Алматы қаласында нысаналы топтарға жататын адамдардың қосымша тізбесін белгілеу туралы

Алматы қаласы әкімдігінің 2010 жылғы 2 наурыздағы N 1/144 қаулысы. Алматы қаласы Әділет департаментінде 2010 жылғы 16 наурызда N 839 тіркелді

Қолданыстағы

      Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 27 бабының 2 тармағын, 2001 жылғы 23 қаңтардағы «Халықты жұмыспен қамту туралы» Заңының 5 бабының 2 тармағын басшылыққа ала отырып, Алматы қаласының әкімдігі ҚАУЛЫ ЕТЕДІ:
      1. Қосымшаға сәйкес нысаналы топтарға жататын адамдардың қосымша тiзбесi белгіленсін.
      2. Алматы қаласы әкімдігінің 2009 жылғы 12 мамырдағы № 4/313 «2009 жылғы 6 наурыздағы Мемлекет Басшысының Қазақстан халқына арнаған «Дағдарыстан жаңару мен дамуға» Жолдауын жүзеге асыруға халықты жұмысқа орналастыру үшін әлеуметтік жұмыс орындарын құру бойынша Қазақстан Республикасы Үкіметінің 2009 жылға арналған іс-қимыл жоспарын жүзеге асыру туралы» қаулысының күші жойылды деп танылсын (нормативтік құқықтық актілерді мемлекеттік тіркеу Тізілімінде № 817 болып тіркелген, «Алматы Ақшамы» газетінің 2009 жылғы 23 мамырдағы № 60 санында және «Вечерний Алматы» газетінің 2009 жылғы 23 мамырдағы № 59 санында жарияланған).
      3. Осы қаулының орындалуын бақылау Алматы қаласы әкімінің бірінші орынбасары М.Мұқашевқа жүктелсін.
      4. Осы қаулы ресми түрде бірінші жарияланған күннен бастап он күнтізбелік күн өткен соң күшіне енеді.

      Алматы қаласының әкімі                    А. Есімов

Алматы қаласы әкімдігінің
2010 жылғы «2» наурыздағы
№ 1/144 қаулысына қосымша

Нысаналы топтарға жататын адамдардың қосымша
тізбесі

      1. Колледждерді және кәсіптік лицейлерді бітірушілер.
      2. Жазғы каникул кезіндегі оқушылар мен студенттер.
      3. Толық емес жұмыс уақыты режимінде жұмыспен қамтылған қызметкерлер.
      4. Ұзақ уақыттан бері (бір жылдан астам) жұмыс істемейтін тұлғалар.
      5. Жұмыспен қамту көмегін алу үшін Алматы қаласы әкімдігінің шаруашылық жүргізу құқығындағы «Еңбек биржасы» мемлекеттік коммуналдық кәсіпорнына өтініш білдірген тұлғалар.