2008 жылға арналған қалалық бюджет туралы

      Қазақстан Республикасының Бюджет кодексіне, Қазақстан Республикасының "Қазақстан Республикасындағы жергілікті мемлекеттік басқару туралы" Қазақстан Республикасының заңына және облыстық мәслихаттың "2008 жылға арналған облыстық бюджет туралы" 2007 жылғы 11 желтоқсандағы N 3/24 шешіміне сәйкес, қалалық мәслихат ШЕШІМ ЕТТІ:
      1. 2008 жылға арналған қалалық бюджет 1-қосымшаға сәйкес мынадай көлемде бекітілсін:
      1) кірістер - 9 884 584 мың теңге, соның ішінде:
      салықтық түсімдер бойынша - 7 392 144 мың теңге;
      салықтық емес түсімдер бойынша - 265 564 мың теңге;
      негізгі капиталды сатудан түсетін түсімдер - 987 950 мың теңге;
      трансферттердің түсімдері - 1 238 926 мың теңге;
      2) шығындар - 10 332 947 мың теңге;
      3) операциялық сальдо - 448 363 мың теңге;
      4) таза бюджеттік несиелендіру - 0 теңге;
      5) қаржылық активтермен болатын операциялар бойынша сальдо -
109 900 мың теңге, соның ішінде қаржылық активтерді сатып алуға - 109 900 мың теңге;
      6) бюджеттің тапшылығы (профициті) - 558 263 мың теңге;
      7) бюджеттің тапшылығын қаржыландыру (профицитін қолдану) -
558 263 мың теңге.
      Ескерту: 1-тармаққа жаңа редакцияда - Ақтау қалалық мәслихатының 2008.07.16 N 10/99 (2008 жылдың 1 қаңтарынан бастап қолданысқа енгізіледі) Шешімімен.

      2. Салықтық түсімдер бойынша қалалық бюджетке кірістер бөлу нормативтері мыналар бойынша төмендегідей көлемде белгіленгені ескерілсін:
      төлем көзінен ұсталмайтын кірістен алынатын жеке табыс салығы -  24,2 пайыз;
      төлем көзінен ұсталмайтын кірістен алынатын жеке табыс салығы - 100 пайыз;
      қызметін біржолғы талондар бойынша жүзеге асыратын жеке тұлғалардан алынатын жеке табыс салығы - 100 пайыз;
      әлеуметтік салық - 16,5 пайыз.
      Шетел азаматтардың табысынан, төлем көзінен ұсталатын жеке табыс салығы - 95,8%.
      Ескерту: 2-тармаққа өзгерістер енгізілді - Ақтау қалалық мәслихатының 2008.02.18 N 6/49 , 2008.05.22 N 9/88 , 2008.07.16 N 10/99 , 2008.09.02 N 12/115 , 2008.10.15 N 13/125 (2008 жылдың 1 қаңтарынан бастап қолданысқа енгізіледі және ресми жариялануға жатады) шешімдерімен.

      3. Қалалық бюджеттен бөлінетін азаматтардың жеке топтарына төленетін әлеуметтік төлемдер келесі көлемдерде бекітілсін:
      1) 1,5 айлық есептік көрсеткіш мөлшерінде тоқсан сайынғы әлеуметтік көмек:
      Ұлы Отан соғысының қатысушылары мен мүгедектеріне;
      жеңілдіктер мен кепілдіктер жағынан Ұлы Отан соғысының қатысушылары мен мүгедектеріне теңестірілген адамдар;
      Ұлы Отан соғысының ардагерлерінің қайта тұрмыс құрмаған жесірлері;
      мүгедектігі бойынша мемлекеттік әлеуметтік жәрдемақы алушылар;
      жасына байланысты мемлекеттік әлеуметтік жәрдемақы алушылар;
      асыраушысынан айырылу жағдайы бойынша мемлекеттік әлеуметтік жәрдемақы алушылар (балаларға);
      2) 1 айлық есептік көрсеткіш мөлшерінде ай сайынғы әлеуметтік көмек:
      Ұлы Отан соғысының қатысушылары мен мүгедектері;
      жеңілдіктер мен кепілдіктер жағынан Ұлы Отан соғысының қатысушылары мен мүгедектеріне теңестірілген адамдар;
      Ұлы Отан соғысының ардагерлерінің қайта тұрмыс құрмаған жесірлері;
      мүгедектігі бойынша мемлекеттік әлеуметтік жәрдемақы алушылар;
      жалғызілікті зейнеткерлерге;
      2-1) ай сайынғы қосымша үстемақы:
      облыстық маңыздағы дербес зейнеткерлерге 1 айлық есептік көрсеткіш көлемінде;
      қаланың құрметті азаматтарының, Ұлы Отан соғысының ардагерлері мен мүгедектерінің үй ішіндегі электр қондырғыларының қызмет етуіне 58 теңге.
      3) 5 айлық есептік көрсеткіш мөлшерінде үйден оқып және тәрбиеленетін бала кезден мүгедек балаларға әлеуметтік көмек;
      4) Қазақстан Республикасының мемлекеттік мерекелері мен атаулы күндер құрметіне әлеуметтік көмек:
      Ұлы Жеңіс күніне (9 мамыр):
      Ұлы Отан соғысының қатысушылары мен мүгедектеріне 30 000 теңге мөлшерінде;
      Ауғанстанда әскери қызметін өтеу кезінде мүгедек болған әскери қызметшілерге 25 000 теңге мөлшерінде;
      Ауғанстанда әскери қимылдарға қатысқан әскери қызметшілерге 20 000 теңге мөлшерінде;
      Чернобыль АЭС-індегі апаттың салдарын жоюға қатысқан және Чернобыль АЭС-індегі апаттың салдарынан мүгедек болған адамдарға 20 000 теңге;
      Ұлы Отан соғысы ардагерлерінің қайта тұрмыс құрмаған жесірлеріне 3 айлық есептік көрсеткіш мөлшерінде;
      жеңілдіктер мен кепілдіктер жағынан Ұлы Отан соғысының мүгедектеріне теңестірілген адамдардың басқа да санаттарына 3 айлық есептік көрсеткіш мөлшерінде;
      жеңілдіктер мен кепілдіктер жағынан Ұлы Отан соғысының қатысушыларына теңестірілген адамдардың басқа да санаттарына 2 айлық есептік көрсеткіш мөлшерінде;
      Ұлы Отан соғысы жылдары жанқиярлық еңбегі мен мінсіз әскери қызметі үшін орден, медальдармен марапатталған адамдарға 3 айлық есептік көрсеткіш мөлшерінде;
      1941 жылғы 22 маусым мен 1945 жылғы 9 мамыр аралығында 6 айдан кем емес жұмыс істегендер (қызмет еткендер) және тылдағы жанқиярлық еңбегі мен мінсіз әскери қызметі үшін орден, медальдарымен марапатталмаған адамдарға 2 айлық есептік көрсеткіш мөлшерінде;
      Ауғанстандағы ұрыс қимылдары кезінде жараланудың, контузия алудың, зақымданудың немесе ауруға шалдығудың салдарынан қаза тапқан (хабар-ошарсыз кеткен) немесе қайтыс болған әскери қызметшілердің отбасыларына 10 000 теңге мөлшерінде;
      қарттар күніне (1 қазан):
      70 жастан асқан жалғызілікті зейнеткерлерге 2 айлық есептік көрсеткіш мөлшерінде;
      Мүгедектер күніне (қазанның екінші жексенбісі):
      барлық топтағы мүгедектер, бала кезден мүгедектер, мүгедек-балаларға 2 айлық есептік көрсеткіш мөлшерінде;
      Қазақстан Республикасы күніне (25 қазан):
      асыраушысынан айырылу жағдайы бойынша мемлекеттік әлеуметтік жәрдемақы алушыларға (балаларға) 2 айлық есептік көрсеткіш мөлшерінде.
      қала күніне: қаланың құрметті азаматтарына 10 айлық есептік көрсеткіш көлемінде.
      4-1) бір жолғы материалдық көмек:
      Ұлы Отан соғысының ардагерлері мен мүгедектеріне, Чернобыль АЭС мүгедектеріне тіс протездерін дайындауға 10 000 теңгеге дейін;
      Ұлы Отан соғысының ардагерлері мен мүгедектеріне-таңдауы бойынша облыстық қоғамдық-саяси газеттің бір түріне жазылу үшін мерзімді баспасөзге жылдық жазылу құны;
      Ұлы Отан соғысының ардагерлері мен мүгедектеріне амбулаториялық ем алу кезінде дәрі-дәрмек сатып алуға 5000 теңге көлемінде;
      аз қамтылған азаматтар мен аса мүжәлсіз азаматтардың басына қиын жағдай туғанда, қалалық бюджеттің қаражатынан берілетін біржолғы материалдық көмек
      5) Қазақстан Республикасының жоғарғы оқу орындарындағы оқуды төлеу мақсатымен жалпы орта білім беру мектептерінің түлектеріне әлеуметтік көмек. әлеуметтік көмектің бағытталуы мен төлену тәртібі Маңғыстау облысы әкімдігінің қаулысына сәйкес жүргізіледі
      Ескерту: өзгерту енгізілді - Ақтау қалалық мәслихатының 2008.02.18 N 6/49 , 2008.05.22 N 9/88 , 2008.09.02 N 12/115 шешімдерімен;

      4. Ауылдық елді мекендерде жұмыс жасайтын білім берудің мемлекеттік ұйымдарының педагогикалық қызметкерлеріне, денсаулық сақтау мемлекеттік ұйымдарының медициналық және фармацевт жұмысшыларына,әлеуметтік қамту мемлекеттік ұйымдарының жұмысшыларына, мәдениет және спорт мемлекеттік ұйымдарының жұмысшыларына 25 пайыз көтеріңкі жалақы (тарифтік мөлшерлемелер) белгіленсін.
      Келесі мазмұндағы 4-1, 4-2, 4-3, 4-4, 4-5, 4-6 тармақтарымен толықтырылсын:
     4-1. 2008 жылға арналған қалалық бюджетте республикалық бюджеттен қалалық бюджетке қазақстан Республикасындағы білім дамытудың 2005-2010 жылдарға арналған мемлекеттік бағдарламасын іске асыруға 102 420 мың теңге сомасындағы нысаналы ағымдағы трансферттер қаралғаны ескерілсін, оның ішінде:
      мемлекеттік бастауыш, негізгі орта және жалпы орта білім мекемелерінде лингафондық және мультимедиялық кабинеттер жасауға - 5 541 мың теңге;
      мемлекеттік бастауыш, негізгі орта және жалпы орта білім берудің мемлекеттік жүйесінде интерактивті оқыту жүйесін енгізуге - 96 879 мың теңге.
      4-2. 2008 жылға арналған қалалық бюджетте күнкөріс минимумы деңгейінің өсуіне байланысты әлеуметтік аядағы шараларды іске асыруға республикалық бюджеттен нысаналы ағымдағы  трансферттер қаралғаны ескерілсін:
      мемлекеттік атаулы әлеуметтік көмек төлеуге - 10 000 мың теңге
      18 жасқа дейінгі балаларға ай сайынғы мемлекеттік жәрдемақылар төлеуге - 13 500 мың теңге.
      4-3. 2008 жылға арналған қалалық бюджетте республикалық бюджеттен 2008-2010 жылдарға арналған тұрғын үй құрылысының мемлекеттік бағдарламасын іcкe асыру шеңберінде нөлдік сыйақы (мүдде) мөлшерлемесі бойынша 999 000 мың теңге көлемінде нысаналы трансферттер және бюджеттік несиелер қаралғаны ескерілсін, оның ішінде:
      мемлекеттік коммуналдық тұрғын-үй қорынан тұрғын-үй салуға - 215 000 мың теңге;
    100 мектеп және 100 аурухана жобасы аясында білім беру және денсаулық сақтау қызметкерлеріне тұрғын-үй салуға және оны сатып алуға қала бюджетін несиелендіруге - 200 000 мың теңге;
    инженерлік-коммуникациялық инфрақұрылымды дамыту және абаттандыруға - 584 000 мың теңге.
     4-4. 2008 жылға арналған қалалық бюджетте республикалық бюджеттен электрондық үкімет шеңберінде адами капиталды дамытуға және мемлекеттік қызметшілерді компьютерлік біліктілікке оқытуға 4 006 мың теңге көлемінде  нысаналы трансферттер қаралғаны ескерілсін, оның ішінде.
      электрондық үкімет шеңберінде адами капиталды дамытуға - 463 мың теңге;
      мемлекеттік қызметшілерді компьютерлік біліктілікке оқытуға -  3 543 мың теңге.
     4-5. 2008 жылға арналған қалалық бюджетте облыстық бюджет қаражаты есебінен "Мектеп ауласы" жобасының 1 кезеңін іске асыруға 320 000 мың теңге көлемінде нысаналы трансферттер қаралғаны ескерілсін.
     4-6. 2008 жылға арналған қалалық бюджетте қазақстан Республикасында 2005-2007 жылдарға арналған тұрғын-үй құрылысын дамытудың Мемлекеттік бағдарламасын іске асыру аясында сыйақының (мүдденің) "нөлдік" ставкасы арқылы тұрғын-үй құрылысына бұрын алынған қарыз бойынша тұрғындарға пәтер сатудан 300 мың теңге көлемінде түсімдер қаралғаны ескерілсін.
      Қайтқан қаражат мыналарға:
      50 000 мың теңге теңге - қалалық бюджеттен облыстық бюджетке қарызын өтеуге;
      250 000 мың теңге - 2008-2010 жылдарға арналған тұрғын-үй Мемлекеттік бағдарламасын іске асыру аясында сыйақының (мүдденің) "нөлдік" ставкасы арқылы тұрғын-үй салуға бағытталады.
      4-7. Қала әкімдігімен анықталатын тәртіпке сәйкес, жоғарғы және орта кәсіптік оқу орындарының күндізгі оқу бөлімдерінде оқитын студенттерге қоғамдық көлікте (таксиден басқа) жеңілдікпен жүру құқығы берілсін.
      Ескерту: өзгерту енгізілді - Ақтау қалалық мәслихатының 2008.02.18 N 6/49 , 2008.05.22 N 9/88 , 2008.07.16 N 10/99 шешімдерімен.

      5. Қала әкімдігінің резерві 5 559 мың теңге көлемінде бекітілсін.
      Ескерту: өзгерту енгізілді - Ақтау қалалық мәслихатының 2008.02.18 N 6/49 , 2008.05.22 N 9/88 , 2008.10.15 N 13/125 , (2008 жылдың 1 қаңтарынан бастап қолданысқа енгізіледі және ресми жариялануға жатады) шешімдерімен.

      6. 2-қосымшаға сәйкес бюджеттік инвестициялық жобаларды (бағдарламаларды) іске асыруға бағытталған қалалық бюджеттің 2008 жылға арналған бюджеттік даму бағдарламаларының тізбесі бекітілсін.

      7. 3-қосымшаға сәйкес 2008 жылы қалалық бюджеттің орындалу барысында секвесторға жатпайтын бюджеттік бағдарламалардың тізбесі бекітілсін.

      8. 4-қосымшаға сәйкес Өмірзақ селосы бойынша 2008 жылға арналған бюджеттік бағдарламалар тізбесі бекітілсін.

      9. Осы шешім 2008 жылдың 1 қаңтарынан бастап қолданысқа енгізіледі.

      Сессия төрағасы      Қалалық мәслихаттың хатшысы
      Қ. Арғынов           Ж. Матаев

      КЕЛІСІЛДІ:
      Экономика және бюджеттік жоспарлау
      бөлімінің бастығы
      _________________А.Н.Ким
      13 желтоқсан 2007 жыл

Қалалық мәслихаттың  
2008 жылғы 2 қыркүйектегі
12/115 шешіміне 1-қосымша

2008 жылға арналған қалалық бюджет

      Ескерту: өзгерістер енгізілді - Ақтау қалалық мәслихатының 2008.02.18 N 6/49 , 2008.05.22 N 9/88 , 2008.07.16 N 10/99 , 2008.09.02 N 12/115 , 2008.10.15 N 13/125 , (2008 жылдың 1 қаңтарынан бастап қолданысқа енгізіледі және ресми жариялануға жатады) шешімдерімен.

Қалалық мәслихаттың шешіміне
2008 жылғы 22 мамырдағы N 9/88
2-қосымша       

БЮДЖЕТТІК ИНВЕСТИЦИЯЛЫҚ ЖОБАЛАРДЫ (БАҒДАРЛАМАЛАРДЫ) ІСКЕ АСЫРУҒА БАҒЫТТАЛҒАН БЮДЖЕТТІК БАҒДАРЛАМАЛАРҒА БӨЛІНГЕН, 2008 ЖЫЛҒА АРНАЛҒАН ҚАЛАЛЫҚ БЮДЖЕТТІҢ БЮДЖЕТТІК ДАМУ БАҒДАРЛАМАЛАРЫНЫҢ ТІЗБЕСІ

      Ескерту: өзгерту енгізілді - Ақтау қалалық мәслихатының 2008.02.18 N 6/49 , 2008.05.22  N 9/88 , 2008.10.15 N 13/125 , (2008 жылдың 1 қаңтарынан бастап қолданысқа енгізіледі және ресми жариялануға жатады) шешімдерімен.

Қалалық мәслихаттың шешіміне 
2007 жылғы 13 желтоқсандағы N 5/34
3 қосымша         

2008 ЖЫЛЫ ҚАЛАЛЫҚ БЮДЖЕТТІҢ ОРЫНДАЛУ БАРЫСЫНДА СЕКВЕСТОРҒА ЖАТПАЙТЫН БЮДЖЕТТІК БАҒДАРЛАМАЛАРДЫҢ ТІЗБЕСІ

Қалалық мәслихаттың шешіміне
2007 жылғы 13 желтоқсандағы N 5/34
4 қосымша

      Ескерту: 4 қосымша жаңа редакцияда - Ақтау қалалық мәслихатының 2008.05.22 N 9/88 шешімімен;

2008 ЖЫЛҒА АРНАЛҒАН ӨМІРЗАҚ СЕЛОСЫ БОЙЫНША БЮДЖЕТТІК БАҒДАРЛАМА ТІЗБЕСІ