Басым жобаларға кредит беру тетігінің шеңберінде ұсынылған қаражатты екінші деңгейдегі банктердің мақсатты пайдалануын талдау қағидаларын бекіту туралы

      "Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына және "Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы" Қазақстан Республикасы Үкіметінің 2018 жылғы 11 желтоқсандағы № 820 қаулысына сәйкес БҰЙЫРАМЫН:

      1. Қоса беріліп отырған Басым жобаларға кредит беру тетігінің шеңберінде ұсынылған қаражатты екінші деңгейдегі банктердің мақсатты пайдалануын талдау қағидалары бекітілсін.

      2. Кәсіпкерлікті мемлекеттік қолдау департаменті заңнамада белгіленген тәртіппен:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрық Қазақстан Республикасының Әділет министрлігінде мемлекеттік тіркелген күннен бастап күнтізбелік он күн ішінде оны қазақ және орыс тілдерінде ресми жариялауды және Қазақстан Республикасының нормативтік құқықтық актілерінің эталондық бақылау банкіне қосу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрықты Қазақстан Республикасы Ұлттық экономика министрлігінің интернет-ресурсында орналастыруды;

      4) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Ұлттық экономика министрлігінің Заң департаментіне беруді қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Ұлттық экономика вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Басым жобаларға кредит беру тетігінің шеңберінде ұсынылған қаражатты екінші деңгейдегі банктердің мақсатты пайдалануын талдау қағидалары

      Ескерту. Қағидалар жаңа редакцияда - ҚР Ұлттық экономика министрінің 14.04.2021 № 41 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Басым жобаларға кредит беру тетігінің шеңберінде ұсынылған қаражатты екінші деңгейдегі банктердің мақсатты пайдалануын талдау қағидалары (бұдан әрі – Талдау қағидалары) "Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына және "Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы" Қазақстан Республикасы Үкіметінің 2018 жылғы 11 желтоқсандағы № 820 қаулысына (бұдан әрі – Қаулы) сәйкес әзірленді және басым жобаларға кредит беру тетігі шеңберінде берілген қаражаттың мақсатты пайдаланылуына талдау жүргізу тәртібін айқындайды.

      2. "Даму" кәсіпкерлікті дамыту қоры" акционерлік қоғамы және оның аумақтық бөлімшелері (бұдан әрі – қаржы агенттігі) Қаулы шеңберінде субсидиялау шарты жасалған кәсіпкердің жаңа кредитті мақсатты пайдалануын мониторингілеуді, сондай-ақ екінші деңгейдегі банктерге, "Аграрлық несие корпорациясы" акционерлік қоғамына берілген қаражаттың мақсатты пайдаланылуы және уақтылы игерілуі бойынша ақпарат жинауды және оны талдауды жүзеге асырады.

      3. Осы Талдау қағидаларында мынадай терминдер мен анықтамалар пайдаланылады:

      1) "Аграрлық несие корпорациясы" акционерлік қоғамы (бұдан әрі – АНК) – Қаулымен бекітілген басым жобаларға кредит беру тетігі (бұдан әрі – Тетік) шеңберіндегі қатысушы, компания;

      2) агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау шарты (бұдан әрі – АӨК субсидиялау шарты) – қарыз алушы, жұмыс органы мен қаржы институты арасында жасалатын, субсидияларды аударудың тәртібі мен талаптарын, тараптардың жауапкершілігін көздейтін қағаз және электрондық түрде жасалған жазбаша келісім;

      3) банк (бұдан әрі – ЕДБ) – екінші деңгейдегі банк, Тетік шеңберіндегі қатысушы;

      4) банктік қарыз шарты – ЕДБ/"Қазақстанның Даму Банкі" акционерлік қоғамы мен кәсіпкер арасында жасалатын жазбаша келісім, оның шарттары бойынша кәсіпкерге Тетік шеңберінде банк кредиті, сондай-ақ кредиттік желі ашу туралы келісім беріледі.

      Аталған шарт ақпараттық банк жүйесінде сәйкестендірілуге жатады;

      5) кәсіпкер – өз қызметін Қазақстан Республикасы Үкіметінің 2019 жылғы 24 желтоқсандағы № 968 қаулысымен бекітілген "Бизнестің жол картасы-2025" бизнесті қолдау мен дамытудың мемлекеттік бағдарламасы (бұдан әрі – Бағдарлама) шеңберінде Қазақстан Республикасының Кәсіпкерлік кодексіне (бұдан әрі – Кодекс) сәйкес жүзеге асыратын шағын және (немесе) орта кәсіпкерлік субъектісі, сондай-ақ өз қызметін Тетік шеңберінде Кодекске сәйкес жүзеге асыратын жеке кәсіпкерлік субъектісі (бұдан әрі – ЖКС).

      6) "Қазақстанның Даму Банкі" акционерлік қоғамы (бұдан әрі – ҚДБ) – қарыздарды тек өз қаражаты (нарықтық қорландыру) есебінен беретін Тетік шеңберіндегі қатысушы;

      7) қаражат – Тетік шеңберінде АНК облигациялар шығару кезінде, ЕДБ алған ақша қаражаты;

      8) қарыз шарты – оның талаптары бойынша кәсіпкерге кредит берілетін АНК мен кәсіпкер арасында жасалған жазбаша келісім, сондай-ақ Тетік шеңберінде кредиттік желі ашу туралы келісім.

      Осы шарт АНК ақпараттық жүйесінде сәйкестендірілуге жатады;

      9) кредит – ЕДБ/ҚДБ банктік қарыз шартының негізінде, АНК қарыз шартының негізінде кәсіпкерге мерзімділік, ақылылық, қайтарымдылық, қамтамасыз ету және мақсатты пайдалану талаптарымен беретін ақша сомасы;

      10) субсидиялау – кәсіпкердің операциялық қызметіне жататын болашақта белгілі бір шарттарды орындауының орнына кәсіпкер кредиттер бойынша сыйақы ретінде төлейтін шығыстарды ішінара өтеу үшін пайдаланылатын кәсіпкерлерді мемлекеттік қаржылай қолдау нысаны;

      11) субсидиялау шарты – қаржы агенттігі, ЕДБ/ҚДБ және кәсіпкер арасында жасалатын үшжақты жазбаша келісім, оның талаптары бойынша қаржы агенттігі кәсіпкерлік жөніндегі уәкілетті орган бекітетін нысан бойынша ЕДБ/ҚДБ берген кәсіпкердің кредиті бойынша сыйақы мөлшерлемесін ішінара субсидиялайды;

      12) уақытша бос қаражат – кәсіпкерлердің бұрын берілген кредиттерді өтеуден босатылатын қаражат сомасы.

2-тарау. Басым жобаларға кредит беру тетігінің шеңберінде ұсынылған қаражаттың мақсатты пайдаланылуына талдау жүргізу тәртібі

      4. Қаржы агенттігі ЕДБ, АНК берген ақпараттың негізінде ЕДБ, АНК ЖКС мақсатты және уақтылы қаржыландыруы бойынша деректерді жинауды және талдауды жүзеге асырады.

      5. Деректердің талдауы Тетік шеңберіндегі ұсынылған ЕДБ, АНК лимиттері жөніндегі ақпаратты шоғырландыруды, ЕДБ, АНК және ЖКС тарапынан қаражаттың уақтылы және мақсатты пайдаланылуын, берілген кредиттердің жалпы көлеміндегі шағын және орта бизнестің үлесі жөніндегі ақпаратты, өңдеу өнеркәсібі және көрсетілетін қызметтер бағыттары, сондай-ақ агроөнеркәсіптік кешендегі өңдеу және өндіріс жөніндегі деректерді қамтиды.

      6. ЕДБ-нің, АНК-нің Тетік шеңберінде қаражатты уақтылы игеру және мақсатты пайдалану талаптарын орындауы туралы ақпаратты жинау және талдау үшін, қаржы агенттігі мынадай іс-шараларды жүргізеді:

      ЖКС берген кредиттер бойынша ЕДБ-нің және АНК-нің есептерін жинау және талдау;

      уақытша бос қаражаттың қалдықтары бойынша ЕДБ-нің және АНК-нің есептерін жинау және талдау;

      Тетік шеңберінде ЖКС қаржыландырудың әлеуметтік-экономикалық әсері бойынша ЕДБ-нің және АНК-нің есептерін жинау және талдау;

      қаражатты игеру кезеңі бойынша ЕДБ-нің және АНК-нің есептерін жинау және талдау;

      ЕДБ-нің және АНК-нің қаражатты мақсатты пайдалануы, оның ішінде ЕДБ және АНК-нің Тетік шеңберінде ЖКС қаржыландыру талаптарын сақтауы бойынша деректерді жинау және талдау;

      Тетік шеңберінде олармен субсидиялау шарты жасалған ЖКС-нің кредитті мақсатты пайдалануына талдауды жүзеге асыру.

      7. Аванстық қорландыруды алған жағдайда облигацияларды орналастырудан алынған ЕДБ, АНК қаражатын игеру кезеңі орналастырылған облигациялардың әрбір траншы бойынша олар ЕДБ, АНК шотына түскен күннен бастап 12 (он екі) айдан аспауға тиіс.

      ЕДБ, АНК қаражатты игеру кезеңінің басталу күні қаражат ЕДБ, АНК шотына келіп түскен күннен бастап айқындалады.

      Қаражатты уақтылы игеру қаражатты игеру кезеңі аяқталған күннен кешіктірмей Тетік шеңберінде ЖКС-пен банктік қарыз шартын, қарыз шартын жасасу болып табылады.

      8. ЕДБ, өнеркәсіпті дамыту қоры, лизингтік компаниялар қаржы лизингі бойынша және АНК қаржы агенттігіне осы Талдау қағидаларына 1-қосымшада көрсетілген мерзімдерде берілген кредиттер бойынша есептерді:

      1) осы Талдау қағидаларына 2-қосымшаға сәйкес нысан бойынша Тетік шеңберінде бөлінген қаражатты мақсатты пайдалану туралы есепті;

      2) осы Талдау қағидаларына 3-қосымшаға сәйкес нысан бойынша Тетік шеңберіндегі уақытша бос қаражат туралы есепті;

      3) осы Талдау қағидаларына 4-қосымшаға сәйкес нысан бойынша бөлінген қаражаттың игерілуі жөніндегі есепті ұсынады.

      9. ЕДБ, АНК қаражаттың игерілуі және мақсатты пайдаланылуы туралы ақпарат бермеген жағдайда қаржы агенттігі осы Талдау қағидаларына 1-қосымшада көзделген мерзім өткен күннен бастап 10 (он) жұмыс күнінен кешіктірілмейтін мерзімде ЕДБ-ға, АНК-ге ақпарат беруі қажеттігі туралы хабарлама жолдайды.

      ЕДБ, АНК хабарлама түскен күннен бастап 5 (бес) жұмыс күнінен кешіктірілмейтін мерзімде қажетті ақпаратты қаржы агенттігіне жолдайды.

      Ұсынылған ақпаратқа ескертулер анықталған жағдайда 5 (бес) жұмыс күнінен кешіктірілмейтін мерзімде, қаржы агенттігі электрондық сұрату/ресми хат түскен күннен бастап 10 (он) жұмыс күнінен кешіктірілмейтін мерзімде ЕДБ-нің, АНК-нің анықталған ескертулерді жою бойынша ақпарат беру қажеттігі туралы талаппен ЕДБ-ға, АНК-ге электрондық поштамен сұрату және ресми хат жолдайды.

      10. Қаржы агенттігі Тетіктің 7-тармағына сәйкес Тетік шеңберінде субсидиялау шарты жасалған ЖКС-нің жаңа кредитінің мақсатты пайдаланылуын мониторингілеуді жүзеге асырады.

      11. Тетік шеңберінде АӨК субсидиялау шарты жасалған агроөнеркәсіптік кешенінде өндіру және қайта өңдеу бойынша іске асырылатын жобаларды мониторингілеу Тетіктің 9-тармағына сәйкес жүзеге асырылады.

Берілген кредиттер бойынша есептерді ұсыну мерзімдері

      Ескерту. 1-қосымша жаңа редакцияда - ҚР Ұлттық экономика министрінің 02.03.2022 № 18 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Қайда ұсынылады: "Даму" кәсіпкерлікті дамыту қоры" акционерлік қоғамы

      Нысан әкімшілік деректерді жинауға арналған

      Әкімшілік деректер нысаны орналастырылған интернет ресурс: www.economy.gov.kz

      __________________________________________________________
(екінші деңгейдегі банк/өнеркәсіпті дамыту қоры/лизингтік компания/
"Аграрлық несиелік корпорация" акционерлік қоғамының атауы)

Тетік шеңберінде бөлінген қаражатты мақсатты пайдалануы туралы есеп

      Ескерту. 2-қосымша жаңа редакцияда - ҚР Ұлттық экономика министрінің 02.03.2022 № 18 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Есепті кезең: 20_____ ж. _____бастап_____қоса алғандағы кезең

      Әкімшілік деректер нысанының индексі: ИВС-1

      Мерзімділігі: айлық және тоқсандық

      Ақпарат ұсынатын тұлғалар шеңбері: Екінші деңгейлі банктер (бұдан әрі – ЕДБ), өнеркәсіпті дамыту қоры (бұдан әрі – ӨДҚ) лизингтік компаниялар бойынша қаржылық лизингі (бұдан әрі – ЛК) немесе "Аграрлық несиелік корпорация" акционерлік қоғамы" (бұдан әрі – АНК) .

      Әкімшілік деректер нысанын ұсыну мерзімі: ЕДБ, ӨДҚ, ЛК мен АНК ай сайын Тетіктің қолданылу мерзімі ішінде есепті кезеңнен кейінгі айдың 20-күнінен кешіктірмей.

      Кестенің жалғасы

      Кестенің жалғасы

      Кестенің жалғасы

      Лауазымды тұлға _________________________________________
(Тегі, аты, әкесінің аты (болған жағдайда) (қолы, мөр (болған жағдайда)

      Жауапты жұмыскер _______________________________________
(Тегі, аты, әкесінің аты (болған жағдайда) (қолы, мөр (болған жағдайда)

Әкімшілік деректерді жинауға арналған нысанды толтыру бойынша түсіндірме Тетік шеңберінде бөлінген қаражатты мақсатты пайдалану туралы есеп

      (индексі – ИВС-1, мерзімділігі: айлық, тоқсандық)

      1. Осы түсіндірме (бұдан әрі – Түсіндірме) әкімшілік деректерді жинауға арналған "Тетік шеңберінде бөлінген қаражатты мақсатты пайдалану туралы есеп" нысанын (бұдан әрі – Нысан) толтыру бойынша бірыңғай талаптарды айқындайды.

      2. Нысан "Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы" Қазақстан Республикасы Үкіметінің 2018 жылғы 11 желтоқсандағы № 820 қаулысына сәйкес әзірленді.

      3. Нысанды екінші деңгейдегі банктер (бұдан әрі – ЕДБ), өнеркәсіпті дамыту қоры (бұдан әрі – ӨДҚ) лизингтік компаниялар бойынша қаржылық лизингі (бұдан әрі – ЛК) және "Аграрлық несиелік корпорация" акционерлік қоғамы (бұдан әрі – АНК) ай сайын жасайды. Егер өзгеше көрсетілмесе, нысандағы деректер мың теңгемен толтырылады.

      4. Нысанға бірінші басшы немесе есепке қол қоюға уәкілетті адам және орындаушы қол қояды.

      5. Нысанның "Р/с №" деген 1-бағанында реті бойынша реттік нөмір көрсетіледі. Кейінгі ақпарат реті бойынша нөмірлеуді үзбеуге тиіс.

      6. Нысанның "Банктің атауы" деген 2-бағанында есепті ұсынатын ЕДБ/ӨДҚ/ЛК/АНК атауы көрсетіледі.

      7. Нысанның "Облыс, республикалық маңызы бар қала және астана" деген 3-бағанында кәсіпкердің тіркелген орнына сәйкес келетін облыс немесе республикалық маңызы бар қала немесе астана көрсетіледі.

      8. Нысанның "Қазақстан Республикасының облыстары, республикалық маңызы бар қалалары және астанасы бөлінісіндегі Қарыз алушының атауы" деген 4-бағанында Тетік шеңберінде қаржыландырылған кәсіпкердің атауы көрсетіледі.

      9. Нысанның "Заңдық мәртебесі (жауапкершілігі шектеулі серіктестік, дара кәсіпкер, шаруа қожалығы, өндірістік кооператив)" деген 5-бағанында кәсіпкердің заңды мәртебесі бағанда көрсетілгенге сәйкес айқындалады.

      10. Нысанның "Берілген күні" деген 6-бағанында Қарыз алушыға ЕДБ/ӨДҚ/ЛК/АНК кредит қаражатын берген нақты күн көрсетіледі.

      11. Нысанның "Қарыздың мерзімі, айлар" деген 7-бағанында айлармен есептелген кредит беру мерзімі көрсетіледі.

      12. Нысанның "Қарыздың сомасы" деген 8-бағанында кредиттік желі ашу туралы келісім/банктік қарыз шарты шеңберінде берілген кредиттің сомасы теңгемен көрсетіледі.

      13. Нысанның "Тетік қаражаты есебінен мақұлданған қарыздың сомасы" деген 9-бағанында Тетік қаражаты есебінен ЕДБ/ӨДҚ/ЛК/АНК мақұлдаған кредит сомасы көрсетіледі.

      14. Нысанның "ЕДБ/ӨДҚ/ЛК/АНК қаражаты есебінен мақұлданған қарыз сомасы" деген 10-бағанында ЕДБ/ӨДҚ/ЛК/АНК өз қаражаты есебінен мақұлдаған кредит сомасы көрсетіледі.

      15. Нысанның "Нақты берілген қаражат сомасы" деген 11-бағанында кредиттік желі ашу туралы келісім/банктік қарыз шарты шеңберінде қарыз алушыға нақты берілген кредит қаражатының сомасы көрсетіледі.

      16. Нысанның "Тетік қаражаты есебінен нақты берілген сома" деген 12-бағанында кредиттік желі ашу туралы келісім/банктік қарыз шарты шеңберінде Тетік қаражаты есебінен қарыз алушыға нақты берілген кредит қаражатының сомасы көрсетіледі.

      17. Нысанның "ЕДБ/ӨДҚ/ЛК/АНК қаражаты есебінен нақты берілген сома" деген 13-бағанында кредиттік желі ашу туралы келісім/банктік қарыз шарты шеңберінде ЕДБ/ӨДҚ/ЛК/АНК өз қаражаты есебінен қарыз алушыға нақты берілген кредит қаражатының сомасы көрсетіледі.

      18. Нысанның "Негізгі борышты өтеу бойынша жеңілдікті кезең" деген 14-бағанында кредиттік желі ашу туралы келісім/банктік қарыз шарты шеңберінде айқындалған негізгі борышты өтеу бойынша айларға бөлінген жеңілдікті кезеңнің мерзімі көрсетіледі.

      19. Нысанның "Сыйақы төлеу бойынша жеңілдікті кезең" деген 15-бағанында кредиттік желі ашу туралы келісім/банктік қарыз шарты шеңберінде айқындалған сыйақыны өтеу жөніндегі айларға бөлінген жеңілдікті кезеңнің мерзімі көрсетіледі.

      20. Нысанның "Кредит бойынша сыйақы мөлшерлемесі" деген 16-бағанында кредиттік желі ашу туралы келісім/банктік қарыз шарты шеңберінде кредит бойынша белгіленген сыйақы мөлшерлемесі көрсетіледі.

      21. Нысанның "Кредит бойынша тиімді сыйақы мөлшерлемесі" деген 17-бағанында кредиттік желі ашу туралы келісім/банктік қарыз шарты шеңберінде кредит бойынша белгіленген тиімді сыйақы мөлшерлемесі көрсетіледі.

      22. Нысанның "Кредит беру объектісі" деген 18-бағанында кредиттік желі ашу туралы келісімге/банктік қарыз шартына сәйкес айқындалған кредиттің нысаналы мақсаты (айналым қаражатын толықтыру/инвестициялар/қайта қаржыландыру) көрсетіледі.

      23. Нысанның "Қарыз қаражатының нысаналы мақсаты (қарыз қаражатының әрбір бағытының атауы мен сомасын көрсете отырып)" деген 19-бағанында кредит беру объектісінің толық жазылуы, яғни кредит беру объектілері бойынша бөле отырып, кредит қаражатының нысаналы мақсатын нақтылау көрсетіледі.

      24. Нысанның "Іске асыру орны (аудан, қала)" деген 20-бағанында жобаны іске асыру орнына сәйкес келетін облыс немесе республикалық маңызы бар қала немесе астана көрсетіледі.

      25. Нысанның "Экономикалық қызмет түрлерінің жалпы жіктеуіші (бұдан әрі – ЭҚЖЖ)" бойынша секция деген 21-бағанында кәсіпкердің жобасы іске асырылатын экономикалық қызмет түрлерінің жалпы жіктеуіші бойынша секция көрсетіледі.

      26. Нысанның "ЭҚЖЖ бойынша төрт таңбалы сынып" деген 22-бағанында төрт таңбалы цифрлық кодпен белгіленген ЭҚЖЖ сыныптамасының төртінші деңгейі көрсетіледі.

      27. Нысанның "ЕДБ/ӨДҚ/ЛК/АНК уәкілетті органы шешімінің №" деген 23-бағанында кәсіпкердің жобасын қаржыландыру туралы ЕДБ/ӨДҚ/ЛК/АНК уәкілетті органы шешімінің нөмірі көрсетіледі.

      28. Нысанның "ЕДБ/ӨДҚ/ЛК/АНК уәкілетті органы шешімінің күні" деген 24-бағанында кәсіпкердің жобасын қаржыландыру туралы ЕДБ/ӨДҚ/ЛК/АНК уәкілетті органы шешімінің күні көрсетіледі.

      29. Нысанның "Банктік қарыз шартының/кредиттік желі ашу туралы келісімнің/ №" деген 25-бағанында ЕДБ/ӨДҚ/ЛК/АНК және қарыз алушы арасында жасалған банктік қарыз шартының/ кредиттік желі ашу туралы келісімнің нөмірі көрсетіледі.

      30. Нысанның "Банктік қарыз шартының/кредиттік желі ашу туралы келісімнің күні" деген 26-бағанында ЕДБ/ӨДҚ/ЛК/АНК мен қарыз алушы арасында жасалған банктік қарыз шартының/кредиттік желі ашу туралы келісімнің күні көрсетіледі.

      31. Нысанның "Қарыз алушының жеке сәйкестендіру нөмірі/Бизнес сәйкестендіру нөмірі" деген 27-бағанында кәсіпкердің жеке сәйкестендіру нөмірі (жеке тұлға) немесе бар болған жағдайда бизнес сәйкестендіру нөмірі (заңды тұлға) көрсетіледі.

      32. Нысанның "Бизнестің жол картасы" бизнесті қолдау мен дамытудың мемлекеттік бағдарламасына/Қазақстан Республикасының агроөнеркәсіптік кешенін дамытудың 2017 – 2021 жылдарға арналған мемлекеттік бағдарламасына қатысу (иә / жоқ)" деген 28-бағанында қаржыландырылған жобаның бағанда көрсетілген мемлекеттік бағдарламалар шеңберінде қатысуы туралы ақпарат "иә" немесе "жоқ"деген белгі қойылып көрсетіледі.

      33. Нысанның "Тетік шеңберіндегі бағыт" деген 29-бағанында:

      1) Агроөнеркәсіптік кешендегі (бұдан әрі – АӨК) қайта өңдеу;

      2) АӨК-тегі өндіріс;

      3) өңдеу өнеркәсібі және көрсетілетін қызметтер бағыты көрсетіледі.

      34. Нысанның "Жеке кәсіпкерлік субъектісінің (бұдан әрі – ЖКС) санаты (шағын бизнес/орта бизнес/ірі бизнес)" деген 30-бағанында Қазақстан Республикасының Кәсіпкерлік кодексіне сәйкес жеке кәсіпкерлік субъектісінің санаты көрсетіледі.

      35. Нысанның "ЖКС Бағдарламаның/Тетіктің шарттарына сәйкестігі (сәйкес келеді/сәйкес келмейді)" деген 31-бағанында кәсіпкердің Бағдарламаның/Тетіктің шарттарына сәйкестігі туралы ақпарат "сәйкес келеді" немесе "сәйкес келмейді"деген белгі қойылып көрсетіледі.

      36. Нысанның "ЖКС жобасының Бағдарлама/Тетік шарттарына сәйкестігі (сәйкес келеді/сәйкес келмейді)" деген 32-бағанында ЖКС жобасының Бағдарлама/Тетік шарттарына сәйкестігі туралы ақпарат "сәйкес келеді" немесе "сәйкес келмейді"деген белгі қойылып көрсетіледі.

      Қайда ұсынылады: "Даму" кәсіпкерлікті дамыту қоры" акционерлік қоғамы.

      Нысан әкімшілік деректерді жинауға арналған

      Әкімшілік деректер нысаны орналастырылған интернет ресурс: www.economy.gov.kz

      ______________________________________________________
(екінші деңгейдегі банк/өнеркәсіпті дамыту қоры/лизингтік компания/
"Аграрлық несиелік корпорация" акционерлік қоғамының атауы)
_______________________
жағдай бойынша (күн.ай.жыл)
Тетік шеңберіндегі уақытша бос қаражаты туралы есеп

      Ескерту. 3-қосымша жаңа редакцияда - ҚР Ұлттық экономика министрінің 02.03.2022 № 18 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Есепті кезең 20_____ ж.

      Әкімшілік деректер формасының индексі: ОВСС-1

      Мерзімділігі: тоқсандық

      Әкімшілік деректер ұсыну мерзімі: екінші деңгейдегі банктер (бұдан әрі – ЕДБ), өнеркәсіпті дамыту қоры (бұдан әрі – ӨДҚ) лизингтік компаниялар бойынша қаржылық лизингі (бұдан әрі – ЛК) және "Аграрлық несиелік корпорация" акционерлік қоғамы (бұдан әрі – АНК) ай сайын.

      Әкімшілік деректер ұсыну мерзімі: ЕДБ/ӨДҚ/ЛК/АНК Тетіктің қолданылу мерзімі ішінде тоқсан сайын есепті кезеңнен кейінгі айдың 10-шы күнінен кешіктірмей.

      Лауазымды тұлға _________________________________________

      (Тегі, аты, әкесінің аты (болған жағдайда) (қолы, мөр (болған жағдайда)

      Жауапты жұмыскер _______________________________________

      (Тегі, аты, әкесінің аты (болған жағдайда) (қолы, мөр (болған жағдайда)

      Әкімшілік деректерді жинауға арналған нысанды толтыру бойынша түсіндірме

      Тетік шеңберіндегі уақытша бос қаражат туралы есеп

      (Индексі-ОВСС-1, мерзімділігі: тоқсандық)

      1. Осы түсіндірме (бұдан әрі – Түсіндірме) әкімшілік деректерді жинауға арналған "Тетік шеңберіндегі уақытша бос қаражат туралы есеп" нысанын (бұдан әрі – Нысан) толтыру бойынша бірыңғай талаптарды айқындайды.

      2. Нысан "Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы" Қазақстан Республикасы Үкіметінің 2018 жылғы 11 желтоқсандағы № 820 қаулысына сәйкес әзірленді.

      3. Нысанды екінші деңгейдегі банктер (бұдан әрі – ЕДБ), өнеркәсіпті дамыту қоры (бұдан әрі – ӨДҚ), лизингтік компаниялар бойынша қаржылық лизингі (бұдан әрі – ЛК) және "Аграрлық несиелік корпорация" акционерлік қоғамы (бұдан әрі – АНК) ай сайын жасайды. Егер өзгеше көрсетілмесе, нысандағы деректер мың теңгемен толтырылады.

      4. Нысанға бірінші басшы немесе есепке қол қоюға уәкілетті тұлға және орындаушы қол қояды.

      5. Нысанның "Р/с №" деген 1-бағанында реті бойынша реттік нөмір көрсетіледі. Кейінгі ақпарат реті бойынша нөмірлеуді үзбеуге тиіс.

      6. Нысанның "Бағдарламаның атауы" деген 2-бағанында қаржыландыру бағдарламасының атауы көрсетіледі.

      7. Нысанның "Жеке кәсіпкерлік субьектісінің (бұдан әрі – ЖКС) ЕДБ/ӨДҚ/ЛК/АНК алдындағы негізгі борышының қалдығы" деген 3-бағанында жеке кәсіпкерлік субъектісінің (бұдан әрі – ЖКС) ЕДБ/ӨДҚ/ЛК/АНК берген кредиті бойынша негізгі борыш қалдығының сомасы көрсетіледі.

      8. Нысанның "ЕДБ/ӨДҚ/ЛК/АНК Қазақстан Республикасы Ұлттық банкі/Қазақстаннның орнықтылық қоры алдындағы негізгі борышының қалдығы" деген 4-бағанында ЕДБ/ӨДҚ/ЛК/АНК сатып алынған облигациялары бойынша негізгі борыш сомасының қалдығы көрсетіледі.

      9. Нысанның "ЕДБ/ӨДҚ/ЛК/АНК бағдарламаға қатысатын қаражат қалдығы" деген 5-бағанында Тетік шеңберінде тартылған ЕДБ/ӨДҚ/ЛК/АНК қаражатының қалдығы көрсетіледі (осы баған игеру сомасына өтеу кестесі болған кезде толтырылады).

      10. Нысанның "Бағдарлама бойынша ЕДБ/ӨДҚ/ЛК/АНК ең жақын өтейтін негізгі борышының сомасы" деген 6-бағанында өтеу кестесіне сәйкес ең жақын өтелетін негізгі борыш сомасы көрсетіледі (осы баған игеру сомасына өтеу кестесі болған кезде толтырылады).

      11. Нысанның "Бос қаражат қалдығы, барлығы" деген 7-бағанында бастапқы игеру шеңберінде бөлінген, ЖКС кредиттік қаражатты өтеу есебінен босаған есепті күнгі ЕДБ/ӨДҚ/ЛК/АНК уақытша бос қаражатының қалдығы көрсетіледі.

      12. Нысанның "Бос қаражат қалдығы, оның ішінде ЕДБ/ӨДҚ/ЛК/АНК баланстан тыс шотында резервке қойылған" деген 8-бағанында ЖКС кредит беру үшін ЕДБ/ӨДҚ/ЛК/АНК баланстан тыс шотында резервке қойылған уақытша бос қаражат қалдығының сомасы көрсетіледі.

      Қайда ұсынылады: "Даму" кәсіпкерлікті дамыту қоры" акционерлік қоғамы.

      Нысан әкімшілік деректерді жинауға арналған

      Әкімшілік деректер нысаны орналастырылған интернет ресурс: www.economy.gov.kz

      _____________________________________________________
(екінші деңгейдегі банк/өнеркәсіпті дамыту қоры/лизингтік компания/
"Аграрлық несиелік корпорация" акционерлік қоғамы атауы)

      Тетік шеңберінде бөлінген қаражатты игеруі бойынша есеп

      Ескерту. 4-қосымша жаңа редакцияда - ҚР Ұлттық экономика министрінің 02.03.2022 № 18 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Есепті кезең 20_____ ж.

      Әкімшілік дерек нысанының индексі: ОАОО-1

      Кезеңділігі: игеру мерзімі аяқталғаннан кейін.

      Ақпарат ұсынатын тұлғалар шеңбері: екінші деңгейдегі банктер (бұдан әрі – ЕДБ), өнеркәсіпті дамыту қоры (бұдан әрі – ӨДҚ), лизингтік компаниялар бойынша қаржылық лизингі (бұдан әрі – ЛК) және "Аграрлық несиелік корпорация" акционерлік қоғамы (бұдан әрі – АНК).

      Әкімшілік деректер нысанын ұсыну мерзімі: ЕДБ/ӨДҚ/ЛК/АКК бір рет игеру мерзімі аяқталғанан кейін 20 (жиырма) жұмыс күнінен кешіктірмей.

      Кестенің жалғасы

      Кестенің жалғасы

      1) Тетік шеңберіндегі қаражатты ЕДБ/ӨДҚ/ЛК/АНК игеруі бойынша қаржы агенттігінің қысқаша талдауы мен тұжырымдары.

      (ЕДБ/ӨДҚ/ЛК/АНК бөлінісінде қаражатты игеру/ берілген қарыздар, ЖКС санаттары бойынша, қызмет түрлері бойынша, бағыттар бойынша, нысаналы мақсаты бойынша, жобаны іске асыру орны бойынша бөлу, қысқаша тұжырымдарымен және талдауымен бірге өңірлер бөлінісіндегі ақпарат).

      Лауазымды тұлға _________________________________________
(Тегі, аты, әкесінің аты (болған жағдайда) (қолы, мөр (болған жағдайда)

      Жауапты жұмыскер _______________________________________
(Тегі, аты, әкесінің аты (болған жағдайда) (қолы, мөр (болған жағдайда)

      Әкімшілік деректерді жинауға арналған нысанды толтыру бойынша түсіндірме

      Тетік шеңберінде бөлінген қаражатты игеру бойынша есеп

      (Индексі- ОАОО-1, мерзімділігі: игеру мерзімі аяқталғаннан кейін)

      1. Осы түсіндірме (бұдан әрі – Түсіндірме) әкімшілік деректерді жинауға арналған "Тетік шеңберінде бөлінген қаражатты игеру бойынша есеп" нысанын (бұдан әрі – Нысан) толтыру бойынша бірыңғай талаптарды айқындайды.

      2. Нысан "Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы" Қазақстан Республикасы Үкіметінің 2018 жылғы 11 желтоқсандағы № 820 қаулысына сәйкес әзірленді.

      3. Нысанды екінші деңгейдегі банктер (бұдан әрі - ЕДБ)/өнеркәсіпті дамыту қоры (бұдан әрі - ӨДҚ)/лизингтік компаниялар бойынша қаржылық лизингі (бұдан әрі - ЛК)/"Аграрлық несиелік корпорация" АҚ (бұдан әрі- АНК) игеру мерзімі аяқталғаннан кейін жасайды. Егер өзгеше көрсетілмесе, нысандағы деректер мың теңгемен толтырылады.

      4. Нысанға бірінші басшы немесе есепке қол қоюға уәкілетті тұлға және орындаушы қол қояды.

      5. Нысанның "Р/с №" деген 1-бағанында реті бойынша реттік нөмір көрсетіледі. Кейінгі ақпарат реті бойынша нөмірлеуді үзбеуге тиіс.

      6. Нысанның "Жеке кәсіпкерлік субъектісінің (бұдан әрі – ЖКС) атауы" деген 2-бағанында заңдық мәртебесі көрсетіле отырып, ЖКС – Бағдарламаға қатысушының толық атауы көрсетіледі.

      7. Нысанның "Облыс, республикалық маңызы бар қала және астана" деген 3-бағанында кәсіпкердің тіркелген жеріне сәйкес келетін облыстың, республикалық маңызы бар қаланың немесе астананың атауы көрсетіледі.

      8. Нысанның "Жеке сәйкестендіру нөмірі/Бизнес сәйкестендіру нөмірі" деген 4-бағанында жеке тұлға үшін жеке сәйкестендіру нөмірі немесе заңды тұлға үшін кәсіпкердің бизнес сәйкестендіру нөмірі (бар болса) көрсетіледі.

      9. Нысанның "Экономикалық қызмет түрлерінің жалпы жіктеуіші" "Сала (секция)" деген 5-бағанында шеңберінде кәсіпкердің жобасы іске асырылатын экономикалық қызмет түрлерінің жалпы жіктеуіші бойынша секция көрсетіледі.

      10. Нысанның "Экономикалық қызмет түрлерінің жалпы жіктеуіші" "Кіші сала (бөлім)" деген 6-бағанында төрт таңбалы цифрлық кодпен белгіленген ЭҚЖЖ сыныптамасының төртінші деңгейі көрсетіледі.

      11. Нысанның "Нақты қарыз беру сомасы" "Оның ішінде Тетік қаражаты есебінен" деген 7-бағанында Тетік қаражаты есебінен кредиттік желі ашу туралы келісім/банктік қарыз шарты шеңберінде қарыз алушыға нақты берілген кредиттік қаражат сомасы көрсетіледі.

      12. Нысанның "Нақты қарызды беру сомасы" "Оның ішінде ЕДБ/ӨДҚ/ЛК/АКК қаражаты есебінен" деген 8-бағанында ЕДБ/ӨДҚ/ЛК/АКК меншікті қаражаты есебінен кредиттік желі ашу туралы келісім/банктік қарыз шарты шеңберінде қарыз алушыға нақты берілген кредиттік қаражат сомасы көрсетіледі.

      13. Нысанның "Қарыз мерзімі, ай" деген 9-бағанында айлармен есептелген кредит беру мерзімі көрсетіледі.

      14. Нысанның "Қарыз валютасы" деген 10-бағанында кредит валютасы көрсетіледі.

      15. Нысанның "Номиналды сыйақы мөлшерлемесі" деген 11-бағанында кредиттік желі ашу туралы келісім/банктік қарыз шарты шеңберінде кредит бойынша белгіленген номиналды сыйақы мөлшерлемесі көрсетіледі.

      16. Нысанның "Кредиттік келісімнің нөмірі және күні" деген 12 және 13-бағанындарда ЕДБ/ӨДҚ/ЛК/АНК мен қарыз алушы арасында жасалған банктік қарыз шартының/кредиттік желі ашу туралы келісімнің нөмірі мен күні көрсетіледі.

      17. Нысанның "Нысаналы мақсаты" "Инвестициялар" деген кіші бағанның "Сомасы" деген 14-бағанында инвестициялық мақсаттарға бағытталған кредит қаражатының сомасы көрсетіледі.

      18. Нысанның "Үлес салмағы %" деген 15-бағанында пайыздық мәнде инвестициялық мақсаттарға бағытталған кредит қаражатының үлесі көрсетіледі.

      19. Нысанның 16-бағанының "Айналым қаражатын толықтыру" "Сомасы" деген кіші бағанында айналым қаражатын толықтыруға бағытталған кредит қаражатының сомасы көрсетіледі.

      20. Нысанның "Үлес салмағы %" деген 17-бағанында айналым қаражатын толықтыруға бағытталған кредит қаражатының үлесі көрсетіледі.

      21. Нысанның "Тетік шеңберіндегі бағыт" деген 18-бағанында:

      1) Агроөнеркәсіптік кешендегі (бұдан әрі – АӨК) қайта өңдеу;

      2) АӨК өндірісі;

      3) өңдеу өнеркәсібі және қызметтер бағыты көрсетіледі.

      22. Нысанның "ЖКС санаты (шағын бизнес/орта бизнес/ірі бизнес)" деген 19-бағанында Қазақстан Республикасының Кәсіпкерлік кодексіне сәйкес жеке кәсіпкерлік субъектісінің санаты көрсетіледі.

      23. Нысанның "ЖКС Бағдарлама/Тетік шарттарына сәйкестігі (сәйкес келеді/сәйкес келмейді)" деген 20-бағанында кәсіпкердің Бағдарлама/Тетік шарттарына сәйкестігі туралы ақпарат "сәйкес келеді" немесе "сәйкес келмейді"деген белгі қойылып көрсетіледі.

      24. Нысанның "ЖКС жобасының Бағдарлама/Тетік шарттарына сәйкестігі (сәйкес келеді/сәйкес келмейді)" деген 21-бағанында кәсіпкер жобасының Бағдарлама/Тетік шарттарына сәйкестігі туралы ақпарат "сәйкес келеді" немесе "сәйкес келмейді"деген белгі қойылып көрсетіледі.

Бөлінген қаражатты "______________" акционерлік қоғамының игеруі туралы есеп (ЕДБ/АНК қаржы агенттігіне ұсынады, қаржы агенттігі кәсіпкерлік жөніндегі уәкілетті органға ұсынады (мың теңге)

      Кестенің жалғасы

      Кестенің жалғасы

      1) Тетік шеңберіндегі қаражатты екінші деңгейдегі банктердің (бұдан әрі – ЕДБ), "Аграрлық несие корпорациясы" АҚ-ның (бұдан әрі – АНК) игеруі бойынша қаржы агенттігінің қысқаша талдауы мен тұжырымдары.

      (қаражатты игеру/ЕДБ/АНК бөлінісінде берілген қарыздар, ЖКС санаттары бойынша, қызметітүрлері бойынша, бағыттары бойынша, нысаналы мақсаты бойынша, жоба іске асырылатын орын бойынша бөлу, қысқаша тұжырымдарымен және талдауымен бірге өңірлер бөлінісіндегі ақпарат).

      Лауазымды тұлға __________________________Тегі, аты, әкесінің аты

      (болған жағдайда) (қолы, мөр (болған жағдайда)

      Жауапты жұмыскер ____________________ Тегі, аты, әкесінің аты

      (болған жағдайда) (қолы, мөр (болған жағдайда)

      * Бағытын көрсету қажет:

      1) Агроөнеркәсіптік кешендегі (әрі қарай – АӨК) өңдеу;

      2) АӨК-дегі өндіріс;

      3) өңдеуші өнеркәсіп және қызметтер.