Қазақстан Республикасының 2001 жылғы 23 қаңтардағы N 148 "Қазақстан Республикасының жергілікті мемлекеттік басқару туралы" Заңының 35 бабының 2 тармағына және Қазақстан Республикасының 1993 жылғы 8 желтоқсандағы N 4200 "Қазақстан Республикасының әкімшілік-аумақтық құрылысы туралы" Заңының 14 бабының 4 тармақшасына ҚР Үкіметінің 2005 жылғы 21 қаңтардағы N 45 "Қазақстан Республикасындағы мемлекеттік ономастикалық жұмыс тұжырымдамасы туралы" қаулысына сәйкес Жұрын ауылдық округінің әкімі ШЕШІМ ЕТТІ:
1. Жұрын ауылдық округіне қарасты Тәжірибе ауылындағы жоғарғы ауылының негізгі көшесіне "Жастар" атауы берілсін.
2. Жұрын ауылдық округі халқының пікірін ескере отырып, Жұрын ауылдық округіне қарасты Тәжірибе ауылындағы төменгі ауылының негізгі көшесіне "Еңбекші қазақ" атауы берілсін.
3. Көшелерге Тәжірибе ауылындағы жоғарғы және төменгі ауылының барлық үйлері жатқызылсын.
4. Осы шешім Әділет басқармасында мемлекеттік тіркелген күннен бастап күшіне енеді және алғашқы ресми жарияланған күннен бастап 10 күнтізбелік күн өткен соң қолданысқа енгізіледі.
Жұрын ауылдық
округінің әкімі: Қ. Ешауов