Техникалық және кәсіптік білімі бар кадрларды даярлауды және қысқа мерзімді кәсіптік оқытуды ұйымдастыру қағидаларын бекіту туралы

      Қазақстан Республикасы Үкіметінің 2016 жылғы 29 желтоқсандағы № 919 қаулысымен бекітілген Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасының 5.1.1 және 5.1.2-тармақтарына сәйкес БҰЙЫРАМЫН:

      1. Қоса беріліп отырған Техникалық және кәсіптік білімі бар кадрларды даярлауды және қысқа мерзімді кәсіптік оқытуды ұйымдастыру қағидалары бекітілсін.

      2. Қазақстан Республикасы Білім және ғылым министрлігі Техникалық және кәсіптік білім департаменті (Н.Ж. Оспанова) заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасының Әділет министрлігінде мемлекеттік тіркеуден өткеннен кейін күнтізбелік он күн ішінде осы бұйрықтың көшірмелерін ресми жариялау үшін мерзімді баспа басылымдарына, сондай-ақ Қазақстан Республикасы нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жолдауды;

      3) осы бұйрықты Қазақстан Республикасы Білім және ғылым министрлігінің интернет-ресурсында орналастыруды;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Білім және ғылым министрлігінің Заң қызметі және халықаралық ынтымақтастық департаментіне осы тармақтың 1), 2) және 3) тармақшаларында көзделген іс-шаралардың орындаулы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау Қазақстан Республикасының Білім және ғылым вице-министрі Э.А. Суханбердиеваға жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "Келісілді"

      Қазақстан Республикасының

      Еңбек және халықты әлеуметтік

      қорғау министрі

      _______________Т. Дүйсенова

      31 қаңтар 2017 жыл

      "Келісілді"

      Қазақстан Республикасының

      Қорғаныс министрі

      ____________С. Жасұзақов

      9 ақпан 2017 жыл

Техникалық және кәсіптік білімі бар кадрларды даярлауды және қысқа мерзімді кәсіптік оқытуды ұйымдастыру қағидалары

1-тарау. Жалпы ережелер

      1. Осы Техникалық және кәсіптік білімі бар кадрларды даярлауды және қысқа мерзімді кәсіптік оқытуды ұйымдастыру қағидалары (бұдан әрі – Қағидалар) Қазақстан Республикасы Үкіметінің 2016 жылғы 29 желтоқсандағы № 919 қаулысымен бекітілген Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасының (бұдан әрі – Бағдарлама) 5.1.1 және 5.1.2-тармақтарына сәйкес әзірленген және техникалық және кәсіптік білімі (бұдан әрі - ТжКБ) бар кадрларды даярлауды және қысқа мерзімді кәсіптік оқытуды ұйымдастыру тәртібін айқындайды.

      2. ТжКБ бар кадрларды даярлауға және қысқа мерзімді кәсіптік оқытуға бағытталған шаралар тиісті жылға жергілікті бюджет қаражаты есебінен жүзеге асырылады.

      Осы Қағидаларда мынадай негізгі ұғымдар пайдаланылады:

      1) мобильді оқу орталығы – практиканы қамтамасыз етумен және оқыту орнына конструктивтік элементтер мен құрал–жабдықтарды тасымалдау мүмкіндігімен қоса қосымша білім берудің білім беру бағдарламаларын іске асыратын жылжымалы оқу орталығы;

      2) мобильдік топтар – аудандық (қалалық) комиссияның шешімімен әрбір елді мекенде ТжКБ бар кадрларды даярлауға үміткерлер іздеу және тізімін қалыптастыру үшін құрылатын топ. Мобильді топтардың құрамына кенттер, ауылдық округтер, аудандық маңызы бар қалалар мен қалалар құрамындағы аудандар әкімдіктерінің, білім беру ұйымдарының, білім беру және жұмыспен қамту мәселелері бойынша жергілікті атқарушы органдардың өкілдері кіреді.

2-тарау. ТжКБ бар кадрларды даярлауды ұйымдастыру тәртібі

      3. ТжКБ бар кадрлар даярлау бағдарламасына қатысушылар өмірлік қиын жағдайға тап болған және тұрмысы төмен отбасылардың мүшелері қатарындағы 9-11 сыныптарды бітірушілер, оқу орындарына түспеген, жұмыс іздеп жүрген адамдар, сондай-ақ Қазақстан Республикасының заңнамасында белгіленген азаматтардың өзге де санаттары болып табылады.

      4. Бағдарлама қатысушылары жұмысшы біліктілігі бойынша оқытудың екідеңгейлі моделінің модульдік бағдарламалары бойынша Қазақстан Республикасы Білім және ғылым министрінің 2016 жылғы 22 қаңтардағы № 65 бұйрығымен (Нормативтік құқықтық актілерді мемлекеттік тіркеу тізілімінде № 13149 болып тіркелген) бекітілген Техникалық және кәсіптік, орта білімнен кейінгі білім үшін оқыту мерзімдері және білім беру деңгейлері бойынша кәсіптер мен мамандықтардың тізбесіне сәйкес ақысыз негізде және оқуды жалғастырған жағдайда орта буын маманының біліктілігі бойынша Қазақстан Республикасы Үкіметінің 2012 жылғы 19 қаңтардағы № 130 қаулысымен бекітілген Техникалық және кәсіптік білімнің білім беру бағдарламаларын іске асыратын білім беру ұйымдарына оқуға қабылдаудың үлгі қағидаларына сәйкес конкурстық негізде оқиды.

      5. Бағдарламаның 5.1.1-тармағына сәйкес мобильдік топтар ТжКБ бар кадрларды даярлауға үміткерлер іздеуді жүзеге асырады және тізімін қалыптастырады және "Еңбек нарығы" автоматтандырылған ақпараттық жүйесі арқылы деректерді тексеру үшін халықты жұмыспен қамту орталығына осы Қағидаларға 1-қосымшаға сәйкес нысан бойынша ТжКБ бар кадрларды даярлауға үміткерлер туралы ақпаратты жолдайды.

      Халықты жұмыспен қамту орталықтары бес жұмыс күні ішінде деректердің дұрыстығын тексеру нәтижелері туралы облыстардың, Астана және Алматы қалаларының білім беру саласындағы жергілікті атқарушы органдарға хабарлайды.

      6. Аудандық (қалалық) деңгейдегі білім беру саласындағы жергілікті атқарушы органдар мобильді топтардың деректері негізінде облыстардың, Астана және Алматы қалаларының білім беру саласындағы жергілікті атқарушы органдарымен келісу бойынша кенттердің, ауылдық округтердің, аудандық маңызы бар қалалардың және қалалар құрамындағы аудандардың әкімдерімен бірлесіп, үш жұмыс күні ішінде үміткерлерді хабардар етеді және Бағдарлама қатысушыларына осы Қағидаларға 1-1-қосымшаға сәйкес нысан бойынша оқуға жолдама және жолдамаға хабарлама береді.

      7. Бағдарламаға қатысуға үміткерлер ауданық (қалалық) деңгейдегі білім беру саласындағы жергілікті атқарушы органдар берген жолдамалар негізінде осы Қағидаларға 2-қосымшаға сәйкес нысан бойынша оқу орнына өтініш береді.

      8. Оқу орнына өтініш берген кезде үміткерлер мынадай құжаттарды ұсынады:

      1) жеке басын куәландыратын құжаттың көшірмесі;

      2) білім туралы құжат (аттестат, куәлік, диплом);

      3) Қазақстан Республикасы Денсаулық сақтау министрінің 2010 жылғы 23 қарашадағы № 907 бұйрығымен (Қазақстан Республикасының нормативтік құқықтық актілерді мемлекеттік тіркеу тізілімінде № 6697 болып тіркелген) бекітілген Денсаулық сақтау ұйымдарының № 086-У бастапқы медициналық құжаттама нысанына сәйкес денсаулық жағдайы туралы анықтама;

      4) әлеуметтік көмек көрсетілетін азаматтар санатын растайтын анықтама (бар болған жағдайда);

      5) жолдама.

      Үміткердің жеке басын куәландыратын құжаттарды үміткердің өзі не ата-анасы немесе заңды өкілдері тапсырады.

      9. Топтарды жасақтау жылына бір рет 20 маусымнан 30 тамызға дейін жүргізіледі.

      10. ТжКБ бар кадрлар даярлау бойынша Бағдарлама қатысушыларын оқуға қабылдауды оқу орнының басшысы жүзеге асырады.

      11. Облыстардың, Астана және Алматы қалаларының білім беру саласындағы жергілікті атқарушы органдары аудандық (қалалық) комиссия шешімінің негізінде аудандық (қалалық) комиссия шешімін алған сәттен бастап бес жұмыс күнінен кешіктірмей оқу орындарымен ТжКБ бар кадрларды даярлау туралы шарт жасайды.

      12. Бағдарлама қатысушыларын оқыту ұзақтығы Қазақстан Республикасы Білім және ғылым министрінің 2016 жылғы 22 қаңтардағы № 65 бұйрығымен (Қазақстан Республикасының нормативтік құқықтық актілерді мемлекеттік тіркеу тізілімінде № 13149 болып тіркелген) Техникалық және кәсіптік, орта білімнен кейінгі білім үшін оқыту мерзімдері және білім беру деңгейлері бойынша кәсіптер мен мамандықтардың тізбесіне сәйкес анықталады.

      Оқу "Білім туралы" 2007 жылғы 27 шілдедегі Қазақстан Республикасы Заңының 5-бабының 6) тармақшасына сәйкес білім беру саласындағы уәкілетті орган бекіткен үлгілік оқу бағдарламалары мен жоспарлары негізінде оқу орны әзірлеген оқу жұмыс бағдарламалары мен жоспарлары бойынша жүзеге асырылады.

      13. ТжКБ бар кадрларды даярлау курстарын жұмысшы біліктіліктері бойынша аяқтаған және Қазақстан Республикасы Білім және ғылым министрінің 2008 жылғы 18 наурыздағы № 125 бұйрығымен (Қазақстан Республикасының нормативтік құқықтық актілерді мемлекеттік тіркеу тізілімінде № 5191 болып тіркелген) бекітілген Білім алушылардың үлгерімін ағымдағы бақылау, аралық және қорытынды мемлекеттік аттестаттау жүргізудің үлгі ережесіне (бұдан әрі - № 125 бұйрық) сәйкес қорытынды аттестаттау тапсырған Бағдарлама қатысушыларына Қазақстан Республикасы Білім және ғылым министрінің 2015 жылғы 28 қаңтардағы № 39 бұйрығымен (Қазақстан Республикасының нормативтік құқықтық актілерді мемлекеттік тіркеу тізілімінде № 10348 болып тіркелген) бекітілген Мемлекеттік үлгідегі білім беру туралы құжаттардың түрлері мен нысандарын және оларды беру қағидаларына сәйкес мемлекеттік үлгідегі құжат (диплом) беріледі.

      14. Оқу орны Бағдарлама қатысушыларын:

      1) білім беру ұйымының ішкі тәртібіне сәйкес сабақтан себепсіз қалған;

      2) № 125 бұйрыққа сәйкес аралық аттестаттаудан ағымдағы білім есебінің қорытындысы бойынша қанағаттанарлықсыз баға алған жағдайларда аудандық (қалалық) комиссияның келісімі бойынша оқудан шығарады.

      15. ТжКБ алған барлық Бағдарлама қатысушыларына:

      1) стипендия;

      2) Қазақстан Республикасы Білім және ғылым министрінің 2015 жылғы 4 желтоқсандағы № 677 бұйрығымен (Қазақстан Республикасының нормативтік құқықтық актілерді мемлекеттік тіркеу тізілімінде № 12894 болып тіркелген) бекітілген Техникалық және кәсiптiк, орта бiлiмнен кейiнгi және жоғары бiлiмнің білім беру бағдарламаларын іске асыратын ұйымдарда мемлекеттік білім беру тапсырысы негізінде білім алушылар үшін өтемақылар төлеу арқылы қысқы және жазғы каникул кезеңінде қалааралық теміржол және автомобиль (таксиден басқа) көлігінде жеңілдікпен жол жүруді қамтамасыз ету қағидаларына сәйкес жол жүруге өтемақы;

      3) ыстық тамақ беріледі.

      16. Оқу орны білім алушыларды қабылдағаннан кейін облыстардың, Астана және Алматы қалаларының білім беру саласындағы жергілікті атқарушы органдарына осы Қағидаларға 3-қосымшаға сәйкес нысан бойынша Бағдарламаның оқуға қабылданған қатысушылары туралы есепті 1 қазанға дейін ұсынады.

      17. Оқу орындары облыстардың, Астана және Алматы қалаларының білім беру саласындағы жергілікті атқарушы органдарына ай сайын есепті айдан кейінгі айдың 1-не дейін осы Қағидаларға 4-қосымшаға сәйкес нысан бойынша ТжКБ бар кадрларды даярлау барысы туралы есеп береді.

      18. Облыстардың, Астана және Алматы қалаларының білім беру саласындағы жергілікті атқарушы органдары осы Қағидаларға 5-қосымшаға сәйкес нысан бойынша ТжКБ бар кадрларды даярлаудың барысы туралы есепті және 5-1 қосымшаға сәйкес нысан бойынша ТжКБ бар кадрларды даярлауға қабылданған қатысушылар туралы ақпаратты (портал арқылы электрондық түрде/қағаз түрінде) халықты жұмыспен қамту орталықтарына ай сайын есепті айдан кейінгі айдың 3-күніне, білім беру саласындағы уәкілетті органға есепті айдан кейінгі айдың 5-күніне ұсынады.

      19. Білім беру саласындағы уәкілетті орган білім беру саласындағы жергілікті атқарушы органдардан алған ақпарат негізінде ай сайын есепті айдан кейінгі айдың 10-на ТжКБ бар кадрларды даярлаудың барысы туралы ақпаратты халықты жұмыспен қамту мәселелері жөніндегі уәкілетті органға осы Қағидаларға 6-қосымшаға сәйкес нысан бойынша ұсынады.

3-тарау. Қысқа мерзімді кәсіптік оқытуды ұйымдастырудың тәртібі

      20. Қысқа мерзімді кәсіптік оқудан өтетін Бағдарлама қатысушылары 29 жасқа дейінгі жастағы жастар мен халықты жұмыспен қамту орталықтарында тіркелуіне қарамастан жұмыссыздар, өзін-өзі жұмыспен қамтығандар және қысқартылатын жұмыскерлер болып табылады.

      21. Бағдарламаға қатысатын үміткерлерді қысқартылған жұмыскерлерді қоспағанда іріктеу:

      1) халықты жұмыспен қамту орталықтарына, өңірлік комиссия айқындаған тізбеден білім беру ұйымдарына, өңірлік кәсіпкерлер палатасына (бұдан әрі – ӨКП), кенттердің, ауылдық округтердің, аудандық маңызы бар қалалардың және қалалар құрамындағы аудандардың әкіміне осы Қағидаларға 7-қосымшаға сәйкес нысан бойынша өтініш беру, өз бетінше жүгіну;

      2) халықты жұмыспен қамту орталығы ұсынатын үміткерлердің ішінен таңдау арқылы жүргізіледі.

      Қысқартылатын жұмыскерлер қайта даярлау шеңберінде халықты жұмыспен қамту орталықтарына жүгінеді және білім беру ұйымдарын өз бетінше таңдайды.

      22. 18-тармақтың 1) тармақшасында көрсетілген ұйымдарға өтініш берген кезде үміткер мынадай құжаттарды ұсынады:

      1) жеке басын куәландыратын құжаттың көшірмесі;

      2) еңбек кітапшасының көшірмесі (болған жағдайда);

      3) білімі туралы құжаттың (аттестат, куәлік, диплом) көшірмесі, сондай-ақ болған жағдайда, оқығанын растайтын құжаттардың (куәлік, сертификат) көшірмесі;

      4) Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен (Қазақстан Республикасының нормативтік құқықтық актілерді мемлекеттік тіркеу тізілімінде № 6697 болып тіркелген) бекітілген Денсаулық сақтау ұйымдарының № 086-У бастапқы медициналық құжаттама нысандары бойынша денсаулық жағдайы туралы анықтама көшірмесі. Денсаулық жағдайы туралы анықтама көшірмесі қатысушылардың құрамына қосу туралы шешім қабылданғаннан кейін ұсынылады.

      23. Құжаттар топтамасын қабылдау кезінде халықты жұмыспен қамту орталығының, білім беру ұйымдарының, ӨКП, кенттер, ауылдық округтер, аудандық маңызы бар қалалар және қалалар құрамындағы аудандар әкімдігінің қызметкері көшірмені құжаттардың түпнұсқасымен салыстырып, түпнұсқаларын өтініш берушіге қайтарады.

      Үміткерлерден келіп түскен құжаттар мен өтініштерді халықты жұмыспен қамту орталықтарына және халықты жұмыспен қамту орталықтарынан аудандық (қалалық) комиссияға тапсыру мерзімі Бағдарламаның 5.1.2 тармағына сәйкес жүзеге асырылады. Аудандық (қалалық) комиссия отырысы қажеттілігіне қарай өткізіледі.

      Білім беру ұйымдары/ӨКП/ауылдық округ немесе елді мекендердің әкімдері үш жұмыс күні ішінде қысқа мерзімді кәсіптік оқуға үміткерлер туралы мәліметтерді портал арқылы электрондық түрде/қағаз түрінде осы Қағидаларға 7-1-қосымшаға сәйкес нысан бойынша халықты жұмыспен қамту орталықтарына ұсынады.

      24. Аудандық (қалалық) комиссия халықты жұмыспен қамту орталықтарының деректері негізінде үш жұмыс күні ішінде үміткерлердің тізімін бекітеді және оны халықты жұмыспен қамту орталықтарына жолдайды.

      25. Халықты жұмыспен қамту орталықтары үш жұмыс күні ішінде үміткерлерге аудандық (қалалық) комиссияның қабылдаған шешімі туралы хабарлайды және оларға осы Қағидаларға 8-қосымшаға сәйкес нысан бойынша Бағдарлама қатысушысын оқыту үшін білім беру ұйымына жолдама береді. Ауылдық елді мекендерде тұратын үміткерлер ауылдық округтер мен елді мекендердің әкімдері арқылы хабарландырылады.

      26. Білім беру ұйымы білім алушыларды қабылдағаннан кейін бес жұмыс күнінен кешіктірмей және ай сайын есепті айдан кейінгі айдың 1-күніне дейін халықты жұмыспен қамту орталықтарына осы Қағидаларға 9-қосымшаға сәйкес нысан бойынша оқуға қабылданған Бағдарлама қатысушылары туралы есепті портал арқылы электрондық түрде/қағаз түрінде және қабылдау туралы бұйрықтардың көшірмесін ұсынады.

      27. Білім беру ұйымы жұмыс берушілермен бірлесіп және ӨКП-ның келісімі бойынша оқу кестесін және жұмысшы біліктіліктері бойынша кәсіпкерлік негіздеріне оқыту модулін қамтитын оқу бағдарламаларын әзірлейді. Білім беру ұйымы Бағдарлама қатысушысының талабы мен мүмкіндігін ескере отырып, халықты жұмыспен қамту орталығының келісімі бойынша қысқа мерзімді кәсіптік оқытуды күндізгі немесе кешкі нысандарда жүзеге асырады.

      28. Қысқа мерзімді кәсіптік оқытудың ұзақтығы кәсіпкерлік негіздеріне оқытуды қоспағанда, біліктіліктің (мамандықтың) ерекшеліктерін ескере отырып, бір айдан алты айға дейінгі мерзімді құрайды. Кәсіпкерлік негіздеріне оқыту мерзімі 15 (он бес) күннен аспайды.

      29. Бағдарлама қатысушыларын қысқа мерзімді кәсіптік оқыту Бағдарламаның 2.1 тармағының 18) тармақшасында көрсетілген білім беру ұйымдарында халықты жұмыспен қамту орталықтарымен жасалған шарт негізінде, оның шеңберінде қысқа мерзімді курстарға түсетін үміткерлерді жолдау іске асырылады. Кәсіпкерліктің негіздерін оқыту білім беру ұйымдарында және ӨКП-ның құрылымдық бөлімшелері арқылы жүзеге асырылады.

      30. Білім беру ұйымы Бағдарлама қатысушыларын:

      1) білім беру ұйымының ішкі тәртібіне сәйкес сабақтан себепсіз қалған;

      2) № 125 бұйрыққа сәйкес аралық аттестаттаудан ағымдағы білім есебінің қорытындысы бойынша қанағаттанарлықсыз баға алған жағдайларда аудандық (қалалық) комиссияның келісімі бойынша оқудан шығарады.

      31. Қысқа мерзімді кәсіптік оқудан өткен Бағдарлама қатысушылары оқу ақысын төлеу үшін мемлекеттік қолдаумен, стипендиямен, жол жүру ақысымен қамтамасыз етіледі.

      32. Тұрғылықты жерінен тыс елді мекендерде оқитын Бағдарламға қатысушылары үшін жол жүруге және тұруға (тұрғын үйді жалдау (жалға алу) бойынша шығыстарды өтеу) материалдық көмек төленеді.

      33. Алыс ауылдық елді мекендерде тұратын адамдар қысқа мерзімді оқытудан мобильді оқу орталықтары арқылы өтеді.

      34. Қысқа мерзімді кәсіптік оқытатын мобильді оқу орталығы аудандық (қалалық) комиссияның шешімімен оқу орнының жанынан құрылады.

      35. Мобильді оқу орталығының жұмысын ұйымдастыру үшін оқу орны меншік құқығындағы азаматтық-құқықтық шарттардың негізінде коммуналдық мүлік құрамына мобильді оқу орталығының мүліктік (жылжитын және (немесе) жылжымайтын) кешенін алады.

      36. Мобильді оқу орталығының мүліктік кешеніне:

      1) технологиялық жабдықтарды жеткізу және оқытуды өткізу үшін жылжымалы көлік құралы;

      2) оқыту технологиялық жабдықтар кіреді.

      Мобильді оқу орталығының аудандар мен ауылдық округтерге бару кестесін облыстардың білім беру саласындағы жергілікті атқарушы органдары құрады және бекітеді.

      37. Мобильді оқу орталығының оқу қызметін қамтамасыз ету үшін оқу орнының басшысы өндірістен мамандарды тарта отырып, оқытушылар мен өндірістік оқыту шеберлері арасынан инженерлік-педагогикалық қызметкерлер тобын және олардың негізгі жұмыс істеу кестесін есепке ала отырып, мобильді оқу орталығындағы жұмыстарының мерзімін анықтайды. Мобильді оқу орталығының мүліктік (жылжитын және (немесе) жылжымайтын) кешенін тасымалдауды қамтамасыз ету үшін жүргізуші, мобильді оқу орталығына техникалық қызмет көрсету үшін тиісті мамандар тартылуы мүмкін.

      38. Бағдарлама қатысушылары қысқа мерзімді кәсіптік оқуды аяқтағаннан кейін білім беру ұйымы жұмысқа орналастыруға көмек көрсету үшін халықты жұмыспен қамту орталықтарына, ӨКП-ға оқуды аяқтағандардың тізімін жібереді.

      39. Білім беру ұйымы ай сайын есепті айдан кейінгі айдың 1-не дейін халықты жұмыспен қамту орталықтарына осы Қағидаларға 10-қосымшаға сәйкес нысан бойынша қысқа мерзімді кәсіптік оқытудың барысы туралы есеп береді

      40. Қысқа мерзімді кәсіптік оқытуды аяқтаған және біліктілік емтиханын тапсырған Бағдарлама қатысушыларына білім беру ұйымы Қазақстан Республикасы Білім және ғылым министрінің 2015 жылғы 28 қаңтардағы № 39 бұйрығымен (Қазақстан Республикасының нормативтік құқықтық актілерді мемлекеттік тіркеу тізілімінде № 10348 болып тіркелген) бекітілген Білім туралы мемлекеттік үлгідегі құжаттардың түрлері мен нысандарын және оларды беру қағидаларына, Қазақстан Республикасы Білім және ғылым министрінің 2013 жылғы 11 қыркүйектегі № 370 бұйрығымен (Қазақстан Республикасының нормативтік құқықтық актілерді мемлекеттік тіркеу тізілімінде № 8829 болып тіркелген) бекітілген Ересектерге арналған қосымша білім беру ұйымдарының түрлері қызметінің үлгілік қағидаларына сәйкес нысандар бойынша куәлік немесе сертификат береді.

      41. Облыстардың, Астана және Алматы қалаларының халықты жұмыспен қамту мәселелері жөніндегі жергілікті атқарушы органдары халықты жұмыспен қамту орталықтарының есептері негізінде ай сайын есепті айдан кейінгі айдың 5-күніне халықты жұмыспен қамту мәселелері жөніндегі уәкілетті органға осы Қағидаларға 11-қосымшаға сәйкес нысан бойынша қысқа мерзімді кәсіптік оқытудың барысы туралы есеп ұсынады.

      43. Бағдарламаның 5.1.3-тармағында қайта даярлауы көзделген қысқартылатын қызметкерлер төмендегі құжаттар тізімін ұсынады:

      1) жеке басын куәландыратын құжаттың көшірмесі;

      2) еңбек кітапшасының көшірмесі (болған жағдайда);

      3) білімі туралы құжат (аттестат, куәлік, диплом), сондай-ақ бар болған жағдайда оқығанын растайтын құжаттар (куәлік, сертификат);

      4) "Денсаулық сақтау ұйымдарының бастапқы медициналық құжаттама нысандарын бекіту туралы" Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен бекітілген 086-е нысаны бойынша денсаулық жағдайы туралы медициналық анықтама (денсаулық жағдайы туралы медициналық анықтаманы қатысушылар құрамына қосу туралы шешім қабылданғаннан кейін тапсырады).

ТжКБ бар кадрларды даярлауға қабылданған қатысушылар туралы ақпарат

      Ескерту. 1-қосымша жаңа редакцияда – ҚР Білім және ғылым министрінің 19.09.2017 № 472 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен

________________________________________________________________
(ауданның, облыстық маңызы бар қаланың Астана және Алматы
қалаларының жергілікті атқарушы органдарының атауы)

Бағдарламаның қатысушысын оқытуға

      Ескерту. Бұйрық 1-1-қосымшамен толықтырылды – ҚР Білім және ғылым министрінің 19.09.2017 № 472 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен

№____жолдама

      Бағдарламаның қатысушысы__________________________________________

      (қатысушының тегі, аты, әкесінің аты (ол бар болған жағдайда)

      _______________________ облысының ________________ (облыстық маңызы бар қаланың, астананың, республикалық маңызы бар қаланың) аудандық (қалалық) деңгейдегі білім беру саласындағы жергілікті атқарушы орган/кенттердің, ауылдық округтердің, аудандық маңызы бар қалалардың және қалалар құрамындағы аудандардың әкімдері аудандық (қалалық) комиссияның шешімі негізінде _______________________________________________________________

      (білім беру ұйымының атауы, мекенжайы, байланыс телефоны)

      _______ай мерзімге "____" _______ "____" ________ дейін оқуға жібереді.

      Аудандық (қалалық) деңгейдегі білім беру

      саласындағы жергілікті атқарушы органның

      басшысы/кенттердің, ауылдық округтердің,

      аудандық маңызы бар қалалардың және

      қалалар құрамындағы аудандардың әкімі

      _________________________________________ ___________

      басшының тегі, аты, әкесінің аты (ол бар болған жағдайда) қолы

      Берілген күні ___________

      М.О.

      _ _ _ _ _ _ _ _ _ _ _ _ _ _ _ _ _ _ _ _ _ _ _ __ _ _ _ _ _ _ _ _ _ _ _ _

      ( қию сызығы)

      Аудандық (қалалық) деңгейдегі білім беру

      саласындағы жергілікті атқарушы органға/

      кенттердің, ауылдық округтердің,

      аудандық маңызы бар қалалардың және

      қалалар құрамындағы аудандардың әкімдігіне қайтарылады.

№_ Жолдамаға хабарлама
_____________________________________________________________
(білім беру ұйымының атауы)

      Бағдарламаның қатысушысы
      _____________________________________________________________
      (қатысушының тегі, аты, әкесінің аты (ол бар болған жағдайда)
      201__ жылғы "___" ____ ________ 201__жылғы "___" _______№___бұйрыққа сәйкес
      __________________________________________________мамандығы бойынша
      (мамандықтың атауы)
      201__ жылғы "___" ______ _______ дейін ______ ай мерзімге оқуға қабылданғанын хабарлайды.
      Білім беру ұйымының жауапты өкілі
      ___________________________________________
      тегі, аты, әкесінің аты (ол бар болған жағдайда)

      М.О.

Өтініш

      Мені "Бағдарлама қатысушыларын техникалық және кәсіптік біліммен және қысқа

      мерзімді кәсіптік оқытумен қамтамасыз ету" бірінші бағыты бойынша Бағдарлама

      қатысушыларының тізіміне қосуды сұраймын.

      Қосымша__ бетте:

      1) жеке басын куәландыратын құжаттың көшірмесі;

      2) білімі туралы құжат (аттестат, куәлік, диплом), сондай-ақ бар болған жағдайда

      оқығанын растайтын құжаттар (куәлік, сертификат);

      3) Қазақстан Республикасы Денсаулық сақтау министрінің міндетін атқарушының 2010

      жылғы 23 қарашадағы № 907 бұйрығымен бекітілген 086-У нысаны бойынша денсаулық

      жағдайы туралы анықтама;

      4) әлеуметтік көмек көрсетілетін азаматтар санатын растайтын анықтама (болған

      жағдайда);

      5) жолдама.

      Күні 20__ жылғы "___" _________

      қолы

      _ _ _ _ _ _ _ _ _ _ _ _ _ _ _ _ _ _ _ _ _ _ _ _

      (қию сызығы)

      Азамат (азаматша) ________________________________ өтініші

      20__ жылғы "___" _________қабылданды, №_____тіркелді.

      Құжаттарды қабылдаған адамның тегі, аты, әкесінің аты (ол бар болған жағдайда),

      лауазымы және қолы:

      ______________________________________________________

      Күні 20__ жылғы "___" _________

      *ұсынылған құжаттардың дұрыстығына өтініш беруші жауапты болады.

Бағдарламаның қабылданған қатысушылары туралы есеп __________________________________________________________ (оқу орнының атауы)

ТжКБ бар кадрларды даярлау барысы туралы есеп _____________________________________________________________ оқу орнының атауы)

ТжКБ бар кадрларды даярлау барысы туралы есеп ___________________________________________________________ (облыстардың, Астана және Алматы қалаларының білім беру саласындағы жергілікті атқарушы органының атауы)

Қабылданған қатысушылар туралы ақпарат

      Ескерту. Бұйрық 5-1-қосымшамен толықтырылды – ҚР Білім және ғылым министрінің 19.09.2017 № 472 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен

_______________________________ (облыстардың, Астана және Алматы қалаларының білім беру мәселелері жөніндегі жергілікті атқарушы органдарының атауы) 20___жылғы "___"_______бойынша

ТжКБ бар кадрларды даярлау барысы туралы мәлімет

      20___ жылғы "__"______________ жағдай бойынша

Өтініш

      Мені "Бағдарлама қатысушыларын техникалық және кәсіптік біліммен және қысқа

      мерзімді кәсіптік оқытумен қамтамасыз ету" бірінші бағыты бойынша Бағдарлама

      қатысушыларының тізіміне қосуды сұраймын.

      Қосымша__ бетте:

      1) жеке басын куәландыратын құжаттың көшірмесі;

      2) еңбек кітапшасының көшірмесі (болған жағдайда);

      3) білімі туралы құжат (аттестат, куәлік, диплом), сондай-ақ бар болған жағдайда

      оқығанын растайтын құжаттар (куәлік, сертификат);

      4) Қазақстан Республикасы Денсаулық сақтау министрінің міндетін атқарушының 2010

      жылғы 23 қарашадағы № 907 бұйрығымен бекітілген 086-У нысаны бойынша денсаулық

      жағдайы туралы анықтама. Денсаулық жағдайы туралы анықтаманы қатысушылар құрамына

      қосу туралы шешім қабылданғаннан кейін тапсырады.

      Күні 20__ жылғы "___" _________

      қолы

      _ _ _ _ _ _ _ _ _ _ _ _ _ _ _ _ _ _ _ _ _ _ _ _

      (қию сызығы)

      Азамат (азаматша) ________________________________ өтініші

      20__ жылғы "___" _________қабылданды, №_____тіркелді.

      Құжаттарды қабылдаған адамның тегі, аты, әкесінің аты (ол бар болған жағдайда),

      лауазымы және қолы:

      ______________________________________________________

      Күні 20__ жылғы "___" _________

      *ұсынылған құжаттардың дұрыстығына өтініш беруші жауапты болады.

Қысқа мерзімді кәсіптік оқуға үміткерлер туралы мәліметтер

      Ескерту. Бұйрық 7-1-қосымшамен толықтырылды – ҚР Білім және ғылым министрінің 19.09.2017 № 472 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен

_______________________________________________________
(білім беру ұйымдары, ӨКП, кенттердің, ауылдық округтердің, аудандық маңызы бар
қалалардың және қалалар құрамындағы аудандардың атауы)

Бағдарлама қатысушысын оқытуға №____жолдама

      Бағдарлама қатысушысы

      ________________________________________________________________________________

      (қатысушының тегі, аты, әкесінің аты (ол бар болған жағдайда)

      _______________________ облысының ________________ (облыстық маңызы бар қаланың,

      астананың, республикалық маңызы бар қаланың) аудандық (қалалық) деңгейдегі білім беру

      саласындағы жергілікті атқарушы орган/кенттердің, ауылдық округтердің, аудандық маңызы

      бар қалалардың және қалалар құрамындағы аудандардың әкімдері аудандық (қалалық)

      комиссияның шешімі негізінде _____________________________________________________

      (білім беру ұйымының атауы, мекенжайы, байланыс телефоны)

      _______ай мерзімге "____" ____________ "____" ____________ дейін оқуға жібереді.

      Аудандық (қалалық) деңгейдегі білім беру

      саласындағы жергілікті атқарушы органның

      басшысы/кенттердің, ауылдық округтердің,

      аудандық маңызы бар қалалардың және

      қалалар құрамындағы аудандардың әкімі _____________________________________________

      (басшының тегі, аты, әкесінің аты (ол бар болған жағдайда),

      ____________

      қолы

      Берілген күні

      М.О.

      _ _ _ _ _ _ _ _ _ _ _ _ _ _ _ _ _ _ _ _ _ _ _ __ _ _ _ _ _ _ _ _ _ _ _ _ _ _ _ _ _ _ _ _ _ _ _ _

      (қию сызығы)

      Аудандық (қалалық) деңгейдегі білім беру

      саласындағы жергілікті атқарушы органға/

      кенттердің, ауылдық округтердің,

      аудандық маңызы бар қалалардың және

      қалалар құрамындағы аудандардың әкімдігіне қайтарылады.

      №_ Жолдамаға хабарлама

      ________________________________________________________

      (білім беру ұйымының атауы)

      Бағдарлама қатысушысы

      ________________________________________________________

      (қатысушының тегі, аты, әкесінің аты (ол бар болған жағдайда)

      201__ жылғы "___" _________201__жылғы "___" ____________№___бұйрыққа сәйкес

      _________________________________________кәсібі бойынша

      (кәсіптің атауы)

      201__ жылғы "___" ________ дейін ____ ай мерзімге оқуға қабылданғанын

      хабарлайды.

      Білім беру ұйымының жауапты өкілі

      ___________________________________________

      (тегі, аты, әкесінің аты (ол бар болған жағдайда)

      М.О.

Бағдарламаның қабылданған қатысушылары туралы есеп __________________________________________________________ (білім беру ұйымының атауы)

Қысқа мерзімді кәсіптік оқытудың барысы туралы есеп _____________________________________________________________ (оқу орнының, оқу орталығының, жоғары әскери-техникалық мектептің атауы)

Қысқа мерзімді кәсіптік оқытудың барысы туралы есеп

      Ескерту. 11-қосымша жаңа редакцияда – ҚР Білім және ғылым министрінің 19.09.2017 № 472 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен

_____________________________________________________________
(облыстардың, Астана және Алматы қалаларының халықты жұмыспен қамту мәселелері жөніндегі
жергілікті атқарушы органдарының, халықты жұмыспен қамту орталықтарының атауы)

      Ескерту. Алып тасталды – ҚР Білім және ғылым министрінің 19.09.2017 № 472 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен

ТжКБ бар кадрлар даярлаудың және қысқа мерзімді кәсіптік оқытудың барысы туралы жиынтық мәлімет

      Ескерту. Алып тасталды – ҚР Білім және ғылым министрінің 19.09.2017 № 472 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен