Ұлттық бірыңғай тестілеуді және кешенді тестілеуді өткізу қағидаларын бекіту туралы

      "Білім туралы" 2007 жылғы 27 шілдедегі Қазақстан Республикасы Заңының 5-бабының 12) тармақшасына сәйкес БҰЙЫРАМЫН:

      1. Қоса беріліп отырған Ұлттық бірыңғай тестілеуді және кешенді тестілеуді өткізу қағидалары бекітілсін.

      2. Қазақстан Республикасының Білім және ғылым министрлігі Жоғары және жоғары оқу орнынан кейінгі білім департаменті (Д. Ахмед-Заки) заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде осы бұйрықтың көшірмесін мерзімді баспа басылымдарында ресми жариялау үшін, сондай-ақ Қазақстан Республикасы нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрықты Қазақстан Республикасы Білім және ғылым министрлігінің интернет-ресурсында орналастыруды;

      4) осы бұйрық Қазақстан Республикасы Әділет министрлігінде мемлекеттік тіркеуден өткеннен кейін он жұмыс күні ішінде Қазақстан Республикасы Білім және ғылым министрлігінің Заң қызметі және халықаралық ынтымақтастық департаментіне осы тармақтың 1), 2) және 3) тармақшаларында қарастырылған іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау Қазақстан Республикасының Білім және ғылым вице-министрі Э.А. Суханбердиеваға жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Ұлттық бірыңғай тестілеуді және кешенді тестілеуді өткізу қағидалары

1-тарау. Жалпы ережелер

      1. Осы Ұлттық бірыңғай тестілеуді және кешенді тестілеуді өткізу қағидалары (бұдан әрі – Қағидалар) "Білім туралы" 2007 жылғы 27 шілдедегі Қазақстан Республикасы Заңының 5-бабының 12) тармақшасына, сондай-ақ Қазақстан Республикасы Үкіметінің 2012 жылғы 19 қаңтардағы № 111 қаулысымен бекітілген Жоғары білімнің білім беру бағдарламаларын іске асыратын білім беру ұйымдарына оқуға қабылдаудың үлгілік қағидаларына (бұдан әрі – Үлгілік қағидалар) сәйкес әзірленді және ұлттық бірыңғай тестілеуді (бұдан әрі – ҰБТ) және кешенді тестілеуді (бұдан әрі – КТ) өткізу тәртібін белгілейді.

      2. Осы қағидаларда келесі ұғымдар пайдаланылады:

      1) ақпараттық парақ – ҰБТ-ға немесе КТ-ға қатысуға өтініш беру кезінде ҰБТӨП немесе жоғары оқу орнының қабылдау комиссиясы және ҰБТ немесе КТ нәтижелері бойынша сертификатпен бірге, сондай-ақ білім беру гранттарын тағайындау конкурсына қатысу үшін өтініш беру кезінде жоғары оқу орнының қабылдау комиссиясы беретін, таңдаған бейіндік пәндер комбинациясына сәйкес берілетін парақ. Ақпараттық парақ: мамандықтар тізбесі, ағымдағы жылы бөлінген білім беру гранттарының саны және өткен жылғы білім беру гранттарын тағайындау конкурсының нәтижелері туралы ақпаратты қамтиды.

      2) базалық жоғары оқу орындары – КТ-ны өткізуді жүзеге асыратын ЖОО-лар;

      3) базалық ЖОО-лардың қабылдау комиссиясы – КТ-ны өткізуді жүзеге асыратын ЖОО жанындағы комиссия;

      4) бейіндік пән – тереңдетіліп немесе жоғары деңгейде оқытылатын оқу пәні, оның мазмұны бейіндік білім беру стандарттарына және бірыңғай бейіндік емтихандардың (немесе жоғары деңгейдегі таңдау бойынша бірыңғай емтихандардың) талаптарына сәйкес келеді;

      5) бейіндік пән – мамандықтар пәні бойынша терең академиялық білімін, практикалық ұғынуын толығырақ бағалауға және тұрақтылығына бағытталған пән;

      6) жалпы бейіндік пән – ұқсас мамандықтар бойынша техникалық және кәсіптік, орта білімнен кейінгі білім беру бағдарламаларының базалық пәндері бойынша академиялық білімді бағалауға бағытталған пән;

      7) жауап парағы – түсуші тест тапсырмаларының жауаптарын белгілейтін ҰБТ немесе КТ нәтижелерін бағалауға арналған арнайы бланк;

      8) жауап парақтарының көшірмесі – тестілеу нәтижелерін бағалауға арналған құжат болып табылмайтын ҰБТ-дан немесе КТ-дан кейін балдарды өз бетінше санауға арналған бланк;

      9) желілік ЖОО-лар – КТ-ға құжаттарды қабылдауды жүзеге асыратын ЖОО-лар;

      10) желілік ЖОО-лардың қабылдау комиссиясы – КТ-ға түсушілерден құжаттарды қабылдауды жүзеге асыратын ЖОО жанындағы комиссия;

      11) КТ – ақпараттық-коммуникациялық технологиялар қолданылып, бірнеше оқу пәндері бойынша бір мезгілде өткізілетін ЖОО-ға түсуге арналған іріктеу емтихандарының бiр нысаны;

      12) нұсқаларды тарату парағы – кітапша нұсқасының аудиториядағы белгілі бір орын нөміріне бекітілгендігі туралы ақпаратты қамтитын парақ;

      13) отырғызу парағы – түсушілерді аудиторияда орындар бойынша бөлу парағы;

      14) ҰБТ – жоғары оқу орындарына (бұдан әрі – ЖОО) түсуге арналған іріктеу емтихандарының бiр нысаны;

      15) ҰБТӨП - ҰБТ өткізу пункті;

      16) шекті балл – Білім беру грантын беру конкурсына қатысуға немесе ЖОО-ға ақылы негізде түсуге арналған тестілеудің әр пәні және барлық пәндері бойынша және кейбір мамандықтар мен ЖОО-лар бойынша жеке Үлгілік қағидалармен белгіленген балдардың минималды жиынтығы.

1-параграф. ҰБТ-ға және КТ-ға құжаттарды қабылдау тәртібі

      3. ҰБТ-ға қатысу үшін түсуші ҰБТӨП-ке орталықтандырылған түрде берілетін білім беру ұйымына мынадай құжаттарды тапсырады:

      1) "Білім беру ұйымдары білім беру қызметінде пайдаланатын қатаң есептіліктегі құжаттардың нысанын бекіту туралы" Қазақстан Республикасы Білім және ғылым министрінің 2007 жылғы 23 қазандағы № 502 бұйрығымен (Нормативтік құқықтық актілерді мемлекеттік тіркеу тізілімінде № 4991 болып тіркелген) (бұдан әрі – № 502 бұйрық) бекітілген нысан бойынша белгіленген үлгідегі, жеке басын куәландыратын құжат бойынша толтырылған өтініш;

      2) 3 x 4 көлеміндегі екі фотосурет;

      3) жеке басын куәландыратын құжаттың көшірмесі.

      Жасы 16-ға толмаған және жеке басын куәландыратын құжаты жоқ түсуші осы Қағидаларға 1-қосымшаға сәйкес нысан бойынша мектепті ағымдағы жылы бітіргені туралы фотосуреті бар анықтама береді.

      ҰБТ-ға қатысу үшін мүгедек балалар және мүгедектер (көру, есту, тірек-қимыл аппаратының функциялары бұзылған) "Медициналық-әлеуметтік сараптама жүргiзу ережесiн бекiту туралы" Қазақстан Республикасы Денсаулық сақтау және әлеуметтік даму министрінің 2015 жылғы 30 қаңтардағы № 44 бұйрығымен (Нормативтік құқықтық актілерді мемлекеттік тіркеу тізілімінде № 10589 болып тіркелген) бекітілген мүгедектікті белгілеу туралы құжатты (бұдан әрі – мүгедектікті белгілеу туралы құжат) ұсынған кезде мемлекеттік комиссия төрағасының атына:

      1) жеке аудиторияның;

      2) көру, тірек-қимыл аппаратының функциялары бұзылған мүгедек балалар және мүгедектер үшін ҰБТ шеңберінде тапсырылатын пәндердің мұғалімі болып табылмайтын көмекші және (немесе) көру функциялары бұзылған мүгедек балалар және мүгедектер үшін ымдау тілін білетін маманның қажеттілігі туралы еркін нысандағы қосымша өтініш бере алады.

      Жалпы орта білім беру ұйымдары ҰБТӨП-ке тіркеледі.

      3-1. КТ-ға қатысу үшін халықаралық алмасу желісі бойынша білім алған жалпы білім беретін мектеп түлектері үшін оқуға түсушінің туу туралы куәлігінің немесе түсушіні асырап алу туралы құжатының көшірмесін және ата-анасының немесе асырап алушының жеке басын куәландыратын құжатты ұсынғанда, өтінішті ата-анасы немесе асырап алушысы бере алады. Өтініш орта білім беру ұйымының ағымдағы оқу жылында халықаралық алмасу бағдарламалары бойынша білім алуға жіберу туралы бұйрықтан көшірме болғанда базалық ЖОО-ларда қабылданады.

      4. КТ-ға қатысу үшін түсушілер желілік ЖОО-ның қабылдау комиссиясына мыналарды тапсырады:

      1) осы Қағидаларға 1-1-қосымшаға сәйкес нысан бойынша жеке басын куәландыратын құжат бойынша толтырылған өтініш. Бұл ретте жеделдетілген оқу мерзімімен қысқартылған білім беру бағдарламалары бойынша ұқсас мамандықтарға түсетін техникалық және кәсіптік, орта білімнен кейінгі білім беру бағдарламаларын іске асыратын білім беру ұйымдарының бітірушілері өтініште таңдаған мамандығын көрсетеді;

      2) 3 x 4 көлеміндегі екі фотосурет;

      3) жеке басын куәландыратын құжаттың көшірмесі;

      4) тестілеуге қатысу үшін ақы төлегені туралы түбіртек;

      5) "Денсаулық сақтау ұйымдарының бастапқы медициналық құжаттама нысандарын бекіту туралы" Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен (Нормативтік құқықтық актілерді мемлекеттік тіркеу тізілімінде № 6697 болып тіркелген) (бұдан әрі - № 907 бұйрық) бекітілген 086-У нысандағы медициналық анықтама.

      КТ-ға қатысу үшін мүгедек балалар және мүгедектер (көру, есту, тірек-қимыл аппаратының функциялары бұзылған) бекітілген мүгедектікті белгілеу туралы құжатты ұсынған кезде мемлекеттік комиссия төрағасының атына:

      1) жеке аудиторияның;

      2) көру, тірек-қимыл аппаратының функциялары бұзылған мүгедек балалар және мүгедектер үшін КТ шеңберінде тапсырылатын пәндердің мұғалімі болып табылмайтын көмекші және (немесе) көру функциялары бұзылған мүгедек балалар және мүгедектер үшін ымдау тілін білетін маманның қажеттілігі туралы еркін нысандағы қосымша өтініш бере алады.

      6) техникалық және кәсіптік, орта білімнен кейінгі білім беру ұйымдарының күнтізбелік жылғы бітірушілері білімі туралы құжаттың орнына осы Қағидаларға 2-қосымшаға сәйкес нысан бойынша білім алған мамандығының (біліктілігінің) коды мен атауын көрсете отырып, өзі оқыған білім беру ұйымы беретін, ағымдағы жылы оқуды аяқтағандығы туралы анықтама;

      7) жалпы орта (орта жалпы) білім немесе техникалық және кәсіптік (бастауыш кәсіптік немесе орта кәсіптік) немесе орта білімнен кейінгі білім беру ұйымдарының өткен жылғы бітірушілері жалпы орта (орта жалпы) білім немесе техникалық және кәсіптік (бастауыш кәсіптік немесе орта кәсіптік) немесе орта білімнен кейінгі білімі туралы құжат (түпнұсқа).

      5. ҰБТ-ға және КТ-ға қатысу үшін өтініш берген түсушілерге құжаттардың қабылданғандығы туралы қолхат (еркін нысанда) беріледі.

      6. ҰБТ-ға қатысу үшін өтініштерді қабылдау күнтізбелік жылғы 10 наурыз бен10 мамыр аралығында ҰБТӨП-терде жүргізіледі.

      7. КТ-ға қатысу үшін өтініштерді қабылдау күнтізбелік жылғы 1-20 маусым аралығында желілік ЖОО-лардың қабылдау комиссияларында жүргізіледі.

      8. ҰБТ ҰБТӨП базасында, КТ базалық ЖОО-ларда өткізіледі.

      8-1. Базалық және желілік ЖОО-лардың қабылдау комиссияларының құрамын ЖОО басшысы бекітеді.

      Желілік ЖОО қабылдау комиссиясының функциялары:

      1) түсушілерге таңдаған жоғары білім мамандықтары мәселелері бойынша консультация беру, тестілеу рәсімімен таныстыру;

      2) түсушілердің құжаттарын қабылдауды және тексеруді ұйымдастыру;

      3) тестілеуге кіруге рұқсаттамалар мен белгіленген үлгідегі № 502 бұйрықпен бекітілген нысан бойынша ҰБТ немесе КТ сертификаттарын (бұдан әрі - сертификат) және ақпараттық парақтарды беруді қамтамасыз ету.

      Базалық ЖОО қабылдау комиссиясының функциялары:

      1) желілік ЖОО-ның техникалық хатшылары мен жауапты хатшыларына консультация беруді ұйымдастыру;

      2) тестілеу өткізу үшін аудиториялық қорды қалыптастыру;

      3) тестілеуге техникалық жабдықтардың жұмысын ұйымдастыру және қамтамасыз ету;

      4) сертификаттарды және ақпараттық парақтарды басып шығаруды және желілік ЖОО-ның жауапты хатшыларына беруді ұйымдастыру.

      9. ҰБТ күнтізбелік жылғы 20 маусым мен 1 шілде аралығында өткізіледі.

      10. КТ күнтізбелік жылғы 14 - 18 шілде аралығында өткізіледі.

      11. Шығармашылық дайындықты талап ететін мамандықтарға түсушілерді қоспағанда, түсушілер Қазақстан тарихы, математикалық сауаттылық, оқу сауаттылығы (оқу тілі) және екі бейіндік пән бойынша ҰБТ немесе КТ тапсырады.

      Шығармашылық дайындықты талап ететін мамандықтарға түсуші тұлғалар Қазақстан тарихы және оқу сауаттылығы (оқу тілі) бойынша ҰБТ немесе КТ тапсырады.

      Түсушілер ҰБТ-ны немесе КТ-ны қалауы бойынша қазақ немесе орыс немесе ағылшын тілінде тапсырады.

      Бұл ретте ҰБТ-ны немесе КТ-ны ағылшын тілінде тапсыратын түсушілер үшін Қазақстан тарихы бойынша тестілеу қалауы бойынша қазақ немесе орыс тілінде өткізіледі. ҰБТ-ны және КТ-ны ағылшын тілінде тапсыратын түсушілер үшін ЖОО-дағы оқыту тілі Қазақстан тарихы бойынша тестілеу тапсыру тіліне сәйкес анықталады.

      12. Жеделдетілген оқу мерзімімен қысқартылған білім беру бағдарламалары бойынша ұқсас мамандықтарға түсушілер үшін КТ олардың қалауымен қазақ немесе орыс тілінде жалпы бейіндік және бейіндік пәндер бойынша өткізіледі.

      Шығармашылық дайындықты талап ететін мамандықтарға жеделдетілген оқу мерзімімен қысқартылған білім беру бағдарламалары бойынша ұқсас мамандықтарға түсушілер үшін КТ бейіндік пән бойынша өткізіледі.

      13. Жалпы орта (орта жалпы) білім берудің жалпы білім беретін оқу бағдарламаларын, техникалық және кәсіптік (бастауыш кәсіптік немесе орта кәсіптік), орта білімнен кейінгі білімнің білім беру бағдарламаларын меңгерген білім беру ұйымдарының бітірушілері үшін ҰБТ және КТ тест тапсырмаларының саны:

      1) Қазақстан тарихы бойынша – 20;

      2) математикалық сауаттылық бойынша – 20;

      3) оқу сауаттылығы (оқу тілі) бойынша – 20;

      4) бірінші бейіндік пән бойынша – 30;

      5) екінші бейіндік пән бойынша – 30.

      14. Жеделдетілген оқу мерзімімен қысқартылған білім беру бағдарламалары бойынша түсушілер үшін тест тапсырмаларының саны:

      1) жалпы бейіндік пән бойынша – 20;

      2) бейіндік пән бойынша – 40.

      ҰБТ және КТ бойынша ең жоғары балл – 140 балл.

      Шығармашылық дайындықты талап ететін мамандықтарға түсушілер үшін ҰБТ және КТ бойынша ең жоғары балл – 120 балл.

      Жеделдетілген оқу мерзімімен қысқартылған білім беру бағдарламалары бойынша ұқсас мамандықтарға түсушілер үшін КТ бойынша ең жоғары балл – 70 балл.

      Жеделдетілген оқу мерзімімен қысқартылған білім беру бағдарламалары бойынша ұқсас және шығармашылық дайындықты талап ететін мамандықтарға түсушілер үшін КТ бойынша ең жоғары балл – 70 балл.

      15. ҰБТ-ға және КТ-ға 3 сағат 50 минут беріледі. Жеделдетілген оқу мерзімімен қысқартылған білім беру бағдарламалары бойынша ұқсас мамандықтарға түсушілер үшін КТ-ға 1 сағат 40 минут беріледі.

      16. Шығармашылық мамандықтарға түсуші тұлғалар ҰБТ-ға немесе КТ-ға қатысу үшін өтінішті ҰБТӨП-те немесе алдағы оқуды жоспарлап отырған желілік ЖОО-да тапсырады.

      16-1. ҰБТ-ға қатысу үшін өтініш білдіріп, бірақ рұқсаттамада көрсетілген күні тестілеуге қатыспаған түсушіге тестілеу тапсыру тіліне сәйкес аудиторияда орын болғанда, ҰБТ өткізу кезеңіндегі келесі күндердің бірінде мынадай дәлелді себептер бойынша қатысуға мүмкіндік беріледі:

      1) № 907 бұйрықпен бекітілген № 035-1/у нысанға сәйкес денсаулық жағдайы бойынша дәрігерлік-консультациялық комиссия қорытындысы бар болғанда;

      2) "Неке (ерлі-зайыптылық) және отбасы туралы" Қазақстан Республикасының Кодексімен айқындалған жақын туыстарының қайтыс болғандығын растайтын құжаттары бар болғанда;

      3) төтенше жағдайларда.

      Бұл ретте түсуші мемлекеттік комиссияға осы тармақтың 1-бөлігінде көрсетілген растайтын құжаттармен қоса өтініш береді.

      Тестілеуді тапсыруы ҰБТ өткізудің соңғы күні болып анықталған түсушілерге осы тармақтың 1-бөлігінде көрсетілген растайтын құжаттарды ұсынған кезде КТ шеңберінде тестілеуді тапсыру мүмкіндігі беріледі.

      17. Үлгілік қағидалардың 43-тармағында белгіленген шекті балды алмаған, нәтижелері жойылған түсушілер және ҰБТ мен КТ-ға қатыспаған адамдар үшін ЖОО-ға ақылы негізде түсу үшін күнтізбелік жылғы 15-19 тамыз аралығында ҰБТ және КТ қайта өткізіледі. Бұл ретте түсушілер күнтізбелік жылғы 25 шілде мен 3 тамыз аралығында желілік ЖОО-ның қабылдау комиссиясына келесі құжаттарды тапсырады:

      1) осы Қағидаларға 1-1-қосымшаға сәйкес нысан бойынша жеке басын куәландыратын құжат бойынша толтырылған өтініш;

      2) 3 x 4 көлеміндегі екі фотосурет;

      3) жеке басын куәландыратын құжаттың көшірмесі;

      4) тестілеуге қатысу үшін ақы төлегені туралы түбіртек;

      5) № 907 бұйрықпен бекітілген 086-У нысанындағы медициналық анықтама.

      ҰБТ-ға немесе КТ-ға қатысу үшін мүгедек балалар және мүгедектер (көру, есту, тірек-қимыл аппаратының функциялары бұзылған) бекітілген мүгедектікті белгілеу туралы құжатты ұсынған кезде мемлекеттік комиссия төрағасының атына:

      1) жеке аудиторияның;

      2) көру, тірек-қимыл аппаратының функциялары бұзылған мүгедек балалар және мүгедектер үшін ҰБТ немесе КТ шеңберінде тапсырылатын пәндердің мұғалімі болып табылмайтын көмекші және (немесе) көру функциялары бұзылған мүгедек балалар және мүгедектер үшін ымдау тілін білетін маманның қажеттілігі туралы еркін нысандағы қосымша өтініш бере алады.

      6) орта (жалпы орта) немесе техникалық және кәсіптік (бастауыш кәсіптік немесе орта кәсіптік), орта білімнен кейінгі білімі туралы құжат (түпнұсқа).

      18. Үлгілік қағидалардың 6 және 7-тармақтарында көзделген ҰБТ немесе КТ нәтижелері бойынша Үлгілік қағидалардың 43-тармағында белгіленген шекті балды алмаған адамдар ЖОО-ның күндізгі оқу бөліміне ақылы негізде қабылданады. Бұл адамдар үшін ЖОО-да білім алудың бірінші академиялық кезеңі аяқталғаннан кейін ҰБТ немесе КТ күнтізбелік жылы 20-24 қаңтар аралығында қайта өткізіледі. Үлгілік қағидалардың 8-тармағында көзделген тиісті адамдар ҰБТ-ға немесе КТ-ға қатысу үшін күнтізбелік жылғы 10-20 желтоқсан аралығында желілік ЖОО-ның қабылдау комиссиясына келесі құжаттарды тапсырады:

      1) осы Қағидаларға 1-1-қосымшаға сәйкес нысан бойынша жеке басын куәландыратын құжат бойынша толтырылған өтініш;

      2) 3 x 4 көлеміндегі екі фотосурет;

      3) жеке басын куәландыратын құжаттың көшірмесі;

      4) тестілеуге қатысу үшін ақы төлегені туралы түбіртек.

      19. ҰБТӨП-ке ҰБТ-ның және базалық ЖОО-ға КТ-нің өткізу қағидаларының сақталуын бақылауды жүзеге асыру үшін Қазақстан Республикасы Білім және ғылым министрлігінің өкілдері (бұдан әрі – Министрлік өкілдері) жіберіледі, олар сондай-ақ аудитория мен дәліз бойынша кезекші қызметін атқарады.

      20. Емтихан болатын күндері ҰБТ және КТ өткізілетін ғимараттарда тестілеу кезінде пайдаланылмайтын барлық басқа аудиториялар, кабинеттер, бөлмелер (әжетхана бөлмелерінен басқа), сондай-ақ тестіленушілердің кіру және шығу есіктерінен басқа барлық кіру есіктері жабылып, мөрленеді. Ғимараттың сыртында орналасқан әжетхана бөлмелеріне апаратын жол мен аумаққа бөтен адамдардың кіруі шектеледі.

      21. Ғимаратқа кіру есіктері бейнебақылау жүйесімен қамтамасыз етіледі.

      22. Тестілеуге кіргізу кезінде қол және рамалық металліздегіштер пайдаланылады. Тестілеуге кіргізу кезінде металліздегіштерді қолдану тестілеу өткізу барысында түсушілердің қауіпсіздігін қамтамасыз ету, сондай-ақ олардың ғимаратқа тыйым салынған заттарды алып кіруін болдырмау үшін қолданылады.

      23. ҰБТ мен КТ өткізу үшін жергілікті жерлерде уәкілетті органмен бекітілетін ҰБТ немесе КТ ұйымдастыру және өткізу жөніндегі мемлекеттік комиссиялар (бұдан әрі – мемлекеттік комиссиялар) құрылады.

      24. Мемлекеттік комиссия төрағалары болып ҰБТ-ны немесе КТ-ны ұйымдастыру және өткізуді қамтамасыз ететін жоғары оқу орындарының басшылары (қалалық, аудандық білім бөлімдерінің (басқармаларының) басшылары) тағайындалады.

      25. Мемлекеттік комиссияның құрамына әкімдік өкілдері, құқық қорғау органдарының, қоғамдық ұйымдардың, бұқаралық ақпарат құралдарының өкілдері кіреді. Мемлекеттік комиссия мүшелерінің саны бес адамды құрайды. Мемлекеттік комиссияның шешімдері отырысқа қатысушы мүшелер санынан қарапайым көпшілік дауыспен қабылданады және төраға мен білім беру ұйымдарының немесе білім (басқармаларының) бөлімдерінің білікті қызметкерлері қатарынан тағайындалған хатшының қолы қойылған отырыстар хаттамаларымен ресімделеді. Дауыстар тең болған жағдайда, төрағаның дауысы шешуші болып саналады.

      Мемлекеттік комиссия:

      1) ҰБТӨП-тегі немесе базалық ЖОО-дағы тестілеу өткізуге арналған аудиторлық қорды бекітеді;

      2) құқық қорғау органдарының өкілдерімен бірлесіп, тестілеу басталғанға дейін ғимаратты терроризмге қарсы қорғалу мәніне тексеруді, сондай-ақ тестілеу өткізу кезеңінде қоғамдық тәртіпті сақтауды қамтамасыз етуді ұйымдастырады;

      3) тестілеуге кіргізу барысында металліздегіштерді қолдануды және қоғамдық тәртіпті сақтауды ұйымдастырады;

      4) тестілеу кезінде ұялы және радиоэлектрондық байланыс сигналдарын тұншықтыратын құралдардың қолданылуын, сондай-ақ, "Халықтың санитарлық-эпидемиологиялық саламаттылығы саласындағы есепке алу мен есеп құжаттамасының нысандарын бекіту туралы" Қазақстан Республикасы Ұлттық экономика министрінің 2015 жылғы 30 мамырдағы № 415 бұйрығының (Нормативтік құқықтық актілерді мемлекеттік тіркеу тізілімінде № 11626 болып тіркелген) 135-қосымшасына сәйкес электромагниттік өрістің кернеулілігін өлшеу хаттамасын алуды ұйымдастарады;

      5) ҰБТ және КТ өткізу кезінде кезекшілермен және медицина қызметкерімен жұмыстарды ұйымдастырады;

      6) емтихан материалдары салынған қаптарды ашу рәсіміне қатысады;

      7) тестілеуге кіргізу барысында тәркіленген тыйым салынған заттарды сақтауды қамтамасыз етеді;

      8) мүгедектікті белгілеу туралы құжатты ұсынған кезде көру, тірек-қимыл аппаратының функциялары бұзылған мүгедек балалар және мүгедектер үшін ҰБТ немесе КТ шеңберінде тапсырылатын пәндердің мұғалімі болып табылмайтын көмекшіні және (немесе) көру функциялары бұзылған мүгедек балалар және мүгедектер үшін ымдау тілін білетін маманның берілуін ұйымдастырады;

      9) дұрыс жауаптар кодтарының және ҰБТ мен КТ нәтижелерінің (апелляцияны есепке алмағандағы және алғандағы) жалпы шолу үшін ұсынылуын ұйымдастырады;

      10) апелляциялық комиссияның жұмысы үшін жағдай жасауды қамтамасыз етеді;

      11) сертификаттарды және осы Қағидаларға 2-1-қосымшаға сәйкес таңдаған бейіндік пәндер комбинациясына сәйкес ақпараттық парақтарды беру жұмыстарын ұйымдастырады;

      12) осы Қағидалардың 16-1 тармағында көзделген дәлелді себептер бойынша тестілеуге қатыспаған түсушінің ҰБТ-ға қатысуы туралы шешім қабылдайды.

      25-1. Жергілікті атқарушы органдар бітірушілерді ҰБТӨП-ке және кері жеткізуді, орналастыру мен тамақтандыруды ұйымдастырады (50 шақырымнан жақын қашықтықта тұратын бітірушілер тестілеу өткізілетін күні таңғы сағат 07.00-ден бастап; ҰБТӨП-тен 50 шақырымнан алыс қашықтықта тұратын бітірушілер тестілеу басталғанға дейін бір күн бұрын тасымалданады).

      26. ҰБТӨП және базалық ЖОО басшысы түсушілерге жауап парақтарын дұрыс толтыру туралы алдын ала консультация өткізеді.

2-тарау. ҰБТ өткізу тәртібі

      27. ҰБТ меншік нысандары мен ведомстволық бағыныстылығына қарамастан, ағымдағы жылы ЖОО-ға түсуге тілек білдірген жалпы орта білім берудің жалпы білім беретін оқу бағдарламаларын ағымдағы жылы меңгерген білім беру ұйымдарының бітірушілері үшін өткізіледі.

      28. Түсушілер аудиторияға бір-бірден кіргізіледі, бұл ретте жеке басын растайтын құжат негізінде түсушінің жеке басы, жасы 16-ға толмаған түсушілердің жеке басы анықтама негізінде сәйкестендіріледі. Содан соң рұқсаттама және рұқсаттама түбіртегі осы Қағидаларға 3-қосымшаға сәйкес нысан бойынша салыстырылып тексеріледі.

      29. Тестілеуге кіргізу барысында бөгде тұлға анықталған жағдайда, Министрлік өкілі осы Қағидаларға 4-қосымшаға сәйкес нысан бойынша Тестілеуге кіргізу барысында бөгде тұлғаның анықталуы туралы акт жасайды, аталған түсуші тестілеуге жіберілмейді.

      30. Тестілеуді өткізу күні таңертең Министрлік өкілі отырғызу парағын басып шығарады.

      31. Түсушілер осы Қағидаларға 5-қосымшаға сәйкес нысан бойынша түсушілердің орнының нөміріне сәйкес қалыптастырылған отырғызу парағындағы нөмірге сәйкес орынға отырады.

      32. Түсушілер отырғызылғаннан кейін Министрлік өкілі түсушілерге емтихан материалдарымен жұмыс істеу тәртібін түсіндіреді. Содан соң Министрлік өкілі аудиториядағы үш түсушінің қатысуымен емтихан материалдары салынған қорапты ашуды ұйымдастырады. Шақырылған түсушілер қораптағы мөрдің бүтіндігін тексереді. Осы Қағидаларға 6-қосымшаға сәйкес нысан бойынша Емтихан материалдарын ашу туралы актісі жасалып, қорап ашылады және қораптағы емтихан материалдары саналады.

      33. Бірінші кезекте жауап парақтары және жауап парақтарының көшірмелері (тестілеуден кейін балдарды өздігінен санауға арналған арнайы бланктер) таратылады.

      34. Жауап парағының қызметтік секторлары толтырылған соң түсушілерге пәндер бойынша тест тапсырмалары берілетін кітапшалар таратылады.

      35. ҰБТ-ның жауап парағы осы Қағидаларға 7-қосымшаға сәйкес нысан бойынша келесі тәртіппен толтырылады:

      1) 1-секторда түсушінің Т.А.Ә. (болған жағдайда) жазылады;

      2) 2-секторда жоғарғы торкөздерге көлденеңінен түсушінің рұқсаттамасында көрсетілген тестіленушінің жеке коды (бұдан әрі - ТЖК) жазылады. Әр санның астындағы торкөздегі сандарға сәйкес дөңгелекшелер боялады;

      3) 3 және 4-секторларда тестілеу тапсыру кезінде түсушінің отыратын орны және кітапшасының нұсқасы боялады;

      4) 5-секторда түсуші ҰБТ тапсыратын лек пен аудитория нөмірі қойылады. Лек нөмірі емтихан болатын күн бойынша анықталады;

      5) 6-сектор шығармашылық емтихан тапсыратын түсушілерге арналған;

      6) 7, 8 және 9-секторларда Қазақстан тарихы, Математикалық сауаттылық және Оқу сауаттылығы пәндері бойынша тапсырмалардың жауаптары боялады.

      7, 8 және 9-секторлардағы әр тапсырма берілген бес жауап нұсқасынан бір дұрыс жауапты таңдауды талап етеді. Таңдалған жауап сол пәннің секторында сәйкес дөңгелекшені толық бояу арқылы белгіленеді;

      7) 10 және 11-секторларда 2 бейіндік пән бойынша тапсырмалардың жауаптары боялады;

      10 және 11-секторларда 1-20 аралығындағы тапсырмаларда берілген бес жауап нұсқасынан бір дұрыс жауапты таңдау талап етіледі. Таңдалған жауап сол пәннің секторында сәйкес дөңгелекшені толық бояу арқылы белгіленеді; 21-30 аралығындағы тапсырмалар дөңгелекшелерді толық бояу арқылы бір немесе бірнеше дұрыс жауапты (3-тен артық емес) таңдауды талап етеді;

      8) 12-сектор (жауап парағының нөмірі көрсетіледі) боялмайды;

      9) "Назар аударыңыз" бағанына аса көңіл бөлінеді:

      жауап парағы көк немесе қара түсті қаламмен толтырылады;

      жауап парағын былғауға, умаждауға, жыртуға және корректор сұйықтықтарын пайдалануға, жауап парағын тестілеу аяқталғанға дейін аудиториядан шығаруға жол берілмейді;

      10) түсуші жауап парағының төменгі оң жақ бұрышындағы "Түсушінің қолы" деген 13-секторға қолын қояды.

      35-1. Бейіндік пәндерді таңдауды қоса алғанда жауап парағы секторларының дұрыс толтырылуын түсуші өзі қамтамасыз етеді.

      36. Жауап парағы бір данада беріледі, ауыстыруға жатпайды және түсушінің тестілеу нәтижесін растайтын жалғыз құжат болып табылады.

      37. Түсуші кітапшадағы нұсқа нөмірін жауап парағына (4-сектор) көшіріп жазады және кітапшаның мұқабасын толтырады. Нұсқаның төртінші саны кітапша парағының мұқабасындағы матрицаның көмегімен анықталады және оны Министрлік өкілі тестілеу аяқталғанға дейін 20 минут қалғанда хабарлайды.

      38. Түсушілер жауап парақтарының қызметтік секторларын және кітапшаның мұқабасын толтырған соң тақтада ҰБТ-ның басталу және аяқталу уақыты жазылады. Түсушілерді аудиторияға кіргізу ҰБТ басталғандығы хабарланған сәтте тоқтатылады.

      39. ҰБТ-ны өткізу барысында түсушіге аудиториядан дәліз кезекшісінің міндетін атқаратын Министрлік өкілінің, рұқсатынсыз және алып жүруінсіз шығуға, сөйлесуге, орын ауыстыруға, емтихан материалдарымен алмасуға, емтихан материалдарын аудиториядан шығаруға, шпаргалкалар, оқулықтар мен әдістемелік әдебиеттер, калькулятор, фотоаппарат, ұялы байланыс құралдарын (пейджер, ұялы телефондар, планшеттер, iPad (Айпад), iPod (Айпод), iPhone (Айфон), SmartPhone (Смартфон)), ноутбуктер, плейерлер, модемдер (мобильді роутерлер), радио-электрондық байланыстың (Wi-Fi (Вай-фай), Bluetooth (Блютуз), Dect (Дект), 3G (3 Джи), 4G (4 Джи), сымды және сымсыз құлаққаптар және басқалары) кез-келген түрлерін аудиторияға кіргізуге және қолдануға, емтихан материалдарын (жауап парағы мен кітапшалар) умаждау, корректор сұйықтығын қолдану, беттерді жырту, бояуға қарастырылмаған секторларды бояу (жауап парағының нөмірі) арқылы бүлдіруге рұқсат етілмейді.

      40. Түсуші осы Қағидалардың 39-тармағын бұзған жағдайда, Министрлік өкілі осы Қағидаларға 9-қосымшаға сәйкес нысан бойынша Аудиторияда тыйым салынған заттың тәркіленуі және аудиторияда тәртіп сақтау ережесін бұзған түсушіні аудиториядан шығару туралы акт жасайды.

      41. Тестілеу өткізу барысында рұқсаттама мен рұқсаттама түбіртегін қайта салыстыру кезінде бөгде тұлға анықталған жағдайда, Министрлік өкілі осы Қағидаларға 10-қосымшаға сәйкес нысанға бойынша Тестілеу барысында бөгде тұлғаның анықталуы туралы акт жасайды.

      42. ҰБТ-ға берілген уақыт аяқталғанда түсуші емтихан материалдарын өңдеу үшін тапсырудан бас тартқан жағдайда, Министрлік өкілі осы Қағидаларға 11-қосымшаға сәйкес нысан бойынша Тестілеуге берілген уақыт аяқталған кезде түсушінің емтихан материалдарды уақытында тапсырмау фактісінің анықталуы туралы акт жасайды.

      43. 40, 41 және 42-тармақтарда көрсетілген тұлғалардың тестілеу нәтижелері өңделмейді және жойылады.

      44. Тестілеудің аяқталуына қарай немесе тестілеу уақыты аяқталғанда түсуші өзінің орнынан жауап парағы мен кітапшаны Министрлік өкіліне тапсырады.

      45. Жауап парағы мен кітапшаны қабылдау барысында Министрлік өкілі жауап парағындағы барлық қызметтік секторлардың және кітапша мұқабасының толтырылуын тексереді, түсуші аудиториядан шығады.

      46. Министрлік өкілі емтихан материалдарын қорапқа салады және 5 түсушінің алып жүруімен емтихан материалдарын тестілеу нәтижелері өңделетін кабинетке жеткізеді.

      47. ҰБТ-дағы тест тапсырмаларының жауаптарын бағалау келесі түрде жүзеге асырылады:

      бір дұрыс жауабы бар тапсырмаларда дұрыс жауапты таңдағанда бір балмен бағаланады;

      бір немесе бірнеше дұрыс жауабы бар (үш дұрыс жауаптан артық емес) тапсырмаларда:

      бір дұрыс жауабы бар тапсырмаларда дұрыс жауапты таңдағанда екі балмен;

      бір дұрыс жауабы бар тапсырмаларда бір дұрыс жауапты және бір дұрыс емес жауапты таңдағанда бір балмен;

      бір дұрыс жауабы бар тапсырмаларда екі және одан да көп дұрыс емес жауапты таңдағанда нөл балмен;

      екі дұрыс жауабы бар тапсырмаларда екі дұрыс жауапты таңдағанда екі балмен;

      екі дұрыс жауабы бар тапсырмаларда бір дұрыс жауапты таңдағанда бір балмен;

      екі дұрыс жауабы бар тапсырмаларда бір дұрыс жауапты және бір дұрыс емес жауапты таңдағанда бір балмен;

      екі дұрыс жауабы бар тапсырмаларда екі дұрыс жауапты және бір дұрыс емес жауапты таңдағанда бір балмен;

      екі дұрыс жауабы бар тапсырмаларда екі және одан да көп дұрыс емес жауапты таңдағанда нөл балмен;

      үш дұрыс жауабы бар тапсырмаларда үш дұрыс жауапты таңдағанда екі балмен;

      үш дұрыс жауабы бар тапсырмаларда екі дұрыс жауапты таңдағанда бір балмен;

      үш дұрыс жауабы бар тапсырмаларда екі дұрыс жауапты және бір дұрыс емес жауапты таңдағанда бір балмен;

      үш дұрыс жауабы бар тапсырмаларда үш дұрыс жауапты және бір дұрыс емес жауапты таңдағанда бір балмен;

      үш дұрыс жауабы бар тапсырмаларда тек бір дұрыс жауапты не екі және одан да көп дұрыс емес жауапты таңдағанда нөл балмен бағаланады.

      48. Жауап парақтарын сканерлеуді Министрлік программисті аудиториялар бойынша екі рет жүргізеді.

      49. Жауап парақтары сканерленген соң телекоммуникациялық желі арқылы дұрыс жауаптар кодтары файлы жіберіледі.

      50. Дұрыс жауаптар кодтары екі данада басып шығарылады: біреуі жалпы шолу үшін ілінеді, екіншісі апелляциялық комиссия үшін беріледі.

      51. ҰБТ нәтижелерін тестілеу өткізу күні мемлекеттік комиссия хабарлайды және ақпараттық стендте ілінеді, сондай-ақ тестілеу нәтижелерімен www.testcenter.kz сайтында танысуға болады.

      52. ҰБТ аяқталғаннан кейін және апелляция рәсімі өткізілген соң қолданылған кітапшалар жойылады, осы Қағидаларға 12-қосымшаға сәйкес нысан бойынша ҰБТ кітапшаларын жою туралы акт жасалады.

3-тарау. КТ өткізу тәртібі

      53. КТ өткен жылдардағы жалпы орта (орта жалпы) білім беру ұйымдарының бітірушілері, техникалық және кәсіптік (бастауыш кәсіптік және орта кәсіптік), орта білімнен кейінгі білім беру ұйымдарының бітірушілері, халықаралық оқушылар алмасу желісі бойынша шетелде оқыған жалпы білім беретін мектеп бітірушілері, сондай-ақ оқу орындарын шетелде бітірген адамдар және ҰБТ-ға қатысу үшін өтініш білдіріп, бірақ осы Қағидалардың 16-1 тармағында көзделген, дәлелді себептер бойынша ҰБТ-ға қатыса алмаған тұлғалар үшін өткізіледі.

      54. Түсушілер аудиторияға бір-бірден кіргізіледі, бұл ретте жеке басын растайтын құжат негізінде түсушінің жеке басы сәйкестендіріледі. Содан соң рұқсаттама және рұқсаттама түбіртегі осы Қағидаларға 3-қосымшаға сәйкес нысан бойынша салыстырылып тексеріледі.

      55. Тестілеуге кіргізу барысында бөгде тұлға анықталған жағдайда, Министрлік өкілі осы Қағидаларға 4-қосымшаға сәйкес нысан бойынша Тестілеуге кіргізу барысында бөгде тұлғаның анықталуы туралы акт жасайды, аталған түсуші тестілеуге жіберілмейді.

      56. Тестілеуді өткізу күні таңертең Министрлік өкілі отырғызу парағын басып шығарады.

      57. Түсушілер осы Қағидаларға 5-қосымшаға сәйкес нысан бойынша түсушілердің орнының нөміріне сәйкес қалыптастырылған отырғызу парағындағы нөмірге сәйкес орынға отырады.

      58. Түсішулер отырғызылғаннан кейін Министрлік өкілі түсушілерге емтихан материалдарымен жұмыс істеу тәртібін түсіндіреді. Содан соң Министрлік өкілі аудиториядағы үш түсушінің қатысуымен емтихан материалдары салынған қорапты ашуды ұйымдастырады. Шақырылған түсушілер қораптағы мөрдің бүтіндігін тексереді. Осы Қағидаларға 6-қосымшаға сәйкес нысан бойынша Емтихан материалдарын ашу туралы актісі жасалып, қорап ашылады және қораптағы емтихан материалдары саналады.

      59. Бірінші кезекте жауап парақтары және жауап парақтарының көшірмелері (тестілеуден кейін балдарды өздігінен санауға арналған арнайы бланктер) таратылады.

      60. Жауап парағының қызметтік секторлары толтырылғаннан кейін түсушілерге пәндер бойынша тест тапсырмалары берілетін кітапшалар таратылады.

      60-1. Жеделдетілген оқу мерзімімен қысқартылған білім беру бағдарламалары бойынша ұқсас мамандықтарға түсушілер үшін кітапшалар осы Қағидаларға 6-1-қосымшаға сәйкес нысан бойынша нұсқаларды тарату парағымен таратылады.

      61. КТ жауап парағы осы Қағидаларға 7-қосымшаға сәйкес нысан бойынша келесі тәртіппен толтырылады:

      1) 1-секторда түсушінің Т.А.Ә. (болған жағдайда) жазылады;

      2) 2-секторда жоғарғы торкөздерге көлденеңінен түсушінің рұқсаттамасында көрсетілген тестіленушінің жеке коды (бұдан әрі - ТЖК) жазылады. Әр санның астындағы торкөздегі сандарға сәйкес дөңгелекшелер боялады;

      3) 3 және 4-секторларда тестілеу тапсыру кезінде түсушінің отыратын орны және кітапшасының нұсқасы боялады.

      4) 5-секторда түсуші КТ тапсыратын лек пен аудитория нөмірі қойылады. Лек нөмірі емтихан болатын күн бойынша анықталады.

      5) 6-сектор шығармашылық емтихан тапсыратын түсушілерге арналған;

      6) 7, 8 және 9-секторларда Қазақстан тарихы, Математикалық сауаттылық және Оқу сауаттылығы пәндері бойынша тапсырмалардың жауаптары боялады;

      7, 8 және 9-секторлардағы әр тапсырма берілген бес жауап нұсқасынан бір дұрыс жауапты таңдауды талап етеді. Таңдалған жауап сол пәннің секторында сәйкес дөңгелекшені толық бояу арқылы белгіленеді;

      7) 10 және 11-секторларда 2 бейіндік пән бойынша тапсырмалардың жауаптары боялады.

      10 және 11-секторларда 1-20 аралығындағы тапсырмаларда берілген бес жауап нұсқасынан бір дұрыс жауапты таңдау талап етіледі. Таңдалған жауап сол пәннің секторында сәйкес дөңгелекшені толық бояу арқылы белгіленеді; 21-30 аралығындағы тапсырмалар дөңгелекшелерді толық бояу арқылы бір немесе бірнеше дұрыс жауапты (3-тен артық емес) таңдауды талап етеді.

      8) 12-сектор боялмайды (жауап парағының нөмірі көрсетіледі);

      9) "Назар аударыңыз" бағанына аса көңіл бөлінеді:

      жауап парағы көк немесе қара түсті қаламмен толтырылады;

      жауап парағын былғауға, умаждауға, жыртуға және корректор сұйықтықтарын пайдалануға, жауап парағын тестілеу аяқталғанға дейін аудиториядан шығаруға жол берілмейді.

      10) түсуші жауап парағының төменгі оң жақ бұрышындағы "Түсушінің қолы" деген 13-секторға қолын қояды.

      62. Жеделдетілген оқу мерзімімен қысқартылған білім беру бағдарламалары бойынша ұқсас мамандықтарға түсушілер үшін жауап парағы осы Қағидаларға 8-қосымшаға сәйкес нысан бойынша келесі тәртіппен толтырылады:

      1) 1-секторда Т.А.Ә. (болған жағдайда) жазылады;

      2) 2-секторда жоғарғы торкөздерге көлденеңінен түсушінің рұқсаттамасында көрсетілген түсушінің жеке коды (бұдан әрі – ТЖК) жазылады. Әр санның астындағы торкөздегі сандарға сәйкес дөңгелекшелер боялады;

      3) 3 және 4-секторларда тестілеу кезінде түсушінің отыратын орнының нөмірі және кітапшасының нұсқасы боялады;

      4) 5-секторда түсуші КТ тапсыратын лек пен аудитория нөмірі жазылады. Лек нөмірі емтихан болатын күн бойынша анықталады;

      5) 6-секторда жалпы бейіндік пән бойынша тапсырмалардың жауаптары боялады;

      6-сектордағы әр тапсырма берілген бес жауап нұсқасынан бір дұрыс жауапты таңдауды талап етеді. Таңдалған жауап сол пәннің секторында сәйкес дөңгелекшені толық бояу арқылы белгіленеді;

      6) 7-секторда бейіндік пән бойынша тапсырмалардың жауаптары боялады.

      1-20 аралығындағы тапсырмалар берілген бес жауап нұсқасынан бір дұрыс жауапты таңдауды талап етеді, жауап сәйкес дөңгелекшені толық бояу арқылы белгіленеді;

      21-30 аралығындағы тапсырмалар дөңгелекшелерді толық бояу арқылы бір немесе бірнеше дұрыс жауапты (6-дан артық емес) таңдауды талап етеді; 31-40 аралығындағы жағдаяттық тапсырмалар сәйкес дөңгелекшені толық бояу арқылы бір дұрыс жауапты таңдау арқылы белгіленеді;

      7) 8-сектор боялмайды (жауап парағының нөмірі көрсетіледі);

      8) "Назар аударыңыз" бағанына аса көңіл бөлінеді:

      жауап парағы көк немесе қара түсті қаламмен толтырылады;

      жауап парағын былғауға, умаждауға, жыртуға және корректор сұйықтықтарын пайдалануға, жауап парағын тестілеу аяқталғанға дейін аудиториядан шығаруға жол берілмейді;

      9) түсуші жауап парағының төменгі оң жақ бұрышындағы "Түсушінің қолы" деген 9-секторға қолын қояды.

      62-1. Бейіндік пәндерді таңдауды қоса алғанда жауап парағы секторларының дұрыс толтырылуын түсуші өзі қамтамасыз етеді.

      63. Жауап парағы бір данада беріледі, ауыстыруға жатпайды және түсушінің тестілеу нәтижесін растайтын жалғыз құжат болып табылады.

      64. Түсуші кітапшадағы нұсқа нөмірін жауап парағына (4-сектор) көшіріп жазады және кітапшаның мұқабасын толтырады. Нұсқаның төртінші саны түсушілердің (жеделдетілген оқу мерзімімен қысқартылған білім беру бағдарламалары бойынша ұқсас мамандықтарға түсушілерден басқа) кітапша мұқабасындағы матрицаның көмегімен анықталады және оны Министрлік өкілі тестілеу аяқталғанға дейін 20 минут қалғанда хабарлайды.

      65. Түсушілер жауап парақтарының қызметтік секторларын және кітапшаның мұқабасын толтырған соң тақтада КТ-ның басталу және аяқталу уақыты жазылады. Түсушілерді аудиторияға кіргізу КТ-ның басталғандығы хабарланған сәтте тоқтатылады.

      66. КТ өткізу барысында түсушіге аудиториядан дәліз кезекшісінің міндетін атқаратын Министрлік өкілінің рұқсатынсыз және алып жүруінсіз шығуға, сөйлесуге, орын ауыстыруға, емтихан материалдарымен алмасуға, емтихан материалдарын аудиториядан шығаруға, шпаргалкалар, оқулықтар мен әдістемелік әдебиеттер, калькулятор, фотоаппарат, ұялы байланыс құралдарын (пейджер, ұялы телефондар, планшеттер, iPad (Айпад), iPod (Айпод), iPhone (Айфон), SmartPhone (Смартфон)), ноутбуктер, плейерлер, модемдер (мобильді роутерлер), радио-электрондық байланыстың (Wi-Fi (Вай-фай), Bluetooth (Блютуз), Dect (Дект), 3G (3 Джи), 4G (4 Джи), сымды және сымсыз құлаққаптар және басқалары) кез-келген түрлерін аудиторияға кіргізуге және қолдануға, емтихан материалдарын (жауап парағы мен кітапшалар) умаждау, корректор сұйықтығын қолдану, беттерді жырту, бояуға қарастырылмаған секторларды бояу (жауап парағының нөмірі) арқылы бүлдіруге рұқсат етілмейді.

      67. Түсуші осы Қағидалардың 66-тармағын бұзған жағдайда, Министрлік өкілі осы Қағидаларға 9-қосымшаға сәйкес нысан бойынша Аудиторияда тыйым салынған заттың тәркіленуі және тәртіп сақтау ережесін бұзған түсушіні аудиториядан шығару туралы акт жасайды.

      68. Тестілеу өткізу барысында рұқсаттама мен рұқсаттама түбіртегін қайта салыстыру кезінде бөгде тұлға анықталған жағдайда, Министрлік өкілі осы Қағидаларға 10-қосымшаға сәйкес нысанға бойынша Тестілеу барысында бөгде тұлғаның анықталуы туралы акт жасайды.

      69. КТ-ға берілген уақыт аяқталғанда түсуші емтихан материалдарын өңдеу үшін тапсырудан бас тартқан жағдайда, Министрлік өкілі осы Қағидаларға 11-қосымшаға сәйкес нысан бойынша Тестілеуге берілген уақыт аяқталған кезде түсушінің емтихан материалдарын уақытында тапсырмау фактісі туралы акт жасайды.

      70. 67, 68 және 69-тармақтардағы көрсетілген тұлғалардың тестілеу нәтижелері өңделмейді және жойылады.

      71. Тестілеудің аяқталуына қарай немесе тестілеу уақыты аяқталғанда түсуші өзінің орнынан жауап парағы мен кітапшаны Министрлік өкіліне тапсырады.

      72. Жауап парағы мен кітапшаны қабылдау барысында Министрлік өкілі жауап парағындағы барлық қызметтік секторлардың және кітапша мұқабасының толтырылуын тексереді, түсуші аудиториядан шығады.

      73. Министрлік өкілі емтихан материалдарын қорапқа салады және 5 түсушінің алып жүруімен емтихан материалдарын тестілеу нәтижелері өңделетін кабинетке жеткізеді.

      74. КТ-дағы тест тапсырмаларының жауаптарын бағалау осы Қағидалардың 47-тармағына сәйкес жүргізіледі. Жеделдетілген оқу мерзімімен қысқартылған білім беру бағдарламалары бойынша ұқсас мамандықтарға түсушілер үшін КТ-дағы тест тапсырмаларының жауаптарын бағалау келесі түрде жүзеге асырылады:

      бір дұрыс жауабы бар тапсырмаларда дұрыс жауапты таңдағанда бір балмен бағаланады;

      бір немесе бірнеше дұрыс жауабы бар (алты дұрыс жауаптан артық емес) тапсырмаларда:

      бір дұрыс жауабы бар тапсырмаларда дұрыс жауапты таңдағанда екі балмен;

      бір дұрыс жауабы бар тапсырмаларда бір дұрыс жауапты және бір дұрыс емес жауапты таңдағанда бір балмен;

      бір дұрыс жауабы бар екі және одан да көп дұрыс емес жауапты таңдағанда нөл балмен;

      екі дұрыс жауабы бар тапсырмаларда екі дұрыс жауапты таңдағанда екі балмен;

      екі дұрыс жауабы бар тапсырмаларда бір дұрыс жауапты таңдағанда бір балмен;

      екі дұрыс жауабы бар тапсырмаларда бір дұрыс жауапты және бір дұрыс емес жауапты таңдағанда бір балмен;

      екі дұрыс жауабы бар тапсырмаларда екі дұрыс жауапты және бір дұрыс емес жауапты таңдағанда бір балмен;

      екі дұрыс жауабы бар тапсырмаларда екі және одан да көп дұрыс емес жауапты таңдағанда нөл балмен;

      үш дұрыс жауабы бар тапсырмаларда үш дұрыс жауапты таңдағанда екі балмен;

      үш дұрыс жауабы бар тапсырмаларда екі дұрыс жауапты таңдағанда бір балмен;

      үш дұрыс жауабы бар тапсырмаларда екі дұрыс жауапты және бір дұрыс емес жауапты таңдағанда бір балмен;

      үш дұрыс жауабы бар тапсырмаларда үш дұрыс жауапты және бір дұрыс емес жауапты таңдағанда бір балмен;

      үш дұрыс жауабы бар тапсырмаларда екі және одан да көп дұрыс емес жауапты таңдағанда нөл балмен;

      төрт дұрыс жауабы бар тапсырмаларда төрт дұрыс жауапты таңдағанда екі балмен;

      төрт дұрыс жауабы бар тапсырмаларда үш дұрыс жауапты таңдағанда бір балмен;

      төрт дұрыс жауабы бар тапсырмаларда үш дұрыс жауапты және бір дұрыс емес жауапты таңдағанда бір балмен;

      төрт дұрыс жауабы бар тапсырмаларда төрт дұрыс жауапты және бір дұрыс емес жауапты таңдағанда бір балмен;

      төрт дұрыс жауабы бар тапсырмаларда екі және одан да көп дұрыс емес жауапты таңдағанда нөл балмен;

      бес дұрыс жауабы бар тапсырмаларда бес дұрыс жауапты таңдағанда екі балмен;

      бес дұрыс жауабы бар тапсырмаларда төрт дұрыс жауапты таңдағанда бір балмен;

      бес дұрыс жауабы бар тапсырмаларда төрт дұрыс жауапты және бір дұрыс емес жауапты таңдағанда бір балмен;

      бес дұрыс жауабы бар тапсырмаларда бес дұрыс жауапты және бір дұрыс емес жауапты таңдағанда бір балмен;

      бес дұрыс жауабы бар тапсырмаларда екі және одан да көп дұрыс емес жауапты таңдағанда нөл балмен;

      алты дұрыс жауабы бар тапсырмаларда алты дұрыс жауапты таңдағанда екі балмен;

      алты дұрыс жауабы бар тапсырмаларда бес дұрыс жауапты таңдағанда бір балмен;

      алты дұрыс жауабы бар тапсырмаларда бес дұрыс жауапты және бір дұрыс емес жауапты таңдағанда бір балмен;

      алты дұрыс жауабы бар тапсырмаларда алты дұрыс жауапты және бір дұрыс емес жауапты таңдағанда бір балмен;

      алты дұрыс жауабы бар тапсырмаларда екі және одан да көп дұрыс емес жауапты таңдағанда нөл балмен бағаланады.

      75. Жауап парақтарын сканерленуді Министрлік программисті аудиториялар бойынша екі рет жүргізеді.

      76. Жауап парақтары сканерленген соң телекоммуникациялық желі арқылы дұрыс жауаптар кодтары файлы жіберіледі.

      77. Дұрыс жауаптар кодтары екі данада басып шығарылады: біреуі жалпы шолу үшін ілінеді, екіншісі апелляциялық комиссия үшін беріледі.

      78. КТ нәтижелерін тестілеу өткізу күні мемлекеттік комиссия хабарлайды және ақпараттық стендте ілінеді, сондай-ақ тестілеу нәтижелерімен www.testcenter.kz сайтында танысуға болады.

      79. КТ аяқталғаннан кейін және апелляция рәсімі өткізілген соң қолданылған кітапшалар жойылады, осы Қағидаларға 12-қосымшаға сәйкес нысан бойынша ҰБТ және КТ кітапшаларын жою туралы акт жасалады.

4-тарау. Апелляцияға беру және қарау тәртібі

      80. Тестілеу өткізу кезінде бірыңғай талаптарды сақтау және түсушілердің даулы мәселелерін шешу мақсатында Республикалық апелляциялық комиссия және ҰБТӨП-те және базалық ЖОО-да апелляциялық комиссия құрылады.

      81. Республикалық апелляциялық комиссияның төрағасы мен құрамын, ҰБТӨП пен базалық ЖОО-дағы апелляциялық комиссияның төрағасын білім беру саласындағы уәкілетті орган бекітеді.

      ҰБТӨП пен базалық ЖОО-дағы апелляциялық комиссияның құрамын мемлекеттік комиссия төрағасы бекітеді.

      82. Апелляциялық комиссияның құрамы тестілеу пәндері бойынша негізгі орта, жалпы орта, техникалық және кәсіптік, орта білімнен кейінгі және жоғары білім беру ұйымдарының педагог қызметкерлерінен қалыптасады. ҰБТ немесе КТ кезінде бір тестілеу пәні бойынша педагог қызметкерлердің саны – екіден кем емес.

      83. ҰБТӨП пен базалық ЖОО-дағы апелляциялық комиссия түсушілерден тест тапсырмаларының мазмұны мен техникалық себептер бойынша түскен өтініштерді қабылдайды және қарастырады.

      84. Түсуші тест тапсырмаларының мазмұны немесе техникалық себептер бойынша тестілеу нәтижесімен келіспеген жағдайда, осы Қағидаларға 13, 14, 15 және 16-қосымшаларға сәйкес нысан бойынша апелляциялық комиссия төрағасының атына өтініш береді. Түсушінің өзімен бірге жеке басын куәландыратын құжаты, тестілеуге рұқсаттамасы болуы керек. Апелляциялық комиссия түсушінің әрқайсысымен жеке жұмыс жасайды.

      Апелляция мынадай жағдайларда қарастырылады:

      тест тапсырмаларының мазмұны бойынша:

      1) дұрыс жауап дұрыс жауаптар кодымен сәйкес келмесе (дұрыс жауаптың нұсқасы көрсетіледі);

      2) дұрыс жауап болмаса;

      3) берілген бес жауап нұсқасынан бір дұрыс жауапты таңдауға арналған тест тапсырмаларында бірден көп дұрыс жауап болса (дұрыс жауаптардың барлық нұсқалары көрсетіледі);

      4) тест тапсырмасы дұрыс құрылмаса;

      5) тапсырма шартының фрагменті (мәтін, сызба, суреттер, кестелер) табылмаса, соның нәтижесінде дұрыс жауапты анықтау мүмкін болмағанда;

      техникалық себеп бойынша:

      1) дұрыс жауаптар кодымен сәйкес келетін боялған дөңгелекшені сканер екі және одан көп дөңгелекше ретінде оқыса;

      2) дұрыс жауаптар кодымен сәйкес келетін боялған дөңгелекшені сканер бос дөңгелекше ретінде оқыса;

      3) жауап парағында ақау болғанда.

      Апелляция өтініштері ҰБТ және КТ нәтижелері хабарланғаннан кейін келесі күнгі сағат 13.00-ге дейін қабылданады және оны апелляциялық комиссия (республикалық апелляциялық комиссия) күнтізбелік бір күн ішінде қарастырады. Түсуші апелляциялық комиссияның отырысына келмеген жағдайда, оның апелляцияға берген өтініші қарастырылмайды.

      Тестілеу нәтижелері бойынша апелляция өтініштерінің барлығы осы Қағидаларға 17-қосымшаға сәйкес нысан бойынша апелляцияға арналған өтініштерді тіркеу журналында тіркеледі.

      85. Апелляцияға арналған өтініште көрсетілген нақты фактілер қарастырылуға жатады. Апелляция кезінде апелляциялық комиссияға түсуші көрсеткен пәнді және нұсқаны ауыстыруға рұқсат етілмейді.

      Барлық тест тапсырмаларын қайта қарастыру бойынша апелляцияға арналған өтініште әрбір тапсырма бойынша дәлелді негіздемені көрсетпей (толық түсіндірме, тапсырманың толық шешімі) берілсе, қарастыруға жатпайды.

      Өтініштер бойынша шешім апелляциялық комиссия мүшелерінің жалпы санының көпшілік дауысымен қабылданады. Дауыстар тең болған жағдайда, комиссия төрағасының дауысы шешуші болып табылады.

      Апелляциялық комиссияның жұмысы төрағаның және барлық комиссия мүшелерінің қолдары қойылған осы Қағидаларға 18 және 19-қосымшаларға сәйкес нысандар бойынша ҰБТ және КТ апелляциялық комиссиясы отырысының хаттамасымен ресімделеді.

      86. ҰБТӨП пен базалық ЖОО-дағы апелляциялық комиссия өтінішті оң шешкен жағдайда, өтініш Республикалық апелляциялық комиссияның қарауына жіберіледі.

      87. ҰБТӨП пен базалық ЖОО-дағы апелляциялық комиссия шешімімен келіспеген жағдайда, түсуші Республикалық комиссияға өтініш береді.

      88. Апелляциялық комиссия төрағасы апелляцияға берілген барлық өтініштер бойынша осы Қағидаларға 20-қосымшаға сәйкес нысан бойынша өтініштер тізілімін (тест тапсырмаларының мазмұны/техникалық себептер бойынша) толтырады.

      ҰБТӨП пен базалық ЖОО-дағы апелляциялық комиссияның оң шешімін алған өтініштер бойынша Республикалық апелляциялық комиссияның қарауына жіберген өтініштер бойынша осы Қағидаларға 21-қосымшаға сәйкес нысан бойынша өтініштер тізілімі қалыптастырылады.

      89. Республикалық апелляциялық комиссия апелляциялық комиссияның оң шешімі туралы ұсыныстардың негізділігін қарастырып, шешім шығарады.

      Республикалық апелляциялық комиссияның шешімі комиссия мүшелерінің жалпы санының көпшілік дауысымен қабылданады. Дауыстар тең болған жағдайда, төрағаның дауысы шешуші болып табылады.

      Республикалық апелляциялық комиссияның шешімі төрағаның және барлық комиссия мүшелерінің қолдары қойылған осы Қағидаларға 22-қосымшаға сәйкес нысан бойынша хаттамамен ресімделеді.

      ҰБТӨП пен базалық ЖОО-дағы апелляциялық комиссия түсушіге апелляция қорытындысы туралы хабарлайды.

5-тарау. ҰБТ және КТ-ның сертификаттарын беру тәртібі

      90. ҰБТ немесе КТ нәтижелері бойынша әрбір түсушіге тестілеу аяқталғаннан кейін күнтізбелік үш күн ішінде ҰБТӨП немесе базалық ЖОО мемлекеттік комиссиямен бірлесіп беретін сертификат жазылады. Түсушіге сертификатпен бірге таңдаған бейіндік пәндер комбинациясына сәйкес ақпараттық парақ беріледі.

      91. Сертификаттағы түсушінің Т. А. Ә. (бар болған жағдайда) толтыру жеке басын куәландыратын құжат бойынша жүргізіледі.

      92. Сертификатта ҰБТ немесе КТ шеңберінде тапсырылған әрбір пән бойынша балдар қойылады.

      Сертификатқа мемлекеттік комиссия төрағасының, Министрлік өкілінің қолдары қойылады және ЖОО-ның немесе білім басқармасының жергілікті органының мөрі басылады.

Анықтама

      № ___________

      _____________________________________________________ берілген,

      (куәлікті берген мекеме атауы)

      Туу туралы куәлікті ұсынушы ________________________________________

      (Т..А.Ә. болған жағдайда)

      ______________________________________________________ берілді,

      себебі, ол 20 ____ жылы _______________________________________

      (білім беру ұйымының мекен-жайы)

      ___________________________________________________________ бітіреді.

      (білім беру ұйымының атауы)

      Директор _______________________________ Мерзімі _______20__ ж. _______

      (аты-жөні (болған жағдайда)) қолы

      Анықтама ҰБТӨП-ке ұсыну үшін берілді

Кешенді тестілеуге қатысу үшін
ӨТІНІШ

      Ескерту. Қағида 1-1-қосымшамен толықтырылды – ҚР Білім және ғылым министрінің 10.05.2018 № 196 (алғашқы ресми жарияланған күнінен кейін қолданысқа енгізіледі) бұйрығымен.

      Тіркеуші ЖОО _____________________________________________________________

      (код) (атауы)

      Қабылдау комиссиясының техникалық хатшысы________________________________

      (Т.А.Ә. (бар болған жағдайда)) (қолы)

      Өтінішпен таныстым және көрсеткен мәліметтердің дұрыс жазылғанын растаймын.

      Өтініш беруші______________________________________________________

      (Т.А.Ә. (бар болған жағдайда)) (қолы)

Анықтама

      _____________________________________________________________________

      (Т.А.Ә. (болған жағдайда)

      ол шын мәнінде 201____ жылы аяқтайтыны туралы

      __________________________________________________________________________

      (техникалық және кәсіптік, орта білімнен кейінгі мамандықтың атауы)

      берілді

      __________________________________________________________________________

      (мекен-жайы)

      Мамандық бойынша __________________________________________________

      (техникалық және кәсіптік, орта білімнен кейінгі

      мамандықтың шифры мен атауы)

      __________________________________________________________________________

      Директор ____________________________________________________

      (Т.А.Ә. (болған жағдайда)

      (қолы)

      Тіркеу №_______________ Мерзімі "____"____________________201____

      Анықтама жоғары оқу орындарының қабылдау комиссиясына ұсыну үшін берілді.

Ақпараттық парақ

      Ескерту. Қағида 2-1-қосымшамен толықтырылды – ҚР Білім және ғылым министрінің 10.05.2018 № 196 (алғашқы ресми жарияланған күнінен кейін қолданысқа енгізіледі) бұйрығымен.

      Бейіндік пәндер комбинациясы: _________________

      Оқыту тілі: _________________

      Ескерту: * Жалпы конкурс негізінде күндізгі толық (қысқартылған) оқу түрі бойынша ақпарат

      Ескерту. 3-қосымша жаңа редакцияда – ҚР Білім және ғылым министрінің 10.05.2018 № 196 (алғашқы ресми жарияланған күнінен кейін қолданысқа енгізіледі) бұйрығымен.

Тестілеуге кіргізу барысында бөгде тұлғаның анықталуы туралы Акт

      ______________________________________________________________________

      (ҰБТӨП/Базалық ЖОО атауы және коды)

      Күні "_____"_____________20_____ж. Уақыт_______с. ________мин.

      Министірлік өкілі__________________________________________________

                        (Т.А.Ә.(болған жағдайда))

      Мемлекеттік комиссия мүшесі __________________________________________

      (Т.А.Ә. (болған жағдайда))

      ҰБТӨП/Базалық ЖОО ғимаратына/тестілеуді тапсыру үшін

      ___________________________________ азаматтың орнына бөгде тұлғаның кіру

      (Т.А.Ә. (болған жағдайда) және ТЖК)

      фактісі анықталды _________________________________________________

      ( Т.А.Ә. (болған жағдайда))

      Аталған факті ескере отырып шешім қабылдады:

      Түсушіні/түсушінің ____________________________________________

      (Т.А.Ә (болған жағдайда) және ТЖК)

      ҰБТӨП/Базалық ЖОО ғимаратына тест тапсыру үшін кіргізбеуге Т.А.Ә. (болған

      жағдайда) ___________________________________________, ТЖК _____________

      Актімен танысты:

      (Министірлік өкілінің Т.А.Ә. (болған жағдайда) )

      ___________________________________________________________________

      (аудитория кезекшісінің Т.А.Ә. (болған жағдайда))

      ____________________________________________________________________

      (Мемлекеттік комиссия төрағасының Т.А.Ә. (болған жағдайда))

      ____________________________________________________________________

      (түсуші-бөгде тұлғаның Т.А.Ә. (болған жағдайда))

      М.О

      ҰБТӨП/

      Базалық ЖОО

Емтихан материалдарын ашу туралы акт

      Ескерту. 6-қосымша жаңа редакцияда – ҚР Білім және ғылым министрінің 10.05.2018 № 196 (алғашқы ресми жарияланған күнінен кейін қолданысқа енгізіледі) бұйрығымен.

      ҰБТӨП/ Базалық ЖОО

      ______________________________________________________________________

      (код) (атауы)

      Лек _________________ Аудитория №______________

      Мерзімі______________ Уақыт ____ Сағат____ минут

      Біз, төменде қол қоюшылар, емтихан материалдары салынған қорапты аштық, емтихан

      материалдарына санау жүргіздік. Санау нәтижесі төмендегі кестенің "Нақты саны" бағанында

      көрсетілді.

      Қолданылмаған артық кітапшалар емтихан процесі кезінде алынады.

      ___________________ ________________________________________ ___________

      (түсушінің ТЖК) (түсушінің Т.А.Ә. (бар болған жағдайда)) (қолы)

      ___________________ ________________________________________ ___________

      (түсушінің ТЖК) (түсушінің Т.А.Ә. (бар болған жағдайда)) (қолы)

      ___________________ ________________________________________ __________

      (түсушінің ТЖК) (түсушінің Т.А.Ә. (бар болған жағдайда)) (қолы)

      _________________________________________ _________________

      (Кезекшінің Т.А.Ә. (бар болған жағдайда)) (қолы)

      _________________________________________ _________________

Нұсқаларды тарату парағы

      Ескерту. Қағида 6-1-қосымшамен толықтырылды – ҚР Білім және ғылым министрінің 10.05.2018 № 196 (алғашқы ресми жарияланған күнінен кейін қолданысқа енгізіледі) бұйрығымен.

      Базалық ЖОО ______ _____________________________________________

      (код)                         (атауы)

      Лек____ Аудитория____

      Тестілеу күні______________

      Тапсыру тілі____________

      Мен төменде қол қоюшы, отырғызу парағында көрсетілген менің орнымдағы кітап

      нұсқасы менің кітаптағы нұсқама сәйкес келетінін растаймын.

      "Ескерту" бағаны "Қосымша отырғызу", "Келмеді", "Жойылды", "Кіргізілмеді"

      мәндерін қабылдайды

      Министрлік өкілі________________________________ ______________

      (қолы) (Т.А.Ә. (бар болған жағдайда))

      Аудитория кезекшісі ______________________ ____________________

      (қолы) (Т.А.Ә. (бар болған жағдайда))

      Ескерту. 7-қосымша жаңа редакцияда – ҚР Білім және ғылым министрінің 10.05.2018 № 196 (алғашқы ресми жарияланған күнінен кейін қолданысқа енгізіледі) бұйрығымен.

      Ескерту. 8-қосымша жаңа редакцияда – ҚР Білім және ғылым министрінің 10.05.2018 № 196 (алғашқы ресми жарияланған күнінен кейін қолданысқа енгізіледі) бұйрығымен.

Аудиторияда тыйым салынған заттың тәркіленуі және тәртіп сақтау ережесін бұзған
түсушіні аудиториядан шығару туралы Акт

      ____________________________________________________________________

      (код) (ҰБТӨП/Базалық ЖОО атауы)

      "______"_______________201____ж.______с._______мин.

      Министірлік өкілі____________________________________________________

      (Т.А.Ә.(болған жағдайда))

      Аудитория кезекшісі________________________________________________________

      (Т.А.Ә. (болған жағдайда))

      Тестілеу уақытында түсушіден: Т.А.Ә. (болған жағдайда) ________________________,

      ТЖК _____________

      №___аудитория, №___ орын, №_______нұсқа Ұлттық бірыңғай тестілеуді және

      кешенді тестілеуді өткізу қағидаларының 36, 63-тармақтарының бұзылғандығын дәлелдейтін

      төмендегі заттар табылды:

      __________________________________________________________________________

      (табылған заттың атауы, маркасы, саны.)

      Аталған деректі ескере отырып шешім қабылдады:

      емтихан материалдарын алу;

      түсушіні: Т.А.Ә. (болған жағдайда) ________________________, ТЖК______________

      №_____ аудиториядан шығару және тестілеу нәтижелерін жою.

      Т.А.Ә. (болған жағдайда)________________________________________________,

      ТЖК _____________________________________________________________________

      _________________________________________________________________________

      ____________________________________________________________________

      (осы актіні құрған тұлғалардың, Т.А.Ә. (болған жағдайда) қолдары)

      Актімен таныстым:

      ____________________________________________________________________

      (түсушінің Т.А.Ә. (болған жағдайда) қолы)

      Актімен таныстым:

      ___________________________________________________________________

      (ҰБТӨП жетекшісі/Базалық ЖОО жауапты хатшысы Т.А.Ә. (болған жағдайда) қолы)

      Актімен таныстым:

      ____________________________________________________________________

      (Мемлекеттік комиссия төрағасы Т.А.Ә. (болған жағдайда) қолы)

      М.О

      ҰБТӨП/

      Базалық ЖОО

      Күні:________

Тестілеу барысында бөгде тұлғаның анықталуы туралы Акт

      ____________________________________________________________________

      (ҰБТӨП/Базалық ЖОО атауы және коды)

      Күні "_____"_____________20_____ж. Уақыт_______с. ________мин.

      Министірлік өкілі__________________________________________________

      (Т.А.Ә. (болған жағдайда))

      Мемлекеттік комиссия мүшесі_______________________________________________

      (Т.А.Ә. (болған жағдайда))

      ҰБТӨП/Базалық ЖОО - ға тестілеуді тапсыру үшін

      _______________________________________ азаматтың орнына бөгде тұлғаның кірген

      (Т.А.Ә. (болған жағдайда) және ТЖК)

      фактісі анықталды _________________________________________________________

      ( Т.А.Ә. (болған жағдайда))

      Аталған факті ескере отырып шешім қабылдады:

      Түсушіні/түсушінің ____________________________________________

      (Т.А.Ә (болған жағдайда) және ТЖК)

      Емтихан материалдарын алу және № аудиториядан шығару және тестілеу нәтижелерін

      жою Т.А.Ә. (болған жағдайда)________________________________, ТЖК _____________

      Актімен танысты:

      (Министірлік өкілінің Т.А.Ә. (болған жағдайда) )

      __________________________________________________________________________

      (аудитория кезекшісінің Т.А.Ә. (болған жағдайда))

      __________________________________________________________________________

      (Мемлекеттік комиссия төрағасының Т.А.Ә. (болған жағдайда))

      __________________________________________________________________________

      (түсуші-бөгде тұлғаның Т.А.Ә. (болған жағдайда))

      М.О

      ҰБТӨП/

      Базалық ЖОО

Тестілеуге берілген уақыт аяқталған кезде түсушінің емтихан материалдарды уақытында тапсырмау фактісінің анықталуы туралы
Акт

      __________________________________________________________________________

      (код) (ҰБТӨП/Базалық ЖОО атауы)

      "______"_______________201____ж.______сс._______мин.

      Министірлік өкілі _____________________________________________________

      (Т.А.Ә. (болған жағдайда))

      Аудитория кезекшісі________________________________________________________

      (Т.А.Ә. (болған жағдайда))

      Түсуші: Т.А.Ә. (болған жағдайда) _________________________, ТЖК_____________

      №_____аудитория, №___орын_, №_______ нұсқа

      Тестілеу уақытының аяқталуына байланысты емтихан материалдарын дер кезінде

      тапсырудан бас тартқан себепті Ұлттық бірыңғай тестілеуді және кешенді тестілеуді өткізу

      қағидаларының 39, 66- тармақтары бұзылды.

      Аталған деректі ескере отырып қаулы етті: емтихан материалдарын алу; түсушіні:

      Т.А.Ә. (болған жағдайда) ________________________, ТЖК______________ №_____

      аудиториядан шығару және тестілеу нәтижелерін жою.

      ____________________________________________________________________

      ____________________________________________________________________

      (осы актіні құрған тұлғалардың, Т.А.Ә. (болған жағдайда) қолдары)

      актімен танысты:

      ___________________________________________________________________

      (түсушінің Т.А.Ә (болған жағдайда) қолы)

      актімен танысты:

      ____________________________________________________________________

      (ҰБТӨП жетекшісі/Базалық ЖОО жауапты хатшысы Т.А.Ә. (болған жағдайда) қолы)

      актімен танысты:

      ____________________________________________________________________

      (Мемлекеттік комиссияның төрағасы Т.А.Ә. (болған жағдайда) қолы)

      М.О

      ҰБТӨП/

      Базалық ЖОО

      Күні:__________

Ұлттық бірыңғай тестілеу және кешенді тестілеу кітапшаларын жою туралы акт

      Ескерту. 12-қосымша жаңа редакцияда – ҚР Білім және ғылым министрінің 10.05.2018 № 196 (алғашқы ресми жарияланған күнінен кейін қолданысқа енгізіледі) бұйрығымен.

      "_____"__________201__ жыл ___________________________________________

      (ҰБТӨП / базалық ЖООатауы)

      Негіздеме: "____"__________201__ жылғы

      №______________бұйрықпен бекітілген Ұлттық бірыңғай және кешенді тестілеуді өткізу

      ережесінің 52 және 79-тармақтарында

      Комиссия құрамында:

      Төраға (филиал жетекшісі/жауапты хатшы) _____________________________

      (Т.А.Ә. (болған жағдайда))

      Комиссия мүшелері 1.________________________________________________

      (лауазымы Т.А.Ә. (болған жағдайда))

      2.________________________________________________

      (лауазымы Т.А.Ә. (болған жағдайда))

      3._________________________________________________

      (лауазымы Т.А.Ә. (болған жағдайда))

      4._________________________________________________

      (лауазымы Т.А.Ә. (болған жағдайда))

      Ұлттық бірыңғай және кешенді тестілеу кітапшалары жойылғандығы туралы осы актты құрды:

      Кітапшалардың жойылу жолы:

      __________________________________________________________________________

      (жою тәсілін көрсету-механикалық ұсақтау немесе өртеу) (жойылған орнын

      көрсету)

      Төраға (филиал жетекшісі/жауапты хатшы) ________________________________

      (Т.А.Ә. (бар болған жағдайда) қолы)

      Комиссия мүшелері: 1.________________________________________________

      (лауазымы, Т.А.Ә. (бар болған жағдайда) қолы)

      2.________________________________________________

      (лауазымы, Т.А.Ә. (бар болған жағдайда) қолы)

      3.________________________________________________

      (лауазымы, Т.А.Ә. (бар болған жағдайда) қолы)

      4.________________________________________________

      (лауазымы, Т.А.Ә. (бар болған жағдайда)) қолы)

Апелляцияға арналған өтініштерді тіркеу журналы (тест тапсырмаларының мазмұны бойынша және техникалық себептер бойынша)

Ұлттық бірыңғай және кешенді тестілеудің апелляциялық комиссиясы отырысының хаттамасы

Кешенді тестілеудің ТжКБ апелляциялық комиссия отырысының хаттамасы

Апелляцияға берілген өтініштер тізілімі (тест тапсырмаларының мазмұны бойынша/техникалық себептерге байланысты)

Республикалық апелляциялық комиссияның қарастыруына жіберілген өтініштер тізілімі

Республикалық апелляциялық комиссия қорытындысының
Хаттамасы Протокол
решения Республиканской апелляционной комиссии

      " ___ " ________ 201__ ж.

      _____________________

      хабарлама нөмірі

      1. Пән (предмет)_______________________________________________

      2. Нұсқа және тапсырма нөмірі

      № варианта и задания ________________________________________

      3. Апелляцияға берілу себебі:

      Причина апелляции

      _________________________________________________________________________

      __________________________________________________________________________

      _________________________________________________________

      4. Тексеру нәтижесі, түпнұсқаға сілтеме:

      Результат проверки, ссылка на источник:

      ________________________________________________________________________________

      ________________________________________________________________________________

      ________________________________________________________________________________

      ________________________________________________________________________________

      ________________________________________________________________________________

      5.Комиссия шешімі:

      Решение комиссии: ___________________________ _______________________

      Республикалық апелляциялық комиссия төрағасы: _____________ _______

      Председатель Республиканской апелляционной комиссии Аты-жөні Қолы

      Комиссия мүшелері: ____________________________________________

      Члены комиссии Аты-жөні Қолы