Тұлғалар тобының тізіліміне енгізілген тұтынушылардың болжамды тапшылықты жабу үшін электр қуатын құруға қатысу қағидаларын бекіту туралы

      "Электр энергетикасы туралы" 2004 жылғы 9 шілдедегі Қазақстан Республикасы Заңының 5-бабының 70-33) тармақшасына сәйкес БҰЙЫРАМЫН:

      1. Қоса беріліп отырған Тұлғалар тобының тізіліміне енгізілген тұтынушылардың болжамды тапшылықты жабу үшін электр қуатын құруға қатысу қағидалары бекітілсін.

      2. Қазақстан Республикасы Энергетика министрлігінің Электр энергетикасы саласындағы мемлекеттік саясатты іске асыру департаменті Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрық мемлекеттік тіркелген күнінен бастап күнтізбелік он күн ішінде оны қазақ және орыс тілдерінде ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін "Қазақстан Республикасы Әділет министрлігінің Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрықты Қазақстан Республикасы Энергетика министрлігінің интернет-ресурсында орналастыруды;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Энергетика министрлігінің Заң қызметі департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының энергетика вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Тұлғалар тобының тізіліміне енгізілген тұтынушылардың болжамды тапшылықты жабу үшін электр қуатын құруға қатысу қағидалары

      Ескерту. Қағида жаңа редакцияда - ҚР Энергетика министрінің м.а. 30.04.2021 № 154 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Тұлғалар тобының тізіліміне енгізілген тұтынушылардың болжамды тапшылықты жабу үшін электр қуатын құруға қатысу қағидалары (бұдан әрі – Қағидалар) "Электр энергетикасы туралы" Қазақстан Республикасы Заңының (бұдан әрі – Заң) 5-бабының 70-33) тармақшасына сәйкес әзірленді және Тұлғалар тобының тізілімне енгізілген тұтынушылардың болжамды тапшылықты жабу үшін электр қуатын құруға қатысу тәртібін айқындайды.

      2. Осы Қағидаларда мынадай негізгі ұғымдар пайдаланылады:

      1) нарық кеңесі – электр энергиясы мен қуаты нарығының жұмыс істеуін мониторингтеу жөніндегі қызметті, сондай-ақ Заңда көзделген басқа да функцияларды жүзеге асыратын коммерциялық емес ұйым;

      2) тұлғалар тобының тізілімі (бұдан әрі – Тізілім) – уәкілетті орган қалыптастыратын және ресми интернет-ресурста орналастыратын Заңның 9-бабы 1-1-тармағының екінші және үшінші бөліктеріне сәйкес бақылау болған жағдайда бір тұлғалар тобына кіретін энергия өндіруші ұйымдары мен тұтынушылардың тізбесі;

      3) уәкілетті орган – электр энергетикасы саласында басшылықты жүзеге асыратын мемлекеттік орган.

      Осы Қағидаларда пайдаланылатын өзге де ұғымдар мен анықтамалар Қазақстан Республикасының электр энергетикасы саласындағы заңнамасына сәйкес қолданылады.

2-тарау. Тұлғалар тобының тізіліміне енгізілген тұтынушылардың болжамды тапшылықты жабу үшін электр қуатын құруға қатысу тәртібі

      3. Заңның 15-1-бабының 8-тармағына сәйкес егер электр энергиясы мен қуатының алдағы жеті жылдық кезеңге арналып бекітілген болжамды теңгерімінде Қазақстан Республикасының біртұтас электр энергетикалық жүйесінде немесе оның аймақтарының қандай да бірінде болжамның алғашқы бес жылы ішіндеэлектр қуатының болжамды жабылмайтын тапшылығы 100 мегаваттан асатын болса, уәкілетті орган күнтізбелік отыз күн ішінде электр қуатының болжамды жабылмайтын тапшылығының туындауы туралы Нарық кеңесіне, Тізілімге енгізілген тұтынушыларға хабарламалар жібереді.

      Қазақстан Республикасының біртұтас электр энергетикалық жүйесінің аймағы генерациялайтын көздер өндірген электр энергиясын беруге кедергі келтіретін техникалық сипаттағы шектеулер жоқ, электр энергиясы мен қуатының болжамды теңгерімдерін әзірлеу тәртібіне сәйкес айқындалатын Қазақстан Республикасының біртұтас электр энергетикалық жүйесінің бір бөлігі болып табылады.

      Электр қуатының жабылмайтын тапшылығы энергия тапшы аймақтарды Қазақстан Республикасының біртұтас электр энергетикалық жүйесінің басқа аймақтарымен байланыстыратын электр беру желілерінің өткізу қабілеті ескеріле отырып есептеледі.

      4. Заңның 15-5-бабының 6-тармағына сәйкес Тиісті тұлғалар тобының тізіліміне енгізілген тұтынушылар мынадай формула бойынша Нарық кеңесі есептеген көлемде электр қуатын құруға қатысады:

      Қ_тек = Ү_эқ*(ЖЖжт/ЖЖ_бэж), мұнда

      Қ_тек – Тиісті тұлғалар тобының тізіліміне енгізілген тұтынушылардың электр қуатын құруға қатысу міндеттемелерінің есептік көлемі;

      Ү_эқ – Қазақстан Республикасының біртұтас электр энергетикалық жүйесіндегі немесе оның аймақтарының қандай да бірінде электр қуатының болжамды тапшылық көлемі;

      ЖЖ_жт – электр энергиясы мен қуатының алдағы жеті жылдық кезеңге арналған болжамды теңгерімін бекіту сәтіндегі Тиісті тұлғалар тобының тізіліміне енгізілген тұтынушылардың ең жоғары жүктемесі;

      ЖЖ_бэж – электр энергиясы мен қуатының алдағы жеті жылдық кезеңге арналған болжамды теңгерімін бекіту сәтіндегі Қазақстан Республикасының біртұтас электр энергетикалық жүйесіндегі жалпы ең жоғары жүктеме.

      5. Заңның 15-5-бабының 8-тармағына сәйкес Заңның 15-5-бабының 6-тармағында көзделген Тізілімге енгізілген тұтынушылардың электр қуатын құруға қатысу міндеттемелері мынадай формула бойынша Нарық кеңесі есептеген, Тиісті тұлғалар тобының тізіліміне енгізілген, көтерме сауда нарығының субъектілері құрған электр қуатының шамасына төмендетіледі:

      Қ_тк = (Ү_эқ+ҚҚ_жт)*(ЖЖ_жт/ ЖЖ_бэж) - ҚҚ_жт, мұнда

      Қ_тк – Тиісті тұлғалар тобының тізіліміне енгізілген тұтынушылардың электр қуатын құруға қатысу міндеттемелерінің көлемі;

      Ү_эқ – Қазақстан Республикасының біртұтас электр энергетикалық жүйесіндегі немесе оның аймақтарының қандай да бірінде электр қуатының болжамды тапшылық көлемі;

      ҚҚ_жт – Заңның 15-5-бабының 8-тармағында көрсетілген талаптарды орындау барысында Тиісті тұлғалар тобының тізіліміне енгізілген көтерме нарығының субъектілерімен құрылған электр қуатынының көлемі;

      ЖЖ_жт – электр энергиясы мен қуатының алдағы жеті жылдық кезеңге арналған болжамды теңгерімін бекіту сәтіндегі Тиісті тұлғалар тобының тізіліміне енгізілген тұтынушылардың ең жоғары жүктемесі;

      ЖЖ_бэж – электр энергиясы мен қуатының алдағы жеті жылдық кезеңге арналған болжамды теңгерімін бекіту сәтіндегі Қазақстан Республикасының біртұтас электр энергетикалық жүйесіндегі жалпы ең жоғары жүктеме.

      Егер Қтк осында нөлге тең немесе теріс болған жағдайда, Тиісті тұлғалар тобының тізіліміне енгізілген тұтынушылардың міндеттемелері нөлге тең болады.

      6. Заңның 15-5-бабы 6-тармағының 1) және 2) тармақшаларына сәйкес, егер Тиісті тұлғалар тобының тізіліміне енгізілген көтерме сауда нарығының субъектілерімен құрылған электр қуатының көлемі Қтктең немесе одан артық болса, Тізілімге енгізілген Тиісті тұлғалар топтарының қалған тұтынушылары электр қуатын құруға қатысудан босатылады.

      7. Заңның 15-5-бабы 6-тармағының 1) және 2) тармақшаларына сәйкес, егер Тиісті тұлғалар тобының тізіліміне енгізілген көтерме сауда нарығының субъектілері жасаған электр қуатының көлемі Моп-тан кем болса, Тиісті тұлғалар тобының тізіліміне енгізілген тұтынушылар мынадай формула бойынша уәкілетті органның хабарламасы негізінде Нарық кеңесі есептеген көлемде Заңның 15-5-бабы 6-тармағының 4) тармақшасына сәйкес электр қуатын құруға қатысады:

      Қ_бса = Қ_тк – ҚҚ_тк, мұнда

      Қ_бса – Заңның 15-5-бабы 6-тармағының 4) тармақшасына сәйкес Тізілімге енгізілген тұтынушылар бірыңғай сатып алушыдан жүктемені көтеруге электр қуатының әзірлігін қамтамасыз ету жөніндегі көрсетілетін қызметтерді сатып алу көлемі;

      Қ_тк – Тиісті тұлғалар тобының тізіліміне енгізілген тұтынушылардың электр қуатын құруға қатысу міндеттемелерінің көлемі;

      ҚҚ_тк – Заңның 15-5-бабы 6-тармағының 1) және 2) тармақшаларына сәйкес көрсетілген талаптарды орындау барысында Тиісті тұлғалар тобының тізіліміне енгізілген көтерме сауда нарығының субъектілерімен құрылған электр қуатының көлемі.

      8. Бірыңғай сатып алушыдан электр қуатының жүктеме көтеруге әзірлігін қамтамасыз ету жөніндегі көрсетілетін қызметтерді сатып алу көлемін Нарық кеңесі Тізілімге енгізілген тұтынушылар арасында мынадай формула бойынша бөледі:

      Қ_бса1 = Қ_бса * (ЖЖ_жт1/ЖЖ_жт), мұнда

      Қ_бса1 – Заңның 15-5-бабы 6-тармағының 4) тармақшасына сәйкес Тізілімге енгізілген тұтынушылар бірыңғай сатып алушыдан жүктемені көтеруге электр қуатының әзірлігін қамтамасыз ету жөніндегі көрсетілетін қызметтерді сатып алу көлемі;

      Қ_бса – Заңның 15-5-бабы 6-тармағының 4) тармақшасына сәйкес Тізілімге енгізілген тұтынушылар бірыңғай сатып алушыдан жүктемені көтеруге электр қуатының әзірлігін қамтамасыз ету жөніндегі көрсетілетін қызметтерді сатып алу көлемі;

      ЖЖ_жт1 – электр энергиясы мен қуатының алдағы жеті жылдық кезеңге арналған болжамды теңгерімін бекіту сәтінде сәтіне Тиісті тұлғалар тобының тізіліміне енгізілген тұтынушының ең жоғары жүктемесі;

      ЖЖ_жт – электр энергиясы мен қуатының алдағы жеті жылдық кезеңге арналған болжамды теңгерімін бекіту сәтінде Тиісті тұлғалар тобының тізіліміне енгізілген тұтынушылардың ең жоғары жүктемесі.

      9. Заңның 15-5-бабының 6-тармағында көзделген міндеттемелерді Заңның 15-5-бабы 6-тармағының 1) және 2) тармақшаларында көрсетілген іс-қимылдарды орындау арқылы орындау кезінде Тізілімге енгізілген көтерме сауда нарығының субъектілері пайдалануға берілетін генерациялайтын қондырғыларға арналған орналастыру орнын (алаңқайды), отынның типі мен түрін осы Қағидалардың 13 және 14-тармақтарына сәйкес уәкілетті органмен келіседі.

      10. Тізілімге енгізілген көтерме сауда нарығы субъектілерінің бірыңғай сатып алушымен және уәкілетті органмен реттеуші электр қуатын құруға қатысу, хабарламалар мен ақпаратты жіберу, реттеуші электр қуатын құруға шарттар жасасу және электр қуатының әзірлігін ұстап тұру жөніндегі көрсетілетін қызметтерді сатып алу туралы шешімдер қабылдау мәселелері бойынша өзара іс-қимылы Заңның 15-5-бабының 10-12-тармақтарына сәйкес жүзеге асырылады.

      11. Заңның 15-5-бабы 6-тармағының 4) тармақшасында көрсетілген іс-қимылдарды орындау арқылы реттеуші электр қуатын құруға қатысу туралы шешім қабылдау кезінде, Тиісті тұлғалар тобының тізіліміне енгізілген тұтынушылар мынадай формула бойынша Нарық кеңесі есептеген көлемде электр қуатының жүктемені көтеруге әзірлігін қамтамасыз ету жөніндегі көрсетілетін қызметтерді бірыңғай сатып алушыдан сатып алады:

      Қ_бса = Қ_тк - ҚҚ_тк, мұнда

      Қ_бса – Заңның 15-5-бабы 6-тармағының 4) тармақшасына сәйкес тізілімге енгізілген тұтынушылардың электр қуатының жүктемені көтеруге әзірлігін қамтамасыз ету жөніндегі көрсетілетін қызметтерді бірыңғай сатып алушыдан сатып алу көлемі;

      Қ_тк – Тиісті тұлғалар тобының тізіліміне енгізілген тұтынушылардың электр қуатын құруға қатысу міндеттемелерінің көлемі;

      ҚҚ_тк – Заңның 15-5-бабы 6-тармағының 1) және 2) тармақшаларына сәйкес Тиісті тұлғалар тобының тізіліміне енгізілген көтерме сауда нарығының субъектілерімен құрылған электр қуатының көлемі.

      Заңның 15-5-бабы 6-тармағының 4) тармақшасына сәйкес Тізілімге енгізілген тұтынушылар арасында электр қуатының жүктемені көтеруге әзірлігін қамтамасыз ету жөніндегі көрсетілетін қызметтерді сатып алу көлемін бөлу осы Қағидалардың 8-тармағына сәйкес жүргізіледі.

      12. Жаңадан пайдалануға берілетін генерациялайтын қондырғыларды салуға тендер өткізгеннен кейін және (немесе) аукциондық сауда-саттық өткізілгеннен кейін құрылған тұлғалар топтары Заңның 15-бабы 6-тармағының 4) тармақшасына сәйкес электр қуатын құруға қатысады.

      Бірыңғай сатып алушыдан электр қуатының жүктемені көтеруге әзірлігін қамтамасыз ету жөніндегі көрсетілетін қызметтерді сатып алу көлемін Нарық кеңесі осы Қағидалардың 8, 21-тармақтарына сәйкес есептейді.

3-тарау. Тұлғалар топтарының тізіліміне енгізілген тұтынушылардың болжанатын тапшылықты жабу үшін реттеуші электр қуатын құруға қатысу тәртібі

      13. Заңның 15-1-бабының 9-тармағына сәйкес егер электр энергиясы мен қуатының алдағы жеті жылдық кезеңге арналып бекітілген болжамды теңгерімінде Қазақстан Республикасының біртұтас электр энергетикалық жүйесіндегі немесе оның аймақтарының қандай да бірінде реттеуші электр қуатының болжамды жабылмайтын тапшылығы болжамның соңғы үш жылы ішінде 100 мегаваттан асатын болса, уәкілетті орган маневрлік генерациялау режимі бар реттеуші генерациялайтын қондырғылардың көлемдерін, пайдалануға беру мерзімдерін айқындайды және Тізілімге енгізілген тұтынушыларға реттеуші электр қуатының болжамды жабылмайтын тапшылығының туындағаны туралы Нарық кеңесіне хабарлама жібереді.

      14. Заңның 15-5-бабының 6-тармағына сәйкес Тиісті тұлғалар тобының тізіліміне енгізілген тұтынушылар мынадай формула бойынша уәкілетті органның хабарламасы негізінде Нарық кеңесі есептеген көлемде реттеуші электр қуатын құруға қатысады:

      Қ_ретект = Т_ретэқ*(ЕЖЖ_тұт/ЕЖЖ_БЭЖ), мұнда

      Қ_ретект – Тиісті тұлғалар тобының тізіліміне енгізілген тұтынушылардың реттеуші электр қуатын құрудағы міндеттемелерінің есептік көлемі;

      Т_ретэқ – Қазақстан Республикасының біртұтас электр энергетикалық жүйесіндегі немесе оның аймақтарының қандай да бірінде реттеуші электр қуатының болжамды тапшылығының көлемі;

      ЕЖЖ_тұт – электр энергиясы мен қуатының алдағы жеті жылдық кезеңге арналған болжамды теңгерімін бекіту сәтіндегі Тиісті тұлғалар тобының тізіліміне енгізілген тұтынушылардың ең жоғары жүктемесі;

      ЕЖЖ_БЭЖ – электр энергиясы мен қуатының алдағы жеті жылдық кезеңге арналған болжамды теңгерімін бекіту сәтіндегі Қазақстан Республикасының біртұтас электр энергетикалық жүйесіндегі жалпы ең жоғары жүктеме.

      15. Заңның 15-5-бабының 8-тармағына сәйкес Заңның 15-5-бабының 6-тармағында көзделген, Тізілімге енгізілген тұтынушылардың реттеуші электр қуатын құру жөніндегі міндеттемелері мынадай формула бойынша Нарық кеңесі есептеген, Тиісті тұлғалар тобының тізіліміне енгізілген, көтерме сауда нарығының субъектілері жасаған реттеуші электр қуатының шамасына төмендетіледі:

      Қ_тмрет = (Т_ретэқ+ СҚ_реттұт)*(ЕЖЖ_тұт/ЕЖЖ_БЭЖ) – СҚ_реттұт, мұнда

      Қ_тмрет – Тиісті тұлғалар тобының тізіліміне енгізілген тұтынушылардың реттеуші электр қуатын құрудағы міндеттемелерінің көлемі;

      Т_ретэқ – Қазақстан Республикасының біртұтас электр энергетикалық жүйесіндегі немесе оның аймақтарының қандай да бірінде реттеуші электр қуатының болжамды тапшылығының көлемі;

      СҚ_реттұт – Заңның 15-5-бабының 8-тармағында көрсетілген шарттарды орындау кезінде Тиісті тұлғалар тобының тізіліміне енгізілген көтерме сауда нарығының субъектілері жасаған реттеуші электр қуатының көлемі;

      ЕЖЖ_тұт – электр энергиясы мен қуатының алдағы жеті жылдық кезеңге арналған болжамды теңгерімін бекіту сәтіндегі Тиісті тұлғалар тобының тізіліміне енгізілген тұтынушылардың ең жоғары жүктемесі;

      ЕЖЖ_БЭЖ – электр энергиясы мен қуатының алдағы жеті жылдық кезеңге арналған болжамды теңгерімін бекіту сәтіндегі Қазақстан Республикасының біртұтас электр энергетикалық жүйесіндегі жалпы ең жоғары жүктеме.

      Егер Қтмрет нөлге тең немесе теріс болса, Тиісті тұлғалар тобының тізіліміне енгізілген тұтынушылардың міндеттемелері нөлге тең болады.

      16. Егер Заңның 15-5-бабы 6-тармағының 1) және 2) тармақшаларына сәйкес Тиісті тұлғалар тобының тізіліміне енгізілген көтерме сауда нарығының субъектілері жасаған реттеуші электр қуатының көлемі Қтмрет-ке тең немесе одан көп болса, Тізілімге енгізілген Тиісті тұлғалар тобының қалған тұтынушылары реттеуші электр қуатын құруға қатысудан босатылады.

      17. Егер Заңның 15-5-бабы 6-тармағының 1) және 2) тармақшаларына сәйкес Тиісті тұлғалар тобының тізіліміне енгізілген көтерме сауда нарығының субъектілері жасаған реттеуші электр қуатының көлемі Қтмрет-тен кем болса, Тиісті тұлғалар тобының тізіліміне енгізілген тұтынушылар мынадай формула бойынша Нарық кеңесі есептеген көлемде Заңның 15-5-бабы 6-тармағының 4) тармақшасына сәйкес реттеуші электр қуатын құруға қатысады:

      Қ_бсат = Қ_тмрет - СҚ_ретксн, мұнда

      Қ_бсат – Заңның 15-5-бабы 6-тармағының 4) тармақшасына сәйкес Тізілімге енгізілген тұтынушылардың электр қуатының жүктемені көтеруге әзірлігін қамтамасыз ету жөніндегі көрсетілетін қызметтерді бірыңғай сатып алушыдан сатып алу көлемі;

      Қтмрет – Тиісті тұлғалар тобының тізіліміне енгізілген тұтынушылардың реттеуші электр қуатын құрудағы міндеттемелерінің көлемі;

      СҚретксн – Заңның 15-5-бабы 6-тармағының 1) және 2) тармақшаларына сәйкес Тиісті тұлғалар тобының тізіліміне енгізілген көтерме сауда нарығының субъектілері жасаған реттеуші электр қуатының көлемі.

      18. Бірыңғай сатып алушыдан электр қуатының жүктемені көтеруге әзірлігін қамтамасыз ету жөніндегі көрсетілетін қызметтерді сатып алу көлемін Нарық кеңесі Тізілімге енгізілген тұтынушылар арасында мынадай формула бойынша бөледі:

      Қ_бсат1 = Қ_бсат* (ЕЖЖ_тұт1/ЕЖЖ_тұт), мұнда

      Қ_бсат1 – Заңның 15-5-бабы 6-тармағының 4) тармақшасына сәйкес Тізілімге енгізілген тұтынушының бірыңғай сатып алушыдан электр қуатының жүктемені көтеруге әзірлігін қамтамасыз ету жөніндегі көрсетілетін қызметтерді сатып алу көлемі;

      Қ_бсат – Заңның 15-5-бабы 6-тармағының 4) тармақшасына сәйкес Тізілімге енгізілген тұтынушылардың электр қуатының жүктемені көтеруге әзірлігін қамтамасыз ету жөніндегі көрсетілетін қызметтерді бірыңғай сатып алушыдан сатып алу көлемі;

      ЕЖЖ_тұт1 – электр энергиясы мен қуатының алдағы жеті жылдық кезеңге арналған болжамды теңгерімін бекіту сәтіндегі Тиісті тұлғалар тобының тізіліміне енгізілген тұтынушының ең жоғары жүктемесі;

      ЕЖЖ_тұт – электр энергиясы мен қуатының алдағы жеті жылдық кезеңге арналған болжамды теңгерімін бекіту сәтіндегі Тиісті тұлғалар тобының тізіліміне енгізілген тұтынушылардың ең жоғары жүктемесі.

      19. Заңның 15-5-бабының 6-тармағында көзделген міндеттемелерді Заңның 15-5-бабы 6-тармағының 1) және 2) тармақшаларында көрсетілген іс-қимылдарды орындау арқылы орындау кезінде Тізілімге енгізілген көтерме сауда нарығының субъектілері пайдалануға берілетін генерациялайтын қондырғыларға арналған орналастыру орнын (алаңқайды), отынның типі мен түрін осы Қағидалардың 22 және 23-тармақтарына сәйкес уәкілетті органмен келіседі.

      20. Тізілімге енгізілген көтерме сауда нарығы субъектілерінің бірыңғай сатып алушымен және уәкілетті органмен реттеуші электр қуатын құруға қатысу, хабарламалар мен ақпаратты жіберу, реттеуші электр қуатын құруға шарттар жасасу және электр қуатының әзірлігін ұстап тұру жөніндегі көрсетілетін қызметтерді сатып алу туралы шешімдер қабылдау мәселелері бойынша өзара іс-қимылы Заңның 15-5-бабының 10-12-тармақтарына сәйкес жүзеге асырылады.

      21. Заңның 15-5-бабы 6-тармағының 4) тармақшасында көрсетілген іс-қимылдарды орындау арқылы реттеуші электр қуатын құруға қатысу туралы шешім қабылдау кезінде, Тиісті тұлғалар тобының тізіліміне енгізілген тұтынушылар мынадай формула бойынша Нарық кеңесі есептеген көлемде электр қуатының жүктемені көтеруге әзірлігін қамтамасыз ету жөніндегі көрсетілетін қызметтерді бірыңғай сатып алушыдан сатып алады:

      Қ_бсат = Қк_тұтрет – СҚ_реткс, мұнда

      Қ_бсат – Заңның 15-5-бабы 6-тармағының 4) тармақшасына сәйкес тізілімге енгізілген тұтынушылардың электр қуатының жүктемені көтеруге әзірлігін қамтамасыз ету жөніндегі көрсетілетін қызметтерді бірыңғай сатып алушыдан сатып алу көлемі;

      Қк_тұтрет – Заңның 15-5-бабы 6-тармағының 4) тармақшасына сәйкес Тізілімге енгізілген тұтынушылардың электр қуатының жүктемені көтеруге әзірлігін қамтамасыз ету жөніндегі көрсетілетін қызметтерді бірыңғай сатып алушыдан сатып алу көлемі;

      СҚ_реткс – Заңның 15-5-бабы 6-тармағының 1) және 2) тармақшаларына сәйкес Тиісті тұлғалар тобының тізіліміне енгізілген көтерме сауда нарығының субъектілері жасаған реттеуші электр қуатының көлемі.

      Заңның 15-5-бабы 6-тармағының 4) тармақшасына сәйкес Тізілімге енгізілген тұтынушылар арасында бірыңғай сатып алушыдан электр қуатының жүктемені көтеруге әзірлігін қамтамасыз ету жөніндегі көрсетілетін қызметтерді сатып алу көлемін бөлу осы Қағидалардың 18-тармағына сәйкес жүргізіледі.

4-тарау. Пайдалануға берілетін генерациялайтын қондырғыларға арналған отынды орналастыру орнын (алаңын), типін және түрін келісу тәртібі

      22. Тізілімге енгізілген көтерме сауда нарығының субъектілері уәкілетті органға пайдалануға берілетін генерациялайтын қондырғыларды орналастыру орнын (алаңын), отынның типін және түрін келісу туралы қолдаухатты осы Қағидаларға қосымшаға сәйкес нысан бойынша қағаз және электрондық жеткізгіштерде генерациялайтын қондырғылардың негізгі параметрлері туралы ақпаратпен қоса береді.

      23. Уәкілетті орган электр қуаты Қазақстан Республикасының біртұтас электр энергетикалық жүйесінде немесе электр қуатының жойылмайтын тапшылығы болжанатын оның аймақтарының қандай да бірінде құрылатын жағдайда, тізілімге енгізілген көтерме сауда нарығы субъектілерінің пайдалануға берілетін генерациялайтын қондырғылар үшін орналастыру орнын (алаңын), отынның типін және түрін келіседі.

Генерациялайтын қондырғылардың негізгі параметрлері туралы ақпарат

      1. Заңның 15-5-бабы 6-тармағының 1) және 2) тармақшаларында көрсетілген іс-қимылдарды орындау арқылы осы Қағидалардың 4-тармағында көзделген міндеттемелерді орындау шеңберінде іске асырылуы жоспарланатын іс-шаралармен қамтылатын электр станциясының атауы (атауы көрсетіледі).

      2. Заңның 15-5-бабы 6-тармағының 1) және 2) тармақшаларында көрсетілген іс-қимылдарды орындау арқылы осы Заңның 15-5-бабаның 6-тармағында көзделген міндеттемелерді орындау шеңберінде іске асырылуы жоспарланатын іс-шаралар туралы жалпы ақпарат*.

      Ескертпе:

      * - кесте параметрлерінің сандық мәндері онға дейінгі нақтылықпен көрсетіледі.

      3. Заңның 15-5-бабы 6-тармағының 2) тармақшасында көрсетілген іс-шараларды іске асыруға дейінгі және кейінгі кезеңде электр станциясының (атауы көрсетіледі) жұмыс істеу параметрлері туралы ақпарат *

      Ескертпе:

      * - кесте параметрлерінің сандық мәндері онға дейінгі нақтылықпен көрсетіледі;

      ** - электр станциясының номиналды жұмыс режимінде.