Баланың құқықтарын қорғау саласындағы тәуекел дәрежесін бағалау критерийлерін және тексеру парағын бекіту туралы

      2015 жылғы 29 қазандағы Қазақстан Республикасының Кәсіпкерлік кодексінің 141-бабының 3-тармағына, 143-бабының 1-тармағына сәйкес БҰЙЫРАМЫЗ:
      1. Мыналар:
      1) осы бірлескен бұйрыққа 1-қосымшаға сәйкес баланың құқықтарын қорғау саласындағы тәуекел дәрежесін бағалау критерийлері;
      2) осы бірлескен бұйрыққа 2-қосымшаға сәйкес баланың құқықтарын қорғау саласындағы мемлекеттік бақылау саласының тексеру парағы бекітілсін.
      2. «Баланың құқықтарын қорғау саласындағы тәуекел дәрежесін бағалау критерийлерін және тексеру парағының нысанын бекіту туралы» Қазақстан Республикасы Білім және ғылым министрінің 2015 жылғы 26 маусымдағы № 419 және Қазақстан Республикасы Ұлттық экономика министрінің міндетін атқарушының 2015 жылғы 30 маусымдағы № 488 бірлескен бұйрығының (Қазақстан Республикасының Нормативтік құқықтық актілерін мемлекеттік тіркеу тізілімінде № 11868 болып тіркелген, «Әділет» Қазақстан Республикасы нормативтік құқықтық актілерінің ақпараттық-құқықтық жүйесінде 2015 жылғы 24 тамызда жарияланған) күші жойылды деп танылсын.
      3. Қазақстан Республикасы Білім және ғылым министрлігінің Балалардың құқықтарын қорғау комитеті (А. Мәкенова) заңнамада белгіленген тәртіппен:
      1) осы бірлескен бұйрықтың Қазақстан Республикасы Әділет министрлігінде мемлекеттік тіркелуін;
      2) осы бірлескен бұйрықты Қазақстан Республикасы Әділет министрлігінде мемлекеттік тіркеуден өткененнен кейін оны он күн мерзімде баспа басылымдарында және «Әділет» ақпараттық-құқықтық жүйесінде ресми жариялауға жолдауды;
      3) осы бірлескен бұйрықты Қазақстан Республикасы Білім және ғылым министрлігінің ресми интернет-ресурсында орналастыруды қамтамасыз етсін.
      4. Осы бірлескен бұйрықтың орындалуын бақылау жетекшілік ететін Қазақстан Республикасының Білім және ғылым вице-министрі Е. Иманғалиевке жүктелсiн.
      5. Осы бірлескен бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Қазақстан Республикасының        Қазақстан Республикасының
      Білім және ғылым министрі        Ұлттық экономика министрі
      _____________ А. Сәрінжіпов      _____________ Е. Досаев

      Қазақстан Республикасы
      Ұлттық экономика Министрінің
      міндетін атқарушы
      _____________ М. Құсайынов

      «КЕЛІСІЛДІ»
      Қазақстан Республикасы
      Бас прокуратурасының Құқықтық
      статистика және арнайы
      есепке алу жөніндегі комитеті
      201_ жылғы «___»___________
      _______________ С. Айтпаева

      «КЕЛІСІЛДІ»                     «КЕЛІСІЛДІ»
      Қазақстан Республикасы          Қазақстан Республикасы
      Денсаулық сақтау және           Денсаулық сақтау және
      әлеуметтік даму министрі        әлеуметтік даму министрінің
      201_ жылғы «___»___________     міндетін атқарушы
      _______________ Т.Дүйсенова     201_ жылғы «___»___________
                                      ______________ Е.Біртанов

Қазақстан Республикасы  
Білім және ғылым министрінің
2015 жылғы 28 желтоқсандағы
№ 708 және         
Қазақстан Республикасы  
Ұлттық экономика Министрінің
міндетін атқарушы     
2015 жылғы 30 желтоқсандағы
№ 832 бірлескен бұйрығына
1-қосымша         

Баланың құқықтарын қорғау саласындағы тәуекел дәрежесін
бағалау критерийлері

      1. Баланың құқықтарын қорғау саласындағы тәуекел дәрежесін бағалау критерийлері (бұдан әрі – Критерийлер) тексерулерді өткізу мақсатында тексерілетін білім беруді басқару органдары мен балаларға арналған білім беру, денсаулық сақтау және халықты әлеуметтік қорғау жүйесіндегі ұйымдарды, сондай-ақ Қазақстан Республикасының Кәсіпкерлік кодексінің 141-бабының 3-тармағына сәйкес іріктеу үшін әзірленген.
      2. Осы Критерийлерде мынадай ұғымдар пайдаланылады:
      1) тәуекел – балаларға отбасында өмір сүру және тәрбиелену, білім алу, әлеуметтік көмек пен қолдауға ие болу, балаларға арналған ұйымдарда тәрбиелену және жан-жақты даму құқықтарын іске асыруға кедергі келтіретін жағдайлардың пайда болу мүмкіндігі;
      2) тәуекелдерді бағалау жүйесі – тексерулерді белгілеу мақсатында бақылау және қадағалау органы өткізетін іс-шаралар кешені;
      3) тәуекел дәрежесін бағалаудың объективті критерийлері (бұдан әрі – объективті критерийлер) – белгілі бір қызмет саласында тәуекел дәрежесіне байланысты және жеке тексерілетін субъектіге (объектіге) тікелей байланыссыз тексерілетін субъектілерді (объектілерді) іріктеу үшін пайдаланылатын тәуекел дәрежесін бағалау критерийлері;
      4) тәуекел дәрежесін бағалаудың субъективті критерийлері (бұдан әрі – субъективті критерийлер) – нақты тексерілетін субъектінің (объектінің) қызмет нәтижелеріне байланысты тексерілетін субъектілерді (объектілерді) іріктеу үшін пайдаланылатын тәуекел дәрежесін бағалау критерийлері;
      5) тексеру парағы – орындалмауы адам өмірі мен денсаулығына, қоршаған ортаға, жеке және заңды тұлғалардың, мемлекеттің заңды мудделеріне қауіп төндіретін тексерілетін субъектілер қызметіне қойылатын талаптарды қамтитын талаптар тізбесі;
      6) тексерілетін субъектілер – жергілікті атқарушы органдардың білім беруді басқару органдары, меншік нысанына, тіркелуіне және ведомстволық бағыныстылығына қарамастан, жетім балалар мен ата-анасының қамқорлығынсыз қалған балаларға арналған білім беру, денсаулық сақтау және халықты әлеуметтік қорғау жүйесіндегі ұйымдары, меншік нысанына қарамастан, балалардың білім алуға конституциялық құқығын қамтамасыз ету, тамақтандыруды және тасымалдауды ұйымдастыру бойынша білім беру ұйымдары, Кәмелетке толмағандарды бейімдеу орталықтары, девиантты мінез-құлықты балаларға арналған арнайы және ерекше режимде ұстайтын білім беру ұйымдары, меншік нысанына қарамастан, балалардың демалуға, сауығуға және бос уақытын өткізуге конституциялық құқығын қамтамасыз ету бойынша білім беру ұйымдары.
      3. Критерийлер объективті және субъективті критерийлер арқылы қалыптасады.
      4. Объективті критерийлер бойынша тексерілетін субъектілер жоғары және жоғары тәуекел дәрежесіне жатқызылмаған болып беріледі:
      1) жоғары тәуекел дәрежесіне жергілікті атқарушы органдардың білім беруді басқару органдары меншік нысанына, тіркелуіне және ведомстволық бағыныстылығына қарамастан, жетім балалар мен ата-анасының қамқорлығынсыз қалған балаларға арналған білім беру, денсаулық сақтау және халықты әлеуметтік қорғау жүйесіндегі ұйымдары, меншік нысанына қарамастан, балалардың білім алуға конституциялық құқығын қамтамасыз ету, тамақтандыруды және тасымал – дауды ұйымдастыру бойынша білім беру ұйымдары, Кәмелетке толмағандарды бейімдеу орталықтары, девиантты мінез – құлықты балаларға арналған арнайы және ерекше режимде ұстайтын білім беру ұйымдары жатады;
      2) жоғары тәуекел дәрежесіне жатқызылмаған меншік нысанына қарамастан, балалардың демалуға, сауығуға және бос уақытын өткізуге конституциялық құқығын қамтамасыз ету бойынша білім беру ұйымдары жатады.
      Жоғары тәуекел дәрежесіне жатқызылған тексерілетін субъектілерге (объектілерге) қатысты ішінара, жоспардан тыс тексерулер мен бақылаудың өзге де нысандары қолданылады.
      Жоғары тәуекел дәрежесіне жатқызылмаған субъектілерге (объектілерге) жоспардан тыс тексерулер мен бақылаудың өзге де нысандары қолданылады.
      5. Бірінші басшысымен бекітілген ішінара тексерулер жүргізудің тоқсандық тізімдері тиісті есептік кезең басталғанға дейін күнтізбелік 15 күннен кешіктірмей құқықтық статистика және арнайы есепке алу жөніндегі уәкілетті органға жіберіледі және Қазақстан Республикасы Білім және ғылым министрлігі Балалардың құқықтарын қорғау комитетінің интернет-ресурсында орналастырылады.
      6. Тәуекелдер дәрежесін бағалау үшін мынадай ақпарат көздері пайдаланылады:
      1) тексерілетін субъекті ұсынатын, оның ішінде мемлекеттік органдар, мекемелер және салалық ұйымдар жүргізетін автоматтандырылған ақпараттық жүйелер арқылы ұсынатын есептілік пен мәліметтерді мониторингілеу нәтижелері;
      2) бұрынғы тексерулер нәтижелері;
      3) расталған шағымдар мен өтініштердің болуы және саны.
      7. Ықтимал тәуекел мен бір немесе көп реттік бұзылу проблеманың маңыздылығы сипатына, әрбір ақпарат көзі бойынша бұрын қабылданған шешімдердің талдауына байланысты тәуекел бағалаудың өлшем шарттарына сәйкес бұзушылық дәрежесі – өрескел, маңызды және маңызды емес болып айқындалады.
      Өрескел бұзушылық – Қазақстан Республикасының «Әкімшілік құқық бұзушылық туралы» Кодексінде көзделген әкімшілік жауапкершілікті талап ететін білім беру, балалардың құқықтарын қорғау саласындағы нормативтік құқықтық актілермен белгіленген талаптарының бұзылуы, орта білім алуға конституциялық құқықтың, білім алу кезеңіндегі әлеуметтік қолдау көрсету тәртібінінің, тамақтануды ұйымдастырудағы, білім беру ұйымдарында балаларды күтіп-бағу тәртібінің, кәмелетке толмағандардың қажетті төлемдерді алу құқықтарының бұзылуы, сондай-ақ жеке және заңды тұлғалардың шағымдар мен өтініштерін қарастыру кезінде дәлелденген бұзушылықтар,
      Маңызды бұзушылық - білім беру, балалардың құқықтарын қорғау саласындағы нормативтік құқықтық актілерінде белгіленген оқуға қабылдау мектеп жасына дейін және мектеп жасындағы балаларды есепке алу, жетім балаларды және ата-анасының қамқорлығынсыз қалған балаларды орналастыру бойынша, білім беру ұйымдарында оқуға және тәрбиелеуге жағдай жасау талаптарының бұзылуы.
      Маңызды емес бұзушылық– білім беру, балалардың құқықтарын қорғау саласындағы нормативтік құқықтық актілерінде белгіленген әкімшілік деректерді электронды түрде беру талаптарының бұзылуы.
      8. Субъективті критерийлер осы Критерийлердің қосымшаларына сәйкес айқындалады.
      1) Жетім балалар мен ата-анасының қамқорлығынсыз қалған балалардың құқықтардың қорғау бойынша жергілікті атқарушы органдардың білім беруді басқару органдары қызметінің субъективті критерийлері.
      2) Балалардың білім алуға конституциялық құқығын қамтамасыз ету, тамақтандыруды және тасымалдауды ұйымдастыру бойынша жергілікті атқарушы органы қызметінің субъективті критерийлері.
      3) Кәмелетке толмағандарды бейімдеу орталықтарының қызметін ұйымдастыру бойынша жергілікті атқарушы органдардың білім беруді басқару органдары қызметінің субъективті критерийлері.
      4) Меншік нысанына, тіркелуіне және ведомстволық бағыныстылығына қарамастан жетім балалар мен ата-анасының қамқорлығынсыз қалған балаларға арналған білім беру, денсаулық сақтау және халықты әлеуметтік қорғау жүйесіндегі ұйымдар қызметінің субъективті критерийлері.
      5) Кәмелетке толмағандарды бейімдеу орталықтары қызметінің субъективті критерийлері.
      6) Девиантты мінез-құлықты балаларға арналған арнайы және ерекше режимде ұстайтын білім беру ұйымдары қызметінің субъективті критерийлері.
      7) Меншік нысанына қарамастан балалардың білім алуға конституциялық құқығын қамтамасыз ету, тамақтандыруды және тасымалдауды ұйымдастыру бойынша білім беру ұйымдары қызметінің субъективті критерийлері.
      9. Бір өрескел бұзушылық болған жағдайда тексерілетін субъектіге 100 тәуекел дәрежесінің көрсеткіші теңестіріледі және оған  қатысты іріктеп тексеру жүргізіледі.
      Егер өрескел бұзушылық анықталмаса, онда тәуекел дәрежесінің көрсеткішін анықтау үшін маңызды және маңызды емес бұзушылықтар бойынша қосынды көрсеткіш есептеледі.
      Маңызды дәрежедегі бұзушылықтар көрсеткішін айқындау кезінде 0,7 коэффициент есепке алынады және аталған көрсеткіш төмендегідей формула бойынша есептеледі:
                  Р_з = (Р₂ х 100/Р₁) х 0,7
      онда:
      Р_з – маңызды бұзушылықтардың көрсеткіші;
      Р₁ – маңызды бұзушылықтардың жалпы саны;
      Р₂ – анықталған маңызды бұзушылықтардың саны.
      Маңызды емес дәрежедегі бұзушылықтар көрсеткішін айқындау кезінде 0,3 коэффициент есепке алынады және аталған көрсеткіш төмендегідей формула бойынша есептеледі:
                     Р_н = (Р₂ х 100/Р₁) х 0,3
      онда:
      Р_н – маңызды емес бұзушылықтардың көрсеткіші;
      Р₁ – маңызды емес бұзушылықтардың жалпы саны;
      Р₂ – анықталған маңызды емес бұзушылықтардың саны.
      Тәуекел дәрежесінің жалпы көрсеткіші (Р) 0-ден 100-ге дейінгі шкала бойынша есептеледі және көрсеткіштерді қосу жолдары арқылы төмендегідей формула бойынша айқындалады:
                           Р = Р_з + Р_н
      онда:
      Р – тәуекел дәрежесінің жалпы көрсеткіші;
      Р_з – маңызды дәрежедегі бұзушылықтардың көрсеткіші;
      Р_н – маңызды емес бұзушылықтардың көрсеткіші.
      10. Тәуекел дәрежесінің көрсеткіштері бойынша тексерілетін субъект (объект) мыналарға жатады:
      1) жоғары тәуекел дәрежесіне – 60-дан 100-ге дейінгі тәуекел дәрежесінің көрсеткіші кезінде және оған қатысты ішінара тексеру, жоспардан тыс және өзге де бақылау нысандары жүргізіледі;
      2) жоғары тәуекел дәрежесіне жатқызылмағанға – 0-ден 60-қа дейінгі тәуекел дәрежесінің көрсеткіші кезінде және оған қатысты ішінара тексеру жүргізіледі.
      11. Ішінара тексеру жүргізу еселігі жылына бір реттен аспауы тиіс.
      Тәуекел дәрежесін талдау және бағалау кезінде нақты тексерілетін субъектілерге (объектілерге) қатысты бұрын есепке алынған және қолданылған субъективті критерийлердің деректері қолданылмайды.
      12. Ішінара тексерулердің тізімдері:
      1) субъективті критерийлер бойынша ең жоғары тәуекел дәрежесі көрсеткіші бар тексерілетін субъектілердің (объектілердің) басымдығын;
      2) мемлекеттік органның тексерулерді жүзеге асыратын лауазымдық тұлғаларына түсетін жүктемелерді ескере отырып жасалады.

Баланың құқықтарын қорғау 
саласындағы тәуекел дәрежесін
бағалау критерийлеріне  
1-қосымша          

Жетім балалар мен ата-анасының қамқорлығынсыз қалған балалардың
құқықтарын қорғау бойынша жергілікті атқарушы органдардың білім
беруді басқару органдары қызметінің субъективті критерийлері

Баланың құқықтарын қорғау 
саласындағы тәуекел дәрежесін
бағалау критерийлеріне  
2-қосымша          

Балалардың білім алуға конституциялық құқығын қамтамасыз ету, тамақтандыруды және тасымалдауды ұйымдастыру бойынша жергілікті атқарушы органдардың білім беруді басқару органы қызметінің субъективті критерийлері

Баланың құқықтарын қорғау 
саласындағы тәуекел дәрежесін
бағалау критерийлеріне  
3-қосымша          

Кәмелетке толмағандарды бейімдеу орталықтарының қызметін
ұйымдастыру бойынша жергілікті атқарушы органдардың білім
беруді басқару органдары қызметінің субъективті критерийлері

Баланың құқықтарын қорғау 
саласындағы тәуекел дәрежесін
бағалау критерийлеріне  
4-қосымша          

Меншік нысанына, тіркелуіне және ведомстволық бағыныстылығына
қарамастан жетім балалар мен ата-анасының қамқорлығынсыз қалған
балаларға арналған білім беру, денсаулық сақтау және халықты
әлеуметтік қорғау жүйесіндегі ұйымдар қызметінің субъективті
критерийлері

Баланың құқықтарын қорғау 
саласындағы тәуекел дәрежесін
бағалау критерийлеріне  
5-қосымша          

Кәмелетке толмағандарды бейімдеу орталықтары қызметінің
субъективті критерийлері

Баланың құқықтарын қорғау 
саласындағы тәуекел дәрежесін
бағалау критерийлеріне  
6-қосымша          

Девиантты мінез-құлықты балаларға арналған арнайы және ерекше
режимде ұстайтын білім беру ұйымдары қызметінің субъективті
критерийлері

Баланың құқықтарын қорғау 
саласындағы тәуекел дәрежесін
бағалау критерийлеріне  
7-қосымша          

Меншік нысанына қарамастан балалардың білім алуға
конституциялық құқығын қамтамасыз ету, тамақтандыруды және тасымалдауды ұйымдастыру бойынша білім беру
ұйымдары қызметінің субъективті критерийлері

Қазақстан Республикасы  
Білім және ғылым министрінің
2015 жылғы 28 желтоқсандағы
№ 708 және         
Қазақстан Республикасы  
Ұлттық экономика Министрінің
міндетін атқарушы     
2015 жылғы 30 желтоқсандағы
№ 832 бірлескен бұйрығына
2-қосымша         

Баланың құқықтарын қорғау саласында мемлекеттік бақылау
саласының тексеру парағы
(Қазақстан Республикасының Кәсіпкерлік кодексінің 138-бабына сәйкес)
__________________________________________________ қатысты
(тексерілетін субъектілердің (объектілердің) біртекті тобының атауы)

Тексеруді тағайындаған мемлекеттік орган ____________________________
Тексерулерді тағайындау туралы акт __________________________________
                                               (№, күні)
Тексерілетін субъектінің (объектінің) атауы _________________________
_____________________________________________________________________
Тексерілетін субъектінің (объектінің) (ЖСН), БСН ____________________
_____________________________________________________________________
Орналасқан мекенжайы ________________________________________________

Лауазымдық тұлға (тұлғалар) ______________ _________ ________________
                              (лауазымы)     (қолы)      (Т.А.Ә.
                                                     (бар болғанда))
Тексерілетін субъектінің
      жетекшісі             _________________________________________
                             (Т.А.Ә. (бар болғанда), лауазымы) (қолы)