Үкіметтік емес ұйымдарымен өз қызметі жөніндегі мәліметтерін ұсыну және олар туралы дерекқорды қалыптастыру қағидаларын бекіту туралы

      РҚАО-ның ескертпесі!
      Бұйрықтың қолданысқа енгізілу тәртібін 5-тармақтан қараңыз!

      "Коммерциялық емес ұйымдар туралы" 2001 жылы 16 қаңтардағы Қазақстан Республикасының Заңы 41-бабының 5-тармағына және "Қазақстан Республикасындағы мемлекеттік әлеуметтік тапсырыс, үкіметтік емес ұйымдарға арналған гранттар және сыйлықақылар туралы" 2005 жылғы 12 сәуірдегі Қазақстан Республикасының Заңы 4-1-бабының 6-1) тармақшасына сәйкес БҰЙЫРАМЫН:

      1. Қоса беріліп отырған Үкіметтік емес ұйымдар өз қызметі жөнінде мәліметтерді ұсыну және олар туралы дерекқорды қалыптастыру қағидалары (бұдан әрі – Қағидалар) бекітілсін.

      2. "Үкіметтік емес ұйымдар өз қызметі жөнінде мәліметтерді ұсыну және олар туралы дерекқорды қалыптастыру қағидаларын бекіту туралы" Қазақстан Республикасы Мәдениет және спорт министрінің 2015 жылғы 22 желтоқсандағы № 405 бұйрығының (Нормативтік құқықтық актілерді мемлекеттік тіркеу тізілімінде № 12676 болып тіркелген, "Әділет" ақпараттық-құқықтық жүйесінде 2016 жылғы 15 қаңтарда жарияланған) күші жойылды деп танылсын.

      3. Қазақстан Республикасы Мәдениет және спорт министрлігінің Тілдерді дамыту және қоғамдық-саяси жұмыс комитеті:

      1) осы бұйрықтың Қазақстан Республикасы Әділет министрлігінде заңнамамен белгіленген тәртіпте мемлекеттік тіркелуін;

      2) осы бұйрық мемлекеттік тіркелгеннен кейін күнтізбелік он күн ішінде "Әділет" ақпараттық-құқықтық жүйесінде және мерзімді баспа басылымдарында ресми жариялау үшін электрондық тасымалдағышта елтаңбалы мөрмен куәландырылған қағаз данасын қоса бере отырып, Қазақстан Республикасы нормативті құқықтық актілерінің эталонды бақылау банкіне енгізу үшін елтаңбалы мөрмен куәландырылған қағаз данасын қоса бере отырып осы бұйрыққа қол қоюға уәкілетті тұлғаның электрондық цифрлық қолтаңбасымен куәландырылған электрондық түрдегі осы бұйрықтың көшірмелерін жолдауды;

      3) осы бұйрықты Қазақстан Республикасы Мәдениет және спорт министрлігінің интернет-ресурсында орналастырылуын;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2) және 3) тармақшаларымен көзделген іс-шаралардың орындалуы туралы мәліметтерді Қазақстан Республикасы Мәдениет және спорт министрлігінің Заң қызметі департаментіне ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Мәдениет және спорт вице-министріне жүктелсін.

      5. Осы бұйрық 2017 жылы 1 наурыздан бастап қолданысқа енгізілетін Қағидалардың 4-тармағы 2) тармақшасын және 6-тармағын қоспағанда, ресми жарияланған күннен бастап қолданысқа енгiзiледi.

Үкіметтік емес ұйымдарымен өз қызметі жөніндегі мәліметтерін
ұсыну және олар туралы дерекқорды қалыптастыру қағидалары

      Ескерту. Қағида жаңа редакцияда – ҚР Дін істері және азаматтық қоғам министрінің 06.12.2017 № 175 (алғашқы ресми жарияланған күнінен кейін күнтізбелік он күн өткен соң қолданысқа енгiзiледi) бұйрығымен.

1-тарау. Жалпы ережелер

      1. Осы Үкіметтік емес ұйымдарымен өз қызметтері жөніндегі мәліметтерін ұсыну және олар туралы дерекқорды қалыптастыру қағидалары (бұдан әрі – Қағидалар) "Коммерциялық емес ұйымдар туралы" 2001 жылы 16 қаңтардағы Қазақстан Республикасының Заңы 41-бабының 5-тармағына, "Қазақстан Республикасындағы мемлекеттік әлеуметтік тапсырыс, үкіметтік емес ұйымдарға арналған гранттар және сыйлықақылар туралы" 2005 жылғы 12 сәуірдегі Қазақстан Республикасының Заңы 4-1-бабының 6-1) тармақшасына сәйкес әзірленді және үкіметтік емес ұйымдар өз қызметі жөнінде мәліметтерді ұсыну және дерекқорын үкіметтік ұйымдардың қалыптастыру тәртібін айқындайды.

      2. Осы Қағидада мынадай негізгі ұғымдар пайдаланады:

      1) үкіметтік емес ұйым – ортақ мақсаттарға жету үшін азаматтар және (немесе) мемлекеттік емес заңды тұлғалар Қазақстан Республикасының заңнамасына сәйкес ерікті негізде құрған коммерциялық емес ұйым (саяси партияларды, кәсіптік одақтарды және діни бірлестіктерді қоспағанда).

      2) Үкіметтік емес ұйымдар дерекқоры (бұдан әрі – Дерекқор) – үкіметтік емес ұйымдар қызметінің ашықтығын қамтамасыз ету және жұртшылыққа олар туралы ақпарат беру мақсатында, сондай-ақ мемлекеттік әлеуметтік тапсырысты орналастыру шеңберінде пайдалану, гранттар ұсыну және сыйлықақылар беру үшін қалыптастырылатын ақпараттық дерекқор;

2-тарау. Үкіметтік емес ұйымдар өз қызметі жөніндегі мәліметтерін ұсыну тәртібі

      3. Үкіметтік емес ұйымдар өз қызметтері жөніндегі мәліметтерді үкіметтік емес ұйымдармен өзара іс-қимыл саласындағы уәкілетті органға (бұдан әрі – уәкілетті орган) осы Қағидаларға 1-қосымшаға сәйкес қазақ және орыс тілдерінде жыл сайын 31 наурызға дейін қағаз және электрондық тасығыштарда (DOC, DOCX форматында CD-дисктерде немесе USB-флэш-жинақтаушыларда) пошта арқылы немесе қолма-қол немесе электрондық түрде веб-портал арқылы ұсынады.

      Үкіметтік емес ұйымдар есепті кезең үшін ақпаратты көрсете отырып ағымдағы жылдағы іске асырылатын жобалар жөніндегі ақпараты бар өз қызметтері туралы мәліметтерін ұсынады.

      Есепті кезең Дерекқорға мәліметтер ұсыну жылының алдындағы күнтізбелік жылы деп түсіндіріледі.

      Осы Қағидаларға 1-қосымшадағы кестелер осы Қағидаларға 2-қосымшада көрсетілген әкімшілік деректерді жинауға арналған нысанды толтыру бойынша түсіндірмеге сәйкес толтырылады.

      4. Үкіметтік емес ұйымдар туралы мәліметтер уәкілетті органға пошта арқылы немесе қолма-қол ұсынылған жағдайда, үкіметтік емес ұйымдар өз қызметі туралы мәліметтерді ілеспе хатпен жолдайды.

      5. Үкіметтік емес ұйымдар мәліметтер туралы веб-портал арқылы уәкілетті органға ұсынған жағдайда, мәліметтер заңды тұлғаға берілген электрондық цифрлық қолтаңбасымен куәландырылады.

      6. Қазақстан Республикасы аумағында тіркелген және Қазақстан Республикасы аумағында өзінің құрылымдық бөлімшелері (филиалдар және өкілеттіктер) бар үкіметтік емес ұйымдар осы Қағидалармен белгіленген тәртіпте филиалдар немесе өкілеттіктер туралы мәліметтерді ұсынады.

      7. Осы Қағидаларда 1-қосымшада I, II бөлімдерінде және VII бөлімнің 43-тармағының 1-кестесінде көзделген үкіметтік емес ұйымдар туралы мәліметтер өзгерген жағдайда, үкіметтік емес ұйымдар негіздемесі бар өзгертілген мәліметтерді қазақ және орыс тілдерінде пошта арқылы немесе қолма-қол немесе электронды түрде веб-портал арқылы осындай өзгерістер пайда болған күннен бастап жиырма жұмыс күн ішінде уәкілетті органға ұсынады.

3-тарау. Үкіметтік емес ұйымдар туралы дерекқорды қалыптастыру тәртібі

      8. Уәкілетті органдар үкіметтік емес ұйымдардың дерекқорын қалыптастыруды үкіметтік емес ұйымдар және жергілікті атқарушы органдар ұсынатын мәліметтер негізінде жүзеге асырады.

      9. Уәкілетті орган үкіметтік емес ұйымдардың өз қызметі туралы мәліметтерді алған кезде, олардың уақтылығын, толықтығын және анықтылығын қарайды.

      Үкіметтік емес ұйымдардың өз қызметі туралы мәліметтерді, осы Қағиданың 3-тармағында көрсетілген мерзімде ұсынылған жағдайда уақтылы болып саналады.

      Осы Қағиданың көрсетілген 1-қосымшасына сәйкес мәліметті толық ұсыну, бұл барлық кестені толтыру болып табылады.

      Үкіметтік емес ұйымдардың өз қызметі туралы мәліметтерді толық ұсыну уәкілетті органға жолдау күннің шындығына сәйкес келген жағдайда, анық болып саналады. Грамматикалық қателер үкіметтік емес ұйым туралы мәліметтерді анық емес деп тану үшін негіздеме болып саналмайды.

      10. Уәкілетті орган үкіметтік емес ұйымдар туралы мәліметтердің келіп түсуіне қарай он бес жұмыс күн ішінде Дерекқорды жаңартады.

      11. Үкіметтік емес ұйымдарды Дерекқордан алып тастауды уәкілетті орган Қазақстан Республикасының заңнамасына сәйкес бизнес-сәйкестендіру нөмірлерінің Ұлттық тізілімінен үкіметтік емес ұйымдарды алып тастау туралы ақпаратты алған күннен бастап он жұмыс күнінен кешіктірмей жүзеге асырады.

      12. Дерекқорға ұсынатын үкіметтік емес ұйымдар туралы мәліметтерді тексеруді жүзеге асыру үшін облыстардың, республикалық маңызы бар қалалардың, астананың жергілікті атқарушы органдары жыл сайын 10 сәуірге дейін аумақтық әділет органдарынан және мемлекеттік кірістер органдарынан тиісті әкімшілік-аумақтық бірліктен үкіметтік емес ұйымдар туралы (тіркеу/қайта тіркеу күні, мекенжайы, құрылтайшылары, басшылары және олардың байланыс деректері, соңғы есепті мерзімге салықтық есеп беру күні) қорытынды мәліметтерді уәкілетті органға ұсынады. Мәліметтер қазақ және орыс тілдерінде, пошта арқылы қағаз және электрондық тасығыштарда ұсынылады.

Үкіметтік емес ұйымдардың қызметі жөніндегі мәліметтер

      20___жылғы____________ есепті кезең
      Индекс: ҮЕҰҚМ-1
      Кезеңділігі: жылдың есепті кезеңнен кейін жыл сайын 31 наурызға дейінгі мерзімде.
      Ұсынатын топтар: үкіметтік емес ұйымдар
      Қайда ұсынылады: Қазақстан Республикасы Дін істері және азаматтық қоғам министрлігінің Азаматтық қоғам істері комитеті
      1-кесте
      Үкіметтік емес ұйымдардың қызметі жөніндегі мәліметтер*

Үкіметтік емес ұйымдардың, филиалдардың және шетелдік және халықаралық коммерциялық емес ұйымдар өкілеттіктерінің (оқшауланған бөлімшелерінің) есепті кезеңде іске асырған және ағымдағы жылы іске асыратын жобалары*

      Ескерту:
      *егер деректер мүлде болмаса, сызықша қойылып немесе "жоқ" деп белгіленеді.
      Қолданылған қысқартылған сөздер:
      БСН – бизнес-сәйкестендіру нөмірі
      4-кесте

Үкіметтік емес ұйымдардың филиалдары және (немесе) өкілеттіктері есепті кезеңде іске асырған және ағымдағы жылы іске асыратын жобалары*

      Ескерту:

      *егер деректер мүлде болмаса, сызықша қойылып немесе "жоқ" деп белгіленеді.

      Қолданылған қысқартылған сөздер:

      Үкіметтік емес ұйымдардың құрылтайшылары (қатысушылары) туралы мәліметтері*

      Ескерту:
      *егер деректер мүлде болмаса, сызықша қойылып немесе "жоқ" деп белгіленеді.
      Қолданылған қысқартылған сөздер:
      АТӘ – аты, тегі, әкесінің аты
      БСН – бизнес-сәйкестендіру нөмірі
      ЖСН – жеке сәйкестендіру нөмірі
      6-кесте

Ынтымақтастық/серіктестік туралы құжаттар жасасқан ұйымдар/органдар, мемлекет*

      Ұсынған мәліметтердің толықтығы мен нақтылығын растаймын:
      Басшы _________________________________________________________
      тегі, аты, әкесінің аты (болған жағдайда) қолы
      Орындаушы ____________________________________________________
      тегі, аты, әкесінің аты (болған жағдайда) қолы
      Мөр орны
      Ескерту:
      *егер деректер мүлде болмаса, сызықша қойылып немесе "жоқ" деп белгіленеді.
      Қолданылған қысқартылған сөздер:
      ҮЕҰ – үкіметтік емес ұйым
      БСН - бизнес-сәйкестендіру нөмірі

Әкімшілік деректерін жинауға арналған нысанды толтыру бойынша түсіндірме
"Үкіметтік емес ұйымдардың өз қызметі жөніндегі мәліметтері"

      1. Нысанды үкіметтік емес ұйымдардың басшысы (ол болмаған жағдайда оны алмастырушы адам) толтырады және Қазақстан Республикасы Дін істері және азаматтық қоғам министрлігінің Азаматтық қоғам істері комитетіне есепті кезеңнен кейін келесі жылғы 31 наурызға дейін ұсынылады.

      2. Нысанға есептіліктегі деректердің анықтығы және оны уақытылы ұсыну үшін жауапы бірінші басшы (ол болмаған жағдайда оны алмастырушы адам) қол қояды және ұйымның мөрімен куәландырылады.

      3. "Үкіметтік емес ұйымдардың қызметтері туралы мәліметтер" нысанының 1-кестесіндегі "Үкіметтік емес ұйымдар туралы жалпы деректер" бөлімінде мынадай мәліметтер көрсетіледі:

      1) 1-тармақта ұйымның бизнес-сәйкестендіру нөмірі көрсетіледі;

      2) 2-тармақта "Мәлімет ұсынатын есепті кезең және жыл" мәліметті ұсыну жылы көрсетіледі;

      3) 3-тармақта "Үкіметтік емес ұйымдардың ұйымдастыру-құқықтық нысаны" көрсетіледі;

      4) 4-тармақта құрылтайшылар құжаттарына сәйкес үкіметтік емес ұйымдардың толық атауы көрсетіледі;

      5) 5-тармақта "Бірінші басшының тегі, аты, әкесінің аты" көрсетіледі;

      6) 6-тармақта "ҮЕҰ орналасқан өңірі (Х керек ұяшықты көрсетіңіз)" көрсетіледі;

      7) 7-тармақта "ҮЕҰ заңды мекенжайы (елді мекен, мекенжай)" көрсетіледі;

      8) 8-тармақта "Мемлекеттік тіркеу (қайтадан тіркеу) нөмірі мен күні" көрсетіледі.

      4. "Үкіметтік емес ұйымның байланыс деректері" II бөлімі мынадай мәліметтерімен көрсетіледі:

      1) 9-тармақта "Электрондық пошта" көрсетіледі;

      2) 10-тармақта "Телефон нөмірі" көрсетіледі;

      3) 11-тармақта "Сайт мекенжайы" көрсетіледі.

      5. "Қызметкерлер мен еріктілер туралы мәліметтер" III бөлімі мынадай мәліметтерімен көрсетіледі:

      1) 12-тармақта "Штаттық қызметкерлердің саны" көрсетіледі;

      2) 13-тармақта "Еріктілер саны" көрсетіледі;

      3) 14-тармақта "Шетелдік қызметкерлер саны" көрсетіледі.

      6. "Қызметтің бағыты" IV бөлімі мынадай мәліметтермен көрсетіледі:

      1) 15-тармақта "Үкіметтік емес ұйымның қызмет бағыты (Х керек ұяшықты көрсетіңіз)" көрсетілген тізімнің ішінде үкіметтік емес ұйымның қызмет бағыты көрсетіледі;

      2) 16-тармақта "ҮЕҰ қызметінің мәні мен мақсаттары (жарғыға сәйкес)" көрсетіледі;

      3) 17-тармақта "Мақсатты аудитория/атаулы топ" көрсетіледі.

      7. "ҮЕҰ есепті кезеңдегі кірістер туралы (сомасы, теңге)" V бөлімі мынадай мәліметтермен көрсетіледі:

      1) 18-тармақта "Депозиттер бойынша сыйақы" көрсетіледі;

      2) 19-тармақта "Гранттар" көрсетіледі;

      3) 20-тармақта "Өтеусіз алған мүлік" көрсетіледі;

      4) 21-тармақта "Кіру жарналары" көрсетіледі;

      5) 22-тармақта "Мүшелік жарналар" көрсетіледі;

      6) 23-тармақта "Қайырымдылық көмек" көрсетіледі;

      7) 24-тармақта "Демеушілік көмек" көрсетіледі;

      8) 25-тармақта "Өтеусіз негізіндегі аударымдар" көрсетіледі;

      9) 26-тармақта "Қайырымдылық түрінде алған" көрсетіледі;

      10) 27-тармақта "Мемлекеттік әлеуметтік тапсырысты жүзеге асыруға арналған шарт бойынша алған кіріс" көрсетіледі;

      11) 28-тармақта "ҮЕҰ сыйлықақылары" көрсетіледі;

      12) 29-тармақта "Басқа да кірістер" көрсетіледі;

      13) 30-тармақта "Барлығы" кірістердің барлық сомасы көрсетіледі.

      8. "Есепті кезеңде ҮЕҰ-дың шығыстары (сомасы, теңге)" VI бөлімі мынадай мәліметтермен көрсетіледі:

      1) 31-тармақта "Коммерциялық емес ұйымдарды ұстау" көрсетіледі;

      2) 32-тармақта "Іс шараларды ұйымдастыру мен өткізу" көрсетіледі;

      3) 33-тармақта "Ақпараттық материалдарды дайындау және орналастыру" көрсетіледі;

      4) 34-тармақта "Сыйақы" көрсетіледі;

      5) 35-тармақта "Қайырымдылық көмек" көрсетіледі;

      6) 36-тармақта "Демеушілік көмек" көрсетіледі;

      7) 37-тармақта "Өтеусіз негізіндегі аударымдар" көрсетіледі;

      8) 38-тармақта "Кіру жарналар" көрсетіледі;

      9) 39-тармақта "Мүшелік жарналар" көрсетіледі;

      10) 40-тармақта "Өтеусіз берілген мүлік" көрсетіледі;

      11) 41-тармақта "Қайырымдылық" көрсетіледі;

      12) 42-тармақта "Барлығы" барлық шығыстар сомасы көрсетіледі.

      9. "Бюджет" VII бөлімін филиалдар немесе халықаралық және шетелдік ұйымдардың өкілдіктері мынадай түрде көрсетіледі (сомасы теңгемен көрсетіледі):

      1) 43-тармақта "Есепті кезең бойынша Қазақстан Республикасында жобаларды/бағдарламаларды қаржыландыру бюджеті" (егер жобаны және/немесе бағдарлама филиал немесе өкілдік Қазақстан Республикасының аумағында қаржыландырса) көрсетіледі;

      2) 44-тармақта "Ағымдағы күнтізбелік жыл бойынша Қазақстан Республикасында гранттық қаржыландыру бюджеті" (филиал немесе өкілдік тарапынан гранттар Қазақстан Республикасында бөлінген жағдайда және тиісті бекітілген бюджет болған жағдайда) көрсетіледі.

      10. "Үкіметтік емес ұйымдардың филиалы(-дары) және өкілдігі (-тері)" нысанның 2-кестесі мынадай мәліметтермен көрсетіледі:

      1) 1-бағанда реттік сан көрсетіледі;

      2) 2-бағанда "Атауы" көрсетіледі;

      3) 3-бағанда "БСН" көрсетіледі;

      4) 4-бағанда "Орналасқан жері" көрсетіледі;

      5) 5-бағанда"Басшының АТӘ (болған жағдайда)" көрсетіледі;

      6) 6-бағанда"Тіркелген күні" көрсетіледі;

      7) 7-бағанда "Тіркелген нөмірі" көрсетіледі;

      8) 8-бағанда "Телефон нөмірі, электрондық пошта, сайт мекенжайы" көрсетіледі.

      11. "Есепті кезеңде іске асырылған, ағымдағы жылғы іске асырылатын және жобалар туралы" нысанның 3-кестесі мынадай мәліметтермен көрсетіледі:

      1) 1-бағанда реттік сан көрсетіледі;

      2) 2-бағанда "Жобаның/бағдарламаның атауы" көрсетіледі;

      3) 3-бағанда "Донор ұйымының, тапсырыс берушінің, жобаның/бағдарламаның грант берушісінің БСН" көрсетіледі;

      4) 4-бағанда "Қаржыландыру көзі (мемлекеттік әлеуметтік тапсырыс, шетелдік, коммерциялық емес, өзін-өзі қаржыландыру, коммерциялық көздерден алынған қаржыландыру көздері)" көрсетіледі;

      5) 5-бағанда "Жобаның бағыты 1 кестенің 15 тармағын таңдаңыз)" көрсетіледі;

      6) 6-бағанда "Жоба/бағдарлама мақсаты" көрсетіледі;

      7) 7-бағанда "Жобаны іске асырған өңір (облыс)" көрсетіледі;

      8) 8-бағанда "Жалпы бюджет жобасы (теңге)" көрсетіледі;

      9) 9-бағанда "Есепті кезеңде алынған жобаға қаржыландыру (теңге)" көрсетіледі;

      10) 10, 11-бағандарда "Жобаны іске асыру кезеңі" жобаны іске асыруды бастау мен аяқтау күні (нысан бойынша күндері, айлары, жылдары) көрсетіледі;

      11) 12-бағанда "Жобаны/бағдарламаны қоса орындаушының атауы" көрсетіледі;

      12) 13-бағанда "Жобаны орындау туралы қысқаша ақпарат" көрсетіледі.

      12. "Филиалдардың және (немесе) өкілдіктердің есепті мерзімде іске асырылған және ағымдағы жылы іске асырылатын жобалары" нысанның 4-кестесі мынадай мәліметтермен көрсетіледі:

      1) 1-бағанда реттік сан көрсетіледі;

      2) 2-бағанда "Филиалдар (өкілдіктер) атауы" көрсетіледі;

      3) 3-бағанда "Жобаның/бағдарламаның атауы" көрсетіледі;

      4) 4-бағанда "Донор ұйымының, тапсырыс берушінің, жобаның/бағдарламаның грант берушісінің БСН" көрсетіледі;

      5) 5-бағанда "Қаржыландыру көзі (мемлекеттік әлеуметтік тапсырыс, шетелдік, коммерциялық, өзін-өзі қаржыландыру, коммерциялық емес)" көрсетіледі;

      6) 6-бағанда "Жобаның бағыты (1-кестедегі 15 тармақта қызметтер бағыты бөлімін таңдаңыз)" көрсетіледі;

      7) 7-бағанда "Жобаны іске асырған өңір (облыс)" көрсетіледі;

      8) 8-бағанда "Жобаның жалпы бюджеті (теңге)" көрсетіледі;

      9) 9-бағанда "Есепті кезеңде жобаға алынған қаржыландыру (теңге)" көрсетіледі;

      10) 10, 11-бағандарда "Жобаны іске асыру кезеңі" жобаны іске асыруды бастау мен аяқтау күні (нысан бойынша күндері, айлары, жылдары) көрсетіледі;

      11) 12-бағанда "Жобаны орындау туралы қысқаша ақпарат" көрсетіледі.

      13. Үкіметтік емес ұйымдарды құрған "Құрылтайшылар (қатысушылар) туралы мәліметтер" нысанның 5-кестесі мынадай мәліметтермен көрсетіледі:

      1) 1-бағанда реттік сан көрсетіледі;

      2) 2-бағанда "Атауы немесе АТӘ (болған жағдайда)" көрсетіледі;

      3) 3-бағанда "Жеке және заңды тұлғаны, көрсетіңіз:" көрсетіледі;

      4) 4-бағанда "ЖСН/БСН" көрсетіледі.

      14. "Ынтымақтастық/серіктестік туралы құжаттар жасасқан ұйымдар/органдар, мемлекет" нысанның 6-кестесі мынадай мәліметтермен көрсетіледі:

      1) 1-бағанда реттік сан көрсетіледі;

      2) 2-бағанда "Атауы" көрсетіледі;

      3) 3-бағанда "Түрі (мемлекеттік орган, үкіметтік емес ұйымдар, коммерциялық ұйым)" көрсетіледі;

      4) 4-бағанда "БСН (немесе орган, шетелдік ұйымдар үшін ұқсастық)" көрсетіледі.