"Ақпараттандыру туралы" Қазақстан Республикасының Заңы 7-бабының 14) тармақшасына сәйкес БҰЙЫРАМЫН:
1. Қазақстан Республикасы ұлттық шлюзі арқылы мемлекетаралық ақпараттық өзара іс-қимылды жүзеге асыратын ақпараттық жүйелер мен электрондық ақпараттық ресурстардың тізбесі бекітілсін.
2. Қазақстан Республикасы Инвестициялар және даму министрлігінің Байланыс, ақпараттандыру және ақпарат комитеті (Т.Б.Қазанғап):
1) Қазақстан Республикасының Әділет министрлігінде осы бұйрықтың мемлекеттік тіркелуін;
2) осы бұйрық Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде мерзімді баспа басылымдарында және "Әділет" ақпараттық-құқықтық жүйесінде, сондай-ақ Қазақстан Республикасы нормативтік құқықтық актілерінің эталондық бақылау банкіне енгізу үшін Республикалық құқықтық ақпарат орталығына ресми жариялауға оның көшірмелерін баспа және электрондық түрде жіберуді;
3) осы бұйрықтың Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталдарында орналастырылуын;
4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы бұйрықтың 2-тармағының 1), 2) және 3) тармақшасында көзделген іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасы Инвестициялар және даму вице-министріне жүктелсін.
4. Осы бұйрық ол алғашқы ресми жарияланған күнінен бастап күнтізбелік он күн өткен соң қолданысқа енгізіледі.
|
Қазақстан Республикасының Инвестициялар және даму министрінің міндетін атқарушы |
Ж. Қасымбек |
"КЕЛІСІЛГЕН"
Қазақстан Республикасының
Ауыл шаруашылығы министрі
___________ А. Мамытбеков
2015 жылғы 21 желтоқсан
"КЕЛІСІЛГЕН"
Қазақстан Республикасының
Әділет министрі
___________ Е. Имашев
2015 жылғы 27 қаңтар
"КЕЛІСІЛГЕН"
Қазақстан Республикасының
Денсаулық сақтау және
әлеуметтік даму министрі
___________ Т. Дүйсенова
2015 жылғы 21 желтоқсан
"КЕЛІСІЛГЕН"
Қазақстан Республикасының
Қаржы министрі
___________Б. Сұлтанов
2015 жылғы 23 желтоқсан
"КЕЛІСІЛГЕН"
Қазақстан Республикасы
Ұлттық банкінің төрағасы
___________ Д. Ақышев
2016 жылғы 5 қаңтар
"КЕЛІСІЛГЕН"
Қазақстан Республикасының
Ұлттық экономика министрі
___________ Е. Досаев
2016 жылғы 18 қаңтар
| Қазақстан Республикасының Инвестициялар және даму министрінің міндетін атқарушысының 2015 жылғы 14 желтоқсандағы № 1201 бұйрығымен бекітілген |
Қазақстан Республикасының ұлттық шлюзі арқылы мемлекетаралық ақпараттық өзара іс-қимылды жүзеге асыратын ақпараттық жүйелер мен электрондық ақпараттық ресурстардың тізбесі
Ескерту. Тізбе жаңа редакцияда – ҚР Цифрлық даму, инновациялар және аэроғарыш өнеркәсібі министрінің 16.03.2022 № 87/НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
1. Кеден органдарының шлюзі;
2. Интеграциялық шина;
3. "Көлік деректер қоры" ақпараттық-талдау жүйесі;
4. "E-Agriculture" агроөнеркәсіптік кешендегі салаларды басқарудың бірыңғай автоматтандырылған жүйесі";
5. "Е-лицензиялау" Мемлекеттік дерекқоры ақпараттық жүйесі;
6. Қазақстан Республикасы мемлекеттік органдардың электрондық құжат айналымының бірыңғай жүйесі;
7. "е-Статистика" интеграцияланған ақпараттық жүйесі;
8. "Еуразиялық экономикалық одақтың тіркелген дәрілік заттардың бірыңғай тізілімін қалыптастыру, жүргізу және пайдалану" ақпараттық жүйесі;
9. Сәйкестік сертификаттар мемлекеттік тізілімі ақпараттық жүйесі;
10. Қазақстан Республикасы Ұлттық Банкінің "ҚР ҰБ шлюзі" бағдарламалық – аппараттық кешені" ақпараттық жүйесі;
11. "Ұлттық зияткерлік меншік институты" автоматтандырылған ақпараттық жүйесі;
12. "Еуразиялық экономикалық одақтың дәрілік заттарды өндірушілердің уәкілетті тұлғаларының бірыңғай тізілімін қалыптастыру, жүргізу және пайдалану" ақпараттық жүйесі;
13. "Еуразиялық экономикалық одаққа мүше мемлекеттердің аумақтарында анықталған сапасы бойынша талаптарға сәйкес келмейтін дәрілік заттардың, сондай-ақ жалған және (немесе) контрафактілік дәрілік заттардың бірыңғай ақпараттық деректер қорын қалыптастыру, жүргізу және пайдалану" ақпараттық жүйесі;
14. "Дәрілік заттардың тиімсіздігі туралы хабарламаны қамтитын дәрілік заттарға анықталған жағымсыз реакциялар (әрекеттер) бойынша бірыңғай ақпараттық деректер базасын қалыптастыру, жүргізу және пайдалану" ақпараттық жүйесі;
15. "Тоқтатылған, кері қайтарып алынған және медициналық қолдануға тыйым салынған дәрілік заттар бойынша бірыңғай ақпараттық деректер қорын қалыптастыру, жүргізу және пайдалану" ақпараттық жүйесі;
16. "Еуразиялық экономикалық одақтың фармацевтикалық инспекторларының бірыңғай тізілімін қалыптастыру, жүргізу және пайдалану" ақпараттық жүйесі;
17. "Еуразиялық экономикалық одақ шеңберінде тіркелген медициналық бұйымдардың бірыңғай тізілімін қалыптастыру, жүргізу және пайдалану" ақпараттық жүйесі;
18. "Медициналық бұйымдарды тіркеу мақсатында оларға зерттеулер (сынақтар) жүргізуді жүзеге асыратын Еуразиялық экономикалық одақтың уәкілетті ұйымдарының бірыңғай тізілімін қалыптастыру, жүргізу және пайдалану" ақпараттық жүйесі;
19. "Медициналық бұйымдардың қауіпсіздігі, сапасы мен тиімділігі мониторингінің бірыңғай ақпараттық дерекқорын қалыптастыру, жүргізу және пайдалану" ақпараттық жүйесі;
20. "Тауарларды таңбалау және қадағалау" ақпараттық жүйесі;
21. "Бірыңғай жинақтаушы зейнетақы қоры" акционерлік қоғамының ақпараттық жүйесі.