Пайдалы қазбалар жатқан аумақтарда құрылыс салуға рұқсат беру қағидаларын бекіту туралы

      РҚАО-ның ескертпесі!
      Осы бұйрық 29.06.2018 бастап қолданысқа енгізіледі.

      "Жер қойнауы және жер қойнауын пайдалану туралы" 2017 жылғы 27 желтоқсандағы Қазақстан Республикасы Кодексінің 27-бабының 3-тармағына сәйкес БҰЙЫРАМЫН:

      1. Қоса беріліп отырған Пайдалы қазбалар жатқан аумақтарда құрылыс салуға рұқсат беру қағидалары бекітілсін.

      2. "Пайдалы қазбалар жатқан алаңдарға құрылыс салуға рұқсат беру қағидаларын бекіту туралы" Қазақстан Республикасы Инвестициялар және даму министрінің 2015 жылғы 27 ақпандағы № 208 бұйрығының (Нормативтік құқықтық актілерді мемлекеттік тіркеу тізілімінде № 10724 болып тіркелген, 2015 жылғы 23 сәуірде "Әділет" ақпараттық-құқықтық жүйесінде жарияланған) күші жойылды деп танылсын.

      3. Қазақстан Республикасы Инвестициялар және даму министрлігінің Геология және жер қойнауын пайдалану комитеті заңнамада белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрық мемлекеттік тіркелген күнінен бастап күнтізбелік он күн ішінде оның қазақ және орыс тілдеріндегі қағаз тасығыштағы және электрондық нысандағы көшірмелерін Қазақстан Республикасы Нормативтік құқықтық актілерінің эталондық бақылау банкіне ресми жариялау және енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрықты Қазақстан Республикасы Инвестициялар және даму министрлігінің интернет-ресурсында орналастыруды;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2) және 3) тармақшаларына сәйкес іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

      5. Осы бұйрық 2018 жылғы 29 маусымнан бастап қолданысқа енгізіледі және ресми жариялануға жатады.

      "КЕЛІСІЛДІ"

      Қазақстан Республикасының

      Ақпарат және коммуникациялар министрі

      ______________ Д. Абаев

      2018 жылғы 29 мамыр

      "КЕЛІСІЛДІ"

      Қазақстан Республикасының

      Ұлттық экономика министрі

      ______________ Т. Сүлейменов

      2018 жылғы 24 мамыр

      "КЕЛІСІЛДІ"

      Қазақстан Республикасының

      Энергетика министрі

      ______________Қ. Бозымбаев

      2018 жылғы 25 мамыр

Пайдалы қазбалар жатқан аумақтарда құрылыс салуға рұқсат беру қағидалары

      Ескерту. Қағида жаңа редакцияда – ҚР Экология, геология және табиғи ресурстар министрінің 18.05.2020 № 110 (алғашқы ресми жарияланғанынан кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Пайдалы қазбалар жатқан аумақтарда құрылыс салуға рұқсат беру қағидалары (бұдан әрi - Қағидалар) "Жер қойнауы және жер қойнауын пайдалану туралы" 2017 жылғы 27 желтоқсандағы Қазақстан Республикасы Кодексінің 27-бабының 3-тармағына сәйкес әзiрленді және пайдалы қазбалар жатқан аумақтарда құрылыс салуға рұқсат беру тәртiбiн айқындайды.

      2. Облыстың, республикалық маңызы бар қаланың, астананың жергілікті атқарушы органы (бұдан әрі - көрсетілетін қызметті беруші) құрылыс салудың экономикалық орындылығы бөлігінде ұсынылған негіздеуші материалдарды қарастырады, ал жер қойнауын зерттеу жөніндегі уәкiлеттi органның аумақтық бөлімшесі (бұдан әрі - аумақтық бөлімше) пайдалы қазбаларды алу мүмкiндігі бөлігінде ұсынылған негіздеуші материалдарды қарастырады.

2-тарау. Пайдалы қазбалар жатқан аумақтарда құрылыс салуға рұқсат беру тәртiбi

      3. Елді мекендерді, өнеркәсіп кешендерін және (немесе) басқа да шаруашылық объектілерін жобалауға және салуға көрсетілетін қызметті беруші аумақтық бөлімшемен келісу бойынша алдағы уақытта құрылыс салынатын учаске астындағы жер қойнауында пайдалы қазбалардың жоқ екендігі немесе олардың елеусіз екендігі туралы оң қорытындысын алғаннан кейін ғана рұқсат етіледі.

      4. Пайдалы қазбалар қабаттары жатқан аумақтарда құрылыс салуға аумақтық бөлімшемен келісу бойынша көрсетілетін қызметті берушінің рұқсатымен пайдалы қазбаларды алу мүмкіндігі қамтамасыз етілген немесе құрылыс салудың экономикалық орындылығы дәлелденген жағдайда жол беріледі.

      5. Пайдалы қазбалар жатқан аумақта құрылыс салуға рұқсат алу үшін жеке немесе заңды тұлға (бұдан әрі – көрсетілетін қызметті алушы) көрсетілетін қызметті берушіге осы Қағидаларға 1-қосымшаға сәйкес нысан бойынша көрсетілетін қызметті алушының электрондық цифрлық қолтаңбасымен "Жер қойнауын пайдалану бірыңғай платформасы" (бұдан әрі – ЖҚПБП) ақпараттық жүйесінің ақпараттандыру объектілері арқылы "Алдағы уақытта құрылыс учаскесі астындағы жер қойнауында пайдалы қазбалардың жоқ немесе оның аз мөлшерде екендігі туралы қорытынды беру" мемлекеттік қызмет көрсетуге өтінімді жолдайды.

      Мемлекеттік қызметті көрсетуге қойылатын негізгі талаптардың тізбесі, сондай-ақ мемлекеттік қызметті көрсету ерекшеліктерін ескере отырып, өзге де мәліметтер осы Қағидаларға 5-қосымшада сәйкес баяндалған.

      Жеке тұлғалардың жеке басын куәландыратын құжаттар туралы, заңды тұлғаны мемлекеттік тіркеу (қайта тіркеу) туралы мәліметтерді көрсетілетін қызметті беруші тиісті мемлекеттік ақпараттық жүйелерден "электрондық үкімет" шлюзі арқылы алады.

      Көрсетілетін қызметті алушы барлық қажетті құжаттарды ЖҚПБП ақпараттық жүйесінің ақпараттандыру объектілері арқылы ұсынған кезде -автоматты тіркеу жүргізіледі және көрсетілетін қызметті алушының "жеке кабинетінде" бірегей есептік нөмірі, өтінішті тіркеу күні мен уақыты және мемлекеттік көрсетілетін қызмет нәтижесін алу күні көрсетілген мәртебе көрсетіледі.

      Мемлекеттік қызметті көрсету сатысы туралы ақпарат мемлекеттік қызметтер көрсету мониторингінің ақпараттық жүйесінде автоматты режимде жаңартылады.

      6. Көрсетілетін қызметті беруші 2 (екі) жұмыс күнінен кешіктірмейтін мерзімінде электронды түрде өтiнiмді тиісті аумақтық бөлiмшеге келісу үшiн жібереді.

      7. Аумақтық бөлімше көрсетілетін қызметті беруші өтінішті тіркеген сәттен бастап 5 (бес) жұмыс күнінен кешіктірілмейтін мерзімде өтінішті қарайды және ЭЦҚ қолдана отырып келіседі.

      8. Алдағы уақытта құрылыс учаскесі астындағы жер қойнауында пайдалы қазбалардың жоқ немесе оның аз мөлшерде болған жағдайында, көрсетілетін қызметті беруші 2 (екі) жұмыс күнінен кешіктірілмейтін мерзімде көрсетілетін қызметті алушының ЖҚПБП-дағы "жеке кабинетіне" ЭЦҚ қойылған осы Қағидаларға 2-қосымшаға сәйкес нысан бойынша алдағы уақытта құрылыс учаскесі астындағы жер қойнауында пайдалы қазбалардың жоқ немесе оның аз мөлшерде екендігі туралы қорытындыны жібереді.

      Мұндай жағдайда пайдалы қазбалар жатқан аумақта құрылыс салуға рұқсат алу талап етілмейді.

      9. Өтінім берілген алдағы құрылыс салу аумағының астында пайдалы қазбалар бар болған жағдайда, көрсетілетін қызметті беруші 2 (екі) жұмыс күнiнен кешіктірмейтін мерзімде көрсетілетін қызметті алушының ЖҚПБП-дағы "жеке кабинетіне" алдағы құрылыс салу аумағының астында пайдалы қазбалардың болуы туралы хабарламаны береді.

      10. Болашақ құрылыс учаскесі астындағы жер қойнауында пайдалы қазбалардың жоқ немесе оның аз мөлшерде екендігі туралы қорытынды беру" мемлекеттік қызмет көрсетуден бас тарту үшін негіздемелер:

      1) мемлекеттік көрсетілетін қызметті алу үшін көрсетілетін қызметті алушы ұсынған өтінімнің және (немесе) оларда қамтылған деректердің (мәліметтердің) дәйексіздігі анықталған;

      2) аумақтық бөлімшенің мемлекеттік қызмет көрсету үшін қажетті келісімі туралы сұрау салуға берілген теріс жауап, сондай-ақ сараптаманың, зерттеудің не тексерудің теріс қорытындысы;

      3) көрсетілетін қызметті алушыға қатысты белгілі бір мемлекеттік көрсетілетін қызметті алуды талап ететін қызметке немесе жекелеген қызмет түрлеріне тыйым салу туралы заңды күшіне енген сот шешімі (үкімі) болған жағдайларда.

      11. Қорытындыны алғаннан кейін көрсетілетін қызметті алушы "Пайдалы қазбалар жатқан аумақтарды салуға рұқсат беру" мемлекеттік көрсетілетін қызметін алу үшін көрсетілетін қызметті берушіге осы Қағидаларға 3-қосымшаға сәйкес нысан бойынша ЖҚПБП ақпараттық жүйесінің ақпараттандыру объектілері арқылы өтінім береді.

      ЖҚПБП ақпараттық жүйесінің ақпараттандыру объектілері арқылы жүгінген кезде көрсетілетін қызметті алушының электрондық цифрлық қолтаңбасымен куәландырылған өтінімге мынадай құжаттар қоса беріледі:

      1) көзделіп отырған құрылыс аумағының және оған іргелес алаңның топографиялық жоспарының электрондық көшірмесі (топографиялық жоспардың көшірмесінде тау-кен-геологиялық жағдайы, қолданыстағы және жобаланатын құрылыс контурлары, тау-кен бөлу шекаралары, құрылыс объектілеріне тау-кен әзірлемелерінің зиянды әсер ету аймақтарының шекаралары көрсетіледі);

      2) электрондық түсіндірме жазба.

      Жеке тұлғалардың жеке басын куәландыратын құжаттар туралы, заңды тұлғаны мемлекеттік тіркеу (қайта тіркеу) туралы мәліметтерді көрсетілетін қызметті беруші тиісті мемлекеттік ақпараттық жүйелерден "электрондық үкімет" шлюзі арқылы алады.

      Көрсетілетін қызметті алушы барлық қажетті құжаттарды ЖҚПБП ақпараттық жүйесінің ақпараттандыру объектілері арқылы ұсынған кезде автоматты тіркеу жүреді және көрсетілетін қызметті алушының "жеке кабинетінде" бірегей есептік нөмірі, өтінішті тіркеу күні мен уақыты және мемлекеттік көрсетілетін қызмет нәтижесін алу күні көрсетілген мәртебе көрсетіледі.

      Мемлекеттік қызмет көрсету сатысы туралы ақпарат мемлекеттік қызметтер көрсету мониторингінің ақпараттық жүйесінде автоматты режимде жаңартылады.

      Мемлекеттік қызметті көрсетуге қойылатын негізгі құжаттар мен негізгі талаптардың тізбесі, сондай-ақ мемлекеттік қызметті көрсету ерекшеліктерін ескере отырып, өзге де мәліметтер( бұдан әрі – Тізбе) осы Қағидаларға 6-қосымшада баяндалған.

      12. Түсіндірме жазба мыналарды қамтиды:

      1) пайдалы қазбалар жатқан аумақтарда құрылыс салуға сұрау салған көрсетілетін қызметті алушы туралы, объекті жобалауды және салуды жүзеге асыратын ұйымдар туралы мәліметтер;

      2) нысаналы мақсатын, қысқаша сипаттамасын және болжамды құрылыс аумағының көлемін қоса алғанда, объекті туралы мәліметтер;

      3) тау-кен бөлінісі аумағында объекті құрылысы жоспарлаған жер қойнауын пайдаланушы туралы мәліметтер, жоспарланған құрылыс ауданының қысқаша геологиялық сипаттамасы (ауданның геологиялық құрылымы, шөгудің тереңдігі, негізгі дененің және олармен бірге жатқан пайдалы қазбалардын құрылымы, қорлардың сапасы мен саны, гидрогеологиялық және инженерлік геологиялық талаптары);

      4) объектінің нысаналы бағытын, іргетас пен қабырға материалдарының сипаттамасын, жерасты құрылыстың бекітілуін; пайдалану уақытындағы өзгеру мүмкіндігін көрсете отырып, жоспарланған құрылыс объектсі туралы мәліметтер;

      5) құрылыс салудың экономикалық орындылығын негіздеу және пайдалы қазбалар жатқан аумаққа құрылыс салуға байланысты пайдалы қазбалардың күтілетін шығындарынан экономикалық залалды есепке ала отырып, оны басқа мүмкін нұсқалармен салыстыру;

      6) жер қыртысының және тау жыныстарының құрылыс учаскесі астында жатқан пайдалы қазбаларды алу кезінде күтілетін түрлен есебі, сондай-ақ құрылыс объектісі және техналогиялық жабдықтар үшін оларды тау-кен жұмыстарымен игерген кезде түрленуінің рұқсат берілген мөлшері.

      13. Көрсетілетін қызметті берушінің пайдалы қазбалар жатқан аумақта құрылыс салуға рұқсат беру туралы өтінімі (бұдан әрі – рұқсат беру туралы өтінім) қабылданғаннан және оны автоматты түрде тіркегеннен кейін рұқсат беру туралы өтінім көрсетілетін қызметті берушінің және тиісті аумақтық бөлімшенің жеке кабинеттерінде автоматты түрде көрсетіледі.

      14. Аумақтық бөлімше көрсетілетін қызметті берушіден пайдалы қазбалар жатқан аумақтарда құрылыс салуға рұқсат беру туралы өтінімнің көшірмесі және негіздеуші материалдар келiп түскен сәттен бастап 5 (бес) жұмыс күннен кешіктірмейтін мерзімінде осы құжаттарды қарастырып, көрсетілетін қызметті берушіге пайдалы қазбалар жатқан аумақтарда құрылыс салуға келісім хатты не осы Қағидалардың 16-тармағында көзделген жағдайларда дәлелдi бас тартуды бередi.

      15. Көрсетілетін қызметті беруші аумақтық бөлімшенің келісім хаты келiп түскен сәттен бастап 2 (екi) жұмыс күннен кешіктірмейтін мерзімінде көрсетілетін қызметті алушыға осы Қағидалардың 4-қосымшасына сәйкес нысан бойынша пайдалы қазбалар жатқан аумақтарда құрылыс салуға арналған рұқсат не осы Қағидалардың 16-тармағында көзделген жағдайларда дәлелдi бас тартуды бередi.

      16. Көрсетілетін қызметті беруші пайдалы қазбалар жатқан аумақтарда құрылыс салуға рұқсат беруден мынадай жағдайларда:

      1) құрылыс салу барысында жер қойнауынан пайдалы қазбаларды алу мүмкiн болмаса немесе құрылыс салудың экономикалық орындылығы дәлелденбесе;

      2) көрсетілетін қызметті алушының пайдалы қазбалар жатқан аумақтарда құрылыс салуға рұқсат алу үшін ұсынған құжаттарының және (немесе) олардағы деректердің (мәліметтердің) анық еместігі анықталса бас тартады;

      3) пайдалы қазбалар жатқан аумақтарда құрылыс салуға рұқсат беру үшін ұсынылған материалдар, объектілер, деректер мен мәліметтер осы Қағидаларда белгіленген талаптарға сәйкес келмеген;

      4) көрсетілетін қызметті алушыға қатысты белгілі бір мемлекеттік қызметті алуды талап ететін қызметке немесе жекелеген қызмет түрлеріне тыйым салу туралы заңды күшіне енген сот шешімі (үкімі) бар болған жағдайларда бас тартады.

3-тарау. Көрсетілетін қызметті берушінің мемлекеттік қызметтерді көрсету мәселелері бойынша шешімдеріне, әрекеттеріне (әрекетсіздіктеріне) шағымдану тәртібі

      17. 2013 жылғы 15 сәуірдегі "Мемлекеттік көрсетілетін қызметтер туралы" Қазақстан Республикасы Заңының (бұдан әрі - Заң) 14-бабының 3) тармақшасына сәйкес мемлекеттік қызмет көрсету мәселелері жөніндегі көрсетілетін қызметті берушінің шешіміне, әрекетіне (әрекетсіздігіне) шағым Қазақстан Республикасының заңнамасына сәйкес мемлекеттік қызметтер көрсету сапасын бағалау және бақылау жөніндегі уәкілетті органға көрсетілетін қызметті беруші басшысының атына берілуі мүмкін.

      Заңның 25-бабының 2-тармағына сәйкес көрсетілетін қызметті берушінің атына келіп түскен көрсетілетін қызметті алушының шағымы тіркелген күнінен бастап 5 (бес) жұмыс күні ішінде қаралуға жатады.

      Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы тіркелген күнінен бастап 15 (он бес) жұмыс күні ішінде қаралуға жатады.

      Мемлекеттік қызмет көрсету нәтижелерімен келіспеген жағдайда, көрсетілетін қызметті алушы Қазақстан Республикасының заңнамасында белгіленген тәртіппен сотқа жүгінеді.

      Нысан

Алдағы уақытта құрылыс салынатын учаске астындағы жер қойнауында пайдалы қазбалардың жоқ екендігі немесе олардың елеусіз екендігі туралы қорытынды беру туралы өтінім

      Ескерту. 1-қосымша жаңа редакцияда – ҚР Өнеркәсіп және құрылыс министрінің 14.02.2025 № 51 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      Алдағы уақытта құрылыс учаскесінің астындағы жер қойнауында пайдалы қазбалардың жоқтығы немесе маңыздылығы туралы қорытынды беруіңізді сұраймын

      Құрылыс салу объектісі:_________________________________________

      Географиялық координаттағы объектінің орналасқан жері:

      Өзім (-із) туралы мәліметтерді ұсынамын (-мыз):

      заңды тұлғалар үшін:

      атауы: ________________________________

      бизнес-сәйкестендіру нөмірі __________________

      телефон нөмірі (факс): ________________________________

      ұялы телефон нөмірі: _________________________________

      e-mail: ___________________________________________________

      банктік деректемелері: ________________________________

      жеке сәйкестендіру коды _____________________

      банктік сәйкестендіру коды __________________________

      банктің атауы ________________________________

      бенефициар коды _____________________________________

      Өтінішке қоса беріледі:

      1) __________________________________

      2) __________________________________

      жеке тұлғалар үшін:

      тегі, аты және әкесінің аты (бар болса) ________ ____________

      жеке сәйкестендіру нөмірі __________________

      төлқұжат деректері ____________________________

      азаматтығы __________________________________

      телефон нөмірі (факс): ________________________________

      ұялы телефон нөмірі: _________________________________

      e-mail: ___________________________________________________

      банктік деректемелері: ________________________________

      жеке сәйкестендіру коды _____________________

      банктік сәйкестендіру коды __________________________

      банктің атауы ________________________________

      бенефициар коды _____________________________________

      Өтінішке қоса беріледі:

      1) __________________________________

      2) __________________________________

      Ақпараттық жүйелерде қамтылған заңмен қорғалатын құпияны құрайтын деректерді жинауға, өңдеуге, сақтауға, жүктеуге және пайдалануға келісемін.

      Өтініш берушінің ЭЦҚ деректері;

      ЭЦҚ-мен қол қою күні мен уақыты.

      20 _ жылғы "__" _____ _____ сағат ____ минут.

Алдағы уақытта құрылыс салынатын учаске астындағы жер қойнауында пайдалы қазбалардың жоқ екендігі (олардың елеусіз екендігі) туралы қорытынды

      Ескерту. 2-қосымша жаңа редакцияда – ҚР Өнеркәсіп және құрылыс министрінің 14.02.2025 № 51 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      __________________________________________________________________________

      (жеке тұлғаның тегі, аты, әкесінің аты (бар болған жағдайда) не заңды тұлғаның атауы,

      көрсетілетін қызметті алушының мекенжайы)

      __________________________________________________________________________

                        (объектінің мекенжайы)

      берілді.

      Құрылыс объектісінің географиялық координаттары бойынша орналасқан жері:

      Қосымша _____________________________________________________

      Қорытынды:___________________________________________________

      ____________________________________________________________________

                  (пайдалы қазбалардың болуы (болмауы) туралы қарау нәтижесі)

      Көрсетілетін қызметті берушінің ЭЦҚ деректері;

      ЭЦҚ-ға қол қою күні мен уақыты.

      20 _ жылғы "__" _____ _____ сағат ____ минут.

      нысан

Пайдалы қазбалар жатқан аумақтарда құрылыс салуға рұқсат беру туралы өтінім

      Ескерту. 3-қосымша жаңа редакцияда – ҚР Өнеркәсіп және құрылыс министрінің 14.02.2025 № 51 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      __________________________________________________________________________

      (жеке тұлғаның тегі, аты, әкесінің аты (бар болған жағдайда) не заңды тұлғаның атауы)

      пайдалы қазбалар жатқан аумақтарда құрылыс салуға рұқсат беруді сұрайды.

      Құрылыс салу объектісі: ____________________________________________________

      Географиялық координаттағы объектінің орналасқан жері:

      Алдағы құрылыс учаскесінің астында пайдалы қазбалардың жоқ екендігі немесе олардың елеусіз екендігі туралы қорытындының нөмірі және уақыты:

      ___________________________________________________________________

      Қосымша:

      1) __________________________________________________

      2) __________________________________________________

      3) ...

      Өзім (-із) туралы мәліметтерді ұсынамын (-ыз):

      заңды тұлғалар үшін:

      бизнес-сәйкестендіру нөмірі __________________

      телефон нөмірі (факс): ________________________________

      ұялы телефон нөмірі: _________________________________

      e-mail: ___________________________________________________

      банктік деректемелері: ________________________________

      жеке сәйкестендіру коды _____________________

      банктік сәйкестендіру коды __________________________

      банктің атауы ________________________________

      бенефициар коды _____________________________________

      Өтінішке қоса беріледі:

      1) __________________________________

      2) __________________________________

      жеке тұлғалар үшін:

      тегі, аты және әкесінің аты (бар болса) ________ ____________

      жеке сәйкестендіру нөмірі __________________

      төлқұжат деректері ____________________________

      азаматтығы __________________________________

      телефон нөмірі (факс): ________________________________

      ұялы телефон нөмірі: _________________________________

      e-mail: ___________________________________________________

      банктік деректемелері: ________________________________

      жеке сәйкестендіру коды _____________________

      банктік сәйкестендіру коды __________________________

      банктің атауы ________________________________

      бенефициар коды _____________________________________

      Өтінішке қоса беріледі:

      1) __________________________________

      2) __________________________________

      Ақпараттық жүйелерде қамтылған заңмен қорғалатын құпияны құрайтын деректерді жинауға, өңдеуге, сақтауға, жүктеуге және пайдалануға келісемін.

      Көрсетілетін қызметті алушының ЭЦҚ деректері;

      ЭЦҚ-мен қол қою күні мен уақыты.

      20 _ жылғы "__" _____ _____ сағат ____ минут.

      Нысан

Пайдалы қазбалар жатқан аумақтарда құрылыс салуға рұқсат

      Ескерту. 4-қосымша жаңа редакцияда – ҚР Өнеркәсіп және құрылыс министрінің 14.02.2025 № 51 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

_______________________________ (Мемлекеттік органның атауы)

      _________________________________________________________________________

      (пайдалы қазбалар жатқан аумақтарда құрылыс салуға рұқсат беру

      туралы қараудың нәтижесі)

      _________________________________________________________________________

      (құрылыс объектісінің географиялық координаттар бойынша мекенжайы,

      орналасқан жері)

      Қосымша:______________________________________________________

      Көрсетілетін қызметті алушының ЭЦҚ деректері;

      ЭЦҚ-мен қол қою күні мен уақыты.

      20 _ жылғы "__" _____ _____ сағат ____ минут.

"Алдағы уақытта құрылыс учаскесі астындағы жер қойнауында пайдалы қазбалардың жоқ немесе оның аз мөлшерде екендігі туралы қорытынды беру" мемлекеттік қызмет көрсетуге қойылатын негізгі талаптардың тізбесі

      Ескерту. 5-қосымша жаңа редакцияда – ҚР Өнеркәсіп және құрылыс министрінің 14.02.2025 № 51 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

"Пайдалы қазбалар жатқан аумақтарда құрылыс салуға рұқсат беру" мемлекеттік қызмет көрсетуге қойылатын негізгі талаптардың тізбесі

      Ескерту. 6-қосымша жаңа редакцияда – ҚР Өнеркәсіп және құрылыс министрінің 14.02.2025 № 51 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.