Қазақстан Республикасы Қаржы министрлігінің Кедендік бақылау комитеті көрсететін мемлекеттік қызмет регламенттерін бекіту туралы

      «Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1-бабының 4-тармағына сәйкес БҰЙЫРАМЫН:
      1. Қоса беріліп отырған:
      1) «Авторлық құқық және сабақтас құқық объектілерін, тауар таңбаларын, қызмет көрсету таңбалары мен тауарлар шығарылатын жерлердің атауларын зияткерлік меншік объектілерінің кедендік тізіліміне енгізу» мемлекеттік қызмет регламенті осы бұйрықтың 1-қосымшасына сәйкес;
      2) «Уәкілетті экономикалық оператор мәртебесін беру» мемлекеттік қызмет регламенті осы бұйрықтың 2-қосымшасына сәйкес;
      3) «Кеден өкілдерінің тізіліміне енгізу» мемлекеттік қызмет регламенті осы бұйрықтың 3-қосымшасына сәйкес;
      4) «Кедендік тасымалдаушылардың тізіліміне енгізу» мемлекеттік қызмет регламенті осы бұйрықтың 4-қосымшасына сәйкес;
      5) «Тауарларды кедендік тазарту және шығару» мемлекеттік қызмет регламенті осы бұйрықтың 5-қосымшасына сәйкес бекітілсін.
      2. Қазақстан Республикасы Қаржы министрлігінің Кедендік бақылау комитеті (М.Т. Есенбаев) заңнамамен белгіленген тәртіпте осы бұйрықтың Қазақстан Республикасының Әділет министрлігінде мемлекеттік тіркелуін және ресми жариялануын қамтамасыз етсін.
      3. Осы бұйрық алғашқы ресми жарияланған күнінен бастап қолданысқа енгізіледі.

      Министр                                              Б. Жәмішев

Қазақстан Республикасы  
Қаржы министрінің     
2012 жылғы 8 қазандағы № 456
бұйрығына 1-қосымша 

«Авторлық құқық пен сабақтас құқық объектілерін, тауар
таңбаларын, қызмет көрсету таңбалары мен тауарлар шығарылатын
жерлердің атауларын зияткерлік меншік объектілерінің кедендік
тізіліміне енгізу» мемлекеттік қызметтің регламенті

1. Жалпы ережелер

      1. Осы «Авторлық құқық пен сабақтас құқық объектілерін, тауар таңбаларын, қызмет көрсету таңбалары мен тауарлар шығарылатын жерлердің атауларын зияткерлік меншік объектілерінің кедендік тізіліміне енгізу» мемлекеттік қызметтің регламенті (бұдан әрі – регламент) «Қазақстан Республикасындағы кеден ісі туралы» Қазақстан Республикасының 2010 жылғы 30 маусымдағы № 296-IV Кодексінің (бұдан әрі – Кодекс) 437, 439-баптарына сәйкес әзірленді.
      2. Осы Регламентте мына негізгі түсініктер мен аббревиатуралар қолданылады:
      1) Комитет – Қазақстан Республикасы Қаржы министрлігінің Кедендік бақылау комитеті;
      2) құрылымдық-функциональды бірліктер (бұдан әрі – ҚФБ) – мемлекеттік қызмет көрсету процесіне қатысушы, Комитеттің жауапты құрылымдық бөлімшелері және лауазымды тұлғалары;
      3) мемлекеттік қызмет – зияткерлік меншік объектілерін зияткерлік меншік объектілерінің кедендік тізілімге енгізу;
      4) өтініш беруші – құқық иесі немесе құқық иесінің мүддесін білдіретін өзге тұлға;
      5) ЭҚАБЖ – электронды құжат айналымының бірыңғай жүйесі.
      3. Мемлекеттік қызметті Комитет ұсынады.
      4. Ұсынатын мемлекеттік қызметтің нысаны: автоматтандырылмаған.
      5. Мемлекеттік қызмет:
      1) Кодекстің;
      2) «Қазақстан Республикасы Қаржы министрлігінің Кедендік бақылау комитетімен көрсетілетін мемлекеттік қызмет стандарттарын бекіту туралы» Қазақстан Республикасы Үкіметінің 2012 жылғы 8 қыркүйектегі № 1169 қаулысымен бекітілген «Авторлық құқық пен сабақтас құқық объектілерін, тауар таңбаларын, қызмет көрсету таңбалары мен тауарлар шығарылатын жерлердің атауларын зияткерлік меншік объектілерінің кедендік тізіліміне енгізу» мемлекеттік қызмет көрсету стандартының (бұдан әрі – Стандарт) негізінде ұсынылады.
      6. Авторлық құқық пен сабақтас құқық объектілерін, тауар таңбаларын, қызмет көрсету таңбалары мен тауарлар шығарылатын жерлердің атауларын зияткерлік меншік объектілерінің кедендік тізіліміне енгізу туралы хабарлама не қағаз тасығыштағы қызмет көрсетуден бас тарту туралы дәлелді жауап беру мемлекеттік қызметтің нәтижесі болып табылады.
      7. Мемлекеттік қызмет тегін көрсетіледі.

2. Мемлекеттік қызмет көрсетудің тәртібіне қойылатын талаптар

      8. Мемлекеттік қызмет Стандарттың 1-тармағында көрсетілген мекен-жай бойынша көрсетіледі. Комитеттің жұмыс кестесі демалыс (сенбі және жексенбі) және мемлекеттік мереке күндерін қоспағанда, күн сайын сағат 13.00-ден 14.30-ға дейін түскі үзіліспен, сағат 09.00-ден 18.30-ға дейін.
      9. Мемлекеттік қызмет көрсету мәселелері бойынша, соның ішінде шағымдану тәртібі туралы ақпаратты 8 (7172) 79-45-50, 79-45-96 телефондары бойынша Комитеттің Кедендік бақылауды ұйымдастыру басқармасынан, сондай-ақ Стандарттың 1-тармағында көрсетілген мекен-жай бойынша алуға болады.
      10. Мемлекеттік қызмет көрсетудің мерзімі Стандарттың 7-тармағында көрсетілген.
      11. Осы мемлекеттік қызметті ұсынудан бас тарту негізі Стандарттың 16-тармағында көрсетілген.
      12. Мемлекеттік қызметті көрсету кезеңдері:
      1) ЭҚАБЖ-да тіркеу нөмірін берумен өтініш беруші тапсырған құжаттар пакетін тексеру және қабылдау, өтініштің екінші данасына кіріс нөмірі бар штамп қойылып, бөлу үшін басшыларға беріледі;
      2) өтініш беруші тапсырған құжаттар пакетін жауапты құрылымдық бөлімшеге жіберу;
      3) өтініш берушімен ұсынылған құжаттарды Стандарттың 11-тармағына сәйкестігін қарау;
      4) Комитеттің зияткерлік меншiк объектiлерін кедендік тiзілімге енгізуден бас тарту туралы шешімі Стандарттың 16-тармағында көзделген жағдайда қабылданады;
      5) зияткерлік меншiк объектiлерін кедендік тiзілімге енгізу туралы бұйрықтың жобасын дайындау және заң қызметімен келісу;
      6) зияткерлік меншiк объектiлерін кедендік тiзілімге енгізу туралы бұйрықты тіркеу;
      7) өтініш берушіні жазбаша түрде зияткерлік меншiк объектiлерін кедендік тiзілімге енгізу туралы хабардар ету.

3. Мемлекеттік қызмет көрсету кезіндегі іс-әрекет
(өзара әрекет) тәртібінің сипаттамасы

      13. Өтініш беруші тапсырған құжаттар Комитеттің Ұйымдастырушылық және кадр жұмысы басқармасы тізім бойынша (қолма-қол, не поштамен) қабылдайды. Комитеттің кеңсесі қабылданған күнді көрсете отырып өтініш берушіге тізімнің көшірмесін жолдайды (тапсырады).
      Қабылданған құжаттар қаралады, Комитеттің Ұйымдастырушылық және кадр жұмысы басқармасы ЭҚАБЖ-да тіркеу нөмірін берумен бақылауға қояды. Тіркелген, тиісті дәрежеде ресімделген құжаттар Комитет басшысына одан әрі орындаушыға жіберу үшін беріледі.
      Құжаттардың тапсырылғандығын растау оның Комитет кеңсесінде тіркелуі болып табылады.
      14. Зияткерлік меншiк объектiлерін кедендік тiзілімге енгізу үшін қажетті құжаттардың тізімі Стандарттың 11-тармағында көрсетілген.
      15. Өтініште не оған қоса берілген құжаттарда көрсетілген мәліметтер өзгерген жағдайда, өтініш беруші ол туралы Комитетке мәліметтер өзгерген күннен бастап күнтізбелік он бес күннен кешіктірмей жазбаша түрде хабарлауға міндетті.
      16. Ақпараттық қауіпсіздікке талаптар жоқ.
      17. Мемлекеттік қызмет көрсету процесіне мына ҚФБ қатысады:
      1) Комитеттің Ұйымдастырушылық және кадр жұмысы басқармасының қызметкері (лері);
      2) Комитеттің төрағасы;
      3) Комитет төрағасының орынбасары;
      4) Комитеттің Кедендік бақылауды ұйымдастыру басқармасының бастығы;
      5) Комитеттің Кедендік бақылауды ұйымдастыру басқармасының қызметкері (лері);
      6) Комитеттің Құқықтық қамтамасыз ету басқармасының бастығы;
      7) Комитеттің Құқықтық қамтамасыз ету басқармасының қызметкері (лері).
      18. ҚФБ іс-қимыл реттілігінің сипаттамасы әрбір іс-қимылдың орындалу мерзімі белгілене отырып осы Регламенттің 1-қосымшасында қарастырылған.
      19. Авторлық құқық пен сабақтас құқық объектілерін, тауар таңбаларын, қызмет көрсету таңбалары мен тауарлар шығарылатын жерлердің атауларын зияткерлік меншік объектілерінің кедендік тізіліміне енгізу сызбасы осы Регламенттің 2-қосымшасында қарастырылған.

«Авторлық құқық пен сабақтас құқық объектілерін,
тауар таңбаларын, қызмет көрсету таңбалары    
мен тауарлар шығарылатын жерлердің атауларын  
зияткерлік меншік объектілерінің кедендік  
тізіліміне енгізу» мемлекеттік қызметтің регламентіне
1-қосымша                   

ҚФБ іс-қимыл реттілігінің сипаттамасы әрбір іс-қимылдың орындалу мерзімі

1-Кесте. ҚФБ іс-қимылының сипаттамасы

кестенің жалғасы:

2-Кесте. Қолдану нұсқалары. Негізгі процесс.

3-Кесте. Қолдану нұсқалары. Балама процесс.

«Авторлық құқық пен сабақтас құқық объектілерін,
тауар таңбаларын, қызмет көрсету таңбалары     
мен тауарлар шығарылатын жерлердің атауларын   
зияткерлік меншік объектілерінің кедендік      
тізіліміне енгізу» мемлекеттік қызметтің регламентіне
2-қосымша                         

Авторлық құқық пен сабақтас құқық объектілерін, тауар
таңбаларын, қызмет көрсету таңбалары мен тауарлар шығарылатын
жерлердің атауларын зияткерлік меншік объектілерінің
кедендік тізіліміне енгізу сызбасы

Қазақстан Республикасы  
Қаржы министрінің      
2012 жылғы 8 қазандағы № 456
бұйрығына 2-қосымша   

«Уәкілетті экономикалық оператор мәртебесін беру»
мемлекеттік қызмет көрсетудің регламенті

1. Жалпы ережелер

      1. «Уәкілетті экономикалық оператор мәртебесін беру» мемлекеттік қызмет көрсетудің регламенті (бұдан әрі – Регламент) «Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1-баптарына сәйкес әзірленген.
      2. Осы Регламентте мынадай негізгі ұғымдар мен аббревиатуралар пайдаланылады:
      1) уәкілетті экономикалық оператор (бұдан әрі – УЭО) УЭО мәртебесін беру шарттарына сәйкес келетін УЭО-ға берілетін, арнайы оңайлатуларды пайдалануға құқылы заңды тұлға болып табылады;
      2) кеден ісі саласындағы уәкілетті орган – Қазақстан Республикасы Қаржы министрлігінің Кедендік бақылау комитеті (бұдан әрі – Комитет);
      3) мемлекеттік қызмет – УЭО мәртебесін беру;
      4) ЭҚАБЖ – Электрондық құжат айналымының бірыңғай жүйесі.
      3. Мемлекеттік қызметті Комитет ұсынады.
      4. Ұсынылатын мемлекеттік қызметтің нысаны: автоматтандырылмаған.
      5. Мемлекеттік қызмет:
      1) «Қазақстан Республикасындағы кеден ісі туралы» Қазақстан Республикасының 2010 жылғы 30 маусымдағы № 296-IV Кодексінің (бұдан әрі - Кодекс);
      2) «Қазақстан Республикасы Қаржы министрлігінің Кедендік бақылау комитеті көрсететін мемлекеттік қызмет көрсетулердің стандарттарын бекіту туралы» Қазақстан Республикасы Үкіметінің 2012 жылғы 8 қыркүйектегі № 1169 қаулысымен бекітілген «Уәкілетті экономикалық оператордың мәртебесін беру» мемлекеттік қызмет көрсету стандартының (бұдан әрі – Стандарт);
      3) «Уәкілетті экономикалық операторлар сауалнамасын, тізілімін және тізілімге енгізу туралы куәлігін бекіту туралы» Қазақстан Республикасы Қаржы министрінің 2010 жылғы 26 шілдедегі нормативтік құқықтық актілерді мемлекеттік тіркеу тізілімінде № 6383 тіркелген № 372 бұйрығының (бұдан әрі – Бұйрық) негізінде ұсынылады.
      6. Мемлекеттік қызмет көрсету басқа мемлекеттік органдардың қатысуынсыз жүргізілмейді.
      7. Мемлекеттік қызмет көрсетудің нәтижесі заңды тұлғаға УЭО мәртебесін беру және УЭО тізіліміне осы Бұйрыққа 3-қосымшаға сәйкес нысан бойынша УЭО тізіліміне қосу туралы куәлікті беру, немесе бас тартудың себебін жазбаша түрде көрсете отырып, қызмет көрсетуді ұсынудан бас тарту туралы уәжді жауапты ұсыну болып табылады.
      Комитет УЭО тізілімін жүргізеді және ай сайын әр айдың бесінші күнінен кешіктірмей оны е.сustoms.kz - да жариялауды қамтамасыз етеді.
      8. Мемлекеттік қызмет тегін көрсетіледі.

2. Мемлекеттік қызмет көрсетудің тәртібіне қойылатын талаптар

      9. Мемлекеттік қызмет Стандарттың 1-тармағында көрсетілген мекен-жай бойынша көрсетіледі. Комитеттің жұмыс кестесі демалыс (сенбі және жексенбі) және мемлекеттік мереке күндерін қоспағанда, күн сайын сағат 09.00-ден 18.30-ға дейін, сағат 13.00-ден 14.30-ға дейін түскі үзіліс.
      10. Мемлекеттік қызмет көрсету мәселелері бойынша, оның ішінде шағымдану тәртібі туралы ақпаратты 8 (7172) 79-45-45 телефондары бойынша Комитеттің Кедендік бақылауды ұйымдастыру басқармасынан, сондай-ақ Стандарттың 1-тармағында көрсетілген мекен-жай бойынша алуға болады.
      11. Мемлекеттік қызмет көрсетудің мерзімі Стандарттың 7-тармағында көрсетілген.
      12. Осы мемлекеттік қызмет көрсетуді ұсынудан бас тарту үшін негіз Стандарттың 15-тармағында көрсетілген.
      Стандарттың 15-тармағында көрсетілген бұзушылықтар жойылған кезде УЭО мәртебесін алуға арналған арыз жалпы негізде қаралады.
      13. Мемлекеттік қызмет көрсетуге қатысатын тұлғалардың барынша аз саны - он.
      14. Мемлекеттік қызметті көрсету кезеңдері:
      1) ЭҚАБЖ-да тіркеу нөмірін берумен заңды тұлғалар ұсынған құжаттардың пакетін тексеру және қабылдау, өтініштің екінші данасына кіріс нөмірі бар мөртаңба қою басшыларға бөлу үшін беру;
      2) заңды тұлға ұсынған құжаттар пакетін жауапты құрылымдық бөлімшеге бөлу;
      3) Стандарттың 15-тармағында көзделген жағдайда бұдан әрі қараудан жазбаша түрде уәжді бас тартуды дайындайды;
      4) тізбеге сәйкес заңды тұлғамен ұсынған құжаттарды, Стандарттың 11-тармағына сәйкестігін қарау;
      5) Қазақстан Республикасы заңнамасындағы шарттарға заңды тұлғаның сәйкестігі туралы қорытындысын дайындау, УЭО мәртебесін беру бұйрықтың жобасын дайындау және заң қызметімен келісу, немесе бас тарту себебін хатты түрде дайындау;
      6) Қазақстан Республикасы заңнамасы шарттарына сәйкестігі туралы қорытындысын және УЭО мәртебесін беру туралы бұйрықты бекіту;
      7) УЭО мәртебесін беру туралы бұйрықты тіркеу;
      8) УЭО тізіліміне енгізу туралы куәлікті беру, немесе УЭО мәртебесін беруден бас тарту жөнінде шешім қабылдағаны туралы хатты жолдайды.

3. Мемлекеттік қызмет көрсету процессіндегі әрекеттердің
(өзара іс-қимылдық) тәртібін сипаттау

      15. Комиттетің кеңсесі УЭО мәртебесін алуға ұсынылған құжаттарды қабылдайды (қолма-қол, не поштамен). Комитеттің кеңсесі қабылданған күнді көрсете отырып өтініш берушіге тізімнің көшірмесін жолдайды (тапсырады).
      Қабылданған құжаттар қаралады, Комитеттің кеңсесі ЭҚАБЖ-да тіркеу нөмірін бере отырып бақылауға қояды. Тіркелген, тиісті түрде ресімделген құжаттар Комитет басшысына одан әрі орындаушыға жіберу үшін беріледі.
      Құжаттарды Комитеттің кеңсесінде тіркеу және қабылдау туралы мөр қою құжаттарды тапсырудың растамасы болып табылады.
      16. УЭО мәртебесін алу үшін қажетті құжаттардың тізбесі Стандарттың 11-тармағында көрсетілген.
      17. Ақпараттық қауіпсіздікке талаптар жоқ.
      18. Мемлекеттік қызмет көрсету процесіне мынадай ҚФБ қатысады:
      1) Комитеттің Ұйымдастырушылық және кадр жұмысы басқармасының қызметкері (лері);
      2) Комитеттің төрағасы;
      3) Комитет төрағасының орынбасары;
      4) Комитеттің Кедендік бақылауды ұйымдастыру басқармасының бастығы;
      5) Комитеттің Кедендік бақылауды ұйымдастыру басқармасының қызметкері (лері);
      6) Комитеттің Құқықтық қамтамасыз ету басқармасының бастығы;
      7) Комитеттің Құқықтық қамтамасыз ету басқармасының қызметкері (лері);
      8) Комитеттің Кедендік кірістер басқармасының бастығы;
      9) Комитеттің Пост кедендік бақылау басқармасының бастығы;
      10) Комитеттің Контрабандаға қарсы күрес басқармасының бастығы.
      19. Құрылымдық-функционалдық бірліктері әкімшілік іс-қимылдары (рәсімдері) дәйектілігінің және өзара іс-қимылының сипаттамасы осы Регламенттің 1-қосымшасында келтірілген.
      20. Заңды тұлғаға Уәкілетті экономикалық оператор мәртебесін беру сызбасы осы Регламенттің 2-қосымшасында келтірілген.

«Уәкілетті экономикалық  
оператор мәртебесін беру»  
мемлекеттік қызмет регламентіне
1-қосымша         

Құрылымдық-функционалдық бірліктері әкімшілік іс-қимылдары
(рәсімдері) дәйектілігінің және өзара іс-қимылының сипаттамасы

1-кесте. ҚФБ іс-қимылының сипаттамасы

кестенің жалғасы:

2-Кесте. Қолдану нұсқалары. Негізгі процесс.

3-Кесте. Қолдану нұсқалары. Балама процесс.

«Уәкілетті экономикалық  
оператор мәртебесін беру»  
мемлекеттік қызметтің регламентіне
2-қосымша       

Уәкілетті экономикалық оператор мәртебесін беру сызбасы

Қазақстан Республикасы 
Қаржы министрінің    
2012 жылғы 8 қазандағы № 456
бұйрығына 3-қосымша  

«Кеден өкілдерінің тізіліміне енгізу»
мемлекеттік қызмет көрсетудің регламенті

1. Жалпы ережелер

      1. Осы «Кеден өкілдерінің тізіліміне енгізу» мемлекеттік қызметтің регламенті (бұдан әрі – Регламент) «Қазақстан Республикасындағы кеден ісі туралы» Қазақстан Республикасының 2010 жылғы 30 маусымдағы № 296-IV Кодексінің (бұдан әрі – Кодекс) 25-28-баптарына сәйкес әзірленген.
      2. Осы Регламентте мынадай негізгі түсініктер мен аббревиатуралар пайдаланылады:
      1) Комитет – Қазақстан Республикасы Қаржы министрлігінің Кедендік бақылау комитеті;
      2) құрылымдық-функционалдық бірліктер (бұдан әрі – ҚФБ) – мемлекеттік қызмет көрсету процесіне қатысатын, Комитеттің жауапты лауазымды тұлғалары және құрылымдық бөлімшелері;
      3) мемлекеттік қызмет – кеден өкілдерінің тізіліміне енгізу;
      4) ЭҚАБЖ – электронды құжат айналымының бірыңғай жүйесі.
      3. Мемлекеттік қызметті Комитет ұсынады.
      4. Ұсынатын мемлекеттік қызметтің нысаны: автоматтандырылмаған.
      5. Мемлекеттік қызмет:
      1) «Қазақстан Республикасындағы кеден ісі туралы» Қазақстан Республикасы Кодексінің;
      2) «Қазақстан Республикасы Қаржы министрлігінің Кедендік бақылау комитетімен көрсетілетін мемлекеттік қызмет стандарттарын бекіту туралы» Қазақстан Республикасы Үкіметінің 2012 жылғы 8 қыркүйектегі № 1169 қаулысымен бекітілген «Кеден өкілдерінің тізіліміне енгізу» мемлекеттік қызмет көрсету стандартының (бұдан әрі – Стандарт) негізінде ұсынылады.
      6. Мемлекеттік қызмет Комитетпен көрсетіледі.
      7. Мемлекеттік қызметтің нәтижесі болып заңды тұлғаларды кеден өкілдерінің тізіліміне енгізу немесе тұлғаны кеден өкілдерінің тізіліміне енгізуден жазбаша түрдегі уәжді бас тартуы болып табылады.
      8. Мемлекеттік қызмет тегін көрсетіледі.

2. Мемлекеттік қызмет көрсетудің тәртібіне қойылатын талаптар

      9. Мемлекеттік қызмет Стандарттың 1-тармағында көрсетілген мекен-жай бойынша көрсетіледі. Комитеттің жұмыс кестесі демалыс (сенбі және жексенбі) және мемлекеттік мереке күндерін қоспағанда, күн сайын сағат 13.00-ден 14.30-ға дейін түскі үзіліспен, сағат 09.00-ден 18.30-ға дейін.
      10. Мемлекеттік қызмет көрсетудің мәселелері бойынша, соның ішінде шағымдану тәртібі туралы ақпаратты (8-717-2) 79-45-45 телефоны бойынша Комитеттің Кедендік бақылауды ұйымдастыру басқармасынан, сондай-ақ Стандарттың 1-тармағында көрсетілген мекен-жайы бойынша алуға болады.
      11. Мемлекеттік қызмет көрсетудің мерзімі Стандарттың 7-тармағында көрсетілген.
      12. Осы мемлекеттік қызметті ұсынудан бас тарту негізі Стандарттың 16-тармағында көрсетілген.
      13. Мемлекеттік қызмет көрсетуге қатысатын тұлғалардың ең аз мөлшері – біреу.
      14. Мемлекеттік қызметті көрсету кезеңдері:
      1) ЭҚАБЖ-да тіркеу нөмірін берумен мәлімдеуші ұсынған құжаттар пакетін қабылдау және тексеру, арыздың екінші данасына кіріс нөмірі бар мөртаңба қою, бөлу үшін басшыларға беру;
      2) мәлімдеуші ұсынған құжаттар пакетін жауапты құрылымдық бөлімшеге бөлу;
      3) мәлімдеуші ұсынған құжаттардың Стандарттың 11, 12-тармақтарына сәйкестігін қарау;
      4) Комитеттің кеден өкілдерінің тiзіліміне енгізуден бас тарту туралы шешімі Стандарттың 16-тармағында көзделген жағдайда қабылданады;
      5) кеден өкілдерінің тiзіліміне енгізу туралы бұйрықтың жобасын дайындау және заң қызметімен келісу;
      6) кеден өкілдерінің тізіліміне енгізу туралы бұйрықты тіркеу;
      7) кеден өкілдерінің тізіліміне енгізу туралы мәлімдеушіге жазбаша түрде хабарлау;
      8) тұлғаны кеден өкілдерінің тізіліміне енгізген немесе енгізуден бас тартқан жағдайда Комитет өтініш берушіні жазбаша нысанда хабардар етеді;
      9) өтініш берушімен осы бұзушылықтар жойылған кезде Кодексте белгіленген тәртіпте өтініші қайта қаралады;
      10) кеден өкілдерінің тізіліміне енгізілгеннен кейін Комитет Комитеттің көрсетілген www.e.customs.kz интернет-ресурсына немесе 8 (7172) 79-45-45 телефоны бойынша жаңартылған тізілімін орналастыруды қамтамасыз етеді.

3. Мемлекеттік қызмет көрсету процесіндегі іс-әрекет
(өзара іс-әрекет) тәртібінің сипаттамасы

      15. Мәлімдеуші ұсынған құжаттар Комитеттің Ұйымдастырушылық және кадр жұмысы басқармасымен тізімдеме бойынша (қолма-қол, не поштамен) қабылданады. Тізімдеменің көшірмесін Комитет кеңсесімен қабылданған күнді көрсете отырып, мәлімдеушіге жолданады (тапсырылады).
      Қабылданған құжаттар қаралады, Комитеттің Ұйымдастырушылық және кадр жұмысы басқармасымен ЭҚАБЖ-да тіркеу нөмірін берумен бақылауға қойылады. Тіркелген, тиісті түрде ресімделген құжаттар Комитет басшысына келесі орындаушыға беру үшін беріледі.
      Құжаттардың тапсырылғандығын оның Комитет кеңсесінде тіркелгендігі растайды.
      16. Кеден өкілдерінің тізіліміне енгізу үшін қажетті құжаттардың тізбесі Стандарттың 11, 12-тармақтарында көрсетілген.
      17. Арызда не оған қоса берілген құжаттарда көрсетілген мәліметтер өзгерген жағдайда, мәлімдеуші ол туралы кеден ісі саласындағы уәкілетті органға мәліметтер өзгерген күннен бастап күнтізбелік он бес күннен кешіктірмей жазбаша түрде хабарлауға міндетті.
      18. Ақпараттық қауіпсіздікке талаптар жоқ.
      19. Мемлекеттік қызмет көрсету процесіне мына ҚФБ қатысады:
      1) Комитеттің Ұйымдастырушылық және кадр жұмысы басқармасының қызметкері (лері);
      2) Комитеттің төрағасы;
      3) Комитет төрағасының орынбасары;
      4) Комитеттің Кедендік бақылауды ұйымдастыру басқармасының бастығы;
      5) Комитеттің Кедендік бақылауды ұйымдастыру басқармасының қызметкері (лері);
      6) Комитеттің Құқықтық қамтамасыз ету басқармасының бастығы;
      7) Комитеттің Құқықтық қамтамасыз ету басқармасының қызметкері (лері).
      20. ҚФБ іс-қимыл реттілігінің сипаттамасы әрбір іс-қимылдың орындалу мерзімін белгілеу осы Регламенттің 1-қосымшасында қарастырылған.
      21. ҚФБ және мемлекеттік қызмет көрсету процесіндегі кеден өкілдерінің тізіліміне енгізу тәртібі осы Регламенттің 2-қосымшасында қарастырылған.

«Кеден өкілдерінің тізіліміне енгізу»
мемлекеттік қызмет регламентіне    
1-қосымша                

ҚФБ іс-қимыл реттілігінің сипаттамасы әрбір іс-қимылдың орындалу мерзімі

1-кесте. ҚФБ іс-қимылының сипаттамасы

кестенің жалғасы:

2-кесте. Қолдану нұсқалары. Негізгі процесс.

3-кесте. Қолдану нұсқалары. Балама процесс.

«Кеден өкілдерінің тiзіліміне енгізу»
мемлекеттік қызмет регламентіне  
2-қосымша                

ҚФБ және мемлекеттік қызмет көрсету процесіндегі кеден өкілдерінің тізіліміне енгізу тәртібі

Қазақстан Республикасы   
Қаржы министрінің     
2012 жылғы 8 қазандағы № 456
бұйрығына 4-қосымша    

«Кедендік тасымалдаушылар тізіліміне енгізу»
мемлекеттік қызмет көрсетудің регламенті

1. Жалпы ережелер

      1. Осы «Кедендік тасымалдаушылар тізіліміне енгізу» мемлекеттік қызметтің регламенті (бұдан әрі – Регламент) «Қазақстан Республикасындағы кеден ісі туралы» Қазақстан Республикасының 2010 жылғы 30 маусымдағы № 296-IV Кодексінің 34 және 35-баптарына сәйкес әзірленген (бұдан әрі – Кодекс).
      2. Осы Регламентте мынадай негізгі түсініктер мен аббревиатуралар пайдаланылады:
      1) Комитет – Қазақстан Республикасы Қаржы министрлігінің Кедендік бақылау комитеті;
      2) құрылымдық-функционалдық бірліктер (бұдан әрі – ҚФБ) – мемлекеттік қызмет көрсету процесіне қатысатын, Комитеттің жауапты лауазымды тұлғалары және құрылымдық бөлімшелері;
      3) мемлекеттік қызмет – кедендік тасымалдаушылар тізіліміне енгізу;
      4) мәлімдеуші – кедендік тасымалдаушыларының тізіліміне енгізуге арыз берген заңды тұлға;
      5) ЭҚАБЖ – электронды құжат айналымының бірыңғай жүйесі.
      3. Мемлекеттік қызметті Комитет ұсынады.
      4. Ұсынатын мемлекеттік қызметтің нысаны: автоматтандырылмаған.
      5. Мемлекеттік қызмет:
      1) Кодекстің;
      2) «Қазақстан Республикасы Қаржы министрлігінің Кедендік бақылау комитетімен көрсетілетін мемлекеттік қызмет стандарттарын бекіту туралы» Қазақстан Республикасы Үкіметінің 2012 жылғы 8 қыркүйектегі № 1169 қаулысымен бекітілген «Кедендік тасымалдаушылар тізіліміне енгізу» мемлекеттік қызмет көрсету стандартының (бұдан әрі – Стандарт) негізінде ұсынылады.
      6. Мемлекеттік қызметтің нәтижесі болып кедендік тасымалдаушыларының тізіліміне енгізу туралы куәлігін беру немесе кедендік тасымалдаушыларының тізіліміне енгізуден жазбаша түрдегі уәжді бас тартуы туралы кеден ісі саласындағы уәкілетті органның шешімі болып табылады.
      7. Мемлекеттік қызмет тегін көрсетіледі.

2. Мемлекеттік қызмет көрсетудің тәртібіне қойылатын талаптар

      8. Мемлекеттік қызмет Стандарттың 1-тармағында көрсетілген мекен-жайы бойынша көрсетіледі. Уәкілетті органның жұмыс кестесі демалыс (сенбі және жексенбі) және мемлекеттік мереке күндерін қоспағанда, күн сайын сағат 13.00-ден 14.30-ға дейін түскі үзіліспен, сағат 09.00-ден 18.30-ға дейін.
      9. Мемлекеттік қызмет көрсетудің мәселелері бойынша, соның ішінде шағымдану тәртібі туралы ақпаратты (8-717-2) 79-45-45 телефоны бойынша Комитеттің Кедендік бақылауды ұйымдастыру басқармасынан, сондай-ақ Стандарттың 1-тармағында көрсетілген мекен-жайы бойынша алуға болады.
      10. Мемлекеттік қызмет көрсетудің мерзімі Стандарттың 7-тармағында көрсетілген.
      11. Осы мемлекеттік қызметті ұсынудан бас тарту үшін негіз Стандарттың 16-тармағында көрсетілген.
      12. Мемлекеттік қызметті көрсету кезеңдері:
      1) ЭҚАБЖ-да тіркеу нөмірін берумен мәлімдеуші ұсынған құжаттар пакетін қабылдау және тексеру, арыздың екінші данасына кіріс нөмірі бар мөртаңба қою, бөлу үшін басшыларға беру;
      2) мәлімдеуші ұсынған құжаттар пакетін жауапты құрылымдық бөлімшеге беру;
      3) мәлімдеуші ұсынған құжаттарды Стандарттың 11, 12-тармақтарына сәйкестігін қарау;
      4) Комитеттің кедендік тасымалдаушыларының тiзіліміне енгізуден бас тарту туралы шешімі Стандарттың 16-тармағында көзделген жағдайда қабылданады;
      5) кедендік тасымалдаушылар тiзіліміне енгізу туралы бұйрықтың жобасын дайындау және заң қызметімен келісу;
      6) кедендік тасымалдаушылар тізіліміне енгізу туралы бұйрықты тіркеу;
      7) кедендік тасымалдаушылар тізіліміне енгізу туралы куәлігін беру;
      8) кедендік тасымалдаушыларының тізіліміне енгізу туралы мәлімдеушіге жазбаша түрде хабарлау.

3. Мемлекеттік қызмет көрсету процесіндегі іс-әрекет (өзара
іс-әрекет) тәртібінің сипаттамасы

      13. Мәлімдеуші ұсынған құжаттар Комитеттің Ұйымдастырушылық және кадр жұмысы басқармасымен тізімдеме бойынша (қолма-қол, не поштамен) қабылданады. Тізімдеменің көшірмесін Комитет кеңсесімен қабылданған күнді көрсете отырып, мәлімдеушіге жолданады (тапсырылады).
      Қабылданған құжаттар қаралады, Комитеттің Ұйымдастырушылық және кадр жұмысы басқармасымен ЭҚАБЖ-да тіркеу нөмірін берумен бақылауға қойылады. Тіркелген, тиісті түрде ресімделген құжаттар Комитет басшысына келесі орындаушыға беру үшін беріледі.
      Құжаттардың тапсырылғандығын оның Комитет кеңсесінде тіркелгендігі растайды.
      14. Кедендік тасымалдаушылардың тізіліміне енгізу үшін қажетті құжаттардың тізбесі Стандарттың 11, 12-тармақтарында көрсетілген.
      15. Арызда не оған қоса берілген құжаттарда көрсетілген мәліметтер өзгерген жағдайда, мәлімдеуші ол туралы Комитетке мәліметтер өзгерген күннен бастап күнтізбелік он бес күннен кешіктірмей жазбаша түрде хабарлауға міндетті.
      16. Ақпараттық қауіпсіздікке талаптар жоқ.
      17. Мемлекеттік қызмет көрсету процесіне мына ҚФБ қатысады:
      1) Комитеттің Ұйымдастырушылық және кадр жұмысы басқармасының қызметкері (лері);
      2) Комитеттің төрағасы;
      3) Комитет төрағасының орынбасары;
      4) Комитеттің Кедендік бақылауды ұйымдастыру басқармасының бастығы;
      5) Комитеттің Кедендік бақылауды ұйымдастыру басқармасының қызметкері (лері);
      6) Комитеттің Құқықтық қамтамасыз ету басқармасының бастығы;
      7) Комитеттің Құқықтық қамтамасыз ету басқармасының қызметкері (лері).
      18. ҚФБ іс-қимыл реттілігінің сипаттамасы әрбір іс-қимылдың орындалу мерзімін белгілеумен осы Регламенттің 1-қосымшасында көзделген.
      19. Кедендік тасымалдаушылар тізіліміне енгізу сызбасы осы Регламенттің 2-қосымшасында көзделген.

«Кедендік тасымалдаушылар тізіліміне
енгізу» мемлекеттік қызметінің   
регламентіне 1-қосымша       

ҚФБ іс-қимыл реттілігінің сипаттамасы әрбір іс-қимылдың орындалу мерзімі

1-кесте. ҚФБ іс-қимылының сипаттамасы

кестенің жалғасы:

2-Кесте. Қолдану нұсқалары. Негізгі процесс.

3-Кесте. Қолдану нұсқалары. Балама процесс.

«Кедендік тасымалдаушылар тiзіліміне енгізу»
мемлекеттік қызмет регламентіне      
2-қосымша                  

Кедендік тасымалдаушылар тізіліміне енгізу сызбасы

Қазақстан Республикасы  
Қаржы министрінің     
2012 жылғы 8 қазандағы № 456
бұйрығына 5-қосымша   

«Тауарларды кедендік тазарту және шығару»
мемлекеттік қызмет регламенті

1. Жалпы ережелер

      1. Осы «Тауарларды кедендік тазарту және шығару» мемлекеттік қызметінің регламенті (бұдан әрі – Регламент) «Әкімшілік рәсімдер туралы» Қазақстан Республикасы 2000 жылғы 27 қарашадағы Заңының 9-1-бабының 4-тармағына сәйкес дайындалған және мемлекеттік қызмет көрсету механизмін айқындайды.
      2. Осы Регламентте мына негізгі ұғымдар қолданылады:
      1) кедендік тазарту – тауарларды ішкі тұтынуға енгізу үшін, олардың экспорты үшін немесе тауарларға басқа кедендік рәсімді қолдану үшін қажетті, Кеден одағы және Қазақстан Республикасы кеден заңдарында белгіленген кедендік операцияларды жасау;
      2) кеден ісі саласындағы уәкілетті орган – Қазақстан Республикасы Қаржы министрлігі Кедендік бақылау комитеті (бұдан әрі – Комитет);
      3) кедендік тазарту және тауарларды шығаруға байланысты, кедендік операцияларды жасауға уәкілетті кеден органы (бұдан әрі – кеден органы) - Қазақстан Республикасы Қаржы министрлігі Кедендік бақылау комитетінің аумақтық бөлімшелері;
      4) мемлекеттік қызметті алушы – декларанттар немесе кеден өкілдері болып табылатын жеке және заңды тұлғалар;
      5) тауарларға арналған декларация (бұдан әрі - ТД) – бекітілген нысан бойынша құрастырылған тауарлар туралы, таңдалған кедендік рәсім туралы мәліметтер және тауарларды шығару үшін қажетті басқа да мәліметтер бар құжат;
      6) тауарларды шығару – кеден органдарының мүдделі тұлғаларға тауарларды мәлімдеген кедендік рәсім талаптарына сәйкес немесе осы Кодекске сәйкес кедендік рәсімдермен орналастыруға жатпайтын тауарлардың жекелеген санаттары үшін белгіленген шарттарға сәйкес пайдалануға рұқсат беретін әрекет.
      3. «Қазақстан Республикасы Қаржы министрлігінің Кедендік бақылау комитетімен көрсетілетін мемлекеттік қызмет стандарттарын бекіту туралы» Қазақстан Республикасы Үкіметінің 2012 жылғы 8 қыркүйектегі № 1169 қаулысымен бекітілген «Тауарларды кедендік тазарту және шығару» мемлекеттік қызмет көрсету стандартының (бұдан әрі – Стандарт) 1-қосымшасында көрсетілген тізбеге сәйкес кеден органдары көрсетеді.
      4. Көрсетілетін мемлекеттік қызмет нысаны: автоматтандырылмаған.
      5. Мемлекеттік қызмет:
      1) «Қазақстан Республикасындағы кеден ісі туралы» Қазақстан Республикасы 2010 жылғы 30 маусымдағы № 298-IV Кодексінің (бұдан әрі - Кодекс) 271, 277-баптарының;
      2) «Тауарларды кедендік тазарту және шығару» мемлекеттік қызмет стандартының (бұдан әрі - Стандарт) негізінде көрсетіледі.
      6. Тауарларға арналған декларацияға (декларацияда), тауарларға арналған декларация ретінде пайдаланылатын коммерциялық, көліктік (тасымалдау) құжаттарда, сондай-ақ кеден органының ақпараттық жүйелеріндегі тиісті мәліметтерде тиісті белгілерді енгізу (қою) жолымен Кеден одағының және Қазақстан Республикасының кеден заңнамасында белгіленген тәртіппен мәлімделген кедендік рәсімге сәйкес тауарларды шығару туралы шешім не қағаз тасымалдағышында қызмет көрсетуден бас тарту туралы дәлелді жауап беру мемлекеттік қызметтің нәтижесі болып табылады.
      7. Мемлекеттік қызмет ақылы көрсетіледі.

2. Мемлекеттік қызмет көрсету тәртібіне талаптар

      8. Мемлекеттік қызметті кеден органдары көрсетеді, оның мекен-жайы және жұмыс кестесі Стандарттың 1-қосымшасында көрсетілген.
      9. Мемлекеттік қызметті көрсетудің шарттары және қажетті құжаттар туралы толық ақпараттар, Комитеттің интернет-ресурстарында: e.customs.kz, мемлекеттік қызмет көрсету орындарының стендттерінде, ресми ақпарат көздерінде, сондай-ақ Стандартқа 1-қосымшада көрсетілген мекен-жайлар бойынша орналастырылған.
      10. Мемлекеттік қызметті көрсету мерзімі Стандарттың 7-тармағында көрсетілген.
      11. Осы мемлекеттік қызметті ұсынудан бас тарту негізі Стандарттың 16-тармағында көрсетілген.
      12. Мемлекеттік қызмет көрсету кезеңдері мемлекеттік қызмет алушыдан өтініш алған сәттен бастап және мемлекеттік қызмет нәтижесін беру сәтіне дейін:
      1) Мемлекеттік қызметті алу үшін мемлекеттік қызметті алушы тауарларды кедендік тазартумен және шығарумен байланысты кедендік операцияларды жасауға уәкілетті кеден органына ТД және кедендік декларациялау кезінде пайдаланылатын Кодекстің 281 және 282-баптарымен белгіленген құжаттарды ұсынуы, ал электр беру желілері бойынша және құбыржол көлігімен өткізілетін тауарларды кедендік декларациялау кезінде осы тармақтың бірінші бөлігінде белгіленген құжаттарға қосымша Кодекстің 447-бабының 6-тармағымен және Кодекстің 448-бабының 3-тармағымен белгіленген құжаттарды ұсынуы қажет;
      2) құжаттар тізімдемесінің екі данасында лауазымды тұлғаның тегі және аты-жөні көрсетіле отырып, күні мен уақытын қою ТД-ны және құжаттарды беруді растау болып табылады. ТД-ны, оның электронды көшірмесін және қажетті құжаттарды беру күні мен уақытын кеден органының уәкілетті лауазымды тұлғасы ТД-ны тіркеу журналында белгілейді;
      3) ТД-ны тіркеуден бас тартуға негіздеме болмаған жағдайда, лауазымды тұлға ТД-ны берген сәттен бастап 2 (екі) сағаттан аспайтын мерзім ішінде ТД-ға белгіленген тәртіппен қалыптастырылған тіркеу нөмірін береді. ТД-ға реттік нөмір ТД-ны тіркеу журналы бойынша беріледі;
      4) ТД-ны тіркегеннен кейін лауазымды тұлға қол қоюмен және жеке нөмірлік мөрін қоюмен куәландырылатын тізімдеменің 2 (екі) данасында ТД-ның тіркеу нөмірін және оны тіркеген уақытын көрсетеді, сондай-ақ ТД-ның тиісті бағанында тіркеу нөмірін көрсетеді;
      5) тізімдеменің бір данасы тиісті белгілерді қойғаннан кейін декларантқа немесе кеден өкіліне қайтарылады, екінші – ТД-ға және құжаттарға қоса тіркеледі. Тіркеу нөмірі берілген сәттен бастап ТД заңды мәні бар фактілер туралы куәландыратын құжат болып табылады;
      6) Тауарларды шығару, шығаруды тоқтата тұру не шығарудан бас тарту туралы шешімді уәкілетті лауазымды тұлға мөртаңба қою және ТД-ның «С» және «D» бағандарына тиісті жазбаларды енгізу жолымен, сондай-ақ кеден органының ақпараттық жүйелеріне тиісті мәліметтерді енгізу жолымен қабылдайды;
      7) Көрсетілген белгілер кеден органының уәкілетті лауазымды тұлғасының қол қолымен және жеке нөмірлі мөрінің бедерімен куәландырылады;
      8) Тауарларды шығару туралы шешім қабылданғаннан кейін кеден органының уәкілетті лауазымды тұлғасы тізімдемеге сәйкес ТД-ға қоса берілген құжаттардың жиынтығын қалыптастырады және мемлекеттік қызметті алушыға ТД-ның белгіленген даналарын және қоса берілген құжаттарды немесе жазбаша түрде не қызмет көрсетуден бас тарту туралы дәлелді жауап беру береді.

3. Мемлекеттік қызмет көрсету барысындағы әрекеттер
(өзара әрекеттер) тәртібінің сипаттамасы

      13. Кедендік декларациялау кезінде пайдаланылатын құжаттар және ТД–лар құжаттар тізімдемесінің екі данасында лауазымды тұлғаның тегі және аты-жөні көрсетіле отырып, күні мен уақытын қою жолымен кеден органының уәкілетті лауазымды тұлғасы ТД-ны тіркеу журналында белгілейді.
      14. Кедендік декларациялау кезінде пайдаланылатын қажетті құжаттардың толық тізімін Кодекстің 281 және 282-баптарымен белгіленген құжаттарды ұсынуы, ал электр беру желілері бойынша және құбыржол көлігімен өткізілетін тауарларды кедендік декларациялау кезінде осы тармақтың бірінші бөлігінде белгіленген құжаттарға қосымша Кодекстің 447-бабының 6-тармағымен және Кодекстің 448-бабының  3-тармағымен белгіленген құжаттарды ұсынуы қажет.
      15. Ақпараттық қауіпсіздікке қойылатын талаптар:
      Комитет Кодекстің 71-бабына сәйкес ақпаратты қорғау бойынша талаптарды сақтауға бақылау жүргізеді.
      16. Мемлекеттік қызмет көрсету процесінде бір құрылымдық–функционалдық бірлік (бұдан әрі – ҚФБ) – кеден органының уәкілетті лауазымды тұлғасы қатыстырылады.
      17. Әр ҚФБ әкімшілік іс-әрекетінің (рәсімдерінің) және ретінің мәтіндік кестелік сипаттамасы, әрбір әкімшілік іс-әрекетінің (рәсімдерінің) орындалу уақытын көрсетілуімен осы Регламентке 1-қосымшада көрсетілген.
      18. Мемлекеттік қызмет көрсету процесінде әкімшілік іс-әрекетінің логикалық ретінің арасындағы өзара байланысты көрсететін сызба және ҚФБ, осы Регламентке 2-қосымшада көрсетілген.

«Кедендік тазарту және тауарларды шығару»
мемлекеттік қызмет көрсету регламентіне
1-қосымша                    

Әр ҚФБ әкімшілік іс-әрекетінің (рәсімдерінің) және ретінің
мәтіндік кестелік сипаттамасы, әрбір әкімшілік іс-әрекетінің
(рәсімдерінің) орындалу уақытын көрсетілуі

Кесте 1. ҚФБ іс-әрекеттерін сипаттау.

кестенің жалғасы

Кесте 2. Қолдану нұсқалары. Негізгі үдеріс

Кесте 3. Қолдану нұсқалары. Баламалық үдеріс

«Кедендік тазарту және тауарларды шығару»
мемлекеттік қызмет көрсету регламентіне  
2-қосымша                 

Мемлекеттік қызмет көрсету процесінде әкімшілік іс-әрекетінің логикалық ретінің арасындағы өзара байланысты көрсететін сызба