"Халық денсаулығы және денсаулық сақтау жүйесі туралы" Қазақстан Республикасының Кодексі 221-бабының 2-тармағына және "Білім туралы" Қазақстан Республикасы Заңының 56-бабына сәйкес БҰЙЫРАМЫН:

      1. Мыналар:

      1) осы бұйрыққа 1-қосымшаға сәйкес техникалық және кәсіптік білім берудің мемлекеттік жалпыға міндетті стандарты;

      2) осы бұйрыққа 2-қосымшаға сәйкес орта білімнен кейінгі білім берудің мемлекеттік жалпыға міндетті стандарты;

      3) осы бұйрыққа 3-қосымшаға сәйкес жоғары білім берудің мемлекеттік жалпыға міндетті стандарты;

      4) осы бұйрыққа 4-қосымшаға сәйкес жоғары оқу орнынан кейінгі білім берудің мемлекеттік жалпыға міндетті стандарты бекітілсін.

      2. Осы бұйрыққа 5-қосымшаға сәйкес тізбе бойынша денсаулық сақтау саласындағы кейбір бұйрықтарының күші жойылды деп танылсын.

      3. Қазақстан Республикасы Денсаулық сақтау министрлігінің Ғылым және адами ресурстар департаменті Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты Қазақстан Республикасы Денсаулық сақтау министрлігінің интернет-ресурсында орналастыруды;

      3) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.

      5. Осы бұйрық алғашқы ресми жарияланған күнінен бастап қолданысқа енгізіледі.

      "КЕЛІСІЛДІ"

      Қазақстан Республикасы

      Оқу-ағарту министрлігі

      "КЕЛІСІЛДІ"

      Қазақстан Республикасы

      Ғылым және жоғары

      білім министрлігі

Техникалық және кәсіптік білім берудің мемлекеттік жалпыға міндетті стандарты

1-тарау. Жалпы ережелер

      1. Осы техникалық және кәсіптік білім берудің мемлекеттік жалпыға бірдей міндетті стандарты (бұдан әрі – стандарт) "Халық денсаулығы және денсаулық сақтау жүйесі туралы" Қазақстан Республикасының 2020 жылғы 7 шілдедегі Кодексінің 221-бабының 2-тармағына (бұдан әрі - Кодекс) және "Білім туралы" 2007 жылғы 27 шілдедегі Қазақстан Республикасы Заңының 56-бабына (бұдан әрі – Заң) сәйкес әзірленді және оқыту нәтижелеріне бағдарланған білім беру мазмұнына, оқу жүктемесінің ең жоғарғы көлеміне, білім алушылардың даярлық деңгейіне, техникалық және кәсіптік білімнің білім беру бағдарламалары (бұдан әрі – ТжКБ білім беру бағдарламалары) бойынша оқыту мерзіміне қойылатын талаптарды айқындайды.

2-тарау. Техникалық және кәсіптік білім берудің мазмұнына оқыту нәтижелеріне бағдар жасай отырып қойылатын талаптар

      2. ТжКБ-деңгейінде білім беру мазмұны ТжКБ білім беру бағдарламаларымен анықталады және оқытудың құзіретті нәтижелеріне бағдарланады.

      ТжКБ білім беру бағдарламаларының мазмұны:

      білікті жұмысшы кадрлар деңгейі үшін:

      1) жалпы білім беретін, жалпы гуманитарлық, жалпы кәсіптік, арнайы пәндерді зерделеуді немесе жалпы білім беретін пәндерді, базалық және кәсіптік модульдерді зерделеуді;

      2) зертханалық-практикалық сабақтарды орындауды;

      3) өндірістік оқытудан және кәсіптік практикадан өтуді;

      4) аралық және қорытынды мемлекеттік аттестаттаудан өтуді.

      орта буын мамандарының деңгейі үшін:

      1) жалпы білім беретін, жалпы гуманитарлық, әлеуметтік-экономикалық, жалпы кәсіптік, арнайы пәндер немесе жалпы білім беретін пәндерді, базалық және кәсіптік модульдерді зерделеуді;

      2) зертханалық-практикалық сабақтарды орындауды;

      3) кәсіптік практикадан өтуді;

      4) аралық және қорытынды мемлекеттік аттестаттаудан өтуді көздейді.

      3. ТжКБ білім беру бағдарламаларын іске асыру қамтамасыз етеді:

      1) оқу әдебиеттері мен оқу - әдістемелік құралдардың, оның ішінде: электрондық білім беру контентінің (электрондық оқу құралдары, аудио - және бейнематериалдар), әдістемелік көрнекі құралдардың және пәндер, кәсіптік практикалар, жазбаша-біліктілік жұмыстары, білім алушының өзіндік жұмыстары бойынша ұсынымдардың кітапханалық қорының болуы;

      2) базалық жоғары, техникалық және кәсіптік, орта білімнен кейінгі білімі бар, оқытылатын пән бейініне сәйкес келетін және жүйелі түрде педагогикалық, ғылыми-әдістемелік қызметпен айналысатын ғылыми-педагогикалық кадрлармен қамтамасыз етіледі. Практикалық денсаулық сақтаудан мамандық бейініне сәйкес келетін жоғары, техникалық және кәсіптік, орта білімнен кейінгі базалық білімі бар білікті мамандар тартылады.

      4. Білім беру қызметін жоспарлау және ұйымдастыру оқу бағдарламалары мен жоспарлары негізінде жүзеге асырылады.

      Оқу бағдарламалары мен жоспарлары жұмыс оқу жоспарлары мен бағдарламаларына бөлінеді. Оқу процесін жоспарлау кезінде оқу жоспарлары осы стандартқа 1-қосымшаға сәйкес білікті жұмысшы кадрлар деңгейлеріне арналған модульдік оқыту технологиясы бойынша техникалық және кәсіптік білім берудің (бұдан әрі – ТжКБ) үлгілік оқу жоспарына қойылатын талаптар негізінде әзірленеді.

      Кредиттік оқыту технологиясы бойынша оқу жоспарларында міндетті компоненттің сағат көлемі (теориялық оқыту, өндірістік оқыту, кәсіптік практика, аралық және қорытынды аттестаттау) Үлгілік оқу жоспарына сәйкес айқындалады.

      5. Білім беру бағдарламаларын ТжКБ ұйымдары жұмыс берушілердің қатысуымен осы стандарттың 2-қосымшасында көзделген мамандық және біліктілік бойынша техникалық және кәсіптік білім беру бағдарламалары түлегінің базалық және кәсіптік құзыреттіліктерінде көрсетілген оқытудың түпкілікті нәтижелеріне, кәсіптік стандарттар (бар болса) және WorldSkills (уолдскилс) кәсіптік стандарттар (бар болса) талаптарының негізінде дербес әзірлейді.

      Білім беру бағдарламасының құрылымына паспорт, жұмыс оқу жоспары және жұмыс оқу бағдарламалары енеді.

      Оқу жұмыс жоспары оқытудың барлық кезеңіне әзірленеді және ТжКБ ұйымының басшысымен бекітіледі.

      6. Жұмыс оқу бағдарламалары оқу нәтижелеріне бағдарлана отырып, оқу жоспарының барлық пәндері бойынша әзірленеді және ТжКБ ұйымы бекітеді.

      7. ТжКБ ұйымының білім беру бағдарламаларын әзірлеу кезінде:

      1) оқу пәндерінің көлемін міндетті оқуға бөлінген кредиттердің және (немесе) сағаттардың жалпы санын сақтай отырып, үлгілік оқу жоспарларына және үлгілік оқу бағдарламаларына сәйкес пәндердің мазмұнына сәйкес айқындайды;

      2) бiр мамандық шеңберінде бiлiктiлiк бірізділігін, тiзбесiн және санын айқындайды;

      3) оқу процесін ұйымдастыру мен бақылау нысандарын, әдістерін, оқытудың әртүрлі технологияларын таңдайды.

      8. Инклюзивті білім беру жағдайында ерекше білім берілуіне қажеттілігі бар адамдарды оқыту үшін мыналар әзірленеді:

      1) білім алушылардың психофизикалық даму ерекшеліктері мен жеке мүмкіндіктерін ескере отырып, ТжКБ білім беру бағдарламасын ішінара немесе толық меңгеруді көздейтін арнайы оқу бағдарламалары (ақыл-ойы сақталмаған адамдар үшін);

      2) білім алушылардың физикалық бұзушылықтары мен жеке мүмкіндіктерін ескере отырып, ТжКБ мамандығы бойынша білім беру бағдарламасы негізінде жеке оқу бағдарламалары мен жоспарлары (ақыл-ойы сақталған адамдар үшін).

      9. Оқу пәнін зерделеу және интеграциялау реттілігі, олардың әрқайсысы бойынша оқу уақытын курстар мен семестрлер бойынша бөлу пәнаралық байланыстарды ескере отырып жүргізіледі.

      Оқу пәнінің атауы мен мазмұнын қалыптастыру кезінде ұқсас біліктіліктер бойынша білім берудің келесі деңгейінде оқыту нәтижелері мен кредиттердің сабақтастығы және қайта есептелуі қамтамасыз етіледі.

      10. Жалпы білім беретін пәндердің тізбесі мен көлемі қоғамдық-гуманитарлық бағыттар бойынша мамандық бейіні ескеріле отырып айқындалады.

      Мамандық бейініне қарамастан міндетті жалпы білім беретін пәндерге: "Қазақ тілі" және "Қазақ әдебиеті", "Орыс тілі және әдебиеті" (оқыту қазақ тілінде жүргізілетін топтар үшін), "Орыс тілі" және "Орыс әдебиеті", " Қазақ тілі және әдебиеті" (оқыту орыс тілінде жүргізілетін топтар үшін), "Шетел тілі", "Математика", "Информатика", "Қазақстан тарихы", "Дене шынықтыру", "Алғашқы әскери-технологиялық дайындық", " Физика", "Химия", "Биология", "География", "Графика және жобалау", "Дүниежүзі тарихы" және "Жаһандық құзыреттілік" курсы жатады.

      "Дене шынықтыру" бойынша сабақтар міндетті болып табылады және теориялық оқыту кезеңінде аптасына кемінде 3 сағат жоспарланады, оның ішінде факультативтік сабақтар немесе спорт секциялары есебінен аптасына 1 сағат жоспарлауға жол беріледі.

      Білім беру ұйымдарында алғашқы әскери және технологиялық дайындық бойынша сабақтар қыздарға ұлдармен бірге "Медициналық білім негіздері" бөлімі бойынша – бөлек өткізіледі. Алғашқы әскери дайындық курсы аяқталғаннан кейін білім алушылармен жергілікті әскери басқару органдарымен бірлесіп оқу-далалық (лагерь) жиындар өткізіледі. Оқу-далалық жиын кезеңінде қыз балалар медицина жұмыскерінің жетекшілігімен ТжКБ ұйымдарында медициналық-санитариялық дайындықтан өтеді. "Өмір қауіпсіздігі негіздері" оқу бағдарламасының мазмұны "Алғашқы әскери және технологиялық дайындық" оқу пәнінің шеңберінде жүзеге асырылады;

      11. ТжКБ бағдарламалары міндетті пәндермен қатар ТжКБ ұйымы айқындайтын пәндерді, факультативтік сабақтар мен консультацияларды қамтиды.

      12. ТжКБ-ның білім беру бағдарламалары теориялық оқытумен қатар өндірістік оқыту мен кәсіптік практиканы қамтиды.

      Кәсіптік практика оқу, өндірістік және дипломалды болып бөлінеді. Өндірістік оқыту мен кәсіптік практиканы өткізу мерзімдері мен мазмұны оқу процесінің жоспарымен және жұмыс оқу бағдарламаларымен айқындалады.

      Дуальды оқытуды пайдаланылатын ТжКБ-ның білім беру бағдарламалары білім беру ұйымдарындағы теориялық оқытуды және кәсіпорын (ұйым) базасында кемінде 60% өндірістік оқытуды, кәсіптік практиканы көздейді.

      13. Оқыту нәтижелерінің жетістіктерін бағалау әртүрлі бақылау түрлерімен жүргізіледі: үлгерімді ағымдағы бақылау, аралық және қорытынды аттестаттау.

      Бақылау жұмыстары, сынақтар және курстық жобалар (жұмыстар) пәнді, соның ішінде модульге біріктірілген пәнді оқуға бөлінген оқу уақыты есебінен, емтихандар – аралық немесе қорытынды аттестаттауға бөлінген мерзімде өткізіледі.

      Білім беру ұйымдары білім алушылардың үлгерімін ағымдағы бақылауды жүзеге асыру және аралық аттестаттауды өткізу нысандарын, тәртібі мен кезеңділігін дербес таңдайды.

      Жалпы білім беретін пәндер бойынша аралық аттестаттау: оқыту қазақ тілінде жүргізілетін топтар үшін қазақ тілі, орыс тілі және әдебиеті; оқыту орыс тілінде жүргізілетін топтар үшін орыс тілі, қазақ тілі және әдебиеті; Қазақстан тарихы, математика және мамандық бейініне сәйкес білім беру ұйымының таңдау пәні бойынша емтихандар өткізуді көздейді. Жалпы білім беретін пәндер бойынша емтихандар "Жалпы білім беретін пәндер" модуліне бөлінген кредиттер және (немесе)/сағаттар есебінен өткізіледі.

      ТжКБ білім беру бағдарламасының аяқталуына қарай қорытынды аттестаттау өткізіледі.

      Оны өткізуге арналған оқу уақытының көлемі 2 аптадан аспайтын уақытты құрайды.

      Қорытынды аттестаттау ТжКБ бағдарлама түлектерінің кәсіби даярлығын бағалау болып табылады және:

      1) білімді бағалау;

      2) дағдыларды бағалаудан тұрады.

      Қорытынды аттестаттау білім алушылардың білімі мен дағдыларын бағалау бойынша денсаулық сақтау саласындағы уәкілетті орган аккредиттеген ұйымдармен келісілген мерзімде өткізіледі.

      Денсаулық сақтау саласындағы білім беру бағдарламасының түлектерін қорытынды бағалаудың, қорытынды аттестаттаудың (мемлекеттік емтихан) оң нәтижелері білім деңгейі туралы құжатты және маман сертификатын алуға құқық береді.

3-тарау. Білім алушылардың оқу жүктемесінің ең жоғары көлеміне қойылатын талаптар

      14. Білім алушылардың оқу жүктемесінің ең жоғары көлемі аптасына 54 сағаттан аспайды.

      Білім алушының оқу жүктемесін айқындау кезінде оқу жылы академиялық кезеңдерден (семестрлерден), аралық аттестаттау кезеңдерінен, практикалардан және (немесе) өндірістік оқытудан, каникулдардан, қорытынды аттестаттау кезеңінен (бітіру курсында) тұратынын ескеру қажет.

      Оқу жылындағы оқу жүктемесінің жалпы саны кемінде 75 кредитті немесе кемінде 1800 академиялық сағатты құрайды. Студенттің педагогтың жетекшілігімен аудиториялық жұмысы және өзіндік жұмысының көлемі (бұдан әрі – ПСӨЖ) жылына 60 кредитті /1440 сағатты құрайды, бұл ретте ПСӨЖ көлемі әрбір пән көлемінің отыз пайызынан аспайды. Студенттің өзіндік жұмыс көлемі (бұдан әрі – СӨЖ) жылына 15 кредитті/360 сағатты құрайды.

      Дуальды оқыту кезінде СӨЖ оқу жоспарларында көзделмейді.

      Білім алушылардың жеке қабілеттерін дамыту және көмек көрсету үшін факультативтік сабақтар мен консультациялар көзделген.

      Білім алушының оқу жүктемесінің көлемі әрбір пән және (немесе) модуль немесе оқу жұмысының түрлері бойынша меңгеретін оқыту нәтижелері бойынша кредитпен/сағатпен өлшенеді. 1 кредит 24 академиялық сағатқа, 1 академиялық сағат 45 минутқа тең.

      15. Міндетті оқу сабақтары уақытының көлемі кешкі оқыту нысаны үшін күндізгі оқыту нысанына көзделген тиісті оқу уақыты көлемінен 70%-ды құрайды.

4-тарау. Білім алушылардың даярлық деңгейіне қойылатын талаптар

      16. Білім алушылардың даярлық деңгейіне қойылатын талаптар оқу жүктемесінің көлеміне (кредиттер санына) және түлектердің құзіреттіліктеріне қойылатын жалпы талаптардың біріктірілуімен анықталады.

      Білім алушылардың даярлық деңгейіне қойылатын талаптар ұлттық біліктілік шеңберінің, салалық біліктілік шеңберлерінің, кәсіптік стандарттар дескрипторларымен айқындалады және қол жеткізілген оқыту нәтижелерінен байқалатын меңгерілген негізгі құзыреттерді көрсетеді.

      Дескрипторлар даярлаудың мынадай деңгейлеріне қол жеткізген кезде білім алушылардың қабілеттерін сипаттайтын оқыту нәтижелерін көрсетеді:

      білікті жұмысшы кадрларды даярлау кезінде: қойылған міндеттерге сүйене отырып, белгілі бір еркіндік үлесімен іс-әрекет жүргізу, базалық, жалпы білім беретін және практикаға бағдарланған кәсіби білімді қолдану, стандартты және қарапайым бір типті практикалық міндеттерді шешу, білім мен практикалық тәжірибе негізінде белгілі әрекет тәсілдерін таңдау, алынған нәтижелерді ескере отырып қызметті түзету;

      орта буын мамандарын даярлау кезінде: маңызды әлеуметтік және этикалық аспектілерді ескере отырып, басқалардың стандартты жұмысына басшылық жасау, қызметті және практикалық тәжірибені жүзеге асыру үшін кәсіби (практикалық және теориялық) білімді қолдану, жұмыс жағдайын және оның болжамды өзгерістерін дербес талдауды талап ететін кең спектрдің типтік практикалық міндеттерін шешу, қызметті жүзеге асырудың технологиялық жолдарын таңдау, ағымдағы және қорытынды бақылау жүргізу, қызметті бағалау мен түзету.

5-тарау. Оқу уақытына қойылатын талаптар

      17. Үлгідегі білім беру бағдарламаларын игеру мерзімдері біліктіліктердің күрделілігіне және (немесе) санына байланысты болады және МЖМБС модельдеріне сәйкес көзделген кредиттердің және (немесе) сағаттардың көлемімен айқындалады.

      18. Оқу жылы 1 қыркүйектен басталады. Каникул уақыты жылына 11 аптаны, оның ішінде қысқы кезеңде – кемінде 2 аптаны құрайды.

Білікті жұмысшы кадрлар деңгейлеріне арналған модульдік оқыту технологиясы бойынша техникалық және кәсіптік білім берудің үлгілік оқу жоспары

      Ескерту. 1-қосымша жаңа редакцияда - ҚР Денсаулық сақтау министрінің м.а. 29.11.2024 № 101 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескертпе:

      ЕБҚ – ерекше білім беру қажеттіліктері ;

      СӨЖ – студенттің өзіндік жұмысы.

      * оның ішінде жалпы кәсіптік және арнайы пәндер бойынша зертханалық-практикалық сабақтар, курстық және дипломдық жобалау.

      ** біліктіліктің күрделілігіне байланысты анықталады.

Мамандықтар мен біліктіліктер бойынша техникалық және кәсіптік білім беру бағдарламалары түлегінің базалық және кәсіптік құзыреттері

      Ескерту. 2-қосымша жаңа редакцияда - ҚР Денсаулық сақтау министрінің м.а. 15.09.2026 № 108 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      09110100 – "Стоматология" мамандығы

      3W09110101 – "Стоматологиялық гигиенист" біліктілігі

      09110100 – "Стоматология" мамандығы

      4S09110102 – "Дантист" біліктілігі

      09110100 – "Стоматология" мамандығы

      4S09110103 – "Стоматолог дәрігердің көмекшісі" біліктілігі

      09110200 – "Ортопедиялық стоматология" мамандығы

      4S09110201 – "Тіс технигі" біліктілігі

      09120100 – "Емдеу ісі" мамандығы

      4S09120101 – "Фельдшер" біліктілігі

      09130100 – "Мейіргер ісі" мамандығы

      3W09130101 – "Кіші мейіргер",

      3W09130102 – "Массажист*"

      4S09130103 – "Жалпы практикадағы мейіргер" біліктіліктері

      09130200 "Акушерлік іс" мамандығы

      4S09130201 "Акушер" біліктілігі

      09140100 – "Зертханалық диагностика" мамандығы

      4S09140101– "Медициналық зертханашы" біліктілігі

      09140200 – "Медициналық оптика" мамандығы

      4S09140201 "Медициналық оптик" біліктілігі

      09140200 – "Медициналық оптика" мамандығы

      4S09140202 – "Оптикометрист" біліктілігі

      09160100– "Фармация" мамандығы

      4S09160101– "Фармацевт" біліктілігі

      09880100 – "Гигиена және эпидемиология" мамандығы

      4S09880101 "Гигиенист - эпидемиолог" біліктілігі

      Ескертпе: аббревиатуралардың толық жазылуы

      Қ - құзыреттер;

      БҚ – базалық құзыреттер;

      БнҚ – бейіндік құзыреттер.

Орта білімнен кейінгі білім берудің мемлекеттік жалпыға міндетті стандарты

1-тарау. Жалпы ережелер

      1. Осы техникалық және кәсіптік білім берудің мемлекеттік жалпыға бірдей міндетті стандарты (бұдан әрі – стандарт) "Халық денсаулығы және денсаулық сақтау жүйесі туралы" Қазақстан Республикасының 2020 жылғы 7 шілдедегі Кодексінің 221-бабының 2-тармағына (бұдан әрі - Кодекс) және "Білім туралы" Қазақстан Республикасы Заңының 56-бабына (бұдан әрі – Заң) сәйкес әзірленді және оқыту нәтижелеріне бағдарланған білім беру мазмұнына, оқу жүктемесінің ең жоғарғы көлеміне, білім алушылардың даярлық деңгейіне, орта білімнен кейінгі білімнің білім беру бағдарламалары бойынша оқыту мерзіміне қойылатын талаптарды айқындайды.

2-тарау. Орта білімнен кейінгі білім берудің мазмұнына оқыту нәтижелеріне бағдар жасай отырып қойылатын талаптар

      2. Орта білімнен кейінгі білімнің (бұдан әрі – ОБКБ) мазмұны білім беру бағдарламаларымен айқындалады және оқыту нәтижелеріне бағдарланады. ОБКБ бағдарламаларының мазмұны теориялық сабақтарды, зертханалық-практикалық жұмыстарды орындауды, өндірістік оқытудан және кәсіптік практикадан өтуді қамтитын базалық және кәсіптік құзыреттерді игеруді көздейді.

      Білім беру бағдарламаларын ОБКБ ұйымдары жұмыс берушілердің қатысуымен осы стандарттың 1-қосымшасында көзделген мамандық және біліктілік бойынша ОБКБ бағдарламалары түлегінің базалық және кәсіптік құзыреттіліктерінде көрсетілген оқытудың түкқілікті нәтижелеріне, кәсіптік стандарттар (бар болса) және WorldSkills (Ворлдскилс) кәсіптік стандарттар (бар болса) талаптарының негізінде дербес әзірлейді.

      Білім беру бағдарламасына:

      1. Білім беру бағдарламасының паспорты;

      2. Құзыреттер тізімі;

      3. Білім беру бағдарламасының мазмұны:

      3.1. Модульдердің (пәндердің)мазмұны;

      3.2. Білім беру бағдарламасының модульдері (пәндері) бөлінісінде игерілген кредиттер/сағаттар көлемін көрсететін жиынтық кесте;

      3.3. Құзыреті бойынша пәндер матрицасы (модульдік бағдарламалар үшін).

      ОБКБ білім беру бағдарламаларында оқыту нәтижелері көрсетіледі, олардың негізінде пәндер/модульдер бойынша жұмыс оқу жоспарлары мен жұмыс оқу бағдарламалары әзірленеді.

      Білім беру ұйымының қалауы бойынша білім беру бағдарламалары әр оқу жылының басында жұмыс берушілердің, WorldSkills (Ворлдскилс) кәсіптік стандарттарының (бар болса) өзгеретін талаптарына сәйкес өзектендіріледі.

      3. Білім беру бағдарламаларының тәрбиелік компоненттері ұлттық құндылықтарды дарытуға, патриоттық және азаматтықты қалыптастыруға, білім алушылардың жан-жақты қызығушылықтары мен қабілетін дамытуға бағытталған.

      4. Орта білімнен кейінгі білім беру бағдарламаларының мазмұны бакалавриаттың білім беру бағдарламаларының жекелеген модульдерін немесе пәндерін қоса отырып, модульдерге интеграцияланған техникалық және кәсіптік білім беру бағдарламаларын зерделеуді көздейді. Орта білімнен кейінгі білім беру бағдарламалары кредиттік-модульдік технологияны қолдана отырып, құзыреттілік тәсіл негізінде құрылымдалған. Орта білімнен кейінгі білім беру бағдарламаларын нақты қызметті орындау және кәсіби құзыреттілікті қалыптастыру үшін қажетті білім беру бағдарламаларының тиісті мазмұндық аспектілерін біріктіру негізінде орта білімнен кейінгі білім беру ұйымдары әзірлейді

      5. Орта білімнен кейінгі білімнің білім беру бағдарламалары базалық құзыреттерді қалыптастыратын базалық модульдерді оқытуды көздейді.

      Базалық құзыреттер саламатты өмір салтын қалыптастыруға және денсаулық жағдайының сапасын жетілдіруге, қоғамда және еңбек ұжымында әлеуметтенуге және бейімделуге, патриотизм мен ұлттық сана-сезімді дамытуға, кәсіпкерлік қызмет дағдыларын және қаржылық сауаттылықты игеруге, кәсіби қызметте цифрлық технологияларды қолдануға бағытталған.

      Орта білімнен кейінгі білімнің білім беру бағдарламаларын іске асыру кезінде мынадай базалық модульдер оқытылады:

      1) денсаулық жағдайының сапасын дамыту және жетілдіру;

      2) цифрлық технологияларды қолдану;

      3) қоғам мен еңбек ұжымында әлеуметтену және бейімделу үшін әлеуметтік ғылымдар негіздерін қолдану;

      4) кәсіби қызметте қазіргі заманғы экономикалық жүйенің жұмыс істеуінің негізгі заңдылықтары мен тетіктерін қолдану.

      7. Кәсіби модульдердің мазмұны (жалпы кәсіптік және арнайы пәндер) экологиялық және/немесе өнеркәсіптік қауіпсіздіктің заманауи талаптарын ескереді.

      8. Кәсіптік модульдер (жалпы кәсіптік және арнайы пәндер) үлгілік оқу жоспарларына сәйкес айқындалады.

      ОБКБ білім беру бағдарламалары теориялық оқытумен қатар өндірістік оқытудан және кәсіптік практикадан өтуді көздейді.

      Кәсіптік практика оқу, өндірістік және диплом алды болып бөлінеді.

      Өндірістік оқыту мен кәсіптік практиканы өткізу мерзімдері мен мазмұны оқу процесінің жоспарымен және жұмыс оқу бағдарламаларымен айқындалады.

      Дуальды оқытуды пайдаланумен ОБКБ білім беру бағдарламалары білім беру ұйымдарындағы теориялық оқытуды және кәсіпорын (ұйым) базасында кемінде алпыс пайыздық өндірістік оқытуды, кәсіптік практиканы көздейді.

      9. Жұмыс оқу жоспарлары осы стандарттың 2-қосымшасына сәйкес ОБКБ үлгілік оқу жоспарларына сәйкес әзірленеді.

      Жұмыс оқу жоспарлары оқыту нәтижелеріне бағдарлана отырып оқу бағдарламасының барлық модульдері бойынша әзірленеді және ОБКБ ұйымымен бекітіледі.

      10. ОБКБ ұйымы білім беру бағдарламаларын әзірлеу кезінде:

      1) оқу пәндерінің көлемін міндетті оқуға бөлінген кредиттердің және (немесе) сағаттардың жалпы санын сақтай отырып, үлгілік оқу жоспарларына және үлгілік оқу бағдарламаларына сәйкес пәндердің мазмұнына сәйкес айқындайды;

      2) бiр мамандық шеңберінде бiлiктiлiк бірізділігін, тiзбесiн және санын айқындайды;

      3) оқу процесін ұйымдастыру мен бақылау нысандарын, әдістерін, оқытудың әртүрлі технологияларын таңдайды.

      11. Орта білімнен кейінгі білім беру ұйымының қалауы бойынша біліктілікті меңгерудің практикалық тәжірибесін кеңейту мақсатында кәсіптік модульдер шеңберінде жобалау жұмысы арқылы білім алушының жеке компоненті іске асырылады.

      12. Оқу нәтижелерінің жетістіктерін бағалау әр түрлі бақылау түрлерімен жүргізіледі: үлгерімді ағымдағы бақылау, аралық және қорытынды аттестаттау. Бақылау жұмыстары, сынақтар, сараланған сынақтар және курстық жұмыстар модульді зерделеуге бөлінген оқу уақыты есебінен, емтихандар – аралық немесе қорытынды аттестаттауға бөлінген мерзімде жүргізіледі.

      13. Өндірістік практика медициналық ұйымдарда жұмыс берушілер шарттық негізде ұсынатын жұмыс орындарында оқытылған тәлімгердің басшылығымен жүргізіледі және кәсіби құзыреттілікті қалыптастыруға бағытталған.

      Өндірістік және диплом алдындағы практиканың мерзімдері мен мазмұны оқу жұмыс жоспарлары мен оқу жұмыс бағдарламаларында анықталады.

      14. Оқу практикасы (симуляция) арнайы пәндер оқытушысының басшылығымен арнайы пәндер кабинеттерінде және симуляциялық кабинеттерде (орталықтарда) жүзеге асырылады.

      15. Қорытынды аттестаттау орта білімнен кейінгі білім беру бағдарламалары түлектерінің кәсіби даярлығын бағалау болып табылады және мыналардан тұрады:

      1) білімді бағалау;

      2) дағдыларды бағалау.

      Қорытынды аттестаттау білім алушылардың білімі мен дағдыларын бағалау бойынша денсаулық сақтау саласындағы уәкілетті орган аккредиттеген ұйымдармен келісілген мерзімде өткізіледі.

      Денсаулық сақтау саласындағы білім беру бағдарламасының түлектерін қорытынды бағалаудың, қорытынды аттестаттаудың (мемлекеттік емтихан) оң мәнді нәтижелері білім деңгейі туралы құжатты және маман сертификатын алуға құқық береді.

      16. Білім алушылардың жеке қабілеттерін дамыту және көмек көрсету үшін факультативтік сабақтар мен консультациялар қарастырылған.

      17. Білім алушының оқу жүктемесінің көлемі оның әрбір оқу пәні және (немесе) модулі және (немесе) оқу жұмысының түрлері бойынша меңгеретін кредиттерімен өлшенеді.

      18. Оқу жылы академиялық кезеңдерден, аралық аттестация кезеңінен, практика және каникулдардан тұрады. Соңғы курстағы оқу жылына қорытынды аттестациялау кезеңі қосылады.

      19. Академиялық кезең семестрді құрайды.

      20. Өндірістік оқытудың ұзақтығы білім алушының 36 сағатқа тең апта ішіндегі белгіленген жұмыс уақытын негізге ала отырып, апталарда айқындалады (6 күндік жұмыс аптасы кезінде күніне 6 сағат).

      21. Орта білімнен кейінгі білім берудің аяқталуының негізгі крийтерийі білім алушылардың оқу кезеңінде барлық кредит кезеңдерін қоса алғанда, толық білім бағдарламалары бойынша оқу түрлерін толық игеру болып табылады.

      22. Жеделдетілген оқу мерзімімен қысқартылған білім беру бағдарламалары бойынша оқыту үшін техникалық және кәсіптік, орта білімнен кейінгі немесе жоғары білім негізінде түскен студенттерге кредиттердің саны мен орта білімнен кейінгі білім беру бағдарламасының қажетті көлемін орта білімнен кейінгі білім беру ұйымы алдыңғы білім беру деңгейінің бейінінің және қол жеткізілген оқыту нәтижелерінің сәйкестігін ескере отырып дербес айқындайды.

3-тарау. Білім алушылардың оқу жүктемесінің ең жоғары көлеміне қойылатын талаптар

      23. Білім алушылардың ең жоғары оқу жүктемесі аптасына 54 сағаттан аспайды.

      Оқу жүктемесі білім алушының білім беру бағдарламасында белгіленген оқу нәтижелеріне қол жеткізуі үшін талап етілетін уақытпен өлшенеді.

      Оқу жүктемесі білім алушының барлық оқу қызметін қамтиды – дәрістер, семинарлар, курстық жұмыстар (жобалар), практикалық және зертханалық жұмыстар, өндірістік оқыту және кәсіптік практика, оның ішінде педагогтің жетекшілігімен өзіндік жұмыс.

      Білім алушының оқу жүктемесін айқындау кезінде оқу жылы академиялық кезеңдерден (семестрлерден), аралық аттестаттау кезеңдерінен, практикалардан және (немесе) өндірістік оқытудан, каникулдардан, қорытынды аттестаттау кезеңінен (бітіру курсында) тұратынын ескеру қажет.

      Академиялық кезеңдер мен демалыстардың ұзақтығын ОБКБ ұйымы дербес айқындайды.

      24. Оқу жылындағы оқу жүктемесінің жалпы саны кемінде 75 кредитті немесе кемінде 1800 академиялық сағатты құрайды. Педагогтің басшылығымен студенттің аудиториялық жұмысы мен өзіндік жұмысының көлемі (СӨЖ) жылына 60 кредитті /1440 сағатты құрайды, бұл ретте ӨЖЖ көлемі әрбір пәннің және/немесе модульдің көлемінің отыз пайызынан аспайды. Студенттің өзіндік жұмыс көлемі (СӨЖ) жылына 15 кредитті /360 сағатты құрайды.

      Қосарлы оқыту кезінде СӨЖ оқу жоспарларында көзделмейді.

      Білім алушылардың жеке қабілеттерін дамыту және көмек көрсету үшін факультативтік сабақтар мен консультациялар қарастырылған.

      25. Білім алушының оқу жүктемесінің көлемі әрбір модуль немесе оқу жұмысының басқа түрлері бойынша меңгеретін оқыту нәтижелері бойынша кредитпен/сағатпен өлшенеді. 1 кредит 24 академиялық сағатқа, 1 академиялық сағат 45 минутқа тең.

      26. Міндетті оқу сабақтары уақытының көлемі кешкі оқыту нысаны үшін көзделген кешкі оқу нысаны үшін 70% құрайды.

4-тарау. Білім алушылардың даярлық деңгейіне қойылатын талаптар

      27. Білім алушылардың даярлық деңгейіне қойылатын талаптар оқу жүктемесінің көлеміне (кредиттер санына) және түлектердің құзіреттіліктеріне қойылатын жалпы талаптардың біріктірілуімен анықталады.

      Білім алушылардың даярлық деңгейіне қойылатын талаптар ұлттық біліктілік шеңберінің, салалық біліктілік шеңберлерінің, кәсіптік стандарттар дескрипторларымен айқындалады және қол жеткізілген оқыту нәтижелерінен байқалатын меңгерілген негізгі құзыреттерді көрсетеді.

      Дескрипторлар білім алушылардың мынадай қабілеттерін сипаттайтын оқыту нәтижелерін көрсетеді: ұйымның стратегиясы, саясаты мен мақсаттары шеңберінде еңбек және оқу қызметінің үдерістерін өз бетінше басқару және бақылау жүргізу, мәселелерді талқылау, қорытындыларды дәлелдеу және ақпаратпен сауатты жұмыс істеу, кәсіби салада теориялық және практикалық білімнің кең ауқымын қолдану, кәсіби міндеттерді шешу үшін қажетті ақпаратты өз бетінше іздестіруді орындау, шешу тәсілдерінің алуан түрлілігін және оларды таңдауды болжайтын, шығармашылық тәсілді қолдану (немесе кәсіби проблемаларды шешудің әртүрлі, оның ішінде балама нұсқаларын өз бетінше әзірлеу және ұсыну шеберлігі мен дағдысы), ағымдағы және қорытынды бақылау жүргізу, қызметті бағалау мен түзетуді орындау.

      28. Орта білімнен кейінгі білім берудің білім беру бағдарламалары мынадай құзыреттіліктерді иеленуге бағытталған: ұйымның стратегиясы, саясаты мен мақсаттары шеңберінде еңбек және оқу қызметінің үдерістерін өз бетінше басқару және бақылау жүргізу, мәселелерді талқылау, қорытындыларды дәлелдеу және ақпаратпен сауатты жұмыс істеу, кәсіби салада теориялық және практикалық білімнің кең ауқымын қолдану, кәсіби міндеттерді шешу үшін қажетті ақпаратты өз бетінше іздестіруді орындау, шешу тәсілдерінің алуан түрлілігін және оларды таңдауды болжайтын, шығармашылық тәсілді қолдану (немесе кәсіби проблемаларды шешудің әртүрлі, оның ішінде балама нұсқаларын өз бетінше әзірлеу және ұсыну шеберлігі мен дағдысы), ағымдағы және қорытынды бақылау жүргізу, қызметті бағалау мен түзетуді орындау.

      29. Орта білімнен кейінгі білім беру ұйымдарында білім алушылардың дайындық деңгейі базалық және кәсіби құзыреттілікті меңгеруді көздейді.

      Базалық құзыреттер мамандық үшін анықталады және ұлттық сананы қалыптастыру, рухани жаңғырту әлеуметтік жауапкершілік, жұмысты ұйымдастыру, жұмыс орнындағы басқа адамдармен өзара қарым-қатынас, сондай-ақ қоршаған ортаға жауапкершілік контекстінде әлеуметтік-гуманитарлық дүниетанымды дамытуға бағытталған.

      Кәсіптік құзыреттер жұмыс берушілердің талаптары мен қоғамның әлеуметтік сұрауын ескере отырып, әрбір біліктілік бойынша кәсіби стандарттар (болған жағдайда) немесе еңбек нарығын жекелеп талдау негізінде анықталады.

      30. "Мейіргер ісі" мамандығы бойынша орта білімнен кейінгі білім беру бағдарламасы бойынша оқуды аяқтаған тұлғаларға "Мейіргер ісі бойынша қолданбалы бакалавр" біліктілігі беріледі.

5-тарау. Оқу уақытына қойылатын талаптар

      31. ОБКБ кадрларды даярлау жалпы орта білімнің, ТжКБ-нің, ОБКБ-нің, сондай-ақ жоғары білімнің базасында жүзеге асырылады.

      Техникалық және кәсіптік білімнің, ОБКБ-нің, сондай-ақ жоғары білімнің білім беру бағдарламаларының базасында оқуға түскен кезде формальды білім берудің алдыңғы деңгейінің оқу нәтижелері автоматты түрде танылады, меңгерілген академиялық кредиттер саны және оқу ұзақтығы қысқарады.

Орта білімнен кейінгі білім беру бағдарламалардың жүктемесінің көлеміне қойылатын талаптар

      Ескерту. 1-қосымша жаңа редакцияда - ҚР Денсаулық сақтау министрінің м.а. 15.09.2026 № 108 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      09130100 – "Мейіргер ісі" мамандығы

      5AB09130101 "Мейіргер ісінің қолданбалы бакалавры" – біліктілігі

      Ескертпе: аббревиатуралардың толық жазылуы

      Қ- құзыреттер;

      БҚ – базалық құзыреттер;

      БнҚ – бейіндік құзыреттер.

Орта білімнен кейінгі білім берудің үлгілік оқу жоспары

      Ескерту. 2-қосымша жаңа редакцияда - ҚР Денсаулық сақтау министрінің м.а. 29.11.2024 № 101 (01.09.2025 қолданысқа енгізіледі) бұйрығымен.

      Ескертпе:

      СӨЖ – студенттің өзіндік жұмысы.

      * Өндірістік оқыту және / немесе кәсіптік практика кәсіптік модульдердің кемінде 40%-ды құрайды.

      ** Білікті жұмысшы кадрлардың және орта буын маманы деңгейлері бойынша (бар болса) мәндес біліктіліктердің кәсіптік модульдерін игеру көзделген.

      *** Орта буын маманы деңгейі бойынша (бар болса) мәндес біліктіліктердің кәсіптік модульдерін игеру көзделген.

Жоғары білім берудің мемлекеттік жалпыға міндетті стандарты

      Ескерту. 3-қосымша жаңа редакцияда - ҚР Денсаулық сақтау министрінің м.а. 15.09.2026 № 108 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы жоғары білім берудің мемлекеттік жалпыға міндетті стандарты (бұдан әрі – Стандарт) "Халық денсаулығы және денсаулық сақтау жүйесі туралы" Қазақстан Республикасының Кодексі 221-бабының 2-тармағына (бұдан әрі – Кодекс), "Білім туралы" Қазақстан Республикасының Заңы 56-бабына (бұдан әрі – Заң) сәйкес әзірленді және меншік нысанына қарамастан жоғары және (немесе) жоғары оқу орнынан кейінгі білім беру ұйымдарында (бұдан әрі – ЖЖОКБҰ) оқыту нәтижелеріне бағдарланған білім беру мазмұнына, білім алушылардың оқу жүктемесінің ең жоғары көлеміне, даярлық деңгейіне және оқу мерзіміне қойылатын талаптарды айқындайды.

      2. ЖЖОКБҰ денсаулық сақтау саласында мыналарды қамтитын білім беру бағдарламаларын іске асырады: "Денсаулық сақтау" даярлау бағыты бойынша, оның ішінде интеграцияланған медициналық білім беру бағдарламаларын іске асырумен жоғары білім беру бағдарламалары.

2-тарау. Оқыту нәтижелеріне бағдарлана отырып денсаулық сақтау саласындағы жоғары білім берудің мазмұнына қойылатын талаптар

      3. Интеграцияланған медициналық білім беру бағдарламаларының мазмұны жоғары медициналық білімді және интернатураны қамтиды.

      Осы стандартқа 1 және 2-қосымшаларға сәйкес 2026 жылға дейін үздіксіз интеграцияланған медициналық білім беру бағдарламаларына түскен білім алушылар оқыту мазмұнына сәйкес оқуды жалғастырады.

      Тиісті оқу мерзімдері бар үздіксіз интеграцияланған медициналық білім беру бағдарламалары бойынша білім алушы тұлғалар тиісті бағдарламалар бойынша оқуды аяқтауға немесе осы стандартқа 3 және 4-қосымшаларда берілген жоспарларға сәйкес интеграцияланған медициналық білім беру бағдарламалары бойынша оқуды жалғастыруға құқылы.

      2026 жылдан бастап үздіксіз интеграцияланған медициналық білім беру бағдарламаларына қабылдау жүзеге асырылмайды.

      4. Денсаулық сақтау даярлау бағыты бойынша жоғары білім беру бағдарламаларының және интеграцияланған медициналық білім беру бағдарламаларының мазмұны үш циклдің пәндерінен тұрады – жалпы білім беру пәндері (бұдан әрі – ЖБП), базалық пәндер (бұдан әрі – БП), бейіндеуші пәндер (бұдан әрі – БнП).

      Жалпы білім беру пәндерінің циклі міндетті компонент (бұдан әрі – МК) және (немесе) таңдау компоненті (бұдан әрі – ТК) пәндерін қамтиды. БП және БнП циклдері жоғары оқу орны компоненті (бұдан әрі - ЖК) пәндерін қамтиды.

      5. ЖБП циклінің тізбесінде мазмұны үлгілік оқу бағдарламаларында айқындалатын міндетті компонент пәндерінің көлемін қысқартпай толық көлемде іске асырылады. Тек техникалық және кәсіптік, орта білімнен кейінгі немесе жоғары білім базасында жеделдетілген оқыту мерзімімен қысқартылған жоғары білімнің беру бағдарламалары үшін рұқсат беріледі.

      Денсаулық сақтау саласындағы жоғары білім беру бағдарламаларының ЖПД және БП циклдерінің оқу жүктемесінің көлемі мен мазмұны "Медициналық және фармацевтикалық мамандықтар бойынша үлгілік оқу бағдарламаларын бекіту туралы" Қазақстан Республикасы Денсаулық сақтау министрінің 2023 жылғы 9 қаңтардағы № 4 бұйрығына (Нормативтік құқықтық актілерді мемлекеттік тіркеу тізілімінде № 31672 тіркелді) сәйкес медициналық және фармацевтикалық мамандықтар бойынша үлгілік оқу бағдарламаларымен айқындалады (бұдан әрі – Бұйрық №4).

      Білім алушылар ЖЖОКБҰ техникалық және кәсіптік, орта білімнен кейінгі немесе жоғары білім базасында қысқартылған білім беру бағдарламалары бойынша оқитын тұлғаларға ЖБП циклінің оқу пәндері бойынша оқитын бұрын игерілген оқыту нәтижелерін тануды жүзеге асырады.

      Бұл ретте техникалық және кәсіптік, орта білімнен кейінгі білім негізінде қысқартылған білім беру бағдарламалары бойынша оқитын білім алушылар "Қазақстан тарихы" пәнін оқиды.

      6. ЖК мен ТК пәндерін ЖЖОКБҰ еңбек нарығының қажеттіліктерін, жұмыс берушілердің сұраныстарын және білім алушының жеке мүдделерін ескере отырып дербес айқындайды.

      7. ЖБП циклінің көлемі 46 академиялық кредитті құрайды. Оның ішінде 41 академиялық кредит міндетті компонент пәндеріне бөлінеді: Қазақстан тарихы, Философия, Қазақ (орыс) тілі, Шетел тілі, Ақпараттық-коммуникациялық технологиялар, Дене тәрбиесі, Әлеуметтік-саяси білім модулі (саясаттану, әлеуметтану, мәдениеттану, психология).

      8. ЖБП циклі міндетті компонентінің оқыту нәтижелері бұйрық №4 бұйрықпен айқындалады.

      9. ЖЖОКБҰ ЖБП циклінің пәндері бойынша интеграцияланған модульдерді әзірлейді.

      10. Осы стандартқа 5-қосымшаға сәйкес "Денсаулық сақтау" даярлау бағыты бойынша жоғары білім беру бағдарламаларындағы БП циклі оқу пәндерін оқытуды және кәсіптік практиканы қамтиды және білім беру бағдарламасының жалпы көлемі 280 немесе 350 академиялық кредит болған жағдайда кемінде 120 немесе 140 академиялық кредитті құрайды. 2026 жылға дейін оқуға қабылданған білім алушылар үшін БП циклінің академиялық кредиттері осы стандартқа 3 және 4 қосымшаларға сәйкес оқу жоспарларымен айқындалады.

      11. Осы стандартқа 6-қосымшаға сәйкес интеграцияланған медициналық білім беру бағдарламалары бойынша БП циклі оқу пәндерін оқытуды және кәсіптік практиканы қамтиды және білім беру бағдарламасының жалпы көлемі 350, 420 немесе 490 академиялық кредит болған жағдайда кемінде 140 немесе 164 академиялық кредитті құрайды. 2026 жылға дейін оқуға қабылданған білім алушылар үшін БП циклінің академиялық кредиттерінің саны осы стандартқа 3 және 4 қосымшаларға сәйкес оқу жоспарларымен айқындалады.

      12. Осы стандартқа 5-қосымшаға сәйкес "Денсаулық сақтау" даярлау бағыты бойынша жоғары білім беру бағдарламалары бойынша БнП циклі оқу пәндерін оқытуды және кәсіптік практиканы қамтиды және білім беру бағдарламаның жалпы көлемі 280 немесе 350 академиялық кредит болған жағдайда кемінде 110 немесе 160 академиялық кредитті құрайды. 2026 жылға дейін оқуға қабылданған білім алушылар үшін БнП циклінің академиялық кредиттері осы стандартқа 3 және 4 қосымшаларға сәйкес оқу жоспарларымен айқындалады.

      13. Осы стандартқа 6-қосымшаға сәйкес интеграцияланған медициналық білім беру бағдарламалары бойынша БнП циклі оқу пәндерін оқытуды және кәсіптік практиканы қамтиды және білім беру бағдарламасының жалпы көлемі 350, 420 немесе 490 академиялық кредит болған жағдайда кемінде 90, 160 немесе 206 академиялық кредитті құрайды. 2026 жылға дейін оқуға қабылданған білім алушылар үшін БнП циклінің академиялық кредиттерінің саны осы стандартқа 3 және 4 қосымшаларға сәйкес оқу жоспарларымен айқындалады.

      14. БП және БнП циклдерінің пәндері мен модульдерінің бағдарламалары пәнаралық және мультипәндік сипатта әзірленеді, симуляциялық технологияларды қолдануды көздейді және теориялық оқытуды практикалық даярлықпен ұштастыру негізінде бірнеше білім саласының тоғысында кадрларды даярлауға, оқу барысында алынған білімді меңгеруге және бекітуге, практикалық дағдыларды игеруге әрі кәсіби құзыреттерді қалыптастыруға бағытталған.

      Үшінші курс аяқталғаннан кейін аралық аттестаттау кезеңі аяқталған соң білім алушылар "Денсаулық сақтау саласындағы білім беру бағдарламалары білім алушыларының білімі мен дағдыларын бағалау, түлектерінің кәсіптік даярлығын бағалау, денсаулық сақтау саласындағы мамандардың кәсіптік даярлығын бағалау қағидаларын бекіту туралы" Қазақстан Республикасы Денсаулық сақтау министрінің 2020 жылғы 11 желтоқсандағы № ҚР ДСМ-249/2020 бұйрығына сәйкес (Нормативтік құқықтық актілерді мемлекеттік тіркеу тізілімінде № 21763 тіркелді) (бұдан әрі – Бұйрық № 249) базалық пәндер циклі бойынша бағалауға жатады.

      Интернатурада оқу кезінде интерн-дәрігер тәлімгердің жетекшілік етуімен клиникалық және практикалық жауапкершілік деңгейін ескере отырып, құзыреттерді өз бетінше орындау қабілетін көрсетеді.

      15. Интеграцияланған медициналық білім беру бағдарламалары бойынша интернатурадағы даярлық көлемі кемінде 70 академиялық кредитті құрайды.

      16. Интернатурада медициналық кадрларды даярлау денсаулық сақтау саласындағы білім беру ұйымдарының ғылыми-практикалық базаларында дуальды оқыту тұжырымдамасы шеңберінде, білікті оқытушылардың жетекшілік етуімен және еңбек өтілі кемінде 5 жыл болатын дәрігерлер қатарынан тәлімгерлерді тарта отырып, денсаулық сақтау саласындағы уәкілетті органның түлектердің одан әрі кәсіби қызметіне қоятын талаптары негізінде әзірленген жеке жоспарға сәйкес жүзеге асырылады.

      Интернатурада білім алушы жеке жоспарға сәйкес:

      1) дәрігерге дейінгі медициналық көмек, жедел медициналық жәрдем, мамандандырылған медициналық көмек (оның ішінде жоғары технологиялық), медициналық-санитариялық алғашқы көмек, паллиативтік медициналық көмек және медициналық оңалту көрсететін ұйымдарда пациенттерге жетекшілік етеді;

      2) диагностикалық, емдік және профилактикалық іс-шараларды тағайындауға және жүргізуге қатысады;

      3) медициналық құжаттаманы және халық арасында санитариялық-ағарту жұмыстарын жүргізеді;

      4) құрылымдық бөлімшелердің қызметі туралы есептерді дайындауға қатысады;

      5) профилактикалық қарап-тексерулерге, диспансерлеуге, консилиумдарға қатысады;

      6) кәсіби медициналық қоғамдардың жұмысына қатысады;

      7) клиникалық аралауларға және клиникалық талдауларға қатысады;

      8) айына медициналық ұйымдарда кемінде төрт рет кезекшілік атқарады (кезекшіліктер интернатурадағы білім алушының оқу жүктемесін есептеу кезінде ескерілмейді);

      9) клиникалық және клиникалық-анатомиялық конференциялардың жұмысына қатысады;

      10) патологиялық-анатомиялық ашып-қарауларға қатысады, аутопсиялық, биопсиялық және операциялық материалдарды зерттеуге қатысады.

      "Медициналық-профилактикалық іс" білім беру бағдарламасы бойынша білім алушы интернатурада жеке жоспарға сәйкес:

      1) мемлекеттік санитариялық-эпидемиологиялық бақылау мен қадағалауды жүзеге асыруға;

      2) санитариялық-эпидемиологиялық мониторинг жүргізуге;

      3) санитариялық-эпидемиологиялық жағдайды талдауға;

      4) инфекциялық және паразиттік ауруларға эпидемиологиялық бақылауды жүзеге асыруға, халыққа профилактикалық екпелер жүргізуге;

      5) санитариялық-эпидемияға қарсы және санитариялық-профилактикалық іс-шараларды, оның ішінде аса қауіпті инфекциялар бойынша іс-шараларды ұйымдастыруға және өткізуге;

      6) аурулардың профилактикасы бойынша халық арасында санитариялық-ағарту жұмыстарын жүргізуге;

      7) сынамаларды іріктеуді, зертханалық және аспаптық зерттеулер мен өлшеулерді, адамдарды зерттеп-қарауды, зертханалық зерттеулер мен адамның тіршілік ету ортасы факторларын өлшеу бөлігіндегі санитариялық-эпидемиологиялық сараптаманы ұйымдастыруға және жүргізуге;

      8) биологиялық тәуекелдерді бағалауға, басқаруға және олардың алдын алуға;

      9) нұсқамалардың, қаулылардың, санитариялық-эпидемиологиялық қорытындылардың, актілердің, хаттамалардың, хаттардың және өзге де құжаттардың жобаларын дайындауға, жеке және заңды тұлғалардың өтініштерін қарауға;

      10) халықтың санитариялық-эпидемиологиялық саламаттылығын қамтамасыз ету мәселелері бойынша мемлекеттік органдармен, ұйымдармен, өзге де мемлекеттік емес ұйымдармен және мекемелермен өзара іс-қимыл жасауға;

      11) халықтың санитариялық-эпидемиологиялық саламаттылығы саласында мемлекеттік қызметтер көрсетуге қатысады.

      17. Жоғары білім беру бағдарламалары бойынша қорытынды аттестаттау білім беру бағдарламасының жалпы көлемінің кемінде 4 академиялық кредитін құрайды және кешенді емтиханды дайындау және тапсыру нысанында өткізіледі.

      Интеграцияланған мединалық білім беру бағдарламалары бойынша қорытынды аттестаттау білім беру бағдарламасының жалпы көлемінің кемінде 4 академиялық кредитін құрайды және кешенді емтиханды дайындау және тапсыру нысанында өткізіледі.

      18. Кешенді емтихан бағдарламасы 249 бұйрықпен бекітілген білім алушылардың білімі мен дағдыларын бағалау, "Денсаулық сақтау" даярлау бағыты бойынша білім беру бағдарламалары түлектерінің кәсіптік даярлығын және денсаулық сақтау саласындағы мамандардың кәсіптік даярлығын бағалау қағидаларында көзделген түлектердің кәсіптік даярлығын бағалауды қамтиды.

      19. Денсаулық сақтау саласындағы білім беру бағдарламалары түлектерінің кәсіптік даярлығын бағалау қорытынды аттестаттау құрылымына кіреді.

      20. Жоғары білімнің білім беру бағдарламасы бойынша оқуды аяқтаған және қорытынды аттестаттаудан табысты өткен адамдарға "Денсаулық сақтау" даярлау бағыты бойынша жоғары білім беру бағдарламаларының берілетін дәрежелерінің атаулары бойынша Жоғары білімнің мемлекеттік жалпыға міндетті стандартына 7 және 8-қосымшаларға сәйкес дәреже беріледі, қосымшамен (транскрипт) және (немесе) (Diploma Supplement) (саплэмент дипломы) жалпыеуропалық дипломға қосымшамен жоғары білімі туралы диплом беріледі, бұл маманға денсаулық сақтау саласындағы сертификатты алуға мүмкіндік береді.

      21. Интеграцияланған медициналық білім беру бағдарламалары бойынша оқуды аяқтаған, қорытынды аттестаттаудан табысты өткен адамдарға қосымшасымен жоғары білімі туралы диплом (транскриптпен) және (немесе) қосымшамен "Дәрігер" біліктілігі беріле отырып дипломға жалпыеуропалық (Diploma Supplement (диплома саплэмент)) бірге интернатураны аяқтағаны туралы куәлік: "Медицина", "Педиатрия" білім беру бағдарламаларының түлектеріне – интернатура мамандығы бойынша "Дәрігер" біліктілігі беріле отырып; "Стоматология" білім беру бағдарламасының түлектеріне – "Дәрігер-стоматолог (ересектер, балалар)"; "Медициналық-профилактикалық іс" білім беру бағдарламасының түлектеріне – "Гигиенист-дәрігер, эпидемиолог" біліктілігі беріледі.

      22. Қосымша оқыту түрлеріне әскери даярлық және білім алушы дербес айқындайтын оқу қызметінің басқа да түрлері кіреді.

      23. Әскери даярлық мемлекеттік білім беру тапсырысы шеңберінде немесе ақылы негізде жүзеге асырылады.

      24. Үш тілде білім беру бағдарламаларын енгізген ЖЖОКБҰ білім беру қызметін жоспарлау мен ұйымдастыруды үш тілде: оқыту тілінде, екінші және ағылшын тілдерінде жүзеге асырады.

      Оқыту тілінде, екінші және ағылшын тілдерінде оқытылатын пәндердің пайыздық арақатынасын ЖЖОКБҰ дербес айқындайды.

      25. Дуальды оқыту жүйесінің элементтерін енгізетін ЖЖОКБҰ Қазақстан Республикасы Ғылым және жоғары білім министрінің 2023 жылғы 27 шілдедегі № 361 бұйрығымен (Нормативтік құқықтық актілерді мемлекеттік тіркеу тізілімінде № 33206 тіркелді) бекітілген Жоғары және (немесе) жоғары оқу орнынан кейінгі білім беру ұйымдарында дуальды оқытуды ұйымдастыру қағидаларына сәйкес теориялық оқытуды өндірістегі практикалық даярлықпен ұштастыру негізінде білім беру қызметін жоспарлауды және ұйымдастыруды жүзеге асырады.

      26. "Мейіргер ісі" білім беру бағдарламасы бойынша базалық және бейіндеуші пәндер аясындағы практикалық даярлықтың (денсаулық сақтау саласындағы білім беру ұйымдарының клиникалық базаларында) көлемі білім беру бағдарламасының жалпы сағат көлемінің кемінде 40 %-ын құрайды және тәлімгерлердің жетекшілік етуімен жүргізіледі.

      27. ЖЖОКБҰ инклюзия, тұрақты даму, сыбайлас жемқорлыққа қарсы мәдениет құндылықтарын қалыптастыруға, сондай-ақ ғылыми зерттеу дағдыларын дамытуға, тіршілік қауіпсіздігі мен экологияны қамтамасыз етуге бағытталған МЖМС талаптарына және кәсіптік стандарттарға (бар болса) сәйкес жоғары білімнің білім беру бағдарламаларын дербес әзірлейді.

      28. Кадрларды даярлау, соның ішінде екінші жоғары білім алу кезінде, жалпы орта білім берудің жалпы білім беретін оқу бағдарламаларының, техникалық және кәсіптік білім берудің, орта білімнен кейінгі білімнің, жоғары білімнің базасында жүзеге асырылады.

      Техникалық және кәсіптік білімнің, орта білімнен кейінгі білімнің, сондай-ақ жоғары білімнің білім беру бағдарламаларының базасында оқуға түсу кезінде екінші жоғары білімді алу барысында жоғары білімнің білім беру бағдарламасы бейінінің жоғары, техникалық және кәсіптік білімнің немесе орта білімнен кейінгі білімнің білім беру бағдарламасымен сәйкес және (немесе) мәндес келген жағдайда, формальды білім берудің алдыңғы деңгейінің оқыту нәтижелері автоматты түрде танылады, меңгерілген академиялық кредиттер саны мен оқу мерзімі қысқартылады.

      Формальды білім берудің алдыңғы деңгейінің жекелеген пәндері, сондай-ақ тиісті деңгейдегі бейформальды білім алу шеңберінде алынған оқу нәтижелері, олардың оқу пререквизиттеріне сәйкестігі кезінде автоматты түрде қайта есептелуге жатады, ал игерілетін академиялық кредиттер саны оқу мерзімінде ескеріледі.

      29. Білім беру мазмұнын, оқу процесін ұйымдастыру тәсілдерін және оны өткізуді жоспарлау ЖЖОКБҰ тарапынан кредиттік оқыту технологиясы негізінде дербес жүзеге асырылады.

3-тарау. Білім алушылардың ең жоғары оқу жүктемесінің көлеміне қойылатын талаптар

      30. Оқу жүктемесі білім алушының оқу пәнін, модулін немесе тұтас білім беру бағдарламасын меңгеруі және білім беру бағдарламасында көзделген оқыту нәтижелеріне қол жеткізуі үшін қажетті уақытпен өлшенеді.

      31. Оқу жүктемесі студенттің барлық оқу қызметін қамтиды, оның ішінде - дәрістер, семинарлар, практикалық және зертханалық сабақтар, денсаулық сақтау саласындағы білім беру ұйымдарының ғылыми-практикалық базаларында тәлімгердің жетекшілік етуімен өтетін кәсіптік практика, оның ішінде оқытушының жетекшілік етуімен орындалатын өздік жұмысы.

      32. Студенттің оқу жүктемесін анықтау кезінде оқу жылы нысанын ЖЖОКБҰ дербес айқындайтын академиялық кезеңдерден (семестр – кемінде 18 апта, триместр – кемінде 10 апта, тоқсандық – кемінде 7-8 апта), аралық аттестаттау кезеңдерінен, практикалардан, каникулдардан, қорытынды аттестаттау кезеңінен (бітіруші курста) тұратыны ескеріледі.

      33. Бір оқу жылының толық оқу жүктемесі 2026 жылға дейін оқуға қабылданған білім алушылар үшін қолданылатын оқу жоспарларын қоспағанда кемінде 70 академиялық кредитке немесе 2100 академиялық сағатқа тең болады.

      ЖЖОКБҰ академиялық кредиттердің көлемін семестрлер (триместрлер, тоқсандар) бойынша дербес бөледі.

      34. Бір академиялық кредит 30 академиялық сағатқа тең.

      35. Осы стандарттың 34 және 35-тармақтарында көрсетілген оқу жүктемесі типтік оқу жүктемесі болып табылады. Студент семестр ішінде академиялық кредиттердің аз немесе көп санын меңгереді. Білім алушылардың жекелеген санаттары үшін оқыту нысаны мен технологияларына байланысты оқыту нәтижелеріне қол жеткізудің нақты уақыты ерекшеленеді және жоғары және жоғары оқу орнынан кейінгі білім беру ұйымдарында (бұдан әрі – ЖЖОКБҰ) дербес есептеледі.

      Білім алушы оқытудың жеке траекториясын айқындау кезінде жоғары оқу орны компоненті және (немесе) таңдау компоненті шеңберінде негізгі білім беру бағдарламасы бойынша пәндерді (Major (мейджер)) таңдайды.

4-тарау. Білім алушылардың даярлық деңгейіне қойылатын талаптар

      36. Білім алушылардың даярлық деңгейіне қойылатын талаптар жоғары білімнің (бакалавриат) бірінші деңгейінің Дублиндік дескрипторлары негізінде айқындалады және қол жеткізілген оқыту нәтижелерінде көрініс табатын меңгерілген құзыреттерді көрсетеді.

      Оқыту нәтижелері тұтас білім беру бағдарламасы деңгейінде де, жекелеген модуль немесе оқу пәні деңгейінде де қалыптастырылады.

      Оқыту нәтижелері тиісті мамандық бойынша кәсіптік стандарттардың негізінде қалыптастырылады және үлгілік оқу жоспары арқылы іске асырылады.

      37. Жоғары білімнің Дублиндік дескрипторлары білім алушылардың қабілеттерін сипаттайтын оқыту нәтижелерін көрсетеді:

      1) халық денсаулығын сақтау саласында базалық күрделілік деңгейіндегі озық кәсіби және ғылыми білімді көрсетеді;

      2) халық денсаулығын сақтауды қамтамасыз ету үшін тиісті кәсіби салада қолданбалы сипаттағы жаңа білімді меңгереді;

      3) академиялық адалдық қағидаттары мен мәдениетінің маңызын түсінеді;

      4) базалық күрделілік деңгейіндегі қолда бар және жинақталған кәсіби ақпаратты талдайды, денсаулық сақтау саласының белгілі бір бағытын дамыту үшін қажетті ақпарат көздерін айқындайды;

      5) ғылыми зерттеу және академиялық жазу дағдыларын қолдана отырып, денсаулық сақтау саласының белгілі бір бағытын дамыту мақсатында мақсаттарды, сондай-ақ оларға қол жеткізу әдістері мен құралдарын негіздейді;

      6) кәсіби міндеттерді тиімді орындау мақсатында медицина қызметкерлеріне, бейінді емес мамандарға және халыққа ақпаратты, проблемаларды және оларды шешу жолдарын жеткізеді;

      7) өзінің кәсіби қызметі саласында заманауи цифрлық құралдар мен жасанды интеллект технологияларын пайдаланады;

      8) кәсіби және жеке дамуы үшін білімін, іскерлігін және дағдыларын тиімді қолданады.

5-тарау. Оқу мерзіміне қойылатын талаптар

      38. Оқу мерзімі меңгерілген академиялық кредиттердің көлемімен айқындалады. Академиялық кредиттердің белгіленген көлемі толық меңгеріліп, күтілетін оқыту нәтижелеріне қол жеткізілген жағдайда тиісті дәреже беру үшін білім беру бағдарламасы толық игерілген болып есептеледі.

      39. Жоғары білім беру бағдарламалары бойынша оқуды аяқтаудың негізгі өлшемшарты білім алушының оқу кезеңі ішінде, оның ішінде оқу қызметінің барлық түрлерін қамти отырып, осы стандартқа 5-қосымшада көзделген "Денсаулық сақтау" даярлау бағыты бойынша жоғары білім беру бағдарламалары құрылымына сәйкес академиялық кредиттердің мынадай көлемін меңгеруі болып табылады:

      1) "Мейіргер ісі", "Қоғамдық денсаулық сақтау" білім беру бағдарламалары бойынша – кемінде 280 академиялық кредит;

      2) "Фармация" білім беру бағдарламасы бойынша – кемінде 350 академиялық кредит.

      2026 жылға дейін оқуға қабылданған білім алушылар үшін академиялық кредиттердің қажетті көлемі осы стандартқа 3 және 4 қосымшаларға сәйкес оқу жоспарларымен айқындалады.

      40. Интеграцияланған медициналық білім беру бағдарламалары бойынша оқуды аяқтаудың негізгі өлшемшарты білім алушының оқу кезеңі ішінде академиялық кредиттердің тиісті көлемін меңгеруі, базалық пәндер циклін аяқтағаннан кейін білімі мен дағдыларын бағалаудан, қорытынды аттестаттаудан сәтті өтуі және деңгейаралық интеграцияланған бағдарламалар бойынша оқу қызметінің барлық түрлерін орындауы болып табылады. Осы стандартқа 6-қосымшада көзделген интеграцияланған медициналық білім беру бағдарламаларының құрылымына сәйкес:

      1) "Медицина", "Педиатрия" білім беру бағдарламалары бойынша – кемінде 490 академиялық кредит;

      2) "Медициналық-профилактикалық іс" білім беру бағдарламасы бойынша – кемінде 350 академиялық кредит;

      3) "Стоматология" білім беру бағдарламасы бойынша – кемінде 420 академиялық кредит меңгерілуге тиіс.

      2026 жылға дейін оқуға қабылданған білім алушылар үшін академиялық кредиттердің қажетті көлемі осы стандартқа 3 және 4 қосымшаларға сәйкес оқу жоспарларымен айқындалады.

      Бұл ретте "дәрігер" біліктілігі берілетін диплом санитариялық-эпидемиологиялық бейіндегі мамандарды және 2026 жылға дейін оқуға түскен түлектерді қоспағанда, интернатураға ауыстырылғанға дейін жоғары медициналық білім беру бағдарламасы аяқталғаннан кейін беріледі. Аталған тұлғаларға "дәрігер" біліктілігі интернатураны аяқтағаннан кейін беріледі.

      41. Интеграцияланған медициналық білім беру бағдарламалары "Медицина" және "Педиатрия" бойынша кемінде 350 академиялық кредитті (немесе 2026 жылға дейін оқуға қабылданғандар үшін – кемінде 310 академиялық кредитті) меңгергеннен кейін, медициналық (клиникалық) практикамен байланысты емес мамандық бойынша жұмыс істеуге ниет білдірген білім алушы жоғары білімнің оқыту нәтижелерін толық меңгерген, оқу қызметінің барлық түрлерін орындаған және жеке оқу жоспарында көзделген қорытынды аттестаттаудың кешенді емтиханын табысты тапсырған жағдайда тиісті білім беру бағдарламасы бойынша бакалавр академиялық дәрежесі беріледі.

"Денсаулық сақтау" даярлау бағыты бойынша жоғары білім беру бағдарламасының үлгілік оқу жоспары

Үздіксіз интеграцияланған медициналық білім беру бағдарламаларының үлгілік оқу жоспары

2026 жылға дейін оқуға түскендер үшін "Денсаулық сақтау" даярлау бағыты бойынша жоғары білім беру бағдарламасының үлгілік оқу жоспары

      Ескертпе* "Мейіргер ісі" білім беру бағдарламасына оқуға түскендер үшін:

      - 2025 жылы: БП – кемінде 130 кредит; БнП – кемінде 90 кредит; жиыны – кемінде 270 кредит;

      - 2024 жылы: БП – кемінде 125 кредит; БнП – кемінде 90 кредит; жиыны – кемінде 265 кредит.

      Ескертпе* "Фармация" білім беру бағдарламасына оқуға түскендер үшін:

      - 2025 жылы: БП – кемінде 160 кредит; БнП – кемінде 110 кредит; жиыны – кемінде 325 кредит;

      - 2024 жылы: БП – кемінде 155 кредит; БнП – кемінде 110 кредит; жиыны – кемінде 320 кредит;

      - 2023 жылы: БнП – кемінде 110 кредит; жиыны – кемінде 315 кредит;

      - 2022 жылы: БнП – кемінде 105 кредит; жиыны – кемінде 310 кредит.

      *Жалпы еңбек сыйымдылығын есептеуге енгізілмеген 5 кредиттің бөлінуін ЖЖОКБҰ дербес жүзеге асырады.

      Ескертпе* "Қоғамдық денсаулық сақтау" білім беру бағдарламасына оқуға түскендер үшін:

      - 2025 жылы: БП – кемінде 160 кредит; БнП – кемінде 110 кредит; жиыны – кемінде 325 кредит;

      - 2024 жылы: БП – кемінде 155 кредит; БнП – кемінде 110 кредит; жиыны – кемінде 320 кредит;

      - 2023 жылы: БнП – кемінде 110 кредит; жиыны – кемінде 315 кредит;

      - 2022 жылы: БнП – кемінде 105 кредит; жиыны – кемінде 310 кредит.

2026 жылға дейін оқуға түскендер үшін интеграцияланған медициналық білім беру бағдарламаларының үлгілік оқу жоспары

      Ескертпе* Оқуға түскендер үшін:

      2025 жылы: БП – кемінде 115 кредит; БнП – кемінде 160 кредит; жиыны – кемінде 395 кредит;

      2024 жылы: БП – кемінде 110 кредит; БнП – кемінде 160 кредит; жиыны – кемінде 390 кредит;

      2023 жылы: БнП – кемінде 160 кредит; жиыны – кемінде 385 кредит.

      Ескертпе* "Медициналық-профилактикалық іс" білім беру бағдарламасына оқуға түскендер үшін:

      - 2025 жылы: БП – кемінде 80 кредит; БнП – кемінде 126 кредит; жиыны – кемінде 330 кредит;

      - 2024 жылы: БнП – кемінде 126 кредит; жиыны – кемінде 325 кредит;

      - 2023 жылы: БнП – кемінде 121 кредит; жиыны – кемінде 320 кредит.

"Денсаулық сақтау" даярлау бағыты бойынша жоғары білім беру бағдарламасының үлгілік оқу жоспары

Интеграцияланған медициналық білім беру бағдарламаларының үлгілік оқу жоспары

"Денсаулық сақтау" даярлау бағыты бойынша жоғары/интеграцияланған медициналық білім беру бағдарламалары бойынша берілетін дәрежелер атаулары

"Денсаулық сақтау" даярлау бағыты бойынша жоғары білімнің білім беру бағдарламалары бойынша берілетін дәрежелердің атаулары

Мемлекеттік жалпыға міндетті стандарты жоғары оқу орнынан кейінгі білім беру

1-тарау. Жалпы ережелер

      1. Осы жоғары оқу орнынан кейінгі білім берудің мемлекеттік жалпыға міндетті стандарты (бұдан әрі – Стандарт) "Халық денсаулығы және денсаулық сақтау жүйесі туралы" Қазақстан Республикасының Кодексі 221–бабының 2-тармағына (бұдан әрі – Кодекс), "Білім туралы" Қазақстан Республикасы Заңының 56-бабына (бұдан әрі – Заң) сәйкес әзірленді және оқыту нәтижелеріне, білім алушылардың оқу жүктемесінің ең жоғары көлеміне, білім алушылардың даярлық деңгейіне, жоғары және (немесе) жоғары оқу орнынан кейінгі білім беру ұйымдарында (бұдан әрі – ЖЖОКБҰ), меншік нысанына және ведомстволық тиесілігіне қарамастан, резидентура базалары ретінде аккредиттелген денсаулық сақтау саласындағы ғылыми ұйымдар (бұдан әрі – ДССҒҰ) оқу мерзіміне бағдарланып, білім беру мазмұнына қойылатын талаптарды белгілейді.

      Денсаулық сақтау саласындағы уәкілетті органның қарамағындағы денсаулық сақтау саласындағы ғылыми ұйымдар резидентура бағдарламаларын дербес, ал докторантура бағдарламаларын бейіндік бағыт бойынша – жоғары және (немесе) жоғары оқу орнынан кейінгі білім беру ұйымдарымен ынтымақтастықта іске асырады.

2-тарау. Денсаулық сақтау саласындағы жоғары оқу орнынан кейінгі білімнің білім беру бағдарламаларының мазмұнына қойылатын талаптар

1-параграф Резидентурада денсаулық сақтау саласындағы жоғары оқу орнынан кейінгі білім беру бағдарламаларының мазмұнына қойылатын талаптар

      2. ЖЖОКБҰ, ҒЗИ/ҰО оқыту нәтижелерін көрсететін резидентура мамандықтары бойынша стандарт және ҮОЖ талаптарына сәйкес білім беру бағдарламаларын дербес әзірлейді, олардың негізінде пәндер және (немесе) модульдер (силлабустар) бойынша оқу жоспарлары (ОЖЖ, резидент-дәрігердің жеке оқу жоспарлары) және жұмыс оқу бағдарламалары әзірленеді.

      3. Резидентураның білім беру бағдарламасы практика мен теорияның интеграциясына кепілдік береді, тапсырмаларды орындауға және халыққа медициналық көмек көрсетуге негізделген оқытудың мақсаттары мен нәтижелерін айқындай отырып, резидент-дәрігердің мазмұнын, дайындығының дәйектілігін және жауапкершілігін қамтиды.

      Медициналық қызметтерді дайындау мен ұсынудың интеграциясы, бір жағынан, резидент-дәрігердің тиісті медициналық көмек көрсетуін, екінші жағынан, оқу мүмкіндіктері қызметтік функцияларға негізделген.

      Резиденттер дәрігерлерді резидентура базасы деп танылған медициналық ұйымдарда пациенттерге көмек көрсету бойынша қызмет көрсетуге жеке қатысуға және жауапкершілікке тарту арқылы даярлау тәжірибеге негізделген.

      4. ЖЖОКБҰ, ДССҒҰ білім беру бағдарламасының барабар орындалуын қамтамасыз етуге мүмкіндік беретін оқытушылар мен резидент дәрігерлер үшін жеткілікті материалдық-техникалық базаны қамтамасыз етеді. Ұйым жұмыс уақытының стандартты кестесіне сәйкес тиісті даярлық шеңберінде кезекшілікті қоса алғанда, медициналық қызметтің барлық түрлеріне тарта отырып, медициналық қызмет көрсету функцияларына тиісті назар аудара отырып, мамандар дәрігерлерін даярлау мақсатында клиникалық базаларды, Кадрлық, білім беру, цифрлық ресурстарды тиімді пайдалануды қамтамасыз етеді. Медициналық қызмет көрсету шарттары мен резидент дәрігерлердің жауапкершілігін айқындайды және барлық тараптардың назарына жеткізеді.

      5. Резидентураның клиникалық базаларын аккредиттеуді ЖЖОКБҰ, ДССҒҰ медициналық ұйымның қызметін денсаулық сақтау саласындағы уәкілетті орган әзірлеген стандарттар мен өлшемшарттарға сәйкестігін бағалау негізінде жүзеге асырады.

      6. ЖЖОКБҰ, ДССҒҰ білім беру қызметін алынған лицензияға сәйкес жүзеге асырады және оның жарамдылығы уақытының бүкіл кезеңі ішінде "Жоғары және (немесе) жоғары оқу орнынан кейінгі білім беру ұйымдарының білім беру қызметіне қойылатын біліктілік талаптарын және оларға сәйкестікті растайтын құжаттардың тізбесін бекіту туралы" Қазақстан Республикасы Ғылым және жоғары білім министрінің 2024 жылғы 5 қаңтардағы № 4 бұйрығымен (бұдан әрі – № 4 Бұйрық) (Нормативтік құқықтық актілерді мемлекеттік тіркеу тізілімінде № 33892 болып тіркелген) бекітілген білім беру қызметіне қойылатын біліктілік талаптарын және оларға сәйкестікті растайтын құжаттар тізбесін сақтайды.

      7. Резидент-дәрігер резидентура базаларында клиникалық тәлімгердің жетекшілік етуімен пән/модуль циклі бойы тұрақты бағалаумен және кері байланыспен жұмыс істейді.Пән және (немесе) модуль циклы аяқталғаннан кейін білім алушы ұйым белгілеген тәртіппен аттестатталады. Тәлімгер резидентура базаларында жұмыс істейтін, бірінші немесе жоғары біліктілік санаты (тиісті мамандық бойынша кемінде 5 жыл өтілі) бар практикалық денсаулық сақтаудың білікті мамандарының қатарынан тағайындалады. Жұмыс регламенті мен тәлімгерді бекіту тәртібін резидентура базасы ЖЖОКБҰ, ДССҒҰ келісімі бойынша дербес айқындайды.

      8. Жыл сайын оқу жылы аяқталғаннан кейін резидент-дәрігер жеке жұмыс жоспарын орындау және кезеңдік құзыреттерді игеру мәніне аттестаттаудан өтеді. Резидентура тыңдаушысын жыл сайынғы аттестаттаудан өткізу рәсімін ЖЖОКБҰ, ДССҒҰ дербес айқындайды.

      9. Оқу бағдарламасын аяқтаған резидент-дәрігер қорытынды аттестаттауға жіберіледі. Қорытынды аттестаттаудың мақсаты резидентура бағдарламасы аяқталғаннан кейін қол жеткізілген оқыту нәтижелерін және құзыреттілікті бағалау болып табылады

      10. Денсаулық сақтау саласындағы білім беру бағдарламалары түлектерінің кәсіптік даярлығын бағалау қорытынды аттестаттау құрылымына кіреді, "Білім алушылардың білімі мен дағдыларын бағалау, денсаулық сақтау саласындағы білім беру бағдарламалары түлектерінің және денсаулық сақтау саласындағы мамандардың кәсіптік даярлығын бағалау қағидаларын бекіту туралы" Қазақстан Республикасы Денсаулық сақтау министрінің 2020 жылғы 11 желтоқсандағы № ҚР ДСМ-249/2020 бұйрығымен бекітілген түлектердің кәсіптік даярлығын бағалау қағидаларына сәйкес жүргізіледі (Нормативтік құқықтық актілерді мемлекеттік тіркеу тізілімінде № 21763 болып тіркелген).

      Қорытынды аттестаттаудың мақсаты резидентураның білім беру бағдарламасын оқуды аяқтағаннан кейін түлектердің кәсіптік даярлығын бағалау болып табылады.

      11. Денсаулық саласындағы білім беру бағдарламаларының түлектерін қорытынды аттестаттаудың оң нәтижелері білім туралы куәлік пен денсаулық сақтау саласындағы маман сертификатын алуға құқық береді.

      12. Қорытынды аттестаттауды өткізу үшін резидентура мамандықтары бойынша біліктілік комиссиясы құрылады. Біліктілік комиссиясының құрамына кемінде бес мүше кіреді.

      13. Резидентурада оқуға кеткен уақыт медициналық маманның еңбек өтіліне есептеледі.

      14. Резидентураға жоғары немесе үздіксіз интеграцияланған медициналық білімі туралы дипломы және "дәрігер" біліктілігінің бар екендігін көрсететін құжаты бар тұлғалар қабылданады..

      15. Резидентурада оқитын тұлға кәсіптік біліктілікті алу мақсатында мамандықтың үлгілік оқу жоспарына сәйкес білім беру бағдарламасын толық көлемде меңгереді.

      16. Резидентурада оқитын тұлға кәсіптік біліктілігін өзгерту мақсатында мамандықтың үлгілік жоспарына сәйкес бағдарламаны меңгереді. ЖЖОКБҰ, ДССҒҰ ресми білім беруді оқытудың бұрын қол жеткізілген нәтижелерін тануды ескере отырып, қысқартылған білім беру бағдарламаларын дербес әзірлейді.

2-параграф Магистратурада денсаулық сақтау саласындағы жоғары оқу орнынан кейінгі білім беру бағдарламаларының мазмұнына қойылатын талаптар

      17. Магистратура білім беру бағдарламасының мазмұны мыналардан тұрады:

      1) теориялық дайындық, оның ішінде базалық және бейіндеуші пәндер циклдерін оқу;

      2) магистранттардың практикалық даярлығы: практикалардың, ғылыми немесе кәсіби тағылымдамалардың әртүрлі түрлері;

      3) ғылыми-педагогикалық магистратураға арналған магистрлік диссертацияны және эксперименттік-зерттеу жұмысын орындауды қамтитын, бейіндік магистратураға арналған магистрлік жобаны орындауды қамтитын ғылыми-зерттеу жұмысы;

      4) қорытынды аттестаттау.

      18. Базалық (бұдан әрі – БП) және бейіндеуші пәндер (бұдан әрі – БнП) циклдері жоғары оқу орны компонентінің (бұдан әрі – ЖК) және таңдау компонентінің (бұдан әрі – ТК) пәндерін қамтиды.

      19. Жоғары оқу орны компоненті және таңдау компоненті пәндерінің тізбесін ЖЖОКБҰ дербес айқындайды. Бұл ретте еңбек нарығының қажеттіліктері, жұмыс берушілердің күтулері, магистранттардың қажеттіліктері мен мүдделері ескеріледі.

      Ғылыми-педагогикалық бағыттағы магистратураның барлық білім беру бағдарламаларының БП жоғары оқу орны компоненті "Ғылым тарихы мен философиясы", "Шет тілі (кәсіби)", "Жоғары мектеп педагогикасы", "Басқару психологиясы" пәндерін, бейіндік бағыт үшін "Менеджмент", "Басқару психологиясы", "Шет тілі (кәсіби)"пәндерін қамтиды.

      Ұйым пәнаралық сипатқа ие ЖКБП циклінің пәндері бойынша интеграцияланған бағдарламалар әзірлейді.

      20. Ғылыми-педагогикалық бағыттағы магистратурада БП циклінің көлемі 35 академиялық кредитті құрайды. Оның ішінде 20 академиялық кредит ЖК бөлінеді.

      21. Бейіндік бағыттағы магистратурада магистратураның білім беру бағдарламасының жалпы көлеміндегі БП циклінің көлемі 10 академиялық кредитті (оқу мерзімі 1 жыл) және 15 академиялық кредитті (оқу мерзімі 1,5 жыл) құрайды. Оның ішінде ЖК пәндерінің көлемі 1 жыл және 1,5 жыл оқу мерзімімен 6 академиялық кредитті құрайды.

      22. Ғылыми-педагогикалық бағыттағы магистратурада БнП циклінің көлемі магистратураның білім беру бағдарламасының жалпы көлемінде 49 академиялық кредитті құрайды.

      23. Бейіндік бағыттағы магистратурада БнП циклінің көлемі жоғары оқу орны дербес ЖК мен ТК арасында бөлінетін магистратураның білім беру бағдарламасының жалпы көлемінде 25 академиялық кредитті (оқу мерзімі 1 жыл) және 45 академиялық кредитті (оқу мерзімі 1,5 жыл) құрайды.

      24. Пәндер мен модульдердің бағдарламалары, әдетте, бірқатар білім салаларының қиылысында кадрлар даярлауды қамтамасыз ететін пәнаралық және көп салалы сипатқа ие.

      25. ЖЖОКБҰ білім беру қызметін алынған лицензияға сәйкес жүзеге асырады және оның жарамдылығы уақытының бүкіл кезеңі ішінде № 4 Бұйрығымен бекітілген Білім беру қызметіне қойылатын біліктілік талаптарын және оларға сәйкестікті растайтын құжаттар тізбесін сақтайды.

      26. Білім беру мазмұнын, оқу процесін ұйымдастыру және өткізу тәсілін жоспарлауды ЖЖОКБҰ кредиттік оқыту технологиясы негізінде дербес жүзеге асырады.

      27. Ғылыми-педагогикалық бағыт бойынша магистратура колледждер, жоғары оқу орындары мен ғылыми ұйымдар үшін ғылыми және ғылыми-педагогикалық кадрлар даярлау бойынша ЖЖОКБҰ білім беру бағдарламаларын іске асырады.

      28. Бейіндік бағыт бойынша магистратура денсаулық сақтау жүйесі үшін басқарушы кадрлар мен сарапшыларды даярлау бойынша жоғары оқу орнынан кейінгі білімнің білім беру бағдарламаларын іске асырады.

      29. Магистрлік бағдарламаның міндетті компоненті болып табылады:

      1) магистранттардың практикалық дайындығы, оның ішінде әр түрлі тәжірибе түрлері, ғылыми немесе кәсіби тағылымдамалар;

      2) ғылыми-педагогикалық магистратура үшін магистрлік диссертацияны орындауды қамтитын ғылыми-зерттеу жұмысы.

      30. Ғылыми-педагогикалық магистратураның білім беру бағдарламасы теориялық оқытумен қатар немесе жеке кезеңде жүргізілетін практиканың екі түрін қамтиды:

      1) БП цикліндегі педагогикалық ЖЖОКБҰ;

      2) БнПцикліндегі зерттеу – диссертацияны орындау орны бойынша.

      31. Педагогикалық практика оқыту мен оқу әдістерінің практикалық дағдыларын дамыту мақсатында өткізіледі.Бұл ретте ЖЖОКБҰ қалауы бойынша бакалавриатта сабақ өткізуге тартылады.

      32. Магистранттың зерттеу практикасы отандық және шетелдік ғылымның жаңа теориялық, әдіснамалық және технологиялық жетістіктерімен, ғылыми зерттеулердің заманауи әдістерімен танысу мақсатында жүргізіледі.

      33. Бейіндік магистратураның білім беру бағдарламасы бейіндеуші пәндерциклінде өндірістік практиканы қамтиды.

      БнП цикліндегі өндірістік практика оқу процесінде алынған теориялық білімді бекіту, магистратураның білім беру бағдарламасы бойынша практикалық дағдыларды, құзыреттер мен кәсіби қызмет тәжірибесін алу, сондай-ақ озық тәжірибені игеру мақсатында жүргізіледі.

      34. Зерттеу тәжірибесінің мазмұны диссертациялық зерттеу тақырыбымен анықталады.

      35. Магистранттың ғылыми-зерттеу жұмыстары шеңберінде

      магистранттың жеке жұмыс жоспарында (бұдан әрі-МҒЗЖ) инновациялық технологиялармен және жаңа түрлермен танысу үшін ғылыми ұйымдарда және (немесе) тиісті салалардағы немесе қызмет аясындағы ұйымдарда міндетті түрде ғылыми тағылымдамадан өту көзделеді.

      МҒЗЖ оқу жұмысының басқа түрлерімен қатар немесе жеке кезеңде жоспарланады.

      Ғылыми-педагогикалық магистратурада МҒЗЖ ұзақтығы кемінде 24 кредит, бейіндік магистратурада (оқу мерзімі 1 жыл) және үздіксіз интеграцияланған білім беру кезінде МҒЗЖ – кемінде 13 кредит, бейіндік магистратурада (оқу мерзімі 1,5 жыл) – кемінде 18 кредит.

      36. Ғылыми-зерттеу жұмысының нәтижелерінәрбір кезеңінің соңында магистрант есеп түрінде рәсімделеді.

      37. Магистранттың ғылыми-педагогикалық магистратурадағы ғылыми-зерттеу жұмысына қойылатын талаптар:

      1) магистрлік диссертация орындалатын және қорғалатын магистратураның білім беру бағдарламасының бейініне сәйкес келеді;

      2) өзекті және ғылыми жаңалық пен практикалық маңыздылықты қамтиды;

      3) ғылым мен практиканың заманауи теориялық, әдістемелік және технологиялық жетістіктеріне негізделеді;

      4) ғылыми зерттеулердің заманауи әдістерін қолдану арқылы орындалады;

      5) негізгі қорғалатын ережелер бойынша ғылыми-зерттеу (әдістемелік, практикалық) бөлімдерден тұрады;

      6) тиісті білім саласындағы озық халықаралық тәжірибеге негізделеді.

      38. Магистранттың бейіндік магистратурадағы эксперименттік-зерттеу жұмысына қойылатын талаптар:

      1) магистрлік жоба орындалатын және қорғалатын магистратураның білім беру бағдарламасының бейініне сәйкес келеді;

      2) ғылымның, техниканың және өндірістің заманауи жетістіктеріне негізделеді және нақты практикалық ұсыныстардан, басқарушылық міндеттердің дербес шешімдерінен тұрады;

      3) озық цифрлық технологияларды қолдану арқылы орындалады;

      4) негізгі қорғалатын ережелер бойынша эксперименттік-зерттеу (әдістемелік, практикалық) бөлімдерден тұрады.

      39. Жыл сайын оқу жылы аяқталғаннан кейін магистрант жеке жұмыс жоспарын орындау үшін академиялық аттестаттаудан өтеді. Магистрантты академиялық аттестаттаудан өткізу рәсімін ЖЖОКБҰ дербес айқындайды.

      40. Магистранттың ғылыми-зерттеу жұмысының қорытынды нәтижесі магистрлік диссертация болып табылады.

      41. Магистрлік диссертацияның негізгі нәтижелері кемінде бір жарияланымда және (немесе) ғылыми-практикалық конференцияда бір сөз сөйлеуде ұсынылады.

      42. ЖЖОКБҰ магистрантқа зерттеу нәтижелерін жариялауға көмек көрсетеді.

      43. Оқуға қабылданғаннан кейін екі ай ішінде әрбір магистрантқа магистрлік диссертацияға басшылық жасау үшін № 4 Бұйрықтың біліктілік талаптарына сәйкес ғылыми жетекші тағайындалады.

      44. Магистрлік диссертацияның (жобаның) мазмұны мен ресімделуіне, оларды дайындау мен қорғауға қойылатын талаптарды ЖЖОКБҰ дербес айқындайды.

      45. Магистрлік диссертация (жоба) міндетті түрде плагиат мәніне тексеруден өтеді, оны жүргізу қағидалары мен тәртібін ЖЖОКБҰ дербес айқындайды.

      46. Магистрлік диссертацияны (жобаны) қорғау магистрлік диссертацияны (жобаны) дайындауды, оны ресімдеуді және қорғау рәсімін қамтиды.

      47. Магистрлік диссертацияны (жобаны) қорғау рәсімін ЖЖОКБҰ дербес айқындайды.

      48. Бейінді магистратураны бітірген магистрантқа педагогикалық бейіннің білім беру бағдарламаларын қосымша меңгергеннен кейін педагогикалық қызметке рұқсат етіледі.

      49. Қорытынды аттестаттау ғылыми-педагогикалық және бейіндік бағыттағы магистратураның білім беру бағдарламасының жалпы көлемінде кемінде 12 академиялық кредитті құрайды және магистрлік диссертацияны (жобаны) жазу және қорғау нысанында өткізіледі.

      50. Қорытынды аттестаттаудың мақсаты магистратураның білім беру бағдарламасын оқып аяқтағаннан кейін қол жеткізілген оқыту нәтижелері мен басты құзыреттерді бағалау болып табылады.

      Қорытынды аттестаттаудың теріс ("қанағаттанарлықсыз") нәтижесін алған жағдайда түлек қорытынды аттестаттау комиссиясы айқындайтын мерзімде анықталған ескертулерді жойғаннан кейін қорытынды аттестаттау комиссиясының шешімі бойынша ағымдағы оқу жылында бір реттік қайта қорытынды аттестаттауға жіберіледі. Қорытынды аттестаттауды қайта тапсырған кезде теріс нәтиже ("қанағаттанарлықсыз") алған бітірушіге "Білім туралы" Заңның 39-бабының 6-тармағына сәйкес мамандығы (кәсібі) бойынша оқудың толық курсын аяқтағаны туралы белгіленген үлгідегі анықтама беріледі.

      51. ЖЖОКБҰ стандарт талаптарына сәйкес оқыту нәтижелерін көрсететін жоғары оқу орнынан кейінгі білімнің беру бағдарламаларын өз бетінше әзірлейді, оның негізінде пәндер бойынша оқу жоспарлары (білім алушының оқу жұмыс жоспарлары, жеке оқу жоспарлары) және оқу жұмыс бағдарламалары (силлабустар) әзірленеді.

      Білім беру магистратурасының білім беру бағдарламалары модульдік оқыту қағидаты бойынша әзірленеді.

3-параграф Докторантурада денсаулық сақтау саласындағы жоғары оқу орнынан кейінгі білім беру бағдарламаларының мазмұнына қойылатын талаптар

      52. Теориялық оқыту докторантураның білім беру бағдарламасының жалпы көлемінде 45 академиялық кредитті құрайды және Ұйым орны компонентінің (бұдан әрі – ЖК) және таңдау компонентінің (бұдан әрі – ТК) пәндерін, практиканы қамтитын базалық (бұдан әрі – БП) және бейіндеуші пәндер (бұдан әрі – БнП) циклдерінен тұрады. Бұл ретте БП және БнП көлемінің арақатынасын ЖЖОКБҰ дербес айқындайды.

      53. ТК пәндерінің тізбесін ЖЖОКБҰ өзі анықтайды. Бұл ретте еңбек нарығының қажеттілігі, жұмыс берушілердің үміттері, докторанттардың қажеттіліктері мен мүдделері ескеріледі.

      Пәндер мен модульдер бағдарламалары, әдетте, білімнің бірқатар бағыттарының түйісуінде кадрлар даярлауды қамтамасыз ететін пәнаралық және көп салалы сипатқа ие.

      54. PhD докторантурада кадрлар даярлау магистратураның, резидентураның білім беру бағдарламалары негізінде жүзеге асырылады. Бұл ретте докторантураның білім беру бағдарламасының бейіні магистратура бағдарламасымен сәйкес келген жағдайда, "кіру" білім беру бағдарламасының алдыңғы білім беру деңгейінің оқу нәтижелері автоматты түрде танылады; докторантураның білім беру бағдарламасының бейіні магистратура бағдарламасымен сәйкес келмеген жағдайда докторантураға меңгеру үшін пререквизиттер белгіленеді.

      55. Қажетті пререквизиттер тізбесі мен оларды игеру мерзімдерін ЖЖОКБҰ дербес анықтайды. Пререквизиттер ақылы негізде игеріледі.

      Пререквизиттер ретінде докторант тануды Ұйым Заңның 5-бабының 38-3) тармақшасына сәйкес жүзеге асыратын тиісті деңгейдің формалды емес білім берудегі оқыту нәтижелерін ұсына алады.

      56. Бейіндік бағыттағы магистрлер, сондай-ақ үздіксіз интеграцияланған білім беру бағдарламаларын немесе резидентураны PhD докторантураға аяқтаған магистрлер келіп түскен кезде оларға пререквизиттер ретінде ғылыми-педагогикалық магистратураның педагогикалық бейінінің жоғары оқу орнынан кейінгі білім беру бағдарламасы қосымша белгіленеді.

      57. Философия докторын (PhD) даярлаудың білім беру бағдарламасы ғылыми-педагогикалық бағытқа ие және жоғары және жоғары оқу орнынан кейінгі білім беру жүйесі және ғылыми сала үшін ғылымның денсаулық сақтау бағыты бойынша іргелі білім беру, әдіснамалық және зерттеу дайындығын және пәнді терең зерделеуді болжайды.

      Бейін бойынша доктор даярлаудың білім беру бағдарламасы іргелі білім беру, әдіснамалық және зерттеу даярлығын және денсаулық сақтау мен медицина салалары үшін ғылым бағыты бойынша пәндерді терең зерделеуді көздейді.

      58. Докторантураның кәсіптік даярлау бойынша білім беру бағдарламалары PhD докторанттар немесе бейіні бойынша докторлар даярлауға арналған аккредиттелген бағдарламаларды іске асыратын шетелдік жоғары оқу орындары мен ғылыми орталықтар тәжірибесін зерделеу негізінде әзірленеді.

      59. Практика ғылыми, ғылыми-педагогикалық және кәсіби қызметтің практикалық дағдыларын қалыптастыру мақсатында өткізіледі.

      Докторантураның білім беру бағдарламасы мыналарды қамтиды:

      1) философия докторы бағдарламасы бойынша білім алушылар үшін – педагогикалық және зерттеу практикасы;

      2) бейіндік докторантура бағдарламасы бойынша білім алушылар үшін-өндірістік практика.

      60. Докторантураның білім беру бағдарламасының ғылыми құрамдас бөлігі докторанттың ғылыми-зерттеу (бұдан әрі – ДҒЗЖ) немесе эксперименттік-зерттеу жұмысынан (бұдан әрі – ДЭЗЖ), ғылыми жарияланымдардан, докторлық диссертацияны жазудан және оны қорғаудан құралады.

      Докторанттың ғылыми-зерттеу (эксперименттік-зерттеу) жұмысының көлемі докторантураның білім беру бағдарламасының жалпы көлемінде 123 академиялық кредитті құрайды.

      61. ДҒЗЖ (ДЭЗЖ) шеңберінде докторанттың жеке жұмыс жоспарында инновациялық технологиялармен және өндірістердің жаңа түрлерімен танысу үшін ғылыми ұйымдарда және (немесе) тиісті салалардың немесе қызмет салаларының ұйымдарында, оның ішінде шетелде міндетті түрде ғылыми тағылымдамадан өту көзделеді.

      Шетелдік тағылымдамадан өту мерзімін ЖЖОКБҰ дербес айқындайды.

      62. Философия докторы (PhD)бағдарламасы бойынша білім алушының ДҒЗЖ қойылатын талаптар:

      1) докторлық диссертация қорғалатын докторантураның білім беру бағдарламасының негізгі мәселелеріне сәйкестігі;

      2) өзектілігі, ғылыми жаңалығы және практикалық маңыздылығы;

      3) ғылым мен практиканың қазіргі заманғы теориялық, әдістемелік және технологиялық жетістіктеріне негізделеді;

      4) компьютерлік технологияны пайдалана отырып, деректерді өңдеудің және интерпретациялаудың қазіргі заманғы әдістеріне негізделеді;

      5) ғылыми зерттеулердің қазіргі заманғы әдістерін қолдана отырып жүргізіледі;

      6) негізгі қорғалатын ережелер бойынша ғылыми-зерттеу (әдістемелік, практикалық) бөлімдерді қамтиды.

      Бейіні бойынша доктор бағдарламасы бойынша білім алушының ДЭЗЖ қойылатын талаптар:

      1) докторлық диссертация қорғалатын білім беру бағдарламасының негізгі мәселелеріне сәйкес келеді;

      2) өзектілігі, ғылыми жаңалығы және практикалық маңыздылығы;

      3) ғылымның, технологияның және өндірістің қазіргі заманғы жетістіктеріне негізделіп, интеграцияланған, функционалдық сипаттағы басқару мәселелеріне арналған нақты практикалық ұсыныстарды, тәуелсіз шешімдерді қамтиды;

      4) озық цифрлық технологияларды қолдану арқылы жүзеге асырылады;

      5) негізгі қорғалатын ережелер бойынша эксперименттік-зерттеу (әдістемелік, практикалық) бөлімдерден тұрады.

      63. Оқу жылы аяқталғаннан кейін жыл сайын докторант жеке жұмыс жоспарын орындау бойынша академиялық аттестаттаудан өтеді.

      64. Докторлық диссертация ДҒЗЖ кезеңінде жүргізіледі.

      ДҒЗЖ қорытынды нәтижесі докторлық диссертация болып табылады.

      65. Докторлық диссертацияны басқару үшін докторантқа оқуға қабылданғаннан кейін екі ай ішінде № 4 Бұйрықтың біліктілік талаптарына сәйкес ғылыми басшылық тағайындалады.

      66. Ғылыми консультанттар докторлық диссертацияның орындалуына және академиялық адалдық принциптерінің сақталуына және диссертациялық жұмыстың қорғауға уақытылы ұсынылуын қамтамасыз етеді.

      67. Докторлық диссертация тақырыбы бірінші семестр ішінде анықталады және ғылыми кеңестің шешімімен бекітіледі.

      68. Диссертациялық зерттеудің мазмұны ұлттық басымдықтарды, мемлекеттік бағдарламаларды, іргелі немесе қолданбалы зерттеулер бағдарламаларын іске асыруға бағытталған.

      69. Докторанттың ғылыми зерттеулерінің негізгі нәтижелері "Дәрежелер беру қағидаларын бекіту туралы" Қазақстан Республикасы Білім және ғылым министрінің 2011 жылғы 31 наурыздағы № 127 бұйрығына (бұдан әрі - № 127 Бұйрық) сәйкес ғылыми, ғылыми-талдамалық және ғылыми-практикалық басылымдарда жарияланады.

      70. Докторантураның білім беру бағдарламалары модульдік оқыту принципі бойынша құрылады.

      71. Қорытынды аттестаттау докторантураның білім беру бағдарламасының жалпы көлемінде 12 академиялық кредитті құрайды және докторлық диссертация жазу және қорғау нысанында өткізіледі.

      Докторлық диссертация мемлекеттік ғылыми-техникалық сараптаманың ұлттық орталығы жүзеге асыратын басқа авторлардың мәтінінен алынған мәтінді табу тұрғысынан тексеруден өтеді.

      72. Қорытынды аттестаттаудың мақсаты докторанттың ғылыми-теориялық және зерттеу-талдау деңгейін, қалыптасқан кәсіби және басқарушылық құзыреттерін, кәсіби міндеттерді өз бетінше орындауға дайындығын және оның дайындығының кәсіби стандарт пен докторантураның білім беру бағдарламасының талаптарына сәйкестігін бағалау болып табылады.

      73. Үздіксіз жоғары оқу орнынан кейінгі медициналық білім берудің білім беру бағдарламасы білім алушылардың резидентура талаптарына сәйкес барлық талап етілетін құзыреттерді меңгеруін көздеуі, сондай-ақ бейіндік докторантураның білім беру бағдарламасының құрылымына сәйкес 45 кредит көлемінде теориялық оқытуды қамтуы тиіс. Білім алушыларға ДЭЗЖ резидентура бағдарламасы бойынша оқу кезінде жүзеге асырылады. Білім алушының жеке жұмыс жоспарында ғылыми ұйымдарда және (немесе) тиісті салалардағы немесе қызмет аясындағы ұйымдарда кемінде 15 кредит көлемінде, оның ішінде шетелде міндетті түрде ғылыми тағылымдамадан өту көзделуі тиіс.

3-тарау. Денсаулық сақтау саласындағы жоғары оқу орнынан кейінгі білімнің білім беру бағдарламалары бойынша білім алушылардың оқу жүктемесінің көлеміне қойылатын талаптар

1-параграф Резидентурада денсаулық сақтау саласындағы жоғары оқу орнынан кейінгі білімнің білім беру бағдарламалары бойынша білім алушылардың оқу жүктемесінің көлеміне қойылатын талаптар

      74. Бір оқу жылының толық оқу жүктемесі бір оқу жылы ішінде кемінде 70 академиялық кредитке (2100 академиялық сағат) сәйкес келеді. Бір академиялық кредит 30 академиялық сағатқа тең. Оқу жылында аралық аттестаттаумен (немесе бітіру курсында қорытынды аттестаттаумен) аяқталатын екі академиялық кезең көзделеді. Бітіруші курсты қоспағанда, білім алушыларға жалпы ұзақтығы кемінде 7 аптаны құрайтын демалыс беріледі.

      75. Резидентурада даярлау аудиториялық жұмысты, тәлімгердің жетекшілігімен дербес клиникалық жұмысты және білім алушының өзінің дербес жұмысын қамтиды. Теориялық даярлық көлемі оқу бағдарламасы көлемінен 20% -дан аспайды. Онлайн оқытуды пайдалана отырып өткізілетін сабақтардың ең аз көлемі оқу жоспары көлемінен 20 %-дан аспайтын көлемге жол беріледі.

      Резидентурада онлайн оқытуды ұйымдастыру үшін ЖЖОБҰ-да, ДССҒҰ-да мыналарды қамтамасыз етеді:

      - өзінің ақпараттық-технологиялық инфрақұрылымының, білім беруді басқарудың ақпараттық жүйесінің (ақпараттық-білім беру порталы, веб-сайт, білім беруді кредиттік технологиямен қамтамасыз етудің автоматтандырылған жүйесі, ақпараттық қауіпсіздік және деректерді қорғау жүйелері) және өзге де цифрлық-білім беру ресурстары мен оқу процесін ұйымдастыру үшін жағдайлардың болуы;

      - оқытуды басқару жүйесінде цифрлық контенттің, синхронды (бір уақытта 200 (екі жүз) пайдаланушыны қосу мүмкіндігі бар бейне-конференц байланысы үшін бағдарламалық қамтамасыз ету) және асинхронды оқыту, онлайн-прокторинг жүйелерінің функциялары бар цифрлық платформалардың болуы.

      - оқу материалын қашықтан оқыту форматына тиімді бейімдей алатын, білім алушылардың үлгерімі мен кері байланысын бағалаудың тиімді жүйелерін әзірлей алатын білікті педагог кадрлардың онлайн оқыту;

      - білім алушылардың оқу жетістіктерін бағалау процесінің әділдігі мен объективтілігі;

      - пәндерді оқытатын оқытушылар бейіні бойынша кемінде 3 жылда бір рет, бір оқу курсының көлемі кемінде 60 сағат біліктілікті арттырудан өтуді.

      - оқу материалдарының "Медициналық және фармацевтикалық мамандықтар бойынша үлгілік білім беру бағдарламаларын бекіту туралы" Қазақстан Республикасы Денсаулық сақтау министрінің 2023 жылғы 9 қаңтардағы № 4 бұйрығына сәйкес келу (Нормативтік құқықтық актілерді мемлекеттік тіркеу тізілімінде № 31672 болып тіркелген);

      - барлық білім алушыларға, олардың жеке мүмкіндіктерін ескере отырып және оқу үшін тең мүмкіндіктерді қамтамасыз ете отырып материалдарының қолжетімділігін;

      - оқыту кезінде білім алушыларға оқытушылар немесе техникалық мәселелер жөніндегі мамандар тарапынан қолдау және көмек алу мүмкіндігін беруді.

2-параграф Магистратурада денсаулық сақтау саласындағы жоғары оқу орнынан кейінгі білімнің білім беру бағдарламалары бойынша білім алушылардың оқу жүктемесінің көлеміне қойылатын талаптар

      76. Оқу жүктемесі магистрантқа оқу пәнін, модульді немесе магистратураның барлық білім беру бағдарламасын зерделеу үшін талап етілетін және магистратураның білім беру бағдарламасында белгіленген оқу нәтижелеріне қол жеткізу үшін қажетті уақытпен өлшенеді.

      77. Оқу жүктемесі магистранттың барлық оқу қызметін – дәрістерді, семинарларды, топтық сабақтарды, топтық жаттығуларды, практикалық сабақтарды, курстық жұмыстарды (жобаларды), практикалық және зертханалық жұмысты, практиканы, ғылыми немесе кәсіптік тағылымдаманы, ғылыми-зерттеу жұмысын, магистрлік диссертацияны (жобаны) орындауды, дербес жұмысты, оның ішінде оқытушының жетекшілігімен орындалатын жұмысты қамтиды.

      78. Магистрант ғылыми жетекшінің басшылығымен жасалатын жеке жұмыс жоспары негізінде оқиды.

      79. Магистранттың жеке жұмыс жоспары оқудың барлық кезеңіне құрастырылады және мынадай бөлімдерден тұрады:

      1) ЖОЖ (қажет болған жағдайда жыл сайын нақтыланады);

      2) ғылыми-зерттеу жұмысы (тақырыбы, зерттеу бағыты, есептілік мерзімі мен нысаны);

      3) практика (бағдарлама, база, есептілік мерзімі мен нысаны);

      4) магистрлік диссертацияның (магистрлік жобаның) негіздемесі мен құрылымы бар тақырыбы;

      5) магистрлік диссертацияны (магистрлік жобаны) орындау жоспары;

      6) ғылыми жарияланымдар, тағылымдамалар жоспары.

      80. Магистранттың оқу жүктемесін айқындау кезінде оқу жылы нысанын ЖЖОКБҰ дербес айқындайтын академиялық кезеңдерден тұрады (семестр – 15 апта, триместр – 10 апта, тоқсан – 7-8 апта), қорытынды аттестаттау кезеңін (бітіру курсында) есепке алғанда.

      81. Бір оқу жылының толық оқу жүктемесі кемінде 60 академиялық кредитке сәйкес келеді және бір оқу жылында кемінде 1800 академиялық сағатқа сәйкес келеді. Бұл ретте бір семестр ішінде білім алушы кемінде 30 академиялық кредитті меңгереді.

      82. Бір академиялық кредит 30 академиялық сағатқа сәйкес келеді.

      83. Магистранттың семестр ішінде академиялық кредиттердің аз немесе көп санын игеруіне жол беріледі. Магистранттардың жекелеген санаттары үшін оқыту нысаны мен технологиясына байланысты оқу нәтижелеріне қол жеткізудің нақты уақыты ерекшеленеді және оны ЖЖОКБҰ дербес есептейді.

      Пәнді бірнеше академиялық кезең ішінде игеруге жол беріледі.

      84. Магистратура бағдарламалары бойынша оқуды аяқтаудың негізгі өлшемі білім алушылардың игеруі болып табылады:

      1) ғылыми-педагогикалық магистратурада магистранттың оқу және ғылыми қызметінің барлық түрлерін қоса алғанда, бүкіл оқу кезеңінде кемінде 120 академиялық кредит;

      2) бейіндік магистратурада оқу мерзімі 1 жыл 60 академиялық кредит және оқу мерзімі 1,5 жыл 90 академиялық кредит беріледі.

      3) "Медицина", "Педиатрия" үздіксіз интеграцияланған білім беру бағдарламалары бойынша – кемінде 360 академиялық кредит; "Стоматология" – кемінде 300 академиялық кредит.

3-параграф Докторантурада денсаулық сақтау саласындағы жоғары оқу орнынан кейінгі білімнің білім беру бағдарламалары бойынша білім алушылардың оқу жүктемесінің көлеміне қойылатын талаптар

      85. Оқу жүктемесі докторантқа оқу пәнді, модульді немесе докторантураның бүкіл білім беру бағдарламасын оқуға кететін уақытпен өлшенеді және докторантураның білім беру бағдарламасында белгіленген оқу нәтижелеріне жету үшін қажет.

      86. Оқу жүктемесі докторанттың барлық оқу қызметін – дәрістерді, семинарларды, топтық сабақтарды, практикалық және зертханалық жұмысты, өндірістегі практиканы, ғылыми немесе кәсіптік тағылымдаманы, ғылыми-зерттеу жұмысын (эксперименттік-зерттеу жұмысын), докторлық диссертацияны жазу мен қорғауды, дербес жұмысты, оның ішінде оқытушының жетекшілігімен жүргізілетін жұмысты қамтиды.

      87. Докторант ғылыми кеңесшілердің басшылығымен жасалатын жеке жұмыс жоспары негізінде оқиды.

      88. Докторанттың жеке жұмыс жоспары оқудың барлық кезеңіне құрастырылады және келесі бөлімдерден тұрады:

      1) ЖОЖ (қажет болған жағдайда жыл сайын нақтылануы мүмкін);

      2) ғылыми-зерттеу, эксперименттік-зерттеу жұмысы (тақырыбы, зерттеу бағыты, мерзімі және есептілік нысаны);

      3) практика (бағдарлама, база, есептілік мерзімі мен нысаны);

      4) докторлық диссертацияның негіздемесі мен құрылымы бар тақырыбы;

      5) докторлық диссертацияны орындау жоспары;

      6) ғылыми жарияланымдар мен тағылымдамалардың жоспары, оның ішінде шетелдік.

      89. Докторанттың оқу жүктемесін айқындау кезінде оқу жылы нысанын Ұйым дербес айқындайтын академиялық кезеңдерден тұрады (семестр – 15 апта, триместр – 10 апта, тоқсан – 7-8 апта), қорытынды аттестаттау кезеңін (бітіру курсында) есепке алғанда.

      90. Бір оқу жылының толық оқу жүктемесі 60 академиялық кредитке сәйкес келеді және бір оқу жылында 1800 академиялық сағатқа сәйкес келеді. Бұл ретте бір семестр ішінде докторант 30 академиялық кредитті меңгереді.

      91. Бір академиялық несие 30 академиялық сағатқа сәйкес келеді.

      92. Осы стандарттың 96 және 97-тармақтарында көрсетілген оқу жүктемесі үлгілік оқу жүктемесін білдіреді. Докторанттың семестр ішінде академиялық кредиттердің аз немесе көп санын меңгеруіне жол беріледі. Докторанттардың жекелеген санаттары үшін оқыту нысаны мен технологиясына байланысты оқу нәтижелеріне қол жеткізудің нақты уақыты ерекшеленуі мүмкін және оны ЖЖОКБҰ дербес есептейді.

      93. Философия докторларын (PhD) (бейіні бойынша доктор) даярлау бойынша білім беру процесі аяқталуының негізгі өлшемшарты докторанттың оқу және ғылыми қызметтің барлық түрлерін қоса алғанда, кемінде 180 академиялық кредитті игеруі болып табылады.

      Резидентура және клиникалық бейіндегі докторантура бағдарламаларын қамтитын үздіксіз жоғары оқу орнынан кейінгі медициналық білім беру бағдарламасы резидентураның үлгілік оқу жоспарында белгіленген мерзімге қосымша кемінде 60 кредитті қамтуы тиіс.

      Докторантураның білім беру бағдарламасын мерзімінен бұрын меңгерген және диссертацияны сәтті қорғаған жағдайда докторантқа оқу мерзіміне қарамастан философия докторы (PhD) (бейін бойынша доктор) дәрежесі беріледі.

4-тарау. Денсаулық сақтау саласындағы жоғары оқу орнынан кейінгі білім беру бағдарламалары бойынша білім алушылардың даярлық деңгейіне қойылатын талаптар

1-параграф Резидентурада денсаулық сақтау саласындағы жоғары оқу орнынан кейінгі білім беру бағдарламалары бойынша білім алушылардың даярлық деңгейіне қойылатын талаптар

      94. Резидент-дәрігерлердің даярлық деңгейіне қойылатын талаптар білім алушылардың қабілеттерін сипаттайтын оқыту нәтижелерінің негізінде айқындалады:

      1) пациентке жетекшілік жасау: медициналық көмек көрсетудің барлық деңгейлерінде дәлелді практика негізінде клиникалық диагнозды тұжырымдауға, емдеу жоспарын тағайындауға және оның тиімділігін бағалауға қабілетті;

      2) коммуникация және коллаборация: пациент үшін үздік нәтижелерге қол жеткізу мақсатында пациентпен, оның айналасымен, денсаулық сақтау мамандарымен тиімді өзара іс-қимыл жасауға қабілетті;

      3) Қауіпсіздік және сапа: медициналық көмектің қауіпсіздігі мен сапасының жоғары деңгейін қамтамасыз ету үшін тәуекелдерді бағалауға және неғұрлым тиімді әдістерді пайдалануға қабілетті;

      4) Қоғамдық денсаулық сақтау: Қазақстан Республикасы Денсаулық сақтау жүйесінің құқықтық және ұйымдастыру саласы шеңберінде өз мамандығы бойынша әрекет етуге, төтенше жағдайларда базалық көмек көрсетуге, ұлт денсаулығын нығайту саясатын жүзеге асыру үшін кәсіби емес командалар құрамында жұмыс істеуге қабілетті;

      5) зерттеулер: барабар зерттеу мәселелерін тұжырымдауға, кәсіби әдебиетті сыни бағалауға, өзінің күнделікті қызметінде халықаралық дерекқорларды тиімді пайдалануға, зерттеу командасының жұмысына қатысуға қабілетті;

      6) оқыту және дамыту: өз бетінше оқуға және кәсіби команданың басқа мүшелерін оқытуға, пікірталастарға, конференцияларға және үздіксіз кәсіби дамудың өзге де нысандарына белсенді қатысуға қабілетті.

      95. Резидентурада даярлау таңдалған мамандық бойынша медициналық көмек көрсету деңгейіне сәйкес келетін резидентура базаларында тиісті клиникалық және практикалық тәжірибе алу арқылы клиника жағдайындағы практикалық жұмысты қамтиды.

      96. Резидентураның білім беру бағдарламасы бойынша оқуды аяқтаған және қорытынды аттестаттаудан табысты өткен адамдарға резидентураның тиісті мамандығы бойынша "дәрігер" біліктілігі беріледі және резидентураны бітіргені туралы куәлік тегін беріледі.

      97. Резидентураны бітіргені туралы куәлікті ЖЖОКБҰ, ДССҒҰ береді, қорытынды аттестаттау комиссиясының төрағасы, ЖЖОКБҰ, ДССҒҰ басшысы немесе ол уәкілеттік берген тұлға қол қояды.

2-параграф Магистратурада денсаулық сақтау саласындағы жоғары оқу орнынан кейінгі білім беру бағдарламалары бойынша білім алушылардың даярлық деңгейіне қойылатын талаптар

      98. Магистранттың дайындық деңгейіне қойылатын талаптар жоғары білімнің екінші деңгейіндегі Дублиндік дескрипторлар (магистратура) негізінде айқындалады және меңгерілген, оқытудың қол жеткізілген нәтижелерінде көрсетілген құзыреттерді көрсетеді.

      Оқыту нәтижелері магистратураның бүкіл білім беру бағдарламасы деңгейінде де, жеке модульдер немесе оқу пәні деңгейінде де тұжырымдалады.

      99. Дескрипторлар білім алушының қабілеттерін сипаттайтын оқыту нәтижелерін көрсетеді:

      1) денсаулық сақтау саласындағы зерттеулердің пәнаралық сипатын білетіндігін және түсінетіндігін көрсетеді;

      2) денсаулық сақтау саласындағы зерттеу, кәсіби және педагогикалық қызметте қолданбалы сипаттағы жаңа білім мен дағдыларды алуға қабілетті;

      3) ғылыми тәсілдер негізінде өз біліктілігінің шеңберінде денсаулық сақтау саласындағы мәселелерді шешуге қабілетті;

      4) ғылыми ақпаратты денсаулық сақтау саласын дамыту және өз біліктілігі шеңберінде жаңа тәсілдерді енгізу үшін пайдаланады;

      5) ақпаратты, идеяларды, нәтижелерді, проблемалар мен шешімдерді денсаулық сақтау саласындағы біліктілік саласындағы кәсіпқойларға да, мамандарға да нақты және біркелкі жеткізеді;

      6) ғылым мен практиканың қазіргі заманғы жетістіктерін негізге ала отырып, өзінің денсаулық сақтау саласындағы біліктілік саласындағы кәсіптік қызметін жоспарлайды;

      7) кәсіби өсумен айналысады, өзін-өзі талдау дағдыларын, жоғары білім деңгейінде оқыту тәжірибесін көрсетеді.

      100. Магистратураның білім беру бағдарламасы бойынша оқуды аяқтаған және қорытынды аттестаттаудан табысты өткен адамдарға "Білім беру бағдарламасының коды және атауы" білім беру бағдарламасы бойынша "Медицина ғылымдарының магистрі" немесе "Денсаулық сақтау магистрі" дәрежесі және жоғары оқу орнынан кейінгі білім туралы диплом қосымшасымен (транскрипт) тегін беріледі.

      Үздіксіз интеграцияланған медициналық білім беру бағдарламалары бойынша оқуды аяқтаған және қорытынды аттестаттаудан сәтті өткен адамдарға "Медицина магистрі", "Медициналық-профилактикалық іс" білім беру бағдарламасының түлектері үшін – "денсаулық сақтау магистрі" дәрежесі және дипломға қосымша (транскрипт) және (немесе) жалпыеуропалық қосымшасы (Diploma Supplement (диплом саплэмент) бар жоғары оқу орнынан кейінгі білім туралы диплом, "Дәрігер" біліктілігі, "Медициналық-профилактикалық іс" білім беру бағдарламасының түлектері үшін – "Дәрігер-гигиенист, эпидемиолог" біліктілігі берілген интернатураны бітіргені туралы куәлік беріледі.

      101. ЖЖОКБҰ бітірушіге дипломға жалпыеуропалық қосымшаны (Diploma Supplement (диплом саплэмент) тегін береді.

3-параграф Докторантурада денсаулық сақтау саласындағы жоғары оқу орнынан кейінгі білім беру бағдарламалары бойынша білім алушылардың даярлық деңгейіне қойылатын талаптар

      102. Докторанттың дайындық деңгейіне қойылатын талаптар жоғары білімнің үшінші деңгейіндегі (докторантура) Дублиндік дескрипторлар негізінде айқындалады және меңгерілген, оқытудың қол жеткізілген нәтижелерінде көрсетілген құзыреттерді көрсетеді.

      103. Еуропалық жоғары білім кеңістігінің жан-жақты қамтылған біліктілік шеңбері шеңберіндегі үшінші деңгейдегі дескрипторлар білім алушының қабілеттерін сипаттайтын оқыту нәтижелерін көрсетеді:

      1) өз мамандығы бойынша денсаулық сақтау саласындағы жүйелі түсінікті көрсетеді, осы салада қолданылатын дағдылар мен зерттеу әдістеріне ие;

      2) денсаулық сақтаудың алдыңғы шебінде тұрған жаңа күрделі идеяларды сыни талдау, бағалау және синтездеу үшін арнайы білімді қолданады;

      3) тәуелсіз зерттеулер жүргізеді және ғылыми нәтижеге жұмыс істейді, денсаулық сақтау саласында жаңа технологиялардың пайда болуына әкелетін жаңа идеялар мен жобаларды әзірлеуге тұрақты қызығушылық танытады;

      4) кәсіби пікірталастарға ауызша немесе жазбаша түрде қатысады, зерттеу нәтижелерін халықаралық академиялық басылымдарда жариялайды;

      5) идеяларды қалыптастырады, инновациялық қызметтің нәтижелерін болжайды, білімге негізделген қоғамның технологиялық, әлеуметтік немесе мәдени дамуының академиялық және кәсіби контекстінде ілгерілеуге ықпал етеді;

      6) көптеген өзара байланысты факторлармен байланысты мәселелерді шешуді талап ететін жаңа контексте еңбек және оқу қызметінде көшбасшылық қасиеттерді, инновациялылықты және дербестікті көрсетеді;

      7) өз құзыреті саласындағы тақырып бойынша мәртебесі бойынша тең, кең ғылыми қоғамдастықпен және қоғаммен қарым-қатынас жасайды;

      8) өзін-өзі талдау дағдыларын, өмір бойы оқуға ұмтылысын және жоғары және жоғары оқу орнынан кейінгі білім беру деңгейінде оқыту тәжірибесін көрсетеді.

      104. Докторантураның білім беру бағдарламасын меңгерген және сараптама нәтижелері бойынша ерекше мәртебесі бар ЖЖОКБҰ диссертациялық кеңестерінің немесе Қазақстан Республикасы Білім және ғылым министрлігі Білім және ғылым саласында сапаны қамтамасыз ету комитетінің оң шешімімен докторлық диссертациясын қорғаған тұлғаларға философия докторы (PhD) немесе бейіні бойынша доктор дәрежесі беріледі және "Дәрежелерді беру қағидаларын бекіту туралы" Қазақстан Республикасы Білім және ғылым министрінің 2011 жылғы 31 наурыздағы № 127 бұйрығына сәйкес диплом және оның қосымшасы (транскрипт) беріледі.

      105. PhD докторы дәрежесін алған тұлғалар ғылыми білімді тереңдету, мамандандырылған тақырып бойынша ғылыми және қолданбалы міндеттерді шешу үшін докторлықтан кейінгі бағдарламаны орындайды немесе ЖЖОКБҰтаңдаған жетекші ғалымның жетекшілігімен ғылыми зерттеулер жүргізеді.

      Бейінді докторантураның түлегі педагогикалық бейіндегі пәндер циклін меңгерген және педагогикалық практикадан өткен жағдайларда ғана ғылыми және педагогикалық қызметпен айналысады.Бұл цикл қосымша академиялық кезең ішінде меңгеріледі (егер докторантураның білім беру бағдарламасында көзделмесе), оны аяқтағаннан кейін оған негізгі дипломға тиісті куәлік беріледі.

      106. Докторантураның білім беру бағдарламасының теориялық оқудың толық курсын меңгерген, бірақ ДҒЗЖ (ДЭЗЖ) орындамаған докторантқа ДҒЗЖ (ДЭЗЖ) академиялық кредиттерін қайта игеруге және кейінгі жылдары диссертацияны ақылы негізде қорғауға мүмкіндік беріледі.

      Докторантураның білім беру бағдарламасының теориялық оқудың толық курсын меңгерген, ДҒЗЖ (ДЭЗЖ) орындаған, бірақ докторлық диссертацияны қорғамаған докторантқа оқу нәтижелері мен академиялық кредиттер беріліп, диссертацияны бітіргеннен кейін бір жыл ішінде тегін негізде, ал кейінгі жылдары кемінде 4 академиялық кредит көлемінде ақылы негізде қорғауға мүмкіндік беріледі.

      Бұл ретте бітіргеннен кейін 3 жыл өткен соң докторант ақылы негізде диссертациялық зерттеудің (research proposal) ғылыми негіздемесі қайта бекітілгеннен кейін ғана қорғауға жіберіледі.

5-тарау. Денсаулық сақтау саласындағы жоғары оқу орнынан кейінгі білімнің білім беру бағдарламалары бойынша білім алушылардың оқу мерзімдеріне қойылатын талаптар

1-параграф Резидентурада денсаулық сақтау саласындағы жоғары оқу орнынан кейінгі білімнің білім беру бағдарламалары бойынша білім алушылардың оқу мерзімдеріне қойылатын талаптар

      107. Резидентурада оқу мерзімі үлгілік оқу жоспарларына сәйкес игерілген академиялық кредиттер көлемімен айқындалады. Академиялық кредиттердің белгіленген көлемін игеру және біліктілікті беру үшін күтілетін оқу нәтижелеріне қол жеткізу кезінде резидентураның тиісті мамандығы бойынша дәрігер - резидентураның білім беру бағдарламасы осы стандартқа қосымшада ұсынылған резидентураның медициналық мамандықтары бойынша оқу бағдарламасының құрылымына сәйкес толық игерілді деп есептеледі

2-параграф Магистратурада денсаулық сақтау саласындағы жоғары оқу орнынан кейінгі білімнің білім беру бағдарламалары бойынша білім алушылардың оқу мерзімдеріне қойылатын талаптар

      108. Магистратурада оқу мерзімі игерілген академиялық кредиттердің көлемімен айқындалады. Академиялық кредиттердің белгіленген көлемін игеру және магистр дәрежесін алу үшін күтілетін оқу нәтижелеріне қол жеткізу кезінде магистратураның білім беру бағдарламасы толық игерілген болып есептеледі.

      109. Магистратурада кадрлар даярлау жоғары білімнің білім беру бағдарламалары негізінде екі бағыт бойынша жүзеге асырылады:

      1) оқу мерзімі екі жылдан кем емес ғылыми -педагогикалық;

      2) оқу мерзімі бір жылдан кем емес бейіндік.

3-параграф Докторантурада денсаулық сақтау саласындағы жоғары оқу орнынан кейінгі білімнің білім беру бағдарламалары бойынша білім алушылардың оқу мерзімдеріне қойылатын талаптар

      110. Докторантурада оқу мерзімі игерілген академиялық кредиттердің көлемімен айқындалады. Философия докторы (PhD) дәрежесін алу үшін немесе бейіні бойынша академиялық кредиттердің белгіленген көлемін игеру және күтілетін оқу нәтижелеріне қол жеткізу кезінде докторантураның білім беру бағдарламасы толық игерілді деп есептеледі.

      111. Докторантурада кадрлар даярлау кемінде үш жыл оқу мерзімімен магистратураның және резидентураның білім беру бағдарламалары базасында жүзеге асырылады.

Резидентураның медициналық мамандықтары бойынша оқу бағдарламасының моделі