Қазақстан Республикасының су қорын пайдалану және қорғау, бөгеттердің қауіпсіздігі саласындағы тәуекел дәрежесін бағалау өлшемшарттарын және тексеру парақтарын бекіту туралы

      2015 жылғы 29 қазандағы Қазақстан Республикасы Кәсіпкерлік кодексінің 141-бабының 3-тармағына және 143-бабының 1-тармағына сәйкес БҰЙЫРАМЫЗ:

      1. Мыналар:

      1) осы бірлескен бұйрыққа 1-қосымшаға сәйкес Қазақстан Республикасының су қорын пайдалану және қорғау, бөгеттердің қауіпсіздігі саласындағы тәуекел дәрежесін бағалау өлшемшарттары;

      2) осы бірлескен бұйрыққа 2-қосымшаға сәйкес су ресурстарын алуды және (немесе) пайдалануды, сондай-ақ су шаруашылығы құрылыстарын пайдалануды жүзеге асыратын бақылау субъектілеріне қатысты Қазақстан Республикасының су қорын пайдалану және қорғау, бөгеттердің қауіпсіздігі саласындағы тексеру парағы;

      3) осы бірлескен бұйрыққа 3-қосымшаға сәйкес су объектілерінде немесе су қорғау аймақтары мен белдеулерінде құрылыс, түбін тереңдету және жарылыс жұмыстарын, пайдалы қазбаларды және басқа да ресурстарды өндіру, кабелдерді, құбыр өткізгіштерді және басқа да коммуникацияларды төсеу, орман кесу, бұрғылау және өзге де жұмыстарды жүзеге асыратын бақылау субъектілеріне қатысты Қазақстан Республикасының су қорын пайдалану және қорғау, бөгеттердің қауіпсіздігі саласындағы тексеру парағы бекітілсін.

      2. "Қазақстан Республикасының су қорын пайдалану және қорғау саласындағы тәуекел дәрежесін бағалау өлшемшарттарын және тексеру парағын бекіту туралы" Қазақстан Республикасы Ауыл шаруашылығы министрінің 2015 жылғы 25 желтоқсандағы № 19-2/1131 және Қазақстан Республикасы Ұлттық экономика министрінің 2015 жылғы 28 желтоқсандағы № 809 бірлескен бұйрығының (Нормативтік құқықтық актілерді мемлекеттік тіркеу тізілімінде № 12661 болып тіркелген, 2016 жылдың 16 ақпанында "Әділет" ақпараттық-құқықтық жүйесінде жарияланған) күші жойылды деп танылсын.

      3. Қазақстан Республикасы Ауыл шаруашылығы министрлігінің Су ресурстары комитеті заңнамада белгіленген тәртіппен:

      1) осы бірлескен бұйрықтың Қазақстан Республикасы Әділет министрлігінде мемлекеттік тіркелуін;

      2) осы бірлескен бұйрық мемлекеттік тіркелген күннен бастап күнтізбелік он күн ішінде оның қазақ және орыс тілдеріндегі көшірмелерінің ресми жариялау және Қазақстан Республикасының Нормативтік құқықтық актілерінің эталонды бақылау банкіне енгізу үшін "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберілуін;

      3) осы бірлескен бұйрық мемлекеттік тіркелгеннен кейін күнтізбелік он күн ішінде оның көшірмесінің мерзімді баспа басылымдарына ресми жариялауға жіберілуін;

      4) осы бірлескен бұйрық ресми жарияланғаннан кейін оның Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

      4. Осы бірлескен бұйрықтың орындалуын бақылау жетекшілік ететін Қазақстан Республикасы Ауыл шаруашылығы вице-министріне жүктелсін.

      5. Осы бірлескен бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының су қорын пайдалану және қорғау, бөгеттердің қауіпсіздігі саласындағы тәуекел дәрежесін бағалау өлшемшарттары 1-тарау. Жалпы ережелер

      1. Осы Қазақстан Республикасының су қорын пайдалану және қорғау, бөгеттердің қауіпсіздігі саласындағы тәуекел дәрежесін бағалау өлшемшарттары (бұдан әрі – Өлшемшарттар) 2003 жылғы 9 шілдедегі Қазақстан Республикасы Су кодексіне, 2015 жылғы 29 қазандағы Қазақстан Республикасы Кәсіпкерлік кодексіне (бұдан әрі – Кодекс) және Қазақстан Республикасы Ұлттық экономика министрінің міндетін атқарушының 2018 жылғы 31 шілдедегі № 3 бұйрығымен (Нормативтік құқықтық актілерді мемлекеттік тіркеу тізілімінде № 17371 болып тіркелген, Қазақстан Республикасы Нормативтік құқықтық актілерінің эталондық бақылау банкінде 2018 жылғы 25 қыркүйекте жарияланған) бекітілген Мемлекеттік органдардың тәуекелдерді бағалау жүйесін қалыптастыру және тексеру парақтарының нысанын бекіту қағидаларына сәйкес, су қорын пайдалануды реттеу және қорғау жөніндегі бассейндік инспекцияларының су объектілерінде немесе су қорғау аймақтары мен белдеулерінде құрылыс, түбін тереңдету және жарылыс жұмыстарын, пайдалы қазбаларды және басқа да ресурстарды өндіру, кабелдерді, құбыр өткізгіштерді және басқа да коммуникацияларды төсеу, орман кесу, бұрғылау және өзге де жұмыстарды жүзеге асыратын бақылау субъектілерін тәуекел дәрежелеріне жатқызу үшін әзірленді.

      2. Осы Өлшемшарттарда мынадай ұғымдар пайдаланылады:

      1) бақылау субъектісі – арнайы су пайдалануды, гидротехникалық құрылысжайларды пайдалануды, жерүсті су ағыстарын реттеуді, өндірістік және техникалық қажеттіліктерге (алғашқы су пайдаланушылар) сумен жабдықтау жүйелерінен су алу үшін су шаруашылығы ұйымдарының қызметтерін пайдалануды, ғимараттар мен құрылысжайларды пайдалануды, сондай-ақ су объектілерінде, су қорғау аймақтарында және белдеулерінде құрылыс және басқа да жұмыстарды жүргізуді жүзеге асыратын жеке және заңды тұлғалар, мемлекеттік мекемелер, мемлекеттік кәсіпорындар мен коммерциялық емес ұйымдар;

      2) болмашы бұзушылықтар – Қазақстан Республикасының су қорын пайдалану және қорғау, бөгеттердің қауіпсіздігі саласындағы Қазақстан Республикасы заңнамалары талаптарын оқшау немесе бірлесіп пайдалануға берілген су объектілерінде белгіленген су сервитуттарын сақтамау, жерасты суларын байқайтын және режимдік ұңғымаларды, су объектілеріндегі режимдік байқаушы тұстамаларды, су қорғау немесе су шаруашылығы белгілерін жою немесе зақымдау бөлігінде бұзу;

      3) елеулі бұзушылықтар – Қазақстан Республикасының су қорын пайдалану және қорғау, бөгеттер қауіпсіздігі саласындағы Қазақстан Республикасы заңнамалары талаптарын мынадай бөлігінде бұзу:

      суды өлшеу, алу, тастау орындарының нөмірленуі, сондай-ақ осындай суларды екінші рет қолданатын су пайдаланушыларға беруді есепке алу тораптары көрсетілген, суды алуды немесе тастауды жүзеге асыратын су шаруашылығы құрылысжайлары мен техникалық құрылғыларының орналасу схемаларының болмауы;

      суды алғашқы есепке алу журналының болмауы;

      әрбір су жинайтын құрылысжайда және ағынды суларды жіберуде су шығындарын өлшеу кезеңділігін сақтамау;

      есептік тоқсаннан кейінгі айдың 10 күніне дейінгі мерзімде суды алғашқы есепке алу бойынша анық және толық ақпараттың берілмеу;

      суды тұтынуды және тастауды есепке алуға арналған өлшеу құралдарының бұзылуы және мемлекеттік аттестацияны өткізбеу, сондай-ақ пломбылардың тұтастығы мен сақталуын бұзу;

      арнайы су пайдалануға арналған рұқсатта белгіленген шарттарды орындамау, сондай-ақ су объектілерін ластанудан, қоқыстанудан және сарқылудан қорғауды қамтамасыз ететін ұйымдастыру, технологиялық, орманмелиоративтік, агротехникалық, гидротехникалық, санитариялық-эпидемиологиялық және басқа да іс-шараларды өткізбеу;

      су объектілерінде, су қорғау аймақтары мен белдеулерінде кәсіпорындарды және басқа да құрылысжайларды орналастыруға келісімнің, сондай-ақ құрылыс және басқа да жұмыстарды жүргізу шарттарының болмауы;

      белгіленген тәртіппен бекітілген жобалау құжаттамасының және экономика салаларының объектілері құрылысының, реконструкциясының, техникалық қайта жарақтануының оған сәйкес болмауы;

      жаңадан енгізілетін және реконструкцияланған кәсіпорындар мен объектілерде су объектілерінің ластануын, қоқыстануын болдырмайтын құрылысжайлар мен қондырғылардың болмауы;

      су заңнамаларының су ресурстарын есепке алу және қорғау бөлігіндегі талаптарын бұзу фактілері бойынша мемлекеттік органдардан шағымдар мен арыздардың, сондай-ақ ақпараттың болуы;

      4) тәуекел дәрежесін бағалаудың объективті өлшемшарттары – (бұдан әрі – объективті өлшемшарттар) бақылау субъектілерін (объектілерін) белгілі бір қызмет саласындағы тәуекел дәрежесіне қарай іріктеу үшін пайдаланылатын және жекелеген бақылау субъектісіне (объектісіне) тікелей тәуелді болып табылмайтын тәуекел дәрежесін бағалау өлшемшарттары;

      5) өрескел бұзушылықтар – Қазақстан Республикасының су қорын пайдалану және қорғау, бөгеттер қауіпсіздігі саласындағы Қазақстан Республикасы заңнамасының талаптарын:

      арнайы су пайдалануға арналған рұқсаттың болмауы;

      арнайы су пайдалануға арналған рұқсатта белгіленген су тұтыну және су бұру лимиттерін сақтамау;

      су қорын пайдалану және қорғау, сумен жабдықтау, су бұру саласында уәкілетті органның ведомствосымен су тұтыну мен су бұрудың келісілген үлестік нормаларының болмауы;

      су объектісін оқшауланған немесе бірлесіп пайдалануға беру туралы шарттың болмауы;

      су қоймаларын пайдаланудың бекітілген режимінің бұзылуы;

      су қоймаларын пайдаланудың бекітілген режимінің болмауы;

      судың жай-күйіне әсер ететін су шаруашылығы құрылысжайлары мен техникалық құрылғыларды жарамсыз күйде ұстау;

      су шаруашылығы жүйелері мен құрылысжайларының қауіпсіздігі өлшемшарттарына мониторинг жүргізбеу;

      су шаруашылығы жүйелері мен құрылыстары қауіпсіздігінің өлшемшарттарына түзетулер жүргізбеу;

      су шаруашылығы жүйелері мен құрылысжайларының көп факторлы зерттеп-қарауын жүргізбеу;

      бөгеттердің қауіпсіздігі декларациясының, сондай-ақ онда толық және (немесе) анық ақпараттың болмауы;

      Анықталған бұзушылықтарды жою туралы нұсқаулықты орындамау және (немесе) дұрыс орындамау;

      су заңнамаларының су ресурстарын пайдалану және су шаруашылығы құрылысжайларын пайдалану қауіпсіздігі бөлігіндегі талаптарын бұзу фактілері бойынша мемлекеттік органдардан шағымдар мен арыздардың, сондай-ақ ақпараттың болуы бөлігінде бұзу;

      6) Қазақстан Республикасының су қорын пайдалану және қорғау, бөгеттердің қауіпсіздігі саласындағы тәуекел – салдарларының ауырлық дәрежесін ескере отырып, халықтың сумен қамтамасыз етілуінің төмендеу, су объектілерінің ластануының, қоқыстануының және сарқылуының пайда болу, су пайдаланушылардың бөлінген лимиттерге сәйкес су ресурстарын алу құқығының бұзылу, сондай-ақ су пайдаланушылар қызметінің нәтижесінде елді мекендерге судың зиянды әсер ету, су объектілерінде және су қорғау аймақтары мен белдеулерінде жұмыстар жүргізуге келісу болмау, адамдардың қаза болуына, адамдардың денсаулығы мен қоршаған ортаға залал келтіруге алып келуі мүмкін гидротехникалық құрылысжайлардағы төтенше жағдайлардың туындау және алдын алу ықтималдығы;

      7) тәуекел дәрежесін бағалаудың субъективті өлшемшарттары (бұдан әрі – субъективті өлшемшарттар) – нақты бақылау субъектісі (объектісі) қызметінің нәтижелеріне қарай бақылау субъектісін (объектісін) іріктеу үшін пайдаланылатын тәуекел дәрежесін бағалау өлшемшарттары;

      8) тексеру парағы – бақылау субъектілері (объектілері) қызметіне қойылатын талаптарды қамтитын талаптар тізбесі, оларды сақтамау адам өміріне және денсаулығына, қоршаған ортаға, жеке және заңды тұлғалардың, мемлекеттің заңды мүдделеріне қауіп төндіреді.

      3. Бақылау субъектілерін (объектілерін) тәуекел дәрежелеріне жатқызу объективті және субъективті өлшемшарттар негізінде жүзеге асырылады.

2-тарау. Тәуекел дәрежесін бағалаудың объективті өлшемшарттары

      4. Объективті өлшемшарттар бойынша су объектілерінің стратегиялық маңыздылығына және су алу көлемдеріне байланысты барлық бақылау субъектілері тәуекелдің екі дәрежесі бойынша бөлінеді:

      1) тәуекелдің жоғары дәрежесі – бақылау субъектілері (объектілері), олар:

      ерекше мемлекеттік маңызы бар су қорғау аймақтары, белдеулері шегінде және су объектілерінде, сондай-ақ кіші су объектілерінде шаруашылық қызметті жүзеге асырады;

      ерекше стратегиялық маңызы бар су шаруашылығы құрылысжайлары мен ерекше маңызды топтық және оқшау сумен жабдықтау жүйелерінің тізбесіне жатқызылған объектілерді пайдаланады;

      І, ІІ, ІІІ класты, сондай-ақ төтенше жағдайларда жоғары қауіптілікті ІV класты бөгеттерді пайдаланады;

      тәулігіне 1 мың текше метрден аса жерасты және жерүсті суларын жинауды және (немесе) пайдалануды жүзеге асырады;

      2) тәуекелдің жоғарғы дәрежесіне жатпайтындар – бақылау субъектілері (объектілері), олар:

      ерекше мемлекеттік маңызы бар су объектілерінде және су қорғау аймақтарында, белдеулерінде, сондай-ақ кіші су объектілері шегінде шаруашылық қызметті жүзеге асырады;

      ерекше стратегиялық маңызы бар су шаруашылығы құрылысжайлары мен ерекше маңызды топтық және оқшау сумен жабдықтау жүйелерінің тізбесіне жатқызылмаған объектілерді пайдаланады;

      төтенше жағдайларда жоғары қауіптілікті болдыртпайтын ІV класты бөгеттерді пайдаланады;

      тәулігіне 1 мың текше метрден аз жерасты және жерүсті суларын жинау және (немесе) пайдалануды жүзеге асырады;

      5. Объективті өлшемшарттар бойынша жоғары тәуекел дәрежесіне жатқызылған бақылау субъектілеріне (объектілеріне) қатысты бақылау субъектісіне (объектісіне) бара отырып профилактикалық бақылау жүргізу мақсатында субъективті өлшемшарттар қолданылады.

3-тарау. Тәуекел дәрежесін бағалаудың субъективті өлшемшарттары

      6. Субъективті өлшемшарттарды айқындау мынадай кезеңдерді қолдана отырып жүзеге асырылады:

      1) деректер базасын қалыптастыру және ақпарат жинау;

      2) ақпаратты талдау және тәуекелдерді бағалау.

      7. Тәуекелдер дәрежесін айқындау үшін мынадай ақпарат көздері пайдаланылады:

      1) алғашқы есепке алуды жүргізу нәтижесінде алынған мәліметтерді мониторингтеу нәтижелері;

      2) алдыңғы тексерулердің, бақылау субъектілеріне (объектілеріне) бара отырып профилактикалық бақылаудың нәтижелері;

      3) бақылау субъектісінің кінәсінен туындаған қолайсыз оқиғалардың болуы. Қолайсыз оқиғаларға авариялар, оқиғалар, апаттар, су шаруашылығы құрылысжайларындағы инциденттер жатады;

      4) жеке немесе заңды тұлғалардан келіп түскен бақылау субъектілеріне расталған шағымдар мен арыздардың болуы және саны;

      5) 2003 жылғы 9 шілдедегі Қазақстан Республикасы Су кодексінің 49-бабының 1-тармағында көрсетілген уәкілетті органдар және су қорын пайдалану мен қорғау саласындағы қоғамдық бірлестіктер беретін мәліметтерді талдау нәтижелері.

      8. Осы өлшемшарттардың 7-тармағында анықталған ақпарат көздері негізінде осы Өлшемшарттарға қосымшаға сәйкес субъективті өлшемшарттар айқындалады.

      9. Реттеуші мемлекеттік органның тәуекел дәрежесін бағалау өлшемшарттарына сәйкес субъективті өлшемшарттардың тәуекел дәрежесінің көрсеткіші 0–ден 100–ге дейінгі шәкіл бойынша есептеледі.

      Бір өрескел бұзушылық айқындалған кезде субъекті тәуекел дәрежесінің көрсеткіші 100-ге теңестіріледі және оған қатысты субъектіге (объектіге) бара отырып профилактикалық бақылау жүргізіледі.

      Егер өрескел бұзушылықтар анықталмаса, тәуекел дәрежесінің көрсеткішін айқындау үшін елеулі және болмашы дәрежедегі бұзушылықтар бойынша жиынтық көрсеткіш есептеледі.

      Елеулі бұзушылықтардың көрсеткішін айқындау кезінде 0,7 коэффиценті колданылады және аталған көрсеткіш мынадай формула бойынша есептеледі:

      мұнда:

      Болмашы бұзушылықтардың көрсеткішін айқындау кезінде 0,3 коэффициенті қолданылады және бұл көрсеткіш мынадай формула бойынша есептеледі:

      мұнда:

      Тәуекел дәрежесінің жалпы көрсеткіші (

      мұндағы:

      Тәуекел дәрежесінің көрсеткіштері бойынша субъект (объект) мыналарға жатады:

      1) тәуекелдің жоғары дәрежесіне – 61-ден 100-ге қоса алғанда дейінгі тәуекел дәрежесінің көрсеткіші кезінде және оған қатысты бақылау субъектісіне (объектісіне) бара отырып профилактикалық бақылау жүргізіледі;

      2) жоғары тәуекел дәрежесіне жатпайтынға – 0-ден 60-қа қоса алғанда дейінгі тәуекел дәрежесінің көрсеткіші кезінде және оған қатысты бақылау субъектісіне (объектіге) барып профилактикалық бақылау жүргізілмейді.

4-тарау. Қорытынды ережелер

      10. Бақылау субъектісіне (объектісіне) бара отырып профилактикалық бақылауды жүргізу еселігі субъективті өлшемшарттар бойынша алынатын мәліметтерге жүргізілетін талдау мен бағалаудың нәтижелері бойынша және жылына бір реттен жиілетпей айқындалады.

      Тәуекелдер дәрежесін талдау және бағалау кезінде нақты субъектіге (объектіге) қатысты бұрын ескерілген және пайдаланылған субъективті өлшемшарттардың деректері не Қазақстан Республикасының заңнамасына сәйкес талап қою мерзімі өткен деректер пайдаланылмайды.

      11. Бақылау субъектісіне (объектіге) бара отырып профилактикалық бақылау Кодекстің 141-бабының 3-тармағына сәйкес қалыптасатын бақылау субъектісіне (объектісіне) бара отырып профилактикалық бақылаудың жарты жылдық тізімдері негізінде жүргізіледі.

      12. Бақылау субъектісіне (объектісіне) бара отырып профилактикалық бақылау тізімдері субъективті өлшемшарттар бойынша тәуекел дәрежесінің барынша жоғары көрсеткіші бар бақылау субъектісінің басымдығы ескеріле отырып жасалады.

Қазақстан Республикасының су қорын пайдалану және қорғау, бөгеттердің қауіпсіздігі саласындағы су ресурстарын алуды және (немесе) қолдануды, сондай-ақ су шаруашылығы құрылысжайларын пайдалануды жүзеге асыратын бақылау субъектілеріне қатысты тексеру парағы

      Тексеруді тағайындаған мемлекеттік орган_____________________________
      __________________________________________________________________
      Бақылау субъектісіне (объектісіне) бара отырып тексеруді/профилактикалық
      бақылауды тағайындау туралы акт ________________________________________
                                          (№, күні)
      Бақылау субъектісінің (объектісінің) атауы ____________________________
      __________________________________________________________________
      Бақылау субъектісінің (объектісінің) (жеке сәйкестендіру нөмірі), бизнес-
      сәйкестендіру нөмірі____________________________________________________________
      Орналасқан жерінің мекенжайы _____________________________________

      Лауазымды адам (-дар)__________________________ ________________

                                    (лауазымы)                   (қолы)

      _______________________________________________

      (аты, әкесінің аты (бар болса), тегі)

      Бақылау субъектісінің басшысы_______________________ _______________

                                          (лауазымы)                   (қолы)

      _________________________________________

      (аты, әкесінің аты (бар болса), тегі)

Қазақстан Республикасының су қорын пайдалану және қорғау, бөгеттердің қауіпсіздігі саласындағы су объектілерінде немесе су қорғау аймақтары мен белдеулерінде құрылыс, түбін тереңдету және жарылыс жұмыстарын, пайдалы қазбаларды және басқа да ресурстарды өндіру, кабельдерді, құбыр өткізгіштерді және басқа да коммуникацияларды төсеу, орманды кесу, бұрғылау және өзге жұмыстарды жүзеге асыратын бақылау субъектілеріне қатысты тексеру парағы

      Тексеруді тағайындаған мемлекеттік орган_____________________________
      __________________________________________________________________
      Бақылау субъектісіне (объектісіне) бара отырып тексеруді/профилактикалық
      бақылауды тағайындау туралы акт_________________________________________
                                          (№, күні)
      Бақылау субъектісінің (объектісінің) атауы ____________________________
      _________________________________________________________________
      Бақылау субъектісінің (объектісінің) (жеке сәйкестендіру нөмірі), бизнес-
      сәйкестендіру нөмірі____________________________________________________
      Орналасқан жерінің мекенжайы ______________________________________