Қазақстан Республикасы Қаржы министрінің кейбір бұйрықтарына өзгерістер мен толықтырулар енгізу туралы

      БҰЙЫРАМЫН:
      1. Күші жойылды - ҚР Қаржы министрінің м.а. 29.12.2012 № 584 бұйрығымен.
      2. «Қазақстан Республикасының Бiрыңғай бюджеттiк сыныптамасын жасау ережесiн бекiту туралы» Қазақстан Республикасы Қаржы министрінің 2010 жылғы 31 мамырдағы № 214 бұйрығына (Нормативтік құқықтық актілерді мемлекеттік тіркеу тізілімінде № 6265 болып тіркелген) мынадай өзгерістер енгізілсін:
      көрсетілген бұйрықпен бекітілген Қазақстан Республикасының Бiрыңғай бюджеттiк сыныптамасын жасау ережесiнде:
      60-тармақ мынадай редакцияда жазылсын:
      «60. Стратегиялық жоспарлар әзірлемейтін бюджеттік бағдарламалар әкімшілерінің бюджеттік бағдарламалары жоспарлы кезеңге арналған жылжымалы негiзде жыл сайын әзiрленедi.
      Стратегиялық жоспарлар әзірлемейтін бюджеттік бағдарламалар әкімшілері мемлекеттік органның қызметін қамтамасыз етуге бағытталған ағымдағы бюджеттік бағдарлама бойынша тікелей нәтижені ғана көрсетеді.»;
      61-тармақта:
      6) тармақшасы мынадай редакцияда жазылсын:
      6) «Бюджеттiк бағдарламаның түрi» деген жолында:
      «6) «мемлекеттiк басқару деңгейiне байланысты» деген жолында мемлекеттiк басқару деңгейiне қарай мыналарға;
      республикалық бюджеттiң құрамында бекiтiлетiн республикалық облыстық бюджеттiң, республикалық маңызы бар қала, астана бюджеттерiнiң құрамында бекiтiлетiн облыстық, республикалық маңызы бар қала, астана;
      аудан (облыстық маңызы бар қала) бюджетiнiң құрамында бекiтiлетiн аудандық (қалалық);
      республикалық маңызы бар қала, астана бюджетiнiң, аудан (облыстық маңызы бар қала) бюджетiнiң құрамында бекiтiлетiн қаладағы ауданның, аудандық маңызы бар қаланың, кенттiң, ауылдың (селоның), ауылдық (селолық) округтiң бюджеттiк бағдарламалары болып бөлiнедi;
      «мазмұнына байланысты» деген жолында бағдарлама мазмұнына байланысты бюджеттiк бағдарламаның түрi;
      мемлекеттiк функцияларды, өкiлеттiктердi жүзеге асыру және олардан шығатын мемлекеттiк қызметтердi көрсету;
      трансферттер мен бюджеттiк субсидиялар беру;
      бюджет кредиттерiн беру;
      бюджеттiк инвестицияларды жүзеге асыру;
      күрделi шығыстарды жүзеге асыру;
      мемлекеттiк мiндеттемелердi орындау көрсетiледi;
      нысаналы салым салу;
      «iске асыру тәсiлiне қарай» деген жолында жеке не бөлiнетiн бюджеттiк бағдарламалар көрсетiледi;
      «ағымдағы/даму» деген жолы бойынша ағымдағы бюджеттiк бағдарлама не даму бюджеттiк бағдарламасы көрсетiледi.»;
      10), 11), 12) және 13) тармақшалары мынадай редакцияда жазылсын:
      «10) «Тiкелей нәтиже көрсеткiштерi» деген жолда бюджеттік бағдарламаның қойылған мақсатына қол жеткізу үшін бюджеттік бағдарламаны іске асыру нәтижелерін көрсететін сандық не сапалық көрсеткіштер көрсетіледі;
      11) «Түпкiлiктi нәтиже көрсеткiштерi» деген жолда халықтың өмiрiнiң деңгейi мен сапасының нысаналы жағдайының (жағдайының өзгеруiнiң), әлеуметтiк саланың, экономиканың, қоғамдық қауiпсiздiк пен бюджеттiк бағдарламаны iске асырудың тiкелей нәтижелерiне қол жеткiзуге негiзделген басқа мемлекеттiк басқарудың салаларының (аяларының) көрсеткiштерi келтiрiледi. Осы жол мемлекеттік органның қызметін қамтамасыз етуге бағытталған ағымдағы бюджеттік бағдарлама бойынша толтырылмайды;
      12) «Сапа көрсеткiштерi» деген жолда бюджеттік бағдарламаны іске асыру шеңберінде көрсетілетін мемлекеттік қызметтің оны алушылардың үміттеріне және мемлекеттік қызмет стандартына сәйкес келу деңгейін көрсететін көрсеткіштер көрсетіледі. Осы жол мемлекеттік органның қызметін қамтамасыз етуге бағытталған ағымдағы бюджеттік бағдарлама бойынша толтырылмайды;
      13) «Тиiмдiлiк көрсеткiштерi» деген жолда бюджет қаражатының бекiтiлген көлемiн пайдалана отырып, ең үздiк тiкелей нәтижеге қол жеткiзу деңгейiн немесе бюджет қаражатының аз көлемiн пайдалана отырып, тiкелей нәтижеге қол жеткiзудi көрсететiн көрсеткiштер келтiрiледi. Осы жол мемлекеттік органның қызметін қамтамасыз етуге бағытталған ағымдағы бюджеттік бағдарлама бойынша толтырылмайды;»;
      63-тармақтың үшінші бөлігі мынадай редакцияда жазылсын:
      «Облыстардың, республикалық маңызы бар қаланың, астананың, аудандардың (облыстық маңызы бар қаланың) мәслихат аппараттарының бюджеттік бағдарламаларының жобалары тиісті жергілікті бюджет бекітілгеннен кейін пысықталады және ағымдағы қаржы жылының 30 желтоқсанына дейін тиісті мәслихат хатшысы бекітеді.»;
      5-қосымша осы бұйрыққа қосымшаға сәйкес жаңа редакцияда жазылсын.
      2. Қазақстан Республикасы Қаржы министрлігінің Бюджеттік рәсімдер әдіснамасы департаменті (А.Н.Қалиева) осы бұйрықтың Қазақстан Республикасы Әділет министрлігінде мемлекеттік тіркелуін қамтамасыз етсін.
      3. Осы бұйрық мемлекеттік тіркелген күнінен бастап қолданысқа енгізіледі.

      Министр                                    Б. Жәмішев

Қазақстан Республикасы    
Қаржы министрінің       
2012 жылғы 20 шілдедегі № 346
Бұйрығына қосымша     

Қазақстан Республикасының   
Бiрыңғай бюджеттiк сыныптамасын
жасау ережесiне 5-қосымша   

нысан     

Стратегиялық жоспарды әзiрлемейтiн бюджеттiк бағдарламалар әкiмшiсiнiң
БЮДЖЕТТІК БАҒДАРЛАМАСЫ

__________________________________________________
бюджеттiк бағдарлама әкiмшiсiнiң коды және атауы
______________________________________________
бюджеттiк бағдарламаның коды және атауы
_____________________ жылдарға арналған

      * осы жолдары мемлекеттік органның қызметін қамтамасыз етуге бағытталған ағымдағы бюджеттік бағдарлама бойынша толтырылмайды.