Ескерту. Күші жойылды – ҚР Цифрлық даму, қорғаныс және аэроғарыш өнеркәсібі министрінің 03.06.2019 № 111/НҚ (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      "Ақпараттандыру туралы" 2015 жылғы 24 қарашадағы Қазақстан Республикасы Заңының 7-1 бабының 5) тармақшасына сәйкес БҰЙЫРАМЫН:

      1. Мыналар:

      1) осы бұйрыққа 1-қосымшаға сәйкес Сервистік бағдарламалық өнімге, "электрондық үкіметтің" ақпараттық-коммуникациялық платформасына, мемлекеттік органның интернет-ресурсына және ақпараттық жүйеге олардың ақпараттық қауіпсіздік талаптарына сәйкестігіне сынақтар жүргізу әдістемесі;

      2) осы бұйрыққа 2-қосымшаға сәйкес Сервистік бағдарламалық өнімге, "электрондық үкіметтің" ақпараттық-коммуникациялық платформасына, мемлекеттік органның интернет-ресурсына және ақпараттық жүйеге олардың ақпараттық қауіпсіздік талаптарына сәйкестігіне сынақтар жүргізу қағидалары бекітілсін.

      2. "Сервистік бағдарламалық өнімге, "электрондық үкіметтің" ақпараттық-коммуникациялық платформасына, мемлекеттік органның интернет-ресурсына және ақпараттық жүйеге олардың ақпараттық қауіпсіздік талаптарына сәйкестігіне сынақтар жүргізу әдістемесі мен қағидаларын бекіту туралы" Қазақстан Республикасы Инвестициялар және даму министрінің м.а. 2016 жылғы 26 қаңтардағы № 63 бұйрығының (Нормативтік құқықтық актілерді мемлекеттік тіркеу тізілімінде № 13207 болып тіркелген, "Әділет" ақпараттық-құқықтық жүйесінде 2016 жылғы 1 наурызда жарияланған) күші жойылды деп танылсын.

      3. Қазақстан Республикасы Қорғаныс және аэроғарыш өнеркәсібі министрлігінің Ақпараттық қауіпсіздік комитеті заңнамада белгiленген тәртiппен:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрық мемлекеттік тіркелген күнінен бастап күнтізбелік он күн ішінде оның көшірмелерін қазақ және орыс тілдерінде баспа және электрондық түрде Қазақстан Республикасы нормативтік құқықтық актілерінің эталондық бақылау банкіне енгізу және ресми жариялау үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрық мемлекеттік тіркелген күнінен кейін күнтізбелік он күн ішінде оның көшірмесін мерзімді баспа басылымдарына ресми жариялау үшін жіберуді;

      4) осы бұйрықты ресми жариялағаннан кейін Қазақстан Республикасы Қорғаныс және аэроғарыш өнеркәсібі министрлігінің ресми интернет-ресурсында орналастыруды;

      5) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Қорғаныс және аэроғарыш өнеркәсібі министрлігінің Заң департаментіне осы тармақтың 1), 2) 3) және 4) тармақшаларында көзделген іс-шаралардың орындалуы туралы мәліметтер ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасы Қорғаныс және аэроғарыш өнеркәсібі вице-министріне жүктелсін.

      5. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.

Сервистік бағдарламалық өнімге, "электрондық үкіметтің" ақпараттық-коммуникациялық платформасына, мемлекеттік органның интернет-ресурсына және ақпараттық жүйеге олардың ақпараттық қауіпсіздік талаптарына сәйкестігіне сынақтар жүргізу әдістемесі 1-тарау. Жалпы ережелер

      1. Осы Сервистік бағдарламалық өнімге, "электрондық үкіметтің" ақпараттық-коммуникациялық платформасына, мемлекеттік органның интернет-ресурсына және ақпараттық жүйені олардың ақпараттық қауіпсіздік талаптарына сәйкестігіне сынақтан өткізуді жүргізу әдістемесі (бұдан әрі – Әдістеме) "Ақпараттандыру туралы" 2015 жылғы 24 қарашадағы Қазақстан Республикасының Заңы 7-1-бабының 5) тармақшасына сәйкес әзірленді.

      2. Осы Әдістемеде мынадай негізгі ұғымдар және қысқартулар пайдаланылады:

      1) осалдық – бағдарламалық қамтылымда жұмыс қабілеттілігін бұзуға немесе белгіленген рұқсаттардан тыс қандай болсын заңсыз іс-әрекеттерді орындауға мүмкіндік беретін бағдарламалық қамтылымдағы кемшілік;

      2) сараптамалық әдіс – сарапшының жеке пікірін немесе сарапшылар тобының ұжымдық пікірін пайдалану негізінде алынған іздестіру әдісі мен оны қолдану нәтижесі;

      3) сенімді арна – сынақ объектілерінің қауіпсіздік функциялары (бұдан әрі - ОҚФ) мен сынақ объектілерінің қауіпсіздік саясатын қолдауда қажетті сенімді деңгейді қамтамасыз ететін ақпараттық технологиялардың алыс орналасқан сенімді өнім арасындағы өзара іс-қимыл құралы;

      4) сенімді бағыт – сынақ объектілерінің қауіпсіздік саясатын қолдауда қажетті сенімді деңгейді қамтамасыз ететін пайдаланушы мен ОҚФ арасындағы өзара іс-қимыл құралы.

      3. Сынақтар жүргізу мыналарды қамтиды:

      1) бастапқы кодтарды талдау;

      2) ақпараттық қауіпсіздік функцияларын сынау;

      3) жүктемелік сынау;

      4) желілік инфрақұрылымды тексеріп қарау.

2-тарау. Бастапқы кодтарды талдау

      4. Сынақ объектілерінің бастапқы кодтарын талдау бағдарламалық қамтылымның (бұдан әрі – БҚ) кемшіліктерін (бағдарламалық белгілер мен осалдықтарды) айқындау мақсатында жүргізіледі.

      5. Бастапқы кодтарды талдау Сервистік бағдарламалық өнімге, "электрондық үкіметтің" ақпараттық-коммуникациялық платформасына, мемлекеттік органның интернет-ресурсына және ақпараттық жүйеге олардың ақпараттық қауіпсіздік талаптарына сәйкестігіне сынақтар жүргізу қағидаларына (бұдан әрі-Қағидалар) сәйкес сынақ объектілерінің бастапқы кодтарын қабылдау-беру актісінде тізімделген БҚ үшін жүргізіледі.

      6. Сынақтар жүргізу кезінде сынақ мерзімі аяқталғанға дейін бастапқы кодтарды қайта талдау жүргізу қажеттілігі айқындалған жағдайда, өтініш беруші МТҚ-ға сұрау салумен жүгінеді және Қағидалардың 25-тармағына сәйкес бастапқы кодтарға қайтадан талдау жүргізу туралы қосымша келісім жасалады.

      7. БҚ кемшіліктерін айқындау өтініш беруші ұсынған бастапқы кодтардың негізінде бастапқы кодты талдауға арналған бағдарламалық құралды пайдалана отырып жүргізіледі.

      8. Бастапқы кодтарды талдау:

      1) БҚ кемшіліктерін айқындауды;

      2) бастапқы кодты талдау нәтижелерін белгілеуді қамтиды.

      9. БҚ кемшіліктерін айқындау мынадай тәртіппен жүзеге асырылады:

      1) бастапқы деректерді дайындау жүргізіледі (сервистік бағдарламалық өнімнің, "электрондық үкіметтің" ақпараттық-коммуникациялық платформасының, мемлекеттік органның интернет-ресурсы мен ақпараттық жүйенің (бұдан әрі-АО) бастапқы кодтарын жүктеу, сканерлеу режимін (қарқынды және/немесе статикалық) таңдау, сканерлеу режимдерінің сипаттамаларын баптау);

      2) БҚ кемшіліктерін айқындауға арналған бағдарламалық құрал іске қосылады;

      3) жалған іске қосылулардың болуына бағдарламалық есептерді талдау жүргізіледі;

      4) сипаттамасы, бағдары (файлға дейінгі жолы) мен тәуекел деңгейі (жоғары, орташа, төмен) көрсетілген БҚ айқындалған кемшіліктерінің тізбесін қамтитын есеп қалыптастырылады.

      10. Бастапқы кодты талдау бойынша жұмыстардың көлемі бастапқы кодтың өлшемімен айқындалады.

      11. Бастапқы кодтарды талдау нәтижелері осы жұмыс түрлерінің жауапты орындаушысымен бастапқы кодтарды талдау хаттамасында тіркеледі (Еркін нысанда).

      12. Бастапқы кодтарды талдау жүргізу аяқталғаннан кейін оның нәтижелері оң болған кезде сынақ объектісінің бастапқы кодтары таңбаланады және мөр басылған түрінде МТҚ мұрағатына жауапты сақтауға тапсырылады.

      13. МТҚ сынақтар аяқталғаннан кейін олардың құпиялылығын кем дегенде үш жыл сақтай отырып, алынған бастапқы кодтарды сақтауды қамтамасыз етеді.

3-тарау. Ақпараттық қауіпсіздік функцияларын сынау

      14. Сервистік бағдарламалық өнімнің, "электрондық үкіметтің" ақпараттық-коммуникациялық платформасының, мемлекеттік органның интернет-ресурсының және ақпараттық жүйенің функцияларын ақпараттық қауіпсіздік талаптарына сәйкестігіне бағалау (бұдан әрі-ақпараттық қауіпсіздік функцияларын сынау) олардың техникалық құжаттаманың, Қазақстан Республикасының нормативтік құқықтық актілері мен Қазақстан Республикасы аумағында қолданыстағы ақпараттандыру саласындағы стандарттардың талаптарына сәйкестігін бағалау мақсатында жүзеге асырылады.

      15. Ақпараттық қауіпсіздік функцияларын сынау мыналарды қамтиды:

      1) қауіпсіздік функцияларының техникалық құжаттаманың, Қазақстан Республикасының нормативтік құқықтық актілері мен Қазақстан Республикасы аумағында қолданыстағы ақпараттандыру саласындағы стандарттардың талаптарына сәйкестігін бағалау;

      2) бағалау нәтижелерін тіркеу.

      16. Ақпараттық қауіпсіздік функцияларының тізбесі осы Әдістеменің 1-қосымшасында беріледі.

      17. Ақпараттық қауіпсіздік функцияларын сынау серверлер мен виртуалды ресурстар бөлінісінде жүргізіледі.

      18. Ақпараттық қауіпсіздік функцияларын сынау нәтижелерін осы жұмыс түрлерінің жауапты орындаушысы Ақпараттық қауіпсіздік функцияларын сынау хаттамасында тіркейді (еркін нысанда).

4-тарау. Жүктемелік сынау

      19. Жүктемелік сынау сынақ объектісінің қолжетімділігін, тұтастығын және құпиялылығын сақтауды бағалау мақсатында жүргізіледі.

      20. Жүктемелік сынау дербес деректер жалған деректермен алмастырылған сынақ объектісін штаттық пайдалану ортасында автоматтандырылған сценарийлер негізінде мамандандырылған бағдарламалық құралды пайдалана отырып жүргізіледі.

      21. Өтініш беруші жүктемелік сынау параметрлерін Қағидалардың 2-қосымшасына сәйкес сынақ объектісінің сипаттамалары туралы Сауалнама-сұраулықта ұсынады.

      22. Жүктемелік сынау мынадай тәртіппен жүзеге асырылады:

      1) сынауға дайындық жүргізіледі;

      2) сынақ жүргізіледі;

      3) сынақ нәтижелері тіркеледі.

      23. Сынауға дайындық мыналарды қамтиды:

      1) сынау сценарийін анықтау;

      2) сынаудың уақытша және сандық сипаттамаларын анықтау;

      3) сынау жүргізу уақытын тапсырыс берушімен келісу.

      24. Сынау жүргізу:

      1) мамандандырылған бағдарламалық құралға сынау сценарийі мен конфигурациясын баптауды;

      2) мамандандырылған бағдарламалық құралды іске қосуды;

      3) сынақ объектісіне жүктеуді тіркеуді;

      4) жүктемелік сынаудың есебін қалыптастыру және беруді қамтиды.

      25. Жүктемелік тестілеу жүргізу жөніндегі жұмыстар бір сынақ объектісіне пайдаланушыларды қосу нұсқалары мен сынақ объектісінің интеграциялық өзара іс-қимылының нұсқалар саны бойынша жүргізіледі.

      26. Жүктемелік сынау нәтижелерін осы жұмыс түрлерінің жауапты орындаушысы Жүктемелік сынау хаттамасында тіркейді (еркін нысанда).

5-тарау. Желілік инфрақұрылымды тексеріп қарау

      27. Желілік инфрақұрылымды тексеріп қарау желілік инфрақұрылымның қауіпсіздігін бағалау мақсатында жүргізіледі.

      28. Желілік инфрақұрылымды тексеріп қарау мыналарды қамтиды:

      1) желілік инфрақұрылымның қорғалу функцияларының техникалық құжаттаманың, Қазақстан Республикасының нормативтік құқықтық актілері мен Қазақстан Республикасы аумағында қолданыстағы ақпараттандыру саласындағы стандарттардың талаптарына сәйкестігін бағалау;

      2) өтініш берушінің желілік инфрақұрлымын тексеріп қарау;

      3) алынған нәтижелерді тіркеу.

      29. Желілік инфрақұрылымның қорғалу функцияларының тізбесі осы Әдістеменің 2-қосымшаснда беріледі.

      30. Желілік инфрақұрылымды зерттеп қарау бойынша жұмыстар сынақ объектісінің әрбір кіші желісіне (желі сегментіне) жүргізіледі.

      31. Желілік инфрақұрылымды зерттеп қарау нәтижелерін осы жұмыс түрлерінің жауапты орындаушысы Желілік инфрақұрылымды зерттеп қарау хаттамасында тіркейді (еркін нысанда).

Ақпараттық қауіпсіздік функцияларының тізбесі

Желілік инфрақұрылымды қорғау функцияларының тізбесі

Сервистік бағдарламалық өнімге, "электрондық үкіметтің" ақпараттық-коммуникациялық платформасына, мемлекеттік органның интернет-ресурсына және ақпараттық жүйеге олардың ақпараттық қауіпсіздік талаптарына сәйкестігіне сынақтар жүргізу қағидалары 1-тарау. Жалпы ережелер

      1. Осы Сервистік бағдарламалық өнімге, "электрондық үкіметтің" ақпараттық-коммуникациялық платформасына, мемлекеттік органның интернет-ресурсына және ақпараттық жүйеге олардың ақпараттық қауіпсіздік талаптарына сәйкестігіне сынақтар жүргізу қағидалары (бұдан әрі – Қағидалар) "Ақпараттандыру туралы" 2015 жылғы 24 қарашадағы Қазақстан Республикасының Заңы (бұдан әрі – Заң) 7-1-бабының 5) тармақшасына сәйкес әзірленді және сервистік бағдарламалық өнімге, "электрондық үкіметтің" ақпараттық-коммуникациялық платформасына, мемлекеттік органның интернет-ресурсына және ақпараттық жүйеге (бұдан әрі – сынақ объектілері) олардың ақпараттық қауіпсіздік талаптарына сәйкестігіне сынақтар жүргізу тәртібін айқындайды.

      2. Ақпараттық қауіпсіздік талаптарына сәйкестікке сынақтар міндетті түрде немесе меншік иесінің не иеленушінің бастамасы бойынша жүргізіледі.

      3. Осы Қағидаларда мынадай негізгі ұғымдар және қысқартулар пайдаланылады:

      1) ақпараттандыру саласындағы ақпараттық қауіпсіздік (бұдан әрі – АҚ) – электрондық ақпараттық ресурстардың, ақпараттық жүйелердің, ақпараттық-коммуникациялық инфрақұрылымның сыртқы және ішкі қауіптерден қорғалу жай-күйі;

      2) ақпараттық жүйе – ақпараттық өзара іс-қимыл арқылы белгілі технологиялық іс-қимылдарды іске асыратын және нақты функционалдық міндеттерді шешуге арналған ақпараттық-коммуникациялық технологиялардың, қызмет көрсететін персонал мен техникалық құжаттаманың ұйымдастырушылық ретке келтірілген жиынтығы;

      3) бастапқы кодтар – сынау объектісінің компакт-дискіде сәтті компиляциялануы үшін файлдар мен кітапханаларды қоса алғанда сынау объектілерінің модульдері мен компоненттерінің бастапқы кодтары;

      4) интернет-ресурс – аппараттық-бағдарламалық кешенде орналастырылатын, мәтіндік, графикалық, аудиовизуалды немесе өзге де түрде бейнеленетін, бірегей желілік мекенжайы және (немесе) домендік атауы бар және (немесе) Интернет желісінде жұмыс істейтін, электрондық ақпараттық ресурс;

      5) мемлекеттік техникалық қызмет (бұдан әрі – МТҚ) – Қазақстан Республикасы Үкіметінің шешімі бойынша құрылған, шаруашылық жүргізу құқығындағы республикалық мемлекеттік кәсіпорны;

      6) өтініш беруші – сервистік бағдарламалық өнімнің, "электрондық үкіметтің" ақпараттық-коммуникациялық платформасының, интернет-ресурстың, ақпараттық жүйенің иесі (иеленуші), сондай-ақ сервистік бағдарламалық өнімнің, "электрондық үкіметтің" ақпараттық-коммуникациялық платформасының, интернет-ресурстың, ақпараттық жүйенің иесі (иеленуші) өкілеттік берген сервистік бағдарламалық өнімді, "электрондық үкіметтің" ақпараттық-коммуникациялық платформасын, интернет-ресурсты, ақпараттық жүйені ақпараттық қауіпсіздік талаптарына сәйкестігіне сынақтар жүргізуге өтініш берген жеке немесе заңды тұлға;

      7) сервистік бағдарламалық өнім – ақпараттық-коммуникациялық қызметті іске асыруға арналған бағдарламалық өнім;

      8) "электрондық үкіметтің" ақпараттық-коммуникациялық платформасы – ақпараттандырудың сервистік моделін іске асыруға арналған технологиялық платформа.

      4. Ақпараттық қауіпсіздік талаптарына сәйкестікке міндетті сынақ жүргізілетін сынақ объектілеріне мыналар жатады:

      1) сервистік бағдарламалық өнім;

      2) "электрондық үкіметтің" ақпараттық-коммуникациялық платформасы;

      3) мемлекеттік органның интернет-ресурсы;

      4) мемлекеттік органның ақпараттық жүйесі;

      5) ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйе;

      6) мемлекеттік органның ақпараттық жүйесімен интеграцияланатын немесе мемлекеттік электрондық ақпараттық ресурстарды қалыптастыруға арналған мемлекеттік емес ақпараттық жүйе.

      5. Қазақстан Республикасы ұлттық куәландырушы органының электрондық цифрлық қолтаңбаның түпнұсқалылығын тексеру бойынша сервистерін пайдалануға арналған мемлекеттік органның ақпараттық жүйесі мен мемлекеттік емес ақпараттық жүйесіне ақпараттық қауіпсіздік талаптарына сәйкестігіне сынақтан өту талап етілмейді.

      6. Объектілерді АҚ талаптарына сәйкестігіне сынау (бұдан әрі – сынақ) сынақ өткізу объектілерінің техникалық құжаттаманың, Қазақстан Республикасының нормативтік құқықтық актілері мен Қазақстан Республикасы аумағында қолданыстағы ақпараттандыру саласындағы стандарттардың талаптарына сәйкестігін бағалау бойынша жұмыстарды қамтиды.

      7. Сервистік бағдарламалық өнімді және "электрондық үкіметтің" ақпараттық-коммуникациялық платформасын қоспағанда, сынақ объектілерін сынақтан өткізудің құрамына мынадай жұмыс түрлері кіреді:

      1) бастапқы кодтарды талдау;

      2) ақпараттық қауіпсіздік функцияларын сынау;

      3) жүктемелік сынау;

      4) желілік инфрақұрылымды тексеріп қарау.

      8. Сынақ объектісінің бастапқы коды болмаған жағдайда сынақ объектісінің бастапқы кодына талдау жүргізудің міндетті еместігі туралы шешім өтінім берушінің сұрау салуы бойынша ақпараттық қауіпсіздікті қамтамасыз ету саласындағы уәкілетті органның (бұдан әрі – уәкілетті орган) шешімімен белгіленеді.

      9. Сервистік бағдарламалық өнімді сынауға:

      1) бастапқы кодтарын талдау;

      2) ақпараттық қауіпсіздік функцияларын сынау кіреді.

      10. "Электрондық үкіметтің" ақпараттық-коммуникациялық платформасын сынақтан өткізуге:

      1) ақпараттық қауіпсіздік функцияларын сынау;

      2) жүктемелік сынау;

      3) желілік инфрақұрылымын тексеріп қарау кіреді.

      11. Сынақ объектісінің басқа ақпараттандыру объектісімен интеграциялануы (қолданыстағы немесе жоспарлы) жағдайында, сынақтар сынақ объектісінің құрамына интеграциялауды қамтамасыз ететін компоненттер енгізу (интеграциялау модулі, ішкі интеграциялау жүйесі, интеграциялық шина немесе басқа) арқылы жүргізіледі.

      12. Сынақтар:

      1) бір жұмыс түрі бойынша;

      2) бірнеше жұмыс түрлері бойынша;

      3) жұмыс түрлерінің толық құрамында жүргізіледі.

      13. Сынақ жүргізуге кіретін жұмыстардың әрбір түрін жүргізу бағалары "Ақпараттандыру туралы" 2015 жылғы 24 қарашадағы Қазақстан Республикасы Заңының 14-бабының 2-тармақшасына сәйкес белгіленеді.

      14. Сынақ жүргізу құнының есебі осы Қағидалардың 12-тармағы бойынша бекітілген тәртіпке сәйкес белгіленген сынақ объектісінің сипаттамалары туралы сауалнама-сұраулық деректерінің, сынақ объектісінің компакт-дискіде кітапханаларымен берілген компоненттері мен модульдерінің бастапқы кодтары мен бағалардың негізінде жүзеге асырылады.

2-тарау. Сервистік бағдарламалық өнімге, "электрондық үкіметтің" ақпараттық-коммуникациялық платформасына, мемлекеттік органның интернет-ресурсына және ақпараттық жүйеге олардың ақпараттық қауіпсіздік талаптарына сәйкестігіне сынақтар жүргізу тәртібі

      15. Сынақтар жүргізу үшін өтініш беруші мынадай құжаттарды ұсына отырып, МТҚ-ға қағаз түрінде осы Қағидаларға 1-қосымшаға сәйкес сынақтар жүргізуге өтінім (бұдан әрі – өтінім) береді:

      1) жеке басты куәландыратын құжаттың көшірмесі (жеке тұлғалар үшін);

      2) құрылтайшы құжаттардың және заңды тұлғаны мемлекеттiк тiркеу туралы анықтаманың немесе куәліктің өтініш берушінің қолымен және мөрімен куәландырылған көшірмелері (заңды тұлғалар үшiн);

      3) осы Қағидаларға 2-қосымшаға сәйкес нысан бойынша СО сипаттамалары туралы сауалнама-сұраулық;

      4) осы Қағидаларға 3-қосымшаға сәйкес сынақтар жүргізуге қажетті техникалық құжаттаманың тізбесі;

      5) сәтті компиляция үшін қажетті сынақ объектілері компоненттерінің және қажетті кітапханалары мен файлдары бар модульдерінің бастапқы кодтары, сынақ объектісінің компакт-дискідегі дерекқорларының схемасы (мәліметтерді сипаттау тілінде);

      6) меншік иесі (иеленуші) сынақтар жүргізу туралы өтінім беруге өтініш берушіге өкілеттік беретін құжат (қажет болған кезде).

      16. Өтініш беруші сатып алуды мемлекеттік сатып алу веб-порталы арқылы жүзеге асырған жағдайда, сынықтар жүргізуге өтінім ағымдағы жылдың 1 қарашасынан кешіктірмей қабылданады.

      17. МТҚ өтінімді алған күнінен бастап бес жұмыс күні ішінде осы Қағидалардың 15-тармағында көрсетілген талаптарға сәйкес өтінімді тексеруді жүзеге асырады. 

      18. Осы Қағидалардың 15-тармағында көрсетілген талаптарға сәйкес өтінім және қоса берілген құжаттар сәйкес келмеген жағдайда, өтінім қайтару себептерін көрсете отырып, өтініш берушіге кері қайтарылады. 

      19. Осы Қағидалардың 15-тармағында көрсетілген пакеттер топтамасы толық болған кезде МТҚ бес күн ішінде өтінім берушіге:

      1) сатып алуды өтініш беруші мемлекеттік сатып алу веб-порталы арқылы жүзеге асырған кезде, сынақтар жүргізуге арналған шартқа техникалық ерекшеліктің жобасын жібереді. Өтініш беруші техникалық ерекшеліктің жобасын алған күнінен бастап үш жұмыс күні ішінде мемлекеттік сатып алу веб-порталына мемлекеттік сатып алу туралы шартты тікелей жасау арқылы бір көзден алу тәсілімен мемлекеттік сатып алу туралы шарттың жобасын орналастырады;

      2) сатып алуды өтініш беруші мемлекеттік сатып алу веб-порталын қолданусыз жүзеге асырған кезде, сынақтар жүргізуге арналған шарттың екі данасын жібереді. Өтініш беруші жоғарыда көрсетілген шарттың екі данасын алған күнінен бастап бес жұмыс күні ішінде оларға қол қояды және шарттың бір данасын МТҚ-ға қайтарады.

      20. Сынақтар мерзімі өтініш берушімен келісіледі және сынақтар жүргізу бойынша жұмыстардың көлемі мен сынақ объектісінің сыныптау сипаттамаларына байланысты болады. 

      Сынақтар мерзімін келісу мүмкін болмаған жағдайда, өтінім сынақтар мерзімін айқындау үшін уәкілетті органға жүгіну мүмкіндігі көрсетіліп, қанағаттандырусыз өтініш берушіге кері қайтарылады.

      21. Сынақтар жүргізу үшін өтініш беруші МТҚ-ға мыналарды қамтамасыз етеді:

      1) пайдаланушының жұмыс орнына, серверлік және желілік жабдыққа, сынақ объектісінің телекоммуникациялық желісіне және сынақ уақытына өндірістікке ұқсас құрылған ортаға нақты қолжетімділік;

      2) сынақ объектісінің функцияларын техникалық құжаттама талаптарына сәйкес көрсету.

      22. Өтініш берушінің осы Қағидалардың 21-тармағының талаптарын қамтамасыз ету мүмкінсіздігі жағдайында, шартқа оны орындау мерзімін ұзарту туралы қосымша келісімге қол қоюды ескере отырып, сынақтар Өтініш берушіге оларды қамтамасыз ету үшін қажетті уақытқа тоқтатылады.

      23. Сынақтар Сервистік бағдарламалық өнімге, "электрондық үкіметтің" ақпараттық-коммуникациялық платформасына, мемлекеттік органның интернет-ресурсына және ақпараттық жүйеге олардың ақпараттық қауіпсіздік талаптарына сәйкестігіне сынақтар жүргізу әдістемесіне сәйкес жүргізіледі.

      24. Сынақтар жүргізу кезінде осы Қағидалардың 15-тармағының

      3) тармақшасына сәйкес ұсынылған сынақ объектісінің сипаттамалары туралы сауалнама-сұраулықтың деректері мен сынақ объектісінің нақты жай-күйі арасында айырмашылық айқындалған жағдайда, өтініш беруші МТҚ-ға сынақ объектісінің сипаттамалары туралы жаңартылған сауалнама-сұраулықты жібереді. Сынақ объектісінің сипаттамалары туралы жаңартылған сауалнама-сұраулық (қажет болған кезде) сынақ мерзімін ұзартуға және сынақтар жүргізу құнын өзгеруге қосымша келісім жасаудың негіздемесі болып табылады.

      25. Қажет болған кезде, сынақтар кезінде сынақ мерзімі аяқталғанға дейін жұмыстардың бір немесе бірнеше түрі бойынша қайтадан сынақтар жүргізу қажеттілігі айқындалса, өтініш беруші сұрау салумен МТҚ-ға жүгінеді және осы жұмыс түрлері бойынша қайтадан сынақ жүргізу туралы қосымша келісім жасалады.

      26. Сынаққа кіретін әрбір жұмыс түрінің нәтижелері және анықталған сәйкессіздіктерді жою жөніндегі ұсынымдар екі данада ресімделетін жеке хаттамаға енгізіліп, біреуі өтініш берушіге беріледі.

      27. Хаттамалар жинағының негізінде МТҚ екі данада (МТҚ мен өтініш беруші үшін бір-бірден) осы Қағидаларға 4-қосымшаға сәйкес нысан бойынша Сынақтар актісін ресімдейді. 

      28. Сынақтарға кіретін барлық жұмыс түрлерін өткізгеннен берілетін оң қорытындысы бар Сынақтар актісі болған кезде және олар бойынша оң нәтиже бар хаттамалар болған кезде сынақтар оң болып танылады.

      29. Егер өтініш беруші сынақ кезінде анықталған сәйкессіздіктерді Сынақтар актісін немесе атқарылған жұмыстар бойынша хаттамаларды алған сәттен бастап бір ай ішінде жойса және айқындалған сәйкессіздіктерді түзету нәтижелерімен салыстыру кестесін және осы Қағидаларға 5-қосымшаға сәйкес сынақ объектісінің бастапқы кодтарын қабылдау-тапсыру актісін қоса бере отырып, МТҚ-ға қайтадан сынақтар жүргізуге сұрау салу жіберсе, МТҚ өтініш берушіден хабарламаны алған күннен бастап он жұмыс күні ішінде аталған жұмыс түрлері бойынша тиісті құжаттарды ресімдей отырып, ақысыз негізде қайтадан сынақтар жүргізеді.

      Белгіленген мерзімді өткізіп алу осы Қағидаларда белгіленген жалпы тәртіпте сынақтар жүргізу үшін негіздеме болып табылады.

      30. Сынақ объектісінің бағдарламалық қамтылымына өзгерістер енгізуге байланысты сәйкессіздіктерді жойғаннан кейін қайтадан сынақ жүргізген кезде бастапқы кодты талдау бұрын сәйкессіздіктер айқындалмай орындалғанына қарамасатан, міндетті тәртіппен жүргізіледі. Бұл ретте өтініш беруші қайтадан сынақтар жүргізу туралы сұрау салуға сынақ объектісінің компакт-дискіге сәтті компиляциясы үшін қажетті кітапханалары мен файлдары бар сынақ объектісі компоненттерінің және модульдерінің бастапқы кодтарын қоса береді.

      31. Қайтадан сынақтар жүргізген кезде сәйкессіздіктер анықталған жағдайда, МТҚ Сынақтар актісін немесе теріс қорытынды бар хаттаманы ресімдейді, одан кейін сынақтар осы Қағидалардың 2-тарауында белгіленген тәртіппен жүргізіледі.

      32. Ақпараттандыру объектісінің жұмыс істеу жағдайлары мен функционалдығына өзгерістер енгізген кезде ақпараттандыру объектісінің иесі немесе иеленушісі өзгерістерге әкелген жұмыстарды аяқтағаннан кейін МТҚ-ға барлық жүргізілген өзгерістердің сипаттамасын қоса беріп, осы Қағидалардың 2-тарауында белгіленген тәртіппен сынақтар жүргізу қажеттілігі туралы өтінім жібереді.

      33. Сынақтар хаттамалары және (немесе) Актісі жоғалған, бүлінген немесе зақымдалған кезде сынақ объектісін иеленуші себептерін көрсете отырып, МТҚ-ға хабарлама жібереді.

      34. МТҚ хабарламаны алған күнінен бастап бес жұмыс күні ішінде сынақтар хаттамаларының және (немесе) Актісінің телнұсқасын береді.

      35. Оң нәтижесімен Сынақтар актісінің жарамдылық мерзімі сынақ объектісін өнеркәсіптік пайдалану мерзімімен немесе сынақ объектісін жаңғыртуды бастау сәтіне дейін шектеледі.

      36. Осы Қағидалардың 27-тармағы бойынша Сынақтар актісіне енгізілмеген сынақтың жеке түрі бойынша хаттаманың жарамдылық мерзімі 1 жылдан аспайды.

      ____________________________________________________________________

                                          (сынақтар жүргізу объектісінің атауы)

      ақпараттық қауіпсіздік талаптарына сәйкестігіне (бұдан әрі –сынақтар)

Сынақтар жүргізуге өтінім

      1.__________________________________________________________________

      (өтініш беруші ұйымның атауы, өтініш берушінің Т.А.Ә.)

      ____________________________________________________________________

            (өтініш берушінің пошталық мекенжайы, e-mail және телефоны, облыс, қала, аудан)

      мынадай жұмыстар құрамымен:

      1) _________________________________________________________________

      2) _________________________________________________________________

      3) _________________________________________________________________

      4) _________________________________________________________________

      (осы Қағидалардың 7/8/9/10 тармағына сәйкес жұмыс түрлерінің тізбесі

      (қажетті тармақты көрсету))

      _________________________________________ сынақтар жүргізуді сұрайды.

      (сынақ объектісінің атауы, нұсқасының нөмірі, әзірлеу күні)

      2. Сыналатын сынақ объектісінің иесі (иеленушісі) туралы мәліметтер

      ___________________________________________________________________

      (атауы немесе Т.А.Ә.)

      ___________________________________________________________________

      (облыс, қала, аудан, пошталық мекенжайы, телефоны)

      3. Сыналатын сынақ объектісінің әзірлеушісі туралы мәліметтер

      ___________________________________________________________________

                        (әзірлеуші туралы ақпарат, авторлар атауы немесе Т.А.Ә.)

      ___________________________________________________________________

      (облыс, қала, аудан, пошталық мекенжайы, телефоны)

      4. Сынақ объектісіне қысқаша аңдатпа немесе оның мақсаты

      ___________________________________________________________________

      (мақсаты, пайдаланылуы, жаңалығы, аналогтары және т.б., қолданылатын

      әзірлеу құралдары)

      5. Қосымша мәліметтер:_________________________________________________

      Өтініш беруші ұйымның басшысы/ өтініш берушінің Т.А.Ә. ______________

      (қолы, күні) (мөрдің орны) болған кезде

Сынақ объектісінің сипаттамалары туралы сауалнама-сұраулық

      1. Сынақ объектісінің атауы: _______________________________________________

      __________________________________________________________________________

      2. Сынақ объектісі әзірлеушісінің деректері:

      1) әзірлеушінің атауы: _____________________________________________________;

      2) мекенжайы: ___________ қ., ____________ к.;

      3) телефоны: _________, факс: _________;

      4) электрондық пошта мекенжайы: E-mail: _________________________@_________.

      3. Осы сауалнаманы толтыру және мемлекеттік техникалық қызметпенбайланысу үшін

      жауапты тұлғаның деректері:

      1) тегі, аты, әкесінің аты: ____________ ___________________ ___________________;

      2) лауазымы: _____________________________________________________________;

      3) жұмыс телефоны:_________, ұялы телефоны: ________________________;

      4) электрондық пошта мекенжайы: E-mail: __________________@_________.

      4. Сынақ объектісінің сыныптауы:

      1) электрондың ақпараттық ресурстардың сыныбы ___________;

      2) бағдарламалық қамтамасыз етуің сыныбы ___________/_____.

      (қолданбалы / жалпыжүйелік)

      Ескертпе: Қазақстан Республикасы Инвестициялар және даму министрінің 2016 жылғы 28 қаңтардағы № 135 бұйрығымен (Нормативтік құқықтық актілерді мемлекеттік тіркеу тіркелімінде № 13349 болып тіркелген, "Әділет" ақпараттық-құқықтық жүйесінде 2016 жылғы 17 наурызда жарияланған) бекітілген Ақпараттандыру объектілерін сыныптау қағидаларына 2-қосымшадан алынған ақпараттандыру объектілерін сыныптау схемасы бойынша бектілген схемасын қоса беру.

      5. Сынақ объектінің архитектурасы:

      1) мыналар:

      сынақ объектінің компоненттері мен модульдерінің орналасуы;

      компоненттері мен модульдері арасындағы байланыстары;

      басқа ақпараттандыру объектілерімен интеграциялық өзара іс-қимылы;

      негізгі ақпараттық ағындардың бағыттары;

      пайдаланушылар қосылған орындары мен тәсілдері;

      деректерді сақтау орындары мен технологиялары;

      пайдаланылатын локальдық, ведомстволық (корпоративтік) және жаһандық желілері;

      қолданылатын резервтік жабдық көрсетіліп бекітілген сынақ объектінің функционалдық схемасын қоса беру;

      2) мыналар:

      желінің архитектурасы мен сипаттамалары;

      серверлік жабдығы;

      желілік және коммуникациялық жабдығы;

      адрестеу мен қолданылатын желілік технологиялар;

      жұмыс істемей қалуы болмаушылығын қамтамасыз ету және резервтеу жөніндегі шешім(дер) көрсетіліп бекітілген сынақ объектінің деректерді беру желісінің/телекоммуникация желісінің схемасын қоса беру.

      6. Сынақ объектісі туралы ақпарат:

      1) серверлерлік жабдық туралы ақпарат (кестені толтыру):

      2) серверлерлік жабдық орналасқан орны (кестені толтыру):

      3) серверлерлік жабдықтың сипаттамалары (кестені толтыру):

      4) резервтік серверлерлік жабдық орналасқан орны (кестені толтыру):

      5) әкімшілердің жұмыс станциялары бойынша ақпарат (кестені толтыру):

      6) пайдаланушылар туралы ақпарат (кестені толтыру):

      7) сынақ объектісінің интеграциялық өзара іс-қимылы, соның ішінде болжамды, туралы ақпарат (кестені толтыру):

      8) серверлік, желілік жабдықтың, жүйе қызметтері мен процессорлардың, бос дискілік кеңістіктің жұмыс қабілеттігі мониторингі үшін пайдаланылатын құралдар туралы ақпарат (кестені толтыру):

      9) оқиғалар журналдарын талдау туралы ақпарат (кестені толтыру):

      10) сыналатын үлгіні әзірлеудің тілдік ортасы (кестені толтыру):

      11) корпоративтік желінің құрылымы (кестені толтыру):

      7. Сыналатын объектіні құжаттау (кестені толтыру):

      8. Стандарттарда көзделген басқа құжаттаманың болуы (кестені толтыру):

      9. Бұрын өткен жұмыс түрлері немесе сынақтар туралы мәліметтер (хаттаманың нөмірі, күні):

      _________________________________________________________________

      10. Сыналатын объектіге лицензияның болуы (авторлық құқықтың болуы, бастапқы

      кодты ұсынуға әзірлеуші ұйыммен келісімнің болуы)

      __________________________________________________________________

      __________________________________________________________________

      11. Қосымша ақпарат: _______________________________________________

      __________________________________________________________________

      Ескертпе: аббервиатуралардың толық жазылуы:

      БҚ – бағдарламалық қамтылым

      ОЖ – операциялық қамтылым

Сынақтар жүргізуге қажетті техникалық құжаттаманың тізбесі

      1) Сервистік бағдарламалық өнімді жобалауға техникалық тапсырма немесе тапсырма (сервистік бағдарламалық өнімге).

      2) Пайдаланушының басшылығы.

      3) Бағдарламаның мәтіні (ЭҮ АКП және бастапқы кодтары жоқ сынақ объектілерін қоспағанда).

      4) Бағдарламаның сипаттамасы (ЭҮ АКП және бастапқы кодтары жоқ сынақ объектілерін қоспағанда).

      ______________________________________________________________________________

      (өтініш беруші ұйымның атауы/ өтініш берушінің Т.А.Ә.)

      ______________________________________________________________________________

                        (сынақ объектісінің (бұдан әрі – СО) атауы)

      20 __ жылғы "____" ______________ № ____

сынақтар актісі

      1. Мемлекеттік техникалық қызмет 20 __ жылғы "____" ______________ ақпараттық қауіпсіздік талаптарына сәйкестікке сынақтар жүргізу туралы (бұдан әрі – сынақтар) Өтінімге және 20 __ жылғы "____" ______________ №___ шартқа сәйкес мынадай жұмыстар құрамында

      __________________________________________________

      (СО атауы)

      сынақтар жүргізді:

      1) бастапқы кодтарды талдау;

      2) ақпараттық қауіпсіздік функцияларын сынау;

      3) жүктемелік сынақтан өткізу;

      4) желілік инфрақұрылымды тексеріп қарау.

      2. Сынақ барысында мыналар анықталды:

      1) бастапқы кодты талдау бойынша:

      СО бастапқы кодтарын талдау қатесіз аяқталды (БҚ кемшіліктері болмаған жағдайда);

      СО бастапқы кодтарын талдау қателермен аяқталды (БҚ кемшіліктері орын алған жағдайда);

      СО бастапқы кодтарын талдау (осы Қағидалардың 8,9 және 10 тармағы бойынша негіздемесін көрсету) негізінде жүргізілген жоқ;

      Хаттама (СО бастапқы кодтарын талдау хаттамасының нөмірі мен күні);

      2) ақпараттық қауіпсіздік функцияларын сынау бойынша:

      СО ақпараттық қауіпсіздік функцияларын іске асыру АҚ талаптарына сәйкес (сәйкессіздіктер болмаған жағдайда);

      СО ақпараттық қауіпсіздік функцияларын іске асыру АҚ талаптарына сәйкес емес (сәйкессіздіктер орын алған жағдайда);

      Хаттама (СО ақпараттық қауіпсіздік функцияларын сынау хаттамасының нөмірі мен күні);

      3) жүктемелік сынау бойынша:

      жүктемелік сынау сәтті өтті (СО белгіленген параметрлер кезінде үздіксіз және тұрақты (кідірістерсіз) жұмыс істеуі);

      жүктемелік сынау сәтсіз өтті (СО белгіленген параметрлер кезінде үздіксіз және тұрақты жұмыс істеуінің бұзылуы (кідірістердің орын алуы);

      Хаттама (жүктемелік сынау хаттамасының нөмірі мен күні);

      4) желілік инфрақұрылымды тексеріп қарау бойынша:

      желілік инфрақұрылымның қауіпсіздігі АҚ талаптарына сәйкес (СО қауіпсіз жұмыс істеуіне ықпал ететін сәйкессіздіктер мен осалдықтар болмаған жағдайда);

      желілік инфрақұрылымның қауіпсіздігі АҚ талаптарына сәйкес емес (СО қауіпсіз жұмыс істеуіне ықпал ететін сәйкессіздіктер мен осалдықтар орын алған жағдайда);

      Хаттама (СО желілік инфрақұрылымын тексеріп қарау хаттамасының нөмірі мен күні).

Қорытынды

      Жүргізілген сынақтар негізінде _____________________________________

      (сынақ объектісінің атауы)

      ақпараттық қауіпсіздік талаптарына сәйкес / сәйкес емес.

      КЕЛІСІЛДІ:                                     ДАЙЫНДАЛДЫ:

      ___________________________             ____________________________

      (лауазымы)                                    (лауазымы)

      ______________ ____________                   ___________ ________________

      (қолы) (Т.А.Ә.) болған кезде             (қолы) (Т.А.Ә.) болған кезде

      20__ жылғы "__" ______                         20__ жылғы "__" ______

Сынақ объектісінің бастапқы кодтарын қабылдау – беру актісі

      ____________________________________________________________________

                        (Сынақ объектісінің (бұдан әрі-СО) атауы)

      ____________________________________________________________________

                        (өтініш беруші ұйымның атауы / өтініш берушінің Т.А.Ә.)

      20__ жылғы "_____" ___________

      Берілетін БҚ нұсқасы ___________.

      Дискілер саны ________.

      Үлгілерді тіркеу журналында 20__ жылығы "_" _______ №_ болып тіркелді.

      Тіркеген _______________________________

      (қолы) (Т.А.Ә.) болған кезде