Селекциялық жетістіктердің мемлекеттік тізіліміндегі селекциялық жетістіктерді тіркеу және қорғау құжаттары мен олардың телнұсқаларын беру, патенттердің күшін жою және қолданысын мерзімінен бұрын тоқтату қағидаларын бекіту туралы

      "Селекциялық жетістіктерді қорғау туралы" 1999 жылғы 13 шілдедегі Қазақстан Республикасы Заңының 3-1-бабының 2-тармағының 2) тармақшасына сәйкес БҰЙЫРАМЫН:

      1. Қоса беріліп отырған Селекциялық жетістіктердің мемлекеттік тізіліміндегі селекциялық жетістіктерді тіркеу және қорғау құжаттары мен олардың телнұсқаларын беру, патенттердің күшін жою және қолданысын мерзімінен бұрын тоқтату қағидалары бекітілсін.

      2. Қазақстан Республикасы Әділет министрлігінің Зияткерлік меншік құқығы департаменті заңнамада белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрық мемлекеттік тіркелген күннен бастап күнтізбелік он күн ішінде Қазақстан Республикасының нормативтік құқықтық актілерінің эталондық бақылау банкінде ресми жариялау және енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына қазақ және орыс тілдерінде жіберуді;

      3) осы бұйрықты ресми жариялағаннан кейін Қазақстан Республикасы Әділет министрлігінің интернет-ресурсында орналастыруды қамтамасыз етсін.

      3. Осы бұйрықтың орындалуын бақылау Қазақстан Республикасының Әділет вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Селекциялық жетістіктердің мемлекеттік тізіліміндегі селекциялық жетістіктерді тіркеу және қорғау құжаттары мен олардың телнұсқаларын беру, патенттердің күшін жою және қолданысын мерзімінен бұрын тоқтату қағидалары

      Ескерту. Қағида жаңа редакцияда – ҚР Әділет министрінің 30.04.2020 № 19 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер.

      1. Осы Селекциялық жетістіктердің мемлекеттік тізіліміндегі селекциялық жетістіктерді тіркеу және қорғау құжаттары мен олардың телнұсқаларын беру, патенттердің күшін жою және қолданысын мерзімінен бұрын тоқтату қағидалары (бұдан әрі – қағидалар) "Селекциялық жетістіктерді қорғау туралы" 1999 жылғы 13 шілдедегі Қазақстан Республикасы Заңына (бұдан әрі – Заң), "Мемлекеттік көрсетілетін қызметтер туралы" Қазақстан Республикасының 2013 жылғы 15 сәуірдегі Заңына (бұдан әрі – Мемқызметтер туралы заң) сәйкес әзірленген және Селекциялық жетістіктердің мемлекеттік тізіліміндегі селекциялық жетістіктерді тіркеу және қорғау құжаттары мен олардың телнұсқаларын беру, патенттердің күшін жою және қолданысын мерзімінен бұрын тоқтатуды, сондай-ақ мемлекеттік қызмет көрсету тәртібін белгілейді.

      2. Осы қағидаларда мынадай негізгі ұғымдар пайдаланылады:

      1) бюллетень – селекциялық жетістіктердің мәселелерін қорғау бойынша мерзімді ресми баспа;

      2) ДЗМҰ – Дүниежүзілік зияткерлік меншік ұйымы;

      3) ИНИД – библиографиялық деректерді сәйкестендірудің халықаралық кодтары;

      4) Селекциялық жетістіктердің мемлекеттік тізілімі– патент берілген сұрып пен тұқым түрлері енгізілген Қазақстан Республикасы мемлекеттік тізіліміндегі қорғалатын өсімдіктер сұрыптары және Қазақстан Республикасы мемлекеттік тізіліміндегі қорғалатын жануарлар тұқымы тізілімі;

      5) Мемлекеттік комиссия – ауыл шаруашылығы дақылдарының сұрыптарын сынақтан өткізу жөніндегі мемлекеттік комиссия және агроөнеркәсіптік кешенді дамыту саласындағы уәкілетті органның тұқымдарды сынақтан өткізу және сапасын анықтау жөніндегі мемлекеттік комиссиясы;

      6) патенттік сенім білдірілген өкілдер – Қазақстан Республикасының заңнамасына сәйкес уәкілетті орган мен сараптама жасау ұйымы алдында жеке және заңды тұлғаларға өкілдік етуге құқық берілген Қазақстан Республикасының азаматтары;

      7) селекциялық жетістік – патент берілген, адамның шығармашылық енбегінің нәтижесінде пайда болған өсімдіктің жаңа сұрыбы мен жануарлардың жаңа тұқымы.

      8) "электрондық үкіметтің" веб-порталы www.egov.kz, www.elіcense.kz (бұдан әрі – портал) – нормативтік құқықтық базаны қоса алғанда, барлық шоғырландырылған үкіметтік ақпаратқа және мемлекеттік қызметтерге, табиғи монополиялар субъектілерінің желілеріне қосуға техникалық шарттарды беру жөніндегі қызметтерге және квазимемлекеттік сектор субъектілерінің қызметтеріне қол жеткізудің бірыңғай терезесін білдіретін ақпараттық жүйе;

      9) "электрондық үкімет" төлем шлюзі (бұдан әрі – ЭҮТШ) – электрондық нысанда көрсетілетін ақылы қызметтер көрсету шеңберінде төлемдер жүргізу туралы ақпаратты беру процесін автоматтандыратын ақпараттық жүйе;

      10) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық нышандар терімі.

2-тарау. Қазақстан Республикасының селекциялық жетістіктерін мемлекеттік тізілімде тіркеу

      3. Қазақстан Республикасы Әділет министрлігінің "Ұлттық зияткерлік меншік институты" шаруашылық жүргізу құқығындағы республикалық мемлекеттік кәсіпорнының (бұдан әрі – көрсетілетін қызметті беруші) патент беру туралы шешімі негізінде және мемлекеттік комиссияның қорғау құжатын беру туралы шешімі негізінде көрсетілетін қызметті берушінің құжаттарды патент беруге дайындау және жариялау қызметі үшін төлем жасалғанын растайтын құжатты ұсынған жағдайда Селекциялық жетістіктердің мемлекеттік тізіліміне мәлімет енгізіледі.

      4. Селекциялық жетістіктерді мемлекеттік тізілімге тіркеу кезінде мынадай мәліметтер енгізіледі:

      1) патенттің нөмірі;

      2) құжат түрінің сөздік белгісі;

      3) тіркеу нөмірі және өтініш беру күні;

      4) патенттің жарияланған күні;

      5) егер өтінім бойынша көрсетілетін қызметті берушіге берген күннен өтінім бойынша өнертабыстың неғұрлым ертерек басымдығы анықталған болса, алғашқы өтінім берілген елдің (ДЗМҰ ST.3 стандартына сәйкес) нөмірі, берген күні және коды (ол бойынша қосымша материалдар түскен күні);

      6) автордың (авторлардың) А.Т.Ә. (болған жағдайда) және ДЗМҰ ST.3 стандартына сәйкес оның тұрғылықты елінің (орналасқан елінің) коды (кодтары);

      7) А.Т.Ә. (болған жағдайда) немесе патент иеленушінің атауы, ДЗМҰ ST.3 стандарттарына сәйкес оның тұрғылықты елінің (орналасқан елдің) коды (кодтары);

      8) селекциялық жетістіктің атауы (өсімдік пен жануардың түрі, сұрыбы, сұрып пен тұқымның аталуы);

      9) патенттік сенім білдірілген өкіл немесе басқа өкіл туралы мәлімет.

3-тарау. Қорғау құжатын беру тәртібі

      5. "Селекциялық жетістікке қорғау құжатын беру" мемлекеттік қызметі (бұдан әрі – мемлекеттік көрсетілетін қызмет) көрсетілетін қызметті берушімен көрсетіледі.

      6. Мемлекеттік қызметті алу үшін жеке және (немесе) заңды тұлға (бұдан әрі – көрсетілетін қызметті алушы) осы қағидалардың 1-қосымшасындағы "Селекциялық жетістікке қорғау құжатын беру" мемлекеттік көрсетілетін қызмет стандартының (бұдан әрі – стандарт) 8-тармағында көрсетілген қосымша құжаттарымен осы қағидалардың 2-қосымшасына сәйкес ЭЦҚ-мен қол қойылған электрондық құжат түріндегі өтінішті көрсетілетін қызметті берушіге портал арқылы жолдайды.

      7. Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін ескере отырып өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі стандартта келтірілген.

      Төлем қолма-қол ақшасыз аударым тәсілімен көрсетілетін қызметті берушінің "newscab.kazpatent.kz" ақпараттық жүйесімен түйістірілген екінші деңгейлі банктің төлем шлюзі арқылы, осы қағидалардың 3-қосымшасында көрсетілген банктік ревизиттер (бұдан әрі – банктік реквизиттер) бойынша жүзеге асырылады.

      Көрсетілетін қызметті алушы өтінішті портал арқылы жіберген кезде, мемлекеттік қызмет көрсетуге сұранысты қабылдау күйі автоматты түрде "жеке кабинетте" көрсетіледі.

      8. Мемлекеттік қызметті көрсетуге арналған өтінішке көрсетілетін қызметті берушіге келіп түскен сәтте автоматты түрде тіркеу нөмірі енгізіледі.

      Көрсетілетін қызметті алушы Қазақстан Республикасының еңбек заңнамасына сәйкес жұмыс уақыты аяқталғаннан кейін, демалыс және мереке күндері жүгінген кезде өтініштер қабылдау мен мемлекеттік қызмет көрсету нәтижелерін беру келесі жұмыс күні жүзеге асырылады.

      Көрсетілетін қызметті беруші құжаттарды тіркеген сәттен бастап 5 (бес) жұмыс күні ішінде ұсынылған құжаттардың толықтығын тексереді.

      Төлемді растайтын құжат туралы мәліметтерді көрсетілетін қызметті беруші "электрондық үкімет" шлюзі арқылы тиісті мемлекеттік ақпараттық жүйеден алады.

      Тиісті құжаттарды тексеру және төлем нәтижелері бойынша, сондай-ақ бас тартуға негіздер болмаған жағдайда, көрсетілетін қызметті беруші 5 (бес) жұмыс күні ішінде мемлекеттік қызмет көрсету туралы хабарлама дайындайды және осы қағидалардың 4-қосымшасына сәйкес электрондық нысанда көрсетілетін қызметті алушының "жеке кабинетіне" жолдайды.

      Көрсетілетін қызметті алушы құжаттар топтамасын толық ұсынбаған жағдайда немесе стандарттың 9-тармағында көрсетілген негіздер бойынша жауапты орындаушы көрсетілген мерзімде көрсетілетін қызметті берушінің уәкілетті тұлғасының ЭЦҚ-мен куәландырылған осы қағидалардың 5-қосымшасына сәйкес нысан бойынша өтінішті одан әрі қарау туралы дәлелді бас тартуды дайындайды және көрсетілетін қызметті алушыға жолдайды.

      9. Патент осы қағидалардың 6-қосымшасына сәйкес нысан бойынша қазақ, орыс және ағылшын тілдерінде беріледі.

      Атына патент сұратылып отырған бірнеше адам болған жағдайда Заңның 13-бабына сәйкес оларға бір патент беріледі.

      10. Патент иеленуші болып табылмайтын селекциялық жетістіктің авторына осы қағидалардың 7-қосымшасына сәйкес нысан бойынша оның авторлығын растайтын куәлік беріледі.

      Автор куәлігі өтінім берушіге патент беруге арналған өтінімде көрсетілген селекциялық жетістіктің әрбір авторы үшін автор куәлігін беруді дайындау жөніндегі көрсетілетін қызметті берушінің қызмет ақысын растау кезінде беріледі. Патент және автор (лар) куәліктері жиынтықта өтініш берушіге жіберіледі.

      11. Егер патент беру туралы өтінішті Қазақстан Республикасының аумағында тұратын немесе тұрған бірнеше адам бірлесіп берсе, онда патент пен авторлардың куәлігі Қазақстан Республикасының аумағында тұратын немесе тұрған бірінші көрсетілген патент иеленушіге беріледі.

      12. Көрсетілетін қызметті беруші Мемқызметтер туралы заңның 5-бабының 11) тармақшасына сәйкес мемлекеттік қызмет көрсету сатысы туралы деректерді мемлекеттік қызметтер көрсету мониторингінің ақпараттық жүйесіне ақпараттандыру саласындағы уәкілетті орган белгілеген тәртіппен енгізуді қамтамасыз етеді.

4-тарау. Қорғау құжатының телнұсқасын беру тәртібі

      13. Патент (автор куәлігі) түпнұсқасы жоғалған немесе жарамсыз болған жағдайда көрсетілетін қызметті беруші олардың телнұсқасын береді.

      14. Қорғау құжатының телнұсқасын беруді көрсетілетін қызметті беруші көрсетеді.

      15. Мемлекеттік көрсетілетін қызметті алу үшін жеке және (немесе) заңды тұлға (бұдан әрі – көрсетілетін қызметті алушы) портал арқылы осы қағидалардың 8-қосымшасына сәйкес ЭЦҚ қойылған электрондық құжат нысанында стандарттың 8-тармағында көрсетілген құжаттарды қоса бере отырып, өтінішхат жолдайды.

      16. Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін ескере отырып өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі стандартта келтірілген.

      Төлем қолма-қол ақшасыз аударым тәсілімен көрсетілетін қызметті берушінің "newscab.kazpatent.kz" ақпараттық жүйесімен түйістірілген екінші деңгейлі банктің төлем шлюзі арқылы банктік ревизиттер бойынша жүзеге асырылады.

      Көрсетілетін қызметті алушы өтінішті портал арқылы жіберген кезде, мемлекеттік қызмет көрсетуге сұранысты қабылдау күйі автоматты түрде "жеке кабинетте" көрсетіледі.

      17. Мемлекеттік қызметті көрсетуге арналған өтінішке көрсетілетін қызметті берушіге келіп түскен сәтте автоматты түрде тіркеу нөмірі енгізіледі.

      Көрсетілетін қызметті алушы Қазақстан Республикасының еңбек заңнамасына сәйкес жұмыс уақыты аяқталғаннан кейін, демалыс және мереке күндері жүгінген кезде өтініштер қабылдау мен мемлекеттік қызмет көрсету нәтижелерін беру келесі жұмыс күні жүзеге асырылады.

      Көрсетілетін қызметті беруші құжаттарды тіркеген сәттен бастап 5 (бес) жұмыс күні ішінде ұсынылған құжаттардың толықтығын тексереді.

      Төлемді растайтын құжат туралы мәліметтерді көрсетілетін қызметті беруші "электрондық үкімет" шлюзі арқылы тиісті мемлекеттік ақпараттық жүйеден алады.

      Тиісті құжаттарды тексеру және төлем нәтижелері бойынша, сондай-ақ бас тартуға негіздер болмаған жағдайда, көрсетілетін қызметті беруші 5 (бес) жұмыс күні ішінде мемлекеттік қызмет көрсету туралы хабарлама дайындайды және осы қағидалардың 9-қосымшасына сәйкес электрондық нысанда көрсетілетін қызметті алушының "жеке кабинетіне" жолдайды.

      Көрсетілетін қызметті алушы құжаттар топтамасын толық ұсынбаған жағдайда немесе стандарттың 9-тармағында көрсетілген негіздер бойынша жауапты орындаушы көрсетілген мерзімде көрсетілетін қызметті берушінің уәкілетті тұлғасының ЭЦҚ-мен куәландырылған осы қағидалардың 10-қосымшасына сәйкес нысан бойынша өтінішті одан әрі қарау туралы дәлелді бас тартуды дайындайды және көрсетілетін қызметті алушыға жолдайды.

      18. Телнұсқа онда көрсетілген мәліметтердің құрамы бойынша берілген патенттің түпнұсқасына сәйкес келеді, онымен бірдей заңды күші бар және қазақ, орыс тілдерінде "Телнұсқа" деген мөртаңба қойылып, тиісті патент нысаны бойынша беріледі.

      Телнұсқа берілген жағдайда телнұсқа беру туралы мәліметтер бюллетеньде жарияланған күннен бастап қорғау құжатының түпнұсқасы заңды күші жоқ деп есептеледі.

      19. Көрсетілетін қызметті беруші Мемқызметтер туралы заңның 5-бабының 11) тармақшасына сәйкес мемлекеттік қызмет көрсету сатысы туралы деректерді мемлекеттік қызметтер көрсету мониторингінің ақпараттық жүйесіне ақпараттандыру саласындағы уәкілетті орган белгілеген тәртіппен енгізуді қамтамасыз етеді.

5-тарау. Мемлекеттік қызмет көрсету мәселелері бойынша көрсетілетін қызметті берушілердің және (немесе) олардың лауазымды тұлғаларының шешімдеріне, әрекеттеріне (әрекетсіздігіне) шағымдану тәртібі

      20. Көрсетілетін қызметті берушінің құрылымдық бөлімшелері қызметкерлерінің шешіміне, әрекеттеріне (әрекетсіздігіне) шағым көрсетілетін қызметті беруші басшысының атына және (немесе) Қазақстан Республикасының заңнамасына сәйкес мемлекеттік қызметтер көрсету сапасын бағалау және бақылау жөніндегі уәкілетті органға беріледі.

      Көрсетілетін қызметті берушінің мекенжайына келіп түскен көрсетілетін қызметті алушының шағымы Мемқызметтер туралы заңның 25-бабының 2-тармағына сәйкес тіркелген күнінен бастап бес жұмыс күні ішінде қаралуға жатады.

      Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы тіркелген күнінен бастап он бес жұмыс күні ішінде қаралуға жатады.

      21. Мемлекеттік көрсетілген қызметтің нәтижелерімен келіспеген жағдайда, Қазақстан Республикасының заңнамасында белгіленген тәртіппен көрсетілетін қызметті алушы сотқа жүгінеді.

6-тарау. Патентті күшінде ұстап тұру

      22. Заңның 14-бабының 5-тармағының 3) тармақшасына сәйкес патент иеленуші жыл сайын патентті күшінде ұстау үшін өтінім берілген күнге сәйкес келетін күнге ақы төлейді. Көрсетілетін қызметті беруші патент берілгеннен кейін он жұмыс күні ішінде патент иеленушіге осы қағидалардың 11-қосымшасына сәйкес нысан бойынша қорғау құжатын күшінде ұстау жөнінде хабарлама жібереді.

      23. Қорғау құжатын күшінде ұстап тұру үшін алғашқы төлем қорғау құжатын беру туралы мәліметтер жарияланған күннен бастап екі ай мерзімде жүргізіледі және өтінім берілген күннен бастап алдындағы жылдар үшін төлемді қамтиды.

      Қорғау құжатын күшінде ұстау үшін оның қолданылатын әрбір келесі жылы үшін ақы төлеу қорғау құжаты қолданылатын ағымдағы жыл ішінде жүргізіледі.

      24. Қорғау құжатын күшінде ұстау үшін төлем жүргізілгеннен кейін патент иеленуші немесе өкіл көрсетілетін қызметті берушіге төлем құжаттарының көшірмелерін ұсынуы қажет.

      Көрсетілетін қызметті беруші төлем туралы құжат болған жағдайда қорғау құжатын келесі жылға күшінде ұстау туралы Мемлекеттік тізілімдерге мәліметтерді енгізеді.

      Белгіленген мерзімнен кейін ақысы төленген жағдайда өнеркәсіптік меншік сақтау құқықтар қорғауға қарастырылған баж төлеу туралы Париж конвенциясының (bіs) 5 бабы (1) тармағына сәйкес қосымша баж төлеген жағдайда мерзімнен өту күнінен басталып алты айды құрайтын жеңілдетілген төлем мерзімі ұсынылады. Осы жағдайда төлем көлемі белгіленген бағадан 50 пайызға жоғары болады.

7-тарау. Селекциялық жетістіктердің мемлекеттік тізілімдеріне өзгерістер енгізу

      25. Көрсетілетін қызметті беруші Мемлекеттік тізілімге патенттің құқықтық мәртебесінің келесі өзгерістері туралы мәліметтерді оны апелляциялық кеңестің, сот органдарының шешімдері, уәкілетті органның хабарламалары және патент иеленушілердің (олардың құқықтық мирасқорларының немесе өкілдерінің) ұсыныстарымен:

      1) Мемлекеттік тізілімнің жазбаларындағы қателерді түзету туралы;

      2) тіркелген құқық беру туралы, тіркелген құқықты ұсыну туралы;

      3) тіркелген құқықты беруге тіркелген құқықты ұсынуға қатысты келесі өзгерістер туралы;

      4) патентті толық немесе ішінара жарамсыз деп тануға байланысты оның күшін жою туралы;

      5) патент иеленушінің ұсынысы бойынша патенттің қолданылуын тоқтату туралы;

      6) белгіленген мерзімде төлем жүргізілмеген кезде патенттің қолданылуын мерзімінен бұрын тоқтату туралы;

      7) патент иеленушінің атауына және оның мекенжайына өзгерістер енгізу туралы;

      8) патент иеленуші өкілінің өзгеруі туралы;

      9) хат алмасу үшін мекенжайдың өзгеруі туралы;

      10) автордың, патент иеленушінің - жеке тұлғаның аты-жөнін,әкесінің аты, (бар болған жағдайда) және /немесе тұрғылықты жерінің мекенжайын, патент иесінің хат-хабар алмасу үшін мекенжайы өзгеру туралы;

      11) әртүрлілік сұрып, тұқым бойынша авторлық туралы енгізеді.

      26. Өзгерістер патент иеленушінің (құқық мирасқордың)немесе патент иесінің сенімхаты бойынша әрекет ететін өкілінің сараптама жасау ұйымына тиісті өзгерістерді енгізу туралы ұсыныс хатты беруі арқылы енгізіледі.

      27. Өтінішхат қазақ немесе орыс тілінде беріледі.

      Өтініш хатқа патент иеленуші немесе сенімхат негізінде әрекет ететін өкіл қол қояды (егер патент иеленушілер бірнеше адамдар тобы болса, өтінішхатқа аталған топқа кіретін барлық адамдар қол қояды).

      Өтініш хатқа мыналар қоса беріледі:

      1) тиісті өзгерісті растайтын құжаттардың көшірмелері;

      2) өзгерістерді енгізу үшін төлемді растайтын құжат;

      3) сенімхатпен (егер өтінішхат өкіл арқылы берілетін болса) сенімхаттың көшірмесі (егер өтінішхат патенттік сенім білдірілген өкіл арқылы берілетін болса).

      Өтініш хат және оған қоса берілетін құжаттар олардың көрсетілетін қызметті беруші келіп түскен күннен бастап 10 (он) жұмыс күні ішінде қаралады.

      28. Патент иеленушінің (патент иеленушілердің) атауына заңды тұлғаны қайта ұйымдастыруға байланысты өзгерістер енгізген кезде құқық мирасқоры өтінішхат береді және тиісті өзгерістерді растайтын құжаттар ұсынылады.

      29. Авторлар құрамына өзгерістер сот шешімі негізінде енгізіледі. Қорғау құжатында көрсетілген авторды құрамға енгізу немесе құрамнан шығару авторлар құрамының өзгеруі деп танылады.

      Авторлар құрамына өзгерістер қорғау құжатының нөмірі, енгізілетін немесе шығарылатын автордың тегі, аты және әкесінің аты (бар болған жағдайда), тұрғылықты жерінің мекенжайы көрсетіле отырып, авторлар құрамына тиісті өзгерістер енгізу туралы еркін нысанда өтініш беру арқылы сот шешімінің негізінде енгізіледі.

      Өтініш хатқа қоса беріледі:

      1) сот шешімінің көшірмесі;

      2) өзгеріс енгізуге төлемді растайтын құжат

      3) сенімхаттың көшірмесі (егер өтініш патенттік сенім білдірілген өкіл немесе өзге өкіл арқылы берілсе).

      Өтінішхат және қоса берілген қосымша құжаттар көрсетілетін қызметті беруші келіп түскен күннен бастап он жұмыс күні ішінде қаралады.

      30. Құжаттар топтамасы толық ұсынылмаған жағдайда, өтініш беруші сұрау салу жіберілген күннен бастап 20 (жиырма) жұмыс күнінен кешіктірмей көрсетілетін қызметті берушіге қажетті құжаттарды ұсынуы қажет. Тиісті құжаттар ұсынылмаған жағдайда өзгерістер енгізілмейді, бұл туралы өтініш берген тұлға хабардар етіледі.

      Өзгерістер енгізілген кезде тиісті мәліметтер мемлекеттік тізілімге енгізіледі, бюллетеньде жарияланады (патент иеленушінің мекен-жайы, хат алмасу үшін мекен-жайы мен өкілінен басқа) және патент иеленушінің мекен-жайына осы қағидалардың 12, 13-қосымшаларына сәйкес нысан бойынша хабарлама жіберіледі.

8-тарау. Селекциялық жетістікке патенттің қолданылу мерзімін ұзарту

      31. Патент иеленуші Заңның 3-бабының 5-тармағына сәйкес селекциялық жетістікке патенттің қолданылу мерзімін ұзарту туралы өтініш жасауға құқылы.

      Селекциялық жетістікке патенттің қолданылуының мерзімін ұзарту туралы өтініш хат (бұдан әрі – өтінішхат) көрсетілетін қызметті беруші оның соңғы қолданылу жылы бойы күшінде ұстап тұрған жағдайда (өсімдік сұрыптарына – патенттің 25 жыл қолданылуына, жануарлар тұқымдарына – патенттің 30 жыл қолданылуына, жүзім сұрыптарына, декоративтік ағаш түрлерінің, жеміс және орман дақылдарына – патенттің 35 жыл қолданылуына) осы қағиданың 14-қосымшасына сәйкес нысанына беріледі.

      32. Өтінішхатты патент иеленушісі немесе сенімхат негізінде әрекет ететін өкіл береді.

      33. Өтінішхат қазақ немесе орыс тілдерінде беріледі.

      34. Өтінішхатқа патентиеленуші қол қояды (егер патент иеленуші болып тұлғалар тобы саналатын жағдайда, осы топқа кіретін барлық тұлғалар өтінімге қол қояды) немесе патенттік сенім білдіруші, немесе сенімхат негізінде әрекет ететін өзгеде өкіл қол қояды.

      35. Өтініш хатқа қоса беріледі:

      1) селекциялық жетістіктер патентінің қолданылу мерзімін ұзартуға және бюллетенде ұзартылғаны туралы мәліметті жариялағаны үшін төлемін растайтын құжаты;

      2) сенімхат (егер өтінішхатты өкіл берсе) немесе (егер өтінішхатты патенттік сенім білдіруші берсе) сенімхаттың көшірмесі қоса беріледі.

      36. Өтінішхат және оған қоса берілген құжаттар сараптама ұйымына тікелей беріледі немесе пошта арқылы жіберіледі.

      37. Өтініш хат және қоса берілген құжаттар сараптама жасау ұйымына келіп түскен күннен бастап он жұмыс күні ішінде қаралады.

      38. Осы қағидалардың 33, 35-тармақтарына сәйкес құжаттар топтамасы толық ұсынылмаған жағдайда, өтініш беруші сұрау салу жіберілген күннен бастап 20 жұмыс күнінен кешіктірмей көрсетілетін қызметті берушіге қажетті құжаттарды ұсынуы қажет. Тиісті құжаттар ұсынылмаған жағдайда патенттің қолданылуы ұзартылмайды, бұл туралы өтінішхат берген тұлға хабардар етіледі.

      39. Егер өтінімді беру шарттары сақталса селекциялық жетістікке патенттің қолданылу мерзімі өтінішхатта көрсетілген бірақ 10 жылдан аспайтын мерзімге ұзартылады.

      Селекциялық жетістікке патенттің қолданылу мерзімінің ұзартылуы туралы мәлімет Қазақстан Республикасының селекциялық жетістіктерінің мемлекеттік тізіліміне енгізіледі және бюллетеннің ең жақын шығарылымында жарияланады.

      Патенттің қолданылу мерзімін ұзарту туралы тиісті хабарлама осы қағидалардың 15-қосымшасына сәйкес нысан бойынша өтінішхат берушінің атына жіберіледі.

      Өтінім, белгіленген мерзімнен кейін төлем берілген жағдайда, Өнеркәсіптік меншік құқықтарын сақтау үшін көзделген баждарды төлеу үшін өнеркәсіптік меншікті қорғау жөніндегі Париж конвенциясының 5-бабының (bіs) (1) тармағына сәйкес қосымша баж төленген жағдайда, мерзім өткен күннен бастап алты айды құрайтын жеңілдікті мерзім беріледі. Бұл ретте төлем мөлшері белгіленген бағаға сәйкес 50 пайызға артады.

9-тарау. Селекциялық жетістікке патенттердің күшін жою және мерзімінен бұрын тоқтату тәртібі

      40. Патенттің бүкіл қолданыста болған мерзімінде оны беруге қарсы наразылық бойынша дау туындауы және жарамсыз деп танылуы мүмкін.

      Патентті жарамсыз деп тану селекциялық жетістіктерге патент беру туралы шешімді жоюды және тиісті мемлекеттік тізілімдегі жазбаның күшін жоюды білдіреді.

      Көрсетілетін қызметті беруші жою туралы мәліметтерді үш жұмыс күні ішінде күшін жою туралы мәліметті тиісті мемлекеттік тізіліміге енгізеді және мәліметті бюллетеннің ең жақын шығарылымында жариялайды.

      41. Патент қолданысы мерзімінен бұрын:

      1) патент иеленушінің өтінішхаты бойынша;

      2) патентті күшінде ұстап тұру төлемі белгіленген мерзімде төленбеуіне байланысты тоқтатылады

      42. Патент иеленуші берген жазбаша өтініш негізінде (егер патент иеленуші тұлғалар тобы болып табылса, өтінішке барлық тұлғалар қол қояды) қорғау құжатының күші бюллетеньде қорғау құжатының қолданылуын мерзімінен бұрын тоқтату туралы мәліметтер жарияланған күннен бастап мерзімінен бұрын тоқтатылады.

      Көрсетілетін қызметті беруші көрсетілетін қызметті берушіге құжаттар келіп түскен күннен бастап үш жұмыс күні ішінде тиісті мемлекеттік тізілімге мәліметтерді енгізеді және патент иеленушінің немесе оның өкілінің атына осы қағидалардың 16-қосымшасына сәйкес тиісті хабарлама жібереді.

      43. Сараптама жасау ұйымы қорғау құжатын күшінде ұстап тұру үшін белгіленген мерзімде төленбеген жасамаған кезде патенттің күші мерзімінен бұрын тоқтатылуы туралы мәліметтерді тиісті Мемлекеттік тізілімге енгізеді және оларды жариялауды жүзеге асырады.

10-тарау. Селекциялық жетістікке патенттің қолданылуын қалпына келтіру

      44. Заңның 22-бабының 2-тармағының 2) тармақшасында көрсетілген негіз бойынша тоқтатылған патенттің қолданылуы патент иесінің өтініші бойынша патентті күшінде ұстау үшін ақы төлеу мерзімі өткен күннен бастап үш жыл ішінде қалпына келтіріледі.

      Өтінішхат осы қағидалардың 17-қосымшасына сәйкес нысан бойынша беріледі. Қалпына келтіру туралы өтінішке патенттің қолданылуын қалпына келтіруге құжаттарды дайындағаны үшін және оны күшінде ұстағаны үшін ақы төлеу мерзімі өтіп кеткен қолданылу кезеңінде ақы төленгенін растайтын құжат қоса беріледі.

      45. Өтінішхатқа патент иеленуші (егер патент иеленуші тұлғалар тобы болып табылса, өтінішхат аталған топқа кіретін барлық тұлғалар қол қояды) немесе патенттік сенім білдірілген өкіл немесе сенімхат негізінде әрекет ететін өзге де өкіл қол қояды. Заңды тұлғаның атынан өтінішхатқа ұйымның басшысы немесе оның лауазымын көрсете отырып, осыған уәкілетті өзге тұлға қол қояды.

      Өтінішхатқа:

      1) патенттің қолданылуын қалпына келтіру бойынша құжаттарды дайындау және жариялау үшін төлемді растайтын құжат;

      2) патенттің қолданылуының өткізіп алған жылын ұстап тұрғаны үшін төлемді растайтын құжат;

      3) сенімхат (егер өтінішхатты өкіл берсе) немесе сенімхаттың көшірмесі (егер өтінішхат патенттік сенім білдірілген өкіл арқылы берілсе) қоса беріледі.

      46. Көрсетілетін қызметті беруші қалпына келтіру туралы өтінішхат берілген күннен бастап он жұмыс күні ішінде патенттің қолданылуын қалпына келтіру туралы мәліметтерді бюллетеньде жариялайды. Жарияланған күні патенттің қолданылуын қалпына келтіру күні болып табылады. Патент иеленушіге немесе оның өкіліне осы қағидалардың 18-қосымшасына сәйкес нысан бойынша патенттің қолданылу мерзімін қалпына келтіру туралы хабарлама жіберіледі.

      47. Осы қағидалардың 45-тармағына сәйкес құжаттар топтамасы толық ұсынылмаған жағдайда, өтініш беруші сұрау салуды жіберген күннен бастап 20 жұмыс күнінен кешіктірмей қажетті құжаттарды ұсынуы қажет. Тиісті құжаттар ұсынылмаған жағдайда патенттің қолданылуы қалпына келтірілмейді, бұл туралы өтінішхат берген тұлға хабардар етіледі.

"Селекциялық жетістікке қорғау құжатын беру" мемлекеттік көрсетілетін қызмет стандарты

"Селекциялық жетістікке қорғау құжатын беру" мемлекетік қызметін көрсету туралы ӨТІНІШ

      Осымен қағаз жеткізгіште № ______ патентін жолдауды сұраймыз.

      Ескертпе:

      ________________________________________________________________

                        (құжат № және төлем күні)

      Өтініш иесі ____________

      ________________________________________________________________

                  (ЭЦҚ) тегі, аты, әкесінің аты (бар болған жағдайда)

      Патенттік сенім білдірген өкіл немесе өзге өкіл

      ___________ _____________________________________________________

                        (ЭЦҚ) тегі, аты, әкесінің аты (бар болған жағдайда)

Мемлекеттік баж төлеу үшін көрсетілетін қызметті берушінің қажетті банк деректемелері

      Қабылдаушы: Қазақстан Республикасы Әділет министрлігінің "Ұлттық зияткерлік меншік институты" шарушылық жүргізу құқығындағы республикалық мемлекеттік кәсіпорны

      Мекенжайы: 010000, Қазақстан Республикасы, Нұр-Сұлтан қаласы, Есіл ауданы, Қоғалжын тас жолы, 3Б ғимараты

      БСН: 020940003199

      КБЕ: 16

      ТБК: 859

      Банк атауы, ЖСК, БСК:

      "Нұрбанк" акционерлік қоғамы KZ8584905KZ006015415NURSKZKX

      "Қазақстанның Халық Банкі" акционерлік қоғамы KZ386010111000288323

      HSBKKZKX, KZ366017111000000792 HSBKKZKX

      "Сбербанк" акционерлік қоғамының еншілес банкі KZ14914012203KZ0047J SABRKZKA

      Нұр-Сұлтан қаласындағы "ForteBank" акционерлік қоғамының филиалы KZ1096503F0007611692ІRTYKZKA

"Селекциялық жетістікке қорғау құжатын беру" мемлекетік қызметін көрсету туралы ХАБАРЛАМА

      Қазақстан Республикасы Әділет министрлігінің "Ұлттық зияткерлік меншік институты" РМК "Селекциялық жетістіктерді қорғау туралы" 1999 жылғы 13 шілдедегі Қазақстан Республикасы Заңының _ бабының _ тармағына сәйкес № _ қорғау құжатын беру туралы Қазақстан Республикасының Селекциялық жетістіктерінің мемлекеттік тізілімінде тіркелгендігін хабарлайды.

      Қосымша:

      (ЭЦҚ)

"Селекциялық жетістікке қорғау құжатын беру" мемлекетік қызметін көрсетуден бас тарту туралы ХАБАРЛАМА

      Қазақстан Республикасы Әділет министрлігінің "Ұлттық зияткерлік меншік институты" РМК "Селекциялық жетістіктерді қорғау туралы" 1999 жылғы 13 шілдедегі Қазақстан Республикасы Заңының _ бабының _ тармағына сәйкес қорғау құжатын беруден бас тартылғанын хабарлайды.

      Қосымша:

      (ЭЦҚ)

Селекциялық жетістікке қоғау құжатының телнұсқасын беру туралы ӨТІНІШХАТ

      Патент телнұсқасының жоғалуына (жарамсыз болуына) байланысты патенттің № _________.телнұсқасын беруіңізді сұраймын.

      Ескерту:

      __________________________________________________________________

                  (құжат № және төлем күні)

      (егер өтініш патенттік сенім білдірген өкіл арқылы берілсе).

      Патент иеленуші

      ____________ _____________________________________________________

                  (ЭЦҚ) тегі, аты, әкесінің аты (егер болған жағдайда)

      Патенттік сенім білдірген өкіл немесе өзге өкіл

      ____________ ___________________________________________________

                  (ЭЦҚ) тегі, аты, әкесінің аты (егер болған жағдайда)

Селекциялық жетістікке қорғау құжатының телнұсқасын беру туралы ХАБАРЛАМА

      Қазақстан Республикасы Әділет министрлігінің "Ұлттық зияткерлік меншік институты" РМК "Селекциялық жетістіктерді қорғау туралы" 1999 жылғы 13 шілдедегі Қазақстан Республикасы Заңының _ бабының _ тармағына сәйкес № _ қорғау құжатының телнұсқасын беру туралы Қазақстан Республикасы селекциялық жетістіктерінің мемлекеттік тізілімінде тіркелгендігін хабарлайды.

      Қосымша:

      (ЭЦҚ)

Селекциялық жетістікке қорғау құжатының телнұсқасын беруден бас тарту туралы ХАБАРЛАМА

      Қазақстан Республикасы Әділет министрлігінің "Ұлттық зияткерлік меншік институты" РМК Қазақстан Республикасының "Селекциялық жетістіктерді қорғау туралы" 1999 жылғы 13 шілдедегі Қазақстан Республикасы Заңының _ бабының _ тармағына сәйкес қорғау құжаты телнұсқасын беруден бас тартылғанын хабарлайды.

      Қосымша:

      (ЭЦҚ)

Хабарлама / Уведомление об оплате за поддержание охранного документа в силе охранный документ № ____ ___________________________________________________________________ (Название)

Селекциялық жетістіктер патентінің қолданылу мерзімін ұзарту туралы ӨТІНІШХАТ

      "Селекциялық жетістіктерін қорғау туралы" 1999 жылғы 13 шілдедегі Қазақстан Республикасы Заңының 3-бабы 5-тармағына сәйкес селекциялық жетістіктер патентінің қолданылу мерзімін ұзартуды сұраймын

      № _________________________________________________________________

      (патент нөмірі)

      __________________________________________________________________

      (селекциялық жетістіктің атауы)

      Келесі жылдарға:

      Ескерту:

      (Заңның 14-бабының 5-тармағы 3) тармақшасына сәйкес)

      Патент иееленуші

      ___________ _____________________________________________________

                        (ЭЦҚ) тегі, аты, әкесінің аты (бар болған жағдайда)

      Патенттік сенім білдірген өкіл немесе өзге өкіл

      ________________________________________________________________

                        (ЭЦҚ) тегі, аты, әкесінің аты (бар болған жағдайда)

Селекциялық жетістікке патенттің қолданылу мерзімін қалпына келтіру туралы ӨТІНІШХАТ

      "Селекциялық жетістіктерді қорғау туралы" 1999 жылғы 13 шілдедегі Қазақстан Республикасының Заңының 21-1-бабының 1-тармағына сәйкес селекциялық жетістікке патенттің қолданылу мерзімін қалпына келтіруді сұраймын (өсімдік сұрыбы мен жануарлар тұқымы) №

      _____________________________________________

      (патент нөмірі) ________________________________________________________________

      (селекциялық жетістік атауы )

      Патенттің қолданылу күшін ұстауға бекітілген мерзім төмендегі себептермен өткізіліп алынды.

      Ескертпелер:

      Патент иеленуші

      __________ _________________________________________________________

                        (ЭЦҚ) тегі, аты, әкесінің аты (бар болған жағдайда)

      Патенттік сенім білдірген өкіл немесе өзге өкіл

      __________ ________________________________________________________

                        (ЭЦҚ) тегі, аты, әкесінің аты (бар болған жағдайда)