Парниктік газдардың шығарындыларын және озонды бұзатын заттарды тұтынуды түгендеу ережесін бекіту туралы

       Қолданушылардың назарына!!!
      Бұйрықтың қолданысқа енгізілу тәртібін  2-тармақтан қараңыз.

      Қазақстан Республикасының 2007 жылғы 9 қаңтардағы Экологиялық кодексінің 17-бабындағы 30-тармақшасына сәйкес  БҰЙЫРАМЫН:

      1. Қоса беріліп отырған Парниктік газдардың шығарындыларын және озонды бұзатын заттарды тұтынуды түгендеу ережесі бекітілсін.

      2. Осы бұйрық ол алғашқы ресми жарияланған күнінен бастап он күнтізбелік күн өткеннен кейін қолданысқа енгізіледі.

       Министр

Қазақстан Республикасы       
Қоршаған ортаны қорғау министрінің 
2007 жылғы»13 желтоқсандағы    
N 348-ө бұйрығымен бекітілген   

Парниктік газдар шығарындыларын және озон қабатын бұзатын
заттарды тұтынуды түгендеу ережесі

1. Жалпы ережелер

      1. Парниктік газдар шығарындыларын және озон қабатын бұзатын  заттарды тұтынуды түгендеу ережесі (бұдан әрі - Ереже) Қазақстан Республикасының Экологиялық кодексіне сәйкес әзірленген және парниктік газдар шығарындыларын және озон қабатын бұзатын заттарды тұтынуды түгендеу тәртібін анықтайды.

      2. Парниктік газдардың шығарындыларын және озонды бұзатын  заттарды түгендеудің негізгі мақсаттары болып мыналар табылады:
      парниктік газдар шығарындыларының және озонды бұзатын заттардың атмосфералық ауаға әсер ету дәрежесін бағалау және парниктік газдардың атмосфераға шығарындыларының кәсіпорын бойынша тұтастай да, жеке көздер бойынша да жол берілетін шекті нормативтерін белгілеу үшін бастапқы деректерді алу;
      парниктік газдар шығарындыларының және озонды бұзатын заттардың сандық және сапалы сипаттамаларын анықтау;
      мемлекеттік есепке алу;
      кәсіпорында шикізат ресурстарын және пайдаланудың және қалдықтарды кәдеге жаратудың тиімділігін бағалау;
      атмосфералық ауаны қорғау жөніндегі жұмыстарды жоспарлау.

      3. Парниктік газдардың атмосфераға шығарындыларының және озон қабатын бұзатын заттарды тұтыну көздері бар заңды тұлғалар жыл сайын парниктік газдар шығарындыларын және озонды бұзатын заттарды түгендеу жүргізеді және оны есептілік жылдан кейінгі жылғы отызыншы наурыздан кешіктірмей қоршаған ортаны қорғау саласындағы уәкілетті органға ұсынады. 

  2. Парниктік газдар шығарындыларына түгендеу жүргізу тәртібі

      4. Парниктік газдар шығарындыларына түгендеу жүргізген кезде парниктік газдар шығарындыларының көздерін зерттеу жүргізіледі және парниктік газдардың түрлері мен саны анықталады.

      5. Парниктік газдар шығарындыларына жүргізілген түгендеудің нәтижелері бойынша табиғат пайдаланушылар 1-қосымшаға сәйкес парниктік газдарды түгендеу паспортын толтырады.

      6. Табиғат пайдаланушы парниктік газдарды түгендеу паспортын 1-қосымшаға сәйкес жасайды.
      Парниктік газдарды түгендеу паспорты мыналарды қамтиды:
      1) тіркеу нөмірін;
      2) кімнің меншігінде/иелігінде парниктік газдардың көздері болатын табиғат пайдаланушы ұйымның атауы;
      3) парниктік газдарды түгендеу паспортын жасаған және бекіткен тұлғалардың аты-жөні және лауазымдары;
      4) парниктік газдардың көздері орналасуының схематикалық картасы, масштабы, географиялық координаттары;
      5) оның нәтижесінде парниктік газ пайда болған экономикалық қызметтің түрі;
      6) жерлер санаты;
      7) әкімшілік бірліктерге қалай орналасуы;
      8) пайдаланудың жалпы мәліметтері;
      9) парниктік газдардың сипаттамасы;
      10) объект туралы деректер көздері. Паспортта ұсынылған деректер алынған құжат(тар)дың атауы, күні, авторлары көрсетілсін.

  3. Озон қабатын бұзатын заттарды тұтынуға түгендеу жүргізу   тәртібі

      7. Түгендеу жүргізген кезде құрамында озон қабатын бұзатын заттар (бұдан әрі - ОҚБЗ) бар өнім зерттеледі, ОҚБЗ түрлері мен саны анықталады.

      8. ОҚБЗ тұтынуға жүргізілген түгендеудің нәтижелері бойынша  2-қосымшаға сәйкес озон қабатын бұзатын заттарды тұтынуға түгендеу паспорты толтырылады.

      9. Паспорт озонды бұзатын заттарды таза күйінде және құрамында олар бар өнімді тұтынудың жыл сайынғы айналымына жасалады.

      10. Озонды бұзатын заттарды тұтынуды түгендеу паспорты мынадай ережелерді қамтуы тиіс:
      1) тіркеу нөмірін;
      2) кімнің меншігінде/иелігінде ОБЗ болатын табиғат пайдаланушы ұйымның атауы;
      3) ОБЗ түгендеу паспортын жасаған және бекіткен тұлғалардың аты-жөні және лауазымдары;
      4) ұйымның әкімшілік бірліктерге қалай орналасуы;
      5) ОБЗ әкелу/шығару туралы деректер;
      6) құрамында ОБЗ бар өнімді әкелу/шығару туралы деректер;
      7) қызметтің түрлері бойынша тұтынылған ОБЗ саны;
      8) объект туралы деректер көздері. Паспортта ұсынылған деректер алынған құжат(тар)дың атауы, күні, авторлары көрсетілсін.

Парниктік газдардың шығарындыларын   
және озонды бұзатын заттарды тұтынуды 
түгендеу ережесіне 1-қосымша     

Парниктік газдарды түгендеу паспорты 

Тіркеу нөмірі______________________________
           (уәкілетті орган толтырады)

Ұйым _______________________________________________________

Орындаушы(лар)  ___________________________  _______________
                       аты-жөні, лауазымы               қолы  

Ұйымның басшысы ___________________________  _______________
                             аты-жөні                  қолы/мөр 

Экономикалық қызметтің түрі    _______________________

1. Парниктік газдардың көздері орналасуының схематикалық картасы, масштаб

2. Географиялық координаттар:

3. Жерлер санаты

4. Әкімшілік орналасуы (облыс, аудан, қала, кент)

5. Парниктік газдар шығарындыларының көздері болып табылатын объектіні пайдаланудың жалпы мәліметтері 

Кестенің жалғасы

Кестенің жалғасы

      6. Парниктік газдардың сипаттамасы

      7. Объект туралы деректер көзінің тізбесі (Паспортта ұсынылған деректер алынған құжат(тар)дың атауы, күні, авторлары көрсетілсін).

Ескертпелер:

* Ауылшаруашылық кәсіпорындар үшін
**Тонна СО2 - эквиваленті - көміртегінің диоксиді шығарындыларының бір метрикалық тоннасы немесе олар үшін жаһандық жылыну әлеуетінің көміртекті эквиваленті белгіленген Атмосфераға парниктік газдардың шығарындыларын және озонды бұзатын заттарды тұтынуды түгендеу ережесіне 1-қосымшада аталған парниктік газдардың кез келгенінің тиісті саны.

Парниктік газдардың шығарындыларын   
және озонды бұзатын заттарды тұтынуды 
түгендеу ережесіне 2-қосымша      

Озонды бұзатын заттарды тұтынуды түгендеу паспорты

Тіркеу нөмірі_____________________________
             (уәкілетті орган толтырады)

Ұйым _______________________________________________________

Орындаушы(лар)  ___________________________  _______________
                       аты-жөні, лауазымы               қолы  

Ұйымның басшысы ___________________________  _______________
                             аты-жөні                  қолы/мөр 

1. Әкімшілік орналасу (ұйым) (облыс, аудан, қала, кент)

2. ОБЗ әкелу (немесе сатып алу)/шығару (немесе сату)

3. Құрамында ОБЗ бар өнімді әкелу/шығару

4. Қызметтің түрлері бойынша тұтынылған озонды бұзатын заттардың саны

8. Объект туралы деректер көздерінің тізбесі (Паспортта ұсынылған деректер алынған құжат(тар)дың атауы, күні, авторлары көрсетілсін).