Өнеркәсiп үлгiсiне өтiнiмдi жасау, ресiмдеу және қарау, мәлiметтердi Қазақстан Республикасының өнеркәсiптік үлгiлерiнiң мемлекеттiк тiзiлiмiне енгiзу, сондай-ақ қорғау құжатын беру ережесін бекіту туралы

      «Қазақстан Республикасының Патент Заңы» 1999 жылғы 16 шілдедегі Қазақстан Республикасының Заңының 19-бабының 4-тармағына сәйкес БҰЙЫРАМЫН:
      1. Қоса беріліп отырған осы бұйрықтың қосымшасына сәйкес Өнеркәсiп үлгiсiне өтiнiмдi жасау, ресiмдеу және қарау, мәлiметтердi Қазақстан Республикасының өнеркәсiптік үлгiлерiнiң мемлекеттiк тiзiлiмiне енгiзу, сондай-ақ қорғау құжатын беру ережесі бекітілсін.
      2. «Өнеркәсіптік үлгілерге патентті беруге өтінімді жасау, ресімдеу және қарастыру жөніндегі нұсқаулықты бекіту туралы» Қазақстан Республикасы Әділет министрінің 2009 жылғы 6 тамыздағы № 101 бұйрығының (нормативтік құқықтық актілерін мемлекеттік тіркеу тізілімінде 2009 жылдың 4 қыркүйегінде № 5772 тіркелген, Қазақстан Республикасының Орталық атқарушы және өзге де орталық мемлекеттік органдарының актілер жинағында, 2009 жылғы, № 11 жарияланған) күші жойылды деп танылсын.
      3. Қазақстан Республикасы Әділет министрлігінің Зияткерлік меншік құқығы комитеті заңнамамен қарастырылған тәртіпте аталған бұйрықты мемлекеттік тіркеуді қамтамасыз етсін.
      4. Осы бұйрықтың орындалуын бақылау жетекшілік ететін Қазақстан Республикасының Әділет министрінің орынбасарына жүктелсін.
      5. Осы бұйрық алғашқы ресми жарияланған күнінен бастап он күнтізбелік күн өткен соң қолданысқа енгізіледі.

      Министр                                    Б. Имашев

Қазақстан Республикасы
Әділет министрінің   
2012 жылғы 24 ақпандағы 
№ 91 бұйрығымен бекітілді

Өнеркәсіп үлгісіне өтінімді жасау, ресімдеу және қарау,
мәліметтерді Қазақстан Республикасының өнеркәсіптік үлгілерінің
мемлекеттік тізіліміне енгізу, сондай-ақ қорғау құжатын беру
ережесі 1. Жалпы ережелер

      1. Осы Өнеркәсіп үлгісіне өтінімді жасау, ресімдеу және қарау, мәліметтерді Қазақстан Республикасының өнеркәсіптік үлгілерінің мемлекеттік тізіліміне енгізу, сондай-ақ қорғау құжатын беру ережесі (бұдан әрі - Ереже) «Қазақстан Республикасының Патент заңы» Қазақстан Республикасының 1999 жылғы 16 шілдедегі Заңының (бұдан әрі - Заң) 19-бабы 4-тармағына сәйкес әзірленген және өнеркәсіп үлгісіне өтінімді жасау, ресімдеу және қарау, мәліметтерді Қазақстан Республикасының өнеркәсіптік үлгілерінің мемлекеттік тізіліміне енгізу, сондай-ақ қорғау құжатын беру талабын және тәртібін белгілейді.
      2. Осы Ережеде мынадай ұғымдар мен терминдер пайдаланылады:
      1) ДЗМҰ - Дүниежүзілік зияткерлік меншік ұйымы (бұдан әрі - ДЗМҰ);
      2) конвенциялық өтінім - 1883 жылғы 20 наурыздағы өнеркәсіп меншігін қорғау жөніндегі Париж конвенциясына сәйкес берілген, өтінім;
      3) ИНИД - өнеркәсіптік үлгілерге қатысты библиографиялық мәліметтердің сәйкестігіне арналған халықаралық кодтар (бұдан әрі - ИНИД);
      4) ӨҮХС - өнеркәсіптік үлгінің халықаралық сыныптамасы (бұдан әрі - ӨҮХС);
      5) өтінім - өнеркәсіптік үлгіге патент беруге өтінім;
      6) Париж конвенциясы - кейінгі өзгертулермен және толықтырулармен қоса алғанда, 1883 жылғы 20 наурыздағы өнеркәсіп меншігін қорғау жөніндегі Париж конвенциясы;
      7) сараптама жасау ұйымы - мемлекеттік монополияға жататын салалардағы (өнертабыстарды, пайдалы модельдерді, өнеркәсіптік үлгілерді қорғау саласында қызмет көрсету) қызметті жүзеге асыратын уәкілетті органға ведомстволық бағынысты ұйым;
      8) уәкілетті орган - Қазақстан Республикасының Әділет министрлігінің Зияткерлік меншік құқығы комитеті.

2. Өнеркәсіптік үлгі өтінімін жасау және қарау тәртібі

      3. Өтінім өнеркәсіптік үлгі бірлігі талаптарын қанағаттандыратын, өзара байланысты, өнеркәсіптік үлгінің біреуіне немесе бір тобына қатысты болады.
      4. Өтінімді Заңның 10-бабы 1-тармағына сәйкес қорғау құжатын алуға құқылы тұлға береді.
      5. Өнеркәсіптік үлгіге өтінімді беру уақыты, сараптама жасау ұйымына (бар болған жағдайда) аты-жөнін, әкесінің атын немесе өтініш иесінің толық атауы, сипаттамасы және бұйымның суреті (макеті) мазмұндалған өнеркәсіптік үлгіге қорғау құжатын алу туралы өтініш, немесе аталған құжаттар бір уақытта берілмесе, соңғы ұсынылған құжаттардың түскен күні бойынша белгіленеді.
      6. Өндірістік үлгіге өтінімде:
      1) өндірістік үлгінің авторларын және патент алушы тұлғаның, сондай-ақ оның тұрғылықты жерін және орналасқан жерін көрсете отырып, патент алу туралы өтініші (3 данада) 1-қосымшадағы нысанда;
      2) өтінілетін үлгі (үлгілер) туралы толық нақты беретін ұсынысы, бұйым (бұйымдар) және макет көріністерін есіне түсіруге қажетті комплектісі (жалпы түрі - 8 дана, қосымша түрі - 2 дана);
      3) оның елеулі белгілерін қамтитын өндірістік үлгінің сипаттамасы 2 данада;
      4) өкіл арқылы істі жүргізу жағдайында сенімхаттың болуы.
      Өнеркәсіп үлгісіне өтінімге өтінім беруге белгіленген мөлшерде ақы төленгенін растайтын құжат және оның мөлшері кемітілуіне арналған сараптама жасау ұйымының ақы жүйесінде көзделген негіздемені растайтын құжат қоса тіркеледі, олар өтініммен бірге немесе өтінім түскен күннен бастап екі ай ішінде табыс етілуі мүмкін. Тиісті төлемдер енгізілген жағдайда бұл мерзім ұзартылуы мүмкін, бірақ екі айдан аспауы керек.
      Төлем жөніндегі құжаттар белгіленген мерзімде тапсырылмаған жағдайда өтінім берілмеген болып есептеледі.
      Ауқымды өнеркәсіптік үлгіге өтінім бұйымның жалпы түрінің алдыңғы, оң жақ, сол жақ, артқы, үстіңгі 3/4 ракурстағы суретінің болуымен ұсынылады. Бұйым жиынтығының көркем-конструкторлық шешімі тұтас алғанда жиынтыққа кіретін әрбір бұйым түрін қарастыруға мүмкіндік беретін барлық жиынтықтың жалпы түрдегі суреттерімен қамтылады. Жиынтыққа кіретін әр бұйым талап етілетін барлық түрде жеке суреттер ретінде қосымша ұсынылады. Өтінімде бұйымның жалпы түрі алдыңғы, сол жақ, оң жақ, артқы, қажет болған кезде - бұйымның сыртқы келбетінің барлық шешімін жан-жақты түсінуді қамтамасыз ету үшін үстіңгі, астыңғы ракурстағы фотосуреті қамтылуы тиіс.
      Бұйымдар жиынтығы жалпы түрінің бір суретінде толық құрамда техникалық тұрғыда ұсынылуы мүмкін болмаған жағдайда, жиынтық үзінділерін жеке суреттерде ұсынуға болады.
      7. Өтінілетін өнеркәсіптік үлгінің әр нұсқасы барлық қажетті түрде суреттердің жеке жиынтығымен ұсынылады.
      8. Жабылатын, жиналатын және құралатын бұйымдар ашық және (немесе) жабық түрде осы бұйымдардың суреттерімен ұсынылады.
      9. Киімнің көркем-конструкторлық шешімінің фотосуреті манекен үстінде толықтай түсіріліп, ал аяқ киім, бас киім, тері галантереялық бұйымдары оның табиғи үлгілерінің жеке фотосуреттері түрінде көрсетіледі.
      Киім және аяқ-киімнің көркем-конструкторлық шешімдері қосымша фотосуреттерде демонстраттар арқылы ұсынылады, бұйымдарды әзірлеу негізіне қатысты (өлшемі, толықтығы, бойы) жас тобы және антропометрикалық мәліметтері талаптарына сәйкестендіреді.
      Сурет, құрылым, сызық және пішіннің ерекшелігі туралы толықтай мәлімет беру мақсатында, бұйым фотосуреті ұсынылады, егер фотосуретті ұсыну мүмкіндігі болмаған жағдайда, өтінілетін көркем-құрылымдық шешімнің ерекшелігін көрсету мақсатында эскиз суреттемесі ұсынылады.
      10. Түрлі-түсті (көркем-бейнелі) етіп жүзеге асыру өнеркәсіптік үлгінің маңызды белгілерінің бірі болса, суреттер түрлі-түсті етіп ұсынылады.
      11. Фотосуреттер түріндегі суреттер 18x24 см мөлшерде, басқа суреттер А4 форматында орындалады.
      Мөлшерлері үлкен емес бұйымдар мен макеттері үшін 13x18 немесе 9x12 см мөлшерде фотосуреттері ұсынылу мүмкін.
      Жалпы түрдегі фотосуреттің әр данасының сырт жағында төмендегідей мәліметтер көрсетіледі:
      фотосурет нөмірі;
      өнеркәсіптік үлгінің атауы;
      авторлар қолдары, оларды ашып көрсету;
      өтінім берушінің атауы.
      Басқа түрлі фотосуреттер сырт жағында кезекпен төмендегілер көрсетіледі:
      фотосуреті нөмірі "қырынан", "алдынан" және т.б;
      өнеркәсіптік үлгінің атауы.
      Прототип фотосуретінің сырт жағында фотосурет нөмірі бұйым атауы, прототип-анықтамасы көрсетіледі.
      Фотосуреттер мынадай тәртіппен нөмірленеді - жалпы түрі, басқа да түрлері, түсті фотосуреті, прототип фотосуреті. Бір түрлі фотосурет бірдей нөмірленеді.
      12. Өнеркәсіптік үлгінің суреттемесі сөздік түрде бұйымның сыртқы түрін сипаттау керек.
      Суреттемеде терминология бірлігін сақтай отырып, ғылыми-техникалық әдебиеттерде жалпы қабылданған терминдер қолданылады.
      Суреттеме өнеркәсіптік үлгінің атауынан, сондай-ақ ӨҮХС индексінен басталып және төмендегідей салалардан тұрады:
      1) өнеркәсіптік үлгіні қолдану аясы мен оны белгілеу;
      2) өнеркәсіптік үлгінің үйлес нұсқасы;
      3) өнеркәсіптік үлгінің мәні;
      4) өнеркәсіптік үлгінің маңызды белгілердің тізбесі.
      Суреттемеде нөмірлеріне сәйкес, фотосуреттер, суреттер, сызбалар мен слайдтар және олардың әрқайсысында кескіндеменің қысқаша сипаттамасы көрсетілген өнеркәсіптік үлгінің кескіндемелер тізбесі сілтемеленеді.
      13. Жекеше түрде қолданбайтын атаулардан басқа, жекеше түрде мазмұндалатын және өнеркәсіптік үлгінің атауы оның белгілемесін сипаттайды. Жаңа немесе аз танымал белгілеудегі өнеркәсіптік үлгінің атауы оның қолдану аясын мазмұндайды.
      Егер өтінімде өнеркәсіптік үлгінің нұсқалары мазмұндалса, атауынан соң жақшаларда нұсқалар саны көрсетіледі. Егер Қазақстан Республикасында қорғалатын тауар таңбаларына үшінші адамның құқықтары бұзылмаса, өнеркәсіптік үлгінің атауы арнайы немесе жалқы болу мүмкін.
      14. "Өнеркәсіптік үлгінің қолдану аясы мен оны белгілеу" суреттеме бөлімінде өтінілетін өнеркәсіптік үлгіні қолдану аясы, оны белгілеу туралы мәліметтері көрсетіледі.
      15. "Өнеркәсіптік үлгінің үйлес нұсқалары" бөлімінде өтінілетін үлгіге біршама жақын үйлес нұсқаны көрсете отырып, анықталған үйлес нұсқаның сипаттамасы көрсетіледі, сондай-ақ келтірілген үйлес нұсқаларды мазмұндайтын ақпарат деректердің библиографиялық мәліметтері келтіріледі.
      Өнеркәсіптік үлгінің үйлес нұсқаларына басымдық күніне дейін өтінім беріліп отырған өнеркәсіптік үлгімен қызметтік мақсаты бір, жалпыға қол жетерліктей болған мәліметтерден белгілі елеулі белгілерімен ұқсас бұйымның конструкторлық-көркемдік шешімдері жатады. Ең жақын үйлес нұсқа - ол өтінім беріліп отырған өнеркәсіптік үлгімен елеулі белгілері бойынша неғұрлым ұқсас нұсқа.
      Өтінімде өнеркәсіптік үлгілердің нұсқалары болған жағдайда әрқайсысына ең жақын үйлес нұсқаны көрсетуге болады.
      16. "Өнеркәсіптік үлгінің мәні" бөлімінде оның елеулі белгілері өтінім берілген өнеркәсіптік үлгіні неғұрлым жақын үйлес нұсқадан ажыратуға мүмкіндік беретін белгілер бұйымның эстетикалық және/немесе эргономикалық ерекшеліктерін аша отырып көрсетіледі. Бұл бөлімде өнеркәсіптік үлгінің басымдылығын күнделікті пайдалану ерекшеліктерін, бұйым сапаларын және т.б. жақсарту бөлігінде белгілі шешімдерді салыстыру бойынша келтіруге болады. Сипаттамада ұсынылған фотосуреттер мен суреттерге сілтеме жасалады. Өнеркәсіптік ұйымның нұсқаларын сипаттау кезінде сондай-ақ бір нұсқаны екінші нұсқадан ажырату белгілері көрсетіледі. Осы бөлімде бұйымның сыртқы әлпетін қалыптастыратын маңызды сипаттардың әсер етуі және бұйымның эстетикалық және/немесе эргономикалық ерекшеліктері көрсетіледі.
      Бұл бөлімде бұйымның сыртқы әлпетіне байланысты ерекшеліктерімен ерекшеленген қасиеттері де көрсетіледі.
      Жиынтықты сипаттау кезінде оның құрамына кіретін барлық бұйымдар форма жасаудың бірыңғай пластикалық және стилистикалық қағидатын пайдалану арқылы орындалуы тиіс.
      Өнеркәсіптік үлгінің мәнін ашуда оны жүзеге асыруда әртүрлі қалыптарды суреттейтін балама түсініктер түрі ретінде белгісін көрсетуге болмайды.
      Белгіні жүзеге асырудың әртүрлі қалыптарының бар болуында, жоғарыда аталған қалыптардың бірін суреттейтін өнеркәсіптік үлгінің нұсқаларына өтінім беруге болады.
      17. Бұйым суреттерінде көрініс тапқан өнеркәсіптік үлгінің елеулі белгілер тізбесі бұйым суретімен бірлескен түрде құқықтық қорғау көлемін анықтауға арналған.
      "Өнеркәсіптік үлгінің елеулі белгілерінің тізбесі" бөлімінде, бұйымның статикалық жағдайдағы сыртқы әлпетін сипаттайтын, өнеркәсіптік үлгіні мәнін ашуға қарағанда барынша қысқаша айтылатын және мәнді болып табылатын барлық белгілер көрініс табады. Бұйымның сыртқы әлпетін сипаттағанда оны трансформациялау, нысан элементтерінің ережелерін өзгерту мүмкіндігін көрсетуге жол беріледі.
      Өнеркәсіптік үлгінің нұсқалары өтінімінде елеулі белгілер тізбесі бар жағдайында, аталған нұсқаға қатысты келтірілген мәнді белгілер, өнеркәсіптік үлгінің мәнін сипаттайтын белгілер нұсқаларына жалпы және сондай-ақ текті түсінігі мазмұндалатын бөлігі ретінде сипатталады.
      Тізбеге енген белгілерді абсолютті көлеммен немесе бұйым элементтері көлемдерінің ажыратылмайтын қатысымдарымен көрсетуге жол берілмейды. Тізбеге бұйымның таңбалануы болып табылатын қызметтік-тұтынушылық мәндегі графикалық суреттердің сипаттамаларын, егер эстетикалық және/немесе эргономикалық ерекшеліктерісіз стандартты тәсілдермен орындалса, енгізуге жол берілмейді.
      Бұйымның сыртқы түрін сипаттауда жағдайын, өзара орналасу мүмкіндігіне ие элементтерді орындау үшін нұсқауға жол беріледі.
      Өнеркәсіптік үлгінің белгілері өтінім берушімен ұсынылған бұйым суретінің элементтерімен олардың визуалды сәйкестігінің мүмкіндігін қамтамасыз ету үшін тізбеден орын алады.
      18. Көпблокты композициялы бұйымдардың көркем-конструкторлық шешімін сипаттау үшін: композициялық элементтер құрамы және оларды орналастыру, олардың пластикалық, графикалық, түсті және фактуралық шешімі сияқты белгілері пайдаланылады.
      19. Негізінде дамыған көлемді-кеңістікті құрылым жатқан күрделі композициялы көркем-конструкторлық шешімдердің бұйымдары үшін: құрамы, олардың өзара орналасуы, қалпы және композициялық элементтерді пластикалық анықтап алу сияқты белгілері пайдаланылады.
      20. Жазық сүйекті композициялы көркем-конструкторлық шешімдердің бұйымдары үшін: композициялық құрылымдар, оюлар элементтерінің, мотивтерінің сызба-графикалық қатысы, колористикалық қалпы сияқты белгілері пайдаланылады.
      21. Киімдердің көркем-конструкторлық шешімдердің бұйымдары үшін:
      бөліктердің өзара қатысын көру арқылы анықтайтын модельдің көлемді сипаттамасы болып табылатын қалып;
      модельдің жазық сүйекті сипаттамасы болып табылатын силуэт;
      киімнің кез келген бөлігінде оның жоғарғы бөлігін қаптайтын детальдар-элементтер;
      бұйымды пайдаға асыру тұрғысынан функцианалды мәні жоқ, модель шешімінде сәндік рөл ойнайтын, пайдаланылуы бір уақытта технологиялық амал болып табылатын әрлеу-элемент;
      бұйымның жеке бөліктерін қосып және ажыратуға арналған бұйым құрылымына кіретін, сонымен қатар сәндік элемент болатын фурнитура;
      сәндік ерекшеліктері бар материал сияқты белгілері пайдаланылады.
      22. Аяқ-киімдер көркем-конструкторлық шешімдердің бұйымдары үшін:
      модельдің көлемді сипаттамасы болатын, колодка қалпы бар қалып;
      жоғары және төмен құрылымы;
      құрылым элементтерінің құрамы, қалпы және бірдей орналасуы;
      сәндік ерекшеліктерге ие материал;
      әрлеу детальдары;
      фурнитура;
      бейнелі шешім сияқты белгілері пайдаланылады.
      23. Баспа өнімнің көркем-конструкторлық сипаттамасында композициялық құрылымнан, графикалық элементтерді түбегейлі пысықтаудан, бейнелеу мотивтерінен, оюдан, қаріптік графиканың орналасуы мен орындалуынан, (жазулардың мағынасыз және/немесе фонетикалық мазмұнысыз), бейнелі шешімінен көрініс беретін белгілер пайдаланылады.
      Декоративтік безендіру және эстетикалық ерекшіліктерді келтіретін сыртқы түрін сипаттайтын елеулі белгілері жоқ баспа өнімдері Заңның 8-бабының 2-тармағына сәйкес қорғалмайтындарға қатысты болады.
      Егер әріптерді, сөздерді, сөйлемдерді, сандарды, сонымен қатар бұйымда арнайы белгі сипатына ие элементтерді қамтитын болса, тауар сипаттамасына арналған баспа өнімі қарапайым мәтіндік блок түрінде стандартты қаріппен графикалық немесе түсті ерекшеліктерсіз орындалса, осындай мәлімделген объект Заңның 8-бабының 2-тармағына сәйкес қорғалмайтындарға қатысты болады.
      Бөлімде сонымен қатар өтінілген өнеркәсіптік үлгіні жүзеге асыру мүмкіндігі, яғни өтінім берушінің көрсеткен негізімен жүзеге асыру арқылы, қажет болса, қолданылатын материалдар мен технологиялық процесстерді көрсету арқылы оның бұйымын өндірістік немесе курстарлы тәсілмен іске асыруға дайындық туралы мәліметтер келтірілген.
      Егер өтінілген көркем-конструкторлық шешімде өнеркәсіптік меншіктің басқа нысандарының бұйымы бар болып, оларға өтінім беріліп, қорғау құжаты алынып және бұл туралы өтінім беруші хабардар болса, бұл құжаттар туралы ақпарат көздерін анықтау үшін жеткілікті мәліметтер көрсетіледі.
      24. Мәтінде ғылымда және техникалық әдебиеттерде жалпы қолданбалы терминдер пайдаланылады.
      Әртүрлі қысқарған сөздерді қолдануға жол берілмейді.
      Бұйымдар немесе заттар марка, тип және сериялардың шартты белгілерінің мағынасын ашу керек.
      25. Ақпарат деректерінің библиографиялық мәліметтері, ақпарат көздерін табуға болатындай көрсетіледі.
      26. Сызбалар қара өшірілмейтін сызықтар және нақты штрихтармен жасалады.
      Графикалық кескіндемелер масштабы мен нақтылығы, 2/3 дейінгі сызбалық қысқартуларды көшіргенде барлық белгілерді ажыратып алуға мүмкіндігі болатындай.
      27. Егер бұйым сәндік материалға, мата, кілемдерге жататын, бұйымның құрылысы, фактурасы және колористикалық шешімі туралы түсінік беретін, жеңіл өнеркәсіп бұйымдарына өнеркәсіптік үлгіге өтінімді бергенде, өнеркәсіптік үлгіні суреттеуден басқа, сурет рапорттының мөлшерінде (400x500 мм үлкен емес) бұйымның фрагменті ұсынылады.
      28. Өнеркәсіптік үлгінің өтініміне конвенциялық басымдығы сұралған жағдайда Париж конвенциясына қатысушы басқа елге ерте берілген расталған өтінім көшірмесі өтінім берілген күннен бастап алты айдан кешіктірмей сараптау ұйымына қоса беріледі немесе ұсынылады
      29. Қажеттілігіне қарай өнеркәсіптік үлгіге жататын ақпаратты көпшілік алдында жария етудің күні мен орнын куәландыратын құжат ұсынылады.
      30. Хат алмасу өтінім берушімен немесе өкілетті өкілмен әр өтінім бойынша дербес жүргізіледі.
      Материалдар сараптау ұйымына тікелей немесе пошта арқылы жіберіледі.
      Өтінімді бергеннен кейін жіберілетін материалдар оның нөмірін және өтінім беруші мен оның өкілінің қолын құрайды.
      Өтінім бойынша өндіріс процесінде жіберілетін материалдар Заңмен белгіленген мерзімде ұсынылады.
      Сараптау ұйымында іс жүргізу мемлекеттік тілде немесе орыс тілінде жүргізіледі. Басқа тілдегі материалдарға мемлекеттік тілдегі немесе орыс тіліндегі аудармасы қажет. Аударманы белгіленген мерзімге жеткізгенге дейін басқа тілде ұсынылған материалдар қарастырылмайды. Бұл туралы өтінім беруші хабардар болады.
      Материалдар факсимильді байланыс арқылы жіберілуі мүмкін. Факс арқылы жіберілген материалдардың түпнұсқалары факс арқылы түскен күнінен бастап бір ай ішінде ұсынылады. Бұл шартты сақтаған жағдайда материалдардың келіп түскен күні олардың факс арқылы түскен күні болып есептеледі. Егер материалдардың түпнұсқалары көрсетілген мерзімнен кейін келіп түссе немесе факс арқылы келіп түскен материалдар ұсынылған материалдарға сәйкес болмаса, материалдар түпнұсқаның келіп түсу күніне түскен болып саналады, факс арқылы келіп түскен материалдардың мазмұны ары қарай қарастырылмайды. Егер факс арқылы келіп түскен қандайда бір өтінім материалдары немесе олардың бөлігі оқылмай не келіп түспеген болса, бұл материалдар түпнұсқаның келу күніне келіп түскен болып саналады.
      31. Заңның 21-бабына сәйкес өтінім берушінің өтінім құжаттарына осы өтінім бойынша тиісті шешім қабылданғанға дейін мәлімделген объектінің мәнін өзгертпей түзетулер мен нақтылаулар енгізуге құқығы бар.
      Өтінім құжаттарының түзетілуі мен нақтылануы ауыстыратын парақтарды ұсыну жолымен жүзеге асырылады. Ауыстыратын парақтар құжаттың әрбір данасына мемлекеттік тілде немесе орыс тілінде беріліп не құжаттың аудармасына мемлекеттік тілде немесе орыс тілінде беріледі. Осы Ереженің талаптарын қанағаттандырады. Егер өзгерістер енгеннен кейін ауыстыратын парақтағы мәтін жарты парақты қамтыса немесе бұрын бір парақты қамтыған мәтін оның шегінен шығып жатса, келесі беттерде ауыстырылады. Ауыстыратын беттерді ұсынған кезде ұсынылатын өзгерістердің қысқаша түсініктемесі ауыстыратын беттерге негізделген ілеспе хатта беріледі. Егер өзгерістер өтінім берушінің бастамасымен енгізілген болса, түсініктеме белгіленген көлемге сәйкес төлемді растайтын құжат қосымша берілген өтінім берушінің хатында көрсетіледі. Осы өзгерістер өтінім түскен күннен бастап екі ай ішінде енгізілген жағдайда төлем алынбайды.
      Егер библиографиялық мәліметтердегі қателер түзетілсе, сол түзетілген құжат тікелей репродуциялаудағы нақтылыққа қатысты теріс салдарға әкелмесе, өтінім берушінің хатында ауыстыратын парақсыз түзетуді енгізіледі.
      Өтінім берушінің қорғау құжатын алу құқығын беру кезіндегі нұсқауына қатысты немесе өтінім беруші атауының өзгеруі нәтижесіндегі өзгерістер, сондай-ақ өтінім құжаттарындағы техникалық сипаттағы қателерді түзету тиісті төлем төленген жағдайда өнеркәсіптік меншік объектілерін тиісті Мемлекеттік тізілімде тіркеген күнге дейін жасалады.
      Егер маман үшін жалпыға белгілі білімі жағынан ұсынылған түзетуден басқа ештеңе қолданылмаған болса, бұл түзету айқын болып табылады.
      32. Авторлар құрамының өзгеруінен құрамға патент беру туралы өтініште көрсетілген бір авторды қосу немесе құрамнан алып тастау жөнінде түсінуге болады.
      Авторлар құрамына өзгерістер ресімделген патент беру туралы жаңа өтінішті ұсыну жолымен енгізіледі.
      Патент беру туралы жаңа өтінішке өтінімнің нөмірі және берілу күні көрсетілген авторлар құрамына өзгерістердің енуі туралы қолдаухат қажет. Авторды алып тастау жағдайында қолдаухатқа алынып тасталатын автордың қолы қойылады (үкіметаралық келісімге сәйкес берілген өтінім бойынша тек ұлттық авторлар мен өнеркәсіптік үлгілер авторларына). Бұл нотариалды түрде расталады. Алып тасталатын автордың келісімі өтінімнің нөмірі мен тіркеу күні көрсетілген жеке хат түрінде ресімделуі мүмкін.
      Егер автордың қол қоюы мүмкін болмай, оны авторлар құрамына енгізу жағдайында қолдаухатқа жазбаша келісім қажет болады. Ол келесі тәртіпте ресімделеді:
      автордың өлімі немесе оны өлген деп жариялау жағдайында оның атынан мұрагері қол қояды. Ол заңды түрде мұрагерлік құқығы туралы нотариалды расталған куәлігін көрсетіп, өзінің мұрагерлік құқығын дәлелдейді;
      егер сот Қазақстан Республикасының Азаматтық кодексінің 28-бабына сәйкес авторды хабарсыз жоқ болған деп таныса, қызығушылық танытқан тарап соттың авторды хабарсыз жоқ болған ретінде тануы туралы шешімін ұсынады;
      авторды қабілетсіз немесе қабілеттілігі шектелген деп таныған жағдайда өзгерістер енгізуге келісімді оның атынан қамқоршысы немесе жанашыры қамқорлық белгілеу туралы сот шешімінің көшірмесін ұсынған жағдайда қол қоя алады.
      Авторлар құрамына өзгерістер қажетті төлемді растайтын құжат негізінде енгізіледі.
      Егер осы тармақта көрсетілген құжаттар болмаса және/немесе ұсынылған құжаттар осы тармақтың талаптарына сәйкес келмесе, өтінім беруші ескертпе хатты жіберген күннен бастап үш айдың ішінде қажет құжаттарды немесе түзетілген құжаттарды ұсынуы тиіс.
      Сұрау салынған құжаттар ұсынылмаған жағдайда жаңа өтініш берілмеген немесе шақырылған болып саналады. Бұл туралы өтінім беруші  хабардар етіледі.
      33. Патент алу бойынша тәртіпке лайықталған әрекеттерді жасау мерзімі уақыт кезеңімен анықталады. Бұл уақыт ағымында барлық әрекеттер атқарылады.
      Егер мерзім "ағымында, кешіктірмей, өткенге дейін, күннен бастап..." деген сөз тіркестерімен сипатталатын болса, көрсетілген күннен кейінгі күннен бастап есептеледі. Мерзімнің соңы мерзімнің соңғы айының тиісті күнінде аяқталады. Егер мерзімнің соңғы күні жұмыс емес күнге сәйкес келсе, мерзімнің аяқталу күні сол күнге жақын келесі күн болып табылады. Егер мерзімнің аяқталуы тиісті күн жоқ болып табылатын айға сәйкес келсе, мерзім сол айдың соңғы күнінде аяқталады.
      Мерзімнің аяқталу күнінен кешіктірілмей жіберілген құжаттар мерзімде жіберілген құжаттар болып саналады.
      34. Заңның 24-бабының 2, 4-тармақтарына сәйкес өтінім беруші қажетті қолдаухатты ұсынған жағдайда сұрау салынған құжаттар жіберілген күннен үш айға ғана кешіктірілуі мүмкін.
      Қолдаухатқа қажетті төлемді растайтын құжат қосымша етіп ұсынылуы қажет.
      Сұрау салынған құжаттар немесе белгіленген мерзімді ұзарту туралы қолдаухат белгіленген мерзімде ұсынылмаса, өтінім берілмеген немесе қайтарылған болып саналады. Бұл туралы өтінім беруші хабардар болады.
      Мерзімді ұзарту туралы қолдаухат сұранысты өтінім берушіге жіберген күннен бастап үш айдың ішінде ұсынылуы тиіс.
      Өтінім беруші сұрау салынған құжаттарды ұсыну мерзімін ұзарту жөнінде хабардар болады.
      35. Заңның 24-бабының 8-тармағына сәйкес Заңның 24-бабының 3,  4- тармағымен қарастырылған және өтінім берушінің кешіккен мерзімдері себепті жағдайда және кешіккен мерзімді қалпына келтіру төлемін растайтын құжат ұсынған жағдайда сараптау ұйымымен қалпына келтірілуі мүмкін.
      Мерзімді қалпына келтіру туралы қолдаухат кешіктірілген мерзімнің аяқталу күнінен бастап санағанда, алты айдан кешіктірмей берілуі қажет. Мұндай қолдаухат сараптау ұйымына сараптаманың сұрау салған материалдарымен немесе апелляциялық кеңеске негізделген қарсылықпен бір уақытта ұсынылады.
      Қолдаухатқа қосымша қажетті төлемді растайтын құжат беріледі. Мұндай құжатты көрсетілген мерзімде ұсынбаған жағдайда қолдаухат берілмеген болып табылады. Бұл туралы өтінім беруші хабардар болады.
      Осы тармақта көрсетілген талаптардың бірі сақталмаған жағдайда қолдаухат қанағаттандырылмайды. Бұл туралы өтінім беруші хабардар болады.
      36. Заңның 27-бабына сәйкес өтінім беруші берген өтінімін өнеркәсіптік үлгісінің Қазақстан Республикасының Мемлекеттік тізіліміне тіркелгенге дейін қайтарып алуы мүмкін.
      Белгіленген мерзімде өтінімді қайтару туралы өтініш түскен жағдайда өтінім берушіге ескертпе хат жіберіледі және осы өтінімге қатысты іс жүргізу тоқтатылады.
      Қайтарылған өтінімнің құқықтық салдары болмайды, ол бойынша ешқандай заңды әрекеттер жасалмайды және алдағы уақытта өтінім берушінің құқықтары бұл өтінімге негізделе алмайды. Қайтарылған өтінім осы Ереженің 62-64-тармақтарына сәйкес өнеркәсіптік үлгінің патенттік қабілеттілік шарттарына сәйкестігі белгіленбейді.
      Өтінімді қайтару туралы ескертпе хатты жібергеннен кейін өтінім берушінің қайтару туралы өтінішін жарамсыз деп санау өтініші қанағаттандырылмайды.
      37. Сараптама жүргізу кезеңінде өтінім беруші өз бастамасымен немесе сараптаманың сұранымы бойынша өтінілген нысан мәнін өзгертпей өнеркәсіптік үлгіге өтінім материалдарын толықтыруға, нақтылауға немесе өзгертуге мүмкіндігі бар.
      Өтінілген өнеркәсіптік үлгінің мәнін өзгертпейтін қосымша материалдар өтінімнің материалдарына қосылады.
      Өтінілген өнеркәсіптік үлгінің мәнін өзгертетін бөлік түріндегі қосымша материалдар өтінімді қарастыру кезінде назарға ілінбейді және дербес өтінім ретінде ресімделуі мүмкін. Бұл туралы өтінім беруші хабардар етіледі.
      Сонымен қатар дербес өтінім сараптау ұйымының өтінім берушіге ескертпе хат жібергенінен бастап үш ай ішінде берілсе, Заңның 20-бабының 3-тармағына сәйкес оның басымдығы қосымша материалдардың келіп түсу күнімен белгіленеді.
      Егер қосымша материалдар осы Ереженің талаптарын сақтамаған түрде ұсынылса, өтінім беруші олардың сараптама кезінде жалпы түрде немесе қажетті бөлікте назарға алынатыны жөнінде хабардар етіледі.

3. Өнеркәсіптік үлгі өтінімін қарау тәртібі

      38. Сараптама жасау ұйымына түскен өтінім материалдарына тиісті нөмір мен түскен күнін көрсетуін тіркеу, мемлекеттік немесе орыс тілдерінде және өтінілетін өнеркәсіптік үлгінің кескіндемесімен өнеркәсіптік үлгіге патент беру туралы өтінімі бар болған жағдайда жүргізіледі. Патент беру туралы немесе өтінілетін үлгінің кескіндемесі мазмұндалмайтын құжаттар тіркелмей және оны ұсынған тұлғаға қайтарылып беріледі. Құжаттарды қарауға қабылданған факті туралы өтінім берушіге өтінімнің тіркеу нөмірі мен құжаттың түскен күні туралы ескерту қағазы жіберіледі.
      Қорғау құжатын беру туралы өтініш мемлекеттік тілде немесе орыс тілінде ұсынылады. Басқа құжаттар мемлекеттік тілде, орыс немесе өзге тілдерде ұсынылады. Егер де басқа құжаттар өзге тілде берілсе, өтінімге олардың мемлекеттік тілдегі немесе орыс тіліндегі аудармасы қажет. Аударма сараптау ұйымына басқа тілдегі құжатты құрайтын өтінім келіп түскен күннен кейін екі ай ішінде ұсынылуы тиіс. Сәйкес төлем жасалған жағдайда бұл мерзім ұзартылуы мүмкін. Бірақ екі айдан ұзақ созылмайды.
      Аударманы белгіленген мерзімге сәйкес бермеген жағдайда өтінім берілмеген болып есептеледі.
      Үшінші тұлғаның қорғау құжатын беру туралы мәлімет жарияланғанға дейін өтінімге қол жеткізуіне рұқсат берілмейді. Тек Заңның 16-бабының 3-тармағымен қарастырылған жағдайларда ғана мүмкін болады.
      Өтінім бойынша шығыс құжаттарын сараптама жасау ұйымы, өтінім берушімен аталған, хат алмасу мекен-жайына жіберіледі.
      Сараптама жасау ұйымына тапсырылған өтінімнің расталған көшірмесі тиісті төлем туралы құжаттың бар болған жағдайында шетелде патенттеу мақсатында өтінім берушінің өтініші негізінде жасалады.
      39. Сараптама жасау ұйымы өтінім материалдарын қарастыруға қабылдағаннан кейін формалды сараптаманы жүргізеді.
      40. Формалды сараптама жүргізілген кезде төмендегілер тексеріледі:
      өтінімде қамтылатын немесе Заңның 19-бабы 2-тармағының 1) тармақшасында және оның 4 бөлімінде көзделген қосымша берілетін құжаттардың бар болуы;
      белгіленген мөлшерде жүргізілген төлемдердің сәйкестігі;
      патенттік сенімді өкілдер өкілеттілігін куәландыратын, сенімхаттың ресімделуінің дұрыстығын және тексерістің бар болуын қоса алғанда, Заңның 36-бабының 2-тармағында көзделген өтінімді беру тәртібін сақтау;
      өнеркәсіптік үлгі бірлік талаптарын сақтау;
      ұсынылған қосымша материалдары өтінілетін өнеркәсіптік үлгінің маңызын өзгертуі;
      ӨҮХС бойынша өтініш берушінің өнеркәсіптік үлгіні дұрыс сыныптауы;
      ерте түскен басымдықтың сұралу негіздемесі.
      Формалды сараптама жүргізу сатысында Заңның 24-бабының 2-тармағының негізінде өтінімнің берілген мерзімі және басымдығының мерзімі белгіленеді.
      41. Өнеркәсіптік үлгіге өтінім бойынша, құжаттардың талаптары бұзылып рәсімделген жағдайда, өтінім берушіге ұсыныс жіберілген күннен бастап үш ай ішінде түзетілген және жетіспейтін құжаттарды ұсыну ұсынысы жіберіледі.
      Егер де өтінім беруші белгіленген мерзімде сұрау салынған құжаттарды немесе мерзімді ұзарту туралы қолдаухатты ұсынбаса, өтінім берілмеген болып есептеледі, сәйкесінше өтінім берушіге ескерту хаты жіберіледі.
      42. Сауал негіздері мыналар болып табылады:
      осы Ереженің 6-тармағының 1) және 3) тармақшасында көзделген өтінімде құжаттардың біреуі жоқ болған жағдайда;
      өкілге сенімхатты ресімдеуде талаптарды бұзу;
      патент беру туралы өтінішінде қажетті мәліметтер, сондай-ақ мөр оттискі мен қолдары жоқтығы, сонымен өтініште келтірілген мәліметтерді нақтылау қажеттілігі;
      белгіленген көлемде сәйкес төлемді растайтын құжаттың болмауы;
      репродукциялауға кедергі келтіретін, құжаттарды ресімдеуде кемшіліктерді анықтау (өтінім материалдарын оқу қиындығы, баспа сапасы, жолдар мөлшері, парақтар форматының талаптары бұзылғанда);
      Қазақстан Республикасында қорғалатын тауар таңбаларына үшінші тұлғалар құқықтарының бұзылу мүмкіндігімен байланысты, мәселелерді шешу қажеттілігі;
      патент туралы мәліметтер жариялымында да аталғысы келмейтін, авторлар туралы мәліметтерден басқа, өтінімде жалпы жеткілікті болып табылмайтын сілтемелердің, сондай-ақ басқа да мәліметтерді жариялауға мүмкін емес мәліметтердің бар болуы;
      өтінімде сұралатын алдыңғы басымдықты белгілеумен байланысты мәселелерді шешу қажеттілігі;
      өтінілетін өнеркәсіптік үлгінің маңызын талдаусыз белгіленетін, өтінімдер құжаттарына осы Ереженің басқа да талаптарын бұзушылықтардың бар болуы.
      43. Өнеркәсіптік үлгі мәнін топтастыру ӨҮХС-ке сәйкес өтінім мәнін бірде бір қолдану саласына қатыстыру мақсатында жасалады.
      Топтастыру кезінде, топтама индексін таңдауда негіз болып, оны кескіндемесі, суреттемесі, сондай-ақ өтінімде бар сызбалар болып табылады.
      Формалды сұралатын сараптама кезінде белгіленген топтама индекстері маңызы бойынша өтінімді сараптау процессінде өзгерілу мүмкін.
      44. Өтінілетін өнеркәсіптік үлгі маңызы талдаусыз өтінімді қарау нәтижесінде, өтінім өнеркәсіптік үлгі бірлігінің талаптары бұзылуы аңықталғанда, өтінім берушіге тиісті ескерту жіберілген соң үш айлық мерзім ішінде, қай өнеркәсіптік үлгісі қаралуын, қажетінше, өтінім құжаттарына нақтылауды енгізсін.
      45. Егер өтінім беруші бірлік талаптарын бұзу туралы ескерту берілген үш ай мерзім ішінде, қай өнеркәсіптік үлгіні қарауын қажет, және нақтылау қағаздарын ұсынбаған жағдайда, суреттемеде бірінші болып көрсетілген нысанының қаралуы жүргізіледі.
      46. Егер өтінімде барлық қажетті құжаттары болып және оған қойылған барлық талаптары сақталған жағдайда, өтінім берушіге формалды сараптаманың оң нәтижесі және өтінімді беру мерзімі туралы хабарланады.
      47. Сараптама жасау ұйымы формалды сараптаманың оң нәтижесінен соң өтінімнің мәні бойынша сараптаманы жүргізеді.
      48. Мәні бойынша сараптамада:
      өнеркәсіптік үлгі ретінде қорғалатын, нысандарға өтінілетін ұсынысты қатыстыру мүмкіндігі белгіленеді;
      көркем-конструкторлық шешімнің деңгейін анықтауда өтінілетін өнеркәсіптік үлгіге қатысты ақпараттық ізденіс жүргізіледі;
      ақпараттық ізденістің нәтижелері негізінде патент қабілеттілігі жағдайларына өтінілетін шешімге сәйкестікке тексерісті жүзеге асырады.
      49. Өнеркәсіптік үлгі ретінде бұйымның сыртқы түрін анықтайтын көркем-конструкторлық шешімі қорғалады. Бұйым деп өнеркәсіптік немесе қолөнер кәсібінің кез келген бұйымын, құрама бұйымдарды, құрама бұйымдарға құрастыруға арналған дербес компоненттерді, орамаларды, заттаңбаларды, төсбелгілерді, қаріптерді, бірлесе қолданылатын бұйымдардың жинақтарын (комплектісін) түсінуге болады.
      Бұйымның дербес бөліктеріне оның функционалды дербес бөліктері жатады. Олар бұйымды қолдану барысында көрінеді.
      Құрама бұйымды құрастыруға арналған компонентке құрама бұйымның функционалды дербес бөлігі жатады. Ол бұйымды құрастыру үшін қажет және бұйым бүтіндігін бұзбай қайта монтаждалып, құрама бұйымды құрастыру үшін қайта пайдаланылады.
      Құрама бұйымдарға құрама бұйымға арналған компоненттерден тұратын бұйымдар жатады.
      Жиынтыққа жалпы тағайындалуға және кешенді пайдаланылуға ие бұйым топтары жатады.
      Бұйымның көркем-конструкторлық шешімі бұйымның сыртқы түрінің эстетикалық және/немесе эргономикалық ерекшеліктерін анықтайтын мәнді белгілердің жиынтығымен сипатталады.
      50. Заңның 24-бабының 3-тармағына сәйкес мәні бойынша өтінімге сараптама жүргізгенде, өнеркәсіптік үлгіні өнеркәсіпте пайдаланылуына, жаңалығы мен ерекшелігіне патент қабілеттілігіне тексерісті жүзеге асырады.
      Егер өнеркәсіптік үлгінің тобы бойынша өтінім берілген болса, патент қабілеттілігі оған кіретін өнеркәсіптік үлгінің әрбіріне қатысты түрде тексеріледі. Топтың барлық өнеркәсіптік үлгісінің патенттік қабілеті болған жағдайда ғана олардың патенттік қабілеттіліктері мойындалады.
      51. Заңның 19-бабының 1-тармағына бойынша өнеркәсіптік үлгі тобындағы барлық өнеркәсіптік үлгінің патенттік қабілеттілік шарттарына сәйкес келмеген жағдайда сараптау ұйымы өнеркәсіптік үлгіге патент беруден жарым-жартылай бас тарту туралы сараптама қорытындысын шығарады.
      52. Жаңалықты тексеру формалды сараптау нәтижесі бойынша қарастырылуға қабылданған, бұйым суретінде және өнеркәсіптік үлгінің маңызды белгілер тізбесінде көрініс тапқан өнеркәсіптік үлгінің белгілер жиынтығына қатысты жүргізіледі. Егер формалды сараптау аяқталғаннан кейін өтініш беруші өзгерткен болса, Заңның 24-бабы 4-тармағына көрсетілген талаптарды сақтай отырып маңызды белгілердің өзгертілген тізбесіне қатысты жүргізіледі.
      Жалпыға жеткілікті мәліметтер деп, әрбір тұлға таныса алатын ақпарат көзі танылады.
      Жоғарыда аталған мәліметтерді жалпыға жеткілікті қатыстыру мүмкіндігін анықтайтын күні:
      өнеркәсіптік үлгі туралы мәліметтерді жариялау күні - оларды жариялау күні;
      баспаларға басуға қол қойылу күні жазылған - аталған күні;
      басқа да баспаларға - жарыққа шығу күні немесе ол анықталмаған жағдайында, баспада аталған жылғы айдың соңғы күні;
      мақала, шолу, монография және басқа да материалдар қол жазбаларын депондылау - депондылау күні;
      ғылыми-техникалық ақпарат органдарындағы, ғылыми-зерттеу жұмыстары, тәжірибе-конструкторлық және басқа да жұмыстар түсіндірме қағаздары, технологиялық және жобалық құжаттар туралы есептерге - органдарға түскен күні;
      нормативті-техникалық құжаттар үшін - оның уәкілетті органда тіркелу күні;
      қолжазба құқығында басылған, диссертациялар авторефераттары мен диссертациялар материалдары үшін - олардың кітапханаға түсу күні;
      көрмеге қойылған экспонаттар үшін - оларды көрсетуге құжатпен расталатын күні;
      теледидар бойынша хабарлама үшін - сол хабарламаның күні, егер ол ақпараттың тиістінше тіркелген күні.
      Өнеркәсіптік үлгі, егер ақпарат көздерінде өнеркәсіптік үлгінің мәнді белгілер тізбесінде сипатталған, қаралатын өтінімдерге кескіндемелерде ұсынылған, барлық белгілерге ұқсас, тән, көркем-конструкторлық шешімі туралы мәліметтер анықталған жағдайда, жаңалық жағдайына тиісті деп саналмайды.
      Өнеркәсіптік үлгінің жаңалығын анықтаған кезде Қазақстан Республикасында өнеркәсіптік үлгілерге бұрын басқа адамдар өтінім берген (қайтарып алынғандарын қоспағанда) және Қазақстан Республикасында патенттелген өнеркәсіптік үлгілердің неғұрлым ертеректегі басымдығы да ескеріледі.
      Қаралатын өнеркәсіптік үлгі мәліметтері туралы, ақпарат көзі ретінде басымдығы ерте өтінім болып табылған жағдайда, өтінім қайтарылып алынбаған немесе қайтарылып алынған болып есептеледі.
      Егер өтінім уақытында қайтарылып алынбаса немесе қайтарылып алу мерзімі өтпеген жағдайда, қаралатын өнеркәсіптік үлгі өтінім берушіге, оның мазмұны ашылмай және өтінім берушісі аталмай сондай өтінім бар екені туралы хабарланады және басымдық өтінім бойынша анықтамалықты анықтағанша өтінімді қарастыру мүмкіндігі кешіктіріледі. Егер өтінім беруші өтінімді қарастыруды кешіктіру жағдайымен келіспеген жағдайда, өтінілген өнеркәсіптік үлгі жаңалық жағдайына сәйкес емес деп есептеледі.
      Жаңалық жағдайы сәйкес емес өнеркәсіптік үлгілерге ерекшелік тұрғысынан тексеріс жүргізілмейді.
      53. Өнеркәсіптік үлгіні ерекшелікке тексеру Заңның 8-бабы 1-тармағының негізінде жүргізіледі және:
      жақын ұқсастықты анықтау;
      өтінілетін өнеркәсіптік үлгіні жақын аналогтан айыру, елеулі белгілерді анықтауын енгізеді (айырықша белгілер);
      өтінілетін өнеркәсіптік үлгінің айыру белгілерімен сәйкес келетін, белгілері бар, көркем-конструкторлық шешімдер басымдығының күніне дейін әлемде жалпы жеткілікті мәліметтерді анықтау.
      Өнеркәсіптік үлгі ерекшелік жағдайына сәйкес деп, тізбеге енгізілген белгілер бойынша мәнді белгілер үшін көркем-конструкторлық шешімдер анықталмаған жағдайда танылады.
      Өнеркәсіптік үлгі жаңалық жағдайына тиісті деп, егер оның барлық елеулі ерекше белгілеріне, сол белгілері бар, көркем-конструкторлық шешімдер анықталған жағдайына, сондай-ақ анықталған көркем-конструкторлық шешімдерге тән емес, бұл белгілер қаралатын өнеркәсіптік үлгінің эстетикалық және/немесе эргономикалық ерекшеліктерін баршылығын қамтамасыз етеді.
      Бұйымдарға қатысты, өнеркәсіптік үлгі сол бұйымның эстетикалық және/немесе эргономикалық ерекшеліктеріне ықпалы расталмағанда, мәнді белгілер тізбесіне өтінім берушімен енгізілген белгілермен ғана жақын аналогтан айрылғанда;
      танымалдармен салыстыру бойынша бұйымдардың түсі өзгерсе (бірақ қолористикалық шешімі емес) немесе элементтер саны көбейтіліп, мөлшерлер өзгергенде;
      жеке алынған қарапайым геометрикалық көлем немесе жеке алынған қарапайым геометрикалық фигура түрінде;
      басқа техникалық негізде орындалған, тиісті маңыздағы бұйымдарға қатысты, қалпын қайталағанда;
      сыртқы пішіні танымал нысандардан қайталанған, сыртқы түрі ұқсас әртүрлі маңыздағы екі нысанды танығанда;
      олардың сыртқы түрін өзгертпей, әртүрлі ұқсас бұйымдары жасалған жиынтығында (комплектісі) жаңалық жағдайына сәйкес емес деп танылады.
      54. Заңның 8-бабы 2-тармағында көрсетілген мынадай шешімдер:
      1) бұйымдардың тек қана техникалық міндеттеріне негізделсе;
      2) сәулет объектілерінің (шағын сәулет нысандарын қоспағанда), өнеркәсіптік, гидротехникалық және басқа да тұрақты ғимараттардың;
      3) баспа өнімнің өзі;
      4) сұйық, газ түріндегі, сусыма немесе сол сияқты заттардан тұратын тұрақсыз нысандағы объектілердің;
      5) Адами ар-намысқа тіл тигізетін, әдепсіз, жаргондық немесе ұятсыз мазмұндағы ұлттық немесе діни сезімдерге ие;
      өндіруші мен (немесе) бұйымды және (немесе) тауарды өндіру орнына қатысты бұйым пайдаланушыны адастыруға итермелейтін;
      қоғамдық мүдделерге, адамгершілік пен мораль принциптеріне қайшы келетін бұйымдардың шешімдері өнеркәсіптік үлгілер болып танылмайды.
      Адасуға итермелейтін шешімдердің қатарына қайта жаңғыратын немесе ұқсас не жалпы әсер қалыптастыратын элементтерді құрайтын шешімдер жатады.
      Олар:
      Мемлекеттік елтаңбалармен, тулармен және басқа да мемлекеттік рәміздер мен белгілермен;
      Халықаралық және үкіметаралық ұйымдардың қысқартылған немесе толық атауларымен, олардың елтаңбаларымен, туларымен, рәміздерімен және белгілерімен;
      Ресми бақылау, кепілдік берілген таңбалармен, мөрлермен, марапаттармен және басқа да ерекшелік белгілерімен араласуға алып келеді.
      Мұндай элементтер сәйкес құзырлы органның келісімі болса, бұйымның сыртқы түрінің шешіміне қосылады.
      Тауар таңбасы ретінде халықаралық келісім-шартқа сәйкес Қазақстан Республикасында мемлекеттік тіркеуге жіберілмейтін элементтермен;
      өйткені бұл элементтер халықаралық келісім-шартқа қатысушы - белгілі бір мемлекетте оның жер аумағынан (осы мемлекеттің географиялық нысаны шекарасында шығарылатын) шығарылатындай етіп бұйымды сәйкестендіруге мүмкіндік беретін және егер де өнеркәсіптік үлгі берілген географиялық нысанның аумағында шығарылмайтын бұйымдардың оралуына, таңбалануына арналған болса, айрықша сапаға, беделге немесе олардың шығу тегімен анықталатын басқа сипаттамаларына ие белгі ретінде қорғалады.
      Қазақстан Республикасы халықтарының аса құнды нысандарының я болмаса дүниежүзілік мәдени немесе табиғи мұра нысандарының ресми атауларымен немесе суреттерімен, егер олардың иесі болып табылмайтын тұлғалар атына, өнеркәсіптік үлгі ретінде мұндай шешімдердің тіркеуіне ие өкілеттігін алған иесі немесе тұлғаның келісімінсіз сұралып жатса;
      Қазақстан Республикасында қорғалатын, соның ішінде Қазақстан Республикасының халықаралық келісім-шартына сәйкес, тауарлардың бір текті бұйымдарына қатысты өнеркәсіптік үлгіге өтінім беру күніне басқа тұлғалардың белгілі тауар таңбаларымен;
      тауарлардың бір текті бұйымдарына қатысты Қазақстан Республикасында жалпыға белгілі тауар таңбалары тәртібімен Қазақстан Республикасының "Тауар таңбалары, қызмет көрсету таңбалары және тауарлар шығарылатын жерлердің атаулары туралы" Заңымен белгіленіп мойындалған басқа тұлғалардың тауар таңбаларымен;
      тұлғалардың өтінім беру күніне, тұлғалардың немесе олардың мұрагерлерінің келісімінсіз танымал есімдермен, лақап есімдермен немесе олардан туындайтын белгілермен, Қазақстан Республикасында танымал портреттермен немесе факсимилемен;
      тіркеу бойынша әрекеті өнеркәсіптік үлгі ретінде сол немесе бір текті тағайындалу бұйымдарына қатысты, я болмаса тауар таңбасы ретінде тауарлардың бір текті бұйымдарға қатысты белгіленген заңнамалық тәртіпте нашар бәсекелестіктің актісімен мойындалған белгілермен араласуы мүмкін.
      55. Осы Ереженің 2-қосымшасына сәйкес қолдаухат және қажетті төлемді растайтын құжатты берген жағдайда әрекеттегі алдын ала патент иесінің патент алуы үшін сараптау ұйымы мәні бойынша сараптама жүргізеді.
      56. Мәнді белгілер тізбесін қарастыру кезінде өтінім беруші көрсеткен эстетикалық және/немесе эргономикалық ерекшеліктерге ие, суретте ұсынылған бұйымның сыртқы түрін қалыптастыру үшін жиынтығы қажет мәнді белгілер белгіленеді.
      Егер белгі суретте орын алса, бірақ өтінім беруші оны мәнді белгілер тізбесіне қоспаса және ол бұйымның сыртқы түрін қалыптастыруға ықпал етсе, өтінім берушіге бұл белгіні мәнді белгілер тізбесіне қосуға ұсыныс жасалады. Өтінім беруші мұндай өңдеуден бас тартса, өнеркәсіптік үлгінің патенттік қабілеттілігін тексеру кезінде сыртқы түрінің бұл ерекшелігі ескерілмейді.
      Белгіні сәйкестендіру мүмкін болмаған жағдайда сараптау ұйымы өтінім берушіден түсініктеме сұрайды және/немесе өнеркәсіптік үлгінің суреті және сипаты негізінде мұндай белгінің сипаттамасын өңдеп беруді ұсынады.
      Өтінім беруші берілген салаға арналған ескірген немесе пайдасыз терминологияны пайдаланса, мәнді белгілер тізбесіне қажетті өңделім енгізуге ұсыныс жасалады.
      Егер белгі сәйкестендіруге келмесе, өтінім беруші мәнді белгілер тізбесін өңдеуден бас тартса, өтінімді қарастыру барысында мұндай белгі назарға алынбайды.
      Егер мәнді белгілер тізбесін қарастыру кезінде оның құрылымы мен мазмұнына сәйкессіздік байқалса, өтінім берушіге мәнді белгілер тізбесін өңдеу туралы ұсыныс жасалады.
      Өтінімнің алғашқы материалдарында болмаған және сәйкес келмейтін белгілерді мәнді белгілер тізбесіне қосу туралы өтінім берушінің өтініші бойынша өтінім берушіге бұл белгілерді көрсетпей тізбені беру ұсынылған сұраным жіберіледі.
      57. Сарапшының сұрақтары, ескертпелері және дәлелденген ұсыныстары сұранымда сілтемелермен көрсетіледі, қажет болса көркем құрылымдау сұрақтары бойынша әдебиетке, ғылыми-техникалық әдебиетке, заңнама ережесіне сілтеме жасалады. Сараптау ұйымының сұранымдары өтінім берушіге бірнеше мәрте жіберілуі мүмкін.
      58. Егер белгіленген мерзімде өтінім беруші сұрау салынған материалдарды немесе қолдаухатты ұсынбаса, өтінім қайтарылған болып саналады, ол бойынша іс жүргізу Заңның 24-бабының 8-тармағына сәйкес жүргізіледі. Бұл туралы өтінім беруші хабардар етіледі.

5. Қазақстан Республикасының өнеркәсіптік үлгілерінің мемлекеттік тізіліміне мәліметтер енгізу

      59. Өтінімді қараудың кез келген сатысында, Мемлекеттік тізілімге өнеркәсіптік үлгіні тіркегенге дейін өтінім беруші патент алу құқығын басқаға жазбаша жасалған және уәкілетті органда тіркелген шарт бере алады.
      60. Патент беру туралы уәкілетті органның шешімі негізінде құжаттарды беруге арналған тиісті төлем мен мемлекеттік баж расталған кезде, өнеркәсіптік үлгі оған тиісті нөмір беріле отырып, Қазақстан Республикасының өнеркәсіптік үлгілерінің мемлекеттік тізіліміне енгізіледі.
      61. Өнеркәсіптік үлгілерді тіркеу кезінде мемлекеттік тізілімге келесі мәліметтер енгізіледі:
      (11) өнеркәсіптік үлгіні тіркеу нөмірі (қорғау құжатының нөмірі);
      (51) өнеркәсіптік үлгінің халықаралық сыныптамасының индекс(тер)і (ӨҮХС);
      (21) өнеркәсіптік үлгі өтінімінің нөмірі;
      (22) өтінім берген күні;
      (31) басымдылығы бар өтінім нөмірі;
      (32) басымдылығы бар өтінімді беру күні;
      (33) Дүниежүзілік зияткерлік меншік ұйымының стандарты бойынша басымдылығы бар өтінім елінің коды;
      (72) өнеркәсіптік үлгінің автор(лар)ы;
      (73) патент иеленуші (ел коды);
      (45) қорғау құжатын беру туралы мәліметтерді жариялау күні мен ресми бюллетень нөмірі;
      (54) өнеркәсіптік үлгінің атауы;
      (55) өнеркәсіптік үлгінің суреті;
      (57) өнеркәсіптік үлгінің елеулі белгілерінің тізімі;
      (62) осы құжат бөлініп алынған алдыңғы өтінімнің нөмірі мен өтінім беру күні;
      (63) осы құжатты рәсімдеуге негіз болған қосымша материалдар берілген алдыңғы өтінімнің нөмірі мен өтінім беру күні;
      (64) ел коды, қорғау құжатының түрі мен нөмірі, алғашқы жариялау күні мен бюллетень нөмірі;
      (56) анықталған жақын аналогтар(ы), прототиптер(і).
      Егер Дүниежүзілік зияткерлік меншік ұйымының (ДЗМҰ) стандартымен қарастырылса, аталған мәліметтерді енгізуде жақшаларда тиісті ИНИД коды жазылып, жариялауда пайдаланылады.

5. Өнеркәсіптік үлгілерге қорғау құжатын беру

      62. Уәкілетті орган Мемлекеттік тізілімге енгізілген мәліметтер негізінде патент береді.
      Патент ол туралы ресми бюллеттеньде жариялымымен бір уақытта беріледі.
      Бірнеше адамдарға патент сұралғанда бір ғана патент беріледі.
      Патент мемлекеттік және орыс тілдерінде толтырылады.
      Патент иеленуші болып табылмайтын, өнеркәсіптік үлгінің авторына, авторлығын куәландыратын ресми куәлік беріледі.
      Патентте мемлекеттік тілде - «Енгізілген өзгерістер енгізу туралы мәліметтер осы патентке Қосымша түрінде жеке парақта келтіріледі» және орыс тілінде «Сведения о внесении изменений приводятся на отдельном листе в виде Приложения к настоящему патенту» деген жазба жазылады.
      Өнеркәсіптік үлгінің кескіндемесі және авторлар куәліктері қолына немесе патент иеленушінің заңды мекен жайына немесе өтініш берушімен (патент иеленушімен) аталған, немесе өтініш бойынша (жазбаша түрде) басқа мекен-жайға, берілген сенімхатқа сәйкес, өкілдің (патент сенімді өкілі) мекен-жайы тапсырыс пошталық жіберіліммен жіберіледі.
      Патент иеленушіге патентті беруде, жеке тұлға үшін жеке бас куәлігі және заңды тұлға үшін патент алуға сенімхатты талап етеді. Шетел патент иеленушілерге патенттер мен авторлар куәліктері, уәкілетті органда тіркелуге, патент сенімді өкілдеріне беріледі.

6. Қорытынды ережелер

      63. Патент иегерінің атауы мен мекен-жайына негізделген өзгерістер патент нөмірі көрсетілген және өзгеріс барысындағы төлем туралы құжаты қосымша берілген, өзгерісті растайтын құжаты бар патент иегерінің жазбаша қолдаухатымен жүргізіледі.
      64. Патентке құқыққа жол беруден басқа, патентке құқық өзге тұлғаға өткен жағдайда енгізілген өзгерістер мирасқордың қолдаухаты бойынша жүргізіледі. Қолдаухатта патент нөмірі көрсетіліп, төлем туралы құжат қосымша беріледі.
      Сонымен қатар қолдаухатта патентке құқықтың өтуін растайтын құжаттардың расталған көшірмелері қосымша берілген мирасқор туралы мәліметтер көрсетіледі.

Өнеркәсiп үлгiсiне өтiнiмдi
жасау, ресiмдеу және қарау,
мәлiметтердi Қазақстан   
Республикасының өнеркәсiптік
үлгiлерiнiң мемлекеттiк  
тiзiлiмiне енгiзу, сондай-ақ
қорғау құжатын беру ережесі
1-қосымша        

       № 1 Нысан - ӨҮ

Өнеркәсiп үлгiсiне өтiнiмдi
жасау, ресiмдеу және қарау,
мәлiметтердi Қазақстан   
Республикасының өнеркәсiптік
үлгiлерiнiң мемлекеттiк  
тiзiлiмiне енгiзу, сондай-ақ
қорғау құжатын беру ережесі
2-қосымша        

Мәні бойынша сараптаманы жүргізу туралы
ҚОЛДАУХАТ

      Мәні бойынша сараптама жүргізуін сұраймын (сұраймыз)
(21) Өтінім №______________(22) Өтінімді беру күні__________________
(54) Өнеркәсіптік үлгінің атауы
____________________________________________________________________
____________________________________________________________________
____________________________________________________________________
(71) Өтініш беруші _________________________________________________
____________________________________________________________________
____________________________________________________________________

(31) Бірінші,           (32) Сұратылатын      (33) ST.3 бойынша
неғұрлым ерте,           басымдық күні         берген елдің коды
алғашқы өтінім-          (конвенциялық басымдық
нің №                    сұратылған кезде)

1.
2.
3.
Өнеркәсіптік үлгінің мынадай нұсқалары бойынша мәні бойынша
сараптама жүргізуді сұраймын (сұраймыз):
____________________________________________________________________
____________________________________________________________________
Қосымша:
- Төлемді растайтын құжат
____________________________________________________________________
                        (төлем күні және №)
Қолдаухат берген тұлғаның қолы
____________________________________________________________________
(заңды тұлғаның атынан қол қойылғанда басшы қолы мөрмен тіркеледі)
____________________________________________________________________
Қолдаухат ҰЗМИ РМКҚ-ға мәні бойынша сараптама жүргізуге тиісті төлемді растайтын құжатты ұсынған кезде әрекетті деп танылады.