Ішкі сауда статистикасы бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы

      РҚАО-ның ескертпесі!
      Осы бұйрық 01.01.2017 ж. бастап қолданысқа енгізіледі.

      "Мемлекеттік статистика туралы" Қазақстан Республикасының 2010 жылғы 19 наурыздағы Заңының 12 – бабының 3) және 8) тармақшаларына, сондай-ақ Қазақстан Республикасы Үкіметінің 2014 жылғы 24 қыркүйектегі №1011 қаулысымен бекітілген, Қазақстан Республикасы Ұлттық экономика министрлігі туралы ереженің 17-тармағы 260) тармақшасына сәйкес, БҰЙЫРАМЫН:

      1. Мыналар:

      1) "Тауарларды өткізу туралы есеп" жалпымемлекеттік статистикалық байқаудың статистикалық нысаны (коды 171101001, индексі 2-сауда, кезеңділігі айлық) осы бұйрықтың 1-қосымшасына сәйкес;

      2) "Тауарларды өткізу туралы есеп" жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 171101001, индексі 2-сауда, кезеңділігі айлық) осы бұйрықтың 2-қосымшасына сәйкес;

      3) "Тауарлар мен көрсетілетін қызметтерді өткізу туралы есеп" жалпымемлекеттік статистикалық байқаудың статистикалық нысаны (коды 171112003, индексі 1-ВТ, кезеңділігі жылдық) осы бұйрықтың 3-қосымшасына сәйкес;

      4) "Тауарлар мен көрсетілетін қызметтерді өткізу туралы есеп" жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 171112003, индексі 1-ВТ, кезеңділігі жылдық) осы бұйрықтың 4-қосымшасына сәйкес;

      5) "Электрондық коммерция туралы есеп" жалпымемлекеттік статистикалық байқаудың статистикалық нысаны (коды 171112005, индексі Э-коммерция, кезеңділігі жылдық) осы бұйрықтың 5-қосымшасына сәйкес;

      6) "Электрондық коммерция туралы есеп" жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 171112005, индексі Э-коммерция, кезеңділігі жылдық) осы бұйрықтың 6-қосымшасына сәйкес;

      7) "Сауда базарлары туралы есеп" жалпымемлекеттік статистикалық байқаудың статистикалық нысаны (коды 171112004, индексі 12-сауда, кезеңділігі жылдық) осы бұйрықтың 7-қосымшасына сәйкес;

      8) "Сауда базарлары туралы есеп" жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 171112004, индексі 12-сауда, кезеңділігі жылдық) осы бұйрықтың 8-қосымшасына сәйкес бекітілсін;

      9) "Автожанармай құю, газ құю және газ толтыру станцияларының қызметі туралы есеп" жалпымемлекеттік статистикалық байқаудың статистикалық нысаны (коды 171112002, индексі G-003, кезеңділігі жылдық) осы бұйрықтың 9-қосымшасына сәйкес;

      10) "Автожанармай құю, газ құю және газ толтыру станцияларының қызметі туралы есеп" жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 171112002, индексі G-003, кезеңділігі жылдық) осы бұйрықтың 10-қосымшасына сәйкес;

      11) "Тауар биржасының қызметі туралы еслеп" жалпымемлекеттік статистикалық байқаудың статистикалық нысаны (коды 171112006, индексі 1-биржа, кезеңділігі жылдық) осы бұйрықтың 11-қосымшасына сәйкес;

      12) "Тауар биржасының қызметі туралы есеп" жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 171112006, индексі 1-биржа, кезеңділігі жылдық) осы бұйрықтың 12-қосымшасына сәйкес бекітілсін.

      2. "Ішкі сауда статистикасы бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы" Қазақстан Республикасы Ұлттық экономика министрлігі Статистика комитеті төрағасының 2015 жылғы 11 қыркүйектегі №139 (Нормативтік құқықтық актілерді мемлекеттік тіркеу тізілімінде №12167 болып тіркелген, 2015 жылғы 4 қарашада "Әділет" ақпараттық-құқықтық жүйесінде жарияланған) бұйрығының күші жойылды деп танылсын.

      3. Қазақстан Республикасы Ұлттық экономика министрлігі Статистика комитетінің Статистикалық қызметті жоспарлау басқармасы Заң басқармасымен бірлесіп заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмелерін баспа және электрондық түрде ресми жариялауға мерзімді баспа басылымдарына және "Әділет" ақпараттық-құқықтық жүйесіне, сондай-ақ тіркелген бұйрықты алған күннен бастап он жұмыс күні ішінде Қазақстан Республикасы нормативтік құқықтық актілерінің эталондық бақылау банкіне енгізу үшін Республикалық құқықтық ақпарат орталығына жіберуді;

      3) осы бұйрықтың Қазақстан Республикасы Ұлттық экономика министрлігі Статистика комитетінің интернет-ресурсында орналастырылуын қамтамасыз етсін.

      4. Қазақстан Республикасы Ұлттық экономика министрлігі Статистика комитетінің Статистикалық қызметті жоспарлау басқармасы осы бұйрықты Қазақстан Республикасы Ұлттық экономика министрлігі Статистика комитетінің құрылымдық бөлімшелері мен аумақтық органдарына жұмыс бабында басшылыққа алу үшін жеткізсін.

      5. Осы бұйрықтың орындалуын бақылауды өзіме қалдырамын.

      6. Осы бұйрық ресми жариялауға жатады және 2017 жылғы 1 қаңтардан бастап қолданысқа енгізіледі.

"Тауарларды өткізу туралы есеп" (коды 171101001, индексі 2-сауда, кезеңділігі айлық) жалпымемлекеттік статистикалық байқаудың статистикалық нысанын толтыру жөніндегі нұсқаулық

      1. Осы "Тауарларды өткізу туралы есеп" (коды 171101001, индексі 2-сауда, кезеңділігі айлық) жалпымемлекеттік статистикалық байқаудың статистикалық нысанын толтыру жөніндегі нұсқаулық "Мемлекеттік статистика туралы" Қазақстан Республикасы Заңының 12-бабы 8) тармақшасына сәйкес әзірленді және "Тауарларды өткізу туралы есеп" (коды 171101001, индексі 2-сауда) кезеңділігі айлық жалпымемлекеттік статистикалық байқаудың статистикалық нысанын (бұдан әрі – статистикалық нысан) толтыруды нақтылайды.

      2. Келесі анықтамалар және түсініктемелер осы статистикалық нысанды толтыру мақсатында қолданылады:

      1) бөлшек сауда – кәсіпкерлік қызметпен байланысты емес жеке, отбасылық, үй iшiнде немесе басқа да пайдалануға арналған тауарларды сатып алушыға сату бойынша кәсiпкерлiк қызмет;

      2) көтерме сауда – жеке, отбасылық, үй iшiнде және осындай өзге де пайдаланумен байланысты емес кейiннен сатуға немесе өзге де мақсаттарға арналған тауарларды өткiзу жөнiндегi кәсiпкерлiк қызмет;

      3) тауар қорлары – сауда кәсіпорындарында, қоймаларда, белгілі күнге жолда болатын ақшалай мәндегі тауарлар мөлшері.

      3. 1-бөлімде кәсіпорынның тіркелген жеріне (облыс, қала, аудан, елді мекен) қарамастан тауарларды нақты өткізу орны көрсетіледі. Егер кәсіпорынның әр түрлі облыстарда (өңірлерде) статистикалық нысанды тапсыру бойынша өкілеттілігі жоқ бірнеше құрылымдық және оқшауланған бөлімшелері (сауда нүктелері) болса, заңды тұлғалар статистикалық нысанды әр бір құрылымдық және оқшауланған бөлімшенің орналасқан орнын 1-бөлімде көрсете отырып тапсырады.

      4. 2-бөлімде 1 және 2-жолдарда заңды тұлғалардың қолма-қол ақшамен және ақшаны қолма-қол төлемей есеп айырысуы арқылы сатып алушыларға сатылған тауардан түскен ақшалай түсім сомасы көрсетіледі. Табысты алған күн ақшалай қаражаттың төлемге нақты түскеніне қарамастан тауарларды өткізген күн танылады.

      Статистикалық байқаудың мақсаттары үшін тауарларды өткізу көлемі сауда үстеме бағасын қамтитын, қосылған құнға салықтарсыз, акциздерсіз нақты сату бағаларында беріледі.

      Бөлшек сауда айналымына бөлшек сауда желісінен заңды тұлғаларға және дара кәсіпкерлерге босатылған тауарлардың құны қосылмайды.

      3-жол бойынша есепті кезеңнің соңына кәсіпорындарда орналасқан (қоймада, жолда) тауарлардың құны ақшалай мәнде көрсетіледі.

      3,4-бағандарда өткізу көлемінің өсуінің немесе төмендеуінің негізгі себептерін негізгі себептер анықтамалығына сәйкес көрсетіледі (тек бір жауапқа жол беріледі).

      5. Респондентте есепті кезеңде осы статистикалық нысан бойынша деректер болмаған жағдайда респондент ағымдағы кезеңнің аяқталатын күнінен кешіктірмей нөлдік көрсеткіштермен статистикалық нысанды (дерексіз нысан) ұсынады.

      Осы статистикалық нысанды тапсыру қағаз жеткізгіште немесе электронды форматта жүзеге асырылады. Статистикалық нысанды электронды форматта толтыру Қазақстан Республикасы Ұлттық экономика министрлігі Статистика комитетінің интернет-ресурсында (www.stat.gov.kz) орналастырылған "Деректерді on-line режимде жинау" ақпараттық жүйесін қолдану арқылы жүзеге асырылады.

      Ескерту: х – осы айқындама толтыруға жатпайды.

      6. Арифметикалық-логикалық бақылау:

      2-бөлім. "Тауарлар мен тауар қорларын өткізу көлемін көрсетіңіз":

      1-баған ≥ 2-баған 1,2-жол бойынша;

      егер 1-баған>0 болса, онда 1,2-жол бойынша 3,4-баған ≠0 (жол берілетін бақылау);

      егер 1-жол >0 немесе 2-жол >0 онда 1-баған бойынша 3-жол ≠0 (жол берілетін бақылау).

2.3 бөлімдерінде тауарларды заттай көріністе толтыру тізімі Перечень товаров для заполнения в натуральном выражении в разделе 2.3

"Тауарлар мен көрсетілетін қызметтерді өткізу туралы есеп" жалпы мемлекеттік статистикалық байқаудың статистикалық нысанын толтыру жөніндегі нұсқаулық (коды 171112003, индексі 1-ВТ, кезеңділігі жылдық)

      1. Осы "Тауарлар мен көрсетілетін қызметтерді өткізу туралы есеп" (коды 171112003, индексі 1-ВТ, кезеңділігі жылдық) жалпымемлекеттік статистикалық байқаудың статистикалық нысанын толтыру жөніндегі нұсқаулық "Мемлекеттік статистика туралы" Қазақстан Республикасы Заңының 12-бабы 8) тармақшасына сәйкес әзірленген және "Тауарлар мен көрсетілетін қызметтерді өткізу туралы есеп" (коды 171112003, индексі 1-ВТ, кезеңділігі жылдық) жалпымемлекеттік статистикалық байқаудың статистикалық нысанын (бұдан әрі – статистикалық нысан) толтыруды нақтылайды.

      2. Келесі анықтамалар және түсініктемелер осы статистикалық нысанды толтыру мақсатында қолданылады:

      1) автодүкен – сауда жабдықтарымен жарақталған мамандандырылған автокөлiк құралы;

      2) автомат – тауарларды сатуға арналған автоматтандырылған құрылғы;

      3) асхана – тұтынушылар өзіне өзі қызмет көрсететін қоғамдық тамақтандыру объектісі;

      4) бар – тұтынушыларға тіске басар, десерттер және кондитерлік бұйымдарды, сондай-ақ алкоголь өнімдерін ұсынатын қоғамдық тамақтандыру және демалыс объектісі;

      5) бөлшек сауда – сатып алушыға жеке, отбасылық, үй iшiнде немесе кәсiпкерлiк қызметпен байланысты емес өзге де пайдалануға арналған тауарларды сату жөнiндегi кәсiпкерлiк қызмет;

      6) дәмхана – тұтынушыларға міндетті түрде даяшылар қызмет көрсететін, дайындалуы күрделі емес тағамдардың ассортиментін, сондай-ақ алкоголь өнімдерін ұсынатын қоғамдық тамақтандыру және демалыс объектісі;

      7) дүңгiршек – бір немесе бірнеше сауда орындарына есептелген, азық-түлік тауарларын сақтауға арналған сауда залы және үй-жайлары жоқ, сауда жабдықтарымен жарақталған күрделi емес тасымалды құрылыс;

      8) көтерме сауда – кейiннен сатуға немесе жеке, отбасылық, үй iшiнде және осындай өзге де пайдаланумен байланысты емес, өзге де мақсаттарға арналған тауарларды өткiзу жөнiндегi кәсiпкерлiк қызмет;

      9) қоғамдық тамақтандыру – тамақ өнімдерін өндірумен, қайта өңдеумен, өткізумен және тұтынуды ұйымдастырумен байланысты кәсіпкерлік қызмет;

      10) мейрамхана – тұтынушыларға міндетті түрде даяшылар қызмет көрсететін, тапсырыстық және фирмалық тағамдарды, сондай-ақ алкоголь өнімдерін қоса алғанда, дайындалуы күрделі тағамдар ассортиментін ұсынатын қоғамдық тамақтандыру және демалыс объектісі;

      11) сауда үстемесі (сауданың үстеме бағасы, сауда үстемесі) – қайта сатуға алынған тауарды өткізу нәтижесінде алынған нақты немесе шартты есептелген баға арасындағы айырмашылық ретінде анықталады, яғни сауда кәсіпорны сатылған немесе басқа тәсілмен қолданған тауардың орнына ұқсас тауарды сатып алу үшін (сатылғанның орнына қою үшін) төлеуге қажет болған баға;

      12) сауда объектiсi – тауарлар сату кезiнде тауарларды қоюға, көрсетуге, сатып алушыларға қызмет етуге және сатып алушылармен ақшалай есеп айырысуға арналған және пайдаланылатын арнайы құрал-жабдықпен жарақтандырылған ғимарат немесе ғимараттың бiр бөлiгi, құрылыс немесе құрылыстың бiр бөлiгi, сауда базары, автоматтандырылған құрылғы немесе көлiк құралы;

      13) сауда алаңы – тауарлар сату кезінде тауарларды қоюға, көрсетуге, сатып алушыларға қызмет көрсетуге және сатып алушылармен ақшалай есеп айырысуға,сатып алушылардың кіріс жолына арналған және пайдаланылатын құрал-жабдықпен жарақтандырылған орын;

      14) стационарлық емес сауда объектісі – инженерлік-техникалық қамтамасыз ету желілеріне қосылуының (технологиялық біріктірілуінің) болуына немесе болмауына қарамастан, жермен берік байланыстырылмаған уақытша құрылыс немесе уақытша конструкция, оның ішінде автоматтандырылған құрылғы немесе көлiк құралы.Стационарлық емес сауда объектілерінің түрлері: автодүкен,автомат, дүңгіршек, жылжымалы сөрелер, шатырлар (павильондар);

      15) стационарлық сауда объектісі – жермен берік байланыстырылған және инженерлік-техникалық қамтамасыз ету желілеріне қосылған (технологиялық біріктірілген) ғимарат немесе ғимараттың бiр бөлiгi (қосарлас, қосарлас-жапсарлас, жапсарлас салынған үй-жай), құрылыс немесе құрылыстың бiр бөлiгі (қосарлас, қосарлас-жапсарлас, жапсарлас салынған үй жай). Стационарлық сауда объектілерінің түрлері: сауда ойын-сауық орталығы; сауда орталығы; гипермаркет; аутлет орталығы; дискаунт орталығы; арнайы дүкен (соның ішінде дәріхана); сауда үйі; супермаркет; минимаркет; үйдің жанындағы дүкен;

      16) сауда орны- есептеулерге, тауарларды көрсетуге, сатып алушыларға қызмет көрсетуге және тауарларды сатып алу кезінде сатып алушымен ақшалай есептеулер жүргізуге қолданылатын және арналған құрал-жабдықтармен қамтамасыз етілген орын.

      17) тауар қорлары – сауда кәсіпорындарында, қоймаларда, белгілі күнге жолда болатын ақшалай немесе заттай көріністегі тауарлар мөлшері;

      18) шатыр (павильон) – құрастырмалы-жиналмалы конструкциялардан, бір немесе бірнеше сауда орындары үшін сауда жабдықтарымен жарақталған, сауда қоры үшін алаңы бар және арнайы белгіленген орынға орналастырылатын жеңiл құрылатын құрылыс;

      19) электрондық сауда – ақпараттық технологиялар арқылы жүзеге асырылатын тауарларды өткізу жөніндегі кәсіпкерлік қызмет.

      3. 1-бөлімде кәсіпорынның тіркелу орнына (облыс, қала, аудан, елді мекен) қарамастан, тауарларды нақты өткізу орны көрсетіледі. Егер респонденттің әр түрлі облыстарда (өңірлерде) статистикалық нысанды тапсыруға құзыреті жоқ бірнеше құрылымдық және оқшауланған бөлімшелері (сауда нүктелері) болса, онда респонденттер өзінің құрылымдық және оқшауланған бөлімшелерінің орналасу орнын 1-бөлімде көрсете отырып, статистикалық нысанды тапсырады.

      Статистикалық нысанда көрсетілетін қызметтердің коды мен атауы Қазақстан Республикасы Ұлттық экономика министрлігі Статистика комитетінің (бұдан әрі – Комитет) интернет-ресурсында (www.stat.gov.kz) "Жіктеуіштер" бөлімінде орналасқан "Ішкі сауда қызметтерінің статистикалық жіктеуішіне" сәйкес келтіріледі.

      Тауарлар мен көрсетілетін көрсетілетін қызметтерді өткізу көлемі сатып алушыларға қолма-қол және қолма-қол ақшасыз есеп айырысуға сатылған тауарлар, өнімдер және көрсетілетін қызметтер бойынша алынған ақшалай түсімдердің сомасы болып табылады. Статистикалық байқаудың мақсаттары үшін тауарларды өткізу көлемі сауда үстеме бағасын қамтитын, қосылған құнға салықтарсыз, акциздерсіз нақты сату бағаларында беріледі.

      4. 2-бөлімді есепті жылы бөлшек сауданы жүзеге асыратын кәсіпорындар толтырады. Бөлшек сауда тауар айналымына заңды тұлғалар және дара кәсіпкерлерге тауарларды өткізуді қосуға жол берілмейді.

      2.1-бөлімде барлық өткізу арналары бойынша бөлшек сауда айналымы көрсетіледі. 1-жол бойынша стационарлық сауда объектілеріндегі стационарлық сауда объектілері арқылы (сауда орындарын (бутиктер, бөлімшелер) жалға алушыларды қоса есептегенде) бөлшек сауда көлемі көрсетіледі. 2-жол бойынша сауда базарларынан тыс орналасқан дүңгіршек, сауда автоматтары, жылжымалы сөрелер, автодүкен, шатыр, басқа стационарлық емес объектілер арқылы бөлшек сауда қызметі көрсетіледі. 3-жол бойынша сауда базарлары аумағындағы бөлшек сауда айналымы көрсетіледі. 4-жол бойынша интернет арқылы бөлшек сауда көлемі көрсетіледі. Электрондық сауда интернет арқылы тауарларды сату мен сатып алуды білдіреді. Тауарлар мен көрсетілетін қызметтерге интернет арқылы тапсырыс беріледі, сонымен қатар төлем және тауарларды жеткізу және көрсетілетін қызмет әдеттегі режимде онлайн түрде жүзеге асуы мүмкін. 5-жолда басқа айқындамаға (тасымалдау, таратпа, желілік маркетинг, тұтынушыларға тікелей жеткізілетін отынды тікелей сату және тағы басқалары) кірмеген әртүрлі тәсілдегі бөлшек сауда кіреді. 6-жол бойынша автогаз құю станциялары (АГҚС), автогаз толтыру компрессорлық станциялары (АГТКС), автожанармай құю станциялары (АҚС) арқылы мотор отыны мен басқа тауарларды өткізу көрсетіледі.

      2.2-бөлімде теңгерімдегі немесе жалға алынған әрбір стационарлық сауда объектісі бойынша ақпарат көрсетіледі. Әрбір стационарлық сауда объектісіне жеке жол толтырылады. Бір әкімшілікпен басқарылатын сауда қызметінің әр текті субъектілер тобы қызмет атқаратын стационарлық сауда объектісі туралы деректер есепте бір стационарлық сауда объектісі болып көрсетіледі. Бұл стационарлық сауда объектісіндегі сауда алаңын (сауда орынын) жалға алушы (айналысатын) сауда қызметінің субъектілері бұл бөлімді толтырмайды. Бөлімде есепті жыл соңына нақты сауданы жүзеге асыратын барлық стационарлық сауда объектілері, сонымен қатар жөндеу, түгендеу, санитарлық өңдеу және басқа да себептерге байланысты уақытша (6 айдан аз) жұмыс атқармайтын объектілер көрсетіледі.

      Сауда алаңын есепті жыл соңындағы жағдай бойынша көрсетіледі. Сауда алаңына қойма жайлары және тауарларды сатуға дайындау жайлары, сонымен қатар баспалдақ, әкімшіліктік, тұрмыстық және техникалық жайлар кірмейді.

      2.3-бөлімде 1-баған бойынша тізбесі өлшем бірлігі көрсетіле отырып, нысанға Қосымшада келтірілген жеке тауарлық айқындамалар бойынша заттай көріністегі тауарларды бөлшек саудада өткізу көлемі көрсетіледі. 2-баған бойынша құндық көріністегі бөлшек сауда айналымы, 3- баған бойынша Ішкі сауда қызметтерінің статистикалық жіктеуіші (бұдан әрі – ІСҚСЖ) кодына сәйкес тауар түрлері бойынша жыл соңына тауар қорларының құны көрсетіледі.

      5. 3-бөлімді есепті жылда көтерме сауданы жүзеге асырған кәсіпорындар толтырады.

      3.1-бөлімде ІСҚСЖ кодтарына сәйкес тауар түрлері бойынша тауарларды көтерме саудада өткізу көлемі (1-баған) және жыл соңына тауар қорлары (2-баған) көрсетіледі.

      3.3-бөлімде агенттер арқылы көтерме саудада сату бойынша комиссиялық алымның пайызынан алынған жасалған мәмілелер құнынан түскен табыс көрсетіледі. Сыйақыға немесе шарт негізіндегі жасалатын көтерме сауда өз атынан немесе басқа тұлғалар мен фирмалар атынан сыйақыға мəмілелерін жүзеге асыратын, сонымен бірге сатушылар мен сатып алушылар мəліметімен байланысты комиссиялық агенттер жəне басқа да көтерме сауда делдалдарының қызметі болып табылады.

      6. 4-бөлімді негізгі экономикалық қызмет түрі көтерме сауда түріне жататын және жұмыс істейтіндердің тізімдік саны 50 адамнан асатын заңды тұлғалар және (немесе) олардың құрылымдық және оқшауланған бөлімшелері толтырады. Бұл бөлімде кейінгі өткізу түріне қарамастан импорт бойынша сатып алынған тауарлардың көлемін көрсетіледі. Қазақстан Республикасының резидент – заңды тұлғаларына Қазақстан Республикасы аумағында тіркелген заңды тұлғалар жатады.

      3.2.1-жол бойынша және бұдан әрі Б бағанында облыстың (өңірдің) атауын көрсете отырып, басқа облыстың резиденттері бойынша сатып алынған тауарлардың көлемі толтырылады.

      7. 5-бөлімді есепті жылы тамақ өнімдері мен сусындарды ұсыну қызметтерін (қоғамдық тамақтандыру қызметі) ұсынған кәсіпорындар толтырады.

      Тамақ өнімдері мен сусындар ұсыну қызметтеріне мейрамханалар, дәмханалар, жылдам қызмет көрсететін мейрамханалар, тамақты сыртқа шығарып беретін орындар, балмұздақ сатуға арналған вагон шалар, тамақ сатуға арналған жылжымалы вагоншалар қызметі, сауда шатырларында тамақ дайындау бойынша қызмет, сонымен бірге мейрамханалар мен барлардың жекелеген объектілерді жұмылдырған жағдайдағы жеткізумен байланысты қызмет көрсетулері кіреді.

      Бұл бөлімде барлық қоғамдық тамақтандыру объектілері бойынша көрсетілген қызметтің көлемі және отыратын орындардың саны көрсетіледі.Бұл ретте объектілер саны мен отырғызу орындарының санын жыл соңындағы жағдай бойынша сәйкес көрсету қажет.

      8. 6-бөлімді есепті жылы техникалық қызмет көрсету және автокөлік құралдарын жөндеу қызметін ұсынған кәсіпорындар толтырады.

      Автомобильдер мен мотоциклдерге техникалық қызмет көрсету бойынша қызметтерге көлік құралдарына техникалық қызмет көрсету және жөндеу: механикалық, электротехникалық жөндеу жұмыстары, отынды электронды бүрку жүйелерін жөндеу, тұрақты тексеру және ағымдағы жөндеу, шанақты, көлік құралдарына арналған қосалқы бөлшектерді жөндеу, жуу, жылтырату және т.б., бүрку және бояу, алдыңғы шынылар мен терезелерді, отырғыштарды жөндеу, шиналар мен камераларды жөндеу, оларды орнату немесе ауыстыру, тотығуға қарсы өңдеу, қосалқы бөлшектер мен өндірістік үдерістің бөлігі болып табылмайтын құрал-жабдықтарды орнату кіреді.

      Бұл бөлімде барлық көрсетілген қызмет көлемі, станциялар саны және пайдалы алаң көрсетіледі. Бұл ретте саны мен пайдалы алаңын есепті жыл соңындағы жағдай бойынша көрсету қажет. Пайдалы алаң аталған көрсетілген қызмет түрі жүзеге асырылатын алаң.

      7-бөлімде қызметтің қайталама түрі бойынша, бұл нысанда "Сауда" саласына жатпайтын қызмет түрлері бойынша өнімді (жұмыстарды, қызмет көрсетулерді) өткізу көлемі толтырылады.Қызмет түрін кодтау экономикалық қызметтердің жалпы жіктеу іші кодына сәйкес 5 таңбалық деңгейде жүргізіледі. Негізгі қызмет түрі – қосылған құны кəсіпорын жүзеге асыратын кез келген қызмет түрінің қосылған құнынан асып кететін қызмет түрі. Қайталама қызмет түрі – негізгіден басқа, үшінші тұлға үшін тауарларды (қызмет көрсетулерді) өткізу мақсатында жүзеге асырылатын қызмет түрі.

      9. Респондентте есепті кезеңде осы статистикалық нысан бойынша деректер болмаған жағдайда респондент ағымдағы кезеңнің аяқталатын күнінен кешіктірмей нөлдік көрсеткіштермен статистикалық нысанды (дерексіз нысан) ұсынады.

      Осы статистикалық нысанды тапсыру қағаз тасығышта немесе электронды форматта жүзеге асырылады. Статистикалық нысанды электронды форматта толтыру Комитеттің интернет-ресурсында (www.stat.gov.kz) орналастырылған "Деректерді on-line режимде жинау" ақпараттық жүйесін қолдану арқылы жүзеге асырылады.

      Ескерту: х – берілген айқындама толтыруға жатпайды.

      10. Арифметикалық -логикалық бақылау:

       1) 2.1-бөлім. "Өткізу арналары бойынша тауарларды бөлшек саудада сату көлемін көрсетіңіз";

      1-баған ≥ 2 баған барлық жолдар бойынша;

       2) 2.2-бөлім "Әрбір стационарлық сауда объектілері бойынша ақпаратты көрсетіңіз":

      егер 3 баған≠0, онда 1-баған≠0;

       3) 2.3-бөлім "Тауар түрлері бойынша бөлшек сауданың жалпы көлемі":

      егер 1-баған≠0, онда 2-баған≠0 және керісінше (нысанға Қосымшада келтірілген белгілі тауар айқындамалары бойынша);

      егер 2-баған≠0, онда әрбір жол үшін 3-баған≠0 (жол берілетін бақылау);

       4) 3.1-бөлім "Тауар түрлері бойынша көтерме сауданың жалпы көлемі":

      егер 1-баған≠0, онда әрбір жол үшін 2-баған≠0 (жол берілетін бақылау);

       5) 4-бөлім "Түсу көздері бойынша сатып алынған тауарлардың көлемін көрсетіңіз (өңірлер бойынша)":

      1-жол = ∑2 және 3 жолдар;

      3-жол = ∑3.1 және 3.2 жолдар;

      3.2-жол = ∑ 3.2.1, 3.2.2, 3.2.3 және тағы басқа жолдар;

      6) 5-бөлім "Қоғамдық тамақтандыру бойынша көрсетілетін қызмет көлемі мен желі бойынша мәліметті көрсетіңіз":

      егер 1-баған≠0, онда 2-баған≠0 1-5-жолдар үшін (5 жол үшін жол берілетін бақылау);

      егер 1-баған≠0, онда 3-баған≠0 1-5-жолдар үшін (жол берілетін бақылау);

      егер 3-баған≠0, онда 1-баған≠0 1-5-жолдар үшін;

       7) 6-бөлім "Техникалық қызмет көрсету станцияларының саны және техникалық қызмет көрсету мен автокөлік құралдарын жөндеу бойынша қызметтерді өткізу көлемі бойынша ақпаратты көрсетіңіз":

      егер 2-жол ≠0, онда 3-жол ≠0;

      егер 1-жол ≠0, онда 2-жол ≠0 (жол берілетін бақылау);

       8) Бөлімдер арасындағы бақылау:

      2.1-бөлім 1-баған ∑1-6 жолдар= 2.3-бөлім 2-баған 1-жол;

      2.1-бөлім 1-баған 1-жол ≥ 2.2-бөлім 3-баған бойынша ∑ барлық жолдың;

      2.1-бөлім 2-баған ∑1-6 жолдар = 2.3-бөлім 2-баған ∑ азық-түлік тауарлар коды бойынша жолдар;

      егер 2.3-бөлімде 1-жол 2-баған >0, онда 2.4 бөлім >0 (жол берілетін бақылау);

      2.3-бөлімде 1-жол 2-баған ≥2.4 бөлім (жол берілетін бақылау);

      егер 3.1-бөлімде 1-жол 1-баған >0, онда 3.2-бөлім >0 (жол берілетін бақылау);

      3.1-бөлімде 1-жол 1-баған ≥3.2-бөлім (жол берілетін бақылау);

      егер 3.1-бөлімде 1-баған 1-жол≠0, онда 4-бөлімде 1-баған 1-жол≠0 (жол берілетін бақылау) негізгі экономикалық қызмет түрі көтерме сауда түріне жататын және жұмыс істейтіндердің тізімдік саны 50 адамнан асатын заңды тұлғалар және (немесе) олардың құрылымдық және оқшауланған бөлімшелері бойынша ғана толтырады.

      1. Сіздің кәсіпорныңыз тауарлар мен көрсетілетін қызметтерді өткізу үшін Интернет-ресурсты пайдалана ма? "" белгісін қойыңыз
      Укажите использует ли Ваше предприятие Интернет-ресурс для реализации товаров и услуг? Отметьте знаком ""

"Электрондық коммерция туралы есеп" жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 171112005, индексі Э-коммерция, кезеңділігі жылдық)

      1. Осы "Электрондық коммерция туралы есеп" (коды 171112005, индексі Э-коммерция, кезеңділігі жылдық) жалпымемлекеттік статистикалық байқаудың статистикалық нысанын толтыру жөніндегі нұсқаулық "Мемлекеттік статистика туралы" Қазақстан Республикасы Заңының 12-бабы 8) тармақшасына сәйкес әзірленген және "Электрондық коммерция туралы есеп" (индексі Э-коммерция, коды 171112005, кезеңділігі жылдық) жалпымемлекеттік статистикалық байқаудың статистикалық нысанын (бұдан әрі – статистикалық нысан) толтыруды нақтылайды.

      2. Келесі анықтамалар және түсініктемелер осы статистикалық нысанды толтыру мақсатында қолданылады:

      1) ақша аударымы – алушы банктердің төлемді жүзеге асырумен немесе өзге мақсаттарға байланысты жөнелтушілердің ақша беру туралы нұсқауларын дәйектілікпен орындауы;

      2) бөлшек сауда – кәсіпкерлік қызметпен байланысты емес сатып алушыға жеке, отбасылық, үй iшiнде немесе кәсiпкерлiк қызметпен байланысты емес өзге де пайдалануға арналған тауарларды сату жөнiндегi кәсiпкерлiк қызмет;

      3) Интернет-ресурс – ашық ақпараттық-коммуникациялық желіде жұмыс істейтін электрондық ақпараттық ресурс, оны жүргізу және (немесе) қолдану технологиясы, сонымен қатар ақпараттық өзара іс-қимылды қамтамасыз ететін ұйымдық құрылым;

      4) көтерме сауда – жеке, отбасылық, үй iшiнде және осындай өзге де пайдаланумен байланысты емес кейінгі сатуға немесе өзге де мақсаттарға арналған тауарларды өткiзу жөнiндегi кәсiпкерлiк қызмет;

      5) консалтингтік көрсетілетін қызметтер – компания жұмысының қаржылық және басқарушылық тиімділігін арттыру үшін алдағы уақыттағы іс-қимылдарын түзету бойынша тиімді ұсынымдарды әзірлеу, кәсіпорын істеріндегі жағдайды талдау бойынша көрсетілетін қызметтер;

      6) өнімдерді онлайн түрде жеткізу – сандық нысанда Интернет арқылы жеткізілген өнімдер, мысалы, есептер, бағдарламалық қамсыздандыру, музыка, видео, компьютерлік ойындар; сонымен қатар онлайн қызметтер, мысалы, компьютерлік, ақпараттық көрсетілетін қызметтер, билеттерді сату немесе қаржылық қызметтер;

      7) төлем карточкасы – осындай карточканың иесіне төлемдерді жүзеге асыруға, қолма-қол ақша алуға, валютаны айырбастау жүргізуге және төлем карточкасының эмитенті анықтаған және оның шарттарында басқа операцияларды жүргізуге мүмкіндік беретін ақпараты бар электрондық терминалдар немесе өзге құрылғылар арқылы ақшаға қол жеткізу құралы;

      8) электрондық сауда – ақпараттық технологиялар арқылы жүзеге асырылатын тауарларды өткізу бойынша кәсіпкерлік қызмет;

      9) электрондық цифрлық қолтаңба – электрондық цифрлық қолтаңба құралдарымен жасалған және электрондық құжаттың анықтығын, оның тиістілігін және мазмұнының өзгермейтіндігін растайтын электрондық цифрлық символдар терімі;

      10) электрондық саудаға қатысушылар – электрондық саудаға сатып алушы, сатушы және (немесе) делдал ретінде қатысушы жеке және заңды тұлғалар;

      11) электрондық саудадағы делдал – ақпараттық жүйелер мен телекоммуникациялық желілерді пайдалана отырып сатуға және сатып алуға ұсыныстары бар электрондық құжаттарды (электрондық хабарламаларды) алу, орналастыру, беру, сақтау бойынша қызмет көрсететін заңды тұлғалар және дара кәсіпкерлер;

      12) электрондық саудадағы коммерциялық сатушы – белгілі бір тауарларды өткізуге ұсынатын заңды тұлғалар және дара кәсіпкерлер.

      3. Бұл есепті Интернет желісі арқылы есепті жылы тауарлар мен көрсетілетін қызметтерді өткізуді жүзеге асырған шаруашылық жүргізуші субъектілер толтырады. Бұл ретте жаппай зерттеуге қызмет түріне қарамастан, жұмыс істейтіндер саны 50 адамнан асатын заңды тұлғалар жатады. Іріктемелі зерттеу:

      - қызмет түріне қарамастан, жұмыс істейтіндер саны 50 адамға дейінгі заңды тұлғалар үшін,

      - Экономикалық қызмет түрлерінің жалпы жіктеуішіне сәйкес негізгі қызмет түрі 47 – автомобильдер мен мотоциклдер саудасынан басқа, бөлшек сауда; 56 – тамақ өнімдері мен сусындарды ұсыну бойынша көрсетілетін қызметтер болып табылатын дара кәсіпкерлер үшін қарастырылған.

      Барлық құрылымдық және оқшауланған бөлімшелер (филиалдар) бойынша деректерді есепке ала отырып бастапқы заңды тұлғамен есеп толтырылады.

      Электрондық коммерция Интернет арқылы жүзеге асырылатын тауарлар немесе көрсетілетін қызметтерді сатуды білдіреді. Тауарлар мен көрсетілетін қызметтерге Интернет арқылы тапсырыс беріледі, алайда төлем және тауар немесе көрсетілетін қызметті жеткізу онлайн режимде де, сол сияқты әдеттегі режимде де жүзеге асырылады.

      2-бөлімде шетелдік Интернет-ресурс деп пайдаланушыларға жаһандық желіге қатынауды қамтамасыз етуде, Интернет ресурсты әзірлеу мен сүйемелдеуде, жарнаманы әзірлеуде және сүйемелдеуде қызмет көрсететін шетелдік ресурсты ұғыну.

      3, 4 - бөлімдерде тауарлар мен көрсетілетін қызметтерді өткізу көлеміне сатып алушыларға сатылған тауарлар, өнімдер және көрсетілген қызметтер үшін қолма-қол және қолма-қолсыз есеп айырысу үшін алынған сома қосылады. Статистикалық байқау мақсаттары үшін тауарларды өткізу көлемі акциздерге, қосылған құнға салықтарсыз, сауданың үстеме бағасын қоса алғандағы нақты өткізу бағаларында келтіріледі. Көрсетілген қызметтер құны қосылған құнға салықсыз ағымдағы бағаларда есепке алынады.Табысты алған күн деп, ақшалай қаражаттың және олардың төлемге нақты түскеніне қарамастан, тауарларды (жұмыстар, қызметтер) өткізген күн танылады.

      Тапсырыс деп тұтынушының оған өнімнің, тауардың белгілі бір түрі мен сапасын әзірлеу, жеткізу, сату немесе жұмысты орындау, қызмет көрсету туралы ұсынысы болып табылады. Бір тапсырыс бір немесе бірнеше тауарды сатып алуды қамтиды.

      Электрондық төлем - қолма-қолсыз жолмен жүзеге асырылған (электрондық ақша, ұялы телефондар, банк карточкалары, шоттар, төлем терминалдары арқылы) төлемдер.

      4-бөлімде Интернет желісі арқылы ақылы негізде көрсетілген қызметтер ғана көрсетіледі. 4-бөлімнің 2.2, 2.3-жолдар бойынша билеттерді Интернет арқылы өткізуден келіп түсетін сома ғана көрсетіледі. 2.5-жолында үнемі Интернет желісінде болатын серверде ақпаратты орналастыру үшін есептеу қуатын ұсыну бойынша қызметтерді қамтитын хостинг бойынша қызметтер көрсетіледі. 2.8-жол бойынша – Интернет желісі арқылы ғана көрсетілетін қашықтықтан білім беру қызметтері көрсетіледі. Қашықтықтан білім беру қызметтері-оқу процесіне тән барлық компоненттерді (мақсаты, мазмұны, әдістері, ұйымдастыру нысандары, оқыту құралдары) көрсететін және интерактивтілікті, өз бетімен оқыту нысанын, қашықтықтан оқытудағы жетекші құрал болып табылатын ақпараттық технологияларды қарастыратын, Интернет-технологиялардың өзгеше құралдарымен немесе басқа құралдармен іске асырылатын, қашықтықтағы оқытушы мен оқушылардың арасындағы өзара іс-қимыл. 2.10-жол бойынша ақпараттық көрсетілетін қызметтер (қолданушыларды ақпараттық өнімдермен қамтамасыз ету бойынша көрсетілетін қызметтер) көлемі көрсетіледі. 2.11-жол бойынша көрсетілетін консалтингтік қызмет сомасы көрсетіледі. 2.12-жол бойынша - делдалдық көрсетілетін қызметтер. Делдалдық көрсетілетін қызметтер деп тауарлар мен көрсетілетін қызметтер қатынасын жеделдету және жеңілдету мақсатында өндірушілер (сатушылар) мен тұтынушылар арасында байланыстың жолға қойылуын білдіретін қызметтер ұғынылады.

      4. 5-8 бөлімдерде сұраққа жауап бере отырып, "√" белгісімен тиісті торкөздегі жауап белгіленеді (бірнеше жауабы болуы мүмкін).

      5-бөлімде тауарлар мен көрсетілетін қызметтерді өткізу кезінде қолданылатын төлем тәсілдері көрсетіледі.

      Электрондық ақша төлем тәсілі ретінде электрондық нысанда сақталатын және жүйенің басқа қатысушыларымен электрондық ақша жүйесінде төлем ретінде қабылданатын электрондық ақша эмитентінің сөзсіз және қайтарымсыз ақша міндеттемелерін білдіреді.

      Электрондық терминал ретінде қолма қол ақшаны беру (алу) бойынша операцияларды жүргізуге, төлемдер мен ақша аударымдарын, шетел валютасын айырбастау мен өзге де банктік операциялардың, соның ішінде төлем карталарын пайдалана отырып жүргізуге, сонымен қатар тиісті операцияларды жүргізу фактісін дәлелдейтін құжаттарды қалыптастыруға арналған электронды-механикалық құрылғы саналады.

      6-бөлімде тауарларды жеткізуде қолданатын тәсілдер көрсетіледі.

      Курьерлік қызметтер ретінде хабарламалар, хаттар, өзге де хат-хабарларды сонымен қатар шағын жүктерді жеткізу жөніндегі қызметтер саналады.

      8-бөлімде қосымша мәліметтер көрсетіледі.

      Баннер жарнамасы бұл аз мерзімде келушілердің көп санын тарту мақсатында кірушілері көп сайттарда жарнамалық баннерлерді орналастыру. Экологиялық таза өнім деп экологиялық таза технологиялар мен жабдықтардың көмегімен өндірілген және алынған өнім, құрамындағы зиянды заттар қоршаған ортаға және адамның денсаулығына залал келтірмейтін қолайлы қоршаған ортаға тасымалданған және сақталған өнім саналады.

      5. Осы статистикалық нысанды тапсыру қағаз жеткізгіште немесе электронды форматта жүзеге асырылады. Статистикалық нысанды электронды форматта толтыру Қазақстан Республикасы Ұлттық экономика министрлігі Статистика комитетінің Интернет-ресурсында (www.stat.gov.kz) орналастырылған "Деректерді on-line режимде жинау" ақпараттық жүйесін қолдану арқылы жүзеге асырылады.

      Ескерту: х – осы айқындама толтыруға жатпайды.

      6. Арифметикалық-логикалық бақылау:

      1) 3-бөлім "Интернет арқылы бөлшек және көтерме сауда көлемі және тапсырыстар саны":

      егер 1-жол≠0, онда 2-жол≠0 (жол берілетін бақылау);

      егер 2-жол≠0, онда 1-жол≠0;

      2-жол = ∑ 2.1, 2.2-жолдардың барлық бағандары бойынша;

      2.2-жол =∑2.2.1-2.2.20- барлық бағандар бойынша.

      3-жол ≤ 2-жолдың барлық бағандар бойынша;

      4-жол ≤ 2-жолдың барлық бағандар бойынша;

      5-жол ≤ 2-жолдың барлық бағандар бойынша.

      2) 4-бөлім "Интернет арқылы тапсырыстар саны және көрсетілетін қызметтерді өткізу көлемі":

      егер 1-жол≠0, онда 2-жол≠0 (жол берілетін бақылау);

      егер 2-жол≠0, онда 1-жол≠0;

      2-жол = ∑ 2.1- 2.13-жолдар бойынша;

      3-жол ≤ 2-жолдың барлық бағандары бойынша.

       3) Бөлімдер арасындағы бақылау:

      егер 1-бөлімде 1-жол бойынша "√" қойылса, онда 2,3,5,6,7,8-бөлімдер толтырылады (7, 8 – жол берілетін бақылау);

      егер 1-бөлімде 2-жол бойынша "√" қойылса, онда 2,4,5,7,8-бөлімдер толтырылады (7, 8 – жол берілетін бақылау);

      егер 1-бөлімде 1-жол бойынша "√" қойылса, онда 3-бөлімде 2-жол бойынша 1-бағаны және (немесе) 2≠0 (жол берілетін бақылау);

      егер 1-бөлімде 2-жол бойынша "√" қойылса, онда 4-бөлімде 2-жолы≠0 (жол берілетін бақылау).

      1. Сауда базары бойынша жалпы мәліметтерді көрсетіңіз
      Укажите общие сведения по торговому рынку

"Сауда базарлары туралы есеп" жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 171112004, индексі 12-сауда, кезеңділігі жылдық)

      1. Осы "Сауда базарлары туралы есеп" (коды 171112004, индексі 12-сауда, кезеңділігі жылдық) жалпымемлекеттік статистикалық байқаудың статистикалық нысанын толтыру жөніндегі нұсқаулық "Мемлекеттік статистика туралы" Қазақстан Республикасы Заңының 12-бабы 8) тармақшасына сәйкес әзірленді және "Сауда базарлары туралы есеп" (коды 171112004, индексі 12-сауда, кезеңділігі жылдық) жалпымемлекеттік статистикалық байқаудың статистикалық нысанын толтыруды нақтылайды (бұдан әрі-статистикалық нысан).

      2. Келесі анықтамалар және түсініктемелер осы статистикалық нысанды толтыру мақсатында қолданылады:

      1) әмбебап сауда базары – әртүрлі кластағы тауарларды сатуды жүзеге асыруға арналған сауда орындары бар сауда базары;

      2) дүңгiршек – бір немесе бірнеше сауда орнына есептелген, азық-түлік тауарларын сақтауға арналған сауда залы мен үй-жайлары жоқ, сауда жабдығымен жарақталған, тасымалданатын күрделi емес құрылыс;

      3) жылжымалы сөре – арнайы белгіленген орынға орналастырылатын, сауда орнын білдіретін тасымалданатын уақытша құрылыс (конструкция);

      4) коммуналдық базар – жергілікті атқарушы органдардың шешімі бойынша құрылатын, тұтынушылардың тiкелей өздеріне, тұрмыстық және отбасылық пайдалануына арналған азық-түлік тауарларын басымдықпен сатып алу-сату жүзеге асырылатын сауда базары;

      5) мамандандырылған сауда базары – сауда базарының жалпы санынан олардың жетпіс және одан да көп пайызы бір кластағы тауарларды сатуды жүзеге асыруға арналған сауда базары;

      6) сауда базарының меншiк иесi (иегерi) – Қазақстан Республикасының заңнамасына сәйкес жұмыс істейтін, сауда қызметiн жүзеге асыру үшiн сауда орындарын беретін және басқа да қызмет түрлерiн көрсететін базардың мүлкiн иеленетін, пайдаланатын, оның ішінде меншік құқығында пайдаланатын дара кәсіпкер және (немесе) заңды тұлға;

      7) сауда базары – аумақта шаруашылық қызметін көрсету, басқару және күзет функциялары орталықтандырылған, тұрақты негізде жұмыс істейтін және өз аумағының шекарасы шегінде автокөлік құралдарын қою үшін алаңмен қамтамасыз етілген, сондай-ақ санитарлық-эпидемиологиялық талаптарға, өрт қауіпсіздігі, сәулет-құрылыс талаптарына және Қазақстан Республикасының заңнамасына сәйкес өзге де талаптарға сәйкес келетін сауда қызметіне арналған оқшауланған мүліктік кешен;

      8) сауда орны – тауарлар сату кезінде тауарларды қоюға, көрсетуге, сатып алушыларға қызмет етуге және сатып алушылармен ақшалай есеп айырысуға арналған және пайдаланылатын құрал-жабдықпен жарақтандырылған орын;

      9) шатыр (павильон) – құрастырмалы-жиналмалы конструкциялардан, бір немесе бірнеше сауда орындары үшін сауда жабдықтарымен жарақтандырылған сауда қорына арналған алаңы бар және арнайы белгіленген орынға орналастырылатын, жеңiл құрылатын құрылыс.

      3.Әрбір сауда базарына жеке статистикалық нысан толтырылады.

      1-жол бойынша егер респондент екі немесе одан да көп сауда базарларының иесі болып табылса, базардың реттік нөмірін көрсете отырып толтырылады.

      2-жол бойынша сауда базарының нақты орналасқан орны (облыс, қала, аудан, елді мекен) көрсетіледі.

      3-жол бойынша базардың коммуналдық болып табылатыны немесе болып табылмайтыны көрсетіледі.

      5-жол бойынша сауда базарының тауарлық мамандандырылуының түрін көрсету қажет: азық-түлік, азық-түлік емес (тауар түрлерінің басымдылығына байланысты), 6-жол бойынша өткізілетін тауарға байланысты: мамандандырылған, әмбебап, 7-жол бойынша мәмілелер көлемі бойынша: көтерме немесе бөлшек.

      8-жол бойынша барлық сауда орындары олардың базардың нарықтық саудасымен айналысуға немесе өзге сауда ұйымдарына жалға берілгеніне қарамастан есепке алынады. Сауда базарларындағы сауда орындарының жалпы санына барлық тұрақты орнатылған үстелдері (сөрелері) бар қосымша (уақытша) сауда орындарының саны кіреді.

      9-жол бойынша сауда базарының аумағында орналасқан құрылысқа арналған алаңдарды қоса, сауда базарына арнайы берілген барлық алаң көрсетіледі. Мұның өзінде жәрмеңкелерді өткізу кезеңінде сауда жасауға қосымша берілген алаңдар есепке алынбайды.

      10-жол бойынша сауда базарының өзінің аумағында немесе одан тысқары орналасқандығына қарамастан, сауда базарларына қызмет көрсететін, ветеринарлық-санитарлық сараптау зертханаларының саны есепке алынады. Есепке жөндеу жұмыстары жүргізіліп жатқан немесе әр түрлі себептермен уақытша жабық (санитарлық өңдеу және тағы басқа) барлық жұмыс істейтін ветеринарлық-санитарлық сараптау зертханалары енгізіледі.

      11-жол бойынша тоңазытқыш камералардың саны көрсетіледі. Басқа ұйымдардан жалға алынған тоңазытқыш жабдығы сауда базарының теңгерімінде өзінікі ретінде есепке алынады (орнатылған жабдықтар ғана). Жабдықтардың істен шығуы салдарынан үш айдан көп жөндеуде тұрған сондай-ақ сауда базары қызметкерлерінің қажеттіліктері үшін сатып алынған тоңазытқыштар есепке алынбайды.

      12-14 жолдар бойынша базарлардың алаңында орналасқан дүңгіршектер, шатырлар (павильондар), контейнерлер саны көрсетіледі. Контейнер-жүкті тасымалдауға арналған қайта колданудың әмбебап көлік құралдары.

      15-жол бойынша сөрелердің (бағандардың) қума метрдегі ұзындығы көрсетіледі.

      4. Респондентте есепті кезеңде осы статистикалық нысан бойынша деректер болмаған жағдайда респондент ағымдағы кезеңнің аяқталатын күнінен кешіктірмей нөлдік көрсеткіштермен статистикалық нысанды (дерексіз нысан) ұсынады.

      5. Осы статистикалық нысанды тапсыру қағаз жеткізгіште немесе электронды форматта жүзеге асырылады. Статистикалық нысанды электронды форматта толтыру Қазақстан Республикасы Ұлттық экономика министрлігі Статистика комитетінің интернет-ресурсында (www.stat.gov.kz) орналастырылған "Деректерді on-line режимде жинау" ақпараттық жүйесін қолдану арқылы жүзеге асырылады.

      1. Тауарларды (көрсетілетін қызметтерді) нақты өткізу орнын көрсетіңіз (тіркелген жеріне қарамастан) - облыс, қала, аудан, елді мекен
      Укажите фактическое место реализации товаров (услуг) (независимо от места регистрации) - область, город, район, населенный пункт

"Автожанармай құю, газ құю және газ толтыру станцияларының қызметі туралы есеп" жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 171112002, индексі G-003, кезеңділігі жылдық)

      1. Осы "Автожанармай құю, газ құю және газ толтыру станцияларының қызметі туралы есеп" жалпымемлекеттік статистикалық байқаудың статистикалық нысанын (коды 171112002, индексі G-003, кезеңділігі жылдық), толтыру жөніндегі нұсқаулық (бұдан әрі - Нұсқаулық) "Мемлекеттік статистика туралы" Қазақстан Республикасы Заңының 12-бабы 8) тармақшасына сәйкес әзірленді және "Автожанармай құю және газ құю станцияларының қызметі туралы есеп" жалпымемлекеттік статистикалық байқаудың статистикалық нысанын (коды 171112002, индексі G-003, кезеңділігі жылдық) (бұдан әрі – статистикалық нысан) толтыруды нақтылайды.

      2. Келесі анықтамалар және түсініктемелер осы статистикалық нысанды толтыру мақсатында қолданылады:

      1) автожанармай құю станциясы (АҚС) – көлік құралдарына жанармай құю үшін мұнай өнімдерін өткізуді қамтамасыз ететін жабдықпен қамтылған технологиялық кешен;

      2) автогаз құю станциясы (АГҚС) – сұйытылған мұнай газын сақтауға және оны отын ретінде пайдаланатын көлік құралдары иелеріне бөлшек саудада өткізуге арналған технологиялық кешен;

      3) автогаз толтыру компрессорлық станциясы (АГТКС) – тауарлық газды сұйытуға, сақтауға және оны отын ретінде пайдаланатын көлік құралдарының иелеріне бөлшек саудада өткізуге арналған технологиялық кешен;

      4) бөлшек сауда – кәсіпкерлік қызметпен байланысты емес жеке, отбасылық, үй жағдайында немесе басқа да пайдалануға арналған тауарларды сатып алушыға сату бойынша кәсiпкерлiк қызмет;

      5) резервуар – есепке алатын бақылау аспаптарымен жабдықталған, мұнай өнімдерін көтерме сауда арқылы жеткізушіге немесе мұнай өнімдерін бөлшек сауда арқылы өткізушіге меншік құқығымен немесе өзге де заңды негіздерде тиесілі мұнай өнімдері базасында не мұнай өнімдерін өндірушінің өндірістік объектілерінде мұнай өнімдерін қабылдауға, сақтауға, жөнелтуге және өткізуге арналған ыдыс.

      3. 1-бөлімде респонденттің тіркелу орнына (облыс, қала, аудан, елді мекен) қарамастан, тауарларды нақты өткізу орнын көрсету қажет. Егер респонденттің әр түрлі облыстарда (өңірлерде) статистикалық нысанды тапсыруға құзыреті жоқ бірнеше құрылымдық және оқшауланған бөлімшелері (сауда нүктелері) болса онда, респонденттер өзінің құрылымдық және оқшауланған бөлімшелерінің орналасу орнын 1-бөлімде көрсете отырып, статистикалық нысанды тапсырады.

      4. 2-бөлімде станциялардың материалдық-техникалық базасы бойынша ақпарат көрсетіледі. Автожанармай құю станциялары бойынша станциялар саны олардың түрлері бойынша көрсетіледі:

      стационарлық станция – отын тарату бағандары арқылы көлік құралдарына мұнай өнімдерін құюға арналған;

      контейнерлік – біртұтас зауыт бұйымы ретінде жасалған, технологиялық жүйесі отын тарату бағандарының мұнай өнімдерін сақтау контейнерінде орналасуымен сипатталатын, мұнай өнімдерін сақтауға арналған ыдыстары жер үстінде орналасқан;

      жылжымалы – біртұтас зауыт бұйымы ретінде жасалған, автомобиль шассиіне, тіркемеге, жартылай тіркемеге орнатылған, ықшам технологиялық жүйе.

      Автогаз толтыру компрессорлық станциялары бойынша станция аумағында орналасқан мұнай өнімдерін сақтауға арналған резервуарлар (баллондар) көлемі (3-баған, 3-жол) шаршы метрде көрсетіледі.

      4-жол бойынша отын құятын бағандар саны көрсетіледі. Отын құятын баған – көлік құралдарына және тұтынушылар ыдыстарына жанармай құю кезінде мұнай өнімдері көлемін өлшеуге және оларды беруге арналған қондырғы.

      3-бөлімде 2-баған бойынша "Мұнай өнімдерінің бөлшек саудадағы көлемі" көрсеткіші сатып алушыларға мұнай өнімдерін қолма-қол және қолма-қол емес есеп айырысуға өткізгені үшін алынған ақшалай түсімінің сомасы көрсетеді. 3, 4-бағандар бойынша заңды тұлғаларға мұнай өнімдерін өткізу, соның ішінде талон бойынша тиісінше құндық және табиғи көріністегі көлемі көрсетіледі. Талондар – ұйымдардың мұнай өнімдерін станцияның белгілі бір желілері арқылы жіберілуін ұйымдастыратын сатушымен жасалған сатып алу-сату шарттары бойынша мұнай өнімдерін сатып алуына арналған құжат.

      Өткізу көлемі қосымша құнға және акциздерге салықсыз сату құны бойынша есептеледі.

      1, 3, 5 бағандарда өткізу көлемі заттай көріністе: бензин, дизельдік отын, пропан, сұйытылған бутан-тоннада, сығымдалған табиғи газ- шаршы метрде көрсетіледі.

      5, 6-бағандарда мұнай өнімдерін жеке қажеттіліктер үшін (жеке меншік көлік құралдары үшін) мұнай өнімдерін пайдалану туралы ақпарат көрсетіледі.

      7-бағанда – есепті кезең соңына қалдықтар көрсетіледі. Қалдықтар – бұл автожарнамай құю станцияларындағы, қоймалардағы, белгілі бір күнде жолда болатын мұнай өнімдерінің ақшалай көріністегі мөлшері.

      5. Респондентте есепті кезеңде осы статистикалық нысан бойынша деректер болмаған жағдайда респондент ағымдағы кезеңнің аяқталатын күнінен кешіктірмей нөлдік көрсеткіштермен статистикалық нысанды (дерексіз нысан) ұсынады.

      6. Осы статистикалық нысанды тапсыру қағаз жеткізгіште немесе электронды форматта жүзеге асырылады. Статистикалық нысанды электронды форматта толтыру Қазақстан Республикасы Ұлттық экономика министрлігі Статистика комитетінің интернет-ресурсында (www.stat.gov.kz) орналастырылған "Деректерді on-line режимде жинау" ақпараттық жүйесін қолдану арқылы жүзеге асырылады.

      Ескерту: х – осы айқындама толтыруға жатпайды.

      7. Арифметикалық-логикалық бақылау:

      2-бөлім "Станциялардың материалдық-техникалық базасы жөнінде мәліметті көрсетіңіз":

      1 жол = 1-баған бойынша ∑ 1.1, 1.2, 1.3 жолдар;

      егер 2-жол ≠0, онда 3-жол ≠0 және керісінше;

      егер 1-жол ≠0, онда 4-жол ≠0 және керісінше.

      3-бөлім " Станциялардағы мұнай өнімдерін өткізу көлемі туралы ақпаратты көрсетіңіз":

      1-жол= 2,4,6,7-бағандар бойынша ∑ 1.1, 1.2, 1.3, 1.4 жолдар;

      1.1-жол=∑ 1.1.1– 1.1.7 жолдар;

      1.2-жол=∑ 1.2.1, 1.2.2 жолдар;

      егер 1-баған>0, онда 2-баған>0 және керісінше (1-жолдан басқа барлық жолдар бойынша);

      егер 3-баған>0, онда 4-баған>0 және керісінше (1-жолдан басқа барлық жолдар бойынша);

      егер 5-баған>0, онда 6-баған>0 және керісінше (1-жолдан басқа барлық жолдар бойынша);

      егер 2-баған ≠0 немесе 4-баған ≠0 немесе 6-баған≠0, онда 7-баған ≠0 (жол берілетін бақылау).

      Бөлімдер арасындағы бақылау:

      егер 2-бөлімде 1-жол 1-баған ≠0, онда 3-бөлімде 1.1-жол 2-баған немесе 4-баған немесе 6-баған≠0 (жол берілетін бақылау);

      егер 2-бөлімде 1-жол 2-баған ≠0 , онда 3-бөлімде 1.3-жол 2-баған немесе 4-баған немесе 6-баған≠0 (жол берілетін бақылау);

      егер 2-бөлімде 1-жол 3-баған ≠0 , онда 3-бөлімде 1.4-жол 2-баған немесе 4-баған немесе 6-баған≠0 (жол берілетін бақылау).

Биржалардың тауарлар тізбесі

      Ескертпе
       ЕАЭО СЭҚ ТН – Еуразиялық экономикалық одағының сыртқы экономикалық қызметінің тауарлық номенклатурасы

"Тауар биржасының қызметі туралы есеп" жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 171112006, индексі 1-биржа, кезеңділігі жылдық)

      1. Осы "Тауар биржасының қызметі туралы есеп" (коды 171112006, индексі 1-биржа, кезеңділігі жылдық) жалпымемлекеттік статистикалық байқаудың статистикалық нысанын толтыру жөніндегі нұсқаулық "Мемлекеттік статистика туралы" Қазақстан Республикасы Заңының 12-бабы 8) тармақшасына сәйкес әзірленген және "Тауар биржасының қызметі туралы есеп" (коды 171112006, индексі 1-биржа, кезеңділігі жылдық) жалпымемлекеттік статистикалық байқаудың статистикалық нысанын толтыруды нақтылайды.

      2. Келесі анықтамалар мен түсініктемелер осы статистикалық нысанды толтыру мақсатында қолданылады:

      1) биржалық мәміле – биржада айналымға жіберілген мүлік нысанасы болып табылатын және Қазақстан Республикасының тауар биржалары туралы заңнамасына және биржалық сауда ережелеріне сәйкес ол жүргізетін сауда-саттыққа қатысушылармен жасалатын мәміле және түсінік;

      2) биржалық сауда – тауар биржасында сауда-саттықты, оның ішінде электрондық сауда-саттықты жүргізу, мәмілелерді тіркеу және ресімдеу жолымен жүзеге асырылатын биржалық тауарларды өткізу жөніндегі кәсіпкерлік қызмет;

      3) биржалық сауда-саттық - биржалық тауарлар бойынша мәмілелер жасауға бағытталған биржалық сауда ережелері шеңберінде жүргізілетін процесс;

      4) биржалық тауар – айналымнан алынып тасталмаған немесе айналымда шектелмеген тауар, оның ішінде жылжымайтын мүлікті және зияткерлік меншік объектілерін қоспағанда, тауар биржасы биржалық саудаға жіберген мерзімді келісімшарт;

      5) классикалық сауда режимі – бірін-бірі білетін сатып алушылар мен сатушылар арасында биржалық тауардың шарттық бағасы бойынша атаулы мәмілелер жасалатын сауда режимі;

      6) қосарланған қарсы аукцион режимі – сатушылар мен сатып алушылар бәсекелестігі нәтижесінде биржалық мәмілелер жасырын түрде жасалатын, ал биржалық тауарға баға сұраныс пен ұсыныстың тепе-теңдік деңгейінде белгіленетін сауда режимі;

      7) мемлекеттік сатып алу бойынша жасалған мәмілелер – "Мемлекеттік сатып алу туралы" Қазақстан Республикасының 2015 жылғы 4 желтоқсандағы Заңымен бекітілген тәртіпте жүзеге асырылған мәмілелер;

      8) стандартты аукцион режимі – сатып алушы (сатушы) – аукцион бастамашысы үшін ең тиімді баға бойынша төмендетуге немесе жоғарылатуға арналған аукцион барысында биржалық мәмілелер жасалатын сауда режимі;

      9) спот-тауар – шұғыл берілетін немесе алдағы уақытта берілетін, қоймада тұрған тауар;

      10) тауар биржасы – акционерлік қоғамның ұйымдық-құқықтық нысанында құрылған, сауда-саттықтарды ұйымдық және техникалық қамтамасыз етуді тауар биржасының сауда жүйесін пайдалана отырып тікелей жүргізу жолымен жүзеге асыратын заңды тұлға;

      11) тауар биржасының мүшесі – Қазақстан Республикасының заңнамасына сәйкес тауар биржасының ішкі құжаттарында көзделген тәртіппен биржалық тауармен мәмілелерді жүзеге асыруға құқығы бар брокер және (немесе) дилер;

      12) фьючерстік мәміле – объектісі фьючерс болып табылатын биржалық мәмiле;

      13) фьючерс – сатып алушы (немесе сатушы) ұйымдастырылған нарықта белгіленген стандартты шарттарға сәйкес базалық активті сатып алудың (немесе сатудың) белгіленген мерзімі өткеннен кейін міндеттемені өзіне алатын тек ұйымдастырылған нарықта айналымға түсетін туынды қаржы құралы.

      3. 3-бөлімде бастапқы мәлімделген құн бойынша сауда-саттыққа шығарылған тауарлардың көлемі, жасалған мәміле бойынша тауар биржасының айналымы, сонымен бірге биржалық тауарлар бөлінісінде жасалған мәмілелердің саны көрсетіледі. Биржалық тауарлар тізбесі осы нысанға 1-қосымшаға сәйкес толтырылады.

      4. Респондентте есепті кезеңде осы статистикалық нысан бойынша деректер болмаған жағдайда респондент ағымдағы кезеңнің аяқталатын күнінен кешіктірмей нөлдік көрсеткіштермен статистикалық нысанды (дерексіз нысан) ұсынады.

      5. Осы статистикалық нысанды тапсыру қағаз жеткізгіште немесе электронды форматта жүзеге асырылады. Статистикалық нысанды электронды форматта толтыру Қазақстан Республикасы Ұлттық экономика министрлігі Статистика комитетінің интернет-ресурсында (www.stat.gov.kz) орналастырылған "Деректерді on-line режимде жинау" ақпараттық жүйесін қолдану арқылы жүзеге асырылады.

      Ескерту: х – осы айқындама толтыруға жатпайды.

      6. Арифметика-логикалық бақылау:

      3-бөлім. Биржалық мәмілелер саны көрсетіледі:

      2-баған ≥ 3 баған + 5 баған;

      3-баған ≥ 4 баған; 6-баған ≥ 7 баған;

      7-баған ≥ 8 баған + 10 баған;

      8-баған ≥ 9 баған.

      4-бөлім. Биржалық сауда режимдеріне сәйкес жасалған мәмілелер бойынша жалпы айналым көрсетіледі.

      1-жол = ∑ 1.1, 1.2, 1.3-жолдар;

      Бөлімдер арасындағы бақылау:

      3-бөлім 7-бағанның 1-жолы =4-бөлім 1-бағанның 1-жолы.