Ластану учаскелерінің мемлекеттік тізілімін жүргізу қағидаларын бекіту туралы

      Қазақстан Республикасы 2007 жылғы 9 қаңтардағы Экологиялық кодексінің 17-бабының 29) тармақшасына сәйкес БҰЙЫРАМЫН:

      1. Қоса беріліп отырған Ластану учаскелерінің мемлекеттік тізілімін жүргізу қағидалары бекітілсін.

      2. Қазақстан Республикасы Энергетика министрлігінің Экологиялық реттеу, бақылау және мұнай-газ кешеніндегі мемлекеттік инспекциялау комитеті Қазақстан Республикасының заңнамасында белгіленген тәртіппен:

      1) Қазақстан Республикасының Әділет министрлігінде осы бұйрықтың мемлекеттік тіркеуден өтуін;

      2) осы бұйрықты Қазақстан Республикасының Әділет министрлігінде оның мемлекеттік тіркелгенінен кейін күнтізбелік он күн ішінде ресми жариялауға бұқаралық ақпарат құралдарына және "Әділет" ақпараттық құқықтық жүйесіне жолдануын;

      3) осы бұйрықты Қазақстан Республикасы Энергетика министрлігінің ресми интернет-ресурсында орналастыруын қамтамасыз етсін.

      3. Осы бұйрықтың орындалуын бақылау Қазақстан Республикасының Энергетика министрлігінің жетекшілік ететін вице-министріне жүктелсін.

      4. Осы бұйрық алғашқы ресми жарияланғанынан кейін күнтізбелік он күн өткен соң қолданысқа енгізіледі.

Ластану учаскелерінің мемлекеттік тізілімін жүргізу қағидалары

      1. Ластану учаскелерінің мемлекеттік тізілімін жүргізу қағидалары (бұдан әрі - Қағидалар) Қазақстан Республикасының 2007 жылғы 9 қаңтардағы Экологиялық кодексінің 17-бабы 29) тармақшасына сәйкес әзірленді және ластану учаскелерінің мемлекеттік тізілімін жүргізу тәртібін айқындайды.

      2. Ластану учаскелерінің мемлекеттік тізілімі (бұдан әрі - тізілім) онда ластану учаскелерінің түрлері мен шығу көзі, олардағы ластаушы заттардың көлемі мен шоғырлануы, ластану учаскелерінің тиесілілігі мен оларды жою жөніндегі шаралар туралы деректер жиналатын деректер банкі болып табылады.

      3. Тізілімнің жүргізілуін ұйымдастыруды қоршаған ортаны қорғау саласындағы уәкілетті орган (бұдан әрі - уәкілетті орган) бюджет қаражаты есебінен жүзеге асырады. Тізілім орталық және аумақтық тізілімдерден тұрады.

      4. Тізілім ластану учаскесінің тізілімдік паспорты (бұдан әрі - тізілімдік паспорт) негізінде жүргізіледі.

      5. Әрбір ластану учаскесіне табиғат пайдаланушы осы Қағидаларға 1-қосымшаға сәйкес нысан бойынша тізілімдік паспорт жасайды және оны тиісті аумақтық қоршаған ортаны қорғау органына ұсынады.

      6. Жаңа ластану учаскесіне арналған тізілімдік паспортты табиғат пайдаланушы оны анықтағаннан кейін үш ай ішінде жасайды.

      7. Тіркелген тізілімдік паспорттар осы Қағидаларға 2-қосымшаға сәйкес нысан бойынша ресімделген тізілімге енгізіледі.

      8. Табиғат пайдаланушыға тіркелген тізілімдік паспорттың көшірмесі беріледі.

      9. Орталық тізілімді жүргізуді уәкілетті орган жүзеге асырады.

      10. Орталық тізілімді жүргізу мыналарды қамтиды:

      1) ластану учаскелері туралы ақпаратты орталықтандырылған жинауды;

      2) орталық тізілімді өзекті етуді (жаңартуды);

      3) мемлекеттік органдарды және өзге де мүдделі тұлғаларды ақпараттық қамтамасыз етуді.

      11. Орталық тізілімге өзгерістер мен толықтыруларды аумақтық қоршаған ортаны қорғау органдарынан келіп түскен жазбаша ақпараттың негізінде уәкілетті орган жасайды.

      12. Аумақтық тізілімді жүргізу мыналарды қамтиды:

      1) аумақтық тізілімге тиісті жазба енгізу жолымен ластану учаскелерін тіркеуді;

      2) тізілімдік паспорттарды аудандар бойынша толықтыруды және сақтауды;

      3) мемлекеттік органдарды және өзге де мүдделі тұлғаларды ақпараттық қамтамасыз етуді;

      4) аумақтық тізілімді өзекті етуді (жаңартуды), оның ішінде алып тастаудың күні мен негіздерін көрсете отырып, тізілімнен ластану учаскесін алып тастауды.

      13. Әрбір ластану учаскесіне тіркеу нөмірі беріледі. Аумақтық тізілімнен алынып тасталған тіркеу нөмірі жаңа ластану учаскелеріне берілмейді.

      14. Ластану учаскелерін аумақтық тізілімнен алып тастау аумақтық қоршаған ортаны қорғау органымен келісілген ластануды жою туралы жобаны және осы учаскеде орындалған жұмыстар актісін табиғат пайдаланушының ұсынуы негізінде жүргізіледі.

      15. Аумақтық қоршаған ортаны қорғау органдары аумақтық тізілімді жыл сайын 10 мамырдан кешіктірмей электрондық жеткізгішпен уәкілетті органға ұсынады, жаңа ластану учаскелері анықталған жағдайда ақпарат аумақтық тізілімге өзгерістер мен толықтырулар енгізілгеннен кейін он күнтізбелік күннен кешіктірмей ұсынылады.

      16. Тізілімге тізілімдік паспорттардың уақтылы енгізілуін, ақпараттың дұрыстығын бақылауды, сондай-ақ ластану учаскелерінің тізілімдік паспорттарын талдауды, есепке алуды, жүйелеуді, сақтауды және оларды өңдеудің автоматтандырылған жүйесін құруды аумақтық қоршаған ортаны қорғау органдары жүзеге асырады.

       Ластану учаскелерінің тізілімдік паспорты

      "___"____________20___ жылғы есептік кезең

      Нысандар индексі: ЛУМТЖ

      Ақпарат жинау кезеңділігі: жыл сайын.

      Ақпарат ұсынатын тұлғалар шеңбері: Аумақтарында ластану учаскелері орналасқан

      табиғат пайдаланушылар

      Нысан қайда ұсынылады: Қоршаған ортаны қорғау саласындағы уәкілетті органның

      аумақтық бөлімшелері

      Нысанды ұсыну мерзімі: жыл сайын, есептік кезеңнен кейінгі 10 мамырға дейін;

      Ластану учаскелері белгілі болған жағдайдан кейін, 3 ай ішінде

      1) тіркеу нөмірі _________________________________________

      2) ластану учаскесі орналасқан жердің схемалық картасы

      3) Экономикалық қызмет түрлерінің жалпы жіктеуіші (ЭҚЖЖ) кодына сәйкес

      нәтижесінде ластану учаскесі пайда болған шаруашылық және өзге қызметтің немесе табиғи

      құбылыстың түрі ________________________

      4) меншігінде/иелігінде ластану учаскесі орналасқан аумақ бар табиғат пайдаланушы

      _________________________________________

      Табиғат пайдаланушының БСН/ЖСН ___________________________

      Табиғат пайдаланушының атауы _______________________________

      5) жер санаты ________________________________________________

      6) ластану учаскесінің өлшемдері

      7) орналастырудың техникалық шарттары:

      8) химиялық құрамы:

      9) ластаушы заттар таралуы ықтимал жолдары:

      10) ластану учаскесінің зерделену дәрежесі:

      11) ластану учаскесі орналасу аумағының климаттық сипаттамалары

      12) ластану учаскесін оқшаулау және қалпына келтіру жөнінде іске асырылған

      іс-шаралар ______________________________________________________________________

      ________________________________________________________________________________

      Ақпараттың дұрыстығы мен толықтығын растаймын.

      Жасаушы (табиғат пайдаланушы): ____________________________________________

      Т.А.Ә.А.

      ________________________________________________________________________________

      лауазымы

      __________ қолы                        __________ күні

      Тіркеген:__________________________________________________________________

      Т.А.Ә.А.

      ________________________________________________________________________________

      лауазымы

      __________ қолы                        __________ күні

Әкімшілік деректерді жинауға арналған нысанды толтыру бойынша түсініктеме "Ластану учаскелерінің тізілімдік паспорты" 1. Жалпы бөлім

      1) "Ластану учаскелерінің тізілімдік паспорты" әкімшілік деректерді жинауға арналған нысан (бұдан әрі – Нысан) 2007 жылғы 9 қаңтардағы Қазақстан Республикасының Экологиялық Кодексінің 17 бабының 29) тармақшасына сәйкес әзірленді.

      2) Нысанды аумағында ластану учаскелері орналасқан табиғат пайдаланушылар ұсынады.

2. Нысанды толтыру бойынша түсініктеме

      1-ші бөлімде аумақтық бөлімшелер ластану учаскесіне тіркеу нөмірін береді;

      2-ші бөлімде табиғат пайдаланушылар ластану учаскесі орналасқан жердің схемалық картасын ұсынады. "Облыс", "Аудан", Қала, кент", "географиялық координаттары" бағандарында табиғат пайдаланушылар сәйкес деректерді толтырады; "Әкімшілік-аумақтық объектілер жіктеуішіне (ӘАОЖ) сәйкес аумақ коды" аумақтық бөлімшелердің мамандарымен толтырылады.

      3-ші бөлімде Экономикалық қызмет түрлерінің жалпы жіктеуішіне (ЭҚЖЖ) сәйкес, нәтижесінде ластану учаскесі пайда болған шаруашылық және өзге қызметтің немесе табиғи құбылыстың түрі көрсетіледі;

      4-ші бөлімде меншігінде/иелігінде ластану учаскесі орналасқан аумақ бар табиғат пайдаланушы көрсетіледі;

      табиғат пайдаланушының ЖСҚ/БСҚ көрсетіледі;

      табиғат пайдаланушының атауы көрсетіледі;

      5-ші бөлімде Жер кодексіне сәйкес жер санаты көрсетіледі;

      6-шы бөлімде ластану учаскесінің параметрлері: ұзындығы (метрмен), ені (метрмен), тереңдігі (метрмен), алаңы (метр3-мен), ластаушы заттардың түрі, қауіптілік деңгейі, агрегаттық жай-күйі көрсетіледі;

      7-ші бөлімде орналастырудың техникалық шарттары көрсетіледі, яғни, топырақ немесе араласушы тау жыныстарының сипаттамасы көрсетіледі.

      Сипаттамада топырақ немесе тау жынысы, су өткізбеушілік және физикалық-механикалық қасиеттері көрсетіледі.

      8-ші бөлімде ластанудың химиялық құрамы көрсетіледі:

      "Атауы" бағанында ластаушы заттардың атауы толтырылады;

      "Ең төмен" бағанында ластаушы заттардың ең төмен шоғырлануы (пайызбен) көрсетіледі;

      "Ең жоғары" бағанында ластаушы заттардың ең жоғары шоғырлануы (пайызбен) көрсетіледі;

      "Орташа" бағанында ластаушы заттардың орташа шоғырлануы (пайызбен) көрсетіледі;

      "Көлемі" бағанында әрбір ластаушы заттар үшін көлемі (шаршы метрмен көрсетілген) көрсетіледі;

      "Суда" бағанында әрбір ластаушы заттар үшін суда рұқсат етілген шекті мөлшер (әсер ету деңгейі қауіпсіздігін бағалау) көрсетіледі;

      "Ауада" бағанында әрбір ластаушы заттар үшін атмосфера ауасында рұқсат етілген шекті мөлшер (әсер ету деңгейі қауіпсіздігін бағалау) көрсетіледі;

      "Топырақта" бағанында әрбір ластаушы заттар үшін топырақтағы рұқсат етілген шекті мөлшер (әсер ету деңгейі қауіпсіздігін бағалау) көрсетіледі.

      9-шы бөлімде ластаушы заттар таралуы ықтимал жолдары көрсетіледі:

      "Су бойынша" бағанында жер үстіне/немесе жер асты суларының таралуының ықтимал жолдары көрсетіледі;

      "Ауа бойынша" бағанында булану үстіне/немесе желмен таралуының ықтимал жолдары көрсетіледі;

      "Басқалар" бағанында ластаушы заттар таралуы басқа да ықтимал жолдары (оның ішінде, өсімдік және жануар тарапынан да болатын ықтимал таралулар) көрсетіледі;

      10-шы бөлімде ластану учаскесінің зерделену дәрежесі көрсетіледі:

      "Кім және қашан зерделеді" бағанында ластанған учаскенің зерделеген ұйымның толық атауы, сондай-ақ, зерттеу кезеңі көрсетіледі;

      "Есептілік материалдың атауы" бағанында есептілік материалдың толық атауы көрсетіледі;

      "Объектінің зерделенген параметрлері" бағанында ластанған учаскенің зерделенген параметрлері (есептік материалдан алынған деректер) көрсетіледі.

      11-ші бөлімде ластану учаскесі орналасқан аумақтың климаттық сипаттамалары көрсетіледі:

      "Жел өрнегі" бағанында румба бойынша деректер және "Қазгидромет" Республикалық мемлекеттік кәсіпорынының (бұдан әрі – "Қазгидромет" РМК) есептік материалы/анықтамасынан жел бағдары көрсетіледі;

      "5 м/сек астам жылдамдығымен желдер жиілігі" бағанында "Қазгидромет" РМК есептік материалы/анықтамасынан деректер көрсетіледі;

      "Жауын-шашындар түсімінің жиілігі" бағанында "Қазгидромет" РМК есептік материалы/анықтамасынан деректер көрсетіледі.

      12-ші бөлімде ластану учаскесін оқшаулау және қалпына келтіру жөнінде іске асырылған іс-шаралар көрсетіледі.

      Ақпараттың дұрыстығы мен толықтығы табиғат пайдаланушы ұсынатын деректерді табиғат пайдаланушының тегін, атын және әкесінің атын (бар жағдайда), сондай-ақ атқаратын лауазымын көрсете отырып, растаумен қарастырылады.

      Аумақтық бөлімше тарапынан жасаған адамның тегін, атын және әкесінің атын, сондай-ақ атқаратын лауазымын көрсете отырып, ластану учаскесінің паспортын тіркеу туралы растау көзделеді.

Ластану учаскелерінің мемлекеттік тізілімі

      Ескерту. 2-қосымша жаңа редакцияда – ҚР Энергетика министрінің 18.04.2017 № 141 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      "___"____________20___ жылғы есептік кезең

      Нысан индексі: ЛУМТ

      Ақпарат жинау кезеңділігі: жыл сайын.

      Ақпарат ұсынатын тұлғалар шеңбері: Қоршаған ортаны қорғау жөніндегі аумақтық органдар (Экология департаменттері)

      Нысан қайда ұсынылады: Қазақстан Республикасы Энергетика миинстрлігі

      Нысанды ұсыну мерзімі: жыл сайын есептік кезеңнен кейінгі 10 мамырдан кешіктірмей;

      Жаңа ластану учаскелері белгілі болған жағдайда, ақпарат аумақтық тізілімге өзгерістер мен толықтырулар енгізілгеннен кейін он күнтізбелік күннен кешіктірмей ұсынылады.

Әкімшілік деректерді жинауға арналған нысанды толтыруға арналған түсініктеме Ластану учаскелерінің мемлекеттік тізілімі 1. Жалпы бөлім

      1) "Ластану учаскелерінің мемлекеттік тізілімі" әкімшілік деректерін жинауға арналған нысан (бұдан әрі – нысан) 2007 жылғы 9 қаңтардағы Қазақстан Республикасы Экологиялық кодексінің 17-бабы 29) тармақшасына сәйкес әзірленді;

      2) Нысанды Қоршаған ортаны қорғау жөніндегі аумақтық органдар (Экология департаменттері) ұсынады.

2. Нысанды толтыру бойынша түсініктеме

      1-ші бағанда ластанған учаскеге берілген тіркеу нөмірі көрсетіледі;

      2-ші бағанда ластану учаскесінің орналасқан жері көрсетіледі;

      3-ші бағанда ластану учаскесінің тізілімдік паспортын әзірлейтін - табиғат пайдаланушының толық атауы көрсетіледі;

      4-ші бағанда тізілімнен алып тастаудың күні мен негіздемесі көрсетіледі (осы Қағидалардың 14-тармағында көрсетілген шарттарды орындаған жағдайда толтырылады).