Қолданыстағы заңнамаға сәйкес келтіру мақсатында, БҰЙЫРАМЫН:
1. Қазақстан Республикасы Әділет министрінің кейбір бұйрықтарына мынадай өзгерістер енгізілсін:
1) «Нотариустардың сынақтан өтушілері туралы ережені бекіту туралы» Қазақстан Республикасы Әділет министрінің 2003 жылғы 20 тамыздағы № 169 бұйрығында (Нормативтік құқықтық актілердің мемлекеттік тіркеу тізілімінде № 2468 тіркелген, 2003 жылғы 12 қыркүйектегі № 49 «Юридическая газета» газетінде жарияланған):
бұйрықтың мемлекеттік тілдегі атауына және кіріспесіне өзгерістер енгізілді, орыс тіліндегі мәтіні өзгермейді;
бұйрықтың мемлекеттік тілдегі «Нотариустардың сынақтан өтушілері туралы ережені бекіту туралы» деген атауы «Нотариустардың сынақтан өтушілері туралы ережені бекіту және кейбір нормативтік құқықтық актілердің күші жойылды деп тану туралы» деп жазылсын;
бірінші абзацта «Нотариат туралы» Қазақстан Республикасының Заңына енгізілген өзгерістерге байланысты және аталған заңның 32-бабын басшылыққа ала отырып, БҰЙЫРАМЫН:» деген сөздер ««Нотариат туралы» Қазақстан Республикасы Заңының 32-бабына сәйкес, БҰЙЫРАМЫН:» деп жазылсын.
Көрсетілген бұйрықпен бекітілген Нотариустардың сынақтан өтушілері туралы ережеде бүкіл мәтін бойынша «аумақтық әділет органының», «аумақтық әділет органы», «аумақтық әділет органына», «аумақтық әділет органымен» деген сөздер «әділет департаментінің», «әділет департаменті», «әділет департаментіне», «әділет департаментімен» деген сөздермен ауыстырылсын;
10-тармақ мынадай редакцияда жазылсын:
«10. Лицензияның күші тоқтатыла тұрған, тоқтатылған, жекеше нотариус есептік тіркеуден алынған, сондай-ақ нотариус дәлелді себептермен ұзақ уақыт болмаған жағдайда әділет департаменті немесе нотариаттық палата сынақтан өту мерзімінің ішінде осы Ереженің 9-тармағында көзделген талаптарға сәйкес келетін сынақтан өтудің басқа басшысын тағайындау туралы шешім қабылдайды.»;
21-тармақта «басқармасының» деген сөзі «департаментінің» деген сөзбен ауыстырылсын.
2) «Жекеше нотариустарды есептік тіркеу туралы ережені бекіту туралы» Қазақстан Республикасы Әділет министрінің 2003 жылғы 13 желтоқсандағы № 264 бұйрығында (Нормативтік құқықтық актілердің мемлекеттік тіркеу тізілімінде № 2625 тіркелген, Қазақстан Республикасы орталық атқарушы және өзге де мемлекеттік органдарының нормативтік құқықтық актілер бюллетенінде, 2004 жылы № 19-20, 919-құжатында жарияланған):
3-тармақта «аумақтық әділет органдарының» деген сөздер «әділет департаменттерінің» деген сөздермен ауыстырылсын;
Көрсетілген бұйрықпен бекітілген Жекеше нотариустарды есептік тіркеу туралы ережеде бүкіл мәтін бойынша «аумақтық әділет органында», «аумақтық әділет органы», «аумақтық әділет органының», «аумақтық әділет органына» деген сөздер «әділет департаментінде», «әділет департаменті», «әділет департаментінің», «әділет департаментіне» деген сөздермен ауыстырылсын.
3-тармақта «бес күн мерзімде» деген сөздер «бес жұмыс күннің ішінде» деген сөздермен ауыстырылсын;
10, 11, 18-тармақтарда «күн» деген сөзі «күнтізбелік күннің» деген сөздермен ауыстырылсын.
12-тармақта «күн мерзімде» деген сөздер «жұмыс күнінің ішінде» деген сөздермен ауыстырылсын.
Жекеше нотариустарды есептік тіркеу туралы ереженің 1-қосымшасында «басқармасының» деген сөз «департаментінің» деген сөзбен ауыстырылсын.
3) «Жергілікті атқарушы органдардың нотариаттық іс-әрекеттер жасайтын лауазымды адамдарын аттестациялау туралы Ережені бекіту туралы» Қазақстан Республикасы Әділет министрінің 1998 жылғы 9 наурыздағы № 150 бұйрығында (Нормативтік құқықтық актілерін мемлекеттік тіркеу тізілімінде № 483 тіркелген):
бұйрықтың атауы мынадай редакцияда жазылсын: «Аудандық маңызы бар қалалардың, кенттердің, ауылдардың (селолардың), ауылдық (селолық) округтердің әкімдері аппараттарының нотариаттық іс-әрекеттер жасайтын лауазымды адамдарын аттестаттау туралы ереже»;
көрсетілген бұйрықпен бекітілген Жергілікті атқарушы органдардың нотариаттық іс-әрекеттер жасайтын лауазымды адамдарын аттестаттау туралы ережеде бүкіл мәтін бойынша «Қазақстан Республикасы Әділет министрлігі», «аумақтық әділет органы» «аумақтық әділет органдарына», «аумақтық әділет органдарының», «аумақтық әділет органының», «аумақтық әділет органына» деген сөздер «әділет департаменті», «әділет департаменттеріне», «әділет департаменттерінің», «әділет департаментінің», «әділет департаментіне» деген сөздермен ауыстырылсын;
1-тармақ мынадай редакцияда жазылсын:
«1. Аудандық маңызы бар қалалардың, кенттердің, ауылдардың (селолардың), ауылдық (селолық) округтердің әкімдері аппараттарының нотариаттық іс-әрекеттер жасайтын лауазымды адамдарын аттестаттау туралы ереже (бұдан әрі - Ереже) көрсетілген адамдарды аттестаттау тәртібін, шарттары мен мерзімдерін реттейді.»;
2, 14-тармақтарда «жергілікті атқарушы органының» деген сөздер «аудандық маңызы бар қалалардың, кенттердің, ауылдардың (селолардың), ауылдық (селолық) округтердің әкімдері аппараттарының» деген сөздермен ауыстырылсын.
2. Қазақстан Республикасы Әділет министрлігі Тіркеу қызметі және құқықтық көмек көрсету комитеті мемлекеттік тіркеуді және оны ресми жариялауды қамтамасыз етсін.
3. Осы бұйрық алғаш рет ресми жарияланған күннен кейін он
күнтізбелік күн өткен соң қолданысқа енгізіледі.
Қазақстан Республикасының
Әділет министрі Р. Түсіпбеков