Қазақстан Республикасының Бюджет кодексінің 53 бабын, Қазақстан Республикасының "Қазақстан Республикасындағы жергілікті мемлекеттік басқару туралы" Заңының 6 бабын басшылыққа ала отырып аудандық жұмыспен қамту және әлеуметтік бағдарламалар бөлімінің меңгерушісі Мереке Темірболатұлы Махимовтың ұсынбасына сәйкес аудандық мәслихаттың кезекті оныншы сессиясы ШЕШІМ ЕТЕДІ:
1. Аудандық мәслихаттың 2008 жылғы 14 шілдедегі № 7-3 "Жекелеген санаттағы мұқтаж азаматтарға әлеуметтік көмек көрсетуді бекіту туралы" шешіміне (нормативтік құқықтық актілерді мемлекеттік тіркеу тізілімінде № 7-4-68 тіркелген, 2008 жылғы 13 қыркүйектегі "Орда жұлдызы" газетінің № 37 жарияланған) келесі толықтырулар енгізілсін:
№ 1 қосымшада 8-тармақпен толықтырылып мынадай редакцияда жазылсын:
"8. Дәрігердің жолдамасымен облыс орталығына барып тексерілген, өкпе ауруымен ауыратын азаматтар."
№ 2 қосымшада 6-тармақпен толықтырылып мынадай редакцияда жазылсын:
"6. № 1 қосымшаның 8-тармағы бойынша тексерілген жағдайда табыстары есептелмей, жолақысы мен тамақтануына нақтылы төлем шығыны төленеді."
2. Осы шешім алғашқы ресми жарияланған күннен бастап қолданысқа енгізіледі.
| Сессия төрайымы |
| Мәслихат хатшысы |