"Электрондық үкіметтің" ақпараттандыру объектілеріне және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелерге олардың ақпараттық қауіпсіздік талаптарына сәйкестігіне сынақтар жүргізу әдістемесі мен қағидаларын бекіту туралы

      "Ақпараттандыру туралы" 2015 жылғы 24 қарашадағы Қазақстан Республикасы Заңының 7-1-бабының 5) тармақшасына сәйкес БҰЙЫРАМЫН:

      1. Мыналар:

      1) осы бұйрыққа 1-қосымшаға сәйкес "Электрондық үкіметтің" ақпараттандыру объектілеріне және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелерге олардың ақпараттық қауіпсіздік талаптарына сәйкестігіне сынақтар жүргізу әдістемесі;

      2) осы бұйрыққа 2-қосымшаға сәйкес "Электрондық үкіметтің" ақпараттандыру объектілеріне және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелерге олардың ақпараттық қауіпсіздік талаптарына сәйкестігіне сынақтар жүргізу қағидалары бекітілсін.

      2. "Сервистік бағдарламалық өнімнің, "электрондық үкіметтің" ақпараттық-коммуникациялық платформасының мемлекеттік органның интернет-ресурсының және ақпараттық жүйенің олардың ақпараттық қауіпсіздік талаптарына сәйкестігіне сынақтар жүргізу әдістемесі мен қағидаларын бекіту туралы" Қазақстан Республикасы Қорғаныс және аэроғарыш өнеркәсібі министрінің 2018 жылғы 14 наурыздағы № 40/НҚ бұйрығының (Нормативтік құқықтық актілерді мемлекеттік тіркеу тізілімінде № 16694 болып тіркелген, Қазақстан Республикасы Нормативтік құқықтық актілерінің эталондық бақылау банкінде 2018 жылғы 12 сәуірде жарияланған) күші жойылды деп танылсын.

      3. Қазақстан Республикасы Цифрлық даму, қорғаныс және аэроғарыш өнеркәсібі министрлігінің Ақпараттық қауіпсіздік комитеті заңнамада белгіленген тәртіппен:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрық мемлекеттік тіркелген күннен бастап күнтізбелік он күн ішінде оны Қазақстан Республикасы Нормативтік құқықтық актілерінің эталондық бақылау банкіне ресми жариялау және енгізу үшін Қазақстан Республикасы Әділет министрлігінің "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрық ресми жарияланғаннан кейін оны Қазақстан Республикасы Цифрлық даму, қорғаныс және аэроғарыш өнеркәсібі министрлігінің интернет-ресурсында орналастыруды;

      4) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Цифрлық даму, қорғаныс және аэроғарыш өнеркәсібі министрлігінің Заң департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтер ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Цифрлық даму, қорғаныс және аэроғарыш өнеркәсібі вице-министріне жүктелсін.

      5. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Ұлттық қауіпсіздік комитеті

      2019 жылғы "___" ____________

"Электрондық үкіметтің" ақпараттандыру объектілеріне және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелерге олардың ақпараттық қауіпсіздік талаптарына сәйкестігіне сынақтар жүргізу әдістемесі

1-тарау. Жалпы ережелер

      1. Осы "Электрондық үкіметтің" ақпараттандыру объектілеріне және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелерге олардың ақпараттық қауіпсіздік талаптарына сәйкестігіне сынақтар жүргізу әдістемесі (бұдан әрі – Әдістеме) "Ақпараттандыру туралы" 2015 жылғы 24 қарашадағы Қазақстан Республикасы Заңының 7-1-бабының 5) тармақшасына сәйкес әзірленді.

      2. Осы Әдістемеде мынадай негізгі ұғымдар және қысқартулар пайдаланылады:

      1) қызмет беруші – мемлекеттік техникалық қызмет немесе аккредиттелген сынақ зертханасы;

      2) мемлекеттік техникалық қызмет – Қазақстан Республикасы Үкіметінің шешімі бойынша құрылған, шаруашылық жүргізу құқығындағы республикалық мемлекеттік кәсіпорын;

      3) осалдық – бағдарламалық қамтылымдағы жұмыс қабілеттілігін бұзуға немесе бағдарламалық қамтылымда белгіленген рұқсаттардан тыс қандай да бір заңсыз іс-әрекеттерді орындауға мүмкіндік беретін кемшілік;

      4) өтініш беруші – сынақ объектісінің меншік иесі немесе иеленушісі, сондай-ақ сынақ объектісінің меншік иесі немесе иеленушісі өкілеттік берген "электрондық үкіметтің" ақпараттандыру объектілерінің және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелердің ақпараттық қауіпсіздік талаптарына сәйкестігіне сынақтар жүргізуге өтініш берген жеке немесе заңды тұлға;

      5) сенімді арна – сынақ объектілерінің қауіпсіздік функциялары (бұдан әрі – ОҚФ) мен сынақ объектілерінің қауіпсіздік саясатын қолдауда қажетті сенімді деңгейді қамтамасыз ететін ақпараттық технологиялардың алыс орналасқан сенімді өнім арасындағы өзара іс-қимыл құралы;

      6) сенімді бағыт – сынақ объектілерінің қауіпсіздік саясатын қолдауда сенімділікті қамтамасыз ететін пайдаланушы мен ОҚФ арасындағы өзара іс-қимыл құралы;

      7) сынақ объектісі – оған қатысты ақпараттық қауіпсіздік талаптарына сәйкестікке сынақтан өткізу жөніндегі жұмыстар жүргізілетін ақпараттандыру объектісі.

      3. Сынақтар жүргізу мыналарды қамтиды:

      1) бастапқы кодтарды талдау;

      2) ақпараттық қауіпсіздік функцияларын сынау;

      3) жүктемелік сынау;

      4) желілік инфрақұрылымды зерттеп-қарау;

      5) ақпараттық қауіпсіздікті қамтамасыз ету процестерін зерттеп-қарау.

2-тарау. Бастапқы кодтарды талдау

      4. Сынақ объектілерінің бастапқы кодтарын талдау бағдарламалық қамтылымның (бұдан әрі – БҚ) кемшіліктерін анықтау мақсатында жүргізіледі.

      5. Бастапқы кодтарды талдау "Электрондық үкіметтің" ақпараттандыру объектілерінің және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелердің олардың ақпараттық қауіпсіздік талаптарына сәйкестігіне сынақтар жүргізу қағидаларына (бұдан әрі – Қағидалар) 2-қосымшаның сынақ объектісінің сипаттамалары туралы сауалнама-сұраулықтың 5-тармағы 11) тармақшасының кестесінде аталған БҚ үшін жүргізіледі.

      6. Егер сынақтар жүргізу кезінде сынақ мерзімі аяқталғанға дейін бастапқы кодтарды қайта талдау жүргізу қажеттілігі айқындалса, өтініш беруші қызмет берушіге сұрау салумен жүгінеді және Қағидалардың 26-тармағына сәйкес бастапқы кодтарға қайтадан талдау жүргізу туралы қосымша келісім жасалады.

      7. БҚ кемшіліктерін айқындау өтініш беруші ұсынған бастапқы кодтардың негізінде бастапқы кодты талдауға арналған бағдарламалық құралды пайдалана отырып жүргізіледі.

      8. Бастапқы кодтарды талдау:

      1) БҚ кемшіліктерін айқындауды;

      2) бастапқы кодты талдау нәтижелерін белгілеуді қамтиды.

      9. БҚ кемшіліктерін айқындау мынадай тәртіппен жүзеге асырылады:

      1) бастапқы деректерді дайындау жүргізіледі ("электрондық үкіметтің" ақпараттандыру объектілерінің және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелердің (бұдан әрі – АО) бастапқы кодтарын жүктеу, сканерлеу режимін (қарқынды және/немесе статикалық) таңдау, сканерлеу режимдерінің сипаттамаларын баптау);

      2) БҚ кемшіліктерін айқындауға арналған бағдарламалық құрал іске қосылады;

      3) жалған іске қосылулардың болуына бағдарламалық есептерді талдау жүргізіледі;

      4) сипаттамасы, бағдары (файлға дейінгі жолы) мен тәуекел деңгейі (жоғары, орташа, төмен) көрсетілген БҚ айқындалған кемшіліктерінің тізбесін қамтитын есеп қалыптастырылады.

      10. Бастапқы кодты талдау бойынша жұмыстардың көлемі бастапқы кодтың өлшемімен айқындалады.

      11. Бастапқы кодтарды талдау нәтижелерін қызмет берушінің осы жұмыс түрлерінің жауапты орындаушысы Қағидаларға 2-қосымшаға сәйкес сынақ объектісінің сипаттамалары туралы сауалнама-сұраулық пен Қағидаларға 5-қосымшаға сәйкес сынақ объектісінің бастапқы кодтарын қабылдау-беру актісінің көшірмелері қоса берілген бастапқы кодтарды талдау хаттамасында тіркейді (еркін нысанда).

      Бастапқы кодтарды талдау хаттамасы қосымшаларымен және есеппен парақтарды толассыз нөмірлей отырып, тігіледі және қызмет берушінің мөрі басылады.

      12. Бастапқы кодтарды талдау жүргізу аяқталғаннан кейін оның нәтижелері оң болған кезде сынақ объектісінің бастапқы кодтары таңбаланады және мөр басылған түрінде қызмет берушінің мұрағатына жауапты сақтауға тапсырылады.

      13. Қызмет беруші сынақтар аяқталғаннан кейін олардың құпиялылығын кем дегенде үш жыл сақтай отырып, алынған бастапқы кодтарды сақтауды қамтамасыз етеді.

3-тарау. Ақпараттық қауіпсіздік функцияларын сынау

      14. Ақпараттандыру объектілерінің функцияларын ақпараттық қауіпсіздік талаптарына сәйкестігіне бағалау (бұдан әрі – ақпараттық қауіпсіздік функцияларын сынау) олардың техникалық құжаттаманың, Қазақстан Республикасының нормативтік құқықтық актілері мен Қазақстан Республикасы аумағында қолданыстағы ақпараттық қауіпсіздік саласындағы стандарттардың талаптарына сәйкестігін бағалау мақсатында жүзеге асырылады.

      15. Ақпараттық қауіпсіздік функцияларын сынау мыналарды қамтиды:

      1) қауіпсіздік функцияларының техникалық құжаттаманың, Қазақстан Республикасының нормативтік құқықтық актілері мен Қазақстан Республикасы аумағында қолданыстағы ақпараттық қауіпсіздік саласындағы стандарттардың талаптарына сәйкестігін, соның ішінде бағдарламалық құралдарды пайдалана отырып (қажет болған кезде) бағалау;

      2) сынақ нәтижелерін бақылау, сәйкестікті немесе сәйкессіздікті бағалау нәтижелері мен айқындалған сәйкессіздіктерді түзету жөніндегі ұсынымдар (қажет болған кезде) көрсетілген есепте тіркеу.

      16. Ақпараттық қауіпсіздік функцияларының тізбесі осы Әдістемеге 1-қосымшада берілген.

      17. Ақпараттық қауіпсіздік функцияларын сынау Қағидаларға 2-қосымшаның сынақ объектісінің сипаттамалары туралы сауалнама-сұраулықтың 5-тармағының 1) тармақшасы мен 4) тармақшасының аталған серверлер мен виртуалды ресурстар бөлінісінде жүргізіледі.

      18. Ақпараттық қауіпсіздік функцияларын сынау нәтижелерін қызмет берушінің осы жұмыс түрлерінің жауапты орындаушысы сынақ объектісінің сипаттамалары туралы сауалнама-сұраулықтың көшірмесі қоса берілген ақпараттық қауіпсіздік функцияларын сынау хаттамасында тіркейді (еркін нысанда).

      Ақпараттық қауіпсіздік функцияларын сынау хаттамасы қосымшаларымен және есеппен парақтарды толассыз нөмірлей отырып, тігіледі және қызмет берушінің мөрі басылады.

4-тарау. Жүктемелік сынау

      19. Жүктемелік сынау сынақ объектісінің қолжетімділігін, тұтастығын және құпиялылығын сақтауды бағалау мақсатында жүргізіледі.

      20. Жүктемелік сынау дербес деректер жалған деректермен алмастырылған сынақ объектісін штаттық пайдалану ортасында автоматтандырылған сценарийлер негізінде мамандандырылған бағдарламалық құралды пайдалана отырып жүргізіледі.

      21. Өтініш беруші жүктемелік сынау параметрлерін Қағидаларға 2-қосымшаның сынақ объектісінің сипаттамалары туралы сауалнама-сұраулықтың 5-тармағының 9) тармақшасы мен 10) тармақшасының кестелерінде ұсынады.

      Жүктемелік сынау жүргізу кезінде сынақ объектісінің нақты жүктемелік қабілеттілігінің параметрлері айқындалады.

      22. Жүктемелік сынау мынадай тәртіппен жүзеге асырылады:

      1) сынауға дайындық жүргізіледі;

      2) сынақ жүргізіледі;

      3) сынақ нәтижелері тіркеледі.

      23. Сынауға дайындық мыналарды қамтиды:

      1) сынау сценарийін анықтау;

      2) сынаудың уақытша және сандық сипаттамаларын анықтау;

      3) сынау жүргізу уақытын тапсырыс берушімен келісу.

      24. Сынау жүргізу:

      1) мамандандырылған бағдарламалық құралға сынау сценарийі мен конфигурациясын баптауды;

      2) мамандандырылған бағдарламалық құралды іске қосуды;

      3) сынақ объектісіне жүктеуді тіркеуді;

      4) сынақ объектісінің нақты өткізу қабілетін жоғарылату немесе төмендету жөнінде ұсынымдар көрсете отырып, жүктемелік сынаудың есебін қалыптастыруды және беруді қамтиды.

      25. Жүктемелік тестілеу жүргізу жөніндегі жұмыстар Қағидаларға 2-қосымшаның сынақ объектісінің сипаттамалары туралы сауалнама-сұраулықтың 5-тармағының 9) тармақшасы мен 10) тармақшасының кестелерінде көрсетілген бір сынақ объектісіне пайдаланушыларды қосу нүктелерінің нұсқалары мен сынақ объектісінің интеграциялық өзара іс-қимылын іске қосу нүктелерінің нұсқалар саны бойынша жүргізіледі.

      26. Жүктемелік сынау нәтижелерін қызмет берушінің осы жұмыс түрлерінің жауапты орындаушысы сынақ объектісінің сипаттамалары туралы сауалнама-сұраулықтың көшірмесі қоса берілген жүктемелік сынау хаттамасында тіркейді (еркін нысанда).

      Жүктемелік сынау хаттамасы қосымшаларымен және есеппен парақтарды толассыз нөмірлей отырып, тігіледі және қызмет берушінің мөрі басылады.

5-тарау. Желілік инфрақұрылымды зерттеп-қарау

      27. Желілік инфрақұрылымды зерттеп-қарау желілік инфрақұрылымның қауіпсіздігін бағалау мақсатында жүргізіледі.

      28. Желілік инфрақұрылымды зерттеп-қарау мыналарды қамтиды:

      1) желілік инфрақұрылымның қорғалу функцияларының техникалық құжаттаманың, Қазақстан Республикасының нормативтік құқықтық актілері мен Қазақстан Республикасы аумағында қолданыстағы ақпараттық қауіпсіздік саласындағы стандарттардың талаптарына сәйкестігін бағалау;

      2) өтініш берушінің желілік инфрақұрлымын, соның ішінде бағдарламалық құралдарды пайдалана отырып (қажет болған кезде) зерттеп-қарау;

      3) бағдарламалық құралмен жалпы осалдықтар мен тәуекелдер базасынан бағдарламалық қамтылымның белгілі осалдықтары тұрғысынан сканерлеу;

      4) алынған сынақ нәтижелерін бақылау, сәйкестікті немесе сәйкессіздікті бағалау нәтижелері мен айқындалған сәйкессіздіктерді түзету жөніндегі ұсынымдар (қажет болған кезде) көрсетілген есепте тіркеу.

      29. Желілік инфрақұрылымның қорғалу функцияларының тізбесі осы Әдістемеге 2-қосымшада берілген.

      30. Желілік инфрақұрылымды зерттеп-қарау бойынша жұмыстар Қағидаларға 2-қосымшаның сынақ объектісінің сипаттамалары туралы сауалнама-сұраулықтың 5-тармағы 7) тармақшасының кестесінде көрсетілген сынақ объектісінің әрбір сегментіне (кіші желісіне) жүргізіледі.

      31. Желілік инфрақұрылымды зерттеп-қарау нәтижелерін қызмет берушінің осы жұмыс түрлерінің жауапты орындаушысы сынақ объектісінің сипаттамалары туралы сауалнама-сұраулықтың көшірмесі қоса берілген желілік инфрақұрылымды зерттеп-қарау хаттамасында тіркейді (еркін нысанда).

      Желілік инфрақұрылымды зерттеп-қарау хаттамасы қосымшаларымен және есеппен парақтарды толассыз нөмірлей отырып, тігіледі және қызмет берушінің мөрі басылады.

6-тарау. Ақпараттық қауіпсіздікті қамтамасыз ету процестерін зерттеп-қарау

      32. Ақпараттық қауіпсіздікті қамтамасыз ету процестерін зерттеп-қарау олардың ақпараттық қауіпсіздікті қамтамасыз ету саласындағы нормативтік құқықтық актілер мен стандарттардың талаптарына сәйкестігін бағалау мақсатында жүзеге асырылады.

      33. Ақпараттық қауіпсіздікті қамтамасыз ету процестерін зерттеп-қарау мыналарды қамтиды:

      1) ақпараттық қауіпсіздікті қамтамасыз ету процестерінің ақпараттық қауіпсіздікті қамтамасыз ету саласындағы нормативтік құқықтық актілер мен стандарттардың талаптарына сәйкестігін бағалау;

      2) бағалау нәтижелерін бақылау, сәйкестікті немесе сәйкессіздікті бағалау нәтижелері мен анықталған сәйкессіздіктерді түзету жөніндегі ұсынымдар (қажет болған кезде) көрсетілген есепте тіркеу;

      3) бағдарламалық құралдармен серверлерді, виртуалды ресурстар мен желілік жабдықты белгілі осалдықтар тұрғысынан сканерлеу;

      4) жалған іске қосылулардың болуына анықталған осалдықтарды талдау және оларды жою жөнінде ұсынымдар (қажет болған кезде) қалыптастыру.

      34. Ақпараттық қауіпсіздікті қамтамасыз ету процестерінің тізбесі және олардың мазмұны Әдістемеге 3-қосымшада берілген.

      35. Ақпараттық қауіпсіздікті қамтамасыз ету процестерін зерттеп-қарау бойынша жұмыстар сынақ объектісіне жүргізіледі.

      36. Ақпараттық қауіпсіздікті қамтамасыз ету процестерін зерттеп-қарау нәтижелерін қызмет берушінің осы жұмыс түрлерінің жауапты орындаушысы сынақ объектісінің сипаттамалары туралы сауалнама-сұраулықтың көшірмесі қоса берілген ақпараттық қауіпсіздікті қамтамасыз ету процестерін зерттеп-қарау хаттамасында тіркейді (еркін нысанда).

      Ақпараттық қауіпсіздікті қамтамасыз ету процестерін зерттеп-қарау хаттамасы қосымшаларымен және есеппен парақтарды толассыз нөмірлей отырып, тігіледі және қызмет берушінің мөрі басылады.

      Ақпараттық қауіпсіздікті қамтамасыз ету процестерін зерттеп-қарау хаттамасына айқындалған осалдықтарды талдау нәтижелері енгізілмейді және Өтініш берушіге ұсынымдар нысанында беріледі.

Ақпараттық қауіпсіздік функцияларының тізбесі

Желілік инфрақұрылымды қорғау функцияларының тізбесі

Ақпараттық қауіпсіздікті қамтамасыз ету процестерінің тізбесі мен олардың мазмұны

"Электрондық үкіметтің" ақпараттандыру объектілеріне және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелерге олардың ақпараттық қауіпсіздік талаптарына сәйкестігіне сынақтар жүргізу қағидалары

1-тарау. Жалпы ережелер

      1. Осы "Электрондық үкіметтің" ақпараттандыру объектілеріне және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелерге олардың ақпараттық қауіпсіздік талаптарына сәйкестігіне сынақтар жүргізу қағидалары (бұдан әрі – Қағидалар) "Ақпараттандыру туралы" 2015 жылғы 24 қарашадағы Қазақстан Республикасы Заңының (бұдан әрі – Заң) 7-1-бабының 5) тармақшасына сәйкес әзірленді және "электрондық үкіметтің" ақпараттандыру объектілеріне және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелерге олардың ақпараттық қауіпсіздік талаптарына сәйкестігіне сынақтар жүргізу тәртібін айқындайды.

      2. Осы Қағидаларда мынадай негізгі ұғымдар және қысқартулар пайдаланылады:

      1) ақпараттандыру саласындағы ақпараттық қауіпсіздік (бұдан әрі – АҚ) – электрондық ақпараттық ресурстардың, ақпараттық жүйелер мен ақпараттық-коммуникациялық инфрақұрылымның сыртқы және ішкі қатерлерден қорғалу жай-күйі;

      2) ақпараттық қауіпсіздік жөніндегі техникалық құжаттама (бұдан әрі – АҚ жөніндегі ТҚ) – Қазақстан Республикасы Үкіметінің 2016 жылғы 20 желтоқсандағы № 832 қаулысымен бекітілген Ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптарға сәйкес әзірленген және сынақ объектісінің ақпараттық қауіпсіздігін қамтамасыз ету жөніндегі жалпы талаптарды, қағидаттар мен қағидаларды регламенттейтін құжаттар жиынтығы;

      3) ақпараттық жүйе – ақпараттық өзара іс-қимыл арқылы белгілі технологиялық іс-қимылдарды іске асыратын және нақты функционалдық міндеттерді шешуге арналған ақпараттық-коммуникациялық технологиялардың, қызмет көрсететін персонал мен техникалық құжаттаманың ұйымдастырушылық ретке келтірілген жиынтығы;

      4) бастапқы кодтар – сынақ объектісінің компакт-дискіде сәтті компиляциялануы үшін файлдар мен кітапханаларды қоса алғанда сынақ объектісінің модульдері мен компоненттерінің бастапқы кодтары;

      5) бөлінген сынақ объектісі – бірдей архитектура бойынша құрылған, бірдей мақсаттарға арналған, бірдей функциялар атқаратын және бірдей қолданбалы бағдарламалық қамтылымды пайдаланатын көптеген, соның ішінде белгісіз, тораптардан тұратын сынақ объектісі;

      6) интернет-ресурс – аппараттық-бағдарламалық кешенде орналастырылатын, мәтіндік, графикалық, аудиовизуалды немесе өзге де түрде бейнеленетін, бірегей желілік мекенжайы және (немесе) домендік атауы бар және (немесе) Интернет желісінде жұмыс істейтін, электрондық ақпараттық ресурс;

      7) қызмет беруші – мемлекеттік техникалық қызмет немесе аккредиттелген сынақ зертханасы;

      8) мемлекеттік техникалық қызмет – Қазақстан Республикасы Үкіметінің шешімі бойынша құрылған, шаруашылық жүргізу құқығындағы республикалық мемлекеттік кәсіпорны;

      9) өтініш беруші – сынақ объектісінің меншік иесі немесе иеленушісі, сондай-ақ сынақ объектісінің меншік иесі немесе иеленушісі өкілеттік берген "электрондық үкіметтің" ақпараттандыру объектілерінің және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелердің ақпараттық қауіпсіздік талаптарына сәйкестігіне сынақтар жүргізуге өтініш берген жеке немесе заңды тұлға;

      10) сервистік бағдарламалық өнім – ақпараттық-коммуникациялық қызметті іске асыруға арналған бағдарламалық өнім;

      11) сынақ зертханасы – сынақтарды жүзеге асыратын, техникалық реттеу туралы заңнамаға сәйкес аккредиттелген заңды тұлға немесе заңды тұлғаның атынан әрекет ететін құрылымдық бөлімшесі;

      12) сынақ объектісі – оған қатысты ақпараттық қауіпсіздік талаптарына сәйкестігіне сынақтан өткізу жөніндегі жұмыстар жүргізілетін ақпараттандыру объектісі;

      13) "электрондық үкіметтің" ақпараттық-коммуникациялық платформасы – ақпараттандырудың сервистік моделін іске асыруға арналған технологиялық платформа.

      3. Ақпараттық қауіпсіздік талаптарына сәйкестікке сынақтар міндетті түрде немесе меншік иесінің немесе иеленушінің бастамасы бойынша жүргізіледі.

      4. Ақпараттық қауіпсіздік талаптарына сәйкестікке міндетті сынақ жүргізілетін сынақ объектілеріне мыналар жатады:

      1) сервистік бағдарламалық өнім;

      2) "электрондық үкіметтің" ақпараттық-коммуникациялық платформасы;

      3) мемлекеттік органның интернет-ресурсы;

      4) мемлекеттік органның ақпараттық жүйесі;

      5) ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйе;

      6) мемлекеттік электрондық ақпараттық ресурстарды қалыптастыруға, мемлекеттік функцияларды жүзеге асыруға және мемлекеттік қызметтерді көрсетуге арналған мемлекеттік емес ақпараттық жүйе.

      5. Қазақстан Республикасы ұлттық куәландырушы органының электрондық цифрлық қолтаңбаның түпнұсқалылығын тексеру бойынша сервистерін пайдалануға арналған мемлекеттік органның ақпараттық жүйесі мен мемлекеттік емес ақпараттық жүйесіне ақпараттық қауіпсіздік талаптарына сәйкестігіне сынақтан өту талап етілмейді.

      6. Объектілерді АҚ талаптарына сәйкестігіне сынау (бұдан әрі – сынақ) сынақ өткізу объектілерінің техникалық құжаттаманың, Қазақстан Республикасының нормативтік құқықтық актілері мен Қазақстан Республикасы аумағында қолданыстағы ақпараттық қауіпсіздік саласындағы стандарттардың талаптарына сәйкестігін бағалау бойынша жұмыстарды қамтиды.

      7. Сервистік бағдарламалық өнімді және "электрондық үкіметтің" ақпараттық-коммуникациялық платформасын қоспағанда, сынақ объектілерін сынақтан өткізудің құрамына мынадай жұмыс түрлері кіреді:

      1) бастапқы кодтарды талдау;

      2) ақпараттық қауіпсіздік функцияларын сынау;

      3) жүктемелік сынау;

      4) желілік инфрақұрылымды зерттеп-қарау;

      5) АҚ қамтамасыз ету процестерін зерттеп-қарау.

      8. Сынақ объектісінің бастапқы коды болмаған немесе сынақтардың басқа түр(лер)ін жүргізу мүмкін болмаған жағдайда, сынақ объектісінің бастапқы кодына талдау немесе сынақтардың басқа түр(лер)ін жүргізудің міндетті еместігі туралы шешім өтінім берушінің сұрау салуы бойынша ақпараттық қауіпсіздікті қамтамасыз ету саласындағы уәкілетті органның (бұдан әрі – уәкілетті орган) шешімімен белгіленеді.

      Уәкілетті орган осы Қағидалардың 7-тармағына сәйкес сынақтардың басқа түрлерін жүргізу кезеңінде өтініш берушінің сынақ объектісінің бастапқы кодына талдау немесе сынақтардың басқа түр(лер)ін жүргізбеу туралы сұрау салуының негізділігін тексеру туралы қызмет берушіге тапсырма беруге құқылы.

      9. Сервистік бағдарламалық өнімді сынауға:

      1) бастапқы кодтарын талдау;

      2) ақпараттық қауіпсіздік функцияларын сынау;

      3) жүктемелік сынау кіреді.

      10. "Электрондық үкіметтің" ақпараттық-коммуникациялық платформасын сынақтан өткізуге:

      1) бастапқы кодтарды талдау;

      2) ақпараттық қауіпсіздік функцияларын сынау;

      3) желілік инфрақұрылымын зерттеп-қарау;

      4) АҚ қамтамасыз ету процестерін зерттеп-қарау кіреді.

      11. Біртекті бөлінген сынақ объектілеріне сынақтар бөлінген сынақ объектісінің орталық торап(тар)ы мен бөлінген сынақ объектісі тораптарының жалпы санының оннан бір бөлігінен кем емес санын құрайтын кейбір (өтініш берушімен келісу бойынша) жеке тораптары үшін жүргізіледі.

      Біртекті бөлінген сынақ объектісінің орталық торап(тар)ы үшін сынақтар жұмыс түрлерінің толық құрамымен жүргізіледі.

      Біртекті бөлінген сынақ объектісінің тораптары үшін жүргізілетін сынақтардың құрамына:

      1) бастапқы кодтарды талдау;

      2) ақпараттық қауіпсіздік функцияларын сынау кіреді.

      12. Бастапқы кодтарды талдауды мемлекеттік техникалық қызмет жүргізеді.

      13. Мемлекеттік техникалық қызмет "электрондық үкіметтің" ақпараттандыру объектілерінің ақпараттық қауіпсіздік талаптарына сәйкестігіне сынақ жүргізеді.

      14. Ақпараттық-коммуникациялық инфрақұрылымның аса маңызды объектілеріне ("электрондық үкіметтің" ақпараттандыру объектілері болып табылатындарды қоспағанда) жатқызылған ақпараттық жүйенің және "электрондық үкіметтің" ақпараттандыру объектілеріне жатқызылмаған өзге ақпараттандыру объектілерінің ақпараттық қауіпсіздік талаптарына сәйкестікке сынақтарды аккредиттелген сынақ зертханалары жүргізеді.

      15. Сынақ объектісінің басқа ақпараттандыру объектісімен интеграциялануы (қолданыстағы немесе жоспарлы) жағдайында, сынақтар сынақ объектісінің құрамына интеграциялауды қамтамасыз ететін компоненттер енгізу (интеграциялау модулі, ішкі интеграциялау жүйесі, интеграциялық шина немесе басқа) арқылы жүргізіледі.

2-тарау. Ақпараттандыру объектілеріне ақпараттық қауіпсіздік талаптарына сәйкестікке сынақтарды мемлекеттік техникалық қызметте жүргізу тәртібі

      16. Сынақтар жүргізу үшін өтініш беруші мынадай құжаттарды ұсына отырып, мемлекеттік техникалық қызметке қағаз тасымалдауышта ілеспе хатпен осы Қағидаларға 1-қосымшаға сәйкес нысан бойынша сынақтар жүргізуге өтінім (бұдан әрі – өтінім) береді:

      1) жеке басты куәландыратын құжаттың көшірмесі (жеке тұлғалар үшін);

      2) өтініш берушінің қолымен және мөрімен (болған кезде) куәландырылған:

      заңды тұлғаның құрылтай құжаттарының көшірмелері (заңды тұлғалар үшін);

      заңды тұлғаны мемлекеттік тіркеу туралы анықтаманың немесе куәліктің көшірмесі (заңды тұлғалар үшін);

      шарттарға қол қоюға өкілеттік берілген тұлғаның атына сенімхаттың немесе заңды тұлғаның басшысын тағайындау туралы құжаттың көшірмесі (заңды тұлғалар үшін);

      банк деректемелері;

      3) сынақ объектісінің меншік иесі немесе иеленушісі бекіткен қағаз тасымалдауышта осы Қағидалардың 2-қосымшасына сәйкес сынақ объектісінің сипаттамалары туралы сауалнама-сұраулық;

      4) меншік иесі немесе иеленушісі бекіткен компакт-дискіде ақпараттандыру объектісіне арналған техникалық тапсырма немесе техникалық ерекшелігі не ақпараттық-коммуникациялық көрсетілетін қызметті (сервистік бағдарламалық өнім үшін) жобалауға арналған тапсырма;

      5) сәтті компиляция үшін қажетті сынақ объектілері компоненттерінің және кітапханалары мен файлдары бар модульдерінің бастапқы кодтары компакт-дискіде (қажет болған кезде);

      6) осы Қағидаларға 3-қосымшаға сәйкес сынақ объектісінің бекітілген ақпараттық қауіпсіздік жөніндегі техникалық құжаттамасының көшірмелері электрондық түрде компакт-дискіде (қажет болған кезде);

      7) иеленуші (меншік иесі) сынақтар жүргізу туралы өтінім беруге өтініш берушіге өкілеттік беретін құжат (қажет болған кезде).

      17. Өтініш беруші сатып алуды мемлекеттік сатып алу веб-порталы арқылы жүзеге асырған жағдайда, сынықтар жүргізуге өтінім ағымдағы жылдың 1 қарашасынан кешіктірмей қабылданады.

      18. Мемлекеттік техникалық қызмет өтінімді алған күнінен бастап бес жұмыс күні ішінде осы Қағидалардың 16-тармағында көрсетілген құжаттардың толықтығын тексеруді жүзеге асырады.

      19. Осы Қағидалардың 16-тармағында көрсетілген талаптарға сәйкес өтінім және қоса берілген құжаттар сәйкес келмеген жағдайда, өтінім қайтару себептерін көрсете отырып, өтініш берушіге кері қайтарылады.

      20. Осы Қағидалардың 16-тармағында көрсетілген пакеттер топтамасы толық болған кезде мемлекеттік техникалық қызмет бес жұмыс күні ішінде өтініш берушіге:

      1) сатып алуды өтініш беруші мемлекеттік сатып алу веб-порталы арқылы жүзеге асырған кезде, сынақтар жүргізуге арналған шартқа техникалық ерекшеліктің жобасын жібереді. Өтініш беруші техникалық ерекшеліктің жобасын алған күнінен бастап үш жұмыс күні ішінде мемлекеттік сатып алу веб-порталына мемлекеттік сатып алу туралы шартты тікелей жасау арқылы бір көзден алу тәсілімен мемлекеттік сатып алу туралы шарттың жобасын орналастырады;

      2) сатып алуды өтініш беруші мемлекеттік сатып алу веб-порталын қолданусыз жүзеге асырған кезде, сынақтар жүргізуге арналған шарттың екі данасын жібереді. Өтініш беруші жоғарыда көрсетілген шарттың екі данасын алған күнінен бастап бес жұмыс күні ішінде оларға қол қояды және шарттың бір данасын мемлекеттік техникалық қызметке қайтарады.

      21. Сынақтар мерзімі өтініш берушімен келісіледі және сынақтар жүргізу бойынша жұмыстардың көлемі мен сынақ объектісінің сыныптау сипаттамаларына байланысты болады.

      Сынақтар мерзімін келісу мүмкін болмаған жағдайда, өтінім сынақтар мерзімін айқындау үшін уәкілетті органға жүгіну мүмкіндігі көрсетіліп, қанағаттандырусыз өтініш берушіге кері қайтарылады.

      22. Сынақтар жүргізу үшін өтініш беруші мемлекеттік техникалық қызметке мыналарды қамтамасыз етеді:

      1) жұмыс орнын, пайдаланушының жұмыс орнына, серверлік және желілік жабдыққа, сынақ объектісінің телекоммуникациялық желісіне және сынақ объектісінің құжаттамасы мен ілеспе құжаттамасына, соның ішінде сынақ объектісі мен сынақ объектісінің құрамына кіретін компоненттерді сүйемелдеуге және техникалық қолдап отыруға арналған шарттарға қолжетімділік;

      2) сынақ объектісінің функцияларын техникалық құжаттама талаптарына сәйкес көрсету.

      23. Өтініш берушінің осы Қағидалардың 22-тармағының талаптарын қамтамасыз ету мүмкінсіздігі жағдайында, шартқа оны орындау мерзімін ұзарту туралы қосымша келісімге қол қоюды ескере отырып, сынақтар Өтініш берушіге оларды қамтамасыз ету үшін қажетті уақытқа тоқтатылады.

      24. Сынақтар "Электрондық үкіметтің" ақпараттандыру объектілеріне және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелерге олардың ақпараттық қауіпсіздік талаптарына сәйкестігіне сынақтар жүргізу әдістемесіне сәйкес жүргізіледі.

      25. Сынақтар жүргізу кезінде осы Қағидалардың 16-тармағының 3) тармақшасына сәйкес ұсынылған сынақ объектісінің сипаттамалары туралы сауалнама-сұраулықтың деректері мен сынақ объектісінің нақты жай-күйі арасында айырмашылық айқындалған жағдайда, өтініш беруші мемлекеттік техникалық қызметке сынақ объектісі меншік иесінің немесе иеленушісінің лауазымды тұлғасының қолымен және мөрімен бекітілген сынақ объектісінің сипаттамалары туралы жаңартылған сауалнама-сұраулықты жібереді. Сынақ объектісінің сипаттамалары туралы жаңартылған сауалнама-сұраулық (қажет болған кезде) сынақ мерзімін ұзартуға және сынақтар жүргізу құнын өзгеруге қосымша келісім жасаудың негіздемесі болып табылады.

      26. Қажет болған кезде, сынақтар кезінде сынақ мерзімі аяқталғанға дейін жұмыстардың бір немесе бірнеше түрі бойынша қайтадан сынақтар жүргізу қажеттілігі айқындалса, өтініш беруші сұрау салумен мемлекеттік техникалық қызметке жүгінеді және осы жұмыс түрлері бойынша қайтадан сынақ жүргізу туралы қосымша келісім жасалады.

      27. Сынаққа кіретін әрбір жұмыс түрінің нәтижелері және анықталған сәйкессіздіктерді жою жөніндегі ұсынымдар екі данада ресімделетін жеке хаттамаға енгізіліп, біреуі өтініш берушіге беріледі.

      28. Мемлекеттік техникалық қызметтің сынақтарға кіретін жұмыстардың әрбір түрін жүргізуінің бағалары Заңның 14-бабының 2-тармағына сәйкес белгіленеді.

      29. Сынақтар жүргізу құнын есептеу үшін өтініш беруші мемлекеттік техникалық қызметке сынақ объектісінің меншік иесі немесе иеленушісі бекіткен сынақ объектісінің сипаттамалары туралы сауалнама-сұраулықты жібереді.

      30. Егер өтініш беруші сынақ кезінде анықталған сәйкессіздіктерді атқарылған жұмыстар бойынша сынақ хаттамаларын алған күнінен бастап жиырма жұмыс күні ішінде жойса және айқындалған сәйкессіздіктерді түзету нәтижелерімен салыстыру кестесін және осы Қағидаларға 5-қосымшаға сәйкес сынақ объектісінің бастапқы кодтарын қабылдау-тапсыру актісін қоса бере отырып, мемлекеттік техникалық қызметке қайтадан сынақтар жүргізуге сұрау салу жіберсе, мемлекеттік техникалық қызмет өтініш берушіден хабарламаны алған күннен бастап он бес жұмыс күні ішінде аталған жұмыс түрлері бойынша тиісті құжаттарды ресімдей отырып, ақысыз негізде қайтадан сынақтар жүргізеді.

      31. Сынақ объектісінің бағдарламалық қамтылымына өзгерістер енгізуге байланысты сәйкессіздіктерді жойғаннан кейін қайтадан сынақ жүргізген кезде бастапқы кодты талдау бұрын сәйкессіздіктер айқындалмай орындалғанына қарамастан, міндетті тәртіппен жүргізіледі. Бұл ретте өтініш беруші қайтадан сынақтар жүргізу туралы сұрау салуға сынақ объектісінің компакт-дискіге сәтті компиляциясы үшін қажетті кітапханалары мен файлдары бар сынақ объектісі компоненттерінің және модульдерінің бастапқы кодтарын және осы Қағидаларға 5-қосымшаға сәйкес сынақ объектісінің бастапқы кодтарын қабылдау-тапсыру актісін қоса береді.

      32. Қайтадан сынақтар жүргізген кезде сәйкессіздіктер анықталған жағдайда, мемлекеттік техникалық қызмет теріс қорытынды бар хаттаманы ресімдейді, одан кейін сынақтар осы Қағидалардың 2-тарауында белгіленген тәртіппен жүргізіледі.

      33. Сынақтар хаттамалары жоғалған, бүлінген немесе зақымдалған кезде сынақ объектісінің меншік иесі немесе иеленушісі себептерін көрсете отырып, мемлекеттік техникалық қызметке хабарлама жібереді.

      Мемлекеттік техникалық қызмет хабарламаны алған күнінен бастап бес жұмыс күні ішінде сынақтар хаттамаларының телнұсқасын береді.

3-тарау. Ақпараттандыру объектілеріне ақпараттық қауіпсіздік талаптарына сәйкестікке сынақтарды сынақ зертханаларында жүргізу тәртібі

      34. Сынақтарды сынақ зертханаларында жүргізуге шарттар жасау тәртібі Қазақстан Республикасының Азаматтық кодексіне сәйкес айқындалады.

      35. Сынақтар жүргізу үшін өтініш беруші мынадай құжаттарды ұсына отырып, қызмет берушіге қағаз тасымалдауышта осы Қағидаларға 1-қосымшаға сәйкес сынақтар жүргізуге өтінім (бұдан әрі – өтінім) жібереді:

      1) жеке басты куәландыратын құжаттың көшірмесі (жеке тұлғалар үшін);

      2) өтініш берушінің қолымен және мөрімен (болған кезде) куәландырылған:

      заңды тұлғаның құрылтай құжаттарының (болған кезде) көшірмелері (заңды тұлғалар үшін);

      заңды тұлғаны мемлекеттік тіркеу туралы анықтаманың немесе куәліктің көшірмесі (заңды тұлғалар үшін);

      шарттарға қол қоюға өкілеттік берілген тұлғаның атына сенімхаттың немесе заңды тұлғаның басшысын тағайындау туралы құжаттың көшірмесі (заңды тұлғалар үшін);

      банк деректемелері;

      3) сынақ объектісінің меншік иесі немесе иеленушісі бекіткен қағаз тасымалдауышта осы Қағидаларға 2-қосымшаға сәйкес сынақ объектісінің сипаттамалары туралы сауалнама-сұраулық;

      4) меншік иесі немесе иеленуші бекіткен компакт-дискіде ақпараттандыру объектісіне арналған техникалық тапсырма немесе техникалық ерекшелігі (қажет болған кезде);

      5) сәтті компиляция үшін қажетті сынақ объектілері компоненттерінің және кітапханалары мен файлдары бар модульдерінің бастапқы кодтары компакт-дискіде (қажет болған кезде);

      6) осы Қағидаларға 3-қосымшаға сәйкес сынақ объектісінің бекітілген ақпараттық қауіпсіздік жөніндегі техникалық құжаттамасының көшірмелері электрондық түрде компакт-дискіде (қажет болған кезде);

      7) меншік иесі немесе иеленуші сынақтар жүргізу туралы өтінім беруге өтініш берушіге өкілеттік беретін құжат (қажет болған кезде).

      36. Сынақтар "Электрондық үкіметтің" ақпараттандыру объектілеріне және ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйелерге олардың ақпараттық қауіпсіздік талаптарына сәйкестігіне сынақтар жүргізу әдістемесіне сәйкес жүргізіледі.

      37. Егер өтініш беруші сынақ кезінде анықталған сәйкессіздіктерді атқарылған жұмыстар бойынша сынақ хаттамаларын алған күнінен бастап жиырма жұмыс күні ішінде жойса және айқындалған сәйкессіздіктерді түзету нәтижелерімен салыстыру кестесін қоса бере отырып, қызмет берушіге қайтадан сынақтар жүргізуге сұрау салу жіберсе, қызмет беруші өтініш берушіден хабарламаны алған күннен бастап он бес жұмыс күні ішінде аталған жұмыс түрлері бойынша тиісті құжаттарды ресімдей отырып, ақысыз негізде қайтадан сынақтар жүргізеді.

      Белгіленген мерзімді өткізіп алу осы Қағидаларда белгіленген жалпы тәртіпте сынақтар жүргізу үшін негіздеме болып табылады.

      38. Қайтадан сынақтар жүргізген кезде сәйкессіздіктер анықталған жағдайда, қызмет беруші теріс қорытынды бар хаттаманы ресімдейді, одан кейін сынақтар осы Қағидалардың 3-тарауында белгіленген тәртіппен жүргізіледі.

      39. Сынақтар хаттамалары жоғалған, бүлінген немесе зақымдалған кезде сынақ объектісінің меншік иесі немесе иеленушісі себептерін көрсете отырып, қызмет берушіге хабарлама жібереді.

      Қызмет беруші хабарламаны алған күнінен бастап бес жұмыс күні ішінде сынақтар хаттамаларының телнұсқасын береді.

4-тарау. Ақпарттық қауіпсіздік талаптарына сәйкестікке сынақтардың нәтижелері бойынша акт беру тәртібі

      40. Ақпарттық қауіпсіздік талаптарына сәйкестікке сынақтардың нәтижелері бойынша актіні (бұдан әрі – сынақтар актісін) уәкілетті орган береді.

      41. Сынақтар актісін алу үшін өтініш беруші сынақ объектісінің иеленушісі (меншік иесі) бекіткен осы Қағидаларға 2-қосымшаға сәйкес қағаз тасымалдауышта сынақ объектісінің сипаттамалары туралы сауалнама-сұраулықты қоса бере отырып, осы Қағидалардың 7-11 тармақтарында айқындалған хаттамалардың толық жинағымен уәкілетті органға еркін нысанда өтініш жібереді.

      42. Сынақтар актісіне енгізілетін сынақтың жеке түрі бойынша хаттаманың жарамдылық мерзімі хаттама берілген күнінен бастап бір жылдан аспайды.

      43. Уәкілетті орган он жұмыс күні ішінде осы Қағидалардың 7-11 тармақтарында айқындалған сынақтар хаттамаларының толық жинағы негізінде сынақтар актісінің ажырамас бөлігі болып табылатын сынақ объектісінің сипаттамалары туралы сауалнама-сұраулықты қоса бере отырып, осы Қағидаларға 4-қосымшаға сәйкес нысан бойынша екі дана (уәкілетті орган мен өтініш беруші үшін бір-бірден) сынақтар актісін беру туралы шешім қабылдайды және оны өтініш берушіге жібереді.

      Уәкілетті органға ұсынылған сауалнама-сұраулықтың деректері мен сынақтар хаттамаларына қоса берілген сауалнама-сұраулықтың деректері арасындағы айырмашылық сынақтар актісін беруден бас тарту негіздемесі болып табылады.

      44. Өтініш беруші сынақтар хаттамаларының нәтижелерімен келіспеген жағдайда, уәкілетті орган сынақтар актісін беру мерзімін бес жұмыс күнінен аспайтын мерзімге ұзарту туралы шешім қабылдауға құқылы.

      Туындаған келіспеушіліктерді шешу үшін уәкілетті орган өтініш беруші мен қызмет беруші (қызмет берушілердің) өкілдерін талқылауға шақырып, олардың қатысуымен сынақтар актісін беру немесе бермеу туралы түпкілікті шешім қабылдайды.

      45. Оң нәтижесімен сынақтар актісінің жарамдылық мерзімі "электрондық үкіметтің" ақпараттық-коммуникациялық платформасын қоспағанда, сынақ объектісін өнеркәсіптік пайдалану мерзімімен немесе сынақ объектісін жаңғыртуды бастау сәтіне дейін шектеледі.

      "Электрондық үкіметтің" ақпараттық-коммуникациялық платформасының сынақтар актісі бір жылға жарамдылық мерзімімен беріледі.

      46. Ақпараттандыру объектісінің жұмыс істеу жағдайлары мен функционалдығына өзгерістер енгізген кезде ақпараттандыру объектісінің меншік иесі немесе иеленушісі өзгерістерге әкелген жұмыстарды аяқтағаннан кейін уәкілетті органға барлық жүргізілген өзгерістердің сипаттамасын қоса беріп, хабарлама жібереді.

      Уәкілетті орган бес жұмыс күнінен аспайтын мерзімде сынақтар актісін қайтарып алу немесе қайтармау туралы шешім қабылдайды.

      47. Сынақ объектісінің нақты сипаттамалары мен сынақтар актісінің ажырамас бөлігі болып табылатын сынақ объектісінің сипаттамалары туралы сауалнама-сұраулықта көрсетілген сипаттамалары арасында айқындалған жағдайда, уәкілетті орган сынақтар актісін қайтарып алу туралы шешім қабылдауға құқылы.

      48. Сынақтар актісі жоғалған, бүлінген немесе зақымдалған кезде сынақ объектісінің меншік иесі немесе иеленушісі себептерін көрсете отырып, уәкілетті органға хабарлама жібереді.

      Уәкілетті орган хабарламаны алған күнінен бастап бес жұмыс күні ішінде сынақтар актісінің телнұсқасын береді.

      49. Сынақтар актісін қайтарып алу жағдайында, меншік иесі немесе иеленуші үш айлық мерзімде осы Қағидалардың 2 немесе 3-тарауында белгіленген тәртіппен сынақтан өткізу туралы қызмет берушілерге өтінім беру үшін шаралар қолдануға міндетті.

      __________________________________________________________________

      (қызмет берушінің атауы) __________________________________________________________________

      (сынақтар жүргізу объектісінің атауы)

      ақпараттық қауіпсіздік талаптарына сәйкестігіне (бұдан әрі – сынақтар)

Сынақтар жүргізуге өтінім

      1. ________________________________________________________________

      (өтініш беруші ұйымның атауы, өтініш берушінің Т.А.Ә. (болған кезде)

      _______________________________________________________________________

      (өтініш берушінің пошта мекенжайы, e-maіl және телефоны, облыс, қала, аудан)

      мынадай жұмыстар құрамымен:

      1) ________________________________________________________________

      2) ________________________________________________________________

      3) ________________________________________________________________

      4) ________________________________________________________________

      5) ________________________________________________________________

      (осы Қағидалардың 7/8/9/10/11 тармағына сәйкес жұмыс түрлерінің тізбесі

      (қажетті тармақты көрсету))

      __________________________________________________________________

      (сынақтар жүргізу объектісінің атауы, нұсқасының нөмірі, әзірлеу күні)

      сынақтар жүргізуді сұрайды.

      2. Сыналатын сынақ объектісінің иеленушісі (меншік иесі) туралы мәліметтер

      __________________________________________________________________

      (атауы немесе Т.А.Ә. (болған кезде)

      __________________________________________________________________

      (облыс, қала, аудан, пошта мекенжайы, телефоны)

      3. Сыналатын сынақ объектісінің әзірлеушісі туралы мәліметтер

      __________________________________________________________________

      (әзірлеуші туралы ақпарат, авторлар атауы немесе Т.А.Ә. (болған кезде)

      __________________________________________________________________

      (облыс, қала, аудан, пошта мекенжайы, телефоны)

      4. Қызмет берушімен байланысуға жауапты тұлғаның деректері:

      1) тегі, аты, әкесінің аты: ____________________________________________;

      2) лауазымы: ______________________________________________________;

      3) жұмыс телефоны: __________, ұялы телефоны : ______________________;

      4) электрондық пошта мекенжайы: Е-maіl: ______@_______.

      Өтініш беруші ұйымның басшысы/өтініш берушінің Т.А.Ә. (болған кезде)

                                                      _________ (қолы, күні)

      (мөрдің орны) болған кезде

Сынақ объектісінің сипаттамалары туралы сауалнама-сұраулық

      1. Сынақ объектісінің атауы:

      __________________________________________________________________

      __________________________________________________________________

      2. Сынақ объектісіне қысқаша аңдатпа

      __________________________________________________________________

      (мақсаты мен пайдалану аясы)

      3. Сынақ объектісінің сыныптауы:

      1) қолданбалы бағдарламалық қамтылымның сыныбы_________.

      2) Қазақстан Республикасы Инвестициялар және даму министрінің міндетін атқарушының 2016 жылғы 28 қаңтардағы № 135 бұйрығымен (нормативтік құқықтық актілердің Мемлекеттік тіркеу тіркелімінде № 13349 болып тіркелді) бекітілген Ақпараттандыру объектілерін сыныптау қағидаларына 2-қосымшаның нысаны бойынша сыныптау схемасы.

      4. Сынақ объектінің архитектурасы:

      1) сынақ объектісінің:

      сынақ объектісінің компоненттері, модульдері және олардың ІP-мекенжайлары;

      компоненттері немесе модульдері арасындағы байланыстары және ақпараттық ағындардың бағыттары;

      басқа ақпараттандыру объектілерімен интеграциялық өзара іс-қимылды қосу нүктелері; пайдаланушылар қосылған нүктелер;

      деректерді сақтау орындары мен технологиялары;

      қолданылатын резервтік жабдық;

      пайдаланылатын терминдер мен аббревиатуралардың түсіндірмелері көрсетілген функционалдық схемасы (қажет болған кезде);

      2) сынақ объектісінің:

      желінің архитектурасы мен сипаттамалары;

      серверлік және коммуникациялық жабдық;

      адрестеу мен қолданылатын желілік технологиялар;

      пайдаланылатын локалдық, ведомстволық (корпоративтік) және жаһандық желілері;

      жұмыс істемей қалу болмаушылығын қамтамасыз ету және резервтеу жөніндегі шешім(дер);

      пайдаланылатын терминдер мен аббревиатуралардың түсіндірмелері көрсетілген деректерді беру желісінің схемасы (қажет болған кезде);

      5. Сынақ объектісі туралы ақпарат:

      1) серверлерлік жабдық туралы ақпарат (кестені толтыру):

      2) желілік жабдық туралы ақпарат (кестені толтыру):

      3) серверлік және желілік жабдық орналасқан орны (кестені толтыру):

      4) резервтік серверлік жабдықтың сипаттамалары (кестені толтыру):

      5) резервтік желілік жабдықтың сипаттамалары (кестені толтыру):

      6) резервтік серверлерлік және желілік жабдық орналасқан орны (кестені толтыру):

      7) корпоративтік желінің құрылымы (кестені толтыру) (қажет болған кезде):

      8) әкімшілердің жұмыс станциялары бойынша ақпарат (кестені толтыру):

      9) мобильдік және интернет қосымшаларын пайдалануды қоса алғанда, қолданбалы бағдарламалық қамтылымды пайдаланушылар туралы ақпарат (кестені толтыру):

      10) сынақ объектісінің интеграциялық өзара іс-қимылы, соның ішінде болжамды, туралы ақпарат (кестені толтыру):

      11) қолданбалы БҚ бастапқы кодтары (кестені толтыру) (қажет болған кезде):

      12) пайдаланылатын кітапханалар мен бағдарламалық платформаның(лардың) бастапқы кодтары және орындалатын файлдары (қажет болған кезде):

      6. Сыналатын объектіні құжаттау (кестені толтыру) (қажет болған кезде):

      7. Бұрын өткен жұмыс түрлері немесе сынақтар туралы мәліметтер

      (хаттаманың нөмірі, күні):

      __________________________________________________________________

      8. Сыналатын объектіге лицензияның болуы (авторлық құқықтың болуы,

      бастапқы кодты ұсынуға әзірлеуші ұйыммен келісімнің болуы)

      __________________________________________________________________

      __________________________________________________________________

      9. Қосымша ақпарат: ________________________________________________

      __________________________________________________________________

      __________________________________________________________________

Ақпараттық қауіпсіздік жөніндегі техникалық құжаттаманың тізбесі

      1. Ақпараттық қауіпсіздік саясаты;

      2. Ақпаратты өңдеу құралдарымен байланысты активтерді сәйкестендіру, сыныптау және маркалау қағидалары;

      3. Ақпараттық қауіпсіздік тәуекелдерін бағалау әдістемесі;

      4. Ақпаратты өңдеу құралдарымен байланысты активтердің үздіксіз жұмыс істеуін қамтамасыз ету қағидалары;

      5. Есептеу техникасы құралдарын, телекоммуникациялық жабдықты және бағдарламалық қамтылымды түгендеу мен паспорттандыру қағидалары;

      6. Ішкі ақпараттық қауіпсіздік аудитін жүргізу қағидалары;

      7. Ақпаратты криптографиялық қорғау құралдарын пайдалану қағидалары;

      8. Электрондық ресурстарға қол жеткізу құқықтарын бөлу қағидалары;

      9. Интернетті және электрондық поштаны пайдалану қағидалары;

      10. Аутентификация рәсімін ұйымдастыру қағидалары;

      11. Вирусқа қарсы бақылауды ұйымдастыру қағидалары;

      12. Мобильдік құрылғыларды және ақпарат тасымалдауыштарды пайдалану қағидалары;

      13. Ақпаратты өңдеу құралдарын физикалық қорғауды және ақпараттық ресурстардың қауіпсіз жұмыс істеу ортасын ұйымдастыру қағидалары;

      14. Ақпаратты резервтік көшіру және қалпына келтіру регламенті;

      15. Әкімшінің ақпараттандыру объектісін сүймелдеу жөніндегі басшылығы;

      16. Пайдаланушылардың ақпараттық қауіпсіздіктің оқыс оқиғаларына және штаттан тыс (дағдарысты) жағдайларда әрекет етуі бойынша іс-қимыл тәртібі туралы нұсқаулық.

      20 __ жылғы "____" ______________ № ____

сынақтар актісі

      "Ақпараттандыру туралы" Қазақстан Республикасы Заңының 7-1-бабының 11-1) тармақшасы негізінде 20 __ жылғы "____"

      ______________ Өтінімге сәйкес Қазақстан Республикасы Цифрлық даму, қорғаныс и аэроғарыш өнеркәсібі министрлігінің

      Ақпараттық қауіпсіздік комитеті ақпараттық қауіпсіздік талаптарына сәйкестікке сынақтар жүргізу нәтижелері бойынша

      __________________________________________________________________

      (сынақ объектісін иеленушінің атауы)

      __________________________________________________________________

      (өтініш беруші ұйымның атауы, өтініш берушінің Т.А.Ә. (болған кезде)

      __________________________________________________________________

      (СО атауы)

      мынадай жұмыстар құрамында:

      1) бастапқы кодтарды талдау (қажет болған кезде) 20 __ жылғы "____" ______________ № ____ бастапқы кодтарды талдау хаттамасы, қызмет берушінің атауы;

      2) ақпараттық қауіпсіздік функцияларын сынау 20 __ жылғы "____" ______________ № ____ ақпараттық қауіпсіздік функцияларын сынау хаттамасы, қызмет берушінің атауы;

      3) жүктемелік сынау (қажет болған кезде) 20 __ жылғы "____" ______________ № ____ жүктемелік сынау хаттамасы, қызмет берушінің атауы;

      4) желілік инфрақұрылымды зерттеп-қарау (қажет болған кезде) 20 __ жылғы "____" ______________ № ____ желілік инфрақұрылымды зерттеп-қарау хаттамасы, қызмет берушінің атауы;

      5) ақпараттық қауіпсіздікті қамтамасыз ету процестерін зерттеп-қарау (қажет болған кезде)

      20 __ жылғы "____" ______________ № ____ ақпараттық қауіпсіздікті қамтамасыз ету процестерін зерттеп-қарау хаттамасы, қызмет берушінің атауы

      сынақтар жүргізілгені туралы осы Актіні берді.

Қорытынды

      Жүргізілген сынақтар негізінде _____________________________________

                                    (сынақ объектісінің атауы)

      ақпараттық қауіпсіздік талаптарына сәйкес.

      Қосымша: Сынақ объектісінің сипаттамалары туралы сауалнама - сұраулық

Сынақ объектісінің бастапқы кодтарын қабылдау-беру актісі

      __________________________________________________________________

      (Сынақ объектісінің (бұдан әрі – СО) атауы) __________________________________________________________________

      (өтініш беруші ұйымның атауы / өтініш берушінің Т.А.Ә. (болған кезде)

      20__ жылғы "_____" ___________

      Берілетін БҚ нұсқасы ___________.

      Дискілер саны ________.

      Қолданбалы БҚ бастапқы кодтары___________.

      Пайдаланылатын кітапханалар мен бағдарламалық платформаның(лардың) бастапқы кодтары: