Есірткі құралдарының, психотроптық заттардың және прекурсорлардың заңсыз айналымына қарсы күресте Қазақстан Республикасы ішкі істер органдарын ұйымдастыру жөніндегі нұсқаулықты бекіту туралы

      Есірткі құралдарының, психотроптық заттардың және прекурсорлардың заңсыз айналымына қарсы күресті ұйымдастыру, Қазақстан Республикасы ішкі істер органдарының барлық қызметтері мен бөліністерінің күштері мен құралдарын осы қызметте кешенді пайдалануды қамтамасыз ету мақсатында БҰЙЫРАМЫН:
      1. Қоса беріліп отырған Есірткі құралдарының, психотроптық заттардың және прекурсорлардың заңсыз айналымына қарсы күресте Қазақстан Республикасы ішкі істер органдарын ұйымдастыру жөніндегі нұсқаулық бекітілсін.
      2. Қазақстан Республикасы Ішкі істер министрлігінің комитеттері төрағалары, департаменттері мен дербес басқармаларының, білім беру ұйымдарының, Астана, Алматы қалаларының және көліктегі ішкі істер департаменттерінің бастықтары қызметтік даярлық жүйесінде жеке құрамның Нұсқаулықты зерделеуін ұйымдастырсын және оның талаптарының орындалуын қамтамасыз етсін.
      3. Қазақстан Республикасы Ішкі істер министрлігінің Есірткі бизнесіне қарсы күрес және есірткі айналымын бақылау комитеті (А.Н. Выборов) осы бұйрықтың Қазақстан Республикасы Әділет министрлігінде мемлекеттік тіркелуін қамтамасыз етсін.
      4. Осы бұйрықтың орындалуын бақылау Қазақстан Республикасы Ішкі істер министрлігінің Есірткі бизнесіне қарсы күрес және есірткі айналымын бақылау комитетіне (А.Н. Выборов) жүктелсін.
      5. Осы бұйрық бірінші ресми жарияланған күннен бастап он күнтізбелік күн өткеннен соң күшіне енеді.

      Министр
      полиция генерал-лейтенанты Қ. Қасымов

      «КЕЛІСІЛДІ»
      Қазақстан Республикасының
      Білім және ғылым министрі
      ________________ Б. Жұмағұлов
      2012 жылғы 26 ақпан

      «КЕЛІСІЛДІ»
      Қазақстан Pecпубликасының
      Денсаулық сақтау министрі
      _____________________ С.Қайырбекова
      2012 жылғы 15 ақпан

      «КЕЛІСІЛДІ»
      Қазақстан Республикасының
      Қаржы министрі
      ________________ Б. Жәмішев
      2012 жылғы 29 ақпан

      «КЕЛІСІЛДІ»
      Қазақстан Республикасының
      Ұлттық қауіпсіздік комитетінің
      төрағасы
      ____________________ Н. Әбіқаев
      2012 жылғы 13 наурыз

Қазақстан Республикасы    
Ішкі істер министрінің    
2011 жылғы 29 желтоқсандағы
№ 690 бұйрығымен бекітілген

Есірткі құралдарының, психотроптық заттардың және прекурсорлардың заңсыз айналымына қарсы күресте Қазақстан Республикасы ішкі істер органдарын ұйымдастыру жөніндегі нұсқаулық

1. Жалпы ережелер

      1. Осы Нұсқаулық Қазақстан Республикасы ішкі істер органдарының (бұдан әрі – ІІО) есірткі құралдары, психотроптық заттар мен прекурсорлардың заңсыз айналымына қарсы іс-қимыл жасау бойынша қызметін реттейді, ІІО қызметкерлерінің осы саладағы іс-әрекеттерін нақтылайды.
      2. ІІО қызметкерлерінің есірткі құралдары, психотроптық заттар мен прекурсорлардың заңсыз айналымына қарсы іс-қимыл жасау бойынша жұмысын ұйымдастыру кезіндегі азаматтардың құқықтары мен бостандығын бұлжытпай сақтай отырып, заңдылық, ІІО бірыңғай жүйесіне, жариялылыққа, құқық қорғау және басқа мемлекеттік органдармен, лауазымды адамдармен, ұйымдармен және азаматтармен өзара іс-қимыл жасасу қағидаларына сәйкес құрылады.
      3. ІІО-ға мынадай міндеттер жүктеледі:
      1) есірткі құралдары, психотроптық заттар мен прекурсорлардың заңсыз айналымына ықпал ететін себептер мен шарттарды анықтау және жою;
      2) есірткі құралдарын, психотроптық заттарды және прекурсорларды медициналық емес мақсатта тұтынатын адамдарды анықтау және есепке алу, есірткі тұтынудан бас тартқызу мақсатында оларға Қазақстан Республикасы заңнамаларына сәйкес шаралар қабылдау;
      3) есірткі құралдарын, психотроптық заттарды және прекурсорларды медициналық емес мақсатта тұтынуға жол беретін, сондай-ақ соған байланысты қылмыс жасаған адамдармен профилактикалық жұмыс жүргізу;
      4) есірткі құралдарының, психотроптық заттар мен прекурсорлардың заңсыз айналымы аясында қылмыстық істерді тергеу, қылмыстың алдын алу, анықтау, жолын кесу. Есірткінің заңсыз айналымынан түскен кірістерді заңдастыру фактілерін анықтау және жолын кесу.
      4. Есірткі құралдарының, психотроптық заттар мен прекурсорлардың заңсыз айналымына қарсы күрес қызметін ұйымдастыруда Қазақстан Республикасы Ішкі істер министрлігінің (бұдан әрі - ІІМ) нормативтік құқықтық актілерін басшылыққа ала отырып, ІІО-ның барлық құрылымдық бөліністері өз құзыреттерінің шегінде қатыса алады.

2. Есірткі құралдары, психотроптық заттар мен прекурсорлардың заңсыз айналымына қарсы іс-қимыл жасау бойынша ішкі істер органдары қызметтері мен бөліністерінің функциялары

      5. Есірткі бизнесіне қарсы күрес бөліністері қызметкерлерінің есірткі құралдарының, психотроптық заттар мен прекурсорлардың заңсыз айналымына қарсы іс-қимыл жасау бойынша қызметін ұйымдастыру мақсатында:
      1) есірткі құралдарының, психотроптық заттар мен прекурсорлардың заңсыз айналымы саласында жедел жай-күйді зерделейді және талдайды, олардың даму үрдісін болжайды, қабылданатын іс-шараларды кешенді жоспарлауды және оның орындалуын бақылауды қамтамасыз етеді;
      2) есірткі құралдары, психотроптық заттар мен прекурсорлардың заңсыз айналымын анықтау және жолын кесу аясында ІІО қызметінің тиімділігін арттыруға бағытталған ұсыныстарды әзірлейді және ұсыныстар енгізеді;
      3) Қазақстан Республикасының аумағына заңсыз келуіне мүмкіндік туғызушы себептер мен шарттарды, есірткі құралдарының, психотроптық заттар мен прекурсорлардың өндірілуіне, сату және таралуына, сондай-ақ азаматтарды медициналық емес тұтынуға тартатын адамдарды анықтайды және талдайды. Белгіленген тәртіпте аталған себептер мен шарттарды жою бойынша мемлекеттік органдар және мемлекеттік органдарға ұсыныстар енгізеді;
      4) жедел-іздестіру қызметінде пайдалану үшін азаматтармен жариялы немесе жария емес қарым-қатынас орнатады;
      5) мынадай жедел-іздестіру қызметін:
      есірткі құралдарының, психотроптық заттар мен прекурсорлардың ұрлануы, оның ішінде қызметтік жағдайы, кәсіби қызметі немесе күзетуге байланысты тапсырылған адамдарды;
      есірткі құралдарына, психотроптық заттар мен прекурсорлармен байланысты қылмыс жасаған ұйымдасқан қылмыстық топтар мен ұйымдардың әрекеттерін, аталған заттар мен құралдарды жеткізу арналарымен не болмаса транзитімен байланысты әрекеттерді;
      есірткі құралдарын немесе психотроптық заттарды сатып алу құқығына рецепттерді заңсыз беруді;
      есірткі құралдарын, психотроптық заттар мен прекурсорларды заңсыз дайындауды, өңдеуді, сатып алуды, сақтау, оның ішінде сату мақсатында тасымалдауды немесе жөнелтуді;
      есірткі құралдарын немесе құрамында осындай құралдар немесе заттар бар өңдеуге не болмаса оларды өсіруге тыйым салынған дақылдарды сату немесе дайындау мақсатында егістік салуды немесе өсіруді;
      есірткі құралдарын немесе психотроптық заттарды тұтынуға бейім адамдарды;
      есірткі құралдарын немесе психотроптық заттар тұтыну үшін притондар ұйымдастыруды немесе ұстауды;
      есірткінің заңсыз айналымынан түскен кірістерді заңдастыру фактілерін анықтау, жолын кесу және ашу мақсатында жүзеге асырады;
      6) құрамында есірткі құралдары немесе психотроптық заттар және прекурсорлар бар дәрілік препараттарды өндіру, сақтау және сатумен айналысатын ұйымдарға тексеру жүргізеді;
      7) заңсыз өндірістер, есірткі құралдарын, психотроптық заттар немесе оларды дайындауға арналған шикізаттарды сақтау және пайдалану объектілерін анықтайды;
      8) есірткі құралдарын немесе психотроптық заттар және прекурсорлардың заңсыз айналымын анықтау және жолын кесу бойынша ІІО-ның бөліністерімен өзара іс-қимыл жасасады;
      9) ІІМ-нің білім беру ұйымдарымен бірлесіп жедел-іздестіру қызметінде тәжірибедегі оң тәжірибелерін зерделейді және қолданады, есірткі құралдарын немесе психотроптық заттардың және прекурсорлардың заңсыз айналымы саласында ғылыми әзірлемелер және жаңа техникалық құралдар енгізеді;
      10) есірткі құралдарын немесе психотроптық заттар және прекурсорлар тұтынудың зияндығы туралы Қазақстан Республикасы тұрғындарының арасында түсіндіру жұмыстарын өткізу мақсатында бұқаралық ақпарат құралдарымен өзара бірігіп іс-қимыл жасасады;
      11) ІІО бөліністерімен бірлесіп есірткі құралдарының немесе психотроптық заттар және прекурсорлардың заңсыз айналымына түсу көздері мен арналарын жабуға бағытталған арнайы бағдарламалар мен кешенді жедел-профилактикалық операциялар әзірлей отырып, жүзеге асырады;
      12) есірткі құралдары, психотроптық заттар және прекурсорлардың айналымы саласында заңды тұлғаларға мемлекеттік лицензиялар мен оларға қосымшаларын беруді жүзеге асырады;
      13) есірткі құралдарын немесе психотроптық заттар және прекурсорларды әкелуге, шығаруға және транзитке заңды тұлғаларға рұқсат беруді, сондай-ақ есірткі құралдарын немесе психотроптық заттар мен прекурсорларды экспортқа және импортқа лицензия беруді жүзеге асырады;
      14) есірткі құралдары, психотроптық заттар және прекурсорлардың заңсыз айналымына қатысты фактілер мен адамдар туралы автоматтандырылған ақпараттық жүйелерді және деректер банкін белгіленген тәртіпте толтырады және пайдаланады;
      15) есірткі құралдары, психотроптық заттар және прекурсорлардың контрабандасының жолын кесу мақсатында, оның ішінде Қазақстан Республикасының кеден органдарымен, ұлттық қауіпсіздік органдарымен және шекара әскері бөліністерімен іс-қимыл жасасады, белгіленген тәртіпте көрсетілген органдардың құзыретіне жататын құқыққа қарсы фактілер туралы ақпаратпен өзара алмасуды жүзеге асырады;
      16) есірткі бизнесіне қарсы күрес мәселелері бойынша органдармен, қылмыстық-атқару жүйесі мекемелерімен өзара жұмыс жасасуды ұйымдастырады, есірткі құралдары, психотроптық заттар және прекурсорлардың заңсыз айналымына қатысы туралы ақпарат бар бас бостандығынан айыру орнынан босаған адамдарға бақылау жасауды жүзеге асырады;
      17) есірткі құралдары, психотроптық заттар және прекурсорлардың заңсыз айналымына қарсы іс-қимыл жасау мәселелері бойынша халықаралық және мемлекетаралық шарттарға (келісімдерге) сәйкес, тікелей немесе құзырлы органдар арқылы шет ел мемлекеттерінің құқық қорғау органдарымен және халықаралық ұйымдармен ынтымақтастық жасасады.
      6. Есірткі құралдарының, психотроптық заттардың және прекурсорлардың заңсыз айналымына қарсы іс-қимыл жасауға байланысты ішкі істер органдары қызметі барысында кинологиялық қызмет бөліністерінің қызметкерлері:
      1) есірткі құралдарын, психотроптық заттар және прекурсорларды табу үшін иттерді іріктеуді және үйретуді іске асырады, кинологтар дайындауды және қайта даярлауды жүзеге асырады;
      2) есірткі құралдарына, психотроптық заттар мен прекурсорларға байланысты қылмыстарды ашу жөніндегі жедел-іздестіру іс-шараларын өткізуге қатысу үшін есірткі бизнесіне қарсы күрес бойынша бөліністің бастамашылығымен есірткі құралдарын, психотроптық заттар және прекурсорларды іздеуге үйретілген қызметтік-іздестіру иттерін пайдаланады;
      3) заңсыз есірткі құралдарының, психотроптық заттар және прекурсорлардың заңсыз айналымына түсу арналары мен көздерін жабуға бағытталған кешенді жедел-профилактикалық іс-шаралар өткізуге қатысады;
      4) жедел бөліністердің есірткі құралдарын, психотроптық заттар және прекурсорларды іздеуге үйретілген қызметтік-іздестіру иттерін тиімді пайдалануы бойынша түрлі қажетті іс-шаралар қабылдайды.
      7. Есірткі құралдарының, психотроптық заттар мен прекурсорлардың заңсыз айналымына қарсы күрес кезінде криминалдық полиция бөліністерінің қызметкерлері:
      1) есірткі бизнесіне қарсы күрес бөліністеріне есірткі құралдарының, психотроптық заттар мен прекурсорлардың заңсыз айналымы саласында құқыққа қарсы іс-қимылдар туралы ақпарат жолдайды;
      2) есірткі бизнесіне қарсы күрес бөліністерімен есірткі құралдарын, психотроптық заттар мен прекурсорларды сатып алуға қаражат алу мақсатында қасақана қылмыс жасаған адамдар туралы ақпаратпен өзара алмасуды жүргізеді;
      3) ұйымдасқан қылмыстық топтың жетекшілерін және қатысушыларын оның ішінде есірткіге қатысты өңіраралық және мемлекетаралық байланыс орнатқан топтарды әшкерелеу мақсатында бірлескен жедел-іздестіру іс-шараларын жүзеге асырады;
      4) өз құзыреті шегінде есірткі құралдары, психотроптық заттар мен прекурсорлардың заңды айналымға түсу арналарын және көздерін жоюға бағытталған кешенді жедел-профилактикалық операциялар мен арнайы бағдарламаларды өткізуге қатысады.
      8. Есірткі құралдарының, психотроптық заттардың және прекурсорлардың заңсыз айналымына қарсы іс-қимыл жасауға байланысты ішкі істер органдары қызметі барысында тергеу (анықтау) бөліністері:
      1) белгіленген тәртіпте жедел-іздестіру қызметінің нәтижелерімен танысады, олардың мүмкіндігін, уақтылы жүзеге асырылуына жиналған мәліметтерден баға береді, күдікті адамдардың іс-әрекетіне құқықтық баға беру перспективасының мүмкіндігін анықтайды, жедел-іздестіру іс-шараларын жүзеге асырудың бірлескен жоспарларын жасауға қатысады, қозғалған қылмыстық істер бойынша жасалған қылмыстарға қатысты күдіктілерді тексеру бойынша қажетті процессуалдық іс-қимылдар жүргізеді;
      2) есірткі құралдарының, психотроптық заттар және прекурсорлардың заңсыз айналымына байланысты қылмыстар туралы қылмыстық істердің Қазақстан Республикасы Қылмыстық іс жүргізу кодексіне сәйкес, толық, жан-жақты және объективті тергелуін қамтамасыз етеді, оның барысында:
      есірткі құралдарының, психотроптық заттар және прекурсорлардың түсу арналарын және көздерін анықтау, олармен тыйым салынған іс-әрекеттен алынған қаржының орнын, олардың заңсыз айналымына қатысты адамдардың бәрін анықтау, кінәлілерді жауапкершілікке тарту бойынша іс-шаралар қабылдайды;
      есірткі құралдарының, психотроптық заттар және прекурсорлардың заңсыз айналымына байланысты қылмыстардың жасалуына себептер мен шарттар заңдылығының бұзылуын қылмыстық істердің өндірісі бойынша анықтап, немесе қылмыстың және басқа да заң бұзушылықтың жасалуына ықпал ететін жағдайларды жою бойынша меншік нысанына қарамастан, тиісті ұйымдар мен лауазымды адамға ұсыныстар енгізеді, кемшіліктерді жоюға уақтылы бақылау жасайды;
      3) қылмыстардың жасалуына мүмкіндік туғызған жағдайларды жою бойынша жазылған ұсынымдарды кәсіпорындар, ұйымдар және мекемелердің лауазымды адамдарының қараусыз қалдырғандары жөнінде, бұл аталған ұсынымға уақтылы жауап бермегенмен бірдей есептеледі, әкімшілік құқық бұзушылық туралы іс қозғау туралы мәселені шешу үшін прокуратура органдарына материалдар жібереді;
      4) кәмелетке толмағандар қатысуымен жасалған есірткі құралдарының, психотроптық заттар және прекурсорлардың заңсыз айналымына байланысты қылмыстық істерді тергеу кезінде, оларды қоғамға қарсы іс-әрекетке тартқан адамдарды анықтайды, ондай адамдарды қылмыстық жауапкершілікке тартуға іс-шаралар қабылдайды.
      5) есірткі бизнесіне қарсы күрес жөніндегі бөліністерге есірткі құралдарының, психотроптық заттар және прекурсорлардың заңсыз айналымына байланысты қылмыстарды ескерту және ашу үшін маңызы бар қылмыстық істерді тергеу барысында алынған мәліметтерді уақтылы береді;
      6) есірткі бизнесіне қарсы күрес жөніндегі бөліністердің қызметкерлерімен бірлесіп бұқаралық ақпарат құралдарына (жариялауға) беру үшін нақты қылмыстық істер бойынша ақпараттардың көлемі мен сипатын анықтайды;
      7) қылмыстық істерді тергеу барысында есірткі құралдарын, психотроптық заттар және прекурсорлар сатып алу мақсатында жасалған қылмыс фактілерін анықтаған жағдайда бұл туралы мәліметтерді тиісті статистикалық карточкалардың реквизиттеріне енгізеді.
      9. Есірткі құралдарының, психотроптық заттардың және прекурсорлардың заңсыз айналымына қарсы іс-қимыл жасауға байланысты ішкі істер органдары қызметі барысында жедел-криминалистік бөліністер:
      1) есірткі құралдарының, психотроптық заттар және прекурсорларға байланысты қылмыстар бойынша заттай айғақтарды табу, анықтау, ашу, белгілеу және буып-түюге көмек көрсету үшін жедел-іздестіру және тергеу іс-шараларын техникалық-криминалистік қамтамасыз етуді жүзеге асырады;
      2) есірткі құралдарының, психотроптық заттар және прекурсорлардың заңсыз айналымына байланысты қылмыстар бойынша сараптама тағайындау үшін үлгілерді іріктеу және материалдар дайындауға тәжірибелік және ақыл-кеңестік көмек көрсетеді.
      10. Есірткі құралдарының, психотроптық заттар мен прекурсорлардың заңсыз айналымына қарсы күрес жөніндегі қызметті ұйымдастыруды жүзеге асыру кезінде қоғамдық қауіпсіздік бөліністерінің қызметкерлері:
      1) құрамында есірткі құралдары немесе психотроптық заттар бар өсімдіктер өсетін жер учаскелерін анықтау кезінде, есірткі бизнесіне қарсы күрес бөліністеріне тиісті ақпаратты жолдайды;
      2) нашақорлыққа қарсы күреске бағытталған кешенді жедел-профилактикалық іс-шараларды өткізуге қатысады;
      3) нашақорлықпен ауыратын адамдарды мамандандырылған емдеу-профилактикалық мекемеге жіберу үшін материалдарды ресімдейді;
      4) әкімшілік учаскідегі орын алған есірткі ахуалын талдайды және ІІО бөліністерінің жедел-профилактикалық қызметінің тиімділігі бойынша қалалық аудандық органның басшыларына ұсыныс енгізеді;
      5) әкімшілік учаскіде есірткі құралдарын, психотроптық заттарды медициналық емес тұтынуға жол берген адамдарды, оның ішінде кәмелетке толмағандарды, сондай-ақ есірткі құралдарын, психотроптық заттарды және прекурсорларды тұтыну үшін притондарды анықтайды, анықтау кезінде есірткі бизнесіне қарсы күрес бөліністеріне тиісті ақпараттарды жолдайды;
      6) білім беру ұйымдарына кәмелетке толмағандарды құқықтық тәрбиелеу оның ішінде нашақорлықтың алдын алу бойынша көмек көрсетеді;
      7) жасөспірімдерді есірткі құралдары, психотроптық заттар немесе уытты заттарды тұтынуға тартатын ата-аналар тарапына немесе басқа да жасы үлкен адамдарға жасөспірімдерге теріс әсер етудің жолын кесу бойынша шаралар қабылдайды;
      8) білім беру ұйымдарының оқушылары арасында нашақорлықтың және уытқұмарлықтың алдын алу бойынша есірткі бизнесіне қарсы күрес бөліністерімен іс-шаралар (конференциялар, дәрістер, дөңгелек үстелдер және т.б.) өткізеді және өзара іс-қимыл жасасады;
      9) денсаулық сақтау органдарының куәландыру орындарына есірткі құралдарын, психотроптық заттарды және уытты заттарды медициналық емес тұтынуға жол беретін жасөспірімдерді жібереді;
      10) әкімшілік учаскіде оның ішінде патрульдеу бағыттарында, оған жақын орналасқан аумақтағы бекеттерде есірткімен байланысты құқық бұзушылықтардың алдын алу және жолын кесу бойынша уақтылы шешім қабылдайды, сондай-ақ белгіленген заңнамамен өз құзыреті шегінде әкімшілік өндірісті жүзеге асырады.
      11. Есірткі құралдарының, психотроптық заттардың және прекурсорлардың заңсыз айналымына қарсы күрес барысында жол полициясы бөліністерінің қызметкерлері:
      1) есірткі құралдарының, психотроптық заттар мен прекурсорлардың заңсыз тасымалдауын анықтау және жолын кесу бойынша алдын алу жұмыстарын ұйымдастырады;
      2) есірткіге мас күйде көлік құралдарын басқарған жүргізушілерді анықтайды, оларға заңнамамен көзделген шаралар қабылдайды, тиісті ақпаратты есірткі бизнесіне қарсы күрес бөліністеріне жібереді;
      3) жол қозғалысы қауіпсіздігін қамтамасыз ету барысында есірткі құралдарының, психотроптық заттар мен прекурсорлардың заңсыз тасымалдануына көлік құралдарын пайдаланғаны туралы ақпарат алынған жағдайда, мұндай көлік құралдарын тексереді.
      Аталған немесе ұқсас құралдар табылған жағдайда немесе заттар немесе жүргізуші мен жолаушылардан тұтынған белгілер байқалса, оларды тексеру үшін аумақтық ІІО жеткізеді;
      4) құқықтық тәрбиелеуді және нашақорлықтың алдын алуды жүзеге асыруда құзырлы органдармен, мекемелермен, қоғамдық ұйымдармен бірлесіп өзара іс-қимыл жасасады.
      12. Есірткі құралдарының, психотроптық заттар мен прекурсорлардың заңсыз айналымына байланысты қылмыстар бойынша Жедел басқару орталықтары, кезекші бөлімдері:
      1) қылмыстың жолын кесу және ашу, оны жасаған адамдарды ұстау бойынша шаралар қабылдау үшін қызметтік полиция жасағын қылмыс жасалған орынға жібереді және уақтылы келіп-жетуіне бақылау жасайды;
      2) оқиға орнын қарау және қылмысты жедел және криминалистік құралдарды пайдалана отырып, ашу үшін тергеу-жедел топтардың баруын қамтамасыз етеді;
      3) есірткіге мас күйде әкімшілік құқық бұзушылық жасауға байланысты кезекші бөлімге жеткізілген адамдарды медициналық куәландыруға жібереді.
      13. Есірткі құралдарының, психотроптық заттардың және прекурсорлардың заңсыз айналымына қарсы күресте көші-қон полициясы бөліністерінің қызметкерлері:
      1) өзінің құзыреті шегінде есірткі құралдарының, психотроптық заттар мен прекурсорлардың түсу арналарын анықтау, оларды Қазақстан Республикасы аумағына шетелдіктер арқылы ұйымдастырушы және заңсыз өткізуге көмек беруші адамдарды анықтау бойынша шаралар қабылдайды;
      2) көші-қон заңнамасын сақтау бойынша шаралар өткізу процесінде медициналық емес есірткі құралдарын, психотроптық заттар мен прекурсорларды тұтынатын адамдарды, дайындаушыларды және заңсыз есірткі тұқымдас өсімдіктерді өсіруші адамдарды анықтайды, олар туралы мүдделі бөліністерге хабарлайды;
      3) есірткі құралдарының, психотроптық заттар мен прекурсорлардың заңсыз айналымымен айналысқан Қазақстан Республикасының азаматтары, щетел және азаматтығы жоқ адамдары туралы мәліметтер түскен кезде, аталған ақпаратты есірткі бизнесіне қарсы күрес жөніндегі бөліністерге жібереді.
      14. Есірткі құралдарының, психотроптық заттардың және прекурсорлардың заңсыз айналымына қарсы күрес бойынша қызметті ұйымдастыру барысында көліктегі ішкі істер органдары бөліністерінің қызметкерлері:
      1) есірткі құралдарын, психотроптық заттар мен прекурсорларды заңсыз теміржол немесе әуе көліктерімен тасымалдаумен айналысатын адамдарды, жеке тінту, қол жүгі мен жүктерді қарау, сақтау камераларын тексеру арқылы анықтап, ұстайды;
      2) есірткі құралдарын, психотроптық заттар мен прекурсорларды заңсыз сақтау және тасымалдау үшін пайдаланылуы мүмкін стационарлық объектіге және жылжымалы құрамға, сондай-ақ олармен заңсыз операция жасауға бақылау жасауды іске асырады;
      3) көлікте немесе қызмет көрсететін объектілерде жұмыс істейтін медициналық емес есірткі құралдарын, психотроптық заттар мен прекурсорлар тұтынатын адамдарды анықтау бойынша медициналық мекемелермен, Көлік және коммуникация министрлігімен бірлесіп іс-шаралар қабылдайды;
      4) қызмет көрсететін аумағында есірткі құралдарының, психотроптық заттар мен прекурсорлардың заңсыз айналымымен байланысты қылмыстарды ашу және анықтау бойынша жұмыстар жүргізеді, аумақтық ІІО-мен тығыз жұмыс жасасуды қамтамасыз етеді және бірлескен жедел-іздестіру іс-шараларын, осы мақсатта бірлескен іс-шараларды жоспарлауды, мұндай қылмыстарды жасаған немесе жасауға дайындалып жатқан адамдарды әшкерелеуді жүзеге асырады.
      15. Ішкі істер органдарының өзіндік қауіпсіздік бөліністері есірткі құралдарының, психотроптық заттардың және прекурсорлардың заңсыз айналымында ішкі істер органдары қызметкерлерінің қатысу фактілерінің жолын кесу бойынша жедел-іздестіру шараларын жүзеге асырады, сондай-ақ есірткі құралдарын және психотроптық заттарды тұтынатын полиция қызметкерлерін анықтау бойынша шаралар қабылдайды.
      16. Есірткі құралдарының, психотроптық заттардың және прекурсорлардың заңсыз айналымына қарсы іс-қимыл жасауға байланысты ішкі істер органдары қызметін ұйымдастыру барысында әскери полиция бөліністері қызметкерлері:
      1) есірткі құралдарының, психотроптық заттар мен прекурсорлардың заңсыз айналымы саласында ішкі әскерлердің әскери қызметшілерінің жасаған қылмыстарының алдын алу, анықтау және жолын кесу бойынша жұмыстарды ұйымдастырады;
      2) есірткі құралдарын, психотроптық заттар мен прекурсорларды әскери қызметшілер арасында жеткізу және таратумен айналысатын адамдарды анықтайды, оларды әшкерелеу бойынша қажетті іс-шаралар өткізеді, оның ішінде ІІО-ның басқа да жедел қызметтерімен өзара іс-қимыл жасасады.
      17. Есірткі құралдарының, психотроптық заттардың және прекурсорлардың заңсыз айналымына қарсы күрес бойынша қызметті ұйымдастыру барысында ішкі әскерлер бөліністері:
      1) патрульдік бағыттарда есірткі құралдарын, психотроптық заттар мен прекурсорлар өндірілетін және сақталатын объектілерге адамдардың санкциясыз өту әрекеттерінің жолын кеседі;
      2) есірткі құралдарын, психотроптық заттар мен прекурсорлардың заңсыз айналымының арналарын және көздерін жабуға бағытталған арнайы бағдарламалар және кешенді жедел-алдын алу іс-шараларын өткізуге қатысады;
      3) түзеу мекемелерінде есірткі құралдарының, психотроптық заттар мен прекурсорлардың енуін және таралуын анықтау бойынша ҚАЖК-нің жедел және режимдік бөліністерімен бірлесіп алдын алу іс-шараларын жүзеге асырады.
      18. Есірткі құралдарының, психотроптық заттардың және прекурсорлардың заңсыз айналымына қарсы іс-қимыл жасауға байланысты ішкі істер органдары қызметін ұйымдастыру барысында ІІМ-нің білім ұйымдарының қызметкерлері:
      1) есірткі құралдарының, психотроптық заттар мен прекурсорлардың заңсыз айналымына қарсы іс-әрекет жасау, сондай-ақ ІІО қызметкерлерін дайындау, қайта дайындау және біліктілігін арттыру бойынша жедел-қызмет жұмыстарын жүргізу бойынша тыңдаушылар оқытуды жүзеге асырады;
      2) мүдделі ІІО-мен бірлесіп, есірткі құралдарының, психотроптық заттар мен прекурсорлардың заңсыз айналымына қарсы күрес бойынша ІІМ-нің білім ұйымдарында оқыту бағдарламаларын әзірлеуге қатысады;
      3) есірткі құралдарының, психотроптық заттар мен прекурсорлардың заңсыз айналымының жолын кесу бойынша оқып-үйренуге және оң тәжірибелерді қорытындылауға көмек береді, оны оқу процесінде пайдаланады;
      4) мүдделі мемлекеттік органдарымен, ұйымдармен, қоғамдық бірлестіктермен өзара бірлесіп, есірткі құралдарының, психотроптық заттар мен прекурсорлардың заңсыз айналымы проблемаларын кешенді ғылыми зерттеуді іске асырады. Алынған шешімдердің негізінде есірткі құралдарының, психотроптық заттар мен прекурсорлардың заңсыз айналымына қарсы күрес саласында, ІІО қызметін жетілдіру бойынша ғылыми негізделген ұсынымдарды әзірлейді;
      5) есірткі құралдарының, психотроптық заттар мен прекурсорлардың заңсыз айналымына қарсы іс-қимыл жасау мәселелері бойынша нормативтік құқықтық актілердің дайындығына қатысады.
      19. Мемлекеттік күзет қызметі бөліністері шекаралық бекеттерде есірткіге байланысты құқық бұзушылықтардың жолын кесуді қамтамасыз етеді.
      20. Мемлекеттік тіл және ақпарат бөліністері:
      1) есірткі бизнесіне қарсы күрес жөніндегі, тергеу (анықтау) бөліністері қызметкерлерімен бірлесіп, радио, теледидар бойынша, баспасөзге жариялау үшін ақпараттың көлемі мен сипаты туралы шешім қабылдайды;
      2) нашақорлық және есірткі бизнесіне қарсы күрес проблемаларын БАҚ-та жария етуде есірткі бизнесіне қарсы күрес жөніндегі бөліністерге көмек береді, халыққа есірткі құралдарын, психотроптық заттар мен прекурсорлар алу фактілері, олардың заңсыз айналымымен байланысты қылмыстар мен құқық бұзушылық жасағаны үшін жауапкершілік туралы хабарлайды;
      3) есірткі бизнесіне қарсы күрес жөніндегі бөліністерге бұқаралық ақпарат құралдарында тұрғындар арасында есірткі құралдарын, психотроптық заттар мен прекурсорларды пайдаланудың зияндығы туралы түсіндіру жұмыстарын жүргізуге көмек көрсетеді.
      21. Қазақстан Республикасындағы Интерполдың Ұлттық орталық бюросы:
      1) есірткі құралдарының, психотроптық заттар мен прекурсорлардың заңсыз айналымына қарсы іс-қимыл жасау желісі бойынша шетел мемлекеттерінің құқық қорғау органдарымен сұрау салулармен алмасуды, сондай-ақ осындай сұрау салуларды орындауды қамтамасыз етеді;
      2) шетелдердің есірткі құралдарының, психотроптық заттардың, прекурсорлардың заңсыз айналымының жолын кесу бойынша оң тәжірибелері туралы ақпарат, осындай құралдардың және заттардың заңсыз айналымы саласында ахуалының шолуы және Интерполдың арналары бойынша түскен басқа да ақпаратты жинақтайды және есірткі бизнесіне қарсы күрес жөніндегі бөліністерге жібереді.
      22. Есірткі құралдарының, психотроптық заттардың және прекурсорлардың заңсыз айналымына қарсы күресте қызметті ұйымдастыру барысында түзеу колониялары (ТК), қоныстандыру колониялары (ҚК) тәрбиелеу колониялары, тергеу изоляторлары, (ТИЗО) мен түрмелердің қызметкерлері:
      1) арнайы контингенттер арасында есірткі және психотроптық заттарды медициналық емес мақсатта қолдануын, осының негізіндегі қылмыстарды жою жұмыстарын ұйымдастырады, қалалық, аудандық органдарда есірткі және психотроптық заттардың заңсыз айналымына қатысты қылмыстарды ашуға көмектеседі;
      2) есірткі және психотроптық заттардың қылмыстық атқару жүйесі мекемелеріне келіп түсу арналарын анықтау және жабу үшін жедел іздеу және басқа іс-шараларды жетілдіріп жүргізеді. Бұл үшін ішкі объектілік қадағалау жүргізеді, почта хат-хабарларына цензура жасайды, өндірістік және тұрғын-жай аймағындағы мекенжайларды, шаруашылық аулаларын тексереді, контрагенттік объектілерді, мекемеге әкелінген көлікті және жүктерді, қоныстанған жазаланушылардың тұрғын үй-жайларын, кездесуге келген жазаланушылардың туыстары мен басқа адамдарды, сонымен қатар жазаланушыларды күзетуші ішкі әскер қызметкерлерін қарап, тексереді және оларды қадағалауды (бөлімше басшылығының қатысуымен) жүзеге асырады;
      3) Қылмыстық-атқару жүйесі мекемелеріндегі медицина жұмыскерлерінің жазаланушыларға қолданылатын есірткі және психотроптық заттарды сақтауы, есепке алуы мен жұмсауының белгіленген  тәртібін орындауына бақылау жүргізеді;
      4) есірткі бизнесіне қарсы күрес жөніндегі бөліністерімен тығыз байланыс жасай отырып, есірткі және психотроптық заттардың заңсыз айналымына қатысты ТИЗО-да тергеуде отырған адамдардың қылмысын және олардың бостандықта қалған адамдарымен қылмыстық байланысын анықтайды;
      5) Қылмыстық-атқару жүйесі мекемесінен босатылуға жататын жазаланушылардың нашақорлық салдарынан қылмыстық әрекет пайда болу мүмкіндігі туралы ақпарат жинайды, оны қажетті жедел және алдын алу іс-шараларын қолдану үшін қалалық, аудандық, желілік органдарға жібереді.

3. Профилактикалық қызметті жүргізу ерекшеліктері

      23. Есірткі құралдарының, психотроптық заттар мен прекурсорлардың заңсыз айналымына байланысты құқық бұзушылықтың жалпы алдын алу аталған құқық бұзушылықтың болу мүмкіндігіне жол бермеу немесе оның жасалуын қиындататын іс-шараларды іске асыру арқылы ерекше криминогендік жағдайларды анықтауды білдіреді.
      Мұндай жағдайларды анықтауға белгілі бір өңірде белгілі бір уақытта жасалған есірткі құралдарымен, психотроптық заттар мен прекурсорларға байланысты құқық бұзушылықты криминологиялық сараптау жолымен қол жеткізіледі. Оларды жою ІІО қызметкерлерінің құзыреті шегінде тікелей немесе ұйымдарға, мекемелерге нақты мақсатты бағытталған ұсыныстар енгізумен іске асырылады. Ұсынылатын ұсыныстар есірткі құралдарының, психотроптық заттар мен прекурсорлардың заңсыз айналымына қарсы күрес желісі бойынша жедел жағдайға сәйкес келуі тиіс.
      Ішкі істер органдары жүргізетін жалпы профилактикалық іс-шаралар болып табылады:
      есірткі құралдарының, психотроптық заттар мен прекурсорлардың заңсыз айналымына қарсы күрес саласы бойынша жедел жағдайды, оның ішінде бұқаралық ақпарат құралдары бойынша нашақорлықпен байланысты көріністерді жария түрде талқылауға іс-шаралар қабылдау;
      тұрғындар арасында нашақорлықтың қоғамдық қаупі, оның адам денсаулығына зияны, заңнамалық актілер және оларды бұзуға құқықтық салдары туралы түсіндірме жұмыстарын жүзеге асыру;
      есірткі құралдарының, психотроптық заттар мен прекурсорлардың заңсыз таралу көздерін және арналарын анықтау, жабу, олармен байланысты басқа да қылмыс түрлерінің жолын кесу мақсаты болып табылатын (ауданішілік, ауданаралық, облыстық, мемлекетаралық) ІІО барлық қызметтерінің жеке құрамы қатыстырылатын кешенді жоспардың үлгілік негізінде жүзеге асырылатын «Кендір» («Мак»), «Допинг», «Арна» және басқа да кешенді жедел-алдын алу операцияларын өткізу.
      24. Есірткі құралдары таралуының жолын кесу мақсатында ішкі істер органдары жыл сайын «Кендір» шартты атауымен, кең көлемді жедел-алдын алу операцияларын өткізеді, оның барысында мыналарға бағытталған іс-шаралар жүзеге асырылады:
      жабайы өсетін қарасора дайындаушылардың жолын бөгеу, өсінділерін жою;
      есірткі дайындауды, шығаруды және әкелуді анықтау және жолын кесу;
      есірткі тұтынуға бейім адамдарды анықтау және оларды алдын алу есебіне қою;
      есірткімен байланысты құқық бұзушылықтардың жолын кесуде мүдделі министрліктер мен ведомстволар арасында тиімді өзара іс-қимыл жасасуды ұйымдастыру;
      есірткі өндіруші қылмыстық топтарды, есірткі құралдарын сатушыларды және тасымалдаушыларды анықтау және жедел әзірлеу;
      есірткі құралдарын және психотроптық заттардың заңсыз айналымға түсуін шекаралас мемлекеттердің арнайы қызметтерімен анықтау және жою.
      Аталған операцияларды ұйымдастыру және өткізу, сондай-ақ есеп беру нысаны ІІМ бұйрығымен бекітіледі.
      25. Жыл сайынғы «Допинг» жедел-алдын алу операциясы медициналық мекемелерде және өнеркәсіптік кәсіпорындарда есірткі құралдарының, психотроптық заттар мен прекурсорлардың заңсыз айналымы саласындағы тәртіп бұзушылықты анықтау және жолын кесуге бағытталған.
      Операция барысында мыналар бойынша іс-шаралар іске асырылуы қажет:
      есірткі құралдарының, психотроптық заттар мен прекурсорлардың талан-таражға түсірудің алдын алу, сондай-ақ аталған құралдар мен заттардың заңсыз айналымына жедел бақылауды ұйымдастыру;
      химиялық-фармацевтік өнеркәсіп және медициналық мекемелер объектілерінен құрамында есірткі бар препараттардың талан-таражын анықтау және жолын кесу;
      есірткі, психотроптық дәрілік құралдар мен прекурсорларды есепке алудың, сақталуын және берілуін бұзуды анықтау, тәртіп бұзушыларға қылмыстық және әкімшілік жауапкершілік шараларын қабылдау;
      белгіленген есірткі құралдарымен, психотроптық заттар және прекурсорлармен, оның ішінде өнеркәсіптік кәсіпорындарда жұмыс істеу ережесін бұзудың жолын кесу;
      есірткі құралдарын, психотроптық заттар мен прекурсорларды алуға жалған медициналық рецепттерді және басқа да құжаттарды жасау фактілерін анықтау және бұған қатысты адамдарды анықтап, оларды жауапкершілікке тарту.
      Дәріханаларды, емдеу мекемелерін, химфармкәсіпорындарын және басқа да объектілерді, олардың есірткі құралдарымен және психотроптық заттармен жұмыс істеудің ведомстволық нормативтік актілерімен белгіленген ережелерді сақтауына тұрақты тексеріс жасау аталған санаттың құқық бұзушылығының алдын алуда негізгі мәнге ие.
      Өндіріске тексеріс жүргізу кезінде есірткі сақтау, есепке алу шартын, олардың мұндай тәртіпті реттейтін ережеге сәйкестігі мұқият зерделенеді. Мұндай тексерістерге денсаулық сақтау, дәріханалық мекемелер, жоғары тұрған ұйымдардың ревизорлық аппараты тартылады. Тексеріс есірткі құралдары мен психотроптық заттардың келген және босатылған құжаттарын зерттейді; есірткі құралдары мен психотроптық заттардың санымен дәрі тағайындау туралы дәрігердің ауру тарихына жазған шығындалған бланкідегі жазбамен сәйкестігін салыстыру; есірткі құралдары мен психотроптық заттардың және оларға рецептуралық бланктің шектеулі сақтау нормаларын сараптау, басқа да бірқатар мәселелер.
      «Допинг» операциясы бірнеше кезеңмен кемінде тоқсанына 1 рет өткізіледі.
      «Допинг» операциясы кезеңдерінің нәтижесі туралы мәліметтерді 1-қосымшаға сәйкес кесте түрінде Астана, Алматы қалаларының, облыстардың және көліктегі ІІД-нің Есірткі бизнесіне қарсы күрес басқармаларына (бұдан әрі – ІІД ЕБҚКБ) ІІМ Есірткі бизнесіне қарсы күрес және есірткі айналымын бақылау комитетіне (бұдан әрі – ІІМ ЕБҚКК) жолдайды.

4. ІІО қызметкерлерінің жеке-профилактикалық жұмыстар жүргізуі

      26. ІІО қызметкерлері есірткі құралдарын, психотроптық заттар мен прекурсорларды заңсыз тұтынатын адамдарға қатысты жеке-профилактикалық жұмысты жүзеге асырады.
      Оларды құрайтын негізгі элементтер:
      медициналық емес есірткі құралдарын, психотроптық заттар мен прекурсорлар тұтынуға мүмкіндік туғызушы себептер мен жағдайларды жою;
      есірткі құралдарын, психотроптық заттар мен прекурсорларды заңсыз тұтынатын адамдарды анықтау және белгіленген тәртіппен ІІО-ға есепке қою;
      олардың одан арғы тәртібіне бақылау жасауды іске асыру;
      профилактикаланатын адамдарды есірткі құралдарын, психотроптық заттар мен прекурсорлар тұтынудан және осы бағытта құқықтық тәртіп бұзушылық жасаудан өз еркімен бас тартуға жетелеу мақсатында тәрбиелік, медициналық, құқықтық және алдын алу сипатындағы басқа да шараларды қабылдау болып табылады.
      27. Жеке-профилактикалық жұмыстары мыналарға:
      құқықтық қызметке қарсы біріккен, немесе есірткі құралдарын, психотроптық заттар мен прекурсорларды сатып алу және оларды бірге тұтыну мақсатында біріккен кәмелетке толмағандардың, не болмаса жастардың формалдық емес топтарына;
      заңсыз тыйым салынған өсімдіктердің егісі немесе өсіргені үшін әкімшілік жауапкершілікке тартылған адамдарға;
      мамандандырылған емдеу-профилактикалық мекемелерінде еңбекке тарта отырып, мәжбүрлеу және медициналық-әлеуметтік бейімдеуден өтіп жатқан немесе өткен есірткіге тәуелді адамдарға;
      жазасын өтеу мерзімі кейінге қалдырылған немесе түзеу жұмысына шартты түрде жазаланған сотталушыларға, сондай-ақ жаза тағайындалмай сотталғандарға;
      есірткі құралдарының, психотроптық заттардың және олардың прекурсорларының заңсыз айналымымен байланысты қылмыстары үшін түзеу мекемелерінде жазасын өтеп жатқан, сондай-ақ жазасын өтеген сотталғандарға;
      есірткі құралдарын, психотроптық заттар мен прекурсорларды заңсыз тұтынуға және олармен байланысты құқық бұзушылықтар жасауға ықпал ететін профилактикаланатын адамдарға қатысты жүргізіледі.
      28. Құқық бұзушылықтың жеке профилактикалық іс-шаралары ол адамдардың жасаған құқық бұзушылығының сипатын, қоғамдық қауіпсіздік дәрежесі ескеріле отырып, анықталады.
      29. ІІО-да есепте тұрған адамдармен жеке-профилактикалық жұмыстары алдын-алу ықпал етуді әзірлеуге және жүргізуге тікелей қатысқан дәрігер-наркологтың ұсынымы ескеріле отырып, жоспарланады және іске асырылады.
      30. Адамдарды ІІО-ға есепке қою Қазақстан Республикасының заңнамасына сәйкес жүзеге асырылады.

5. Есірткі құралдарын, психотроптық заттар мен прекурсорлардың
заңсыз айналымына қарсы іс-қимылда ІІО қызметтерінің
өзара іс-қимыл жасасуы

      31. Есірткі құралдарының, психотроптық заттар мен прекурсорлардың заңсыз айналымына қарсы іс-қимыл жасасуды ұйымдастыру кезінде тиімділікке жету және нәтиженің сапасы үшін бірден-бір қажетті шарттар ІІО бөліністерінің және қызметтерінің өзара іс-қимыл жасасуы болып табылады.
      Есірткі құралдарының, психотроптық заттар мен прекурсорлардың заңсыз айналымына қарсы іс-қимыл жасасуда ІІО бөліністерінің және қызметтерінің қатысуы басқа да ведомстволық нормативтік-құқықтық актілерде көрсетілген.
      Сонымен қатар, негізгі өзара іс-қимыл жасасу қылмысты ашуға және жолын кесуге бағытталған жоспарлы, мақсатты бағытталған бірлескен шараларды жүзеге асыру, әртүрлі операцияларға, рейдтерге, жедел-іздестіру іс-шараларына қатысу болып табылады.
      32. Кешенді іс-шаралар жоспарлаудың алғы шарты аналитикалық жұмыс болып табылады. Есірткі бизнесіне қарсы күрес бөліністері осы көріністің таралуына ықпал ететін жасырын үрдістерді, себептер мен жағдайларды уақтылы анықтау мақсатында жедел жағдайға талдау жасайды.

6. Ақпаратпен алмасу бойынша ақпараттық қамтамасыз ету
және өзара іс-қимыл жасау

      33. Есірткі құралдарының, психотроптық заттар мен прекурсорлардың заңсыз айналымын анықтау және жолын кесу саласында есепке алуды қалыптастыру және пайдалану бойынша қызметті ұйымдастыру үш деңгейде ведомстволық, ведомствоаралық және мемлекетаралық ұйымдастырылады.
      34. ІІМ Есірткі бизнесіне қарсы күрес және есірткі айналымын бақылау комитеті (бұдан әрі - ІІМ ЕБҚКК) Техникалық қызмет департаментімен, басқа да мүдделі қызметтермен, сондай-ақ олардың аумақтық бөліністерімен бірлесіп, ІІМ Біріктірілген деректер банкінде есірткі бизнесіне қарсы күрес саласы бойынша мынадай жедел-анықтамалық есепке алуды қалыптастыруды қамтамасыз етеді:
      «Есірткілер» - Алфавиттік карта (Фигурант),
      «Есірткілер» - Факт (Оқиға),
      «Есірткілер» - Трест (Кәсіпорын),
      «Есірткі заттары».
      Аталған есепке алуды қалыптастыру және жүргізу жекелеген ведомстволық нормативтік құқықтық актімен реттеледі.
      35. Есірткінің заңсыз айналымымен байланысты Ведомствоаралық деректер банкінің оқиғалар, жеке және заңды тұлғалар туралы жедел ақпараттарын қалыптастыру тәртібі, сондай-ақ ІІМ-нің Қазақстан Республикасының басқа да құқық қорғау органдарымен өзара іс-қимыл жасасуы бірлескен бұйрықтармен реттеледі.
      36. ІІМ ЕБҚКК алыс және жақын шетелдердің құқық қорғау және арнайы органдарымен ақпарат алмасу, ақпараттық қызметті ұйымдастыру халықаралық шарттар шеңберінде жүзеге асырылады.

7. Статистикалық есеп беру және қызметтің тиімділігін талдау

      37. ІІД ЕБҚКБ-нің ай сайын жолдайтын мәліметтері (2-қосымша), сондай-ақ Қазақстан Республикасының Бас прокуратурасы Құқықтық статистика және арнайы есепке алу жөніндегі комитеті беретін ресми статистикалық мәліметте және оларға жасалған талдау белгілі бір кезең үшін Қазақстан Республикасында есірткі құралдарының, психотроптық заттар мен прекурсорлардың заңсыз айналымы саласындағы жедел жағдайды, қылмыс динамикасын, жедел жағдайды бағалау үшін негіз болады.
      38. Есірткі ахуалы туралы жиналған материалдарды талдау және жинақтау нәтижелері бойынша қажет болған жағдайда, есірткі құралдарының, психотроптық заттар мен прекурсорлардың заңсыз айналымына қарсы іс-қимыл бойынша қосымша іс-шаралар қабылданады.
      39. Ішкі істер органдары қызметінің тиімділігін бағалау ағымдағы және өткен есеп беру кезеңдеріндегі Астана, Алматы қалаларының, облыстардың және көліктегі ІІД бөліністерінің есірткінің заңсыз айналымына байланысты қылмыстар мен құқық бұзушылықтардың жолын кесу бойынша жұмыстарының нәтижелері туралы мәліметтерге (2, 3-қосымшалар) сәйкес есірткі құралдарының, психотроптық заттар мен прекурсорлардың заңсыз айналымына қарсы күрес нәтижелеріне салыстырмалы талдау жүргізу жолымен жүзеге асырылады.

Есірткі құралдарының, психотроптық
заттардың және прекурсолардың заңсыз
айналымына қарсы күресте Қазақстан
Республикасы ішкі істер органдарын
ұйымдастыру жөніндегі нұсқаулыққа
1-қосымша             

"Допинг" жедел-профилактикалык іс-шарасын өткізу барысында анықталған құқық бұзушылықтар
туралы мәліметтер __________ІІД ЕБҚКБ 20_____жылғы "______"______ аралығында

Есірткі құралдарының, психотроптық
заттардың және прекурсолардың заңсыз
айналымына қарсы күресте Қазақстан
Республикасы ішкі істер органдарын
ұйымдастыру жөніндегі нұсқаулыққа
2-қосымша             

____________ІІД Есірткі бизнесіне қарсы күрес басқармасы 20_____жылдың «________»_________заңсыз есірткі айналымымен байланысты қылмыстар мен
құқық бұзушылықтардың жолын кесу бойынша_________ІІД ЕБҚКБ қызметінің
нәтижелері туралы мәлімет

      __________ИД ЕБҚКБ бастығы
      полиция___________ ____________

      Орынд.__________.,
      тел.__________

Есірткі құралдарының, психотроптық
заттардың және прекурсолардың заңсыз
айналымына қарсы күресте Қазақстан
Республикасы ішкі істер органдарын
ұйымдастыру жөніндегі нұсқаулыққа
3-қосымша                 

БЕКІТЕМІН            
_________________________________
ІІД бастығының бірінші орынбасары
_________________________________
(Т.А.Ә., атағы, қолы)
20 жылғы «_____»______________

20___жылдың «____» айына заңсыз есірткі айналымымен байланысты қылмыстар мен құқық бұзушылықтардың жолын кесу бойынша
_______________ІІД бөліністері қызметінің нәтижесі туралы мәліметтер

кестенің жалғасы

Келісілді               Келісілді             Келісілді
ІІД ЕБҚКБ бастығы       ІІД КПБ ІІД           ІІД ҰҚҚКБ бастығы
_________________       _________________     _________________

_____________________   _____________________ _____________________
(Т.А.Ә., атағы, қолы)   (Т.А.Ә., атағы, қолы) (Т.А.Ә., атағы, қолы)  20 жылғы «_____»____    20 жылғы «_____»____  20 жылғы «_____»____

Келісілді               Келісілді
ІІД ҚҚБ бастығы         ІІД ЖПБ бастығы
________________        ________________

_____________________   _____________________
(Т.А.Ә., атағы, колы)   (Т.А.Ә., атағы, колы)
20 жылғы «_____»______  20 жылғы «_____»______