"Қызмет көрсету статистикасы бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы" Қазақстан Республикасы Статистика агенттігі төрағасының 2010 жылғы 20 қыркүйектегі № 264 бұйрығына өзгерістер енгізу туралы

      Ескерту. Күші жойылды - ҚР Статистика агенттігі төрағасының 28.08.2013 № 205 бұйрығымен (01.01.2014 бастап қолданысқа енгізіледі).

      Мемлекеттік статистиканы жетілдіру мақсатында, сондай-ақ «Мемлекеттік статистика туралы» Қазақстан Республикасы Заңының
12-бабының 2) және 7) тармақшаларына сәйкес, БҰЙЫРАМЫН:
      1. «Қызмет көрсету статистикасы бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы» Қазақстан Республикасы Статистика агенттігі (бұдан әрі – Агенттік) төрағасының 2010 жылғы 20 қыркүйектегі № 264 бұйрығына (Нормативтік құқықтық актілерді мемлекеттік тіркеу тізілімінде № 6570 болып тіркелген, 2011 жылғы 19 сәуірдегі № 154-155 (26557) «Егемен Қазақстан» газетінде жарияланған) мынадай өзгерістер енгізілсін:
      1, 2, 3, 4, 9, 10, 11, 12, 15, 16-қосымшалар осы бұйрықтың 1, 2, 3, 4, 5, 6, 7, 8, 9, 10-қосымшаларына сәйкес редакцияда жазылсын.
      2. Қазақстан Республикасы Статистика агенттігінің Құқықтық және ұйымдық қамтамасыз ету департаменті Стратегиялық даму департаментімен бірге заңнамада белгіленген тәртіппен:
      1) осы бұйрықты Қазақстан Республикасы Әділет министрлігінде мемлекеттік тіркеуді қамтамасыз етсін;
      2) осы бұйрықты Қазақстан Республикасы Әдiлет министрлігінде мемлекеттiк тiркелгеннен кейiн күнтiзбелiк он күн iшiнде бұқаралық ақпарат құралдарына ресми жариялауға жіберсін;
      3) Қазақстан Республикасы Статистика агенттігінің интернет-ресурсында міндетті түрде жариялауды қамтамасыз етсін.
      3. Қазақстан Республикасы Статистика агенттігінің Стратегиялық даму департаменті осы бұйрықты Қазақстан Республикасы Статистика агенттігі құрылымдық бөлімшелерінің және аумақтық органдарының назарына жеткізсін.
      4. Осы бұйрықтың орындалуын бақылау Қазақстан Республикасы Статистика агенттігінің жауапты хатшысына жүктелсін.
      5. Осы бұйрық ресми жариялауға жатады және 2013 жылғы 1 қаңтардан бастап қолданысқа енгізіледі.

      Төрағаның
      міндетін атқарушы                          Ж. Жарқынбаев

      «КЕЛІСІЛГЕН»
      Қазақстан Республикасының
      Көлік және коммуникация
      министрі
      А. Жұмағалиев ______________
      2012 жылғы 18 маусым

      «КЕЛІСІЛГЕН»
      Қазақстан Республикасының
      Мәдениет және ақпарат министрi
      Д. Мыңбай ______________
      2012 жылғы 10 шілде

Қазақстан Республикасы   
Статистика агенттігі төрағасының
міндетін атқарушының   
2012 жылғы 28 маусымдағы  
№ 154 бұйрығына     
1-қосымша        

1. Кітапханалардың негізгі типтерін көрсетіңіз, бірлік
Укажите основные типы библиотек, единиц

2. Кітапханалар ғимараттарының (үй-жайларының) санын және олардың ауданын көрсетіңіз
Укажите количество зданий (помещений) библиотек и их площадь

3. Кітапхана қызметтерінің негізгі сипаттамаларын көрсетіңіз
Укажите основные характеристики деятельности библиотеки

4. Кітапхана қорының басылымдар тілдері бойынша қозғалысы туралы мәліметтерді көрсетіңіз, бірлік
Укажите сведения о движении библиотечного фонда по языкам изданий, единиц

5. Кітапхана қорының келесідей себептер бойынша жыл ішінде шығып қалғаны туралы мәліметтерді көрсетіңіз, бірлік
Укажите сведения о выбытии в течение года библиотечного фонда по причинам, единиц

6. Кітапхана қорының жыл соңына білім салалары бойынша жағдайын көрсетіңіз, бірлік
Укажите состояние библиотечного фонда на конец года по отраслям знаний, единиц

7. Әдебиетті беру туралы мәліметтерді көрсетіңіз, бірлік
Укажите сведения о выдаче литературы, единиц

8. Кітапханадағы ақпараттық-коммуникациялық технологиялардың барын көрсетіңіз, бірлік
Укажите наличие информационно-коммуникационных технологий в библиотеке, единиц

Атауы                         Мекенжайы
Наименование ___________________ Адрес______________________________

                                 Телефон ___________________________

Электрондық почта мекенжайы
Адрес электронной почты ____________________________________________

Орындаушының аты-жөні және телефоны
Фамилия и телефон исполнителя ______________________________________

Телефон _______________________________________

Басшы                        (Т.А.Ә., қолы)
Руководитель __________________ (Ф.И.О., подпись) __________________

Бас бухгалтер                (Т.А.Ә., қолы)
Главный бухгалтер ______________(Ф.И.О., подпись) __________________

                                                      М.О.
                                                      М.П.

Қазақстан Республикасы    
Статистика агенттігі төрағасының
міндетін атқарушының     
2012 жылғы 28 маусымдағы   
№ 154 бұйрығына       
2-қосымша          

Қазақстан Республикасы    
Статистика агенттігі төрағасының
2010 жылғы 20 қыркүйектегі 
№ 264 бұйрығына       
2-қосымша           

«Кітапхана қызметі туралы есеп» (коды 0561104, индексі
1-кітапхана, кезеңділігі жылдық) жалпымемлекеттік статистикалық
байқаудың статистикалық нысанын толтыру жөніндегі нұсқаулық

      1. Осы Нұсқаулық «Мемлекеттік статистика туралы» Қазақстан Республикасы Заңының 12-бабы 7) тармақшасына сәйкес әзірленді және «Кітапхана қызметі туралы есеп» (коды 0561104, индексі 1 – кітапхана, кезеңділігі жылдық) жалпымемлекеттік статистикалық байқаудың статистикалық нысанының толтырылуын нақтылайды.
      2. Келесі анықтамалар осы статистикалық нысанды толтыру мақсатында қолданылады:
      1) кiтапхана - ақпараттық, мәдени, бiлiм беру функцияларын орындайтын, баспа және қолжазба құжаттарының ұйымдастырылған қоры, сондай-ақ графикалық, дыбыстық-көрiнiс материалдары, электронды тасымалдағыштарда құжаттары бар және оларды жеке және заңды тұлғаларға уақытша пайдалануға беретiн мәдениет ұйымы;
      2) әмбебап кітапханалар – қорлары өзінің мазмұны жағынан әмбебаптық сипатты құрайтын, яғни өзінің құрамында барлық немесе білімнің көптеген салалары бойынша әдебиеттері бар кітапханалар. Бұл кітапханалар жалпыға қолжетімді, халықтың барлық топтарына немесе оқырмандардың кейбір санаттарына (балаларға, жасөспірімдерге) қызмет көрсетуге арналған болып табылады;
      3) ғылыми кітапханалар – ғылымның дамуын қамтамасыз ететін; зерттеу қызметімен байланысты ғылыми мекемелер мен жекелеген тұлғаларды тиісті қор мен ақпараттық-ізденіс аппаратының негізінде ақпараттық қажеттіліктерін қанағаттандыратын кітапханалар;
      4) арнайы кітапхана – пайдаланушылардың кәсіби қажеттіліктерін және оқырмандардың ерекше тобының басқа да арнайы қажеттіліктерін тиісті қор мен ақпараттық-іздестіру аппараты негізінде қамтамасыз ететін (патенттік-техникалық, зағиб және нашар көретін азаматтарға арналған кітапханалар, ғылыми зерттеу институтының кітапханасы және тағы басқа) кітапхана;
      5) әдебиеттерді беру пункті – тұрақсыз кітапханалық қызмет көрсету нысаны, жұмысын күніне бірнеше сағат немесе толық емес апта кітапхананың штатындағы қызметкері немесе кітапханалық беру пунктімен құрылған ұйым өкілі – қоғамшыл жүргізетін кітапхананың аумақтық оқшауланған бөлімшесі;
      6) жылжымалы пункт – арнайы жабдықталған, жиынтықталған көлік құралында (библиобус және тағы басқаларда) орналастырылған және өз орналасқан орнын тұрақты кітапханадан аумақтық шалғай орналасқан халықтың топтарына қызмет көрсету үшін өзгертетін кітапхана;
      7) оқырман – белгіленген құжаттардағы ресми жазбалар негізінде кітапхананы пайдаланатын тұлға;
      8) кітапхана интернет-ресурсын (порталын) пайдаланушы – кітапхана қызметіне жүгінетін, сондай-ақ ақпарат алу үшін интернет-ресурс/портал қызметін пайдаланатын тұлға, тұлғалар тобы немесе ұйым;
      9) кітапхана интернет-ресурсына (порталына) кіру – қаралған парақ беттерінің немесе элементтер санына қарамастан және кітапханаға дәстүрлі барумен салыстырылатын кітапхана шегінен тыс пайдаланушылардың интернет-ресурсқа/порталға жүгінуі;
      10) кітапханалық қор – құжаттарды сақтау және пайдалану үшін оның міндеттеріне, түрлері мен бейініне сәйкес қалыптастырылатын кітапханадағы құжаттардың жүйелендірілген жиынтығы;
      11) газеттер – өзекті қоғамдық-саяси, ғылыми, өндірістік және басқа да, сондай-ақ әдеби шығармалар, иллюстрациялар, фотографиялар және жарнамалар бойынша ресми материалдарды, жедел ақпаратты және мақалаларды қамтитын мерзімдік мәтіндік басылымдар;
      12) басқа да әдебиеттер - ноталық, картографиялық басылымдар, бейнебасылымдар;
      13) журналдар – тұрақты айдары бар және тұрмыстың әртүрлі мәселелері, табиғат, ғылым, әдеби, иллюстрациялық шығармалар бойынша мақалаларды қамтитын мерзімдік түптестірілген баспасөз басылымдары;
      14) кітап – көлемі 48 беттен асатын жазу, картография кестелері шығармаларының, ондағы басылған шығармаларды жақсы пайдалану үшін әдеби рәсімделген аппаратпен, құралдармен уақыт пен кеңістікте орнықтыру және табыстау құралы болып табылатын мерзімдік емес мәтіндік кітаби басылым;
      15) электронды басылымдарды беру – электронды басылымдарды есепке алу бірлігін анықтау кезінде берілген даналар бойынша деректерді пайдалану. Электронды басылымдар үшін даналар дискет пен оптикалық диск болып табылады;
      16) электронды каталог - машина есептейтін нысанда, нақты уақыт мерзімінде жұмыс істейтін, жергілікті және алыс жерлердегі кітапхана пайдаланушыларына ұсынылатын кітапхана каталогы;
      17) кітапхананың интернет-ресурсы – Интернет желісіндегі кітапхананың ресми мекенжайы. Интернет-ресурста кітапхананың қызметі, кітапхананың көрсететін қызметі мен ақпараттық ресурстары, кітапхананың электрондық каталогына қолжетімділік туралы барлық ақпарат көрсетіледі.
      3. Осы статистикалық нысанды толтыру кезінде АКБІС (Ақпарат, кітапхана және баспа ісі жүйесіндегі стандарттар), «Кітапханалық статистика» мемлекетаралық 7.20-2000 МЕМСТ және «Ақпараттық-кітапханалық қызмет, библиография. Терминдер және анықтамалар» 7.0-99 МЕМСТ басшылыққа алынады.
      Статистикалық нысанға енгізілетін деректер алғашқы есепке алу материалдарына – түгендеу кітаптарына, жиынтық есеп кітабына, кітапхана жұмысының күнделіктеріне, оқырмандар формулярларына негізделеді.
      Егер құрылымдық бөлімшеге заңды тұлға статистикалық нысанды тапсыру бойынша өкілеттік берген жағдайда, онда ол өзі орналасқан жердегі статистика органдарына осы есепті тапсырады. Егер құрылымдық бөлімшенің статистикалық нысанды тапсыру бойынша өкілеттіктері болмаған жағдайда, онда заңды тұлға есепті өзі орналасқан жердегі статистика органдарына олардың аумақтарын орналасқан жерлерін көрсете отырып, өзінің құрылымдық бөлімшелері бөлінісінде тапсырады.
      Кітапханалар нысаналы мақсаты, тұтынушылар контингенті, қорларының тақырыптық және түрлілік құрамы бойынша сараланады.
      Есепті жылы жұмыс істемеген, бірақ материалдық базасы бар кітапханалар 3-бөлімнің 2-7 жолдарын және 7-бөлімді толтырмайды.
      4. 1-бөлімнің 1-жолында кітапхананың құрылымдық бөлімшесі саналатын кітап беру пунктілері, жылжымалы кітапханалардың барлық түрлері, оқу залдары, балалар бөлімдері кітапханалық мекеме ретінде есепті бірлікке қабылданбайды. Кітапханалардың бұл бөлімшелерінің кітап қорлары мен қызметі олар құрамына кіретін кітапханалардың есебінде көрсетіледі. Бұл жол бойынша кітапхана теңгеріміндегі құрылымдық (ведомстволық бағыныстағы) бірліктер саны (есеп берген ұйымдар саны) көрсетіледі.
      5. 2-бөлімнің 3, 4 - жолдарында күрделі жөндеуді талап ететін және апатты жағдайдағы кітапханалар ғимараттарының (үй-жайларының) саны кітапхана ғимаратының (үй-жайының) техникалық жағдайын сипаттайтын акт (қорытынды) негізінде немесе белгіленген тәртіпте жазылған өзге де құжаттың негізінде толтырылады. Кітапханалар үй-жайларына мемлекеттік мекемелер, клубтар ғимараттарына және тағы басқаларда орналасқан үй-жайлар жатады.
      6. 3 - бөлімнің 2 жолында оқырмандар санына есепті кезең ішінде ең болмаса бір рет үйіне немесе кітапхана ішінде оқу үшін кітап, кітапша, журнал және басқа басылымдар алған адамдар есептеледі, ал олардың жыл ішіндегі келіп-кету саны есепке алынбайды. Оқырмандар саны тиісті бөлімдердің жылдық қорытынды деректері, кітапхана жұмысының күнделіктері, кітапханаға келген оқырмандар формулярлары негізінде толтырылады және жыл ішіндегі соңғы формулярдың реттік нөмірі бойынша анықталады. Бұл жолда кітапхананың барлық құрылымдық бөлімшелері қызмет көрсеткен, есепті жылда қайта тіркелген және жаңадан жазылған оқырмандардың жиынтық саны көрсетіледі Пайдаланушы болып кітапханада немесе одан тыс құжаттарды және қызметтерді пайдалану үшін кітапханада тіркелген адамдар немесе ұйымдар, кәсіпорындар, мекемелер саналады.
      3 - жолда кітапхана интернет-ресурсына (порталына) жүгінген пайдаланушыларды есептеу бірлігі ретінде кітапхананың серверінде тіркелген логин немесе пайдаланушының (адамның немесе ұйымның) ip-мекенжайы болып табылады. Пайдаланушылардың жалпы саны кітапхана серверінде тіркелген тұлғалардың және ұйымдардың бірдей емес логиндерінің немесе ip-мекенжайларының сандары бойынша есептеледі.
      5 - жолда оқырман формулярында немесе кітапханада қабылданған басқа да құжаттамада, сондай-ақ автоматтандырылған және механикаландырылған құралдарда тіркелген оқырмандардың кітапханаға (жазылуға, қайта тіркелуге, алуға, айырбастауға, басылымдар мен материалдарды қайтаруға, оларды қолдану мерзімін ұзартуға, газеттер мен журналдар қарауға, сондай-ақ кітапхана өткізетін көпшілік іс-шараларына қатысуға) келушілер саны көрсетіледі. Жеке абонемент бойынша жыл ішінде кітап алған оқырмандар саны жыл ішіндегі соңғы формулярдың реттік нөмірімен белгіленеді.
      6 - жолда кітапхана интернет-ресурсына (порталына) кіргендердің санын есептеу бірлігі кітапхана серверіне арналған бір өтініші болып табылады. Кіргендердің саны статистика есебі бойынша функционал немесе интернет-ресурсқа/порталға кірушілердің санаушысы арқылы есептеледі.
      7-жолда халыққа көрсетілген қызметтерден түскен (берілген оқырмандар билеттері, көшірме жасау үшін төлем, оқу залынан әдебиетті үйге бергендігі үшін төлем және т.б.) ақшалай қаражат қамтылады. Көрсетілген қызметтерден түскен табыстарға жергілікті және республикалық бюджеттерден түскен қаражаттар, қайырымдылық және басқа да жарналар кірмейді.
      7. 8-бөлімнің 1-жолында библиографиялық деректер базасындағы библиографиялық жазбалар саны көрсетіледі.
      2-жолда Интернет желісіне қатынау мүмкіндігі бар кітапханалар саны, 3-жолда Интернет желісіне сымсыз технология құралдары (WiFi) арқылы қатынау мүмкіндігі бар кітапханалар саны, 4-жолда пайдаланатын компьютерлер саны, 5-жолда жергілікті желі арқылы   интернет желісіне қатынау мүмкіндігі бар компьютерлер саны, 6-жолда көшірме-көбейту техникаларының саны, 7-жолда интернет-ресурстары бар кітапханалар саны көрсетіледі.
      8-жолда телефон нөмірлері санына кітапханада тіркелген және қызметте пайдаланылатын телефон нөмірлері жазылады.
      9-жолда көлік құралдарының санына кітапхана қызметінде пайдаланылатын, кітапхана теңгеріміндегі көлік құралдары жазылады.
      12. Арифметикалық-логикалық бақылау
      1) 1-бөлім. «Кітапханалардың негізгі типтері»:
      2-жол < 1-жолдан барлық бағандар үшін;
      2) 2-бөлім. «Кітапханалар ғимараттарының (үй-жайларының) саны және олардың аумағы»:
      3-жол < 1-жолдан әр баған үшін
      4-жол < 1-жолдан әр баған үшін
      1-баған > 2-бағаннан әр жол үшін;
      3) 3-бөлім. «Кітапхана қызметтерінің негізгі сипаттамалары»:
      2-жол > 4-жолдан әр баған үшін
      2-жол > 5-жолдан әр баған үшін
      3-жол > 2-жолдан әр баған үшін
      3-жол < 6-жолдан әр баған үшін
      1-баған > 2-бағаннан әр жол үшін;
      4) 4-бөлім. «Кітапхана қорының басылымдар тілдері бойынша қозғалысы туралы мәліметтер»:
      1-жол = 2 – 4-жолдардан әр баған үшін
      5-жол = 6 – 8-жолдардан әр баған үшін
      9-жол = 10 – 12-жолдардан әр баған үшін
      13-жол = 14 – 16-жолдардан әр баған үшін
      13-жол = 1 жол + 5 жол – 9-жол әр баған үшін
      1-баған = 2 – 7-бағандардан әр жол үшін
      5) 5-бөлім. «Кітапхана қорының себептер бойынша жыл ішінде шығып қалғаны туралы мәліметтер»:
      1-жол = 2 – 4-жолдардан әр баған үшін
      1-баған = 2 – 7-бағандардан әр жол үшін
      6) 6-бөлім. «Кітапхана қорының жыл соңына білім салалары бойынша жағдайы»:
      1-баған = 2 - 7 - бағандардан
      7) 7-бөлім. «Әдебиетті беру туралы мәліметтер»:
      1-жол > 2, 3-жолдардан әр баған үшін
      1-баған = 2 – 7-бағандардан әр жол үшін
      8) 8-бөлім. «Кітапханадағы ақпараттық-коммуникациялық технологиялардың бары»:
      1-баған > 2-бағаннан әр жол үшін
      3-жол < 2-жолдан әр баған үшін
      5-жол < 4-жолдан әр баған үшін.

Қазақстан Республикасы    
Статистика агенттігі төрағасының
міндетін атқарушының     
2012 жылғы 28 маусымдағы    
№ 154 бұйрығына       
3-қосымша          

1. Хайуанаттар паркі қызметінің негізгі сипаттамаларын көрсетіңіз
Укажите основные характеристики деятельности зоопарка

2. Жылдың соңына жануарлар, құстар, балықтардың түрлері мен даналар санын көрсетіңіз, бірлік
Укажите число видов и экземпляров животных, птиц, рыб на конец года, единиц

Атауы                         Мекенжайы
Наименование ___________________ Адрес______________________________

                                 Телефон ___________________________

Электрондық почта мекенжайы
Адрес электронной почты ____________________________________________

Орындаушының аты-жөні және телефоны
Фамилия и телефон исполнителя ______________________________________

Телефон _______________________________________

Басшы                        (Т.А.Ә., қолы)
Руководитель __________________ (Ф.И.О., подпись) __________________

Бас бухгалтер                (Т.А.Ә., қолы)
Главный бухгалтер ______________(Ф.И.О., подпись) __________________

                                                      М.О.
                                                      М.П.

Қазақстан Республикасы    
Статистика агенттігі төрағасының
міндетін атқарушының     
2012 жылғы 28 маусымдағы   
№ 154 бұйрығына      
4–қосымша         

Қазақстан Республикасы   
Статистика агенттігі төрағасының
2010 жылғы 20 қыркүйектегі 
№ 264 бұйрығына      
4-қосымша         

«Хайуанаттар паркінің қызметі туралы есеп»
(коды 0581104, индексі 1-хайуанаттар паркі, кезенділігі жылдық)
жалпымемлекеттік статистикалық байқаудың статистикалық нысанын
толтыру жөніндегі нұсқаулық

      1. Осы нұсқаулық «Мемлекеттік статистика туралы» Қазақстан Республикасы Заңының 12-бабы 7) тармақшасына сәйкес әзірленеді және «Хайуанаттар паркінің қызметі туралы есеп» (коды 0581104, индексі
1-хайуанаттар паркі, кезенділігі жылдық) жалпымемлекеттік статистикалық байқаудың статистикалық нысанының толтырылуын нақтылайды.
      2. Келесі анықтамалар осы статистикалық нысанды толтыру мақсатында қолданылады:
      1) балық – омыртқалы су жануарының бір тобы;
      2) бауырымен жорғалаушылар (рептилиялар) – құрғақта өмір сүруге бейімделген, омыртқалы жануарлар тобы;
      3) көрме – экономика, ғылым, техника, мәдениет, көркемөнер және қоғамдық өмірдің басқа салаларындағы жетістіктерді көпшілікке көрсету;
      4) қосмекенділер (амфибиялар) – суда өмір сүруден су мен құрғақта өмір сүруге ауысқан жер үстінде мекендейтін омыртқалы жануарлар тобы;
      5) құстар – басынан бастап ұшуға бейімделген қанатты, жылы қандылар, жұмыртқалайтын омыртқалылар;
      6) сүтқоректілер – бұл ұйымшылдығы анағұрлым жоғары омыртқалылар;
      7) хайуанаттар паркі – жабайы жануарларды халыққа көрсету, зерделеу, сақтау және өрбіту, сондай-ақ оларды кейін табиғи елді мекендерге жіберу мақсатында көбінесе еріксіз қамауда (торда, торлы қораларда) немесе жартылай қамауда (үлкен қоршалған алаңдарда) ұстауға арналған ғылыми-ағартушылық мекеме;
      8) хайуанаттар паркіне келушілер – хайуанаттар паркіне кіру билеттері бойынша немесе белгіленген тәртіпте экскурсиялық жолдамалармен ресімделген келуші адамдар;
      9) экскурсия – көрнекі орындарға ғылыми, оқу немесе мәдени-ағартушылық мақсаттармен бару.
      3. Уақытша жабылған немесе келушілерге қайта ашылған хайуанаттар паркі статистикалық нысанды өзі жұмыс істеген кезеңге толтырады.
      1-бөлімнің 2-жолында аумақтың жалпы алаңы жерге берілген Мемлекеттік акті негізінде көрсетіледі, оған жануарларды, құстар мен балықтарды ұстауға арналған торлы қораларды, жануарларды, құстар мен балықтарды қоректендіретін қоршаудың алаңдары, әкімшілік және қызметтік үй-жайлардың алаңдары, су қоймаларының алаңы кіреді.
      3-жолда жануарларды, құстарды және балықтарды асырауға арналған үй-жайдың алаңы көрсетіледі.
      4-жолда есепті жылы хайуанаттар паркіне келушілердің жалпы саны көрсетіледі. Келушілер санына кіру (ақылы және ақысыз) билеттері бойынша есептелетін жеке келушілер, экскурсиялық қызмет көрсетулер және экскурсиялық жолдама (жекелеген келушілер құралған топтар үшін) билеттері бойынша келушілер саны қосылады.
      5 және 6-жолдарда жолда өткізілген экскурсиялар және ұйымдастырылған көрмелер саны хайуанаттар паркінің іс-шараларын тіркеу журналдарында жасалған жазбалар негізінде толтырылады.
      7-жолда көрсетілген қызметтен түскен табыстарға кіру билетінің құны, хайуанаттар паркінің өз күшімен өткізілген экскурсиялық қызметі, цирк көрсетілімдері үшін төлем кіреді.
      2-бөлімнің 1 және 2-бағандарында жануарлар түрлері мен дана саны жануарлар қозғалысы туралы ай сайынғы жазбалар негізінде қалыптасатын Жануарларды түгендеу тізімдемесі және Бүкіләлемдік жануарлар есебін «ARKS» (егер бар болса) компьютерлік бағдарламасы негізінде толтырылады.
      4. Арифметикалық – логикалық бақылау:
      1) 1-бөлім. «Хайуанаттар паркі қызметінің негізгі сипаттамалары»:
      3-жол < 2-жолдан;
      2) 2-бөлім. «Жылдың соңына жануарлар, құстар, балықтардың түрлері мен даналар саны»:
      1-жол = 2- 7-жолдардан әр бағандар үшін.

Қазақстан Республикасы    
Статистика агенттігі төрағасының
міндетін атқарушының     
2012 жылғы 28 маусымдағы    
№ 154 бұйрығына       
5-қосымша          

1. Концерт ұйымдарының, концерт зал үй-жайларының (ғимараттарының) санын және олардың сыйымдылығын көрсетіңіз
Укажите количество концертных организаций, помещений (зданий) концертных залов и их вместимость

2. Концерт ұйымдары өткізген іс-шаралар санын көрсетіңіз, бірлік
Укажите число мероприятий, проведенных концертной организацией, единиц

3. Концерт ұйымдары өткізген іс-шаралардағы көрермендер санын көрсетіңіз, адам
Укажите число зрителей на мероприятиях, проведенных концертной организацией, человек

4. Көрсетілген қызметтерден түскен табыстарды көрсетіңіз, мың теңге
Укажите доходы от оказанных услуг, тысяч тенге

5. Шет елде өткізілген гастрольдер санын көрсетіңіз, бірлік
Укажите число гастролей, проведенных за рубежом, единиц

Атауы                         Мекенжайы
Наименование ___________________ Адрес______________________________

                                 Телефон ___________________________

Электрондық почта мекенжайы
Адрес электронной почты ____________________________________________

Орындаушының аты-жөні және телефоны
Фамилия и телефон исполнителя ______________________________________

Телефон _______________________________________

Басшы                        (Т.А.Ә., қолы)
Руководитель __________________ (Ф.И.О., подпись) __________________

Бас бухгалтер                (Т.А.Ә., қолы)
Главный бухгалтер ______________(Ф.И.О., подпись) __________________

                                                      М.О.
                                                      М.П.

Қазақстан Республикасы    
Статистика агенттігі төрағасының
міндетін атқарушының     
2012 жылғы 28 маусымдағы   
№ 154 бұйрығына      
6–қосымша         

Қазақстан Республикасы   
Статистика агенттігі төрағасының
2010 жылғы 20 қыркүйектегі 
№ 264 бұйрығына      
10-қосымша         

«Концерт қызметі туралы есеп»
(коды 0601104, индексі 1 – концерт, кезеңділігі жылдық)
жалпымемлекеттік статистикалық байқаудың статистикалық нысанын толтыру жөніндегі нұсқаулық

      1. Осы Нұсқаулық «Мемлекеттік статистика туралы» Қазақстан Республикасы Заңының 12-бабы 7) тармақшасына сәйкес әзірленді және «Концерт қызметі туралы есеп» (коды 0601104, индексі 1 – концерт, кезеңділігі жылдық) жалпымемлекеттік статистикалық байқаудың статистикалық нысанын толтыру тәртібін нақтылайды.
      2. Келесі анықтамалар осы статистикалық нысанды толтыру мақсатында қолданылады:
      1) гастрольдер – әртістің немесе ұжымның (ансамбль, хор және басқалардың) оның тұрақты қызметінен тыс орында басқа аудандардағы, қалалардағы, мемлекеттердегі спектакльдері, көрсетілімдері;
      2) концерт – бұл белгіленген, алдын ала құрылған бағдарламалар бойынша әртістердің көпшілікке шығуы;
      3) концерттік ұйымдар – бұл әдебиет пен өнер туындыларын көпшілікке орындау және көркемөнер ұжымдары мен жеке орындаушыларды әйгілеу жағдайларын жасауға арналған шаралар кешенін іске асыратын көріністік ұйымдар;
      4) филармониялық концерттер – бұл симфониялық оркестрлердің, хор және хореографиялық ұжымдардың, халық аспаптары оркестрлері және үрмелі оркестрлер қойылымдары, опералық және камералық түріндегі вокалист-солисттердің, балет әртістері, солисттер, көркем сөз шеберлері, камера-вокалдық және аспаптық ансамбльдер топтары, би ансамбльдерінің концерттері, концерттік-дәрістер және тағы басқалардың (ересектер мен балалар үшін бірдей) қойылымдары;
      5) эстрадалық концерттер – бұл эстрадалық оркестрлер, вокалдық және вокалдық-аспаптық топтардың, қуыршақ топтарының, пантомималық ұжымдардың, көлеңке театрлардың және тағы басқалардың (ересектер мен балалар үшін бірдей) көрсетілімдері.
      3. Осы статистикалық нысан бойынша есепті дербес теңгерімде, сондай-ақ басқа кәсіпорындар мен ұйымдардың теңгеріміндегі концерт ұйымдары (филармониялар, концерттік бірлестіктер, концерт залдары) және дербес ұжымдар (музыкалық, хор, би және тағы басқалар) жасайды. Концерт ұйымдарының құрамына кіретін музыка ұжымдарының жұмысы осы ұйымның есебінде көрсетіледі.
      4. 1 - бөлімнің 2 - жолында концерт қызметін жүзеге асыру үшін тұрақты пайдаланатын және ұйымға меншік құқығы ретінде, шаруашылығын жүргізуге немесе жедел басқаруға тиесілі немесе ұйым жалға алу құқығы ретінде пайдаланатын үй-жайлардың (ғимараттар) жалпы саны көрсетіледі. Үй-жай ретінде жеке орналасқан ғимараттар немесе концерт іс-шараларын және (немесе) жаттығу үрдісін жүргізу үшін пайдаланатын ғимарттардың жекелеген бөліктері түсіндіріледі.
      5. 2 - бөлімнің 3 – жолында және бұдан әрі статистикалық нысанның «өз аумағында» қала, аудан және бұдан әрі – концерт ұйымының тіркелген орны түсіндіріледі.
      Есепті кезең ішінде өз облысының (қаланың) аумағында, сондай-ақ жеке немесе жалға алынған үй-жайда, немесе тараптық ұйымдардың алаңдарында, яғни бір жолғы концерттер (сахналарында) (клубтар, мәдениет үйлерінің, спорт сарайлары, театрлардың және тағы басқалар) өткізілген концерттік ұйымның немесе дербес ұжымның концерт саны көрсетіледі.
      5 - жолда Қазақстанда өткізілген гастрольдер туралы мәліметтер көрсетіледі.
      Гастрольдік және көшпелі концерттер туралы деректерге үй-жайда концерт өткізген ұйым емес, осы концерттерді өткізетін концерт ұйымы кіреді.
      6. 5 - бөлімде шетелдердегі гастрольдерде алыс және таяу шетелдерде өткізген концерттер көрсетіледі.
      7. Арифметикалық-логикалық бақылау:
      1) 1-бөлім. «Концерт ұйымдарының, концерт зал үй-жайларының (ғимараттарының) саны және олардың сыйымдылығы»:
      1-баған > 2-бағаннан, барлық жолдар үшін;
      2) 2-бөлім. «Концерттік ұйымдар өткізген іс-шаралар саны»:
      1-жол = 3, 5-жолдардан, барлық бағандар үшін
      2-жол= 4, 6-жолдардан, барлық бағандар үшін
      2-жол < 1-жолдан, барлық бағандар үшін
      4-жол < 3-жолдан, барлық бағандар үшін
      6-жол < 5-жолдан, барлық бағандар үшін
      1-баған > 3-бағаннан, барлық жолдар үшін
      2-баған > 4-бағаннан, барлық жолдар үшін;
      3) 3-бөлім. «Концерт ұйымдары өткізген іс-шаралардағы көрермендер саны»:
      1-жол = 3, 5-жолдардан, барлық бағандар үшін
      2-жол= 4, 6-жолдардан, барлық бағандар үшін
      2-жол < 1-жолдан, барлық бағандар үшін
      4-жол < 3-жолдан, барлық бағандар үшін
      6-жол < 5-жолдан, барлық бағандар үшін
      1-баған > 3-бағаннан, барлық жолдар үшін
      2-баған > 4-бағаннан, барлық жолдар үшін.

Қазақстан Республикасы    
Статистика агенттігі төрағасының
міндетін атқарушының     
2012 жылғы 28 маусымдағы    
№ 154 бұйрығына       
7-қосымша          

1. Мұражай бейінін көрсетіңіз, бірлік
Укажите профиль музея, единиц

2. Мұражай қызметінің негізгі сипаттамаларын көрсетіңіз
Укажите основные характеристики деятельности музея

3. Мұражайлардағы ақпараттық-коммуникациялық технологиялардың барын көрсетіңіз, бірлік
Укажите наличие информационно-коммуникационных технологий в музее, единиц

4. Мұражайлардың көрмелік қызметін көрсетіңіз, бірлік
Укажите выставочную деятельность музея, единиц

Атауы                       Мекенжайы
Наименование _________________ Адрес ______________________________

                               Телефон ____________________________

Электрондық почта мекенжайы
Адрес электронной почты ___________________________________________

Орындаушының аты-жөні
Фамилия исполнителя _________________________ Телефон _____________

Басшы                         (Т.А.Ә., қолы)
Руководитель ________________ (Ф.И.О., подпись) ___________________

Бас бухгалтер                (Т.А.Ә., қолы)
Главный бухгалтер ____________(Ф.И.О., подпись) ___________________

                                                      М.О.
                                                      М.П.

Қазақстан Республикасы    
Статистика агенттігі төрағасының
міндетін атқарушының     
2012 жылғы 28 маусымдағы   
№ 154 бұйрығына      
8–қосымша         

Қазақстан Республикасы   
Статистика агенттігі төрағасының
2010 жылғы 20 қыркүйектегі 
№ 264 бұйрығына      
12-қосымша         

«Мұражай қызметі туралы есеп»
(коды 0531104, индексі 1-мұражайлар, кезеңділігі жылдық)
жалпымемлекеттік статистикалық байқаудың статистикалық нысанын толтыру жөніндегі нұсқаулық

      1. Осы Нұсқаулық «Мемлекеттік статистика туралы» Қазақстан Республикасының Заңының 12-бабы 7) тармақшасына сәйкес әзірленген және «Мұражай қызметі туралы есеп» (коды 0531104, индексі 1-мұражайлар, кезеңділігі жылдық) жалпымемлекеттік статистикалық байқаудың статистикалық нысанының толтырылуын нақтылайды.
      2. Осы статистикалық нысанын толтыру мақсатында келесі анықтамалар қолданылады:
      1) табиғи-ғылыми мұражайлар – бұл биологиялық, геологиялық, табиғаттану және тағы басқа мұражайлар;
      2) көрме – экономика, ғылым, техника, мәдениет, өнер және қоғамдық өмірдің басқа да салаларындағы жетістіктерді жұртшылыққа көрсету. Ұғым іс-шараның өзін, сондай-ақ осы іс-шараның өткізілу орнын да білдіреді;
      3) мемориалдық мұражайлар – жеке тарихи оқиғалардың немесе көрнекті тұлғалардың (ғалымдар, жазушылар, суретшілер, әртістер және тағы басқа) естеліктерімен байланысты материалдарды, құжаттарды жинайтын және көрмеге қойып көрсететін мұражайлар;
      4) мұражайлар – мұражай экспонаттары мен мұражай коллекцияларын сақтау, зерделеу және көпшiлiкке көрсету үшiн құрылған, мәдени, бiлiм беру және ғылыми-зерттеу функцияларды жүзеге асыруға және тарихи-мәдени мұраларды көпшiлiкке танытуды қамтамасыз етуге тиiс мәдениет ұйымдары;
      5) өлкетану мұражайлары – тарихи ескерткіштерді, табиғи ғылыми және көркем өнер коллекцияларын, белгілі географиялық немесе әкімшілік аумақтардың халық өнер туындыларының құжаттарын жинайтын және көрмеге қойып көрсететін мұражайлар;
      6) өнертану мұражайлары – бұл көркем өнер мұражайы, сурет галереясы, бейнелеу өнері мұражайы, сәулет мұражайы және тағы басқалар, сондай-ақ экспонаттары музыка, театр өнерінің дамуын мұражайлар;
      7) тарихи мұражайлар – бұл кең ауқымдағы тарихи бейіні бар - жалпы тарихи мұражайлар (мысалы ел тарихының мұражайлары), арнайы тарихи тәртіптерге сәйкес келетін бейіні бар (археологиялық, этнографиялық мұражайлар және тағы басқа) мұражайлар немесе тарих ғылымының (әскери-тарихи мұражайлар) дербес саласындағы мұражайлар;
      8) экскурсия – мұражайларға, көңіл аударарлық жерлерге, көрмелерге, және тағы басқа орындарға топпен бару. Объектілерді көрсету білікті маманның – экскурсияны жүргізуші адамның көмегімен жүргізіледі, ол аудиторияға объекті туралы мән-жайды, осы объектімен байланысты тарихи оқиғаны түсінуін, ескерткіш орнына баға береді. Экскурсиялар өз бетінше қызмет көрсетеді, сондай-ақ туристік қызмет кешенінің бір бөлігі болып табыла алады;
      9) экспонат - көрмеде қарау үшін немесе сату алдында таныстыру үшін қойылған зат.
      3. Бөлімдер, секторлар, сондай-ақ жеке орналасқан мұражай көрсету объектілері құқығында жұмыс істейтін мұражай мекемелері жеке есептерді құрмайды.
      4. 1–бөлімде мұражай бейіні ондағы тарихи және мәдениет ескерткіштері коллекцияларының сипаты бойынша анықталады.
      6-бағанда әдеби мұражайлар, салалық мұражайлар және басқалары есептеледі.
      5. 2-бөлімнің 1-жолында негізгі қордың экспонаттар санына шыққан уақытына, материалына және дайындалу техникасына қарамастан ғылыми немесе көркемдік маңызы бар барлық экспонаттар, материалдық және рухани мәдениет пен табиғи тарихи ескерткіштер, оның ішінде: тарихи құндылықтар, археологиялық материалдар, көркем-сурет құндылықтары, заттық, бейнелеу, жазба және өзге де тарих және мәдениет ескерткіштеріне жататын бағалы металдардан және асыл тастардан жасалған көркем-сурет бұйымдары, сәндік қолданбалы өнер туындылары, қолжазба және баспа басылымдары, әр-түрлі тасымалдауыштағы мұрағат құжаттары және мұрағат құралдары, бірегей және сирек музыка саймандары, филатистикалық материалдар, нумизматика бұйымдары, сфрагистика, гиральдика, фалеристика, флора мен фауна нұсқалары және сирек коллекциялар, ғылымдардың минералогия анатомия, палеонтология салалары үшін қызығушылықты туғызатын бұйымдар кіреді.
      Негізігі қордағы экспонаттардың барлық санынан 2 жолда электронды тасымалдауыштағы экспонаттар саны бөліп көрсетіледі.
      3-жолда мұражай жасаған және көмекші материалдарды есептейтін кітапта тіркелетін ғылыми-көмекші материалдар (диаграммалар, сызбалар, нақнұсқалар, көшірмелер және тағы басқалар) туралы мәліметтер толтырылады.
      Көмекші қорға келесілер:
      тұрақты қойылымға және әртүрлі көрмелерге қажеттілігі үшін мұражаймен жиналған, дайындалған немесе алынған материалдар: нақңұсқалар, пішімдер, қалыптар, жаңартулар, фотокөшірмелер, жоспарлар, карталар, сызбалар, диаграммалар, кескіндер және мұражай мәндері арасынан анықталатын, қойылымды-көрмелік тақырыпты ашуға көмектесетін өзге де көрнекті материалдар;
      жалпы шығарылымның баспа материалдары: плакаттар, афишалар, үндеулер, ашық хаттар, карталар, жоспарлар, сызбалар, баспа кескіндемелерінің әртүрлі түрлері, газеттер, журналдар, нумизматика, фалеристика, бондар және осы бұйымдардың толық немесе қанағаттанарлық жағдайда сақталған, негізгі қордың құрамындағы қосымша нұсқасы 3-5 кем емес болған жағдайда өзге де бұйымдар;
      айтарлықтай жаңартуды талап ететін, сақтаудың қанағаттанбайтын жағдайында келіп түскен, мұражайға жинау үшін қызығушылық ұсынатын түпнұсқа бұйымдар;
      жалпы көтерме археологиялық, геологиялық, палеонтологиялық және өзге де өңдеуге өткен табиғи материалдар;
      негізгі мұражай қоры бұйымдарын суретке түсіру барысында алынған негативтер және суреттер;
      жылдам бұзылатын ауылшаруашылығы мәдениетінің үлгілері және тез бұзылатын және жиі ауыстыруды талап ететін өзге де негізгі бұйымдар;
      табиғи-тарихи ескерткіш болып табылмайтын, бірақ табиғаттың кейбір ерекшелігін және құбылысын көрнекілеп көрсету үшін мұражайда пайдаланатын табиғат объектілері жатады.
      4-жол сақтау бөлімінен қойылымға мұражайдың ішкі табыстау актісі негізінде толтырылады.
      5-жол жаңғырту байқауы құжаты немесе негізгі қордағы экспонаттар бойынша сақтау паспорттары негізінде толтырылады.
      6-жолда есепті жылы мұражайға келушілердің жалпы саны көрсетіледі.
      7-жолда есепті жылы мұражайға келушілердің жалпы санынан келуші балалар саны көрсетіледі.
      8-жолда есепті кезеңде өткізілген экскурсиялар саны көрсетіледі.
      9-жолда лекцияларды есепке алатын журналдың негізінде мұражай қызметкерлері өз мұражайында және одан тыс жерлерде оқыған лекцияларының жалпы саны көрсетіледі.
      10-жолда көрсетілген қызметтен түскен табыстарға халық және кәсіпорын қаражаты есебінен төленген, өткізілген шаралардан, экскурсиялардан, дәрістерден, шығармашылық өнімдерді өткізуден, халыққа арналған шығармашылық тапсырыстарды орындаудан түскен табыстар кіреді.
      Көрсетілген қызметтерден түскен табыстарға жергілікті және республикалық бюджеттерден түскен қаражаттар, қайырымдылық және басқа да жарналар кірмейді.
      11-жолда өткізілген экскурсиялардан түскен табыстарға экскурсияны жүргізуші өткізген экскурсиялардан түскен табыстар кіреді.
      6. 3-бөлімнің 1-жолында мұражайдың электронды каталогына енгізілген мұражай бұйымдары туралы мәліметтер толтырылады.
      2-жолда мұражайлардың Интернетке қатынауының бары, 3-жолда Интернет желісіне сымсыз технология құралдары (WiFi) арқылы қатынау мүмкіндігі бар мұражайлар көрсетіледі.
      4-жолда пайдаланатын жеке компьютерлер саны, 5-жолда жергілікті желі арқылы Интернетке қосылған компьютерлер саны, 6-жолда интернет-ресурсы бар мұражайлар көрсетіледі.
      7. 4-бөлімнің 1-жолында есепті жылы мұражайлар ұйымдастырған көрмелердің жалпы саны көрсетіледі.
      2-жолда мұражайда өткізілген көрмелер саны, 3-жолда жекеменшік қорының негізінде мұражайларда өткізген көрмелер саны көрсетіледі.
      4-жолда өзге де қорларды тарту арқылы (басқа да мұражайлардан, жеке топтамалардан және тағы басқа) мұражайларда өткізген көрмелер саны көрсетіледі.
      5-жолда есепті жылы өз облысының (қаласының) аумағында және Қазақстан бойынша өз аумағынан тысқары, оның ішінде шет елдерде өткізілген көрмелер саны көрсетіледі.
      6-жолда есепті жылы мұражайдың шет елде өткізген көрмелер саны көрсетіледі.
      8. Арифметикалық-логикалық бақылау:
      1) 1-бөлім. «Мұражай бейіні»:
      1-жол > 2-жолдан әр баған үшін;
      2) 2-бөлім. «Мұражай қызметінің негізгі сипаттамалары»:
      2-жол < 1-жолдан әр баған үшін;
      4-жол <  1, 3-жолдардан әр баған үшін;
      5-жол <  1, 3-жолдардан әр баған үшін;
      7-жол < 6-жолдан әр баған үшін;
      10-жол > 11-жолдан әр баған үшін;
      1-жол > 2-жолдан әр баған үшін;
      3) 3-бөлім. «Мұражайлардағы ақпараттық-коммуникациялық технологиялары»:
      3-жол < 2-жолдан әр баған үшін;
      5-жол < 4-жолдан әр баған үшін;
      1-жол > 2-жолдан әр баған үшін;
      4) 4-бөлім. «Мұражайлардың көрмелік қызметі»:
      1-жол = 2, 5-жолдардан әр баған үшін;
      2-жол = 3, 4-жолдардан әр баған үшін;
      6-жол < 5-жолдан әр баған үшін;
      1-жол > 2-жолдан әр баған үшін.

Қазақстан Республикасы    
Статистика агенттігі төрағасының
міндетін атқарушының     
2012 жылғы 28 маусымдағы    
№ 154 бұйрығына       
9-қосымша          

1. Театрлар, цирктер санын көрсетіңіз, бірлік
Укажите количество театров, цирков, единиц

2. Театр (цирк) қызметінің негізгі сипаттамасын көрсетіңіз
Укажите основные характеристики деятельности театра (цирка)

3. Театрлардағы (цирктердегі) ақпараттық-коммуникациялық технологиялардың қолда барын көрсетіңіз, бірлік
Укажите наличие информационно-коммуникационных технологий в театрах (цирках), единиц

Атауы                       Мекенжайы
Наименование _________________ Адрес ______________________________

                               Телефон ____________________________

Электрондық почта мекенжайы
Адрес электронной почты ___________________________________________

Орындаушының аты-жөні
Фамилия исполнителя _________________________ Телефон _____________

Басшы                         (Т.А.Ә., қолы)
Руководитель ________________ (Ф.И.О., подпись) ___________________

Бас бухгалтер                (Т.А.Ә., қолы)
Главный бухгалтер ____________(Ф.И.О., подпись) ___________________

                                                      М.О.
                                                      М.П.

Қазақстан Республикасы    
Статистика агенттігі төрағасының
міндетін атқарушының     
2012 жылғы 28 маусымдағы   
№ 154 бұйрығына      
10–қосымша         

Қазақстан Республикасы   
Статистика агенттігі төрағасының
2010 жылғы 20 қыркүйектегі 
№ 264 бұйрығына      
16-қосымша         

«Театр (цирк) қызметі туралы есеп»
(код 0551104, индексі 1 – театр (цирк), кезеңділігі жылдық)
жалпымемлекеттік статистикалық байқаудың статистикалық нысанын толтыру жөніндегі нұсқаулық

       1. Осы Нұсқаулық «Мемлекеттік статистика туралы» Қазақстан Республикасы Заңының 12-бабы 7) тармақшасына сәйкес әзірленді және «Театр (цирк) қызметі туралы есеп» (код 0551104, индексі 1 – театр (цирк), кезенділігі жылдық) жалпымемлекеттік статистикалық байқаудың статистикалық нысанын толтыру тәртібін нақтылайды.
      2. Келесі анықтамалар осы статистикалық нысанды толтыру мақсатында қолданылады:
      1) балалар – халықтың 15 жасқа дейінгі санаты;
      2) гастрольдер – спектакль артистерінің (ұжымының) немесе театр тобының оның тұрақты қызмет орнынан тыс басқа аудандарға, қалаларға, елдерге өнер көрсетулері;
      3) көрермен – бұл белгілі бір уақыт кезеңінде (жыл немесе белгілі мезгілде) театрға (циркке) келуші адамдар жиынтығы;
      4) қойылым – суретшімен, балетмейстермен бірігіп режиссер-қоюшы жүзеге асыратын спектакль (опералық, драмалық, балет), цирк және эстрадалық қойылым пайда болатын шығармашылық үдеріс;
      5) спектакль – режиссер (балетмейстер және дирижер; режиссер және дирижер) ойына сәйкес және оның басшылығымен актерлердің, суретші-декораторлардың, композиторлер мен басқа да театр ұжымы мүшелерінің бірлескен күшімен пайда болатын театр өнерінің шығармасы;
      6) театрлар – бұл әдебиет және өнер туындыларының сахналық қойылымдарын жүзеге асыратын (балаларға және жас өспірімдерге арналған опера және балет, музыкалық комедия, қуыршақ, пантомимо, әзіл-оспақ және музыкалық драманы қоса алғанда өзге де драмалық) ойын-сауық ұйымдары;
      7) цирк – материалдық базасы және цирк артистері ұжымы бар цирк және эстрадалық өнер саласында өз қызметін жүзеге асыратын мәдениет мекемесі;
      8) цирктік қойылым – әр түрлі цирктік нөмірлерден құралған бағдарлама. Цирктік қойылымның негізін эксцентриктерден құрылған айла-әрекеттер және нөмірлер болып табылады.
      3. Статистикалық нысанды өз құрамында кәсіпқой труппасы, сондай-ақ циркі бар кәсіпқой театрлар (театр-студия), театр өнерінің шығармашылық ұжымы ұсынады.
      Кәсіпқой театрлар санына опера және балет театры, музыкалық комедия (оператталар), драмалық, жас көрермендер, әзіл-оспақ, қуыршақ және басқа театрлар жатады. Халық театрлары кәсіпқой театрлар санына қосылмайды, олардың есебі бөлек жүргізіледі.
      Цирк есебіне стационарлық (қысқы және жазғы), жылжымалы (шапито), сахнадағы цирк, хайануаттар циркі бойынша деректер кіреді.
      Егер бір театр ғимараттарында (немесе цирк ғимараттарында) дерекциясы бір болып табылатын репертуарлары әртүрлі немесе әртүрлі тілдерде екі шығармашылық ұжым жұмыс жасаса, онда бұл екі труппа бір театр (цирк) болып саналады.
      Есепке алынатын деректер бастапқы есеп материалдарына билеттерді іске асыру туралы есеп, сондай-ақ статистикалық нысанның негізгі көрсеткіштеріне негізделіп, толтырылатын басқа да бастапқы құжаттарға негізделу қажет.
      4. 2-бөлімнің 1-жолында көрермендер залындағы орындар саны және, егер қосымша залдарда бар болса, онда негізгі залдағы орындар санының қосындысымен анықталады.
      2-жолда спектакльдердің (қойылымдардың) санына республика аумағындағы театрлар (цирктер), сондай-ақ шетелдік театрлар немесе цирктік ұжымдар өткізген қойылымдар жатады. Спектакльдер (қойылымдар) санына негізгі сахнада, сондай-ақ қосымша сахнада театр (цирк) өткізген таңертеңгілік және кешкі спектакльдер туралы жиынтық деректер жатады.
      4-жолда көшпелі спектакльдерге (қойылымдарға) тараптық ұйымдардың сахналық алаңдарында бір рет көрсетілетін спектакльдер (қойылымдар) жатады. Гастрольдік спектакльдерге (қойылымдарға) театрдың басқа бір театрлық ойын-сауық кәсіпорындармен шарт жасау арқылы театрлармен өткізілген спектакльдер (қойылымдар) жатады. Гастрольдік және көшпелі спектакльдер (қойылымдар) туралы деректер есепке үй-жайда көшпелі немесе гастрольдік спектакль (қойылымдар) қойған ұйым емес, осы спектакльді (қойылым) көрсеткен театр (цирк) кіреді.
      7-жолда көрермендер саны республика аумағында спектаклдерге (қойылымдарға) келушілер, сондай-ақ гастроль уақытында шетелдік ұжымдар спектакльдеріне (қойылымдарына) келуші адамдар санынан тұрады.
      9-жолда көрсетілген қызметтерден түскен табыстарға спектаклдерге (қойылымдарға) сатылған билеттерден түскен қаражаттар, спектакльдердің бағдарламаларын (қойылымдар) таратудан түскен, суретке түсірушілердің қызметтерінен алынған қаражаттар, егер олар өз ұжымы күшімен өткізілетін болса жаңа жылдық қызметтеріне төлемдері (Аяз ата және Ақша қар, басқа да ертегі кейіпкерлерін шақыру), театр немесе цирк иелігіндегі ойын автоматтары қызметтерінен түскен қаражаттар, егер олар театр (цирк) иелігінде болса және тағы басқалар кіреді.
      5. 3-бөлімнің 1-жолында Интернет желісіне қосылу мүмкіндігі бар театрлар (цирктер) саны, 2-жолда Интернет желісіне сымсыз технология құралдары (WiFi) арқылы қатынау мүмкіндігі бар театрлар (цирктер) көрсетіледі.
      3-жолда пайдаланылатын компьютерлер саны, 4-жолда жергілікті желі арқылы Интернет желісіне қосылу мүмкіндігі бар компьютерлер саны, 5-жолда театрларда (цирктерде) бар интернет-ресурстар саны көрсетіледі.
      9. Арифметикалық-логикалық бақылау:
      1) 1-бөлім. «Театрлар, цирктер саны»:
      2-жол < 1-жолдан барлық бағандар үшін
      1-баған = 2-7-бағандар 1,2-жолдар бойынша;
      2) 2-бөлім. «Театр (цирк) қызметінің негізгі сипаттамалары»:
      3-жол < 2-жолдан барлық бағандар үшін
      5-жол < 4-жолдан барлық бағандар үшін
      8-жол < 7-жолдан барлық бағандар үшін
      1-баған > 2-бағаннан, барлық жолдар үшін;
      3) 3-бөлім. «Театрлардағы (цирктердегі) ақпараттық-коммуникациялық технологиялардың қолда бары»:
      2-жол < 1-жолдан барлық бағандар үшін
      4-жол < 3-жолдан барлық бағандар үшін
      1-баған > 2-бағаннан барлық жолдар үшін.