"Ветеринария туралы" Қазақстан Республикасы Заңының 8-бабы 32) тармақшасына, "Мемлекеттік көрсетілетін қызметтер туралы" Қазақстан Республикасы Заңының 10-бабы 1) тармақшасына және "Рұқсаттар және хабарламалар туралы" Қазақстан Республикасы Заңының 12-бабы 1-тармағының 4) тармақшасына сәйкес БҰЙЫРАМЫН:

      1. Қоса беріліп отырған Жануарлар өсіруді, жануарларды, жануарлардан алынатын өнім мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп пен жемшөп қоспаларын өндіру, сақтау және өткізу жөніндегі ұйымдарға есептік нөмірлер беру қағидалары бекітілсін.

      2. Ветеринария және тамақ қауіпсіздігі департаменті:

      1) Қазақстан Республикасының Әділет министрлігінде осы бұйрықтың мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесінің мерзімді баспа басылымдарында және "Әділет" ақпараттық-құқықтық жүйесінде ресми жариялауға жіберілуін;

      3) осы бұйрықты Қазақстан Республикасы Ауыл шаруашылығы министрлігінің интернет-ресурсында орналастыруын қамтамасыз етсін.

      3. Осы бұйрықтың орындалуын бақылау Қазақстан Республикасы Ауыл шаруашылығы министрлігінің жетекші вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Инвестициялар және даму министрі

      ______________Ә. Исекешев

      13 ақпан 2015 жылы

      "КЕЛІСІЛДІ"

      Қазақстан Республикасының

      Ұлттық экономика министрі

      __________________ Е. Досаев

      30 қаңтар 2015 жылы

Жануарлар өсіруді, жануарларды, жануарлардан алынатын өнім мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп пен жемшөп қоспаларын өндіру, сақтау және өткізу жөніндегі ұйымдарға есептік нөмірлер беру қағидалары

      Ескерту. Қағида жаңа редакцияда - ҚР Ауыл шаруашылығы министрінің 04.08.2020 № 244 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Жануарлар өсіруді, жануарларды, жануарлардан алынатын өнім мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп пен жемшөп қоспаларын өндіру, сақтау және өткізу жөніндегі ұйымдарға есептік нөмірлер беру қағидалары (бұдан әрі – Қағидалар) "Ветеринария туралы" Қазақстан Республикасы Заңының 8-бабы 32) тармақшасына, "Мемлекеттік көрсетілетін қызметтер туралы" Қазақстан Республикасы Заңының (бұдан әрі – Мемлекеттік көрсетілетін қызметтер туралы заң) 10-бабы 1) тармақшасына және "Рұқсаттар және хабарламалар туралы" Қазақстан Республикасы Заңының 12-бабы 1-тармағының 4) тармақшасына сәйкес әзірленді.

      2. Осы Қағидалар жануарлар өсіруді, жануарларды, жануарлардан алынатын өнім мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп пен жемшөп қоспаларын өндіру, сақтау және өткізу жөніндегі ұйымдарға (бұдан әрі – өндіріс объектісі) есептік нөмірлер беру тәртібін және "Жануарлар өсіруді, жануарларды, жануарлардан алынатын өнім мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп пен жемшөп қоспаларын өндіру, сақтау және өткізу жөніндегі ұйымдарға есептік нөмірлер беру" мемлекеттік қызметін (бұдан әрі – мемлекеттік көрсетілетін қызмет) көрсету тәртібін айқындайды.

      3. Осы Қағидаларда мынадай ұғымдар пайдаланылады:

      2) ветеринария саласындағы уәкілетті орган ведомствосының аумақтық бөлімшелері (бұдан әрі – көрсетілетін қызметті беруші) – тиісті әкімшілік-аумақтық бірліктерде (облыс, республикалық маңызы бар қала, астана) орналасқан аумақтық бөлімшілер;

      3) ветеринария саласындағы уәкілетті органның ведомствосы (бұдан әрі – ведомство) – Қазақстан Республикасы Ауыл шаруашылығы министрлігі Ветеринариялық бақылау және қадағалау комитеті;

      4) геоақпараттық сервис – пайдаланушының цифрлық картада өндіріс объектісінің координаттарын (ендік пен бойлық) қалыптастыру үшін бұрылыс нүктелерін таңдауына арналған ақпараттық жүйенің автоматтандырылған сервисі;

      5) есепке алу нөмірі – қызмет түрінен және өндіріс объектісінің нөмірінен тұратын код;

      7) өндіріс объектілерінің есепке алу нөмірлерінің электрондық тізілімі – өтініштер, өндіріс объектілері туралы мәліметтердің, сондай-ақ берілген есепке алу нөмірлері туралы мәліметтердің жиынтығы;

      8) "электрондық үкіметтің" веб-порталы (бұдан әрі – портал) – нормативтік құқықтық базаны қоса алғанда, барлық шоғырландырылған үкіметтік ақпаратқа және электрондық нысанда көрсетілетін мемлекеттік қызметтерге, табиғи монополиялар субъектілерінің желілеріне қосуға техникалық шарттарды беру жөніндегі қызметтерге және квазимемлекеттік сектор субъектілерінің қызметтеріне қол жеткізудің бірыңғай терезесін білдіретін ақпараттық жүйе;

      8-1) "электрондық үкіметтің" веб-порталындағы пайдаланушы кабинеті – "электрондық үкімет" веб-порталының электрондық нысанда қызметтер көрсету мәселелері, өтініштерді қарайтын субъектілерге жеке және заңды тұлғалардың өтініш жасау, сондай-ақ дербес деректерді пайдалану мәселелері бойынша көрсетілген тұлғалардың мемлекеттік органдармен ресми ақпараттық өзара іс-қимылына арналған құрамдасы;

      9) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың анықтығын, оның тиесілілігін және мазмұнының өзгермейтіндігін растайтын электрондық цифрлық нышандар жиынтығы.

2-тарау. Мемлекеттік қызметті көрсету тәртібі

      4. Мемлекеттік қызметті алу үшін жеке және заңды тұлғалар (бұдан әрі – көрсетілетін қызметті алушы) көрсетілетін қызметті берушіге портал арқылы осы Қағидаларға 1-қосымшаға сәйкес нысан бойынша көрсетілетін қызметті алушының ЭЦҚ-мен қол қойылған электрондық құжат нысанында өндіріс объектісіне есепке алу нөмірін беруге арналған өтінішті жолдайды.

      Заңды тұлғаны тіркеу (қайта тіркеу) туралы аңықтама, жеке тұлғаның жеке басын куәландыратын құжат туралы, дара кәсіпкерді тіркеу туралы не дара кәсіпкер ретінде қызметінің басталғаны туралы, өндіріс объектісіне бұрын берілген есепке алу нөмірі туралы, өндіріс объектісіне ветеринариялық-санитариялық қорытындының бар-жоғы туралы, меншік құқығында немесе өзге де заңды негізде (бір жылдан астам мерзімге жалға беру/өтеусіз пайдалану) өндірістік үй-жайлардың бар-жоғы туралы мәліметтерді көрсетілетін қызметті беруші мемлекеттік қызметтерді көрсету үшін пайдаланылатын ақпараттық жүйелерден не цифрлық құжаттар сервисінен алады.

      Портал мен ақпараттық жүйелердің ақпараттық өзара іс-қимылы "Ақпараттандыру туралы" Қазақстан Республикасы Заңының 43-бабына сәйкес жүзеге асырылады.

      Мемлекеттік қызметті көрсету үшін сұранымның қабылданғаны туралы жеке кабинеттегі тиісті мәртебе порталда өтініштің қабылданғанын растау болып табылады.

      5. "Жануарларды өсіруді, жануарларды, жануарлардан алынатын өнім мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп пен жемшөп қоспаларын өндіру, сақтау және өткізу жөніндегі ұйымдарға есептік нөмірлер беру" мемлекеттік қызметін көрсетуге қойылатын негізгі талаптардың тізбесі (бұдан әрі – Тізбе) осы Қағидаларға 2-қосымшада көрсетілген.

      6. Өндіріс объектісіне есепке алу нөмірін беру үшін Қазақстан Республикасы Ауыл шаруашылығы министрінің 2015 жылғы 21 мамырдағы № 7-1/453 бұйрығымен (Қазақстан Республикасының Нормативтік құқықтық актілерді мемлекеттік тіркеу тізілімінде № 11898 болып тіркелген) бекітілген Ветеринариялық құжаттарды беру қағидаларына және олардың бланкілеріне қойылатын талаптарға сәйкес өтініш берілген күнге дейін күнтізбелік 30 (отыз) күннен асырмай берілген өндіріс объектісінің ветеринариялық (ветеринариялық-санитариялық) талаптарға сәйкестігі туралы ветеринариялық-санитариялық қорытынды болуы қажет.

      7. Мемлекеттік қызметті көрсету және нәтижесін беру мерзімі өтініш тіркелген сәттен бастап 2 (екі) жұмыс күнін құрайды.

      8. Көрсетілетін қызметті беруші кеңсесінің жұмыскері өтінішті келіп түскен күні тіркейді және оны жауапты қызметкерді тағайындайтын көрсетілетін қызметті берушінің басшысына жібереді.

      Көрсетілетін қызметті алушы Қазақстан Республикасының еңбек заңнамасына сәйкес жұмыс уақыты аяқталғаннан кейін, демалыс және мереке күндері жүгінген кезде құжаттарды қабылдау және мемлекеттік қызмет көрсету нәтижелерін беру келесі жұмыс күні жүзеге асырылады.

      9. Көрсетілетін қызметті берушінің жауапты жұмыскері өтініш тіркелген сәттен бастап 1 (бір) жұмыс күні ішінде ұсынылған құжаттардың және (немесе) өтініште қамтылған мәліметтердің толықтығын тексереді.

      Көрсетілетін қызметті алушы құжаттар топтамасын және (немесе) өтініште қамтылған мәліметтерді толық ұсынбаған, қолданылу мерзімі өтіп кеткен құжаттарды ұсынған жағдайда, көрсетілетін қызметті берушінің жауапты жұмыскері көрсетілетін қызметті беруші басшысының ЭЦҚ қойылған электрондық құжат нысанында өтінішті одан әрі қараудан уәжді бас тартуды дайындайды және көрсетілетін қызметті алушының жеке кабинетіне жібереді.

      Көрсетілетін қызметті алушы құжаттардың толық топтамасын және (немесе) мәліметтерді ұсынған жағдайда, көрсетілетін қызметті берушінің жауапты қызметкері өтінім тіркелген сәттен бастап 2 (екі) жұмыс күні ішінде өндіріс объектісіне есепке алу нөмірін береді және осы Қағидаларға 3-қосымшаға сәйкес нысан бойынша өндіріс объектісіне есепке алу нөмірінің берілгені туралы растауды не осы Қағидаларға 4-қосымшаға сәйкес нысан бойынша мемлекеттік қызмет көрсетуден уәжді бас тартуды ресімдейді.

      Өндіріс объектісіне есепке алу нөмірінің берілгені туралы растау немесе мемлекеттік қызмет көрсетуден уәжді бас тарту көрсетілетін қызметті алушының жеке кабинетіне көрсетілетін қызметті беруші басшысының ЭЦҚ қойылған электрондық құжат нысанында жіберіледі.

      10. Жеке тұлғаның аты, әкесінің аты (бар болса), тегі өзгерген, дара кәсіпкерді қайта тіркеу және (немесе) оның атауы өзгерген, заңды тұлғаның атауы өзгерген және (немесе) заңды тұлға бірігу, қайта құру, заңды тұлғаның басқа заңды тұлғаға қосылуы, бөліп шығару және бөліну нысанында қайта ұйымдастырылған, өндірістік үй-жайларға меншік құқығы өзгерген немесе өндірістік үй-жайларды жалға беру шарты (өтеусіз пайдалану шарты) өзгерген, бұзылған, тоқтатылған жағдайда, көрсетілетін қызметті алушы өзгерістер туындаған сәттен бастап 1 (бір) ай ішінде көрсетілетін қызметті берушіге ақпараты мемлекеттік ақпараттық жүйелерде қамтылған құжаттарды қоспағанда, өзгерістер туралы ақпаратты растайтын тиісті құжаттарды қоса бере отырып, осы Қағидаларға 1-қосымшаға сәйкес нысан бойынша өндіріс объектісіне есепке алу нөмірін беруге өтініш береді.

      Егер осы тармақтың бірінші бөлігінде көрсетілген өзгерістер өндіріс объектісінің жүзеге асырылатын қызмет түрінің өзгеруіне әкеп соқпаса, онда көрсетілетін қызметті беруші өтініш тіркелген сәттен бастап 2 (екі) жұмыс күні ішінде өндіріс объектісіне есепке алу нөмірінің берілгені туралы растауды қайта ресімдейді.

      Қызмет түрі өзгерген жағдайда, өндіріс объектісі осы Қағидаларға сәйкес есепке алу нөмірін беру рәсімінен қайта өтеді.

      Жылжымалы (мобильді) объектілері бар өндіріс объектілері оларды қолданыстағы есепке алу нөміріне байланыстырады.

      11. Өндіріс объектісіндегі қызмет тоқтатылған кезде көрсетілетін қызметті алушы өндіріс объектісін есептен шығаруға бастамашылық жасайды және өндіріс объектісіндегі қызмет тоқтатылған сәттен бастап 5 (бес) жұмыс күні ішінде осы Қағидаларға 5-қосымшаға сәйкес нысан бойынша өндіріс объектісіндегі қызметті тоқтату туралы өтініш береді.

      Өндіріс объектісіндегі қызметті тоқтату туралы өтінішті көрсетілетін қызметті беруші өтініш тіркелген сәттен бастап 1 (бір) жұмыс күні ішінде қарайды және "e-Agriculture" агроөнеркәсіптік кешен салаларын басқарудың бірыңғай автоматтандырылған жүйесі" ақпараттық жүйесінде (бұдан әрі – ақпараттық жүйе) өндіріс объектісінің "Есепке алу нөмірінің қолданысы тоқтатылды" мәртебесін өзгертуді жүзеге асырады.

      Өндіріс объектісінің есепке алу нөмірінен айыру (кері қайтарып алу), оның қолданысын тоқтата тұру,қайта бастау және тоқтату "Ветеринария туралы" Қазақстан Республикасы Заңының 12-2-бабына және "Рұқсаттар және хабарламалар туралы" Қазақстан Республикасы Заңының 42 және 45-баптарына сәйкес жүзеге асырылады.

      Есепке алу нөмірінің қолданысы тоқтатылған жағдайда, өндіріс объектісі берілген есепке алу нөмірлерін сақтамай, осы Қағидаларға сәйкес есепке алу нөмірін беру рәсімінен өтеді.

      12. Өндіріс объектілеріне есепке алу нөмірлері жалға беру немесе өтеусіз пайдалану шарты негізінде өндірістік үй-жайларда қызметін 3 (үш) жылдан кем мерзіммен жүзеге асыратын өндіріс объектілерін, сондай-ақ мал сою алаңдарын қоспағанда, 3 (үш) жыл мерзімге беріледі.

      Өндіріс объектілеріне (жалға беру немесе өтеусіз пайдалану шарты негізінде өндірістік үй-жайларда қызметін 3 (үш) жылдан кем мерзіммен жүзеге асыратын өндіріс объектілерін, сондай-ақ мал сою алаңдарын қоспағанда) 2026 жылғы 1 қаңтарға дейін олардың қолданылу мерзімін көрсетпей берілген есепке алу нөмірлері бойынша есепке алу нөмірлерінің қолданылу мерзімі 2026 жылғы 1 қаңтардан бастап есептеледі.

      Мал сою алаңдарына есепке алу нөмірлері 1 (бір) жыл мерзімге беріледі және осы өңірде ет өңдеу кәсіпорындары немесе мал сою пункттері салынғанға дейін жыл сайын расталуға тиіс. Жалға беру немесе өтеусіз пайдалану шарты негізінде өндірістік үй-жайларда қызметін 3 (үш) жылдан кем мерзіммен жүзеге асыратын өндіріс объектілеріне есепке алу нөмірлері жалға беру, өтеусіз пайдалану шартының қолданылу мерзіміне беріледі.

      Өндіріс объектілері есепке алу нөмірінің қолданылу мерзімі аяқталғанға дейін күнтізбелік 30 (отыз) күн ішінде берілген есепке алу нөмірлерін сақтай отырып, осы Қағидаларға сәйкес есепке алу нөмірін беруде қайта рәсімдеуден өтеді.

      Есепке алу нөмірінің қолданылу мерзімі өткен жағдайда, есепке алу нөмірінің қолданылуы ақпараттық жүйеде "Есепке алу нөмірінің қолданысы тоқтатылды" мәртебесі көрсетіле отырып тоқтатылады.

      13. Өндіріс объектісінің қызмет түрі мен нөмірін қамтитын кодтан тұратын есепке алу нөмірі осы Қағидаларға 6-қосымшаға сәйкес айқындалады.

      Өндіріс объектілеріне есепке алу нөмірлерін беруге арналған литерлік кодта осы Қағидаларға 7-қосымшаға сәйкес тиісті әкімшілік-аумақтық бірліктердің (облыстың, республикалық маңызы бар қаланың, астананың, ауданның (облыстық маңызы бар қаланың) әріптік және сандық символдары болады.

      14. Өндіріс объектісі бойынша қызмет түрі жоспарлы түрде өзгерген кезде көрсетілетін қызметті алушы осы Қағидаларға 1-қосымшаға сәйкес нысан бойынша өндіріс объектісіне есепке алу нөмірін беруге қайтадан өтініш береді. Бұл ретте бұрын берілген есепке алу нөміріне "Белсенді емес" мәртебесі беріледі.

      15. Елдің ветеринариялық (ветеринариялық-санитариялық) талаптарына сәйкес келген кезде экспортты/импортты жүзеге асыратын өндіріс объектілеріне осы Қағидаларға 8-қосымшаға сәйкес нысан бойынша өндіріс объектілерін есепке алу нөмірлерінің электрондық тізілімінде "Экспорт/Импорт" беріледі және есепке алу нөміріне осы Қағидаларға 7-қосымшаға сәйкес "Е" (экспорттаушылар үшін), "I" (импорттаушылар үшін) символы қосымша енгізіледі.

      16. Мемлекеттік көрсетілетін қызмет көрсетілетін қызметті алушының таңдауы бойынша "Мемлекеттік ветеринариялық-санитариялық бақылау және қадағалау объектілеріне ветеринариялық-санитариялық қорытынды беру" мемлекеттік көрсетілетін қызметімен бірге "бір өтініш" қағидаты бойынша (бұдан әрі – "Бір өтініш" қағидаты бойынша мемлекеттік көрсетілетін қызмет) көрсетіледі.

      "Бір өтініш" қағидаты бойынша мемлекеттік көрсетілетін қызметті алу үшін көрсетілетін қызметті алушы портал арқылы осы Қағидаларға 9-қосымшаға сәйкес нысан бойынша ветеринариялық-санитариялық қорытындыны және "бір өтініш" қағидаты бойынша есепке алу нөмірін алуға арналған өтінішті береді.

      "Бір өтініш" қағидаты бойынша мемлекеттік қызметті көрсету мерзімі – өтініш тіркелген сәттен бастап 6 (алты) жұмыс күн, оның ішінде:

      мемлекеттік ветеринариялық-санитариялық бақылау объектілеріне ветеринариялық-санитариялық қорытынды беру – 4 (төрт) жұмыс күні;

      өндіріс объектілеріне есепке алу нөмірін беру – 2 (екі) жұмыс күні.

      "Бір өтініш" қағидаты бойынша мемлекеттік қызметті көрсету нәтижесі – мемлекеттік ветеринариялық-санитариялық бақылау объектілеріне ветеринариялық-санитариялық қорытынды және жануарлар өсіруді, жануарларды, жануарлардан алынатын өнім мен шикізатты дайындауды (союды), сақтауды, өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп пен жемшөп қоспаларын өндіру, сақтау және өткізу жөніндегі ұйымдарға есептік нөмірлер беру немесе осы Қағидаларға 4-қосымшаға сәйкес нысан бойынша мемлекеттік қызмет көрсетуден уәжді бас тарту беру.

      17. Көрсетілетін қызметті беруші Тізбенің 9-тармағында көрсетілген негіздер бойынша мемлекеттік қызметті көрсетуден бас тартады.

      18. Мемлекеттік қызметті көрсету үшін қажетті мәліметтерді қамтитын ақпараттық жүйе істен шыққан жағдайда, көрсетілетін қызметті беруші бұл туралы техникалық істен шығу пайда болған сәттен бастап дереу "электрондық үкіметтің" ақпараттық-коммуникациялық инфрақұрылымының операторын (бұдан әрі – оператор) хабардар етеді.

      Бұл ретте, туындаған істен шығуды жою бойынша жұмыстар жүргізілгеннен кейін оператор 1 (бір) жұмыс күні ішінде техникалық проблема туралы еркін нысанда хаттама жасайды және оған көрсетілетін қызметті беруші қол қояды.

      19. Көрсетілетін қызметті беруші Мемлекеттік көрсетілетін қызметтер туралы заңның 5-бабы 2-тармағының 11) тармақшасына сәйкес мемлекеттік қызметтерді көрсету мониторингінің ақпараттық жүйесіне мемлекеттік қызметті көрсету сатысы туралы деректердің енгізілуін қамтамасыз етеді.

      Мемлекеттік қызметті рұқсаттар мен хабарламалардың мемлекеттік ақпараттық жүйесі арқылы көрсету кезінде мемлекеттік қызметті көрсету сатысы туралы деректер автоматты режимде мемлекеттік қызметтерді көрсету мониторингінің ақпараттық жүйесіне келіп түседі.

      Қазақстан Республикасы Ауыл шаруашылығы министрлігі және көрсетілетін қызметті беруші осы Қағидалар бекітілген немесе өзгертілген күннен бастап 3 (үш) жұмыс күні ішінде мемлекетік қызмет көрсету тәртібі туралы ақпаратты өзектендіреді және Бірыңғай байланыс орталығына жібереді.

3-тарау. Көрсетілетін қызметті берушілердің және (немесе) олардың лауазымды адамдарының мемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағымдану тәртібі

      20. Көрсетілетін қызметті берушінің мемлекеттік қызметтер көрсету мәселелері бойынша шешіміне, әрекетіне (әрекетсіздігіне) шағым көрсетілетін қызметті беруші, ведомство, ветеринария саласындағы уәкілетті орган (бұдан әрі – уәкілетті орган) басшысының атына, мемлекеттік қызметтер көрсету сапасын бағалау және бақылау жөніндегі уәкілетті органға беріледі.

      Қазақстан Республикасының Әкімшілік рәсімдік-процестік кодексінің (бұдан әрі – ҚР ӘРПК) 91-бабы 4-тармағына сәйкес шағым келіп түскен жағдайда, көрсетілетін қызметті беруші оны келіп түскен күннен бастап 3 (үш) жұмыс күні ішінде шағымды қарайтын органға (жоғары тұрған әкімшілік органға және (немесе) лауазымды адамға) жібереді. 3 (үш) жұмыс күні ішінде қолайлы акт қабылданған, шағымда көрсетілген талаптарды толық қанағаттандыратын әкімшілік іс-әрекет жасалған жағдайда, көрсетілетін қызметті беруші шағымды қарайтын органға (жоғары тұрған әкімшілік органға және (немесе) лауазымды адамға) шағымды жібермейді.

      21. Көрсетілетін қызметті алушының шағымын Мемлекеттік көрсетілетін қызметтер туралы заңның 25-бабы 2-тармағына сәйкес мыналар қарауы тиіс:

      көрсетілетін қызметті беруші, ведомство, уәкілетті орган – тіркелген күнінен бастап 5 (бес) жұмыс күні ішінде;

      мемлекеттік қызметтер көрсету сапасын бағалау және бақылау жөніндегі уәкілетті орган – тіркелген күнінен бастап 15 (он бес) жұмыс күні ішінде.

      22. Ведомствоның, мемлекеттік қызметтер көрсету сапасын бағалау және бақылау жөніндегі уәкілетті органның шағымды қарау мерзімі Мемлекеттік көрсетілетін қызметтер туралы заңның 25-бабының 4-тармағына сәйкес:

      1) шағым бойынша қосымша зерделеу немесе тексеру не жергілікті жерге барып тексеру жүргізу;

      2) қосымша ақпарат алу қажет болған жағдайларда 10 (он) жұмыс күнінен аспайтын мерзімге ұзартылады.

      Шағымды қарау мерзімі ұзартылған жағдайда, шағымдарды қарау бойынша өкілеттіктер берілген лауазымды адам шағымды қарау мерзімі ұзартылған кезден бастап 3 (үш) жұмыс күні ішінде шағым берген көрсетілетін қызметті алушыға ұзарту себептерін көрсете отырып, шағымды қарау мерзімінің ұзартылғаны туралы жазбаша нысанда (шағым қағаз жеткізгіште берілген кезде) немесе электрондық нысанда (шағым электрондық түрде берілген кезде) хабарлайды.

      23. Егер заңда өзгеше көзделмесе, ҚР ӘРПК-нің 91-бабы 5-тармағына сәйкес сотқа дейінгі тәртіппен шағым жасалғаннан кейін сотқа жүгінуге жол беріледі.

      Ескерту. 1-қосымша жаңа редакцияда – ҚР Ауыл шаруашылығы министрінің 19.01.2026 № 13 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      Кімге _______________________________________________________________
____________________________________________________________________
      (ветеринария саласындағы уәкілетті орган ведомствосы аумақтық
                              бөлімшесінің атауы)

      кімнен_______________________________________________________________
______________________________________________________________
(жеке тұлғаның аты, әкесінің аты (бар болса), тегі, жеке сәйкестендіру нөмірі/
            заңды тұлғаның атауы, бизнес-сәйкестендіру нөмірі)

      Мекенжайы__________________________________________________________
Өтініш нөмірі_______________________________________________________

            Өндіріс объектісіне есепке алу нөмірін беруге арналған өтініш

      Мына өндіріс объектісіне есепке алу нөмірін беруді, қайта ресімдеуді, растауды, қайта
тіркеуді сұраймын ______________________________________
                        (қажеттісінің астын сызу)
      1) өндіріс объектісінің атауы: _____________________________________
      2) өндіріс объектісінің мақсаты ____________________________________
            (жылжымайтын мүлік объектісінің кадастрлық паспорты бойынша)
      3) қызметінің түрі: _______________________________________________
      4) экспортты/импортты жүзеге асыру: _______________________________
                                          (керегін көрсету)
      5) меншік құқығындағы өндірістік үй-жайлардың бар-жоғы туралы мәліметтер:
кадастрлық нөмірі ________________________________________
меншік иесі ________________________________________
құқықтың пайда болу негізі, тіркеу күні және уақыты ______________________
___________________________________________________________________
мекенжайы __________________________________________________________
жалға беру, өтеусіз пайдалану құқығындағы өндірістік үй-жайлардың бар-жоғы туралы мәліметтер:
кадастрлық нөмірі __________________________________________________
құқық иеленуші ____________________________________________________
жалға беру, өтеусіз пайдаланудың пайда болу негізі, тіркеу күні және уақыты
____________________________________________________________________
шарттың жасалған күні ________________________________________________
шарттың қолданылу мерзімі, _ айға, 20_ жылғы _ "_"___ 20_жылғы __" _" дейін.
шарттың ерекше талаптары ___________________________________________
мекенжайы _______________________________________________________
      6) өндіріс объектісі орналасқан аумақтың бұрылыс нүктелерінің координаттары:

      Ескертпе: * өндіріс объектісі орналасқан аумақтың бұрылыс нүктелерінің координаттары (бойлық және ендік) техникалық мүмкіндік болса, геоақпараттық сервис арқылы анықталады.

      Мынадай құжаттарды қоса беремін: ____________________________________

      ___________________________________________________________________

      (үй-жайдың меншік құқығын растайтын құжаттың немесе жалға беру/өтеусіз

                  пайдалану шартының электрондық көшірмесі)

      Көрсетілетін қызметті алушы туралы мәліметтер:

      заңды тұлға үшін:

      атауы: __________________________________________________________

      бизнес-сәйкестендіру нөмірі: ______________________________________

      басшының жеке сәйкестендіру нөмірі, аты, әкесінің аты (бар болса), тегі: ____

      ___________________________________________________________________

      телефон нөмірі (факс): ____________________________________________

      жеке тұлға үшін:

      аты, әкесінің аты (бар болса), тегі: __________________________________

      жеке сәйкестендіру нөмірі: ________________________________________

      жеке басын куәландыратын құжат:

      нөмірі: _________________________________________________________

      кім берді: _______________________________________________________

      берілген күні: ____________________________________________________

      мекенжайы: _____________________________________________________

      телефон нөмірі (факс): ____________________________________________

      электрондық мекенжайы___________________________________________

      Ұсынылған ақпараттың дұрыстығын растаймын, Қазақстан Республикасының заңдарына сәйкес дұрыс емес мәліметтерді ұсынғаным үшін жауапкершілік туралы хабардармын және заңмен қорғалатын құпияны құрайтын мәліметтерді пайдалануға, сондай-ақ дербес деректерді жинауға, өңдеуге, сақтауға, жүктеп алуға және пайдалануға келісім беремін.

      Көрсетілетін қызметті алушы 20_ жылғы "__" __ сағат___ қол қойып, жіберді.

      Көрсетілетін қызметті алушының электрондық цифрлық қолтаңбасының (бұдан әрі – ЭЦҚ) деректері:

      ЭЦҚ қою күні мен уақыты: ____________

      Өтінішті қабылдау туралы хабарлама:

      Өтініш 20__ жылғы "__" ______ сағат___ қабылданды

      Ветеринария саласындағы уәкілетті орган ведомствосы аумақтық бөлімшесінің ЭЦҚ деректері:

      ЭЦҚ қол қою күні мен уақыты: _____________________________________

"Жануарлар өсіруді, жануарларды, жануарлардан алынатын өнім мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп пен жемшөп қоспаларын өндіру, сақтау және өткізу жөніндегі ұйымдарға есептік нөмірлер беру" мемлекеттік қызметін көрсетуге қойылатын негізгі талаптардың тізбесі

      Ескерту. 2-қосымша жаңа редакцияда - ҚР Ауыл шаруашылығы министрінің 19.01.2026 № 13 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

Өндіріс объектісіне есепке алу нөмірін беру туралы растау

      Ескерту. 3-қосымша жаңа редакцияда – ҚР Ауыл шаруашылығы министрінің м.а. 23.01.2025 № 15 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      Осы растау __________________________________________________________

      ____________________________________________________________________

      (жеке тұлғаның аты, әкесінің аты (бар болса), тегі

      ____________________________________________________________________

      заңды тұлғаның атауы)

      ___________________________________________________________________

      (өндіріс объектісінің қызмет түрі көрсетіледі)

      Қазақстан Республикасы Ауыл шаруашылығы министрінің 2015 жылғы 23 қаңтардағы № 7-1/37 бұйрығымен (Нормативтік құқықтық актілерді мемлекеттік тіркеу тізілімінде № 10466 болып тіркелген) бекітілген Жануарлар өсіруді, жануарларды, жануарлардан алынатын өнім мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп пен жемшөп қоспаларын өндіру, сақтау және өткізу жөніндегі ұйымдарға есептік нөмірлер беру қағидаларына сәйкес өндірістік объектісіне 20 ___ жылғы "___" _______ есепке алу нөмірі берілгені туралы берілді.

      Есепке алу нөмірінің қолданылу мерзімі (жалдау, өтеусіз пайдалану шарты негізінде өндірістік үй-жайларда қызметін жүзеге асыратын сою алаңдары мен өндіріс объектілеріне есепке алу нөмірі берілген кезде толтырылады): 20 __ жылғы "___" ______ бастап 20 __жылғы "___" _____ дейін.

      Ветеринария саласындағы уәкілетті орган ведомствосы аумақтық бөлімшесінің басшыс_

      _______________________________________________________________________

                  (аты, әкесінің аты (бар болса), тегі) (электрондық цифрлық қолтаңбасы)

      20 __ жылғы "___" ______

Мемлекеттік қызмет көрсетуден уәжді бас тарту

      Берілген күні: [берілген күні]

      [Көрсетілетін қызметті алушының атауы]

      Тіркеу орны:

      Облыс: [Облыс]

      Аудан: [Аудан]

      Қала\елді мекен: [қала\елді мекен]

      [жеке сәйкестендіру нөмірі/бизнес сәйкестендіру нөмірі] [БСН / ЖСН]

      Мемлекеттік тіркеу күні [күні]

      Бас тарту себебі: [бас тарту себебі]

      [Қол қоюшының лауазымы] [Қол қоюшының аты, әкесінің аты (бар болса), тегі ]

___________________________________________________________________________
(ветеринария саласындағы уәкілетті органның ведомствосы аумақтық бөлімшесінің атауы)
Өндіріс объектісіндегі қызметті тоқтату туралы өтініш

      Ескерту. 5-қосымша жаңа редакцияда - ҚР Ауыл шаруашылығы министрінің 19.01.2026 № 13 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      _______________________________________ мекенжайы бойынша орналасқан

            (өндіріс объектісінің атауы, қызмет түрі)

      өндіріс объектісінің қызметін тоқтатуды сұраймын.

      Ветеринариялық-санитариялық қорытындының нөмірі және берілген күні ___

      ____________________________________________________________________

      Бұрын берілген есепке алу нөмірі ___________________________________

      Телефон нөмірі (факс):_____________________________________________

      Ұсынылған ақпараттың дұрыстығын растаймын, Қазақстан Республикасының заңдарына сәйкес дұрыс емес мәліметтерді ұсынғаным үшін жауапкершілік туралы хабардармын және заңмен қорғалатын құпияны құрайтын мәліметтерді пайдалануға, сондай-ақ дербес деректерді жинауға, өңдеуге, сақтауға, жүктеп алуға және пайдалануға келісім беремін.

      Көрсетілетін қызметті алушы 20__ жылғы "_" ____ сағат__ қол қойып, жіберді.

      Көрсетілетін қызметті алушының электрондық цифрлық қолтаңбасының (бұдан әрі – ЭЦҚ) деректері:

      ЭЦҚ қою күні мен уақыты: ____________

      Өтінішті қабылдау туралы хабарлама:

      Өтініш 20__ жылғы "___" ________ сағат___ қабылданды

      Ветеринария саласындағы уәкілетті орган ведомствосы аумақтық бөлімшесінің ЭЦҚ деректері: _______________

      ЭЦҚ қол қою күні мен уақыты: ______________

Өндіріс объектісінің қызмет түрі мен нөмірін қамтитын кодтан тұратын есепке алу нөмірі

      Ескерту. 6-қосымша жаңа редакцияда - ҚР Ауыл шаруашылығы министрінің 19.01.2026 № 13 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

Өндіріс объектілеріне есепке алу нөмірлерін беруге арналған литерлік код

      Ескерту. 7-қосымша жаңа редакцияда - ҚР Ауыл шаруашылығы министрінің 19.01.2026 № 13 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      Ескертпе:

      Есепке алу нөмірі символдардан тұрады және мынадай құрылымы бар:

      бірінші символ – елдің коды – КZ;

      екінші символ – облыстың (республикалық маңызы бар қаланың, астананың) литерлік коды;

      үшінші символ – ауданның (облыстық маңызы бар қаланың) реттік нөмірі;

      төртінші символ – өндіріс объектісінің қызметі түрінің коды;

      бесінші символ – өндіріс объектісінің реттік нөмірі;

      алтыншы символ – Е (экспорттаушылар үшін), І (импорттаушылар үшін);

      Мысалы: КZ С.01/G1-0001/Е; Мысалы: КZ С.01/G1-0001/І;

      КZ – елдің коды;

      С – облыстың (республикалық маңызы бар қаланың, астананың) литерлік коды;

      01 – ауданның (облыстық маңызы бар қаланың) коды (реттік нөмірі);

      G1 – өндіріс объектісінің қызмет түрі;

      0001 – өндіріс объектісінің реттік нөмірі;

      Е – экспорттаушы;

      І – импорттаушы.

Өндіріс объектілерінің есептік нөмірлерінің электрондық тізілімі

      Кестенің жалғасы

      Ескертпе: * Өндіріс объектісі орналасқан аумақтың бұрылыс нүктелерінің координаттары (бойлық және ендік) техникалық мүмкіндік болса, геоақпараттық сервис арқылы анықталады.

      Ескерту. 9-қосымша жаңа редакцияда - ҚР Ауыл шаруашылығы министрінің 19.01.2026 № 13 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      Кімге_______________________________________________________________
            (ветеринария саласындағы уәкілетті орган ведомствосының
                              аумақтық бөлімшесінің атауы)
кімнен______________________________________________________________
___________________________________________________________________
      (жеке тұлғаның аты, әкесінің аты (бар болса), тегі, жеке сәйкестендіру нөмірі/
                  заңды тұлғаның атауы, бизнес-сәйкестендіру нөмірі)
Мекенжайы__________________________________________________________
Өтініш нөмірі: _______________________________________________________

            Ветеринариялық-санитариялық қорытындыны және "бір өтініш"
      қағидаты бойынша өндіріс объектісіне есепке алу нөмірін беруге арналған
                                    өтініш

      Өндіріс объектісіне ветеринариялық-санитариялық қорытындыны және есепке алу
нөмірін беруді сұраймын:
1) өндіріс объектісінің атауы_______________________________________
2) өндіріс объектісінің мақсаты ____________________________________
            (жылжымайтың мүлік объектісінің кадастрлық паспорты бойынша)
3) қызметінің түрі: ___________
4) экспортты/импортты жүзеге асыру: _______________________________
                                          (керегін көрсету)
5) меншік құқығындағы өндірістік үй-жайлардың бар-жоғы туралы мәліметтер:
кадастрлық нөмірі ____________________________________________________
меншік иесі _________________________________________________________
құқықтың пайда болу негізі, тіркеу күні және уақыты _______________________
мекенжайы______________________________________________________
жалға беру, өтеусіз пайдалану құқығындағы өндірістік үй-жайлардың
бар-жоғы туралы мәліметтер:
кадастрлық нөмірі ____________________________________________________
құқық иеленуші ______________________________________________________
жалға беру, өтеусіз пайдаланудың пайда болу негізі, тіркеу күні және уақыты шарттың
жасалған күні: ___________________________________________
шарттың қолданылу мерзімі, _ айға, 20_ жылғы "__"__20__жылғы __" __" дейін.
шарттың ерекше талаптары ___________________________________________
мекенжайы________________________________________________________
6) объект орналасқан аумақтың бұрылыс нүктелерінің координаттары:

      Ескертпе: * Өндіріс объектісі орналасқан аумақтың бұрылыс нүктелерінің координаттары (бойлық және ендік) техникалық мүмкіндік бар болса, геоақпараттық сервис арқылы анықталады.

      Мынадай құжаттарды қоса беремін: ____________________________________

      ____________________________________________________________________

      (үй-жайдың меншік құқығын растайтын құжаттың немесе жалға беру/өтеусіз

                  пайдалану шартының электрондық көшірмесі)

      Көрсетілетін қызметті алушы туралы мәліметтер:

      заңды тұлға үшін:

      атауы: __________________________________________________________

      бизнес-сәйкестендіру нөмірі: ______________________________________

      басшының жеке сәйкестендіру нөмірі, аты, әкесінің аты (бар болса), тегі:

      ___________________________________________________________________

      телефон нөмірі (факс): ____________________________________________

      жеке тұлға үшін:

      аты, әкесінің аты (бар болса), тегі: __________________________________

      жеке сәйкестендіру нөмірі: ________________________________________

      жеке басын куәландыратын құжат:

      нөмірі: _________________________________________________________

      кім берді: _______________________________________________________

      берілген күні: ____________________________________________________

      мекенжайы: _____________________________________________________

      телефон нөмірі (факс): ____________________________________________.

      Ұсынылған ақпараттың дұрыстығын растаймын, Қазақстан Республикасының заңдарына сәйкес дұрыс емес мәліметтерді ұсынғаным үшін жауапкершілік туралы хабардармын және заңмен қорғалатын құпияны құрайтын мәліметтерді пайдалануға, сондай-ақ дербес деректерді жинауға, өңдеуге, сақтауға, жүктеп алуға және пайдалануға келісім беремін.

      Көрсетілетін қызметті алушы 20_ жылғы "__" __ сағат___ қол қойып, жіберді.

      Көрсетілетін қызметті алушының электрондық цифрлық қолтаңбасының (бұдан әрі – ЭЦҚ) деректері:

      ЭЦҚ қою күні мен уақыты: ____________

      Өтінішті қабылдау туралы хабарлама:

      Өтініш 20__ жылғы "__" ______ сағат___ қабылданды

      Ветеринария саласындағы уәкілетті орган ведомствосы аумақтық бөлімшесінің ЭЦҚ деректері:

      ЭЦҚ қол қою күні мен уақыты: _____________________________________