Теңiзде жүзу кiтапшасының үлгiсiн, оны ресiмдеу және беру қағидаларын бекіту туралы

      ЗҚАИ-ның ескертпесі!
      Бұйрыққа өзгеріс енгізу көзделген – ҚР Индустрия және инфрақұрылымдық даму министрінің 15.05.2020 № 294 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      "Сауда мақсатында теңізде жүзу туралы" 2002 жылғы 17 қаңтардағы Қазақстан Республикасы Заңының 4-бабы 3-тармағының 55-5) тармақшасына сәйкес БҰЙЫРАМЫН:

      1. Қоса берiліп отырған:

      1) осы бұйрыққа 1-қосымшаға сәйкес теңізде жүзу кітапшасының үлгісі;

      2) осы бұйрыққа 2-қосымшаға сәйкес Теңізде жүзу кітапшасын ресімдеу және беру қағидалары бекітілсін.

      2. Қазақстан Республикасы Инвестициялар және даму министрлігінің Көлік комитеті (Ә.А. Асавбаев):

      1) осы бұйрықтың заңнамада белгіленген тәртіппен Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін, оның көшірмесін күнтізбелік он күн ішінде баспа басылымдарында және "Қазақстан Республикасы Әділет министрлігінің Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнының "Әділет" ақпараттық-құқықтық жүйесіне ресми жариялауға жіберуді;

      3) осы бұйрықты Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастырылуын;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Инвестициялар және даму министрлігінің Заң департаментіне осы бұйрықтың 2-тармағының 1), 2) және 3) тармақшаларында көзделген іс-шаралар туралы мәліметтерді ұсынуды қамтамасыз етсін.

      3. Осы бұйрықтың орындалуын бақылауды өзіме қалдырамын.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Теңізде жүзу кітапшасының үлгісі
1-сурет. Сыртқы мұқаба

2-сурет

3-сурет

4-сурет

      Ескертпе:

      1. Теңізде жүзу кітапшасы бланкісінің өлшемі 88 х 125 милиметр және мұқабадан, мұқабаға желімделген өңірбеттерден және қағаз парақтардан тұрады.

      2. Теңізде жүзу кітапшасы 32 беттен тұрады. 1-парақ титульдік болып табылады. Онда теңізде жүзу кітапшасы иесінің жеке деректері орналастырылады. 2-беттен бастап 32-беттер – ауысатын ақпараттарды жазуға арналған. Ішкі 1-беттен бастап 32-бетті қоса алғандағы беттер көгілдірден ашық-қоңыр реңктерге иристік ауысуды қолданумен офсеттік тәсілмен басылған.

      3. Алдыңғы және артқы өңірбеттердің ашық-көк аялы және офсеттік және металлографтық басылу тәсілмен басылған.

      4. Теңізде жүзу кітапшасының бланкісі беттерінің нөмірлері 2-беттен бастап 32-бетті қоса алғанда бүктеу сызығында парақ бетінің жоғарғы бұрышында орналасқан. 1-бет нөмірленбейді.

      5. Теңізде жүзу кітапшасының бланкісі түбіршек ұзына бойына УК-сәулемен үзік-үзік жалтырайтын жіппен тігілген.

      6. Теңізде жүзу кітапшасының бланкісі арнайы қағазды пайдаланумен дайындалады.

      7. 1-беттен бастап 32-бетке дейін үш түрлі қорғаныш талшығынан тұратын, саңылаудан көрінетін екі реңктік су белгісінің бейнесі бар.

      8. Өңірбеттер үшін су белгісі жоқ және қорғаныш талшығының екі түрі бар қағаз қолданылады.

      9. Теңізде жүзу кітапшасы бланкісінің сериясы мен нөмірі жоғары баспа тәсілімен 1, 4, 5, 8, 9, 12, 13, 16, 17, 20, 21, 24, 25, 28, 29 және 32-беттерде қызыл бояумен шығарылады.

      10. Теңізде жүзу кітапшасы бланкісінің мұқабасы Қазақстан Республикасы Туының түсіндей – тез тозбайтын көгілдір түсті материалдан дайындалады.

      11. Теңізде жүзу кітапшасының бланкісі мұқабасының жоғарғы бөлігінде мемлекеттік және ағылшын тілдерінде мынадай жазулар орналасқан:

      "ҚАЗАҚСТАН РЕСПУБЛИКАСЫ

      REPUBLIC OF KAZAKHSTAN".

      Ортасында Қазақстан Республикасының Мемлекеттік Елтаңбасы (бұдан әрі – Елтаңба) орналастырады.

      Елтаңба бейнесінің астыңғы жағында құжаттың атауы көрсетіледі:

      "ТЕҢІЗДЕ ЖҮЗУ КІТАПШАСЫ

      SEAMAN’S BOOK".

      Елтаңба бейнесі және жазулар күміс түсті фольгамен баспа-таңбамен орындалады.

      12. Теңізде жүзу кітапшасы бланкісінің алдыңғы және артқы өңірбеттерінде теңізде жүзу кітапшасының иесі үшін ақпарат орналастырылған:

      алдыңғы өңірбетте – мемлекеттік және орыс тілдерінде мәтін:

      "Теңізде жүзу кітапшасының иесі үшін АҚПАРАТ

      ИНФОРМАЦИЯ для владельца мореходной книжки

      1. Теңізде жүзу кітапшасы теңіз кемесі экипажының мүшесі ретінде теңізші жұмысы туралы мәліметтерден тұратын құжат болып табылады.

      Мореходная книжка является документом, содержащим сведения о работе моряка в качестве члена экипажа морского судна.

      2. Теңізде жүзу кітапшасы теңізшінің жеке куәлігі болып табылмайды.

      Мореходная книжка не является удостоверением личности моряка.

      3. Теңізде жүзу кітапшасы Қазақстан Республикасы Еңбек Кодексінің 35-бабына сәйкес жұмыс беруші беретін еңбек кітапшасын ауыстырмайды.

      Мореходная книжка не заменяет трудовую книжку, выдаваемую работодателем в соответствии со статьей 35 Трудового кодекса Республики Казахстан.

      4. Теңізде жүзу кітапшасын теңіз портының әкімшілігі береді.

      Мореходная книжка выдается администрацией морского порта.

      5. "Кемедегі қызметтік жағдайы" бөліміне енгізілетін мәліметтерді (кемеде жұмыс істеуді бастаған күні мен портты қоспағанда) жұмыс беруші кеме иесі немесе теңіз порты әкімшілігінің уәкілетті лауазымды адамы куәландырады.

      Сведения, вносимые в раздел "Служебное положение на судне" (за исключением даты и порта начала работы на судне), заверяются судовладельцем-работодателем или уполномоченным должностным лицом администрации морского порта.

      Теңізде жүзу кітапшасы иесінің кемеде жұмыс істеуді бастаған күні мен порт туралы мәліметтерді және "Жұмысты аяқтау" бөліміне енгізілетін мәліметтерді кеме капитаны немесе ол тағайындаған лауазымды адам куәландырады.

      Сведения о дате и порте (регионе) начала работы владельца мореходной книжки на судне и сведения, вносимые в раздел "Завершение работы", заверяются капитаном судна или назначенным им должностным лицом.

      6. Теңізде жүзу кітапшасының қолданылу мерзімі шектелмеген.

      Срок действия мореходной книжки не ограничен.

      7. Теңізде жүзу кітапшасы теңізшінің жазбаша келісімімен кеме капитанында сақталатын жағдайларды қоспағанда, үнемі теңізшімен бірге болады.

      Мореходная книжка всегда находится у моряка за исключением случаев, когда с письменного согласия моряка она хранится у капитана судна."

      Артқы өңірбетте – ағылшын тіліндегі мәтін:

      "INFORMATION for Seaman’s Book holder

      1. The Seaman’s Book is a document containing information of seaman activity as a crew member at sea-going vessel.

      2. The Seaman’s Book is not the seafarer’s identity document.

      3. The Seaman’s Book cannot be considered as a substitute for the work record book issued by an employer in accordance with Article 35 of the Labour Code of the Republic оf Kazakhstan.

      4. The Seaman’s Book is issued by a shipowner-employer, sea port administration, water transport educational institutions.

      5. Records written down in "Position on the vessel" section (except date and port of signing on) are certified by a shipowner-employer or by an authorized official person of sea port administration.

      Records on date and port (region) of signing on and records written down in "Signing off" section are certified by the shipmaster or the officer authorized by the shipmaster.

      6. Validity of the Seaman’s Book is not limited.

      7. The Seaman’s Book shall remain in the seaman’s possession at all times, except when it is held by the shipmaster with the seaman’s written consent.".

      13. 1-беттің жоғарғы бөлігінің ортасында Елтаңбаның контурлық бейнесі орналасқан.

      Елтаңбаның сол жағынан мынадай жазу орналасады:

      "ҚАЗАҚСТАН РЕСПУБЛИКАСЫ"

      Елтаңбаның оң жағынан мынадай жазу орналасады:

      "REPUBLIC OF KAZAKHSTAN"

      Елтаңбаның астыңғы жағынан мынадай жазу орналасады:

      "ТЕҢІЗДЕ ЖҮЗУ КІТАПШАСЫ

      SEAMAN’S BOOK

      Теңізде жүзу кітапшасы теңіз кемесі экипажының мүшесі ретінде теңізші жұмысы туралы мәліметтерден тұратын құжат болып табылады. Теңізде жүзу кітапшасы 32 беттен тұрады.

      Настоящая мореходная книжка является документом, содержащим сведения о работе моряка в качестве члена экипажа морского судна. Мореходная книжка содержит 32 страницы.

      The Seaman’s Book is a document containing information of seaman activity as a crew member at sea-going vessel. It contains 32 Pages.

      Берген мемлекеттік коды / Code of issuing State

      Құжат №/Document No

      Тегі/Фамилия/Surname

      Аты/Имя, отчество/Given names

      Азаматтығы/Гражданство/Nationality

      Туған күні/Дата рождения/Date of birth

      Туған жері/Место рождения/Place of birth

      Жынысы/Пол/Sex

      Берілген күні/ Дата выдачи/Date of issue

      М.О. /М.П./seal

      иесінің қолы/подпись владельца/holder’s signature

      Уәкілетті адамның лауазымы, тегі, қолы/ Должность, фамилия, подпись уполномоченного лица/official’s position, name, signature қолы/подпись/signature.".

      "Берген мемлекеттің коды/Code of issuing State" деген бағанда Қазақстан Республикасының коды "КAZ" енгізілген.

      "Құжат №/Document No" деген бағанда жоғарғы басылу тәсілімен қызыл түспен "МК" сериясы және теңізде жүзу кітапшасының жеті мәнді нөмірі басылған.

      1-беттің төменгі сол жақ бөлігінде "Берген мемлекеттің коды/Code of issuing State" бағанының астында теңізде жүзу кітапшасы иесінің 30х40 миллиметр өлшемдегі фотосуретін орналастыру үшін орын бар.

      Жеке деректерін қолдан жасаудан және сыртқы ортаның қолайсыз әсерінен қорғау мақсатында 1-бетте салқындай домалату тәсілімен ламинат жағылған пленка жапсырылады. Ламинат жағылған пленканы дифракциялық элементтермен қорғауға рұқсат етіледі.

      14. Теңізде жүзу кітапшасы бланкісінің 2-бетінен бастап 32-бетінде мынадай жазулар орналастырылған:

      "КЕМЕДЕГІ ҚЫЗМЕТТІК ЖАҒДАЙЫ

      СЛУЖЕБНОЕ ПОЛОЖЕНИЕ НА СУДНЕ

      POSITION ON THE VESSEL"

      "(лауазымы /должность / seaman’s position)

      (кеменің атауы, ұлты, ИМО нөмірі / название, национальность, ИМО номер судна / name, flag, IMO number of vessel)

      (кеме иесі / судовладелец / shipowner)

      (кеме түрі / тип судна / type of vessel)

      (тіркеу порты / порт регистрации/ port of registry)

      (жалпы сыйымдылығы / валовая вместимость / gross tonnage)

      (түрі, маркасы, қозғалтқыш қуаты кВт / тип, марка, мощность двигателя, кВт / type, model, propulsion power, kW)

      М.О. /М.П. / seal

      (лауазымы, тегі, қолы / должность, фамилия, подпись / position, name, signature)

      (Жұмыстың басы (жылы, айы, күні) /начало работы (год, месяц, день) / the position was taken (year, month, day)

      Порт (өңір)/порт (регион) / port (region)

      М.О. (кеменің мөрі) / М.П. (судовая печать / vessel’s seal)

      (тегі, қолы / фамилия, подпись / name, signature)

      ЖҰМЫСТЫ АЯҚТАУ / ЗАВЕРШЕНИЕ РАБОТЫ / SIGNING OFF

      Жұмысты аяқтау (жылы, айы, күні) / завершение работы (год, месяц, день) / the position was left (year, month, day)

      Порт (өңір)/порт (регион) / port (region)

      М.О. (кеменің мөрі) М.П. (судовая печать / vessel’s seal)

      (тегі, қолы / фамилия, подпись / name, signature)".

      15. Теңізде жүзу кітапшасының бланкісінде енгізілетін жазулардың сақталуын арттыруға арналған және бланкіні және оған жүргізілген жазуларды қолдан жасаудан қорғау үшін қосымша арнайы әзірленген элементтер қолданылады.

Теңізде жүзу кітапшасын ресімдеу және беру қағидалары
Тарау 1. Жалпы ережелер

      Ескерту. 1-тараудың тақырыбы жаңа редакцияда – ҚР Инвестициялар және даму министрінің 28.12.2018 № 941 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1. Осы Теңізде жүзу кітапшасын ресімдеу мен беру қағидалары (бұдан әрі – Қағида) "Сауда мақсатында теңізде жүзу туралы" Қазақстан Республикасының 2002 жылғы 17 қаңтардағы Заңының 4-бабы 3-тармағының 55-5) тармақшасына сәйкес әзірленді және теңізде жүзу кітапшасын ресімдеу, беру және жүргізу тәртібін айқындайды.

      2. Теңізде жүзу кітапшасы теңіз кемесі (бұдан әрі – кеме) экипажының мүшесі ретінде теңізшінің жұмысы туралы мәліметтерді қамтитын құжат болып табылады және еңбек кітапшасын ауыстырмайды.

      3. Теңізде жүзу кітапшасы теңізшінің жазбаша келісімімен кеме капитанында сақталған жағдайды қоспағанда, кемемен теңізге шыққан кезде осы кеменің бортында айналысатын қызметін растау үшін, әрқашан Қазақстан Республикасының Мемлекеттік туын көтеріп жүзетін теңіз кемесі экипажының әрбір мүшесінің қолында болады.

      4. Теңізде жүзу кітапшасы:

      1) Қазақстан Республикасының азаматтарына, Қазақстан Республикасының Мемлекеттік туын көтеріп жүзетін теңіз кемесі бортында кез келген қызметтегі шетел азаматтары мен азаматтығы жоқ адамдарға;

      2) жүзу практикасынан өту үшін теңіз кемелеріне жіберілетін, оқу мекемелерінің курсанттарына (оқушыларына) беріледі.

      5. Теңізде жүзу кітапшасын осы Қағидалардың 12-тармағында көрсетілген тиісті құжаттарды ұсына отырып, осы Қағидалардың 4-тармағында көрсетілген адамдардың осы Қағидаларға 1-қосымшаға сәйкес теңізде жүзу кітапшасын беру туралы өтінішпен (бұдан әрі – өтініш) жүгінген кезде теңіз портының капитаны ресімдейді және береді.

      6. Теңізде жүзу кітапшасын ресімдеу және беру осы Қағидалардың 12-тармағында көрсетілген барлық қажетті құжаттар ұсынылған күннен бастап үш жұмыс күнінен аспайтын мерзімде жүзеге асырылады.

      7. Теңізде жүзу кітапшасы жоғалған жағдайда жаңа теңізде жүзу кітапшасын ресімдеу оның кемедегі жұмысы туралы анықтаманы немесе кемедегі жұмыс туралы соңғы еңбек шартының көшірмесі қоса берілген өтініш негізінде осы Қағиданың 6-тармағында белгіленген мерзімде жүзеге асырылады.

      Кемедегі жұмысы туралы анықтама кемедегі жұмысы туралы мынадай мәліметтерден тұрады: кемедегі жұмысы басталған күні және кемедегі жұмысы басталған порт, кемедегі жұмысы аяқталған күні және теңізші кемедегі жұмысын аяқтаған порт.

Тарау 2. Теңізде жүзу кітапшасын ресімдеу тәртібі

      Ескерту. 2-тараудың тақырыбы жаңа редакцияда – ҚР Инвестициялар және даму министрінің 28.12.2018 № 941 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      8. Теңізде жүзу кітапшасы техникалық құралдарды пайдалана отырып немесе қара түсті сиямен анық жазумен былайша толтырылады:

      теңізде жүзу кітапшасы иесінің тегі, аты, әкесінің аты қазақ немесе орыс тілінде бас әріптермен көрсетіледі. "/" белгісі арқылы үлкен әріптермен латын алфавитінің белгілерін пайдалана отырып, тегі және аты көрсетіледі;

      "Жынысы/Пол/Sex" бағаны: "М" - ер адамдар үшін, "F" - әйел адамдар үшін;

      "Азаматтығы/Гражданство/Nationality" бағаны;

      Қазақстан Республикасының азаматтары үшін – "Қазақстан/Kazakhstan";

      шетел азаматтары үшін азаматтығы "/" белгісі арқылы орыс және ағылшын тілдерінде көрсетіледі;

      азаматтығы жоқ адамдар үшін "азаматтығы жоқ/statless" деп көрсетіледі.

      "Туған күні", "Берілген күні" деген бағандар араб цифрларымен мынадай жүйелікпен көрсетіледі: күні/айы/жылы (күні мен айы екі таңбалы, ал жылы төрт таңбалы болып жазылады, мысалы, 23/02/2011);

      "Туған жері" деген бағанда республиканың, облыстың, қаланың атауы көрсетіледі. Жазу жеке тұлғаны куәландыратын негізгі құжатта көрсетілген теңізшінің жеке куәлігі иесінің туған жері туралы деректер негізінде жүргізіледі.

      Теңізшінің жеке куәлігінің иесі туған мемлекетті көрсету кезінде "/" белгі арқылы мемлекеттік аббревиатурасы ағылшын тілінде немесе оның атауы көрсетіледі.

      "Уәкілетті адамның лауазымы, тегі, қолы/ Должность, фамилия, подпись уполномоченного лица/ official’s position, name, signature" деген бағанда теңізде жүзу кітапшасын беруге рұқсат еткен адамның лауазымы, тегі және аты-жөні көрсетіледі. Ағылшын тілінде лауазымы "/" белгісі арқылы көрсетіледі (мысалы, Порт капитаны "Актау"/ Harbor master "Aktau");

      "Қолы /подпись/signature" деген бағанда теңізде жүзу кітапшасын беруге рұқсат еткен лауазымды адамның қол қойылады.

      Теңізде жүзу кітапшасы иесінің фотосуреті шектеу рамкасы ашық қалатындай етіп желімделеді. Фотосурет теңізде жүзу кітапшасын берген ұйымның мөрімен бекітіледі.

      9. Теңізде жүзу кітапшасына теңізшінің кемедегі жұмысы туралы мынадай мәліметтер енгізіледі:

      1) "Кемедегі қызметтік жағдайы" деген бөлімде:

      кемедегі теңізшінің қызметі;

      кеменің атауы;

      кеменің ұлты;

      Халықаралық теңіз ұйымы берген кеме нөмірі;

      кеме үлгісі;

      кеме иесінің (жұмыс берушінің) атауы және Халықаралық теңіз ұйымы берген оның сәйкестендіру нөмірі (ол болған кезде);

      кеме тіркелген порт (орын);

      жалпы сыйымдылығы;

      басты энергетикалық қондырғының үлгісі, маркасы және қуаты;

      кемедегі жұмыс басталған күн;

      кемедегі жұмыс басталған порт (өңір);

      2) "Жұмыстың аяқталуы" деген бағанда:

      кемедегі жұмыс аяқталған күн;

      теңізші кемедегі жұмысты аяқтаған порт (өңір).

      10. Кемеде жұмыс істеу басталған күн мен портты қоспағанда, осы Қағидалардың 9-тармағының 1) тармақшасында көрсетілген теңізшінің жұмысы туралы мәліметтерді онымен еңбек шартын жасасқаннан кейін теңізде жүзу кітапшасы ізденушісінің (кеме иесінің) жұмыс беруші кеме иесі растайды.

      11. Теңізде жүзу кітапшасы иесінің кемедегі жұмысының басталу күні және оның кемедегі жұмысы басталған порт туралы, сондай-ақ осы Қағидалардың 9-тармағының 2) тармақшасында көрсетілген мәліметтерге кеме капитаны немесе ол тағайындаған лауазымды тұлға қол қояды және кеме мөрімен расталады.

Тарау 3. Теңізде жүзу кітапшасын беру тәртібі

      Ескерту. 3-тараудың тақырыбы жаңа редакцияда – ҚР Инвестициялар және даму министрінің 28.12.2018 № 941 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      12. Теңізде жүзу кітапшасын алу үшін өтініш беруші Порттың теңіз әкімшілігіне:

      өтінішті;

      жеке басты куәландыратын құжатты;

      мынадай құжаттардың біреуін:

      өтініш беруші мен кеме иесінің арасында жасасқан еңбек шарты;

      жарамды кәсіби диплом, кәсіптік дайындық деңгейіне сәйкестігін растайтын теңіз көлігінің мамандарын даярлау куәлігі, сондай-ақ өтініш берушінің денсаулық жағдайының түзетулермен Теңізшілерді даярлау және диплом беру және вахта жұмысын атқару туралы конвенциямен белгіленген талаптарға сәйкестігін растайтын құжаттарды;

      мемлекеттік баж сомаларын бюджетке төлеу туралы растайтын құжатты ұсынады.

      Құжаттармен бір уақытта екі фотосурет ұсынылады. Фотосуреттер қара-ала немесе түрлі түсті 30х40 милиметр өлшемінде болуы және ашық фонда күңгірт қағазда жасалуы қажет. Фотосуретте теңізде жүзу кітапшасының иесі бас киімсіз бейнеленеді.

      13. Өтініш берушіге теңізде жүзу кітапшасын беру ол жеке тұлғасын куәландыратын негізгі құжатты ұсынған кезде жеке жүзеге асырылады.

      Теңізде жүзу кітапшасын алу кезінде өтініш беруші осы Қағидаларға 2-қосымшаға сәйкес теңізде жүзу кітапшасын беруді есепке алу журналына қол қояды.

      14. Жүргізілуі тоқтатылған теңізде жүзу кітапшасында соңғы парағына оны жүргізу тоқтатылғаны туралы және осы Қағидаға 3-қосымшаға сәйкес пайдаланылғанның орнына жаңа теңізде жүзу кітапшасын беру туралы мөртабан мемлекеттік тілде қойылады.

      Теңізде жүзу кітапшасы аяқталған соң, ол иесінде қалады.

      Нысан

      Теңіз портының капитаны ___________________

      _________________________________

      _________________

      |Фотосурет үшін |

      | орын |

      | (мөрмен |

      | куәландырылады) |

      |________________ |

Теңізде жүзу кітапшасын беру туралы
ӨТІНІШ

      1. Тегі, аты, әкесінің аты___________________________________________

      _____________________________________________________________________

      тегін, атын, әкесінің атын (бар болса), егер ол өзгертілсе, қашан

      және қайда)

      2. Туған күні, айы, жылы __________________ 3. Жынысы________________

      4. Туған жері

      _____________________________________________________________________

      (республика, облыс, жергілікті пункт)

      5. Тұрғылықты (тіркелген) жері

      _____________________________________________________________________

      (индекс, республика, өлке, облыс,)

      _____________________________________________________________________

      (елдімекен, көшесі, үй, корпус, пәтер, телефон)

      6. Азаматтығы

      _____________________________________________________________________

      7. Басқа мемлекеттің азаматтығы (егер болса көрсету керек)

      _____________________________________________________________________

      8. Жеке басты куәландыратын негізгі құжат

      _____________________________________________________________________

      сериясы _____________ нөмірі _______________ 20__ жылғы

      _____________берілді.________________________________________________

      _____________________________________________________________________

      (кім бергенін көрсету керек)

      Теңіз кемесінде жұмыс істейтінімді растау үшін мыналарды ұсынамын:

      _____________________________________________________________________

      _____________________________________________________________________

      _____________________________________________________________________

      _____________________________________________________________________

      ______________________________________________________ (ұсынылған

      құжаттарды, олардың нөмірлерін, қашан және кім бергенін атап өту)

      20__ жылғы ____________ _____________ ___________________

      (күні) (қолы) (аты-жөні, тегі)

ТЕҢІЗДЕ ЖҮЗУ КІТАПШАСЫ БЕРІЛДІ

      № ТЖК _____________ Берілген күні 20___ жылғы "____" _______.

      ___________________________________ ___________ __________________

      (теңізде жүзу кітапшасын беру туралы (қолы) (аты-жөні) шешімді

      қабылдаған тұлғаның лауазымы)

      Теңізде жүзу кітапшасы №________ журналда №___________ тіркелді.

      Нысан

Теңізде жүзу кітапшаларын беруді есепке алу журналы

      Нысан

Теңізде жүзу кітапшасын жүргізуді тоқтату және пайдаланылғанның орнына жаңадан берілген теңізде жүзу кітапшасын беру туралы мөртабан

      ___________________________ _______________________________

      Теңізде жүзу кітапшасын жүргізу тоқтатылды.

      Теңізде жүзу кітапшасы берілді

      ТЖК № ________________ 20__ жылғы_______ "_____" ________

      ____________________________

      (ұйым атауы)

      ___________________________ ______________ ___________________

      (лауазымы) (қолы) (аты-жөні)

      ______________________________ _______________________________