"Еңбек" нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған мемлекеттік бағдарламасын іске асыру жөніндегі кейбір шаралар туралы

      БҰЙЫРАМЫН:

      Қазақстан Республикасы Yкiметiнiң 2005 жылғы 6 сәуірдегі № 310 қаулысымен бекітілген Қазақстан Республикасы Ауыл шаруашылығы министрлігі туралы ереженің 16-тармағының 159-1), 159-2), 159-3) тармақшаларына сәйкес, Қазақстан Республикасы Yкiметiнiң 2016 жылғы 13 қарашадағы № 746 қаулысымен бекітілген "Еңбек" нәтижелі жұмыспен қамтуды және жаппай кәсіпкерлікті дамытудың 2017–2021 жылдарға арналған мемлекеттік бағдарламасын іске асыру мақсатында БҰЙЫРАМЫН:

      1. Мыналар:

      1) осы бұйрыққа 1-қосымшаға сәйкес Шағын қалаларда және ауылдық елді мекендерде кредит беру/микрокредит беру қағидалары;

      2) осы бұйрыққа 2-қосымшаға сәйкес Ауылдық жерлерде және шағын қалаларда микроқаржы ұйымдары және кредиттік серіктестіктер беретін кредиттер/микрокредиттер бойынша кепілдік беру қағидалары;

      3) осы бұйрыққа 3-қосымшаға сәйкес Микроқаржы ұйымдарының операциялық шығыстарын субсидиялау қағидалары бекітілсін.

      2. Қазақстан Республикасы Ауыл шаруашылығы министрлігінің Инвестициялық саясат департаменті заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық мемлекеттік тіркелген күннен бастап күнтізбелік он күн ішінде оның ресми жариялау және Қазақстан Республикасы Нормативтік құқықтық актілерінің эталондық бақылау банкіне енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;

      3) осы бұйрық мемлекеттік тіркелгеннен кейін күнтізбелік он күн ішінде оның көшірмесінің мерзімді баспа басылымдарына ресми жариялауға жіберілуін;

      4) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын.

      3. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының Ақпарат және

      коммуникациялар министрлігі

      "КЕЛІСІЛДІ"

      Қазақстан Республикасының Қаржы министрлігі

      "КЕЛІСІЛДІ"

      Қазақстан Республикасының Еңбек және халықты

      әлеуметтік қорғау министрлігі

      "КЕЛІСІЛДІ"

      Қазақстан Республикасының Ұлттық

      экономика министрлігі

Шағын қалаларда және ауылдық елді мекендерде кредит беру/микрокредит беру қағидалары

1-тарау. Жалпы ережелер

      1. Осы Шағын қалаларда және ауылдық елді мекендерде кредит беру/микрокредит беру қағидалары (бұдан әрі – Кредит беру/микрокредит беру қағидалары) Қазақстан Республикасы Үкіметінің 2018 жылғы 13 қарашадағы № 746 қаулысымен бекітілген Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған "Еңбек" мемлекеттік бағдарламасының (бұдан әрі – Бағдарлама) екінші бағыты шеңберінде әзірленді және шағын қалаларда және ауылдық елді мекендерде (олардың әкімшілік бағыныстылығына қарамастан) кредит беру/микрокредит беру тәртібін айқындайды.

      2. Осы Кредит беру/микрокредит беру қағидаларында мынадай негізгі ұғымдар пайдаланылады:

      1) агроөнеркәсіптік кешенді дамыту саласындағы уәкілетті орган (бұдан әрі – уәкілетті орган) – агроөнеркәсіптік кешенді (бұдан әрі – АӨК) дамыту саласында басшылықты және салааралық үйлестіруді жүзеге асыратын Қазақстан Республикасының орталық атқарушы органы;

      2) ауыл шаруашылығы кооперативі – ауыл шаруашылығы өнімін, акваөсіру (балық өсіру) өнімін өндіруде, өңдеуде, өткізуде, сақтауда, өндіріс құралдарымен және материалдық-техникалық ресурстармен жабдықтауда, кредит беруде, сумен қамтамасыз етуде немесе кооперативтің мүшелеріне, сондай-ақ кооперативтің қауымдасқан мүшелеріне басқа да сервистік қызмет көрсетуде әлеуметтік-экономикалық қажеттіліктерін қанағаттандыру мақсатында бірлескен өндірістік және (немесе) өзге де шаруашылық қызметті жүзеге асыру үшін жеке және (немесе) заңды тұлғаларды ерікті түрде біріктіру жолымен мүшелік негізінде құрылатын өндірістік кооперативтің ұйымдастыру-құқықтық нысанындағы заңды тұлға;

      3) ауыл шаруашылығы мәселелері жөніндегі жергілікті атқарушы орган (бұдан әрі – ауыл шаруашылығы басқармасы) – жергілікті атқарушы органдардың ауыл шаруашылығын басқару функциясын іске асыратын құрылымдық бөлімшесі;

      4) ауылдық елді мекендерде және шағын қалаларда кредит беру/микрокредит беру шараларына қатысушылар (бұдан әрі – Қатысушы) – ісін жаңа бастаған және жұмыс істеп жүрген кәсіпкерлер мен зәкірлік кооперация қатысушылары;

      5) әлеуметтік-еңбек саласының бірыңғай ақпараттық жүйесі (бұдан әрі – "Еңбек нарығы" ААЖ) – халықты жұмыспен қамту мәселелері жөніндегі уәкілетті органның, халықты жұмыспен қамтудың жергілікті органдарының, халықты жұмыспен қамту орталықтарының, еңбек ресурстарын дамыту орталығының қызметін автоматтандыруға және әлеуметтік-еңбек саласында халыққа мемлекеттік көрсетілетін қызметтерді беру мақсатында ведомствоаралық өзара іс-қимыл жүргізуге арналған аппараттық-бағдарламалық кешен;

      6) бастапқы бизнес (стартап жоба) – кредит берушіге кредит/микрокредит алу үшін жүгінген сәтте заңды тұлға ретінде мемлекеттік тіркелу/дара кәсіпкердің шаруа немесе фермерлік қожалықтың мәртебесін ресімдеу мерзімі бір жылдан кем Қатысушылардың бизнес-жобалары;

      7) жергілікті атқарушы орган (әкімдік) (бұдан әрі – ЖАО) – облыстың, республикалық маңызы бар қаланың және астананың, ауданның (облыстық маңызы бар қаланың) әкімі басқаратын, өз құзыреті шегінде тиісті аумақта жергілікті мемлекеттік басқаруды және өзін-өзі басқаруды жүзеге асыратын алқалы атқарушы орган;

      8) жұмыссыздар – жұмыспен қамтылған халыққа жатпайтын, жұмыс іздеп жүрген және еңбек етуге дайын адамдар;

      9) жұмыс істеп жүрген кәсіпкер – "АШҚҚҚ" АҚ-ға/МҚҰ-ға/КС-ға кредит-микрокредит алу үшін жүгінген сәтте дара кәсіпкер немесе заңды тұлға ретінде мемлекеттік тіркелген мерзімі үш жылдан көп кәсіпкер;

      10) зәкірлік кооперация – ұсақ және орта шаруа (фермерлік) қожалықтарының және/немесе ауыл шаруашылығы кооперативтерінің және ауыл шаруашылығы мақсатындағы жерлері бар басқа да үміткерлердің ауыл шаруашылығы өнімдері өндірісін өсіру және өнімдерді кепілдікпен өткізу мақсатында орта және ірі АӨК субъектілерімен әріптестігі;

      11) кепілгер – "ҚазАгроКепіл" акционерлік қоғамы (бұдан әрі – "ҚАК" АҚ);

      12) кепілдік – қарыз алушының міндеттемелері бойынша Кредит берушінің алдында кепілгердің субсидиарлық жауапкершілігін растайтын құжат;

      13) кредит беруші – "Ауыл шаруашылығын қаржылай қолдау қоры" акционерлік қоғамы (бұдан әрі – "АШҚҚҚ" АҚ), микроқаржы ұйымы (бұдан әрі – МҚҰ), кредиттік серіктестіктер (бұдан әрі – КC);

      14) кредит/микрокредит – МҚҰ/КС/"АШҚҚҚ" АҚ Қазақстан Республикасының ұлттық валютасында ақылылық, мерзімділік, қайтарымдылық, қамтамасыз етілу және нысаналы мақсат талаптарымен кредит/микрокредит/жаңартылмайтын кредиттік желі беру туралы шарт бойынша Қатысушыға беретін қарыз қаражаты;

      15) кредиттік серіктестік – қатысушыларын кредиттерге және басқа да қаржылық, оның ішінде банктік көрсетілетін қызметтерге қажеттіліктерін олардың ақшасын жинақтау жолымен және Қазақстан Республикасының заңнамасымен тыйым салынбаған басқа да көздер есебінен қанағаттандыру үшін жеке және/немесе заңды тұлғалар құрған заңды тұлға;

      16) қаржылай емес қолдау операторы – "Атамекен" Қазақстан Республикасының Ұлттық кәсіпкерлер палатасы;

      17) қарыз – кредиттік келісім негізінде мерзімділік, ақылылық, қайтарымдылық және нысаналы пайдалану талаптарымен микрокредит беру ұйымы, микроқаржы ұйымдары және кредиттік серіктестіктер беретін ақша сомасы. Қарыз бірыңғай сомамен де, бөліктермен (транштармен) де берілуі мүмкін;

      18) микрокредит беру ұйымы – "Аграрлық несие корпорациясы" акционерлік қоғамы (бұдан әрі – "АНК" АҚ);

      19) микроқаржы ұйымы – коммерциялық ұйым болып табылатын, ресми мәртебесі әділет органдарында мемлекеттік тіркелуімен және есептік тіркеуден өтуімен айқындалатын, микрокредиттер беру жөнiндегi қызметтi, сондай-ақ "Микроқаржы ұйымдары туралы" 2012 жылғы 26 қарашадағы Қазақстан Республикасының Заңында (бұдан әрі – Микроқаржы ұйымдары туралы заң) рұқсат етілген қосымша қызмет түрлерін жүзеге асыратын заңды тұлға;

      20) өзін-өзі жұмыспен қамтығандар – табыс табу үшін тауарлар өндірумен (өткізумен), жұмыстар мен қызметтер көрсетумен жеке айналысатындар, өндірістік кооперативтер мүшелері, отбасылық кәсіпорындардың (шаруашылықтардың) және жалдамалы жұмыскерлердің еңбегін пайдаланушы жұмыс берушілердің еңбекақы төленбейтін жұмыскерлері қатарындағы жеке тұлғалар;

      21) өнімсіз жұмыспен қамтылғандар – табысы ең төменгі күнкөріс деңгейінен төмен және/немесе жоғары, техникалық және кәсіптік білімі жоқ және/немесе біліктілігі төмен жұмыс орындарында жұмыс істейтін жұмыспен қамтылғандар;

      22) үміткер – халықты жұмыспен қамту орталықтарында тіркелуіне қарамастан жұмыссыз, өзін-өзі жұмыспен қамтыған жұмыскер және өнімсіз жұмыспен қамтылған, ісін жаңа бастаған және жұмыс істеп жүрген кәсіпкер, ауыл шаруашылығы кооперативі және оның мүшелері, шаруа және фермерлік қожалық, қызмет мерзіміне қарамастан зәкірлік кооперацияға қатысушы "Қазақстан Республикасында зейнетақымен қамсыздандыру туралы" 2013 жылғы 21 маусымдағы Қазақстан Республикасы Заңының 11-бабының 1-тармағына сәйкес зейнеткерлік жасқа толмаған қысқартылған жұмысшы;

      23) халықты жұмыспен қамту орталығы – ауданның, облыстық және республикалық маңызы бар қалалардың, астананың жергілікті атқарушы органы жұмыспен қамтуға жәрдемдесудің, жұмыссыздықтан әлеуметтік қорғауды ұйымдастырудың белсенді шараларын және "Халықты жұмыспен қамту туралы" 2016 жылғы 6 сәуірдегі Қазақстан Республикасының Заңына сәйкес жұмыспен қамтуға жәрдемдесудің өзге де шараларын іске асыру мақсатында құратын мемлекеттік мекеме;

      24) шағын қала – "Өңірлерді дамытудың 2020 жылға дейінгі бағдарламасын бекіту туралы" Қазақстан Республикасы Үкіметінің 2014 жылғы 28 маусымдағы № 728 қаулысымен бекітілген Өңірлерді дамытудың 2020 жылға дейінгі бағдарламасына 2-қосымшада көрсетілген халқының саны 50 мың адамға дейінгі қала;

      25) ісін жаңа бастаған кәсіпкер – "АШҚҚҚ" АҚ-ға/МҚҰ-ға/КС-ға кредит/микрокредит алу үшін жүгінген сәтте дара кәсіпкер немесе заңды тұлға ретінде мемлекеттік тіркелген мерзімі үш жылдан аз кәсіпкер.

2-тарау. Шағын қалаларда және ауылдық елді мекендерде кредит беру/микрокредит беру шарттары

      3. Кредиттер/микрокредиттер ауылдық елді мекендерде (әкімшілік бағыныстылығына қарамастан) және шағын қалаларда бизнес-жобаларды іске асыратын немесе іске асыруды жоспарлайтын Қатысушыларға республикалық бюджет және/немесе жергілікті бюджеттер қаражатынан микробизнес ашу, ісін жаңа бастаған кәсіпкерлердің қызметін кеңейту, ауыл шаруашылығы кооперативтерін ашу және зәкірлік кооперацияға қатысушылардың қызметін дамыту үшін беріледі.

      Қатысушыларға кредит беру/микрокредит беру мақсатында жергілікті атқарушы органдарға мынадай шарттармен бюджеттік кредит беріледі:

      1) қайтарымдылық, мерзімділік, ақылылық қағидаттарында жылдық 0,01 % сыйақы мөлшерлемесімен 7 жылға;

      2) бюджеттік кредиттің нысаналы мақсатында Бағдарлама аясында бизнес-жобаларға микрокредит беру;

      3) негізгі борышты өтеу бойынша жеңілдікті кезең бюджеттік кредит мерзімі ұзақтығының үштен бірінен аспайды;

      4) бюджеттік кредитті игеру кезеңі 6 айды құрайды және бюджеттік кредитті жергілікті атқарушы органға аударған сәттен бастап есептеледі.

      4. Ауыл шаруашылығы мәселелері жөніндегі ЖАО микрокредит беру ұйымдарына және "АШҚҚҚ" АҚ-ға кредиттік келісімдер бойынша бюджеттік кредит қаражатын береді және азаматтық заңнамаға сәйкес мынадай талаптармен қарыз шарттарын жасасады:

      1) кредит беру мерзімі – 7 жылдан аспайды;

      2) сыйақы мөлшерлемесі – жылына 0,01%;

      3) игеру кезеңі – микрокредит беру ұйымдары мен "АШҚҚҚ" АҚ үшін – 12 ай;

      4) "АШҚҚҚ" АҚ үшін нысаналы мақсаты –– Бағдарлама шеңберіндегі бизнес-жобаларға микрокредит беру; микрокредит беру ұйымдары үшін – Бағдарлама шеңберіндегі бизнес-жобаларға кредит беру/микрокредит беру үшін МҚҰ-ны/КС-ны қорландыру.

      5. Микрокредит беру ұйымы МҚҰ-ға/КС-ға қарыз береді, азаматтық заңнамаға сәйкес МҚҰ-мен/КС-мен мынадай шарттарда кредиттік келісімдер жасасады:

      1) қорландыру мерзімділік, қайтарымдылық, ақылылық және нысаналы пайдалану шарттарымен жүзеге асырылады. Микроқаржы ұйымдары үшін қарыз қаражаты микрокредит беру ұйымының ішкі құжаттарына сәйкес қамтамасыз етуге беріледі;

      2) кредит беру мерзімі – 7 жылға дейін;

      3) номиналды сыйақы мөлшерлемесі – "АНК" АҚ үшін жылдық 2 %-ға дейін;

      4) игеру кезеңі – шағын қалаларда және ауылдық елді мекендерде кредиттік келісім жасасқан күннен бастап 12 ай;

      5) нысаналы мақсаты – Бағдарлама шеңберінде бизнес-жобаларға кредит беру/микрокредит беру.

      Микрокредит беру ұйымдарына /МҚҰ-ға/КС-ға/"АШҚҚҚ" АҚ-ға негізгі борышты өтеу бойынша кредит беру мерзімі ұзақтығының үштен бірінен аспайтын мерзімге жеңілдікті кезең беріледі.

      6. ЖАО ауылдық елді мекендерде (олардың әкімшілік бағыныстылығына қарамастан) және шағын қалаларда кредит беруді/микрокредит беруді ұйымдастыру үшін ЖАО-ға берілген бюджеттік кредит қаражаты көлемін одан әрі кредит беру/микрокредит беру үшін "АШҚҚҚ" АҚ және микрокредит беру ұйымы арасында бөлу жөніндегі ұсыныстарды қалыптастырады.

      ЖАО-ның бюджеттік кредит қаражаты көлемін бөлу жөніндегі ұсыныстары "АШҚҚҚ" АҚ-мен және микрокредит беру ұйымымен келісіледі.

      Микрокредит беру ұйымының және "АШҚҚҚ" АҚ-ның қатысуы, сондай-ақ бөлінген сомалар туралы шешім облыс әкімдігінің қаулысымен бекітіледі. Бір облыста бір мезгілде екі микрокредит беру ұйымы мен "АШҚҚҚ" АҚ-ның қатысуына жол беріледі.

      7. Кредиттер/микрокредиттер Қатысушыларға мерзімділік, ақылылық, қайтарымдылық, нысаналы пайдалану қағидаттары сақтала отырып, мынадай шаттармен ұсынылады:

      1) кредит/микрокредит мерзімі – 5 жылға дейін, мал шаруашылығы саласындағы жобалар және ауыл шаруашылығы кооперативтерін құру үшін кредит/микрокредит мерзімі – 7 жылға дейін;

      2) кредиттің/микрокредиттің ең жоғары сомасы – ауылдық елді мекендерде (олардың әкімшілік бағыныстылығына қарамастан) және шағын қалаларда – 2,5 мың АЕК-ге дейін, зәкірлік кооперацияны дамыту үшін – 8,0 мың АЕК-ге дейін;

      3) номиналды сыйақы мөлшерлемесі – жылына 6 %-дан аспайды;

      4) кредит берушінің шешімі бойынша қарыз алушыға негізгі борышы мен сыйақысын өтеу бойынша кредит беру/микрокредит беру мерзімі ұзақтығының үштен бірінен аспайтын жеңілдікті кезең беріледі;

      5) Қатысушыға кредит/микрокредит алу үшін қойылатын міндетті шарттар Қазақстан Республикасының салық заңнамасына сәйкес оның мемлекеттік кірістер органдарында тіркелуі және қаржыландыру мақсаты ісін жаңа бастаған кәсіпкерлер мен жұмыс істеп жүрген кәсіпкерлердің және зәкірлік кооперацияларға қатысушылардың қызметін кеңейту болып табылатын жобаларды қоспағанда, МҚҰ-ға/КС-ға/"АШҚҚҚ" АҚ-ға Халықты жұмыспен қамту орталығы жолдамасының болуы болып табылады;

      6) қарыздардың мерзімдері мен сомалары Қатысушы қызметінің бағытына сәйкес, Кредит беру/микрокредит беру қағидаларына сай және микрокредит беру ұйымы мен "АШҚҚҚ" АҚ бекітетін кредиттік өнімдермен айқындалады;

      7) МҚҰ/КТ/"АШҚҚҚ" АҚ және Қатысушы арасындағы кредит беру/микрокредит беру туралы шарттарда жаңа жұмыс орындарын құру жөніндегі талап міндетті түрде көрсетіледі.

      8. МҚҰ-ға/КС-ға/"АШҚҚҚ" АҚ-ға Қатысушылардың кредит/микрокредит бойынша міндеттемелерін бұзуы себепті алынатын комиссияларды, алымдарды және/немесе өзге де төлемдерді қоспағанда, Қатысушылардың кредитімен/микрокредитімен байланысты қандай да бір комиссиялар, алымдар және/немесе өзге де төлемдер алуына тыйым салынады, бұл ретте мұндай комиссиялар, алымдар және/немесе өзге де төлемдер мөлшері "АШҚҚҚ" АҚ-ны қоспағанда, микрокредит беру ұйымдарымен алдын ала жазбаша келісілуі тиіс.

      9. МҚҰ/КС/"АШҚҚҚ" АҚ "Жұмыспен қамтудың жол картасы-2020" бағдарламасы және Бағдарлама шеңберінде бұрын берілген кредиттер/микрокредиттер бойынша түпкілікті қарыз алушылар қайтарған қаражат есебінен аудандар мен шағын қалалардың мамандану карталарында көрсетілген қызметтің басым түрлеріне қарамастан, Бағдарлама шарттарында түпкілікті қарыз алушыларға мынадай тәртіппен қайта кредит беруді/микрокредит беруді жүзеге асырады:

      "Жұмыспен қамтудың жол картасы-2020" бағдарламасы шеңберінде бұрын берілген кредиттер/микрокредиттер бойынша түпкілікті қарыз алушылар 2015-2016 жылдар ішінде қайтарған қаражат есебінен, 2018 жыл аяқталғанға дейін;

      Бағдарлама шеңберінде бұрын берілген кредиттер/микрокредиттер бойынша қаржылық жыл ішінде қайтарылған қаражат есебінен, келесі қаржылық жыл өткенге дейін және қаражат тарту бойынша ЖАО-мен жасалған шарттың қолданылу мерзімінен аспайтын мерзімге.

      Көрсетілген мерзімдер өткенге дейін аталған қаражат игерілмеген жағдайда, микрокредит беру ұйымы және "АШҚҚҚ" АҚ олардың тиісті бюджетке қайтарылуын қамтамасыз етеді.

      10. Кредит берушілер ЖАО-мен жасалатын қарыз шарты сомасының кемінде 20%-ын бастапқы бизнесті қаржыландыруға бағыттайды.

      11. Микробизнес ашуға арналған кредиттер/микрокредиттер "Бастау Бизнес" жобасы шеңберіндегі кәсіпкерлік негіздеріне немесе Бағдарламаның бірінші бағыты шеңберіндегі кәсіпкерлік негіздеріне оқыту курстарынан өту аясында бизнес-жобаларды қорғағаннан кейін не кредит/микрокредит алу үшін жүгінген күннің алдындағы сертификат алған күннен бастап соңғы 24 ай ішінде басқа бағдарламалар аясында кәсіпкерлік негіздеріне оқыту курстарынан өткендігі туралы сертификат болған кезде беріледі.

      "Бастау Бизнес" жобасында оқуды аяқтағаны туралы сертификат алған қатысушылар (бизнес-жоспарларды қорғау кезеңіне жіберілгендер) кредиттер/микрокредиттер алуда басым құқыққа ие болады.

      12. Кредит/микрокредит алу үшін жүгінген сәтте дара кәсіпкер немесе заңды тұлға ретінде мемлекеттік тіркелген мерзімі үш жылдан аз қатысушыларды қоспағанда, жұмыс істеп жүрген кәсіпкерлер мен зәкірлік кооперацияға қатысушылар және ауыл шаруашылығы кооперативтері үшін ауылдық елді мекендерде және шағын қалаларда кредиттер/микрокредиттер кемінде бір жаңа тұрақты жұмыс орнын құрған жағдайда беріледі.

      13. Кредиттер/микрокредиттер аудандардың, шағын қалалардың, тірек ауылдық елді мекендердің мамандану карталарына сәйкес іске асырылатын жобалар бойынша басым тәртіппен беріледі, оның ішінде:

      кредит беруші қарыз сомасының 80%-ын аудандардың, шағын қалалардың мамандану карталарында көрсетілген басым қызмет түрлеріне сәйкес кредиттер/микрокредиттер беруге жолдайды;

      кредит беруші қарыз сомасының 20%-ын басым қызмет түрлеріне қарамастан, кредиттер/микрокредиттер беруге жолдайды.

      Облыстық деңгейдегі ЖАО өңірлік кәсіпкерлер палаталарымен бірлесіп, аудандардың, шағын қалалардың мамандану картасын әзірлейді және қажет болған жағдайда, уәкілетті органның келісімі бойынша өзгерістер мен түзетулер енгізеді. Бұл ретте, аудандар мен шағын қалалардың мамандану картасы уәкілетті органмен келісіледі және оны облыс әкімінің ауыл шаруашылығын дамыту мәселелеріне жетекшілік ететін орынбасары бекітеді.

      Аудандардың, шағын қалалардың мамандандыру картасы МҚҰ-ға/КС-ға/ "АШҚҚҚ"АҚ-ға/ "ҚАК" АҚ-ға беріледі.

      Аудандардың, шағын қалалардың мамандану картасы бизнесті дамыту үшін әлеуетті тауашалар мен перспективалы бағыттарды айқындау бойынша аудандық деңгейде жүргізілетін маркетингтік талдау негізінде әзірленеді. Маркетингтік зерттеуді (cкрининг әдісі бойынша) қаржылық емес қолдау операторы "Атамекен" Қазақстан Республикасының Ұлттық кәсіпкерлер палатасы жүргізеді. Маркетингтік зерттеу аяқталғанға дейін бұрын бекітілген аудандардың, шағын қалалардың мамандану карталары қолданылады.

      14. Кредиттер/микрокредиттер:

      1) 2015 жылғы 29 қазандағы Қазақстан Республикасының Кәсіпкерлік кодексіне сәйкес айқындалған орта және ірі кәсіпкерлік субъектілеріне;

      2) осы Кредит беру/микрокредит беру қағидаларының шарттарына сәйкес келмейтіндерге;

      3) тұтынушылық мақсаттарға, алдыңғы қарыздарды өтеуге, акцизге жатқызылған өнім өндіруге, тұрғын жылжымайтын мүлікті сатып алу мен салуға, жер учаскелерінің/тұрғын үйлердің нысаналы мақсатын Қатысушы кредит/микрокредит беру туралы шарт жасалған күннен бастап бір жыл ішінде бизнес мақсаттарға өзгерткен жағдайларды қоспағанда, жер учаскелерін (нысаналы мақсаты кәсіпкерлік қызметпен байланысты емес) сатып алуға;

      4) салық берешегі, міндетті зейнетақы жарналары, міндетті кәсіптік зейнетақы жарналары және әлеуметтік аударымдар бойынша берешектері барларға (10 АЕК-ден аспайтын мөлшердегі жалпы берешекке жол беріледі) берілмейді.

      Берешегінің жоқтығы берешектің жоқ екендігі (бар екендігі) жөніндегі мәліметтердің электрондық нысанымен расталады, оларды есепке алу мемлекеттік кірістер органдарында жүргізіледі және электрондық сервистер (электрондық қызметтер арқылы ұсынылған (Қазақстан Республикасы Қаржы министрлігі Мемлекеттік кірістер комитетінің порталы мен "Салық төлеушінің кабинеті" web-қосымшасы, "электрондық үкімет" порталы) арқылы кәсіпкерлік субъектісінің қаржыландыруға өтінім берген күніне дейін 30 күнтізбелік күннен кешіктірмей беріледі.

      15. Кредиттер беру/микрокредиттер беру Кредит беру/микрокредит беру қағидаларының осы тарауында көзделген шарттарға сәйкес жүзеге асырылады.

3-тарау. Шағын қалаларда және ауылдық елді мекендерде кредит беру/микрокредит беру тәртібі

      16. Кредит/микрокредит алу үшін үміткерлер тікелей не ӨКП-ның аудандық өкілдері/ауылдық округтер мен елді мекендердің әкімдері арқылы кәсіпкерлік қызметке жәрдемдесу шаралары бойынша консультациялар алу және Бағдарлама қатысушыларына қойылатын талаптарға сәйкес келу тұрғысынан тексеруден өту үшін халықты жұмыспен қамту орталықтарына жүгінеді.

      17. Микробизнес ашуды жоспарлап отырған, кәсіпкерлік негіздеріне оқыту курстарынан өткені туралы сертификаттары жоқ үміткерлер және мүдделі үміткерлер "Бастау Бизнес"жобасына қатысуға жіберіледі.

      18. Кредит/микрокредит алу үшін үміткерлер "Еңбек нарығы" ААЖ-дағы тексерулер нәтижесінде халықты жұмыспен қамту орталықтарының оқыту курстарынан өткені туралы сертификаттары (микробизнес ашатындар үшін міндетті) бар жолдамалары бойынша осы Кредит беру/микрокредит беру қағидаларына 1-қосымшада көрсетілген кредит/микрокредит алуға арналған құжаттарды қоса бере отырып, өтінішпен МҚҰ-ға/КС-ға/"АШҚҚҚ" АҚ-ға жүгінеді.

      19. Кредит беруші Қатысушыдан кредит/микрокредит алуға арналған құжаттар топтамасы бар өтінішті алған сәттен бастап 3 жұмыс күні ішінде оның толықтығын, сондай-ақ кредит берушінің кредиттік өнімінің шарттарына сәйкестігін тексереді.

      20. Құжаттар топтамасы толық болмаған және/немесе өтініш кредит берушінің кредиттік өнімдерінің шарттарына сәйкес келмеген жағдайда, кредит беруші осы Кредит беру/микрокредит беру қағидаларының 17-тармағында көрсетілген мерзім ішінде құжаттар топтамасы бар өтінішті қайтару себептерін көрсете отырып, хатпен кері қайтарады.

      Қатысушы қайтару себептерін жойған кезде, құжаттардың толық топтамасы бар өтінішті қайта енгізеді.

      21. Кредит беруші Қатысушыдан құжаттардың толық топтамасы бар өтінішті алған сәттен бастап 15 жұмыс күні ішінде бизнес-жобаға бағалау жүргізеді және осы Кредит беру/микрокредит беру қағидаларының шарттарына сәйкес кредит беру/микрокредит беру мүмкіндігі (немесе мүмкін еместігі) туралы шешім қабылдайды.

      22. "АШҚҚҚ" АҚ/КС/МҚҰ Қатысушымен кредит/микрокредит беру туралы шартқа қол қоюды жүзеге асырады және кредит/микрокредит беруді жүзеге асырып, кейіннен кредиттің/микрокредиттің нысаналы пайдаланылуы мен уақтылы өтелуін мониторингтейді.

      23. Кредиттер/микрокредиттер беру Кредит беру/микрокредит беру қағидаларының осы тарауында көзделген тәртіппен жүзеге асырылады.

4-тарау. Мониторинг

      24. Қатысушы кредит/микрокредит алған күннен бастап күнтізбелік 90 күн ішінде растайтын құжаттарды қоса бере отырып, кредиттердің/микрокредиттердің мақсаты пайдаланылғанын растайды. Жаңа жұмыс орнының құрылғаны кредит/микрокредит алған күннен бастап күнтізбелік 180 күн ішінде жасалған еңбек шартымен расталады.

      25. Кредиттің/микрокредиттің нысаналы мақсатын өзгерту немесе кредиттің/микрокредиттің мақсаты пайдаланылғанын растау мерзімін ұзарту /оны игеру кредит берушінің келісімі бойынша жүзеге асырылады.

      26. Егер, Қатысушы осы Кредит беру/микрокредит беру қағидаларының 22-тармағында көрсетілген мерзім ішінде мақсаты пайдаланылғанын және жұмыс орындарының құрылғанын растамаса, Қатысушы мен кредит беруші арасындағы шартта көрсетілген мөлшерде Қатысушы айыппұл төлейді және алынған қаражатты толық көлемде кредит берушіге қайтарады.

      27. Кредит беруші ішкі құжаттарға және қарыз алушылармен жасалған шарт талаптарына сәйкес Қатысушы кредиттің/микрокредиттің мақсаты пайдаланылғанын толық растағанға дейін қаржыландырылған жобалардың мақсатты пайдаланылуына мониторинг жүргізеді.

      28. МҚҰ/КС ай сайын, есепті айдан кейінгі айдың 1-іне дейінгі мерзімде микрокредит беру ұйымына берілген кредиттер/микрокредиттер бойынша ақпарат береді. Микрокредит беру ұйымы мен "АШҚҚҚ" АҚ ай сайын, есепті айдан кейінгі айдың 3-іне дейінгі мерзімде ауыл шаруашылығы мәселелері жөніндегі жергілікті атқарушы органға осы Кредит беру/микрокредит беру қағидаларына 2-қосымшаға сәйкес берілген кредиттер/микрокредиттер бойынша ақпарат ұсынады.

      29. Ауыл шаруашылығы басқармасы кредит берушілердің қаражатты уақтылы игеруіне тұрақты негізде мониторинг жүргізеді. Микрокредит беру ұйымының және "АШҚҚҚ" АҚ-ның есептері негізінде ай сайын, есепті айдан кейінгі айдың 5-іне дейінгі мерзімде халықты жұмыспен қамту орталықтарына және уәкілетті органға берілген кредиттер/микрокредиттер бойынша ақпарат береді, жарты жылдың және есепті жылдың қорытындылары бойынша ақпаратты есепті айдан кейінгі айдың 10-ына дейінгі мерзімде береді.

      Уәкілетті орган ауыл шаруашылығы басқармаларының ақпараты негізінде ай сайын, есепті айдан кейінгі айдың 10-ына дейінгі мерзімде халықты жұмыспен қамту мәселелері жөніндегі уәкілетті органға берілген кредиттер/микрокредиттер бойынша ақпарат береді.

      30. Кредиттің/микрокредиттің мақсатты пайдаланылуын мониторингтеу нәтижелері бойынша МҚҰ/КС есепті айдан кейінгі айдың 10-ына дейінгі мерзімде микрокредит беру ұйымына осы Кредит беру/микрокредит беру қағидаларына 3-қосымшаға сәйкес нысан бойынша кредиттердің/микрокредиттердің мақсатты пайдаланылуы туралы тоқсан сайынғы есепті береді.

      31. Микрокредит беру ұйымы және "АШҚҚҚ" АҚ ауыл шаруашылығы және жұмыспен қамту мәселелері жөніндегі жергілікті атқарушы органға тоқсан сайын, есепті кезеңнен кейінгі айдың 20-сына дейінгі мерзімде осы Кредит беру/микрокредит беру қағидаларына 3-қосымшаға сәйкес нысан бойынша кредиттердің/микрокредиттердің мақсатты пайдаланылуы жөніндегі есепті береді (портал арқылы электрондық түрде/қолма қол).

      32. Берілген кредиттер/микрокредиттер жөніндегі есептік ақпарат Кредит беру/микрокредит беру қағидаларының осы тарауында көзделген тәртіппен және мерзімдерде беріледі.

Кредит/микрокредит алуға арналған құжаттар тізбесі

      Ескертпе:

      * кредит берушінің қатысуымен толтырылады

      ** құжаттардың көшірмелері түпнұсқасымен салыстырып тексеріледі.

20__ жылғы "____" _____________ жағдай бойынша берілген кредиттер/микрокредиттер жөніндегі ақпарат

      кестенің жалғасы

      Лауазымды адам _______________ _______________________________

      (қолы)      (аты, әкесінің аты (бар болса), тегі)

      Мөр (бар болса) орны

      Жауапты жұмыскер ______________ _______________________________

      (қолы)            (аты, әкесінің аты (бар болса), тегі)

Кредиттердің/микрокредиттердің мақсатты пайдаланылуы туралы есеп

      кестенің жалғасы

      Лауазымды адам __________ ___________________________________

      (қолы)            (аты, әкесінің аты (бар болса), тегі)

      Мөр (бар болса) орны

      Жауапты жұмыскер __________ _________________________________

      (қолы)            (аты, әкесінің аты (бар болса), тегі)

Ауылдық жерлерде және шағын қалаларда микроқаржы ұйымдары және кредиттік серіктестіктер беретін кредиттер/микрокредиттер бойынша кепілдік беру қағидалары

1-тарау. Жалпы ережелер

      1. Осы Ауылдық жерлерде және шағын қалаларда микроқаржы ұйымдары мен кредиттік серіктестіктер беретін кредиттер/микрокредиттер бойынша кепілдік беру қағидалары (бұдан әрі – Кредиттер/микрокредиттер бойынша кепілдік беру қағидалары) Қазақстан Республикасы Үкіметінің 2018 жылғы 13 қарашадағы № 746 қаулысымен бекітілген Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған "Еңбек" мемлекеттік бағдарламасының (бұдан әрі – Бағдарлама) екінші бағыты шеңберінде әзірленді және ауылдық жерлер мен шағын қалаларда микроқаржы ұйымдары және кредиттік серіктестіктер беретін кредиттер/микрокредиттер бойынша кепілдік беру тәртібін айқындайды.

      2. Осы Кредиттер/микрокредиттер бойынша кепілдік беру қағидаларында мынадай негізгі ұғымдар пайдаланылады:

      1) агроөнеркәсіптік кешенді дамыту саласындағы уәкілетті орган (бұдан әрі – уәкілетті орган) – агроөнеркәсіптік кешенді (бұдан әрі – АӨК) дамыту саласындағы басшылықты және салааралық үйлестіруді жүзеге асыратын Қазақстан Республикасының орталық атқарушы органы;

      2) ауылдық елді мекендерде және шағын қалаларда кредит беру/микрокредит беру шараларына қатысушылар (бұдан әрі – Қатысушы) – ісін жаңа бастаған және жұмыс істеп жүрген кәсіпкерлер мен зәкірлік кооперация қатысушылары;

      3) ауыл шаруашылығы кооперативі – жеке және/немесе заңды тұлғалардың ауыл шаруашылығы өнімін, акваөсіру (балық өсіру) өнімін өндіруге, өңдеуге, өткізуге, сақтауға, өндіріс құралдарымен және материалдық-техникалық ресурстармен жабдықтауға, кредит беруге, сумен қамтамасыз етуге немесе кооперативтің мүшелеріне, сондай-ақ кооперативтің қауымдасқан мүшелеріне басқа да сервистік қызметтер көрсетуге деген әлеуметтік-экономикалық қажеттіліктерін қанағаттандыру мақсатында бірлескен өндірістік және (немесе) өзге де шаруашылық қызметті жүзеге асыру үшін оларды ерікті түрде біріктіру жолымен мүшелік негізінде құрылатын, өндірістік кооперативтің ұйымдастыру-құқықтық нысанындағы заңды тұлға;

      4) ауыл шаруашылығы мәселелері жөніндегі жергілікті атқарушы орган (бұдан әрі – ауыл шаруашылығы басқармасы) – ауыл шаруашылығын басқару функциясын іске асыратын жергілікті атқарушы органдардың құрылымдық бөлімшесі;

      5) жеке кабинет – пайдаланушының (микрокредит беру ұйымының, МҚҰ-ның, жұмыс органының) веб-порталдағы дербес веб-парағы;

      6) жеке шот – комиссия алуға арналған өтінімдерді тіркеу және олар бойынша операцияларды есепке алу мақсатында тіркелген тұлғаны сәйкестендіруге мүмкіндік беретін тізілімдегі жазбалар жиынтығы;

      7) жергілікті атқарушы орган (әкімдік) (бұдан әрі – ЖАО) – облыстың, республикалық маңызы бар қаланың және астананың, ауданның (облыстық маңызы бар қаланың) әкімі басқаратын, өз құзыреті шегінде тиісті аумақта жергілікті мемлекеттік басқаруды және өзін-өзі басқаруды жүзеге асыратын алқалы атқарушы орган;

      8) жұмыс істеп жүрген кәсіпкер – "АШҚҚҚ" АҚ-ға/МҚҰ-ға/КС-ға кредит-микрокредит алу үшін жүгінген сәтте дара кәсіпкер немесе заңды тұлға ретінде мемлекеттік тіркелген мерзімі үш жылдан көп кәсіпкер;

      9) зәкірлік кооперация – шағын және орта шаруа (фермерлік) қожалықтары және/немесе ауыл шаруашылығы кооперативтерінің және ауыл шаруашылығы мақсатындағы жерлері бар басқа да үміткерлердің ауыл шаруашылығы өнімдері өндірісін арттыру және өнімдерді кепілді өткізу мақсатында АӨК-нің орта және ірі субъектілерімен әріптестігі;

      10) кепілгер – "ҚазАгроКепіл" акционерлік қоғамы (бұдан әрі – "ҚАК" АҚ);

      11) кепілдік – кепілгердің қарыз алушының міндеттемелері бойынша микроқаржы ұйымы/кредиттік серіктестік алдындағы субсидиарлық жауапкершілігін растайтын құжат;

      12) кепілдік беру – кәсіпкерлердің микроқаржы ұйымы/кредиттік серіктестік алдындағы кредит/микрокредит бойынша міндеттемелерін негізгі берешек сомасы шегіндегі субсидиярлық жауапкершілік шарттарында орындауын қамтамасыз етуде кепілдеме беруді көздейтін мемлекеттік қолдаудың нысаны;

      13) кепілдік шарты – кепілгердің, кредит берушінің және қарыз алушының арасындағы осы Кредиттер/микрокредиттер бойынша кепілдік беру қағидаларына 1-қосымшаға сәйкес нысан бойынша кепілдік беру туралы жасалған үшжақты жазбаша келісім;

      14) комиссия алуға арналған өтінім – электрондық цифрлық қолтаңба қойылған, осы Қағидаларға 4-қосымшаға сәйкес нысан бойынша кредиттер/микрокредиттер бойынша берілген кепілдіктер үшін комиссия төлеуге арналған электрондық өтінім;

      15) комиссия алуға арналған өтінімдердің электрондық тізілімі (бұдан әрі – тізілім) – комиссия алуға арналған өтінімдер туралы, сондай-ақ қарыз алушылар, кредиторлар туралы мәліметтер жиынтығы және субсидиялаудың ақпараттық жүйесінде көрсетілген өзге де мәліметтер;

      16) көрсетілетін қызметтерді жеткізуші – мемлекеттік сатып алу туралы заңнамаға сәйкес жұмыс органы айқындайтын, субсидиялаудың ақпараттық жүйесіне қолжетімділікті және оны сүйемелдеуді қамтамасыз ететін тұлға;

      17) кредит/микрокредит – микроқаржы ұйымдарының/кредиттік серіктестіктердің (бұдан әрі – КС)/"Ауыл шаруашылығын қаржылай қолдау қоры" АҚ-ның (бұдан әрі – "АШҚҚҚ" АҚ) ақылылық, мерзімділік, қайтарымдылық, қамтамасыз етілу және мақсатты пайдалану шарттарында Қазақстан Республикасының ұлттық валютасында кредит/микрокредит/ жаңартылмайтын кредиттік желіні ұсыну туралы шарт бойынша Қатысушыға беретін қарыз қаражаты;

      18) кредиттік серіктестік (бұдан әрі – КС) – жеке және/немесе заңды тұлғалар өз қатысушыларының кредиттерге және басқа қаржылық, оның ішінде банктік қызмет көрсетуге деген қажеттіліктерін олардың ақшаларын жинақтау жолымен және Қазақстан Республикасының заңдарында тыйым салынбаған басқа да көздер есебінен қанағаттандыру үшін құрған заңды тұлға;

      19) қаржы институттары – банктік операцияларды жүзеге асыру құқығына лицензиялары бар екінші деңгейдегі банктер, кредиттік ұйымдар, сондай-ақ агроөнеркәсіптік кешен саласындағы лизингтік компаниялар мен КС;

      20) микрокредит беру ұйымы – "Аграрлық несие корпорациясы" акционерлік қоғамы (бұдан әрі – "АНК" АҚ);

      21) микроқаржы ұйымы (бұдан әрі – МҚҰ) – коммерциялық ұйым болып табылатын, ресми мәртебесі әділет органдарында мемлекеттік тіркелуімен және есептік тіркеуден өтуімен айқындалатын, кредиттер/микрокредиттер беру қызметін, сондай-ақ "Микроқаржы ұйымдары туралы" 2012 жылғы 26 қарашадағы Қазақстан Республикасының Заңымен рұқсат етілген қызметтің қосымша түрлерін жүзеге асыратын заңды тұлға;

      22) субсидиялаудың ақпараттық жүйесі – субсидиялау процестерін орындау жөніндегі қызметтерді көрсетуге арналған, "электрондық үкімет" веб-порталымен өзара іс-қимыл жасауға, комиссия алуға арналған өтінімді тіркеуге, сондай-ақ өтінімді субсидиялау шарттарына сәйкестігіне автоматты түрде тексеру арқылы оны өңдеуге мүмкіндік беретін ақпараттық-коммуникациялық технологиялардың, қызмет көрсетуші персоналдың және техникалық құжаттаманың ұйымдастырылып, ретке келтірілген жиынтығы;

      23) субсидиялаудың ақпараттық жүйесінің веб-порталы (бұдан әрі – веб-портал) – Интернет желісіне орналастырылған, субсидиялаудың ақпараттық жүйесіне қолжетімділік беретін интернет-ресурс;

      24) ісін жаңа бастаған кәсіпкер – "АШҚҚҚ" АҚ-ға/МҚҰ-ға/КС-ға кредит/микрокредит алу үшін жүгінген сәтте дара кәсіпкер немесе заңды тұлға ретінде мемлекеттік тіркелген мерзімі үш жылдан аз кәсіпкер;

      25) электрондық цифрлық қолтаңба (бұдан әрі – ЭЦҚ) – цифрлық қолтаңба құралдарымен жасалған және электрондық құжаттың дұрыстығын, оның тиістілігін және мазмұнының өзгермейтінін растайтын, ұлттық куәландырушы орталық берген электрондық цифрлық символдар жиынтығы.

2-тарау. Кепілдік беру шарттары

      3. Кепілдік беру үшін қатысушылардың мынадай өлшемшарттарға сәйкестігі талап етіледі:

      26) МҚҰ/КС арқылы Бағдарлама шеңберінде қорландырылатын ауылдық елді мекендерде (олардың әкімшілік бағыныстылығына қарамастан) және шағын қалаларда микробизнес ашуға, ісін жаңа бастаған кәсіпкердің қызметін кеңейтуге, ауыл шаруашылығы кооперативтерін ашуға және зәкірлік кооперацияларға қатысушылардың қызметін дамытуға берілетін кредитке/микрокредитке мақұлдау алу;

      27) кредит/микрокредит алуға жүгінген күннің алдындағы соңғы есептілік күніне салықтарды төлеу бойынша берешектерінің, міндетті зейнетақы жарналары, міндетті кәсіптік зейнетақы жарналары және әлеуметтік аударымдар бойынша берешектерінің жоқтығы (10 айлық есептік көрсеткіштен (бұдан әрі – АЕК) аспайтын мөлшердегі жалпы берешекке жол беріледі), қаржы институттары алдында мерзімі өткен берешектерінің болмауы;

      4. Бағдарлама шеңберінде орта және ірі кәсіпкерлік субъектілері кепілдік беретін қатысушылар бола алмайды.

      5. Бағдарламаның екінші бағытының шарттарына сәйкес келген жағдайда кепілдендіруге қатысуға республикалық бюджет, Қазақстан Республикасының Ұлттық қоры, Бірыңғай жинақтаушы зейнетақы қоры, облыс әкімдігінің және микрокредит беру ұйымының қаражаты есебінен іске асырылатын бағдарламалар шеңберінде МҚО/КС арқылы мемлекеттік қаржылай қолдау алатын кәсіпкерлерге жол беріледі.

      6. Мынадай:

      1) ұйымдардың және кәсіпорындардың үлесін, акцияларын сатып алуға бағытталған;

      2) мемлекеттік даму институттары тікелей берген;

      3) кредит/микрокредит ұсыну туралы шартты жасасу уақытынан бастап бір жыл ішінде жер учаскелерінің/жылжымайтын тұрғын үйдің нысаналы мақсатын Қатысушы өзгерткен жағдайларды қоспағанда, жылжымайтын тұрғын үй сатып алуға және оны салуға берілген, жер учаскелерін сатып алуға арналған (олардың нысаналы мақсаты кәсіпкерлік қызметпен байланысты емес);

      4) тұтынушылық мақсаттарға берілген;

      5) овердрафт түріндегі;

      6) акцизделетін өнімді өндіруге бағытталған;

      7) бұрын алынған қарыздарды қайта қаржыландыруға немесе өтеуге бағытталған;

      8) Қатысушылардың жеке және/немесе заңды тұлғалардан, оның ішінде қатысушылардан, акционерлерден, Қатысушылардың лауазымды адамдары мен жұмыскерлерінен қаржылық көмек алуына байланысты туындаған берешекті өтеуге арналған;

      9) делдалдың көрсететін қызметтеріне ақы төлеуге арналған;

      10) бағалы қағаздарды (портфельдік инвестицияларды) сатып алуға арналған;

      11) үлестес тұлғалардан (байланысты компаниялардан) негізгі құралдарды, активтерді сатып алуға арналған;

      12) оффшорлық аймақтарда тіркелген (ашылған) контрагенттердің заңды мекенжайы және/немесе банктік шотының деректемелері туралы ақпарат болатын шарттар (келісімшарттар, келісімдер) төлеміне берілетін кредиттер/микрокредиттер кепілдік беруге жатпайды.

      7. Кепілдік 2017 жылғы 1 қаңтардан бастап ауылдық елді мекендерде (олардың әкімшілік бағыныстылығына қарамастан) және шағын қалаларда микробизнес ашуға, жұмыс істеп тұрған бизнесті кеңейтуге, кооперативтер құруға МҚҰ/КС берген кредиттер/микрокредиттер бойынша ғана ұсынылады.

      8. Кепілдік беру жүзеге асырылатын МҚҰ/КС-ның кредиттері/микрокредиттері бойынша сыйақының номиналды мөлшерлемесі Қазақстан Республикасы Ұлттық банкі белгілеген және Қатысушының жобасы бойынша МҚҰ/КС шешім қабылдаған күнге 6 (алты) пайыздық тармаққа ұлғайған базалық сыйақы мөлшерлемесінен жоғары бола алмайды.

      9. Кепілдік беруге жататын кредит/микрокредит сомасы сегіз мың АЕК-ден аспайды.

      10. Ісін жаңа бастаған кәсіпкер мен зәкірлік кооперация қатысушылары үшін кепілдік мөлшері кредит/микрокредит сомасының 85%-ынан жоғары бола алмайды. Кредит/микрокредит сомасының кепілдікпен қамтамасыз етілмеген қалған %-ы Қатысушының және/немесе үшінші тұлғалардың кепілмен қамтамасыз етуі арқылы беріледі.

      11. Кредит/микрокредит алу үшін МҚҰ-ға/КС-ға жүгінген сәтте Қазақстан Республикасының салық заңнамасына сәйкес салық органдарында мемлекеттік тіркелген мерзімі үш жылдан асатын жұмыс істеп жүрген кәсіпкер және зәкірлік кооперацияға қатысушы үшін кепілдік мөлшері кредит/микрокредит сомасының 50%-ынан жоғары бола алмайды. Кредит/микрокредит сомасының кепілдікпен қамтамасыз етілмеген қалған %-ы Қатысушының және/немесе үшінші тұлғалардың кепілмен қамтамасыз етуі арқылы беріледі.

      12. Кепілдік шығарылған міндеттемелердің орындалуын қамтамасыз ету үшін ол кредиттің/микрокредиттің қолданылу мерзіміне беріледі.

      13. Ол бойынша кепілдік беру шарты жасалатын кредит/микрокредит қамтамасыз етуді көрсете отырып, кредит/микрокредит беру туралы өзіндік шарт түрінде, оның ішінде кепілдік түрінде ресімделуі тиіс.

      14. Кредиттерге/микрокредиттерге кепілдік бергені үшін ЖАО-ның комиссия мөлшері кепілдік мөлшерінің 30 %-ын құрайды және жергілікті бюджетте тиісті қаржы жылына көзделген қаражат есебінен және шегінде төленеді.

      15. МҚҰ/КС-ның кредиттер/микрокредиттер бойынша кепілдіктер беруі мынадай жағдайларда:

      1) МҚҰ/КС талаптарының кепілгер төлеген шегі кепілгердің кепілдігімен құрылған, кредит портфелі көлемінің (берешек қалдығы) 10%-нан асқан кезде;

      2) кредиттер/микрокредиттер бойынша берілген кепілдік үшін комиссия төлемі бойынша ЖАО-мен жасалған шарт бұзылғанда;

      3) кредит беру/микрокредит беру ұйымының МҚҰ/КС-ны қорландыруды тоқтатқанда тоқтатылады.

      16. Кепілгер іске асырылатын Бағдарламаның жарнамалық науқанын жүргізеді және өзінің ресми интернет-ресурсында Бағдарламаның іске асырылуы туралы ақпарат орналастырады.

      17. Кепілгер мынадай жағдайларда:

      1) жүргізілген болжамдық қаржылық талдау қорытындылары бойынша жоба экономикалық орынсыз және тиімсіз болғанда;

      2) жоба Бағдарлама талаптарына сәйкес келмегенде;

      3) Қатысушының және/немесе олармен үлестес заңды және/немесе жеке тұлғалардың теріс кредиттік тарихы болғанда, атап айтқанда үздіксіз 90 күннен асқан мерзімі өткен берешек болғанда және/немесе соңғы 36 айдағы мерзімі өткен берешекті талап ету құқығы үшінші адамдарға табысталғанда және/немесе кепілдік беруге өтінімді ұсыну күніне өтелмеген мерзімі өтіп кеткен берешек бар болғанда;

      4) кредиттер/микрокредиттер бойынша берілген кепілдіктер үшін комиссия төлемі бойынша ЖАО-мен жасалған шарт бұзылғанда;

      5) микрокредит беру ұйымы МҚҰ/КС-ны қорландыруды тоқтатқанда кепілдік беруден бас тартады.

      18. Кепілдік субсидиарлық жауапкершілік шарттарымен кредит/микрокредит бойынша негізгі борыш сомасы шегінде беріледі.

      19. Кепілгердің шешімімен кредит/микрокредит бойынша қамтамасыз ету ретінде берілетін мүлік сақтандыруға жатады.

3-тарау. Қатысушылардың кепілдік беру үшін өзара іс-қимыл тәртібі

      20. Қатысушы кредит/микрокредит алуға өтінішпен МҚҰ/КС-ға жүгінеді.

      21. МҚҰ/КС Қатысушының өтінішін қарайды және Қатысушының қамтамасыз етуі жеткіліксіз болған жағдайда, кепілгердің ішінара кепілдігі бойынша кредит/микрокредит беру мүмкіндігі (мүмкін еместігі) туралы шешім қабылдайды.

      22. Оң шешім қабылданған жағдайда, МҚҰ/КС кепілгерге жүгінеді және мыналарды:

      1) осы Кредиттер/микрокредиттер бойынша кепілдік беру қағидаларына 2-қосымшаға сәйкес нысан бойынша кепілдік сомасын есептей отырып, кредит беру/микрокредит беру мүмкіндігі туралы оң шешімі бар хатты;

      2) осы Кредиттер/микрокредиттер бойынша кепілдік беру қағидаларына 3-қосымшаға сәйкес Қатысушының сараптамасын жүргізу үшін берілетін құжаттар тізбесінде көрсетілген қажетті құжаттарды береді.

      23. Кепілгер МҚҰ/КС-дан құжаттардың толық топтамасын алғаннан кейін 14 (он төрт) жұмыс күні ішінде алған құжаттарды қарап, кепілдік беру (бермеу) туралы шешім шығарады.

      24. Берілген құжаттарға ескертулер болған және/немесе қосымша ақпарат ұсыну қажет болған жағдайда, кепілгер МҚҰ/КС-ға анықталған ескертулерді және/немесе ақпаратты беру туралы сұранымды жолдайды. Бұл ретте кепілгердің өтінімді қарау процесі мен мерзімдері ескертулерді жоюға және/немесе қосымша ақпарат ұсынуға дейін тоқтатыла тұрады.

      25. Өтініштерді қарау қорытындылары бойынша кепілгер кредитке/микрокредитке кепілдік беру/кепілдік беруден бас тарту туралы шешім қабылдайды және жауабын МҚҰ/КС-ға жолдайды.

      26. Кепілгер сұратылатын немесе өзге де шарттармен кепілдік беру туралы шешім қабылдауға құқылы.

      27. Кепілгердің кепілдік беру мүмкіндігі туралы оң шешімі болған кезде МҚҰ/КС кепілгерге қол қойылған кредит/микрокредит беру шарттарының, кепіл (дер) шартының (тарының) көшірмелерін жолдайды.

      28. МҚҰ/КС-дан кредит/микрокредит беру туралы қол қойылған шарттың көшірмесі алынғаннан, кепіл ресімделгеннен кейін кепілгер МҚҰ/КС-ға жолданатын кепілдік беру шартын үш данада ресімдеп, қол қояды.

      29. МҚҰ/КС және Қатысушы кепілдік беру шартына қол қояды және қол қойылған шарттың бір данасын кепілгерге береді.

      30. Кепілдік беру шартын ресімдеп, қол қою рәсімі аяқталғаннан кейін МҚҰ/КС Қатысушыға кредит/микрокредит беруді жүзеге асырады.

      31. Қатысушыға кепілдік беру жөнінде теріс шешім қабылданған жағдайда, кепілгер МҚҰ/КС-ға бас тарту туралы жазбаша уәжді жауабын ұсынады.

      32. Бағдарлама қатысушылары кепілдік алу үшін кепілгерге және кейіннен кредит/микрокредит алу үшін МҚҰ/КС-ға жүгінген кезде Бағдарламаны іске асыру мынадай тәртіпте жүзеге асырылады:

      1) кепілгер Қатысушыдан осы Кредиттер/микрокредиттер бойынша кепілдік беру қағидаларына 3-қосымшаға сәйкес толық құжаттар топтамасын алғаннан кейін 14 жұмыс күні ішінде Қатысушы кейін кредит/микрокредит алу мақсатымен кепілдік беруге алынған құжаттарды қарайды;

      2) кепілгер кепілдік беру туралы оң шешім қабылдаған жағдайда, кепілгер Қатысушыға берілетін кепілдіктің шарттарын, сондай-ақ оған сәйкес келген жағдайда Бағдарлама шеңберінде кепілдікті ұсынуға болатын МҚҰ/КС-ның кредит/микрокредитті ұсыну шарттарын көрсете отырып, кепілдік беру мүмкіндігі туралы жауап береді;

      3) кепілгердің кепілдік беру туралы оң шешімі алынған соң Қатысушы МҚҰ/КС-ға кепілдікпен кредит/микрокредит алу үшін жүгінеді;

      4) МҚҰ/КС Бағдарлама шарттарына сәйкес Қатысушының өтінішін қарайды, кепілмен кредит/микрокредит беру мүмкіндігі туралы шешім қабылдау үшін МҚҰ/КС ішкі құжаттарына сәйкес жобаның кешенді сараптамасын жүргізеді;

      5) МҚҰ/КС:

      кепілгердің кепілдік беру мүмкіндігі туралы жауабында көрсетілген шарттарда кредит/микрокредит бойынша оң шешім қабылдаған жағдайда, кепілгерге қол қойылған кредиттік шарты/микрокредит беру шарты/кредиттік желіні ашу шартын және кепіл шартын (-тарын) қоса қажетті құжаттардың көшірмелерін жолдайды;

      кепілгердің кепілдік беру мүмкіндігі туралы жауабында көрсетілген кепілдік және кредит/микрокредит беру шарттарына сәйкес келмейтін өзге шешім қабылдаған жағдайда, МҚҰ/КС кепілгерге Қатысушының өтінімін, МҚҰ/КС уәкілетті органы шешімінің көшірмелерімен қоса қабылданған шешім туралы хабарламаны мәлімет және/немесе қайта қарау үшін жолдайды. Қатысушының өтінімін одан әрі қарау тәртібі осы Кредиттер/микрокредиттер бойынша кепілдік беру қағидаларының 22-30-тармақтарына сәйкес жүзеге асырылады.

      6) кепілгер кепілдік шартын рәсімдейді және қол қояды, оны МҚҰ/КС-ға жолдайды;

      7) МҚҰ/КС кепілдік шартына қол қояды, оған Қатысушының қол қоюын қамтамасыз етеді және қол қойылған кепілдік шартын кепілгерге жолдайды;

      8) кепілдік шартын рәсімдеу және қол қою рәсімі аяқталғаннан кейін, МҚҰ/КС Қатысушыға кредит/микрокредит беруді жүзеге асырады.

      33. Шығаруға жоспарланған кепілдіктер үшін ақы төлеу мақсатында ауыл шаруашылығы басқармасы кезекті жылдың басында кредиттерге/микрокредиттерге кепілдік беру үшін бөлінген соманың 50%-ын кепілгерге аударады.

      34. Нысаналы трансферттердің қалған бөлігін кепілгер жылдың басында кепілгерлерге аударылған қаражаттың бірінші жартысы толық игерілгеннен кейін кепілдік шарттарының жасалуына қарай аударады:

      35. Осы Кредиттер/микрокредиттер бойынша кепілдік беру қағидалары шеңберінде кепілдік беруге бөлінген және кепілгердің ағымдағы қаржы жылында пайдаланбаған қаражаты ауыл шаруашылығы басқармасына қайтарылады.

      Жобаларға кепілдік беруге бөлінген бюджет қаражаттары жетіспеген жағдайда, ауыл шаруашылығы басқармалар ағымдағы қаржы жылында жобаларға кепілдік беруді тоқтата тұрғаны туралы хабардар етеді.

      36. Кепілдік шарты бойынша ақы төлеуді кепілгер МҚҰ/КС-ның кредитті/микрокредитті қайтару бойынша іс-шаралар жүргізгенін растайтын құжаттарды қоса бере отырып, МҚҰ/КС талабы негізінде жүзеге асырылады.

      37. МҚҰ/КС пайдасына кепілдік шарты бойынша ақы төлеу кредит/микрокредит бойынша мерзімінің өтуі туындаған сәттен бастап, 180 күнтізбелік күн өткен соң жүзеге асырылады.

4-тарау. Комиссия төлеу шарттары

      38. Субсидиялар мынадай шарттар сақталған кезде беріледі:

      1) кепілдік туралы шарт жасалғаннан кейін, кепілгердің "электрондық үкімет" веб-порталы арқылы осы Қағидаларға 4-қосымшаға сәйкес нысан бойынша комиссия алуға арналған өтінім беруі;

      "Электрондық үкімет" веб-порталы мен субсидиялаудың ақпараттық жүйесінің өзара ақпараттық іс-қимылы Қазақстан Республикасының заңнамасына сәйкес жүзеге асырылады;

      2) субсидиялаудың ақпараттық жүйесінде комиссия алуға арналған өтінімнің тіркелуі;

      3) субсидиялаудың ақпараттық жүйесінде деректері субсидиялаудың ақпараттық жүйесінің "Заңды тұлғалар" немесе "Жеке тұлғалар" мемлекеттік дерекқорларымен өзара ақпараттық іс-қимылы нәтижесінде расталған кепілгердің жеке шотының болуы.

5-тарау. Комиссия төлеу тәртібі

      39. Комиссия алуға арналған өтінімдерді қабылдау кепілгердің тіркелген жері (заңды мекенжайы) бойынша жүзеге асырылады.

      Веб-портал (бұдан әрі – Жеке кабинет) арқылы тізілім деректеріне қолжетімділік беру үшін:

      1) комиссия алудың ақпараттық жүйесіне өздігінен тіркелу үшін кепілгердің ЭЦҚ-сы болуы тиіс.

      2) ауыл шаруашылығы басқармасы, кепілгер, уәкілетті орган жыл сайын қызметтерді жеткізушіге ЭЦҚ-ны меңгерген қызметкерлердің тізімдерін жібереді.

      40.40. Жеке кабинетте тіркеу үшін кепілгер мынадай мәліметтерді көрсетеді:

      1) жеке кәсіпкерлер үшін: жеке сәйкестендіру нөмірі (бұдан әрі – ЖСН), аты, әкесінің аты (бар болса), тегі;

      2) заңды тұлғалар және шетелдік заңды тұлғалардың филиалдары (өкілдіктері) үшін: бизнес-сәйкестендіру нөмірі (бұдан әрі – БСН), толық атауы; аты, әкесінің аты (бар болса), тегі және бірінші басшының ЖСН-сы;

      3) байланыс деректері (почталық мекенжайы, телефоны, электрондық почта мекенжайы);

      4) екінші деңгейдегі банктің ағымдағы шотының деректемелері.

      5) Жоғарыда көрсетілген деректер өзгерген кезде, кепілгер бір жұмыс күні ішінде Жеке кабинетіне енгізілген дербес шотының деректерін өзгертеді.

      41. Комиссия алуға арналған өтінімдерді қалыптастыру және тіркеу Жеке кабинетте мынадай тәртіппен жүргізіледі:

      1) комиссия алудың ақпараттық жүйесінің тексеруі үшін қажетті мәліметтерді енгізе отырып, комиссия алуға арналған өтінім қалыптастырылады;

      2) комиссия алуға арналған өтінім кепілгердің ЭЦҚ пайдалана отырып қол қоюы жолымен комиссия алудың ақпараттық жүйесінде тіркеледі және ауыл шаруашылығы басқармасының Жеке кабинетінде қолжетімді болады. Ауыл шаруашылығы басқармасының электрондық мекенжайына қарауға комиссия алуға арналған өтінімнің келіп түскені туралы электрондық хабарлама жіберіледі.

      Егер, ауыл шаруашылығы басқармасы төлем тапсырмаларын қалыптастырғанға дейін тіркелген комиссия алуға арналған өтінімде деректердің сәйкессіздігі бары анықталса, кепілгер кері қайтару себебін көрсете отырып, комиссия алуға арналған өтінімді кері қайтарып алуға құқылы.

      42. Ауыл шаруашылығы басқармасы комиссия алуға арналған өтінім тіркелген сәттен бастап бір жұмыс күні ішінде тиісті хабарламаға ЭЦҚ пайдалана отырып қол қою жолымен оның қабылданғанын растайды. Өздігінен тіркелу жағдайында аталған хабарлама комиссия алудың ақпараттық жүйесіндегі кепілгердің Жеке кабинетінде қолжетімді болады.

      43. Ауыл шаруашылығы басқармасы комиссия алуға арналған өтінім берілгеннен кейін екі жұмыс күні ішінде Қаржыландыру жоспарына сәйкес комиссия алудың ақпараттық жүйесінде комиссия алуға арналған төлем тапсырмаларын қалыптастырады, олар "Қазынашылық-Клиент" ақпараттық жүйесіне жүктеледі.

      44. Субсидиялау мынадай жағдайларда тоқтатылады:

      1) заңды күшіне енген сот шешімі бойынша кепілгердің шоттарына тыйым салынуы;

      2) кепілгердің комиссия алудан бас тарту туралы жазбаша өтініші;

      3) кепілдік шартының бұзылуы.

6-тарау. Мониторинг

      45. Кепілгер берілген кепілдер бойынша мынадай бағыттарда ішінара мониторинг жүргізеді:

      1) МҚҰ/КС және/немесе Қатысушы ұсынатын деректер мен құжаттар негізінде, сондай-ақ Қатысушыға өз бетімен барып алған, өзінің деректері негізінде кепілдік шартын жасасқан Қатысушыны мониторингтеу;

      2) МҚҰ/КС-ның ұсынатын деректерінің немесе өзге дұрыс дереккөздер негізінде кәсіпкердің төлем тәртібін мониторингтеу.

      46. Мониторинг функцияларын жүзеге асыру үшін кепілгер Қатысушы мен МҚҰ/КС-дан Бағдарлама шеңберінде мониторинг нысанасына қатысты қажетті құжаттар мен ақпаратты сұратады, ал Қатысушы мен МҚҰ/КС оларды береді. Кепілгер жобаны іске асыру орнына өзі барып, оның іске асырылуына мониторингті жүзеге асырады.

      47. Берілген кредиттер/микрокредиттердің мақсатсыз пайдаланылу, Бағдарлама шарттарының бұзылу, осы Кредиттер/микрокредиттер бойынша кепілдік беру қағидаларымен және кепілдік шартымен белгіленген талаптардың орындалмау фактілері анықталған жағдайларда кепілгер кредит/микрокредиттің берілген кепілдігін жоюға құқылы.

      48. МҚҰ/КС Қатысушы жобасын іске асыру мониторингін жүзеге асырады, ол мыналардан тұрады:

      1) ай сайын – ағымдағы мониторинг;

      2) жыл сайын – МҚҰ/КС-ның ішкі құжаттарымен белгіленген тәртіпте және міндетті түрде жобаның іске асырылу барысы туралы ақпараттан тұратын (бизнес-жоспарға сәйкес) Қатысушы жобасының іске асырылу барысының кеңейтілген мониторингі.

      49. МҚҰ/КС МҚҰ/КС қызметін жүзеге асыруға қойылған шектеулер немесе тыйым салулардың басталғаны, сондай-ақ меншік құқықтарының бір уақытта сатылуы немесе бір уақытта өтуі және/немесе МҚҰ/КС акцияларының/үлестерінің 10%-нан астамын иелену және пайдалану құқықтарының өтуі туралы жазбаша түрде 3 жұмыс күнінен кешіктірмей хабарлайды.

      50. Осы Кредиттер/микрокредиттер бойынша кепілдік беру қағидаларына 5-қосымшаға сәйкес Қатысушы жобасының іске асыру барысының ағымдағы мониторингі туралы есепті МҚҰ/КС кепілгерге ай сайынғы негізде жазбаша түрде есептік кезеңнен кейінгі айдың бірінші күнінен кешіктірмей береді және кепілгер белгілеген жауапты орындаушының электрондық мекенжайына қосымша жолданады.

      51. Кепілгер МҚҰ/КС-ның есептері негізінде ай сайын есепті кезеңнен кейінгі айдың 3-күніне дейін ауыл шаруашылығы басқармасына берілген кепілдіктерді ескере отырып, ауылдық елді мекендерде (олардың әкімшілік бағыныстылығына қарамастан) және шағын қалаларда берілген кредиттер/микрокредиттер бойынша ақпарат береді.

      Ауыл шаруашылығы басқармасы кепілгердің есептері негізінде ай сайын есепті кезеңнен кейінгі айдың 5-күніне дейін халықты жұмыспен қамту орталықтарына және уәкілетті органға ақпарат береді, жарты жылдың және есепті жылдың қорытындысы бойынша ақпаратты есепті айдан кейінгі айдың 10-күніне дейінгі мерзімде береді.

      Уәкілетті орган ауыл шаруашылығы басқармасының ақпараты негізінде ай сайын есепті кезеңнен кейінгі айдың 10-күніне дейін халықты жұмыспен қамту мәселелері жөніндегі уәкілетті органға берілген кепілдіктер бойынша ақпарат береді.

№ ____ Кепілдік шарты

      _______________________                              20___ жылғы "___" __________

      Бұдан әрі бірлесіп "Тараптар", ал жеке-жеке төменде көрсетілгендей немесе "Тарап" деп аталатын:

      Кепілгер___________________________

      МҚҰ/КС __________________________

      Қарыз алушы_______________________

      Қазақстан Республикасы Үкіметінің 2018 жылғы 13 қарашадағы № 746 қаулысымен

      бекітілген Нәтижелі жұмыспен қамтуды және жаппай кәсіпкерлікті дамытудың 2017-2021

      жылдарға арналған "Еңбек" мемлекеттік бағдарламасына (бұдан әрі – Бағдарлама),

      Қазақстан Республикасы Премьер-Министрінің орынбасары – Ауыл шаруашылығы

      министрінің 2018 жылғы 27 қарашадағы № 477 бұйрығымен бекітілген Ауылдық жерлерде

      және шағын қалаларда микроқаржы ұйымдары және кредиттік серіктестіктер беретін

      кредиттер/микрокредиттер бойынша кепілдік беру қағидаларына (бұдан әрі – Қағидалар),

      МҚҰ/КС және Қарыз алушы арасында жасалған ________ ___________ № ______

      Шартқа/Негіздемелік келісімге (бұдан әрі – кредит/микрокредит, Кредит/микрокредит беру

      туралы шарт) сәйкес төмендегілер туралы осы Кепілдік шартын (бұдан әрі – Шарт) жасасты:

1-тарау. Терминдер мен айқындамалар

      1. Осы Шартта Бағдарламада және Қағидаларда көзделген ұғымдар мен

      айқындамаларға сәйкес келетін айқындамалар мен ұғымдар пайдаланылады.

2-тарау. Шарттың нысанасы

      2. Осы Шарт талаптарында Кепілгер кредит/микрокредит бойынша негізгі борыш

      сомасы шегінде субсидиарлық жауапкершілік талаптарында Қарыз алушының

      кредит/микрокредит бойынша міндеттемелерді орындауын қамтамасыз етуде МҚҰ/КС

      алдында жауап беруге міндеттенеді.

      3. Кепілгер МҚҰ/КС алдында Қарыз алушының есептелген сыйақыны, өсімпұлды,

      айыппұлды, материалдық немесе моральдық залалды, айырылып қалған пайданы төлеу,

      комиссияларды және/немесе кредитті/микрокредитті берумен байланысты Қарыз алушының

      кез келген басқа да міндеттемелерді, оның ішінде борышты өндіріп алу бойынша сот

      шығасыларын, Қарыз алушының МҚҰ/КС алдында қабылдаған міндеттемелерін

      орындамауынан немесе тиісінше орындамауынан туындаған МҚҰ-ның/КС-ның кез келген

      басқа да шығындарын төлеу бөлігінде кредит/микрокредит бойынша міндеттемелерді

      орындауына жауапты болмайды.

3-тарау. Кредит/микрокредит талаптары

      Кепілгердің кредит/микрокредит және осы Шарт бойынша МҚҰ/КС алдындағы

      жауапкершілігі ______________ теңге мөлшеріндегі кепілдік сомасымен шектелген, бұл

      кредит/микрокредит бойынша негізгі борыш сомасының ___ %-ын құрайды. МҚҰ/КС

      Кепілгерге осы Шарт бойынша талаптар қойған жағдайда, оның ішінде талап-арыз қойған

      жағдайда, Кепілгер МҚҰ/КС алдында осы Шарт бойынша тек кепілдік сомасы шегінде және

      егер МҚҰ-ның/КС-ның тиісті талабы кредит/микрокредит бойынша негізгі борыш сомасын

      қайтаруға қатысты болса ғана жауапты болады.

      5. Кепілгердің берілген кепілдіктің бастапқы мөлшерін біржақты тәртіппен азайтуға

      құқығы жоқ.

      Бұл ретте, негізгі борышты өтеу/ішінара өтеу кезінде кепілдік сомасы кепілдік

      сомасының борыш сомасына пайыздық мәндегі негізгі арақатынасы ретінде қатысу мөлшеріне

      көбейтілген негізгі борышты өтеу сомасына тең сомаға азайтылады.

      6. Кепілдік Қарыз алушы кредит/микрокредит бойынша негізгі борыш сомасын қайтару

      жөніндегі міндеттемелерін орындамаған жағдайда ғана орындалуға жатады. Талап қою және

      Кепілдікті орындау тәртібі осы Шартта белгіленеді.

      7. Осы Шартқа қол қою арқылы Қарыз алушы Кепілгерге Қарыз алушыға,

      Кредит/микрокредит беру туралы шартқа, оның ішінде оның мазмұнына және оның

      орындалуына қатысты кез келген ақпаратты, оның ішінде Кредит/микрокредит беру туралы

      шартқа өзгерістер мен толықтырулар енгізу туралы, ол бойынша жүзеге асырылған ақы төлеу

      мен төлемдер, оның ішінде мерзімі өткен берешектер туралы, өтелген сома және несиелік

      берешек қалдықтары туралы ақпаратты қоса алғанда, бірақ онымен шектелмей,

      коммерциялық, банктік және заңмен қорғалатын өзге де құпияларды құрайтын мәліметтерді

      ұсыну құқығын МҚҰ-ға/КС-ге береді. Қарыз алушы да Кепілгерге және МҚҰ-ға/КС-ге өзі

      туралы дербес деректерді Қазақстан Республикасының заңнамасына сәйкес жинауға және

      өңдеуге сөзсіз және кері қайтарып алынбайтын келісімін береді (жеке тұлғалар үшін).

      8. Осы Шартқа қол қою арқылы Қарыз алушы Кепілгердің Кепілгер акционеріне және

      мемлекеттік органдарға мынадай мәліметтер ұсынуына келісімін береді: Қарыз алушының

      фирмалық атауы, Қарыз алушының Бағдарламаға қатысуы, Қарыз алушы жобасының атауы,

      Қарыз алушының жобасы іске асырылатын өңір және сала, кредит сомасы және мерзімі,

      кепілдік сомасы, кредит/микрокредит бойынша сыйақы мөлшерлемесі. Сондай-ақ, Қарыз

      алушы Кепілгерге осы тармақта көрсетілген мәліметтерді бұқаралық ақпарат құралдарында,

      оның ішінде Кепілгердің интернет-ресурсында жариялау құқығын береді.

      9. Кепілгердің алдын ала жазбаша келісімінсіз Кредит/микрокредит беру туралы

      шартта Қарыз алушы міндеттемелерінің орындалуын қамтамасыз ету ретінде көрсетілмеген

      және (немесе) Кредит/микрокредит беру туралы шартқа және (немесе) Кепілдік шартына

      енгізілген мүлік, құқықтар, кепілдіктер, кепілгерліктер және басқасы Қарыз алушының

      Кредит/микрокредит беру туралы шарт бойынша міндеттемелерінің орындалуын қамтамасыз

      ету ретінде қолданылмайды.

      Осы талаптың сақталмауы кепілдіктің тоқтатылуына алып келеді, ал кепілдікті

      Кепілгер толық немесе ішінара орындаған жағдайларда, Кепілгердің жазбаша талаптарын

      алған күннен бастап 7 (жеті) жұмыс күні ішінде МҚҰ-ның/КС-ның кепілдік бойынша алған

      барлық соманы Кепілгерге қайтаруы міндеттілігіне алып келеді.

      10. Кредит/микрокредит беру туралы шарт бойынша қамтамасыз ету ретінде

      қабылданған мүлік Кепілдік шартының қолданылу мерзімі ішінде Қарыз алушының және

      (немесе) үшінші тұлғаның басқа міндеттемелері бойынша қамтамасыз ету ретінде қолданыла

      алмайды (Кепілгермен жазбаша келісілген жағдайларды қоспағанда).

      11. Кепілгерге кепілдік беруге комиссия қарастырылмаған және ол Қарыз алушының

      төлеуіне жатпайды.

      12. Кепілдік жарамдылығының міндетті шарты Кепілгердің мынадай талаптарды

      сақтауы болып табылады:

      1) Қарыз алушы құжаттамалық растаған, оның ішінде қажет болған жағдайда,

      Кепілгердің мониторинг жүргізуі барысында, жобаны іске асыру орнына барған жағдайда,

      кредиттік құралдарды кредит/микрокредит талаптарына сәйкес мақсатты пайдалану;

      2) _____________________________________________________________________;

      3) __________________________________________________________

      (осы тармақ Кепілгердің уәкілетті органының талаптарына сәйкес мәліметтермен

      толықтырылады).

4-тарау. Тараптардың құқықтары мен міндеттері

      13. Кепілгер:

      1) МҚҰ/КС талаптарын алған күннен бастап 10 (он) жұмыс күні мерзімінен

      кешіктірмей осы Шарттың талаптарында МҚҰ/КС кепілдігі бойынша төлем жүргізуге

      міндетті.

      14. Кепілгер:

      1) МҚҰ-дан/КС-дан және Қарыз алушыдан осы Шартта белгіленген міндеттемелерін

      орындауын талап етуге;

      2) МҚҰ-дан/КС-дан Қарыз алушының кредитті/микрокредитті мақсатты пайдалануын

      бақылауды және МҚҰ-ның/КС-ның және Қарыз алушының осы Шартты және (немесе)

      Кредит/микрокредит беру туралы шартты орындауын мониторингтеуді жүзеге асыру үшін

      қажетті толық және дұрыс ақпаратты, сондай-ақ осы Шартқа байланысты өзге де қажетті

      ақпаратты, оның ішінде коммерциялық және заңмен қорғалатын өзге де құпияны сақтау

      жөніндегі талаптарды сақтай отырып, Кепілгер өкілдерінің МҚҰ-ға/КС-ге баруы жолымен де

      ақпарат алуға;

      3) жобаның іске асырылу барысын тексеру мақсатында Кредит/микрокредит беру

      туралы шарт бойынша қаржыландырылған Қарыз алушы жобасының іске асырылу орнына

      баруды жүзеге асыруға;

      4) осы Шарттың талаптарына (бұдан әрі – талап) сәйкес берілген кепілдік сомасының

      шегінде кепілдік бойынша міндеттемелерді орындау туралы Кепілгерге қойылатын МҚҰ/КС

      талабын орындаудан:

      егер, қойылған талапта айқындалған бұзушылықтарды МҚҰ/КС жойғанға дейін

      мұндай талап МҚҰ-ға/КС-ға дұрыс қойылмаса;

      егер, мұндай талап МҚҰ-ға/КС-ға осы Шарттың талаптарын бұза отырып қойылса,

      сондай-ақ осы Шарт шеңберінде Кепілгер жүргізген мониторинг барысында осы Шарттың 5-

      бөлімінде көрсетілген Шарт талаптарының бұзылғаны анықталса, МҚҰ/КС-ға жазбаша уәжді

      жауап жіберу жолымен бас тартуға;

      5) Қарыз алушы борышын таныған және (немесе) Қарыз алушы МҚҰ-ға/КС-ға өз

      қарсылығын білдіруден бас тартқан жағдайда да, МҚҰ/КС талаптарына қарсылық білдіруге;

      6) Қарыз алушыдан және МҚҰ-дан/КС-дан Кепілгердің сұранымын алған күннен

      бастап 5 (бес) жұмыс күні мерзімінен кешіктірмей, Қарыз алушының Кредит/микрокредит

      беру туралы шарт бойынша міндеттемелерін орындауы, оның ішінде Кредит/микрокредит

      беру туралы жасалған шарт талаптарының жол берілген бұзушылықтары туралы ақпарат

      беруді талап етуге;

      7) МҚҰ-дан/КС-дан (Кепілгер кепілдік бойынша міндеттемелерді орындаған жағдайда)

      МҚҰ-ның/КС-ның Қарыз алушыға қоятын талаптарын растайтын құжаттар мен ақпаратты

      беруді және осы талаптарды қамтамасыз ететін құқықтарды Кепілгерге осы Шарттың

      31-тармағына сәйкес беруді талап етуге;

      8) Қарыз алушыдан (Кепілгер кепілдік бойынша міндеттемелерді орындаған жағдайда)

      Кепілгерге кепілдік бойынша жүргізілген төлем сомасын толық көлемде өтеуді және Қарыз

      алушы үшін жауапкершілікке байланысты келтірілген өзге де шығындарды өтеуді талап етуге;

      9) осы Шартқа 1-қосымшаға сәйкес МҚҰ-дан/КС-дан тоқсан сайынғы негізде

      қаржылық есепті, берілген кредит/микрокредит бойынша кредиттік портфель туралы

      ақпаратты сұратуға;

      10) Кепілгер МҚҰ-ның/КС-ның осы Шартта айқындалған тәртіппен кепілдік төлемі

      бойынша талабын орындаған жағдайда, осы Шарт бойынша құқықтар мен міндеттерді үшінші

      тұлғаларға тапсыруға;

      11) осы Шартта, Кепілдендіру қағидаларында және Қазақстан Республикасының

      заңнамасында көзделген өзге де құқықтарды иеленуге құқылы.

      15. Қарыз алушы:

      1) МҚҰ-ға/КС-ға, Кепілгерге растаушы құжаттарды кредит/микрокредит алған сәттен

      бастап күнтізбелік 90 (тоқсан) күннен аспайтын мерзімде бере отырып, Кредит/микрокредит

      беру туралы шартта белгіленген кредитті/микрокредитті нысаналы мақсатына сәйкес

      пайдалануға міндетті. Бұл ретте, кредиттің/микрокредиттің нысаналы мақсатын өзгерту,

      сондай-ақ нысаналы мақсатының расталу мерзімін ұзарту МҚҰ-мен/КС-мен және

      Кепілгермен келісім бойынша мүмкін болады;

      2) МҚҰ-ның/КС-ның және (немесе) Кепілгердің алғашқы талабы бойынша оның

      өкілдеріне кредиттің/микрокредиттің мақсатты пайдаланылуын, оның қамтамасыз етілуін

      және Қарыз алушының қаржылық-шаруашылық қызметін оның өндірістік (сауда)

      объектілерін тікелей қарап-тексеру және (немесе) МҚҰ-ға/КС-ға және (немесе) Кепілгерге

      қажетті шарттарда (мерзімі, көлемі) қаржылық-шаруашылық қызметі туралы құжаттар мен

      ақпарат беру арқылы тексеруге мүмкіндік беруге;

      3) тез арада, Кредит/микрокредит беру туралы шарттың талаптары бұзылған күннен

      кейін 5 (бес) жұмыс күнінен кешіктірмей, Кепілгерге Кредит/микрокредит беру туралы

      шарттың олар жол берілген барлық бұзышылықтары туралы, оның ішінде негізгі борышты

      және (немеее) кредит/микрокредитті пайдаланғаны үшін сыйақы сомасын төлеу (қайтару)

      мерзімін кешіктіру туралы, сондай-ақ Қарыз алушының Кредит/микрокредит беру туралы

      шарт бойынша өз міндеттемелерін орындауға әсер ететін немесе әсер етуі мүмкін барлық

      жағдайлар туралы жазбаша хабарлауға;

      4) МҚҰ/КС Кредит/микрокредит беру туралы шарт бойынша міндеттемелерді орындау

      туралы талап қойған жағдайда, өз міндеттемелерін тиісінше орындауға қатысты қалыптасып

      отырған жағдайда барлық ақылға сыйымды және қолжетімді шараларды қабылдауға;

      5) Кепілгер кепілдік бойынша міндеттемелерді орындаған жағдайда, Кепілгер кепілдік

      бойынша жүргізген төлемдер сомасын Кепілгерге толық көлемде өтеуге және (Кепілгердің

      тиісті талаптары бар болса) Қарыз алушының Кепілгер алдындағы берешегі сомасына

      есептелген сыйақыны Кепілгер МҚҰ-ға/КС-ға кепілдік бойынша соманы аударған күннен

      бастап Қарыз алушы ақшаны Кепілгерге нақты қайтарған күнге дейін МҚҰ/КС-ге кепілдік

      бойынша төленген сомада, Кредит/микрокредит беру туралы шартта көрсетілген мөлшерлеме

      бойынша төлеуге, сондай-ақ Қарыз алушы үшін жауапкершілікпен байланысты Кепілгерге

      келтірілген өзге де шығындарды Кепілгердің талабында көрсетілген тәртіппен және мерзімде

      өтеуге міндетті. Осы Шартта көрсетілген Кепілгердің банктік шотына ақша аударылған күн

      Қарыз алушының Кепілгерге ақшаны нақты қайтарған күні болып саналады;

      6) Кепілгерден Кредит/микрокредит беру туралы шарт бойынша міндеттемелердің

      орындалуы, оның ішінде жасалған Кредит/микрокредит беру туралы шарт талаптарының жол

      берілген бұзушылықтары туралы ақпаратты беру жөнінде жазбаша сұраным алған кезде оны

      алған күннен бастап 5 (бес) жұмыс күні мерзімінен кешіктірмей, Кепілгерге сұранымда

      көрсетілген ақпаратты жазбаша нысанда беруге;

      7) банк деректемелері және (немесе) орналасқан жері өзгерген кезде 5 (бес) жұмыс күні

      ішінде МҚҰ-ны/КС-ны және Кепілгерді жазбаша түрде хабардар етуге;

      8) МҚҰ/КС/Кепілгер талабы бойынша Кредит/микрокредит беру туралы шарт

      бойынша алынатын мүлікті қосымша кепіл ретінде ұсынуға;

      9) Кепілгердің шешімімен Кредит/микрокредит беру туралы шарт бойынша алынатын

      жылжымалы мүлікті сақтандыруды жүзеге асыруға;

      10) осы Шарт бойынша өз міндеттемелерін орындамаған және (немесе) тиісінше

      орындамаған жағдайда, МҚҰ/КС және Кепілгер алдында барлық өз мүлкімен жауап беруге;

      11) Кепілгердің алғашқы талабы бойынша Кепілгерге Қазақстан Республикасының

      салық заңнамасына сәйкес салықтық құпия болып табылатын, Бағдарламаның тиімділігін

      мониторингтеу үшін Кепілгер пайдаланатын мынадай:

      кірістер;

      жұмыскерлер саны;

      жұмыскерлердің есептелген кірістері және жеке тұлғаларға өзге де төлемдер бойынша

      шығыстар;

      бір жұмыскерге орташа айлық жалақы;

      салықтық төлемдер сомасы туралы мәліметтерді Кепілгерге беруге Қазақстан

      Республикасы Қаржы министрлігінің Мемлекеттік кірістер комитетіне келісім беру туралы

      өтініш ұсынуға міндетті.

      16. МҚҰ/КС:

      1) Кредит/микрокредит беру туралы шарттың талаптары өзгерген (Кепілгер

      жауапкершілігінің ұлғаюына немесе Кепілгер үшін өзге де қолайсыз салдарларға алып

      келмейтін) кезде дереу, бірақ Кредит/микрокредит беру туралы шартқа өзгерістер енгізілген

      күннен кейінгі 10 (он) жұмыс күні мерзімінен кешіктірмей Кепілгерге бұл туралы жазбаша

      хабарлауға міндетті.

      Кредит/микрокредит беру туралы шартқа Кепілгер жауапкершілігінің ұлғаюына немесе

      Кепілгер үшін өзге де қолайсыз салдарларға алып келетін өзгерістер енгізілген кезде МҚҰ/КС

      Кепілгерден осы өзгерістерді енгізуге алдын ала жазбаша келісім алуға міндетті.

      Шарттың осы тармағының екінші абзацында көрсетілген өзгерістер

      Кредит/микрокредит беру туралы шартқа Кепілгердің алдын ала жазбаша келісімінсіз

      енгізілген жағдайда, кепілдік тоқтатылады;

      2) Кепілгерден Кредит/микрокредит беру туралы шарт бойынша міндеттемелердің

      орындалуы, оның ішінде жасалған Кредит/микрокредит беру туралы шарт талаптарының жол

      берілген бұзушылықтары туралы ақпарат беру жөнінде жазбаша сұраным алған кезде оны

      алған күннен бастап 5 (бес) жұмыс күні мерзімінен кешіктірмей, Кепілгерге сұранымда

      көрсетілген ақпаратты жазбаша нысанда ұсынуға;

      3) Қарыз алушының Кредит/микрокредит беру туралы шарт бойынша өз

      міндеттемелерін толық көлемде орындағаны (оның ішінде міндеттемелерін мерзімінен бұрын

      орындаған жағдайда да) туралы 5 (бес) жұмыс күні мерзімінен кешіктірмей, Кепілгерге

      жазбаша хабарлауға;

      4) осы Шартта белгіленген жағдайларда, Кепілгерге осы Шартта белгіленген тәртіппен

      және мерзімде ақшаны қайтаруды жүзеге асыруға;

      5) Кепілгер кепілдік бойынша міндеттемелерін орындаған жағдайда, Кепілгерден алған

      барлық соманы Кредит/микрокредит беру туралы шарт бойынша негізгі борышты, оның

      ішінде мерзімі өткен негізгі борышты өтеуге жіберуге;

      6) Кепілгер кепілдік бойынша міндеттемелерін орындаған жағдайда, осы Шарттың

      31-тармағы орындалғаннан кейін 20 (жиырма) жұмыс күні мерзімінен кешіктірмей, Кепілгерге

      МҚҰ-ның/КС-ның Қарыз алушыға талап қою құқығын куәландыратын құжаттар мен

      ақпаратты беруге және Кепілгерге осы талаптарды қамтамасыз ететін құқықтарды осы Шартта

      белгіленген көлемде беруге міндетті. МҚҰ/КС құжаттары Кепілгерге төлнұсқаларда, ал мұны

      жасау мүмкін болмаған жағдайда, нотариалды куәландырған көшірмелер түрінде

      тапсырылады. Құжаттарды МҚҰ-дан/КС-дан Кепілгерге тапсыру құжаттарды қабылдау-

      тапсыру актісін жасай отырып жүзеге асырылады;

      7) Қарыз алушы Кредит/микрокредит беру туралы шарт бойынша негізгі борышты

      төлеу жөніндегі өз міндеттемелерін орындамаған (тиісінше орындамаған) жағдайда,

      Кепілгерге осы Шартта белгіленген тәртіппен және мерзімде Қарыз алушының кредиттік

      дерекнамасына мониторинг жүргізу үшін рұқсат беруге;

      8) Кепілгердің кепілдікті орындау нәтижесінде алған құқықтарын жүзеге асыруға

      кедергі келтірмеуге;

      9) осы Шартта белгіленген өзге де міндеттемелерді тиісінше орындауға;

      10) Кепілгерге тоқсан сайынғы негізде қаржылық есептілікті, осы Шартқа 1-қосымшаға

      сәйкес берілген кредиттер/микрокредиттер бойынша кредиттік портфель туралы ақпаратты

      жазбаша түрде және қосымша Кепілгер айқындаған жауапты орындаушының электрондық

      мекенжайына есепті айдан кейінгі айдың бірінен кешіктірмей беруге;

      11) Кепілгерге ай сайынғы негізде осы Шартқа 2-қосымшаға сәйкес жобаларды іске

      асыру барысына ағымдағы мониторинг туралы есепті жазбаша түрде және қосымша Кепілгер

      айқындаған жауапты орындаушының электрондық мекенжайына есепті айдан кейінгі айдың

      бірінен кешіктірмей беруге;

      12) кредит/микрокредит (оның ішінде кредиттік желі шеңберінде транштар) нақты

      берілген, сондай-ақ өтеу шарттары өзгерген (қайта құрылымдау, ұзарту) сәттен бастап

      күнтізбелік 3 (үш) күн ішінде Кепілгерді берешекті өтеу графигі бар Кредит/микрокредит беру

      туралы шарттың көшірмесін қоса бере отырып, жазбаша/электрондық пошта бойынша

      хабардар етуге міндетті.

      17. МҚҰ/КС:

      1) Қарыз алушы Кредит/микрокредит беру туралы шарт бойынша негізгі борышты

      төлеу жөніндегі өз міндеттемелерін орындамаған (тиісінше орындамаған) жағдайда,

      Кепілгерге осы Шартта белгіленген тәртіппен және мерзімде талап қоюға;

      2) Кепілгерден және Қарыз алушыдан осы Шартта көзделген өзге де міндеттемелерінің

      орындалуын талап етуге құқылы.

5-тарау. Кепілдіктерді орындау тәртібі

      18. Қарыз алушы Кредит/микрокредит беру туралы шарт бойынша негізгі борыш

      сомасын өтеу жөніндегі міндеттемелерін орындамаған күннен бастап күнтізбелік 20 (жиырма)

      күн мерзімінен кешіктірмей, МҚҰ/КС бұл туралы Кепілгерді Қарыз алушының МҚҰ/КС

      алдында берешегінің бар екендігі туралы анықтаманы және МҚҰ/КС-ның Қарыз алушыға

      жолдаған мерзімі өткен берешегін өтеу туралы жазбаша талабының көшірмесін қоса бере

      отырып, жазбаша хабардар етеді.

      19. Қарыз алушы Кредит/микрокредит беру туралы шарт бойынша негізгі борыш

      сомасын өтеу жөніндегі міндеттемелерін орындамаған күннен бастап күнтізбелік 180 (жүз

      сексен) күн ішінде МҚҰ/КС Қарыз алушыдан және қамтамасыз ету берілген адамдардан

      мерзімі өткен берешекті (хабарламаларды, наразылықтарды, талаптарды жіберу, соттан тыс

      және сот тәртібімен өндіріп алу, оның ішінде үшінші тұлғалардың

      кепілдіктерін/кепілгерліктерін қамтамасыз етуден (кепілдіктерді қоспағанда) өндіріп алу,

      Қарыз алушының шорттарына төлем талаптарын қою жолымен және т.с.) алу мақсатында осы

      Шарттың 23-тармағының 4)-9), 11) тармақшаларында көзделген құжаттарды міндетті түрде

      жасай отырып, қалыптасып отырған жағдайда барлық ақылға сыйымды және қолжетімді

      шараларды қабылдауға міндетті.

      20. МҚҰ/КС Қарыз алушыдан берешекті өндіріп алу жөнінде қабылдаған

      шараларының нәтижесінде алынған сома Кепілгерге талап қойылғанға дейін МҚҰ/КС-ның

      ішкі құжаттарында белгіленген, Кредит/микрокредит беру туралы шарттың талаптарына және

      Қазақстан Республикасының қолданыстағы заңнамасы талаптарына сәйкес келетін

      кезектілікке сәйкес Қарыз алушының берешегін өтеуге жіберіледі.

      21. Қарыз алушы күнтізбелік 60 (алпыс) күн ішінде Кредит/микрокредит беру туралы

      шарт бойынша негізгі борыш сомасын өтеу жөніндегі міндеттемелерін орындамаған/тиісінше

      орындамаған жағдайда, МҚҰ/КС күнтізбелік 5 (бес) күннен кешіктірмей, Кепілгерге Қарыз

      алушының МҚҰ/КС алдында мерзімі өткен берешегінің екендігі туралы жазбаша хабарлама

      жолдайды. Кепілгер МҚҰ/КС берген Қарыз алушының МҚҰ/КС алдында мерзімі өткен

      берешегінің бар екендігі туралы жазбаша хабарлама негізінде осы Шарттың талаптарын

      сақтау тұрғысынан 5 (бес) жұмыс күні ішінде мониторинг жүргізеді.

      22. Егер, Қарыз алушы Кредит/микрокредит беру туралы шарт бойынша негізгі борыш

      сомасын өтеу жөніндегі міндеттемелерін орындамаған күннен бастап күнтізбелік 180 (жүз

      сексен) күн ішінде Кредит/микрокредит беру туралы шарт бойынша негізгі борыш сомасын

      өтеу жөніндегі міндеттемелерін орындамаса/тиісінше орындамаса, МҚҰ/КС Кепілгерге талап

      қоюға құқылы.

      Осы Шарттың 19-тармағында белгіленген іс-шаралар күнтізбелік 180 күнге дейін

      өткізсе, МҚҰ/КС мерзімі өткен берешекті өндіріп алу және (немесе) кепілдік мүлкін өткізу

      бойынша растайтын құжаттарды қоса бере отырып, Кепілгерге кепілдік төлеу үшін

      көрсетілген мерзімнен ерте жүгінуге құқылы.

      23. МҚҰ/КС талаптарында:

      1) Кепілдік шартының деректемелері;

      2) Кредит/микрокредит беру туралы шарттың деректемелері;

      3) Қарыз алушының атауы;

      4) Кепілгердің кепілдік бойынша төлем сомасының есептемесі;

      5) ақша аударылуы тиіс МҚҰ/КС шотының деректемелері көрсетілуі тиіс.

      24. МҚҰ/КС талабына:

      1) МҚҰ/КС жазбаша хабарлама жіберген күнге Кредит/микрокредит беру туралы шарт

      шеңберінде Қарыз алушының жобасы бойынша кепіл мүлкінің тізбесін көрсете отырып,

      Қарыз алушының МҚҰ/КС алдындағы берешегінің бар екендігі туралы анықтама;

      2) кредит берілген күннен бастап Кепілгерге талап қойылған (бар болса) күнге дейінгі

      кезең үшін Қарыз алушының банктік шотынан үзінді-көшірме;

      3) Қарыз алушының кредит қаражатын алғанын растайтын құжаттың көшірмесі;

      4) МҚҰ-ның/КС-ның Қарыз алушыға, кепіл берушілерге, кепілгерлерге, кепіл

      болушыға жіберілген мерзімі өткен берешекті Қарыз алушының Кредит/микрокредит беру

      туралы шарт бойынша міндеттемелерін орындамаған күннен бастап күнтізбелік 15 (он бес)

      күннен кешіктірмей өтеу туралы жазбаша талаптың (наразалықтың) қолма-қол табыс етілген

      не Кредит/микрокредит беру туралы шартта, кепіл шартында, кепілдік/кепілгерлік шартында

      көрсетілген мекенжай бойынша хабарламасы бар тапсырысты хатпен жолдаған көшірмесі;

      5) Қарыз алушының МҚҰ/КС талабына (наразылығына) берген жауабының (бар болса)

      көшірмесі;

      6) мерзімі өткен берешек пайда болған күннен бастап күнтізбелік 60 (алпыс) күннен

      кешіктірмей жасалған өтеудің ағымдағы жағдайы мен перспективасын көрсете отырып,

      кеңейтілген мониторингтік есептің көшірмесі;

      7) мерзімі өткен берешек пайда болған күннен бастап күнтізбелік 30 (отыз) күннен

      кешіктірмей, Қарыз алушының/кепілгерлердің/кепіл болушылардың шоттарына қойылған

      төлем талаптарының көшірмелері (Қарыз алушының/кепілгерлердің/кепіл болушылардың

      акцептсіз есептен шығаруға келісімі бар болса);

      8) МҚҰ-ның/КС-ның Қарыз алушыға Кредит/микрокредит беру туралы шарт бойынша

      соманы мерзімінен бұрын қайтару туралы мерзімі өткен берешек пайда болған күннен бастап

      күнтізбелік 60 (алпыс) күннен кешіктірмей қойылған жазбаша талаптың (наразылықтың)

      қолма-қол табыс етілген не Кредит/микрокредит беру туралы шартта көрсетілген мекенжай

      бойынша хабарламасы бар тапсырысты хатпен жолданған көшірмесі;

      9) МҚҰ/КС Кредит/микрокредит беру туралы шарт бойынша берешекті өндіріп алу

      жөнінде қабылдаған шаралар және мынадай растайтын құжаттарды қоса бере отырып,

      қабылданған шаралар нәтижесінде алынған сома туралы ақпарат:

      - тіркеуші органда тіркелген, қолма-қол табыс етілген не мерзімі өткен берешек пайда

      болған күннен бастап күнтізбелік 90 (тоқсан) күннен кешіктірмей хабарламасы бар

      тапсырысты хатпен жолданған міндеттеменің орындалмағаны туралы хабарламаның

      көшірмесі;

      - тіркеуші органда тіркелген, қолма-қол табыс етілген не мерзімі өткен берешек пайда

      болған күннен бастап күнтізбелік 130 (жүз отыз) күннен кешіктірмей хабарламасы бар

      тапсырысты хатпен жолданған кепілге салынған мүлікке сауда-саттық жүргізу туралы

      хабарламаның көшірмесі;

      - мерзімі өткен берешек пайда болған күннен бастап күнтізбелік 150 (жүз елу) күннен

      кешіктірмей жарияланған кепілге салынған мүлікке сауда-саттық жүргізу туралы

      хабарландырудың көшірмесі;

      - мерзімі өткен берешек пайда болған болған күннен бастап күнтізбелік 170 (жүз

      жетпіс) күннен кешіктірмей қол қойылған сауда-саттық нәтижелері туралы хаттаманың

      көшірмесі;

      - берешекті өндіріп алу туралы сот шешімінің және/немесе кепілге салынған мүлікті

      өндіріп алу (бар болса) өтінішінің көшірмесі;

      - орындау парақтарының (бар болса) көшірмелері;

      10) Кредит/микрокредит беру туралы шартқа қосымша келісімдердің (бар болса)

      көшірмелері;

      11) Қарыз алушының МҚҰ/КС алдындағы берешегін және берешекті өтеу бойынша

      МҚҰ/КС қабылдаған шараларды (бар болса) растайтын өзге де құжаттардың көшірмелері.

      МҚҰ/КС осы тармақта көзделген құжаттарды бермеген жағдайда және/немесе Қарыз

      алушының МҚҰ/КС-ның іс-қимылдарына шағымдану себебінен көрсетілген іс-шараларды

      белгіленген мерзімдерде орындамаған жағдайды қоспағанда, МҚҰ/КС-ның осы тармақтың

      4)-9) тармақшаларында көрсетілген іс-шараларды өткізу мерзімдерін бұзған жағдайда,

      МҚҰ/КС-ның талабы Кепілгердің орындауына жатпайды.

      25. Талапта көрсетілген сома осы Шарттың талаптарына сәйкес болуы тиіс, бірақ осы

      Шарттың 4-тармағында белгіленген кепілдіктің шекті сомасынан аса алмайды.

      26. МҚҰ/КС талапты Кепілгерге осы Шартта көрсетілген мекенжай бойынша

      тапсырысты хат жіберу немесе қолма-қол беру жолымен жібереді.

      27. Талап Кепілгерге ағымдағы жұмыс күні Астана уақыты бойынша сағат 16.00-ге

      дейін қойылуы мүмкін. Астана уақыты бойынша сағат 16.00-ден кейін қойылған талап келесі

      жұмыс күні қойылған деп саналады.

      28. МҚҰ/КС талабын алғаннан кейін, алайда кез келген жағдайда, ол

      қанағаттандырылғанға дейін Кепілгер Қарыз алушыны МҚҰ/КС қойған талаптар туралы осы

      Шартта көрсетілген Қарыз алушының мекенжайы бойынша тапсырысты хатпен хабарлама

      жіберу жолымен немесе Қарыз алушының қолын қойғызып қолма-қол беру жолымен жазбаша

      нысанда хабардар етеді. Хабарлама тапсырысты хатпен жіберілген кезде почта мекемесі

      берген құжатта көрсетілген күннен кейін 3 (үшінші) күні хабарлама алынды деп саналады.

      29. Кепілгер МҚҰ/КС талабын және осы Шартта көзделген барлық құжаттарды алған

      күннен бастап, сондай-ақ талапқа және ұсынылған құжаттарға қарсылығы болмаған кезде 10

      (он) жұмыс күні мерзімінен кешіктірмей талапта көрсетілген сома мөлшерінде МҚҰ-ға/КС-ға

      төлем жүргізеді не МҚҰ-ға/КС-ға барлық қарсылықтарын көрсетіп хат жібереді.

      30. Кепілдік бойынша Кепілгер міндеттемелерінің мөлшері Кепілгер орындаған талап

      сомасына азаяды.

      31. МҚҰ/КС кепілді қамтамасыз етуді іске асыру бойынша жұмыс жүргізеді. Қарыз

      алушының берешегін өндіріп алу жөніндегі шаралардың нәтижесінде, оның ішінде

      қамтамасыз етуді іске асыру жолымен МҚҰ/КС алған барлық сома Кепілгер мен

      МҚҰ-ның/КС-ның арасында мынадай кезектілікпен бөлінеді:

      1) Кредит/микрокредит беру туралы шарт бойынша МҚҰ/КС алдындағы сыйақыны

      өтеу;

      2) Қарыз алушының МҚҰ/КС алдындағы негізгі борышының қалдық сомасын өтеу;

      3) Қарыз алушының Кепілгер алдындағы берешегін өтеу;

      4) Қарыз алушының МҚҰ/КС алдындағы Кредит/микрокредит беру туралы шарт

      бойынша тұрақсыздық айыбы мен басқа да берешегін өтеу.

      Бұл ретте, ақшаны бөлу МҚҰ/КС оларды алған күнінен бастап 10 (он) жұмыс күні

      ішінде жүргізілуі тиіс.

      32. Егер, осы Шарттың 30-тармағын орындау салдарынан Қарыз алушының Кепілгер

      алдындағы берешегі өтелмейтін болса/толық көлемде өтелмейтін болса, МҚҰ/КС кепілдік

      бойынша міндеттемесін орындаған Кепілгерге МҚҰ/КС сатпаған барлық мүлікті, сондай-ақ

      кепілдіктер, кепілгерліктер бойынша құқықтарды және Кредит/микрокредит беру туралы

      шартта Қарыз алушының міндеттемелерін орындауды қамтамасыз ету ретінде көрсетілген

      тағы басқаларды және Кепілгер орындаған міндеттеме көлемінде қамтамасыз етуді бере

      отырып, Шарт бойынша кепіл ұстаушы ретінде МҚҰ-ға/КС-ға тиесілі құқықтарды беруге

      міндеттенеді.

      Осы Шарттың 30-тармағын орындаған күннен бастап 10 (он) жұмыс күні ішінде

      МҚҰ/КС Кепілгерге қабылдау-тапсыру актісі бойынша мынадай құжаттарды:

      Кредит/микрокредит беру туралы шартқа қосымша келісімдермен бірге оның

      түпнұсқасын немесе нотариалды куәландырылған көшірмесін;

      Қамтамасыз етуді беру туралы шарттарға қосымша келісімдермен бірге олардың

      түпнұсқасын немесе нотариалды куәландырылған көшірмелерін;

      кепіл мүлкіне құқық белгілейтін құжаттар мен Кепілгердің талап етуі бойынша өзге де

      құжаттарды тапсыруға міндеттенеді.

6-тарау. Кепілдіктің қолданылу мерзімі

      33. Кепілдік 20__ жылғы "_____" __________ (қоса алғанда) дейінгі мерзімге беріледі.

      34. Кепілдіктің қолданылуы мынадай мән-жайлардың кез келгені орын алған кезде

      тоқтатылады:

      1) кепілдікпен қамтамасыз етілген Кредит/микрокредит беру туралы шарт бойынша

      негізгі борыш сомасының толық өтелуі;

      2) осы Шартта көрсетілген кепілдік мерзімінің аяқталуы;

      3) егер, Кепілгер жаңа борышкер үшін МҚҰ/КС алдында Кредит/микрокредит беру

      туралы шарт бойынша субсидиарлық жауапкершілік алуға келісімін бермесе, кепілдікпен

      қамтамасыз етілген Кредит/микрокредит беру туралы шарт бойынша борыштың өзге адамға

      ауысуы;

      4) егер, кепілдікпен қамтамасыз етілген міндеттемелерді орындау мерзімі басталғаннан

      кейін МҚҰ/КС Қарыз алушы немесе Кепілгер ұсынған тиісінше орындауды қабылдаудан бас

      тартса;

      5) Кепілгердің алдын ала жазбаша келісімінсіз жауапкершілікті арттыруға алып келетін

      немесе алып келуі мүмкін Кредит/микрокредит беру туралы шарттың кез келген

      талаптарының өзгеруі;

      6) МҚҰ/КС Кепілгерге Кепілгердің кепіл беру туралы шешім қабылдауы үшін қажетті

      дұрыс емес мәліметтерді (ақпараты) және (немесе) құжаттарды ұсынған жағдайда, оның

      ішінде дұрыс емес мәліметтерді (ақпаратты) және (немесе) құжаттарды ұсыну Қарыз алушы

      және/немесе МҚҰ/КС тарапынан алаяқтық әрекеттерден туындаса және бұл заңнамадан

      белгіленген тәртіппен дәлелденген жағдайда ғана;

      7) осы Шарттың 12-тармағында көзделген міндеттемелер мен талаптарды Қарыз алушы

      және (немесе) МҚҰ/КС орындамаған немесе тиісінше орындамаған жағдайда;

      8) кредитті мақсатты пайдаланбау фактілері анықталған кезде;

      9) МҚҰ/КС/Қарыз алушы кепілдіктен бас тартқан кезде, бұл ретте, Қарыз алушының

      кепілдік алудан бас тартуы МҚҰ-мен/КС-мен келісілуі тиіс;

      10) Қазақстан Республикасының заңнамасында, Бағдарламада және (немесе) осы

      Шартта көзделген өзге де негіздер бойынша.

      Кепілгер көрсетілген негіздер бойынша кепілдікті қолданылуы тоқтатылған кезде бұл

      туралы МҚҰ/КС мен Қарыз алушыны жазбаша хабардар етеді.

7-тарау. Тараптардың жауапкершілігі

      35. Кепілгер МҚҰ-ға/КС-ға талапта көрсетілген соманы уақтылы төлемеген жағдайда,

      Кепілгер МҚҰ-ға/КС-ға мерзімі өткен әрбір күн үшін уақытылы төленбеген соманың

      0,01 %-ы (нөл бүтін жүзден бір пайызы), бірақ уақтылы төленбеген соманың 1%-нан

      (бір пайызынан) аспайтын мөлшерде тұрақсыздық айыбын (өсімпұл) төлейді.

      36. МҚҰ/КС Кепілгерге осы Шарттың 31-тармағының талаптарына сәйкес Кепілгерге

      тиесілі соманы уақтылы қайтармаған жағдайда, МҚҰ/КС Кепілгерге мерзімі өткен әрбір күн

      үшін уақтылы төленбеген соманың 0,01 %-ы (нөл бүтін жүзден бір пайызы), бірақ уақтылы

      төленбеген соманың 1%-нан аспайтын мөлшерде тұрақсыздық айыбын (өсімпұл) төлейді.

      37. МҚҰ/КС осы Шарттың 16-тармағының 5) тармақшасында белгіленген

      міндеттемелерді бұзған жағдайда, МҚҰ/КС Кепілгерге мерзімі өткен әрбір күн үшін тиісті

      қаржы жылына арналған республикалық бюджет туралы заңда белгіленген бес еселенген

      айлық есептік көрсеткіш мөлшерінде тұрақсыздық айыбын (өсімпұл) төлейді.

      38. Қарыз алушы осы Шарттың 15-тармағының 1), 3), 5), 6), 7) тармақшаларында

      белгіленген міндеттемелерді бұзған жағдайда, Қарыз алушы Кепілгерге мерзімі өткен әрбір

      күн үшін тиісті қаржы жылына арналған республикалық бюджет туралы заңда белгіленген бір

      айлық есептік көрсеткіш мөлшерінде тұрақсыздық айыбын (өсімпұл) төлейді.

      39. Тұрақсыздық айыбын төлеу талабы кінәлі Тарап құқығын бұзған Тараптың құқығы

      болып табылады. Тараптың тұрақсыздық айыбын төлеуді талап ету құқығын пайдалануы

      тұрақсыздық айыбын төлеу туралы жазбаша талап жіберуі болып саналады. Тұрақсыздық

      айыбын төлеу кінәлі Тарапты осы Шарттың талаптарын тиісінше орындаудан босатпайды.

      40. МҚҰ/КС Кредит/микрокредит беру туралы шартты және Кепіл шартын(тарын)

      тиісінше ресімдеу үшін, сондай-ақ кредит/микрокредит беру талаптарының Кепілгердің

      Уәкілетті органының шешімінде көрсетілген талаптарға сәйкестігі үшін толық жауапты

      болады.

8-тарау. Қорытынды ережелер

      41. Шартқа барлық өзгерістер мен толықтырулар жазбаша нысанда ресімделуі,

      Тараптардың уәкілетті өкілдерінің қолдары қойылуы және Тараптар мөрлерінің бедерлерімен

      бекітілуі тиіс.

      42. Осы Шартты өзгертумен, бұзумен және орындаумен байланысты барлық даулар

      мен келіспеушіліктерді Тараптар келіссөздер және талқылаулар арқылы шешетін болады,

      егер, келіссөздер нәтижесінде Тараптар келісімге келмесе, онда мұндай Кепілгердің атқарушы

      органы орналасқан жер бойынша, Астана қаласында Қазақстан Республикасының

      заңнамасында көзделген сот тәртібімен қаралатын болады.

      43. Осы Шарт Тараптардың әрқайсысы үшін әрқайсысының заңды күші бірдей

      мемлекеттік және орыс тілдерінде 1 (бір) данадан мемлекеттік және орыс тілдерінде 3 (үш)

      данада жасалды.

      44. Осы Шартта көзделмеген өзге жағдайлардың бәрінде Тараптар Қазақстан

      Республикасының заңнамасын басшылыққа алады.

      45. Тараптардың қолы қойылып, мөрмен расталған Кредит/микрокредит беру туралы

      шарттың көшірмесі осы Шарттың ажырамас бөлігі болып табылады.

      46. Тараптардың келісімі бойынша Кепілгер осы Шарт бойынша өз міндеттемелерінің

      орындалуы үшін өз қаражаты шегінде ғана жауап береді.

9-тарау. Тараптардың орналасқан жері, деректемелері және қолтаңбалары

      _______________________________________________

      (кім ұсынады: МҚҰ/КС, мекенжайы)

МҚҰ-ның/КС-ның кредиттік портфелі туралы ақпарат

      1-бөлім. Қамту және әсер ету

      2-бөлім. Берешек мерзімдері бойынша портфель мәртебесі

      * портфель тәуекелі деп негізгі борыш бойынша жалпы берешек сомасы түсіндіріледі

      (төлеу мерзімі өткен негізгі борыш+жедел негізгі борыш қалдығы).

      МҚҰ/КС директоры ________________ (аты, әкесінің аты (бар болса), тегі)

      (қолы)

      МҚҰ/КС бас бухгалтері _______________ (аты, әкесінің аты (бар болса), тегі)

      (қолы)

      Орындаушы:

      Байланыс тел.

      _______________________________________________

      (кім ұсынады: МҚҰ/КС, мекенжайы)

Жобаны іске асыру барысының ағымдағы мониторингі туралы есеп

      кестенің жалғасы

      кестенің жалғасы

      Лауазымды адам __________ ____________________________________________

      (қолы)            (аты, әкесінің аты (бар болса), тегі)

      Мөр (бар болса) орны

      Жауапты жұмыскер __________ _________________________________________

      (қолы)            (аты, әкесінің аты (бар болса), тегі)

      Ескертпе: қысқартылған сөздердің толық жазылуы:

      ЭҚЖЖ – экономикалық қызмет түрлерiнiң жалпы жiктеуiшi;

      МҚҰ – микроқаржы ұйымы;

      КС- кредиттік серіктестік.

      "ҚазАгроКепіл" акционерлік қоғамы

      __________________________________

      __________________________________

Кепілдік сомасын есептей отырып, кредит беру/микрокредит беру мүмкіндігі туралы оң шешімді хат

      Микроқаржы ұйымы/кредиттік серіктестік Қазақстан Республикасы Үкіметінің 2018

      жылғы 13 қарашадағы № 746 қаулысымен бекітілген Нәтижелі жұмыспен қамтуды және

      жаппай кәсіпкерлікті дамытудың "Еңбек" мемлекеттік бағдарламасы (бұдан әрі – Бағдарлама)

      шеңберінде 20__ жылғы _________________ мынадай шарттармен микрокредит беру туралы

      оң шешім қабылданғанын хабарлайды:

      Баяндалғандардың негізінде Сізден ___ айға дейінгі мерзіммен _____________ теңге

      мөлшерінде кепілдік беру мүмкіндігін қарастыруды сұраймыз.

      Микроқаржы ұйымы/кредиттік серіктестік ___________

      (қолы)

      Мөр (бар болса) орны

Қатысушының сараптама жүргізу үшін ұсынатын құжаттарының тізбесі:

      Дара кәсіпкерлер үшін:

      Шаруа/фермер қожалықтары үшін:

      Заңды тұлғалар (оның ішінде АШК) үшін:

      МҚҰ/КС-ға арналған құжаттар:

      * МҚҰ/КС мөрімен расталған МҚҰ/КС ұсынатын құжаттар.

      ** Қатысушылар ұсынатын құжаттар.

      * * * Стартап жобалар бойынша аталған құжаттар бар болса ұсынылады.

      Ескертпе:

      - бірнеше беттен тұратын құжатты ұсынған жағдайда, мұндай құжат тігілуі, нөмірленуі,

      құжаттың әрбір бетіне уәкілетті адамдардың қолы қойылып, мөрімен (бар болса) бекемделуі

      тиіс.

      - қаржылық есептіліктің мерзімі МҚҰ/КС құжаттар топтамасын ұсынған күні

      3 айдан аспауы тиіс.

      Ескертпе: аббревиатуралардың толық жазылуы:

      ДК – дара кәсіпкер;

      ШҚ – шаруа қожалығы;

      ФШ – фермерлік шаруашылық;

      МҚҰ – микроқаржы ұйымы;

      КС– кредиттік серіктестік.

Комиссия алуға арналған өтінім

      (кімге) __________________________________________________________________

      (облыс, республикалық маңызы бар қала, астана)

      ______________ ауыл шаруашылығы мәселелері жөніндегі жергілікті атқарушы органына

      (кімнен) _________________________________________________________________

      (кепілгердің толық атауы)

      Осымен "ҚазАгроКепіл" акционерлік қоғамы (бұдан әрі – Қоғам) Ауылдық жерлерде

      және шағын қалаларда микроқаржы ұйымдары және кредиттік серіктестіктер беретін

      кредиттер/микрокредиттер бойынша кепілдік беру қағидаларына сәйкес, Қазақстан

      Республикасы Үкіметінің 2018 жылғы 13 қарашадағы №746 қаулысымен бекітілген Нәтижелі

      жұмыспен қамтуды және жаппай кәсіпкерлікті дамытудың

      2017–2021 жылдарға арналған "Еңбек" мемлекеттік бағдарламасының (бұдан әрі –

      Бағдарлама) екінші бағыты шеңберінде Қоғам, ___________ (Қатысушының атауы) және

      ____________ (МҚҰ/КС атауы) (бұдан әрі – МҚҰ/КС) арасында кепілдік шартына қол

      қойылғанын хабарлайды.

      Кепілдік _________ (Қатысушының атауы) ____________ (МҚҰ/КС атауы) алдындағы

      кредит/микрокредит беру туралы шарт бойынша міндеттемелерін орындауды қамтамасыз ету

      ретінде берілді.

      Жоғарыда баяндалғандарға байланысты, Сіздерден келесі деректемелер бойынша

      _____________ (кепілдік сомасының 30%-ы) мөлшерінде кепілдік сомасын аударуды

      сұраймыз:

      Төлем тағайындаған кезде қарыз алушының атауын және кепілдік құны аударылатын

      кепілдік шартының күнін көрсетуді сұраймыз.

      1. Өтінім беруші туралы мәліметтер.

      атауы___________________________________________________________________

      БСН (бизнес-сәйкестендіру нөмірі) __________________________________________

      басшының аты, әкесінің аты (бар болса), тегі _________________________________

      мекенжайы: _____________________________________________________________

      телефон (факс) нөмірі: ____________________________________________________

      2. Екінші деңгейдегі банктегі шоты бойынша мәліметтер: ЖСН/БСН (жеке

      сәйкестендіру нөмірі/бизнес-сәйкестендіру нөмірі)

      ________________________________________________________________________

      Кбе (бенефициар коды) ___________________________________________________

      Банктің деректемелері: ___________________________________________________

      Банктің атауы: ___________________________________________________________

      БСК (банктік сәйкестендіру коды) ___________________________________________

      ЖСК (жеке сәйкестендіру коды) ____________________________________________

      БСН (бизнес-сәйкестендіру нөмірі) _________________________________________

      Кбе (бенефициар коды) ___________________________________________________

      3. МҚҰ/КС және Қатысушы арасында жасалған кредит/микрокредит беру туралы шарт

      (бұдан әрі – КШ) туралы мәліметтер.

      кестенің жалғасы

      4. Кепілдік беру шарт туралы мәліметтер:

      Ұсынылған ақпараттың дұрыстығын растаймыз, Қазақстан Республикасының

      заңнамасына сәйкес дұрыс емес мәліметтер берілгені үшін жауапкершілік туралы

      хабардармыз және заңмен қорғалатын құпияны құрайтын мәліметтерді пайдалануға,

      сондай-ақ дербес деректер мен өзге де ақпаратты жинауға, өңдеуге, сақтауға, шығарып алуға

      және пайдалануға келісім береміз.

      Кепілгер 20__ жылы "__" __________ сағат 00:00-де қол қойып, жіберді:

      ЭЦҚ-ның деректері

      ЭЦҚ-ның қойылған күні мен уақыты

      Өтінімді қабылдау туралы хабарлама:

      Жұмыс органы 20__ жылы "__" ___________сағат 00:00-де қабылдады:

      ЭЦҚ-ның деректері

      ЭЦҚ-ның қойылған күні мен уақыты

Жобаны іске асыру барысының ағымдағы мониторингі туралы есеп

      кестенің жалғасы

      кестенің жалғасы

      кестенің жалғасы

      Лауазымды адам __________ ____________________________________________

      (қолы)            (аты, әкесінің аты (бар болса), тегі)

      Мөр (бар болса) орны

      Жауапты қызметкер __________ _________________________________________

      (қолы)            (аты, әкесінің аты (бар болса), тегі)

      Ескертпе: аббревиатуралардың толық жазылуы:

      ЭҚЖЖ – экономикалық қызмет түрлерiнiң жалпы жiктеуiшi;

      МҚҰ – микроқаржы ұйымы;

      КС – кредиттік серіктестік.

Микроқаржы ұйымдарының операциялық шығыстарын субсидиялау қағидалары

1-тарау. Жалпы ережелер

      1. Осы Микроқаржы ұйымдарының операциялық шығыстарын субсидиялау қағидалары (бұдан әрі – Қағидалар) Қазақстан Республикасы Үкіметінің 2018 жылғы 13 қарашадағы № 746 қаулысымен бекітілген Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған "Еңбек" мемлекеттік бағдарламасының (бұдан әрі – Бағдарлама) екінші бағыты шеңберінде әзірленді, шағын қалаларда және ауылдық елді мекендерде (олардың әкімшілік бағыныстылығына қарамастан) микрокредит беруді кеңейту үшін жергілікті бюджетте тиісті қаржы жылына көзделген қаражат есебінен және шегінде микроқаржы ұйымдарының операциялық шығыстарына субсидия беру тәртібін айқындайды.

      2. Осы Қағидаларда мынадай негізгі ұғымдар пайдаланылады:

      1) агроөнеркәсіптік кешенді дамыту саласындағы уәкілетті орган (бұдан әрі – уәкілетті орган) – агроөнеркәсіптік кешенді дамыту саласында басшылықты және салааралық үйлестіруді жүзеге асыратын Қазақстан Республикасының орталық атқарушы органы;

      2) жеке кабинет – тізілімдегі пайдаланушының (микрокредит беру ұйымының, микроқаржы ұйымының, жұмыс органының) жеке веб-парақшасы;

      3) жеке шот – субсидиялауға арналған өтінімдерді тіркеу және олар бойынша операцияларды есепке алу мақсатында тіркелген тұлғаны сәйкестендіруге мүмкіндік беретін тізілімдегі жазбалар жиынтығы;

      4) жергілікті атқарушы орган (әкімдік) (бұдан әрі – ЖАО) – облыстың, республикалық маңызы бар қаланың және астананың, ауданның (облыстық маңызы бар қаланың) әкімі басқаратын, өз құзыреті шегінде тиісті аумақта жергілікті мемлекеттік басқаруды және өзін-өзі басқаруды жүзеге асыратын алқалы атқарушы орган;

      5) көрсетілетін қызметтерді жеткізуші – мемлекеттік сатып алу туралы заңнамаға сәйкес жұмыс органы айқындайтын, субсидиялаудың ақпараттық жүйесіне қолжетімділікті және оны сүйемелдеуді қамтамасыз ететін тұлға;

      6) кредит – мерзімділік, ақылылық, қайтарымдылық және нысаналы пайдалану талаптарымен қарыз шарты негізінде микрокредит беру ұйымдары микроқаржы ұйымдарына беретін ақша сомасы. Кредит бірыңғай сомамен де, бөліктермен (транштармен) де берілуі мүмкін;

      7) қарыз шарты – шарттары бойынша микрокредит беру ұйымы кейіннен шағын қалаларда және ауылдық елді мекендерде (олардың әкімшілік бағыныстылығына қарамастан) микрокредит беру үшін микроқаржы ұйымына кредит беретін микрокредит беру ұйымы мен микроқаржы ұйымы арасында жасалатын жазбаша келісім;

      8) қызмет көрсетуші банк – қарыз шарттары бойынша субсидияларды аудару мен есептен шығаруға арналған арнайы ағымдағы шотты жүргізу жөніндегі функцияларды жүзеге асыруға уәкілетті екінші деңгейдегі банк;

      9) микрокредит беру ұйымы – "Аграрлық несие корпорациясы" акционерлік қоғамы;

      10) микроқаржы ұйымы (бұдан әрі – МҚҰ) – коммерциялық ұйым болып табылатын, ресми мәртебесі әділет органдарында мемлекеттік тіркелумен және есептік тіркеуден өтуімен айқындалатын, микрокредиттер беру жөнiндегi қызметті, сондай-ақ "Микроқаржы ұйымдары туралы" 2012 жылғы 26 қарашадағы Қазақстан Республикасы Заңында рұқсат етілген қосымша қызмет түрлерін жүзеге асыратын заңды тұлға;

      11) операциялық шығыстар – Бағдарлама шеңберінде микрокредит беру ұйымынан қаражат алған сәттен бастап микрокредит беру саласындағы қызметті жүзеге асырумен байланысты МҚҰ шығындары;

      12) өтінім – электрондық цифрлық қолтаңба қойылған, осы Қағидаларға қосымшаға сәйкес нысан бойынша микрокредит беруге жұмсалатын операциялық шығыстарды өтеу үшін субсидиялар қаражатын төлеуге арналған МҚҰ-ның электрондық өтінімі;

      13) субсидиялар қаражатын бөлу жөніндегі уәкілетті орган (бұдан әрі – жұмыс органы) – ЖАО-ның ауыл шаруашылығын басқару функциясын іске асыратын құрылымдық бөлімшесі;

      14) субсидиялаудың ақпараттық жүйесі – субсидиялау процестерін орындау жөніндегі қызметтерді көрсетуге арналған, "электрондық үкімет" веб-порталымен өзара іс-қимыл жасауға, субсидиялар алуға арналған өтінімді тіркеуге, сондай-ақ өтінімді субсидиялау шарттарына сәйкестігіне автоматты түрде тексеру арқылы оны өңдеуге мүмкіндік беретін ақпараттық-коммуникациялық технологиялардың, қызмет көрсетуші персоналдың және техникалық құжаттаманың ұйымдастырылып, ретке келтірілген жиынтығы;

      15) субсидиялаудың ақпараттық жүйесінің веб-порталы (бұдан әрі – веб-портал) – Интернет желісінде орналастырылған, субсидиялаудың ақпараттық жүйесіне қолжетімділік беретін интернет-ресурс;

      16) субсидиялауға арналған өтінімдердің электрондық тізілімі (бұдан әрі – тізілім) – субсидиялауға арналған өтінімдер туралы, сондай-ақ қарыз алушылар, кредиторлар туралы мәліметтер жиынтығы және субсидиялаудың ақпараттық жүйесінде көрсетілген өзге де мәліметтер;

      17) электрондық цифрлық қолтаңба (бұдан әрі – ЭЦҚ) – цифрлық қолтаңба құралдарымен жасалған және электрондық құжаттың дұрыстығын, оның тиістілігін және мазмұнының өзгермейтінін растайтын, ұлттық куәландырушы орталық берген электрондық цифрлық символдар жиынтығы.

      3. Шағын қалаларда және ауылдық елді мекендерде (олардың әкімшілік бағыныстылығына қарамастан) МҚҰ берген микрокредиттерді беруге жұмсалған операциялық шығыстар субсидиялауға жатады. МҚҰ субсидияларды алушылар болып табылады.

      4. Субсидиялауға субсидиялаудың ақпараттық жүйесімен интеграцияланған порталда жасалған түпкілікті қарыз алушыларға кредит беру шарттары бойынша микрокредиттер беруге жұмсалған операциялық шығыстар жатады.

      5. Операциялық шығыстарды субсидиялау жүзеге асырылып қойған бұрын берілген микрокредиттердің қайтарым қаражаты (негізгі борышты өтеу және сыйақы бойынша төлемдер) есебінен МҚҰ берген, микрокредиттер беруге жұмсалған операциялық шығыстар субсидиялауға жатпайды.

      6. Субсидиялар микрокредит беру үшін шағын қалаларда және ауылдық елді мекендерде микрокредит беру ұйымы МҚҰ-ға берген негізгі қаражат көлеміне сәйкес МҚҰ-ға төленеді.

      7. МҚҰ жасалған субсидиялау шарттары бойынша жұмыс органы субсидиялар сомаларын аудару үшін арнайы банктік шот ашады, ал мұндай мүмкіндік болмаған жағдайда, қызмет көрсетуші банкте арнайы шот ашады.

2-тарау. Субсидиялар алу шарттары

      8. Субсидиялар мынадай шарттар сақталған кезде төленеді:

      1) МҚҰ-ның "электрондық үкімет" веб-порталы арқылы өтінім беруі;

      2) "электрондық үкімет" веб-порталы мен субсидиялаудың ақпараттық жүйесінің өзара ақпараттық іс-қимылы Қазақстан Республикасының заңнамасына сәйкес жүзеге асырылады;

      3) субсидиялаудың ақпараттық жүйесінде өтінімнің тіркелуі;

      4) субсидиялаудың ақпараттық жүйесінде деректері субсидиялаудың ақпараттық жүйесінің "Заңды тұлғалар" немесе "Жеке тұлғалар" мемлекеттік дерекқорларымен өзара ақпараттық іс-қимылы нәтижесінде расталған МҚҰ-ның жеке шотының болуы;

      5) қарыз алушының кредит алынғаны туралы есептік шотынан немесе кредит аударылғанын растайтын құжаттан үзінді-көшірме.

3-тарау. Субсидияларды есептеу тәртібі

      9. Субсидия мөлшері мынадай формула бойынша есептеледі:

      Ссуб – субсидияланатын операциялық шығыстар сомасы;

      Сигер – микрокредит беру ұйымынан алынған қорландыру есебінен шағын қалаларда және ауылдық елді мекендерде МҚҰ берген микрокредитті игеру сомасы;

      Салын – осы қарыз шарты бойынша бұрын алынған субсидиялар сомасы.

      Бөлшекті цифр алынған жағдайда, нәтижесін азаю жағына қарай бүтін цифрге дөңгелектеу қажет.

      10. Субсидиялар мөлшері микрокредит беру ұйымынан алынған қорландыру есебінен шағын қалаларда және ауылдық елді мекендерде МҚҰ берген микрокредиттер көлемінің 10%-ын құрайды.

4-тарау. Субсидиялар төлеу тәртібі

      11. Өтінімдерді қабылдау МҚҰ-ның тіркелген жері (заңды мекенжайы) бойынша тиісті жылдың 1 ақпанынан бастап 1 желтоқсанына (қоса алғанда) дейін жүзеге асырылады.

      Веб-портал (бұдан әрі – Жеке кабинет) арқылы тізілім деректеріне қолжетімділік беру үшін:

      1) субсидиялаудың ақпараттық жүйесінде өздігінен тіркелу үшін МҚҰ-ның ЭЦҚ-сы болуы тиіс;

      2) жұмыс органы, микрокредит беру ұйымы, уәкілетті орган жыл сайын көрсетілетін қызметтерді жеткізушіге ЭЦҚ-сы бар жұмыскерлердің өзектендірілген тізімдерін жібереді.

      12. Жеке кабинетте тіркелу үшін МҚҰ мынадай мәліметтерді көрсетеді:

      1) жеке кәсіпкерлер үшін: жеке сәйкестендіру нөмірі (бұдан әрі – ЖСН), аты, әкесінің аты (бар болса), тегі;

      2) заңды тұлғалар мен (өкілдіктер) шетелдік заңды тұлғалардың филиалдары үшін: бизнес-сәйкестендіру нөмірі (бұдан әрі – БСН), толық атауы; бірінші басшының аты, әкесінің аты (бар болса), тегі және ЖСН-сы;

      3) байланыс деректері (почталық мекенжайы, телефоны, электрондық почта мекенжайы);

      4) екінші деңгейдегі банктегі ағымдағы шотының деректемелері.

      Жоғарыда көрсетілген деректер өзгерген кезде МҚҰ бір жұмыс күні ішінде Жеке кабинетіне енгізілген дербес шотының деректерін өзгертеді.

      13. Жеке кабинетте өтінімді қалыптастыру мен тіркеу мынадай тәртіппен жүргізіледі:

      1) осы Қағидалардың 11-тармағының 3) және 4) тармақшаларындағы талаптарды субсидиялаудың ақпараттық жүйесінің тексеруі үшін қажетті мәліметтерді енгізе отырып, өтінім қалыптастырылады;

      2) өтінім МҚҰ-ның оған қол қоюы және микрокредит беру ұйымының ЭЦҚ пайдалана отырып растауы жолымен субсидиялаудың ақпараттық жүйесінде тіркеледі және жұмыс органының Жеке кабинетінде қолжетімді болады. Жұмыс органының электрондық мекенжайына өтінімнің қарауға келіп түскені туралы электрондық хабарлама жіберіледі.

      Егер, жұмыс органы төлем тапсырмаларын қалыптастырғанға дейін тіркелген өтінімдегі мәліметтердің сәйкессіздігі анықталса, МҚҰ кері қайтару себебін көрсете отырып, өтінімді кері қайтарып алуға құқылы.

      14. Микрокредит беру ұйымы өтінім келіп түскен сәттен бастап бір жұмыс күні ішінде МҚҰ өтінімде көрсеткен ақпаратты растайды немесе деректер дұрыс емес болған жағдайда, растаудан бас тартады.

      15. Жұмыс органы бір жұмыс күні ішінде өтінім тіркелген сәттен бастап ЭЦҚ-ны пайдалана отырып, қол қойылған тиісті хабарламаны қабылдау жолымен оны растайды. Бұл хабарлама МҚҰ-ның субсидиялаудың ақпараттық жүйесі Жеке кабинетінде қол жетімді жағдайда дербес тіркеу.

      Субсидия беруден бас тарту "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 19-1-бабының 2-тармағына сәйкес жүзеге асырылады.

      16. Жұмыс органы Қаржыландыру жоспарына сәйкес осы Қағидалардың 11-тармағына сай өтінім берілгеннен кейін екі жұмыс күні ішінде субсидиялаудың ақпараттық жүйесінде "Қазынашылық-Клиент" ақпараттық жүйесіне жүктелетін субсидиялар төлеуге арналған төлем тапсырмаларын қалыптастырады.

      Субсидиялар көлемі тиісті айға арналған Қаржыландыру жоспарында көзделген бюджет қаражаты көлемінен асып кететін өтінімдер бойынша субсидиялар төлеу келесі айда жүзеге асырылады.

      17. Субсидиялау мынадай жағдайларда тоқтатылады:

      1) МҚҰ-ның негізгі борышты өтеу және/немесе сыйақы бойынша міндеттемелерін күнтізбелік 90 күннен астам мерзімде орындамауы;

      2) заңды күшіне енген сот шешімі бойынша МҚҰ-ның шоттарына тыйым салынуы;

      3) қарыз шарты бойынша МҚҰ-ның микрокредит беру ұйымы алдындағы міндеттемелерін толықтай өтеуі;

      4) МҚҰ-ның бюджеттік субсидияларды алудан бас тарту туралы жазбаша өтініші;

      5) қарыз шартын бұзу.

5-тарау. Мониторинг

      18. Микрокредит беру ұйымы ай сайын, есепті айдан кейінгі айдың 3-іне дейінгі мерзімде жұмыс органына МҚҰ арқылы микрокредит берудің нақты игерілген сомасы және субсидиялау көлемі туралы ақпарат береді.

      Жұмыс органы микрокредит беру ұйымының ақпараты негізінде халықты жұмыспен қамту орталықтарына және уәкілетті органға ақпаратты ай сайын, есепті айдан кейінгі айдың 5-іне дейінгі мерзімде, жартыжылдық және есептік жыл қорытындылары бойынша ақпаратты есепті айдан кейінгі айдың 10-ына дейінгі мерзімде береді.

      19. Уәкілетті орган жұмыс органының ақпараты негізінде ай сайын, есепті айдан кейінгі айдың 10-ына дейін халықты жұмыспен қамту мәселелері жөніндегі уәкілетті органға МҚҰ арқылы берілген микрокредиттер және субсидиялау сомалары жөнінде ақпарат береді.

Микроқаржы ұйымдарының операциялық шығыстарын субсидиялауға арналған өтінім

      (кімге)_____________________________________________________

      басқармасына (облыстың, республикалық маңызы бар қаланың, астананың)

      (кімнен)________________________________________________________________

      (микроқаржы ұйымының толық атауы)

      субсидиялауға жататын қарыз шарттары туралы ақпаратқа сәйкес бюджеттен

      микроқаржы ұйымының № _________________ шотына _______________________ теңге

      сомасында қаражат аударуды сұраймын.

      1. Өтінім беруші туралы мәліметтер. Заңды тұлға және шетелдік заңды тұлғаның

      филиалы (өкілдігі) үшін:

      атауы___________________________________________________________________

      БСН (бизнес-сәйкестендіру нөмірі) __________________________________________

      басшысының аты, әкесінің аты (бар болса), тегі _______________________________

      мекенжайы:_____________________________________________________________

      телефон (факс) нөмірі:_____________________________________________________

      Жеке тұлға үшін: аты, әкесінің аты (бар болса),

      тегі ___________________________________________

      ЖСН (жеке сәйкестендіру нөмірі) ___________________________________________

      жеке басын куәландыратын құжат:

      нөмірі __________________________________________________________________

      кім берді________________________________________________________________

      берілген күні_____________________________________________________________

      мекенжайы:_____________________________________________________________

      телефон (факс) нөмірі:_____________________________________________________

      Жеке тұлға үшін дара кәсіпкер ретінде қызметінің басталғаны туралы хабарлама:

      орналасқан жері__________________________________________________________

      хабарлау күні____________________________________________________________

      2. Екінші деңгейлі банктегі МҚҰ-ның арнайы шотының мәліметтері: ЖСН/БСН (жеке

      сәйкестендіру нөмірі/бизнес-сәйкестендіру нөмірі)

      ________________________________________________________________________

      Кбе (бенефициар коды) ___________________________________________________

      Банктің деректемелері:____________________________________________________

      Банктің атауы:____________________________________________________________

      БСК (банктік сәйкестендіру коды) ___________________________________________

      ЖСК (жеке сәйкестендіру коды) _____________________________________________

      БСН (бизнес-сәйкестендіру нөмірі) __________________________________________

      Кбе (бенефициар коды) ___________________________________________________

      3. Субсидиялауға жататын қарыз шарттары (бұдан әрі – КШ) туралы ақпарат

      (кестенің жалғасы)

      Ескертпе: *айналым қаражатын толтыру/негізгі құралдарды сатып алу/құрылыс

      (қажеттісі көрсетілсін).

      Осымен:

      1) қарыз шарттары бойынша басқа мемлекеттік және/немесе бюджеттік бағдарламалар

      бойынша сыйақы мөлшерлемесін субсидиялау түріндегі қолдау көрсетілмейтіні;

      2) МҚҰ қызметінің ұйымдастырушылық-құқықтық нысанын өзгерту сатысында,

      тарату немесе банкроттық жағдайда еместігі, сондай-ақ қаржылық берешекті қайта

      құрылымдау және жеделдетілген оңалту рәсімін қоспағанда, қызметі Қазақстан

      Республикасының заңнамасына сәйкес уақытша тоқтатылмағаны;

      3) микрокредиттердің нысаналы мақсаты Шағын қалаларда және ауылдық елді

      мекендерде кредит және микрокредит беру қағидаларына сәйкес келетіні расталады.

      Микроқаржы ұйымдарының операциялық шығыстарын субсидиялау қағидаларының

      шарттарымен және талаптарымен келісетінімді растаймын.

      Ұсынылған ақпараттың дұрыстығын растаймын, дұрыс емес мәліметтер ұсынғаным

      үшін Қазақстан Республикасының заңнамасына сәйкес жауапкершілік туралы хабардармын

      және заңмен қорғалатын құпияны қамтитын мәліметтерді пайдалануға, сондай-ақ дербес

      деректерді және өзге де ақпаратты жинауға, өңдеуге, сақтауға, шығарып алуға және

      пайдалануға келісім беремін.

      Микроқаржы ұйымы 20__ жылғы "__"__________ сағат 00:00-де қол қойып, жіберді:

      ЭЦҚ-дан алынған деректер

      ЭЦҚ-ның қойылған күні және уақыты

      Өтінімнің қабылданғаны туралы хабарлама:

      Жұмыс органы 20__ жылғы "__" ______ сағат 00:00-де қабылдады

      ЭЦҚ-дан алынған деректер

      ЭЦҚ-ның қойылған күні және уақыты