Мемлекеттік құқықтық ақпараттық статистикалық жүйені даму мен жетiлдiру, сондай-ақ Қазақстан Республикасының «Әкімшілік құқық бұзушылық туралы» 2001 жылғы 30 қаңтардағы Кодексін қолдану барысында мемлекеттік органдарды ақпараттық қамтамасыз ету мақсатында, Қазақстан Республикасының «Прокуратура туралы» 1995 жылғы 21 желтоқсандағы Заңының 11 бабының 4-1) тармақшасын басшылыққа ала отырып, БҰЙЫРАМЫН:
1. Атқарушы құжаттар бойынша міндеттемелерді орындамаған тұлғалардың, сондай-ақ әкімшілік айыппұлды салу жөнінде қаулыларды ерікті түрде орындамаған тұлғалардың орталықтандырылған деректер банкі(борышкерлердің орталықтандырылған деректер банкі) құрылсын.
2. Қоса берiлген атқарушы құжаттар бойынша міндеттемелерді орындамаған тұлғалардың, сондай-ақ әкімшілік айыппұлды салу жөнінде қаулыларды ерікті түрде орындамаған тұлғалардың орталықтандырылған деректер банкін (борышкерлердің орталықтандырылған деректер банкі)жүргiзу жөніндегі Нұсқаулығы бекiтiлсiн.
3. Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі – Комитет) осы бұйрықты:
1) Қазақстан Республикасы Әділет министрлігіне мемлекеттік тіркеуге;
2) құқықтық статистика және арнайы есепке алу субъектілеріне және Комитеттің аумақтық органдарына орындау үшін жолдасын.
4. Осы бұйрықтың орындалуын бақылау Комитеттiң Төрағасына жүктелсiн.
5. Осы бұйрық бірінші ресми жарияланған күнінен бастап қолданысқа енгізіледі.
Қазақстан Республикасының
Бас Прокуроры А. Дауылбаев
Қазақстан Республикасы
Бас Прокурорының
2014 жылғы 8 шілдедегі
№ 70 бұйрығымен
бекітілді
Атқарушы құжаттар бойынша міндеттемелерді орындамаған
тұлғалардың, сондай-ақ әкімшілік айыппұлды салу жөнінде
қаулыларды ерікті түрде орындамаған тұлғалардың
орталықтандырылған деректер банкін жүргізу туралы Нұсқаулығы
(борышкерлердің орталықтандырылған деректер банкі)
1. Жалпы ережелер
1. Осы Атқарушы құжаттар бойынша міндеттемелерді орындамаған тұлғалардың, сондай-ақ әкімшілік айыппұлды салу жөнінде қаулыларды ерікті түрде орындамаған тұлғалардың орталықтандырылған деректер банкін жүргізу туралы Нұсқаулығы (борышкерлердің орталықтандырылған деректер банкі) Қазақстан Республикасының 2003 жылғы 22 желтоқсандағы «Мемлекеттік құқықтық статистика және арнайы есепетер туралы» Заңының 12-бабы 3-тармағының 14) тармақшасына сәйкес әзірленді.
2. Борышкерлердің орталықтандырылған деректер банкін жүргізу
2. Борышкерлердің орталықтандырылған деректер банкі (бұдан әрі- БОДБ) келесі мәліметтерді мазмұндайды:
1) атқарушы құжаттар бойынша міндеттемелерді орындамаған борышкерлер туралы;
2) айыппұл ретінде әкімшілік жазасын салу жөнінде қаулыларды орындамаған борышкерлер туралы.
3. БОДБ әкімшілік құқық бұзушылықты айқындауға және (не) әкімшілік құқық бұзушылықтар туралы істерді қарауға уәкілетті мемлекеттік органдарымен(бұдан әрі - әкімшілік тәжірибе субъектілері), «Әкімшілік құқық бұзушылықтар және оларды жасаған тұлғалар туралы орталықтандырылған деректер банкін құру және оның жүргізілуі жөніндегі Нұсқаулықты бекіту туралы» 2012 жылғы 12 қарашадағы № 134 Қазақстан Республикасы Бас прокурорының бұйрығына (нормативтік құқықтық актілерді мемлекеттік тіркеу тізілімінде № 8101 тіркелген) сәйкес (бұдан әрі – № 134 бұйрық) Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі – ҚСжАЕАК)автоматтандырылған ақпараттық жүйе(бұдан әрі – ААЖ) мәліметтері және атқарушы өндіріс органдарымен, «Сот актілерін орындау бойынша жұмыс туралы» № 4 нысанды есепті және оны құрастыру жөніндегі Нұсқаулықты бекіту туралы» 2014 жылғы 22 қаңтардағы № 9 Қазақстан Республикасы Бас прокурорының бұйрығына (нормативтік құқықтық актілерді мемлекеттік тіркеу тізілімінде № 9169 тіркелген) сәйкес ұсынылатын ақпараттық-есеп құжаттарының негізінде қалыптастырылады.
4. Әкімшілік айыппұлдар бойынша міндеттерді ерікті түрде орындамаған борышкерлер туралы мәліметтер ҚСжАЕАК ААЖ-де тұрып және айыппұлды төлеу туралы белгісі жоқ болса, әкімшілік жазасын айыппұл түрінде салу жөнінде қаулының заң күшіне енгеннен кейін күнтізбелік 30 күн өткен соң автоматты түрде БОДБ-не келіп түседі.
ҚСжАЕАК ААЖ мәліметтерінің толықтығы мен нақтылығын әкімшілік тәжірибе субъектілерінің басшысы қамтамасыз етеді.
5. «Атқарушылық iс жүргiзу және сот орындаушыларының мәртебесi туралы» Қазақстан Республикасы Заңының (бұдан әрі – Заң) 9-бабымен көзделген атқарушы құжаттары бойынша мәліметтер Қазақстан Республикасы Әділет министрлігінің Сот актілерін орындау бойынша комитеті (бұдан әрі – САОК) ААЖ-де тұрып және ҚСжАЕАК ААЖ арқылы автоматты түрде БОДБ-не келіп түседі.
Сот орындаушысы атқарушылық іс жүргізуді қысқарту туралы нәтижесін дереу САОК ААЖ-не енгізеді.
6. БОДБ арқылы келесі мәліметтер беріледі:
Осы Нұсқаулықтың 1-қосымшасына сәйкес нысанда әкімшілік құқық бұзушылық туралы мәліметтер:
1) жеке тұлғаның тегі, аты, әкесінің аты (болған жағдайда) не заңды тұлғаның атауы;
2) туған күні;
3) тұрған жері (республика, облыс, аудан, елді мекен);
4) құқық бұзушылықты анықтаған органның атауы;
5) жұмыс орны, мемлекеттік қызметіне қатынас өлшемі;
6) материалды (хаттаманы, істі) қараған орган;
7) материалдың (хаттаманың, істің) нөмірі;
8) құқық бұзушылықты саралау;
9) құқық бұзушылықты жасаған (анықтаған) күні;
10) істі қарау күні;
11) салған айыппұлдың теңгеде мөлшері.
Осы Нұсқаулықтың 2-қосымшасына сәйкес нысанда атқару құжаттары бойынша мәліметтер:
1) борышкердің атауы (жеке тұлға үшін - тегі, аты, әкесінің аты (болған жағдайда), ЖСН; заңды тұлға үшін – атауы, БСН;
2) атқару парақтың (құжаттың) нөмірі;
3) сот актінің (орган қаулысының) шығарылған күні;
4) атқарушылық іс жүргізуді қозғау күні, аумақтық органның атауы;
5) азаматтық, қылмыстық, әкімшілік істің нөмірі;
6) талаптардың санаттары:
айыппұлдарды өндіріп алу;
мемлекеттік баж салығын өндіріп алу;
мүлікті тәркілеу;
мүліктік сипатты өндіріп алу;
алименттерді өндіріп алу;
жалақысын өндіріп алу;
зейнетақы мен жәрдемақыны өндіріп алу;
екінші деңгейіндегі банктердің пайдасына өндіріп алу;
үкім бойынша өндіріп алу;
атқару санкциясын өндіріп алу;
сомаларды өндіріп алу;
қылмыспен келтірілген материалдық зиянын өндіріп алу;
материалдық зиянын өндіріп алу;
7) борышкердің Қазақстан Республикасынан шығуын шектеу туралы қабылданған шешім: (күні, айы, жылы);
8) лицензиялар мен рұқсаттарды беруге уақытша тыйым салу туралы қабылданған шешім: (күні, айы, жылы);
9) борышкерге бұрын берген лицензиялар мен рұқсаттардың қолдануын тоқтату туралы қабылданған шешім: (күні, айы, жылы);
10) атқару іс жүргізу бойынша қозғалысы:
атқарушы құжатты орындауды кейінге қалдыру,мерзімін ұзарту: (күні, айы, жылы );
тоқтатылған: (күні, айы, жылы);
11) сот орындаушысы.
7. БОДБ борышкердің еспетен алуы, атқару іс жүргізуді қысқарту туралы не ҚСжАЕАК ААЖ әкімшілік айыппұлды төлеу туралы мәлімет түскен сәттен автоматты түрде жүргізіледі.
8. Әкімшілік тәжірибе субъекті, әкімшілік жазасын салу жөнінде қаулысын орындауға жүктелген лауазымды тұлғадан не тікелей құқық бұзушыдан әкімшілік айыппұлды салу жөнінде қаулыны орындау туралы растайтын құжаттарды (түбіртек, төлеу туралы төлем тапсырмасы) алған кезде № 134 бұйрығымен сәйкес ҚСжАЕАК ААЖ тиісті мәліметтерімен дереу толтырады.
Егер әкімшілік айыппұл, не атқару құжаттар бойынша берешектері жартылап төленетін болса, онда борышкер БОДБ-де толық төлегенге дейін есепте қалады. Дәл осы талап БОДБ-де борышкерге қатысты атқару құжаттардың және айыппұл түрінде әкімшілік жазаны салу жөнінде қаулылардың екі не одан да көп мәліметтері болса, қолданылады.
9. Заңмен көзделген шектеулері, және борышкердің Қазақстан Республикасынан тыс жерге шығуын шектеу туралы қабылданған сот актілері, лицензиялар мен рұқсаттарды беруге уақытша тыйым салу, борышкерге бұрын берген лицензиялар мен рұқсаттардың қолдануын тоқтату болатын болса, осы деректер БОДБ-де көрсетіледі.
10. БОДБ деректердің толықтығын және дұрыстығын қамтамасыз ету мақсатында, атқарушылық іс жүргізудің аумақтық органдар және ҚСжАЕАК басқармалар айда бір рет (есептік айдан кейінгі айдың 2 күніне дейін) САОК пен ҚСжАЕАК жүйелердің арасында борышкерлер бойынша деректердің салыстыруын өткізеді.
3. Қорытынды ережелер
11. Мемлекеттік органдарға ақпаратты ұсыну аясында хабарламалармен алмасуды әзірлеу және өткізу барысында қолданылатын бағдарламалық және аппараттық құралдар жұмыс күйінде ұстап тұруы қажет.
12. Ақпарат алмасу, соның ішінде уәкілетті мемлекеттік органдар шектеулі түрде шаралар қабылдайтын борышкерге белгіленген шектеулердің болуына, нақты уақыт тәртібінде мемлекеттік органдардың біріккен көліктік ортасы қорғалған арналары бойынша қашықтықтан қол жеткізу жолымен ҚСжАЕК ААЖ арқылы жүзеге асырылады. Мемлекеттік органдар әрқайсына логин мен пароль берілетін пайдаланушылардың тізімін ұсынғаннан кейін ақпараттарын алу үшін жүйе қолданушыларын тіркеуді ҚСжАЕК жүргізеді.
13. Жеке тұлғалар – борышкерлердің бекітілетін деректері: тегі, аты-жөні, әкесінің аты (болған жағдайда), туылған күні немесе ЖСН. Заңды тұлғалар мен жеке кәсіпкерлер – борышкерлердің бекітілетін деректері: атау немесе БСК, ЖСН.
14. Ақпарат алмасу барысында күрделі жағдайлар туындаған кезде, мемлекеттік органдар шұғыл ҚСжАЕК-ті ақпараттандыру және мәселелерді жою шараларын қабылдайды.
Атқарушы құжаттар бойынша міндеттемелерді
орындамаған тұлғалардың, сондай-ақ әкімшілік
айыппұлды салу жөнінде қаулыларды ерікті
түрде орындамаған тұлғалардың есебін жүргізу
туралы Нұсқаулығына (борышкерлердің
орталықтандырылған деректер банкі)
1-қосымша
Нысан
ҚАЗАҚСТАН РЕСПУБЛИКАСЫ БАС ПРОКУРАТУРАСЫНЫҢ ҚҰҚЫҚТЫҚ СТАТИСТИКА ЖӘНЕ АРНАЙЫ ЕСЕПКЕ АЛУ ЖӨНІНДЕГІ КОМИТЕТІ
АНЫҚТАМА
ТАӘ не заңды тұлғаның атауы:
Туған күні:
Туған жері:
Республика:
Облыс:
Қала/Аудан:
Елді мекен:
=====================================================================
1. Әкімшілік құқық бұзушылық жасаған тұлғалар туралы мәліметтері бойынша:
Тұрғылықты жер:
Республика;
облыс;
қала/аудан;
елді мекен.
Құқық бұзушылықты анықтаған органның атауы:
Жұмыс орны, мемлекеттік қызметіне қатынас өлшемі:
Іс материалын /хаттамасын/ қараған орган:
Іс материалының /хаттамасының/ нөмірі
ҚРӘҚБтК бойынша құқық бұзушылықтың біліктілігі:
Құқық бұзушылықты жасаған (анықтаған) күні:
Істі қарау күні:
Салынған айыппұлдың теңгеде мөлшері.
---------------------------------------------------------------------
Оператордың коды:
Тексерудің күні мен уақыты:
Деректер АЕА ААЖ бойынша алынды
Атқарушы құжаттар бойынша міндеттемелерді
орындамаған тұлғалардың, сондай-ақ әкімшілік
айыппұлды салу жөнінде қаулыларды ерікті
түрде орындамаған тұлғалардың есебін жүргізу
туралы Нұсқаулығына (борышкерлердің
орталықтандырылған деректер банкі)
2-қосымша
Нысан
ҚАЗАҚСТАН РЕСПУБЛИКАСЫ БАС ПРОКУРАТУРАСЫНЫҢ ҚҰҚЫҚТЫҚ СТАТИСТИКА ЖӘНЕ АРНАЙЫ ЕСЕПКЕ АЛУ ЖӨНІНДЕГІ КОМИТЕТІ АНЫҚТАМА
Борышкердің ТАӘ:
ЖСН:
Борышкердің атауы:
БСН:
==============================================================
1. Атқарушылық іс жүргізу бойынша мәліметтер:
атқару парақтың (құжаттың) нөмірі;
сот актінің (орган қаулысының) шығарылған күні;
атқарушылық іс жүргізуді қозғау күні, аумақтық органның атауы;
азаматтық, қылмыстық, әкімшілік істің нөмірі;
айыппұлдарды өндіріп алу;
мемлекеттік баж салығын өндіріп алу;
мүлікті тәркілеу;
мүліктік сипатты өндіріп алу;
алименттерді өндіріп алу;
жалақысын өндіріп алу;
зейнетақы мен жәрдемақыны өндіріп алу;
екінші деңгейіндегі банктердің пайдасына өндіріп алу;
үкім бойынша өндіріп алу;
атқару санкциясын өндіріп алу;
сомаларды өндіріп алу;
қылмыспен келтірілген, материалдық зиянын өндіріп алу;
материалдық зиянын өндіріп алу;
өзгеталаптар;
борышкердің Қазақстан Республикасынан шығуын шектеу туралы
қабылданған шешім
20__жылғы «___»__________
лицензиялар мен рұқсаттарды беруге уақытша тыйым салу
туралы қабылданған шешім: 20__жылғы «___»__________
борышкерге бұрын берген лицензиялар мен
рұқсаттардың қолдануын тоқтату туралы қабылданған шешім:.20__жылғы
«___»__________
орындауы кейінге қалдырылған, мерзімі ұзартылған 20__жылғы
«___»__________
орындау тоқтатылды 20__жылғы «___»__________
сот орындаушысы (тегі,.аты, әкесінің аты)
---------------------------------------------------------------------
Оператордың коды:
Тексерудің күні мен уақыты:
Деректер Бірыңғай бірегейлік статистикалық жүйе (ББСЖ) ААЖ бойынша алынды