Ауыл шаруашылығы өнімін өндіруді басқару жүйелерін дамытуды субсидиялау қағидаларын бекіту туралы

      "Агроөнеркәсіптік кешенді және ауылдық аумақтарды дамытуды мемлекеттік реттеу туралы" 2005 жылғы 8 шілдедегі Қазақстан Республикасы Заңының 6-бабы 1-тармағы 41) тармақшасының он бесінші абзацына сәйкес БҰЙЫРАМЫН:

      1. Қоса беріліп отырған Ауыл шаруашылығы өнімін өндіруді басқару жүйелерін дамытуды субсидиялау қағидалары бекітілсін.

      2. Қазақстан Республикасы Ауыл шаруашылығы министрлігінің Экономикалық интеграция және аграрлық азық-түлік нарығы департаменті осы бұйрықтың заңнамада белгіленген тәртіппен Қазақстан Республикасының Әділет министрлігінде мемлекеттік тіркелуін және оның бұқаралық ақпарат құралдарында ресми жариялануын қамтамасыз етсін.

      3. Осы бұйрық алғашқы ресми жарияланған күнінен бастап күнтізбелік он күн өткен соң қолданысқа енгізіледі.

      "КЕЛІСІЛГЕН"

      Қазақстан Республикасының

      Қаржы министрі

      ______________ Б. Сұлтанов

      2014 жылғы 15 желтоқсан

      "КЕЛІСІЛГЕН"

      Қазақстан Республикасының

      Ұлттық экономика министрі

      ______________ Е. Досаев

      2015 жылғы 6 қаңтар

Ауыл шаруашылығы өнімін өндіруді басқару жүйелерін дамытуды субсидиялау қағидалары
1. Жалпы ережелер

      1. Осы Ауыл шаруашылығы өнімін өндіруді басқару жүйелерін дамытуды субсидиялау қағидалары (бұдан әрі – Қағидалар) "Агроөнеркәсіптік кешенді және ауылдық аумақтарды дамытуды мемлекеттік реттеу туралы" 2005 жылғы 8 шілдедегі Қазақстан Республикасының Заңына сәйкес әзірленді және агроөнеркәсіптік кешен субъектілерінің (бұдан әрі – АӨК субъектілері) халықаралық стандарттардың талаптарына сәйкес басқару жүйелерін дамыту және оларға сәйкестікке сертификаттау бойынша шығындарын тиісті қаржы жылына арналған республикалық бюджетте көзделген қаражат есебінен және шегінде субсидиялау (бұдан әрі – субсидиялар) тәртібін айқындайды.

      2. Осы Қағидаларда мынадай ұғымдар мен айқындамалар пайдаланылады:

      1) "Азаматтарға арналған үкімет" мемлекеттік корпорациясы" коммерциялық емес акционерлік қоғамы (бұдан әрі – Мемлекеттік корпорация) – Қазақстан Республикасының заңнамасына сәйкес мемлекеттік қызметтер көрсету, "бір терезе" қағидаты бойынша мемлекеттік қызметтер көрсетуге өтініштер қабылдау және көрсетілетін қызметті алушыға олардың нәтижелерін беру жөніндегі жұмысты ұйымдастыру үшін, сондай-ақ электрондық нысанда мемлекеттік қызметтер көрсетуді қамтамасыз ету үшін Қазақстан Республикасы Үкіметінің шешімі бойынша құрылған заңды тұлға";

      2) бюджеттік бағдарламаның әкімшісі – Қазақстан Республикасы Ауыл шаруашылығы министрлігі;

      3) ИСО (ағылшын тілінен ISO – International Standard for Organization) халықаралық стандарты – стандарттау жөніндегі ұлттық ұйымдардың дүниежүзілік федерациясы әзірлеген және қабылдаған халықаралық стандарт;

      4) тартылған консультант - халықаралық стандарттың (халықаралық стандарттардың) талаптарына сәйкес басқару жүйелерін дамыту жөніндегі консалтингтік (консультациялық) қызметтерді жүзеге асыратын жеке немесе заңды тұлға;

      5) ХАССП (ағылшын тілінен HACCP – Hazard Analysis and Critical Control Points) – тәуекелдерді және сыни бақылау нүктелерін талдау үшін әзірленген және қабылданған халықаралық стандарт.

      3. Субсидиялаудың мақсаты халықаралық стандарттарға сәйкес ауыл шаруашылығы өнімін өндіруді басқару жүйелерін дамыту және оларға сәйкестікке сертификаттау бойынша қызметтердің экономикалық қолжетімділігін арттыру болып табылады.

      4. Осы Қағидалардың талаптарына сәйкес келетін АӨК субъектілерінің құжаттарын қарау және субсидияларды бөлу үшін бюджеттік бағдарламаның әкімшісі құрамында комиссияның төрағасы, мүшелері мен хатшысы болатын комиссия (бұдан әрі – Комиссия) құрады.

      5. Комиссия құрамы Қазақстан Республикасы Ауыл шаруашылығы министрінің бұйрығымен бекітіледі.

      Комиссия құрамына бюджеттік бағдарлама әкімшісінің мүдделі құрылымдық бөлімшелерінің өкілдері, Қазақстан Республикасының Ұлттық кәсіпкерлер палатасының және қоғамдық ұйымдардың өкілдері кіреді. Бұл ретте Комиссияның сандық құрамы тақ және бес адамнан кем болмауы тиіс. Комиссия хатшысы Комиссия мүшесі болып табылмайды.

2. Субсидияларды алушылар

      6. Субсидиялар Қазақстан Республикасының резиденті (заңды тұлғалар үшін) немесе Қазақстан Республикасының азаматтары (жеке тұлғалар үшін) болып табылатын АӨК субъектілерінің ИСО 9001, ИСО 14001, ИСО 22000 және ХАССП бір немесе бірнеше халықаралық стандарттарына сәйкес басқару жүйелерін дамыту және оларға сәйкестікке сертификаттау бойынша шығындарын ішінара өтеуге арналады.

3. Субсидияларды алу шарттары

      7. Субсидияларды алу үшін АӨК субъектілері бюджеттік бағдарламаның әкімшісіне келесі құжаттарды:

      1) осы қағидаларға 1-қосымшаға сәйкес нысан бойынша агроөнеркәсіптік кешен субъектісінің халықаралық стандарттың (халықаралық стандарттардың) талаптарына сәйкес басқару жүйесін дамыту және оған (оларға) сәйкестікке сертификаттау бойынша шығындарын субсидиялауға арналған өтінімді (бұдан әрі – өтінім);

      2) сәйкестік сертификатының (сертификаттарының) көшірмесін міндетті түрде салыстырып тексеру үшін құжаттың түпнұсқасын немесе оның (олардың) нотариалды куәландырылған көшірмесін ұсынады.

      8. Осы Қағидалардың 6-тармағында көрсетілген субсидиялар мынадай шарттарды сақтаған кезде:

      1) осы Қағидалардың 7-тармағында көзделген құжаттарды 20 қарашаға дейін ұсынғанда;

      2) халықаралық стандарттарға сәйкестікке сертификаттау өтінім берген күннің алдыңғы алты айдан ерте емес жүргізгенде;

      3) егер бұрын өтінімде көрсетілген халықаралық стандарттардың талаптарына сәйкес басқару жүйелерін дамыту және оларға сәйкестікке сертификаттау бойынша АӨК субъектілерінің шығындарын өтеу бойынша субсидиялар ұсынылмаған болса төленеді.

4. Субсидияларды есептеу тәртібі

      9. Республикалық бюджеттен төленетін қаражат сомасы халықаралық стандарттың (халықаралық стандарттардың) талаптарына сәйкес басқару жүйесін дамыту және оған (оларға) сәйкестікті сертификаттау жөніндегі жобаның барлық құнынан АӨК субъектісі шығынының 50 %-ын құрайды.

      Субсидияларды бөлу өтінімдерді беру кезегіне сәйкес жүзеге асырылады.

5. Субсидияларды төлеу тәртібі

      10. Бюджеттік бағдарлама әкімшісі тиісті жылға арналған республикалық бюджет бекітілген күннен бастап он жұмыс күні ішінде Мемлекеттік корпорация арқылы өтінімдер қабылдаудың басталу және аяқталу күні, қажетті құжаттар тізбесі және субсидияларды беру шарттары туралы ақпаратты өзінің интернет-ресурсында орналастырады, жергілікті атқарушы органдарға, Мемлекеттік корпорацияға, қоғамдық бірлестіктерге және консалтингтік компанияларға жібереді.

      Мемлектетік корпорация бес жұмыс күні ішінде мемлекеттік қызметті алушылар ұсынған өтінімдерді Қазақстан Республикасы Ауыл шаруашылығы министрлігіне жібереді.

      11. Комиссия хатшысы АӨК субъектілерінің өтінімін осы Қағидаларға 2-қосымшаға сәйкес нысан бойынша арнайы тігілген, нөмірленген және мөрмен бекітілген агроөнеркәсіптік кешен субъектісінің халықаралық стандарттың (халықаралық стандарттардың) талаптарына сәйкес басқару жүйесін дамыту және оған (оларға) сәйкестікке сертификаттау бойынша шығындарын субсидиялауға арналған өтінімдерді тіркеу журналында тіркейді.

      12. Комиссия құжаттарды қабылдау мерзімі аяқталған күнінен бастап бес жұмыс күні ішінде АӨК субъектілерінің өтінімдерін олардың толықтығы мен осы Қағидалардың 6 және 8-тармақтарында көрсетілген шарттарға сәйкестігі тұрғысынан қарайды.

      13. Өтінімдерді қарастыру күні Комиссия АӨК субъектілері ұсынған құжаттарды қарау хаттамасын (бұдан әрі – Комиссия отырысының хаттамасы) жүргізіледі, онда АӨК субъектілерінің атауы мен мекенжайын көрсете отырып, оларға субсидия ұсыну немесе құжаттарын кері қайтару туралы Комиссия шешімі көрсетіледі.

      Осы Қағидалардың 6 және 8-тармақтарында көрсетілген шарттарға сәйкес келетін АӨК субъектілері субсидия алушылар болып айқындалады.

      14. Осы Қағидалардың 6 және 8-тармақтарында көрсетілген шарттарға сәйкес келмейтін АӨК субъектілеріне Комиссия отырысының хаттамасы жасалғаннан күнінен бастап бес жұмыс күні ішінде өтінімді қайтару себептерін көрсете отырып, жазбаша дәлелді жауап беріледі.

      15. Бюджеттік бағдарлама әкімшісі Комиссия отырысының хаттамасы негізінде он жұмыс күні ішінде осы Қағидаларға 3-қосымшаға сәйкес нысан бойынша екі данада субсидиялар төлеуге арналған ведомості қалыптастырады.

      16. Бюджеттік бағдарламаның әкімшісі бюджеттік субсидияларды төлеуге арналған ведомості бекіткеннен кейін үш жұмыс күні ішінде аумақтық қазынашылық бөлімшесіне қағаз тасығышта ұсынған кезде екі данада төлем шоттарының тізілімін және төлем шотын ұсынады, ал төлем шоттарын "Қазынашылық-Клиент" ақпараттық жүйесі арқылы жүргізген кезде төлем шоттарының тізілімі ұсынылмайды.

6. Субсидиялау бойынша есептілік

      17. Субсидияларды пайдалану туралы ақпарат бюджеттік бағдарлама әкімшісінің интернет-ресурсында тиісті жылдың 31 желтоқсанынан кешіктірмей, осы Қағидаларға 4-қосымшаға сәйкес нысан бойынша агроөнеркәсіптік кешен субъектілерінің халықаралық стандарттардың талаптарына сәйкес басқару жүйесін дамыту және оларға сәйкестікті сертификаттау бойынша шығындарын қайтаруға бөлінген субсидияларды бөлу бойынша есеп түрінде орналастырады.

Агроөнеркәсіптік кешен субъектісінің халықаралық стандарт (халықаралық стандарт)
талаптарына сәйкес басқару жүйесін дамыту және оған (оларға) сәйкестікке
сертификаттау жөніндегі шығындарын субсидиялауға арналған өтінім

      Ескерту. 1-қосымша жаңа редакцияда – ҚР Премьер-Министрінің орынбасары – ҚР Ауыл шаруашылығы министрінің 02.05.2017 № 190 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен

      Күні: 20 __жылғы "___" _________

      Осымен _______________________________ негізінде әрекет (құрылтай құжат) ететін

      _______________________________________________________________________________

      атынан (агроөнеркәсіптік кешен субъектісінің атауы) басшы

      ________________________________________________________________________________

      (тегі, аты, әкесінің аты (бар болса), лауазымы)

      Қазақстан Республикасы Ауыл шаруашылығы министрлігінен _________________________________________________________ бір (стандартты атап өту)

      немесе бірнеше халықаралық стандарт талаптарына сәйкес басқару жүйесін дамытқаны және оған (оларға) сәйкестікке сертификаттағаны үшін ________________ теңге сомасында субсидия төлеуді сұрайды.

      Ескертпе:

      *"Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы" 2012 жылғы 24 желтоқсандағы Қазақстан Республикасы Заңының қолданысқа енгізілгенге дейін берілген заңды тұлғаны (филиалды, өкілдікті) мемлекеттік тіркеу (қайта тіркеу) туралы куәлік заңды тұлғаның қызметі тоқтағанға дейін жарамды болып табылады;

      ** осы нысанда пайдаланылатын қысқартулар: ЖСН – жеке сәйкестендіру нөмірі; ЭҚЖС – экономикалық қызмет түрлерінің жалпы сыныптаушы; ЖСК – жеке сәйкестендіру коды; БСК – банктік сәйкестендіру коды; БСН – бизнес-сәйкестендіру нөмірі; Т.А.Ә. – тегі, аты, әкесінің аты (бар болған жағдайда);

      *** көрсетілген құжаттардағы мәліметтер әрбір жазып берілген құжат үшін толтырылады.

      Бұдан бұрын өтінімде көрсетілген агроөнеркәсіптік кешен субъектілерінің халықаралық стандарттардың талаптарына сәйкес басқару жүйесін дамыту және оларға сәйкестікке сертификаттау жөніндегі шығындарын өтеу бойынша субсидиялар алмағанымды растаймын.

      Дұрыс емес мәліметтер ұсынғаным үшін жауапкершілік туралы хабардармын.

      Ұсынылған деректердің дұрыстығын растаймын.

      Ақпараттық жүйелердегі заңмен қорғалатын құпияны құрайтын мәліметтерді пайдалануға келісім беремін.

      Басшы____________ _______________________________________________

      (қолы) (басшының тегі, аты, әкесінің аты (бар болса)

      Мөр (бар болса) орны

      "___" _________ 20 __жыл

      Өтінімге жауапты __________________________________________________

      (өтінім жасауға жауапты тұлғаның тегі, аты, әкесінің аты (бар болса))

      Телефоны: __________________

      Өтінім 20__ жыл "__" __________ қарауға қабылданды

      ________ _________________________________________________________

      (қолы) (өтінімді қабылдаған жауапты адамның тегі, аты, әкесінің аты (бар болса))

      Нысан

Агроөнеркәсіптік кешен субъектісінің халықаралық стандарттың (халықаралық стандарттардың) талаптарына сәйкес басқару жүйесін дамыту және оған (оларға) сәйкестікке сертификаттау бойынша шығындарын субсидиялауға арналған өтінімдерді тіркеу журналы

      Нысан

      "Бекітемін"

      _________________________________________

      бюджеттік бағдарлама басшысының лауазымы,

      _________________________________________

      тегі, аты, әкесінің аты (бар болса)

      _________________________________________

      20__ жылғы "___" _______ № ______________

Субсидиялар төлеуге арналған ведомость

      Төленуге тиіс сома ___________________________________________ теңге.

      (цифрмен, жазбаша)

      Бюджеттік бағдарламаның әкімшісі

      құрылымдық бөлімшесінің басшысы _____________________________________

      қолы

      "___" _________ 20___жыл

      Нысан

Агроөнеркәсіптік кешен субъектілерінің халықаралық стандарттардың талаптарына сәйкес басқару жүйесін дамыту және оларға сәйкестікті сертификаттау бойынша шығындарын қайтаруға бөлінген субсидияларды бөлу бойынша есеп