Қазақстан Республикасының 2001 жылғы 23 қаңтардағы "Халықты жұмыспен қамту туралы" Заңының 7 бабы 6) тармақшасына, Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31 бабы 1 тармағы 13) тармақшасына сәйкес, жұмыссыз азаматтарды-орта және жоғары кәсіби білім беру орындарының түлектерін жұмысқа орналастыру, олардың практикалық тәжірибесін, білімдері мен дағдыларын қалыптастыру мүмкіндіктерінің аясын кеңейту мақсатында Қарқаралы ауданының әкiмдiгi ҚАУЛЫ ЕТЕДІ:
1. Уәкілетті орган – "Қарқаралы ауданының жұмыспен қамту және әлеуметтік бағдарламалар бөлімі" мемлекеттік мекемесіне (бұдан әрі- Жұмыспен қамту бөлімі):
1) жұмыспен қамту бөлімінде жұмыссыз ретінде тіркелген, кәсіби және техникалық орта білімнен кейінгі, жоғары оқыту бағдарламасын жүзеге асыратын білім беру ұйымдарын бітіруші, жиырма тоғыз жастан аспаған жұмыссыз жастар арасында Жастар тәжірибесін ұйымдастыру жұмыстарын жүргізсін;
2) Жастар тәжірибесі шеңберінде кәсіптік оқу орындарының жұмыссыз түлектеріне уақытша жұмыс орындарын ұсынуға тілек білдірген жұмыс берушілермен жұмыссыз жастар үшін дипломнан кейінгі кәсіптік тәжірибені ұйымдастыруға шарттар жасасын;
3) Жастар тәжірибесі бойынша іс-шараларды жүргізуді қаржыландыру республикалық трансферт және аудандық бюджет есебінен жүзеге асырылсын.
Ескерту. 1-тармаққа өзгеріс енгізілді - Қарағанды облысы Қарқаралы ауданы әкімдігінің 2011.07.26 N 231 (алғаш ресми жарияланған күннен бастап қолданысқа енгізіледі) қаулысымен.
2. Жастар тәжірибесіне жіберілетін адамдар үшін орташа айлық аударымдар мөлшері жұмысқа орналыстырылғандардың жоспарлы саны мен қатысу ұзақтығын ескеріп, міндетті зейнетақы жарналары мен жеке табыс салығын қосқанда 26 000 теңгені құрайды.
Ескерту. 2-тармаққа өзгеріс енгізілді - Қарағанды облысы Қарқаралы ауданы әкімдігінің 2011.07.26 N 231 (алғаш ресми жарияланған күннен бастап қолданысқа енгізіледі) қаулысымен.
3. Қарқаралы ауданының әкімдігінің 20 сәуір 2010 жыл "Жұмыссыз жастарға арналған "Жастардың іс-тәжірибесін" ұйымдастыру туралы" N 82 Қаулысының (Қарқаралы ауданының Әділет басқармасында 2010 жылдың 29 сәуірдегі N 8-13-82 болып тіркелген, 2010 жылдың 8 мамырда "Қарқаралы" газетінде N 37-38 жарияланған) күші жойылды деп танылсын.
4. Осы қаулының орындалуын бақылау Қарқаралы ауданы әкiмінің орынбасары С.С. Дюсетаевқа жүктелсiн.
5. Осы қаулы ресми жарияланған күнінен бастап қолданысқа енгізіледі.
| Қарқаралы ауданының әкiмi | К. Максутов |