттіліктеріне сәйкес даярлау жағдайларында ерекшеленуі мүмкін.

      10. Кредиттік оқыту технологиясы кезінде:

      1) үлгілік оқу жоспарлары мен бағдарламалары бірнеше деңгейлерді немесе мәндес біліктіліктерді игеру қажеттідігін ескере отырып;

      2) элективті пәндер және (немесе) модульдер каталогын әзірленеді.

      ТжКБ ұйымдары бір мамандықтың басқа біліктіліктері үшін үлгілік оқу жоспарын қолдана отырып, жұмыс оқу жоспары әзірлейді.

      Білім алушы жұмыс оқу жоспары мен мамандық бойынша элективті пәндер және (немесе) модульдер каталогы негізінде эдвайзердің көмегімен жеке оқу жоспарын құрастырады.

      Жеке оқу жоспарына міндетті компоненттің пәндері және (немесе) модульдері және білім беру қызметінің түрлері (теориялық оқыту, өндірістік оқыту, кәсіптік практика, аралық және қорытынды аттестаттау, немесе таңдау бойынша компоненттің пәндері және (немесе) модульдері) кіреді.

      Элективті пәндер және (немесе) модульдер каталогының, жеке оқу жоспарының нысанын, құрылымын, әзірлеу және бекіту тәртібін ТжКБ ұйымдары өз бетінше айқындайды.

      11. Жұмыс оқу бағдарламалары үлгілік оқу бағдарламалары (бар болған жағдайда) негізінде немесе барлық пәндер және (немесе) оқу жоспарының модульдері бойынша әзірленеді және ТжКБ ұйымы бекітеді.

      12. ТжКБ ұйымдары үлгілік оқу жоспарлары мен бағдарламаларының негізінде оқу жұмыс жоспарлары мен бағдарламаларын әзірлеу мен іске асыру кезінде:

      1) міндетті оқытуға арналған жалпы сағат санын сақтай отырып, жұмыс берушінің талаптары бойынша қосымша пәндер (кәсіби модульдер) енгізеді;

      2) оқытудың әртүрлі технологияларын, оқу процесін ұйымдастыру мен бақылау нысандарын,әдістерін таңдайды;

      3) білім алушылардың үлгеріміне ағымдағы бақылау және аралық аттестаттау жүргізу нысанын, тәртібін және кезеңділігін таңдайды.

      13. Оқу пәнін және (немесе) модулін зерделеу мен интеграциялаудың бірізділігі, олардың әрқайсысы бойынша оқу уақытын пәнаралық байланыстарды ескере отырып, курстарға және семестрлерге бөлу.

      Оқу пәнінің және (немесе) модульдің атауы мен мазмұнын қалыптастыру кезінде ұқсас біліктілік бойынша білім берудің келесі деңгейінде оқыту мен кредиттердің сабақтастығын және нәтижелерін көшіруді қамтамасыз ету.

      14. Негізгі орта білім базасында оқыту үшін жалпы білім беретін пәндер жалпы орта білімнің үлгілік оқу жоспарларының инварианттық бөлігіне сәйкес айқындалады.

      Жалпы білім беретін пәндер тізбесі мен көлемі бейіндік оқытуды ескере отырып, білім беру мазмұнын кәсіптік бағдарлау негізінде айқындайды.

      ТжКБ ұйымдарының қалауы бойынша жалпы білім беретін пәндер модульге біріктіріледі.

      "Дене тәрбиесі" бойынша сабақтар міндетті болып табылады және аптасына кемінде 4 сағат (мамандыққа байланысты) жоспарланады.

      "Алғашқы әскери және технологиялық дайындық" пәні 100 сағат көлемінде өткізіледі, оның ішінде 36 сағат оқу-далалық жиындарды өткізуге бөлінеді. Оқу-далалық жиындар кезеңінде білім алушылар (қыз балалар) медициналық-санитариялық дайындықтан өтеді. "Өмір қауіпсіздігі негіздері" интеграцияланған білім беру бағдарламасы "Алғашқы әскери және технологиялық дайындық" оқу курсы шеңберінде іске асырылады.

      Кредиттік оқыту технологиясы бойынша ТжКБ ұйымдарының қалауымен жалпы білім беретін пәндер базалық және (немесе) кәсіби модульдерге біріктіріледі.

      15. Әлеуметтік-экономикалық пәндер, оның ішінде модульдерге біріктірілген пәндер 180 сағаттан аспайтын оқу уақыты көлемінен орта буын маманын даярлау кезінде іске асырылады.

      16. ТжКБ білім беру бағдарламалары міндетті пәндермен және (модульдермен) қатар, ТжКБ ұйымдары айқындайтын пәндерді және (немесе) модульдерді, факультативтік сабақтар мен консультацияларды қамтиды.

      17. ТжКБ білім беру бағдарламаларын іске асыратын ТжКБ ұйымдарындағы оқу процесі теориялық сабақтарды, сондай-ақ оқу, симуляциялық орталықтарда, кәсіпорындар (ұйымдар) базасында өтетін өндірістік оқуды және кәсіби практиканы қамтиды.

      Кәсіптік практика оқу, өндірістік, клиникалық және кәсіптік болып бөлінеді.

      Оқу практикасы зертханаларда, оқу-клиникаға дейінгі кабинеттерде және симуляциялық орталықтарда арнайы пән оқытушыларының басшылығымен өткізіледі.

      Кәсіптік практика кәсіпорындарда (ұйымдарда) шарт негізінде жұмыс берушілер ұсынатын мамандық бейініне сәйкес келетін жұмыс орындарында өткізіледі және құзіреттерді қалыптастыруға бағытталған.

      Клиникалық тәжірибе медициналық ұйымдарда жұмыс берушілер шарттық негізде ұсынатын жұмыс орындарында оқытылған тәлімгердің басшылығымен жүргізіледі және кәсіби құзыреттілікті қалыптастыруға бағытталған.

      Жұмыс берушілер мен білім беру мекемелері студенттерге сапалы клиникалық білім беруге кепілдік беру және медициналық көмектің қауіпсіздігі мен сапасын дамыту үшін ынтымақтастықта тәлімгерлікті оқытуды ұйымдастыруға жауапты.

      Кәсіптік практиканың мерзімдері мен мазмұны оқу жұмыс жоспарлары мен оқу жұмыс бағдарламаларында айқындалады.

      18. Алынған білім, іскерлік, дағды мен құзырет деңгейін айқындайтын бақылаудың әртүрлі түрлері бар.

      Оқу процесінің жоспарында білім алушылардың ТжКБ білім беру бағдарламаларын меңгеру сапасын бақылаудың мынадай түрлері:

      1) аралық аттестаттау;

      2) қорытынды аттестаттау көрсетіледі.

      ТжКБ ұйымдары білім алушылардың ТжКБ білім беру бағдарламаларын меңгеруін бақылау мақсатында білім алушылардың ағымдағы үлгерімдеріне бақылауды жүзеге асырады және аралық аттестаттаудан өткізеді.

      Білім беру ұйымы білім алушылардың үлгеріміне ағымдағы бақылауды жүзеге асыру және аралық аттестаттаудан өткізу нысанын, тәртібін және кезеңділігін таңдауда дербес.

      Бақылау жұмыстары мен сынақтар аталған пәнді оқуға бөлінген оқу уақытының есебінен, соның ішінде модульдерге біріктірілген немесе модуль бойынша емтихандар – аралық немесе қорытынды аттестаттауға бөлінген мерзімде өткізіледі.

      Емтихандар мен бақылау жұмыстарының саны білім алушылардың біліктілігіне, іскерлігі мен құзыретіне қойылатын талаптар негізге алына отырып айқындалады.

      Жалпы білім беретін пәндер, оның ішінде модульдерге біріктірілген пәндер бойынша аралық аттестаттау: тіл, әдебиет, Қазақстан тарихы, математика және ТжКБ ұйымдары таңдаған пән бойынша емтихан өткізуді көздейді.

      ТжКБ білім беру бағдарламасы толық аяқталған соң қорытынды аттестаттау өткізіледі.

      Әрбір біліктілік деңгейін аяқтаған соң білім алушыларды қорытынды аттестаттау үлгілік оқу жоспарлары мен бағдарламаларында қарастырылады.

      Біліктілік емтихандары өндірістік алаңдарда, зертханаларда немесе әрбір біліктілік бойынша қондырғылармен жарақтандырылған оқу, симуляциялық орталықтарда өткізіледі.

      Тізбесі оқу жоспарына сәйкес анықталатын зертханалық жұмыстарды, практикалық сабақтарды, оның ішінде жекелеген жалпы кәсіптік және арнайы клиникалық пәндер бойынша сабақтарды, өндірістік оқытуды өткізу кезінде оқу топтары 13 адамнан аспайтын шағын топтарға бөлінеді.

      19. ТжКБ ұйымдары білім беру қызметін алынған лицензияға сәйкес жүзеге асырады және оның қолданыста болу уақытының барлық кезеңінде Қазақстан Республикасы Білім және ғылым министрінің 2015 жылғы 17 маусымдағы № 391 бұйрығымен (Нормативтік құқықтық актілерді мемлекеттік тіркеу тізілімінде № 11716 болып тіркелген) бекітілген білім беру қызметіне қойылған біліктілік талаптарын және оларға сәйкестікті растайтын құжаттар тізбесін сақтайды.

3-тарау. Білім алушылардың оқу жүктемесінің ең жоғары көлеміне қойылатын талаптар

      20. Білім алушылардың оқу жүктемесінің ең жоғары көлеміне қойылатын талаптар апталық оқу жүктемесін, оқу жылының ұзақтығын, міндетті оқу уақытының көлемін қамтиды.

      21. Білім алушылардың оқу жүктемесінің ең жоғары көлемі күндізгі оқыту нысанында аптасына кемінде 36 сағат міндетті оқу жүктемесін қоса алғанда, аптасына 54 сағаттан аспауы тиіс.

      22. Теориялық оқытудың күндізгі нысаны кезінде оқу уақытының жалпы көлемі аптасына кемінде 36 сағат болатын міндетті оқу жүктемесі есебінен айқындалады (бұл ретте көрсетілген көлемге факультативтік пәндер бойынша сабақтар мен консультациялар кірмейді).

      23. Міндетті оқу уақытының көлемі жылына 1440 сағатты құрайды.

      24. Факультативтік пәндер және (немесе) модульдер 1 оқу тобына аптасына 4 сағаттан артық емес көлемде жоспарланады. Кредиттік оқыту технологиясы кезінде факультативтер ТжКБ ұйымының қалауы бойынша білім алушының таңдау бойынша компонентіне енгізеді.

      Оқытудың күндізгі нысанында білім алушылар үшін консультациялар әрбір оқу жылындағы оқу тобына 100 сағаттан аспайтын көлемде көзделеді және емтихандар мен курстық және дипломдық жұмыстарды орындау түрінде аралық және қорытынды аттестаттау көзделген пәндер және (немесе) модульдер бойынша жоспарланады.

      25. Білім алушыларды қорытынды аттестаттауды өткізуге арналған оқу уақытының көлемі 2 аптадан аспайды.

      26. Кредиттік оқыту технологиясы кезінде оқу жылы академиялық кезеңдерден, аралық аттестаттау кезеңінен, практика және демалыстан тұрады.

      Академиялық кезең ұзақтығы 15 аптадан тұратын семестрден тұрады.

      27. Кредиттік оқыту технологиясы кезінде білім алушының оқу жүктемесінің көлемі игерілген кредит бойынша әрбір оқу пәні және (немесе) модулі немесе басқа да оқу жұмысының түрлерімен өлшенеді.

4-тарау. Білім алушылардың даярлық деңгейіне қойылатын талаптар

      28. Кадрларды даярлау деңгейіне қойылатын талаптар ТжКБ білім беру бағдарламаларының мазмұны мен білім берудің деңгейіне сәйкес базалық және кәсіби құзыреттіліктермен анықталады.

      29. ТжКБ білім беру бағдарламалары олардың мазмұнына және білім алушылар даярлығының көзделген біліктілік деңгейіне байланысты мынадай құзыреттерді қалыптастыруға бағытталған:

      1) белгілі бір деңгейде дербес әрекет ете отырып, оқытушының жетекшілігімен жұмыс жүргізу, негізгі базалық білімді қолдану, практикалық тапсырмаларды орындау, нұсқаулықпен берілген алгоритм бойынша іс-әрекет тәсілін таңдау, жұмыс жағдайының шарттарына сәйкес іс-әрекеттерді түзету;

      2) қойылған міндеттерге сүйене отырып, белгілі бір еркіндік үлесімен іс-әрекет жүргізу, базалық, жалпы білім беретін және практикаға бағдарланған кәсіби білімді қолдану, стандартты және қарапайым бір типті практикалық міндеттерді шешу, білім мен практикалық тәжірибе негізінде белгілі әрекет тәсілдерін таңдау, алынған нәтижелерді ескере отырып қызметті түзету;

      3) маңызды әлеуметтік және этикалық аспектілерді ескере отырып, басқалардың стандартты жұмысына басшылық жасау, өзінің оқуы мен басқаларды оқытуға жауапты болу, қызметті және практикалық тәжірибені жүзеге асыру үшін кәсіби (практикалық және теориялық) білімді қолдану, жұмыс жағдайын және оның болжамды өзгерістерін дербес талдауды талап ететін кең спектрдің типтік практикалық міндеттерін шешу, қызметті жүзеге асырудың технологиялық жолдарын таңдау, ағымдағы және қорытынды бақылау жүргізу, қызметті бағалау мен түзету.

      30. ТжКБ ұйымдарында білім алушылардың даярлық деңгейіне қойылатын талаптар:

      1) қорытынды аттестаттау нәтижелері бойынша білікті кадрларды даярлау бағдарламасы толық аяқталған кезде немесе аралық аттестаттау қорытындылары бойынша біліктілік емтиханын және білім алушы еңбек нарығына шыққан кезде жұмыс біліктілігін беру;

      2) қорытынды аттестаттау нәтижелері бойынша орта буын мамандарын даярлау бағдарламасы толық аяқталған кезде орта буын маманының біліктілігін беру мүмкіндігін қамтиды.

      31. ТжКБ түлектерінің кәсіптік даярлығын бағалауды білім алушылардың білімі мен дағдыларын және оқу мамандықтары бойынша медициналық білім беру бағдарламалары түлектерінің кәсіптік даярлығын бағалауды жүргізуге уәкілетті орган аккредиттеген ұйым жүргізеді, сондай-ақ оқытудың соңғы нәтижелеріне сәйкес екі кезеңді қамтиды:

      1) білімді бағалау;

      2) дағдыларды бағалау.

      Түлектердің кәсіби даярлығын бағалау қорытынды аттестаттау (мемлекеттік емтихан) құрылымына кіреді.

      32. Техникалық және кәсіптік білім беру бағдарламаларын бітірушілерді қорытынды аттестаттаудың оң нәтижелері маман сертификатын алуға құқық береді.

5-тарау. Оқу уақытына қойылатын талаптар

      33. Оқыту мерзіміне қойылатын талаптарда ТжКБ білім беру бағдарламаларын меңгеру мерзімдері көрсетілген.

      34. Оқу жылы 1 қыркүйектен басталады. Каникул уақыты жылына 11 аптаны, қысқы мерзімде – кемінде 2 аптаны құрайды.

      ТжКБ білім беру бағдарламаларын меңгеру мерзімі:

      1) негізгі орта білім базасында жалпы орта білім алумен – 1 жыл 10 ай, 2 жыл 10 ай, 3 жыл 10 айды;

      2) жалпы орта білім базасында – 10 ай, 1 жыл 10 ай, 2 жыл 10 айды құрайды.

Орта білімнен кейінгі білім берудің мемлекеттік жалпыға бірдей міндетті стандарты

1-тарау. Жалпы ережелер

      1. Осы орта білімнен кейінгі білім берудің мемлекеттік жалпыға бірдей міндетті стандарты (бұдан әрі – стандарт) "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына және "Білім туралы" 2007 жылғы 27 шілдедегі Қазақстан Республикасы Заңының 56-бабына сәйкес әзірленді және орта білімнен кейінгі білім берудің оқыту бағдарламаларының мазмұнына, оқу жүктемесінің максималды көлеміне, білім алушыларды даярлау деңгейіне және білім алу мерзіміне қойылатын талаптарды белгілейді.

      2. Осы стандартта мынадай терминдер мен анықтамалар пайдаланылады:

      1) академиялық кезең – орта білімнен кейінгі білім беру ұйымы мынадай үш нысанның біреуінде дербес белгілейтін кредиттік оқыту технологиясы кезіндегі теориялық оқу кезеңі: семестр, триместр, тоқсан.

      2) академиялық сағат – оқу сабақтарының барлық түрінде кесте бойынша білім алушының оқытушымен қарым-қатынас жұмыстарының уақыты;

      3) бағалау өлшемшарттары – құзіреттілікке қойылған талаптарға сәйкестікке оқу нәтижелерін бағалау бойынша шешім қабылдауға арналған көрсеткіш;

      4) базалық құзырет – өзін-өзі және жеке қызметін басқару қабілеттілігі, өзін-өзі ынталандыруға және өзін-өзі ұйымдастыруға бейімділігі;

      5) базалық модуль – білім алушылардың өзін-өзі және өз қызметін басқару, өзін-өзі ынталандыру мен ұйымдастыру қабілеттілігін игеруге бағытталған білім беру бағдарламасының тәуелсіз, толық тарауы немесе оқыту кезеңі;

      6) біліктілік – алынған кәсіп пен мамандық бойынша қызметтің белгілі бір түрін құзыретті орындауға білімділік, даярлық деңгейі;

      7) бітіруші – медициналық және фармацевтикалық білім берудің білім беру бағдарламаларын іске асыратын ұйымда білім алған адам;

      8) дипломдық жұмыс – орта білімнен кейінгі білім берудегі білім беру бағдарламаларының білім алушылардың игеруінің нәтижелер қорытындылау және бітіруші курста олардың орындалуын көрсететін студенттердің жеке шығармашылық жұмысы;

      9) жеке оқу жоспары – білім берудің тіркелген кезеңінде, білім алушылардың жеке білім беру қажеттіліктерін және білім беру жолдарын таңдауға, оның ішінде білім беру бағдарламаларының игеру шегінде жеделдетілген оқуға академиялық құқықтарын іске асыруға ықпал ететін, білім алушының оқу жоспары;

      10) кәсіби модуль – білім алушының құзіреттілік негізінде кәсіби міндеттердің жиынтығын шешу қабілетін қалыптастыруға бағытталған білім беру бағдарламасының тәуелсіз, толық тарауы немесе оқыту кезеңі.

      11) кәсіптік құзырет – білім, іскерлік пен дағдылар, сондай-ақ кәсіптік қызметті тиімді жүзеге асыруға мүмкіндік беретін жеке қасиеттер негізінде маманның кәсіптік міндеттер жиынтығын шешу қабілеттілігі;

      12) кредит – білім алушының (оқытушының) оқу жұмыстары көлемінің біріздендірілген өлшем бірлігі;

      13) кредиттік оқыту технологиясы – академиялық кредиттерді жинақтай отырып, білім алушылардың пәндерді оқып зерделеу дәйектілігін таңдауы және дербес жоспарлауы негізіндегі оқыту;

      14) қолданбалы бакалавриат – білім бағдарламалары "қолданбалы бакалавриат" біліктілігін тағайындаумен мамандар даярлауға бағытталған орта білімнен кейінгі білім;

      15) медициналық білім беру бағдарламалары бойынша білім алушылардың білімі мен дағдыларын бағалау – білім алушылардың білім беру бағдарламаларын меңгеру сапасын және оқыту кезеңіне сәйкес білімнің, іскерліктің және дағдының қалыптасуын бағалау;

      16) модуль – білім беру бағдарламасының тәуелсіз, өзіндік жеткілікті және толық бөлімі немесе оқыту кезеңі;

      17) модульдік оқыту – модульдік білім беру бағдарламаларын меңгеру негізінде оқу процесін ұйымдастыру тәсілі;

      18) міндетті компонент – үлгілік оқу жоспарында белгіленген және білім беру бағдарламасы бойынша студенттер міндетті түрде оқитын оқу пәндерінің және тиісті кредиттердің ең аз көлемінің тізбесі;

      19) оқу жоспарының моделі – орта білімнен кейінгі білім беру мазмұнының негізгі инварианттық құрылымдық компоненттерін көрсететін оқу жоспарын ұсынудың нысаны;

      20) оқу жұмыс бағдарламасы (силлабус) – оқу жұмыс жоспарының нақты пәні және (немесе) модулі үшін орта білімнен кейінгі білім беру ұйымдары әзірлейтін құжат;

      21) оқу жұмыс жоспары – оқу пәндерінің және (немесе) модульдерінің тізбесі, оқудың бірізділігі мен көлемін, бақылау нысанын регламенттейтін үлгілік оқу жоспарының немесе осы стандарттың негізінде орта білімнен кейінгі білім беру ұйымы әзірлейтін құжат;

      22) оқыту мерзімі – нақты оқыту нысаны (күндізгі, кешкі, сырттай) бойынша білім беру бағдарламаларын игеру мерзімі;

      23) тәлімгер – клиникалық және кәсіби /дипломалды тәжірибелерден өту кезеңінде клиникалық базада студенттің теориялық білімі мен тәжірибелік дағдыларын бекітуге ықпал ететін білікті мейіргер;

      24) таңдау бойынша компонент – орта білімнен кейінгі білім беру ұйымдарының ұсынатын пререквизиттері мен постреквизиттерін есепке ала отырып кез келген академиялық кезеңде білім алушылардың өздері таңдай алатын оқу пәндерінің және (немесе) модульдердің және тиісті кредиттердің (немесе академиялық сағаттардың) ең аз көлемінің тізбесі;

      25) транскрипт – білімді бағалаудың әріптік және сандық жүйесі бойынша кредиттері мен бағалары көрсетілген оқудың тиісті кезеңінде игерілген пәндер мен (немесе) модульдердің тізбесі бар құжат;

      26) тьютор – білім алушылардың даярлық деңгейін қамтамасыз ететін оқу процесін даралау (жеке оқу жоспарын құру және білім беру-кәсіби треакториясын жоспарлау) үшін жағдайлар жасайтын ерекше білім беру қажеттіліктері бар адамдардың тәлімгерлік функциясын атқаратын маман;

      27) үлгілік оқу бағдарламасы – үлгілік оқу жоспарының нақты пәні (модулі) бойынша меңгерілуге тиіс білім, іскерлік және дағдының мазмұны мен көлемін айқындайтын құжат;

      28) үлгілік оқу жоспары – мамандықтар мен біліктіліктерге қатысты білім алушылардың модульдер бойынша оқу уақытының, кәсіби практикаларының және оқу қызметінің басқа да түрлерінің, бақылау нысандарының, оқу мерзімдерінің көлемін (еңбек сыйымдылығын) регламенттейтін осы стандарт негізінде әзірленетін құжат;

      29) эдвайзер – тиісті мамандық бойынша білім алушының академиялық тәлімгерінің қызметін атқаратын, оқу траекториясын таңдауына (жеке оқу жоспарының қалыптасуына) және оқу кезеңінде кредиттік оқыту технологиясы бойынша орта білімнен кейінгі білім беру бағдарламаларын игеруіне ықпал ететін оқытушы;

      30) элективті және (немесе) модульді пәндер каталогы – таңдау бойынша компоненттері бар пәндер және (немесе) модульдердің тізбесі, олардың қысқаша сипаттамасы.

      3. Орта білімнен кейінгі білімі бар кадрларды даярлау осы стандартқа, сондай-ақ:

      1) оқу-бағдарламалық құжаттамамен – осы стандарттың оқу жоспарының моделімен, үлгілік және жұмыстық оқу бағдарламаларымен және жоспарларымен, жеке оқыту жоспарларына;

      2) орта білімнен кейінгі білім берудің интеграцияланған білім беру бағдарламаларына сәйкес жүзеге асырылады.

2-тарау. Оқыту нәтижелеріне бағдарлай отырып орта білімнен кейінгі білім беру мазмұнына қойылатын талаптар

      4. Орта білімнен кейінгі білім беру бағдарламаларының мазмұны бакалавриаттың білім беру бағдарламаларының жекелеген модульдерін немесе пәндерін қоса алғанда, техникалық және кәсіптік білім берудің модульдеріне интеграцияланған білім беру бағдарламаларын зерделеуді көздейді.

      Орта білімнен кейінгі білім берудің интеграцияланған білім беру бағдарламаларын нақты қызметті орындау және кәсіптік құзыреттілікті қалыптастыру үшін қажетті білім беру бағдарламаларының тиісті мазмұндық аспектілерін біріктіру негізінде орта білімнен кейінгі білім беру ұйымдары әзірлейді. Интеграцияланған білім беру бағдарламаларының түрлері: пәнаралық, деңгейаралық, жоғары оқу орындары аралық және халықаралық

      Орта білімнен кейінгі білім беру бағдарламасы:

      1) базалық және кәсіптік модульдерді игеруді;

      2) клиникалық және кәсіби/диплом алды практикадан өтуді;

      3) дипломдық жұмысты орындау;

      4) аралық және қорытынды аттестаттаудан өтуді қамтиды.

      Орта білімнен кейінгі білім беру бағдарламаларын іске асыру:

      1) оқу әдебиетінің кітапханалық қорының және оқу-әдістемелік құралдарының, оның ішінде модульдер (пәндер), білім алушының дербес жұмыстары, курстық және дипломдық жұмыстар (жобалар) бойынша цифрлық білім беру ресурстарының болумен;

      2) базалық жоғары білімі бар, оқытылатын пән бейініне сәйкес келетін және жүйелі түрде педагогикалық, ғылыми-әдістемелік қызметпен айналысатын ғылыми-педагогикалық кадрлармен қамтамасыз етіледі. Мамандық бейініне сәйкес келетін базалық жоғары білімі немесе "мейіргер ісінің қолданбалы бакалавры" біліктілігі бар орта білімнен кейінгі білімі бар практикалық денсаулық сақтаудан білікті мамандарды тартуға рұқсат етіледі.

      5. Білім беру бағдарламаларының тәрбиелік компоненттері ұлттық құндылықтарды дарытуға, патриоттық және азаматтықты қалыптастыруға, білім алушылардың жан-жақты қызығушылықтары мен қабілетін дамытуға бағытталған.

      6. Орта білімнен кейінгі білім берудің интеграцияланған білім беру бағдарламалары кредиттік-модульдік технологияны қолдана отырып, құзыреттілік тәсіл негізінде құрылады.

      7. Базалық және кәсіби модульдер міндетті және таңдау бойынша компоненттерді қамтиды.

      Міндетті компонент модульдерінің тізбесі үлгілік оқу жоспарымен айқындалады.

      Таңдау компоненті модульдерінің тізбесін орта білімнен кейінгі білім беру ұйымы дербес айқындайды.

      Базалық және кәсіптік модульдердің міндетті компонентінің көлемі оларды оқуға бөлінген уақыттың жалпы көлемінің кемінде 70%-ын құрайды.

      Базалық және кәсіптік модульдерді таңдау компонентінің көлемі 30% - дан аспайды және бұл:

      1) орта білімнен кейінгі білім беру бағдарламасын меңгерген бітіруші дайын болуы тиіс қызметтің негізгі түрлерін кеңейтуге;

      2) міндетті компоненттің мазмұнымен анықталатын білім алушының дайындығын тереңдетуге;

      3) аймақтық еңбек нарығының сұраныстарына сәйкес бітірушінің бәсекеге қабілеттілігін және тиісті мамандық бойынша білімін келесі деңгейде жалғастыру мүмкіндігін қамтамасыз ету үшін қажетті қосымша құзыреттіліктерді алуға мүмкіндік береді.

      8. Таңдау компоненті нақты өңірдің әлеуметтік-экономикалық даму ерекшелігін және еңбек нарығының қажеттілігін, сондай-ақ білім алушының жеке мүдделерін ескереді.

      Таңдау компоненті жұмыс берушілер мен орта білімнен кейінгі білім беру ұйымдары әріптестерінің, пәндік-циклдік комиссиялардың ұсыныстары бойынша қалыптастырылады.

      9. Базалық модульдер жалпы гуманитарлық және әлеуметтік-экономикалық пәндердің мазмұнын қамтиды.

      10. Кәсіптік модульдер жалпы кәсіптік, арнайы пәннің, клиникалық және кәсіптік/диплом алды практиканың мазмұнын қарастырады.

      11. Білім беру қызметін ұйымдастыру оқу процесін жоспарлау, білім беру мазмұны, оқу сабақтарын өткізу тәсілдерін таңдау, білім алушылардың өзіндік жұмысы, олардың оқу жетістіктерін қорытынды бақылау түрлері арқылы жүзеге асырылады.

      12. Білім беру қызметін жоспарлау және ұйымдастыру оқу бағдарламалары мен жоспарлары негізінде жүзеге асырылады.

      Оқу бағдарламалары мен жоспарлары үлгілік, жұмыс және жеке болып бөлінеді

      13. Үлгілік оқу жоспарларында міндетті компоненттің және оқу қызметінің әрбір түрінің еңбек сыйымдылығы (кәсіптік практиканың, аралық және қорытынды аттестаттаудың, дипломдық жұмысты (жобаны) жазудың кредит пен сағаттарда еңбек сыйымдылығы анықталады, ал таңдау компоненті кредиттер мен сағаттардың жалпы санымен) көрсетіледі.

      14. Орта білімнен кейінгі білім беру ұйымы жұмыс оқу жоспарларын әрбір оқу тобына оқыту нысаны мен мерзімін көрсете отырып осы стандартқа және осы бұйрыққа 6-қосымшаға сәйкес бекітілген орта білімнен кейінгі білім берудің үлгілік кәсіптік оқу бағдарламасы негізінде әзірлейді.

      Оқу жұмыс жоспары оқу процесінің кестесінен, уақыт бюджеті бойынша жиынтық деректерден, түсіндірме жазбадан және оқу пәндерінің және (немесе) модульдердің тізбектілігі мен көлемін, бақылау нысанынан, семестр бойынша теориялық оқыту мен кәсіптік практиканың сағаттарын (кредиттерін) бөлуді реттейтін жоспар-кестеден тұрады.

      Жұмыс оқу жоспары оқудың барлық кезеңіне әзірленеді және орта білімнен кейінгі білім беру ұйымының басшысы бекітеді.

      Жұмыс оқу жоспары білім алушы мен оқытушының оқу жұмысының еңбек сыйымдылығын есептеу үшін негіз болады.

      15. Орта білімнен кейінгі білім беру ұйымдарының үлгілік оқу жоспарлары мен бағдарламалары негізінде білім беру бағдарламаларын әзірлеу және іске асыру кезінде:

      1) оқытудың әртүрлі технологияларын, оқу процесін ұйымдастыру мен бақылау нысандарын, әдістерін таңдайды;

      2) жұмыс берушілердің сұраныстарына сәйкес оқу бағдарламаларының мазмұнын модульдерге біріктірілген (қосылған) пәндерді кәсіптік модуль, өндірістік оқыту және кәсіптік практика бойынша 50%-ға дейін өзгертеді. Міндетті оқытуға арналған жалпы сағат санын сақтай отырып, жұмыс берушінің талаптары бойынша қосымша модульдер енгізеді;

      3) білім алушылардың үлгерімін ағымдағы бақылау және білім алушылардың аралық аттестаттаудың нысандарын, тәртібін және кезеңділігін таңдайды.

      16. Оқу жұмыс жоспарларына қосымша орта білімнен кейінгі білім беру ұйымдары элективті пәндер және (немесе) модульдердің каталогын әзірлейді

      17. Үлгілік және оқу жұмыс жоспарының және элективті пәндер және (немесе) білім алушының мамандығы бойынша модульдердің негізінде эдвайзердің көмегімен жеке оқу жоспары жасалады.

      Жеке оқу жоспары әр білім алушының жеке білім траекториясын анықтайды.

      Жеке оқу жоспарына міндетті компоненттің пәндері және (немесе) модульдері және оқу қызметінің түрлері (кәсіптік практика, аралық және қорытынды аттестаттау, дипломдық жұмысты (жобаны) жазу және қорғау, таңдау компонентінің пәндері және (немесе) модульдері) енгізіледі.

      Ерекше білім беру қажеттіліктері бар адамдарға арналған жеке оқу жоспары олардың психофизикалық дамуының ерекшеліктерін, жеке мүмкіндіктерін ескере отырып әзірленеді.

      Тьютордың көмегімен ерекше білім беру қажеттілігі бар тұлғаларға арналған жұмыс оқу жоспарлары негізінде жеке оқу жоспары жасалады.

      18. Жеке оқу жоспарының нысанын, құрылымын әзірлеу, бекіту тәртібін элективті пәндер каталогын және (немесе) модульдерді білім беру ұйымы дербес айқындайды.

      19. Оқу жұмыс бағдарламалары (силлабустар) оқу жоспарының барлық пәндері және (немесе) модульдері бойынша әзірленеді. Бұл ретте міндетті компоненттің пәндері және (немесе) модульдері бойынша оларды әзірлеу үлгілік оқу бағдарламалары негізінде олар болған кезде жүзеге асырылады.

      Оқу жұмыс бағдарламаларының (силлабустардың) нысанын, құрылымын, әзірлеу және бекіту тәртібін орта білімнен кейінгі білім беру ұйымы дербес айқындайды.

      20. Әрбір пән және (немесе) модуль аяқталғаннан кейін емтихан нысанында оқу жетістіктерінің деңгейін бағалау рәсімі өткізіледі. Өндірістік оқытудың барлық түрлерін (клиникалық және диплом алдындағы практикаларды) орындау нәтижелерін бағалау бағалау әңгімелесу (сынақ) түрінде жүргізіледі.

      21. Өндірістік оқыту:

      1) Өндірістік / клиникалық практика;

      2) диплом алдындағы практика қамтиды.

      Өндірістік (клиникалық) практикадан өтудің міндетті орындарының тізбесі кәсіби біліктілігін тану туралы еуропалық директиваларға (2013/55/EU директивасы) сәйкес келеді: жалпы және мамандандырылған медицина; жалпы және мамандандырылған хирургия; балаларға күтім жасау және педиатрия; акушерство; психикалық денсаулық және психиатрия; қарт адамдар мен егде жастағы адамдарды күту және гериатрия; үйде күтім жасау.

      22. Өндірістік оқыту жұмыс берушілердің медициналық ұйымдарында ментордың (тәлімгердің) басшылығымен жұмыс берушілердің шарттық негізде ұсынатын жұмыс орындарында жүзеге асырылады және кәсіби құзыреттілікті қалыптастыруға бағытталған.

      Клиникалық және дипломалды практикалардың мерзімі мен мазмұны оқу жұмыс жоспарларымен және оқу жұмыс бағдарламаларымен анықталады.

      Кәсіптік модульдерге біріктірілген клиникалық практика осы стандарттың үлгілік оқу жоспарында айқындалған.

      23. Симуляция (оқу практикасы) арнайы пәндер оқытушысының басшылығымен арнайы пәндер кабинеттерінде және симуляциялық орталықтарда жүзеге асырылады.

      24. Орта білімнен кейінгі білім беру бағдарламасы аяқталғаннан кейін дипломдық жұмыстарды қорғау нысанында қорытынды аттестаттау өткізіледі. Оны өткізуге арналған оқу уақытының көлемі екі аптадан аспайды.

      25. Орта білімнен кейінгі білім беру бағдарламалары білім алушылардың жеке сұраныстарын қамтамасыз етуге бағытталған консультациялар мен факультативтік сабақтарды қамтиды.

      26. Орта білімнен кейінгі білім беру ұйымы білім беру қызметін алынған лицензияға сәйкес жүзеге асырады және оның қолданыста болу уақытының барлық кезеңінде "Білім беру қызметіне қойылатын біліктілік талаптарын және оларға сәйкестікті растайтын құжаттардың тізбесін бекіту туралы" Қазақстан Республикасы Білім және ғылым министрінің 2015 жылғы 17 маусымдағы № 391 бұйрығымен (Нормативтік құқықтық актілерді мемлекеттік тіркеу тізілімінде № 11716 болып тіркелген) бекітілген білім беру қызметіне қойылған біліктілік талаптарын және оларға сәйкестікті растайтын құжаттар тізбесін сақтайды.

3-тарау. Білім алушылардың оқу жүктемесінің ең жоғары көлеміне қойылатын талаптар

      27. Білім алушының оқу жүктемесінің көлемі әрбір оқу пәні және (немесе) модуль немесе оқу жұмысының басқа түрлері бойынша меңгеретін кредиттерде өлшенеді.

      Студенттердің жекелеген санаттары үшін оқытудың нысаны мен технологиясына байланысты оқытудың кредиттік технологиясының ерекшеліктерін ескере отырып, оқу жылы ішінде академиялық кредиттердің аз немесе көп санын игеруге жол беріледі.

      28. Аудиториялық және аудиториядан тыс жұмыстың, практиканың барлық түрлерінің, аралық және қорытынды аттестаттаудың бір академиялық сағаты 50 минутқа тең.

      29. Оқу жұмысының көлемін жоспарлауда бір кредит 30 академиялық сағатқа тең.

      30. Оқу жылы академиялық кезеңдерден, аралық аттестация кезеңінен, практика және каникулдардан тұрады. Соңғы курстағы оқу жылына қорытынды аттестациялау кезеңі қосылады.

      31. Академиялық кезең семестрді құрайды.

      32. Өндірістік оқытудың ұзақтығы білім алушының 36 сағатқа тең апта ішіндегі белгіленген жұмыс уақытын негізге ала отырып, апталарда айқындалады (6 күндік жұмыс аптасы кезінде күніне 6 сағат).

      33. Орта білімнен кейінгі білім берудің аяқталуының негізгі крийтерийі студенттердің оқу кезеңінде барлық кредит кезеңдерін қоса алғанда, толық білім бағдарламалары бойынша оқу түрлерін толық игеру болып табылады.

      34. Жеделдетілген оқу мерзімімен қысқартылған білім беру бағдарламалары бойынша оқыту үшін техникалық және кәсіптік, орта білімнен кейінгі немесе жоғары білім негізінде түскен студенттерге кредиттердің саны мен орта білімнен кейінгі білім беру бағдарламасының қажетті көлемін орта білімнен кейінгі білім беру ұйымы алдыңғы білім беру деңгейінің бейінінің және қол жеткізілген оқыту нәтижелерінің сәйкестігін ескере отырып дербес айқындайды.

      35. Орта білімнен кейінгі білім берудің қысқартылған білім беру бағдарламалары бойынша:

      1) оқытудың қол жеткізілген нәтижелеріне, алдыңғы білім беру деңгейінде игерілген пререквизиттерге байланысты өзінің Жеке оқу жоспарын қалыптастырады, оларды орта білімнен кейінгі білім беру ұйымы міндетті түрде қайта оқиды және оның транскриптіне енгізіледі;

      2) оқытудың жеке мерзімдері мен орта білімнен кейінгі білім беру ұйымы қолданыстағы орта білімнен кейінгі білім беру бағдарламасы негізінде дербес айқындайтын білім беру бағдарламасының көлемі болады.

      36. Оқу қызметінің барлық түрлерін қоса алғанда, білім алушылардың оқу жүктемесінің ең жоғары көлемі аптасына 54 сағаттан аспауы тиіс.

      37. Күндізгі оқу нысаны кезінде білім алушылардың міндетті жүктемесінің көлемі аптасына кемінде 36 сағатты құрайды.

4-тарау. Білім алушылардың даярлық деңгейіне қойылатын талаптар

      38. Білім алушылардың дайындық деңгейіне қойылатын талаптар орта білімнен кейінгі білім беру бағдарламаларына, орта білімнен кейінгі білім беру ұйымдарында білім алушылардың дайындық деңгейіне қойылатын талаптарды қамтиды.

      39. Орта білімнен кейінгі білім берудің білім беру бағдарламалары мынадай құзыреттіліктерді иеленуге бағытталған: ұйымның стратегиясы, саясаты мен мақсаттары шеңберінде еңбек және оқу қызметінің үдерістерін өз бетінше басқару және бақылау жүргізу, мәселелерді талқылау, қорытындыларды дәлелдеу және ақпаратпен сауатты жұмыс істеу, кәсіби салада теориялық және практикалық білімнің кең ауқымын қолдану, кәсіби міндеттерді шешу үшін қажетті ақпаратты өз бетінше іздестіруді орындау, шешу тәсілдерінің алуан түрлілігін және оларды таңдауды болжайтын, шығармашылық тәсілді қолдану (немесе кәсіби проблемаларды шешудің әртүрлі, оның ішінде балама нұсқаларын өз бетінше әзірлеу және ұсыну шеберлігі мен дағдысы), ағымдағы және қорытынды бақылау жүргізу, қызметті бағалау мен түзетуді орындау.

      40. Орта білімнен кейінгі білім беру ұйымдарында білім алушылардың дайындық деңгейі базалық және кәсіби құзыреттілікті меңгеруді көздейді.

      Базалық құзыреттер мамандық үшін анықталады және ұлттық сананы қалыптастыру, рухани жаңғырту әлеуметтік жауапкершілік, жұмысты ұйымдастыру, жұмыс орнындағы басқа адамдармен өзара қарым-қатынас, сондай-ақ қоршаған ортаға жауапкершілік контекстінде әлеуметтік-гуманитарлық дүниетанымды дамытуға бағытталған.

      Кәсіптік құзыреттер жұмыс берушілердің талаптары мен қоғамның әлеуметтік сұрауын ескере отырып, әрбір біліктілік бойынша кәсіби стандарттар (болған жағдайда) немесе еңбек нарығын жекелеп талдау негізінде анықталады.

      41. "Мейіргер ісі" мамандығы бойынша орта білімнен кейінгі білім беру бағдарламасы бойынша оқуды аяқтаған тұлғаларға "Мейіргер ісі бойынша қолданбалы бакалавр" біліктілігі тағайындалады.

      42. Орта білімнен кейінгі білім беру бағдарламаларын түлектерінің кәсіптік даярлығын бағалауды білім алушылардың білімі мен дағдыларын және оқу мамандықтары бойынша медициналық білім беру бағдарламалары түлектерінің кәсіптік даярлығын бағалауды жүргізуге уәкілетті орган аккредиттеген ұйым жүргізеді, сондай-ақ оқытудың соңғы нәтижелеріне сәйкес екі кезеңді:

      1) білімді бағалауды;

      2) дағдыларды бағалауды қамтиды.

      Орта білімнен кейінгі білім беру бағдарламалары түлектерінің кәсіби даярлығын бағалау қорытынды аттестаттау құрылымына кіреді.

      43. Орта білімнен кейінгі білім беру бағдарламаларын бітірушілерді қорытынды аттестаттаудың оң нәтижелері маман сертификатын алуға құқық береді.

5-тарау. Оқу уақытына қойылатын талаптар

      44. Оқу мерзіміне қойылатын талаптар орта білімнен кейінгі білім беру бағдарламаларын меңгеру мерзімін қамтиды және білім беру бағдарламаларының мазмұнымен, оқыту нәтижелерімен және игерілген кредиттердің көлемімен анықталады.

      Оқу жылы 1 қыркүйектен басталады. Каникул уақыты жылына 11 аптаны, қысқы мерзімде – кемінде 2 аптаны құрайды.

      45. "Мейіргер ісі" мамандығы бойынша орта білімнен кейінгі білім беру бағдарламасын меңгеруге ниет білдірген тұлғалар үшін қажетті білім деңгейі осы стандарттың қосымшасында көрсетілген.

      Жалпы орта білім базасында орта білімнен кейінгі білім беру бағдарламасы бойынша оқу мерзімі 3 жыл 6 айды, техникалық және кәсіптік білім базасында жеделдетілген оқу бағдарламасы бойынша – 1 жыл 6 айды құрайды.

"Мейіргер ісі" мамандығы бойынша қолданбалы бакалавриаттың орта білімнен кейінгі білім беру бағдарламасын меңгеруге қызығушылық танытқан тұлғаларға білім берудің алдыңғы деңгейіне қойылатын талаптар

Жоғары білім берудің мемлекеттік жалпыға бірдей міндетті стандарты

1-тарау. Жалпы ережелер

      1. Осы жоғары білім берудің мемлекеттік жалпыға бірдей міндетті стандарты (бұдан әрі – стандарт) "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына сәйкес және 2007 жылғы 27 шілдедегі "Білім туралы" Қазақстан Республикасы Заңының (бұдан әрі – Заң) 56-бабына сәйкес әзірленді және меншік нысанына қарамастан, оқыту нәтижелеріне, білім алушылардың оқу жүктемесінің ең жоғары көлеміне, білім алушылардың даярлық деңгейіне, жоғары және (немесе) жоғары оқу орнынан кейінгі білім беру ұйымдарында (бұдан әрі – ЖОО) оқу мерзіміне бағдарланып, білім беру мазмұнына қойылатын талаптарды белгілейді.

      2. Осы стандартта мынадай терминдер мен олардың анықтамалары қолданылады:

      1) бакалавриат – кемінде 240 академиялық кредит міндетті түрде меңгерілетін тиісті білім беру бағдарламасы бойынша "бакалавр" дәрежесін бере отырып, кадрлар даярлауға бағытталған жоғары білім деңгейі;

      2) біліктілік – алынған кәсіп пен мамандық бойынша қызметтің белгілі бір түрін құзыретті орындауға білім, даярлық деңгейі;

      3) білімді бағалау (компьютерлік тестілеу) – білім алушылардың медициналық білім беру бағдарламалары бойынша теориялық білім деңгейін компьютерлік жолмен анықтау;

      4) дағдыларды бағалау – білім алушылардың медициналық білім беру бағдарламалары оларды көрсету барысында практикалық дағдыларымен меңгеру деңгейін анықтау;

      5) дескрипторлар (descriptors (дэскрипторс) – білім алушылардың жоғары және жоғары оқу орнынан кейінгі білімнің құзыреттіліктерде және академиялық кредиттерде қалыптасқан оқыту нәтижелеріне негізделетін тиісті деңгейінің (сатысының) білім беру бағдарламасын оқып аяқтауы бойынша алған білім, іскерлік, дағды және құзыреттілік деңгейі мен көлемінің сипаттамасы;

      6) дуалдық оқыту – білім беру ұйымында белгілі оқыту және кәсіпорындағы тәжірибе мерзімдерімен, жұмыс орнын ұсынумен және білім алушыларға оқу орны мен білім алушының, кәсіпорынның тең жауапкершілігімен орнына келтіруді төлеуді ұштастыратын мамандар даярлау түрі;

      7) дипломдық жұмыс (жоба) – студенттің және курсанттың білім беру бағдарламасының бейініне сәйкес келетін өзекті проблеманы өз бетінше зерделеу нәтижелерінің жинақталуы болып табылатын қорытынды жұмыс;

      8) жеке оқу жоспары (бұдан әрі – ЖОЖ) – білім беру бағдарламасы және элективті пәндер каталогы негізінде эдвайзердің көмегімен студенттің әр оқу жылына арнап өзі құрастыратын оқу жоспары;

      9) жоғары оқу орны компоненті (бұдан әрі – ЖК) – білім беру бағдарламасын меңгеру үшін жоғары оқу орны дербес айқындайтын оқу пәндерінің және академиялық кредиттердің тиісті ең төменгі көлемінің тізбесі;

      10) интернатура – клиникалық практикаға рұқсат алу үшін білім алушыларды базалық жоғары медициналық білім беру шеңберінде клиникалық мамандықтар бойынша даярлау нысаны;

      11) клиникалық база – қазіргі заманғы әдістері негізінде ұйымдастыру-әдістемелік, оқу материалдық-техникалық базасының жоғары деңгейі бар, дәрігерлерді, ғылыми кадрларды даярлау мен қайта даярлауды жүзеге асыратын, емдеу-диагностикалық және ғылыми-зерттеу жұмысының және медициналық көмектің барлық түрлерін көрсететін жергілікті ұйымдардың базасында қызмет жасайтын жоғары оқу орнының немесе денсаулық сақтау ұйымының клиникасы;

      12) құзыреттілік – оқу процесінде алған білімді, шеберлік пен дағдыны кәсіби қызметте практикалық тұрғыда пайдалана білу қабілеті;

      13) қолданбалы бакалавриат – білім бағдарламалары "қолданбалы бакалавриат" біліктілігін тағайындаумен мамандар даярлауға бағытталған орта білімнен кейінгі білім;

      14) міндетті компонент – стандартта белгіленген және білім беру бағдарламасы бойынша студенттер міндетті түрде оқитын оқу пәндерінің және тиісті академиялық кредиттердің ең төменгі көлемінің тізбесі;

      15) медициналық білім беру бағдарламаларында оқитын студенттердің білімі мен дағдыларын бағалау (бұдан әрі - білім мен машықтарды бағалау) - білім беру бағдарламалары студенттерінің меңгеру сапасын және медициналық қызмет көрсетуге қажетті құзыреттіліктің (білім мен дағдылардың) деңгейін бағалау;

      16) оқу жоспарының моделі – жоғары білім беру мазмұнының инварианттық негізгі құрылымдық құрамын бейнелейтін оқу жоспарын сипаттайтын нысан;

      17) оқу жұмыс жоспары (бұдан әрі – ОЖЖ) – білім беру бағдарламасы және студенттердің жеке оқу жоспарлары негізінде ЖОО дербес әзірлейтін оқу құжаты;

      18) таңдау компоненті – ЖОО ұсынатын, пререквизиттері мен постреквизиттерін ескере отырып, кез келген академиялық кезеңде студенттердің өздері таңдайтын оқу пәндерінің және академиялық кредиттердің тиісті ең аз көлемінің тізбесі;

      19) тәлімгер – білім беру, ғылым және тәжірибе үштұғырлығы негізінде қызметін жүзеге асыратын білім алушылар мен медициналық білім беру бағдарламаларын бітірушілерді кәсіптік бейімдеуде практикалық көмек көрсету үшін медициналық ұйымның немесе медициналық білім беру ұйымының басшысы тағайындайтын, кемінде бес жыл өтілі бар медицина қызметкері;

      20) техникалық және кәсіптік білім беру – білікті жұмысшы кадрлар мен орта буын мамандарын даярлауға бағытталған білім беру;

      21) үлгілік оқу бағдарламасы (бұдан әрі – ҮОБ) – Заңның 5-бабының 5-2) тармақшасына сәйкес оқу мазмұнын, көлемін, ұсынылатын әдебиетті анықтайтын білім беру бағдарламасының міндетті компонентіндегі пәннің оқу құжаты.

2-тарау. Оқыту нәтижелеріне бағдарлай отырып жоғары білім беру мазмұнына қойылатын талаптар

      3. Жоғары білім беру бағдарламасының мазмұны үш цикл пәндерінен тұрады – жалпы білім беретін пәндер (бұдан әрі – ЖБП), базалық пәндер (бұдан әрі – БП) және бейіндеуші пәндер.

      ЖБП циклі міндетті компонент (бұдан әрі – МК), жоғары оқу орны компоненті (бұдан әрі – ЖК) және (немесе) таңдау компоненті (бұдан әрі – ТК) пәндерін қамтиды. БП және бейіндеуші пәндер циклдері ЖК және ТК пәндерін қамтиды.

      4. ЖК және ТК пәндерін ЖОО дербес анықтайды және еңбек нарығының қажеттілігін, жұмыс берушілердің күтуін және білім алушылардың жеке мүдделерін ескереді.

      5. ЖБП циклінің көлемі жоғары білімнің білім беру бағдарламасы көлемінен 23%-дан аспайды неемесе 56 академиялық кредитті құрайды.

      ЖБП циклінің көлемі жоғары арнайы медициналық білім беру бағдарламасының жалпы көлемінің 18% немесе 56 академиялық кредиттерді құрайды.

      Олардың 51 академиялық кредиті міндетті компонент пәндеріне тиесілі: Қазақстанның қазіргі заман тарихы, Философия, Қазақ (орыс) тілі, Шетел тілі, Ақпараттық-коммуникациялық технологиялар (ағылшын тілінде), Дене шынықтыру, Әлеуметтік-саяси білім модулі (саясаттану, әлеуметтану, мәдениеттану, психология).

      Бұл ретте, білім алушылар "Қазақстанның қазіргі заман тарихы" пәнінен оны оқып аяқтағаннан кейін сол академиялық кезеңде мемлекеттік емтихан тапсырады.

      Болашақ маманның дүниетанымын, азаматтық және моральдық ұстанымын қалыптастыруға, қазақстандық қоғамды жаңғыртуға белсенді қатысатын, ақпараттық және коммуникациялық технологияларды меңгеру негізінде бәсекеге қабілетті, қазақ, орыс және шет тілдерінде коммуникациялық бағдарламаларды құруға, салауатты өмір салтын қалыптастыруға, өзін-өзі жетілдіруге, табысқа жетуге және кәсіби деңгейге бейімдеуге бағытталған ЖБП цикліндегі міндетті компонент пәндері:

      1) дүниетанымдық, азаматтық және адамгершілік ұстанымдардың қалыптасуы негізінде болашақ маманның әлеуметтік-мәдени тұлғасының дамуын қамтамасыз ететін жалпы құзыреттілік жүйесін құрайды;

      2) қазақ, орыс және шет тілдерінде тұлғааралық әлеуметтік және кәсіби қарым-қатынас жасау қабілеттерін дамытады;

      3) білім алушылардың өмірі мен қызметіндегі барлық салаларда заманауи ақпараттық-коммуникациялық технологияларды меңгеру және пайдалану арқылы ақпараттық сауаттылықты дамытуға үлес қосады;

      4) білім алушылардың өзін-өзі дамыту және өмір бойы білімін жетілдіру дағдыларын қалыптастырады;

      5) қазіргі әлемде ұтқырлыққа, сыни ойлау мен физикалық өзін-өзі жетілдіруге қабілетті тұлғаны қалыптастырады.

      6. ЖБП циклінің міндетті пәндерін оқып бітіргеннен кейін тыңдаушы:

      1) ғылыми және философиялық таным әдістерімен табиғи және әлеуметтік әлемді ғылыми тұрғыда түсінуді және зерттеуді қамтамасыз ететін философия негіздерін білу арқылы қалыптасқан дүниетанымдық ұстанымдар негізінде қоршаған шындыққа баға беру;

      2) мифологиялық, діни және ғылыми дүниетанымның мазмұнын және ерекшеліктерін интерпретациялау;

      3) әлеуметтік және өндірістік салаларда болып жатқан барлық құбылыстарға жеке баға беру;

      4) Қазақстанның тарихи дамуының негізгі кезеңдерін, заңдылықтарын және өзіндік ерекшелігін терең түсіну және ғылыми талдау негізінде азаматтық ұстанымын көрсете білу;

      5) Қазақстанның қазіргі заманғы оқиғаларының себептері мен салдарын талдау үшін тарихи сипаттау әдістері мен тәсілдерін қолдана білу;

      6) әлеуметтану, саясаттану, мәдениеттану, психологияның базалық білімі негізінде түрлі тұлғааралық, әлеуметтік және кәсіби қарым-қатынас салаларындағы жағдайларға баға беру;

      7) осы ғылымдардағы білімді интеграциялық процестердің қазіргі заманғы өнімі ретінде синтездеу;

      8) нақты ғылымды, сондай-ақ бүкіл әлеуметтік-саяси кластерді зерттеуге арналған ғылыми әдістер мен тәсілдерді қолдана білу;

      9) өзінің моральдық және азаматтық ұстанымын дамыту;

      10) қазақстандық қоғамның іскерлік, мәдени, құқықтық және этикалық нормаларын пайдалану;

      11) жеке және кәсіби бәсекеге қабілеттілігін таныту;

      12) әлемде танылған әлеуметтік-гуманитарлық ғылымдар саласындағы пәнді практикада қолдана білу;

      13) талдаудың әдіснамасын таңдау;

      14) зерттеудің нәтижелерін жинақтай білу;

      15) жаңа білімді синтездеу және оны гуманитарлық әлеуметтік маңызды өнімдер түрінде ұсыну;

      16) тұлғаралық, мәдениетаралық және өндірістік (кәсіби) қарым-қатынас мәселелерін шешу мақсатында қазақ, орыс және шет тілдерінде ауызша және жазбаша түрде қарым-қатынас жасай білу;

      17) грамматикалық білімдер жүйесін, белгілі бір тілде тиісті ниет білдірудің прагматикалық құралдарын жеткілікті көлемде түсіну негізінде лингвистикалық және сөйлеу ресурстарын дұрыс пайдалана білу;

      18) байланысқа қатысушылардың іс-әрекеттеріне баға беру;

      19) жеке іс-әрекеттерінде түрлі ақпараттық және коммуникациялық технологияларды: интернет-ресурстары, ақпаратты іздеу, сақтау, өңдеу, қорғау және тарату бойынша бұлтты және мобильді қызметтерді қолдана білу;

      20) өзін-өзі дамыту және мансаптық өсу үшін өмір бойына жеке білім беру траекториясын құру, дене шынықтыру әдістері мен құралдары арқылы толыққанды әлеуметтік және кәсіби қызметті қамтамасыз ету үшін салауатты өмір салтын ұстану біліктіліктеріне ие болады.

      7. ЖБП циклінің ТК пәндері білім алушыларда медицинада құзыреттілік пен дағдыларды, өмір сүру қауіпсіздігін, көшбасшылықты, инновацияларды қабылдаушылықты қалыптастыруға бағытталған кемінде 5 академиялық кредитті құрайды.

      8. ЖОО-лар пәнаралық сипатқа ие ЖБП циклінің пәндері бойынша интеграцияланған бағдарламалар әзірлей алады.

      9. БП цикліндегі оқу пәндерін оқыту және кәсіби практиканың өту көлемі медициналық және фармацевтикалық білім бакалавриатының білім беру бағдарламасының жалпы көлемінің 47%-ын немесе кемінде 112 академиялық кредитті құрайды.

      БП цикл көлемі бакалавриаттың интернатурамен бірге білім беру бағдарламасының жалпы көлемінен кемінде 30%-ды кредитті құрайтын оқу пәндерінен және кәсіби практика түрлерінен тұрады.

      10. Бейіндеуші пәндер циклы оқу пәндері мен кәсіптік практикалардың түрлерін қамтиды, олардың көлемі медициналық және фармацевтикалық білім бакалавриатының білім беру бағдарламасының жалпы көлемінің кемінде 25% немесе кемінде 60 академиялық кредиттерді құрайды.

      Бейіндеуші пәндер циклі көлемі бакалавриаттың интернатурамен бірге білім беру бағдарламасының жалпы көлемінен кемінде 47%-ды кредитті құрайтын оқу пәндерінен және кәсіби практика түрлерінен тұрады.

      11. БП және бейіндеуші пәндер циклдерінің модульдері мен пәндерінің бағдарламасы білім берудің бірқатар салалары бойынша кадрлар даярлауды қамтамасыз ететін пәнаралық және көп салалы сипатта болады.

      12. Қорытынды аттестаттау 12 академиялық кредитті немесе бакалавриаттың білім беру бағдарламаларының жалпы көлемінен кемінде 5%-ды құрайды және дипломдық жұмыс жазу және қорғау түрінде немесе кешенді емтиханға дайындалу және тапсыру түрінде жүргізіледі.

      Қорытынды аттестаттау бакалавриаттың интернатурамен бірге білім беру бағдарламасының жалпы көлемінің 5%-нан аспайды және кешенді біліктілік емтиханын дайындау және тапсыру нысанында өткізіледі.

      "Мейіргер ісі" мамандығы бойынша қысқартылған білім беру бағдарламасы бойынша (оқу мерзімі 10 ай) білім алушылар қорытынды аттестаттауды кешенді емтихан түрінде тапсырады.

      13. Қорытынды аттестаттау оқытудың қорытынды нәтижелеріне сәйкес өткізіледі және Қазақстан Республикасы Денсаулық сақтау министрінің 2019 жылғы 23 сәуірдегі № ҚР ДСМ-46 бұйрығымен бекітілген Медициналық білім беру бағдарламалары бойынша білім алушылардың білімі мен дағдыларын бағалау қағидаларына сәйкес екі кезеңді:

      1) білімді бағалауды (компьютерлік тестілеу);

      2) дағдыларды бағалауды қамтиды.

      14. Қорытынды аттестаттаудың мақсаты бакалавриат және интернатура білім беру бағдарламасын оқуды аяқтағаннан кейін түлектердің кәсіби даярлығын бағалау болып табылады. Медициналық білім беру бағдарламаларын бітірушілерді қорытынды аттестаттаудың оң нәтижелері маман сертификатын алуға өтініш беруге негіз болып табылады.

      15. Оқытудың қосымша түрлерін әскери дайындық және студенттің өзі анықтайтын оқудың басқа да түрлерін қамтиды.

      16. Әскери дайындық мемлекеттік білім беру тапсырысы шегінде немесе ақылы негізде жүзеге асырылады.

      17. Үш тілде білім беру бағдарламаларын енгізген ЖОО білім беру қызметін жоспарлау мен ұйымдастыруды үш тілде: оқыту тілінде, екінші тілде және ағылшын тілінде жүзеге асырады.

      Бұл ретте оқу пәндерінің 50%-ын оқыту (мемлекеттік немесе орыс) тілінде, 20%-ын екінші тілде (сәйкесінше орыс немесе мемлекеттік), 30%-ын ағылшын тілінде оқыту көзделеді.

      18. ЖОО-ы дуальді оқыту тұжырымдамасы шеңберінде теориялық оқытуды практикалық дайындықпен ұштастыру негізінде білім беру қызметін жоспарлау мен ұйымдастыруды жүзеге асырады және оқыту процесінде алынған білімді игеруге және бекітуге, практикалық дағдыларды алуға және кәсіби құзыреттілікті меңгеруге бағытталған.

      19. "Мейіргер ісі" білім беру бағдарламалары бойынша базалық және бейіндеуші пәндер бойынша практикалық оқыту көлемі (клиникалық базаларда) білім беру бағдарламасы сағаттарының жалпы көлемінің 40%-нан кем емес және тәлімгерлердің басшылығымен жүргізіледі.

      20. ЖОО білім беру бағдарламаларын осы стандарт талаптарына сәйкес оқу нәтижелерін көрсете отырып дербес әзірлейді, оның негізінде оқу жоспарлары (жұмыс оқу жоспары, студенттердің жеке оқу жоспарлары) және пәндер бойынша жұмыс оқу жоспарлары (силлабустар) әзірленеді.

      21. Кадрларды даярлау жалпы орта білім, техникалық және кәсіптік білім, орта білімнен кейінгі білім беретін оқу бағдарламаларының базасында жүзеге асырылады.

      22. Техникалық және кәсіптік немесе орта білімнен кейінгі бағдарлама немесе жоғары білім беру бағдарламасы негізінде немесе жоғары білім берудің қысқартылған білім беру бағдарламалары бойынша оқу үшін жалпы орта білім беру бағдарламасы негізінде оқуға түскен білім алушыларға академиялық кредиттер саны мен білім беру бағдарламасының қажетті көлемін жоғары оқу орны бұрын қол жеткізілген ресми білім беру нәтижелерін тануды ескере отырып, дербес айқындайды. Жеделдетілген бағдарламалар бойынша қашықтықтан білім беру технологияларын қолдану арқылы оқытуға жол беріледі.

      23. Техникалық және кәсіптік, орта білімнен кейінгі білімнің білім беру бағдарламасының базасында "кіруде" жоғары білімнің білім беру бағдарламасы бейінінің техникалық және кәсіптік немесе орта білімнен кейінгі білімнің білім беру бағдарламасына сәйкес келген жағдайда формальді білім берудің алдыңғы деңгейіндегі оқыту нәтижелері автоматты түрде танылады және оқу мерзімі қысқартылады.

      Білім беру бағдарламасының бейініне сәйкес келмеген жағдайда оқыту медициналық және фармацевтикалық білім бакалавриатының толық бағдарламасы бойынша жүзеге асырылады.

      Оқыту нәтижелері сәйкес болған жағдайда пререквизиттер ретінде алдыңғы формальды білім деңгейінің жекелеген пәндері, сондай-ақ тиісті деңгейдегі формальды емес білімнің оқыту нәтижелері қайта есептелуі мүмкін.

      24. Білім беру мазмұнын жоспарлау, оқу процесін ұйымдастыру және өткізу тәсілін ЖОО оқытудың кредиттік технологиялары негізінде дербес жүзеге асырады.

3-тарау. Білім алушылардың оқу жүктемесінің ең жоғары көлеміне қойылатын талаптар

      25. Оқу жүктемесі оқу пәнін, модулін немесе жоғары білімнің білім беру бағдарламасын толық зерделеу үшін студентке талап етілетін және жоғары білімнің білім беру бағдарламасында белгіленген оқыту нәтижелеріне қол жеткізу үшін қажетті уақытпен өлшенеді.

      26. Оқу жүктемесі студенттің барлық оқу әрекетін қамтиды – дәрістер, семинарлар, практикалық және зертханалық жұмыстар, тәлімгердің басшылығымен клиникалық базаларда кәсіби тәжірибе, дипломдық жұмыс (жоба), өзіндік жұмыс, оның ішінде оқытушының жетекшілімен жүргізілетін жұмыс.

      27. Студенттің оқу жүктемесін анықтау кезінде оқу жылы нысандарын ЖОО дербес айқындайтын академиялық кезеңдерден (семестр – 15 апта, триместр – 10 апта, тоқсан – 7-8 апта), аралық аттесттау, практика, каникул кезеңдерінен, қорытынды аттесттау кезеңінен (бітіруші курста) тұратынын ескеру қажет.

      28. Бір оқу жылының толық академиялық жүктемесі 60 академиялық кредитке немесе 1800 академиялық сағатқа сәйкес келеді. Бұл ретте, студент бір семестр ішінде 30 академиялық кредитті меңгереді.

      29. Бір академиялық кредит 30 академиялық сағатқа сәйкес келеді.

      30. Осы стандарттың 28, 29-тармақтарында көрсетілген оқу жүктемесі типтік оқу жүктемесін білдіреді. Студенттің бір семестр ішінде академиялық кредиттердің аз немесе көп мөлшерін меңгеруіне рұқсат беріледі. Оқытудың нысандары мен технологиясына байланысты студенттердің жекелеген санаттары үшін оқу нәтижелеріне қол жеткізудің нақты уақыты әртүрлі болуы мүмкін және оны ЖОО дербес есептейді.

      Пәнді бірнеше академиялық кезең ішінде игеруге рұқсат етіледі.

      31. ЖОО білім беру қызметін алынған лицензияға сәйкес жүзеге асырады және оның қолданыста болу уақытының барлық кезеңінде "Білім беру қызметіне қойылатын біліктілік талаптарын және оларға сәйкестікті растайтын құжаттардың тізбесін бекіту туралы" Қазақстан Республикасы Білім және ғылым министрінің 2015 жылғы 17 маусымдағы № 391 бұйрығымен (Нормативтік құқықтық актілерді мемлекеттік тіркеу тізілімінде № 11716 болып тіркелген) бекітілген білім беру қызметіне қойылған біліктілік талаптарын және оларға сәйкестікті растайтын құжаттар тізбесін сақтайды.

4-тарау. Білім алушыларды даярлау деңгейіне қойылатын талаптар

      32. Білім алушылардың дайындық деңгейіне қойылатын талаптар жоғары білімнің бірінші деңгейіндегі Дублиндік дескрипторлар (бакалавриат) негізінде айқындалады және жоғары медициналық білім деңгейінде базалық және кәсіби құзыреттерді көрсетеді, сондай-ақ оқыту нәтижелері нысанында сипатталатын субкомпетенцияларды қамтиды. Жоғары білім деңгейіндегі базалық және кәсіптік құзыреттер оқыту нәтижелері нысанында сипатталатын субкомпетенцияларды қамтиды.

      Оқыту нәтижелері барлық жоғары білімнің білім беру бағдарламасы деңгейінде де және жеке модульдер немесе оқу пәні деңгейінде де тұжырымдалады.

      33. Дескрипторлар студенттердің мынадай қабілеттерін сипаттайтын оқыту нәтижелерін көрсетеді:

      1) халық денсаулығын сақтау облысындағы базалық санатты күрделі озық кәсіби және ғылыми білімді көрсетеді;

      2) халық денсаулығын сақтауды қамтамасыз ету үшін тиісті кәсіби сала бойынша қолданбалы сипаттағы жаңа білім алуға қабілетті;

      3) халық денсаулығын сақтау облысындағы базалық санатта күрделі мәселелерді түсінеді;

      4) бар және жиналған базалық санатта күрделі кәсіби ақпаратты сараптайды. Сол немесе өзге денсаулық сақтау облысынын дамыту үшін қажет ақпарат көзін айқындайды;

      5) сол немесе өзге денсаулық сақтау облысынын дамыту мақсатында мақсаттарды және тәсілдерді таңдауды және оларға жету құралдарын негіздейді;

      6) медициналық қызметкерлерге, маман емес адамдарға және тұрғындарға қойылған кәсіби міндеттердің тиімді орындалуы үшін ақпараттарды, проблемаларды және шешімдерді хабарлайды;

      7) өзінің кәсіби қызметінде заманауи ақпараттық-коммуникациялық технологияларды қолдана білу;

      8) кәсіби және тұлғалық білім алу мен даму үшін білімін, іскерлігін және дағдыларын қолданады.

      34. Бакалавриаттың білім беру бағдарламасы бойынша оқуын аяқтаған және қорытынды аттестаттаудан табысты өткен тұлғаларға "денсаулық сақтау бакалавры" дәрежесі және (немесе) тиісті біліктілік беріледі және жоғары білім туралы диплом қосымшасымен (транскрипт) бірге тегін беріледі.

      Бакалавриатпен интернатураның білім беру бағдарламасы бойынша оқуды аяқтаған және қорытынды аттестаттаудан табысты өткен адамдарға білім беру бағдарламасының коды мен атауын көрсете отырып (оқу мерзімі: 5 жыл) білім беру бағдарламасы бойынша "денсаулық сақтау бакалавры" дәрежесі беріледі және "дәрігер" біліктілігі беріледі (оқу мерзімі: 1 жыл) және мемлекеттік үлгідегі диплом қосымшасымен (транскрипт) тегін беріледі.

      35. ЖОО бітіруші түлекке дипломға жалпыеуропалық қосымшаны (Diploma Supplement (диплома саплэмент)) тегін береді.

5-тарау. Оқу мерзіміне қойылатын талаптар

      36. Оқу мерзімі меңгерілген академиялық кредиттер көлемімен анықталады. Академиялық кредиттердің белгіленген көлемін меңгерген және бакалавриат дәрежесін алу үшін күтілетін оқу нәтижелеріне қол жеткізген кезде жоғары білімнің білім беру бағдарламасы толығымен меңгерілген болып саналады.

      37. Жоғары білім берудің білім беру бағдарламаларының ерекшелігін ескере отырып, жоғары білім берудің негізгі критерийі студенттің оқудың барлық кезеңінде, оның ішінде оқу іс-әрекетінің барлық түрлерін дамыту:

      1) "Мейіргер ісі", "Қоғамдық денсаулық сақтау" білім беру бағдарламалары үшін – кемінде 240 академиялық кредитті;

      2) "Фармация" білім беру бағдарламасы – кемінде 300 академиялық кредитті;

      3) "Жалпы медицина", "Педиатрия", "Стоматология" білім беру бағдарламалары үшін - кемінде 360 академиялық кредитті, оның ішінде бакалавриат бағдарламалары бойынша – кемінде 300 академиялық кредитті, интернатурада – кемінде 60 академиялық кредитті меңгеруді болып табылады.

      38. Бакалавриат білім беру бағадламаларын игеруге қызығушылық танытқан тұлғаларға алдыңғы білім деңгейіне қойылатын талаптар осы стандартқа қосымшада көрсетілген.

Бакалавриат білім беру бағадламаларын игеруге қызығушылық танытқан тұлғаларға алдыңғы білім деңгейіне қойылатын талаптар

Жоғары оқу орнынан кейінгі білім берудің мемлекеттік жалпыға бірдей міндетті стандарты

1-тарау. Жалпы ережелер

      1. Осы жоғары оқу орнынан кейінгі білім берудің мемлекеттік жалпыға бірдей міндетті стандарты (бұдан әрі – Стандарт) "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына сәйкес және 2007 жылғы 27 шілдедегі "Білім туралы" Қазақстан Республикасы Заңының (бұдан әрі – Заң) 56-бабына сәйкес әзірленді және меншік нысанына қарамастан, оқыту нәтижелеріне, білім алушылардың оқу жүктемесінің ең жоғары көлеміне, білім алушылардың даярлық деңгейіне, жоғары және (немесе) жоғары оқу орнынан кейінгі білім беру ұйымдарында (бұдан әрі – ЖОО) оқу мерзіміне бағдарланып, білім беру мазмұнына қойылатын талаптарды белгілейді.

      2. Осы стандартта мынадай терминдер мен олардың анықтамалары қолданылады:

      1) академиялық кредит – білім алушының және (немесе) оқытушының ғылыми және (немесе) оқу жұмысының көлемін өлшеудің біріздендірілген бірлігі;

      2) бейіндік магистратура – жоғары оқу орнынан кейінгі білім беру, оның білім беру бағдарламалары тереңдетілген кәсіптік даярлығы бар денсаулық сақтау үшін басқару кадрларын даярлауға бағытталған;

      3) бейіні бойынша доктор – Қазақстан Республикасында немесе одан тысқары жерлерде кәсіптік қызметтің тиісті саласы бойынша докторантураның бағдарламасын меңгерген және диссертация қорғаған адамдарға берілетін, Қазақстан Республикасының заңнамасында белгіленген тәртіппен танылған дәреже;

      4) біліктілік – алған кәсібі мен мамандығы бойынша белгілі бір қызмет түрін құзыретті орындауға оқу, дайындық деңгейі;

      5) біліктілікті беру – тиісті кәсіби қызмет түрі шеңберінде жұмысты орындау үшін қажетті жеке қабілеттердің, кәсіптік білімнің, шеберліктің және дағдылардың жиынтығын растау рәсімі;

      6) дескрипторлар (descriptors (дэскрипторс)) – білім алушылардың жоғары және жоғары оқу орнынан кейінгі білімнің құзыреттіліктерде және академиялық кредиттерде қалыптасқан оқыту нәтижелеріне негізделетін тиісті деңгейінің (сатысының) білім беру бағдарламасын оқып аяқтауы бойынша алған білім, іскерлік, дағды және құзыреттілік деңгейі мен көлемінің сипаттамасы;

      7) докторант – докторантурада білім алатын адам;

      8) докторантура – білім беру бағдарламалары кемінде 180 акдемиялық кредитті міндетті меңгеру арқылы тиісті бағыт бойынша философия докторы (PhD) (бейіні бойынша доктор) дәрежесін бере отырып, ғылыми, педагогтік және (немесе) кәсіптік қызмет үшін жоғары оқу орнынан кейінгі білім беру;

      9) докторлық диссертация – докторанттың жиынтығын жаңа ғылыми жетістік ретінде тануға болатын теориялық ережелер әзірленген немесе ғылыми проблемасы шешілген, не енгізілуі елдің экономикасының дамуына айтарлықтай үлес қосатын ғылыми негізделген техникалық, экономикалық немесе технологиялық шешімдер баяндалған дербес зерттеу болып табылатын ғылыми жұмысы;

      10 ) жеке оқу жоспары (бұдан әрі – ЖОЖ) – білім алушының білім беру бағдарламасының және элективті пәндер каталогының негізінде эдвайзердің көмегімен әрбір оқу жылына жеке жасайтын оқу жоспары;

      11) жоғары оқу орны компоненті (бұдан әрі – ЖК) – білім беру бағдарламасын меңгеру үшін жоғары оқу орны дербес айқындайтын оқу пәндерінің және академиялық кредиттердің тиісті ең төменгі көлемінің тізбесі;

      12) кәсіби құзыреттер – маманның кәсіби қызметті тиімді жүзеге асыруға мүмкіндік беретін білім, білік және дағды, сондай-ақ жеке басының қасиеттері негізінде кәсіби міндеттердің жиынтығын шешу қабілеті;

      13) клиникалық базалар – медициналық білім беру ұйымдарының клиникалық бөлімшелері (клиникалары), сондай-ақ медициналық білім беру ұйымдарымен шарттар бойынша медицина және фармацевтика кадрларын даярлау үшін тиісті жағдайлар беретін денсаулық сақтау ұйымдары.

      14) клиникалық тәлімгер – білім алушылардың және медициналық білім беру бағдарламаларының түлектерінің кәсіптік бейімделуіне практикалық көмек көрсету үшін медициналық ұйымның немесе медициналық білім беру ұйымының басшысы тағайындайтын, қызметін білім, ғылым және практика үштұғырлығы негізінде жүзеге асыратын медициналық қызметкер;

      15) құзыреттілік – оқу процесінде алған білімді, шеберлік пен дағдыны кәсіби қызметте практикалық тұрғыда пайдалана білу қабілеті;

      16) магистр – магистратураның білім беру бағдарламасын меңгерген тұлғаларға берілетін дәреже;

      17) магистрант – магистратурада білім алушы тұлға;

      18) магистратура – кемінде 60-120 академиялық кредитті міндетті түрде меңгеру арқылы тиісті білім беру бағдарламасы бойынша "магистр" дәрежесін бере отырып, кадрлар даярлауға бағытталған жоғары оқу орнынан кейінгі білім беру деңгейі;

      19) магистрлік диссертация – ғылыми-педагогикалық магистратура магистрантының таңдалған білім беру бағдарламасы саласындағы өзекті проблеманың теориялық және/немесе практикалық әзірлемесін қамтитын өзіндік ғылыми зерттеуден тұратын, ғылым мен техниканың қазіргі заманғы теориялық, әдістемелік және технологиялық жетістіктеріне негізделген бітіру жұмысы;

      20) магистрлік жоба – бейінді магистратура магистрантының таңдалған білім беру бағдарламасының өзекті проблемаларының қолданбалы міндетін шешуге мүмкіндік беретін теориялық және(немесе) эксперименттік нәтижелерді қамтитын өзіндік ғылыми зерттеуден тұратын бітіру жұмысы;

      21) мамандық – білім туралы тиісті құжатпен расталған белгілі бір қызмет түрін анықтау үшін қажетті мақсатты бағыталған даярлығы және жұмыс тәжірибесі, білімі, іскерлігі мен дағды жолымен алынған кешен;

      22) медициналық білім беру бағдарламалары бойынша білім алушылардың білімі мен дағдыларын бағалау (бұдан әрі – білім мен дағдыларды бағалау) – білім алушылардың білім беру бағдарламаларын меңгеру сапасын және медициналық қызмет көрсету үшін қажетті құзыреттердің (білім мен дағдыларды) қалыптасу деңгейін бағалау;

      23) міндетті компонент – жалпыға міндетті білім беру стандартында белгіленген және білім алушылардың оқыту бағдарламасы бойынша міндетті түрде оқитын оқу пәндерінің және академиялық кредиттердің тиісті ең төменгі көлемінің тізбесі;

      24) МВА бағдарламасы – бизнес саласындағы заманауи білімдер мен дағдыларды меңгерген, процестер мен кадрлық активтерді басқаруға, компанияның стратегиясын жасауға, стратегиялық және оперативті міндеттерді анықтай білуге және ғылыми аспаптарды қолдана отырып, оларға қол жеткізе білуге қабілетті басқарушы кадрлар даярлау бағдарламасы;

      25) оқу жұмыс жоспары (бұдан әрі – ОЖЖ) – білім беру бағдарламасы мен резидентура тыңдаушысының жеке оқу жоспарлары негізінде ұйым дербес әзірлейтін оқу құжаты;

      26) оқыту нәтижелері – білім алушы білім беру бағдарламасын игеру бойынша алған, көрсететін білім, білік, дағды бағалаумен расталған көлемі және қалыптасқан құндылықтар мен қатынастар;

      27) постреквизиттер – аталған пәнді оқыту аяқталғанда оларды зерделеу үшін меңгерілген білім, икемділіктер мен дағдыларды қажет ететін пәндер;

      28) пререквизиттер – оқылатын пәнді игеру үшін қажетті білім, икемділіктер мен дағдыларды қамтитын пәндер;

      29) резидентура – клиникалық мамандықтар бойынша жоғары оқу орнынан кейінгі тереңдетілген медициналық білім алу нысаны;

      30) резидентура базасы – денсаулық сақтау министрі белгілеген тәртіппен резидентура бағдарламасын немесе оның бір бөлігін іске асыруға құқық алған жоғары және (немесе) жоғары оқу орнынан кейінгі білім беру ұйымдарының немесе денсаулық сақтау ұйымдарының клиникасы;

      31) резидентура тыңдаушысы – клиникалық мамандықтар бойынша жоғары оқу орнынан кейінгі тереңдетілген медициналық білімнің білім беру бағдарламаларын меңгеретін маман;

      32) резидентура тыңдаушысының жеке оқу жоспары (бұдан әрі – ЖОЖ) – резидентураның білім беру бағдарламасы негізінде басшының көмегімен әрбір оқу жылына өзі дербес қалыптастыратын резидентура тыңдаушысының оқу жоспары;

      33) резидентураның білім беру бағдарламасы – оқытудың мақсаттарын, нәтижелері мен мазмұнын, білім беру процесін ұйымдастыруды, оларды іске асырудың тәсілдері мен әдістерін, академиялық және кәсіптік персоналды оқыту үшін тартылатын материалдық ресурстарды, оқыту нәтижелерін бағалау критерийлерін қамтитын білім берудің негізгі сипаттамаларының бірыңғай кешені;

      34) таңдау компоненті (бұдан әрі – ТК) – білім беру бағдарламасын меңгеру үшін ұйым дербес айқындайтын оқу пәндерінің және академиялық кредиттердің тиісті ең төменгі көлемінің тізбесі;

      35) үлгілік оқу жоспары (бұдан әрі – ҮОЖ) – Денсаулық сақтау саласындағы уәкілетті орган бекітетін міндетті компонент пәндерінің және практикалардың барлық түрлерінің, қорытынды аттестаттаудың тізбесі мен кредиттерінің ең аз көлемін көрсете отырып, білім беру бағдарламасының құрылымы мен көлемін регламенттейтін оқу құжаты;

      36) философия докторы (РhD) – Қазақстан Республикасында немесе одан тысқары жерлерде ғылыми-педагогикалық бағыт бойынша докторантураның бағдарламасын меңгерген және диссертация қорғаған адамдарға берілетін, Қазақстан Республикасының заңнамасында белгіленген тәртіппен танылған дәреже;

      37) іскерлік әкімшілендіру магистрі – МВА бағдарламасын меңгерген тұлғаларға берілетін академиялық дәреже.

2-тарау. Оқыту нәтижелеріне бағдарлай отырып резидентураның білім беру бағдарламаларының мазмұнына қойылатын талаптар

      3. Резидентураның мақсаты қандай да бір мамандық бойынша өз бетінше жұмыс істеу үшін маман дәрігерлердің сапасына қойылатын заманауи талаптарға жауап беретін білікті, бәсекеге қабілетті кадрларды даярлауды қамтамасыз ету болып табылады.

      4. Резидентура тыңдаушысының дайындық деңгейіне қойылатын талаптар білім алушылардың қабілетін сипаттайтын оқыту нәтижелері негізінде айқындалады:

      1) пациентті күту: клиникалық диагнозды тұжырымдауға, емдеу жоспарын тағайындауға және медициналық көмек көрсетудің барлық деңгейлерінде дәлелді практика негізінде оның тиімділігін бағалауға қабілетті;

      2) коммуникация және коллаборация: пациент үшін үздік нәтижелерге қол жеткізу мақсатында пациентпен, оның ортасымен, денсаулық сақтау мамандарымен тиімді өзара іс-қимыл жасай алады;

      3) қауіпсіздік пен сапа: медициналық көмектің сапасы мен қауіпсіздігінің жоғары деңгейін қамтамасыз ету үшін тәуекелдерді бағалауға және неғұрлым тиімді әдістерді пайдалануға қабілетті;

      4) қоғамдық денсаулық сақтау: өз мамандығы бойынша Қазақстан Республикасының денсаулық сақтау жүйесінің құқықтық және ұйымдастыру алаңы шеңберінде әрекет етуге, төтенше жағдайларда базалық көмек көрсетуге, ұлт денсаулығын нығайту саясатын жүзеге асыру үшін кәсіптік топтар құрамында жұмыс істеуге қабілетті;

      5) зерттеулер: адекватты зерттеу мәселелерін тұжырымдауға, кәсіби әдебиетті сыни бағалауға, өзінің күнделікті қызметінде Халықаралық деректер базасын тиімді пайдалануға, зерттеу командасының жұмысына қатысуға қабілетті;

      6) оқыту және дамыту: өз бетінше оқуға және кәсіби команданың басқа да мүшелерін оқытуға, пікірталастарға, конференцияларға және үздіксіз кәсіби дамудың басқа да нысандарына белсенді қатысуға қабілетті.

      Оқыту нәтижелері резидентураның барлық білім беру бағдарламасының деңгейінде де, жеке модульдер немесе оқу пәні деңгейінде де тұжырымдалады.

      5. Ұйым стандарт талаптарына және резидентура мамандықтары бойынша оқу нәтижелерін көрсететін үлгілік оқу жоспарларына сәйкес білім беру бағдарламаларын дербес әзірлейді, олардың негізінде пәндер/модульдер (силлабустар) бойынша оқу жоспарлары (жұмыс оқу жоспарлары, резидентура тыңдаушысының жеке оқу жоспарлары) және жұмыс оқу бағдарламалары әзірленеді.

      6. Резидентура білім беру бағдарламасы практика мен теорияның ықпалдасуына кепілдік береді, тапсырмаларды орындауға және халыққа медициналық көмек көрсетуге негізделген оқытудың мақсаттары мен нәтижелерін анықтай отырып, резидентура тыңдаушысының мазмұнын, дайындау дәйектілігін және жауапкершілігін қамтиды.

      Медициналық қызметтерді даярлау мен ұсынуды ықпалдастыру бір жағынан резидентура тыңдаушыларының тиісті медициналық көмек көрсетуін, екінші жағынан – оқу мүмкіндіктері қызметтік функцияларда қаланғанын білдіреді.

      Резидентура базалары деп танылған медициналық ұйымдарда даярлау резидентура тыңдаушыларын жеке қатысуға тарту арқылы емделушілерге көмек көрсету бойынша қызмет және жауапкершілік көрсету практикасына негізделген.

      7. Ұйым білім беру бағдарламасының барабар орындалуын қамтамасыз етуге мүмкіндік беретін оқытушылар мен резидентура тыңдаушылар үшін жеткілікті материалдық-техникалық базаны қамтамасыз етеді. Ұйым жұмыс уақытының стандартты кестесіне сәйкес тиісті дайындық шеңберінде кезекшілікті қоса алғанда, медициналық қызметтің барлық түрлеріне тарта отырып, медициналық қызмет көрсету функцияларына тиісті көңіл бөле отырып, мамандар дәрігерлерін даярлау мақсатында клиникалық базаларды, Кадрлық, білім беру, ақпараттық ресурстарды тиімді пайдалануды қамтамасыз етеді. Медициналық қызмет көрсету шарттары мен резидентура тыңдаушыларының жауапкершілігі айқындалуы және барлық тараптардың назарына жеткізілуі тиіс.

      8. Резидентураның клиникалық базаларын аккредиттеуді ұйым медициналық ұйымның қызметін денсаулық сақтау саласындағы уәкілетті орган әзірлеген стандарттар мен өлшемдерге сәйкестігін бағалау негізінде жүзеге асырады.

      9. Ұйым білім беру қызметін алған лицензияға сәйкес жүзеге асырады және оның шынайылығының барлық кезеңі бойы Қазақстан Республикасы Білім және ғылым министрінің 2015 жылғы 17 маусымдағы № 391 бұйрығымен (Нормативтік құқықтық актілерді мемлекеттік тіркеу тізілімінде № 11716 болып тіркелген) бекітілген білім беру қызметіне қойылатын біліктілік талаптарын және оларға сәйкестікті растайтын құжаттар тізбесін сақтайды.

      10. Резидентура тыңдаушысы клиникалық тәлімгердің қадағалауымен тұрақты бағалаумен және кері байланысымен пәннің/модулдің циклі ішінде резидентура базаларында жұмыс істейді. Пән/модуль циклы аяқталғаннан кейін білім алушы ұйым белгілеген тәртіппен аттестатталады. Тәлімгер бірінші немесе жоғары біліктілік санаты бар (тиісті мамандық бойынша кемінде 5 жыл өтілі) резидентура базасында жұмыс істейтін практикалық денсаулық сақтаудың білікті мамандары қатарынан тағайындалады. Жұмыс регламенті мен тәлімгерді бекіту тәртібі ұйымның келісімі бойынша резидентура базасымен дербес анықталады.

      11. Жыл сайын оқу жылы аяқталғаннан кейін резидентура тыңдаушысы жеке жұмыс жоспарын орындау және кезеңдік құзыреттерді игеру мәніне академиялық аттестаттаудан өтеді. Резидентура тыңдаушысын жыл сайынғы академиялық аттестаттауды өткізу рәсімін Ұйым өзі айқындайды.

      12. Оқу бағдарламасын аяқтаған резидентура тыңдаушысы қорытынды аттестаттауға жіберіледі. Қорытынды аттестаттаудың мақсаты резидентура бағдарламасы аяқталғаннан кейін қол жеткізілген оқыту нәтижелерін және құзыреттілікті бағалау болып табылады.

      13. Қорытынды аттестаттау оқытудың соңғы нәтижелеріне сәйкес өткізіледі және Қазақстан Республикасы Денсаулық сақтау министрінің 2019 жылғы 23 сәуірдегі № ҚР ДСМ-46 бұйрығымен бекітілген (Нормативтік құқықтық актілерді мемлекеттік тіркеу тізілімінде № 18577 болып тіркелген) Медициналық білім беру бағдарламалары бойынша білім алушылардың білімі мен дағдыларын бағалау қағидаларына сәйкес екі кезеңді қамтиды:

      1) білімді бағалау (компьютерлік тестілеу);

      2) дағдыларды бағалау.

      Қорытынды аттестаттаудың мақсаты резидентураның білім беру бағдарламасын оқуды аяқтағаннан кейін түлектердің кәсіби даярлығын бағалау болып табылады. Медициналық білім беру бағдарламалары бойынша білім алушылардың білімі мен дағдыларын бағалаудың оң нәтижелері маман сертификатын беру үшін өтініш беруге негіз болады.

      14. "Халық денсаулығы және денсаулық сақтау жүйесі туралы" Қазақстан Республикасының Кодексінің 7-бабының 1-тармағының 125) тармақшасына сәйкес қорытынды аттестаттауды өткізу нысандарын уәкілетті орган айқындайды.

      15. Қорытынды аттестаттауды өткізу үшін резидентура мамандықтары бойынша біліктілік комиссиясы құрылады. Біліктілік комиссиясына кемінде бес мүше кіреді. Медициналық білім беру бағдарламалары бойынша қорытынды аттестаттау комиссиясының құрамына денсаулық сақтау саласындағы уәкілетті орган аккредиттеген білім алушылардың білімі мен дағдыларын бағалауды жүзеге асыратын ұйымдардың өкілдері кіреді.

      16. Резидентурада оқу уақыты дәрігер-маманның жұмыс өтіліне есептеледі.

      17. Резидентураға жоғары медициналық білімі (6 жыл) немесе базалық медициналық білімі (5+1) туралы дипломы, "дәрігер" біліктілігі берілген интернатураны бітіргені туралы құжаты бар тұлғалар қабылданады.

      18 Резидентурада оқитын адам кәсіптік біліктілік алу мақсатында мамандықтың үлгілік оқу жоспарына сәйкес білім беру бағдарламасын толық көлемде меңгереді.

      19. Резидентурада оқитын адам кәсіптік біліктілігін өзгерту мақсатында практиканың ұзақтығын қоспағанда, мамандықтың үлгілік жоспарына сәйкес бағдарламаны меңгереді. Ұйым ресми білім берудің бұрын қол жеткізілген нәтижелерін тануды ескере отырып, қысқартылған білім беру бағдарламаларын дербес әзірлейді.

3-тарау. Резидентура тыңдаушыларының оқу жүктемелерінің көлеміне қойылатын талаптар

      20. Бір оқу жылының толық оқу жүктемесі бір оқу жылында кемінде 70 академиялық кредиттерге (2100 академиялық сағатқа) сәйкес келеді. Бір академиялық несие 30 академиялық сағатқа тең. Оқу жылында аралық аттестаттау (немесе бітіру курстарында қорытынды аттестаттау) аяқталатын бір академиялық кезең көзделеді. Демалыс білім алушыларға оқу жылы ішінде бір рет беріледі, олардың жалпы ұзақтығы бітіру курсын қоспағанда кемінде 5 аптаны құрайды.

      21. Резидентурада дайындық аудиториялық жұмысты, клиникалық тәлімгердің басшылығымен өзіндік клиникалық жұмысты және білім алушының өзіндік жұмысын (бұдан әрі – СӨЖ) қамтиды. Аудиториялық жұмыстың көлемі әр пән көлемінің 10%-ын, клиникалық тәлімгердің басшылығымен өзіндік клиникалық жұмыстың 75%-ын, СӨЖ – 15%-ын құрайды.

      22. Осы стандарттың 21-тармағында көрсетілген оқу жүктемесі резидентура тыңдаушысының ең төменгі оқу жүктемесін ұсынады. Резидентура тыңдаушысы семестр ішінде академиялық кредиттердің көп санын игеруіне жол беріледі. Резидентура тыңдаушысының жекелеген санаттары үшін оқыту нысаны мен технологиясына байланысты оқу нәтижелеріне қол жеткізудің нақты уақыты ерекшеленеді және ұйым дербес есептейді.

      Пәнді бірнеше академиялық кезеңдер ішінде меңгеруге жол беріледі.

4-тарау. Резидентура тыңдаушысының даярлық деңгейіне қойылатын талаптар

      23. Резидентура тыңдаушысының дайындық деңгейіне қойылатын талаптар кәсіби стандарттың және резидентураның білім беру бағдарламасының талаптарымен айқындалады. Оқыту нәтижелері резидентураның барлық білім беру бағдарламасының деңгейінде де, жеке модульдер немесе оқу пәні деңгейінде де тұжырымдалады.

      24. Резидентурада дайындық таңдалған мамандық бойынша медициналық көмек көрсетудің тиісті деңгейлеріне сәйкес резидентура базасында тиісті клиникалық/практикалық тәжірибе алу арқылы клиника жағдайында практикалық жұмысты қамтиды.

      25. Резидентураның білім беру бағдарламасы бойынша оқуды аяқтаған және қорытынды аттестаттаудан табысты өткен адамдарға резидентураның тиісті мамандығы бойынша "дәрігер" біліктілігі беріледі және резидентураны бітіргені туралы куәлік тегін беріледі.

      26. Резидентураны бітіргені туралы куәлікті ұйым береді, оған біліктілік комиссиясының төрағасы, ұйымның басшысы немесе ол уәкілеттік берген тұлға қол қояды.

5-тарау. Резидентурада оқу мерзіміне қойылатын талаптар

      27. Резидентурада оқу мерзімі игерілген академиялық кредиттер көлемімен анықталады. Академиялық кредиттердің белгіленген көлемін игеру және біліктілікті беру үшін күтілетін оқу нәтижелеріне қол жеткізу кезінде резидентураның тиісті мамандығы бойынша дәрігер резидентураның білім беру бағдарламасы толық игерілген болып есептеледі.

      28. Резидентурада оқу ұзақтығы 2 жылдан 4 жылға дейін.

6-тарау. Оқыту нәтижелеріне бағдарлай отырып магистратураның білім беру бағдарламаларының мазмұнына қойылатын талаптар

      29. Магистратураның білім беру бағдарламасының мазмұны мыналардан тұрады:

      1) базалық және бейіндеуші пәндер циклдерін зерделеуді қамтитын теориялық оқу;

      2) магистранттарды практикалық даярлау: практикалардың, ғылыми және кәсіби тағылымдамалардың түрлері;

      3) ғылыми-педагогикалық магистратура үшін – магистрлік диссертацияны орындауды қамтитын ғылыми-зерттеу жұмысы немесе бейінді магистратура үшін – магистрлік жобаны орындауды қамтитын эксперименттік-зерттеу жұмысы;

      4) қорытынды аттестаттау.

      30. Базалық (бұдан әрі – БП) және бейіндеуші пәндер циклдері жоғары оқу орны компоненті (бұдан әрі – ЖК) және таңдау бойынша компонент (бұдан әрі – ТК) пәндерінен тұрады.

      31. Жоғары оқу орны компоненті және таңдау бойынша компонент пәндерінің тізбесін ЖОО дербес айқындайды. Бұл ретте еңбек нарығының сұранысы, жұмыс берушілердің талабы, магистранттардың сұраныстары мен мүдделері ескеріледі..

      Ғылыми-педагогикалық бағыттағы магистратураның барлық білім беру бағдарламаларының БП циклінің жоғары оқу орны компоненті "Ғылым тарихы мен философиясы", "Шет тілі (кәсіби)", "Жоғары мектеп педагогикасы", "Басқару психологиясы" пәндерін, бейінді бағыт үшін "Менеджмент", "Басқару психологиясы", "Шет тілі (кәсіби)" пәндерін қамтиды.

      ЖОО-лар пәнаралық сипатқа ие БП циклінің жоғары оқу орны компоненті пәндері бойынша кіріктірілген бағдарламалар әзірлейді.

      32. Ғылыми-педагогикалық бағыттағы магистратурада БП циклінің көлемі білім беру бағдарламасының жалпы көлемінен 29%-ды немесе 35 академиялық кредитті құрайды. Олардың 57%-ы немесе 20 академиялық кредит жоғары оқу орны компонентіне тиесілі.

      33. Бейінді бағыттағы магистратурада БП циклінің көлемі білім беру бағдарламасының жалпы көлемінен 17%-ды немесе 10 академиялық кредитті (оқу мерзімі 1 жыл) және 15 академиялық кредитті (оқу мерзімі 1,5 жыл) құрайды. Оның ішінде жоғары оқу орны компоненті пәндерінің көлемі 60%-ды немесе 6 академиялық кредитті (оқу мерзімі 1 жыл) және 40%-ды немесе 6 академиялық кредитті (оқу мерзімі 1,5 жыл) құрайды.

      34. Ғылыми-педагогикалық бағыттағы магистратурада бейіндеуші пәндер циклінің көлемі білім беру бағдарламасының жалпы көлемінен 41%-ды немесе 49 академиялық кредитті құрайды.

      35. Бейінді бағыттағы магистратурада бейіндеуші пәндер циклінің көлемі ЖОО-ның қалауы бойынша жоғары оқу орны компоненті мен таңдау бойынша компонент арасында бөлінетін магистратураның білім беру бағдарламасының жалпы көлемінен 42%-ды немесе 25 академиялық кредитті (оқу мерзімі 1 жыл) және 40%-ды немесе 45 академиялық кредитті (оқу мерзімі 1,5 жыл) құрайды.

      36. Пәндер мен модульдердің бағдарламалары, әдеттегідей, бірқатар білім салалары үшін кадрлар даярлауды қамтамасыз ететін пәнаралық және мультипәндік сипатқа ие.

      37. ЖОО білім беру қызметін алынған лицензияға сәйкес жүзеге асырады және оның қолданыста болу уақытының барлық кезеңінде "Білім беру қызметіне қойылатын біліктілік талаптарын және оларға сәйкестікті растайтын құжаттардың тізбесін бекіту туралы" Қазақстан Республикасы Білім және ғылым министрінің 2015 жылғы 17 маусымдағы № 391 бұйрығымен (Нормативтік құқықтық актілерді мемлекеттік тіркеу тізілімінде № 11716 болып тіркелген) бекітілген білім беру қызметіне қойылған біліктілік талаптарын және оларға сәйкестікті растайтын құжаттар тізбесін сақтайды.

      38. Білім беру мазмұнын, оқу процесін ұйымдастыру және өткізу тәсілін жоспарлауды ЖОО және ғылыми ұйым кредиттік оқыту технологиясы негізінде дербес жүзеге асырады.

      39. Ғылыми-педагогикалық бағыттағы магистратура жоғары оқу орындары мен ғылыми ұйымдар үшін тереңдетілген ғылыми-педагогикалық және зерттеу даярлығы бар ғылыми және ғылыми-педагогикалық кадрларды даярлау бойынша жоғары оқу орнынан кейінгі білімнің білім беру бағдарламаларын іске асырады.

      40. Бейінді бағыт бойынша магистратура экономика, медицина, құқық, білім, өнер, қызмет көрсету және бизнес, қорғаныс және ұлттық қауіпсіздік салалары, құқық қорғау қызметі үшін тереңдетілген кәсіптік даярлығы бар басқарушы кадрларды даярлау бойынша жоғары оқу орнынан кейінгі білімнің білім беру бағдарламаларын іске асырады.

      Бизнес-орта үшін мамандар даярлау мақсатында ЖОО MBA бағдарламаларын іске асыра алады.

      41. Магистрлік бағдарламаның міндетті компоненті мыналар болып табылады:

      1) магистранттарды практикалардың, ғылыми немесе кәсіби тағылымдамалардың түрлерін қамтитын практикалық даярлау;

      2) ғылыми-педагогикалық магистратура үшін магистрлік диссертацияны орындауды қамтитын ғылыми-зерттеу жұмысы.

      42. Ғылыми-педагогикалық магистратураның білім беру бағдарламасы теориялық оқытумен қатар немесе жеке кезеңде жүргізілуі мүмкін практиканың екі түрін қамтиды:

      1) БП циклінде педагогикалық – ЖОО-да;

      2) бейіндеуші пәндер циклінде зерттеу – диссертация орындалған жерде.

      43. Педагогикалық практика оқыту мен оқу әдістемесінің практикалық дағдыларын қалыптастыру мақсатында өткізіледі. Бұл ретте ЖОО қалауы бойынша магистранттар бакалавриатта сабақ өтуге тартылады.

      44. Магистранттың зерттеу практикасы отандық және шетелдік ғылымның ең жаңа теориялық, әдіснамалық және технологиялық жетістіктерімен, ғылыми зерттеудің, экспериментті деректерді өңдеудің және түсінік берудің қазіргі заманғы әдістерімен танысу мақсатында өтеді.

      45. Бейінді магистратураның білім беру бағдарламасы бейіндеуші пәндер циклінде өндірістік практиканы қамтиды.

      БП циклндағы өндірістік практика оқу процесінде жинаған теориялық білімдерін бекіту, дағдыларды, құзыреттер мен оқыған білім беру бағдарламасы бойынша практикалық кәсіби қызмет тәжірибесін алу, сондай-ақ озық тәжірибені меңгеру мақсатында өткізіледі.

      46. Зерттеу практикасының мазмұны диссертациялық (жобалық) зерттеу тақырыбымен айқындалады.

      47. Магистранттың ғылыми-зерттеу жұмысы (бұдан әрі – МҒЗЖ) шеңберінде магистранттың жеке жұмыс жоспарында инновациялық технологиялармен және өндірістің жаңа түрлерімен танысу үшін ғылыми ұйымдарда және (немесе) тиісті қызмет салаларындағы ұйымдарда ғылыми тағылымдамадан міндетті өту қарастырылады.

      МҒЗЖ оқу жұмысының басқа түрлерімен қатар немесе жеке кезеңде жоспарлануы мүмкін.

      48. Ғылыми-зерттеу немесе эксперименттік-зерттеу жұмысының нәтижелерін оларды жүргізген әрбір кезеңнің соңында магистрант есеп түрінде ресімдейді.

      49. Ғылыми-педагогикалық магистратурадағы магистранттың ғылыми-зерттеу жұмысына қойылатын талаптар:

      1) магистрлік диссертация орындалатын және қорғалатын білім беру бағдарламасының бейініне сәйкес келуі;

      2) өзекті, ғылыми жаңалығының және практикалық маңызының болуы;

      3) ғылым мен практиканың қазіргі заманғы теориялық, әдістемелік және технологиялық жетістіктеріне негізделуі;

      4) ғылыми зерттеулердің қазіргі заманғы әдістерін қолдана отырып орындалуы;

      5) негізгі қорғалатын ережелер бойынша ғылыми-зерттеу (әдістемелік, практикалық) бөлімдерінің болуы;

      6) тиісті білім беру саласында алдыңғы қатарлы халықаралық тәжірибеге негізделуі қажет.

      50. Бейінді магистратурадағы магистранттың эксперименттік-зерттеу жұмысына қойылатын талаптар:

      1) магистрлік жоба орындалатын және қорғалатын білім беру бағдарламасының бейініне сәйкес келуі;

      2) ғылымның, техника мен өндірістің қазіргі заманғы жетістіктеріне негізделуі және нақты практикалық ұсынымдарды, басқару міндеттерінің дербес шешімдерін қамтуы;

      3) алдыңғы қатарлы ақпараттық технологияларды қолдана отырып орындалуы;

      4) негізгі қорғалатын ережелер бойынша эксперименттік-зерттеу (әдістемелік, практикалық) бөлімдерінің болуы қажет.

      51. Жыл сайын оқу жылы аяқталғаннан кейін магистрант жеке жұмыс жоспарының орындалуы бойынша академиялық аттестаттаудан өтеді. Магистрантты академиялық аттестаттаудан өткізу рәсімін ЖОО дербес айқындайды.

      52. Магистранттың ғылыми-зерттеу жұмысының соңғы қорытындысы магистрлік диссертация болып табылады.

      53. Магистрлік диссертацияның негізгі нәтижелері ең кемі бір жарияланымда және (немесе) ғылыми-практикалық конференцияға қатысуында көрінуі тиіс.

      54. ЖОО магистранттың зерттеу нәтижелерін жариялауына көмек көрсетеді.

      55. Магистратураға оқуға қабылданғаннан кейін екі ай ішінде әрбір магистрантқа магистрлік диссертацияға (жобаға) жетекшілік жасау үшін ғылым кандидаттары мен докторларының немесе PhD докторларының немесе тиісті салада кемінде 5 жыл жұмыс өтілі бар білікті мамандардың қатарынан ғылыми жетекші тағайындалады. Қажет болған жағдайда ғылымның аралас салалары бойынша ғылыми консультанттар тағайындалуы мүмкін.

      56. Магистранттың ғылыми жетекшісі және зерттеу тақырыбы ғылыми кеңестің шешімімен бекітіледі.

      57. Магистрлік диссертацияның (жобаның) мазмұны мен ресімделуіне, оларды дайындау мен қорғауға қойылатын талаптарды ЖОО өзі айқындайды.

      58. Магистрлік диссертация міндетті түрде плагиатқа тексерілуден өтуі тиіс, мұндай тексерісті жүргізу қағидалары мен тәртібін ЖОО-ның өзі анықтайды.

      59. Магистрлік диссертацияны (жобаны) қорғау магистрлік диссертацияны (жобаны) дайындауды, оны ресімдеуді және қорғау рәсімін қамтиды.

      60. Магистрлік диссертацияны (жобаны) қорғау рәсімін ЖОО және ғылыми ұйым дербес айқындайды.

      61. Бейінді магистратураны бітірген магистрантқа педагогикалық бейіннің білім беру бағдарламаларын қосымша меңгергеннен кейін педагогикалық қызметке рұқсат етіледі.

      62. Қорытынды аттестаттау 12 академиялық кредитті немесе ғылыми-педагогикалық бағыттағы білім беру бағдарламасының жалпы көлемінен 10%-дан аспайтын көлемді (тиісінше 1 жыл немесе 1,5 жыл оқу мерзімімен бейінді магистратурада 20% немесе 13%) құрайды және магистрлік диссертацияны (жобаны) жазу және қорғау нысанында өткізіледі.

      63. Қорытынды аттестаттаудың мақсаты магистратураның білім беру бағдарламасын оқып аяқтағаннан кейін қол жеткізілген оқыту нәтижелері мен басты құзыреттерді бағалау болып табылады.

      64. Магистратурада білім алушылар қажет болған жағдайда оқудың қосымша түрлерін өз бетінше ақылы негізде меңгереді.

      65. Түсу емтихандарын өткізу және МВА білім беру бағдарламаларына қабылдау мерзімдерін ЖОО дербес айқындайды.

      МВА білім беру бағдарламалары бойынша оқу ақылы негізде жүзеге асырылады.

      66. МВА бітірушілерінің басты құзыреттеріне қойылатын талаптар.

      МВА бағдарламасын бітірушілердің құзыреттері мынадай білімдермен және дағдылармен айқындалады:

      1) заманауи нарықтық ортада ұйым қызметінің стратегиялық позициясымен бизнесті басқарудың мәні;

      2) ұйымдардың құрылымы, олардың мүдделі тараптармен (стейкхолдерлер) өзара іс-қимыл жүргізу тетіктері, ұзақ мерзімді перспективада сыртқы контекст жағдайында жұмыс істеу принципі;

      3) стратегиялық басқарудағы көшбасшылық тұжырымдамасы;

      4) басқарудың заманауи тәсілдері;

      5) менеджменттің аналитикалық әдістері, проблемаларды диагностикалау, талдау және шешу әдістері, сондай-ақ шешім қабылдау және оларды практикада іске асыру әдістері;

      6) бизнестің жаһандану мәні;

      7) бизнестің проблемалық аспектілерін талдау және шешімдерді түрлендіру;

      8) сыртқы ортаның ықпалын анықтау және оны басқарудың практикалық проблемаларын шешу кезінде ескеру;

      9) теория білімдеріне, заманауи зерттеулер мен практиканың талаптарына қарай менеджменттің әртүрлі функционалдық аспектілерін кіріктіру;

      10) компанияны басқару проблемаларын шешуде маркетингтік және қаржылық тәсілдерді пайдалану;

      11) бизнесті жүргізу проблемаларын қарау және оларды халықаралық ортадағы бәсекелестік позициясымен басқару.

      67. МВА білім беру бағдарламасы мыналарды қамтиды:

      1) кәсіби құзыреттерді және тұлғалық дамуды, көшбасшылық қасиеттерді қалыптастыру пәндері;

      2) өндірістік практиканы (өндірістен қол үзіп білім алушы тұлғалар үшін);

      3) магистрлік диссертацияны немесе жобаны орындау;

      4) қорытынды аттестаттау.

      68. Кәсіби құзыреттерді қалыптастыру бойынша МВА білім беру бағдарламалары міндетті және элективті компоненттер пәндерінен тұрады.

      Элективті пәндердің тізбесі белгілі бір бизнес саласы үшін МВА бағдарламасының дайындау бағытына және мамандандыруына сәйкес айқындалады.

      69. ЖОО стандарт талаптарына сәйкес оқыту нәтижелерін көрсететін жоғары оқу орнынан кейінгі білімнің беру бағдарламаларын өз бетінше әзірлейді, оның негізінде пәндер бойынша оқу жоспарлары (білім алушының оқу жұмыс жоспарлары, жеке оқу жоспарлары) және оқу жұмыс бағдарламалары (силлабустар) әзірленеді.

      ЖОО білім беру технологияларын қолдану және қажетті білім беру қызметтерін ұсыну арқылы МВА білім беру бағдарламасын іске асыру жағдайын қамтамасыз етеді.

      Жоғары оқу орнынан кейінгі білімнің білім беру бағдарламалары модульді оқыту принципі бойынша әзірленеді.

      70. Магистратурада кадрлар даярлау жоғары білімнің білім беру бағдарламаларының базасында жүзеге асырылады. Бұл ретте "кіруде" магистратураның білім беру бағдарламасының бейіні жоғары білім беру бағдарламасымен сәйкес келген жағдайда, алдыңғы деңгейдегі оқыту нәтижелері автоматты түрде танылады; магистратураның білім беру бағдарламасы бейіні жоғары білім беру бағдарламасымен сәйкес келмеген жағдайда, игеру үшін пререквизиттер белгіленеді.

      Пререквизиттер ретінде магистрант тануды ЖОО-лар Заңның 5-бабының 38-3) тармақшасына сәйкес жүзеге асыратын тиісті деңгейдің формалды емес білім берудегі оқыту нәтижелерін ұсынады.

      71. МВА білім беру бағдарламасы бойынша оқуды аяқтаған және қорытынды аттестаттаудан табысты өткен тұлғаларға "Іскерлік әкімшілендіру магистрі" дәрежесі және жоғары оқу орнынан кейінгі білім туралы диплом қосымшасымен (транскрипт) бірге тегін беріледі.

7-тарау. Магистранттың оқу жүктемесінің ең жоғары көлеміне қойылатын талаптар

      72. Оқу жүктемесі магистранттың оқу пәндерін, модулін немесе барлық білім беру бағдарламасын зерделеуі үшін талап етілетін және білім беру бағдарламасында белгіленген оқу нәтижелеріне қол жеткізуі үшін қажетті уақытпен өлшенеді.

      73. Оқу жүктемесі магистранттың барлық оқу қызметін қамтиды – дәрістер, семинарлар, топтық сабақ, топтық жаттығулар, практикалық сабақтар, курстық жұмыстар (жобалар), практикалық және зертханалық жұмыстар, студиялық сабақтар, практика, ғылыми немесе кәсіптік тағылымдама, ғылыми-зерттеу жұмысы (эксперименттік-зерттеу жұмысы), магистрлік диссертацияны (жобаны), өзіндік жұмысты, оның ішінде оқытушының жеткшілігімен орындау.

      74. Магистрант ғылыми жетекшінің басшылығымен жасалатын жеке жұмыс жоспары негізінде оқиды.

      75. Магистранттың жеке жұмыс жоспары оқудың толық кезеңіне жасалады және мынадай бөлімдерден тұрады:

      1) ЖОЖ (қажет болған жағдайда жыл сайын нақтыланады);

      2) ғылыми-зерттеу (эксперименттік-зерттеу) жұмысы (тақырыбы, зерттеу бағыты, мерзімі және есеп беру нысаны);

      3) практика (бағдарламасы, базасы, мерзімі және есеп беру нысаны);

      4) негіздемесі мен құрылымы көрсетілген магистрлік диссертацияның (магистрлік жобаның) тақырыбы;

      5) магистрлік диссертацияны (магистрлік жобаны) орындау жоспары;

      6) ғылыми жарияланымдар мен тағылымдамалардан өту жоспары.

      76. Магистранттың оқу жүктемесін анықтауда оқу жылы нысанын ЖОО немесе ғылыми ұйым дербес айқындайтын академиялық кезеңдерден (семестр – 15 апта, триместр – 10 апта, тоқсандық – 7-8 апта), қорытынды аттестаттау кезеңінен (бітіру курсында) тұрады.

      77. Бір оқу жылының толық оқу жүктемесі кемінде 60 академиялық кредитке және бір оқу жылында кемінде 1800 академиялық сағатқа сәйкес келеді. Бұл ретте білім алушы бір семестр ішінде кемінде 30 академиялық кредитті меңгереді.

      78. Бір академиялық кредит 30 академиялық сағатқа сәйкес келеді.

      79. 50 және 51-тармақтарда көрсетілген оқу жүктемесі типтік оқу жүктемесі болып табылады. Магистранттарға семестрде аз немесе көп академиялық кредит санын игеруге жол беріледі. Магистранттардың жекелеген санаттары үшін оқыту нысаны мен технологияларына қарай оқыту нәтижелеріне қол жеткізудің нақты уақыты ерекшеленеді және ЖОО өз бетінше есептейді.

      Пәнді бірнеше академиялық кезең ішінде игеруге рұқсат етіледі.

      80. Магистратура бағдарламалары бойынша оқудың аяқталуының негізгі өлшемшарты білім алушылардың:

      1) ғылыми-педагогикалық магистратурада магистранттың оқу және ғылыми қызметінің барлық түрін қоса алғанда, оқудың барлық кезеңінде кемінде 120 академиялық кредитті;

      2) бейінді магистратурада 1 жыл оқу мерзімімен 60 академиялық кредитті және 1,5 жыл оқу мерзімімен 90 академиялық кредитті игеруі болып табылады.

8-тарау. Магистранттардың даярлық деңгейіне қойылатын талаптар

      81. Магистрантты даярлау деңгейіне қойылатын талаптар жоғары білім берудің екінші деңгейдегі (магистратура) Дублин дескрипторлары негізінде айқындалады және қол жеткізілген оқыту нәтижелеріндегі меңгерілген құзыреттерді көрсетеді.

      Оқыту нәтижелері барлық магистратураның білім беру бағдарламасының деңгейіндегі сияқты жекелеген модульдер немесе оқу пәндері деңгейінде де тұжырымдалады.

      82. Дескрипторлар білім алушының:

      1) зерттеу контексінде идеяларды әзірлеу және (немесе) қолдану кезінде оқытылып отырған саланың озық білімдеріне негізделген осы саладағы дамытылатын білімдер мен түсініктерді көрсете білу;

      2) жаңа ортада, барынша кең пәнаралық контексте проблемаларды шешу үшін өз білімін, түсінігі мен қабілетін кәсіби деңгейде пайдалана білу;

      3) әлеуметтік, этикалық және ғылыми ойларды ескере отырып, пікір қалыптастыру үшін ақпарат жинауды және түсінік беруді жүзеге асыру;

      4) мамандарға, сондай-ақ маман еместерге ақпараттты, идеяны, қорытындыларды, проблемаларды және шешімдерді нақты және тиянақты түрде хабарлау;

      5) зерделеніп отырған салада одан әрі оқуды өз бетінше жалғастыру үшін қажетті оқу дағдыларының болу қабілетін сипаттайтын оқыту нәтижелерін көрсетеді.

      83. Магистранттардың дайындық деңгейіне қойылатын талаптар білім алушылардың қабілетін сипаттайтын Оқыту нәтижелері негізінде анықталады:

      1) денсаулық сақтау саласындағы зерттеулердің пәнаралық сипатындағы білімі мен түсінігін көрсетеді

      2) денсаулық сақтау саласындағы зерттеу, кәсіби және педагогикалық қызметте қолданбалы сипаттағы жаңа білім мен дағдыларды алуға қабілетті.

      3) денсаулық сақтау саласындағы мәселелерді өз біліктілігі шеңберінде ғылыми тәсілдер негізінде шеше алады.

      4) денсаулық сақтау саласын дамыту және өз біліктілігі шеңберінде жаңа тәсілдерді енгізу үшін ғылыми ақпаратты пайдаланады

      5) денсаулық сақтау саласындағы біліктілігі саласындағы мамандарға да, мамандарға да, маман емес мамандарға да ақпаратты, идеяларды, қорытындыларды, проблемалар мен шешімдерді нақты және мағынасыз түрде хабарлайды.

      6) ғылым мен практиканың қазіргі заманғы жетістіктерін негізге ала отырып, өз саласындағы Денсаулық сақтау саласындағы біліктілік қызметін жоспарлайды

      7) кәсіби өсумен айналысады, өзін-өзі талдау дағдыларын, жоғары білім деңгейінде оқыту тәжірибесін көрсетеді

      84. Магистратураның білім беру бағдарламасы бойынша оқуды аяқтаған және қорытынды аттестаттаудан табысты өткен тұлғаларға "білім беру бағдарламасының коды мен атауы" білім беру бағдарламасы бойынша "медицина ғылымдарының магистрі/Денсаулық сақтау магистрі" дәрежесі беріледі және қосымшасымен жоғары оқу орнынан кейінгі білім туралы диплом (транскрипт) тегін беріледі.

      85. ЖОО немесе ғылыми ұйым бітірушіге дипломға жалпыеуропалық қосымшаны (Diploma Supplement (диплома саплемент)) тегін береді.

9-тарау. Магистратура оқу мерзіміне қойылатын талаптар

      86. Магистратурада оқу мерзімі меңгерілген академиялық кредиттердің көлемімен айқындалады. Магистр дәрежесін алу үшін академиялық кредиттердің белгілеген көлемі меңгеріліп, күтілген оқыту нәтижелеріне қол жеткізілген жағдайда, білім беру бағдарламасы толық игерілген болып есептеледі.

      87. Кадрларды магистратурада даярлау жоғары білімнің білім беру бағдарламалары базасында:

      1) кемінде екі жылдық оқыту мерзімімен ғылыми-педагогтік;

      2) кемінде бір жылдық оқыту мерзімімен бейіндік болып екі бағытта жүзеге асырылады.

      88. МВА білім беру бағдарламалары бойынша оқудың типтік мерзімі 2 жылды.

      89. Магистратура білім беру бағадламаларын игеруге қызығушылық танытқан тұлғаларға алдыңғы білім деңгейіне қойылатын талаптар осы стандартқа 1-қосымшада көрсетілген.

10-тарау. Оқыту нәтижелеріне бағдарлана отырып докторантураның білім беру бағдарламаларының мазмұнына қойылатын талаптар

      90. Білім беру компоненті докторантураның білім беру бағдарламасының жалпы көлемінің 30%-ын немесе 53 академиялық кредитті құрайды және жоғары оқу орны компонентін (бұдан әрі – ЖК) және таңдау компонентін (бұдан әрі – ТК), практиканы қамтитын базалық пәндер (бұдан әрі – БП) және бейіндеуші пәндер циклінен тұрады. Бұл ретте, БП және бейіндеуші пәндер көлемінің қатынасын ЖОО дербес анықтайды.

      "Мейіргер ғылымы" докторантурасының білім беру бағдарламасының жоғары оқу орны компоненті мейіргер ғылымының теориясы және мейіргер ісіндегі зерттеу пәндерін қамтиды. Бейіндік пәндер мейіргерлік білім беруде зерттеу мен зерттеудің озық сандық және сапалық әдістерін және мейіргер ісінің менеджментін қамтиды.

      91. ТК пәндерінің тізбесін ЖОО өзі анықтайды. Бұл ретте еңбек нарығының қажеттілігі, жұмыс берушілердің үміттері, докторанттардың қажеттіліктері мен мүдделері ескеріледі.

      Пәндер мен модульдер бағдарламалары, әдетте, білімнің бірқатар бағыттарының түйісуінде кадрлар даярлауды қамтамасыз ететін пәнаралық және көп салалы сипатқа ие.

      92. PhD докторантурада кадрлар даярлау магистратураның, резидентураның білім беру бағдарламалары негізінде жүзеге асырылады. Бұл ретте докторантураның білім беру бағдарламасының бейіні магистратура бағдарламасымен сәйкес келген жағдайда, "кіру" білім беру бағдарламасының алдыңғы білім беру деңгейінің оқу нәтижелері автоматты түрде танылады; докторантураның білім беру бағдарламасының бейіні магистратура бағдарламасымен сәйкес келмеген жағдайда докторантураға меңгеру үшін пререквизиттер белгіленеді.

      93. Қажетті пререквизиттер тізбесі мен оларды игеру мерзімдерін ЖОО-лар дербес анықтайды. Пререквизиттер ақылы негізде игеріледі.

      Пререквизиттер ретінде докторант тануды ЖОО Заңның 5-бабының 38-3) тармақшасына сәйкес жүзеге асыратын тиісті деңгейдің формалды емес білім берудегі оқыту нәтижелерін ұсына алады.

      94. Бейіндік бағыттығы магистр PhD докторантураға түскен кезде оған қосымша пререквизиттер ретінде ғылыми-педагогикалық магистратураның педагогикалық бейіндегі жоғары оқу орнынан кейінгі білім беру бағдарламасы белгіленеді.

      95. Философия докторын (PhD) даярлаудың білім беру бағдарламасы ғылыми-педагогикалық бағытқа ие және жоғары және жоғары оқу орнынан кейінгі білім беру жүйесі және ғылыми сала үшін ғылымның денсаулық сақтау бағыты бойынша іргелі білім беру, әдіснамалық және зерттеу дайындығын және пәнді терең зерделеуді болжайды.

      96. Докторантураның кәсіптік даярлау бойынша білім беру бағдарламалары PhD докторанттар немесе бейіні бойынша докторлар даярлауға арналған аккредиттелген бағдарламаларды іске асыратын шетелдік жоғары оқу орындары мен ғылыми орталықтар тәжірибесін зерделеу негізінде әзірленеді.

      Бейін бойынша докторды даярлаудың білім беру бағдарламасы іргелі білім беру, әдіснамалық және зерттеу дайындығын және ұлттық экономика, медицина салалары үшін денсаулық сақтау бағыты бойынша пәндерді тереңдетіп оқытуды көздейді.

      97. Практика ғылыми, ғылыми-педагогикалық және кәсіптік қызметтің практикалық дағдыларын қалыптастыру мақсатында жүргізіледі.

      Философия докторы бағдарламасы бойынша білім алушылар үшін докторантураның білім беру бағдарламасы педагогикалық және зерттеу практикасын қамтиды.

      Педагогикалық практика кезеңінде докторанттар қажет болған жағдайда бакалавриатта, магистратурада және резидентурада сабақ өткізуге тартылады.

      Докторанттың зерттеу практикасы отандық және шетелдік ғылымның жаңа теориялық, әдістемелік және технологиялық жетістіктерін зерделеу, сондай-ақ ғылыми зерттеулердің заманауи әдістерін қолдану, диссертациялық зерттеулерде эксперименттік деректерді түсіндіру бойынша практикалық дағдыларды бекіту мақсатында өткізіледі.

      Докторанттың өндірістік практикасы оқыту және кәсіби деңгейін арттыру барысында алған теориялық білімді бекіту мақсатында өткізіледі.

      Зерттеу және өндірістік практикалардың мазмұны докторлық диссертациялар тақырыбымен анықталады.

      98. Докторантураның білім беру бағдарламасының ғылыми компоненті докторанттың ғылыми зерттеу (бұдан әрі – ДҒЗЖ) немесе эксперименттік-зерттеу жұмыстарынан (бұдан әрі – ДЭЗЖ), ғылыми жарияланымдарынан, докторлық диссертацияларды жазу мен қорғаудан құрылады.

      Ғылыми компоненттің көлемі докторантураның білім беру бағдарламасының жалпы көлемінен 64%-ды немесе 115 академиялық кредитті құрайды.

      99. ДҒЗЖ (ДЭЗЖ) шеңберінде докторанттың жеке жоспарында инновациялық технологиялармен және жаңа өндіріс түрлерімен танысу үшін ғылыми ұйымдарда және (немесе) тиісті салалардағы немесе қызмет салаларында, оның ішінде шетелде міндетті ғылыми тағылымдамадан өту көзделеді.

      Шетелдік тағылымдамадан өту шарттарын ЖОО дербес анықтайды.

      100. Философия докторы (PhD) бағдарламасы бойынша білім алушының ДҒЗЖ қойылатын талаптар:

      1) докторлық диссертация қорғалатын докторантураның білім беру бағдарламасының негізгі мәселелеріне сәйкес келеді;

      2) өзектілігі, ғылыми жаңалығы және практикалық маңыздылығы;

      3) ғылым мен практиканың қазіргі заманғы теориялық, әдістемелік және технологиялық жетістіктеріне негізделеді;

      4) компьютерлік технологияны пайдалана отырып, деректерді өңдеудің және интерпретациялаудың қазіргі заманғы әдістеріне негізделеді;

      5) ғылыми зерттеулердің қазіргі заманғы әдістерін қолдана отырып жүргізіледі;

      6) негізгі қорғалатын ережелер бойынша ғылыми-зерттеу (әдістемелік, практикалық) бөлімдерді қамтиды.

      Бейіні бойынша доктор бағдарламасы бойынша білім алушының ДЭЗЖ қойылатын талаптар:

      1) докторлық диссертация қорғалатын білім беру бағдарламасының негізгі мәселелеріне сәйкес келеді;

      2) өзектілігі, ғылыми жаңалығы және практикалық маңыздылығы;

      3) ғылымның, технологияның және өндірістің қазіргі заманғы жетістіктеріне негізделіп, интеграцияланған, функционалдық сипаттағы басқару мәселелеріне арналған нақты практикалық ұсыныстарды, тәуелсіз шешімдерді қамтиды;

      4) озық ақпараттық технологияларды қолдану арқылы жүзеге асырылады;

      5) негізгі қорғалатын ережелер бойынша эксперименттік-зерттеу (әдістемелік, практикалық) бөлімдерден тұрады.

      101. Оқу жылы аяқталғаннан кейін жыл сайын докторант жеке жұмыс жоспарын орындау бойынша академиялық аттестаттаудан өтеді. Докторантураның академиялық аттестациясын өткізу тәртібін ЖОО дербес анықтайды.

      102. Докторлық диссертация ДҒЗЖ кезеңінде жүргізіледі.

      ДҒЗЖ қорытынды нәтижесі докторлық диссертация болып табылады.

      103. Докторантураға оқуға түскеннен кейін екі ай ішінде докторлық диссертацияны жүргізу үшін докторантка ғылыми жетекші тағайындалады.

      Ғылыми кеңестің шешімі негізінде ЖОО ректорының бұйрығымен ғылыми жетекші бекітіледі.

      104. Философия докторы (PhD) дәрежесіне ізденуші докторанттарға ғылыми жетекшілік етуді ғылым докторлары немесе кандидаттары қатарынан тағайындалатын, кемінде 2 адамнан тұратын консультанттар "Медицина" немесе "Мейіргер ғылымы (Мейіргер ісі)" бейіні бойынша жүзеге асырады, олардың бірі шетелдік ЖОО ғалымы болады

      Бейіні бойынша доктор немесе DBA дәрежесіне ізденуші докторанттарға ғылыми жетекшілік етуді ғылым докторлары немесе кандидаттары немесе философия докторлары (PhD) қатарынан тағайындалатын, кем дегенде 2 адамнан тұратын консультанттар жүзеге асырады, олардың біреуі денсаулық сақтау қызмет саласының жоғары білікті маманы болады.

      Ғылыми консультанттар докторанттардың оқу тәртібін сақтауына, докторанттың жеке жұмыс жоспарын орындауына және диссертациялық жұмыстың уақытылы ұсынылуына жауап береді.

      105. Докторлық диссертацияның тақырыбы бірінші семестрде анықталып, ғылыми кеңестің шешімімен бекітіледі.

      106. Диссертациялық зерттеудің мазмұны ұлттық басымдықтарды, мемлекеттік бағдарламаларды, іргелі немесе қолданбалы зерттеулер бағдарламасын іске асыруға бағытталған.

      107. Докторанттың ғылыми зерттеуінің негізгі нәтижелері ғылыми-талдамалық және ғылыми-практикалық басылымдарда Қазақстан Республикасы Білім және ғылым министрінің 2011 жылғы 31 наурыздағы № 127 бұйрығымен (Нормативтік құқықтық актілердің тізілімінде № 6951 тіркелген) бекітілген Ғылыми дәрежелер мен ғылыми атақтарды беру қағидаларына сәйкес жарияланады.

      108. Докторантураның білім беру бағдарламалары модульдік оқыту принципі бойынша құрылымдалады.

      109. Қорытынды аттестаттау 12 академиялық кредитті немесе докторантураның білім беру бағдарламасының жалпы көлемінен 6%-ды құрайды және докторлық диссертацияны (жобаны) жазу мен қорғау түрінде өтеді.

      Докторанттың қорытынды аттестациясы докторлық диссертацияны жазу мен қорғау түрінде өтеді.

      Докторлық диссертация Мемлекеттік ғылыми-техникалық ақпараттың ұлттық орталығы жүзеге асыратын, авторға және дереккөзге сілтемесіз бөтен материалдың пайдаланылуына тексеруден (диссертацияны плагиатқа тексеру) өтуі тиіс.

      110. Қорытынды аттестаттаудың мақсаты докторанттың ғылыми-теориялық және зерттеу-аналитикалық деңгейін, қалыптасқан кәсіби және басқару құзыреттерін, кәсіби міндеттерді өз бетінше орындауға және кәсіби стандарттар мен білім беру бағдарламалар талаптарына сай дайындығын бағалау болып табылады.

      111. Бейіндік докторантураға қабылдау емтихандарына өткізу мерзімін және білім беру бағдарламаларына қабылдауды ЖОО дербес белгілейді.

      112. Бейіндік докторантураның білім беру бағдарламалары бойынша оқыту ақылы негізде жүзеге асырылады.

11-тарау. Докторанттың оқу жүктемесінің ең жоғары көлеміне қойылатын талаптар

      113. Оқу жүктемесі докторантқа оқу пәнін, модульді, барлық білім беру бағдарламасын зерттеуге және білім беру бағдарламасының белгіленген оқу нәтижелеріне жету үшін қажетті уақытпен өлшенеді.

      114. Оқу жүктемесіне докторанттың барлық оқу қызметі: дәрістер, семинарлар, топтық сабақтар, топтық жаттығулар, практикалық және зертханалық жұмыстар, студиялық сабақтар, өндіріс орнындағы практика, ғылыми немесе кәсіби тағылымдама, ғылыми-зерттеу жұмысы (тәжірибелік-зерттеу жұмысы), докторлық диссертацияны (жобаны) жазу мен қорғау, өзіндік жұмыс, оның ішінде оқытушының жетекшілігімен жұмыс кіреді.

      115. Докторант ғылыми консультанттардың жетекшілігімен жасалатын жеке жұмыс жоспары негізінде оқиды.

      116. Докторанттың жеке жұмыс жоспары барлық оқу кезеңіне жасалады және мынадай бөлімдерден тұрады:

      1) жеке оқу жоспары (қажет болған жағдайға жыл сайын нақтылануы мүмкін);

      2) ғылыми-зерттеу, эксперименттік-зерттеу жұмысы (зерттеу тақырыбы, бағыты, мерзімі мен есеп беру нысаны);

      3) практика (бағдарламасы, бағасы, мерзімі және есеп беру түрі);

      4) негіздемесі мен құрылымы көрсетілген докторлық диссертацияның тақырыбы;

      5) докторлық диссертацияны орындау жоспары;

      6) ғылыми басылымдар мен тағылымдамадан өту, оның ішінде шетелдік тағылымдамадан өту жоспары.

      117. Докторанттың оқу жүктемесін анықтау кезінде оқу жылы нысанын ЖОО немесе ғылыми ұйым анықтайтын академиялық кезеңдерден (семестр – 15 апта, триместр – 10 апта, тоқсан – 7-8 апта), қорытынды аттестаттау кезеңінен (бітіруші курста) тұратындығы ескеріледі.

      118. Бір оқу жылының толық оқу жүктемесі 60 кредитке тең және бір оқу жылында 1800 академиялық сағатта сәйкес келеді. Бұл ретте бір семестр ішінде докторант 30 академиялық кредитті меңгереді.

      119. Бір академиялық кредит 30 академиялық сағатқа сәйкес келеді.

      120. Осы стандарттың 89 және 90-тармақтарында көрсетілген оқу жүктемесі типтік оқу жүктемесін көрсетеді. Докторанттың семестрде академиялық кредитті аз немесе көп мөлшерде орындауына жол беріледі. Оқу түрі мен технологиясына қарай, жеке санаттағы докторанттарға оқу нәтижелеріне қол жеткізу үшін берілетін нақты уақыт өзгеше болуы және ЖОО тарапынан есептелуі мүмкін.

      Пәнді бірнеше академиялық кезең ішінде игеруге рұқсат етіледі.

      121. Философия докторларын (PhD) (бейіні бойынша докторлар даярлау бойынша білім беру процесінің аяқталғандығының негізгі өлшемшарты докторанттың оқу және ғылыми қызметтің барлық түрлерін қоса алғанда, кемінде 180 академиялық кредитті игеруі болып табылады.

      Докторантураның білім беру бағдарламасын мерзімінен бұрын меңгерген және диссертациясын нәтижелі қорғаған докторантқа оқу мерзіміне қарамастан философия докторы (PhD) (бейіні бойынша доктор) дәрежесі беріледі.

12-тарау. Докторанттың даярлық деңгейіне қойылатын талаптар

      122. Докторанттың даярлық деңгейіне қойылатын талаптар жоғары білім берудің үшінші дәрежелі Дублин дескрипторлары (докторантура) негізінде анықталады және оқыту нәтижелері арқылы меңгерген құзыреттіліктерін көрсетеді.

      Кәсіби құзыреттілік салалары жұмыс берушілер мен әлеуметтік сұраныстар қоғамының талаптарын ескере отырып, докторантура үшін әзірленген және мейіргер ғылымы, мейіргер ісіндегі зерттеу, мейіргер білімі және мейіргер ісіндегі басқару болып табылады. Мейіргерлік ғылым бойынша докторлық білім беру бағдарламасының нәтижелері оқыту нәтижелерінде көрсетілген құзыреттілік моделіне сәйкес болуы тиіс.

      Оқыту нәтижелері барлық білім беру бағдарламасы деңгейінде де, сондай-ақ жеке модульдер немесе оқу пәндері деңгейінде де қалыптасады.

      123. Еуропалық жоғары білім беру кеңістігі Біліктіліктің кешенді негіздері шеңберіндегі үшінші деңгейлі дескрипторлар білім алушының мынадай қабілеттерін көрсететін оқыту нәтижелерін айқындайды:

      1) денсаулық сақтау саласының өз біліктілігі саласында жүйелі түсінігін көрсетеді, осы салада пайдаланылатын зерттеу дағдылары мен әдістерін меңгерген;

      2) денсаулық сақтаудың ең алдыңғы шебінде тұрған жаңа күрделі идеяларды сыни талдау, бағалау және синтездеу үшін арнайы білімді пайдаланады;

      3) тәуелсіз зерттеулер жүргізуге және ғылыми нәтижеге жұмыс істеуге қабілетті, денсаулық сақтау саласында жаңа технологиялардың пайда болуына әкелетін жаңа идеялар мен жобаларды әзірлеуге тұрақты қызығушылық танытады;

      4) кәсіби пікірталастарға ауызша немесе жазбаша түрде қатысады, халықаралық академиялық басылымдарда зерттеу нәтижелерін жариялайды;

      5) идеяларды генерациялайды, инновациялық қызметтің нәтижелерін болжайды, білімге негізделген қоғамның технологиялық, әлеуметтік немесе мәдени дамуының академиялық және кәсіби контекстінде ілгерілетуге жәрдемдеседі;

      6) көптеген өзара байланысты факторлармен байланысты проблемаларды шешуді талап ететін жаңа контекстердегі Еңбек және оқу қызметіндегі көшбасшылық қасиеттерді, инновациялықты және дербестікті көрсетеді;

      7) өз құзыреті саласындағы тақырып бойынша мәртебесі бойынша тең, кең ғылыми қоғамдастықпен және қоғаммен қарым-қатынас жасай алады;

      8) өзін-өзі талдау дағдыларын, өмір бойы оқуға ұмтылысын және жоғары және жоғары оқу орнынан кейінгі білім беру деңгейінде оқыту тәжірибесін көрсетеді.

      124. Докторантураның білім беру бағдарламасын меңгерген және сараптама нәтижелері бойынша ерекше мәртебесі бар жоғары оқу орындарының диссертациялық кеңестерінің немесе Қазақстан Республикасы Білім және ғылым министрлігі Білім және ғылым саласындағы бақылау комитетінің оң шешімімен докторлық диссертациясын қорғаған тұлғаларға философия докторы (PhD) немесе бейіні бойынша доктор дәрежесі және мемлекеттік үлгідегі диплом қосымшасымен (транскриптпен) бірге берілді.

      125. PhD докторы дәрежесін алған тұлға ғылыми білімін тереңдету, мамандандырылған тақырып бойынша ғылыми және қолданбалы мәселелерді шешу үшін жоғары оқу орны таңдаған жетекші ғалымның басшылығымен постдокторлық бағдарламаны орындайды немесе ғылыми зерттеулер жүргізеді.

      Бейінді докторантураның түлегі педагогикалық бейін пәндерінің циклін меңгерген және педагогикалық практикадан өткен жағдайда ғана ғылыми және педагогикалық қызметпен айналысады. Бұл цикл қосымша академиялық кезеңде игеріледі (егер докторантураның білім беру бағдарламасында қарастырылмаса), оны аяқтағаннан кейін негізгі дипломға тиісті сертификат беріледі.

      126. Докторантураның білім беру бағдарламасының теориялық оқу курсын толық меңгерген, бірақ ғылыми компонентін орындамаған докторантқа ғылыми компоненттің академиялық кредиттерін қайтадан меңгеруге және келесі жылдары диссертацияны ақылы негізде қорғауға мүмкіндік беріледі. Докторантураның білім беру бағдарламасының теориялық оқу курсын толық меңгерген, ғылыми компонентін орындаған, бірақ докторлық диссертация (жоба) қорғамаған докторантқа оқу нәтижелері және академиялық кредиттер беріледі және диссертациясын келесі жылдары 4 академиялық кредит көлемінде ақылы негізде қорғауға мүмкіндік беріледі.

13-тарау. Докторантураның оқу мерзіміне қойылатын талаптар

      127. Докторантурада оқу мерзімі меңгерілген академиялық кредиттердің көлемімен айқындалады. Философия докторы (PhD) дәрежесін алу үшін академиялық кредиттердің белгілеген көлемі меңгеріліп, күтілетін оқыту нәтижелеріне қол жеткізілген жағдайда білім беру бағдарламасы толық меңгерілген болып есептеледі.

      128. Докторантурада кадрлар даярлау магистратураның, резидентураның білім беру бағдарламалары базасында ғылыми-педагогтік бағытта кемінде үш жылдық оқыту мерзімін құрайды.

      129. Докторантураның білім беру бағадламаларын игеруге қызығушылық танытқан тұлғаларға алдыңғы білім деңгейіне қойылатын талаптар осы стандартқа 2-қосымшада көрсетілген.

Магистратура білім беру бағдарламаларын игеруге қызығушылық танытқан тұлғалардың алдыңғы білім деңгейіне қойылатын талаптар

Докторантура білім беру бағдарламаларын игеруге қызығушылық танытқан тұлғалардың алдыңғы білім деңгейіне қойылатын талаптар

Медициналық және фармацевтикалық мамандықтар бойынша техникалық және кәсіптік білім берудің үлгілік кәсіптік оқу бағдарламасы

1-тарау. Білім беру бағдарламасының паспорты

      1. Медициналық және фармацевтикалық мамандықтар бойынша техникалық және кәсіптік білім берудің (бұдан әрі – ТжКБ) үлгілік кәсіптік оқу бағдарламасы (бұдан әрі – Бағдарлама) "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 175-бабының 3-тармағына, "Білім туралы" Қазақстан Республикасы 2007 жылғы 27 шілдедегі Заңының 14-бабының 8-тармағына сәйкес әзірленді.

      2. ТжКБ ұйымдарында мамандарды даярлау медициналық индустрияны білікті кадрлармен қамтамасыз ету мақсатында жүзеге асырылады.

      3. Білім беру бағдарламасында:

      1) теориялық және тәжірибелік сабақтар, оның ішінде міндетті пәндер мен пәндерді зерттеу, білім беру ұйымымен, қосымша сабақ және кеңес;

      2) кәсіптік оқыту және кәсіптік практика;

      3) аралық және қорытынды аттестация.

      Білікті жұмысшы кадрлар мен орта буын маманы деңгейлері үшін оқытудың кредиттік технологиясы кезіндегі техникалық және кәсіптік білім берудің оқу жоспарының моделі осы Бағдарламаға 1-қосымшаға сәйкес айқындалады.

      Білім беру қызметін жоспарлау және ұйымдастыру осы бағдарламаға 2-17 қосымшаларға сәйкес тиісті мамандық бойынша үлгілік оқу жоспарлары негізінде жүзеге асырылады.

      Циклдер мен пәндерді оқу тәртібін ТжКБ ұйымы дербес анықтайды.

      4. Білім алушылардың оқу жетістіктерін бағалау тиісті мамандық бойынша үлгілік оқу жоспарымен айқындалатын бақылаудың және аттестаттаудың әртүрлі нысандарымен жүзеге асырылады.

      5. Білім алушыларды аралық аттестаттау педагогикалық кеңестің шешімі негізінде ұйым басшысы бекіткен жұмыс оқу жоспары мен академиялық күнтізбеге сәйкес жүзеге асырылады.

      6. Оқу жылы аяқталғаннан кейін аралық аттестаттау қорытындысы негізінде ұйым басшысының бұйрығымен білім алушыларды келесі курсқа ауыстыру жүзеге асырылады.

      7. Білім алушыларды қорытынды аттестаттау білім беру ұйымының педагогикалық (әдістемелік) кеңесі бекіткен нысанда жұмыс оқу жоспарында және академиялық күнтізбеде көзделген мерзімде өткізіледі.

      Қорытынды аттестаттауға үлгілік оқу жоспарының талаптарына сәйкес білім беру бағдарламасын игеруді аяқтаған білім алушылар жіберіледі.

      8. Оқытудың кредиттік технологиясы кезінде білім алушылардың дайындық деңгейі базалық және кәсіптік құзыреттілікті қалыптастыру үшін базалық және кәсіптік модульдерді меңгеруді көздейді.

      Базалық құзыреттер мамандықтар үшін әзірленеді және әлеуметтік жауапкершілік, жұмысты ұйымдастыру, жұмыс орнындағы басқа адамдармен өзара қарым-қатынас, сондай-ақ қоршаған ортаға жауапкершілік мәселелерін қозғайды.

      Кәсіби құзыреттер жұмыс берушілердің талаптары мен қоғамның әлеуметтік сұраныстарын ескере отырып, әрбір біліктілік бойынша кәсіби стандарттар (олар болған жағдайда) және (немесе) еңбек нарығын функционалдық талдау негізінде әзірленеді.

      0301000 – "Емдеу ісі", 0302000 – "Мейіргер ісі", 0303000 – "Гигиена және эпидемиология", 0304000 – "Стоматология", 0305000 – "Зертханалық диагностика", 0306000 – "Фармация", 0307000 – "Ортопедиялық стоматология", 0308000 – "Медициналық оптика" мамандықтары бойынша ТжКБ бағдарламаларын бітірушінің құзыреті осы Бағдарламаға 18-30-қосымшаларда келтірілген.

Білікті жұмысшы кадрлар мен орта буын маманы деңгейлері үшін оқытудың кредиттік технологиясы кезіндегі техникалық және кәсіптік білім берудің оқу жоспарының моделі

      Ескертулер:

      * ұқсас мамандық бойынша;

      ** ТжКБ ұйымының қалауы бойынша модульдерге интеграцияланады;

      *** ТжКБ ұйымының қалауы бойынша кәсіптік модульдерге интеграцияланады;

      **** Білім алушының өзіндік жұмысы (СӨЖ) – оқытушының әдістемелік басшылығында тапсырма бойынша орындалатын, бірақ оның тікелей қатысуынсыз оқушылардың жоспарланған жұмысы.

0301000 – "Емдеу ісі" мамандығы бойынша үлгілік оқу жоспары

      Біліктілігі: 030101 3 – "Фельдшер"

      Оқу түрі: күндізгі

      Оқытудың нормативтік мерзімі: негізгі орта білім беру базасында 3 жыл 10 ай;

      жалпы орта білім беру базасында 2 жыл 10 ай

0301000 – "Емдеу ісі" мамандығы бойынша үлгілік оқу жоспары"

      Біліктілігі: 030102 3 – "Акушер"

      Оқу түрі: күндізгі

      Оқытудың нормативтік мерзімі: жалпы орта білім беру базасында 2 жыл 10 ай

0302000 – "Мейіргер ісі" мамандығы бойынша үлгілік оқу жоспары

      Біліктілігі: 030202 2 – "Күтім бойынша кіші мейіргер"

      Оқу түрі: күндізгі

      Оқытудың нормативтік мерзімі: негізгі орта білім беру базасында 1 жыл 10 ай,

      жалпы орта білім беру базасында 10 ай

0302000 – "Мейіргер ісі" мамандығы бойынша үлгілік оқу жоспары

      Біліктілігі: 030203 2 –көзі көрмейтін мүгедектерге арналған "Массажист"

      Оқу түрі: күндізгі

      Оқытудың нормативтік мерзімі: жалпы орта білім беру базасында 1 жыл 10 ай

0302000 – "Мейіргер ісі" мамандығы бойынша үлгілік оқу жоспары

      Біліктілігі: 030204 3 – "Жалпы практикадағы мейіргері"

      Оқу түрі: күндізгі

      Оқытудың нормативтік мерзімі: негізгі орта білім беру базасында 3 жыл 10 ай,

      жалпы орта білім беру базасында 2 жыл 10 ай

0302000 – "Мейіргер ісі" мамандығы бойынша үлгілік оқу жоспары"

      Біліктілігі: 030201 1 – "Күтім көрсететін медициналық-санитариялық және әлеуметтік қызметкер"

      Оқу түрі: күндізгі

      Оқытудың нормативтік мерзімі: жалпы орта білім беру базасында 10 ай

0303000 – "Гигиена және эпидемиология" мамандығы бойынша үлгілік оқу жоспары

      Біліктілігі: - 030301 3 "Гигиенист-эпидемиолог"

      Оқу түрі: күндізгі

      Оқытудың нормативтік мерзімі: жалпы орта білім беру базасында 2 жыл 10 ай

0304000 – "Стоматология" мамандығы бойынша үлгілік оқу жоспары

      Біліктілігі: 030401 3 – "Тіс дәрігері көмекшісі"

      Оқу түрі: күндізгі

      Оқытудың нормативтік мерзімі: негізгі орта білім беру базасында 2 жыл 10 ай;

      жалпы орта білім беру базасында 1 жыл 10 ай