Кәсіби аудиторлық ұйымдарды аккредиттеу ережесін бекіту туралы

      "Аудиторлық қызмет туралы" Қазақстан Республикасының Заңын іске асыру мақсатында БҰЙЫРАМЫН:

      1. Қоса беріліп отырған Кәсіби аудиторлық ұйымдарды аккредиттеу ережесі бекітілсін.

      2. Мемлекеттік активтерді басқару әдіснамасы департаменті заңнамада белгіленген тәртіппен осы бұйрықтың Қазақстан Республикасы Әділет министрлігінде мемлекеттік тіркелуін және оның ресми бұқаралық ақпарат құралдарында кейіннен жариялануын қамтамасыз етсін.

      3. Осы бұйрық 2006 жылғы 24 қарашадан бастап қолданысқа енгізіледі және ресми жариялануға жатады.

Кәсіби аудиторлық ұйымдарды аккредиттеу қағидалары

      Ескерту. Қағида жаңа редакцияда - ҚР Қаржы министрінің 04.06.2015 № 346 (алғаш ресми жарияланған күнінен бастап қолданысқа енгізіледі) бұйрығымен.

1. Жалпы ережелер

      1. Осы Кәсіби аудиторлық ұйымдарды аккредиттеу қағидалары (бұдан әрі - Қағидалар) "Аудиторлық қызмет туралы" Қазақстан Республикасының 1998 жылғы 20 қарашадағы Заңына (бұдан әрі - Заң) сәйкес әзірленді және аудиторлық қызмет саласындағы уәкілетті органның (бұдан әрі - уәкілетті орган) Қазақстан Республикасының кәсіби аудиторлық ұйымдарды (бұдан әрі - кәсіби ұйымдар) аккредиттеу жүргізу тәртібін айқындайды.

      2. Кәсіби ұйымдар уәкілетті органның Заңға сәйкес кәсіби ұйымдардың құқықтылығын ресми мойындау мақсатында аккредиттеуден өтеді.

2. Аккредиттеу жүргізу тәртібі

      3. "Электрондық үкіметтің" www.egov.kz веб-портал арқылы (бұдан әрі – Портал) кәсіби ұйымдар аккредиттеуден өту үшін мыналарды ұсынады:

      1) осы Қағидаларға 1-қосымшаға сәйкес нысан бойынша кәсіби ұйымның электрондық цифрлық қолтаңбасымен (бұдан әрі – ЭЦҚ) куәландырылған электрондық құжат нысанындағы сұрау салу;

      2) осы Қағидаларға 2-қосымшаға сәйкес нысан бойынша мәліметтер нысаны.

      4. Кәсіби ұйымдардың құжаттарын қарау және аккредиттеу туралы куәлік беру, қайта ресімдеу туралы шешім қабылдау мерзімі осы Қағидалардың 3-тармағында көрсетілген құжаттардың қабылданған күнінен бастап бес жұмыс күнін құрайды.

      5. Кәсiби ұйымдар мынадай талаптарға жауап береді:

      1) аудиторлар мен аудиторлық ұйымдар ғана кәсіби ұйымдардың құрылтайшылары және қатысушылары болып табылады;

      2) аудиторлар мен аудиторлық ұйымдар бір ғана кәсіби ұйымның мүшелері болып табылады;

      3) Халықаралық бухгалтерлер федерациясының Этика кодексінің талаптарына сәйкес келетін Этика кодексін әзірлейді және қабылдайды.

      Кәсіби ұйымдардың басқару органы аудиторлар – соңғы бес жылдың үш жылы ішінде қаржылық ұйымдардың аудиті саласында жұмыс тәжірибесімен саны кемінде үш аудитор болатын кәсіби аудиторлар ұйымының мүшелері санынан қалыптасады.

      Кәсіби ұйымдардың мынадай:

      1) сапасын бақылау бойынша;

      2) аудит және қаржылық есептіліктің халықаралық стандарттары бойынша;

      3) аудиторлардың біліктілігін арттыру бойынша;

      4) этика мәселелері бойынша;

      5) дауларды қарау бойынша жұмыс органдары (комитеттері) бар.

      Кәсіби ұйымдардың сондай-ақ қалауы бойынша басқа жұмыс органдары (комитеттері) болуы мүмкін.

      6. Кәсіби ұйымның аккредиттелуі туралы куәлік аккредиттеуді растайтын ресми құжат болып табылады, Қазақстан Республикасының бүкіл аумағында әркет етеді және әрекет ету мерзімі шектеусіз беріледі.

      7. Кәсіби ұйымның заңды мекенжайы өзгерген жағдайда аккредиттелуі туралы куәлік қайта ресімдеуге жатады.

      Кәсiби аудиторлық ұйымды аккредиттеу туралы куәлікті қайта рәсімдеу үшін заңды мекенжайы өзгерген күннен бастап он күнтізбелік күн ішінде Порталға осы Қағидалардың 1-қосымшасына сәйкес нысан бойынша кәсiби ұйымның уәкілетті тұлғасы ұсыну қажет.

      8. Уәкілетті орган аккредиттелген кәсіби ұйымдар тізілімін жүргізеді және оны уәкілетті органның сайтына орналастырады.

      Уәкілетті орган аккредиттелген кәсіби ұйымдар тізілімі өзгерген жағдайда өз интернет-ресурсына орналастырылған ақпаратты өзгеріс туралы ақпарат түскен күннен бастап үш жұмыс күні ішінде жаңартады.

       Нысан

Өтiнiш

      ____________________________________________________________________

      (кәсіби аудиторлық ұйымның толық атауы, БСН)

      ________________________________________ қызметтi жүзеге асыру үшiн

      ___________________ аккредиттеудi (қайта рәсімдеуді, телнұсқа беруді)

      сұраймын.

      Орналасқан жері: ______________________________________________

      _____________________________________________________________________

      _____________________________________________________________________

      _____________________________________________________________________

      Ақпараттық жүйелерде қамтылған заңмен қорғалатын құпияны құрайтын мәліметтерді пайдалануға келісемін

      20__ ж. "__"____________________

      Кәсiби аудиторлық ұйымның

      басшысы __________________________________

      (Тегі, аты және әкесінің аты

      (болған кезде)

       Нысан

Мәліметтер нысаны

      Аудиторлар мен аудиторлық ұйымдардың

      тізбесі

      Мүшелер _____________________________________________________________

      _____________________________________________________________________

      (кәсіби аудиторлық ұйымның атауы, БСН көрсетіледі)

       № 1 кесте

       № 1 кестенің жалғасы

       № 2 кесте

       № 2 кестенің жалғасы

      Кәсіби аудиторлық ұйымның құрылымы

      (комитеттер, бөлімдер және т.б.)

      Ескертпе:

      * кәсіби ұйымдардың басқа жұмыс органдары (комитеттері) болуы мүмкін.

      Кәсіби аудиторлық ұйымның

      басшысы __________________________________ ______________

       (Тегі, аты және әкесінің аты (күні)

       (болған кезде)