Мемлекеттік органдардың ақпараттық жүйелерін құру және дамыту кезінде стандартты шешімдер ретінде көп рет пайдалануға жататын ақпараттық жүйелердің (немесе олардың бөліктерің) тізбесін бекіту туралы

№

Ақпараттық жүйелер бөліктерінің атауы

1

Бірыңғай бірдейлестіру сервисі

       Жүйенің пайдаланушыларын басқару функциясы, қол жеткізу құқығын бөліп беру, каталог қызметіне қол жеткізу үшін жеңіл салмақты хаттама негізінде каталогпен ықпалдасу, олардың бірінен бірдейлестіру және шығу кезінде түрлі ақпараттық жүйелерден бір уақытта бірыңғай бірдейлестіруді және шығуды жүзеге асыратын сервис.
       «Бірыңғай бірдейлестіру сервисі» типтік құрамдауышы келесі функциональдық құрамдауыштардан тұрады:
       1) бірыңғай бірдейлестіру – бір ақпараттық жүйеден басқасына қайталап бірдейлестіруді енгізбестен өтуді қамтамасыз ету сервисі;
       2) жүйе пайдаланушыларын басқару – ақпараттық жүйе пайдаланушыларын қосу, өзгерту және жою сервисі;
       3) пайдаланушыларға қол жеткізу құқығын бөліп тарату – әкімшінің ролдеріне сәйкес пайдаланушыларға қол жеткізу құқығын бөліп тарату сервисі;
       4) каталог қызметіне қол жеткізу үшін жеңіл салмақты хаттама негізінде каталогпен ықпалдасу – пайдаланушылардың есептік жазбалары және қызметтің баптаулары сақталатын каталог қызметіне қол жеткізу үшін жеңіл салмақты хаттама негізінде каталогпен ықпалдасу сервисі.

2

Электрондық цифрлық қолтаңбаны басу және тексеру сервисі

       Электрондық цифрлық қолтаңбаны пайдалана отырып, құжатқа бірыңғай қол қоюды жүзеге асыратын және қол қойылған құжатты тексеретін сервис.
       «Электрондық цифрлық қолтаңбаны басу және тексеру сервисі» типтік құрамдауышы келесі функциональдық құрамдауыштардан тұрады:
       1) Ұлттық куәландырушы орталықтың электрондық цифрлық қолтаңбасын басу сервисі (RSA) – (Ұлттық куәландырушы орталықтың электрондық цифрлық қолтаңбасымен құжатқа қол қою сервисі (RSA);
       2) Ұлттық куәландырушы орталықтың электрондық цифрлық қолтаңбасын тексеру сервисі (RSA) – Ұлттық куәландырушы орталықтың электрондық цифрлық қолтаңбасын тексеру сервисі (RSA);
       3) Мемлекеттік органдарды куәландырушы орталықтың электрондық цифрлық қолтаңбасын басу сервисі (МЕМСТ 34.310-2004) – Мемлекеттік органдарды куәландырушы орталықтың электрондық цифрлық қолтаңбасын қолданумен құжатқа қол қою сервисі (МЕМСТ 34.310-2004);
       4) Мемлекеттік органдарды куәландырушы орталықтың электрондық цифрлық қолтаңбасын тексеру сервисі (МЕМСТ 34.310-2004) – мемлекеттік органдарды куәландырушы орталықтың электрондық цифрлық қолтаңбасын тексеру сервисі (МЕМСТ 34.310-2004);
       5) жүйені тіркеу.

3

Ақпараттық жүйе жұмысының мониторингісі

     Ақпараттық жүйе жұмысының басты көрсеткіштерінің мониторингісі функциясын жүзеге асыратын сервис.
    «Ақпараттық жүйе жұмысының мониторингісі» типтік құрамдауышы келесі функциональдық құрамдауыштардан тұрады:
       1) пайдаланушыларды қосу статистикасы – пайдаланушыларды қосу статистикасын жинау сервисі;
       2) параққа кіріп шығу статистикасы – параққа кіріп шығу статистикасын жинау сервисі;
       3) сервердегі дискіні пайдалану статистикасы – сервердегі дискіні пайдалану статистикасын жинау сервисі;
       4) сервердегі оперативтік сақтау құрылғысын пайдалану статистикасы – сервердегі оперативтік сақтау құрылғысын пайдалану статистикасын жинау сервисі;
       5) сервердегі процессор пайдалану статистикасы – сервердегі процессор пайдалану статистикасын жинау сервисі;
       6) сервердегі ақпараттық жүйе сервистерін пайдалану статистикасы – сервердегі ақпараттық жүйе сервистерін пайдалану статистикасын жинау сервисі;
       7) ақпараттық жүйе сервистерінің орындалу уақытының статистикасы – ақпараттық жүйе сервистерінің орындалу уақыты туралы ақпаратты жинау сервисі;
       8) ақпараттық жүйенің логтары мен қателерін талдау – ақпараттық жүйенің логтарын автоматты талдау сервисі.

4

Графикалар мен диаграммалар қалыптастыру сервисі

   Графикалар мен диаграммалар қалыптастыруды жүзеге асыратын, оларды зерттеу бойынша тиімді жұмысты қамтамасыз ететін, енгізілген деректерді осы түрде ұсынушы сервис.

5

Электрондық құжаттар сақтау сервисі

   «Электрондық құжаттар сақтау сервисі» типтік құрамдауышы келесі функциональдық құрамдауыштардан тұрады:
       1) электрондық құжаттар сақтау;
       2) электрондық құжаттар жүктеу;
       3) электрондық құжаттарды шығару;
       4) электрондық құжаттарға қол жеткізу құқығын шектеу.

6

Құжаттармен және (немесе) объектілермен жұмыс бойынша үстел

   «Құжаттармен және (немесе) объектілермен жұмыс бойынша үстел» типтік құрамдауышы келесі функциональдық құрамдауыштардан тұрады:
       1) деректерді кестеге шығару;
       2) деректерді қосу;
       3) деректерді өзгерту;
       4) деректерді өшіру;
       5) объектілерге қосымша әрекеттер жасауды орындау;
       6) объектілердің нұсқалығы;
       7) қол жеткізу құқығын шектеу;
       8) репрезентаттық жай-күйді тапсыру арқылы объектілерге қол жеткізу.

7

Пайдаланушыларды ескерту сервисі

   «Пайдаланушыларды ескерту сервисі» типтік құрамдауышы келесі функциональдық құрамдауыштардан тұрады:
       1) репрезентаттық жай-күйді тапсыру арқылы ескертумен жұмыс;
       2) ескерту қосу;
       3) ескертуді қарау.