Теңiзде жүзу кiтапшасының үлгiсiн, оны ресiмдеу және беру қағидаларын бекіту туралы

      "Сауда мақсатында теңізде жүзу туралы" 2002 жылғы 17 қаңтардағы Қазақстан Республикасы Заңының 4-бабы 3-тармағының 55-5) тармақшасына және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес БҰЙЫРАМЫН:

      1. Қоса берiліп отырған:

      1) осы бұйрыққа 1-қосымшаға сәйкес теңізде жүзу кітапшасының үлгісі;

      2) осы бұйрыққа 2-қосымшаға сәйкес Теңізде жүзу кітапшасын ресімдеу және беру қағидалары бекітілсін.

      2. Қазақстан Республикасы Инвестициялар және даму министрлігінің Көлік комитеті (Ә.А. Асавбаев):

      1) осы бұйрықтың заңнамада белгіленген тәртіппен Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін, оның көшірмесін күнтізбелік он күн ішінде баспа басылымдарында және "Қазақстан Республикасы Әділет министрлігінің Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнының "Әділет" ақпараттық-құқықтық жүйесіне ресми жариялауға жіберуді;

      3) осы бұйрықты Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастырылуын;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Инвестициялар және даму министрлігінің Заң департаментіне осы бұйрықтың 2-тармағының 1), 2) және 3) тармақшаларында көзделген іс-шаралар туралы мәліметтерді ұсынуды қамтамасыз етсін.

      3. Осы бұйрықтың орындалуын бақылауды өзіме қалдырамын.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Теңізде жүзу кітапшасының үлгісі
1-сурет. Сыртқы мұқаба

2-сурет

3-сурет

4-сурет

      Ескертпе:

      1. Теңізде жүзу кітапшасы бланкісінің өлшемі 88 х 125 милиметр және мұқабадан, мұқабаға желімделген өңірбеттерден және қағаз парақтардан тұрады.

      2. Теңізде жүзу кітапшасы 32 беттен тұрады. 1-парақ титульдік болып табылады. Онда теңізде жүзу кітапшасы иесінің жеке деректері орналастырылады. 2-беттен бастап 32-беттер – ауысатын ақпараттарды жазуға арналған. Ішкі 1-беттен бастап 32-бетті қоса алғандағы беттер көгілдірден ашық-қоңыр реңктерге иристік ауысуды қолданумен офсеттік тәсілмен басылған.

      3. Алдыңғы және артқы өңірбеттердің ашық-көк аялы және офсеттік және металлографтық басылу тәсілмен басылған.

      4. Теңізде жүзу кітапшасының бланкісі беттерінің нөмірлері 2-беттен бастап 32-бетті қоса алғанда бүктеу сызығында парақ бетінің жоғарғы бұрышында орналасқан. 1-бет нөмірленбейді.

      5. Теңізде жүзу кітапшасының бланкісі түбіршек ұзына бойына УК-сәулемен үзік-үзік жалтырайтын жіппен тігілген.

      6. Теңізде жүзу кітапшасының бланкісі арнайы қағазды пайдаланумен дайындалады.

      7. 1-беттен бастап 32-бетке дейін үш түрлі қорғаныш талшығынан тұратын, саңылаудан көрінетін екі реңктік су белгісінің бейнесі бар.

      8. Өңірбеттер үшін су белгісі жоқ және қорғаныш талшығының екі түрі бар қағаз қолданылады.

      9. Теңізде жүзу кітапшасы бланкісінің сериясы мен нөмірі жоғары баспа тәсілімен 1, 4, 5, 8, 9, 12, 13, 16, 17, 20, 21, 24, 25, 28, 29 және 32-беттерде қызыл бояумен шығарылады.

      10. Теңізде жүзу кітапшасы бланкісінің мұқабасы Қазақстан Республикасы Туының түсіндей – тез тозбайтын көгілдір түсті материалдан дайындалады.

      11. Теңізде жүзу кітапшасының бланкісі мұқабасының жоғарғы бөлігінде мемлекеттік және ағылшын тілдерінде мынадай жазулар орналасқан:

      "ҚАЗАҚСТАН РЕСПУБЛИКАСЫ

      REPUBLIC OF KAZAKHSTAN".

      Ортасында Қазақстан Республикасының Мемлекеттік Елтаңбасы (бұдан әрі – Елтаңба) орналастырады.

      Елтаңба бейнесінің астыңғы жағында құжаттың атауы көрсетіледі:

      "ТЕҢІЗДЕ ЖҮЗУ КІТАПШАСЫ

      SEAMAN’S BOOK".

      Елтаңба бейнесі және жазулар күміс түсті фольгамен баспа-таңбамен орындалады.

      12. Теңізде жүзу кітапшасы бланкісінің алдыңғы және артқы өңірбеттерінде теңізде жүзу кітапшасының иесі үшін ақпарат орналастырылған:

      алдыңғы өңірбетте – мемлекеттік және орыс тілдерінде мәтін:

      "Теңізде жүзу кітапшасының иесі үшін АҚПАРАТ

      ИНФОРМАЦИЯ для владельца мореходной книжки

      1. Теңізде жүзу кітапшасы теңіз кемесі экипажының мүшесі ретінде теңізші жұмысы туралы мәліметтерден тұратын құжат болып табылады.

      Мореходная книжка является документом, содержащим сведения о работе моряка в качестве члена экипажа морского судна.

      2. Теңізде жүзу кітапшасы теңізшінің жеке куәлігі болып табылмайды.

      Мореходная книжка не является удостоверением личности моряка.

      3. Теңізде жүзу кітапшасы Қазақстан Республикасы Еңбек Кодексінің 35-бабына сәйкес жұмыс беруші беретін еңбек кітапшасын ауыстырмайды.

      Мореходная книжка не заменяет трудовую книжку, выдаваемую работодателем в соответствии со статьей 35 Трудового кодекса Республики Казахстан.

      4. Теңізде жүзу кітапшасын теңіз портының әкімшілігі береді.

      Мореходная книжка выдается администрацией морского порта.

      5. "Кемедегі қызметтік жағдайы" бөліміне енгізілетін мәліметтерді (кемеде жұмыс істеуді бастаған күні мен портты қоспағанда) жұмыс беруші кеме иесі немесе теңіз порты әкімшілігінің уәкілетті лауазымды адамы куәландырады.

      Сведения, вносимые в раздел "Служебное положение на судне" (за исключением даты и порта начала работы на судне), заверяются судовладельцем-работодателем или уполномоченным должностным лицом администрации морского порта.

      Теңізде жүзу кітапшасы иесінің кемеде жұмыс істеуді бастаған күні мен порт туралы мәліметтерді және "Жұмысты аяқтау" бөліміне енгізілетін мәліметтерді кеме капитаны немесе ол тағайындаған лауазымды адам куәландырады.

      Сведения о дате и порте (регионе) начала работы владельца мореходной книжки на судне и сведения, вносимые в раздел "Завершение работы", заверяются капитаном судна или назначенным им должностным лицом.

      6. Теңізде жүзу кітапшасының қолданылу мерзімі шектелмеген.

      Срок действия мореходной книжки не ограничен.

      7. Теңізде жүзу кітапшасы теңізшінің жазбаша келісімімен кеме капитанында сақталатын жағдайларды қоспағанда, үнемі теңізшімен бірге болады.

      Мореходная книжка всегда находится у моряка за исключением случаев, когда с письменного согласия моряка она хранится у капитана судна."

      Артқы өңірбетте – ағылшын тіліндегі мәтін:

      "INFORMATION for Seaman’s Book holder

      1. The Seaman’s Book is a document containing information of seaman activity as a crew member at sea-going vessel.

      2. The Seaman’s Book is not the seafarer’s identity document.

      3. The Seaman’s Book cannot be considered as a substitute for the work record book issued by an employer in accordance with Article 35 of the Labour Code of the Republic оf Kazakhstan.

      4. The Seaman’s Book is issued by a shipowner-employer, sea port administration, water transport educational institutions.

      5. Records written down in "Position on the vessel" section (except date and port of signing on) are certified by a shipowner-employer or by an authorized official person of sea port administration.

      Records on date and port (region) of signing on and records written down in "Signing off" section are certified by the shipmaster or the officer authorized by the shipmaster.

      6. Validity of the Seaman’s Book is not limited.

      7. The Seaman’s Book shall remain in the seaman’s possession at all times, except when it is held by the shipmaster with the seaman’s written consent.".

      13. 1-беттің жоғарғы бөлігінің ортасында Елтаңбаның контурлық бейнесі орналасқан.

      Елтаңбаның сол жағынан мынадай жазу орналасады:

      "ҚАЗАҚСТАН РЕСПУБЛИКАСЫ"

      Елтаңбаның оң жағынан мынадай жазу орналасады:

      "REPUBLIC OF KAZAKHSTAN"

      Елтаңбаның астыңғы жағынан мынадай жазу орналасады:

      "ТЕҢІЗДЕ ЖҮЗУ КІТАПШАСЫ

      SEAMAN’S BOOK

      Теңізде жүзу кітапшасы теңіз кемесі экипажының мүшесі ретінде теңізші жұмысы туралы мәліметтерден тұратын құжат болып табылады. Теңізде жүзу кітапшасы 32 беттен тұрады.

      Настоящая мореходная книжка является документом, содержащим сведения о работе моряка в качестве члена экипажа морского судна. Мореходная книжка содержит 32 страницы.

      The Seaman’s Book is a document containing information of seaman activity as a crew member at sea-going vessel. It contains 32 Pages.

      Берген мемлекеттік коды / Code of issuing State

      Құжат №/Document No

      Тегі/Фамилия/Surname

      Аты/Имя, отчество/Given names

      Азаматтығы/Гражданство/Nationality

      Туған күні/Дата рождения/Date of birth

      Туған жері/Место рождения/Place of birth

      Жынысы/Пол/Sex

      Берілген күні/ Дата выдачи/Date of issue

      М.О. /М.П./seal

      иесінің қолы/подпись владельца/holder’s signature

      Уәкілетті адамның лауазымы, тегі, қолы/ Должность, фамилия, подпись уполномоченного лица/official’s position, name, signature қолы/подпись/signature.".

      "Берген мемлекеттің коды/Code of issuing State" деген бағанда Қазақстан Республикасының коды "КAZ" енгізілген.

      "Құжат №/Document No" деген бағанда жоғарғы басылу тәсілімен қызыл түспен "МК" сериясы және теңізде жүзу кітапшасының жеті мәнді нөмірі басылған.

      1-беттің төменгі сол жақ бөлігінде "Берген мемлекеттің коды/Code of issuing State" бағанының астында теңізде жүзу кітапшасы иесінің 30х40 миллиметр өлшемдегі фотосуретін орналастыру үшін орын бар.

      Жеке деректерін қолдан жасаудан және сыртқы ортаның қолайсыз әсерінен қорғау мақсатында 1-бетте салқындай домалату тәсілімен ламинат жағылған пленка жапсырылады. Ламинат жағылған пленканы дифракциялық элементтермен қорғауға рұқсат етіледі.

      14. Теңізде жүзу кітапшасы бланкісінің 2-бетінен бастап 32-бетінде мынадай жазулар орналастырылған:

      "КЕМЕДЕГІ ҚЫЗМЕТТІК ЖАҒДАЙЫ

      СЛУЖЕБНОЕ ПОЛОЖЕНИЕ НА СУДНЕ

      POSITION ON THE VESSEL"

      "(лауазымы /должность / seaman’s position)

      (кеменің атауы, ұлты, ИМО нөмірі / название, национальность, ИМО номер судна / name, flag, IMO number of vessel)

      (кеме иесі / судовладелец / shipowner)

      (кеме түрі / тип судна / type of vessel)

      (тіркеу порты / порт регистрации/ port of registry)

      (жалпы сыйымдылығы / валовая вместимость / gross tonnage)

      (түрі, маркасы, қозғалтқыш қуаты кВт / тип, марка, мощность двигателя, кВт / type, model, propulsion power, kW)

      М.О. /М.П. / seal

      (лауазымы, тегі, қолы / должность, фамилия, подпись / position, name, signature)

      (Жұмыстың басы (жылы, айы, күні) /начало работы (год, месяц, день) / the position was taken (year, month, day)

      Порт (өңір)/порт (регион) / port (region)

      М.О. (кеменің мөрі) / М.П. (судовая печать / vessel’s seal)

      (тегі, қолы / фамилия, подпись / name, signature)

      ЖҰМЫСТЫ АЯҚТАУ / ЗАВЕРШЕНИЕ РАБОТЫ / SIGNING OFF

      Жұмысты аяқтау (жылы, айы, күні) / завершение работы (год, месяц, день) / the position was left (year, month, day)

      Порт (өңір)/порт (регион) / port (region)

      М.О. (кеменің мөрі) М.П. (судовая печать / vessel’s seal)

      (тегі, қолы / фамилия, подпись / name, signature)".

      15. Теңізде жүзу кітапшасының бланкісінде енгізілетін жазулардың сақталуын арттыруға арналған және бланкіні және оған жүргізілген жазуларды қолдан жасаудан қорғау үшін қосымша арнайы әзірленген элементтер қолданылады.

Теңізде жүзу кітапшасын ресімдеу және беру қағидалары

      Ескерту. Қағида жаңа редакцияда - ҚР Индустрия және инфрақұрылымдық даму министрінің 15.05.2020 № 294 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Теңізде жүзу кітапшасын ресімдеу және беру және "Теңізде жүзу кітапшасын беру" мемлекеттік көрсетілетін қызметін көрсету қағидалары (бұдан әрі - Қағидалар) "Сауда мақсатында теңізде жүзу туралы" 2002 жылғы 17 қаңтардағы Қазақстан Республикасы Заңының 4-бабының 3-тармағының 55-5) тармақшасына, "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес әзірленген және теңізде жүзу кітапшасын ресімдеу мен беру және "Теңізде жүзу кітапшасын беру" мемлекеттік көрсетілетін қызметін көрсету тәртібін айқындайды.

      2. Теңізде жүзу кітапшасы теңіз кемесі (бұдан әрі - кеме) экипажының мүшесі ретінде теңізші жұмысы туралы мәліметтерден тұратын құжат болып табылады және еңбек кітапшасын ауыстырмайды.

      3. Теңізде жүзу кітапшасы теңізшінің жазбаша келісімімен кеме капитанында сақталған жағдайларды қоспағанда кемемен теңізге шыққан кезінде, әрқашан Қазақстан Республикасының Мемлекеттік туын көтеріп жүзетін, осы кеменің бортында айналысатынын растау үшін, теңіз кемесі экипажының әрбір мүшесінің қолында болады.

      4. Теңізде жүзу кітапшасы мыналарға:

      1) Қазақстан Республикасының азаматтарына, Қазақстан Республикасының Мемлекеттік туын көтеріп жүзетін, теңіз кемесінің бортында кез келген қызметтегі шетел азаматтарына және азаматтығы жоқ адамдарға;

      2) жүзу практикасынан өту үшін теңіз кемелеріне жіберілетін, оқу мекемелерінің курсанттарына (оқушыларына) ресімделеді және беріледі.

      5. Теңізде жүзу кітапшасы жоғалған жағдайда, жаңа теңізде жүзу кітапшасын ресімдеу және беру кемедегі оның жұмысы туралы анықтама немесе кемедегі 3 (жұмыс) күндік жұмысы туралы соңғы еңбек келісімшартының көшірмесі қосымшасымен өтініш негізінде жүзеге асырылады.

      Кемедегі жұмысы туралы анықтама кемедегі жұмысы туралы мынадай мәліметтерден тұрады: кемедегі жұмысы басталған күні және кемедегі жұмысы басталған порт, кемедегі жұмысы аяқталған күні және теңізші кемедегі жұмысын аяқтаған порт.

      6. "Теңізде жүзу кітапшасын беру" мемлекеттік көрсетілетін қызметін (бұдан әрі - мемлекеттік көрсетілетін қызмет) Порттың теңіз әкімшілігі көрсетеді.

2-тарау. Теңізде жүзу кітапшасын ресімдеу тәртібі

      7. Теңізде жүзу кітапшаларының бланкілері техникалық құралдарды пайдалана отырып немесе қара түсті сиямен анық жазумен мынадай түрде толтырылады:

      теңізде жүзу кітапшасы иесінің тегі, аты, әкесінің аты бас әріптермен қазақ немесе орыс тілдерінде көрсетіледі. "/" белгісі арқылы бас әріппен, латын әліпбиінің белгілерін пайдалана отырып тегі және аты көрсетіледі;

      "Жынысы/Пол/Sex" бағаны: "F" - әйел, "М" - ер адамдар үшін;

      "Азаматтығы/Гражданство/Nationality" бағаны:

      Қазақстан Республикасының азаматтары үшін - "Қазақстан/Kazakhstan";

      шетел азаматтары үшін азаматтығы орыс және ағылшын тілінде "/" белгісі арқылы көрсетіледі;

      азаматтығы жоқ тұлғаларға "азаматтығы жоқ/stateless" көрсетіледі;

      "Туған күні", "Берілген күні" деген бағандар араб цифрларымен мынадай жүйелікпен көрсетіледі: күні/айы/жылы (күні мен айы екі таңбалы, ал жылы төрт таңбалы болып жазылады, мысалы, 23/02/2011);

      "Туған жері" деген бағанда республиканың, облыстың, қаланың атауы көрсетіледі. Жазба жеке басты куәландыратын негізгі құжатта көрсетілген теңізде жүзу кітапшасы иесінің туған жері туралы деректер негізінде жүргізіледі.

      Теңізде жүзу кітапшасының иесі туған мемлекетті көрсету кезінде, "/" белгісі арқылы мемлекеттің аббревиатурасы немесе оның атауы ағылшын тілінде көрсетіледі.

      "Уәкілетті адамның лауазымы, тегі, қолы/Должность, фамилия, подпись уполномоченного лица/ official 's position, name, signature" деген бағанында лауазымы, тегі және аты-жөні, көрсетіледі. Ағылшын тілінде лауазымы "/" белгісі арқылы көрсетіледі (мысалы, Порт Капитаны "Актау" /Harbor master "Aktau").

      "қолы /подпись / signature" деген бағанда теңізде жүзу кітапшасын беруге рұқсат еткен лауазымды адамның қолы қойылады.

      Теңізде жүзу кітапшасы иесінің фотосуреті шектейтін рамкасы ашық қалатындай етіп жемделеді. Фотосурет теңізде жүзу кітапшасын берілген ұйымның мөрімен бекітіледі.

      8. Теңізде жүзу кітапшасына кемеде теңізшінің жұмысы туралы мынадай мәліметтер енгізіледі:

      1) "Кемедегі қызметтік жағдайы" деген бөлімде:

      кемедегі теңізшінің қызметі;

      кеменің атауы;

      кеменің ұлты;

      Халықаралық теңіз ұйымы берген кеменің нөмірі;

      кеменің үлгісі;

      Кеме иесінің (жұмыс берушінің) атауы және халықаралық теңіз ұйымы (бар болған жағдайда) берген оның сәйкестендіру нөмірі;

      кеме тіркелген порт (орны);

      жалпы сыйымдылығы;

      басты энергетикалық қондырғының үлгісі, маркасы және қуаты;

      кемеде жұмыс басталған күн;

      кемеде жұмыс басталған порт (өңір);

      2) "Жұмыстың аяқталуы" бөлімінде:

      кемеде жұмыс аяқталған күн;

      теңізші кемедегі жұмысты аяқтаған порт (өңір).

      9. Кемеде жұмыс істеу басталған күн мен портты қоспағанда, осы Қағидалардың 7-тармағының 1) тармақшасында көрсетілген теңізшінің жұмысы туралы мәліметтерді онымен еңбек шартын жасасқаннан кейін теңізде жүзу кітапшасы ізденушісінің (кеме иесінің) жұмыс беруші кеме иесі растайды.

      10. Теңізде жүзу кітапшасы иесінің кемедегі жұмысының басталу күні және оның кемедегі жұмысы басталған порт туралы, сондай-ақ осы Қағидалардың 7-тармағының 2) тармақшасында көрсетілген мәліметтерге кеме капитаны немесе ол тағайындаған лауазымды тұлға қол қояды және кеме мөрімен расталады.

      11. Теңізде жүзу кітапшасында парақтарының аяқталуы бойынша соңғы парағына оны жүргізу тоқтатылғаны туралы және осы Қағидаларға 3-қосымшаға сәйкес пайдаланылғанның орнына жаңа теңізде жүзу кітапшасын беру туралы мөртабан мемлекеттік тілде қойылады.

      Теңізде жүзу кітапшасы аяқталғаннан соң, ол иесінде қалады.

3-тарау. Теңізде жүзу кітапшасын беру және "Теңізде жүзу кітапшасын беру" мемлекеттік қызмет көрсету тәртібі

      12. Жеке тұлға (бұдан әрі - көрсетілетін қызметті алушы) теңізде жүзу кітапшасын алу үшін көрсетілетін қызметті беруші осы Қағидалардың 1-қосымшасына сәйкес нысан бойынша теңізде жүзу кітапшасын беруге өтініш және бас киімсіз көрсетілетін қызметті алушының бейнесі бар ашық түсті фонда цифрлық фотосуретпен "электрондық үкіметтің" веб-порталы арқылы жолдайды www.egov.kz (бұдан әрі - портал).

      13. Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін ескере отырып, өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі осы Қағидаларға 2-қосымшаға сәйкес "теңізде жүзу кітапшасын беру" мемлекеттік көрсетілетін қызмет стандартында (бұдан әрі - стандарт) баяндалған.

      Мемлекеттік көрсетілетін қызметті алу үшін қажетті барлық құжаттарды тапсырған кезде көрсетілетін қызметті алушының "жеке кабинетінде" мемлекеттік көрсетілетін қызмет нәтижесін алу күнін көрсете отырып, мемлекеттік қызметті көрсету үшін сұрау салудың қабылданғаны туралы мәртебе көрсетіледі.

      14. Көрсетілетін қызметті беруші құжаттарды түскен күні тіркеуді жүзеге асырады. Өтініш беруші жұмыс уақыты аяқталғаннан кейін, демалыс және мереке күндері Қазақстан Республикасының еңбек заңнамасына сәйкес жүгінген жағдайда мемлекеттік қызметті алуға өтінішті қабылдау және тіркеу келесі жұмыс күні жүзеге асырылады.

      15. Жеке басын куәландыратын құжаттардың мәліметтерін, "электрондық үкіметтің" төлем шлюзі (бұдан әрі - ЭҮТШ) арқылы төленген жағдайда мемлекеттік баждың төленгенін Растауды көрсетілетін қызметті беруші тиісті мемлекеттік ақпараттық жүйелерден "электрондық үкімет" шлюзі арқылы алады.

      Көрсетілетін қызметті алушы құжаттар топтамасын және (немесе) қолданылу мерзімі өткен құжаттарды толық ұсынбаған жағдайда, көрсетілетін қызметті беруші 1 (бір) жұмыс күні ішінде өтінішті одан әрі қараудан бас тартады және көрсетілетін қызметті берушінің уәкілетті тұлғасының электрондық цифрлық қолтаңбасы (бұдан әрі - ЭЦҚ) қойылған электрондық құжат нысанында көрсетілетін қызметті алушының "жеке кабинетіне" хабарлама жібереді.

      16. Құжаттарды қарау мерзімі және Мемлекеттік қызмет көрсету нәтижесін беру:

      1) Мемлекеттік корпорацияның Ақтау қаласындағы филиалы арқылы берілген жағдайда - 3 (үш) жұмыс күні;

      2) Мемлекеттік корпорация филиалы арқылы басқа елді мекенде берілген жағдайда - 13 (он үш ) жұмыс күні.

      17. Көрсетілетін қызметті алушы құжаттардың толық топтамасын ұсынған жағдайда, көрсетілетін қызметті беруші 2 (екі) жұмыс күні ішінде ұсынылған құжаттардың дұрыстығын және көрсетілетін қызметті алушының және (немесе) ұсынылған құжаттардың осы Қағидаларда белгіленген талаптарға сәйкестігін тексереді және көрсетілетін қызметтің келесі нәтижесі ресімделеді:

      теңізде жүзу кітапшасы, оны беру мемлекеттік корпорация арқылы жүзеге асырылады.

      Теңізде жүзу кітапшасы көрсетілетін қызметті беруші оны дайын болғаннан кейін 3 (үш) жұмыс күнінен кешіктірмей пошта арқылы Мемлекеттік корпорацияға жібереді;

      портал арқылы берілетін мемлекеттік қызмет көрсетуден бас тарту туралы дәлелді жауап.

      18. Мемлекеттік корпорация нәтижені бір ай бойы сақтауды қамтамасыз етеді, одан кейін оны одан әрі сақтау үшін көрсетілетін қызметті берушіге береді. Көрсетілетін қызметті алушы бір ай өткеннен кейін жүгінген кезде Мемлекеттік корпорацияның сұрау салуы бойынша көрсетілетін қызметті беруші бір жұмыс күні ішінде дайын құжаттарды көрсетілетін қызметті алушыға беру үшін Мемлекеттік корпорацияға жібереді.

      19. Көрсетілетін қызметті беруші "Мемлекеттік қызметтер туралы" 2013 жылғы 15 сәуірдегі Қазақстан Республикасының Заңына сәйкес ақпараттандыру саласындағы уәкілетті орган белгілеген тәртіппен мемлекеттік қызметтерді ұсыну сатысындағы деректердің мемлекеттік қызмет көрсету мониторингінің ақпараттық жүйесіне енгізілуін қамтамасыз етеді.

      20. Көрсетілетін қызметті беруші Мемлекеттік корпорация қызметкерлерінің шешіміне, әрекетіне (әрекетсіздігіне) шағым көрсетілетін қызметті беруші, Мемлекеттік корпорация, уәкілетті орган басшысының атына және (немесе) Қазақстан Республикасының заңнамасына сәйкес мемлекеттік қызметтер көрсету сапасын бағалау және бақылау жөніндегі уәкілетті органға берілуі мүмкін.

      Көрсетілетін қызметті берушінің, Мемлекеттік корпорацияның, уәкілетті органның атына келіп түскен өтініш берушінің шағымы тіркелген күнінен бастап бес жұмыс күні ішінде қаралуға жатады.

      Көрсетілетін қызметті алушының мемлекеттік қызметтер көрсету сапасын бағалау және бақылау жөніндегі уәкілетті органға келіп түскен шағымы тіркелген күнінен бастап он бес жұмыс күні ішінде қаралуға жатады.

      Мемлекеттік қызметті алушы келіспеген жағдайда шағымдарды қарау нәтижелерімен сотқа жүгіне алады.

Теңізде жүзу кітапшасын беруге өтініш

      1. Тегі, аты, әкесінің аты (болған кезде) ________________________________________

      2. Жеке сәйкестендіру нөмірі (ЖСН) ___________________________________________

      3. Күні, айы, туған жылы ____________________________________________________

      4. Жынысы ________________________________________________________________

      5. Туған жері ______________________________________________________________

      6. Тұрғылықты жері (тіркеу) _________________________________________________

      7. Азаматтығы _____________________________________________________________

      8. Телефон (дар) ____________________________________________________________

      9. Жеке басын куәландыратын құжат __________ нөмірі _____________ берілді (қашан

      және кім бергенін көрсету)

      __________________________________________________________________________

      10. Лауазымы, кеменің атауы, кеме иесі (жалға алу және жұмыспен қамту) (бар болған

      жағдайда) _______________________________________________________________________

      11. Нөмірі кәсіби дипломның (болған кезде) ____________________________________

      12. Нөмірі кәсіби дипломның растамасын (болған жағдайда) ______________________

      13. Теңіз көлігі мамандарын даярлау куәліктері туралы мәліметтер

      _______________________________________________________________________________.

      Келісемін пайдалану мәліметтерді, заңмен қорғалатын құпияны құрайтын, ақпараттық жүйелерде қамтылған,

      20 __ жылғы"__" ________ _____________

      (қолы)

"Теңізде жүзу кітапшасын беру" мемлекеттік көрсетілетін қызмет стандарты

      Мөртабан жүргізу тоқтатылған теңізде жүзу кітапшасын беру және жаңа теңізде жүзу туралы кітапшасының орнына пайдаланылған

      _______________________________

      _________________________________

      Теңізде жүзу кітапшасын жүргізу тоқтатылды.

      Теңізде жүзу кітапшасы берілді

      ТЖК № _____________ 20___ жылғы "_____" ______________

      _________________________

      (ұйым атауы)

      ___________________________ ______________ _______________

      (лауазымы) (қолы) (аты-жөні)

__________________________ ________________________________