РҚАО ескертпесі.
Мәтінде авторлық орфография және пунктуация сақталған.
«Тұрғын үй қатынастары туралы» Қазақстан Республикасы Заңының 97 бабын, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6 бабын, Қазақстан Республикасы Үкіметінің «Әлеуметтік тұрғыдан қорғалатын азаматтарға телекоммуникация қызметтерін көрсеткені үшін абоненттік төлемақы тарифінің көтерілуіне өтемақы төлеудің кейбір мәселелері туралы» 2009 жылғы 14 сәуірдегі № 512 қаулысын, Қазақстан Республикасы Үкіметінің «Тұрғын үй көмегін көрсету Ережесін бекіту туралы» 2009 жылғы 30 желтоқсандағы № 2314 қаулысын басшылыққа алып, Глубокое аудандық мәслихаты ШЕШТІ:
1. Қосымша беріліп отырған аз қамтылған отбасыларына (азаматтарға) тұрғын үй көмегін көрсету Ережесі бекітілсін.
2. Күштері жойылды деп танылсын:
Глубокое аудандық мәслихатының «Аз қамтылған азаматтарға (отбасыларына) тұрғын үй көмегін көрсету Ережесін бекіту туралы» 2009 жылғы 24 маусымдағы № 16/10-ІV шешімі, нормативтік құқықтық актілерді мемлекеттік тіркеу Тізілімінде № 5-9-108 болып тіркелген, 2009 жылғы 31 шілдедегі № 5 «Ақ бұлақ», 2009 жылғы 31 шілдедегі № 31 «Огни Прииртышья» газеттерінде жарияланған;
Глубокое аудандық мәслихатының «Аз қамтылған азаматтарға (отбасыларына) тұрғын үй көмегін көрсету Ережесін бекіту туралы» 2009 жылғы 24 маусымдағы № 16/10-ІV шешіміне өзгерістер мен толықтырулар енгізу туралы» 2009 жылғы 21 қазандағы № 18/10-ІV шешімі, нормативтік құқықтық актілерді мемлекеттік тіркеу Тізілімінде № 5-9-115 болып тіркелген, 2009 жылғы 20 қарашадағы № 21 «Ақ бұлақ», 2009 жылғы 20 қарашадағы № 47 «Огни Прииртышья» газеттерінде жарияланған;
Глубокое аудандық мәслихатының «Аз қамтылған азаматтарға (отбасыларына) тұрғын үй көмегін көрсету Ережесін бекіту туралы» 2009 жылғы 24 маусымдағы № 16/10-ІV шешіміне өзгеріс енгізу туралы» 2010 жылғы 13 сәуірдегі № 23/7-ІV шешімі, нормативтік құқықтық актілерді мемлекеттік тіркеу Тізілімінде № 5-9-130 болып тіркелген, 2010 жылғы 21 мамырдағы № 21 «Ақ бұлақ», 2010 жылғы 21 мамырдағы № 22 «Огни Прииртышья» газеттерінде жарияланған.
3. Осы шешім бірінші рет ресми жарияланғаннан кейін он күнтізбелік күн өткен соң қолданысқа енгізіледі.
Сессия төрағасы Б. Сивко
Глубокое аудандық
мәслихатының хатшысы А. Брагинец
Глубокое аудандық мәслихатының
2010 жылғы 30 шілдедегі № 25/11-ІV
шешімімен бекітілген
Аз қамтамасыз етілген отбасыларына (азаматтарға)
тұрғын үй көмегін көрсету
Ережесі
Осы аз қамтамасыз етілген отбасыларына (азаматтарға) тұрғын үй көмегін көрсету ережесі (бұдан әрі – Ереже) «Тұрғын үй қатынастары туралы» Қазақстан Республикасының 1997 жылғы 16 сәуірдегі № 94 Заңына, Қазақстан Республикасы Үкіметінің «Әлеуметтік тұрғыдан қорғалатын азаматтарға телекоммуникация қызметтерін көрсеткені үшін абоненттік төлемақы тарифінің көтерілуіне өтемақы төлеудің кейбір мәселелері туралы» 2009 жылғы 14 сәуірдегі № 512 қаулысына, Қазақстан Республикасы Үкіметінің «Тұрғын үй көмегін көрсету Ережесін бекіту туралы» 2009 жылғы 30 желтоқсандағы № 2314 қаулысына сәйкес жасалған және аз қамтамасыз етілген отбасыларға (азаматтарға) тұрғын үй көмегін тағайындау тәртібін белгілейді.
1. Жалпы ережелер
1. Осы Ережеде мынадай негізгі ұғымдар пайдаланылады:
шекті жол берілетін шығыстар келесі – телекоммуникация желісіне қосылған телефон үшін абоненттік төлемақының, тұрғын үйді пайдаланғаны үшін жалға алу ақысының ұлғаюы бөлігінде отбасының бір айда кондоминиум объектілерінің ортақ мүлкін күрделі жөндеуге және (немесе) күрделі жөндеуге қаражат жинауға арналған жарналарға, коммуналдық қызметтер мен байланыс қызметтерін тұтынуға жұмсалған шығыстарының шекті жол берілетін деңгейінің отбасының орташа айлық жиынтық кірісіне пайызбен қатынасы;
отбасының жиынтық табысы – тұрғын үй көмегін тағайындауға өтініш білдірген тоқсанның алдындағы тоқсанда отбасы алған кірістердің жалпы сомасы;
кондоминиум объектісін басқару органы – кондоминиум объектісін күтіп ұстау жөніндегі функцияларды жүзеге асыратын жеке немесе заңды тұлға;
уәкілетті орган – жергілікті бюджет қаражаты есебінен қаржыландырылатын, тұрғын үй көмегін тағайындауды жүзеге асыратын ауданның атқарушы органы.
2. Тұрғын үй көмегін көрсету көлемі мен тәртібі
2. Тұрғын үй көмегі жергілікті бюджет қаражаты есебінен осы елді мекенде тұрақты тұратын аз қамтамасыз етілген отбасыларға (азаматтарға):
жекешелендірілген тұрғын үй-жайларда (пәтерлерде) тұратын немесе мемлекеттік тұрғын үй қорындағы тұрғын үй–жайларды (пәтерлерді) жалдаушылар (қосымша жалдаушылар) болып табылатын отбасыларға (азаматтарға) кондоминиум объектісінің ортақ мүлкін күрделі жөндеуге және (немесе) күрделі жөндеуге қаражат жинақтауға арналған жарналарға;
тұрғын үйдің меншік иелері немесе жалдаушылары (қосымша жалдаушылары) болып табылатын отбасыларға (азаматтарға) коммуналдық қызметтерді тұтынуға;
байланыс саласындағы заңнамада белгіленген тәртіппен тұрғын үйдің меншік иелері немесе жалдаушылары (қосымша жалдаушылары) болып табылатын отбасыларға (азаматтарға) телекоммуникация желісіне қосылған телефон үшін абоненттік төлемақының ұлғаюы бөлігінде байланыс қызметтеріне;
жергілікті атқарушы орган жеке тұрғын үй қорынан жалға алған тұрғын үйді пайдаланғаны үшін жалға алу төлемақысына ақы төлеуге беріледі.
3. Аз қамтамасыз етілген отбасылардың (азаматтардың) тұрғын үй көмегін есептеуге қабылданатын шығыстары жоғарыда көрсетілген бағыттардың әрқайсысы бойынша шығыстардың сомасы ретінде айқындалады.
4. Тұрғын үй көмегі телекоммуникация желісіне қосылған телефон үшін абоненттік төлемақының, тұрғын үйді пайдаланғаны үшін жалға алу ақысының ұлғаюы бөлігінде кондоминиум объектілерінің ортақ мүлкін жалға алу ақысының ұлғаюы бөлігінде кондоминиум объектілерінің ортақ мүлкін күрделі жөндеуге және (немесе) күрделі жөндеуге қаражат жинақтауға арналған жарналарға, коммуналдық қызметтер мен байланыс қызметтерін тұтынуға нормалар шегінде ақы төлеу сомасы мен отбасының осы мақсаттарға жұмсаған, жергілікті өкілетті органдар белгілеген шығыстарының шекті жол беретін деңгейінің арасындағы айырма ретінде айқындалады.
5. Тұрғын үй көмегінің есебіне кіретін коммуналдық қызмет тұтыну нормалары келесі көлемдерде белгіленеді:
1) тұрғын үйдің пайдалы ауданының нормалары:
бір адам үшін – 15 шаршы метр;
жалғыз басты тұратын адамдарға – 30 шаршы метр;
бес және одан да көп адамнан тұратын отбасы үшін, 75 шаршы метрден аспауы тиіс;
2) газды тұтыну нормасы:
бір адамға - 5,5 килограмм;
3) электр қуатын тұтыну нормасы:
бір адамға – 90 кВт;
4) көмір тұтыну нормасы:
тұрғын үй құрылысының жалпы ауданының бір шаршы метріне - 129,8 килограмм, бірақ бір үйге 5000 килограмнан аспауы тиіс.
Ескерту. 5 тармақ жаңа редакцияда - Глубокое аудандық мәслихатының 2010.12.29 № 28/11-IV (бірінші ресми жарияланғаннан кейін он күнтізбелік күн өткен соң қолданысқа енгізіледі) шешімімен.
6. Рұқсат етілетін шығындардың шегінің бөлігі отбасының жиынтық табысының 20 пайызы көлемінде белгіленеді.
7. Тұрғын үй көмегі қызметтерді жеткізушілер ұсынған шоттар бойынша көрсетіледі.
8. Тұрғын үй көмегін тағайындау үшін азамат (отбасы) уәкілетті органға бегіленген үлгіде (1 қосымша Ереже) өтініш береді және мынадай құжаттарды ұсынады:
арыз берушінің жеке басын куәландыратын құжаттың көшірмесі;
тұратын үйге құқық беретін құжаттың көшірмесі;
азаматтардың тіркеу кітабының көшірмесі;
азаматтардың табысын растайтын құжаттар;
кондоминиум объектісінің ортақ мүлкін күрделі жөндеуге арналған нысаналы жарнаның мөлшері туралы шот;
жергілікті атқарушы органмен (тұрғын үй инспекциясымен) келісілген, пәтерлердің меншік иелері мен жалдаушыларының (қосымша жалдаушылардың) жалпы жиналысында бекітілген кондоминиум объектісінің ортақ мүлкін күрделі жөндеудің жекеленген түрлерін жүргізуге арналған шығыстар сметасы негізінде кондоминиум объектісін басқару органы ұсынатын және мөрмен, кондоминиум объектісін басқару органы басшысы қолымен расталған кондоминиум объектісінің ортақ мүлкін күрделі жөндеуге қаражат жинақтауға арналған ай сайынғы жарналардың мөлшері туралы шот;
коммуналдық қызметтерді тұтыну шоттары;
телекоммуникация қызметтері үшін түбіртек – шот немесе байланыс қызметтерін көрсетуге арналған шарттың көшірмесі;
тұрғын үйді пайдаланғаны үшін жергілікті атқарушы орган берген жалдау ақысының мөлшері туралы шот.
9. Тұрғын үй көмегі тағайындалмайды:
жеке меншігінде бір бірліктен артық тұрғын үйі (пәтерлері, үйлері) бар немесе тұрғын үй ғимаратын жалға (жалдауға) берген тұлғаларға;
ата-аналары айырылысып, бірге тұратын балаларға алимент өндіріп алу туралы арыз бермеген отбасыларына;
жұмысқа жарамды, бірақ жұмыс істемейтін, оқымайтын, әскер қатарында қызмет етпейтін және жұмыспен қамту қызметінде тіркелмеген адамдары бар отбасылардың тұрғын үй көмегін алуға құқығы жоқ, соның ішіне 50 жасқа толғандар (жынысына қарамастан), І-ші, ІІ-ші топтағы мүгедектерді күтетіндер, 16 жасқа дейінгі мүгедек-балаларды күтетіндер, 80 жастан асқандар немесе 3 жасқа дейінгі баланы тәрбиелеумен шұғылданатындар кірмейді;
белгісіз себептермен уәкілетті органдардың ұсынған жұмысқа орналастырудан бас тартқан, соның ішінде әлеуметтік жұмыс орнына немесе қоғамдық жұмыстан, кәсіптік даярлаудан, қайта оқытудан, біліктілікті жетілдіруден, өз еркімен осы жұмыстар мен оқудан кеткен жұмыссыздарға.
10. Тұрғын үй көмегіне өтінген кезде коммуналдық қызмет ақысы үшін берешектері бар отбасыларына (азаматтарға), қарыздарына қарамастан, есепке тіркеген сәттен бастап ағымды төлемдерді тұрақты төлеу шартымен тұрғын үй жәрдемақылары тағайындалады.
11. Тұрғын үй көмегін тағайындау оны алуға жүгінген айдан бастап ағымдағы тоқсанның аяғына дейінгі мерзімде іске асырылады. Жүгінген ай арыз бен қосымша құжаттар берген ай болып есептеледі.
12. Егер отбасының ортажандық жиынтық табыстары кедейшілік шеңберінен төмен болса, үйді ұстауға және үй-коммуналдық қызметке төлеу үшін және байланыс қызметі үшін тұрғын үй көмегін белгілегенде, жиынды табыс Қазақстан Республикасының заңнамалық актілерінде белгіленген уақыттың тиісті мерзімінде бір есептік көрсеткішке өзгертіледі (алынып тасталады). Отбасының бір айға ортажандық табысы отбасының жиынтық табысын отбасы мүшелерінің санына және үш айға бөлу арқылы есептеледі.
13. Тұрғын үй көмегін тағайындауға үміткер тұлғаларға:
арыз беруші заңды некеде тұрып, бірақ зайыбы сол мекенжай бойынша тіркелмеген болса, онда ерлі – зайыптылардың екеуінің де табысы есепке алынады және тұрғын үй көмегі өтінушінің мекенжайы бойынша тағайындалады;
арызданушымен бірге 18 жасқа дейінгі бала бірге тұрса, оның ата-аналары басқа мекенжайда тұрған жағдайда, арызданушы баланың ат-анасының табысы туралы анықтама беруі қажет.
14. Тұрғын үй көмегі аз қамтылған отбасыларына (азаматтарға) орталық жылу беру жүйесіне қосылмаған, үйді жылыту басқа да құралдардың көмегімен іске асырылатын пәтердегі тұратындарға беріледі. Осы жағдайда электр қуатының төлемін шығын нормасына және көмірдің бағасына және электр қуатының шығын нормасына, әлеуметтік нормаларға сәйкес эквивалентті есептеледі.
15. Тұрғын үй көмегі пешпен жылытылатын жеке үйлерде тұратын аз қамтылған отбасыларына (азаматтарға) жылына бір рет беріледі, ондағы отынның шығын мөлшері жүгінген тоқсанның үш айына біржолы есептеледі.
16. Бір тұрғын үйде бірнеше жекеменшік иесі болған жағдайда тұрғын үй көмегі осы мекенжай бойынша тіркелген жекеменшік иесіне тағайындалады. Егер де осы мекенжай бойынша бірнеше жекеменшік иесі (отбасылары) тіркелген жағдайда, тұрғын үй көмегі жүгінуіне қарай әр отбасының алатын ауданына пропорционалды түрде әр жекеменшік иесіне (отбасына) тағайындалады.
17. Тұрғын үй көмегін алуға үміткер отбасыларының (азаматтардың) жиынтық табысын уәкілетті орган есептейді.
18. Жиынтық табысты есептеген жағдайда мыналардан басқа табыстың барлық түрлері есепке алынады:
1) мемлекеттік біржолғы әлеуметтік көмек;
2) он сегіз жасқа дейінгі балаларға берілетін ай сайынғы мемлекеттік жәрдемақы;
3) тұрғын-үй көмегі;
4) жерлеуге біржолғы жәрдемақы;
5) баланың тууына байланысты біржолғы мемлекеттік жәрдемақы;
6) есептік мерзімде жалпы сомасы өмір сүру деңгейінің белгіленген шеңберінен төмен көлемде ақшалай және заттай (бағалау дәрежесінде) қайырымдылық көмек;
7) жекеменшік іс ашуға және (немесе) жеке қосалқы шаруашылық дамытуға материалдық көмек;
8) төтенше жағдайлардың салдарынан оның денсаулығына және мүлкіне келтірілген зиянды өтеу мақсатында отбасына көрсетілетін көмектер;
9) осы отбасымен тұрмайтын тұлғаға отбасы мүшесінің біреуі төлейтін алименттер;
10) қорғаушының табысы (қамқоршылардың) (қамқорлықтағы балаларға жәрдемақы тағайындалған жағдайда);
11) азаматтардың жол жүру төлемін тегін немесе жеңілдетілген протездеу ақысы;
12) протездеу кезінде азаматты қамту;
13) Емделуге елді мекеннің сыртына шығу үшін азаматтарға жол жүруі тегін немесе жеңілдетілген бағамен;
14) Қазақстан Республикасының заңнамаларына сәйкес көрсетілетін заттай көмек түрлері:
дәрілік заттар;
санаторий-курорттық емдер;
протездік-ортопедиялық бұйымдар (жасау және жөндеу);
қозғалыс құралдары (кресло-арбалар) және мүгедектерге бөлінген басқа да оңалту құралдары;
білім беру туралы заңнамаға сәйкес білім беру ұйымдарының тегін тамағы мен көрсеткен көмектері;
15) жергілікті өкілетті органдардың шешімі бойынша бөлінген материалдық көмек.
19. Қосалқы шаруашылықта (саяжай учаскесінің, аулалық учаскенің, бақшаның кірістерін есептемегенде) бір ірі мал болса, кіріс тоқсанына үш айлық есептік көрсеткіш мөлшерімен есептеледі, екі немесе одан да көп ірі мал болған жағдайда, бес айлық есептік көрсеткіш мөлшерімен есептеледі.
20. Өнім бермейтін жастағы үй малдарының, құстарының (төлдердің), (Ереженің 2 қосымшасы) кірістері жиынтық кірістерді есептегенде есептелмейді.
21. Бір тоқсаннан көп мерзімге төленетін біржолғы төлемді алғанда, жиынтық табыста барлық табыс жиынын табыс алған айлар санына бөлуден алынып және 3 айға көбейтілген табыстың жиыны есепке алынады. Егер отбасы мүшелерінің біреуі табыс есептелетін тоқсаннан аз уақыт жұмыс істесе, отбасының жиынтық табысында, оның осы тоқсанда жұмыс істеген уақыттың табысы есепке алынады.
22. Отбасының жиынтық табысын есептеуде Қазақстан Республикасының Қарулы күштерінде әскери қызметті өтеп жатқандардың табысы есепке алынбайды.
23. Ақпараттың дұрыстығына күмән туған жағдайда тұрғын-үй көмегін тағайындайтын маман сұрау салуға құқылы, ал заңды және жеке тұлғалар тұрғын-үй көмегін алуға үміткер тұлғаның табысы туралы ақпарат беруге міндетті. Сұралған ақпаратты бермеген жағдайда тұрғын-үй көмегі тағайындалмайды.
24. Тұрғын-үй көмегін беру үшін уәкілетті органның шешімі (Ереженің 3 қосымшасы) негіз болып табылады.
25. Тұрғын-үй көмегін алушылар 10 күннің ішінде өзінің меншік тұрғын үйінің кез келген өзгеріс түрі, отбасы құрамының және оның жиынтық табысы, сондай-ақ, қате тағайындалған жәрдемақы жағдайы туралы уәкілетті органға ақпарат берулері қажет.
26. Өтініш беруші ұсынған мәліметтің дұрыстығына Қазақстан Республикасының заңнамаларында белгіленген тәртіпте жауапкершілікке тартылады. Уәкілетті органға әдейі жалған мәлімет беріп, артық немесе негізсіз тұрғын үй көмегі тағайындалған меншік иесі (жалға алушы) алған соманы заңнамада бекітілген тәртіпте қайтарады.
3. Тұрғын-үй көмегін төлеу
27. Аз қамтылған отбасыларына (азаматтарға) тұрғын-үй көмегін төлеуді уәкілетті органдар екінші деңгейдегі банк арқылы жүзеге асырады.
Аз қамтылған отбасыларына (азаматтарға)
тұрғын үй көмегін көрсету Ережесіне
1 қосымша
ӨТІНІШ 1. ОТБАСЫ ТУРАЛЫ НЕГІЗГІ МӘЛІМЕТТЕР
Отбасы иесінің аты-жөні_____________________________________
Мекенжайы___________________________________________________
Үй телефоны ________________ Жұмыс телефоны ________________
Төлқұжат (жеке куәлік) №_____________ берілген _____________
СТН ____________________
2. ТҰРҒЫН ҮЙ ТИПІ, ТҰРҒЫН ҮЙ МЕНШІГІНІҢ НЫСАНЫ
Жекешелендіру келісімшарты № _______________________________
Тұрғын үй ғимаратына ордер № _______________________________
Сату-сатып алу келісімшарты № ______________________________
Сыйға тарту келісімшарты № _________________________________
Жалдау (жалға беру) келісімшарты ___________________________
Жекеменшік тұрғын үйінің басқа түрі ________________________
Тұрғын үйдің жалпы ауданы ____ Бөлме саны ____ Тіркелген адам ____
3. ОТБАСЫНЫҢ ҚҰРАМЫ
| № р/с | Аты - жөні | Отбасының иесіне қатынасы | Туған жылы | Табыс | Ескерту | |
|---|---|---|---|---|---|---|
| Көзі | Сомасы | |||||
Барлығы ________________________________________________________
4. ШАҒЫЛҒАН КОММУНАЛДЫҚ ҚЫЗМЕТ
| № р/н | Коммуналдық қызметтің атауы | Айлар | |||||||||||
|---|---|---|---|---|---|---|---|---|---|---|---|---|---|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
||
1 |
Жылу беру |
||||||||||||
2 |
Ыстық су |
||||||||||||
3 |
Суық су |
||||||||||||
4 |
Қоқыс |
||||||||||||
5 |
Кәріз |
||||||||||||
6 |
Электр қуаты |
||||||||||||
7 |
Телефон |
||||||||||||
8 |
Күрделі жөндеу және (немесе) күрделі жөндеуге қаражат жинауға жарналар |
||||||||||||
Барлығы |
5. ОТБАСЫН ЕСКЕРТУ
1. Отбасына (азаматқа) тұрғын үй көмегін көрсету мынадай жағдайда тоқтатылады:
а) отбасына артық немесе негізсіз тұрғын үй көмегін көрсету тағайындауда қате мәліметтер берілгенде;
б) тұрғын үй көмегін есептеу үшін берілген ақпараттағы кез келген өзгерістер туындағаны туралы уәкілеттік органдарға уақтылы хабарламағанда;
в) қызметтердің ақысын уақтылы төлемеген кезде.
2. Жекеменшік иесінің (жалдаушының) кінәсінен артық немесе негізсіз тұрғын үй көмегі тағайындалған жағдайда, алынған соманы заңнамада белгіленген тәртіпте қайтарады.
Екінші үйім (пәтерім)жоқ _____________
(бар/ жоқ)
Отбасы өкілдерінің қолы Маманның қолы
____________________________ __________________________
Мерзімі «___» ________20___ ж Мерзімі «___» _______20__ ж
Аз қамтылған отбасыларына (азаматтарға)
тұрғын үй көмегін көрсету Ережесіне
2 қосымша
Азық-түлік үшін пайдаланатын
үй жануарлары мен құстардың жасы
| Үй жануарларының түрі | Азық-түлік үшін пайдаланатын жастағы үй жануарлары мен құстардың жасы (айы) |
|---|---|
Ірі қара мал |
25 |
Қой және ешкілер |
12 |
Шошқалар |
10 |
Жылқылар |
16 |
Түйелер |
18 |
Құстар |
5 |
Аз қамтылған отбасыларына (азаматтарға)
тұрғын үй көмегін көрсету Ережесіне
3 қосымша
Тұрғын үй көмегін тағайындау көлемі туралы
(немесе тағайындаудан бас тарту туралы) ШЕШІМ № ___________
Істің № ______ 20___ жылғы «____»_____________
1. Аз қамтылған азаматтарға (отбасыларына) тұрғын үй көмегін
көрсету Ережесіне сәйкес тағайындалсын
ТЕГІ _______________________________________________________
АТЫ_________________________________________________________
ӘКЕСІНІҢ АТЫ _______________________________________________
Туған уақыты ____________ жынысы (ер/әйел) ________________
Мекенжайы __________________________________________________
Жеке куәлігі _______________________________________________
Кім берген _________________________________________________
Салық төлеушінің тіркеу нөмірі _____________________________
Отбасы мүшесінің саны ______________________________ адам
Жүгінген мерзімі 20___ жылы «____» _____________________
Төлемге тұрғын үй көмегінің көлемі
«___»___________ жылдан «___»________ жылға дейін сомасында
____________________________________________________________
____________________________________________________________
(санмен және жазумен)
Қызмет көрсететін банктегі жеке есепшоты № _________________
2. Тұрғын үй көмегін беруден бас тарту______________________
____________________________________________________________
____________________________________________________________
(себебін түсіндіру)
Глубокое ауданының жұмыспен қамту
және әлеуметтік бағдарламалар
бөлімінің бастығы ________________ Аты-жөні
Глубокое ауданының жұмыспен қамту
және әлеуметтік бағдарламалар
бөлімінің маманы ________________ Аты-жөні